विनयसूत्र

/ यथार्हम् अन्यस्य सांघिकस्य निक्षेपभाजनं भोजनानि क्षेत्रगृहापणशयनासनायपस्कारलोहनापितकुलालतक्षा च वरुओडभाण्डदासीदासकर्मकरपौरुषयगोमहिष्यजैडकभैषज्यबुद्धशास्त्रपुस्तकानां सुसाध्यलेखा[46ब्3]नां प्रथमार्हत्वं /(Vin_6.118)

/ शाटकपटकप्रावरकोप्यनत्पुलातैलकुतुपकरकुण्डिकान्य् अपुस्तकलेख्यवर्णकानां द्वितीयस्य /(Vin_6.119)

/ तृतीयस्य पञ्चतिलव्रीहिम् उद्गमाषावरधान्यान्नपानानां /(Vin_6.120)

// चीवरवस्तु // 1 //

**(vin_6,2) क्षुद्रकादिगतम् /

/ समुत्वं मण्डलार्धमण्डलमेषु कुर्वीत्* /(Vin_6.121)

/ मानार्थं तत्प्रमाणयष्टिधारणं /(Vin_6.122)

/ पत्रमुखेषु च /(Vin_6.123)

/ तत्प्रमाणशलाकाधारणं /(Vin_6.124)

/ [46ब्4] पर्यन्तो स्य प्रकर्षे चत्वार्यङ्गुलानि /(Vin_6.125)

/ काकवितस्तिर् वा /(Vin_6.126)

/ अपकर्षे द्वे सार्धे वांगुष्ठोताराना /(Vin_6.127)

/ न भूमौ चीवरं वितन्वीत्* /(Vin_6.128)

/ कठिनस्ये तदर्थं करणं /(Vin_6.129)

/ दारुमयं वंशमयं वा /(Vin_6.130)

/ चतुरस्रकं कृतबन्धार्थं सूत्रकावकाशार्थं छिद्रं तदाख्यम्(अ) /(Vin_6.131)

/ यावच् चीवरं /(Vin_6.132)

/ शस्त्रकेन पाटकं /(Vin_6.133)

/ धारयेद् एनं /(Vin_6.134)

/ काकचञ्चुकाकारं कुक्कुटपक्षकाकारं वा /(Vin_6.135)

/ [46ब्5] नान्यद् आयसात् /(Vin_6.136)

/ न कमनमृष्टेन चित्रोपचित्रेण वा दण्डेन /(Vin_6.137)

/ न षडलङ्गुलातिरिक्तस्य प्रमाणं /(Vin_6.138)

/ नाष्टेत्य् अपरः /(Vin_6.139)

/ निष्प्रयोज्नत्वं ऊनचतुरंलुस्य /(Vin_6.140)

/ दत्तगोमयोपलेपे सेवनं /(Vin_6.141)

/ अभावे गोमयस्य शिक्तसंमृष्टे /(Vin_6.142)

/ सीव्येद् एनं /(Vin_6.143)

/ सूच्यापि /(Vin_6.144)

/ धारयेद् एनं /(Vin_6.145)

/ नान्यां रीतिताम्रकंसमोमयीतः /(Vin_6.146)

/ ताम्रायसोस्तीक्ष्णयोर् इत्य् अपरम् /(Vin_6.147)

/ [46ब्6] धारयेद् अस्यागृहकं नाडिकं मुष्टिकं वा /(Vin_6.148)

/ नैतद् अलज्जिश्रामणेरयोर् अधीनं कुर्वीत्* /(Vin_6.149)

/ मधुसित्थम्रक्षिते सूचीशास्त्रकाणां कौटकाभक्षणायानतुके स्थापनं /(Vin_6.150)

/ पाशकस्यानपगमाय चीवरे दानं वलकं दत्त्वा /(Vin_6.151)

/ ग्रन्थिकायाश् च /(Vin_6.152)

/ न रजकेन रक्तम् अरक्तं वा वस्त्रं शोचयेत् /(Vin_6.153)

/ न तद्वत् स्वयं /(Vin_6.154)

/ नास्यास्तरे न काष्ठभित्तके /(Vin_6.155)

/ कुण्डा[47अ1] / /लके शोचयेच्<<ल्>> लक्षणे सुखोदकेन सनैः /(Vin_6.156)

/ परिवर्त्तनं हस्ताभ्यां /(Vin_6.157)

/ अशक्तौ पदाभ्यां /(Vin_6.158)

/ कल्पत एवं गृहिणं शोचनं /(Vin_6.159)

/ अन्यथात्वं चरणम् अस्य रक्षेत /(Vin_6.160)

/ सुधौस्युत रक्तं पंसुकूलं भारयेत /(Vin_6.161)

/ नाशुचिम्रक्षितां चीवरं /(Vin_6.162)

/ शोषणं साधुतायै संगुव्यरङ्गस्य छायातपे /(Vin_6.163)

/ विना चीलैक्वाध्वनं /(Vin_6.164)

/ आतृतीयाद् विशिष्टत्वं /(Vin_6.165)

/ तस्माद् बहुनान्वित्वे [47अ2] त्रिर् आदानं /(Vin_6.166)

/ हीनतरत्वं परस्य /(Vin_6.167)

/ तस्मात् पृथग्स्थापनं /(Vin_6.168)

/ लेखनमयं प्रथमम् इत्यादि /(Vin_6.169)

/ पूर्वस्य च प्रथमम् उपयोगः /(Vin_6.170)

/ संमृतितचीवरस्य च /(Vin_6.171)

/ तस्माद् अपनीय कुण्डालके तन्मात्रमोल्लकस्य दानं /(Vin_6.172)

/ प्रधरणं द्रवे /(Vin_6.173)

/ चित्तलत्वम् अतिशुष्के /(Vin_6.174)

/ तस्मात् मध्यस्य /(Vin_6.175)

/ कान्तारिकायां साधुशोषणं /(Vin_6.176)

/ ततापां अन्तलगनेनचर्प्यटकैः /(Vin_6.177)

/ [47अ3] दुर्धराणां कक्षप्रज्ञप्तौ /(Vin_6.178)

/ अनेकपार्श्वकतापैर् अङ्गस्य संपरिवर्त्तनं पुनः पुनः /(Vin_6.179)

/ नवरङ्गस्य नवेष्व् एव साधु दानम् /(Vin_6.180)

/ पुराणस्य पुराणेषु /(Vin_6.181)

/ शोषणं नवानाम् आतपे /(Vin_6.182)

/ पुराणानां छायायां /(Vin_6.183)

/ पानीयोल्लकस्याचित्तलतायै दानं /(Vin_6.184)

/ अपरेद्युः /(Vin_6.185)

/ न मेध्यां चंक्रमे वा रङ्गकर्म कुर्युः /(Vin_6.186)

/ न विहारे /(Vin_6.187)

/ उपर्य् अस्य करणं /(Vin_6.188)

/ [47अ4] नाचामनिकासामन्तके /(Vin_6.189)

/ प्रलिप्ते तत्र प्रदेशे दानं /(Vin_6.190)

/ शुद्धाप्रवालिप्तश् चेच् छोचनं /(Vin_6.191)

/ प्रस्तुते चेद् वातवर्षागमः करणं प्रासादे /(Vin_6.192)

/ प्रलिप्तेस् तत्र प्रदेशे कृते करणं /(Vin_6.193)

/ गोमयेन मृदा वा /(Vin_6.194)

/ नासंपन्नकल्पाकोटितप्रत्याकोटितचीवरपरिभुक्ति भजेत् /(Vin_6.195)

/ भङ्गो मृष्टेर् अत्र कल्पः / / पानीये न बोल्लितत्वं / / अवश्याय परिशुधे शक्यतरत्वं हस्तम् अर्धेन भगस्य / / [47अ5] निवासितस्योपरिकायस्य बन्धनम् / / पट्टिकयाखोथिकयाङ्कुञ्चकेन मुञ्चिकया वा / / नानाभरणकलापकात् दुण्ढुभकावैदेहकासु वर्णसूत्रञ् च / / तद्वच् चित्रं / / नानास्तरायां भूमौ चीवरं निक्षिपेत् /

/ नाशुचौ प्रदेशे /(Vin_6.196)

/ न गुरुणा सति पराक्रमे भारेणाक्रमेत् /(Vin_6.197)

/ नान्यपरिभोगेन परिभुञ्जीत्* /(Vin_6.198)

/ नोच्चारप्रश्रावकरणं [47अ6] शुचिपरिकर्मणेषूत्तरासंघप्रावृत्तिं* भजेत्* /(Vin_6.199)

/ नास्मिन् निपद्येत्* /(Vin_6.200)

/ न पिण्डपातचर्याभोजनचैत्याभिवन्दनसामीचीकरणं संघसन्निपाताववादधर्मश्रवणानुभवनाद् अन्यस्यां व्यापृतौ सांघाट्याः /(Vin_6.201)

/ नास्यां निशीदेन् निपद्येत् त्वा /(Vin_6.202)

/ नाक्रम्यैनां /(Vin_6.203)

/ नानयैने कस्य कस्य चिन् नियुञ्जीत्* /(Vin_6.204)

/ न कायसंस्पर्शकं परिभुञ्जीत्* /(Vin_6.205)

/ कक्षघर्मेण दक्षिण[47ब्1]स्यास्यां नाननसंपत्तिः /(Vin_6.206)

/ तदभूत्यै तत्र प्रदेशे वस्त्रस्यास्यां दानं /(Vin_6.207)

/ अध्यर्धहस्तवितस्तिकस्य /(Vin_6.208)

/ उभयोः पार्श्वयोर् अष्टसूत्रेण लगनं /(Vin_6.209)

/ कालेन कालम् अस्य शोचनं रञ्जनञ् च /(Vin_6.210)

/ गैरिकेनास्यैतत् /(Vin_6.211)

/ धारयेत् मुखपोच्चनम् /(Vin_6.212)

/ श्रवत्कायः कायोद्घर्षणम् /(Vin_6.213)

/ अभ्यन्तरे चीवराद् अस्य प्रावरणम् /(Vin_6.214)

/ लग्नस्य कषायोदकेन क्षोदमिश्रेण गते म[47ब्2]यित्वा मन्दमन्दम् अपनयनं पूयशोणितस्य च /(Vin_6.215)

/ कालेन कालम् अस्य शोचनं शोषणं रञ्जनञ् च /(Vin_6.216)

/ धातुनास्यैतत् साधु /(Vin_6.217)

/ न यत्र क्वचन चीवराणि स्थापयेत् /(Vin_6.218)

/ वंशस्य तदर्थं समायोजनम् /(Vin_6.219)

/ द्रोणिकायास् तदर्थम् /(Vin_6.220)

/ क्रियमाणे विहारे /(Vin_6.221)

/ न कृते छिद्रणम् /(Vin_6.222)

/ निदर्शनम् विहारे परिगणे प्य् एतत् /(Vin_6.223)

/ लतारज्वोरस्यस्य संपत्तिः /(Vin_6.224)

/ वृषिकया साधु [47ब्3] वस्त्राणां नयनम् /(Vin_6.225)

/ कुर्वीतैनां /(Vin_6.226)

/ त्र्यध्यर्हहस्तकस्य द्विगुणीकृत्य सेवनम् /(Vin_6.227)

/ मध्ये मुखकरणं /(Vin_6.228)

/ जालकस्यात्र दानम् असूत्रकेन /(Vin_6.229)

/ अपरेण बन्धनम् /(Vin_6.230)

/ उपरि परिभुज्यमानानां स्थापनं /(Vin_6.231)

/ अवलोक्य श्वो गमिष्यत्तायां /(Vin_6.232)

/ गुरून् अनुज्ञातो गच्छेत् /(Vin_6.233)

/ कृतस्वावाससेकादिः /(Vin_6.234)

/ धर्म्यया वा कथयाध्वनि गच्छेद् आर्येण वा तूष्णीम्भावेन /(Vin_6.235)

/ [47ब्4] विश्रामस्थाने गाथां भाषेद् आषाम् /(Vin_6.236)

/ पानीयग्रहणस्य च /(Vin_6.237)

/ यस्य तद् पानीयं तम् उद्दिश्य /(Vin_6.238)

/ अपरां च देवतां /(Vin_6.239)

/ वासस्य त्रिदण्डकम् /(Vin_6.240)

/ धारयेत् कान्तारिकायां /(Vin_6.241)

/ तत्प्रमाणमध्यर्धं शतम् उपादाय हस्तानाम् आशतात् /(Vin_6.242)

/ देशानुरूप्येणेत्य् अपरं /(Vin_6.243)

/ न विनैतया दुर्लभाकूपपानीये देशे चागारिकां चरेत् /(Vin_6.244)

/ प्रस्फोटितचीवरो ध्वगः [47ब्5] स्नातवां प्रक्षालितपाणिपादो वा गृहीतपानीयः पोच्चितो पानकेस् त्रिचीवरं प्रावृत्य शान्तेर्यापथो विहारं प्रविशेत् /(Vin_6.245)

/ चतुरो वृद्धान् वन्दित्वावतिष्ठेत् /(Vin_6.246)

/ प्राकृते प्रदेशे न्यशब्दः /(Vin_6.247)

/ प्रासादिकः सुसंवृतेर् यः सप्रभवेनास्य प्रतिशामनम् /(Vin_6.248)

/ नाज्ञायमान प्रतिशामयेत् सतीर्थ्यम् अपि /(Vin_6.249)

/ पिध्वीयतां द्वारं न देयं मृगयते निवार्यो गृह्णान इति प्रत्या[47ब्6]यितस्य प्रतीच्छ्याव्युपेक्षितवतोपहृतौ विश्वासवस्तुताञ् चोपनीतेन ममैवायं सहाय इत्यादि प्रतिपादनया दास्यत्वम् /(Vin_6.250)

/ अभिज्ञानसंश्रयणम् अविदितस्यापरेण विशेषगताव् उपायः /(Vin_6.251)

/ अर्प्यमाणयातेनान्ते चेत् प्रमीलनम् /(Vin_6.252)

/ प्रश्नस्यानुप्रमादासंपत्तये करणं /(Vin_6.253)

/ नाशने याचितस्याशुचिना ऽसंपत्तो शोचादिना चित्तग्रहणस्य मूल्यदानः /(Vin_6.254)

/ [48अ1] / /पात्रचीवरप्रतिग्रहणं /(Vin_6.255)

/ आसनं प्रज्ञपनम् /(Vin_6.256)

/ पादधावनेनोपनिमन्त्रणम् /(Vin_6.257)

/ उदकेन च /(Vin_6.258)

/ वन्दनम् /(Vin_6.259)

/ सुखचर्याप्रश्नः /(Vin_6.260)

/ यथाशक्ति संरञ्जनीयकरणं /(Vin_6.261)

/ अनुरूपशयनासनदानम् /(Vin_6.262)

/ संघस्थविरम् उपसंक्रामेत् /(Vin_6.263)

/ निःश्रयग्रहणे स चेद् एनन् नियुञ्जीत /(Vin_6.264)

/ वृद्धश् चेत् शयनासनस्यास्य दाने तद्वारिकम् /(Vin_6.265)

/ न सहसा शयनासनं [48अ2] याचेत् /(Vin_6.266)

/ परिषण्डादानम् अन्तस्य चीवरे ध्वस्तो प्रतिविधानं आरापदकैस् तत्संग्रहः /(Vin_6.267)

/ परिवास्याभ्यवकाशे वृक्षाद्य् उपरि सप्ताष्टान्यहानि पञ्चाषातीत्य् अपरं शोचयित्वा शवचीवरं भुञ्जीत्* /(Vin_6.268)

/ प्रवेदिते स्मशनिको हम् इत्य् उपनिमन्त्रितः प्रवेशं विहारकुलयोः परिभोगञ् चानुत्सृष्टस्वीकारस्य श्मशनिको भजेत्* /(Vin_6.269)

/ न सांघिकं शयनासनं परिभुञ्जीत्* /(Vin_6.270)

/ आव्यामा[48अ3]न्ताच् चैत्यं परिहरेत् /(Vin_6.271)

/ धारयेन् मशकवारणम् /(Vin_6.272)

/ ऊर्णां सणं कर्पासं नतुकं पत्रमञ्जरीञ् च /(Vin_6.273)

/ न हस्त्यश्वगोबालादिकमयं /(Vin_6.274)

/ सर्वत्राकमलमृष्टत्वं चित्रोपचित्रताचार्योशलिके दण्डे /(Vin_6.275)

/ मशककुटिञ् च /(Vin_6.276)

/ उपरि शटकषितननं* /(Vin_6.277)

/ दण्डिकायां बन्धनेन /(Vin_6.278)

/ चतुर्धिहस्तकस्य /(Vin_6.279)

/ पटकेन परिवारणं द्वादशहस्तकेन /(Vin_6.280)

/ सावष्टम्भं /(Vin_6.281)

/ [48अ4] अथास्य शयनासने वष्टम्भः /(Vin_6.282)

/ द्वारस्य करणं विकर्णकस्य /(Vin_6.283)

/ वीजनं धर्मे प्रतिविधिः /(Vin_6.284)

/ धारयेद् विधमनम् /(Vin_6.285)

/ वारुटंटेतालवृन्तं वा /(Vin_6.286)

/ न चित्रोपचित्रम् /(Vin_6.287)

/ संघो न्यद् अपि /(Vin_6.288)

/ चैत्ये मणिवालव्यव्जनस्योत्पन्नस्य दानम् /(Vin_6.289)

/ श्रावकस्यापि /(Vin_6.290)

/ धारयेद् वृषिबिम्बोपधानचतुरस्रकानि /(Vin_6.291)

/ पुत्रदारलाभे दातृवशेन प्रतिपत्तिः /(Vin_6.292)

/ मो[48अ5]चनं चेद्या[..]द् अस्यौष्टं तावतो निष्क्रयत्वम् /(Vin_6.293)

/ कल्पये पुनर् निर्यातनम् /(Vin_6.294)

/ वृक्षे निर्यातितस्यालङ्कारश् चेत् तस्यैवोत्सवे लंकरणोपस्थापनम् /(Vin_6.295)

/ भित्तौ ल्लपने चेच् चित्रणाय /(Vin_6.296)

/ न चेत् स्तम्भे च नवकर्मणे /(Vin_6.297)

/ भूमौ /(Vin_6.298)

/ अग्निशालायां प्रज्वालनिकाकरणं /(Vin_6.299)

/ स्नेहलाभस्य वा /(Vin_6.300)

/ भैषज्योपस्थापनं ग्लानकल्पिकशालायां /(Vin_6.301)

/ भक्तशालायां [48अ6] भक्तकरणं /(Vin_6.302)

/ पानकस्य पानीयमण्डले /(Vin_6.303)

/ जेन्ताकशालायां जेन्ताकस्य स्नेहलाभस्य वा /(Vin_6.304)

/ स्नेहलाभस्य मण्डलवाटे स्थापनशालायोः /(Vin_6.305)

/ जातकेन खनं वा /(Vin_6.306)

/ मेढीचंक्रमद्वारकोष्ठकप्रसादेषु भाजनम् /(Vin_6.307)

/ पुष्करिण्या च /(Vin_6.308)

/ स्थापनाम् अस्यां चातुर्दिशसांघिकत्वेनेत्य् अयं* /(Vin_6.309)

/ कल्पते रत्नार्थं भिक्षणं /(Vin_6.310)

/ उद्धोषणञ् च [48ब्1] ग्रहणे /(Vin_6.311)

/ चक्रस्य दर्शनार्थं करणं घर्मवातवर्षोपद्रवेणास्पृष्ट्यै कूपगारस्य द्वारवन्त /(Vin_6.312)

/ ष्टयवतः /(Vin_6.313)

/ महस्यान्ते चक्रोस्य धारणं /(Vin_6.314)

/ भाण्डगोपकेन लाभस्य गोपनम् /(Vin_6.315)

/ नानुद्दिश्य द्वयं शास्तृपूजायां दत्ते भिक्षुणीनां सांघिके प्रवेशः /(Vin_6.316)

/ पृथगासामत्रे कस्यां चक्रो श्रूयणे स्थूलात्ययः /(Vin_6.317)

/ भाजनं भाण्डभाजकेन /(Vin_6.318)

/ संमतिर् अस्य /(Vin_6.319)

/ [48ब्2] नाथिक्रीय्याणां /(Vin_6.320)

/ संघसन्निपाते वर्द्धनेन /(Vin_6.321)

/ तस्यैवात्र सन्निपातगतम् अनुष्ठेयं संघस्थविरेण मूल्यस्य करणम् /(Vin_6.322)

/ मध्यमस्य /(Vin_6.323)

/ नातस्तस्य पात्यत्वम् /(Vin_6.324)

/ निश्चित्य पुनर् अभूतिं* वर्द्धनस्य पातनम् /(Vin_6.325)

/ नाक्रयिको वर्धयेत् /(Vin_6.326)

/ न स्त्रियम् /(Vin_6.327)

/ नादत्तमूल्यं परम् परिभुञ्जीत्* /(Vin_6.328)

/ संस्कुर्वीत वा /(Vin_6.329)

/ दशाद्यल्लाभिप्रभूत्ये दायादानां भाजनम्(अ) /(Vin_6.330)

/ [48ब्3] दत्ते कस्यचिद् अविभक्ते वङ्गान् मृतौ तद्वर्ग्यगामित्वं तदंशस्य /(Vin_6.331)

/ अर्हति निर्वाणाशयेन प्रव्रजितः शीलवां शतसाहस्रं वस्त्रं शतरसंभोजनं पञ्चसूतं कूटागारम् /(Vin_6.332)

/ संघद्रव्यञ् च /(Vin_6.333)

/ आशैक्षात् /(Vin_6.334)

/ पृथग्जनो पि /(Vin_6.335)

/ न दुःशीलः /(Vin_6.336)

/ ऋणभूतं कुसीतस्य प्रतिग्रहोपजीवनम् /(Vin_6.337)

/ अर्हः पौद्गलिकविहारतल्लाभोपजीव्यन्तस् सीमतायां संघलाभे /(Vin_6.338)

/ [48ब्4] लयने च नियतस्य /(Vin_6.339)

/ वारेणास्योद्देशः /(Vin_6.340)

/ पात्रविपात्रककंसिकाविन्दुलाकुञ्चिकाशस्त्रकसूचीनखच्छेदनककटच्छ्वङ्गारस्थापनकुट्ठारीपचनिकासरकानामयोभाण्डेभ्यो भाजयितव्यता /(Vin_6.341)

/ मृद्भाण्डेभ्यः पात्रविपात्रकपचनिकाघटिकाकरककुण्डककुण्डिकापानीयस्थालकानाम् /(Vin_6.342)

/ मंचस्य रत्नमयादे[48ब्5]र् अयोमयात् तस्य परिवर्त्या /(Vin_6.343)

/ न काष्ठमयस्य रंगस्य पंचकाद् अन्यस्य /(Vin_6.344)

/ अक्वाथितस्य /(Vin_6.345)

/ क्वथितस्य रञ्जनीये विनियोज्यत्वम् /(Vin_6.346)

/ संघस्य यत् /(Vin_6.347)

/ अविक्रियतास्यागमविहारतद्वस्तुशयनासनानां /(Vin_6.348)

/ अनापेयत्वं /(Vin_6.349)

/ अनधिष्ठेयता च /(Vin_6.350)

/ योगं भक्ता छादनेन पित्रोर् उद्वहेत् /(Vin_6.351)

/ न चेल् लाभस्य पात्रचीवराद् अतिरेकस्स् अमा[48ब्6]दाप्य /(Vin_6.352)

/ असंपत्तौ भोजनोपनतेर् उपार्धस्यादानम् /(Vin_6.353)

// क्षुद्रकादिचीवरवस्तुगतम् // 2 //

**(vin_6,3) सपृच्छक्षुद्रकादिगतम् /

/ पषणंविभागज्ञानाय चीवराणां /(Vin_6.354)

/ उपचयानामेषु दानं /(Vin_6.355)

/ मपिटिप्यकस्तदास्यः /(Vin_6.356)

/ उल्लपनकानाञ् च /(Vin_6.357)

/ दशापाशात् तयोर् वर्धिकाकरणं /(Vin_6.358)

/ नासांघाट्यां छिन्नाधिष्ठाननियमः नासत्वे तद्रूपाणां प्रत्ययानाम् इच्छन्न[49अ1] / /या ग्रामान्तर्गृहयोर् अनयोपवेशः प्रवेशश् च /(Vin_6.359)

/ एवं तीर्थ्यावसथे /(Vin_6.360)

/ नैव सत्सूपवेशः /(Vin_6.361)

/ न रोमविधं त्रिचीवरत्वेनाधितिष्ठेत् /(Vin_6.362)

/ नैतत् प्रावृतिं भोजने भजेत्* /(Vin_6.363)

/ स्वीकरणं विरलिकायाः /(Vin_6.364)

/ चातुर्विध्यम् अस्याः /(Vin_6.365)

/ और्णिका क्षोमिका दुकूलिका कार्यासिकेति /(Vin_6.366)

/ अन्येषाञ् च लघूनां पटप्रवाराणां निकटरोमप्रभृतीनां /(Vin_6.367)

/ कोचवस्य [49अ2] च /(Vin_6.368)

/ न लोमस्य विहेठे स्यान्यथा प्रावृतिं भजेत्* /(Vin_6.369)

/ नानेनैवं प्रावृते चंक्रम्येत् /(Vin_6.370)

/ नार्याणीकोचवप्रावारचित्रचिलिमिलिकास्वीकृतिं* पुद्गलो भजेत्* /(Vin_6.371)

/ प्रतीच्छेच् चंक्रमे चिलिमिलिकाप्रज्ञपनम् /(Vin_6.372)

/ न नित्यम् एकयैव धारया चंक्रमणं /(Vin_6.373)

/ शक्यतायां प्रतिसंस्करणम् /(Vin_6.374)

/ सेवनदण्डकार्गडकदानैः /(Vin_6.375)

/ अशक्यत्वे गोमयम्रदा तत्रैव चं[49अ3]क्रमे लेपनं /(Vin_6.376)

/ धारणम् अन्येषां दानपतिविश्वासेन /(Vin_6.377)

/ धारयेत् प्रतिविवसनसंकक्षिकाप्रतिसंकक्षिका /(Vin_6.378)

/ परिस्कारचीवरञ् च /(Vin_6.379)

/ नास्य शैक्ल्ये सदशापाशातायां वा दोषः /(Vin_6.380)

/ न सांघिकस्य /(Vin_6.381)

/ अधिष्ठाय तत्त्वेनानुज्ञाता चीवरधारणं धारयेद् उपरां विकल्पानेकम् अपि /(Vin_6.382)

/ नास्थिरचित्तस्य विकल्पयेत् /(Vin_6.383)

/ नानुपसंपन्नस्य /(Vin_6.384)

/ न प्रत्य[49अ4]क्षम् /(Vin_6.385)

/ न देशान्तरस्थतायां विकल्पस्य ध्वंसः /(Vin_6.386)

/ ध्वंसश् च्युतौ /(Vin_6.387)

/ ज्ञातौ /(Vin_6.388)

/ विकल्पकस्यात्र स्वामित्वम् /(Vin_6.389)

/ न निःसृष्टं स्वीकुर्वीत्* /(Vin_6.390)

/ भिक्षौ निःसृजेत् /(Vin_6.391)

/ न संघे /(Vin_6.392)

/ नाव्यक्ते /(Vin_6.393)

/ याचनम् अदाने /(Vin_6.394)

/ ग्रहणञ् च वलेन /(Vin_6.395)

/ गन्धैः पर्लिगुद्धस्य वाससः शोचयित्वा परिभोगः /(Vin_6.396)

/ प्रस्फोट्य चूर्णैः /(Vin_6.397)

/ स्नेहेन विरुक्षयित्वा /(Vin_6.398)

/ न वर्षत्य् अभ्यवका[49अ5]शे सांघिकस्य /(Vin_6.399)

/ नधावनरङ्गनपात्रकर्मकाष्ठपाटनादिकर्म कुर्त्वत्तायां /(Vin_6.400)

/ सम्यक्त्वं संख्यम् अनुक्तौ साह्यस्य व्ययचायनिक्षेप्त्रे दानम् न सानिक्षेप्ते मनोनुन्मत्तका तज्ञातितद्गृहादातुं प्रतिगृह्णीत्* / (Vin_6.401)

/ प्रतिगृह्णीत प्रणायितात् पुत्रात् /(Vin_6.402)

/ श्मशानाच् च प्रतिनिर्वर्त्तितम् /(Vin_6.403)

/ प्रतिमृगयते दानम् अस्य /(Vin_6.404)

/ ग्रहणं पुनर् लब्धौ स्तौपिकस्य वृत्तेर् मू[49अ6]लफलेक्षुभ्यो न्यस्य भक्तार्थस्योद्देशोपजीव्यस्य वा भाज्यत्वं स्वीकाराय /(Vin_6.405)

/ वर्षिकेन सीम्ना लाभस्य प्रवेशः /(Vin_6.406)

/ न छिन्नवर्षत्वेनर्तत्वम् /(Vin_6.407)

/ नोक्षिप्तायां /(Vin_6.408)

/ एकांशतैवावष्टम्भिद्रव्यो पि तस्य /(Vin_6.409)

/ स्वसंख्यांशत्वम् अस्मिन्न् अवष्टम्भानां /(Vin_6.410)

/ भूयस्त्वेनैवान्यत्रानेकत्रोपगतौ व्यवस्था /(Vin_6.411)

/ वितृतीयांशत्वं श्रामणेरश्रामणेरिकयोर् लाभे /(Vin_6.412)

/ साम्यम् अ[49ब्1]भ्यवहार्ये /(Vin_6.413)

/ उपसंपत्प्रेक्षशिक्षमाणयोश् च /(Vin_6.414)

/ पुद्गलशो भिक्षुणीनामंशहरता न संघशः /(Vin_6.415)

/ नानवछिन्नं भोजनम् अनुलाभे भिक्षुणीनां भुक्तवत्वे तत्राप्रवेशः /(Vin_6.416)

/ नासनोदकपिण्डपातेषु भिक्षो भिक्षुणीस्वीन ज्येष्ठत्वं /(Vin_6.417)

/ आसनस्य वृद्धान्ते भिक्षुणीभिः सन्निषादे मुक्तिः /(Vin_6.418)

/ करणं सभिक्षुतायाम् अशक्तौ तेषां भिक्षुण्या दक्षिणादेश[49ब्2]नस्य सामान्यञ् चारयिष्यतीति चारकम् आहारस्य प्रत्युपस्थितपादौ दानाय संघस्थविरो नियुञ्जीत् /(Vin_6.419)

/ यथासंभावनम् इत्य् अवलोक्य पर्षदं प्रभूत्येल्पत्वे भक्तस्य तदाख्यानपूर्वकं /(Vin_6.420)

/ यथाविभवनेत्य् अन्यथात्वे /(Vin_6.421)

/ न चानुद्घोषिते संप्राप्तम् इति वृद्धान्त आदौ गृह्णीत् /(Vin_6.422)

/ सज्जीकृतावाहारस्योद्दिष्टेभ्यो परेषाम् आगतौ तदावेदनम् /(Vin_6.423)

/ [49ब्3] न त्रिचीवरदाने भिक्षुं प्रवर्तयेत् /(Vin_6.424)

/ नैतज् जीवत्तायां /(Vin_6.425)

/ प्रतिदाद्यत इत्य् अतो न्येन मनसा संघः प्रतिगृह्णीयात् /(Vin_6.426)

/ सान्तरोत्तरेण मृतच्छोरणं /(Vin_6.427)

/ मध्येन /(Vin_6.428)

/ नावशिष्टेन /(Vin_6.429)

// सपृच्छक्षुद्राकादिचीवरवस्तुगतम् // 3 // // समाप्तञ् च चीवरवस्तु // 6 //

*vin_7, चर्मवस्तु /

/ मर्यादा मध्यदेशस्य /(Vin_7.1)

/ पूर्वेण पुण्डकच्छो नाम दावः पुरतः पुण्डवर्धनस्य /(Vin_7.2)

/ शरावत्यास् तदुपा[49ब्4]ख्या नदी दक्षिणेत्र /(Vin_7.3)

/ पश्चिमेन स्थूणोपस्थूणौ ब्राह्मणग्रामकौ /(Vin_7.4)

/ उशीरगिरिर् उत्तरेण /(Vin_7.5)

/ धारयेत् प्रत्यन्त उपनहौ /(Vin_7.6)

/ शयनासनगुप्त्यर्थं च /(Vin_7.7)

/ एकपलाशिके /(Vin_7.8)

/ अर्गडिकदानेन प्रतिसंस्करणं /(Vin_7.9)

/ न पुटान्तरस्य /(Vin_7.10)

/ सप्त पदान्य् अन्ततो गृहिणा परिभुक्ते बहुपुटौ अपि /(Vin_7.11)

/ नाकल्पिकस्य कल्पिकमात्रार्थतायां तद्योगवशं [49ब्5] ग्रहणमान्तता /(Vin_7.12)

/ न चित्रोपचित्र्तां /(Vin_7.13)

/ न वेषविषाणिकां* /(Vin_7.14)

/ नाश्वत्थकरवीरपत्रिकां /(Vin_7.15)

/ न सुवर्णरूप्रखचितां /(Vin_7.16)

/ न किचिकिचायन्तीं* /(Vin_7.17)

/ न किणिकिणायन्तीं* /(Vin_7.18)

/ न खिणिखिणायन्तीं* /(Vin_7.19)

/ न झिणिझिणायन्तीं* /(Vin_7.20)

/ अन्यद् वा शौटीर्यम् उद्वहन्तीं* /(Vin_7.21)

/ न तिर्यग्वधिऊकत्वस्याकल्पिकत्वं /(Vin_7.22)

/ धारयेत् पुरः प्रार्ष्णिपुटके /(Vin_7.23)

/ लाला[49ब्6]म्बुजां /(Vin_7.24)

/ मुण्डपूलां च /(Vin_7.25)

/ पिण्डीभवज्जने च जनपदे खोलां पूलां च /(Vin_7.26)

/ न मान्यस्य सन्निधाव् उपानत्प्रवृत्तिम् भजेत /(Vin_7.27)

/ न सिं*हव्याघ्रद्वीपिहस्त्याजानेयाङ्गस्य किञ्चित् काये वस्थितत्वं /(Vin_7.28)

/ कक्षहस्तिखटुंकाश् च तदन्यचण्डमृगान्<<ण्>>आम् अप्य् एभिर् आक्षेपः /(Vin_7.29)

/ नोपानाहम् आस्फोटयेत /(Vin_7.30)

/ उदाअ<<का>>र्द्रेण नतुकेनैनां विरजीभावाय [50अ1] / / पोच्छयेत्* /(Vin_7.31)

/ धारयेद् एनत्* /(Vin_7.32)

/ ग्रथ्नीयाद् एनां /(Vin_7.33)

/ प्रतिगुप्तप्रदेशे ऽप्रासादवस्तुनः करणं /(Vin_7.34)

/ धारयेत् तदर्थमारां वद्ध्रञ् च /(Vin_7.35)

/ न शत्रीम् /(Vin_7.36)

/ न काष्ठपादुकायारोहेद् अन्यत्रान्तर्गृहद् अशुचिकुटेश् च /(Vin_7.37)

/ न वंशपत्रमुंजसीरीदर्भाणां /(Vin_7.38)

/ रज्जोश् च /(Vin_7.39)

/ अवातशोणिते /(Vin_7.40)

/ निषीदेच् चर्मण्यभावे न्यस्यान्तर्गृहे /(Vin_7.41)

/ अत्राप्य् अत्र तद्रूपेष्व् अपि प्रत्ययेष्व् अनि[50अ2]पत्तव्यता प्रतिगृह्णीत् तर्क्षचर्म चक्षुषे /(Vin_7.42)

/ पादस्थाने प्रज्ञपनम्* /(Vin_7.43)

/ गन्धकुटिद्वारे बोद्धस्य /(Vin_7.44)

/ उपानहोः प्रावरणम्* /(Vin_7.45)

/ वाते निषद्या निपद्या च सर्वम् अर्शःस्वेतद् इत्य् अस्योपयोगः /(Vin_7.46)

/ रोमसंस्पर्शेनो[प]कर्तृतां विद्यात्* /(Vin_7.47)

/ बहुपुटत्वेन चोपनाहोः /(Vin_7.48)

/ अनेकोपरिस्थेन चैकेनापि /(Vin_7.49)

/ नानस्मापरान्तकेषु चर्म धारयेत्* /(Vin_7.50)

/ न सिं*हादेः /(Vin_7.51)

/ [50अ3] स्नाय्वस्थिदन्तमांसवंसानाम् अपि तस्याकल्पिकत्वं* यस्य चर्मणः /(Vin_7.52)

/ धारयेत तृतिं* /(Vin_7.53)

/ काषायं माणवकं वा /(Vin_7.54)

/ न चित्रोपचित्रम्* /(Vin_7.55)

/ न नाभिज्ञास्तरणे कृत्वा सविधानम् अगाधमम्भो वगाहेत्* /(Vin_7.56)

/ शिक्षेत् तर्तुं प्रविविक्ते प्रदेशे /(Vin_7.57)

/ न तदगाधे हेरो?गाम् अपाश्रयेत मुक्त्व्[आ]र्षभम्* /(Vin_7.58)

/ अपाश्रयेत हस्त्यश्वमहिष्यरान्* /(Vin_7.59)

// [इति] [50अ4] चर्मवस्तु // 7 //

*vin_8. भैषज्यवस्तु /

**(vin_8,1) भैषज्यवस्तु /

/ प्रतिसेवेत भैषज्यम् /(Vin_8.1)

/ चातुर्विध्यम् अस्य /(Vin_8.2)

/ ग्लानं प्रत्यप्रथमता /(Vin_8.3)

/ सर्वं चोचमोचकोलाश्वोत्थोदुम्बरपुरुषकमृद्धीकखर्जूरपानानाम् /(Vin_8.4)

/ तद्वच् छुक्तशुलुकदधिमण्डोदश्विन्मण्डकानि दकभिन्नानि पट्टपरिश्रुतानि स्वच्छानि मुखदर्शीनि शरकाण्डवर्णानि /(Vin_8.5)

/ अयुक्तिः प्राग् एवं [प]श्चाद् उपसंपन्नेन यर्शनस्य स[50अ5]मानव्यंजनेन /(Vin_8.6)

/ हरीतक्यादेः पञ्चकस्य /(Vin_8.7)

/ गुडस्य च /(Vin_8.8)

/ अधिष्ठितस्यास्य भक्षणे ग्लानवत्त्वमच्चोद्धोपधिवारिके नवकर्मिणाम् /(Vin_8.9)

/ भक्तिच्छिन्नकस्यात्र चाकालिकाभक्षणे च /(Vin_8.10)

/ पानानियामिकम् /(Vin_8.11)

/ स्वच्छानि /(Vin_8.12)

/ अतत्त्वात् तद्द्रव्यस्य कालिकं चेद् अनुपसंपन्नेन मर्द्धनं परिश्रावणञ् च पटेन /(Vin_8.13)

/ दाडिमवीजपूरकाद् अन्येष्व् एषु द्रव्यम् /(Vin_8.14)

/ कालि[50अ6]कत्वे स्य यामान्तः पर्यन्तः /(Vin_8.15)

/ अन्यत्वे यस्तिस्मिन् /(Vin_8.16)

/ अनितिवृत्ताव् एषोतिवृत्तौ यतः सेत्येकः /(Vin_8.17)

/ तदसदतिरिक्तकालाश्रितावरूढिप्राप्ते तस्यां चागम्यत्वाद् भविष्यतः प्राकृतानाम् अनधिष्ठेयतापत्तेः /(Vin_8.18)

/ प्रविष्टत्वम् अत्र रसचूर्णारिष्टयोः /(Vin_8.19)

/ सौवीरकस्य च स्वच्छस्य /(Vin_8.20)

/ पूलादिभैषज्यं शूतपच्लम् एतत् /(Vin_8.21)

/ सर्प्पिस् तैलमधुफाणितानि सप्ताहिकम् /(Vin_8.22)

/ [50ब्1] सर्वेषां गुडखण्डशकरादीनां फाणितत्वेनाक्षेपः /(Vin_8.23)

/ सर्पिष्ट्वसुधायाः /(Vin_8.24)

/ तैलवत्त्वं वशानां पञ्च परिसूतानाम् /(Vin_8.25)

/ मत्स्यशुशुशिरम् आरक्षसूकाराणाम् /(Vin_8.26)

/ आसम्भूयान् ग्लान्य उपयोगः /(Vin_8.27)

/ स्वस्थतायाम् आसां ग्लान्यानिमित्तं पाचते दानम् /(Vin_8.28)

/ अभावे ऽस्य ग्लानकोष्ठिकायां कषायांजनयोश् च /(Vin_8.29)

/ यावज् जीविकं मू[50ब्2]लगण्डपत्रफलम् अस्फरित्रामिषार्थस्य /(Vin_8.30)

/ तद्यथा मुस्तं वचा हरिद्रार्द्रकमतिविषा /(Vin_8.31)

/ चन्दनं चविका पद्मकं गुडूचि देवदारु हरिद्रार्द्रकम् /(Vin_8.32)

/ वासककेशातकीपटोलनिम्बसप्तपत्रपत्राणि /(Vin_8.33)

/ पुष्पानि वासकनिम्बधातकीनागानां पद्मकेसरञ् च /(Vin_8.34)

/ हरितक्यामलकं बिभीतकं मरीचं पिप्यली /(Vin_8.35)

/ जतु /(Vin_8.36)

/ तद्यथा हिङ्गुसर्जरसः /(Vin_8.37)

/ स्तपः [50ब्3] स्तपकर्णी स्तपाकरः /(Vin_8.38)

/ क्षारः /(Vin_8.39)

/ तद्यथा तिलपलाशस्वर्जिकायवशूकवासकानाम् /(Vin_8.40)

/ क्षारक्षारश् च /(Vin_8.41)

/ लवणम् /(Vin_8.42)

/ तद्यथा सैन्धवं सौवर्चलं विटं सामुद्रं रोमकम् /(Vin_8.43)

/ कषायः /(Vin_8.44)

/ तद्यथाम्रनिम्बकोषाम्बशिरीषजम्बूनाम् /(Vin_8.45)

/ यावद् आप्तं दानं स्नात्वा पुनरसं स्पर्षं सकृत् स्नानम् इति कषायदानम् /(Vin_8.46)

/ न विकृतभोजनस्य भैषज्यग्र[50ब्4]हणेनान्तता /(Vin_8.47)

/ यावज् जीविकत्वम् अस्य /(Vin_8.48)

/ तदाख्यं पुनर् उच्चारप्रस्रावौ स्तन्ययानयायिनां वत्सकानां विषे ताव् उपकारौ /(Vin_8.49)

/ छाविका /(Vin_8.50)

/ काञ्चनपीतशालाश्वत्थोदुम्बरन्यग्रोधानां सा /(Vin_8.51)

/ मृच्चतुरङ्गुलादधोभूमेः साध्वी /(Vin_8.52)

/ स्राद्धाद् अस्यादानम् उपासकात् /(Vin_8.53)

/ तेन प्रतिग्रहणम् /(Vin_8.54)

/ मांसभैषज्यस्य चामस्य /(Vin_8.55)

/ ग्रहणं [50ब्5] वस्तूनातः सर्वस्य /(Vin_8.56)

/ कार्यत्वम् अस्य /(Vin_8.57)

/ जरकुचोच्चारयवाश्चेदकालोपयोज्यतायां याचकृतभैषज्यस्य तदर्थं स्फरेयुः नान्यात् परिभुञ्जीत् /(Vin_8.58)

/ पट्टपरिश्रुता च दबक्षारी नान्यत् /(Vin_8.59)

/ कोकोच्चारसांसंचेन्मांसभैषज्यस्य नान्यत /(Vin_8.60)

/ पट्टपरिश्रुतेश् चेद्रसको नान्यत् /(Vin_8.61)

/ सान्ये पि सद्भावस् तदद्याचारस्य तस्माद् पूर्वकल्पेन तत्साह्ये प्रवृत्तिः /(Vin_8.62)

/ [50ब्6] नानापन्नस्य रूपान्तरम् अपूर्वरूपत्वं तस्मान् न विसंपच्चितस्य परतः स्वकल्पेनाकल्पनम् /(Vin_8.63)

/ सम्पद्यते प्रक्षालनेन शक्ततण्डुलेषु प्रवृत्तावस्थानस्य स्वमात्रसंख्यता गुडस्य /(Vin_8.64)

/ गुडत्वे गुडवत्त्वे प्रतिपत्तिः /(Vin_8.65)

/ अनुत्थानम् अधितिष्ठते सान्निहित्यस्याधितिष्ठेत् ग्लान्यनिमित्तपरिभोगार्थम् /(Vin_8.66)

/ आश्वकालपर्यन्तात् /(Vin_8.67)

/ पूर्वभक्ते /(Vin_8.68)

/ [51अ1] / / प्रतिग्राहितम् /(Vin_8.69)

/ रक्ष्यो ऽप्रतिग्राहितसन्निहितसम्पर्कस् तस्मान् निर्माद्य हस्तौ /(Vin_8.70)

/ नोद्गृहीतसन्निहिताप्रतिग्राहितान्तरुषितपक्वभिक्षुपक्वेष्व् अधिष्ठानस्य रूढिः /(Vin_8.71)

/ सन्निहितत्वं रसाच्छता परिवृत्तौ /(Vin_8.72)

/ नाधरेण सार्धम् अधिष्ठितं परिभुञ्जीत् /(Vin_8.73)

/ निदर्शनं भैषज्यानु(क्)क्रमः /(Vin_8.74)

/ प्रतिसेवतांजनम् /(Vin_8.75)

/ नाभैषज्यार्थम् /(Vin_8.76)

/ योग्यम् अस्य भाजनम् /(Vin_8.77)

/ रसाञ्जनस्य [51अ2] समुद्गकः /(Vin_8.78)

/ गोणिकागुडिकांजनस्य /(Vin_8.79)

/ पुष्पकल्कं चूर्णांजनानां नाडिका /(Vin_8.80)

/ धारयेच् छलाकाम् /(Vin_8.81)

/ ताम्रलोहयोस् साध्वी मणिभूतयोः /(Vin_8.82)

/ धारयेद् आवाधिकः कच्छपुटं भैषज्यनिधानाय /(Vin_8.83)

/ स्वसंभवतां तत्र भारीकृत्य सूतं वा निधानम् /(Vin_8.84)

/ शोषणतः कालेन कालं निहितस्य पौत्यानुपगतिः /(Vin_8.85)

/ छायातपे /(Vin_8.86)

/ वीर्यस्य शोषे हानिः /(Vin_8.87)

/ [51अ3] अनयनेत स्वयम् उपयात्रे विनाशहेतोर् अभावे नुसंपन्नस्य /(Vin_8.88)

/ धारयेद् भैषज्यसरावकम् /(Vin_8.89)

/ भैषज्यकटछुकम् /(Vin_8.90)

/ विषीदनके चानुपानपट्टकम् /(Vin_8.91)

/ आवाधिको लवणम् /(Vin_8.92)

/ नाडिकस्य साधु स्थानं साङ्गा /(Vin_8.93)

/ गोमयेन परिक्वाथितस्य /(Vin_8.94)

/ विधानकस्य तद्विरहादोषाभावाय दानम् /(Vin_8.95)

/ अतन्मयस्यैव /(Vin_8.96)

/ गन्धपरिभाविनां मृदं /(Vin_8.97)

/ पा[51अ4]नीयतापनार्थ(ं)मयस् पिण्डम् /(Vin_8.98)

/ उपयोजयेत् सर्वः /(Vin_8.99)

/ सृङ्खलायास् तप्तोत्क्षेपार्थं तत्र लगनम् /(Vin_8.100)

/ आर्द्रमृत्तिकया तापनकाले तदवष्टम्भः /(Vin_8.101)

/ नास्त्य् आमिषोपदेहस्य भावे ऽवस्थानम् /(Vin_8.102)

/ कल्पिकस्य पूर्वं तापनं पश्चात् परिभोगिकस्य /(Vin_8.103)

/ भजनं बस्तिचिकीत्सितस्य /(Vin_8.104)

/ स्थूलम् अत्रान्यथाशक्यतायां व्युत्थापनस्य /(Vin_8.105)

/ मणेर् लोह[51अ5]स्य वात्र नाडीकसाध्वी नायसः /(Vin_8.106)

/ तद्वत् शस्त्रचिकित्सितम् /(Vin_8.107)

/ नैतद् अन्यच् चिरावेधान्मुखे भजेत् /(Vin_8.108)

/ नार्शसां छेदम् /(Vin_8.109)

/ अन्येनापि शस्त्रात् /(Vin_8.110)

/ मन्त्रौषधाभ्याम् एषां विचिकित्सनम् /(Vin_8.111)

/ न प्रदुष्टेन चिकित्सयेत् /(Vin_8.112)

/ न रात्रिर् अभ्यवहारे विचिकित्सायाम् अप्रतिरूपा /(Vin_8.113)

/ अनाशंक्यम् अत्राप्रतिग्राहितसन्निहितयोर् अकल्पिकत्वम् /(Vin_8.114)

/ पानं विचिकित्सायै धूपवर्त्तेः [51अ6] नेत्रिकयास्य सम्पत्तिः /(Vin_8.115)

/ अयोमय्याः करणम् /(Vin_8.116)

/ द्वादशाङ्गुला साध्वी न तीक्ष्णा पुरुषा वा /(Vin_8.117)

/ स्थविकायां निधानं म्रक्षयित्वा सर्पिषा तैलेन वा /(Vin_8.118)

/ नागदन्तके चीवरवंशे वा तस्या स्थापनम् /(Vin_8.119)

/ निर्मादनार्थम् अग्नौ प्रक्षेपः /(Vin_8.120)

/ करणं नस्तः कर्मणः /(Vin_8.121)

/ नस्तकरणे नास्यसंपत्तिः /(Vin_8.122)

/ द्व्यतीक्ष्णचंचुकं साधु /(Vin_8.123)

/ कारणम् अस्य /(Vin_8.124)

/ प्रतिसेवे[51ब्1]तामनांसं भैषज्यार्थे /(Vin_8.125)

/ भुक्त्यै तस्यासक्तवत उपायः /(Vin_8.126)

/ पिधानमक्ष्णोः पट्टकेन /(Vin_8.127)

/ भावनं सुगन्धिनानुत्थानाय /(Vin_8.128)

/ अपेततायां पलिगोधस्य स्थितत्वे च मनोज्ञस्य पुरतः खाद्यभोज्यस्य मोक्षः /(Vin_8.129)

/ स्थूलम् अन्यार्थे ऽस्यास्याम् /(Vin_8.130)

/ सर्वत्र मानुषमांसस्य /(Vin_8.131)

/ नोद्दिश्यकृतं ज्ञात्वा मांसं भुञ्जीत् /(Vin_8.132)

/ न व्याघ्रशेषम् /(Vin_8.133)

/ न हस्त्यश्वनागानाम् /(Vin_8.134)

/ [51ब्2] नैकखुरसृगालम्र्कटकाकेटककाकगृ(द्)ध्रवलाकाभषकालिकोलूकतदन्यकुणपखादकपक्षिवकजान्तुकोपलद्धागण्डूपककृमीणाम् /(Vin_8.135)

/ प्रतिक्षिप्तमयतामेति मांसं प्रतिग्राहयन्तं पृच्छेत् /(Vin_8.136)

/ प्रथमो ऽनेकत्वे /(Vin_8.137)

/ अन्तरोहापनायाम् /(Vin_8.138)

/ अप्य् एयत्वं हस्तिमानुषक्षीरयोः /(Vin_8.139)

/ अदुष्टं त्व् अग्वणदेहनस्यदानाक्ष्यञ्जनम् अभक्ष्येणो /(Vin_8.140)

/ [51ब्3] पेयत्वं ग्लानेन मूर्छितस्य /(Vin_8.141)

/ सर्प्(य्)इषा तैलेन चामद्यस्य /(Vin_8.142)

/ निर्दोषममद्यत्वे /(Vin_8.143)

/ संपत्तिर् अस्य क्वाथात् /(Vin_8.144)

/ प्रक्षिप्तभर्जितयवस्यास्य भूमौ निहितस्य सुक्ते त्वोपगतिः /(Vin_8.145)

/ भवत्य् अनुपगतिः /(Vin_8.146)

/ मद्यत्वे क्वाथेन द्राक्ष्यरसस्य /(Vin_8.147)

/ नाव्यवपृक्ततायाम् अस्तित्वम् /(Vin_8.148)

/ सत्वं वासनाभूतत्वम् /(Vin_8.149)

/ पानं मद्यतृद्विगमाय मद्यगन्धपरिभावितमूलगण्डपत्र[51ब्4]पुष्प-फलभैषज्यशुष्कचूर्णोदकस्य /(Vin_8.150)

/ समद्ये भाण्डे लम्बनस्थापनेन परिभावनम् /(Vin_8.151)

/ रक्ष्यस् संसर्गस् तस्माद् ऊने विगतवेगतायाञ् च /(Vin_8.152)

/ तथा विरसीकरणेनाकालपाने चामिषेण /(Vin_8.153)

/ प्रासादिकञ् च साधु तस्माच् छुक्लनत्रकेन सूतीकरणम् /(Vin_8.154)

/ अपानं ग्लानेन मद्यस्य कुशाग्रेणापि /(Vin_8.155)

/ अदानञ् च सर्वेणौपासकात् /(Vin_8.156)

/ चिकित्सार्थतां मुक्त्वे[51ब्5]त्य् अप्रकृतिसावद्ये सर्वत्र शेषः /(Vin_8.157)

/ न लशुनं पलाण्डुं गृञ्जनकं वा परिभुञ्जीत /(Vin_8.158)

/ प्रतिगुप्तिप्रदेशे ग्लानः /(Vin_8.159)

/ नोपयुञ्जनः परतश् च सप्ताहं लशुने पलाण्डौ त्रिरात्रम् एकरात्रं गृञ्जनविहारं परिभुञ्जीत् /(Vin_8.160)

/ शयनासनम् /(Vin_8.161)

/ न वर्चकुटिं प्रवेशेत् /(Vin_8.162)

/ न प्रस्रावकुटिम् /(Vin_8.163)

/ न संघमध्ये ऽवतरेत् /(Vin_8.164)

/ नोपविचारे चैत्यस्य /(Vin_8.165)

/ व्यामोध्व प्रमाणम् /(Vin_8.166)

/ [51ब्6] न गृहिभ्यो धर्मं देशयेत् /(Vin_8.167)

/ न कुलाक्षय संक्रामेत /(Vin_8.168)

/ न जनाकीर्णान् प्रदेशान् /(Vin_8.169)

/ स्नानम् अन्ते /(Vin_8.170)

/ अपनयनञ् च चीवराणां गन्धस्य /(Vin_8.171)

/ शोचनधूपनाभ्याम् /(Vin_8.172)

/ आयुष्करा दुर्भिक्षे /(Vin_8.173)

/ वाह्यवकवायसोर् अधिष्ठितं कल्पिकत्वेन /(Vin_8.174)

/ अधितिष्ठेन् न वृक्षमूलहस्तिशालतीर्थिकावसथराजकुलवस्तु भिक्षुणी वर्षकावैहारमेधीद्वार[52अ1] / / कोष्ठकप्रासादजेन्ताकोपस्थापन-शालम् /(Vin_8.175)

/ अभ्यवकाशाग्निशालाचैत्यवस्तु गृहपतिवसूनि चैत्यपरं /(Vin_8.176)

/ साधनपचनस्याप्य् अत्राकारणम् /(Vin_8.177)

/ पञ्चोपस्करणञ् च /(Vin_8.178)

/ चत्वारात्रकालाः /(Vin_8.179)

/ प्रथमाष्टकान्यस्य मानत्वम् ऊर्ध्वं सनवकर्मत्वम् /(Vin_8.180)

/ अन्यदानपगतभिक्ष्वधिवासनत्वम् /(Vin_8.181)

/ निरेतदोधिवसनाय भिक्षूणां संप्राप्तिः /(Vin_8.182)

/ आकृत्या[52अ2]न्तरारम्भप्रतिशान्तिभ्यां तत्वम् /(Vin_8.183)

/ सर्वत्र संघः कर्मणा /(Vin_8.184)

/ प्रथमयोः पुद्गलो ऽपि /(Vin_8.185)

/ नवकर्मिकः /(Vin_8.186)

/ केवलो ऽस्याद्या /(Vin_8.187)

/ भाषणतः /(Vin_8.188)

/ अवधाने द्वितीये संबहुलानां भिक्षूणाम् /(Vin_8.189)

/ यावन्तस्ता[व?]न्तस् सन्निहिताश् चतुर्थे संमंकल्पिकशालाम् वाङ् भावकवचनोदाहारतः /(Vin_8.190)

/ नान्ये कस्यैकस्य यानायाविहारस्य कृत्यकरणम् अप्रासादिकम् /(Vin_8.191)

/ न पृथग्भू[52अ3]तस्यैतत् कल्पिकत्वम् उक्तम् /(Vin_8.192)

/ भुञ्जीत् भिक्षु[ः] पक्वोद्गृहीतप्रतिगृहीते /(Vin_8.193)

/ पुरोभक्तिकाम् /(Vin_8.194)

/ पेयां सर्वदा /(Vin_8.195)

/ प्रागप्रतिग्राहितं प्रध्वाद्योत्थितः /(Vin_8.196)

/ उत्तिष्ठेत् तदान्त्यै /(Vin_8.197)

/ शिष्टम् /(Vin_8.198)

/ अभिनिर्हृतम् /(Vin_8.199)

/ निर्हरेद् एनत् /(Vin_8.200)

/ वनस्थिकानि /(Vin_8.201)

/ तदाख्यम् /(Vin_8.202)

/ तद्यथा द्राक्ष्यदाडिमखर्जूराक्षोष्टौ वाताम उरुमानरामापिकाकुरुमायिकानिकोचोबभूः पिञ्चितिका[52अ4]पुष्करञ् च तदाख्यम् /(Vin_8.203)

/ तद्यथा विन्मंमृणालिकावेट्टशालूकं पद्मकर्कटिका /(Vin_8.204)

// [इति] भैषज्यवस्तु // 1 //

**(vin_8,2) क्षुद्रकाधिकं /

/ न राज्यम् उपार्धम् वास्य प्रतीच्छेत /(Vin_8.205)

/ प्रतिगृह्णीयात् संघार्थं ग्रामां /(Vin_8.206)

/ क्षेत्रञ् च /(Vin_8.207)

/ नैतद् अभ्युपेक्षेरन् /(Vin_8.208)

/ भोगेनास्य दानम् /(Vin_8.209)

/ मार्गणं भाग्यस्य /(Vin_8.210)

/ कृष्णातो ऽस्य विहारे नेयत्वम् /(Vin_8.211)

/ प्रथमतरम् आत्मीयात् /(Vin_8.212)

/ रक्षणाय [52अ5] भिक्षूणां नियोगः /(Vin_8.213)

/ नाप्रज्ञायमानाय व्ययो भयान्यतरे गणनां मृगयेत् /(Vin_8.214)

/ अन्यत्र स्मृतिस,प्रजन्यपुर[ः]सरस् तत्र प्रवर्त्तेत् /(Vin_8.215)

/ प्रतिगृज्णीयात संघार्थम् उपस्थायकान् /(Vin_8.216)

/ यतो नागतिः शब्दस्य विहारे तत्र कल्पकारम् आपनम् /(Vin_8.217)

/ देयत्वं भक्तस्य करणं चेत कर्मणः /(Vin_8.218)

/ गोमहिष्याजैडकहस्त्यश्वोष्ट्रगर्दभामधान्यभाजनं च [52अ6] न स्तूपस्यैषाम् अकल्पनम् /(Vin_8.219)

/ धारयेत् कलाविकालवणपातलिकाञ् च /(Vin_8.220)

/ नाभ्याम् अनुपानपट्टकाच् चान्यत् कंसभाजनं पुद्गलो धारयेत् /(Vin_8.221)

/ उपस्थापयेद् आरामिकम् /(Vin_8.222)

/ ग्रहणं रक्षायै प्रतिपाद्यमानानाम् अप्य् अन्यानां समानव्यञ्जनानाम् /(Vin_8.223)

/ आसक्तकण्ठचीवरकत्वम् एषां वेषः /(Vin_8.224)

/ कट्यां वा प्रतिपालनम् अनुकम्पाचरितेन /(Vin_8.225)

/ [52ब्1] ग्रहणं तत् ज्ञात्युपसंकृतस्य /(Vin_8.226)

/ निष्त्रयत्वेन चान्ते /(Vin_8.227)

/ तैश् च कृतज्ञतया /(Vin_8.228)

/ नैतन् मूल्यं याचेत् /(Vin_8.229)

/ स्वीकुर्यात् फललाभम् /(Vin_8.230)

/ घृततैलमधुफाणितघटान् /(Vin_8.231)

/ तद्भाजनञ् च /(Vin_8.232)

/ स्थापयेद् एनाम् आधारके /(Vin_8.233)

/ अनुपभोज्यत्वम् उच्चारप्रस्रावम् अद्य घटानाम् /(Vin_8.234)

/ प्रतिजागृयात् संघार्थयोः साधनपचनयोः /(Vin_8.235)

/ नापार्श्वनिहिततां प्रागावात् पात्र[52ब्2]स्य पिण्डाय प्रवृत्तौ भजेत् /(Vin_8.236)

/ पिण्डोपभानं धारयेत् /(Vin_8.237)

/ अनाशंक्यम् अत्र लोहभाण्डाधारणे चासाधारणत्वम् /(Vin_8.238)

/ अकल्पिकत्वं च ग्लानायाः चेलाभरणस्य /(Vin_8.239)

/ नाविशभरावकेण पिण्डाय कुलं प्रविशेत् /(Vin_8.240)

/ धारयेद् एनम् /(Vin_8.241)

/ निष्काशप्रवेशकौशले प्रयते[त] /(Vin_8.242)

/ अभिज्ञानकरणेन पिण्डापाता च करादिना /(Vin_8.243)

/ न धर्मवणिज्यपजीवितां कल्पयेत् /(Vin_8.244)

/ [52ब्3] शोचनम् असंभवे जलस्य दध्यादिमण्डेन पादयोः /(Vin_8.245)

/ निषदनं पिण्डके /(Vin_8.246)

/ स्थापनम् एकान्ते ऽभ्यवकाशे /(Vin_8.247)

/ राशीकृत्यापि /(Vin_8.248)

/ प्रमी लनम् अन्ते /(Vin_8.249)

/ करणं प्राभूत्ये पाटिकानेकत्वस्य /(Vin_8.250)

/ शतपंचकशः /(Vin_8.251)

/ प्रतिवृद्धान्तम् उपन्वाहारः /(Vin_8.252)

/ अधिष्ठापकानाम् अपहर्तृत्वे वा करणम् उद्देशः /(Vin_8.253)

/ प्रथमतरं भोजनव्यापारिकैः भक्तिः /(Vin_8.254)

/ यथा वृद्धिकया [52ब्4] निषादनाय दापनाय च महासन्निपाते भिक्षूणाम् उद्देशः /(Vin_8.255)

/ निषदेयुः द्वित्रावर्जां यथेष्टम् अत्र भिक्षुण्याः /(Vin_8.256)

/ अल्पशब्दो ऽभ्यवहाराग्रं गच्छेत् /(Vin_8.257)

/ सुसंवृतेर्यः /(Vin_8.258)

/ प्रासादिकः /(Vin_8.259)

/ एवं तिष्ठेत् /(Vin_8.260)

/ नाभ्यवहार्यं पादेनाक्रामेत् /(Vin_8.261)

/ न यदा पात्राधिष्ठानं स्पृशेत् /(Vin_8.262)

/ स्मृतिम् उपस्थाप्याविक्षिप्तचित्त[ः] पिण्डपातं गृह्णीयात् /(Vin_8.263)

/ अनवकिरन् [52ब्5] पात्रामात्रकम् /(Vin_8.264)

/ असंमिश्रयन्नेन /(Vin_8.265)

/ अनान्वालयम् /(Vin_8.266)

/ सुप्रतिछन्नम् /(Vin_8.267)

/ अनतिपातं कालम् अभिनिर्हरेत् /(Vin_8.268)

/ न येन मन्त्रित ततो ऽन्यस्य लब्धेः स्वीकारे ऽस्त्य् अयुक्तत्वम् /(Vin_8.269)

/ निर्दोषत्वं स्वभोजने ऽन्यप्रतीष्टेः /(Vin_8.270)

/ तद् अन्तर्गतवद् अन्योपनिमन्त्रणे निषण्णस्यानुज्ञातं तेनान्यदत्तम् /(Vin_8.271)

/ अभिप्रेतेनार्थेन शब्दप्रयोगे व्यवस्थानप्रसिद्धेन /(Vin_8.272)

/ नान्तं विसर्जयेत् [52ब्6] दृष्टिशीलसम्पन्नाभ्यामान्तस्यान्यत्र यथासंख्यं दानम् अतिरिक्तस्य चालोपाद् यात्राकारिणो ग्रहणम् /(Vin_8.273)

/ भोगश् च विनिपातनं श्रद्ध्[आ]देयस्य /(Vin_8.274)

/ मात्[आ]पितृग्लानपुत्रह्यापेक्षकुक्षीमतीभ्यो विनेयाकां क्षापिण्डपातं स्पृष्टवते गृहिणे च संप्राप्ताय संविभागश् च तत्ः करणम् /(Vin_8.275)

/ आलोपपिण्डां स्थापयेत् /(Vin_8.276)

/ अव्यवच्छिद्य भोकारम् /(Vin_8.277)

/ [53अ1] तिरश् चे च दद्यात् /(Vin_8.278)

/ नानवशिते भक्त्यर्थम् उपनिक्षिप्ताद् ददीत्* /(Vin_8.279)

/ न निमन्त्रणके श्रद्धदेयत्वेन पात्राधिष्ठाने ऽस्योच्छिष्टाशिलां यथा सुखकरणम् /(Vin_8.280)

/ नैवासिकानां बलिदानम् /(Vin_8.281)

/ तत्कल्पानुगत्या पूर्वाह्वादौ /(Vin_8.282)

/ भिन्नकल्पत्वे भेदेन /(Vin_8.283)

/ नावर्धको किलिकभावस्थामाम्रं भक्षयेत् /(Vin_8.284)

/ नाकल्पिकत्वं मूलगण्डपत्रपुष्पफलखादनीयौदनकुल्मासम[53अ2](छ?)त्स्यमांसापूपक्षीरदधिनवनीतमत्स्यवल् लूराणाम् /(Vin_8.285)

/ अनाशङ्क्यद्गसार्षपमूलगण्डपत्रपुष्पफलादियवागूनाम् अनिषेध्यत्वम् /(Vin_8.286)

/ ओजस्करत्वं दूतस्योदकेनापि /(Vin_8.287)

/ नाकल्पिकत्वं तृतिगतस्य /(Vin_8.288)

/ कल्पते भाजने भोजनम् /(Vin_8.289)

/ यार्यां /(Vin_8.290)

/ शेलामये च /(Vin_8.291)

/ कृतभोजने ऽपि निःश्रितव्यापारो निर्मादनम् /(Vin_8.292)

/ भुक्ते ऽपि /(Vin_8.293)

/ नापरेण सार्द्धम् एकत्र भाजने भुञ्जीत्* /(Vin_8.294)

/ [53अ3] भुञ्जिदाध्वन्यसंभवे भाजनानां भिक्षूणाम् /(Vin_8.295)

/ उद्धृते ऽन्यस्य हस्ते स्वं प्रक्षिपेत् /(Vin_8.296)

/ श्रामणेरे च सार्द्धं परवदयोगे कल्पकारकानां पिण्डीकृत्य दानम् /(Vin_8.297)

/ ज्ञातिना सर्वत्र हार्देन प्रार्थितः /(Vin_8.298)

/ प्रतिगुप्ते प्रदेशे /(Vin_8.299)

/ रक्षत्वम् अनयेष्प्रतिग्रहध्वस्तेनप्रतिग्राहितसंपृक्तेश् च /(Vin_8.300)

/ न सोपानत्थो भुञ्जीत्* /(Vin_8.301)

/ आक्रम्य ग्लानः /(Vin_8.302)

/ न नग्न एकचीवरो वा /(Vin_8.303)

/ अनापत्तिर् ग्लानस्योपस्था[53अ4]यको ऽस्य गुप्तिं कुर्यात् /(Vin_8.304)

/ संकक्षिकां शक्तौ संश्रयेत /(Vin_8.305)

/ गुप्तञ् च प्रदेशम् /(Vin_8.306)

/ नेदमितो वा देहीति भोजनार्थम् उपविष्टपरिवेष्टारं बोधयेत् /(Vin_8.307)

/ अनापत्तिर् ग्लाने ऽनुक्तयस्य /(Vin_8.308)

/ तद्यथा मन्दाग्नौ पक्वस्यामस्य दीपताग्नौ ग्लानसंज्ञाम् /(Vin_8.309)

/ स्वत्रोपस्थाप्य भुञ्जीत्* भैषज्यसंज्ञाम् आहारे /(Vin_8.310)

/ स्मृतिञ् च /(Vin_8.311)

/ समुदागमसादृश्यपरिणतप्रत्यर्थिकत्वनिष्यन्द प्रतीत्य विधिपरीष्टिपराधीन[53अ5]त्वन् मव्याबाधिकत्वप्रत्येकगततातिरास्थितप्रातिकुल्यम् /(Vin_8.312)

/ उपस्थितस्मृतिः /(Vin_8.313)

/ अविक्षिप्तः /(Vin_8.314)

/ संप्रजानन्न् अल्पशब्दः /(Vin_8.315)

/ अकुर्वन्न् एनम् /(Vin_8.316)

/ अनुत्थापयन् यवाग्वाम् /(Vin_8.317)

/ अमटमटायमानः /(Vin_8.318)

/ मृदुकरणं शब्दकृताम् उदकादिना /(Vin_8.319)

/ न तद्भुक्त्यर्थं वाद्यमानत्वे /(Vin_8.320)

/ न देशनकृयमाणतायां प्रतिसंवेदितस्य /(Vin_8.321)

/ अत्यये कालस्य द्वित्रयोगार्थयोः /(Vin_8.322)

/ गा[53अ6]थां भुक्ता भाषेत्* /(Vin_8.323)

/ दक्षिणादेशनधर्मदेशनयोः निमन्त्रणकं भुक्त्वा करणम् /(Vin_8.324)

/ निर्ज्ञाय भुक्तिवतां सर्वेषाम् /(Vin_8.325)

/ अवलोकनेन /(Vin_8.326)

/ प्रथमेनानेकत्वे /(Vin_8.327)

/ अशक्ताव् अध्येषणं प्रतिबलस्य /(Vin_8.328)

/ अकृते चेद् गमनप्रत्ययः परिवारदानं भिक्षूणाम् /(Vin_8.329)

/ चतुर्णाम् अन्ततः /(Vin_8.330)

/ गमनप्रत्यये त्र दन्तस्यावलोक्य /(Vin_8.331)

/ नन्दोपनन्दयोर् दक्षिणादेशने नामग्रहणम् /(Vin_8.332)

/ निगिलेष्व [53ब्1]नाडिकोकालोङ्गरान् द्वित्रानादौ छोरयित्वा मुखं निर्माद्य /(Vin_8.333)

/ नैतन् नामिषम् /(Vin_8.334)

/ तस्मान् मुखम् अकाले प्रवारितश् चोद्गारारामे निर्मादयेद् अन्यः /(Vin_8.335)

/ नाप्रज्ञप्ते प्रदेशे श्लेष्मानां छोरयेत् /(Vin_8.336)

/ न परिकरिमिते /(Vin_8.337)

/ नैतत् छन्दं वा स्थाविरस्य पुरतष्कुर्यात् /(Vin_8.338)

/ न भुञ्जानस्य /(Vin_8.339)

/ न पुनः पुनः शिष्टस्यापि /(Vin_8.340)

/ अन्येनाशक्तौ प्रक्रमणम् /(Vin_8.341)

/ नान्यस्यास्पर्शकरणम् /(Vin_8.342)

/ नक्ता[53ब्2]ध्वकप्रश्नः /(Vin_8.343)

/ चंक्रमणे नान्येन वा प्रक्रमणम् /(Vin_8.344)

/ पात्रम् अस्य हस्तिपदबुध्नं साधारकस्य /(Vin_8.345)

/ तप स्थापयेद् एनम् /(Vin_8.346)

/ क्षोदकवालुकछायिकानां धारणं मक्षिकाणां प्रतिविधेः /(Vin_8.347)

/ अदुर्गन्धीभावप्राणकासंभवाय कालेन कालं शोचनं शोषणञ् च /(Vin_8.348)

/ तत्कालार्थम् अपरोपस्थापनम् /(Vin_8.349)

/ अविघातार्थं कोणस्तम्भपार्श्वे विहारस्य /(Vin_8.350)

/ चतुर्णाम् अपि [53ब्3] श्लेष्मकटकस्थापनम् /(Vin_8.351)

/ न सशब्दं वातकर्म कुर्वीत्* /(Vin_8.352)

/ नाधो वृक्षस्योच्चारप्रस्रावम् /(Vin_8.353)

/ मुक्तानिरवकाशत्वं तैर् अट्टव्याम् /(Vin_8.354)

/ कण्टकिनश् च /(Vin_8.355)

/ करणं वर्चस्कुटेः /(Vin_8.356)

/ विहारे चेद् उत्तरपश्चिमे पार्श्वे /(Vin_8.357)

/ क्षोमस्य तम् अङ्गस्य वा /(Vin_8.358)

/ कण्टकिनामधो वृक्षाणां रोपणम् /(Vin_8.359)

/ पादकयोर् उपछिद्रम् उपरि दानम् /(Vin_8.360)

/ कुण्डिकास्थानकरणम् /(Vin_8.361)

/ विकर्णाकारया द्वारम् /(Vin_8.362)

/ [53ब्4] कवाटस्य दानम् /(Vin_8.363)

/ कटकार्गडयोश् च /(Vin_8.364)

/ शब्दनं प्रविविक्षता /(Vin_8.365)

/ सूते तत्र च प्रविष्टेण /(Vin_8.366)

/ सुसंगृहीतचीवरः प्रविशेत् संप्रजनन् /(Vin_8.367)

/ मध्ये निषीदेत /(Vin_8.368)

/ शनैरलिंपनकुटिपादुकं कुर्वीत्* /(Vin_8.369)

/ नानागतम् आगमयेत् /(Vin_8.370)

/ नागतं विधारयेत् /(Vin_8.371)

/ न तत्प्रतिबद्धकार्याद् अन्येन तत्समीपे तिष्ठेत् /(Vin_8.372)

/ प्रतिदिनं शोचनम् उपधिवारिकेन /(Vin_8.373)

/ मृत्पात्रोपस्थापनञ् च /(Vin_8.374)

/ [53ब्5] नाप्रज्ञप्ते प्रदेशे प्रस्रावं कुर्यात्* /(Vin_8.375)

/ नानेकत्र /(Vin_8.376)

/ प्रोढौ गर्तायां खानयेत्* /(Vin_8.377)

/ करणं प्रस्रावकुटेः /(Vin_8.378)

/ पार्श्वे स्याः /(Vin_8.379)

/ तमङ्गस्य /(Vin_8.380)

/ प्रनाडिकादानम्* /(Vin_8.381)

/ समानम् इतरत /(Vin_8.382)

/ करणं छीद्रपीठस्य चोदनारोगे /(Vin_8.383)

/ संवर्तनेन बालस्य /(Vin_8.384)

/ असंपत्तौ छेदनम्* /(Vin_8.385)

/ सामन्तके दुःखनं चेत् पात्रवैभङ्गुकानां दानम्* /(Vin_8.386)

/ रक्ष्यो भूमिनाशस् तस्माद् अष्कर्यकरस्य /(Vin_8.387)

/ [53ब्6] नान्युच्चा साधु /(Vin_8.388)

/ कालेन कालम् अदुर्गन्धतायै शोचनम्* /(Vin_8.389)

/ शोषणं म्रक्षणञ् च कटुकतैलेन /(Vin_8.390)

/ तत्कालार्थम् अपरार्जनम्* /(Vin_8.391)

/ असंपत्तौ पतलिकाधारत्वेनोपयोगः /(Vin_8.392)

/ कृत्वोच्चारं तत्करणशुद्धेत्* /(Vin_8.393)

/ न तीक्ष्णेन तृणकुर्वकेन वा /(Vin_8.394)

/ नतुकपत्तलिकपत्रवैभङ्गुकलोष्ठकाष्ठानाम् अत्र साधुत्वम् /(Vin_8.395)

/ द्वाभ्यां च मृद्भ्यां शोचयेत् /(Vin_8.396)

/ प्राक् स्थापिताभिः [54अ1] / /प्रविभागेन मृद्भिर् उत्तरः शोचः /(Vin_8.397)

/ सनैर् मन्दमन्दमनाशयताविस्कम्भिनाचमनिकापादुकाम् /(Vin_8.398)

/ सप्तभिर् वामस्य /(Vin_8.399)

/ सप्तभिर् उभयोः वाह्विः शोचनम्* /(Vin_8.400)

/ पुनः हस्तयोर् मृदा /(Vin_8.401)

/ अपराया[ः] कुण्डिकायाः पादप्रक्षालनम्(अ) /(Vin_8.402)

/ निर्दोषं शूते कुक्षेः प्रागन्तात् पोच्चनमात्रं कृत्वासनं नातो न्यः /(Vin_8.403)

/ सत्य् उदके नावान्ते निषीदेत्* /(Vin_8.404)

// [इति] क्षुद्रकादिभैषज्यवस्तु[54अ2]गतम्* // 2 // // समाप्तं भैषज्यवस्तु // 8 //

*vin_9, कर्मवस्तु /

**(vin_9,1) कर्मवस्तु /

/ विध्युत्क्रमे कर्मणो रूढिः /(Vin_9.1)

/ नाश्राप्यश्रुतो /(Vin_9.2)

/ नारूढि कुर्यात्* /(Vin_9.3)

/ ज्ञप्तिवाचनाप्रातिमोक्षोद्देशप्रवारणास् तत् /(Vin_9.4)

/ नाधर्मेण कुर्युः /(Vin_9.5)

/ न व्यग्राः /(Vin_9.6)

/ न गणस्य /(Vin_9.7)

/ नासंघभूताः /(Vin_9.8)

/ विं*शतिप्रभृतीनाम् आवर्तणे संघत्वं /(Vin_9.9)

/ उपसंपदि दशप्रभृतीनां /(Vin_9.10)

/ विनयधरपञ्चमादीनां प्रत्यन्तेष्व् असंपत्तौ /(Vin_9.11)

/ शिष्टे चतुः[54अ3]प्रभृतीनाम्* हिरुक्त्वं भिक्षुणीनां /(Vin_9.12)

/ कर्मणि प्रवारणं भिक्षुसंघे पि /(Vin_9.13)

/ पोषधसंपन्नसामग्र्याणां तेन /(Vin_9.14)

/ छन्दपोषधहरणेन तत्संपादनम्* /(Vin_9.15)

/ द्वयोर् अत्र व्यापृतिः /(Vin_9.16)

/ प्रतिबलत्वम् अनयोः /(Vin_9.17)

/ अभाव एकस्याग्रहीतुभिक्षुसंघेन नियोगो भिक्षोः /(Vin_9.18)

/ द्वारकोष्ठके तेनावस्थानम्* /(Vin_9.19)

/ पलायमानस्य संज्ञपनम्* /(Vin_9.20)

/ तेनास्येतत् /(Vin_9.21)

/ न पलायनम /(Vin_9.22)

[54अ4] अज्ञातो नाम गोत्रप्रश्नः /(Vin_9.23)

/ मानास्यवर्तणं द्वयोस् सामे तयोः /(Vin_9.24)

/ उपसंपादनञ् च /(Vin_9.25)

/ द्वादशवर्गो त्रासां /(Vin_9.26)

/ सपूर्वसंवृतिद्वयपर्षदनलपर्षदुपस्थानसंवृतिदाने ऽन्तः संघस्य /(Vin_9.27)

/ कल्पिकम् अशक्तौ कर्मकारिकायानितीरितं तया भिक्षुणा कृतम् वचनम्* /(Vin_9.28)

/ यस्मात् तूष्णीम् इत्य् अतः प्राक्* /(Vin_9.29)

/ नासन्निषादस्थस्य पूरकत्वम्* /(Vin_9.30)

/ न यस्य क्रियतेः [54अ5] तस्माद् असत्वं पूरकत्वस्य छन्दपरिशुद्धिर् विधेः /(Vin_9.31)

/ अर्हत्*त्वम् अनयोः /(Vin_9.32)

/ असम्मतिप्रकारकत्वेन /(Vin_9.33)

/ नानुपसंपत्कध्वस्तानन्तर्यकृत्पापदृष्टिभूम्येन्तरस्थनानासंवासिकानाम्* /(Vin_9.34)

/ सस्खलितस्य च /(Vin_9.35)

/ संवरकरणीयेनापि /(Vin_9.36)

/ भवत्य् अधिष्ठानेन शुद्धत्वम्* /(Vin_9.37)

/ न शक्यतायाम्* /(Vin_9.38)

/ शक्यत्वं तदातने शुद्धप्रायश्चित्तिकप्रतिदेशनीयदुःकृतप्रतिकरणस्य प्रतिग्र[54अ6]हीतृसद्भावे देशनामात्रकत्वात्* /(Vin_9.39)

/ यथा संघम् आपन्ने प्रतिपद्येत् /(Vin_9.40)

/ न्याय्यम् एवं नाशनं चैकस्य /(Vin_9.41)

/ प्रतिकरणञ् चानेकधा /(Vin_9.42)

/ नैषां कर्तृत्वं /(Vin_9.43)

/ उद्देष्ट्टत्वं सावशेषं प्रतिक्रियायां /(Vin_9.44)

/ वर्तमानस्य नातो न्यैभिः सश्रुतं कुर्युः /(Vin_9.45)

/ उत्सृज्य वर्जितम् अनावृत्तं /(Vin_9.46)

/ उत्क्षिप्तञ् च स्वकर्मणि /(Vin_9.47)

/ अन्नः पृच्छार्थं ज्ञप्तिप्रभृतौ चोपद्यमानं /(Vin_9.48)

/ दर्श[54ब्1]नोपविचारस्थाताया सांमुख्यस्य /(Vin_9.49)

/ निवेदनेनानुश्रावणस्य तत्करणीये संपादनं /(Vin_9.50)

/ असंमुखीभूतस्य विहारो उन्मत्तकावन्दनानालपनासंभोगसंवृतयः /(Vin_9.51)

/ नाज्ञपिते तदर्थं वाचना /(Vin_9.52)

/ तत्सीमान्तर्गतस्यार्हस्य पूरणे कायतः छन्दतो वा संनिषादे ननुप्रविष्टत्वं प्रतिक्रोषन्ता च यस्य तत्कर्म ततो न्यस्य प्रतिकूलं चेत् धर्मं वाच्युतस्येर्यापथात्* प्र[54ब्2]कृतिस्थस्य संयतस्य वा चोत्सृज्यानभिज्ञसान्तरात्* व्यग्रत्वं /(Vin_9.53)

/ मृषावादप्रह्वत्वम् असंयतिर् वाचा /(Vin_9.54)

/ पैषुन्ये पारुष्ये संभिन्नप्रलापे च /(Vin_9.55)

/ अप्रकृतिस्थत्वम् अत्र चान्यत्र वा करणीये करणीयकृतौ च /(Vin_9.56)

/ च्युतिरीर्यापथाद् विप्रक्रमणचित्तेन प्रवृत्तस्यास्योत्सृष्टिः /(Vin_9.57)

/ संघे दृष्टिम् आविस्कुर्वीत /(Vin_9.58)

/ नान्यत्र /(Vin_9.59)

/ नानुपसंपत्क /(Vin_9.60)

/ अनर्हे वा पूरणायां /(Vin_9.61)

/ नानव[54ब्3]शेषत्वे /(Vin_9.62)

/ संमन्येरन्* साधुतरवहुतरकारिणं संमतम् अपसार्य /(Vin_9.63)

/ न नियम्य कालं पौनःपुन्ये न्यत्र वा /(Vin_9.64)

/ दध्युर् अन्यत्र यावद् अर्थं परिहारं /(Vin_9.65)

/ शलाकग्रहणेनाभावे संमतस्य भाजनम् /(Vin_9.66)

/ यस्य पूरणे नर्हत्व शलाकाचारणे पि तस्य /(Vin_9.67)

/ संघभेदे स्य रूढिर् अनर्हे न चारणे शलाकाणां /(Vin_9.68)

// कर्मवस्तु // 1 //

**(vin_9,2) कर्मपरिभाषा /

// नाधिक्ये वाचनानाम् अकृ[54ब्4]तत्वं /(Vin_9.69)

/ अकृतत्वं हापने /(Vin_9.70)

/ क्रियमाणतायां प्रक्रान्तावपूर्णस्य पर्वणो विगुपितत्वम्* /(Vin_9.71)

/ पूर्णस्यानवशिष्टत्वे तत्कर्मसंघपरिमाणानाम् अव्युत्थितानाम्* /(Vin_9.72)

/ नावशिष्टत्वे /(Vin_9.73)

/ पुनश् चेत् तच्चिकीर्षाधिकोपनम् वा च /(Vin_9.74)

/ संघविज्ञपनेन /(Vin_9.75)

/ पुनर् भदन्ताज्ञप्तिं* करिष्याम्य् अनुश्रावणञ् चेति /(Vin_9.76)

/ प्रतिनिःसृष्ट्यर्था ज्ञपननासन तत्स्वभावैषीय[54ब्5]शिक्षासामग्रीतत्पोषधतीर्थ्यपरिवासतदन्यमानास्यमूलापकर्षस्मृत्यमूढविनदानोपसंपादनोपसंपादनसीममोक्षप्रणिधिकर्मावर्हणेषु त्रिर् वाचना स्वार्थानिरिक्तमंत्रोक्तिः /(Vin_9.77)

/ पुद्गले च परा र्थं /(Vin_9.78)

/ निषण्णो स्योत्कुटुकिकया पुरतो निरिक्तेश् च /(Vin_9.79)

/ रोचनं च /(Vin_9.80)

/ इष्टके पार्ष्णिभ्यां विरहो ऽनुशिष्टानुपसंपदि /(Vin_9.81)

/ मसूरिकादौ स्त्रियाः [54ब्6] वृद्धान्ते नन्यतन्त्रतायां संघे स्थितस्य परार्थे सप्रणतम्* /(Vin_9.82)

/ अन्तरमार्गे समनुषिष्टतायां रहसीत्य् एकम्* /(Vin_9.83)

/ द्रव्याधिष्ठानञ् च /(Vin_9.84)

/ तत्त्वम् विकल्पनस्य /(Vin_9.85)

/ गृहीत्व तदेतत्* /(Vin_9.86)

/ पात्रभैषज्यं वामे पाणो प्रतिस्थाप्य प्रतिछाद्य दक्षिणेन पाणिना /(Vin_9.87)

/ अग्रत स्वस्याग्राह्यतायां(Vin_9.88)

/ निषण्णताया कर्म /

/ असंसृतौ संघैकद्वयोः पुद्गलस्य [55अ1] // विज्ञप्यत्वं भिक्षोः /(Vin_9.89)

/ रोहन्त्य् असान्निध्ये चीवरस्य मनसा विकल्प उत्सर्गे धिष्ठानञ् च नानुत्सृष्टे पूर्वत्र /(Vin_9.90)

/ वाग्भाषै चैकाधिष्ठानं तदाशयोपसंपत्तिपूर्वकं /(Vin_9.91)

/ कृतैकांशोत्तरासंगत्वं /(Vin_9.92)

/ समागतत्वे भिक्षूणां /(Vin_9.93)

/ सामीच्या तदर्हत्वेः वचनीयताया स्वार्थामन्त्रस्य /(Vin_9.94)

/ अशिष्टौ च रहसि /(Vin_9.95)

/ ससांघाटितायाम् उपसंपत्संनिषादे /(Vin_9.96)

/ आदौ [55अ2] च त्रिःप्रगृहीतां जलित्वं तादर्थ्ये दिवसारोचने च /(Vin_9.97)

/ औपयिकम् इत्य् अन्ते स्वार्थं विज्ञप्तेन वचनं पुद्गलश् चेत् /(Vin_9.98)

/ स्वार्थि तदन्वितरेण /(Vin_9.99)

/ छन्दद्वेषमोहभयगतिविरहितस्य शक्तस्य कृताकृतस्मरणे संमतिर् उत्साह्य /(Vin_9.100)

/ कृताकृतव्रवेदनं स्थिते /(Vin_9.101)

/ वर्धत्ववर्धव्यामानतायां सीम्नि प्रतिपत्तिः /(Vin_9.102)

/ गण्ड्याकोटनपृष्टवाचिकासमनुयोगाभ्यां सन्निषादकेन सन्नि[55अ3]षाद्यानां बोधनम् /(Vin_9.103)

/ तस्य तदर्थम् आसनं प्रज्ञपनम् /(Vin_9.104)

/ संमतस्य तत्कार्यार्थतायाम् एतत्त्वं /(Vin_9.105)

/ सर्वत्र यथा वृद्धिका /(Vin_9.106)

/ रुच्याग्राह्ये ग्रत्वं /(Vin_9.107)

// कर्मपरिभाषा // 2 // // समाप्तं कर्मवस्तु // 9 //

*vin_10, प्रतिक्रियावस्तु /

**(vin_10,1) प्रतिक्रियावस्तु /

/ नाप्रतिकृताज्ञपनजष्कर्म प्रत्यनुभवेत् /(Vin_10.1)

/ उत्सृज्य पोषधं प्रवारणाञ् च /(Vin_10.2)

/ न सीमान्तरस्थस्य कस्मिंश् चिद् अङ्गत्वम् /(Vin_10.3)

/ ध्वंसस् तद्गतौ साह्य गतस्य /(Vin_10.4)

/ उभयस्थत्वम् एकस्मिन्न् ए[55अ4]कत्र पादे परस्मिन् परत्र /(Vin_10.5)

/ सर्वस्मिन्न् अवष्टम्भिनि स्थितस्यावष्टब्धे /(Vin_10.6)

/ रूढिर् एवम् अनेकत्रोपगतेः /(Vin_10.7)

/ अर्हत्वम् अनेकशयनासनग्राहे /(Vin_10.8)

/ यथेष्टम् अस्य वस्तव्यता /(Vin_10.9)

/ न व्यग्रकारित्वं जिनस्य /(Vin_10.10)

/ न पूरकत्वम् /(Vin_10.11)

/ नाकर्मणा तत्करणीयस्योत्थानम् /(Vin_10.12)

/ कृतत्वं यद्भूयस् कृतत्वे वाक्यस्यानुत्तरस्य /(Vin_10.13)

/ नाकीर्त्तित्वे निमित्तानां बन्धे /(Vin_10.14)

/ पारिवासिके [55अ5] नान्तस्योपस्थानसंवृतेः /(Vin_10.15)

/ उन्मत्तकेन चोद्देशस्य /(Vin_10.16)

/ ज्ञप्तिवद् भेदानुष्ठानम् /(Vin_10.17)

/ अनङ्गम् अत्र भिन्नव्यंजनत्वम् /(Vin_10.18)

/ न हास्यभावेन कस्यचित् स्थूलम् अरूढिबुद्ध्या भेदोत्क्षेपयोः /(Vin_10.19)

/ दुष्कृतम् असंघभूतत्वे /(Vin_10.20)

/ नान्येषां नानासंवासिकेभ्यो बर्हाणां पूरणे गणेन ज्ञप्तिवाचनयोः /(Vin_10.21)

/ नासंपन्नत्वे ऽर्ह[ः] स्वसंघेन प्रत्यनुभवस्य /(Vin_10.22)

/ संपन्नत्वं [55अ6] ज्ञप्तिश्रुताव् अस्य नाविधिर् भव्यरूपे प्रतिनिधिना दूतेन प्रव्राजनम् /(Vin_10.23)

/ उत्तरञ् चोपसंपादनात् /(Vin_10.24)

/ नाप्रतीष्टो दत्तत्वम् /(Vin_10.25)

/ ध्वंसो ऽत्र याचनस्य /(Vin_10.26)

/ विधित्वं मेवकज्ञपनपूर्वकत्वे ऽस्य /(Vin_10.27)

/ उत्क्षेपे ऽप्य् एतत् /(Vin_10.28)

/ अवधानं परेणासमन्वाहाराद् युक्तो तन्त्रः /(Vin_10.29)

/ नार्थच्छेदाना, क्रमव्यत्याद् अरूढिः /(Vin_10.30)

/ अकरणीयत्वं भ्रेषस्य /(Vin_10.31)

/ न व्यञ्जनान्तर[55ब्1]संश्रयात् /(Vin_10.32)

/ न भिक्षुभिक्षुणीत्वयोर् अन्यकर्मवस्तुप्रतिज्ञपिते चोदकेन कल्पयति सांमुख्यं प्रणिधिकरणम् /(Vin_10.33)

/ प्रतीतिमात्रेण सन्निपातादाने /(Vin_10.34)

/ अनङ्गम् अदर्शने व्याघातित्वात् सत्त्वस्य प्रतिज्ञानम् /(Vin_10.35)

/ अवकाशां करणे चायोगात् /(Vin_10.36)

/ संपत्यास्वयम् अनुत्थाने चोदकस्योत्थापनम् /(Vin_10.37)

/ [आ]क्रोषरोषकपरिभाषकतामलाभावा[55ब्2]साभ्यां संघस्य चेतकत्वम् /(Vin_10.38)

/ राजकुलयुक्तकुलज्ञातिपुद्गलप्रतिसरणताम् अप्रतिसर्तृतां संघस्याबिभ्रतः /(Vin_10.39)

/ अकुर्वाणस्यास्यागारिकतीर्थिकध्वजधारणतीर्थ्यसेवानाचारचरणान्यशिक्षणञ् च भिक्षुशिक्षायाम् उत्कचप्रकचस्य संघे रोम पातयतो निःसरणं प्रवर्त्तयतः समीचीम् उपदर्शयतो विरमतो निमित्ताद् अवसारणं याचिते /(Vin_10.40)

/ [55ब्3] कर्मदानबर्हणोपसंपादनप्रतिप्रस्रम्भन्नोन्मज्जनञ् च /(Vin_10.41)

/ कलहकारकतम् जयेयुः कर्मणा /(Vin_10.42)

/ निगर्हणम् अभीक्ष्णसंघावशेषापत्तिकस्याप्रतिकृत्य /(Vin_10.43)

/ कुलदूषकस्य प्रवासनम् /(Vin_10.44)

/ अदानाकरणयोश् च तदर्थं संनिपातावकाशयोः /(Vin_10.45)

/ उद्भावने च तददृष्टेः /(Vin_10.46)

/ प्रतिसंहरणमवम् पण्डितागारिकस्य /(Vin_10.47)

/ तत्क्षम[55ब्4]णकम् अत्र कर्मणः स्थाने ऽवसारणं प्रति प्रतीतायाम्[आ]पत्तावप्रतिकृतायाम् अप्रतिकार्यायां संवरेणादृष्टिम् उद्भावयन्तम् अनिच्छन्तं प्रतिकृतिम् अनुष्ठातुम् अनुत्सृजन्तं च पापिकां दृष्टिम् उत्क्षिपेयुः /(Vin_10.48)

/ इहैवैनाम् आपत्तिं प्रतिकुर्वीथा अयम् एव त्व् आसंघः प्रस्रम्भयिष्यति इत्य् एवं ब्रूय्युः /(Vin_10.49)

/ नापत्तिं प्रतिच्छादयेत् /(Vin_10.50)

/ नाम्ना ऽन्ततः [55ब्5] प्रवेद्यत्वम् /(Vin_10.51)

/ यथाकथंचित् दुष्कृतस्य /(Vin_10.52)

/ प्रकृतिस्थे /(Vin_10.53)

/ अनन्यदृष्टौ सोपसंपदि /(Vin_10.54)

/ तुल्यव्यंजने /(Vin_10.55)

/ अतैवैतत् सोत्तरम् /(Vin_10.56)

/ कृतत्वम् अस्यैदंधर्मके /(Vin_10.57)

/ सीमान्तरस्थे च /(Vin_10.58)

/ संघे सर्वत्राज्ञापनजानाम् /(Vin_10.59)

/ सन्निहिते तत्रास्रमे प्रतिदेशनीयस्य गर्ह्यम् आयुष्मन्तः स्थानम् आपन्नो सात्म्यं प्रतिदेशनीयन्त धर्मं प्रतिदे[श]यामि इति /(Vin_10.60)

/ नैतन् मन्त्रवत् /(Vin_10.61)

/ [55ब्6] संवरकृतेर् अतो व्युत्थानं मानसीतः /(Vin_10.62)

/ अन्य तस्मै तदो देशनात् /(Vin_10.63)

/ एकत्र /(Vin_10.64)

/ अनन्यदृष्टो तत्र /(Vin_10.65)

/ असमावन्ये निकायतः /(Vin_10.66)

/ अभावे आपत्तितः /(Vin_10.67)

/ निःसर्गवीचनपूर्वकानैःकातः /(Vin_10.68)

/ संघे स्थूलात् सर्वत्र /(Vin_10.69)

/ पंचकादौ सशेषागताद् गुरुणः /(Vin_10.70)

/ अशेषागताद् अनवच्छिन्ने भूयसि /(Vin_10.71)

/ लिङ्घोरस्माच् चतुष्कादौ /(Vin_10.72)

/ कृत[56अ1] / /वदन्ते ऽत्रोद्युक्तस्यासंपन्नप्रयत्वे कर्म /(Vin_10.73)

/ दुष्कारवत्त्वमूढकृतस्य प्रत्यापत्तौ संज्ञायमानस्य तेन /(Vin_10.74)

/ नामगोत्रोपसंहितम् आपत्तित्वात् कीर्त्तनम् /(Vin_10.75)

/ इयत्कालप्रतिच्छन्नतया वा संघावशेषायाम् /(Vin_10.76)

/ आवर्हणम् अतो व्युत्थानकृत /(Vin_10.77)

/ चरितमानास्यस्य /(Vin_10.78)

/ षड् अहम् आदाय संघात् /(Vin_10.79)

/ अर्द्धमासं भिक्षुण्याः /(Vin_10.80)

/ गुरुधर्मा[56अ2]तिक्रमे ऽप्य् अस्य चरितत्वम् /(Vin_10.81)

/ असति प्रतिच्छाददोषे तद् रूढिः /(Vin_10.82)

/ परिवाएन तदपहतिः /(Vin_10.83)

/ तावन्तं कालम् आद्[आ]य संघात् /(Vin_10.84)

/ क्रियमान्तायाम् अनयोस् तत्संघावशेषापदने ध्वंसः कृतादानयोः /(Vin_10.85)

/ तस्मान् मूलोपक्रमत्वं दानम् /(Vin_10.86)

/ निर्वाह्य तत्प्रस्तुतम् /(Vin_10.87)

/ तस्माद् अरूढस्यास्य पृथक् तदानीम् उत्थाप्यता प्रथमं च /(Vin_10.88)

/ प्रतिकार्यं तदान्तरम् /(Vin_10.89)

/ तस्मात् तादर्थस्या[56अ3]पि संश्रयत्वम् /(Vin_10.90)

/ अवरोध्यता चातिरिक्तस्य तत्प्रतिच्छादकालस्य /(Vin_10.91)

/ कर्मणा न्योद्दानम् /(Vin_10.92)

/ आवर्हणाञ् च /(Vin_10.93)

/ तर्जनं चात्र ज्ञप्तिप्रथमवाचनान्तराले /(Vin_10.94)

/ निपतितस्य तृणप्रस्तारकेण /(Vin_10.95)

/ समुद्रेजनञ् च /(Vin_10.96)

/ कृततोत्कीर्त्तनान्तरम् /(Vin_10.97)

// [इति] प्रतिक्रियावस्तु // 1 //

**(vin_10,2) क्षुद्रादिगतम् /

/ निष्काशनं दुःशीलस्य /(Vin_10.98)

/ संघस्यात्र प्रगमः /(Vin_10.99)

/ नासावेनदव्युपेक्षेत /(Vin_10.100)

/ [56अ4] अवसार्यत्वं नाशितस्य /(Vin_10.101)

/ नासां मन्ये प्रणिधातॄणाम् अवसारणस्य प्रणिहितौ रूढिः /(Vin_10.102)

/ अवस्तव्यता दूषितस्थाने प्रवासितस्य /(Vin_10.103)

/ सर्वत्रोत्क्षिप्तके संबास्यत्वासंभोग्यत्वे /(Vin_10.104)

/ संज्ञयात्र व्यवस्थानम् /(Vin_10.105)

/ अधर्मपक्षस्यैतिभिन्नतायाम् इतरेण /(Vin_10.106)

/ नान्यस्य /(Vin_10.107)

/ नान्यत्रैत प्रणिहिते /(Vin_10.108)

/ अपाश्रयेणास्य वस्तव्यता सप्रेमकस्य /(Vin_10.109)

/ विकृतेः क्रियमाणप्रणिधिना ध्वस्ते[56अ5]न च निष्कास्य मानेन भजने भाण्डस्य छोरणम् /(Vin_10.110)

/ वलानिष्काशः /(Vin_10.111)

/ अवलम्बनस्य छोदनम् /(Vin_10.112)

/ अपतनधर्मणा तत्रोत्पाटनम् /(Vin_10.113)

/ संघेन तस्य प्रतिसंस्करणम् /(Vin_10.114)

/ संप्रदास्य /(Vin_10.115)

/ असंपत्तौ वैहारात् /(Vin_10.116)

/ न कलहकारकं निष्कास्यमानन् वारयेत् /(Vin_10.117)

/ अनिवृत्तौ कलेर् उपशान्त्यै प्रयत्नाद् उत्क्षेपः /(Vin_10.118)

/ विनिश्चयगते व्युपशमनेन /(Vin_10.119)

/ निःश्रिते निःश्रयः प्रय[56अ6]तेत् /(Vin_10.120)

/ निमित्तस्यापि कलेरुपसंहारिणोत्क्षेप्यता /(Vin_10.121)

/ संसृष्टविहारिणम् अपि भिक्षुणीभिर् उत्क्षिपेयुः /(Vin_10.122)

/ अवन्दनार्हसंवृतिम् अत्रोत्क्षिप्तस्य भिक्षुण्याष् कुर्युः /(Vin_10.123)

/ उद्भवो ऽन्यस्य प्रणिधिः निमित्ते तदर्थाभिसन्धिनान्य् अप्रकृतौ /(Vin_10.124)

/ अरूढिर् अन्यथात्वं परत्र /(Vin_10.125)

/ अनुत्थानम् उत्क्षेपे /(Vin_10.126)

/ स्थूलं ज्ञातमहापुण्यसूत्रविनयमातृकाधरबहुश्रुतपक्षम् अनिवाराणां [56ब्1] निर्दोषनागारिकभिक्ष्वादिपञ्चकावस्पण्डने ऽपि प्रतिसंहरणम् /(Vin_10.127)

/ नाक्रोश्येनावस्पण्डनम् /(Vin_10.128)

/ अनाशंक्यं स्वसाधारण्यम् /(Vin_10.129)

/ अनुपसंपत्कस्यैषां प्रव्रजिते कर्तव्यता /(Vin_10.130)

/ न गृहिणि /(Vin_10.131)

/ पात्रसस्वाख्यातारं प्रति भिक्षोर् अभूतेन पाराजैकेन /(Vin_10.132)

/ क्रोशकं परिभाषकं च निकुब्जयेरन् /(Vin_10.133)

/ व्यवस्थाकरणतः /(Vin_10.134)

/ प्रज्ञप्त्या /(Vin_10.135)

/ न निकुब्जितया तस्य [56ब्2] गृहान् गच्छेत् /(Vin_10.136)

/ नासनं परिभुञ्जीत /(Vin_10.137)

/ न प्रज्ञप्तान् देयधर्मं /(Vin_10.138)

/ न पिण्डपातं प्रतिगृह्णीतात् /(Vin_10.139)

/ न धर्मं देशयेत् /(Vin_10.140)

/ यत् कर्म करणं तद्गतानां निकुब्जितत्वम् /(Vin_10.141)

/ अनुत्तानम् अस्यास्वपक्षकुलं प्रत्योत्क्षिप्तकात् /(Vin_10.142)

/ तेतनमस्य केनचित् /(Vin_10.143)

/ क्षमिततत्य् उन्मज्जनं ज्ञपनेन /(Vin_10.144)

/ भवत्य् उत्थानम् अनुत्पन्नप्रतिच्छादचित्तस्यान्तिमातः /(Vin_10.145)

/ शिक्षाचरणेन /(Vin_10.146)

/ [56ब्3] तल्लभायाः संघतः /(Vin_10.147)

/ कर्मणा दानम् /(Vin_10.148)

/ यावज् जीव[म्] /(Vin_10.149)

/ शुद्धिर् एकस्य पुरतो देशनेन संघावशेषतो ह्रीमतः /(Vin_10.150)

/ सूत्रधरस्य विनयस्य मातृकायाः /(Vin_10.151)

/ ज्ञातस्य च /(Vin_10.152)

/ अशयतापत्तिव्युत्थानेन दण्डकर्मतः /(Vin_10.153)

/ निकायतो नामात्रापत्तेर् नाम /(Vin_10.154)

/ समुत्थानं गोत्रम् /(Vin_10.155)

// समाप्तं प्रतिक्रियावस्तु // 10 //

*vin_11, कालाकालसम्पातवस्तु /

**(vin_11,1) कालाकालसम्पातव्स्तु /

/ अप्रतीतत्वे संघावशेषान्तर्धाने [56ब्4] न्तास्थितप्रतिछादचित्तस्याशक्तवत्तायां कृतं ने वा किं* वा कीदृश्यं चेति स्मर्तुम् अनुपसंप कतोत्क्षिप्तयोश् चानुत्थानं प्रतिछादस्य /(Vin_11.1)

/ भ्रष्टस्यावहारिकसंज्ञतायाम् आपत्तेर् अस्यापराजयात्* /(Vin_11.2)

/ अप्रज्ञप्ततायां च /(Vin_11.3)

/ नाज्ञातत्वेन स्रद्धितत्वे वा /(Vin_11.4)

/ अनभिज्ञतासंज्ञिनो पि /(Vin_11.5)

/ भूम्यन्तरस्थितायां प्राचो पि /(Vin_11.6)

/ ज्ञानवत् प्रतिछादे विमतिः संघा[56ब्5]वशेषत्वं /(Vin_11.7)

/ आवरणस्यापि साभूति या प्रतिछादानुत्थानस्य /(Vin_11.8)

/ दुष्कृतम् अनादृत्यैः चरणोत्सर्गे /(Vin_11.9)

/ तनैकायिकाध्याचारे चात्र /(Vin_11.10)

/ संभवे चाप्रतिकृतौ /(Vin_11.11)

/ तदवस्थत्वं प्रत्यागतावचरणभूमेः /(Vin_11.12)

/ शोधिते वस्तुनि साषानुष्ठानम् अनिर्ज्ञाने प्रतिछादकालस्यासंव्य आनन्य् ऊनत्वस्य संश्रयणं /(Vin_11.13)

/ चरितव्यतायां शुद्धान्तिकत्वोत्तरस्य /(Vin_11.14)

/ चतु[56ब्6]रो मासां शुद्धान्तिकम् इति /(Vin_11.15)

/ अपरिमात्वस्याप्रतिछादे /(Vin_11.16)

/ संचिन्त्य शुक्रे विसृष्ट-समुत्थाम-परिमाणाम् इति /(Vin_11.17)

/ यावतीष्व् अभिप्रायस् तावत् कीमित्वम् अत्रात्रानुष्ठितेः /(Vin_11.18)

/ अपरिमान इत्य् अनिर्ज्ञाने स्य संश्रयसंबहुलाः परिमानवत्य इति प्राभूत्ये /(Vin_11.19)

/ अतिरिक्तेन कालानां /(Vin_11.20)

/ प्रभृतिमत्वेन नाम्नां /(Vin_11.21)

/ गुरुत्वतीव्राशयकृतत्वा[57अ1] //भ्याम् आदित्वेन /(Vin_11.22)

/ चरतो परप्राक्सम्पन्नप्रतिचिकीर्षोत्पत्तौ पृ[थ]ग्* दानम् एकं चरणं /(Vin_11.23)

/ नास्य प्रतिछन्नतायां मानास्ये संभवः /(Vin_11.24)

// [इति] कालाकालसंपातवस्तु // 1 //

**(vin_11,2) पृच्छागतम् /

/ नानन्त्ये न्से होरात्रस्य प्रतिछादोत्थानम्* /(Vin_11.25)

/ नाभावे ङ्गस्योद्भावनायात्मचित्ताना[ं] प्रतिछादः /(Vin_11.26)

/ अभावममत्यपक्रान्तिवशस्य /(Vin_11.27)

/ तदर्थवशतयापि कृतौ /(Vin_11.28)

/ विनार्थे[57अ2]न दुष्कृतम् /(Vin_11.29)

/ प्रात्कान्ह्यात् /(Vin_11.30)

/ अनुत्सृष्टत्वं प्रतिछादचित्तस्य तत्चित्ततानदोर्षमापत्तेः पराजितस्याप्रकृतौ /(Vin_11.31)

// कालाकालसंपातवस्तु पृच्छा // 11 //

*vin_12, भूम्यन्तरस्थचरणवस्तु /

**(vin_12,1) भूम्यन्तरस्थचरणवस्तु /

/ पारिवासिकमानास्यचारिभ्याम् अभिवादनवन्दन-प्रत्युत्थानांजलिसामीचीकर्मणां प्रकृतिस्थाद् भिक्षोर् अस्वीकरणं /(Vin_12.1)

/ यस्याभ्यामकरणम् इतरैर् अपि तत्र तद्गतस्य /(Vin_12.2)

/ यद् अपरिहाणिकातो न्यथानेन सार्द्धम् अचंक्र[57अ3]मणम् /(Vin_12.3)

/ नीचतरासनकत्वाद् अनिषादः /(Vin_12.4)

/ पश्चाच्छ्रमणात्मकतातष्कुलानुपसंक्रमणं /(Vin_12.5)

/ अकल्पनमेकछदने शय्यायाः /(Vin_12.6)

/ प्रव्राजनोपसंपादननिःश्रयदानश्रमणोद्देशोपस्थापनानाम् अकरणं /(Vin_12.7)

/ प्रज्ञप्तिवाचनयोश् चाप्रतीष्टः /(Vin_12.8)

/ कर्मकारकभिक्षुण्यववादकसंघवैश्वासिकसम्मतेः /(Vin_12.9)

/ अव्यापरण प्राक्सम्मतेनापि /(Vin_12.10)

/ अनवव[57अ4]दनञ् च भिक्षुणीनाम्* /(Vin_12.11)

/ अनुद्देशः पोषधे प्रातिमोक्षस्य सत्य् अन्यत्रोद्देष्टरि /(Vin_12.12)

/ अचोदनं विपत्त्या भिक्षोः /(Vin_12.13)

/ अनपसारितस्य संघात्* /(Vin_12.14)

/ अकरणं सवचनीयतासकीलत्वयोः /(Vin_12.15)

/ अस्थापनम् अववादपोषधप्रवारणाज्ञप्तिवाचनानां /(Vin_12.16)

/ असंप्रयोगो नेन /(Vin_12.17)

/ वर्जनं कृतदण्डनिमित्तस्य /(Vin_12.18)

/ अन्यस्य चापराधस्य /(Vin_12.19)

/ नापराध्यता सब्रह्मचारिषु /(Vin_12.20)

/ [57अ5] व्रतस्य निःसारः प्रवर्तितो भवतीति मनसिकरणं /(Vin_12.21)

/ काल्यम् उत्थाय द्वारमोक्षो दीपस्थालकोद्धरणविहारसेकसंमार्गसुकुमारिगोमयकार्ष्यानुप्रदानानि /(Vin_12.22)

/ धावनं प्रस्रावोच्चारकुट्याः /(Vin_12.23)

/ पोच्चन-मृतकालानुरूपपानीयोपस्थापनम्* /(Vin_12.24)

/ प्रणाडिकामुखानां धावनम्* /(Vin_12.25)

/ आसनं प्रज्ञपनम्* /(Vin_12.26)

/ कालं ज्ञात्वा धूपतत्कटच्छुकयोर् उपस्थपनम /(Vin_12.27)

/ [57अ6] प्रतिबलता वेच्छास्तुर्गुणासंकीर्तणं /(Vin_12.28)

/ न चेद् भाषणकाध्येषणं /(Vin_12.29)

/ उपन्वाहृते गण्डीदानम्* /(Vin_12.30)

/ धर्मश् चेद् भिक्षूणां वीजनम्* /(Vin_12.31)

/ अन्त्यत्वम् अस्य सर्वोपसंपन्नानाम् /(Vin_12.32)

/ कृते भक्तकृत्ये शयनासनस्य छन्ने गोपनम्* /(Vin_12.33)

/ पात्राधिष्ठानछोरणं* /(Vin_12.34)

/ कालं ज्ञात्वा स्तूपानां संमार्जनम्* /(Vin_12.35)

/ सुकुमारिगोमयकार्ष्यनुप्रदानं /(Vin_12.36)

/ सामग्रीवेलायां प्र[57ब्1]ज्ञपनाद्यागुणगतात्* /(Vin_12.37)

/ प्रतिबलता चेद् दिवसारोचनम्* /(Vin_12.38)

/ न चेद् अन्यस्य भिक्षोर् अध्येषणं /(Vin_12.39)

/ पादशोचनं भिक्षूणां चैकालिकं कालानुरूपेणाम्बुना /(Vin_12.40)

/ म्रक्षणञ् चानिच्छायां स्नेहोपसंहारः /(Vin_12.41)

/ विहारे ऽस्य प्रत्यन्ते र्हत्वं /(Vin_12.42)

/ अर्हत्वं सर्वत्र लाभे /(Vin_12.43)

/ प्रतिजाग्रियात् कुशलपक्षे /(Vin_12.44)

/ तद्वद् अत्र तत्प्रभावैषीयशिक्षादत्तकौ /(Vin_12.45)

[r om.] / naivoddeśaḥ / / avasāraṇena / / pūrvasya pra[57b2]kṛtigateḥ / / arhatvenottarasya / / prāg* dvāramokṣyād vihārādau ca paryuṣitavac caritapattau / / tathātaritapattau / / tathātarjitanigarhitaprathāsitapratisaṃkṛtotkṣiptāḥ / / naivoddeśaḥ / / varjanam evotkṣiptasyetaraiḥ / / anartatvañ ca tadātvanimittalābhe / / bhinnavat* / / tadvadbhinneṣv adharmapakṣyaḥ / / arūḍair aprakṛtistheṣu paripāsamānāpy aśikṣācaraṇānāṃ / [end of r om.]

/ असंघे च /(Vin_12.46)

/ [57ब्3] परिच्छिन्नेषु च तदाश्रमपदोपगेभ्यः /(Vin_12.47)

/ न बहुतां परिहरेत्* /(Vin_12.48)

/ स स्थविरप्रातिमोक्षतायै प्रयतेत /(Vin_12.49)

/ न यत्र्यान्ये त्रिःप्रभृतयः सर्वथा तदाख्यचरणास् तत्र तच्चरेत्* /(Vin_12.50)

/ नान्यत्र प्रथमावरणेणानुद्गमयेनां /(Vin_12.51)

/ वर्त्त्स्यत् वृत्तम् आरोचयेतां /(Vin_12.52)

/ संनिपाते संघस्य /(Vin_12.53)

/ प्रत्यहं न चेच् चिरं चरितव्यत्वं /(Vin_12.54)

/ अत्र त्रिचतुरैः /(Vin_12.55)

/ नैवानेनार्थेनावस्पण्डयेत्* /(Vin_12.56)

/ [57ब्4] कलहकारकागमनञ् च श्रुत्वा भयञ् चेदतः प्रतिनि[ः]सृजेतां संघसन्निधौ पुद्गले वा /(Vin_12.57)

/ अपगतौ भीतेर् आदानं तत्रैवं /(Vin_12.58)

/ भूम्यन्तरस्थचरणवस्तु // 1 //

**(vin_12,2) पृच्छागतम् /

/ छेदस् तदहोरात्रस्य प्रकृतिस्थेन सार्धम् एकछदने परिवासिकमानास्यचारिणोः शय्यायां बहि[ः]सीम्नि च /(Vin_12.59)

/ अनारोचने च /(Vin_12.60)

/ नासन्निधौ तत्सीम्नि श्राव्याणाम् अस्योत्थानं निर्दोषं तदहरा[57ब्5]गतौ सीमान्तरे गमनम्* /(Vin_12.61)

/ न परिवासिकेन सार्धम् एकछदने पारिवासिकः शयीत्* /(Vin_12.62)

/ न तीर्थ्युपनिवासस्थस्य तेन सार्धम् अत्र दोषः //(Vin_12.63)

// भूम्यन्तरस्थचरणवस्तुपृच्छा // 12

*vin_13. परिकर्मवस्तु

// नाप्रासिद्धिकस्य मूलत्वं /(Vin_13.1)

/ अरूढिर् अवसितप्रवारणोक्तौ प्रवारणास्थापनस्य /(Vin_13.2)

/ तथा ग्लानकर्तृकतायां /(Vin_13.3)

/ दूतेनापि /(Vin_13.4)

/ ग्लानगतायाञ् च /(Vin_13.5)

/ [57ब्6] नैतत् प्रतीच्छेयुः /(Vin_13.6)

/ आगमय त्वम् आयुष्मं ग्लानस् त्वम् अप्रयोज्यम इत्य् आयुस्मं भूतेति ग्लानो साव् अननुयोज्या इति प्रतिवदेयुः /(Vin_13.7)

/ अनवगतस्वरूपतायां कृतस्य कर्तुर् वा चोदनस्य /(Vin_13.8)

/ शिष्टे पि नाकाले प्रवर्तेत /(Vin_13.9)

/ नानुपस्थास्य स्मृतिसंप्रजन्ये /(Vin_13.10)

/ नानेकान्ते /(Vin_13.11)

/ नाकारितावकाशे /(Vin_13.12)

/ तत्वं प्रवारणस्य /(Vin_13.13)

/ अस्मृतौ स्मारणं [58अ1] /(Vin_13.14)

// अकरणेभ्यः वचनीयताम् अस्य कुर्यात्* /(Vin_13.15)

/ सवचनीयं त्व् आयुष्मन् करोमि न त्वं यो स्मादावासादनवलोक्य प्रक्रमितव्यम् अस्ति मे आयुष्मति प्रणिहितं वचनायेति /(Vin_13.16)

/ आगच्छत्य् एव दमनाथमन चोद्यतां /(Vin_13.17)

/ आलपनादेर् अस्य् अनुविनिवर्तनम्* /(Vin_13.18)

/ तथापि पोषधस्थापनं /(Vin_13.19)

/ ततो पि प्रवारणायाः /(Vin_13.20)

/ करणम् अस्यत्र स्थापकैः स्थापितस्य तेन [58अ2] सार्धम् उपसारणं /(Vin_13.21)

/ कृतत्वे वकाशस्यामृदुत्वं चेत् सकीलकरणं /(Vin_13.22)

/ वक्ष्याम्य् अत्रामुत्र वा वसे मुत्र वा वास्तुनि यत्र चेष्टम् इत्य् आरोप्य चामत्तिं* दर्शयित्वापराधम् उत्सृजनेन /(Vin_13.23)

/ शीलदृष्ट्या चाराजीव विपत्या सर्वस्यास्य चोदनादेः क्रियायां रुढिः समूलकं /(Vin_13.24)

/ न दुर्दूलेन कुर्यात्* /(Vin_13.25)

/ अकरणम् अत्र वस्तुनः सत्यत्वं /(Vin_13.26)

/ क्रियानिमित्तानां परसंलाप[58अ3]स्य सानुश्रावणस्येति त्रिविधं श्रुतं /(Vin_13.27)

/ अमूलत्वम् अस्रद्धितस्य /(Vin_13.28)

/ कामो नेकत्वे ज्ञातुश् चोदनादौ /(Vin_13.29)

/ नाप्रवारणे तत्स्थावनम्* /(Vin_13.30)

/ नापोषधे तस्य न कृतौ कृतत्वे वा स्त्रीत्वे स्थापकस्यै[क]तरस्य पुंस्त्वे स्थापितत्वं स्थापितता /(Vin_13.31)

/ न नष्टप्रकृतिना /(Vin_13.32)

/ नाशीलैक्येन /(Vin_13.33)

/ नानयोः /(Vin_13.34)

/ पारिकर्मणवस्तुपृच्छा // 13

*vin_14. कर्मभेदवस्तु

**(vin_14,1) कर्मभेदः

// न नानात्वाय संघस्य प्रभाविष्णुम् अका[58अ4]मं चोदयेद् उन्मोटयेद् वा चोदयत्वं /(Vin_14.1)

/ न यत्र प्रतिविरोधस् तेन सार्धम् अभिनमने समासीत /(Vin_14.2)

/ द्वित्रासनान्तरितम् अन्यत्र /(Vin_14.3)

/ एवम् इतरस् तेन /(Vin_14.4)

/ अन्तरितस्यानयोर् विहारस्य देयत्वं ग्राह्यता च /(Vin_14.5)

/ धर्मे विनये चैतद्वताम् अधर्मे चेद् अभिनिवेशो ज्ञात्वा संघसामग्रीन् न विद्यते /(Vin_14.6)

/ तस्मान् न तद् अन्यानां संभूय कृतौ कर्मणो रूढिन् न परस्परेणाव्यग्रत्वम्* /(Vin_14.7)

/ [58अ5] कलिपरायणत्व एषा तद्विपक्षस्य चावन्द्यत्वम् इदं धर्मभिः /(Vin_14.8)

/ प्रत्युत्थानासनोपनिमन्त्रणासंलपनालपनसंमोदनव्यवलोकनालोकनानाम् अप्य् अकरणं /(Vin_14.9)

/ लूहशयनासनानुप्रदानं हस्तसंव्यवहारकेन /(Vin_14.10)

/ वचनेनान्यत्र ससूतम् इत्य् अपरम्* /(Vin_14.11)

/ प्रत्यन्ते विहारस्य /(Vin_14.12)

/ मृद्धद्वा वयम् इति वदत्सु यूथम् अपि श्रमणाः शाक्यपुत्रिया स्म इत्य् आत्मानम्* [58अ6] प्रतिजानीध्वे /(Vin_14.13)

/ येषां चेदं वृत्तम् इयं वार्ता कारुणिको वः शास्ता येनैतद् अनुज्ञातम् एतद् अपि वो न प्रापद्यत इति प्रतिवदेयुर् अन्यत्र /(Vin_14.14)

/ न भिक्षुण्यासनमोक्षं हापयेत्* /(Vin_14.15)

/ ददीतोपासकपिण्डपातम् /(Vin_14.16)

/ नापि सारिताआम् एषां सामग्यस्य विना सामग्रीलाभेनोत्थापनं /(Vin_14.17)

/ न विना पोषधेन प्रकृतिस्थताप्राप्तिः /(Vin_14.18)

/ दत्वपिनं कुर्युः /(Vin_14.19)

/ कर्मणैतत्* /(Vin_14.20)

/ पूर्वं च /(Vin_14.21)

/ [58ब्1] कल्पते सामग्रीमङ्गलार्थमापदि पोषधः /(Vin_14.22)

/ तस्यैव चात्र कालस्य निमित्तत्वं /(Vin_14.23)

/ कर्मभेदवस्तु //

**(vin_14,2) पृच्छागतः /

/ कर्मणः कृतावधर्मवादिभिर् अन्तःसीम्नि पृथक् तद्भेदो तदचित्तेन /(Vin_14.24)

/ रूढिर् अस्मिन्* प्रतिस्वं कर्मणः /(Vin_14.25)

/ नास्वपक्षं प्रति /(Vin_14.26)

/ धर्मवादि कृतता संघस्य कृतत्वं /(Vin_14.27)

/ स्थलस्थैर् अत्र सन्नि चेद् भिक्षुणीनाम् अचोद्यत्वं /(Vin_14.28)

/ व्यग्रत्वम् एषां धर्मपक्षैः /(Vin_14.29)

/ ध्वन्सो नुविधौ त[58ब्2]त्त्वस्य /(Vin_14.30)

/ नैनं कुर्यात्* /(Vin_14.31)

/ अचोद्यत्वम्* पक्षापरपक्षव्यवस्थितस्य भिक्षुणीसंघस्य /(Vin_14.32)

/ नैनः भिन्नस्य /(Vin_14.33)

/ समग्र्य याचमानानां नियोज्यत्वं /(Vin_14.34)

/ धर्मत्रादिनि गामित्वं वार्षिकस्य /(Vin_14.35)

/ उभयसन्निपाते चाविभज्याप्रतिपातितस्य संघे वैभाज्यस्य /(Vin_14.36)

/ संघपरिमाणता चेत् तत्र तेषां /(Vin_14.37)

/ जनता चेतिर् एषाम् /(Vin_14.38)

/ तत् तता यदीयस्योत्संघे प्रतिपादनं [58ब्3] द्वयोश् चेद् उभयत्र /(Vin_14.39)

/ पुद्गलसो रांशित्वं न संघशः /(Vin_14.40)

/ कर्मभेदवस्तुगते पृच्छा माणविके // 14

*vin_15. चक्रभेदवस्तु /

/ ज्ञपनतो वा पृथग्भावस्य धर्मात् संघभेदः /(Vin_15.1)

/ शलाकाग्रहणतो वानेनार्थेन /(Vin_15.2)

/ अरूढिर् अस्यासंघपरिमाणत्वे भिद्यमानानाम् असत्वे चान्येषाम् अन्तःसीम्नि संघपरिसानानाम् अधर्मधर्मयोः तथात्वेन प्रत्यवगताव् आनन्तर्यं /(Vin_15.3)

/ धर्मसंज्ञि[58ब्4]नो पि भेदे /(Vin_15.4)

/ चक्रभेदवस्तु / 15

*vin_16. अधिकरणवस्तु

**(vin_16,1) अधिकरणम् /

/ चत्वारि संक्षोपकरणानि /(Vin_16.1)

/ पदार्थतथात्वे विप्रतिपत्तिर् वर्जनं सापत्तिका सामग्र्यदानं कर्माणि /(Vin_16.2)

/ प्रथमनिमित्तस्यैकोतीकरणेन व्युपशमनम्* /(Vin_16.3)

/ अनेन च शुद्धिदाने च द्वितीयनिमित्तस्य /(Vin_16.4)

/ त्रितीयनिमित्तस्य प्रतिकरणे निवारणनियुक्तत्वादानेन च /(Vin_16.5)

/ दापनेनान्त्यस्य /(Vin_16.6)

/ सभ्यै स्वयम् अशक्तौ विवदित्रोः संप्र[58ब्5]तिपादनम्* /(Vin_16.7)

/ भिक्षुभिर् अभिरुचितैः /(Vin_16.8)

/ तयोर् एकतः स्थलस्थानारोचनं /(Vin_16.9)

/ सम्मतिर् एषां संघेन साततिकानां /(Vin_16.10)

/ अनुत्द्योजिनष्कलहे त्र संमन्तव्यता /(Vin_16.11)

/ लज्जिनः शिक्षाकामस्य /(Vin_16.12)

/ सुविनिश्चितस्य विनये /(Vin_16.13)

/ कुशलस्याधिकरणवृत्ते ध्याचारे च /(Vin_16.14)

/ विनिविष्टस्य /(Vin_16.15)

/ धीर् अस्यासंरब्धय प्रस्थानस्य /(Vin_16.16)

/ समस्य /(Vin_16.17)

/ अवगन्तुः /(Vin_16.18)

/ प्रत्यायकस्य /(Vin_16.19)

/ [58ब्6] विदुषः /(Vin_16.20)

/ अनुपशमने तैः /(Vin_16.21)

/ संघे निक्षेपः /(Vin_16.22)

/ असक्तौ तेन व्यूढानां संमतिः /(Vin_16.23)

/ अनूनानां संघपरिमाणात्* /(Vin_16.24)

/ समन्तृत्वं वर्गस्य स्वतो सक्तौ व्यूढकेषु /(Vin_16.25)

/ अक्रिताव् उत्तरस्यासक्तौ यत आदानतन्त्रनिक्षेपः /(Vin_16.26)

/ प्रत्यागते मूलसंघे नाधिकरणसंचारकसंमतिः /(Vin_16.27)

/ तेन सस्थविरे सप्रातिमोक्षे न्यत्र संघ उपनिक्षेपः /(Vin_16.28)

/ [59अ1] // त्रिमास्यात् कालस्य दानं वृत्तारोचनपूर्वकं /(Vin_16.29)

/ अस्यैतत्* /(Vin_16.30)

/ प्रत्यर्पिते तेन सूत्रधरविनयधरमातृकधरेषु /(Vin_16.31)

/ षण्मास्याः /(Vin_16.32)

/ तैः प्रभाविते स्थविरे अपर्यन्तस्य /(Vin_16.33)

/ वर्जयेद् असौ ततः स्वीकरणं कस्यचित्* /(Vin_16.34)

/ ओषाटुकदन्तकाष्ठात्* /(Vin_16.35)

/ एकासननिषदनैकचंक्रमचंक्रमणालापसंलापाश् च /(Vin_16.36)

/ अनुपधूत इदं वदेत् तेषां च [59अ2] आयुष्मन्त अलाभानालाभादुर्लभो न सुलभा ये यूयं स्वाख्याते धर्मविनये प्रव्रज्या कलहजाता विहरत भण्डनजाता विकृहीता विवादम् आपन्नाम् आयुष्मन्तः कलहो मा भण्डनं विग्रहो मा विवादः // नास्ति द्वयोर् युध्यतो जय एकस्य जय एकस्य पराजयः / नास्ति द्वयोर् धावतो जय एकस्य जय एकस्य पराजय [59अ3] इति /(Vin_16.37)

/ बहुतरमतेन संस्थानम् इत्य् अपरः संप्रतिपादनप्रकारः /(Vin_16.38)

/ धर्मविनिश्चितावश्यसंभवो न वृत्तिविनिश्चितौ /(Vin_16.39)

/ विवदितृगतत्वात् तद्गतायाः प्रत्यवगतेः /(Vin_16.40)

/ खरमर्थिप्रत्यर्थिकैर् गृहीतत्वे प्रगाढम्* च व्याढत्वे तेषां भेदाशंकितायाम् अस्य संस्रयणं /(Vin_16.41)

/ असंवरणकरणीयेत्वे र्थस्य /(Vin_16.42)

/ परिक्षिप्तेषु स्थविरपर्यन्तेषु /(Vin_16.43)

/ मूलसंघेन /(Vin_16.44)

/ [59अ4] शलाकाग्रहणेनात्र मतस्य गृहीतव्यता /(Vin_16.45)

/ शलाकाचारकसंमतिः /(Vin_16.46)

/ शलाकानां तेनोपस्थापनं द्विप्रकाराणां /(Vin_16.47)

/ अजिह्मावंकाकुटिलसुवर्णसुगन्धस्पर्शवत्त्वे धर्मशला[का]स्व् इह रस्म विपर्ययः /(Vin_16.48)

/ सन्निपातायारोचनं : संघे सर्वैः सन्निपति[त]व्यं* / शलाकाश् चारयिष्यामीति /(Vin_16.49)

/ तथा चेद् अधर्मशलाकाधिक्यसंपत्तिं* [59अ5] मन्येत न छन्दानुप्रदानेन सामग्र्ये चारयेत /(Vin_16.50)

/ दक्षिणेन पाणिना धर्मशलाकानां चारणकाले ग्रहणं वामेनेतरासां /(Vin_16.51)

/ प्रतिछाद्यैनाश् पूर्वाः प्रकाशिकृत्योपयाचनम्* / स्थविरे यं धर्मशलाका अजिह्मा अवंका अकुटिल्[आ] सु[व]र्णा सुगन्धा सुखसंस्पर्शा गृहाणेति द्वयोर् वाचोर् इतरां मृगय तेन प्रयच्छेत्* /(Vin_16.52)

/ यथा धर्मोद्भवम्* [59अ6] मन्येत तथा चारयेच् छन्नम् वा वृतं वा /(Vin_16.53)

/ आयुस्मन्, उपाध्यायेन ते धर्मशलाका गृहीता आचार्येण समानोपाध्यायेन समानाचार्येणाल[प्त]केन न संलप्तकेन संस्तुतकेन सप्रेमकेन त्वम् अपि धर्मशलाकं गृहाण मात्रेतैः सार्धं विरुक्षणं भविष्यतीति वा कर्णमूले तन्तुनायं /(Vin_16.54)

/ नाप्तधर्मशलाकां गृह्णीयात्* /(Vin_16.55)

/ नापृष्ट्वा सूत्रधरविनय[59ब्1]धरमातृकधरान्* /(Vin_16.56)

/ न भेदोद्भवक्षान्त्या नाधर्म्यस्य न जानन्नयो भविष्यत्तां /(Vin_16.57)

/ समत्वे महाश्रा[व]कम् उद्देश्यैकधर्मशलाकाग्रहणं /(Vin_16.58)

/ नाधर्मेणाप्य् एवम् उपशान्तं खोटयेत /(Vin_16.59)

/ निरवद्यचोदनशुद्धिदानं /(Vin_16.60)

/ चतुर्धा तच्चोदनावस्तुकमन्यानुष्ठानवशात् प्रतिकृत्यनपेक्षणाद् उन्मत्तकृतेन च /(Vin_16.61)

/ त्रिष्व् आद्येषु स्मृतिविनयदानं /(Vin_16.62)

/ अमूढविनयस्यान्ते(Vin_16.63)

[59ब्2] त्रयः सापत्तिकत्वात् संक्षोभाः /(Vin_16.64)

/ निर्विक्रियसविक्रियश् च द्विप्रकारः प्रादेशिकः सकलसंघगतश् च /(Vin_16.65)

/ पक्षापरपक्षव्यवस्थानेन /(Vin_16.66)

/ प्रथमतः प्रतिकरणं प्रतिज्ञाकारकः /(Vin_16.67)

/ संमुखविनयो द्वितीयस्मात्* /(Vin_16.68)

/ तृतीयस्मात् तृणप्रस्तारकः /(Vin_16.69)

/ बहूनाम् अर्थे त्रासंघे देश्यानाम् एकेन प्रतिकरणं /(Vin_16.70)

/ सह चानेकासां /(Vin_16.71)

/ याम् इति चोलिङ्गन[59ब्3]तो ज्ञानोद्भासनेन /(Vin_16.72)

/ पक्षान्तरे च समेते /(Vin_16.73)

/ नाप्रतिज्ञातस्य वृथा वा प्रतिदेशनायारूढिः /(Vin_16.74)

/ कल्पते सह्येन चोद्यत्वं /(Vin_16.75)

/ तथा चोदकत्वं /(Vin_16.76)

/ अनियमो ऽत्र संख्याविशेषाणां /(Vin_16.77)

/ सम्वृतत्वं कायवाग्भ्यां पिटकानां वेतृत्वमदीयत्वम्* /(Vin_16.78)

/ विपर्ययतो धर्मविनयतद्विपर्ययाणां संघमध्ये संचिन्त्येति त्रिकान्वितं चोदकम् आदृयेरन् /(Vin_16.79)

/ उन्मोटनं दुः[59ब्4]शीलविपर्य[य]दीपिनोः /(Vin_16.80)

/ संज्ञपनम संज्ञपनमरेन्तः पिटकानां धारयितुरन् एवंविधस्य समनुयुञ्जीरन्न् एनं भावः प्रतिबोधाय स्थानस्थापनेन /(Vin_16.81)

/ कालदेशेर्यापथानुआनानि स्थानम्* /(Vin_16.82)

/ अरूढिस्थानान्तरसंचारे कालष्योपसंपत्तौ च चोदनस्य /(Vin_16.83)

/ प्रतिज्ञानं चोदितेन निष्ठा दृष्टसत्यत्वे प्रकृष्टतरत्वे च गुणतो न्यस्य चतुष्प्रमाणीकरणं गृहिणो पि /(Vin_16.84)

/ संवा[59ब्5]दनं सात्यत्वे /(Vin_16.85)

/ न संदिग्धतायापत्तौ ज्ञातत्वम् /(Vin_16.86)

/ प्रतिज्ञानवद् अतो निश्चयः /(Vin_16.87)

/ अप्रत्यवगतिर् अवज्ञानम्* /(Vin_16.88)

/ प्रतिज्ञाप संघे वजानता निर्धारणनियोगदानम्* /(Vin_16.89)

/ तत्स्वभावैषततत्वाद् अस्य तत्प्रभावैषियत्वं /(Vin_16.90)

/ प्रणिधिकर्मरूपेणास्य केश् चिद् आम्नानम् /(Vin_16.91)

/ असाधु तन् सूत्रविरोधात्* /(Vin_16.92)

/ अनिष्टेस्वव्युपशमथेनापवर्गीकरणस्य /(Vin_16.93)

/ तज्जनीयादीना[59ब्6]म् एतत्त्वेनाव्यवस्थापनात्* /(Vin_16.94)

/ प्रतिपतो स्यैतद् अवज्ञानम् इति च प्रत्यवगतावदर्शकत्वप्रतीतायाजातत्वभावात्* /(Vin_16.95)

/ न व्युपशमार्थमौत्सुक्यं नापद्येरन्* /(Vin_16.96)

/ [इति] अधिकरणवस्तु // 1

**(vin_16,2) पृच्छागतम् /

/ सर्वशमथानां कृत्याधिकरणे वतारः /(Vin_16.97)

/ नानर्हस्य पूरणे संघव्यवहृतौ सभ्यत्वं /(Vin_16.98)

/ सोपसंपत्कानाम् ऐतरेधिकारः /(Vin_16.99)

/ अर्हत्वं पुंसां स्त्रैणे /(Vin_16.100)

/ व्युपशा[60अ1] //न्तत्वं च्युतौ जीविताद् उपसंपदो वा /(Vin_16.101)

/ वर्जता-पत्तावान्यपक्ष्यतात्* /(Vin_16.102)

/ प्रक्रान्ताव् अन्येन दीर्घरोगजातस्य स्पृष्टौ वा /(Vin_16.103)

/ अर्थादायिनो भियुक्तस्य वा /(Vin_16.104)

/ अधिकरणवस्तुपृच्छा // 2 // समाप्तञ् चाधिकरणवस्तु // 16

*vin_17. शयनासनवस्तु /

**(vin_17,1) शयनासनवस्तु /

**(vin_17,1,1) वन्द्याः /

/ परः प्रातिमोक्षसंवरेण प्रव्रजितस्य वन्द्यः /(Vin_17.1)

/ समानश् च वृद्धः /(Vin_17.2)

/ अनन्यव्यंजनः /(Vin_17.3)

/ पुमांश् चाहीन [स्त्रि]याः /(Vin_17.4)

/ भूम्यन्त[60अ2]रस्थध्वस्तभिक्षुणीदूषकाधर्मपक्ष्यनानासंवासिकानन्तर्यच्छ्[अ]यितसमापन्नव्यग्रान्यचित्तस्यष्ठाभिमुखान्तर्गृहभक्ताग्रस्थवर्जम् /(Vin_17.5)

/ आगारिकस्य प्रव्रजितः /(Vin_17.6)

/ बुद्धः सर्वस्य /(Vin_17.7)

**(vin_17,1,2) विहारकरणम् /

/ कुर्वीत्* विहारम्* /(Vin_17.8)

/ एकस्य गन्धकुटेर् मध्ये पक्षस्य कर्तव्यता /(Vin_17.9)

/ तदभिमुखं द्वारकोष्ठकस्य /(Vin_17.10)

/ चतुरस्रस्य साधुत्वं /(Vin_17.11)

/ त्रिशालस्य च /(Vin_17.12)

/ प्रतिगृह्णीत्*[.. .. /(Vin_17.13)

/] वसेद् विहारे(Vin_17.14)

[60अ3] अनुजानियुर् अन्येषां सांघिके वस्तुनि संघाय पुद्गलाय वा भिक्षवे वासवस्तु(न)करणं /(Vin_17.15)

/ संश्चेद् दानपतिर् अनुज्ञातेन /(Vin_17.16)

/ कल्पन्ते प्रतिक्रमणकबहिरन्तर्वा नगरस्य /(Vin_17.17)

/ व्यवध्यर्थ भित्तिकरणेन स्वरूपे संरागप्रत्ययं विहन्युः /(Vin_17.18)

/ अंजलिपूरणिकया पायनेन मातृग्रामम् अनुग्[ऋ]ह्णीत नाच्छिन्नधारादानेन /(Vin_17.19)

/ अर्हस्तु काल[त्]व्[ए] न्तर्वर्षम् आ[60अ4]गतो लाभे /(Vin_17.20)

/ बहुतरत्वं वर्षाकालस्य तल्लाभकालः /(Vin_17.21)

/ न कर्मण्यलाभो भोक्ता /(Vin_17.22)