शार्दूलकर्णावदान [= अवदान 33 of the दिव्यावदान]

p.67.4/.कृत्तिका भोः पुष्करसारिन् नक्षत्रं कलिङ्ग^मगधानां / रोहिणी सर्व^प्रजायाः/ मृगशिरा विदेहानां राजोपसेवकानां च/ एवम् आर्द्रा क्षत्रियाणां ब्राह्मणानं च/ पुनर्वसुः सौपर्णानां/ पुष्य^नक्षत्रं सर्वेषाम् अवदात^वदात^वसनानां/ राज^पदसेवकानां च/ अश्लेषा नागानां हैमवतानां च/ मघा^नक्षत्रं गौडिकानां/ पूर्वफल्गुनी चौराणां/ उत्तरफल्गुनी अवन्तीनां/ हस्ता सौराष्ट्रिकाणां/ चित्रा पक्षिणां द्विपदानां/ स्वाती सर्वेषां प्रव्रज्यासमापन्नानां/ विशाखा औदकानां/ अनुराधा वाणिजकानां शाकटिकानां च/ ज्येष्ठा दौवालिकानां/ (68) मूला पथिकानां/ पूर्वाषाढा वाह्लीकानां च/ उत्तराषाढा काम्बोजानां/ अभिजित् सर्वेषां दक्षिणापथिकानां ताम्रपर्णिकानां च/ श्रवणा घादकानां चौराणां च/ धनिष्ठा कुरु^पाञ्चालानां/ शतभिषा मौलिकानाम् आर्थवणिकानां च/ पूर्वभाद्रपदा गन्धिकानां यवन^काम्बोजानां च/ उत्तरभाद्रपदा गन्धर्वाणां/ रेवती नाविकानां च/ अश्विनी अश्ववाणिजानां च/ भरणी भद्रपदकर्मणां भद्रकायाकानां च/

p.68.1/.अयं भोः पुष्करसारिन् नक्षत्राणां स्थान^निर्देश^व्याकरणो नाम^अध्यायः/

%ऋतुवर्षः

p.68.2/.पठ भोस् त्रिशङ्को ऋतुवर्षं नाम^अध्यायं/ तद् अहं वक्ष्ये श्रूयतां/ कथयतु भगवान्/

p.68.3/.कृत्तिकासु ग्रीष्माणां पश्चिमे मासे यद्य् अत्र देवः प्रवर्षति चतुःषष्ट्य्^आढकानि प्रवर्षति/ वर्षो दश^रात्रिकः/ श्रवणायुक्तप्रोष्ठपदायाम् अग्नोदको वर्षारात्रो भवति/ पश्चाद् वर्षं संजनयति/ हेमन्ते ग्रीष्मे ग्रीणि च^अत्र (69) भय^प्रग्रहाणि भवन्ति/ अग्नि^भयं शस्त्र^भयं च^उदक^भयं च भवति/ उक्तं कृत्तिकासु/

p.69.1/.रोहिण्यां ग्रीष्माणां पश्चिमे मासे यद्य् अत्र देवः प्रवर्षति एक^विंशत्याढकानि प्रवर्षति/ तत्र निम्नानि कृषि^कर्तव्यानि/ स्थलानि परिवर्जयितव्यानि/ एष च वर्षारात्रः सारोपरोधः सस्यं च संपादयति/ द्वौ च^अत्र रोगौ प्रबलौ भवतः/ कुक्षिरोगश् चक्षूरोगश् च/ चौर^बहुलाश् च^अत्र दिशो भवन्ति/ उक्तं च रोहिण्यां/

p.69.2/.मृगशिरसि ग्रीष्माणां पश्चिमे मासे यद्य् अत्र देवः प्रवर्षति चतुःषष्ट्य्^आढकानि प्रवर्षति/ सारोपरोधो वर्षारात्रः/ पश्चाद् वर्षं संजनयति/ निक्षिप्तशस्त्राश् च^अत्र (70) राजानो भवन्ति/ क्षेमिणः सुनीतिकाश् च दिशो भवन्ति/ मुदिताश् च^अत्र जनपदा भवन्ति/ उक्तं मृगशिरसि/

p.70.1/.आर्द्रायां ग्रीष्माणां पश्चिमे मासे यद्य् अत्र देवः प्रवर्षति अष्टादशाढकानि प्रवर्षति/ तत्र निम्नानि कृषि^कर्तव्यानि/ स्थलानि परिवर्जयितव्यानि/ निधयश् च रक्षयितव्याः/ चौर^बहुलाश् च^अत्र दिशो भवन्ति/ निक्षिप्तशस्त्राश् च राजानो भवन्ति/ त्रयश् च^अत्र रोगाः प्रबला भवन्ति/ ज्वरः श्वासो गलग्रहश् च/ बालानां दारकदारिकाणां च मरणं भवति/ इत्य् उक्तम् आर्द्रायां/

p.70.2/.पुनर्वसौ ग्रीष्माणां पश्चिमे मासे यद्य् अत्र देवः प्रवर्षति/ नवत्याढकानि प्रवर्षति/ महा^मेघान् उत्पादयति/ आषाढायां प्रविष्टायां मृदूनि प्रवर्षति/ अनन्तरं च निरन्तरेण प्रवर्षति/ निक्षिप्तशस्त्राश् च राजानो भवन्ति/ उक्तं पुनर्वसौ/

p.71.1/.पुष्ये ग्रीष्माणां पश्चिमे मासे यद्य् अत्र देवः प्रवर्षति द्वात्रिंशदाढकानि प्रवर्षति/ अत्र निम्नानि कृषि^कर्तव्यानि/ स्थलानि परिवर्जयितव्यानि/ व्यक्तं प्रधान^वर्षाणि भवन्ति/ सस्यं च निष्पादयति/ ब्राह्मण^क्षत्रियाणां च विरोधो भवति/ दंष्ट्रिणश् च^अत्र प्रबला भवन्ति/ तत्र त्रयो रोगाश् च भवन्ति/ गण्डाः पिटकाः पामानि च / इत्य् उक्तं पुष्ये/

p.71.2/.अश्लेषायां ग्रीष्माणां पश्चिमे मासे यद्य् अत्र देवः प्रवर्षति एक^विंशत्याढकानि प्रवर्षति/ तत्र निम्नानि कृषि^कर्तव्यानि/ स्थलानि परिवर्जयितव्यानि/ विषमाश् च वायवो वान्ति/ संविग्नाश् च^अत्र ज्ञानिनो राजानश् च भवन्ति/ एषो वर्षः सर्व^सस्यानि सम्पादयति/ जायापतिकानां राजामात्यानां च विरोधो भवति/ उक्तम् अश्लेषायां/

p.71.3/.मघायां ग्रीष्माणां पश्चिमे मासे यद्य् अत्र देवः प्रवर्षति चतुःषष्ट्य्^आढकानि (72) प्रवर्षति/ एषो वर्षः सर्व^सस्यानि सम्पादयति/ मृगपक्षिपशुमनुष्याणां च^अत्र गर्भा विनश्यन्ति/ जन^मरणं च^अत्र भविष्यति^इति/ उक्तं मघायां/

p.72.1/.पूर्वफल्गुन्यां ग्रीष्माणां पश्चिमे मासे यद्य् अत्र देवः प्रवर्षति चतुःषष्ट्य्^आढकानि प्रवर्षति/ एषो वर्षः सर्व^सस्यानि सम्पादयति/ तच् च सस्यं जनयित्वा पर^चक्र^पीडिता मनुष्या न सुखेनोपभुञ्जते/ पशूनां मणुष्याणां च^अत्र गर्भाः सुखिनो भवन्ति/ उक्तं पूर्वफल्गुन्यां/

p.72.2/.उत्तरफल्गुन्यां ग्रीष्माणां पश्चिमे मासे यद्य् अत्र देवः प्रवर्षति अशीत्याढकानि प्रवर्षति/ एषो वर्षः सर्व^सस्यानि च सम्पादयति/ निक्षिप्तशस्त्राश् च^अत्र राजानो भवन्ति/ ब्रह्म^क्षत्रिययोश् च विरोधो भवति/ क्षिप्रं च अनीतिकाः प्रजा विनश्यन्ति/ च^उक्तम् उत्तरफल्गुन्यां/

p.72.3/.हस्ते ग्रीष्माणां पश्चिमे मासे यद्य् अत्र देवः प्रवर्षति एकोनपञ्चाशदाढकानि (73) प्रवर्षति/ देवश् च तद् यथा परिक्षिपति/ पतितानि च सस्यानि जनस्यारसाग्राणि अनुदग्राणि अल्प^साराण्य् अल्पोदकानि/ दुर्भिक्षश् च^अत्र भविष्यति/ उक्तं हस्ते/

p.73.1/.चित्रायां ग्रीष्माणां पश्चिमे मासे यद्य् अत्र देवः प्रवर्षति चतुःषष्ट्य्^आढकानि प्रवर्षति/ सारोपरोधस् ततः पश्चाद् वर्षं संजनयति/ निक्षिप्तशस्त्राश् च राजानो भवन्ति/ मुदिताश् च^अत्र जनपदा भवन्ति/ उक्तं चित्रायां/

p.73.2/.स्वात्यां ग्रीष्माणां पश्चिमे मासे यद्य् अत्र देवः प्रवर्षति एक^विंशत्याढकानि प्रवर्षति/ निक्षिप्तशस्त्राश् च राजानो भवन्ति/ चौराश् च^अत्र बलवत्तरा भवन्ति/ उक्तं स्वात्यां/

p.73.3/.विशाखायां ग्रीष्माणां पश्चिमे मासे यद्य् अत्र देवः प्रवर्षति अशीत्याढकानि (74) प्रवर्षति/ एषा वर्षः सर्व^सस्यानि सम्पादयति/ राजानश् च^अत्र छिद्र^युक्ता भवन्ति/ अग्निदाहाश् च^अत्र प्रबला भवन्ति/ दंष्ट्रिणश् च^अत्र बलवन्तो +अपि क्षयं गच्छन्ति/ उक्तं विशाखायां/

p.74.1/.अनुराधायां ग्रीष्माणां पश्चिमे मासे यद्य् अत्र देवः प्रवर्षति षष्ट्याढकानि प्रवर्षति/ एषो वर्षः सस्यं सम्पादयति/ मित्राणि च^अत्र दृढानि भवन्ति/ उक्तम् अनुराधायां/

p.74.2/.ज्येष्ठायां ग्रीष्माणां पश्चिमे मासे यद्य् अत्र देवः प्रवर्षति षोडशाढकानि प्रवर्षति/ तत्र कृषि^कर्मान् तानि प्रतिसंहर्तव्यानि/ युगवरत्राणि वर्जयितव्यानि/ स्वधान्यानि उपसंहर्तव्यानि/ अग्नयः प्रतिसंहर्तव्याः/ लाङ्गलानि प्रतिसंहर्तव्यानि/ अवश्यम् अनेन जनपदेन विनष्टव्यं भवति/ पर^चक्र^पीडितो भवति/ उक्तं ज्येष्ठायां/

p.74.3/.मूले ग्रीष्माणां पश्चिमे मासे यद्य् अत्र देवः प्रवर्षति चतुषष्ट्याढकानि (75) प्रवर्षति/ एषो वर्षः सस्यं सम्पादयति/ चौर^बहुलाश् च^अत्र दिशो भवन्ति/ त्रयश् च^अत्र व्याधयो बलवन्तो भवन्ति/ वात^गण्डः पार्श्वशूलम् अक्षिरोगश् च/ पुष्प^फलानि च^अत्र समृद्धानि भवन्ति/ निक्षिप्तशस्त्राश् च^अत्र राजानो भवन्ति/ उक्तं मूले/

p.75.1/.पूर्वस्याम् आषाढायां ग्रीष्माणां पश्चिमे मासे यद्य् अत्र देवः प्रवर्षति षष्ट्याढकानि प्रवर्षति/ द्वौ च^अत्र ग्राहौ भवतः / प्रोष्ठपदे वा +अश्वयुजौ वा पक्षे/ एषो वर्षः सर्व^सस्यानि सम्पादयति/ द्वौ च^अत्र रोगौ प्रबलौ भवतः/ कुक्षिरोगो +अक्षिरोगश् च / उक्तं पूर्वाषाढायां/

p.75.2/.उत्तरस्याम् आषाढायां ग्रीष्माणां पश्चिमे मासे यद्य् अत्र देवः प्रवर्षति पूर्णम् आढकशतं प्रवर्षति/ तत्र स्थलानि कृषि^कर्तव्यानि/ निम्नानि परिवर्जयितव्यानि/ महा^स्रोतांसि च^अत्र प्रवहन्ति/ अग्रोदका च^अत्र वर्षा भवति/ सर्व^सस्यानि निष्पादयति/ त्रयश् च^अत्र रोगाः प्रबला भवन्ति/ गण्डः कच्छः कण्ठ^रोग इति/ उक्तम् उत्तराषाढायाम्//

p.75.3/.अभिजिति ग्रीष्माणां पश्चिमे मासे यद्य् अत्र प्रवर्षति चतुःषष्ट्य्^आढाकानि (76) प्रवर्षति/ मण्डलवर्षं च देवः प्रवर्षति/ पश्चाद् वर्षः सस्यं जनयति/ औदकानां भूतानाम् उत्सर्गो भवति/ उक्तम् अभिजिति/

p.76.1/.श्रवणे तु ग्रीष्माणां पश्चिमे मासे यद्य् अत्र देवः प्रवर्षति चतुष्षष्ट्याढकानि प्रवर्षति/ मण्डलवर्षं च देवो वर्षति/ पश्चाद् वर्षा सस्यं सम्पादयति/ औदकानां भूतानाम् उत्सर्गो भवति/ व्याधि^बहुलाश् च नरा भवन्ति/ राजानश् च तीव्र^दण्डा भवन्ति/ उक्तं श्रवणे/ p.76.2/.धनिष्ठायां ग्रीष्माणां पश्चिमे मासे यद्य् अत्र देवः प्रवर्षति एक^पञ्चाशदाढकानि प्रवर्षति/ विभक्ताश् च^अत्र वर्षा भवन्ति/ तत्र निम्नानि कृषि^कर्तव्यानि/ स्थलानि परिवर्जयितव्यानि/ दुर्मुखो रात्रौ वर्षो भवति/ सस्यानि सम्पादयति/ एकश् च^अत्र रोगो भवति/ गण्ड^विकारः/ शस्त्र^समादानाश् च राजानो भवन्ति/ उक्तं धनिष्ठायां/

p.76.3/.शतभिषायां ग्रीष्माणां पश्चिमे मासे यद्य् अत्र देवः प्रवर्षति षोडशाढकानि (77) प्रवर्षति/ तत्र निम्नानि कृषि^कर्तव्यानि/ स्थलानि परिवर्जयितव्यानि/ एषो वर्षः सर्व^सस्यानि सम्पादयति/ चक्र^समारूढा जनपदा भवन्ति/ मनुष्या दारकदारिकाश् च स्कन्धे कृत्वा देश^अन्तरं गच्छन्ति/ उक्तं शतभिषायं/

p.77.1/.पूर्वस्यां भाद्रपदायां ग्रीष्माणां पश्चिमे मासे यद्य् अत्र देवः प्रवर्षति चतुःषष्ट्य्^आढकानि प्रवर्षति/ वर्षामुखे च^अत्र एकोनविंशति रात्रिको +अवग्रहो भवति/ पुष्प^सस्यं च नाशयति/ एताश् च वर्षा बहु^चौरा भवन्ति/ द्वौ च^अत्र महा^व्याधी भवतः/ प्रथमं पित्ततापज्वरो भवति/ पश्चाद् बलवान् महा^ग्रहो भवति/ मर्त्यानां नारीणां च मरणं भवति/ उक्तं पूर्वभाद्रपदायां/

p.77.2/.उत्तरस्यां भाद्रपदायां ग्रीष्माणां पश्चिमे मासे यद्य् अत्र देवः प्रवर्षति पूर्णम् आढकशतं प्रवर्षति/ महा^स्रोतांसि प्रवहन्ति/ ग्राम^नगर^निगमाः स्रोतसा उह्यन्ते/ चत्वारश् च^अत्र व्याधयः प्रबला भवन्ति/ तद् यथा कुक्षिरोगो +अक्षिरोगः (78) काशो ज्वरश् चेति/ बालानां दारकदारिकाणां मरणां भवति/ अत्र स्थलानि कृषि^कर्तव्यानि/ निम्नानि परिवर्जयितव्यानि/ एताश् च वर्षाः पुष्पाणि फलानि च सम्पादयन्ति/ उक्तम् उत्तरभाद्रपदायां/

p.78.1/.रेवत्यां ग्रीष्माणां पश्चिमे मासे यद्य् अत्र देवः प्रवर्षति एक^षष्ट्याढकानि प्रवर्षति/ तत्र निम्नानि कृषि^कर्तव्यानि/ स्थलानि परिवर्जयितव्यानि/ एषा परिभुञ्जते/ निक्षिप्तशस्त्र^दण्डाश् च राजानो भवन्ति/ अनुद्विग्नाश् च जनपदा भवन्ति/ उद्विग्नाश् च दानपतयो भवन्ति/ देव^नक्षत्र^समायुक्ताश् च जनपदा भवन्ति/ मित्राणि समायुक्तानि भवन्ति/ उक्तं रेवत्यां/

p.78.2/.अश्विन्यां ग्रीष्माणां पश्चिमे मासे यद्य् अत्र देवः प्रवर्षति अष्टचत्वारिंशदाढकानि प्रवर्षति/ यच् च मध्ये वर्षा भवति/ तत्र निम्नानि कृषि^कर्तव्यानि/ स्थलानि परिवर्जयितव्यानि/ एषा वर्षा सर्व^सस्यानि सम्पादयति/ (79) भय^समायुक्ताश् च^अत्र जनपदा भवन्ति/ चौराश् च प्रबला भवन्ति/ उक्तम् अश्विन्यां/

p.79.1/.भरण्यां ग्रीष्माणां पश्चिमे मासे यद्य् अत्र देवः प्रवर्षति पूर्णम् आढकशतं प्रवर्षति/ तत्र स्थलानि कृषि^कर्तव्यानि/ निम्नानि परिवर्जयितव्यानि/ दुर्भिक्षस् च^अत्र भवति/ जरामरणं जनानां भवति/ राजानश् च^अत्र अन्योन्यघातका भवन्ति/ पुत्रपौत्राणां च कलहो भवति/ उक्तं भरण्यां/

p.79.2/.अयं घोः पुष्करसारिन् नक्षत्र^र्तुवर्षाध्यायः//

% राहुग्रहे फलविपाकः

p.79.3/.अमीषां भोः पुष्करसारिन्न् अश्टाविंशतीनां नक्षत्राणां राहुग्रहे फलविपाकं व्याख्यास्यामि/

p.79.4./कृत्तिकासु भोः पुष्करसारिन् यदि चन्द्र^ग्रहो भवति कलिङ्गमगधानाम् उपपीडा भवति/ यदि रोहिण्यां चन्द्र^ग्रहो भवति प्रजानाम् उपपीडा भवति/ यदि मृगशिरसि चन्द्र^ग्रहो भवति विदेहानां जनपदानाम् उपपीडा भवति/ राजोपसेवकनां च/ एवम् आर्द्रायां पुनर्वसौ पुष्ये च वक्तव्यं/ अश्लेषायां यदि चन्द्र^ग्रहो भवति नागानां हैमवतानां च पीडा भवति/ यदि मघासु चन्द्र^ग्रहो भवति गौडिकानाम् उपपीडा भवति/ यदि पूर्वफल्गुन्यां सोमो गृह्यते चौराणाम् उपपीडा (80) भवति/ यद्य् उत्तरफल्गुन्यां सोमो गृह्यते +अवन्तीनाम् उपपीडा भवति/ यदि हस्तेषु सोमो गृह्यते सौराष्ट्रिकाणाम् उपपीडा भवति/ यदि चित्रायां सोमो गृह्यते पक्षिणां द्विपदानां च पीडा भवति/ यदि स्वात्यां सोमो गृह्यते सर्वेषां प्रव्रज्यासमापन्नानाम् उपपीडा भवति/ यद्य् अनुराधासु सोमो गृह्यते वणिजानाम् उपपीडा भवति शाकटिकानां च/ यदि ज्येष्ठायां सोमो गृह्यते दौवालिकानां पीडा भवति/ यदि मूले सोमो गृह्यते +अध्वगानां पीडा भवति/ यदि पूर्वाषाढायां सोमो गृह्यते +अवन्तीनां पीडा भवति/ यद्य् उत्तराषाढायां सोमो गृह्यते काम्बोजकानां पीडा भवति/ बाह्लीकानां च/ यद्य् अभिजिति सोमो गृह्यते दक्षिणापथिकानां पीडा भवति/ ताम्रपर्णिकानां च/ यदि श्रवणेषु सोमो गृह्यते चौराणां घातकानां च^उपपीडा भवति/ यदि धनिष्ठायां सोमो गृह्यते कुरुपाञ्चालनां पीडा भवति/ यदि शतभिषायां सोमो गृह्यते मौलिकानाम् आथर्वणिकानां च पीडा भवति/ यदि पूर्वभाद्रपदायां सोमो गृह्यते गान्धिकानां यवन^काम्बोजकानां च पीडा भवति/ यद्य् उत्तरभाद्रपदायां सोमो गृह्यते (81) गन्धर्वाणां पीडा भवति/ यदि रेवत्यां सोमो गृह्यते नाविकानां पीडा भवति/ यद्य् अश्च्विणिजानां पीडा भवति/ यदि भरण्यां सोमो गृह्यते भरुकच्छानां पीडा भवति/

p.81.1/.एवं भोः पुष्करसारिन् नक्षत्रे चन्द्र^ग्रहो भवति तस्य तस्य देशस्य पीडा भवति/ इत्य् उक्तो राहुग्रहफलविपाकाध्यायः/

% नक्षत्रकर्म^निर्देशः

p.81.2/.प्रति^नक्षत्र^वंशशास्त्रे यथोक्तं कर्म तच् छृणु/

p.81.3ab/.उच्यमानम् इदं विप्र;ऋषीणां वचनं यथा/

p.81.3cd/.षट्तारां कृत्तिकां विद्याद् आश्रयं तासु कारयेत्/

p.81.3ef/.अग्न्याधानं पाकयज्ञः समृद्धिप्रसवश् च यः//

p.81.4ab/.सर्पिर्विलोडयेत् तत्र गवां वेश्म च कारयेत्/

p.81.4cd/.अजैडकाश् च क्रेतव्या गवां च वृषम् उत्सृजेत्//

p.81.5ab/.अश्मसारमयं भाण्डं सर्वम् अत्र तु कारयेत्/

p.81.5cd/.हिरण्यकारकर्म^अन्तमिष्व् अस्त्रं च^उपकारयेत्//

p.81.6ab/.मेतृको मापयेद् अत्र कुटिकाग्निनिवेशनं/

p.81.6cd/.पीतलोहित^पुष्पाणां बीजान्य् अत्र तु घापयेत्//

p.82.1ab/.गृहं च मापयेत् अत्र तथा +अवासं प्रकल्पयेत्/

p.82.1cd/.नवं च छादयेद् वस्त्रं क्रयणं न^अत्र कारयेत्//

p.82.2ab/.क्रूरकर्माणि सिध्यन्ति युद्धसंरोधबन्धनम्/

p.82.2cd/.परपीडाम् अथात्रैव विद्वान् नैव प्रयोजयेत्//

p.82.3ab/.शस्त्राणि क्षुरकर्माणि सर्वाण्य् अत्र तु कारयेत्/

p.82.3cd/.तेजसानि च भाण्डानि कारयेच् च क्रीणीत च//

p.82.4ab/.आयुष्यं च शिरः^स्नानां स्त्रीणां विष्कम्भणानि च/

p.82.4cd/.प्रवर्षणं चेद् देवस्य न^अत्र वैरं प्रशाम्यति//

p.82.5ab/.क्रोधनो हर्षणः शूरस् तेजस्वी साहस^प्रियः/

p.82.5cd/.आयुष्मांश् च यशस्वी च यज्ञ^शीलो +अत्र जायते//कृत्तिकासु

p.82.6ab/.सर्वं कृषि^पदं कर्म रोहिण्यां संप्रयोजयेत्/

p.82.6cd/.क्षेत्रवस्तुविहारांश् च नवं वेश्म च कारयेत्//

p.82.7ab/.प्रयोजयेच् चक्रान् वारान् दासांश् च^एव गृहे पशून्/

p.82.7cd/.वापयेत् सर्वबीजानि ध्रुवं वासांसि कारयेत्//

p.83.1ab/.ऋणं न दद्यात् तत्र^एव वैरम् अत्र तु वर्धते/

p.83.1cd/.संग्रामं च सुरायोगं द्वयम् एव विवर्जयेत्//

p.83.2ab/.प्रवर्षणं च देवस्य जन्म च^अत्र प्रशस्यते/

p.83.2cd/.सानुक्रोशः क्षमायुक्तः स्त्री^कामो भक्षलोलुपः/

p.83.2ef/.आयुष्मान् पशुमान् धन्यो महा^भोगो +अत्र जायते//रोहिण्यां//

p.83.3ab/.सौम्यं मृगशिरो विद्याद् ऋजु तिस्रश् च तारकाः/

p.83.3cd/.मृदूनि यानि कर्माणि तानि सर्वाणि कारयेत्/

p.83.3ef/.यानि कर्माणि रोहिण्यां तानि सर्वाणि कारयेत्//

p.83.3ab/.सक्षीरान् वापयेद् वृक्षान् बीजानि क्षीरवन्ति च/

p.83.3cd/.राज^प्रासादवलभीछत्राण्य् अपि च कारयेत्//

p.83.4ab/.सर्वकर्मकथाः कुर्याच् चर्यावासान् न कारयेत्/

p.83.4cd/.उष्ट्रांश् च बलीवर्दांश् च दमयेद् अपि कृष्टये//

p.83.5ab/.आच्छादयेन् नवं वासश् च^अलङ्कारं च कारयेत्/

p.83.5cd/.द्विजातीनां तु कर्माणि सर्वाण्य् एवात्र कारयेत्//

p.83.6ab/.प्रवर्षणं च देवस्य सुवृष्टिं च^अत्र निर्दिशेत्/

p.83.6cd/.स्वप्नशीलस् तथा त्रासी मेधावी स च जायते//मृगशिरसि//

p.84.1ab/.आर्द्रायां मृगयेद् अर्थान् भद्रं कर्म च कारयेत्/

p.84.1cd/.क्रूरकर्माणि सिध्यन्ति तानि विद्वान् विवर्जयेत्//

p.84.2ab/.उदपान^परीखांश् च तडागान्य् अत्र कारयेत्/

p.84.2cd/.ऊहेत(ऊहयेत्) प्रथमां वृष्टिं विक्रीणीयाच् च न^अत्र गां/

p.84.2ef/.तिल^पीडानि कर्माणि शौण्डिकानां तथापणं//

p.84.3ab/.पीडयेद् इक्षुदण्डानि; इक्षुबीजानि वापयेत्/

p.84.3cd/.प्रवर्षणं च देवस्य विद्याद् बहु^परिस्रवं/

p.84.3ef/.क्रोधनो मृगयाशीलो माम्सकामो +अत्र जायते//आर्द्रायां//

p.84.4ab/.पुनर्वसौ तु युक्ते +अत्र कुर्याद् वै व्रत^धारणं/

p.84.4cd/.गोदानं च^उपनायनं सर्वम् अत्र प्रसिध्यति//

p.84.5ab/.प्रजायमानां प्रमदां गृहीत्वा गृहम् आनयेत्/

p.84.5cd/.पुनः पुनर् यदीच्छेत तत्र कर्माणि कारयेत्//

p.85.1ab/.चिकित्सनं न कुर्वीत यदीच्छेन् न पराभवं/

p.85.1cd/.प्रवर्षणं च देवस्य जन्म च^अत्र प्रशस्यते//

p.85.2ab/.अलीलश् च^अत्र जायेत स्त्री^लोलश् च^अपि मानवः/

p.85.2cd/.चित्र^शीलश् च नैकत्रार्पितचित्तः स; उच्यते//पुनर्वसौ//

p.85.3ab/.धन्यं यशस्यम् आयुष्यं पुष्ये नित्यं प्रयोजयेत्/

p.85.3cd/.सर्वेषां च द्विजातीनां सर्वकर्माणि कारयेत्//

p.85.4ab/.राजामात्यं प्रयुञ्जीत शुश्रूषां विनयं चरेत्/

p.85.4cd/.राजानम् अभिपिञ्चेद् च; अलंकुर्यात् स्वकां तनु//

p.85.5ab/.श्मश्रुकर्माणि कुर्याच् च वपनं नखलोमतः/

p.85.5cd/.पुरोहितं च कुर्वीत ध्वज^अग्रं च प्रकारयेत्//

p.85.6ab/.प्रवर्षणं च देवस्य मन्दवर्षं समादिशेत्/

p.85.6cd/.न च रोगो न चौरश् च क्षेमं च^अत्र सदा भवेत्//

p.85.7ab/.पुष्येण नित्य^युक्तः सन् सर्वकर्माणि साधयेत्/

p.85.7cd/.वैरेणात्रोपनाहैश् च ये जनास् तान् विवर्जयेत्/

p.85.7ef/.आयुष्मांश् च यशस्वी च महा^भोगः प्रजायते//पुष्ये//

p.86.1ab/.सिध्यते दारुणं कर्म; अश्लेषायां च कारयेत्/

p.86.1cd/.कुर्याद् आभरणान्य् अत्र प्राकारम् उपकल्पयेत्//

p.86.2ab/.देहबन्धं नदी^बन्धं सन्धिकर्म च कारयेत्/

p.86.2cd/.प्रभूत^दंशमशकं वर्षं मन्दं च वर्षति/

p.86.2ef/.क्रोधनः स्वप्नशीलश् च कुहकश् च^अत्र जायते//अश्लेषायां//

p.86.3ab/.मघासु सर्वधान्यानि वापयेत् संहरेद् अपि/

p.86.3cd/.संघातकर्म कुर्वीत सुमुखं च^अत्र कारयेत्//

p.86.4ab/.कोष्ठ^आगाराणि कुर्वीत फलं च^अत्र निवेशयत्/

p.86.4cd/.सर्वदा पितृदेवेभ्यः श्राद्धं चैव^अत्र कारयेत्//

p.86.5ab/.सस्यानां बहुली^भावो यदि देवो +अत्र वर्षति/

p.86.5cd/.सुहृच् च द्वारिकश् च^एव रस^कामश् च जायते/

p.86.5ef/.आयुष्मान् बहु^पुत्रश् च स्त्री^कामो भक्त^लोलुपः//

p.86.6ab/.संग्रामं जीयते तत्र यदि पूर्वं प्रवर्तते/

p.86.6cd/.दारुणानि च कर्माणि तानि विद्वान् विवर्जयेत्//मघासु//

p.87.1ab/.फल्गुनीषु च पूर्वासु सौभाग्यार्थानि कारयेत्/

p.87.1cd/.विशेषाद् आमलक्यादि फलानाम् उपकारयेत्//

p.87.2ab/.कुमारीमङ्गलार्थानि स्नापनानि च कारयेत्/

p.87.2cd/.कन्या^प्रवहनार्थाय विहारं च^एव कारयेत्//

p.87.3ab/.वेश्मानि कारयेत् तत्र वश्य(वैश्य)म् अत्र प्रयोजयेत्/

p.87.3cd/.भागं ये च^उपजीवन्ति तेषां कर्म प्रयोजयेत्//

p.87.4ab/.अव्यक्तकेशो +अकेशः सुभगश् च^अत्र जायते/

p.87.4cd/.प्रवर्षणं च देवस्य सुवृष्टिम् अभिनिर्दिशेत्/

p.87.4ef/.नष्टं विद्धं कृतं च^अपि न तद् अस्ति^इति निर्दिशेत्//पूर्वफल्गुन्यां//

p.87.5ab/.उत्तरायां तु फल्गुन्यां सर्वकर्माणि कारयेत्/

p.87.5cd/.मेधावी दर्शनीयश् च यशस्वी च^अत्र जायते//

p.87.6ab/.अथात्र नष्टं दग्धं वा सर्वम् अस्ति^इति निर्दिशेत्/

p.87.6cd/.प्रवर्षणं च देवस्य विद्यात् संपदनुत्तमां//उत्तरफल्गुन्यां//

p.88.1ab/.हस्तेन लघु^कर्माणि सर्वाण्य् एव प्रयोजयेत्/

p.88.1cd/.सर्वेषां च द्विजातीनां सर्वकर्माणि कारयेत्//

p.88.2ab/.हस्त्यारोहं महा^मात्रं पुष्करिणीं च कारयेत्/

p.88.2cd/.चौर्यं च सिध्यते तत्र तच् च विद्वान् विवर्जयेत्//

p.88.3ab/.प्रवर्षणं च देवस्य वर्षा विश्रावणी भवेत्/

p.88.3cd/.अथात्र जातं जानीयाच् छूरं चौरं विचक्षणं/

p.88.3ef/.कुशलं सर्वविद्यासु; आरोगं चिरजीविनं//हस्ते//

p.88.4ab/.चित्रायाम् आहतं वस्त्रं भूषणानि च कारयेत्/

p.88.4cd/.राजानं भूषितं पश्येत् सेनाव्यूहं च दर्शयेत्//

p.88.5ab/.हिरण्यं रजतं द्रव्यं नगराणि च मापयेत्/

p.88.5cd/.अलङ्कुर्यात् तथात्मानं गन्ध^माल्यविलेपनैः//

p.88.6ab/.गणकानां च विद्यां च वाद्यं नर्तनगायनं/

p.88.6cd/.पूर्विकां रूपकारांश् च रथकारांश् च शिक्षयेत्/

p.88.6ef/.चित्र^करांश् च लेखकान् पुस्तकर्म च कारयेत्//

p.89.1ab/.प्रवर्षणं च देवस्य चित्र^वर्षं विनिर्दिशेत्/

p.89.1cd/.मेधावी दर्शनीयश् च चित्राक्षो भक्त^लोलुपः//

p.89.2ab/.मृदु^शीलश् च भीरुश् च चलचित्तः कुतूहली/

p.89.2cd/.आयुष्मान् सुभगश् च^एव स्त्री^लोलश् च^अत्र जायते//चित्रायां//

p.89.3ab/.स्वात्यां प्रयोजयेद् योधान् अश्वान् अश्वतरीं खरान्/

p.89.3cd/.क्षिप्रं गमनीयं भक्ष्यं लङ्घकान् अध्वमानिकान्//

p.89.4ab/.भेरीमृदङ्गपणवान् मुरजान् च^उपनाहयेत्/

p.89.4cd/.आवाहंश् च विवाहंश् च सौहृद्यं च^अत्र कारयेत्//

p.89.5ab/.निर्वासनम् अमित्राणां स्वयं न प्रवसेद् गृहात्/

p.89.5cd/.प्रवर्षणं च देवस्य वात^वृष्टिर् अभीक्ष्णशः/

p.89.5ef/.मेधावी रोग^बहुलश् चलचित्तश् च जायते//स्वातौ//

p.89.6ab/.लाङ्गलानि विशाखासु कर्षणं च प्रयोजयेत्/

p.89.6cd/.यवगोधूमकर्म^अन्तान् शमीधान्यं च वर्जयेत्//

p.89.7ab/.शालयस् तिल^माषाश् च ये च वृक्षाः सुशाखिनः/

p.90.1ab/.रोपयेत् तान् विशाखासु गृहकर्म च कारयेत्/

p.90.1cd/.शिरः^स्नानानि कुर्वीत मेध्यं प्रायश् च कारयेत्//

p.90.2ab/.प्रवर्षणं च देवस्य विद्यात् कल्प^परिस्रवं/

p.90.2cd/.मनस्वी दर्शनीयश् च मेधावी च^अत्र जायते/

p.90.2ef/.क्रोधनो +अल्पसुतश् च^एव दुर्भगो भक्त^लोलुपः//विशाखासु//

p.90.3ab/.अनुराधासु कुर्वीत मित्रैः सद्भिश् च सङ्गतिं/

p.90.3cd/.सर्वाणि मृदु^कर्माणि माधुर्यं च^अत्र कारयेत्//

p.90.4ab/.क्षौरं च कारयेत् अत्र शस्त्र^कर्माणि कारयेत्/

p.90.4cd/.संयुक्तान्तप्रयोगांश् च सन्धिं कुर्याच् च नित्यशः/

p.90.4ef/.नष्टं पर्युपतप्तं वा स्वल्पायसेन(यासंवि)निर्दिशेत्//

p.90.5ab/.सुहृन्मित्रकृतश् च^अत्र धर्म^शीलश् च जायते/

p.90.5cd/.प्रवर्षणं च देवस्य सुवृष्टिम् अभिनिर्दिशेत्//अनुराधायां//

p.90.6ab/.ज्येष्ठायां पूर्व^कारी स्याद् राजानं च^अभिषिञ्चयेत्/

p.90.6cd/.नगरं निगमं ग्रामं मापयेद् आरभेत च/

p.90.6ef/.क्षत्रियाणां च राज्ञां च सर्वकर्माणि कारयेत्//

p.91.1ab/.भ्रातृणां भवति ज्येष्ठो ज्येष्टायां यो +अभिजायते/

p.91.1cd/.आयुष्मांश् च यशस्वी च विद्वत्सु च कुतूहली//

p.91.2ab/.प्रासादम् आरोहेच् च^अत्र गजम् अश्वं रथं तथा/

p.91.2cd/.ग्राम^निगमराष्ट्रेषु स्थापयेच् छ्रेष्ठिनां बलं//

p.91.3ab/.नष्टं पर्युपतप्तं वा क्लेशेनैवेति निर्दिशेत्/

p.91.3cd/.दारुणान्य् अत्र सिध्यन्ति तानि विद्वान् विवर्जयेत्/

p.91.3ef/.प्रवर्षणं च देवस्य सुवृष्टिम् अभिनिर्दिशेत्//ज्येष्ठायां//

p.91.4ab/.मूले तु मूलजातानि मूलकन्दालुकान्य् अपि/

p.91.4cd/.सूलाद्यानि च सर्वाणि बीजान्य् अत्र प्रयोजयेत्//

p.91.5ab/.ऋणं वै यत् पुराणं स्याद् अर्थो च^अस्याग्रतः स्थितः/

p.91.5cd/.मूले सिद्धर्थम् आरभ्यं तथा सर्वं वराङ्गकं//

p.91.6ab/.चिकित्सितानि यानीह स्त्रीणां दारककन्ययोः/

p.91.6cd/.नदीषु स्नपनं च^एव मूले सर्वान् प्रयोजयेत्//

p.92.1ab/.दारुणान्य् अत्र सिध्यन्ति मङ्गलानि च कारयेत्/

p.92.1cd/.किण्वयोगान् सुरायोगान् न कुर्याच् छत्रुभिः सह//

p.92.2ab/.धन^वान् बहु^पुत्रश् च मूलवान् अत्र जायते/

p.92.2cd/.अथात्र नष्टं दग्धं वा नैतद् अस्ति^इति निर्दिशेत्/

p.92.2ef/.प्रवर्षणं च देवस्य सुवृष्टिम् अभिनिर्दिशेत्//मूले//

p.92.3ab/.आषाढायां च पूर्वस्यां सरितश् च सरांसि च/

p.92.3cd/.वापीकूपप्रपाश् च^एव तडागानि च कारयेत्//

p.92.4ab/.उत्पाद्यानि च पुष्पाणि तथा मूलफलानि च/

p.92.4cd/.आरामांश् च प्रकुर्वीत भैक्षकांश् च प्रयोजयेत्/

p.92.4ef/.यानि च^उग्राणि कर्माणि सिध्यन्त्य् अत्र तु तानि च//

p.92.5ab/.नष्टं पर्युपतप्तं वा नैतद् अस्ति^इति निर्दिशेत्/

p.92.5cd/.आयुष्मान् पुण्यशीलश् च दर्शनीयो +अत्र जायते//पूर्वाषाढे//

p.92.6ab/.उत्तरस्याम् आषाढायां वैराणि न समाचरेत्/

p.92.6cd/.वाययेत् सर्ववासांसि नवं नाच्छादयेद् इति//

p.93.1ab/.न संहरेद् भेदयेद् वा वास्तुकर्म न सिध्यति/

p.93.1cd/.शालाकर्म गव^आदीनां ग्रामे ग्रामणिनस् तथा/

p.93.1c/.श्रेणविन्धं च राजा नु समयं च^अत्र कारयेत्//

p.93.2ab/.प्रगल्भश् च सभाशीलः कृती च^अत्र प्रजायते/

p.93.2cd/.सुहृदाम् अभियोगी च मन्त्र^भाष्ये विचक्षणः//

p.93.3ab/.नष्टं वा^अप्य् उपतप्तं वा; अस्तीत्य् एवं विनिर्दिशेत्/

p.93.3cd/.प्रवर्षणं च देवस्य सुवृष्टिम् अभिनिर्दिशेत्//उत्तराषाढायां//

p.93.4/.अभिजिति न कुर्वीत ब्रह्म^देवस्य ह्य् अर्चनं//अभिजिति//

p.93.5ab/.श्रवणे न च कुर्वीत सर्वाः संग्रामिकाः क्रियाः/

p.93.5cd/.गीतशिक्षाध्ययनं च न चिरेण हि सिध्यति//

p.93.6ab/.कर्णयोर् वेधनं कुर्याद् राजानं च^अभिषिञ्चयेत्/

p.93.6cd/.द्विजातीनां तु कर्माणि सर्वाण्य् एव प्रयोजयेत्//

p.94.7ab/.बलि^कृत्यानि कुर्वीत दर्शयेच् च बलान्य् अपि/

p.94.7cd/.मेधावी अरोगी बलवान् यज्ञ^शीलो +अत्र जायते//

p.94.8ab/.प्रवर्षणं च देवस्य सुवृष्टिम् अभिनिर्दिशेत्/

p.94.8cd/.नष्टं च लभ्यते तत्र श्रवनस्थे निशाकरे//श्रवणे//

p.94.9ab/.धनिष्ठा लघु नक्षत्रं सर्वकर्मसु पूजितं/

p.94.9cd/.अधीत्य ब्राह्मणः स्नायाद् राजानम् अभिषिञ्चयेत्//

p.94.10ab/.सर्वेषां च द्विजातीनां सर्वकर्माणि कारयेत्/

p.94.10cd/.श्रेष्ठिनं स्थापयेद् देशे गणाध्यक्षं गणेश्व् अपि//

p.94.11ab/.मेधावी च यशस्वी च महा^भोगी महा^धनः//

p.94.11cd/.बह्व्^अपत्यो मृदुर् दान्तो महा^आत्मा च^अत्र जायते/

p.94.11c/.प्रवर्षणं च देवस्य विद्याच् च^अत्र सुवृष्टितां//धनिष्ठायां//

p.94.12ab/.नित्यं शतभिषायोगे भैषज्यानि प्रयोजयेत्/

p.94.12cd/.कीर्तिकर्म च कुर्वीत सिध्यन्त्य् आथर्वणानि च//

p.94.13ab/.प्रसारयेच् च पण्यानि शौण्डिकं च प्रयोजयेत्/

p.94.13cd/.अदधिं खानायेत् तत्र तिल^माषांश् च वापयेत्//

p.95.1ab/.(95)सामुद्रिकाणि पण्याणि नाविनश् च प्रयोजयेत्/

p.95.1cd/.आदेयं च तदा +अदद्याद् व्ययं च^अत्र न कारयेत्//

p.95.2ab/.सन्धिपालान् द्वार^पालांल् लेखकांश् च प्रयोजयेत्/

p.95.2cd/.भिषक्कर्म च कुर्वीत भैषज्यानि च संहरेत्//

p.95.3ab/.निधिं वा खानयेत् तत्र निदध्याद् अपि वा निधिं/

p.95.3cd/.धनं च^अत्र प्रयुञ्जीत भिषक्कर्म च शिक्षयेत्//

p.95.4ab/.अथात्र मृगयेन् नष्टं लभ्यते तच् चिराद् अपि/

p.95.4cd/.अरोगी क्रोधनश् च^अत्र स्वप्नशीलश् च जायते/

p.95.4ef/.प्रवर्षणं च देवस्य सुवृष्टिम् अभिनिर्दिशेत्//शतभिषायां//

p.95.5ab/.पूर्वभाद्रपदायोगे क्रूराणां सिद्धिर् उच्यते/

p.95.5cd/.नष्टविद्धोपतप्तं वा नैतद् अस्ति^इति निर्दिशेत्//

p.95.6ab/.दीर्घश्रोत्रो महा^भोगो ज्ञातीनां च सदा^प्रियः/

p.95.6cd/.महा^धनो +अक्रूरकर्मा निःक्रोहश् च^अत्र जायते/

p.95.6ef/.प्रवर्षणं च देवस्य चण्डां वृष्टिं समादिशेत्//पूर्वभाद्रपदे//

p.96.1ab/.उत्तरस्यां तु कुर्वीत; आयुष्यं पुष्टिकर्म च/

p.96.1cd/.न च दक्षिनतो गच्छेत् पुरं च^अत्र प्रदापयेत्//

p.96.2ab/.आयुष्मांश् च यशस्वी च धनवांश् च^अत्र जायते/

p.96.2cd/.अत्र^अपि त्रिगुणं विन्देद् आदानं यदि वा व्ययं/

p.96.2ef/.प्रवर्षणं च देवस्य सुवृष्टिम् अभिनिर्दिशेत्//उत्तरभाद्रपदे//

p.96.3ab/.रेवत्यां रत्न रजतं धन^धान्यं प्रयोजयेत्/

p.96.3cd/.कोष्ठ^आगाराणि कुर्वीत किण्वं च^अत्र न कारयेत्//

p.96.4ab/.सुराकर्म च कुर्वीत हिरण्यं गोव्रजानि च/

p.96.4cd/.गोसङ्घं स्थापयेच् च^अत्र गोशालां च^अत्र कारयेत्/

p.96.4ef/.आच्छादयेन् नवं वस्त्रं हिरण्यम् अपि धारयेत्//

p.96.5ab/.भिक्षुको दानशीलश् च दरिद्रश् च^अनसूयकः/

p.96.5cd/.ज्ञातीनां सेवको नित्यं धर्म^ज्ञश् च^अत्र जायते/

p.96.5ef/.सुवृष्टिं नष्ट^लाभं च रेवत्याम् अभिनिर्दिशेत्//रेवत्यां//

p.97.1ab/.स्त्री^पुंसम् अश्विना युञ्ज्याद् अश्वशालां च कारयेत्/

p.97.1cd/.अश्वान् प्रयोजयेद् अत्र रथं च^अत्र प्रयोजयेत्//

p.97.2ab/.ऋणः प्रयोगः कर्तव्यो बीजान्य् अत्र प्रवापयेत्/

p.97.2cd/.यानानि च हयान् दम्यान् दन्तिनश् च प्रयोजयेत्//

p.97.3ab/.भैषज्यं भोजयेद् अत्र भिषक्कर्म च कारयेत्/

p.97.3cd/.मेधावी दर्शनीयश् च राज^योग्यश् च सम्पदा//

p.97.4ab/.अरोगो बलवांच् छूरः सुभगो ह्य् अत्र जायते/

p.97.4cd/.सुवृष्टिं नष्ट^लाभं च; अश्विन्याम् अभिनिर्दिशेत्//अश्विन्यां//

p.97.5ab/.त्रितारां भरणीं विद्यात् क्रूरकर्माणि साधयेत्/

p.97.5cd/.भृत्यांश् च भृतकांश् च^अपि वृणुयाद् दर्शयेत् तथा//

p.97.6ab/.भूतिं च^उपनयेद् अत्र भार्यां च न विवाहयेत्/

p.97.6cd/.उत्कटको वञ्चतकः कूटसाक्षी च तन्द्रिजः//

p.98.1ab/.विधिज्ञः पापचारित्रः कदर्यश् च^अत्र जायते/

p.98.1cd/.जायते च^अत्र दुःशीलो गुरूणाम् अभ्यसूयकः/

p.98.1ef/.परोपतापी लुब्धश् च परव्याहारगोचरः//भरण्यां//

p.98.2ab/.सप्तविंशति^नक्षत्रे कृत्तिकादि यदा भवेत्/

p.98.2cd/.भरण्यन्तानि; ऋक्षाणीमां प्रतिपादयेत् क्रियां//

p.98.3ab/.तेषां मध्ये यदा सर्वे शस्यान्य् ओषधयो +अपि च/

p.98.3cd/.वनस्पतयश् च पीड्यन्ते यत्रासौ तिष्ठते ग्रहः/

p.98.3ef/.सर्वं प्रतिपादयितव्यम् उक्त^नक्षत्र^कर्मसु//

p.98.4/.उक्तो नक्षत्र^कर्म^निर्देशो नाम^अध्यायः//

% ध्रुव^क्षिप्र^अर्ध^रात्रिकाणि नक्षत्राणि

p.98.5/.चत्वारि भोः पुष्करसारिन् नक्षत्राणि ध्रुवाणि भवन्ति तानि व्याख्यास्यामि/ तच् छृणु/ तद् यथा/ त्रीणि उत्तराणि रोहिणी च/ क्षेमे +अध्यावसेत्/ (99) बीजानि च^अत्र रोपयेद्/ निवेशतं च^अत्र कल्पयेत्/ राजानं च^अभिषिञ्चयेत्/ यानि च^अन्यानि उक्तानि कर्माणि तानि कारयेत्/

p.99.1ab/.अथ नष्टं दग्धं वा विद्धं च^अपि हृतं च वा/

p.99.1cd/.एवम् अभिनिर्दिष्टां वा स्वस्ति क्षिप्रं भविष्यति//

p.99.2ab/.अथात्र जातो धन्यो +असौ विद्यात्मा च यशस्वी च/

p.99.2cd/.मङ्गलीयो महा^भोगी महा^योगी भविष्यति//

p.99.3/.चत्वारि भोः पुष्करसारिन् नक्षत्राणि क्षिप्रानि भवन्ति/ तद् यथा पुष्यो हस्ताभिजिद् अश्विनो चेति/ एषु क्षिप्राणि कर्माणि कारयेच् च विचक्षणः/ स्वाध्यायं मन्त्र^समारम्भं प्रवास^प्रस्थानं गाश् च तुरङ्गान् अप्य् अत्र योजयेत्/ धूयाणि युक्तकर्माणि च^ओषधीकर्माणि च/ भेषज्यानि सर्वाण्य् अत्र प्रयोजयेत्/

p.99.4/.तत्र यज्ञ^समारम्भं चातुर्मास्यं च कारयेत्/ अथात्र नष्टं दग्धं वा विद्धं वा स्वस्ति भविष्यति^इति वक्तव्यं/

p.99.5ab/.अथात्र जातकं विद्यान् मङ्गलीयं यशस्विनं/

p.99.5cd/.महा^भोगं च राजानं महा^योगिनम् ईश्वरं//

p.99.6ab/.महा^धनं महा^भोगं तथा च महद्^उत्तमं/

p.99.6cd/.क्षत्रियं दानशीलं च ब्रह्मणं च पुरोहितं//इति/

p.99.7/.पञ्च खलु भोः पुष्करसारिन् नक्षत्रानि दारुणानि भवन्ति/तद् यथा/

p.99.8ab/.मघा त्रीणि च पूर्वाणि भरणी चेति पञ्चमी/

p.99.8cd/.अथात्र दग्धं नष्टं वा विद्धं वा न भविष्यति//

p.99.9/.इति वक्तव्यं / अर्ध^रात्रिकाणि षट्/ तद् यथा/ आर्द्रा अश्लेषा स्वाती ज्येष्ठा (100)शतभिषा भरणी चेति/ नवंशाः षड्ग्रासा द्विक्षेत्राणि/ रोहिणी पुनर्वसुर् विशाखा च/ त्रीणी उत्तराणि चेति/ उभयतो विभागानि/ पञ्च^दशक्षेत्राणि/ कृत्तिका च मघा मूला ग्रीणि पूर्वाणि/ इमानि षट् पूर्वभागिनानि/ मृगशिरा पुष्या हस्ता चित्रा अनुराधा श्रवणा धनिष्ठा रेवती अश्विनो चेति/ इमानि नव नक्षत्राणि पश्चाद् भागीयानि त्रिंशन्^मुहूर्त^योगानि क्षेत्राणि च/

p.100.1/.अपि च ब्राह्मण शुभाश् च मुहूर्ता भवन्ति/ अशुभाश् च मुहूर्ता भवन्ति/ शुभ^अशुभाश् च मुहूर्ता भवन्ति/ संप्रयुक्तनक्षत्रेषु सर्वेषु यदा शुभ^मुहूर्त^समापत्तयो भवन्ति तदा शोभना भवन्ति/ यदा +अशुभ^मुहूर्तसमापत्तयो भवन्ति तदा न शोभना भवन्ति/ यदा तु पुनः शुभाश् च^अशुभाश् च समापत्तयो भवन्ति तदा साधारना भवन्ति/

%रात्रिदिवसयोर् ह्रासवृद्धी

p.100.2/.अथात्र कथं रात्रिदिवसानां ह्रासो वृद्धिर् वा भवति^इति तद् उच्यते/ वर्षाणां प्रथमे मासे पुष्य^नक्षत्रम् अमावास्यां भवति/ श्रवणा पूर्णमास्यां/ अष्टादश^मुहूर्तो दिवसो भवति/ द्वादश^मुहूर्ता रात्रिः/ षोडशाङ्गुल^काष्ठस्य मध्याह्ने +अर्धाङ्गुलायां छायायाम् आदित्यः परिवर्तते/ आषाढा रात्रिं नयति/ मृगशिरसि आदित्यो गतो भवति/ वर्षाणां द्वितीये मासे मघा +अमावास्यां भवति भाद्रपदा पूर्णमास्यां/ सप्तदश मुहूर्तो दिवसो भवति/ त्रयोदश^मुहूर्ता रात्रिः/ (101) द्वि^अङ्गुलायां छायायाम् आदित्यः परिवर्तते/ श्रवणा रात्रिं नयति/ पुष्य आदित्यो गतो भवति/ वर्षाणां तृतीये मासे फल्गुन्यम् अमावास्यायां भवति/ अश्विनी पूर्णमास्यां/ षोडश^मुहूर्तो दिवसो भवति/ चतुर्^दश^मुहूर्ता रात्रिः/ चतुर्^अङ्गुलायां छायायाम् आदित्यः परिवर्तते/ पूर्वभाद्रपदा रात्रिं नयति/ मघा^आदित्यो गतो भवति/ वर्षाणां चतुर्थे मासे चित्राम् अमावास्यायां भवति कृत्तिका पूर्णमास्यां/ पञ्च^दश^मुहूर्तो भवति दिवसः/ पञ्च^दश^मुहूर्ता रात्रिः/ षडङ्गुलायां छायायाम् आदित्यः परिवर्तते/ अश्विनो रात्रिं नयति/ फलुगुन्याम् आदित्यो गतो भवति/

p.101.1/.हेमन्तानां प्रथमे मासे +अनुराधा +अमावास्यं भवति/ मृगशिरा पूर्णमास्यां/ चतुर्^दश^मुहूर्तो दिवसो भवति/ षोडश^मुहूर्ता रात्रिः/ अष्टाङ्गुलायां छायायाम् आदित्यः परिवर्तते/ कृत्तिका रात्रिं नयति/ चित्रायाम् आदित्यो गतो भवति/ हेमन्तानां द्वितीये मासे +अमावास्यां ज्येष्ठा भवति/ पुष्यः पूर्णमास्यां/ त्रयोदश^मुहूर्तो दिवसो भवति/ सप्तदश^मुहूर्ता रात्रिः/ दशाङ्गुलायां छायायाम् आदित्यः परिवर्तते/ मृगशिरा रात्रिं नयति/ विशाखायाम् आदित्यो गतो भवति/ (102) हेमन्तानां तृतीये मासे पूर्वाषाढाम् अवास्यां भवति/ मघा पूर्णमास्यं/ द्वादश^मुहूर्तो दिवसो भवति/ अष्टादश^मुहूर्ता रात्रिः/ द्वादशाङ्गुलायां छायायाम् आदित्यः परिवर्तते/ पुष्यो रात्रिं नयति/ ज्येष्ठायाम् आदित्यो गतो भवति/ हेमन्तानां चतुर्थे मासे श्रवणाम् आवास्यं भवति/ फल्गुनी पूर्णमास्यां/ त्रयोदश मुहूर्तो दिवसो भवति/ सप्तदश^मुहूर्ता रात्रिः/ दशाङ्गुलायां छायायाम् आदित्यः परिवर्तते/ मघा रात्रिं नयति/ आषाढायाम् आदित्यो गतो भवति/

p.102.1/.ग्रीष्माणां प्रथमे मासे उत्तरभाद्रपदाम् आवास्ययं भवति/ चित्रा पूर्णमास्यां चतुर्^दश^मुहूर्तो दिवसो भवति/ षोडश^मुहूर्ता रात्रिः/ (103) अष्टाङ्गुलायां छायायाम् आदित्यः परिवर्तते/ फल्गुनी रात्रिं नयति/ श्रवणायाम् आदित्यो गतो भवति/ ग्रीष्माणां द्वितीये मासे +अश्विनी अमावास्यायां भवति/ विशाखा पूर्णमास्यां/ पञ्च^दश^मुहूर्तो दिवसो भवति/ पञ्च^दश^मुहूर्ता रात्रिः/ षडङ्गुलायां छायायाम् आदित्यः परिवर्तते/ चित्रा रात्रिं नयति/ उत्तरायां भाद्रपदायाम् आदित्यो गतो भवति/ ग्रीष्मानां तृतीये मासे कृत्तिकाम् अमावास्यायां भवति/ ज्येष्ठा पूर्णमास्यां/ षोडश^मुहूर्तो दिवसो भवति/ चतुर्दश^मुहूर्ता रात्रिः/ चतुर्^अङ्गुलायां छायायाम् आदित्याः परिवर्तते/ विशाखा रात्रिं नयति/ कृत्तिकायाम् आदित्यो गतो भवति/ ग्रीष्माणां चतुर्थे मासे मृगशिरा अमावास्यायां भवति/ उत्तराषाढा पूर्णमास्यां/ सप्तदश^मुहूर्तो दिवसो भवति/ त्रयोदश^मुहूर्ता रात्रिः/ मध्याह्ने द्वि^अङ्गुलायां छायायाम् आदित्यः परिवर्तते/ ज्येष्ठा रात्रिं नयति/ पुष्य आदित्यो गतो भवति/

p.103.1/.संवत्सरम् अन्वेषणतो मुहूर्तविशेषणैः सर्वाणि च^एतानि (नक्षताणि) भागानुभगेन^अमावास्ययं पूर्णमास्यं च युज्यन्ते/ ऊनरात्रस्य पूर्णरात्रस्य च ग्रहीतव्यं/ तत्र तृतीये वर्षे +अधिको मासो युज्यते/ षण्णां मासानाम् अहोरात्राणि समानि भवन्ति/ अतः षण्^मासाद् दिवसो वधते/ षण्^मासाद् रात्रिर् (104) वर्धते/ षण्^मासाद् दिवसो मासे मासे समम् एव हीयते/ षण्^मासाद् रात्रिर् मासे मासे परिहीयते/

p.104.1/.षण्^मासाद् आदित्यः परिवर्तते/ उत्तरां दिशं संचरति/ षण्^मासाद् दक्षिणां दिशं/ षण्^मासात् समुद्(र्)ए उदकपरिमाणस्य ह्रासो वृद्धिश् च भवति/ सूर्य^गत्या चन्द्र^गत्या च समुद्र^उदक^वेला^अभिवृद्धिर् भवति/ अत्र गणनाप्रतिजागरणास्मरम् इत्य् एवम् एष संवत्सरो व्याख्यातो भवति/

%ग्रहः

p.104.2/.चन्द्र आदित्यः शुक्रो बृहस्पतिः शनैश्चरो +अङ्गारको बुधश् च/ इमे ग्रहाः/ एषां ग्रहाणां बृहस्पतिः संवत्सरस्थायो/ एवं शनैश्चरो बुधो +अङ्गारकः शुक्रश् च^इमे मण्डल^चारिणः/

%नक्षत्रमण्डलं

p.104.3/.भरणी कृत्तिका रोहिणी मृगशिरा एतत् साधारणं प्रथमं मण्डलं/ आर्द्रा पुनर्वसुः पुष्यो +अश्लेषा एतत् साधारनं द्वितीयं मण्डलं/ मघा अथ फल्गुनद्वयं हस्तो चित्रा एतत् साधारणं तृतीयं मण्डलं/ स्वाती विशाखा अनुराधा एतत् साधारणं चतुर्थं मण्डलं/ ज्येष्ठा मूलाषाढाद्वयम् (105) अत्र सर्वाणि महा^भायानि भवन्ति/ इदं पञ्चमं मण्डलं/ अभिजिच् छ्रवणा धनिष्ठा शतबिषा उभे भाद्रपदे चैतत् साधारणं षष्ठं मण्डलं/ रेवती अविनी चैतत् साधारणं सप्तमं मण्डलं/ संवत्सरम् एतेषु यद् यन् नक्षत्र^मण्डलं पीडयति तस्य तस्य जनपदस्य सत्त्वस्य वा पीडा निर्देष्टव्या/

p.105.1/.द्वादश^मुहूर्तानि दिवसे ध्रुवाणि द्वादश रात्रौ/ षण्^मुहूर्ताः सञ्चारिणः/ कतमे षट्/ नैरृतो वरुणो वायवो भर्गो देवो रौद्रो विचारी च/ इतीमे सञ्चारिणः षट्/

p.105.2/.अथात्र श्रावणे मासे पूर्णे +अष्टादश^मुहूर्ते दिवसे सूर्य^उदये च चतुरोजा नाम मुहूर्तो भवति/ रोहितस्य च मुहूर्तस्य बलस्य च^अन्तरे मध्याह्नो भवति/ सूर्यावतारे तु विचारी नाम मुहूर्तो भवति/ द्वादश^मुहूर्तायां रात्राव् अवतीर्णे सूर्ये षष्ठे मुहूर्ते नयमनो नाम मुहूर्तो भवति/ आतापाग्निर् एवं नाम मुहूर्तो रात्र्यवसाने भवति/ भाद्रपदे मासे पूर्णे सप्तदश^मुहूर्ते दिवसे सूर्य^उदये च चतुरोजा एवं नाम मुहूर्ता भवति/ मध्याह्ने +अभिजितो नाम मुहूर्तो भवति/ (106) सूर्यावतारे रौद्रो नाम मुहूर्तो भवति/ त्रयोदश^मुहूर्तायां रात्राव् अवतीर्णे सूर्ये विचारी नाम मुहूर्तो भवति/ अर्ध^रात्रे महा^भयो वायावो नाम मुहूर्तो भवति/

p.106.1/.रात्र्यवसाने आतपाग्निर् एवं नाम मुहूर्तो भवति/ अश्वयुजे मासे पूर्णे षोडश^मुहूर्तो दिवसो भवति/ सूर्य^उदये चतुरोजा नाम मुहूर्तो भवति/ समुद्गतस्य च मुहूर्तस्य अभिजितस्य च^अन्तरे मध्याह्नो भवति/ सूर्यावतारे भर्गो देवो नाम मुहूर्तो भवति/

p.106.2/.चतुर्^दश^मुहूर्तायां रात्राव् अवतीर्णे सूर्ये रौद्रो नाम मुहूर्तो भवति/ अभिजितस्य च मुहूर्तस्य भीषमाणस्य च मुहूर्तस्य अन्तरेण^अर्ध^रात्रं भवति/ रात्र्यवसाने आतपाग्निर् एवं नाम मुहूर्तो भवति/

p.106.3/.कार्त्तिके मासे पूर्णे दिवसः समरात्रिर् भवति/ पञ्च^दश^मुहूर्तो दिवसो भवति पञ्च^दश^मुहूर्तो रात्रिः/ समाने +अहोरात्रे सूर्य^उदये चतुरोजा एवं नाम मुहूर्तो भवति/ संमुखो नाम मुहूर्तो भवति मध्याह्ने/ सन्ततो नाम मुहूर्तः (107) सूर्यावतारे/ रात्राव् अवतीर्णमात्र सूर्ये भ्र्गो देवो नाम मुहूर्तो भवति/ अर्ध^रात्रे +अभिजिन् मुहूर्तो भवति/ रात्र्यवसाने आतपाग्निर् एवं नाम मुहूर्तो भवति/

p.107.1/.मार्गशीर्षे मासे च पूर्णे चतुर्^दश^मुहूर्ते दिवसे सूर्य^उदये चतुरोजा एवं नाम मुहूर्तो भवति/ विरतस्य संमुखस्य च मुहूर्तस्य^अन्तरे मध्याह्नो भवति/ सूर्य^अवतारे वरुणो नाम मुहूर्तो भवति/ षोडश^मुहूर्तायां रात्राव् अवतीर्णमात्रे सूर्ये संतापनः संयमो नाम मुहूर्तो भवति/ राक्षसस्याभिजितस्य च मुहूर्तस्य^अन्तरे +अर्ध^रात्रं भवति/ रात्र्यवसाने आतपाग्निर् एवं नाम मुहूर्तो भवति/

p.107.2/.पौषमासे पूर्णे त्रयोदश^मुहूर्ते दिवसे सूर्य^उदये चतुरोजा एवं नम मुहूर्तो भवति/ मध्याह्ने विरतो नाम मुहूर्तो भवति/ सूर्यावतारे नैरृतो नाम मुहूर्तो भवति/ सप्तदश^मुहूर्तायां रात्राव् अवतीर्णमात्रे सूर्ये वरुणो नाम मुहूर्तो भवति/ अर्ध^रात्रे राक्षसो नाम मुहूर्तो भव्ति/ रात्र्यवसाने आतपाग्निर् एवं नाम मुहूर्तो भवति/

p.107.3/.माघ^मासे पूर्णे द्वादश^मुहूर्ते दिवसे सूर्य^उदये चतुरोजा नाम मुहूर्तो भवति/ सावित्रस्य च विरतस्य च मुहूर्तस्य^अन्तरेण मध्याह्नो भवति/ सूर्यावतारे विजयो नाम मुहूर्तो भवति/ अष्टादश^मुहूर्तायां रात्राव् अवतीर्णमात्रे सूर्ये नैरृतो नाम मुहूर्तो भवति/ गर्दभस्य मुहूर्तस्य च राक्षसस्य च^अन्तरम् अर्ध^रात्रं भवति/ रात्र्यवसान आतपाग्निर् एवं नाम मुहूर्तो भवति/

p.108.1/.यथा श्रावणे तथा माघे/ यथा भाद्रपदे तथा फाल्गुने/ यथा +अस्वयुजे तथा चैत्र/ यथा कार्त्तिके तथा वैशाखे/ यथा मार्गशीर्षे तथा ज्यैष्ठे/ यथा पौषे तथा +अषाढे/ एवम् एतेषां नक्षत्राणां मुहूर्तानां चरितं विचरितं च ज्ञातव्यं/ नक्षत्र^विचरणं नाम प्रथमो +अध्यायाः/

p.108.2/.यथामध्यं नक्षत्राणां रात्रिवशेन दिवसवशेन च^उत्कर्षापकर्षौ कर्तव्यौ/ हीयमाने वर्धमाने वा दिवसे वा मासे वा पूर्णे +अर्ध^मासे वा/ द्वितीया षष्ठी नवमी द्वादशी चतुर्दशी अत्र^अन्तरे दिवसे कला वर्धते रात्रौ कला हीयते/

% भूमि^कम्प^निर्देशः

p.108.3ab/.चत्वारो महा^राजानो ध्रियते यैर् वसुन्धरा/

p.108.3cd/.अतिवृद्धिर् विशुद्धश् च वर्धमानः पृथक्श्रवाः//

p.108.4ab/.महा^भूतानि चत्वारि कम्पयन्ति वसुन्धरां/

p.108.4cd/.आपो इन्द्रश् च वायुश् च तथाग्निर् भगवान् अपि//

p.108.5ab/.त्रयस् तु ते यत्र भवन्ति पक्षे षडेक^मासे तु भवन्ति वेगाः/

p.108.5cd/.परस्य चक्रस्य निदर्शनं स्यात् प्रकम्पते यत्र मही त्व् अभीक्ष्णं//

p.109.1ab/.विशाखा दश^रात्री अयाज् ज्येष्ठा द्वादश^रात्रिका/

p.109.1cd/.पञ्च^विंशतिर् आषाढा श्रवणा पञ्च^सप्ततिः//

p.109.2ab/.रात्रिशतं भाद्रपदे क्रतुर् अश्वयुजे स्मृतः/

p.109.2cd/.अध्यर्धं तु पञ्च^पञ्चाशन् माघे रात्रिशतं स्मृतं/

p.109.3ab/.अर्ध्यर्धं फाल्गुने मासे चैत्रे त्रिंशत् तु रात्रयः/

p.109.3cd/.विपाको भूमि^वेगानाम् अतः कम्पः प्रवर्तते//

p.109.4ab/.यदा सर्वेषु मासेषु सततं कम्पते मही/

p.109.4cd/.वृक्षास् तथा चलन्ति स्म जलं वा यदि कम्पते/ p.109.4ef/.पर्वतः पर्णवत् कम्पेद् भयम् अत्र विनिर्दिशेत्//

p.110.1ab/.नगराण्य् अथ वा ग्रामा घोषा ये च^अत्र संश्रिताः/

p.110.1cd/.शीघ्रं भवन्ति विजनारण्यभूता मृगाश्रयाः//

p.110.2ab/.अटव्यः संप्रवर्तन्ते दश वर्षाणि पञ्च च/

p.110.2cd/.अनावासा दिशो विद्याद् भूमि^चालविचालिताः//

p.110.3ab/.कृत्तिकासु चलेद् भूमिर् ग्रामेषु नगरेषु वा/

p.110.3cd/.अभीक्ष्णं मुच्यते ह्य् अग्निर् दहते सतृनालयान्//

p.110.4ab/.कृष्णाग्निर् अशनेः पातः, कर्मारा; आहिताश्रयाः/

p.110.4cd/.आगाराश् च निवर्तन्ते संवर्तेनेव धातवः//

p.110.5ab/.ये जाता ये च संवृद्धा ये च तं ग्रामम् आश्रिताः/

p.110.5cd/.एते व्यसनम् अर्च्छन्ति भूमि^चालविचालिताः//

p.110.6ab/.रोहिण्यां चलिता भूमिः सर्व^बीज^विनाशनं/

p.110.6cd/.प्रोप्तं शस्यं न रोहेत भवेत् फलस्य कृच्छ्रता//

p.111.1ab/.गुर्विणीनां च नारीणां गर्भो निपीड्यते भृशं/

p.111.1cd/.दुर्भिक्ष^व्यसनाक्रान्ता त्रिभागे तिष्ठति प्रजा//

p.111.2ab/.महा^आत्मानश् च राजानः श्रीमन्तश् च नरोत्तमाः/

p.111.2cd/.एते व्यसनम् अर्च्छन्ति भूमि^चालविचालिताः//

p.111.3ab/.मृगशीर्षे चलेद् भूमिर् ओषधीनां विनाशनं/

p.111.3cd/.चिकित्सकाः श्रोत्रियाश् च घटकाः सोम^याजकाः//

p.111.4ab/.सोम^पीताश् च ये विप्रा वानप्रस्थाश् च तापसाः/

p.111.4cd/.एते व्यसनम् अर्च्छन्ति भूमि^चालविचालिताः//

p.111.5ab/.आर्द्रायां चलिता भूमिर् वृक्षा नश्यन्ति क्षीरिणः/

p.111.5cd/.अन्न^पानानि नश्यन्ति पथिका दंष्ट्रिपालिकाः//

p.111.6ab/.कूपखाः परिखाखाश् च पापका ये च तस्कराः/

p.111.6cd/.एते व्यसनम् अर्च्छन्ति भूमि^चालविचालिताः//

p.111.7ab/.पुनर्वसौ चलेद् भूमिर् मण्डलं कुण्डिका^अपि च/

p.111.7cd/.वागुरिकाः कारण्डवाश् चक्रिणः शुक^सारिकाः//

p.111.8ab/.अर्भका भ्रमकाराश् च मांसिकाः शङ्खवाणिजाः/

p.111.8cd/.एते व्यसनम् अर्च्छन्ति भूमि^चालविचालिताः//

p.112.1ab/.पुष्येण च चलेद् भूमिर् ब्राह्मणा नायकास् तथा/

p.112.1cd/.दुरङ्गमा वाणिजकाः सार्थवाहाश् च ये नराः//

p.112.2ab/.पार्थिवाः पार्वतीयाश् च ये च तद् भक्तिगोचराः/

p.112.2cd/.एते व्यसनम् अर्च्छन्ति भूमि^चालविचालिताः/

p.112.2ef/.शिलावर्षं प्रवर्षन्ति शस्यानामनयो महान्//

p.112.3ab/.अश्लेषायां चलेद् भूमिर् नागाः सर्वे सरीसृपाः/

p.112.3cd/.कीटाः पिपीलिकाः श्वाना; एक^खुराश् च ये मृगाः//

p.112.4ab/.वैद्या विसकराश् च^अपि ये च सत्वा दरीश्रयाः/

p.112.4cd/.एते व्यसनम् अर्च्छन्ति भूमि^चालविचालिताः//

p.112.5ab/.मघासु चलिता भूमिर् महा^राजो +अत्र तप्यते/

p.112.5cd/.ये च श्राद्धा निवर्तन्ते समाजा; उत्सवास् तथा/

p.112.5ef/.यज्ञाश् च देव^कृत्यं च सर्वम् अत्र निवर्तते//

p.112.6ab/.ये जाता ये च संवृद्धा ये च^अन्ये +अप्य् अग्रपण्डिताः/

p.112.6cd/.गन्धर्वाश् च विनश्यन्ति नरा ये च महा^कुलाः/

p.112.6ef/.एते व्यसनम् अर्च्छन्ति भूमि^चालविचालिताः//

p.112.7ab/.फल्गुन्यां चलिता भूमिर् ऋतुर् व्यावर्तते तदा/

p.112.7cd/.त्रियग्वातश् च^एव वाति कृतं नश्यति शाश्वतं/

p.112.7ef/.पथिकाश् च^उपतप्यन्ति माषयाच्योपजीविकाः//

p.113.1ab/.धर्मे रता; आसनिका ये च शुल्कोपजीविनः/

p.113.1cd/.एते व्यसनम् अर्च्छन्ति भूमि^चालविचालिताः//

p.113.2ab/.चलत्य् उत्तरफल्गुन्यां वणिजा द्वीपयात्रिकाः/

p.113.2cd/.सार्थवाहा; आसनिका ये च शिल्पोपजीविनः//

p.113.3ab/.अङ्गाविदेहमगधा नैरृताः स्त्री^परिग्रहाः/

p.113.3cd/.एते व्यसनम् अर्च्छन्ति भूमि^चालविचालिताः//

p.113.4ab/.हस्तेन चलिता भूमिः कुम्भ^कार चिकित्सकाः/

p.113.4cd/.गणमुख्या महा^मात्राः सेनाध्यक्षाश् च ये नराः//

p.113.5ab/.तारमका (?) नारपटा (?) विप्सरः (?) कौटिका; अपि/

p.113.5cd/.एते व्यसनम् अर्च्छन्ति भूमि^चालविचालिताः//

p.113.6ab/.चित्रायां चलिता भूमिः कारुका; उपकल्पकाः/

p.113.6cd/.कुमार्यः सर्व^रत्नं च सस्यानां बीज^कैः सह//

p.113.7ab/.वङ्गा दशार्णकुरवश् चेदिमाहिषकास् तथा/

p.113.7cd/.एते व्यसनम् अर्च्छन्ति भूमि^चालविचालिताः//

p.113.8ab/.स्वातौ प्रचलिता भूमिश् चौरा ये च कुशीलकाः/

p.113.8cd/.हिंसका ये च तत् कर्म^रता +अभ्यर्थितमूषकाः//

p.113.9ab/.हिमवत; उत्तरेण वायुभक्षास् तपस्विनः/

p.113.9cd/.एते व्यसनम् अर्च्छन्ति भूमि^चालविचालिताः//

p.114.1ab/.विशाखायां चलेद् भूमिर् महा^शैल^क्षयो भवेत्/

p.114.1cd/.उग्रा वाताः प्रवान्त्य् अत्र; अश्मकैरकुशलिनः//

p.114.2ab/.अनुराधे चलेद् भूमिर् दस्यूनाम् अनयो महान्/

p.114.2cd/.विटा द्यूत^कराश् च^एव ग्रन्थिभेदाश् च ये नराः//

p.114.3ab/.अन्ध्राः पुण्ड्राः पुलिन्दाश् च भये तिष्ठन्त्य् अनाश्रिताः//

p.114.3cd/.मित्रभेदश् च बलवान् तदा जगति जायते//

p.114.4ab/.ज्येष्ठायां चलिता भूमिर् महा^राजः प्रतप्यते/

p.114.4cd/.वायसा वृषभा व्याडास् तथा चण्डमृगाश् च ये//

p.114.5ab/.कुरवः शूरसेनाश् च मल्ला बाह्लीकनिग्रहाः/

p.114.5cd/.प्रत्यर्थिकेन शीघ्रेण ये च तद् भक्तिभाजनाः/

p.114.5ef/.एते व्यसनम् अर्च्छन्ति भूमि^चालविचालिताः//

p.114.6ab/.मूलेन चलिता भूमिश् चतुष्पद्द्विपदास् तथा/

p.114.6cd/.ग्रहाश्रयाः पिशाचाश् च ये च सत्त्वा दरीश्रयाः/

p.114.6ef/.एते व्यसनम् अर्च्छन्ति भूमि^चालविचालिताः//

p.115.1ab/.दुर्भिक्षं च करोत्य् आशु धान्यम् अल्प^उदकं भवेत्/

p.115.1cd/.दरीपर्वतमूलानि गच्छन्ति च तदा भुवि//

p.115.2ab/.पूर्वाषाढे चलेद् भूमिर् जलजा मत्स्य^शुक्तिकाः/

p.115.2cd/.शिशुमारा; उद्रकाश् च नक्रा मकर^कच्छपाः//

p.115.3ab/.जातिगोत्र^प्रधानाश् च धनिनो +अथ विचक्षणाः/

p.115.3cd/.द्वितीयाभिजाताश् च महा^विद्याकराश् च ये/

p.115.3ef/.एते व्यसनम् अर्च्छन्ति भूमि^चालविचालिताः//

p.115.4ab/.उत्तरस्यां चलेद् भूमिः शिल्पिनाम् अनयो महान्/

p.115.4cd/.अयस्काराः स्थापतयस् त्रपु^काराश् च तक्षकाः//

p.115.5ab/.दरिद्रा धनिनश् च^अपि शिल्पिनो विविधा; अपि/

p.115.5cd/.एते व्यसनम् अर्च्छन्ति भूमि^चालविचालिताः/

p.115.5ef/.ग्राम^कुटानि च घ्नन्ति सचलस्थावराणि च//

p.115.6ab/.वैष्णवे चलिता भूमिस् तदेति यद् अनीप्सितं/

p.116.1ab/.अध्यापकाः शास्त्र^विदः कवयो मन्त्र^पारगाः/

p.116.1cd/.युगन्धराः शूरसेना; अभिराजाः पटच्चराः//

p.116.2ab/.कुशण्डाः शरदण्डाश् च ये नरा राज^पूजिताः/

p.116.2cd/.एते व्यसनम् अर्च्छन्ति भूमि^चालविचालिताः//

p.116.3ab/.धनिष्ठायां चलेद् भूमिर् धनिना मनयो महान्/

p.116.3cd/.महेश्वरास् तथा महा^नागराः श्रेष्ठिनस् तथा//

p.116.4ab/.प्रचण्डाः स्वस्तिमन्तश् च भद्रकारा युगन्धराः/

p.116.4cd/.पारिकूलाश् च भोज्याश् च ह्य् अन्ये सन्नागरा; अपि/

p.116.4ef/.एते व्यसनम् अर्च्छन्ति भूमि^चालविचालिताः//

p.116.5ab/.वारुण्ये चलिता भूमिर् औदकेष्व् अनयो महान्/

p.116.5cd/.हस्तिनो +अश्वखरोष्ट्राश् च स्पर्शम् अर्च्छन्ति दारुणं//

p.116.6ab/.तदासौ वीरकान् मद्रान् बाह्लीकान् केकयान् अपि/

p.116.6cd/.अनाश्रयांश् चक्रवाकाञ् जनस्थान् अपि पीडयेत्//

p.117.1ab/.साजेन चलिता भूमी राक्षसान् घातकांस् तथा/

p.117.1cd/.औरभ्रिकान् सौकरिकान् सौवीरांश् च निपातयेत्//

p.117.2ab/.वणिज्यजीविनो वैश्यान् शूद्रांश् च करीतीन् अपि/

p.117.2cd/.यवनान् मालवाद्यांश् च ग्रन्थिभेदांश् च नाशयेत्//

p.117.3ab/.अहिर्बुध्न्ये चलेद् भूमिर् वणिजाम् अनयो महान्/

p.117.3cd/.धर्मे रताश् च ये सिद्धा ये च शौक्तिककर्मिणः//

p.117.4ab/.शिबीन् वत्सान् तथा वात्स्यान् क्षत्रियान् आर्जुनायनान्/

p.117.4cd/.सिन्धुराज^धनुष्पानीन् सर्वान् अर्दयते +अचिरात्//

p.117.5ab/.रेवत्यां चलिता भूमिः संग्रामः स्यात् सुदारुणः/

p.117.5cd/.ग्राम^घाताश् च वर्तन्ते ग्रामो ग्रामं च हिंसति//

p.117.6ab/.नौचरान् उदकाजीवान् रमठान् भरुकच्छकान्/

p.117.6cd/.सुधन्वान् अभिसारांश् च सर्व^सेनांश् च निर्दहेत्//

p.118.1ab/.अश्विन्यां चलिता भूमिर् अश्वानाम् अनयो महान्/

p.118.1cd/.ग्राम^घाताश् च वर्तन्ते भ्राता भ्रातॄन् जिघांसति//

p.118.2ab/.या च^अत्र गभम् आधत्ते ये च जाताश् च तान् इह/

p.118.2cd/.त्रीणि वर्षाण्य् अतो दुःखम् उपैति च निरन्तरं//

p.118.3ab/.सहिताश् चित्र^गर्भाश् च ये ह्य् अन्ये च^अङ्गनाजनाः/

p.118.3cd/.आर्जुनायना राजन्याः सुष्ठु त्रींश् च^अपि हिंसति//

p.118.4ab/.भरण्यां चलिता भूमिश् चौराणाम् अनयो महान्/

p.118.4cd/.विटा द्यूत^कराश् च^एव ग्रन्थिभेदाश् च ये नराः//

p.118.5ab/.आदर्शचक्राटाधूर्तास् तथा बन्धन^रक्षकाः/

p.118.5cd/.अन्तावशायिनः पापाश् चरन्ति ये तु दुर्जनाः/

p.118.5ef/.ते +अपि तत्र विपद्यन्ते भूमि^चालविचालिताः//

p.118.6ab/.वेपितायां तु मेदिन्यां भवेद् रूपम् अनन्तरं/

p.118.6cd/.सप्ताहाभ्यन्तरात् तत्र मेघो भवति प्रार्थितः//

p.119.1ab/.स्निग्धो ह्य् अङ्जन^संकाशो महा^पर्वतसन्निभः/

p.119.1cd/.इन्द्रश् न वर्षते तत्र महर्षेर् वचनं यथा//

p.119.1ef/.[एवं निगदितं नार्थैर् इन्द्रश् च^अत्र प्रवर्षति//]

p.119.2ab/.स्वस्तिका कार^संकाशा; इन्द्रवज्रध्वयोपमाः/

p.119.2cd/.दृश्यन्ते +अभ्रा हि सन्ध्यायां ग्रस्त्वा चन्द्र^दिवा^करौ//

p.119.3ab/.तदा नभसि जायन्ते मेघा डाडिम्बसन्निभाः/

p.119.3cd/.लक्षणं तादृशं दृष्ट्वा विद्यात् तान्न् इन्द्रकम्पितान्/

p.119.3ef/.स निर्देशो भवेत् तत्र महर्षेर् वचनं यथा//

p.119.4ab/.अतीव तत्र विश्वस्तः सर्व^बीजानि वापयेत्/

p.119.4cd/.व्यवहारांश् च कुर्वीरन् निर्भयास् तत्र वाणिजाः/

p.119.4ef/.सर्वेषां भूमि^कम्पानां प्रशस्ता; इन्द्रकंपिताः//

p.119.5ab/.वेपितायां तु मेदिन्यां भवेद् रूपम् अनन्तरं/

p.119.5cd/.सप्ताहाभ्यन्तरे तत्र मेघः संच्छादयेन् नभः//

p.120.1ab/.ततो +अनुबद्धा जायन्ते; अभ्राः कौशेयसन्निभाः/

p.120.1cd/.अनुलोमं च संयान्ति चरन्तः पश्चिमां दिशं//

p.120.2ab/.शिशुमार^उद्रकाणां मत्स्य^मकर^सन्निभाः/

p.120.2cd/.दृश्यन्ते +अभ्राश् च सन्ध्यायां ग्रस्त्वा चन्द्र^दिवा^करौ//

p.120.3ab/.लक्षणं तादृशं दृष्ट्वा विद्यात् ताञ् जलकम्पितान्/

p.120.3cd/.स निर्देशो भवेत् तत्र महर्षेर् वचनं यथा//

p.120.4ab/.स्थालेषु गिरि^कूटेषु क्षेत्रेषूपवनेषु च/

p.120.4cd/.स्थाप्यन्ते तत्र बीजानि निम्ने नश्यन्ति वै तदा//

p.120.5ab/.पञ्केण^अपि जलेन^अपि नश्येयू रजसा^अपि वा/

p.120.5cd/.एतेषां भूमि^कम्पानां प्रशस्ता जलकम्पिताः//

p.120.6ab/.वेपितायां तु मेदिन्यां भवेद् रूपम् अनन्तरं/

p.120.6cd/.सप्ताहाभ्यन्तरे तत्र वाता वान्ति सुदारुणाः//

p.120.7ab/.दृश्यते कपिला सन्ध्या चन्द्र^सूर्यौ तु लोहिताउ/

p.120.7cd/.लक्षणं तादृशं दृष्ट्वा जानीयाद् वायुकम्पितान्//

p.121.1ab/.ततो भवति निर्देशो महर्षेर् वचनं यथा/

p.121.1cd/.न तत्र प्रवसेत् प्राज्ञ; आत्मानं च^अत्र गोपयेत्//

p.121.2ab/.गुह्यम् आवरणं कुर्यात् प्राकारपरिखां खनेत्/

p.121.2cd/.प्रातिसीमा विरुध्यन्ते नराणां जायते भयं//

p.121.3ab/.एतेषां भूमि^कम्पनं सर्वेषां कीर्तिता गुणाः/

p.121.3cd/.विशेषेण मनुष्याणां निर्मिता वायुकम्पिताः//

p.121.4ab/.कम्पितायां तु मेदिन्यां भवेद् रूपम् अनन्तरं/

p.121.4cd/.सप्ताहाभ्यन्तरात् तत्र; उल्का^पाताः सुदारुणाः//

p.121.5ab/.सन्ध्या च लोहिता भाति चन्द्र^सूर्यौ तु लोहितौ/

p.121.5cd/.लक्षणं तादृशं दृष्ट्वा विज्ञेया; अग्निकम्पिताः//

p.121.6ab/.अग्निर् दहति काष्ठानि रक्षितानि धनानि च/

p.121.6cd/.दृश्यन्ते धूमशिखराः शस्त्रं च स्विद्यते भृशं//

p.121.7ab/.वीणाश् च दिवि दृश्यन्ते नवमासान् न वर्षति/

p.121.7cd/.एतेषां भूमि^कम्पानां जघन्या; अग्निकम्पिताः//

p.121.8a/.जयति; अहनि पूर्वे क्षत्रियान् पार्थिवांश् च/ p.121.8b/.हय^गज^रथ^मुख्यान् मन्त्रिणो मध्यम^अह्ने/

p.122.1ab/.व्यथयति; आपर^अह्णे गोपशून् वैश्य^शूद्रान्/

p.122.1cd/.प्रदहति निशि^सन्ध्या तस्कर^अनन्त^वासान्//

p.122.2a/.रजनिम् इह प्रदोषे हिंसते म्लेच्छ^संघान्/

p.122.2b/.स्त्रियम् अपि च नपुंसश् च^अर्ध^रात्रेष्व् अनन्तान्/

p.122.2c/.कृषि^वणिग् उपजीव्यान् हन्ति यामे तृतीये/

p.122.2d/.व्यथयति सुरपक्षं रौद्र^कर्म^अन्तकृष्णे//

p.122.3a/.प्रदहति शशिपक्षे याज्ञिकं ब्रह्म^क्षत्रं/

p.122.3b/.श्रपयति शुचि^वृत्ताम् एव धर्मे प्रधानान्/

p.122.3c/.विदुषि च मृदु^भावं विन्दते यो ह्य् अधीते/

p.122.3d/.स भवति नृप^पूज्यो बाह्मणो देव^दर्शी//

p.123.1ab/.बृहस्पतेश् च चत्वारि समानि शुभ^कर्मणा/

p.123.1cd/.चत्वारि सूर्य^कर्माणि तुल्यानि शुक्र^कर्मणा/

p.123.1ef/.सोम^कर्माणि चत्वारि ब्रह्म^कर्म च तत्समं//

p.123.2/.अयं भोः पुष्करसारिन् भूमि^कम्प^निर्देशो नाम^अध्यायः/

% व्याधि^समुत्थानं

p.123.3/.अथ भोः पुष्करसारिन् अमीषाम् अष्टाविंशतीनां नक्षत्राणां रोग^उत्पत्तिं नाम^अध्यायं व्याख्यामि/ तच् छ्रूयतां/ कथयतु भगवान्/

p.123.4ab/.कृत्तिकासु^उत्थितो व्याधिः स्त्रिया वा पुरुषस्य वा/

p.123.4cd/.चतूरात्रं भवेद् व्याधिस् ततश् च^ऊर्ध्वं विमुच्यते//

p.123.5ab/.अग्निर् हि देवता तत्र दध्ना ह्य् अस्य बलिं हरेत्/

p.123.5cd/.अनेन बलि^कर्मेण तस्माद् रोगाद् विमुच्यते//

p.123.6ab/.रोहिण्याम् उत्थितो व्याधिः स्त्रिया वा पुरुषस्य वा/

p.123.6cd/.पञ्च^रात्रं भवेद् व्याधिस् ततश् च^ऊर्ध्वं विमुच्यते//

p.123.7ab/.देवः प्रजापतिस् तत्र शुद्धमाल्यैर् बलिं हरेत्/

p.123.7cd/.अनेन बलि^कर्मेण तस्माद् रोगाद् विमुच्यते//

p.123.8ab/.व्याधिर् मृगशिरोभुतः स्त्रियो वा पुरुषस्य वा/

p.123.8cd/.अष्ट^रात्रं भवेद् व्याधिस् ततश् च^ऊर्ध्वं विमुच्यते//

p.123.9ab/.सोमो हि देवता तत्र मण्डेन तु बलिं हरेत्/

p.123.9cd/.अनेन बलि^दानेन तस्माद् रोगाद् विमुच्यते//

p.124.1ab/.(124) आद्रायाम् उत्थितो व्याधिः स्त्रिया वा पुरुषस्य वा/

p.124.1cd/.दश^रात्रं भवेद् व्याधिस् ततश् च^ऊर्ध्वं विमुच्यते//

p.124.2ab/.रुद्रो हि देवता तत्र पायसेन बलिं हरेत्/

p.124.2cd/.अनेन बलि^कर्मेण तस्माद् रोगाद् विमुच्यते//

p.124.3ab/.पुनर्वसौ भवेद् व्याधिः स्त्रिया वा पुरुषस्य वा/

p.124.3cd/.अष्ट^रात्रं भवेद् व्याधिस् ततश् च^ऊर्ध्वं विमुच्यते//

p.124.4ab/.आदित्यो देवता तत्र गन्ध^माल्यैर् बलिं हरेत्/

p.124.4cd/.अनेन बलि^कर्मेण तस्माद् रोगाद् विमुच्यते//

p.124.5ab/.पुष्ये समुत्थितो व्याधिः स्त्रिया वा पुरुषस्य वा/

p.124.5cd/.स्तोककालं भवेत् तस्य पञ्च^रात्राद् विमुच्यते//

p.124.6ab/.देवो बृहस्पतिस् तत्र गन्ध^माल्यैर् बलिं हरेत्/

p.124.6cd/.अनेन बलि^कर्मेण तस्माद् रोगाद् विमुच्यते//

p.124.7ab/.अश्लेषायां भवेद् व्याधिः स्त्रियो वा पुरुषस्य वा/

p.124.7cd/.न तं वैद्याश् चिकित्सन्तु सर्पस् तत्र तु दैवतः//

p.124.8ab/.मघा^समुत्थितो व्याधिः स्त्रिया वा पुरुषस्य वा/

p.124.8cd/.अष्ट^रात्रं भवेद् व्याधिस् ततश् च^ऊर्ध्वं विमुच्यते//

p.124.9ab/.पितरो देवतास् तत्र कृसरेण बलिं हरेत्/ p.124.9cd/.अनेन बलि^कर्मेण तस्माद् रोगाद् विमुच्यते//

p.124.10ab/.पूर्वफाल्गुनीजा व्याधिः स्त्रिया वा पुरुषस्य वा/

p.124.10cd/.सप्त^रात्रं भवेद् व्याधिस् ततश् च^ऊर्ध्वं विमुच्यते//

p.125.1ab/.(125) अर्यमा देवता तत्र गन्ध^माल्यैर् बलिं हरेत्/ %भग

p.125.1cd/.अनेन बलि^कर्मेण तस्माद् रोगाद् विमुच्यते//

p.125.2ab/.उत्तरायां भवेद् व्याधिः स्त्रिया वा पुरुषस्य वा/

p.125.2cd/.न तं वैद्याश् चिकित्सन्तु भगो प्य् अत्र तु देवता//%अर्यमन्

p.125.3ab/.हस्तेनाप्य् उत्थितो व्याधिः स्त्रिया वा पुरुषस्य वा/

p.125.3cd/.पञ्च^रात्रं भवेद् व्याधिस् ततश् च^ऊर्ध्वं विमुच्यते//

p.125.4ab/.रविर् हि देवता तत्र गन्ध^पुष्पैर् बलिं हरेत्/

p.125.4cd/.अनेन बलि^कर्मेण तस्माद् रोगाद् विमुच्यते//

p.125.5ab/.चित्रायाम् उत्त्थितो व्याधिः स्त्रिया वा पुरुषस्य वा/

p.125.5cd/.अष्ट^रात्रं भवेद् व्याधिस् ततश् च^ऊर्ध्वं विमुच्यते//

p.125.6ab/.त्वष्टा हि देवता तत्र घृतम् उद्गैर् बलिं हरेत्/

p.125.6cd/.अनेन बलि^कर्मेण तस्माद् रोगाद् विमुच्यते//

p.125.7ab/.स्वात्यां समुत्थितो व्यादिः स्त्रिया वा पुरुषस्य वा/

p.125.7cd/.क्लेशितो हि भवेद् व्याधिः पञ्च^विंशति^रात्रिकः//

p.125.8ab/.देवता^अत्र भवेद् वायुश् चित्र^माल्यैर् बलिं हरेत्/

p.125.8cd/.अनेन बलि^कर्मेण तस्माद् रोगाद् विमुच्यते//

p.125.9ab/.विशाखायां भवेद् व्याधिः स्त्रिया वा पुरुषस्य वा/

p.125.9cd/.गुरुको +असौ भवेद् व्याधिर् अहान्य् एकोनविंशतिः//

p.126.1ab/.(126) इन्द्राग्नी^देवते तत्र गन्ध^माल्यैर् बलिं हरेत्/

p.126.1cd/.अनेन बलि^कर्मेण तस्माद् रोगाद् विमुच्यते//

p.126.2ab/.अनुराधा^उत्थितो व्यादिः स्त्रिया वा पुरुषस्य वा/

p.126.2cd/.अर्ध^मासं भवेद् व्याधिस् ततश् च^ऊर्ध्वं विमुच्यते//

p.126.3ab/.मित्रो हि देवता तत्र घृत^पात्रं बलिं हरेत्/

p.126.3cd/.अनेन बलि^कर्मेण तस्माद् रोगाद् विमुच्यते//

p.126.4ab/.ज्येष्ठायाम् उत्थितो व्याधिः स्त्रिया वा पुरुषस्य वा/

p.126.4cd/.क्लेशिको हि भवेद् व्याधिर् अहोरात्र^त्रयोदश//

p.126.5ab/.इन्द्रो हि देवता तत्र गन्ध^माल्यैर् बलिं हरेत्/

p.126.5cd/.अनेन बलि^कर्मेण तस्माद् रोगाद् विमुच्यते//

p.126.6ab/.मूले समुत्थितो व्याधिः स्त्रिया वा पुरुषस्य वा/

p.126.6cd/.मासिको हि भवेद् व्याधिस् ततश् च^ऊर्ध्वं विमुच्यते//

p.126.7ab/.नैरृतिर् देवता तत्र मद्य^मांसैर् बलिं हरेत्/

p.126.7cd/.अनेन बलि^कर्मेण तस्माद् रोगाद् विमुच्यते//

p.126.8ab/.पूर्वाषाढे भवेद् व्याधिः स्त्रिया वा पुरुषस्य वा/

p.126.8cd/.सांक्लेशिको भवेद् व्याधिर् अष्टौ मासान् न संशयः//

p.126.9ab/.आपो हि देवतास् तत्र कृसरेण बलिं हरेत्/

p.126.9cd/.अनेन बलि^कर्मेण तस्माद् रोगाद् विमुच्यते//

p.126.10ab/.उत्तरायां भवेद् व्याधिः स्त्रिया वा पुरुषस्य वा/

p.126.10cd/.सप्त^रात्रं भवेद् व्याधिस् ततश् च^ऊर्ध्वं विमुच्यते//

p.126.11ab/.विश्वो हि देवता तत्र पायसेन बलिं हरेत्/

p.126.11cd/.अनेन बलि^कर्मेण तस्माद् रोगाद् विमुच्यते//

p.127.1ab/.(127) अभिजिद् उत्थितो व्याधिः स्त्रिया वा पुरुषस्य वा/

p.127.1cd/.षण्^मासान् संभवेद् व्याधिस् ततश् च^ऊर्ध्वं विमुच्यते//

p.127.2ab/.विष्णुश् च देवता तत्र दधि^मण्डं बलिं हरेत्/

p.127.2cd/.अनेन बलि^कर्मेण तस्माद् रोगाद् विमुच्यते//

p.127.3ab/.श्रवणेन^उत्थितो व्याधिः स्त्रिया वा पुरुषस्य वा/

p.127.3cd/.गुरुको हि भवेद् व्याधिः पूर्णं द्वादश^मासिकं//

p.127.4ab/.विष्णुर् हि देवता तत्र गन्ध^माल्यैर् बलिं हरेत्/

p.127.4cd/.अनेन बलि^कर्मेण तस्माद् रोगाद् विमुच्यते//

p.127.5ab/.धनिष्ठायां भवेद् व्याधिः स्त्रिया वा पुरुषस्य वा/

p.127.5cd/.गुरुको हे भवेद् व्याधिः पूर्णमासान् त्रयोदश//

p.127.6ab/.वसवो देवतास् तत्र घृत^माल्यैर् बलिं हरेत्/

p.127.6cd/.अनेन बलि^कर्मेण तस्माद् रोगाद् विमुच्यते//

p.127.7ab/.शतभिषा^उत्थितो व्याधिः स्त्रिया वा पुरुषस्य वा/

p.127.7cd/.त्रयोदश^दिवस् तत्र ततश् च^ऊर्ध्वं विमुच्यते//

p.127.8ab/.वरुणो देवता तत्र पायसेन बलिं हरेत्/

p.127.8cd/.अनेन बलि^कर्मेण तस्माद् रोगाद् विमुच्यते//

p.127.9ab/.पूर्वभद्र^उत्थितो व्याधिः स्त्रिया वा पुरुषस्य वा/

p.127.9cd/.न तं वैद्याश् चिकित्सन्तु अहिर्बुध्न्यो +अत्र दैवतः//

p.127.10ab/.उत्तरभाद्रजो व्याधिः स्त्रिया वा पुरुषस्य वा/

p.127.10cd/.सप्त^रात्रं भवेद् व्याधिस् ततश् च^ऊर्ध्वं विमुच्यते//

p.128.1ab/.(128) अर्यमा देवता तत्र गन्ध^माल्यैर् बलिं हरेत्/

p.128.1cd/.अनेन बलि^कर्मेण तस्माद् रोगाद् विमुच्यते//

p.128.2ab/.रेवत्याम् उत्थितो व्याधिः स्त्रिया वा पुरुषस्य वा/

p.128.2cd/.मृदुको हि भवेद् व्याधिर् अष्टाविंशति^रात्रिकः//

p.128.3ab/.पूषा हि देवता तत्र गन्ध^माल्यैर् बलिं हरेत्/

p.128.3cd/.अनेन बलि^कर्मेण तस्माद् रोगाद् विमुच्यते//

p.128.4ab/.अश्विन्याम् उत्थितो व्याधिः स्त्रिया वा पुरुषस्य वा/

p.128.4cd/.सांक्लेशिको भवेद् व्याधिः पञ्च^विंशति^रात्रिकः//

p.128.5ab/.गन्धर्वो देवता तत्र यावकेन बलिं हरेत्/ %गन्धर्व!

p.128.5cd/.अनेन बलि^कर्मेण तस्माद् रोगाद् विमुच्यते//

p.128.6ab/.भरण्याम् उत्थितो व्याधिः स्त्रिया वा पुरुषस्य वा/

p.128.6cd/.न तं वैद्याश् चिकित्सन्तु यमस् तत्र तु दैवतः/

p.128.7ab/.शीलं रक्षतु मेधावी ततः स्वर्गं गमिष्यति//

p.128.7cd/.अयं भोः पुष्करसारिन् व्याधि^समुत्थानो नाम^अध्यायः/

% बन्धन^निर्मोक्षः

p.128.8/.अथ खलु भोः पुष्करसारिन् बन्धन^निर्मोक्षं नाम^अध्यायं व्याख्यास्यामि/ तच् छ्रूयतां/ कथयतु भगवान्//

p.129.1/.कृत्तिकासु भोः पुष्करसारिन् बद्धो वा रुद्धो वा त्रि^रात्रेण मोक्ष्यति^इति वक्तव्यः/ रोहिण्यां बद्धो वा रुद्धो वा त्रि^रात्रेण मोक्ष्यति^इति/ मृगशिरसि बद्धो वा रुद्धो वा एक^विंशति रात्रेण मोक्ष्यति^इति/ आर्द्रायां बद्धो वा रुद्धो वा +अर्ध^मासेन मोक्ष्यति^इति/ पुनर्वसौ रुद्धो वा बद्धो वा सप्त^रात्रेन/ पुष्ये त्रि^रात्रेण/ अश्लेषायां त्रिंशद्^रात्रेण/ मघासु षोडश^रात्रेण/ चित्रायां सप्त^रात्रेण/ स्वात्यां दश^रात्रेण/ विशाखायां षड्विंशद्^रात्रेण/ अनुराधायाम् एक^त्रिंशद् रात्रेण/ ज्येष्ठायाम् अष्टादश^रात्रेण/ मूले षट्त्रिंशद् रात्रेण/ पूर्वाषाढायां चतुर्^दश^रात्रेण/ उत्तराषाढायां चतुर्^दश^रात्रेण/ अभिजिति षड्^रात्रेण/ श्रवणे धनिष्ठायां शतभिषायां पूर्वभद्रपदे उत्तरभाद्रपदे रेवत्यां चतुर्^दश^रात्रेण/ अश्विन्यां त्रि^रात्रेण/ भरण्यां बद्धो वा रुद्धो वा परिक्लेशम् अवाप्स्यति^इति वक्तव्यः/

p.129.2/.अयं भोः पुष्करसारिन् बन्धन^निर्मोक्षो नाम^अध्याय/

% तिलक^अध्यायः

p.129.3/.अथ बोः पुस्करसारिन् तिलक^अध्यायं व्याख्यास्यामि/ तच् छ्रूयतां/ कथयतु भगवान्//

p.129.4/.मूर्ध्नि तु यस्यास् तिलको +अस्ति सूक्ष्मः स्निग्धो भवेत् पद्म^समान^वर्णः/

p.129.5/.राजा तु तस्या भवति^इह भर्ता स्तन^उपरिष्टात् प्रतिबिम्बम् आहुः//

p.130.1ab/.शीर्षे तु यस्यास् तिलक^अलकः स्यात् सूक्ष्मो भवेद् अञ्जन^चूर्ण^वर्णः/

p.130.1cd/.सेनापतिस् तस्या भवेद् धि भर्ता स्तन^अन्तरे +अस्याः प्रतिबिम्बकं स्यात्//

p.130.2ab/.भ्रूवोन्तरे +अस्यास् तिलक^अलकः स्याद् दुष्चारिणीं तां प्रमदां वदन्ति/

p.130.2cd/.पञ्च^एव तस्याः पतयो भवन्ति बह्व्^अन्न^पानं लभते च नारी//

p.131.1ab/.गण्डस्य नासादिकम् अध्यदेशे भवेच् च बिम्बं तिलकस्य यस्याः/

p.131.1cd/.तां शोक^भाजं प्रमदां वदन्ति रोमप्रदेशे प्रतिबिम्बम् आहुः//

p.131.2ab/.कर्णे तु यस्यास् तिलक^अलकः स्याद् बहु^श्रुतां तां प्रमदां वदन्ति/

p.131.2cd/.बहु^श्रूतां तां श्रुतिधारिणीं च त्रिके तु यस्याः प्रतिबिम्बकं स्यात्//

p.131.3ab/.यस्य^उत्तरोष्ठे तिलक^अलकः स्यात् तां भिन्न^सत्यां प्रमदां वदन्ति/

p.131.3cd/.कृच्छ्रेण सा वै लभते हि वृत्तिम् ऊरौ तु तस्यास् तिल^बिम्बम् आहुः//

p.132.1ab/.यस्या +अधरोष्ठे तिलक^अलकः स्याद् दुश्चारिणीं तां प्रमदां वदन्ति/

p.132.1cd/.मिष्ट^अन्न^पानं बहु ऋच्छते सा तथा हि गुह्ये प्रतिबिम्बकं स्यात्//

p.132.2ab/.चिबुके तु यस्यास् तिलक^अलकः स्याद् दुश्चारिणीं तां प्रमदां वदन्ति/

p.132.2cd/.मिष्ट^अन्न^पानं बहु सा लभेत गुह्ये द्वितीयं प्रतिबिम्बकं स्यात्//

p.132.3/.अयं भोः पुष्करसारिंस् तिलक^अध्यायो नाम^अध्यायः/

p.132.4/.अथ खलु भोः पुष्करसारिन् नक्षत्र^जन्म^गुणं नाम^अध्यायं व्याख्यास्यामि/ तच् छ्रूयतां/ कथयतु भवान् त्रिशङ्क्को/

p.132.5a/.कृत्तिकासु नरो जातस् तेजस्वी प्रिय^साहसः/

p.132.5b/.भवेच् छूरस् तथा चण्डः प्रिय^वादी च मानवः//

p.132.6a/.रोहिण्यां पुरुषो जातो धनवान् धर्मिकस् तथा/

p.132.6b/.व्यवसायी स्थिरः शूरो ध्रुवं च^अस्य सदा मुखं//

p.133.1ab/.जातो मृगशिरे यस् तु मृदुः सौम्यस् तु मानवः/

p.133.1cd/.दर्शनीयो भवेच् च^असौ स्त्री^कान्तस् तु विशेषतः//

p.133.2ab/.आर्द्रा^जातस् तु हिंसात्मा चण्डः परम^जल्पकः/

p.133.2cd/.रोद्रकर्मा भवेच् च^असाव् ईश्चरश् च शतैर् महान्//

p.133.3ab/.जातः पुनर्वसौ यस् तु ह्य् अलोलो बुद्धिमान् नरः/

p.133.3cd/.धर्म^शीलो भवेच् च^असौ जात^क्रोधश् च मानवः//

p.133.4ab/.पुष्येण पुरुषो जातस् तेजस्वी ब्राह्मणो भवेत्/

p.133.4cd/.क्षत्रियश् च भवेद् राजा वैश्य^सूद्रौ च पूजितौ//

p.133.5ab/.श्वसनः क्रोधनः क्रूरो ह्य् अश्लेषा^सम्भवो नरः/

p.133.5cd/.दुर्मनुष्यश् च चण्डश् च; इति सर्वम् इहादिशेत्//

p.133.6ab/.बहु^प्रज्ञः श्राद्ध^करो बहु^भाग्यस् तथा^एव च/

p.133.6cd/.धनवान् धान्यवान् भोगी मघासु पुरुषो भवेत्//

p.133.7ab/.पूर्वफाल्गुनी^जातस् तु यः कश्चित् पुरुषो भवेत्/

p.133.7cd/.अर्धम् अबुच्छिशीलश् च गुरु^दारा^अभिमर्दकः//

p.133.8ab/.उत्तरायां तु फाल्गुन्यां जातो भवति भोगवान्/

p.133.8cd/.दिव्यज्ञानश् च विज्ञाने पुरुषः सुभगो भवेत्//

p.133.9ab/.हस्ते जातश् च शुद्ध^आत्मा विक्रान्तो मृदु^भोजनः/

p.133.9cd/.सेनापत्यम् च कुरुते +अस्तेय^कर्मा भवेद् असौ//

p.133.10ab/.चित्रासु जातश् चित्रा^अक्षस् तथा चित्र^कथा^करः/

p.133.10cd/.दर्शनीयो बहु^स्त्रीकश् चित्र^शीलो भवेन् नरः//

p.134.1ab/.स्वात्यां च पुरुषो जातो बन्धुश् लाघी चिचक्षणः/

p.134.1cd/.मृदुकः पान^शौण्डश् च मित्र^कारी विचारवान्//

p.134.2ab/.विशाखासु नरो जातस् तेजस्वी द्रव्यवान् महान्/ p.134.2cd/.शूरो विक्रमवान् दक्षः सुभगश् च भवेद् असौ//

p.134.3ab/.अनुराधा^उद्भवो मर्त्यो मित्रवान् संग्रही नरः/

p.134.3cd/.शुचिश् च^एव कृत^ज्ञश् च धर्म^आत्मा च भवेच् च सः//

p.134.4ab/.ज्येष्ठासु पुरुषो जातो मित्रवान् अभिजायते/

p.134.4cd/.धनुर्वेद^अभिरामश् च नारीषु कुरुते मनः//

p.134.5ab/.मूलेषु पुरुषो जातो +अकृतज्ञः स्याद् अधर्मिकः/

p.134.5cd/.दृढो वीरो भवेच् च^असौ किल्विषी च स मानवः//

p.134.6ab/.आषाढासु च पूर्वासु मत्सरी चलित^इन्द्रियः/

p.134.6cd/.मत्स्य^मांस^प्रियश् च^अपि घातकः स्यात् स मानवः//

p.134.7ab/.स^अनुक्रोशश् च दाता च विद्यानिष्ठः सुहृज्जनः/

p.134.7cd/.विश्वदैवे नरो जातो भवेद् अपि च निश्चितः//

p.134.8ab/.आचार्यः शास्त्र^कर्ता च विश्वासी च क्रियापरः/

p.134.8cd/.श्रवणे जत; आयुष्मान् श्रीमांश् च पुरुषो भवेत्//

p.134.9ab/.अनवस्थित^चित्तश् च च्चित्र^द्रव्यश् च मानवः/

p.134.9cd/.धनिष्ठासु भवेज् जातः पुरुषः सर्व^शाङ्कितः//

p.135.1ab/.वारुणे यदि नक्षत्रे जातो भवति मानवः/

p.135.1cd/.परुषो क्वेषशीलश् च परिवादी च सर्वशः//

p.135.2ab/.जातो भाद्रपदायां तु पूर्वस्याम् इह मानवः/

p.135.2cd/.चारित्र^गुण^युक्तश् च कृत^ज्ञो मुखरस् तथा//

p.135.3ab/.उत्तरस्यां नरो जातो भविष्यति विचक्षणः/

p.135.3cd/.मेधावी बह्व् अपत्यश् च धर्म^शीलो महा^धनः//

p.135.4ab/.रेवत्यां पुरुषो जातो धर्म^आत्मा ज्ञाति^सेवकः/

p.135.4cd/.दरिद्रो +अल्प^धनो नित्यं दायको न^अनुसूयकः//

p.135.5ab/.अश्विन्यां पुरुषो जातो भवय् अतिविचक्षणः/

p.135.5cd/.महा^जन^प्रियश् च^अपि शूरश् च सुभगश् च सः//

p.135.6ab/.भरण्यां पुरुषो जातः पापा^चारो +अविचक्षणः/

p.135.6cd/.कन्दर्पे दातुकामश् च परतश् च^उपजीवकः//

p.135.7/.अयं भोः पुष्करसारिन्न् नक्षत्र^जन्म^गुणो नाम^अध्यायः/

p.135.8/.पठ भोस् त्रिशङ्को उत्पात^चक्रं नाम^अध्यायं/ कथयति च/

उ1 उत्पात^चक्र^निर्देशः (p.136)

उ1.1अब्/.अष्टाविंशति^पर्यन्त^कृत्स्ने नक्षत्र^मण्डले/

उ1.1च्द्/.दिव्या विकारा दृश्यन्ते सूर्य^चन्द्र^ग्रहादिषु//

उ1.2अब्/.माघस्य प्रथमे पक्षे शैलो वा पार्थिवा यदि/

उ1.2च्द्/.धूमवृष्टिर् हि; आदित्ये; उदयति प्रदृश्यते/

u1.2ef/.vidyuto vā^atha dṛśyante tadā vidyāj jana^kṣayaṃ//

उ1.3अब्/.अश्विन्याम् अर्कतो धूमो निर्गच्छन्न् अपि छादयेत्/

उ1.3च्द्/.अनावृष्टिं तदा विद्यात् पूर्णवर्षाणि द्वादश//

उ1.4अब्/.भरण्यां माघ^मासे तु पीतसूर्यो +अथ दृश्यते/

उ1.4च्द्/.समन्ताद् वध्यते राष्ट्रं मध्ये दुर्भिक्षम् आदिशेत्//

उ1.5अब्/.फाल्गुने कृत्तिकायां तु; आदित्ये परिखो यदि/

उ1.5च्द्/.नश्यन्ति कर्वटास् तत्र यदि देवो न वर्षति//

उ1.6अब्/.चैत्र^मासे यदा पुष्ये सूर्ये कृष्णां प्रदृश्यते/

उ1.6च्द्/.अचिरोदयकाले तु क्षिति^पालो +अवरुध्यते//

उ1.7अब्/.वैशाखमासे च^अर्द्रायाम् आदित्यः प्रतिसूर्यकः/

उ1.7च्द्/.संग्रामं तत्र जानीयाद् उभौ घात्येते पार्थिवौ//

उ1.8अब्/.गृह्येतां चन्द्र^सूर्यौ वा ज्यैष्ठे भरणि^ज्येष्ठयोः/

उ1.8च्द्/.स^अमात्यो वध्यते राजा राष्ट्रे दुर्भिक्षम् आदिशेत्//

उ1.9अब्/.आषाढे च यदा^आदित्ये पूर्वभाद्रपदे स्थिते/

उ1.9च्द्/.सायाह्ने दृश्यते +अत्यर्थं लोहितो मण्डले ब्रणः//

उ1.10अब्/.पर^चक्रेण तद्^राष्ट्रं षण्^मासान् पीड्यते तदा/

उ1.10च्द्/.क्षिति^पालश् च स^अमात्यः पुत्रदारेण वध्यते//

उ1.11अब्/.पूर्वायां च^उत्तराषाढायाम् आषाढे गृह्यते शशी/

उ1.11च्द्/.विद्याद् दुर्भिक्ष^कलह रोगांश् च^अत्र विनिर्दिशेत्//

उ1.12अब्/.मासे +अथ श्रावणे मूले चन्द्र^सूर्यौ न भासतः/

उ1.12च्द्/.स्फुलिङ्गाश् च^अत्र दृश्यन्ते विद्याद् रोग^भयं महत्//

उ1.13अब्/.मासे +अश्वयुजि गृह्येतां एक^पक्षेन्दुभास्करो/(p.137)

उ1.13च्द्/.राज^पुत्र^सहस्राणां तदा जायेत संक्षयः//

उ1.14अब्/.अलक्षणो निःप्रकाशः पूर्णमास्यां तु कार्त्तिके/

उ1.14च्द्/.चन्द्र^सूर्याव् अग्निवर्णौ रक्त^वर्णे नभस्^तले//

उ1.15अब्/.रविवद् भाति तद्^राष्ट्रं विनश्येत पुनः पुनः/

उ1.15च्द्/.राज्ञां विद्याद् धतानां वै भूमिः पास्त्यति शोणितं//

उ1.16अब्/.भरण्यां माघ^मासे तु कृष्णो वायुः समुत्थितः/

उ1.16च्द्/.छादयेच् चन्द्र^सूर्यौ तु शीघ्रं राष्ट्रं विनश्यति//

उ1.17अब्/.मासे तु फाल्गुने वायुः पांशुवर्षं सविद्युतं/

उ1.17च्द्/.वध्यन्ते पूर्वराजानः प्रतिष्ठन्ते तथा^अपरे//

उ1.18अब्/.सह^आदित्येन चन्द्रे +अथ यदा कश्चिद् ग्रहश् चरेत्/

उ1.18च्द्/.वायुर् वा विषमो वातिइ विद्याद् राज^वधं तदा//

उ1.19अब्/.अशन्युल्के तु वैशाखे; आदित्येन सह^उत्थिते/

उ1.19च्द्/.षण्^मास^अभ्यन्तरेण^अथ राष्ट्रे व्यसनम् आदिशेत्//

उ1.20अब्/.ज्येष्ठ^मासे यदा^आदित्यो ग्रहतो निर्गतो भवेत्/

उ1.20च्द्/.आदित्यस्य^उपघातेन ग्रहाः सर्वे +अथ पीडिताः//

उ1.21अब्/.ज्येष्ठे च पांशुर् वर्षेत; आदित्यः परिविष्यते/

उ1.21च्द्/.क्षिति^पाल^सहस्राणां एक; एकस् तु वध्यते//

उ1.22अब्/.आषाढे वायवो वान्ति गच्छन्तो भरणी^स्थिताः/

उ1.22च्द्/.उदपानानि शुष्यन्ते सर्व^शस्यं च शुष्यति//

उ1.23अब्/.श्रावणे वायवः पीताः सदा कृष्णं नभस्^तलं/

उ1.23च्द्/.भयं तत्र विजानीयात् समन्तात् समुपस्थितं//

उ1.24अब्/.श्रावणे वर्षते ह्य् अग्निः पूर्वभाद्रपदे दिवा/

उ1.24च्द्/.मेघाः शब्दम् उत्कुर्वन्ति रोग^दुर्भिक्षम् आदिशेत्//

उ1.25अब्/.यदा भाद्रपदे मासे नभः स्याच् छन्न^गर्जितं/(p.138)

उ1.25च्द्/.पर^चक्रं तदा राष्ट्रे हरते धन^सञ्चयं//

उ1.26अब्/.अश्वयुजि वात^वृष्टिः स्याद् आगत्य^उत्तरां दिशं/

उ1.26च्द्/.पातयेच् च^एवम् आघातं कृत्स्नं राष्ट्रं विनश्यति//

उ1.27अब्/.कार्त्तिके शुक्ल^त्रयोदश्यां यदा चन्द्रे धनुर् भवेत्/

उ1.27च्द्/.समन्तान् नश्यते राष्ट्रं मध्ये दुर्भिक्षम् आदिशेत्//

उ1.28अब्/.उल्का^पाता ह्य् अशनयो माघ^मासे भवन्ति वा/

उ1.28च्द्/.अश्विन्यां विषये तत्र प्रजा +अश्वासेन वध्यते//

उ1.29अब्/.मासे तु फाल्गुने यत्र; आग्निवर्षं नभस्^तलात्/

उ1.29च्द्/.भवेच् छब्दस् तदाकाशे तद्^राष्ट्रं नश्यते लघु//

उ1.30अब्/.स्वात्यां चैत्रे यदा वर्षं निरुद्धं वात^वर्षितं/

उ1.30च्द्/.दृश्यत^इन्द्रधनुः क्षिप्रं नगरं तद् विनश्यते//

उ1.31अब्/.भरण्यां ज्येष्ठ^मासे तु शब्द; उत्तरतो भवेत्/

उ1.31च्द्/.पीतवर्णं तदाकाशं पर^चक्र^भयं भवेत्//

उ1.32अब्/.आषाढे मासि पुष्ये +अथ दृश्यन्ते व्योग्नि विद्युतः/

उ1.32च्द्/.सतृण^उदकवृष्टिभिस् त्रिभागं मुच्यते प्रजा//

उ1.33अब्/.श्रावणे तु यदा मूले बहु देवः प्रवर्षति/

उ1.33च्द्/.दृश्यत^इन्द्रधनुस् तत्र क्षत्रियाणां महद्^भयं//

उ1.34अब्/.मासे भाद्रपदे यत्र निर्घातः पतति क्षितौ/

उ1.34च्द्/.सुकृच्छ्रा वायवो वान्ति महद्^रोग^भयं तदा//

उ1.35अब्/.मासे भाद्रपदे पुष्ये विदिग्भ्यो निश्चरेद् ध्वनिः/

उ1.35च्द्/.क्षत्रियः कुप्यते क्षिप्रं विपक्षा तु दता प्रजा//

उ1.36अब्/.भरण्याम् अश्वयुजे शब्द उपरिष्टाद् भवेद् यदि/

उ1.36च्द्/.सतृणं च^उत्सृजेत् पांशुं तापसानां महद्^भयं//

उ1.37अब्/.कार्त्तिके तु यदा^आर्द्रायां शब्दः श्रयेत भैरवः/

उ1.37च्द्/.चतुष्पदः कार्षकाणां मृत्युं तत्र विनिर्दिशेत्//

उ1.38अब्/.मार्गशीर्षे धनिष्ठायां तूर्यशब्दो +अम्बरे भवेत्/(p.139)

उ1.38च्द्/.वातातुरस् तदा राष्ट्रे व्याधिर् भवति दारुणः//

उ1.39अब्/.पौष^मासे यदा स्वात्यां शब्दो भवति भैरवः/

उ1.39च्द्/.अभीक्ष्णं विद्युद् आकाशे पण्डितानां महद्^भयं//

उ1.40अब्/.माघे शुक्ले तु निर्घातो नित्यं शाम्येद् वसुन्धरां/

उ1.40च्द्/.जानीयात् तृतीये वर्षे सकलं राष्ट्रविभ्रमं//

उ1.41अब्/.ज्येष्ठायां फाल्गुने मासे कृष्ण^वायुः समाकुलः/

उ1.41च्द्/.अभीक्ष्णं कम्पते भूमिर् ब्रह्म^चारि^भयं तदा//

उ1.42अब्/.पूर्वभाद्रपदायां तु चैत्रे कम्पेत् क्षितिर् दिवा/

उ1.42च्द्/.तस्मिन् वर्षे च तद्राष्ट्रे परसैन्यान् महद्^भयं//

उ1.43अब्/.पूर्वायां चेद् आषाढायां रात्रौ चैत्रे च निश्चलेत्/

उ1.43च्द्/.असिभिर् हन्यते राजा हन्यते च महा^जनः//

उ1.44अब्/.वैशाखे कम्पिता भूमिः कृष्ण^पक्षे ह्य् अभीक्ष्णशः/

उ1.44च्द्/.अनावृष्ट्या तु दुर्भिक्षं मासान् षट् तत्र निर्दिशेत्//

उ1.45अब्/.ज्येष्ठे मासे भरण्यां तु दिवा कम्पेद् वसुन्धरा/

उ1.45च्द्/.विद्याद् योध^सहस्राणां मही पास्यति शोणितं//

उ1.46अब्/.ज्येष्ठे मासे यदा मूले रात्रौ भूमिः प्रकम्पते/

उ1.46च्द्/.प्रत्यन्तो वध्यते राजा राष्ट्रे बलिं समादिशेत्//

उ1.47अब्/.आषाढे कम्पते भूमिः पुष्य^नक्षत्र^संस्थिते/

उ1.47च्द्/.शस्यं विनश्यते तत्र कलिकर्म च जायते//

उ1.48अब्/.प्रकम्पन्ते यदा चैत्या; आद्रायां वा मघासु वा/

उ1.48च्द्/.ज्वलेयुः प्रपतेयुर् वा नश्येद् राष्ट्रं तदा लघु//

उ1.49अब्/.चैत्या यत्र प्रकम्पन्ते हसन्ति च नमन्ति च/

उ1.49च्द्/.सराष्ट्रः क्षितिपस् तत्र न चिरान् नाशम् अर्च्छति//

उ1.50अब्/.श्रावणे कम्पते भूमिः पूर्वभाद्रपदा^स्थिते/(p.140)

उ1.50च्द्/.सदा पराजितो राजा चौर^राष्ट्रे च वध्यते//

उ1.51अब्/.कार्त्तिके क्षिति^कम्पेन यदा चैत्यं विशीर्यते/

उ1.51च्द्/.द्वारं वा नगरस्य^अथ भूयिष्ठं नश्यते प्रजा//

उ1.52अब्/.वामे वा कषीणे चन्द्रोः शृङ्गे तिष्ठेद् बृहस्पतिः/

उ1.52च्द्/.महा^भोगा विनश्येयुः प्रकाशाः पृथिवीश्वराः//

उ1.53अब्/.सूर्याचन्द्रमसोः सृङ्गे लोहित^अङ्गो यदा +अरुहेत्/

उ1.53च्द्/.क्रूर^अक्षमन्त्रिकात् पीडां प्रत्यन्तानां विनिर्दिशेत्//

उ1.54अब्/.शनैश्चरो यदा शृङ्गे सोमस्य^अभिरुहेत् तदा/

उ1.54च्द्/.ज्ञेयं रोग^भयं घोरं दुर्भिक्षं च^अत्र निर्दिशेत्//

उ1.55अब्/.राहुणा निगृहीतस् तु च^उल्ल्कया हन्यते शशी/

उ1.55च्द्/.षण्^मास^अभ्यन्तरात् तत्र राज्ञो व्यसनम् आदिशेत्//

उ1.56अब्/.यस्य चैव^अथ नक्षत्रे शशी सूर्यो विगृह्यते/

उ1.56च्द्/.राहुणा क्षितियो राज्यैः सह पीडाम् अवाप्नुयात्//

उ1.57अब्/.राज्ञो वै च^अथ नक्षत्रे चन्द्रं केतुर् यदा विशेत्/

उ1.57च्द्/.प्रत्यन्त^राजभिः सार्धं शस्त्राम् ऊर्च्छां विनिर्दिशेत्//

उ1.58अब्/.चन्द्र^मध्य^गतः शुक्रः फाल्गुन्याथ मघा यदा/

उ1.58च्द्/.सर्व^धान्यानि शुष्येयुस् तदा रोगं विनिर्दिशेत्//

उ1.59अब्/.बृहस्पतिश् च शुक्रश् च लोहित^अङ्गः शनैश्चरः/

उ1.59च्द्/.लिख्यन्ति सोम^शृङ्गस्य तदा विद्यान् महद्^भयं//

उ1.60अब्/.धूमकेतुर् महा^भागः पुष्यम् आरुह्य तिष्ठति/

उ1.60च्द्/.चतुर्^दिशं तदा विंच्यात् पर^चक्रैः पराभवं//

उ1.61अब्/.मघायां लोहित^अङ्गो वा श्रवणे वा बृहस्पतिः/

उ1.61च्द्/.तिष्ठेत् संवत्सर^त्रीणि भयं विद्यात् समागरं//

उ1.62अब्/.तिष्ठेच् छुक्रो +अथ रोहिण्यां ज्येष्ठे मासे कथंचन/

उ1.62च्द्/.व्याकुर्यान् नियतम् अत्र क्षत्रियाणां महद्^भयं//

उ1.63अब्/.विशाखायां समीपस्थौ बृहस्पति^शनैश्चरौ/(p.141)

उ1.63च्द्/.सोमो वा रविणा सार्धं पर^चक्र^भयं तदा//

उ1.64अब्/.काकाः श्येनाश् च बृध्राश् च वसेयुः सहिता मुदा/

उ1.64च्द्/.मैथुनं वारितं वेयुः परैः सह रणस् तदा//

उ1.65अब्/.श्येनो हस्तिनिवासे वा; अभिरोहेत् पुनः पुनः/

उ1.65च्द्/.पर^चक्रेण युद्धं तु भवेच् च^अपि पुनः पुनः/.

उ1.66अब्/.कन्या प्रसूयते यत्र चतुर्^हस्ता चतुस्तनी/