मञ्जुश्रीमूलकल्प

शासने दुष्टचित्तानां अप्रसन्नां प्रसदनाम् / विनयार्थं तु सत्त्वानां दमनार्थं पिशिताशिनाम् // mmk_44.112 //

निग्रहार्थं तु दुष्टानां सौम्यसत्त्वप्रसादनाम् / उक्तो मन्त्रवरो ह्यग्रः न कुर्यात् प्राणान्तिकं कदा // mmk_44.113 //

सर्वलौकिकमन्त्राणां वज्रिणे च महर्द्धिकाम् / अग्रो मन्त्रवरो ह्युक्तः सर्वलौकिकदेवताम् // mmk_44.114 //

अपरो मन्त्रवरो ह्येष सर्वलौकिकदेवताम् / मन्त्राणां मूर्ध्नजो ज्ञेयः शिव एकाक्षरो ह्यतः // mmk_44.115 //

ईश्वरः सर्वलोकानां मन्त्राणां तु लौकिकां प्रभुः / परमेश्वरमित्याहुः स्वकारो ता विदुर्बुधाः // mmk_44.116 //

सर्वमन्त्रास्तु गीयन्ते यावन्त्यो लौकिकाः स्मृताः / सर्वे ते यत्र वै मन्त्रे निबद्धा सर्वत्र पूजिता // mmk_44.117 //

विहिता मुनिवरै ह्येता मुद्रा सर्वत्र योजिता / मता शिवतमा श्रेष्ठा लौकिकाग्रा समाहिता // mmk_44.118 //

ईश्वराद्यान्तर्भूता वै विपश्यग्रहमातराम् / कटपूतनयक्षाद्यां राक्षसां पिशिताशिनाम् // mmk_44.119 //

गरुडध्वजविष्णोश्च ब्रह्मणश्चापि कीर्तिता / मुद्रा ह्येताः समादिष्टा दुर्दान्तदमने हिता // mmk_44.120 //

प्रशस्ता मङ्गला ह्येता मुद्रा ह्युक्ता मनीषिभिः / वश्यावेषणभूतानां आकृष्टा हेतवोहिताम् // mmk_44.121 //

विविक्ते तु सदा देशे शुक्लपुष्पैः सुशोभिते / सुमृष्टे सिद्धगन्धैस्तु श्वेतचन्दनकुङ्कुमैः // mmk_44.122 //

जातीकुसुममालाभिः अभ्यर्च्य सुगतं प्रभुम् / शाक्यसिंहं महापुण्यं सर्वमन्त्रेश्वरं विभुम् // mmk_44.123 //

सर्वज्ञं सर्वदा भक्त्या प्रणिपत्य तथागतम् / मन्त्रनाथं च लोकेशं वज्रिणं चापि शक्तितः // mmk_44.124 //

मञ्जुश्रियं महात्मानं धर्मधात्वेश्वरं गुरुम् / सर्वं बुद्धसुतां बुद्धां अनुपूर्व्या समाहितः // mmk_44.125 //

कुशविण्डे पल्लवे चैव सक्षीअरे सार्द्रे सुशोभने / उपविष्टः प्राङ्मुखः शुचिः // mmk_44.126 //

उदङ्मुखः शान्तिकर्मे तु पश्चादाह्वानने न मुखे / न कुर्युः सर्वकर्माणि यथादैवतमन्दिराम् // mmk_44.127 //

प्रवृत्तः सर्वभूतेषु दयावां मुद्रकर्मणि / सर्वत्र योजिता मुद्रा कुर्यात् सर्वसाधनम् // mmk_44.128 //

पूर्वाभिमुखे पौष्टिकं कर्म मन्त्राणामानयने ध्रुवम् / पश्चान्मुखे तु कुर्वीत वश्यार्थं सर्वभौतिकम् // mmk_44.129 //

उदङ्मुखे शान्तिकं विन्द्यात् सर्वव्याधिप्रणाशने / दक्षिणे पापकर्मं तु न कुर्यात् प्राणान्तिकं सदा // mmk_44.130 //

ऊर्ध्वं विघ्ननाशं तु उत्तिष्ठोत्तमसिद्धिदः / असुरपुरे कर्म पातालाधिपते तदा // mmk_44.131 //

अघोमुखश्च कुर्वीत सर्वत्राप्रतिपूजिता / विदिक्षु च सर्वत्र यथा यथा च समासृता // mmk_44.132 //

तेषु तेषु कुर्वीत सिध्यन्ते सर्वदेहिनाम् / कुर्यात् सर्वत्र मुद्राणां विधिहोमसमा जपी // mmk_44.133 //

तत्रस्थां सिद्धिमायान्ति तन्मुखाश्चापि मुद्रिता / विधिः श्रेष्ठः कथ्यतां तां निबोधताम् // mmk_44.134 //

शुचिर्वस्त्रशुचिर्भूत्वा सुखशौचसमाहितः / इमां मुद्रां प्रयुञ्जीत सर्वार्थां च सुसमाधिकाम् // mmk_44.135 //

हस्तावुद्धृत्य गन्धैश्च श्वेतचन्दनकुङ्कुमैः / सुधूपैः प्राण्यङ्गरहितैः कर्पूरागरुचन्दनैः // mmk_44.136 //

युक्तिकुङ्कुममुख्यैश्च कुर्याद्धूमवरं विदा / निवेद्य विविधा कर्मां आचरेद् विधिवत् सदा // mmk_44.137 //

आचरेत् पूर्वनिर्दिष्टं कर्मं सर्वत्र कल्पभाषितम् / प्राङ्मुखो ऽथ ततो भूत्वा उभौ हस्तौ सुसम्पुटौ // mmk_44.138 //

मिश्रीकृतां ततो ऽन्योन्यां अङ्गुल्या वेणितः स्थितौ / मध्यमौ कन्यसौ ज्यष्ठौ अनामिकाग्रौ च योजितौ // mmk_44.139 //

अङ्गुष्ठौ निश्चलौ ज्ञेयौ समौ चापि प्रतिष्ठितौ / शिरस्थाने तदा कुर्या ललाटदेशे तु भक्तितः // mmk_44.140 //

नमस्कारं तथा मन्त्रं षड्वर्णोथ योजिताम् / ओम् वाक्येद नमः वाक्यं स्वाहाकारवर्जितम् // mmk_44.141 //

हुङ्कारापगतं श्रेष्ठं फट्कारापगतं सदा / पवित्रं मङ्गलं ज्येष्ठं हृदयं तु सदा जपेत् // mmk_44.142 //

एष मञ्जुवर श्रेष्ठं बालरूपिसुरूपिणे / पश्चान्मे विश्वरूपे तु हृदयो ऽयं प्रकीर्त्यते // mmk_44.143 //

षडेते षडक्षरा ज्ञेया मन्त्रा श्रेष्ठा हृदयोत्तमा / तेषामग्रतरा ह्येषा प्रवृत्तः सर्वकर्मसु // mmk_44.144 //

इदं मुद्रोत्तमं मन्त्रं कुर्यात् सर्वकर्मसु / मूर्ध्नि स्थाने दत्त्वा ललाटोद्देशे तु युक्तितः // mmk_44.145 //

मध्यमाङ्गुल्यं तु चालेद् वश्यार्थं सार्वभौतिकम् / अङ्गुष्ठाग्रावुभौ नाम्यौ आकृष्टार्थं च देवताम् // mmk_44.146 //

तैरेव विसृतौ नित्यं विसर्ज्यं मन्त्रदेवताम् / मध्यज्येष्ठौ तथा श्रावकांश्च मुनिवरम् // mmk_44.147 //

तर्जन्यौ कुञ्चितौ नित्यौ बोधिसत्त्वां कुलिशोद्भवाम् / दशभूम्येश्वरा ये च आह्वयन्ते न संशयम् // mmk_44.148 //

कन्यसाङ्गुलिसंयुक्ता आकुञ्च्यात् सराह्वये / यक्षराक्षसप्रेतांश्च कूष्माण्डा कटपूतनाम् // mmk_44.149 //

दैत्यदानवसङ्घांश्च यक्षिण्याश्च धनदप्रिया / मातृवत् कुरुते ह्येतां मुद्रेयं सम्प्रपूजिता // mmk_44.150 //

अर्थानर्थां तथा नित्यमिष्टानिष्टा फलप्रदाम् / महामुद्रेति विख्याता गीयते तृभवालये // mmk_44.151 //

एष मुद्रमहामुद्रा बद्धा मूर्धसु पण्डितः / अधृष्यः सर्वभूतानां भवते नात्र संशयः // mmk_44.152 //

दूराद् दूरं नमस्यन्ति सर्वविघ्नविनायका / महाब्रह्मसमं पुण्यं नियतं बोधिमवाप्नुयादिति // mmk_44.153 //

बोधिसत्त्वपिटकावतंसकान्महायानवैपुल्यसूत्रात् आर्यमञ्जुश्रियमूलकल्पात् द्विचत्वारिंशतिमः महामुद्रापटलविसरः परिसमाप्त इति // अथ पञ्चचत्वारिंशः पटलविसरः / अथखलु भगवां शाक्यमुनिः पुनरपि मञ्जुश्रियं कुमारभूतमामन्त्रयते स्म / सर्वां च शुद्धावासभवनसन्निपतितां देवगणानामन्त्रयते स्म / शृण्वन्तु भवन्तो देवसङ्घाः मञ्जुश्रियस्य कुमारभूतस्य महाऋद्धिविकुर्वणप्रातिहार्यविक्रीडितचेष्टितबालरूपस्वरूपनिदर्शनयथाशयत्वसन्तोषणमहायानाग्रधर्मप्रापणं सत्त्वपाकसंयोजनमुद्रामन्त्रप्रभावतत्रसत्त्वयोजनमभिप्रायसम्पूरणार्थं मुद्रापटलं परमगुह्यतमं सर्वमन्त्रतन्त्रकल्पेषु बीजभूतं सारभूतं परमरहस्यं महागुह्यतमं परमोत्तरतन्त्रेषु सर्वलौकिकलोकोत्तरेषु अप्रकाश्यं परमगोप्यं नाशिष्याणां च देयम् अश्राद्धानामनुत्पादितबोधिचित्तानां मत्सरिणामन्यतीर्थायतनभक्त्यानां महायानाग्रधर्मविद्वेषिणां सर्वमन्त्रतन्त्रेषु अगौरवजातानाम् / एतेषां प्रकाश्य अन्येषां प्रकाश्यमिति समयज्ञानां बुद्धशासने प्रतिपन्नानां सुरूपसुवेषश्राद्धमविकलचित्तसन्धानमहोत्साहा सर्वमन्त्रेषु च सगौरव सर्वबुद्धबोधिसत्त्वेषु प्रत्येकबुद्धार्यश्रावक सर्वदेव सब्रह्मचारी सप्रतीसादरजातेषु सत्त्वेषु महासन्नाहसन्नद्धेषु सकलसत्त्वाधात्वोत्तारणाभ्युद्यमोद्यतेषु महाकारुणिकेषु क्षान्तिसौरभ्यसुवचस्केषु सत्त्वेष्वेतेषां देयमन्येषामदेयमित्याहु च //

एक मुद्रागणः श्रेष्ठः प्रयुक्तो मन्त्रयोजितः / करोति कर्म विविधा मनेष्टा मनुयोजिता // mmk_45.1 //

जापिभिः सर्वकालं तु प्रयोक्तव्यः सिद्धिमिच्छता / नाम्ना त्रैलोक्यविख्यातः बुद्धैः अजितः सदा // mmk_45.2 //

स्त्रीसम्पत्करो ह्येष प्रथितः सर्वजन्तुभिः / श्रीवत्सो नाम मुद्रो ऽयं प्रमुखो ऽष्टशते भुवि // mmk_45.3 //

मुद्राणामष्टशतं ज्ञेयं मञ्जुघोष शृणोहि मे / पुरा जिनवरैर्गीतं बुद्धपुत्रैश्च धारितम् // mmk_45.4 //

अहं वक्ष्ये प्रत्यहं वर्त्तमानमनागतम् / अर्थार्थं समनुमोद्ये रक्ष्ये ऽहं भुवनत्रये // mmk_45.5 //

मञ्जुघोषस्तथा हृष्टः उवाच वदतां वरम् / देशयन्तु महात्मानो बुद्धाः सर्वत्र पूजिताः // mmk_45.6 //

यं श्रुत्वा पुरुषाः प्राज्ञाः नियतं बोधिमाश्रये / सर्वेषां तु प्रवृत्तानां जपहोमव्रते स्थिताम् // mmk_45.7 //

ध्रुवं मन्त्रास्तु सिद्ध्येयुरिमैर्मुद्रैस्तु मुद्रिताः / अध्येष्ये ऽहं महावीरं शाक्यसिंहं नरोत्तमम् // mmk_45.8 //

अस्माकं सत्त्वमर्थाय धर्मकोशार्थपूरणम् / महायानाग्रधर्मार्थं मन्त्रचर्यार्थसाधक // mmk_45.9 //

दुर्दान्तदमकं पुण्यं पवित्रं पापनाशनम् / देशयन्तु महावीरा पटलं मुद्रसम्भवम् // mmk_45.10 //

पूरणार्थं तु मुद्राणां सूचनार्थं तु देवताम् / ........... अनुकम्पार्थं तु जापिनाम् // mmk_45.11 //

एवमुक्त्वा तु मञ्जुश्रीः कुमारो बालरूपिणः / निरीक्ष्य सुगतश्रेष्ठं सुखो मञ्जुरवस्तदा // mmk_45.12 //

उवाच मधुरां वाणीं मुनिश्रेष्ठो विनायक / कलविङ्करुतः श्रीमां मेघदुन्दुभिनिःस्वनः // mmk_45.13 //

ब्रह्मस्वरेण वचसा वाचो मभ्याचचक्ष सः / शृणोथ भूतगणाः सर्वे कल्पार्थं मन्त्रदेवताम् // mmk_45.14 //

समयं सर्वदैवानां मुख्यं मुद्राश्च दैवतम् / समतिक्रान्तबुद्धैस्तु प्रत्येकार्हतसाधकैः // mmk_45.15 //

कः पुनरन्यसत्त्वैस्तु विद्यादैवतलौकिकैः / एष मुद्रागणज्येष्ठः सर्वमुद्रेषु कत्थ्यते // mmk_45.16 //

यं तथा जापिनः सर्वे नियतं सिद्ध्यन्ति देवता / आदौ किसलयं नाम्ना द्वितीयं भवति मेखला // mmk_45.17 //

तृतीयं सुमेखला चैव चतुर्थी सुमनुसोद्भवा / पञ्चमी सङ्कलेत्याहुः षष्ठी रेखा प्रघुष्यते // mmk_45.18 //

सुवर्णा सप्तमी ज्ञेया माला भवति चाष्टमी / नवमी अङ्कुशी ख्याता दशमी सप्तदशच्छदा // mmk_45.19 //

एकादशी भवेत् कुन्ता सुकुन्ता द्वादशी भवेत् / कर्दमी त्रयोदशी चात्र पटही पञ्चदशी भवेत् // mmk_45.20 //

षोडशी तु भवेद् यष्टिः मुष्टिः सप्तदशी विदुः / अष्टादश समाख्याता वज्रमाला प्रगीयते // mmk_45.21 //

हेममालोनविंशा तु पद्ममाला थ विंशति / नागी नागमुखी चैव तृतीया भवति महामुखी // mmk_45.22 //

वक्त्रा च वक्त्रसहिता छत्री भवति लोहिता / लोहिता चाष्टविंशा तु नीललोहितिका सिनी // mmk_45.23 //

ज्योत्स्ना जनि तामसी द्वात्रिंशा कथिता भुवि / तारा सुतारा तारावर्ता सुमुद्रजापि // mmk_45.24 //

घोररूपिणी विख्याता रात्री भयदा सदा / महाप्रभावेति विख्याता या मुद्रा भुवि लोचना // mmk_45.25 //

सप्तत्रिंशतिमुद्रास्तु सङ्ख्या ह्येषा प्रगीयते / श्वेता पण्डरा चैव एवला मामकी च या // mmk_45.26 //

महाभयहरी देवी भ्रुकुटी तु प्रगीयते / अजिता अपराजिता ख्याता जया विजया पराजिता // mmk_45.27 //

साधकी साधनी चैव तारा श्वेतेति गीयते / घटकर्परमित्याहुः सुगती गतिशोधिका // mmk_45.28 //

पद्मी पद्मसुता चैव वज्री वज्रमनोद्भवा / स्त्रीसङ्ख्या गणो मुद्रैः पुरुषाणां तु प्रगीयते // mmk_45.29 //

भद्रं मुद्रपीठं तु आसनं शयनं भुवि / स्वयम्भूशम्भुचक्रश्च कुलिशो मुसलस्तथा // mmk_45.30 //

स्वस्तिको लिङ्गमुद्रश्च पक्षिराड् गरुत्मनः / मुद्रो गरुडध्वजो ज्ञेयः विष्णुरुद्रसवासवः // mmk_45.31 //

ब्रह्मा पद्मोद्भवः श्रीमां श्रीसम्पुट एव च / तथ्यं यमलमुद्रं च मयूरासनमेव तु // mmk_45.32 //

विदितं सर्वदिग् धीमां कार्त्तिकेयार्थदः सदा / कुमारस्यानुचरो ज्ञेयः मञ्जुघोषस्य // mmk_45.33 //

तस्य मुद्रं महावीर्यं ता ताः शक्तिधरः सदा / मयूरासनमुद्रं तु तस्यैवैतत् प्रयुज्यते // mmk_45.34 //

अनेन बद्ध्वा मन्त्रेण कार्त्तिकेयस्य युक्तितः / यावन्तो लौकिका मुद्रा शैवाश्चैव सवासवाः // mmk_45.35 //

सर्वे भवन्ति बद्ध्वा वै वश्यार्थं हि प्रयुज्यते / एष मुद्रा करो ह्यर्थां पुष्कलां साधु चेष्टिताम् // mmk_45.36 //

प्रसन्नो बुद्धपुत्रस्य मञ्जुघोषस्य धीमतः / बुद्धशासनमवतीर्णो बालरूपी महर्द्धिकः // mmk_45.37 //

कार्त्तिकेयो ऽथ विख्यातः मन्त्रमुख्ये ऽथ लौकिके / सर्वेषां च प्रयोक्तव्यो बालिशानां विशेषतः // mmk_45.38 //

ग्रहमातरकूष्माण्डैः गृहीता कटपूतनैः / दैत्यदानवयक्षैश्च पिशाचोरगराक्षसैः // mmk_45.39 //

क्रव्यादैर्मानुषैश्चापि नित्यं चापि विमोक्षकः / रौद्रसत्त्वे ऽथ दुष्टेभिः पिशिताशनव्यन्तरैः // mmk_45.40 //

मुद्रितेभिश्च मनुजैर्मुद्रो ऽयं सम्प्रमोक्षकः / सर्वसत्त्वार्थयुक्तश्च प्रयुक्तः सुखदः सदा // mmk_45.41 //

संक्षेपेण तु उक्तो ऽयं विस्तरश्चैव संज्ञकम् / अपरं मुद्रं प्रवक्ष्यामि यं बद्ध्वा सुखी भवेत् // mmk_45.42 //

जापिनः सर्वकर्मेषु प्रयुक्तस्याप्यमोघवाम् / नाम्ना बुद्धासनो नाम महामुद्रा प्रकत्थ्यते / विस्तरः सर्वतन्त्रेषु पठ्यते तां निबोधत // mmk_45.43 //

यं बद्ध्वा जापिनः सर्वे नियतं बोधिपरायणाः / कः पुनः सिद्धिकामानां भोगालिप्सपरायणम् // mmk_45.44 //

पूर्वव चौक्षसमाचारः स्थित्वा च प्राङ्मुखः शुचिः / उभौ हस्तौ समौ कृत्वा अञ्जल्याकारमाशृतौ / कुर्याद् विकासितौ चाग्रे उभावङ्गुष्ठनामितौ // mmk_45.45 //

मध्यमाङ्गुलिमाश्लिष्टौ कुण्डलाकारचिह्नितौ / पर्यङ्केनोपविष्टे तु नाभिदेशे तदा न्यसेत् // mmk_45.46 //

एष मुद्रावरः श्रेष्ठः सर्वकर्मेषु योजितः / उत्तमेषु च उत्तिष्ठे नाधमे मध्यमे ऽपि वा // mmk_45.47 //

क्षिप्रमर्थकरो ह्येष सिद्धः सर्वत्र युज्यते / महापुण्यो पवित्रो ऽयं मङ्गल्यमघनाशनः // mmk_45.48 //

सर्वपापहरः पुण्यः मुद्रो ऽयं सिद्धिहेतवः / द्वितीयमपरं मुद्रा महामुद्रा प्रकत्थ्यते // mmk_45.49 //

नाम्ना शत्रुञ्जयी नाम सर्वविघ्नविनाशिनी / यं बद्ध्वा शत्रवः सर्वां वशं कुर्यान्न संशयः // mmk_45.50 //

सर्वेच्छोषमायान्ति गच्छन्ते वाथ दासताम् / रागो द्वेषश्च मोहश्च स्वपक्षः सगणैः सह // mmk_45.51 //

लोकमात्सर्यमानश्च विचिकित्सा कथंकथा / प्रमाद्यो माया कौसीद्यं साध्येष्या कुमार्गता // mmk_45.52 //

मित्थ्यादृष्टिदशे माने दन्ते स्तम्भे च लुब्धता / दशा कुशलपथा कर्मा सर्वे ते शत्रवः स्मृताः // mmk_45.53 //

एष शत्रुगणः प्रोक्तो बुद्धैर्बुद्धसु तैस्तथा / एष मार्गेष्ववस्थाभिः प्राणिनो य च माशृता / बुद्धशासनहन्तारः तेषां मुद्रा प्रयुज्यते // mmk_45.54 //

इयं मुद्रा महामुद्रा गीतं बुद्धैः पुरा सदा / प्रयोक्तव्या प्राणिनां ह्येषा दमनार्त्थं पापनाशनी // mmk_45.55 //

तथैव पुरतः स्थित्वा उभौ पाणिसमाश्रये / समाश्लिष्टौ थ तौ कृत्वा अञ्जल्याकारमाशृतौ / अङ्गुष्ठयुगले क्षिप्रं तर्जन्यौ संन्यसेदुभौ // mmk_45.56 //

कुण्डलाकारसंश्लिष्टौ तृतीये पर्वमाश्रयेत् / एषा अर्थकरी मुद्रा द्वितीया कथिता जिनैः / शत्रूणां नाशयेत् क्षिप्रं हृदयांसि प्रदोषिणाम् // mmk_45.57 //

तृतीयं मुद्रं प्रवक्ष्यामि मञ्जुघोष शृणोहि ताम् / नाम्ना शल्यहरी दिव्या सर्वशल्यविनाशिनी / सर्वत्र योजिता मुद्रा सर्वव्याधिचिकित्सकी // mmk_45.58 //

विषशस्त्रकृतां दोषां जलपावकसम्भवाम् / अनिलोद्भवदोषांश्च दुष्टसत्त्वगरप्रदाम् // mmk_45.59 //

क्रव्यादां मानुषांश्चापि सविषां स्थावरजङ्गयाम् / यच्च देहगतां शल्यां नारीणां प्रसवात्मिनाम् // mmk_45.60 //

संसाराभिरतां चान्यां प्राणिनां दोषपीडिताम् / सर्वनेतास्तथा शल्याः विशल्यकरणी ह्ययम् // mmk_45.61 //

एष मुद्रा महामुद्रा स्मरिता सर्वजन्तुभिः / विशल्या सुखिता क्षिप्रं भवते नात्र संशयः // mmk_45.62 //

नाममात्रेण ते मर्त्या मन्त्रस्यास्य प्रभावतः / सर्वव्याधिविनिर्मुक्ता विचरन्ते महीतले // mmk_45.63 //

पूर्ववच्चौक्षसमाचारा शुचिर्वस्त्रशुची तदा / बध्नीयान्मुद्रवरं श्रेष्ठं तृतीयं पापनाशनम् // mmk_45.64 //

उभौ हस्तौ समायोज्य विपरीताकारसम्भवाम् / समौ व्यक्तौ अञ्जल्याकारौ हृदयस्थाने तु तं न्यसेत् // mmk_45.65 //

एष मुद्रा महामुद्रा सर्वानर्त्थनिवारणी / यं बद्ध्वा जापिनः सर्वे नियतं बोधिपरायणाः // mmk_45.66 //

चतुर्थी तु महामुद्रां महायक्षीं तमादिशेत् / महाप्रभावा विज्ञेया सर्वमन्त्रेषु जापिनाम् // mmk_45.67 //

अत्र यक्षगणाः सर्वे यक्षिण्यश्च महर्द्धिकाः / मन्त्रदेवतसर्वेषु उत्तमाधममध्यमाः / सर्वसत्त्वैस्तु सम्पूज्या मुद्रेयं सम्प्रगीयते // mmk_45.68 //

आदौ बद्ध्वा जपेन्मन्त्रं होमसाधनकर्मसु / सर्वत्र योजिता पुण्या सर्वमन्त्राणि साधयेत् // mmk_45.69 //

वज्रपाणिस्तथा मान्त्रः सर्वमुद्रेश्वरी ह्ययम् / पठिता लोकनाथैस्तु पुरा ज्येष्ठैर्ह्यतीतकैः // mmk_45.70 //

तथैव शुचिनो भूत्वा स्थित्वा उदङ्मुखस्तदा / बध्नीयान्मुद्रवरे श्रेष्ठेः सर्वकर्मेषु जापिनः / दमनार्थं सर्वभूतानाम् .......... // mmk_45.71 //

यथायं कुरुते क्षिप्रं यः सत्त्वाचेष्टितं भुवि / उभौ हस्तौ तदा न्यस्य सम्पुटाकारवेष्टितौ // mmk_45.72 //

कुर्यात् त्रिसूचिकाकारं अङ्गुष्ठौ कन्यसमध्यमौ / अन्योन्यसंश्लिष्टौ चतुर्भिश्चाप्यथ नामितौ // mmk_45.73 //

कुर्यान्मुद्रवरं ह्युक्तं शिरःस्थाने तु संस्थितम् / यं दृष्ट्वा सर्वभूता वै विद्रवन्ति न संशयः // mmk_45.74 //

पञ्चमी तु महामुद्रा शृणु त्वं मञ्जुरवः सदा / नाम्ना त्रिसमया चैव महापुण्यतमा शिवा // mmk_45.75 //

दुर्दान्तदमनी नित्यं सर्वसत्त्वार्त्थसाधनी / घोररूपी महेशाक्षा कालरात्रिसमप्रभा // mmk_45.76 //

कृतान्तरूपिणी भीमा यमस्यापि भयानिका / चण्डा च चण्डरूपीति दुःप्रेक्षा दुःसहा सदा // mmk_45.77 //

रुद्रवासवयक्षेषां राक्षसग्रहमातराम् / देवाननुसरांश्चैव मन्त्रमुख्यां महर्द्धिकाम् // mmk_45.78 //

सर्वसत्त्वा तथा नित्यं दुर्दान्तदमकी हिता / अकालमृत्युविनाशाय मृत्युनाशाय वै हिता // mmk_45.79 //

सृष्टा सर्वबुद्धैस्तु कृतान्तस्यापि भयावहा / यं बद्ध्वा पुरुषा नित्यं समयज्ञा भवन्ति ह // mmk_45.80 //

ये च मन्त्राश्रिता नित्यं ते ऽपि मुक्ता जपे रता / तेषां सिद्ध्यन्ति मन्त्रा वै अयत्नेनैव देहिनाम् // mmk_45.81 //

अजापिनो ऽपि भवेज्जापी अशुचिः शुचिनो भवेत् / संयुक्तः क्रोधराजेन यमान्तेनेह मुद्रया // mmk_45.82 //

सर्वकर्मकरा ह्येषा संयुक्ता तत्त्वदर्शिभिः / सर्वविघ्नविनाशार्थं सर्वव्याधिचिकित्सना // mmk_45.83 //

सर्वसत्त्वार्थसम्भारा सर्वदुष्टनिवारणा / सर्वासां पूरणार्थाय विहिता मुनिवरैः पुरा // mmk_45.84 //

एष मुद्रा हिता लोके समयभ्रंशाच्च पूरणी / बद्ध्वा तु मुद्रवरं श्रेष्ठं समयज्ञस्तत्क्षणाद् भवेद् // mmk_45.85 //

सर्वेषां चैव मन्त्राणां लौकिकानां च ततोत्तमात् / प्रविष्टो मण्डलो ज्ञेयः मुद्रा मन्त्रेण ईरितः // mmk_45.86 //

तथैव शुचिनो भूत्वा पूर्ववत् सर्वकर्मसु / त्रिसूच्याकार तथा वज्रं अङ्गुलीभिः समाचरेत् // mmk_45.87 //

ज्येष्ठमध्यमअङ्गुल्यौ अङ्गुष्ठैश्च सता न्यसेत् / मूर्ध्नि स्थाने ततः कृत्वा अपसव्येन भ्रामयेत् / एष मुद्रवरा श्रेष्ठा प्रयुक्तः सर्वकर्मसु // mmk_45.88 //

एता पञ्च महामुद्रा लोकनाथैस्तु भाषिता / नियतं पुरुषवरा बद्ध्वा सम्बोध्यग्रं स्पृशन्ति ह // mmk_45.89 //

सर्वासां पूरयत्येते जापिनां मनसोद्भवाम् / सर्वतथ्यं यथाभूतं दर्शयन्ति यथेप्सितम् // mmk_45.90 //

अपरे मुद्रवरा श्रेष्ठा पञ्च चैव प्रकाशिता / शिरः वक्त्रो ऽथ गात्रं च उत्पलं कवचं तथा / एते मुद्रवरा दिव्या मञ्जुघोषस्य धीमतः // mmk_45.91 //

पुरा लोकवरैर्मुख्यैः कथिता तत्त्वदर्शिभिः / अहं च मञ्जुरवं वक्ष्ये कत्थ्यमानं निबोध्यताम् // mmk_45.92 //

शृणुष्वैकमना नित्यं मुद्रा मुद्रवरोत्तमाम् / पूर्ववच्चौक्षसमाचारः स्थित्वा धातुवराग्रतः // mmk_45.93 //

बध्नीयात् करपुटे नित्यं मुद्रां पञ्चार्थसंज्ञिकाम् / उभे करपुटाग्रे तु कुड्मलाकारकारिते // mmk_45.94 //

दद्युः शिरवरे नित्यं शिरमुद्रेति संज्ञितम् / यथैवोत्पलमुद्रा तु न्यस्तः दुरवरे सदा // mmk_45.95 //

सा च सर्वतः क्षिप्ता गात्रमुद्रा विधीयते / स चैव कुतो ज्ञेया वक्त्रमुद्रा तु सा भवेत् // mmk_45.96 //

तथैव हस्तौ संन्यस्य नाभिस्थाने तु संन्यसेत् / ईषि तर्जन्याङ्गुल्यनाभिमात्मनः संस्पृशेत् // mmk_45.97 //

सा भवेत् कवचमुद्रा तु आत्मरक्षा तु सा भवेत् / सर्वत्र योजिता ह्येते सफला सर्वार्थसाधिका // mmk_45.98 //

एते मुद्रा महामुद्रा मङ्गल्या मघनाशना / जापिभिः सर्वकालं तु प्रयोक्तव्याः सफला हिताः // mmk_45.99 //

महावीर्या महापुण्या सर्वानर्थनिवारिका / यं बद्ध्वा पुरुषा नित्यं नियतं बोधिपरायणाः // mmk_45.100 //

अपरे पञ्च महामुद्रा लोकनाथस्य तापिनः / मुनिने शाक्यसिंहाय तथा रत्नशिखे गुरौ // mmk_45.101 //

सुपुष्पाय सुकेशाय तथा सुमनसोरवे / सङ्कुसुमाय च बुद्धाय तथा पद्मोत्तरे वरे // mmk_45.102 //

सम्पूर्णाय सुनेत्राय शुद्धा चैव जगद्गुरोः / पितामहाय चैव मुक्ताय जगद्वराम्बरमुक्तये // mmk_45.103 //

एतेषानां च बुद्धानामन्येषां च महात्मनाम् / अतीतानागता सत्त्वां वर्तमानां स्वयम्भुवाम् // mmk_45.104 //

सर्वेषानां च बुद्धानां मूर्ध्नि सम्भूतिलक्षणा / महाप्रभावा महामुद्रा समन्ताज्ज्वालमालिनः // mmk_45.105 //

उष्णीषा इति विख्याता तृधातुसमालये / चक्रवर्त्ती महापुण्यो मङ्गल्यो मघनाशना // mmk_45.106 //

सर्वेषां च विद्यानां विद्याराजः स्मृतः प्रभुः / एकाक्षरसंयुक्तः मन्त्रो सुगतमूर्धजः // mmk_45.107 //

मुद्रो तस्य विदो ज्ञेयो प्रभुरेकाक्षरस्य तु / चक्रवर्त्ती जिनकुले जात मुद्रः परमेश्वरः // mmk_45.108 //

उभौ हस्तौ समाश्लिष्य सम्पुटाकारचिह्नितौ / मुष्टियोगेन बद्ध्वा वै मध्याङ्गुल्यौ सुसूचितौ // mmk_45.109 //

ईषित् सङ्कोच्यवत्कृत्वा कुण्डलाकारदर्शितौ / एष सर्वत्रगे मुद्रा सर्वमन्त्रेश्वरो विदो // mmk_45.110 //

मूर्धानं देवतं कृत्वा सुषिराकारकुड्मलम् / ईषिन्नामिततर्जन्यौ कन्यसं तु सुपूजितौ // mmk_45.111 //

एष मुद्रवरः श्रेष्ठः तेजोराशे तु कथ्यते / तदेव सम्पुटं चाग्र्या छत्राकारसंज्ञकम् // mmk_45.112 //

विकास्याङ्गुली सर्वां सितातपत्रेति संज्ञितम् / जयोष्णीषं हितं देवं हि मध्याङ्गुल्यौ सुसूचितौ // mmk_45.113 //

तदेव विसारितौ चाग्रे पाणिभिः सर्वतो गतैः / उष्णीषसङ्कभवा ज्ञेया सर्वत्रार्थदर्शिभिः // mmk_45.114 //

मुनिमूर्धजसम्भूता मुद्रा अग्रा प्रगीयते / पञ्चमा तु भवेत् सा तु सर्वमुष्णीषसम्भवा // mmk_45.115 //

अनेन वै सर्वबुद्धानां यावन्तमुष्णीषमूर्धजाम् / सर्वे ते च समायान्ति सर्वकर्मेषु योजिता // mmk_45.116 //

सर्वे मुनिवरैर्मुद्रा ये गीता भुवनत्रये / सर्वेषां तु मुद्राणां मुद्रेयं परमेश्वरी // mmk_45.117 //

अनेनाबाहयेन्मन्त्रां अनेनैव विसर्जयेत् / अनेन सर्वकर्माणि कुर्यात् सर्वत्र जापिनः // mmk_45.118 //

एते पञ्च महामुद्रा पुरा गीता मुनिवरैः / सर्वकमार्थयुक्ता वै सर्वमुष्णीषसाधिका // mmk_45.119 //

यावन्तो मुनिवरैः गीता उष्णीषा भुवनत्रये / सर्वेषां तु सर्वत्र इमे पञ्चार्थपूरणा // mmk_45.120 //

सर्वमुष्णीषतो ज्ञेया मुद्रा वै च असङ्ख्यका / तेषां पञ्च वरा प्रोक्ता सर्वमुष्णीषसाधनी // mmk_45.121 //

अवलोकितमुद्रस्य पञ्च वैते सुमुद्रकाः / प्रकृष्टा पद्मकुले श्रेष्ठा मुद्रे ते भुवि मण्डले // mmk_45.122 //

उष्णीषं च शिरोवक्त्रपद्ममुद्रा च कथ्यते / महाकरुणजा देवी तारा भवति पञ्चमी // mmk_45.123 //

पूर्व चौक्षसमाचारः धौतवस्त्र सुजप्तधीः / पाणिना शिरसा मृश्य ऊर्ध्वहस्तो भवेन्नरः // mmk_45.124 //

वामपाणितले लेख्यां मुष्टियोगेन वेष्टयेत् / एष उष्णीषमुद्रो ऽयं अवलोकितमूर्धजाम् // mmk_45.125 //

तदेव शिरवरे दत्त्वा शिरमुद्रा प्रगीयते / तदेव सङ्कुचितौ चापि नाभिदेशे प्रतिष्ठितौ // mmk_45.126 //

विकास्य अङ्गुली सर्वां पद्ममुद्रेति सा विदोः / उपरिष्टादेव वक्त्रान्ते हस्तौ तौ न समाशृते // mmk_45.127 //

अन्योन्यमिश्रितौ हस्तौ विरलाङ्गुलिमाश्रितौ / तदेव वक्त्रमुद्रा तु पद्मकेतो ऽथ गीयते // mmk_45.128 //

या तु पद्मध्वजे मुद्रा नागलोके प्रकथ्यते / स भवेन्मुष्टियोगेन उभौ हस्तौ समाश्रितौ // mmk_45.129 //

उभौ तर्जन्यतां चोर्ध्वौ सूचीभूतौ सुचिह्नितौ / अङ्गुष्ठपीडितौ श्रेष्ठौ तारामुद्रेति कथ्यते // mmk_45.130 //

एषा मुद्रवरा श्रेष्ठा करुणा पद्मध्वजे विदोः / इत्येवं पञ्च महामुद्रा कथिता पद्मालये सदा // mmk_45.131 //

बोधिसत्त्वस्य मुख्ये ता लोकेशस्य महात्मने / अत्र पद्मकुले भवन्ति बन्धं सर्वकर्मसु // mmk_45.132 //

मन्त्रनाथेश्वरो ये च विद्या देवतलौकिका / सर्वे ते अत्र वै मुद्रे मुद्रा यान्ति सुमुद्रिता // mmk_45.133 //

ये च यक्षेश्वरा गीता वज्रपाणिमहर्द्धिका / महामन्त्रार्त्थरौद्राश्च क्रोधप्राणहरा तथा // mmk_45.134 //

ये चान्ये लौकिका मुख्या मन्त्रयुक्ताश्च देवता / सर्वे ते च समायान्ति मुद्रैरेतैः सुमुद्रिता // mmk_45.135 //

एते मुद्रा महामुद्रा पवित्रा पापनाशना / यं बद्ध्वा जापिनः सर्वे क्षिप्रमायान्ति क्षिप्रतः // mmk_45.136 //

मुक्ता ताथागती मुद्रा अन्येषां परमेश्वरी / अवलोकितनाथस्य सर्वव्याधिचिकित्सने // mmk_45.137 //

मुद्रै तो पञ्च महाभोगा विचरन्ति महीतले / स्त्रीरूपधारिणो भूत्वा सर्वसत्त्वार्थयोजिता // mmk_45.138 //

यं बद्ध्वा पुरुषा प्राज्ञ नियतं बोधिपरायणा / अपरा पञ्च महामुद्रा वज्रपाणि महर्द्धिका // mmk_45.139 //

य एष वज्रेश्वरः श्रीमां सर्वमन्त्रेश्वरः प्रभुः / दशभूम्यपतिः श्रीमां सर्वानर्थनिवारकः // mmk_45.140 //

महाभयप्रदो चण्डः दुष्टसत्त्वनिवारणः / दर्दान्तदमको धीमां दक्षः सत्त्वार्थसिद्धिषु // mmk_45.141 //

यक्षरूपेण सत्त्वानां आत्मना चेष्टिने भुवि / सत्त्वार्थक्रियायुक्तः धर्मार्थमवतारयेत् // mmk_45.142 //

बोधिसम्भारमर्थाय विचेरुर्यक्षरूपिणः / ये ते सत्त्वा हिता लोके यक्षिण्या सह मोहिता // mmk_45.143 //

तेषां सिद्धिर्न भवेन्मन्त्रां वाचा दुश्चरितेरिताम् / बोधिसत्त्वो महापुण्यः बहुरूपी महर्द्धिकः // mmk_45.144 //

प्रदोष्य चित्तं मन्त्रेशे कुतः सिद्ध्यन्ति मानवाः / मुद्रैता पञ्च वरा प्रोक्ता बुद्धैश्चापि महर्द्धिका // mmk_45.145 //

वज्रपाणिर्महापुण्या तां च क्षिप्र सुयोजयेत् / तथैव हस्तावुद्वर्त्य श्वेतचन्दनकुङ्कुमैः // mmk_45.146 //

तथैव सम्पुटाकारौ कुड्मलाकारवेष्टितौ / शिरःस्थाने तथान्यस्तौ .... चापि सुस्थितौ // mmk_45.147 //

सा तु वज्रशिरा ज्ञेया महामुद्रा हिता विदोः / यक्षसेनापतेर्मुद्रा द्वितीया भवति मूर्धजा // mmk_45.148 //

उष्णीषमुद्रा हिता लोके उष्णीषं यक्षपतेर्हितम् / तदेव वज्रं शिरामुद्रा ऊर्ध्वमञ्जलिस्थापिताम् / एष मुद्रा महामुद्रा उष्णीषेति प्रगीयते // mmk_45.149 //

तृतीया वज्रोद्भवा नाम ललाटस्थाने तु सा भवेत् / संन्यस्ताञ्जलिसम्पूर्णा ध्रुवौ मध्येष्वनामिकौ / एषा वज्रोद्भवा नाम वज्रपाणे ऽर्थसाधिका // mmk_45.150 //

चतुर्थी तु महामुद्रा वज्रवक्त्रेति गीयते / उत्तानौ हस्ततलौ न्यस्य वेणिकाकारसम्भवौ // mmk_45.151 //

वक्षःस्थाने तथा न्यस्य मध्याङ्गुल्यां सुसूचितौ / एषा मुद्रा महामुद्रा वरा यक्षवरे हिता // mmk_45.152 //

सर्ववज्रालया च सा ........ / पञ्च मात्रा महामुद्रा वज्रपाणि महर्द्धिका // mmk_45.153 //

तथैव हस्तौ संन्यस्य नाभिस्थाने तु कारयेत् / तर्जन्या कुञ्चितौ कृत्वा अङ्गुष्ठाग्रे तु नामयेत् // mmk_45.154 //

तृतीये पर्वमाश्लिष्य कन्यसौ च सुसंस्थितौ / बद्ध्वो च वेणिकाकारां शेषैरङ्गुलिभिस्तदा // mmk_45.155 //

एषा वज्रालया नाम महामुद्रा प्रगीयते / अत्रैव सर्वमुद्रा तु लौकिका ये च वज्रिणे // mmk_45.156 //

शैवाः शक्रकाश्चापि रिषीणां च महर्द्धिका हिता / सा वरा मतङ्गिनो ह्यग्रा मुद्रा प्रोक्ता महात्मभिः // mmk_45.157 //

यक्षराक्षसप्रेतैश्च कूष्माण्डैः कटपुतनैः / ये तु मुद्रा वरा प्रोक्ता विष्ण्वीन्द्रैश्च वनाह्वयैः // mmk_45.158 //

ईशानमातरैर्लोकग्रहैश्चापि + + + + + + / भास्करेन्दुविवस्वाक्षैर्वसवश्चापि सुपूजितैः रक्षात्मकैः // mmk_45.159 //

सृष्टा मुद्रवरा ये तु सर्वभूतगणैः सदा / सर्वे चैव समायान्ति मुद्रे ऽस्मिं वज्रमालये // mmk_45.160 //

प्रथिता मुद्रवरा ह्यग्रा कुले ऽस्मिं वज्रमाह्वये / मुक्ता तथागतीं मुद्रां अवलोकीशस्यापि महात्मनः // mmk_45.161 //

मुद्रा ह्येके ते वै अन्येषां प्रभुरिष्यते / एषा मुद्रा महामुद्रा यक्षसेनापतेर्विदोः // mmk_45.162 //

यं बद्ध्वा पुरुषा नियतं सर्वे बोधिपरायणाः / एषा मुद्रा वरः श्रेष्ठः परमाहुस्तथागताः // mmk_45.163 //

हत्येता पञ्च महामुद्रा वज्रपाणे यशस्विनः / जापिभिः सर्वकालं तु स्मर्तव्या च महाभये // mmk_45.164 //

आशु नश्यन्ति भूता वै क्रव्यादा पिशिताशिना / यक्षराक्षसप्रेतांसि कूष्माण्डाः कटपूतना // mmk_45.165 //

देवगन्धर्वमनुजाः किन्नराश्च ससिद्धकाः / ग्रहमुख्यवरा गरुडा मातराश्च महर्द्धिकाः // mmk_45.166 //

ये ऽपि ते लोकमुख्याश्च ब्रह्माविष्णुमहेश्वराः / सर्वसत्त्वाश्च वै लोके येषु सवर्त्र माशृताः // mmk_45.167 //

सर्वे ते दृष्टमात्रं वै विद्रवन्ति न संशयः / एते मुद्रा जिनैह्यासी वज्रधृते प्रभोः / मन्त्रनाथस्य यक्षेशे लोकीशस्यापि महात्मने // mmk_45.168 //

तस्माच्च जापिभिः सर्वैः नियतं सिद्धिलिप्सुभिः / स्मर्तव्या जपकाले तु सर्वमन्त्रेषु सिद्धिदा / यो ऽसौ किसलयेत्याहुः मुद्रामादौ प्रगीतवाम् // mmk_45.169 //

तथैव हस्तौ संन्यस्य उरःस्थाने न्यसेद् बुधः / तामादौ वेणिकां कृत्वा अङ्गुलीभिः समन्ततः // mmk_45.170 //

सा विद्या किसलये मुद्रा लौकिकां मन्त्रदेवताम् / तामादौ योजयेत् क्षिप्रं क्षुद्रकर्मेषु धीमताम् // mmk_45.171 //

ज्वररोगगता सर्वान् नाशयेन्नात्र संशयः / सैव सुमनसा ज्ञेया कन्यसाङ्गुलिनामितौ // mmk_45.172 //

पटही तु भवेत् सा तु मध्यमाङ्गुलिनामितौ / कन्दर्पी च भवेत् सा च उभौ अङ्गुष्ठमुच्छ्रितौ / घटखर्परिका ज्ञेया अनामिकाग्रसुनामितौ // mmk_45.173 //

तथैव कुड्मलं कृत्वा हस्ताग्रौ च सुभूषितौ / उत्पलाकारचिह्नं तु मुद्रमुत्पलमुच्यते // mmk_45.174 //

विकासितोभयौ हस्तौ अङ्गुलीभिः समन्ततः / एषा वै पद्ममुद्रा तु भवे ज्योत्स्ना सनामितौ // mmk_45.175 //

तथैव योजितां सर्वां अङ्गुल्याग्राग्रकारिता / एषा सुपर्णिने मुद्रा सुपर्णीति प्रगीयते // mmk_45.176 //

तदेव लम्पुटाकारं विपर्यस्ताकारचेष्टितम् / सा भवेद् यमलमुद्रा तु गरुत्मस्यापि महात्मने // mmk_45.177 //

तथैव हस्तौ संन्यस्य मुष्टियोगेन योजितौ / उभयाङ्गुष्ठमध्यस्थौ लिङ्ग मुद्रेति गीयते // mmk_45.178 //

उत्थिताङ्गुष्ठमध्यस्थौ तदेवं शङ्खमिष्यते / तदेव हस्तौ विस्रज्य जया भवति विश्रुता // mmk_45.179 //

विजया भवते मुद्रा कन्यसाङ्गुलिवेष्टितौ / अनामिकाभिः समायुक्ता अजिता भवति पूरणी // mmk_45.180 //

विसृज्य हस्तौ संयुक्तौ वामहस्तेन मीलयेत् / अङ्गुष्ठाग्रमधो नाम्य मुष्टिं बद्ध्वेह पण्डितः / एषापराजिता ज्ञेया मुद्रेयं च सुपूजिता // mmk_45.181 //

चतुःकुमार्यो विधि ज्ञेया भगिन्येषु प्रकीर्तिता / तुम्बुरुस्त्वेष विख्यातः ज्येष्ठभ्राता प्रकल्प्यते // mmk_45.182 //

नौयानसमाश्रिता ह्येते अम्भोधेस्तु निवासिनः / विचरन्ति इमं स्थाने महापुण्यमहर्द्धिकाः // mmk_45.183 //

वश्यार्थं सर्वभूतानां सृष्ट्वा ब्रह्मविदो विदे / सर्वत्र पूजिता ह्येता गुह्यमन्त्रैस्तु योजिता // mmk_45.184 //

अमोघा सिद्धिमेतांसि सर्वकर्मेषु योजिता / क्षिप्रमर्थकराः सिद्धा मङ्गल्या मघनाशनाः // mmk_45.185 //

शुचिना शुचिकर्मेषु साधनीया तथोत्तमैः / उत्थितं ज्वलनं शान्तं खचरं कायि सिद्धये / मध्यं समध्यकर्मेषु अशौचं कश्मलादिषु // mmk_45.186 //

ये चापि पापकर्मा वै नित्योच्छिष्टाश्च देहिनाम् / तेषां सिद्ध्यन्त्ययत्नेन क्षुद्रकर्माणि वै सदा // mmk_45.187 //

तथैव हस्तौ संयम्य नाभिदेशे समानयेत् / मध्यमाङ्गुल्यतः सूच्या वेणिकाकार वेष्टयेत् / सुमेखला च सा मुद्रा उद्वेष्टा भवति मेखला // mmk_45.188 //

तमेव मधतलौ न्यस्तौ मुद्रा भवति सम्पुटा / सैवमुच्छ्रिता ग्रीवे श्रीसम्पुटमुच्यते // mmk_45.189 //

नाभिस्थाने तदा न्यस्य अपसव्येन भ्रामयेत् / रजनी मुद्रवरा ह्येषा दुष्टसत्त्वनिवारणी // mmk_45.190 //

दक्षिणे करमुद्यम्य मुष्टियोगेन माश्रयेत् / मुद्रामुष्टिवरेत्याहुः सर्वमन्त्राणि चूर्णनी // mmk_45.191 //

सैवाङ्गुलिमुत्सृज्य उभौ हस्तौ प्रयोजिता / मुष्टिमुद्रा वरेत्याहुः पिशिताशननाशनी // mmk_45.192 //

सा तु सङ्कुचिता ज्ञेया अङ्गुल्याग्रौ सुकुञ्चितौ / मुद्रा सुकुन्ता विज्ञेया कुन्ता चैव प्रसारितैः // mmk_45.193 //

तारा सुतारा विधिज्ञेया एकरूपौ उभौ भवेत् / उत्पलाकारसंन्यस्ता तर्जनीभिः सुसंहता // mmk_45.194 //

एकसूचिकमित्येव सम्पुटाकारवेष्टितौ / तदेव प्रसारिता हस्तौ तारा भवति घुष्यते // mmk_45.195 //

तदेव हस्तौ संन्यस्य अञ्जल्याकारकारितौ / तर्जन्या मिश्रितौ श्रेष्ठौ तृतीये पर्वणि स्थिते // mmk_45.196 //

अङ्गुष्ठौ चान्ते मुद्रा भवति लोचना / तदेवाङ्गुलिमुत्सृज्य तर्जन्यौ सम्प्रयोजितौ // mmk_45.197 //

तदेव विहिता मुद्रा मुद्रा मामक्या सम्प्रयोजिता / एवला मुद्रवरेत्याहु मध्यमाङ्गुल्यैः सुनामितैः // mmk_45.198 //

श्वेता याभ्रमुद्रा वै करैश्चात्र प्रसारितैः / पण्डरा तु भवेन्मुद्रा मुष्टिभिः सम्प्रपीडितैः / महाप्रभावा महापुण्या तर्जन्यावुच्छ्रितावुभौ // mmk_45.199 //

तदेव हस्तौ सम्मिश्र सम्पुटाकारवेष्टितौ / तर्जनीभिः ततो कृत्वा नेत्राकारं तु पीडयेत् / भ्रुकुटी मुद्रवरा ख्याता महाभयहरी सदा // mmk_45.200 //

इत्येते चाष्ट मुद्रा वै कथिता जिनवरैः पुरा / महाप्रभावा महापुण्या महेशाख्या महर्द्धिका // mmk_45.201 //

सर्वमुद्रेषु सर्वत्र मन्त्रैश्चापि विशेषतः / सर्वत्र पूजिता ह्येते स्मर्तव्यार्थफलप्रदा // mmk_45.202 //

महारक्षा पवित्राश्च मङ्गल्यमघनाशनाः / सर्वत्र पूजिता बुद्धैः सर्वमन्त्रांश्च साधयेत् // mmk_45.203 //

तारा भृकुटी चैव श्वेता पण्डरवासिनी / मामकी लोचना चैव सुतारा तारवर्तिनी // mmk_45.204 //

इत्येते च महामुद्रा पठिता लोकतत्त्विभिः / एष रक्षाविधिः प्रोक्तः महारक्षेषु कथ्यते // mmk_45.205 //

महापापहरी ह्येता महामुद्रा स्वयम्भुवे / लोकीशस्य च वीरस्य महायक्षपतेस्तथा // mmk_45.206 //

एते मुद्रा महापुण्या नियता सिद्धिहेतवः / कथिता लोकमुख्यैश्च सम्बुद्धैश्च यशस्विभिः // mmk_45.207 //

तथैव हस्तौ संन्यस्य वैणिकाकारसम्भवौ / सम्पीडितौ विपर्यस्तौ मुद्रा भवति सङ्कुला // mmk_45.208 //

तथैव सूचिकाग्रं तु अङ्कुशस्याहु वर्णितः / तथैव करपुटो ऽग्रं वै उन्ननाम्यो शिरःस्थितौ // mmk_45.209 //

विकास्य अङ्गुलीं सर्वां छत्रा भवति शोभना / संयम्य मुष्टिकामारौ रात्री भवति देवता // mmk_45.210 //

तामसी विसृतैर्नित्यं मुद्रा भवति तत्त्वतः / तथैव अङ्गुलां वेष्टौ ऊर्ध्वमङ्गुष्ठनामितौ // mmk_45.211 //

विषनिनीशना सृष्टा रेखमुद्रा यशस्विभिः / मनसा नामितौ ज्ञेया महामानसमुद्रितैः // mmk_45.212 //

तथैव हस्तावुत्सृज्य एकहस्तेन मीलयेत् / तर्जन्यौ वेष्टयेन्मध्यां एषा सा गरुडध्वजा // mmk_45.213 //

उभौ हस्तौ समायुक्तौ वेणिमाशृत्य मध्यजौ / हंसमालेति मुद्रेयं नाम्ना सर्वत्र गीयते // mmk_45.214 //

तदेव विसृतौ हस्तौ तृसूच्याकारवेष्टितौ / सा भवेत् वज्रमुद्रा तु मुद्रा श्रेष्ठतमा हिता // mmk_45.215 //

प्रकृष्टा सर्वमुद्राणां वज्रपाणेः समाहिता / तदेव विसृताङ्गुल्यौ पद्ममाला तु सा भवेत् / ज्येष्ठा मुद्रवरा ख्याता पद्मकेतोः समा भवेत् // mmk_45.216 //

एषा मुद्रवरा दिव्या महापुण्या महोद्भवा / प्रयुक्ता सर्वकर्मेषु सिद्धिमायान्ति देहिनाम् / भुवि मण्डलविख्याता प्रसिद्धा सर्वकर्मसु // mmk_45.217 //

वक्त्रार्थवक्रिता ज्ञेया उभौ पाणितले समे / सन्यस्ताङ्गुलिमग्रे तु तर्जन्याङ्गुलिमुच्छ्रिता // mmk_45.218 //

मुद्रा वक्त्रमिति ज्ञेया अर्द्धवक्त्रा तु कन्यसैः / समौ मुष्टितलौ ज्ञेयौ अङ्गुष्ठोत्तमनामितौ // mmk_45.219 //

लोहितामुद्रमित्याहुः मध्यमानामितसुलोहिता / नीललोहितिका ज्ञेया मुद्रा रुद्रस्य मूर्ध्नजा // mmk_45.220 //

महाप्रभावा विख्याता या मुद्रा भुविमण्डले / सर्वबिघ्नहरी देवी दुष्टसत्त्वनिवारणी // mmk_45.221 //

सा मुद्रा कथ्यते लोके शृणुध्वं भूतिकांक्षिणः / तथैव हस्तौ संयम्य मुष्टिमादौ प्रकल्पयेत् // mmk_45.222 //

विसृतौ मध्यमौ ज्ञेयौ ईषित् सङ्कुचिताथ सूचितौ / महामुद्रा इति ख्याता मुद्रा सा भयसूदनी // mmk_45.223 //

तथैव सूच्याग्रौ तौ हस्तौ सुव्यक्तमीलितौ / एषा विष्णुमिति ख्याता मुद्रा सर्वत्र पूजिता // mmk_45.224 //

ब्राह्मी तु भवे उभौ अङ्गुष्ठमिश्रितौ / तथैव कुड्मलाकारा मुद्रा वैन्द्रीति उच्यते // mmk_45.225 //

सा भवेन्माहेश्वरी मुद्रा उभौ कन्यसमुच्छ्रितौ / तदेव हस्तावुत्सृज्य नृत्ययोगेन माश्रयेत् // mmk_45.226 //

वामबाहुस्तदा नित्यं उभयाग्रं प्रकल्प्यते / दक्षिणं भुजमाश्लिष्य तर्जन्याकारवेष्टितम् // mmk_45.227 //

एषा वज्रधरा नित्यं वराहीति प्रकल्प्यते / तदेव विसृतौ बाहू नृत्ययोगेन कल्पितौ // mmk_45.228 //

उभौ तर्जन्याकारतः क्षिप्रौ वज्रचामुण्डि मुच्यते / स एव विसृताकारौ उभौ पाणौ समाशृतौ // mmk_45.229 //

ऊर्ध्वमाशृत्य गता दृष्टिः घोरा चामुण्डि मुच्यते / कौमारी तु भवेन्मुद्रा कार्त्तिकेयस्य महामही // mmk_45.230 //

तदेव हस्तौ विन्यस्य सूच्याग्रं तु मीलयेत् / विसृतैरङ्गुलीभिश्च इयं मुद्रा सर्वमातरी // mmk_45.231 //

एषा सर्वमुद्राणां मातराणां तु महर्द्धिका / एतेन सर्वकर्मा वै बालिशानां तु कल्पयेतु // mmk_45.232 //

सूतिकानां च नारीणां गर्भस्थानं च देहिनाम् / रक्षमोक्षणमुद्रेषु प्रेतव्यन्तरकश्मलैः // mmk_45.233 //

मोक्षणार्थं तु कल्पीत ग्रहमातरनैरृताम् / हितार्थं प्राणिनां लोके मुद्रा भवति सुखावहा // mmk_45.234 //

श्रेयसः सर्वमन्त्राणां भूतानां प्रयुक्ता सुखदा हिता / क्षुद्रकर्मेषु सर्वत्र योजयेत् सर्वत्र जापिनः // mmk_45.235 //

एते मुद्रा सदा मन्त्रैरेतैरेव प्रयोजयेत् / तथैव हस्तौ संन्यस्य स्वकुण्डलाभोगवेष्टितौ // mmk_45.236 //

अङ्गुलीभिः समन्ताद् वै मुद्रा नागीति गीयते / तथैव मङ्गुलिमध्यस्थौ सूच्याग्रं तु मीलितौ // mmk_45.237 //

भवेन्नागमूखी मुद्रा प्रकृष्टा सर्वकर्मसु / या सा मुद्रवरा ज्ञेया माला लोके प्रकल्पते // mmk_45.238 //

तथैव हस्तौ संन्यस्य अङ्गुलीभिः समन्ततः / वेणिकाकार वद्ध्वा वै मुष्ट्याकारं तु कारयेत् // mmk_45.239 //

तथैव सम्पुटाकारौ अङ्गुष्ठौ मध्यनामितौ / सा भवेन्मालमुद्रा तु सर्वकर्मार्थसाधनी // mmk_45.240 //

तथैव मङ्गुलिभिर्नित्यं उच्छ्रितैः सप्तभिः सदा / सा तु सप्तच्छदा मुद्रा तृषु लोकेषु गीयते // mmk_45.241 //

एते मुद्रवरा ह्यग्रा यथोक्तास्ते दर्शिता पुरा / एतेषानां तु मुद्राणां निर्दिष्टा पूर्वविस्तराम् // mmk_45.242 //

सर्वा ह्येकतमा ज्ञेया विधिनिर्दिष्टदर्शिता / विस्तरार्थगता ह्येते विकल्पार्थाः सविस्तराः // mmk_45.243 //

स्मृताः सर्वे भवेन्मुद्रा सर्वमुद्रैस्तु मुद्रिता / मुद्रा चाष्टशता ज्ञेया उक्ता सर्वार्थसाधिका // mmk_45.244 //

एक एव भवेत् तेषां यथासङ्ख्यार्थपूरणी / नृत्ययोगेन स्थित्त्वा वै ऊर्ध्वं पश्येज्जापिनः // mmk_45.245 //

ललाट मङ्गुली न्यस्य तर्जन्या कन्यसान्विताम् / कृत्वा वै नेत्रयोगेन स्थितको ऽञ्जलिना न्यसेत् // mmk_45.246 //

सर्वत्रादर्शनी नाम मुद्रा चाष्टशतात्मिका / अनेन मन्त्रा सिध्यन्ते यथोक्ता सर्वज्ञदर्शिना // mmk_45.247 //

सर्वमुद्रास्तु अत्रैव प्रयोक्तव्या ह्यविकल्पतः / यथोक्तमुद्रागणा ह्येष उक्तो ऽयं मन्त्रसमासत इति // mmk_45.248 //

आर्यमञ्जुश्रीमूलकल्पात् बोधिसत्त्वपिटकावतंसकान्महायानवैपुल्यसूत्रात् सर्वतथागताचिन्त्यधर्मधातुमुद्रामुद्रिता त्रिचत्वारिंशतिमः स्वचतुर्थो मुद्रापटलविसरः / अथ षट्चत्वारिंशः पटलविसरः / अथखलु भगवां शाक्यमुनिः पुनरपि शुद्धावासभवनमवलोक्य मञ्जुश्रियं कुमारभूतमामन्त्रयते स्म / शृणु त्वं मञ्जुश्रीः पञ्चममुद्रापटलविसरं त्वदीयं सर्वतथागतधर्मकोशानुप्रविष्टं परमगुह्यतमं धर्मधात्वसंख्येयाचिन्त्यमुद्रामुद्रितं सर्वमन्त्रचर्यानुप्रविष्टं परमरहस्यतमं सर्वलोकोत्तरोत्कृष्टतमं सर्वलौकिकानुचरितां मोद्यतमं कतमं च तद् भाषिष्ये ऽहम् / पूर्वं तथागतैः भाषितवन्तः //

अथ मञ्जुश्रीः कुमारभूतो बोधिसत्त्वो महासत्त्वः पुनरपि उत्थायासनाद् भगवतः चरणयोर्निपत्य भगवन्तमेतदवोचत् / तत् साधु भगवां देशयतु सर्वमन्त्रचर्यानुप्रविष्टां सर्वसत्त्वानामर्थाय अस्माकं चानुकम्पामुपादाय महाप्रणिधानमहानिर्हारमहाबोधिमण्डोपसङ्क्रमणचर्यापरिपूरणताय पञ्चमं महामुद्रापटलविसरं संक्षेपतः पञ्च चैव महामुद्राः / अपर्यन्ता च स्थितमुद्रां आह्वाननविसर्जनसर्वकर्मार्थसर्वमनोरथमाशापारिपूरणतायै सर्वमन्त्रतन्त्रमहामुद्रानुप्रवेशनतायै सर्वसत्त्वसन्तोषणमहासमयसर्वमुद्रानुप्रवेशनतायै यस्येदानीं कालं मन्यश्चेति //

एवमुक्तस्तु भगवतो शाक्यसिंह नरोत्तम / मञ्जुप्रतिभो धीमां तूष्णीं तस्थौ तदान्तरे // mmk_46.1 //

इयं वसुमती कृत्स्ना षड्विकारं प्रकम्पिरे / सर्वभूतगणा त्रस्ता क्षुभितं चापि ऋषालयाः // mmk_46.2 //

तृधातुगतयः सत्त्वास्तत्क्षणादेव मागताः / दृष्ट्वा आगतां सत्त्वा वव्रे वाणी ऋषिसत्तमः // mmk_46.3 //

शाक्यकुलजो दक्षः मुद्रां देशे तु तत्क्षणात् / यं बद्ध्वा पुरुषा प्राज्ञा नियतं बोधिपरायणाः // mmk_46.4 //

सर्वमन्त्राश्च सिद्धेयु सौगता ये च लौकिका / पञ्च चैव महामुद्रा बद्धा मुनिवरैः पुरा // mmk_46.5 //

अधुना शाक्यमुद्देक्ष्यः बद्ध्वैता तृभवालये / स्वयमेव भगवां शास्तु हस्तोत्तानतां कृथा // mmk_46.6 //

वेणिकाकारमावेष्ट्य मध्यमाङ्गुलि नामयेत् / कन्यसौ संस्पर्शयेद् धीमां उभा अङ्गुष्ठ उच्छ्रये // mmk_46.7 //

अङ्कुञ्च्यमञ्जल्याकारं दर्शयेन्मञ्जुरवेहिताम् / एषा मुद्रा महामुद्रा सर्वबुद्धानुवर्णिनी / सर्वथा साधिता देवी पूर्णेति च गीयते // mmk_46.8 //

तदेव हस्तौ भ्रामयित्वा तु नाभिदेशे तु संन्यसेत् / आशासम्पादिनी क्षिप्रं महापुण्या हिता हि सा / मनोरथेति समाख्याता दुर्दान्तदमनी सदा // mmk_46.9 //

तदेव हस्तौ संन्यस्य मुष्टियोगेन वेष्टयेत् / उरः स्थाने सदा न्यस्या तृतीया भवति सुनिर्मला // mmk_46.10 //

चतुर्थी तु भवेत् सा तु शिरःस्थाने सुमुद्रया / पञ्चमी तु भवे ज्येष्ठा मुक्ता सर्वगतां नु गुणान् // mmk_46.11 //

लोकधात्री तु सा ज्ञेया प्रसिद्धा सर्वकर्मसु / एष एव सदायोगः प्रयोक्तव्यः सर्वकर्मसु // mmk_46.12 //

आकृष्टावङ्गुलितर्जन्यौ आकृष्य वश्यता हिता / विक्षिप्तैर्विसर्जनं कुर्यात् मनसा मोक्ष एव तु / सर्वे दर्शयेत् क्षिप्रं सर्वकर्मार्थसाधयोदिति // mmk_46.13 //

आर्यमञ्जुश्रियमूलकल्पात् बोधिसत्त्वपिटकावतंसकात् महायानवैपुल्यसूत्रात् चतुःचत्वारिंशतिमः महामुद्रापटलविसरः परिसमाप्त इति // अथ सप्तचत्वारिंशः पटलविसरः / अथखलु भगवां शाक्यमुनिः पुनरपि शुद्धावासभवनमवलोक्य तं च महापर्षन्मण्डलं अनन्तव्यूहालङ्कारसर्वज्योतिप्रभास्वरविकुर्वाणानन्तगुह्यतमं सर्वगुह्यतमं सर्वमन्त्रानुचरितं नाम समाधिं समापद्यते / समनन्तरसमापन्नस्य भगवतः ऊर्णाकोशाद् रश्मयो निश्चरन्ति स्म / सर्वतश्च समन्ता दशसु दिक्षु रित्यूर्ध्वमधस्तिर्यक् महतावभासेनावभास्य सर्वमन्त्रां सञ्चोद्य पुनरपि भगवतः ऊर्णाकोशान्तर्हिता / समनन्तरान्तर्हिते रश्मिभिः चतुर्दिक्षु च आधश्चोर्ध्वं चत्वारः कुमार्यो भ्रातृसहिता तस्मिन्नेव महापर्षन्मण्डले अधः सुमेरुपर्वतराजसमीपे बुद्धाधिष्ठानेनाधिष्ठितो ऽभूत् / सन्निपतिता सन्निषण्णा महाबोधिसत्त्वकुमारभूतं रिद्ध्या विक्रीडनसन्दशर्नार्थं महामन्त्रचर्यानिर्हारार्थं सर्वलोकोत्तरलौकिकमन्त्रचर्याक्रीडासमनुप्रवेशवशमाकर्षसमाश्वासनचर्यासमनुप्रवेशनार्थम् //

अथ खलु भगवां शाक्यमुनिर्वज्रपाणिं बोधिसत्त्वं महासत्त्वं तस्मिन्नेव पर्षदि सन्निपतितम् ईषिन्निरीक्ष्य सर्वं च बोधिसत्त्वगणम् //

अथ सा सर्वावती पर्षदिह महापृथिवी च देवतागणपरिवृता महाभूतैकमन्त्रालयं ओषध्यो महाज्योतींषि नगां सञ्चाल्य प्रचलिता रणिता प्ररणिता क्षुभिता सम्प्रक्षुभिता दक्षिणा दिगुन्नमति, उत्तरा दिगवन्नमति, पश्चिमदिगुन्नमति पूर्वा दिगवनमति, अन्तादवनमति, मध्यादुन्नमती, अन्तादुन्नमति, महतस्य चावभासस्य लोके प्रादुर्भावो ऽभूत् / अन्यानि चाप्रमेयानि असङ्ख्येयानिश्चर्याद्भुतानि प्रातिहार्याणि सन्दृश्यन्ते स्म / ताश्च देवसङ्घा निःप्रपञ्चमहतालम्बनज्ञानशान्तिपदं नाम समाधिं समापद्यते स्म / यन्न शक्यं सर्वप्रत्येकबुद्धार्हत्त्वमहाबोधिसत्त्वैरपि ज्ञातुम् / कः पुनर्वादः समापद्येतुं अन्येषां सर्वलौकिकलोकोत्तराणां तीर्थायतनानां अभिभवनार्थं सर्वमन्त्रतन्त्रानुप्रवेशनार्थं सर्वविमोक्षधर्मपरिपूरणार्थं सर्वसत्त्वानां च शान्तिपदमनुप्रापणार्थं सर्वभूतमनुकम्पाभूतकोटितथताचिन्त्यबोधिमण्डवज्रासनमाक्रमणतिष्ठपदमनुप्रापणार्थं च भगवां शाक्यमुनिः ध्यायन्तः स्थितो ऽभूत् //

अथ खलु मञ्जुश्रीः कुमारभूतो बोधिसत्त्वो वज्रपाणिं बोधिसत्त्वं महायक्षसेनापति आमन्त्रयते स्म - भाष भाष त्वं भो जिनपुत्र सर्वमन्त्रचर्यानुप्रवेशं सर्वलौकिकमन्त्राणां सारभूतं तमं परमरहस्यं सर्वभूतसत्त्वानां समयानुप्रवेशं यथाशयमनोरथसर्वपारिपूरकं अनुज्ञातस्त्वं भो जिनपुत्र सर्वबुद्धैर्भगवद्भिः अतीतानागतप्रत्युत्पन्नैस्तथागतमन्त्रकोशसर्वज्ञतापरिपूरणार्थं इह कल्पराजपटलविसरे सर्वविक्रीडालीलाचिन्त्याश्चर्याद्भुतविकुर्वणसन्दर्शनार्थं सर्वज्ञज्ञानमुद्भावनार्थम् //

अथ खलु वज्रपाणिः बोधिसत्त्वो महासत्त्वः मञ्जुश्रियं कुमारभूतमामन्त्रयते स्म / शृण्वन्तु भो धर्मधर सर्वतथागतानां समतानुरक्षणदक्षकथायास्यहं चतुःकुमारीणां भ्रातृसहितानां सरहस्यं पटविधानहोमजापकालक्रियानियमः प्रतिमाविधानमण्डलसमय आह्वाननविसर्जनापूजनार्घदीपगन्धधूपमाल्यविलेपनचूर्णवस्त्रनिवेदनध्वजपताकघण्टामालप्रदीपस्रग्विधिसाधनसाध्योपायनियमक्रमः (वैद्य 403) शान्तिकपौष्टिकाभिचारुक अन्तर्द्धानाकाशगमनपादप्रचारिकवशीकरणावेशनविद्वेषणोत्सादनशोषणमोहनस्तम्भनमारण विविधसत्त्वाकारकरणपीडनतर्जनभर्त्सनबहुपदापदकरणक्रियो मार्गसन्दर्शनयथेष्टकर्मफलः बन्धनरोहणावन्ध्यकरणसर्वकर्ममन्त्रतन्त्रसाधनोपयिकेषु स्थानेषु नियोजनः सिद्धिपरिपूरणा / तछ्रूयतां भो जिनपुत्र //

अथ वज्रपाणिः श्रीमां प्रणिपत्य सुगतं विभुम् / उवाच मधुरां वाणिं शब्दार्थभूषिताम् // mmk_47.1 //

अनर्थां कर्णसुखां चैव मधुरार्थसुकूजिताम् / बह्वार्थकरीमिष्टां सर्वमन्त्रास्पदकरी ब्रह्मस्वरनिनादिनीम् // mmk_47.2 //

कलविङ्करुताघोषा स्पष्टगम्भीरसंयमी / + + + + सूक्ष्मार्थतत्त्वावचोदनीम् // mmk_47.3 //

सर्वमन्त्रेश्वरीं श्चैव वाचं भाषे ऽथ वज्रधृक् / शृणोथ भूतगणाः सर्वे देवसङ्घा महर्द्धिका // mmk_47.4 //

वक्ष्यमाणां तथा कल्पं सविस्तरं सर्वकर्मिकम् / चतुर्मूर्तिर्महौजस्क चतुर्दिक्षु समागमम् / चतुर्वर्णसमायुक्तं चतुरक्षरभूषितम् // mmk_47.5 //

चतुर्मन्त्रसमोपेतं स पुमां पञ्चमाशृताम् / चतुर्थगतिमाहात्म्यं चतुर्भूतसमागमम् // mmk_47.6 //

सभ्रातृपञ्चमं ज्येष्ठं महाभूताकाशमुद्भवम् / सर्वत्राप्रतिहतं श्रेष्ठं सर्वमन्त्रार्थसाधनम् // mmk_47.7 //

सर्वकर्मकरं पूज्यं ज्येष्ठं मङ्गल्यमघनाशनम् / प्रवृत्तं सर्वभूतानां मन्त्ररूपेण श्रेयसाम् // mmk_47.8 //

चतुःकुमार्येति विख्याता कुमारा पञ्चमात्मका / वाय्वम्बुज्योतिषिं पृथिवीं खपञ्चमात्मकाम् // mmk_47.9 //

तेषां मन्त्ररूपिण्यां विपाको भवति देहिनाम् / पञ्चमो श्रेयसो मुख्यो भ्रातृरूपेण मन्त्रराट् / तेषां मन्त्रां प्रवक्ष्यामि अपराख्य शृणोथ मे // mmk_47.10 //

अथ ते सर्वभूता वै प्रहृष्टमनसा अभूत् / निषण्णा धर्मतां ज्ञात्वा सौम्यचित्ता समाहिता / श्रोतुकामा हि वै सर्वो निश्चलायतलोचना // mmk_47.11 //

अथ मञ्जुवरः श्रीमां ऊर्ध्वक्ष्य सुगतात्मजम् / वज्रपाणिं महायक्षं सर्वमन्त्रेश्वरालयम् // mmk_47.12 //

कृपावकृष्टहृदयो अपरो ऽभूत् तदन्तरे / .... सर्वबुद्धा वै प्रत्येकार्हश्रावका // mmk_47.13 //

बोधिसत्त्वा महासत्त्वा दशभूमिसमाशृता / सर्वसत्त्वा तथा लोके मुख्या अग्रतमाश्च ये // mmk_47.14 //

निषण्णा सर्वतः सर्व गतिपञ्चसुयोजिताः / जन्मिनो वरमुख्याश्च पराः परपूजिता // mmk_47.15 //

भवाग्रा ह्यावीचिपर्यन्तां अनन्तां धातुमाशृताम् / त्रिजन्माध्यक्षपर्यन्ता दशभूमाधिपा परा / श्रोतुकामा हि वै सर्वे निपेतुस्तं समागमम् // mmk_47.16 //

अथ वज्रधराध्यक्षो विदित्वा सर्वमागताम् / सत्त्वां बोधिसत्त्वांश्च सर्वमन्त्रेश्वरालयाम् / सुरज्येष्ठां तथा देवां दशभूम्येश्वराम् // mmk_47.17 //

सर्वसत्त्वां विदित्त्वैनां प्रसन्नां बुद्धशासने / मन्त्रं प्रत्याहरेद्धीमां मन्त्रनाथेश्वरस्तदा // mmk_47.18 //

नमः सर्वबुद्धानामप्रतिहतशासनानाम् अचिन्त्याद्भुतरूपिणाम् / ओम् तुरु तुरु हुलु हुलु मा विलम्ब समयमनुस्मर मम कार्यं साधय हूं हूं फट् फट् स्वाहा // सर्वकर्मिको ऽयं मन्त्रः / हृदयो ऽयं सर्वबुद्धबोधिसत्त्वानां सर्वलौकिकलोकोत्तराणां सर्वव्याधिराजाधिपतीनां च मूलमन्त्रो ऽयम् अनेन सर्वकर्माणि कारयेत् //

सर्वद्रव्याणि साधयेत् सर्वकर्मकरो विभुः / अनेन तु सदा कर्म कुर्यात् क्षिप्रार्थसाधने / तत्र मन्त्रं प्रवक्ष्यामि देवसङ्घा शृणोथ मे // mmk_47.19 //

ओम् देव स्वाहा / सार्त्थवाहायस्तुम्बुरेर्मन्त्रः / ओम् जये स्वाहा / ओम् अजिते स्वाहा / ओम् पराजिते स्वाहा / एते मूलमन्त्रा सभ्रातृसहितानां चतुर्भगिनीनां लोकपूजितानां हृदयानि भवन्ति / तासाम् ओम् रूपिणी ओम् विरूपिणी विश्वात्मने / एते हृदयोद्भवा मन्त्रास्तुम्बुरेर्हृदये मन्त्रा भवन्ति / ओम् देवेशाय स्वाहा / उपहृदयानि भवन्ति / ओम् वामनि पिशाचि ओम् महाराक्षसि स्वाहा / ओम् विकृतरूपिणि स्वाहा / ओम् प्रकीर्णकेशी कृतान्तरूपिणि स्वाहा / ओम् वज्ररूपिणि कृतान्तरात्रि भयानकि स्वाहा / तुम्बुरेः सार्थवाहस्योपहृदयं भवति / ओम् चतुर्वक्त्रविभूषितमूर्ति त्रिनेत्रा लम्बोदर बहुरूपि स्वाहा / ओम् धु धु ज्वलय सर्वदिशां स्वाहा / सर्वेषां भगिनीनां भ्रातृसहितानां दिव्यस्तु मन्त्रो ऽयम् / ओम् हूं सर्वेषां शिखा / ओम् ह्रीः जः सर्वेषां शिरः / ओम् ध्यायिनि स्वाहा / सर्वेषां मन्त्रः / ओम् दृक् सर्वेषां नेत्रः / ओम् भगिनीनां भ्रातृसहितानां चन्दनकुङ्कुमानुलिप्तानां समया च रक्षितानां हिमवन्तससागरचारिणां दृढव्रतानां बुद्धधर्मसङ्घानुज्ञातानां श्रीः / ह्रीः / रीम् / व्रीः / भुजः / एष सर्वभगिनीनां (वैद्य 405) सर्वभ्रातृसहितानां गात्रे महामन्त्रः / सर्वकर्मिकः प्रसिद्धः सर्वकर्मसु / परमगुह्यतमः / ओम् आयाहि महादेव विश्वरूपिणे स्वाहा / ओम् तुम्बुरे सार्थवाहस्याह्वाननमन्त्रा / ओम् गच्छगच्छ महादेव विश्वात्मने स्वाहा / तम्बुरेः सार्थवाहस्य विसर्जनमन्त्रा / ओम् आयाहि देवि कुमारिके किं चिरायसिसमयमनुस्मर / मम कार्यं सम्पादय स्वाहा / जयायाह्वाननमन्त्रा / ओम् आयाहि महाभोगिनि कार्यं मे साधय समयमनुस्मर स्वाहा / ओम् महायोगान्धरि विस्तीर्णधनप्रिये स्वाहा / अजिताया आह्वाननमन्त्रा / ओम् श्मशानवासिनि रूपपरिवर्तिनि देहानुचरे स्वाहा / अपराजिताया आह्वाननमन्त्रा पुनरेव सर्वमण्डलां लौकिकलोकोत्तरामालिखेत् / सर्वकर्मेषु च योजयेत् / परकल्पविधानेनापि ईप्सितमर्थं साधयेत् / अस्मिन्नेव कल्पविसरे मूलकल्पराजपटलसमतासम्मतश्चतुःकुमारिणां कुमारसहितानामादिमाख्यायते मन्त्रो ऽयं बुद्धात्मजो यमिच्छति /

सर्वकर्मिकमित्याहुः बुद्धपूत्रा महर्द्धिका / कुलाग्रा मन्त्रमुख्याश्च सर्वमन्त्रेश्वरो विभुः // mmk_47.20 //

करोति विविधां कर्मां विचित्रां साधुवर्णिताम् / प्रसह्यं चापि भूतानां चित्तं हरति तृजन्मिनाम् // mmk_47.21 //

गत्यर्थवश्यताहेतुनापत्यार्थसमुद्भवम् / प्रसह्यं कुरुते कर्म गतियोनिविनिर्गतः // mmk_47.22 //

चतुर्भगिन्येति विख्याता ............ / सभ्रातृसहिता नित्यं महोदधिनिवासिनः // mmk_47.23 //

नौयानसमारूढा सभ्रातृसहपञ्चमा / कर्णधारो ऽथ चित्तासां तुम्बुरुर्नाम संज्ञितः // mmk_47.24 //

विचरन्ति महीं कृत्स्नां सत्त्वानुग्रहतत्पराम् / विचित्ररूपधारिण्यो विचित्राभरणभूषिताः // mmk_47.25 //

विचित्रैव फलं तासां विचित्रोपकरणपूजिताम् / पर्यटन्ति महीं सर्वां सशैलसहसागराम् // mmk_47.26 //

तासां मन्त्रो महाज्येष्ठः तुम्बुरुर्नाम इष्यते / सार्थवाहस्य मन्त्रो वै त्र्यम्बकस्य जनाधिपे / चतुरक्षरसंयोगा ओङ्कारसपञ्जकः // mmk_47.27 //

प्रथमः सर्वमन्त्राणां चार्चनं कुर्यात् गन्धधूपदीपमाल्योपहारविशेषैः बलिविधानं दत्वा जपं कुर्यात् / अनाकुलपदाक्षरैः / गुह्यप्रदेशे एषामन्यतमं श्रेष्ठं मन्त्रं गृहीत्वा त्रिःकालमष्टसहस्रं जपेत् / आगताया अर्घं दत्वा सर्वकर्माणि कारयेत् / अर्घमन्त्रं चात्र भवति / ओम् प्रविगृह्णतु भगिन्यः सभ्रातृसहिता चार्घमयमधितिष्ठन्तु स्वाहा / अर्घमन्त्रा सर्वेषां भ्रातृसहितानां सर्वोपचारमन्त्राणि भवन्ति / ओम् ज्वल ज्वल महाहुताशार्चि महाद्युतीनां (वैद्य 406) स्वाहा / सर्वेषां प्रदीपमन्त्रा / ओम् धूं धूं / अरितवासिनि धूपशिखे सुरभिगन्धमनोहरे प्रतिगृह्णतु देव्यः भ्रातुसहिताः ध्यायन्तां स्वाहा / धूपमन्त्रः सर्वेषाम् / ओम् कुसुमवासिनि कुसुमाढ्ये सुरभिमाले सुगन्धिमनोहरे वने कुसुमा जाताः सुकुमाराः सुगन्धिनः / तां निवेदितो भक्त्या प्रतिगृह्णध्वं मनोजवा स्वाहा / पुष्पमन्त्रा / अनेन पूजां कुर्वीत / ओम् गन्धगन्धाधिवासे स्वाहा / गन्धमन्त्रा / ओम् बलिते बलिनि स्वाहा / बलिमन्त्रा / ओम् लालावति स्वाहा / निवेद्यमन्त्रा / ओम् सू / वस्त्रमन्त्रा / ओम् फट् / घण्टामन्त्रा / ओम् स्वरव्यञ्जनमन्त्रा / ओम् छादय छत्रमन्त्रा / ओम् दोधूयते धूयते स्वाहा / चमरमन्त्रा / ओम् केलिमहोकलिहृदयङ्गमे स्वाहा / सर्वद्रव्योपकरणाञ्जनरोचनादर्शप्रसाधनमन्त्रा / ओम् समस्तव्यापिनि स्वाहा / सर्वदिग्बन्धवज्रप्राकारमन्त्रा / ओम् मण्डलिने स्वाहा / इत्यूर्ध्वमधः बन्धमन्त्रा / सर्वतश्च समन्ताशेषबन्धं भवति / ओम् नमः सर्वबुद्धानामप्रतिहतशासनानाम् / ओम् हूं हः / सर्वकर्मिको ऽयं महाविद्याराजा शासनो नाम / वशिता सर्वभूतानां चतुःकुमारीणां

सभ्रातृसहितानां पीडनो शोषणो रोधनो बन्धनः वशयिता निग्रहानुग्रहे रतः सर्वभूतग्रहमातर सर्वकर्मेषु अप्रतिहतशासनः गुह्ये प्रदेशे अववरके वा जप्यमानश्चतुर्भगिनीनां सभ्रातृसहितानां यं रोचते तं कारयति / याच्यमानस्तु यं बरं रोचते तं वरं याचयितव्या शीघ्रं वरमनुप्रयच्छति / एवं बन्धनताडनतर्जनतर्जनमारणादीनि कर्माणि कुर्वन्ति / अनेनैव विद्याराजेनोपतप्यमाना सह जप्यमाना सर्वकर्माणि कुर्वन्ति / आसां मन्त्राणि भवन्ति / विसर्जनाध्येषणादीनि कार्याणि कुर्वन्ति //

ओम् रूपिणी गच्छ गच्छ समयमनुस्मर स्वाहा / जयाया विसर्जनमन्त्रा / ओम् वामने पिशाचि प्रकीर्णकेशि विश्वरूपिणि गच्छ गच्छ मम कार्यं साधय स्वाहा / विजयाया विसर्जनमन्त्रः / ओम् लहु लहु रूपिणि गच्छ गच्छ समयमनुस्मर मम कार्यं समादाय स्वाहा / अजिताया विसर्जनमन्त्रा / ओम् विश्वरूपिणि विकृते विकृतानने सर्वदुष्टनिवारणि गच्छ गच्छ ममार्थं साधय स्वाहा / अपराजिताया / विसर्जनमन्त्रा एते विसर्जनाध्येषणमन्त्रा / यन्मनीषितं कार्यं / विचित्रकुसुमैरञ्जलिं पूरयित्वा याचयित्वा प्रसाद्य च देवीनामग्रतः सभ्रातृसहितानां क्षेप्तव्याः / ततस्ता मुक्ता भवन्ति / सभ्रातृसहिता सान्निध्यं च कल्पयन्ते / यथेष्टं च वरमनुप्रयच्छन्ति विचरन्ति यथासुखमिति / वाचा वक्तव्या प्रतिदिनं च कर्तव्यमेवमुपरुध्यमाना मोक्षणाच्च सान्निध्यं न परित्यजन्ति / सततक्रिया अन्यथा उपरुध्यमाना नावतिष्ठन्ते कर्तव्यम् //

अथ ते भगिन्यः सभ्रातृसहिताः थरथरायमानाः पीड्यमानाश्च वेपथुरुपजातशङ्का बोधिसत्त्वानुभावेन चतुर्दिक्षु रागत्य एवं वाचमुदीरयन्ते - परित्रायस्व भगवं वज्रपाणि परित्रायस्व / पीडिताः स्म भगवं सुपीडिताः स्म / गतिरन्या न विद्यते / त्वमेव भगवं शरणम् / त्वमेव त्राणमिति //

अत्रान्तरे विद्याराजेन शासने सुशासिता सर्वदेवनागयक्षगन्धर्वासुरगरुडकिन्नरमहोरगमनुष्यामनुष्या सर्वसत्त्वाश्च सर्वगतिसङ्गृहीताश्च सुविनीताश्च सुशासिता महाविद्याराजेन (वैद्य 407) वज्राधिपतिनानुभावेन ताः भगिन्यः भ्रातृसहिताः भीताः सुविनीता आर्तस्वरं क्रन्दमानाः अवतिष्ठन्ते / अथ खलु मञ्जुश्रीः बोधिसत्त्वो महासत्त्वः तां देवतां भ्रातृसहितानामन्त्रयते स्म / मा भैष्टत भगिन्यः मा भैष्टथ / बुद्धं शरणं गच्छध्वम् / द्विपदानामग्रं धर्मं शरणं गच्छध्वम् / विरागाणामग्रं सङ्घं शरणं गच्छध्वम् / गणानामग्र्यम् //

अथ ता भगिन्यः सभ्रातृपञ्चमाः बुद्धं शरणं गच्छन्ति / एवं शरणं गच्छन्ति / सङ्घं शरणं गच्छन्ति स्म / ततस्ताः सुखसौमनस्याः परमेण सुखसौमनस्येन समन्वागता अभूवन् / मुक्तगाढबन्धनात्मानं सञ्जानते स्म / प्रीतीसुखसमर्पिताः लब्धप्रसादपरमसञ्जातहृष्टरोमकूपाः इदमुदानमुदानयन्ति स्म -

अहो आश्चर्यमिदं प्राप्तो रत्नत्रयोद्भवे / सुखिताः स्म क्षणाल्लब्धात् सर्वदुर्गतिघहिताः / सुगतौ स्वर्गमोक्षो च सदा बुद्धिनिवेशिता // mmk_47.28 //

ततस्तां तुष्टमनसो मञ्जुघोषं निरीक्ष च / प्रणिपत्य चरणौ मूर्ध्ना इदं वाचमुदीरयम् / त्रातस्त्वं सर्वदुःखेभ्यः गतिस्त्वं भो महाद्युतेः // mmk_47.29 //

यस्त्वं सर्वधर्माणां गभीरपदमक्षरा / त्वं देशयसे नाथ बन्धुभूत नमो ऽस्तु ते // mmk_47.30 //

आज्ञापय महावीर मन्त्रनाथं जिनात्मजम् / किमानीताः स्म देवेन आज्ञां किं करवानि ह // mmk_47.31 //

एवमुक्तास्तु वीरो वै सर्वबुद्धात्मजो विभुः / उवाच मधुरां वाणीं देवताभिः स चोदितः // mmk_47.32 //

गच्छ त्वं शरणं भूयः वज्रपाणिजिनात्मजे / अवैवर्तिकसङ्घो वै बोधिसत्त्वाग्रजोद्भवेत् // mmk_47.33 //

तृरत्नमादौ कृत्वा वै वंशजं जिनवरात्मजम् / चित्तं च बोधो ईरध्वं मैत्रचित्ता भवोत्सुका / ततो वा सर्वतः कृत्वा जघ्नुः स्वस्थतास्पदम् // mmk_47.34 //

ततस्ता देवताः सर्वे प्रणिपत्य जिनात्मजम् / आज्ञां सम्पाद्य सर्वं वै येन वज्री तदोन्मुखा // mmk_47.35 //

नमस्कृत्वा तु तां क्षिप्रं वज्रपाणिं महाद्युतिम् / अभिष्टुत्य ततः सर्वे स्थिताः तन्मुखोद्भवाः // mmk_47.36 //

प्रसमीक्ष्य तदा कन्या सभ्रातृसहपञ्चमा / वज्रपाणिं च यक्षेशं निरीक्षमाणाः स्थिताः / अभूवं नित्यार्थमास्पदा देव्यः अनित्यार्थार्थभूषिताः // mmk_47.37 //

प्रणेममधुरां वाचामात्ममन्त्रार्त्थशोभनाम् / नमस्ते सर्वबुद्धानां बोधिसत्त्वां महर्द्धिकाम् // mmk_47.38 //

प्रत्येकार्हसङ्घं च असतांश्चैव योगिनाम् / आत्ममन्त्रार्थविस्तारं कथयामो महाद्युते // mmk_47.39 //

यथातत्त्वावबोधार्त्थं जनानां तु महीतले / सरहस्यं गुह्यमन्त्राणां त्वद्वक्षान्निसृतात्मनाम् / अनुरक्षार्थमन्त्राणां आस्पदार्थार्त्थभूषणाम् // mmk_47.40 //

एवमुक्ते तु मन्त्रेशः वज्रपाणिर्महाद्युतिः / ईषिस्मितमुखो भूत्वा विलोक्य विकसन्मुखः // mmk_47.41 //

पूजायामास तां कन्यां सभ्रातृसखीजनाम् / अनुज्ञातं मया यूयं निर्विशङ्क भविष्यथ // mmk_47.42 //

संश्राव्य कल्पविस्तारं सरहस्यं समण्डलम् / जन्तुभिः पूजिताः नित्यं वरं वो दास्यथ सर्वदा // mmk_47.43 //

ऋषिभिः पूजिता यूयं यक्षराक्षसकिन्नरैः / गरुडैर्देवगन्धर्वैः असुरैश्चापि महर्द्धिकैः // mmk_47.44 //

कूष्माण्डैः मातरैश्चापि समग्रैः सोमभास्करैः / लोकपालैः धनाध्यक्षैः पतद्भिः वसवैस्तथा // mmk_47.45 //

तैरिवेयं सुराध्यक्षैः पिशाचोरगमानुषैः / भूताध्यक्षैः निशाध्यक्षैः पिशिताशनव्यन्तरैः / राक्षसाधिपमुख्यैश्च रौद्रचित्तैर्विहेठकैः // mmk_47.46 //

दैत्यदानवसङ्घैश्च यमैः प्रेतमहर्द्धिकैः / मानुषामानुषैश्चापि ब्रह्मविष्णूमहेश्वरैः // mmk_47.47 //

सुरमुख्यैर्महाज्येष्ठैः सिद्धचारणपूतनैः / योगिभिर्जिनपुत्रैश्च पूजिता वो भविष्यथ // mmk_47.48 //

+ + + + न सन्देहो प्रभावा वरक्रमा / जयाया मन्त्रमित्याहुः कल्पविस्तारविस्तरा // mmk_47.49 //

नव कोट्यस्तु मन्त्राणां तन्त्रकल्पसविस्तरा / विजया चैव मन्त्राणां षष्टिर्लब्धा प्रकीर्तिता // mmk_47.50 //

अजिताया तु भवेन्मात्र लक्षषोडशकोद्भवा / अपराजिताया तु कन्याया चतुःकोट्यः उदाहृताः // mmk_47.51 //

तुम्बुरेः सार्थवाहस्य नवकोट्यो ऽथ गायतः / तत्प्रमाणा भवेत् कल्पा नृसुरासुरपूजिताः // mmk_47.52 //

सर्वं शैवमिति ख्यातं सर्वैर्भूतलवासिभिः / मयैव निगदितं पूर्वं कल्पे मस्मिं सविस्तरे // mmk_47.53 //

पश्चादन्यो जनः प्राहुः कल्पमन्त्रां पृथक् पृथक् / तुम्बुरुः सार्थवाहस्य त्र्यम्बकस्य तु धीमतेः // mmk_47.54 //

अनन्ता कल्पविस्तारा शर्वस्यास्य कपर्दिने / यत्प्रभावार्त्थं मन्त्राणां सिद्धिं यास्यन्ति भूतले // mmk_47.55 //

अनुज्ञाताथ वै यूयं कलराजे ऽथ वै सदा / भाषध्वं मन्त्रतन्त्राणां सरहस्यं सविस्तरम् / सगुह्यं गुह्यतमं चापि सर्वसत्त्वसुखोदयम् // mmk_47.56 //

इत्युक्त्वा वज्रधृक् श्रीमां वज्रमाशृत्य लीलया / तूष्णीम्भूत तदा तस्थौ रत्नपङ्कजमुच्छृते // mmk_47.57 //

अथ ताः कन्यकाः क्षिप्रं सभ्रातृमथपञ्चमाः / प्रणिपत्य मन्त्रनाथं वै यक्षेशं जिनवरात्मजम् // mmk_47.58 //

वज्रपाणिं महावीरं मन्त्रनाथेश्वरं विभुम् / उवाच मधुरां वाचां एकैकामनुपूर्वतः // mmk_47.59 //

मण्डलं तु समासेन वक्ष्ये ऽहं भुजयोदयम् / ज्येष्ठमण्डलमित्याहुः जया ज्येष्ठमगायत // mmk_47.60 //

विजने रहसि सम्पाते विगते चैव महाजने / प्रच्छन्ने ऽग्रप्रसम्बाधे सरित्तीरे शिलोच्चये // mmk_47.61 //

विविक्ते कानने रम्ये बुद्धाध्युषितमन्दिरे / शून्ये देवकुले चापि शून्ये वेश्ममु शोधिते // mmk_47.62 //

एकवृक्षे शुभे रम्ये महोदधिसमाश्रये / एकलिङ्गे श्मशाने च विगते धूमपांसुभिः / वज्रासनमहापुण्ये धर्मचक्रे सुशोभने // mmk_47.63 //

यत्र शान्तिं गतो बुद्धः यत्र जातो महामुनिः / एते स्थाना भवेन्मुख्या मण्डलालिखने शुभा / गङ्गातीरे ऽथ सर्वत्र सद्वीपपुलिनाश्रये // mmk_47.64 //

सरिद्वराश्च मुख्या ये कीर्त्तिता लोकविश्रुता / तेषु तीरेषु सर्वत्र नित्यं मण्डलमालिखेत् // mmk_47.65 //

समन्तात् सर्वतोयान्ता महोदधिसमप्लवा / हिमवन्तविन्ध्या तोयान्ता प्रस्थिता निम्नगाम्बुधेः / सरिद्वरिष्ठेषु तीरेषु युक्तो मण्डलमालिखेत् // mmk_47.66 //

अन्ये वा रहसि भूभागे उडये वा सुशोभिते / देवायतनरम्येषु स्तूपे चापि महोच्छ्रिते / धातुगर्भे तथा चैत्ये वापीकूपासु वीथिकैः // mmk_47.67 //

तेषु तीरेषु सर्वत्र मध्ये चापि सुशोभितै / गोष्ठे पद्मसरत्सर्वां क्वचित् तोयाश्रयोद्भवैः / अन्यैर्वा स्थानाग्रैर्नित्यं विहारारामभूपितैः // mmk_47.68 //

यथिष्टमनसो तुष्टिः मुनिजुष्टे महीतले / पर्वताग्रैर्ग्रहैश्चापि कन्दरैः सानुचिह्नितः // mmk_47.69 //

शान्तैरावसथैर्दिव्यैः ग्रहैश्चापि विजन्तुभिः / ध्यानानुकूलैः प्रशस्तैश्च ऋषिमुख्यैर्निषेवितैः // mmk_47.70 //

यत्र वा मनसो तुष्टिः तत्र मण्डलमालिखेत् / एषु स्थानेषु वै नित्यं यथोदिष्टैः सुपूजितैः // mmk_47.71 //

निपेतुर्देवताः क्षिप्रं सान्निध्यं चापि कल्पयेत् / तत्र स्थाने तदा नित्यं जपहोमक्रमो विधिः // mmk_47.72 //

ये साध्या मन्त्रमुख्याश्च उत्तमाधममध्यमाः / सिद्ध्यन्ति मन्त्राः सर्वे वै सिद्धक्षेत्रेष्विहोदिते // mmk_47.73 //

सिद्ध्यन्ति सर्वमन्त्रा सर्वे वै ज्येष्ठमध्यमकन्यसा / विविधा हि भवे सिद्धिः त्रिविधैव क्रियाविधिः // mmk_47.74 //

त्रिप्रकारस्तु मन्त्राणां त्रिधा कालप्रभेदतः / त्रिसन्ध्यं सर्वमन्त्राणां त्रिधा कर्मफलोन्मुखाः // mmk_47.75 //

शान्तिकं कर्म निर्दिष्टं जयाख्ये मण्डले शुभे / विजयाख्ये तु पौष्ट्यर्थं अजिताख्ये चाभिचारुकम् // mmk_47.76 //

अपराजिताख्ये तथा नित्यं निर्दिष्टं क्षुद्रकर्मसु / सर्वकर्मसु मन्त्रज्ञः तुम्बुराख्यं समालिखेत् // mmk_47.77 //

पञ्चैव मण्डला ज्ञेया अम्भोधे तु निवासिनाम् / समन्ताच्चतुरस्रं वै उक्तिमात्रं खनेद् भुवि // mmk_47.78 //

चतुर्हस्ताष्टहस्तं वा संशोध्य पाणिना पुनः / कठण्णः शर्कराङ्गारः तुषकेशमवस्कराम् // mmk_47.79 //

कपालास्थिशकृदुष्टां संशोध्य पाणिना ततः / स्वयं चापि परैस्तत्र सर्वावस्करतां जपेत् // mmk_47.80 //

कृमिजन्तुसमाकीर्णाः संशोध्यः यत्नतो व्रती / आपूर्यारन्यमृत्तिकैः शुचिभिश्च सुगन्धिभिः // mmk_47.81 //

नदीकूलोद्भवैर्मेध्यैस्तथा वल्मीकाग्रसम्भवैः / गोष्ठभूतलयोर्मध्ये तदन्यैर्वा पार्थिवोद्भवैः // mmk_47.82 //

सिकताभिः समन्ताद् वै सञ्छाद्य प्रसन्नधीः / अथवा गोमयमिश्रैर्वा मृत्तिकाभिः समन्ततः // mmk_47.83 //

समन्तमालेपयेत् क्षिप्रं पञ्चगव्यसमासृतैः / कुङ्कुमाक्तैस्तथा स्निग्धैः विविधैः गन्धमिश्रितैः // mmk_47.84 //

मृत्तिकाभिः समन्ताद् वै मण्डलं तु समन्ततः / आलेप्य भुवि यत्ना वै मन्त्रविन्मन्त्रतन्त्रवित् // mmk_47.85 //

पञ्चाङ्गिकचूर्णैस्तु विविधैः धूपवासितैः / आलिखेन्मण्डलं दिव्यं समन्ता चतुर्हस्तकम् // mmk_47.86 //

अष्टहस्तप्रमाणं वा ज्येष्ठं मण्डलमुच्यते / चतुर्हस्तो ऽथ कनिष्ठं मध्यमं परिकीर्त्यते // mmk_47.87 //

पञ्चहस्तो ऽथ विख्यातः षट् हस्तो ऽथ मुक्तवाम् / सर्वेषां तु देवीनां सभ्रातृसहितात्मनाम् / मण्डलप्रमाणमित्युक्तः समन्ता च्चतुरश्रितम् // mmk_47.88 //

चतुर्द्वारं चतुःकोणं चतुस्तोरणभूषितम् / आलिखेन्मण्डलं दिव्यं प्रशस्तं चारुरूपिणम् // mmk_47.89 //

मध्ये कुमारमालिख्य बालरूपसुभूषणम् / कुङ्कुमाकारवर्णाभं वाममध्ये ऽथ संस्थितम् / नीलोत्पलं समन्ताद्यकरलग्नोपशोभितम् // mmk_47.90 //

दक्षिणे करविन्यस्तं श्रीमालं फलमायतम् / किञ्चिद्वरदं देवं मञ्जुघोषं महाप्रभुम् // mmk_47.91 //

किंचिदुन्मीलिताक्षं तु ईषित्प्रेक्षणदेवताम् / दक्षिणेन समन्ताद् वै महोदधि समालिखेत् // mmk_47.92 //

तत्रस्था नावारूढं देव्यां भ्रातृपञ्चमाम् / आलिखेन्मन्त्रविद्यानां सुवेषां चारुरूपिणाम् // mmk_47.93 //

विचित्राभरणविन्यस्तां विचित्रप्रहरणोद्यताम् / कुमार्याकारचेष्टानां सभ्रातृकुमारविक्रमाम् // mmk_47.94 //

नौयानसमारूढां सभ्रातृसहपञ्चमाम् / कर्णधारसमोपेतां तुम्बुरुः सार्थवाहिकाम् // mmk_47.95 //

महोदधि समन्ताद् वै मण्डलाभ्यन्तरं स्थितम् / ऋषाद्यै प्राणिभिर्युक्तं स्फोटकं वारिपूजितम् // mmk_47.96 //

आलिखेन्मण्डलं धीमां गुप्ते रहसि सर्वतः / यथा हि विधिनिर्दिष्टं तत्त्वं चापि कीर्त्तितम् // mmk_47.97 //

तत् सर्वं कारयेत् क्षिप्रं लौकिकेष्वेव योजयेत् / यावन्ति शैवतन्त्रे ऽस्मिं ये तन्त्रे चापि गारुडे // mmk_47.98 //

ब्रह्माद्यैरृषिमुख्यैश्च भृग्वाङ्गिरसकाश्यपैः / मार्कण्डमुनिवरैश्चापि पुलस्त्यागस्तिसम्भवैः // mmk_47.99 //

वासवैः शक्रदेवैश्च रुद्रेन्द्रसभास्करैः / विविधैः सत्त्वमुख्यैश्च यमाद्यैः प्रेतमहर्द्धिकैः // mmk_47.100 //

ग्रहमातरकूष्माण्डैः यक्षराक्षसपूजितैः / मानुषामानुषे लोके चित्तनाथैर्महर्द्धिकैः // mmk_47.101 //

पूजिता कल्पविस्तारा विष्णुरुद्रसवासवैः / कथिता कल्पमहात्म्यं निखिलाश्चैव भूतले // mmk_47.102 //

तस्मिं मण्डले योज्या सिद्ध्यन्तीह न संशयः / विविधा योनिमुख्यैस्तु विविधाकारचेष्टितैः // mmk_47.103 //

कथिता कथयिष्यन्ति देवीनां कल्पविस्तराम् / तस्मिं समये नियोक्तव्या जयाख्ये मण्डले भुविरिति // mmk_47.104 //

बोधिसत्त्वपिटकावतंसकान्महायानवैपुल्यसूत्रादार्यमञ्जुश्रीमूलकल्पात् पञ्चचत्वारिंशतमः पटलविसरात् प्रथमः चतुर्भगिनीमण्डलमनुप्रवेशसमयगुह्यतमपटलविसरः परिसमाप्त इति // अथाष्टचत्वारिंशः पटलविसरः / अथ खलु विजया नाम देवी तत्रैव पर्षदि सन्निपतिता सन्निषण्णाभूवम् / स स्वकं मण्डलोपचर्या साधनविधिं भाषयति स्म -

आदौ तावद् विविक्ते देशे प्रच्छन्ने रहसि पञ्चरङ्गिकचूर्णेन शुक्लकृष्णपीतरक्तहरितैः चूर्णैः पञ्चम्या शुभे सितकृष्णयोः पक्षे चतुर्थ्या वा मण्डलमालिखेत् / चतुर्हस्तप्रमाणं समन्ताच्चतुरस्रं चतुःकोणं चतुस्तोरणभूषितम् / समन्तान्मण्डलमध्ये महोदधि समालिखेत् चतुर्मुद्रालङ्कृतम् / मध्ये सार्थवाहश्च मुद्रामण्डलाकारं इन्दुवर्णाभं पूर्वोत्तरे कोणे जया मुद्रा अर्धचन्द्राकारसितं दक्षिणपूर्वकोणे विजया मुद्रा तृकोणाकारं पीतनिर्भासं, पश्चिमदक्षिणकोणे अजिताया मुद्रं बन्धाकारं रक्तावभासं उत्तरपश्चिमकोणे अपराजिताया मुद्रं वज्राकारं कृष्णनिर्भासं सर्वतश्च मुद्राणां ज्वालामालिनः कर्त्तव्याः //

पूर्ववचौक्षसमाचारेण भूत्वा चतुःकोण चत्वारः पूर्णकलशाः स्थापयितव्याः आम्रपल्लवप्रच्छादितमुखाः सर्वव्रीहिरत्नपरिपूर्णगर्भाः / मध्ये तु सार्थवाहस्य तुम्बुरेः पञ्चमं कलशं तथैवाम्रपल्लवप्रच्छादितमुखं प्रत्यग्रवस्त्रावकुण्ठिताश्च कार्याः / तच्च तथैव बलिनिवेद्यपुष्पादयो यथा मुद्रास्तथैव कार्या / तद्वर्णश्च पूष्पधूपगन्धादयः तत् सर्वं तथैव कार्यम् / चतुर्दिशं च बलिः क्षेप्तव्या / अर्धरात्रे मध्याह्ने चाभिचारुके प्रत्यूषे पौष्टिके अपराह्ने शान्तिकमस्तं गते वा सवितरि कर्मत्रयं चापि यथाकालोपदिष्टमण्डलहोमजपसाधनेषु प्रयोक्तव्यम् //

शुचिनो दक्षशीलाश्चं स्त्रीपुरुषादयः अव्यथिताश्च प्रवेशयितव्याः सरदारिकाश्च गुह्यमन्त्रधारिणो आदौ प्रवेशयितव्याः / प्राङ्मुखं स्थापयित्वा विजयाया मूलमन्त्रेणोदकमभिमन्त्र्य सप्ताभिमन्त्रितं कृत्वा सर्वेषामभ्यषिञ्चेत् / सकृदहोरात्रोषितानां शुचिवस्त्रप्रावृतानामष्टौ प्रभृति यावदेकं प्राङ्मुखं पश्चाद्द्वारेण प्रवेशयेत् प्रत्यग्रमुखप्रच्छादितां कृत्वा एकैकं विजयाया मुद्रं बद्ध्वा अञ्जलिं कृत्वा पीतपुष्प दत्वा क्षिपापयेत् / विजयाया मन्त्रं कृत्वा मुखमुत्साद्य मण्डलं दर्शापयेत् / प्रदक्षिणं च कारापयेत् / सर्वेषां मुद्रां दर्शयेत् / ततो ऽनुपूर्वतः सर्वे प्रवेशयितव्या यावदष्टाविति //

पूर्वं तावद् देवीनामाह्वाननमन्त्रेण भ्रातृसहितानां मूलमन्त्रेण यथोचित्तैः पुष्पैरावाहयेत् / पूर्वं पश्चाद् धूपं दत्वा यथोचितं नमस्कारं कृत्वा यत्रोत्सहते शिष्यः स्त्रीपुरुषदारकदारिका वा स तस्मिं मण्डले बहिरभिषेचयितव्यः राजवत् सर्वोपकरणैः यथाभिरुचितैर्वा मन्त्रं मण्डलाचार्यस्य तुष्टिर्येन वा तुष्येत तयाभिषेचयेत् / अभिषिच्य च एक वा त्रयो वा अभिषेचनीयः आर्याभिषेकेण / एकं च वक्तव्यम् / शृणु कुलपुत्रकुलदुहितुर्वा लब्धाभिषेकस्त्वमनुज्ञातः सर्वदेवताभिश्च सभ्रातृसहितैश्च स्वमन्त्रतन्त्रेषु यथेष्टं मण्डलमालिख्य स्वमन्त्राणां विधिनियमचर्याकल्पविस्तरां ददस्वेति वक्तव्यः / तदन्ये विद्याभिषेकेणाभिषेचयितव्या / द्वित्रयो वा जनाः / शेषास्तु स्वमन्त्रचर्यायाः शिक्षापयित्वा विसर्जयितव्या //

ततो मण्डलाचार्येण चन्दनोदकेनाभ्युक्ष्य अर्घं दत्त्वा स्वमन्त्रेणैव धूपपुष्पादिभिः देवतां विसर्जयितव्या / सर्वं चोपकरणं आत्मना ग्रहेतव्यम् / गृह्य च स्वं प्रत्यंशं त्रितीयभागं सर्वमनाथेभ्यो दातव्यम् / शेषमुदके प्लावयितव्यम् / तं पृथिवीप्रदेशं सुलिप्तं कृत्वा सुशोभितं विगतरजस्कं यथेष्टयो गन्तव्यम् / यथा स्वमन्त्रचर्यासु च तथा शिक्षापयितव्याः / सर्वे शिष्याः प्रच्छन्ने रहसि विगतजनसम्पाते स्वदेवतामुद्रांश्च बन्धापयितव्याः / तैरेव मन्त्रैः पूर्वनिर्दिष्टैर्मन्त्रैः सुविशेषतः सर्वमन्त्रा सिद्धिं गच्छन्तीति //

आशु सिद्धिक्रियायुक्तिमन्त्राणां च विशेषतः / जयाख्ये मण्डले ह्युक्तं पूर्वनिर्दिष्टहेतुभिः // mmk_48.1 //

तत्कर्मविधिनिर्दिष्टः विजयाख्ये मण्डले शुभे / द्वितीयं मण्डलमित्याहुः निर्दिष्टं तत्त्वार्थमन्त्रिभिः // mmk_48.2 //

विजया नामतो ज्ञेया सर्वकर्मार्थसाधिका / ईप्सितां साधयेदर्थां सर्वमन्त्रेषु मन्त्रवित् // mmk_48.3 //

पूर्वं जप्तो मन्त्रस्तु सर्वकर्मेषु मानवी / तत्यात्मदेवता रक्षा विजयाया तु कीर्त्यते // mmk_48.4 //

पराभवश्च विघ्नानां आरम्भश्च फलोन्मुखः / मण्डले विजयाख्ये तु द्वितीये सर्वार्थसाधने // mmk_48.5 //

दर्शनान्मुञ्चते पुंसः सर्वकल्विषमायतैः / जपाद् योगाच्च मन्त्रज्ञः पापशुद्धिश्च जायते // mmk_48.6 //

पराभवश्चान्येषां मन्त्राणां तु भूतले / परिपक्षगतां देषां स्वदुष्टादुष्टयोनिजाम् // mmk_48.7 //

नाशये तत्क्षणान्मन्त्री विजयाख्ये मण्डलावृतीः / सर्वकर्मिकमित्याहुः वश्याकर्षणभूतिकम् // mmk_48.8 //

सफलं कर्मजं लोके पुष्टिशान्त्यर्थसाधकम् / सर्वार्थसाधको ह्येष मण्डलोदधिसम्भवो // mmk_48.9 //

विजयाख्ये बहुमतः पुण्यः प्रशस्तः सोमपूजितो / नित्यं नित्यतमो पुण्यो मङ्गलो मघनाशनः // mmk_48.10 //

सुरूपो रूपमन्तश्च धन्यः सर्वार्थसाधकः / लिखनान्मन्त्रिभिः क्षिप्रं ऊर्ध्वगामर्थसाधकमितिदिति // mmk_48.11 //

अजितादेवमित्याहुः प्रसन्ना बुद्धशासने / मण्डलं त्रयमेक वै कथितं लोकपूजितम् // mmk_48.12 //

पूर्वं रिषिवरैर्मुख्यैः कथितं लोकचिह्नितैः / अधुना च प्रवक्ष्ये ऽहं अजिताख्यं मण्डलम् // mmk_48.13 //

यद्व तत् यथैव नियोजयेत् / किन्तु वर्णवरं रक्तं रक्तैश्चापि चूर्णकैः // mmk_48.14 //

तथैव बलिपुष्पाद्यां गन्धधूपादिभिः क्रमैः / सर्वरक्तमयं बाह्यमसृग्ग्रस्ताङ्गशोभनम् // mmk_48.15 //

तथैव मुद्रां सर्वत्रं भीमां चैव वियोजयेत् / बलिहोमक्रियायुक्तिः रक्तैश्चापि नियोजयेत् // mmk_48.16 //

कलशाश्चैव रक्ताभां रक्तवस्त्रांश्च दापयत् / तथैव मुखवेष्टं वा रक्तच्छत्रं तथैव च // mmk_48.17 //

आसनं शयनं यानं रक्तं चैव समालभेत् / तथैव रक्तमन्त्राणां स्त्रीपुंसार्थकारणम् // mmk_48.18 //

रागार्थं आवृते मन्त्रां रागिणस्यैव युज्यते / नान्यमन्त्रेषु मन्त्रज्ञो मतिं कारेथ कत्तृणाम् // mmk_48.19 //

बुद्धिमन्तः सदायोगी मन्त्रज्ञो मन्त्रमीरयेत् / कामार्थं सम्पदं प्राप्ता वश्याकर्षणहेतुकम् // mmk_48.20 //

प्राप्नुयात् सम्पदां सर्वां अजिताख्ये मण्डले ऽद्भुताम् / सर्वभूतवशार्थाय मण्डलं भुवि मुच्यते // mmk_48.21 //

कथितं मन्त्रिभिर्नित्यं चित्तविक्षेपकारणात् / आकृष्य महोजं कर्म वश्या भौतिकचेष्टितम् // mmk_48.22 //

विक्षिप्तचित्तो मर्त्यो वै आविष्टाविरलेक्षिताम् / दासभूतं समायातं सर्वज्ञासम्प्रतीच्छकम् // mmk_48.23 //

विवशं वशमायातं किङ्करानुवशवर्तिनम् / तादृशं मानुषं दृष्ट्वा पुनरेव सम्प्रमोक्षयेत् // mmk_48.24 //

स्त्रियं वा यदि वा पुंसं दारकं वाथ दारिकाम् / भूयो ऽपि मूलमन्त्रेण अजितेनैव मोक्षयेत् // mmk_48.25 //

पूर्वनिर्दिष्टकर्मैश्च विधियुक्तैर्महीतले / आलिखेन्मण्डलं धीमां सर्वदैव प्रयोजयेत् // mmk_48.26 //

सफलं कर्म निर्दिष्टं समन्त्रं मन्त्रकर्मणि / पूर्वमन्यप्रयोगैस्तु साधयेद् विधिमुत्तमाम् // mmk_48.27 //

साध्यमाना हि सिद्ध्यन्ते सर्वे माहेश्वरा गणाः / विधानज्ञापतो रूपं मुद्रं मन्त्रार्थतन्त्रता // mmk_48.28 //

क्रियायोगप्रमाणं तु कथ्यमानातिविस्तरा / एतत् प्रमाणतो ज्ञेयं मण्डले ऽस्मिन् निबोधताम् // mmk_48.29 //

हस्ता च दष्टसप्ता वा षट्पञ्चचतुरस्तथा / द्विहस्तहस्तमात्रं वा वृता मण्डलमुद्भवेत् // mmk_48.30 //

ज्येष्ठमष्टस्तथा हस्तं सप्त षट् पञ्च मध्यमाः / चतुर्हस्तद्विहस्तं वा हस्तमात्रं तु कन्यसम् // mmk_48.31 //

ज्येष्ठे शान्तिकं कुर्या तथा मध्ये तु पौष्टिकम् / आभिचारुकमन्त्रेषु कुर्यात् कन्यसमण्डले // mmk_48.32 //

वश्यार्थं सर्वभूतानां नित्यं जम्भनमोहने / कुर्यात् सर्वकर्माणि जापी मन्त्ररतः सदा // mmk_48.33 //

अजिताख्यं मण्डल निर्दिष्टं सर्वग्रहविमोक्षणम् / यत्र भूताः पिशाचाश्च ग्रहमातरपूतनाः // mmk_48.34 //

दृष्टमात्रा वशमायान्ति नित्यं जम्भितमोहिताः / दर्शनान्मण्डले नित्यं क्षिप्रं गच्छन्ति वश्यतामिति // mmk_48.35 //

अपराजिता तु देव्या वै प्रणम्य जिनवरात्मजम् / वज्रकं गुह्यकेन्द्रं तु मञ्जुघोषं सुभूषणम् // mmk_48.36 //

सर्वां बुद्धसुतांश्चैव ........ महौजसाम् / सभ्रातृपञ्चमां देवीमिमां वाचमुदीरयेत् // mmk_48.37 //

अहमप्येवंविधं कार्यं मण्डलार्थेति युक्तिजम् / वव्रे च शुभसङ्गीतं .... युक्यर्थाक्षरसंसृष्टिरेषप्र // mmk_48.38 //

महाप्रभावं महौजस्कं दुर्दान्तदमकं मतम् / सकृष्णं कृष्णवर्णाभं कालरात्रिसमप्रभम् // mmk_48.39 //

यमदूताख्यवर्णाभं .......... / साक्षात् विवस्वतं घोरं परप्राणहरं भयम् // mmk_48.40 //

यथावत् पूर्वनिर्दिष्टं देवीनां तु मण्डले / तथैव तत् कुर्यात् सर्वं वर्जयित्वा तु वर्णतो // mmk_48.41 //

श्मशाने नित्यमालेख्यं पुरे दक्षिणतः सदा / सधूमे ज्वालामालीढे अस्थिकङ्कालवेष्टिते // mmk_48.42 //

मध्यस्थे सवसृजे देशे तत्रस्थे तु महीतले / श्मशानभस्मना लेख्यं कृष्णवर्णे तु भूतले // mmk_48.43 //

यथैवं पूर्वनिर्दिष्टं मन्त्रैरर्चविधिक्रमम् / तत् सर्वं क्षिप्रतो मन्त्री सर्वं चैव नियोजयेत् // mmk_48.44 //

स्वमन्त्रं मन्त्रनाथं च तुम्बुरुं सार्थवाहकम् / ........ महोदधिसमावृताम् // mmk_48.45 //

अजितायामाशु निर्दिष्टा विजया खड्गपाणिनी / धनुर्हस्तां सदा देवी जया तामभिनिर्दिशेत् // mmk_48.46 //

विचित्रप्रहरणा ह्येता विचित्राभरणभूषिता / विचित्रगतिसत्त्वाख्या विचित्रा वेषचेष्टिता // mmk_48.47 //

आलिख्य मण्डले ह्यत्र कृष्णवर्णा तु भूतले / परप्राणहरं ह्येतत् मण्डलं भुवि चेष्टितम् // mmk_48.48 //

विविधार्थक्रिया मन्त्रा कर्ममुद्भवा / तत् सर्वं पूर्ववत् कृत्वा पश्चात् कर्म समारभेत् // mmk_48.49 //

जपहोमक्षया मन्त्रा मण्डलांश्चैव दर्शनम् / प्रवेशं मण्डले ह्यस्मिन् तत्पूर्वं विधिमुद्भवैः // mmk_48.50 //

एष संक्षेपतो ह्युक्तः कथ्यमानो ऽतिविस्तरम् / मण्डलं देविमुख्यायाः कन्यसाया तु कीर्त्तितम् // mmk_48.51 //

अपराजिताख्यनामतः ज्ञेयो मण्डलं भुवि विश्रुतम् / अजितं सर्वतः पूर्वं राक्षसेश्वरकिन्नरैः // mmk_48.52 //

भूतैर्दैत्यमुख्यैस्तु यममातरसग्रहैः / कूष्माण्डे व्यन्तरैश्चापि पिशिताशैः सपूतनैः // mmk_48.53 //

तन्त्रे तु सर्वतो मन्त्रैः क्रव्यादैस्तु सकश्मलैः / असुराध्यक्षैः महाघोरैः सर्वभूतमहोदयैरिति // mmk_48.54 //

अथ तुम्बुरुः सार्थवाहो वैस्वं मण्डलमभाषयम् / तुम्बुराख्यं वामतो मर्त्यां वज्रधृक् तं निबोधताम् // mmk_48.55 //

पूर्वनिर्दिष्टमित्याहुः पुनरेव महीतले / प्रणम्य वज्रिणं मूर्ध्ना इमां वाचमुशिक्षिरे // mmk_48.56 //

सर्वं पूर्वनिर्दिष्टं मण्डलं चतुरोदयम् / प्रथमं सर्वकर्मान्तं द्वितीयं तु इहोच्यते // mmk_48.57 //