सर्वतथागततत्त्वसंग्रह

मुद्र अथात्र कर्ममण्डले समाकर्षणादिकर्म कृत्वा, यथावद् वज्रधारिकर्मसमयमुद्रां बध्वैवं वदेत् ["न त्वया कस्यचिददृष्टदेवकुलस्या]ज्ञातकर्मस्येदं गुह्यकर्म वक्तव्यं, मा ते समयो व्यथेद्!" इति उक्त्वा, वज्राचार्यः स्वकर्मवज्रधारिसमयमुद्रां बन्धयेत्; क्रोधदृष्ट्या निरीक्षन्निदमुत्तारयेत् ओं वज्रधार्यावेशय प्रवेशय नृत्यापय सर्वकर्मसिद्धिं प्रयच्छ हुं अ हूं अ ल ल ल ल वज्रि //

ततः स्वयमाविश्य प्रविशेति, मुद्राप्रतिमुद्राभिर्नृत्योपहारपूजां करोति / ततः प्रभृति सर्वकर्माणि कायवाग्दृष्टिमनोवज्रमुद्राभिरीप्सितेन करोति /

ततो मुखबन्धं मुक्त्वा, नृत्योपहारमुद्राज्ञानं शिक्षयेत् /

बुद्धवज्रधरादीनां स्मयाग्र्यो द्विधीकृताः / वज्रलास्यादिपूजां तु वज्रविद्योत्तमस्य वै // 1 //

सर्वासां चैव विद्यानां यथावदनुपूर्वशः / नृत्योपहारपूजाभिः पूजयेत्कर्ममण्डलं // 2 //

वज्रनृत्यप्रयोगेण महामुद्रास्तु संक्षिपेत् / समयाग्र्य द्विधीकृत्य प्रतिमुद्राभिमोक्षयेत् // 3 //

आभिर्नृत्योपहारेण पूजयं सर्वनायकान् / महावज्रधरादिश्च कर्मसिद्धि भवेद् ध्रुवम् // 4 // इति //

सर्वतथागतवज्रसमयान्महाकल्पराजात् सर्ववज्रकुलकर्ममण्डलविधिविस्तरः परिसमाप्तः //

chapter 15 epilogue of the sarva-tathagata-vajra-samaya nama maha-kalpa-raja

अथ वज्रपाणिः सर्ववज्रकुलान् सर्वसत्त्वार्थं [स्थित्वा] यावन् सन्नियोज्यावैवर्तिकभूमौ प्रतिष्ठाप्य, जानन्नेव भगवन्तमेतदभाषत् / "अहं भगवद्भिः सर्वतथागतैस्तव गुह्यधारित्वे ऽभिषिक्तः / [यदा]ज्ञापयस्व किन्तत् तथागतगुह्यम्!" इति //

अथ भगवान् सर्वतथागतगुह्यवज्रं नाम समाधिं समापद्येदं [सर्वतथागतगुह्यमभाषत् /

यथा यथा हि विनयाः सर्वसत्वाः] स्वभावतः / तथा तथा हि सत्वार्थं कुर्याद्रागादिभिः शुचिः //

अथ वज्रपाणिरिदं स्वगुह्यतामभाषत् /

[सर्वसत्वहितार्थाय बुद्धशासनहेतुतः /] मारयेत्सर्वसत्वास्तु न स पापेन लिप्यते //

अथ वज्रगर्भो बोधिसत्व इदं स्वमणिगुह्यमभाषत् /

सर्वसत्वहिता[र्थाय बुद्धकायप्र]योगतः //

हरस्तु सर्वचिन्तानि न स पापेन लिप्यते //

अथ वज्रनेत्रो बोधिसत्व इदं स्वधर्मगुह्यमभाषत् /

रागशुद्धः सुखा[समः जिनगोचरदानतः /] सहाय परदारा निषेवे स पुण्यमाप्नुते //

अथ वज्रविश्वो बोधिसत्व इदं स्वकर्मगुह्यमभाषत् /

सर्वसत्वहितार्थाय बुद्धशासनहेतुतः / सर्वकर्माणि कुर्वन् वं स बहुपुण्यमाप्नुते // इति //

अथ भगवान् वैरोचनस्तथागतो भगवते गुह्यधारि[णे वज्र]धराय साधुकारैरभिष्टवेत् //

साधु ते वज्रसत्वाय वज्ररत्नाय साधु ते / वज्रधर्माय ते साधु साधु ते वज्रकर्मणे //

सुभाषितमिदं सूत्रं वज्रयानमनुत्तरम् / सर्वतथागतं गुह्यं महायानाभिसंग्रहम् // इति //

सर्वतथागतत्वसंग्रहात् सर्वतथागतवज्रसमयो नाम महाकल्पराजः परिसमाप्तः //

chapter 16 sakala-jagad-vinaya-maha-mandala-vidhi-vistara hymn of 108 names of avalokitesvara

अथ सर्वतथागताः पुनः समाजमागम्य, [तमेव वज्रधरं] भगवन्तं सर्वधर्मेश्वरमवलोकितेश्वरमनेन नामाष्टशतेनाध्येषितवन्तः /

पद्मसत्व महापद्म लोकेश्वर महेश्वर / अवलोकितेश धीराग्र्य वज्रधर्म नमो ऽस्तु ते // 1 //

धर्मराज महाशुद्ध सत्वराज महामते / पद्मात्मक महापद्म पद्मनाथ नमो ऽस्तु ते // 2 //

पद्मो[द्भव] सुपद्माभ पद्मशुद्ध सुशोधक / वज्रपद्म सुपद्माङ्ग पद्मपद्म नमो ऽस्तु ते // 3 //

महाविश्व महालोक महाकार्य महोपम / महाधीर महावीर महाशौरे नमो ऽस्तु ते // 4 //

सत्वाशय महायान महायोग पितामह / शम्भु शङ्कर शुद्धार्थ बुद्धपद्म नमो ऽस्तु ते // 5 //

धर्मतत्वार्थ सद्धर्म शुद्धधर्म सुधर्मकृत् / महाधर्म सुधर्माग्र्य धर्मचक्र नमो ऽस्तु ते // 6 //

बुद्धसत्व सुसत्वाग्र्य धर्मसत्व सुसत्वधृक् / सत्वोत्तम सुसत्वज्ञ सत्वसत्व नमो ऽस्तु ते // 7 //

अवलोकितेश नाथाग्र्य महानाथ विलोकित / आलोकलोक लोकार्थ लोकनाथ नमो ऽस्तु ते // 8 //

लोकाक्षराक्षरमहा अक्षराग्र्याक्षरोपम / अक्षराक्षर सर्वाक्ष चक्राक्षर नमो ऽस्तु ते // 9 //

पद्महस्त महाहस्त समाश्वासक दायक / बुद्धधर्म महाबुद्ध बुद्धात्मक नमो ऽस्तु ते // 10 //

बुद्धरूप महारूप वज्ररूप सुरूपवित् / धर्मालोक सुतेजाग्र्य लोकालोक नमो ऽस्तु ते // 11 //

पद्मश्रीनाथ नाथाग्र धर्मश्रीनाथ नाथवान् / ब्रह्मनाथ महाब्रह्म ब्रह्मपुत्र नमो ऽस्तु ते // 12 //

दीप दीपाग्र्य दी[पोग्र दीपा]लोक सुदीपक / दीपनाथ महादीप बुद्धदीप नमो ऽस्तु ते // 13 //

बुद्धाभिषिक्त बुद्धाग्र्य बुद्धपुत्र महाबुध / बुद्धाभिषेक मूर्धाग्र्य बुद्धबुद्ध [नमो ऽस्तु] ते // 14 //

बुद्धचक्षोर्महाचक्षोर्धर्मचक्षोर्महेक्षण / समाधिज्ञान सर्वस्व वज्रनेत्र नमो ऽस्तु ते // 15 //

यैवं सर्वात्मना गौणं नाम्नामष्टशतं तव / भावयेत्स्तुनुयाद् वापि लोकैश्वर्यमवाप्नुयात् // 16 //

अध्येषयाम त्वां वीर प्रकाशय महामुने / स्वकं तु कुलमुत्पाद्य धर्ममण्डलमुत्तमम् // 17 // इति //

अथार्यावलोकितेश्वरो बोधिसत्वो महासत्वः सर्वतथागताध्येषणवचनमुपश्रुत्य, येन भगवांच्छाक्यमुनिस्तथागतः तेनाभिमुखं स्थित्वा, तद्वज्रपद्मं स्वहृदि प्रतिष्ठाप्येदमुदानमुदानयामास /

अहो हि परमं शुद्धं वज्रपद्ममिदं मम / पिताहमस्य च सुतो ऽधितिष्ठ कुलं त्विदम् // इति //

emanation of the deities from samadhi

अथ भगवान् वैरोचनस्तथागतः सर्वतथागतवज्रधर्मसमयसंभवाधिष्ठानपद्मन्नाम समाधिं समापद्येदं सर्वतथागतधर्मसमयं नाम सर्वतथागतहृदयं स्वहृदयान्निश्चचार ह्रीः //

अथास्मिन् विनिःसृतमात्रे सर्वतथागतहृदयेभ्यः पद्माकारा अनेकवर्णरूपलिङ्गेर्यपथा रश्मयो विनिःसृत्य, सर्वलोकधातुषु रागादीनि विशुद्धधर्मताज्ञानानि संशोध्य, पुनरप्यागत्यार्यावलोकितेश्वरस्य हृदये प्रविष्टा इति //

अथ भगवान् सर्वतथागतधर्मसमयन्नाम स्वविद्योत्तममभाषत् ओं वज्रपद्मोत्तम ह्रीः //

अथ वज्रपाणिर्महाबोधिसत्व इदं स्वविद्योत्तममभाषत् ओं वज्र हुं फट् //

अथ वज्रगर्भो बोधिसत्व इदं स्वविद्योत्तममभाषत् ओं वज्ररत्नोत्तम त्रः //

अथ वज्रनेत्रो बोधिसत्व इदं स्वविद्योत्तममभाषत् ओं वज्रविद्योत्तम ह्रीः //

अथ वज्रविश्वो बोधिसत्व इदं स्वविद्योत्तममभाषत् ओं वज्रविश्वोत्तम अः //

अथ खल्ववलोकितेश्वरो बोधिसत्वो महासत्वः सर्वरूपसंदर्शनं नाम समाधिं समापद्येदं सर्वजगद्विनयसमयन्नाम स्वहृदयमभाषत् ओं हुं ह्रीः होः //

अथास्मिन् भाषितमात्रे आर्यावलोकितेश्वरहृदयात् स एव भगवां वज्रधरः आर्यावलोकितेश्वररूपधारिणः पद्मप्रतिष्ठाः पद्ममुद्राचिन्हधारिविचित्रवर्णरूपवेषालङ्काराः तथागतादिसर्वसत्वमूर्तिधारा महाबोधिसत्वविग्रहा भूत्वा विनिःसृत्य, सर्वलोकधातुषु सर्वसत्वानां यथा वैनेयतया स्वरूपाणि सन्दर्श्याशेषानवशेषसत्वधातुविनयं कृत्वा, पुनरप्यागत्य, वज्रधातुमहामण्डलयोगेन भगवतः शाक्यमुनेस्तथागतस्य सर्वतश्चन्द्रमण्डलाश्रिता भूत्वेदमुदानमुदानयिंसुः /

अहो हि सर्वबुद्धानामुपायः करुणात्मनां / यत्र ह्यु पायविनयाद् देवा अपि भवन्ति हि //

delineation of the mandala

अथ भगवानवलोकितेश्वरो बोधिसत्वो महासत्वः स्वकुलमुत्पाद्य, सर्वतथागतेभ्य सर्वसत्वाभयार्थप्राप्त्युत्तमसिद्धिवज्रधर्मताज्ञानाभिज्ञावाप्तिफलहेतोर्निर्या[त्य, सर्वजग]द्विनयं नाम महामण्डलमभाषत् /

अथातः संप्रवक्ष्यामि महामण्डलमुत्तमम् / वज्रधातुप्रतीकाशं जगद्विनयं संज्ञितं // 1 //

चतु[रश्रं] चतुर्द्वारं चतुस्तोरणशोभितं / चतुःसूत्रसमायुक्तं पट्टस्रग्दामभूषितं // 2 //

सर्वमण्डलकोणेषु द्वारनिर्यूहसन्धिषु / खचितं वज्ररत्नैस्तु सूत्रयेद्बाह्यमण्डलं // 3 //

तस्याभ्यन्तरतः सूत्रं चतुरश्रं परिक्षिपेत् / द्वितीयं द्वारकोणं तु पद्माकारं प्रकल्पयेत् // 4 //

अष्टस्तम्भप्रयोगेण पद्ममष्टदलं लिखेत् / तस्य केसरमध्ये तु बुद्धबिम्बन्निवेशयेत् // 5 //

तत्रेदं बुद्धप्रवेशहृदयं भवति बुद्ध हूं //

बुद्धस्य सर्वतो लेख्याः पद्ममध्ये प्रतिष्ठा / वज्रं रत्नं तथा पद्मं विश्वपद्मं तथैव च //

तत्रैषां हृदयानि भवन्ति / ओं //

हुः //

धीः //

कृः //

वज्रवेगेन निष्क्रम्य जगद्विनयमण्डलं / तत्र लोकेश्वरः कार्यः सर्वरूपान्समुत्सृजन् // 1 //

तस्य पार्श्वेषु सर्वेषु वज्रगर्वादियोगतः / बुद्धादयो महासत्वां पद्मचिन्हधरां लिखेत् // 2 //

तत्रैषां हृदयानि भवन्ति / आः //

ओं तथागतधर्म हूं / ओं वज्रपद्माङ्कुश कोशधर वज्रसत्व हूं फट् //

ओं मारय मारय पद्मकुसुमायुधधरामोघशर होः //

ओं पद्मसंभव पद्महस्त साधु हूं / वज्रवेगेन चाक्रम्य द्वितीयं मण्डलन्तथा / तत्र मध्ये समालेख्यं जटामध्ये तथागतं // 1 // तस्य पार्श्वेषु सर्वेषु भृकुट्यादिप्रयोगतः / पद्मचिन्हधरा लेख्य यथावदनुपूर्वशः // 2 //

तत्रैषां हृदयानि भवन्ति / हूं //

ओं पद्मभृकुटि त्रः //

ओं पद्मसूर्य ज्वल हूं //

ओं पद्ममणि केतुधर चन्द्र प्रल्हादयावलोकितेश्वर देहि मे सर्वार्थान् शीघ्रं समय हूं //

ओं पद्माट्टहासैकदशमुख हः हः हः हः हूं //

वज्रवेगेन चाक्रम्य तृतीयं मण्डलन्तथा / समापन्नं महासत्वं लिखेत् पद्मप्रतिष्ठितम् // 1 //

तस्य पार्श्वेषु सर्वेषु यथावदनुपूर्वशः / पद्मालोकादियोगेन महासत्वान् निर्वेशयेत् // 2 //

तत्रैषां हृदयानि भवन्ति / ध //

ओं तारा पद्मवलोकय मां समयसत्व हूं //

ओं पद्मकुमार पद्मशक्तिधर खङ्गेन च्छिन्द च्छिन्द हूं फट् //

ओं पद्म नीलकण्ठ शंखचक्रगदापद्मपाणि व्याघ्रचर्मनिवसन् कृष्णसर्पकृतयज्ञोपवीताजिनचर्मवामस्कन्धोत्तरीय नारायण[रूपध]र त्रिनेत्र मुंचाट्टहासं प्रवेशय समयान् देहि मे सिद्धिमवलोकितेश्वर हूं //

ओं ब्रह्म पद्मसंभव जप जप पद्मभाष हूं //

वज्रवेगेन चाक्रम्य चतुर्थमण्डलं तथा / तत्र पद्मं चतुर्वक्त्रं पद्मशूलधरं लिखेत् // 1 //

तस्य पार्श्वेषु सर्वेषु वज्रनृत्यादियोगतः / पद्मचिन्हधरा लेख्या महासत्वा यथाविधि // 2 //

तत्रैषां हृदयानि भवन्ति / त्रीः //

ओं पद्मनट्टेश्वर नट्ट नट्ट पूजय सर्वतथागतान् वज्रकर्मसमयाकर्षय प्रवेशय बन्धयावेशय सर्वकर्मसिद्धिं मे प्रयच्छावलोकितेश्वर हूं //

ओं अभयंददावलोकितेश्वर रक्ष बन्ध पद्मकवचं समय हं //

ओं महाप्रचण्ड विश्वरूप विकटपद्मदंष्ट्राकराल भीषणवक्त्र त्रासय सर्वान् पद्मयक्ष खाद खाद धिक् धिक् धिक् धिक् //

ओं पद्ममुष्टि समय[स्त्व] बन्ध हूं फट् //

वज्रवेगेन चाक्रम्य सर्वकोणेषु संलिखेत् / वज्रलास्यादियोगेन पद्मलास्यादिदेवताः //

तत्रैता मुद्रा भवन्ति / ओं पद्मलास्ये रागय महादेवि रागपूजासमये हूं //

ओं पद्ममाले ऽभिषिञ्चाभिषेकपूजासमये हूं //

ओं पद्मगीते गाद गीतपूजासमये हूं //

ओं पद्मनृत्ये नृत्य सर्वपूजाप्रवर्तनसमये हूं //

वज्रवेगेन निःक्रम्य बाह्यमण्डलसन्निधौ / चतस्रः पद्मधूपाद्याः पूजादेव्यः समालिखेत् //

तत्रैताः पूजामुद्रा भवन्ति / ओं पद्मधूपपूजासमये प्रल्हादय पद्मकूलदयिते महागणि पद्मरति हूं //

ओं पद्मपुष्पपूजासमये पद्मवासिनि महाश्रिये पद्मकुलप्रतीहारि सर्वार्थान् साधय हूं //

ओं पद्मदीपूजासमये पद्मकुलसुन्दरि महादूत्यालोक संजनय पद्मसरस्वति हूं //

ओं पद्मगन्धपूजासमये महापद्मकुलचेटि कुरु सर्वकर्माणि मे पद्मसिद्धि हूं //

ततो गणादयः सर्वे पद्मद्वारचतुष्टये / समालेख्या यथावत्तु तेषां च हृदयार्थत // इति //

तत्रेषां हृदयानि भवन्ति / ओं हयग्रीव महापद्माङ्कुशाकर्षय शीघ्रं सर्वपद्मकुलसमयान् पद्माङ्कुशधर हूं ज्जः //

ओं अमोघपद्मपाश क्रोधाकर्षय प्रवेशय महापशुपतियमवरूणकुबेरब्रह्मवेषधर पद्मकुल समयान् हूं हूं //

ओं पद्मस्फोट बन्ध सर्वपद्मकुलसमयान् शीघ्रं हूं वं //

ओं षड्मुख सनत्कुमारवेषधर पद्मघण्टयावेशय सर्वपद्मकुलसमयान् सर्वमुद्रां बन्धय सर्वसिद्धयो मे प्रयच्छ पद्मावेश अः अः अः अः अः //

initiation into the mandala

अथात्र सर्वजगद्विनयपद्ममण्डलविधिविस्तरो भवति / तत्रादित एव पद्माचार्यो वज्रपद्मसमयमुद्रां बध्वा यथावत्प्रविश्य, वज्रधातुमहामण्डलयोगेन कर्म कुर्यादिमैर्हृदयैः ओं पद्मस्फोटाधितिष्ठ अः //

ततस्तथैवाज्ञामाज्य, तथैव समयमुद्रया स्वयमभिषिच्य, पद्मविग्रहं गृह्य, स्वपद्मनामोच्चार्य, पद्माङ्कुशादिभिश्च कर्म कृत्वा, ततस्ताभिरेव धर्ममुद्राभिर्महासत्वां साधयेत् / ततस्तथैव सिद्धिरिति //

ततः पद्मशिष्यान् प्रवेशयेत् / तत्रादितः पद्मशिष्याय शपथहृदयं दद्यात् / "पद्मसत्वः स्वयन्ते ऽद्य इति कर्तव्यम्" /

ततो [आज्ञाप]यात् / "न कस्यचित्त्वयेदं गुह्यविधिविस्तरमाख्येयं; मा ते नरकपतनं भवेत्, विषमापरिहारेण च कालक्रिये" ति //

ततः समय[मुद्रां बन्धये]द् अनेन हृदयेन ओं वज्रपद्मसमयस्त्वं //

ततः श्वेतवस्त्रोत्तरीयः श्वेतरक्तकेन मुखं वध्वा प्रवेशयेदनेन हृदयेन ओं पद्मसमय हूं //

ततो यथावत्कर्म कृत्वा, पद्मविग्रहं पाणौ दातव्यं ओं पद्महस्त वज्रधर्मतां पालय // तेन वक्तव्यं "कीदृशीमा वज्रधर्मते-" ति / ततो वक्तव्यं /

यथा रक्तमिदं पद्मं गोत्रदोषैर्न लिप्यते / भावयेत् सर्वशुद्धिं तु तथा पापैर्न लिप्यते //

इयमत्र धर्मता //

मुद्र

ततः पद्मकुलमुद्राज्ञानं शिक्षयेत् /

पद्मं तु हृदये लिख्ये पद्मभावनया हृदि / पद्मश्रियं वशीकुर्यात् किं पुनः स्त्रीजनो ऽवरः // 1 //

बुद्धबिम्बं ललाटे तु लिख्याभीक्ष्णं तु भावयेत् / तया भावनया शीघ्रमभिषेकमवाप्नुते // 2 //

बुद्धबिम्बं मुखे विध्वाजिव्हायां तु प्रभावयेत् / स्वयं सरस्वती देवी मुखे तिष्ठत्यभीक्ष्णशः // 3 //

पद्ममुष्णीषमध्ये तु स्थापयित्वा समाहितः / भावयन् पद्ममुष्णीषे खेगामी स वशन्नयेद् // इति // 4 //

तत्रैतानि हृदयानि भवन्ति / पद्मश्रियं वशमानय होः //

पद्माभिषेकं प्रयच्छ वम् //

पद्मसरस्वती शोधय हूं //

पद्मोर्ध्वगान् वशीकुरु ज्जः //

इमानि पद्मकुलमुद्राज्ञानानि //

कुड्ये वाप्यथ वाकाशे भावयन् पद्ममुत्तमं / अनया सर्वसत्वानां वशिकरणमुत्तमम् // 1 //

आकाशे वान्यदेशे वा भावयन् पद्ममुत्तमं / यदा पश्येत् तदा गृह्णेद् रुच्यानदृश्यतां व्रजेत् // 2 //

कुड्ये वाप्यथ वाकाशे विश्वपद्मं समाधयेत् / पश्यं गृण्हेद्यथा तं तु विश्वरूपी तदा भवेत् // 3 //

आकाशे वान्यदेशे वा वज्रपद्मं तु भावयेत् / तं तु गृह्णं क्षणाच्चैव पद्मविद्याधरो भवेत् // 4 //

तत्रैषां हृदयानि भवन्ति / ओं सर्वजगद्वशिता ज्ञानपद्माविश अः //

ओं ज्ञानपद्म तिष्ठादृश्यं कुरु वं //

ओं समाधि विश्वपद्म तिष्ठ वैश्वरूप्यं दर्शय भगवन् ढः / ओं समाधि वज्रपद्म तिष्ठोत्तिष्ठ शीघ्रं ह्रीः //

लोकेश्वरं समालिख्य मण्डलादिषु सर्वतः / पुरस्तस्य समाकर्षेत् हयग्रीवाग्र्यमुद्रया // 1 //

लोकेश्वरं समालिख्य मण्डलादिषु तस्य वै / अमोघपाशमुद्रया वशीकुर्याज्जगत्स तु // 2 //

लोकेश्वरं समालिख्य मण्डलादिषु सर्वतः / पुरस्तस्य बन्धनीयात् पद्मस्फोटाग्रमुद्रया // 3 //

लोकेश्वरं समालिख्य मण्डलादिषु तस्य वै / पुरतः पद्मघण्टया सर्वावेशनमुत्तमम् // इति // 4 //

तत्रैषां हृदयानि भवन्ति / ओं पदमाङ्कुशाकर्षय सर्वमहासत्वान् हूं जः //

ओं अमोघपाश क्रोध हूं होः //

ओं पद्मस्फोट वं //

ओं पद्मघण्टावेशय सर्वं अः //

चतुःपद्ममुखं सत्वं भावयेत्स्वयमात्मना / स्वमात्मानन्ततः सिद्धो बहुरूपी भवेत्क्षणात् // 1 //

भावयन् पद्मपद्मन्तु स्वमात्मानन्तथात्मना / वज्रधर्मसमाधिस्थः प्राप्नोति पद्ममक्षरं // 2 //

लोकेश्वरजटामध्ये भावयन् स्वयमात्मना / बुद्धबिम्बं स्वमात्मानममितायुसमो भवेत् // 3 //

भावयन् स्वयम्[आत्मना विश्व]रूपसमाधिना / विश्वरूपसमाधिस्थो लोकेश्वरसमो भवेत् // इति // 4 //

तत्रैषां हृदयानि भवन्ति / पद्मविश्व //

धर्मकायपद्म //

बुद्धाभिषे[क //

लोकेश्व]र //

ततो महामण्डलसर्वमुद्राज्ञानं शिक्षयेत् / तत्र प्रवेशं तावन् महामुद्राज्ञानं भवति /

चन्द्रमण्डलमध्यस्थां यथा लेख्यानुसारतः / पद्म[प्रति]ष्ठां सत्वान्स्वं भावयेत्स्वयमात्मने // ति //

अथासां कर्म भवति //

बध्वा बुद्धमहामुद्राममितायुसमो भवेत् / वज्रपद्मं समाधाय लोकेश्वर[समो] भवेत् // 1 //

बुद्धाभिषेकां बध्वा वै सुगतैः सो ऽभिषिच्यते / पद्मपद्मा समाधिं तु दद्याद् विश्वा सुविश्वतां // 2 //

वैश्वरूप्यं वैनेयांस्तु बुद्ध रत्नाभिषेकदा / पद्मसत्वि समाधिन्तु पद्मक्रोधेश्वरीं श्रियं // 3 //

वज्रलोकेश्वरी सिद्धिमुत्तमां पद्मरागिणी / बुद्धेश्वरी तु बुद्धत्वं वज्रपद्मा सुसिद्धिदा // 4 //

कामेश्वरी सुरागित्वं दद्यात्तुष्टिन्तु साधुता / भृकुटिः क्रोधशमनी पद्मसूर्या सुतेजदा // 5 //

पद्मचन्द्रा महाकान्तिं दद्याद् हासा सुहासतां / तारया चोत्तरा सिद्धिः सौभोग्यं पद्मखङ्गया // 6 //

नीलकण्ठा महाकर्षा सिद्धिं पण्डरवासिनी / पद्मनर्तेश्वरी सिद्धिमभया अभयन्ददा // 7 //

प्रचण्डा दुष्टदमनी पद्ममुष्टिः सुसाधिका / लास्या रतिं धनं माला सर्वं गीता सुखं नृत्या // 8 // धूपा ल्हादं शुभं पुष्पादीपा दृष्टिं गन्ध सुगन्धतां // 9 // हयग्रीवा समा[कर्षणा]मोघा तु वशङ्करी / पद्मस्फोटा महाबन्धा सर्वावेशा तु घण्टिके-ति // 10 //

ततः पद्मकुलसमयमुद्राज्ञानं भवति /

वज्रबन्धं समाधाय समाङ्गुष्ठान्त्यसन्धानात् / मुद्रेयं धर्मसमया बुद्धधर्मप्रदायिका // 1 //

वज्रबन्धं समाधाय समाग्र्यानाममध्यमा / बुद्धविद्योत्तमस्येयं मुद्रा बुद्धत्वदायिका // 2 //

वज्रबन्धं समाधाय मध्यमा वज्रसंयुता / वज्रविद्योत्तमस्येयं मुद्रा वज्रत्वदायिका // 3 //

सा एव मणिमध्या तु वज्ररत्नप्रदायिका / मध्यकुड्मलयोगेन पद्मसिद्धिप्रदायिका // 4 //

वज्राञ्जलिन्तु सन्धाय वज्रकर्मकरी भवेत् / धर्मवज्रां समाधाय समयः सिध्यते क्षणात् // 5 //

वज्रबन्धं समाग्रन्तु बुद्धसिद्धिप्रदायिका / अतः परं प्रवक्ष्यामि सत्वमुद्रा विशेषतः // 6 //

वज्राञ्जलिं समाधाय सममध्योत्थिता तथा / कनिष्ठाङ्गुष्ठविकचा विश्वपद्मेति कीर्तिता // 7 //

सा एवाङ्गुष्ठपर्यङ्का कुञ्चिताग्राग्र्यविग्रहा / मध्यवज्रजटा मूर्ध्नि जटाबुद्धेति कीर्तिता // 8 //

वज्रबन्धं दृढीकृत्य समाङ्गुष्ठमधस्तनं / तर्जनीद्वयसंकोचा समुद्गता समाधितः // 9 //

समाञ्जलिं समाधाय तर्जनी वज्रपीडिता / विकसिताङ्गुष्ठमुखयोर्मुद्रामोघेश्वरस्य तु // 10 //

वज्रबन्धं दृढीकृत्य समुत्तानं तु बन्धयेत् / समाङ्गुष्ठकृता पद्मे पद्मबुद्धेति कीर्तिता // 11 //

अङ्गुष्ठवज्राग्राभ्यामङ्कुशं खड्गमेव च / अन्त्यद्वयविकासा च मध्यानामाग्रकुड्मला // 12 //

समाञ्जलिं समाधाय वलिताङ्गुष्ठकुञ्चिता / तर्जन्या तर्जनीङ्गृह्याकर्षयेत् पद्मवाणया // 13 //

समाञ्जलिन्तथोत्तानां बन्धयेत्साधुमुद्रया / साधुकारां [प्रददाति] साधुपद्मेति कीर्तिता // 14 //

समाञ्जलिं दृढीकृत्य कुञ्चिताग्र्या मुखस्थिता / कनिष्ठाभ्यां तु विकचा पद्मभृकुटिरुच्यते // 15 //

वज्रबन्धं दृढीकृत्य हृद[ये तु] प्रसारयेत् / पद्मसूर्येति विख्याता सर्वाङ्गु लिसुमण्डला // 16 //

समाञ्जलिं दृढीकृत्य तर्जनीभ्यां मणीकृता / पद्मरत्नध्वजाग्री तु मूर्ध्नि बाहुप्रसारिता // 17 //

वज्रबन्धं शिरोमूर्ध्नि प्रसार्याग्रमुखैः सह / स्वमुखेनाट्टहासेन एकादशमुखी भवेत् // 18 //

समाधिपद्मां सन्धाय समाङ्गुष्ठसमुत्थिता / पद्मतारस्य मुद्रेमं सर्वसिद्धिप्रदायिका // 19 //

पद्मतारस्य मुद्रा तु पद्म योगाग्र्यबन्धनात् / पद्मखड्गस्य मुद्रेयं खड्गाकारनियोजनात् // 20 //

कुड्मलान्त्यमहापद्मास्तच्चाङ्गुष्ठगदा तथा / कुञ्चिताग्र्यमहाशङ्खा वज्रबन्धेन चक्रिता // 21 //

वज्राञ्जलिं दृढीकृत्य दक्षिणौंकारवेष्टिता / वामग्र्याङ्गुष्ठजापा तु सर्वाग्रविकचाम्बुजा // 22 //

वज्राङ्गुलिं समाधाय वामदक्षिणतस्तथा / नृत्यं सलीलवलिता मूर्ध्निस्था नृत्यपद्मिनी // 23 //

वज्राञ्जलिं दृढीइकृत्य सर्वाग्रकवचा तथा / परिवर्त्य तु पद्मेन हृदि स्थाप्य दृढंकरी // 24 //

वज्राञ्जलिं दृढीकृत्य गुह्ययक्षप्रयोगतः / प्रसारिताञ्जलिपुटा मुखस्था पद्मयक्षिणी // 25 //

वज्रमुष्टिं द्विधीकृत्य कुञ्चयित्वा तु मध्यमे / स्वाङ्गुष्ठपृष्ठनिहिते पद्ममुष्टिरुदाहृता // 26 //

वज्रधातुप्रयोगेण वज्राञ्जलिसमुत्थिता / सर्वपूजाग्र्यदेवीनां समयाग्र्यस्तु बन्धयेत् // 27 //

वज्रबन्धं दृढीकृत्य सन्धयेत्तर्जनीद्वयं / संकोचात्पुरतः सन्धेत् हयग्रीवेति कीर्तिता // 28 //

पद्माञ्जलिं समाधाय तर्जनीग्रन्थिबन्धना / अमोघपाशमुद्रेयं तर्जन्यङ्गुष्ठशङ्कला // 29 //

पद्माञ्जलिं समाधाय वज्रावेशप्रयोगतः / अङ्गुष्ठाभ्यां तु संपीड्य कनिष्ठानामिकान्तराव् // 30 // इति //

अथ पद्मकुलधर्ममुद्राज्ञानं भवति / ह्री / ग्री / प्री / ही / श्री / सी / दी / हीः / गी / धी / क्री / वी / वि / री / ष्ट्री / अः /

पद्ममुष्टिं द्विधीकृत्य कर्ममुद्राः समाधयेद् // इति //

सर्वतथागतधर्मसमयान् महाकल्पराजात् सकलजगद्विनयमहामण्डलविधिविस्तरः समाप्तः //

chapter 16 padma-guhya-mudra-mandala-vidhi-vistara emanation of deities from samadhi

अथ भगवान् पुनरपि सर्वतथागतधर्मधारणीसमयसंभवमुद्राधिष्ठानपद्मन्नाम समाधिं समापद्येमां स्वविद्योत्तमामभाषत् ओं सर्वतथागतधर्मसमये हूं //

अथ वज्रपाणिर्महाबोधिसत्वः इमां स्वकुलसंभवां विद्योत्तमामभाषत् ओं वज्रसमये हूं //

अथ वज्रगर्भो बोधिसत्व महासत्व इमां स्वविद्योत्तमामभाषत् ओं मणिरत्नसमये हूं //

अथ वज्रनेत्रो बोधिसत्व इमां स्वविद्योत्तमामभाषत् ओं पद्मसमये हूं //

अथ वज्रविश्वो बोधिसत्व इमां स्वविद्योत्तमामभाषत् ओं कर्मसमये हूं //

अथ भगवानार्यावलोकितेश्वरो बोधिसत्व इदं स्वकुलसमयमुद्रामण्डलमभाषत् //

अथातः संप्रवक्ष्यामि मुद्रामण्ड[लानुत्तरं /] वज्रधातुप्रतीकाशं पद्मगुह्यमिति स्मृतं // 1 //

महामण्डलयोगेन सूत्रयेत्सर्वमण्डलं / तस्य मध्ये सुपद्मे वै वज्रधात्वीश्वरीं लिखेत् // 2 //

[तस्य] सर्वपार्श्वेषु समयाग्र्यो यथोपरि / धर्मवज्र्यादयो लेख्याः स्वविद्याभिः समन्धिताः // 3 //

तत्रासां मुद्रा भवन्ति / ओं सर्वतथागत धर्मेश्वरि हूं //

ओं धर्म समये वज्रपद्मिनि हूं / ओं बुद्धाभिषेक रत्न समये हूं //

ओं तारा समये हूं //

ओं विश्वमुखे हूं //

वज्रवेगेन निष्क्रम्य विश्वरूपाग्र्यमण्डलं / तत्र मध्ये लिखेत्पद्मं पद्मैस्तु परिवारितं // 1 //

तस्य पार्श्वेषु सर्वेषु पद्ममुद्रा प्रतिष्ठिताः / पद्मचिन्हः समालेख्याः स्वमुद्राः सुगतात्मनां // 2 //

तत्रासां मुद्रा भवन्ति / ह्रीः //

ओं पद्मतथागते //

ओं समन्तभद्र पद्मवज्राङ्कुशकोशधारिणि हूं //

ओं पद्मरति / ओं पद्मतुष्टि //

वज्रवेगेन चाक्रम्य द्वितीये मण्डले तथा / बुद्धाभिषेका समालेख्या जटामध्ये महाम्बुजं // 1 //

तस्य पार्श्वेषु सर्वेषु यथावदनुपूर्वशः / पद्मचिन्हसमोपेताः समयाग्र्यो निवेशयेत् // 2 //

तत्रासां हृदयानि भवन्ति / श्रीः //

ओं भृकुटि तटि वेतटि पद्मे हूं //

ओं पद्मज्वाले हूं //

ओं सोमिनि पद्मे हूं //

ओं पद्महासिनि एकादशवक्त्रे दिरि दिरि ईट्टे वट्टे चले प्रचले कुसुमधरे इलि प्रविश सिद्धिं मे प्रयच्छ हूं //

वज्रवेगेन चाक्रम्य तृतीयं मण्डलं तथा / तत्र मध्ये सुपद्मे तु पद्ममुद्रां निवेशयेत् // 1 //

तथैव सर्वपार्श्वेषु यथावदनुपूर्वशः / पद्मचिन्हसमोपेताः पद्मसंस्थास्तु संलिखेत् // 2 //

तत्रासां मुद्रा भवन्ति / धीः //

ओं तारे तुत्तारे हूं //

ओं धी हूं //

ओं पद्मचक्रगदाधारिणि नीलकण्ठे सिध्य सिध्य हुं //] ओं पण्डरवासिनिं पद्मसंभवे वद वद हूं //

वज्रवेगेन चाक्रम्य चतुष्ठे मण्डलोत्तमे / पद्ममध्ये लिखेत्पद्मं ज्वालमालाकुलप्रभं // 1 //

तस्य पार्श्वेषु सर्वेषु यथावदनुपूर्वशः / पद्मचिन्हाः समालेख्याः पद्ममध्यप्रतिष्ठिताः // 2 //

तत्रासां मुद्रा भवन्ति / स्त्रीः //

ओं पद्मनर्तेश्वरि पूजय सर्वतथागतान् नट्ट नट्ट हूं / ओं अभये पद्मकवचबन्धे रक्ष मां हूं हं //

ओं महाप्रचण्डि पद्मयक्षिणि विश्वरूपधारिणि भीषापय सर्वदुष्टान् खाद खाद् हुं फट् //

ओं पद्ममुष्टि अः मुः //

वज्रवेगेन चाक्रम्य बुद्धपूजाः समालिखेत् / पद्माङ्कुश्यादयो मुद्राः पद्मचिन्हः समासतः // इति //

अथासां मुद्रा भवन्ति / ओं पद्मरतिपूजे होः //

ओं पद्माभिषेकपूजे रट् //

ओं पद्मगीतपूजे गीः //

ओं पद्मनृत्यपूजे कृट् //

ओं धूपपद्मिनि हुं //

ओं पद्मपुष्पि हूं //

ओं पद्मकुलसुन्दरि धर्मालोके पूजय हूं //

ओं पद्मगन्धे हूं //

पूजादेव्यः / ओं पद्माङ्कुश्याकर्षय महापद्मकुलान् हयग्रीवसमये हुं जः //

ओं अमोघपाशक्रोधसमये प्रविश प्रवेशय सर्वसमयान् हूं //

ओं पद्मशङ्कले वं //

ओं पद्मघण्टाधारि शीघ्रमावेशय समयान् षण्मुखि अः //

अथात्र मुद्रामण्डले आकर्षणादिविधिविस्तरं कृत्वा, पद्मशिष्यान् यथावत् [प्रवेश्य,] एवंवदेन् "न त्वया कस्यचिद् वक्तव्यं यदत्र गुह्यं, मा ते नरकपतनं भवेत्, दुःखानि चात्रजन्मनि-" ति /

ततः समावेश्यैवं वदेत् / "[ते चक्षुःपथे] कीदृशो ऽवभासः? तद्यथा वदति तथा सिद्धिर्" इति / "तद्यदि श्वेतालोकं पश्येत् तस्योत्तमसिद्धिज्ञानं शिक्षयेत् / अथ पीतं पश्येत् तस्यार्थोत्पत्तिज्ञानं शिक्षयेत् / अथ रक्तं पश्येत् ततो ऽनुरागणज्ञानं शिक्षयेत् / अथ कृष्णं पश्येत् ततो ऽभिचारकज्ञानं शिक्षयेत् / अथ विचित्रं पश्येत् ततः सर्वसिद्धिज्ञानं शिक्षयेद्" इति ज्ञात्वा, यथावन्मुखबन्धं मुक्त्वा, यथाभाजनतया ज्ञानान्युत्पादयेत् / मुद्राज्ञानं च शिक्षयेत् /

एवं वज्रधात्वादिष्वपि सर्वमण्डलेषु यथाभाजनतया मुद्राज्ञानानि शिक्षयेदिंयं परीक्षा //

four jnana

अथोत्तमसिद्धिनिष्पत्तिज्ञानं भवति /

लोकेश्वरमहासत्वं विश्वरूपं स्वमात्मना / भावयंस्तु महामुद्रामग्र्यां सिद्धिमवाप्नुयात् // 1 //

बुद्धाभिषेकसमयां दृढीकृत्वा समाहितः / भावयंस्तु स्वमात्मानमग्र्यां सिद्धिमवाप्नुते // 2 //

पद्मपद्ममहासत्वं भावयेत् स्वयमात्मना / आत्मानमुत्तमां सिद्धिं प्राप्नोति सुसमाहितः // 3 //

अमोघेश्वरमयीङ्कर्ममुद्रां स्वयम्भुवः / साधयन् विधिवच्छीघ्रमग्र्यां सिद्धिमवाप्नुयाद् // 4 // इति //

अथैषां हृदयानि भवन्ति / ओं पद्मसत्वो ऽहं सिध्य होः //

ओं बुद्धाभिषेको ऽहं सिध्य मां //

ओं धर्मसमाधिरहं सिध्य होः //

ओं अमोघेश्वरो ऽहं सिध्य मां //

ततो ऽर्थनिष्पत्तिज्ञानं भवति /

हिरण्यं तु मुखे विध्वा भावयेत्स्वयमात्मना / विश्वेश्वरमहामुद्रामेकं भूयात्सहस्रशः // 1 //

सुवर्णतोलकं गृह्य समयाग्र्या महादृढं / भाव[यन् स्व]यमात्मानमेको भूयात्सहस्रशः // 2 //

मुक्ताफलं मुखे विध्वा भावयेत्स्वयमात्मना / लोकेश्वरं स्वमात्मानमेको भूयात्सहस्रशः // 3 //

सर्वरत्नानि संगृह्य पाणिभ्यां कर्ममुद्रया / भावयन् स्वयमात्मानमेको भूयात्सहस्रश // इति // 4 //

तत्रैषां हृदयानि भवन्ति / ओं पद्महिरण्यप्रद हुं ज्जः //

ओं पद्मसुवर्णप्रद हुं ज्जः //

ओं पद्ममुक्ताप्रद हुं ज्जः //

ओं पद्मसर्वरत्नप्रद हुं ज्जः //

अथानुरागणज्ञानं भवति /

विश्वेश्वरमहामुद्रां भावयन् स्वयमात्मना / पद्मं गृह्य पुरः स्थाति यस्य सो ऽस्यानुरज्यति // 1 //

रक्तपद्मं दृढं गृह्य महासमयमुद्रया / भावयन् स्वयमात्मानं रागयेत्सर्वयोषितः // 2 //

भावयेत्स्वयमात्मानं पद्मं गुह्य यथा तथा / निरीक्षेद् वज्रदृष्ट्या वै सर्वलोकं स रागयेत् // 3 //

कर्ममुद्राप्रयोगेण पद्मं गृह्य यथाविधि / कराभ्यां भ्रामयन् तन्तु रागयेत् सर्वयोषित // इति // 4 //

तत्रैषां हृदयानि भवन्ति / ओं विश्वेश्वर महापद्म होः //

ओं समयपद्म होः //

ओं योगपद्म होः //

ओं कर्मपद्म होः //

अथाभिचारज्ञानं भवति /

विश्वेश्वरमहामुद्रां भावयन् आत्मना / च्छिन्देद्यस्य पुरःपद्मं तस्य मृत्युः क्षणाद्भवेत् // 1 //

पद्मं गृह्य दृढं सम्यक् समयाग्र्या तयैव हि / स्फोटयेत् तन्तु सुदृढं यस्य नाम्ना स नश्यति // 2 //

समाधिमुद्रां सन्धाय पद्मं गुह्य यथा तथा / यस्य नाम्ना तु पद्मं वै च्छिन्देत्स तु विनश्यति // 3 //

कर्ममुद्राप्रयोगेण पद्मं गृह्य यथाविधि / स्फोटयेद्यस्य संक्रुद्धः स्फुटेत्तस्य तु जीवितम् // इति // 4 //

तत्रैषां हृदयानि भवन्ति / ओं महापद्म च्छेद मारय होः फट् //

ओं समयपद्म स्फोट नाशय रट् फट् //

ओं धर्मपद्म च्छेद विनाशय धृट् फट् //

ओं कर्मपद्म स्फोट स्फोटय जीवितमस्य कृट् फट् //

मुद्र

ततो धर्मसमयरहस्यमुद्राज्ञानं भवति /

पद्मं तु योषितां चिन्त्य वज्रन्तस्योपरि स्वयं / रामयन् वज्रपद्माग्र्या समापत्त्या तु सिध्यति // 1 //

पद्मं तु योषितां चिन्त्य बुद्धन्तस्योपरि स्वयं / रामयन् बुद्धमुकुटां भावयन् सो ऽस्य सिध्यति // 2 //

पद्मं तु योषितां चिन्त्य पद्मं तस्योपरि स्वयं / रामयन् पद्मपद्माग्री शुद्धां सिद्धिमवाप्नुते // 3 //

पद्मं तु योषितां चिन्त्य विश्वन्तस्योपरि स्वयं / रामयन् विश्वपद्याग्री विश्वां सिद्धिमवाप्नुयाद् // इति // 4 //

तत्रैषां हृदयानि भवन्ति / ओं वज्रपद्म संयोग साधय ह्रीः //

ओं बुद्धमुकुट संयोग साधय श्रीः //

ओं पद्मपद्म संयोग साधय धीः //

ओं विश्वपद्म संयोग साधय स्त्रीः //

ततो यथावत् पद्मकुलगुह्यमहामुद्राज्ञानं भवति /

कुड्मलाञ्जलिरग्रस्य वज्रक्रोधाङ्गुली द्विके / द्वयग्रा मणिस्तथा पद्मं वज्रबन्धन्तथैव // 1 //

वज्रबन्धां समानीय सममध्याङ्कुरो स्थितो / तर्जन्यानामसंकोचा मुद्रा शाक्यमुनेर्दृढा // 2 //

धर्मवज्रा हृदिस्था तु परिवर्त्य ललाटगा / समाधियोगा चोत्सङ्गे परिवर्त्य तु मूर्धगा // 3 //

वज्रधात्वीश्वरीम्बध्वा चैत्यं पद्मप्रयोगतः / संधयेन्मध्यमाभ्यां तु बुद्धपद्मेति कीर्तिता // 4 //

सा एवाङ्गुष्ठवज्रा तु द्व्यग्रखड्गाङ्कुशी तथा / पद्वज्रधरस्यैता गुह्यमुद्राः प्रकीर्तिताः // 5 //

सा एवाङ्गुष्ठमुक्ता तु तर्जन्या तर्जनीग्रहा / वलिता सुरतिः प्रोक्ता साधुकार्या तथैव च // 6 //

वज्रबन्धं दृढीकृत्य समाङ्गुष्ठप्रवेशिता / कुञ्चिताग्र्यमुखस्था तु भृकुट्यां मध्यपद्मिनी // 7 //

सा एव हृदये चैव सूर्यमण्डलदर्शिका / ध्वजबन्धेन सा एव शिरःपृष्ठे प्रसारिता // 8 //

वज्रबन्धं दृढीकृत्य कुञ्चिताग्र्याग्रविग्रहा / तथैव पद्मखड्गा तु पद्मयोगाग्र्यसन्धनात् // 9 //

वज्रबन्धं दृढिकृत्य वामाङ्गुष्ठप्रवेशनात् / शङ्खमङ्गुष्ठदण्डोत्थाङ्गुल्यग्रोत्थान्त्यपद्मिनी // 10 //

सा एव सर्वसंकोचा कनिष्ठा पद्मसंयुता / अक्षमालाग्रगणनी दक्षिणाङ्गुष्ठयोगतः // 11 //

वज्रबन्धं दृढीकृत्य कनिष्ठा पद्मसंयुता / समाग्र्या पद्मनेत्रा तु प्रनर्तन् परिवर्तिता // 12 //

वज्रबन्धं दृढीकृत्य कनिष्ठा पद्मसंयुता / कुञ्चिता[ग्र्यं पीडयन्तु] द्वयङ्गुष्ठकवचीकृते- // ति // 13 //

सा एवाङ्गुष्ठदंष्ट्रा तु समाङ्गुष्ठप्रवेशिता / अतः परं प्रवक्ष्यामि समयाग्र्यो निरुत्तराः // 14 //

वज्रबन्धन्तले कृत्वा तर्जनीपद्मसन्धिता / अङ्गुष्ठा बन्धपर्यङ्का गुह्यविश्वेश्वरी स्मृता // 15 // //

तथैव वज्रबन्धेन कनिष्ठा मध्यसन्धिता / अङ्गुष्ठमुखयोर्वज्रन् पट्टमध्ये तथागतं // 16 //

तथैव वज्रबन्धे तु पद्ममङ्गुष्ठसन्धितं / कृत्वा तु मुखतोद्धान्तं स्थितोत्सङ्गे समाधिना // 17 //

तथैव वज्रबन्धे तु मुखतः समसन्धिता / सर्वाङ्गुल्या दृढीकृत्य तर्जनी वज्रसंयुता // 18 //

तथैव वज्रबन्धे तु तर्जनी पद्मसन्धिता / अङ्गुष्ठा बन्धपर्यङ्का मध्यसंकोचविग्रहा // 19 //

तथैव वज्रबन्धे तु वज्रमङ्गुष्ठसन्धिता / खड्गाङ्कुशी तथग्राभ्यां कनिष्ठा पद्मसंयुता // 20 //

तथैव वलितां कृत्वा तर्जन्यङ्गुष्ठसंग्रहां / उत्थितान् तर्जनीं वामां कर्षयेत् सुदृढन्तथा // 21 //

सा एव तु समीकृत्वा तर्जन्यङ्गुष्ठयोगतः / साधुकारप्रदात्री तु पद्मतुष्टेर्महात्मनः // 22 //

तथैव वज्रबन्धं तु सर्वाग्रमुखसन्धितं / द्वयङ्गुष्ठमुखपीडन्तु समाग्र्या सन्निवेशितं // 23 //

सा एव हृदि सूर्या तु मूर्ध्नि पद्मध्वजीकृता / परिवर्त्य च हासा तु स्थिता पद्माट्टहासिनी // 24 //

वज्रवन्धन्तले कृत्वा धर्मवज्राग्रयोगतः / कनिष्ठाङ्ग ष्ठसन्धी तु तारायाः समयो ह्ययं // 25 //

तथैव वज्रबन्धे तु ज्येष्ठाभ्यां खड्गपद्मिनी / तलचक्रा तथैवेह जापदात्री तथैव च // 26 //

तथैव वज्रबन्धा तु खटकद्वयमोक्षिता / पुनश्च हृदये बन्धे गुह्यरक्षेति कीर्तिता // 27 //

तथैव वज्रबन्धे तु कनिष्ठा पद्मसंयुता / तर्जनी दृढसंकोचा विकचाङ्गुष्ठदंष्ट्रिणी // 28 //

सा एव मुष्टियोगेन द्वयङ्गुष्ठमुखपीडिता / पद्मगुह्यमहामुष्टि समयाग्री प्रकीर्तिता // 29 //

सर्वासामेव चान्यासां पद्मलास्यादिसंज्ञिनां / वज्रबन्धं तले कृत्वाबन्धस्तादृश एव ही-ति // 30 //

ततः पद्मकुलगुह्यधर्ममुद्रा भवन्ति / ह्राः / ग्रा / प्रा / हा / स्र / सा / दः / हः / गा / धा / क्रा / वा / व / रा / ष्ट्र / मः /

कर्ममुद्राः समासेन मुष्टिरेव द्विधीकृते- // ति //

सर्वतथागतधर्मसमयान् महाकल्पराजात् पद्मगुह्यमुद्रामण्डलविधिविस्तरः परिसमाप्तः //

छप्तेर् 17 ज्नन-मन्दल-विधि-विस्तर

अथ भगवान् पुनरपि सर्वतथागतधर्मसमयज्ञानसमयसंभवाधिष्ठानन् पद्मन्नाम समाधिं समापद्ममां स्वविद्योत्तमामभाषत् ओं धर्मसमाधिज्ञानतथागत हूं //

अथ वज्रपाणिर्महाबोधिसत्व इमं स्वकुलधर्मसंभवं स्वविद्योत्तममभाषत् ओं वज्रधर्म हूं //

अथ वज्रगर्भो बोधिसत्वो महासत्व इमं स्वविद्योत्तममभाषत् ओं रत्नधर्म हूं /

अथ वज्रनेत्रो बोधिसत्वो महासत्व इमं स्वविद्योत्तममभाषत् ओं धर्मधर्म हूं //

अथ वज्रविश्वो बोधिसत्वो महासत्व इमं स्वविद्योत्तममभाषत् ओं कर्मधर्म हूं //

delineation of the mandala

अथार्यावलोकितेश्वरो बोधिसत्वो महासत्व इदं स्वधर्ममण्डलमभाषत् /

अथातः संप्रवक्ष्यामि ज्ञानमण्डलमुत्तमं / वज्रधातुप्रतीकाशं धर्मज्ञानमिति स्मृतं // 1 //

महामण्डलयोगेन सुत्रयेत् सर्वमण्डलं / तस्य मध्ये समालेख्यं ज्ञानवज्रतथागतं // 2 //

तस्य पार्श्वेषु सर्वेषु महासत्वा यथाविधि / विश्वेश्वरादयो लेख्याः समापन्नाः समाहिता // 3 // इति //

तत्रैषां हृदयानि भवन्ति / ओं ज्ञानबुद्ध हूं // 1 // ओं ज्ञानविश्वेश्वर हूं // 2 //ओं ज्ञानबुद्धमुकुट हूं // 3 //ओं ज्ञानधर्मेश्वर हूं // 4 //ओं ज्ञानामोघेश्वर हूं // 5 //ओं ज्ञानपद्मबुद्ध हूं // 6 //ओं ज्ञानपद्मराजधर हूं // 7 //ओं ज्ञानपद्ममार हूं // 8 //ओं ज्ञानपद्मतुष्टि हूं // 9 //ओं ज्ञानपद्मभृकुटि हूं // 10 //ओं ज्ञानपद्मसूर्य हूं // 11 //ओं ज्ञानपद्मचन्द्र हूं // 12 //ओं ज्ञानपद्महास हूं // 13 //ओं ज्ञानपद्मतार हूं // 14 //ओं ज्ञानपद्मकुमार हूं // 15 //ओं ज्ञानपद्मनारायण हूं // 16 //ओं ज्ञानपद्मभाष हूं // 17 //ओं ज्ञानपद्मनृत्येश्वर हूं // 18 //ओं ज्ञानपद्मरक्ष हूं // 19 //ओं ज्ञानपद्मयक्ष हूं // 20 //ओं ज्ञानपद्ममुष्टि हूं // 21 //ओं ज्ञानपद्मलास्ये हूं // 22 //ओं ज्ञानपद्ममाले हूं // 23 //ओं ज्ञानपद्मगीते हूं // 24 //ओं ज्ञानपद्मनृत्ये हूं // 25 //ओं पद्मज्ञानधूपे हूं // 26 //ओं पद्मज्ञानपुष्पे हूं // 27 //ओं पद्मज्ञानदीपे हूं // 28 //ओं पद्मज्ञानगन्धे हूं // 29 //ओं पद्मज्ञानाङ्कुश हूं // 30 //ओं पद्मज्ञानामोघपाश हूं // 31 //ओं पद्मज्ञानस्फोट हूं // 32 //ओं पद्मज्ञानावेश हूं // 33 // initiation into the mandala

अथात्र पद्मधर्ममण्डले आकर्षणादिविधिविस्तरंकृत्वा, यथावत् प्रवेश्यैवं वदेत् "न त्वयान्यस्य वक्तव्यं; मा ते नरकं पतनं भवेत्, दुःखानि वे-" ति /

ज्नन

ततो ऽस्य ज्ञानान्युत्पादयेत् /

लोकेश्वरसमापत्त्या हृदि पद्मं तु भावयेत् / प्राप्तपद्मसमाधिस्तु शीघ्रमुत्पतति क्षणात् // 1 //

लोकेश्वरसमापत्त्या ललाटे पद्मभावनात् / अभ्यसन् सुदृढीभूतः खेगामी भवते क्षणात् // 2 //

जिव्हायां भावयन् पद्मं लोकेश्वरसमाधिना / संसिद्धो भवते शीघ्रमाकाशेन स गच्छति // 3 //

भावयेत्पद्ममुष्णीषे लोकेश्वरसमाधिना / संसिद्धो भवते शीघ्रमूर्ध्वमुत्पतति क्षणात् // 4 //

तत्रैषां हृदयानि भवन्ति / ओं पद्मज्ञानहृदयाविश //

ओं पद्मज्ञानाभिषेकाविश //

ओं पद्मज्ञानविद्योत्तमाविश //

ओं पद्मज्ञानोष्णीषाविश //

आकाशे वान्यदेशे व पद्मबिम्बं तु भावयेत् / अनेन विधिना सिद्धो अदृश्यो भवति क्षणात् // 1 // आकाशे वान्यदेशे वा पद्मबिम्बं तु भावयेत् / तत्रारूढः स्वमात्मानं भावयन्नदृश्यो भवेत् // 2 //

आकाशे वान्यदेशे वा पद्मबिम्बं तु भावयेत् / यदा पश्येत्तदा गृह्णाच्छीघ्रम् [अदृश्यो भवति] // 3 //

आकाशे वान्यदेशे वा पद्मबिम्बं तु भावयेत् / दृष्ट्वा तु भुक्ष्वा तत्पद्ममदृश्यो भवति क्षणाद् // इति // 4 //

तत्रैषां हृदयानि भवन्ति / ओं पद्माकाश //

ओं पद्मरथ //

ओं पद्मज्ञान गृह्ण //

ओं पद्मरसायन //

विचित्रवर्णसंस्थानं पद्मबिम्बं तु पाणिना / गृह्य बध्वा महामुद्रां सर्वरूपधरो भवेत् // 1 //

विचित्रवर्णसंस्थानं पद्मबिम्बं तु लेखयेत् / तत्र भावयमानस्तु बहुरूपधरो भवेत् // 2 //

विचित्रवर्णसंस्थानं पद्मबिम्बं [तु भा]वयेत् / आकाशे वान्यदेशे वा च्छब्दरूपी भविष्यति // 3 //

विचित्रवर्णसंस्थानं पद्मबिम्बं घटापयेत् / तत्रारूढस्तु खेगामी कामरूपी भवेद्ध्रुवम् // इति // 4 //

तत्रैषां हृदयानि भवन्ति / ओं पद्मधर विश्वरूपप्रवर्तकाविश //

ओं विश्वपद्म प्रवर्तय मां //

ओं समाधिविश्वपद्माविश //

ओं विश्वपद्मासनोत्क्षिपाकाशं विश्वरूपमधितिष्ठ मां //

बध्वा चैकवरां सम्यक् महामुद्रां समाधितः / पद्मं गुह्य प्रदातव्यं वशी[करो ऽवश्यं भवेत्] // 1 //

बध्वा चैकवरां सम्यग्[मुद्रां] समयसंज्ञितां // तया गृह्य तु वै पद्मं दद्याद् वश्यकरो भवेत् // 2 // बध्वा चकतमां मुद्रां समाधिविहितां शुभां / ज्ञानपद्मं ददेद्यस्य सो ऽस्य शीघं वशीभवेत् // 3 //

बध्वा चैकतमां मुद्रां कर्माख्यां समयान्वितः / यस्य दद्यात् [स सुवशीः] पद्मदानात्क्षणाद् भवेद् //इति // 4 //

तत्रैषां हृदयानि भवन्ति //

ओं महापद्म होः //

ओं समयपद्म होः //

ओं ज्ञानपद्म होः //

ओं कर्मपद्म होः //

मुद्र

ततो ज्ञानमण्डलमहामुद्राज्ञानं शिक्षयेत् /

धर्ममण्डलयोगेन महामुद्रास्तु साधयेत् / अतः परं संप्रवक्ष्यामि समयाग्र्यः प्रसाधयेत् //

धर्ममण्डलयोगेन पद्मपद्मं तु संस्थपेत् / धर्ममुष्टि द्विधीकृत्य कर्ममुद्रा द्विधीकृता // इति //

सर्वतथागतधर्मसमयान्महाकल्पराजाज्ज्ञानमण्डलविधिविस्तरः परिसमाप्तः //

छप्तेर् 18अ कर्म-मन्दल-विधि-विस्तर

अथ भगवान् पुनरपि सर्वतथागतधर्मकर्मसमयसंभवाधिष्ठानपद्मं नाम समाधिं समापद्येमां स्वविद्योत्तमामभाषत् ओं सर्वतथागतकर्माग्र हूं //

अथ वज्रपाणिरिमां स्वकुलकर्मसंभवां स्वविद्योत्तमामभाषत् ओं हूं धीः //

अथ वज्रगर्भो बोधिसत्व इमां स्वविद्योत्तमामभाषत् ओं रत्नकर्मसमये हूं //

अथ वज्रनेत्रो बोधिसत्व इमां स्वविद्योत्तमामभाषत् ओं पद्मकर्मि हूं //

अथ वज्रविश्वो बोधिसत्व इमां स्वविद्योत्तमामभाषत् ओं विश्वकर्मि हूं //

अथार्यावलोकितेश्वरो बोधिसत्वो महासत्व इदं स्वकर्ममण्डलमभाषत् /

अथातः संप्रवक्ष्यामि कर्ममण्डलमुत्तमं / वज्रधातुप्रतीकाशं पद्मकर्ममिति [स्मृतं] // 1 //

महामण्डलयोगेन सूत्रयेत्सर्वमण्डलं / बुद्धस्य सर्वतः सर्वाः पद्मचिन्हधरा लिखेद् // इति // 2 //

तत्रासां विद्याहृदयानि भवन्ति / ओं पद्मभूरिणी हुं // 1 // ओं विश्वकर्मेश्वरि हूं // 2 //ओं तथागतेश्वर्याभिषेककर्मविद्ये हूं // 3 //ओं धर्मकर्मेश्वरि ज्ञानपूजासमये हूं // 4 //ओं अमोघ[कर्मेश्वरि हूं] // 5 //ओं पद्मकर्मबुद्धे हूं // 6 //ओं पद्मकर्मवज्रिणि हूं // 7 //ओं पद्मकामिनि मारणपूजाकर्मसमये हूं // 8 //ओं पद्मकर्मतुष्टि हूं // 9 //ओं पद्म[कर्म भृ]कुटि हूं त्रः // 10 //ओं पद्मकर्मसूर्ये हूं // 11 //ओं पद्मकर्मध्वजे हूं // 12 //ओं पद्मकर्महासे हः // 13 //ओं पद्मकर्मतारे हूं // 14 //ओं पद्मकर्मकुमारि हूं // 15 //ओं पद्मकर्मनारायणि हूं // 16 //ओं पद्मकर्मब्राह्मि हूं // 17 //ओं पद्मकर्मनृत्येश्वरि हूं // 18 //ओं पद्मरक्षकर्मसमये हूं // 19 //ओं महाप्रचण्डि घातनि पद्मदंष्ट्राकर्मकरि हूं // 20 //ओं पद्मकर्ममुष्टि घातय हूं // 21 //ओं रतिपूजे हूं जः // 22 //ओं अभिषेकपूजे हूं होः // 23 //ओं गीतपूजे हूं धः // 24 //ओं नृत्यपूजे हूं वः // 25 //ओं धूपपूजे अः // 26 //ओं पुष्पपूजे हूं त्रः // 27 //ओं आलोकपूजे हूं धीः // 28 //ओं गन्धपूजे हूं वं // 29 //ओं हयग्रीवे आनय हूं जः // 30 //ओं अमोघपाशक्रोधे पीडय हूं फट् // 31 //ओं पद्मशङ्कलबन्धे हूं फट् // 32 //ओं पद्मघण्टावेशय हूं फट् // 33 // अथात्र कर्ममण्डले आकर्षणादिविधिविस्तरं कृत्वा, यथावत्प्रवेश्यैवं वदेत् / "न त्वया कुलपुत्र कस्यचिदयं वक्तव्यः मा ते नरकपतनं भवेद्" इति /

ज्नन

ततो ज्ञानान्युत्पादयेदिति / ततः पापदेशनाज्ञानं शिक्षयेदिति /

लोकेश्वरमहामुद्रां भावयन् सुसमाहितः / पापानि देशयेच्छीघ्रं सर्वपापान् समाधयेत् // 1 //

समयाग्रीन् समाधाय लोकेश्वरसमाधिना / देशयन् सर्वपापान्यानन्तर्याणि शोधयेत् // 2 //

लोकेश्वरसमाधिन्तु भावयन् सुसमाहितः / देशयेत् सर्वपापानि सर्वपापप्रणाशनं // 3 //

बध्वा चैकतमां सम्यक् कर्ममुद्रां समासतः / देशयेत्सर्वपापानि सर्वकर्मविशोधनम् // इति // 4 //

अथैषां हृदयानि भवन्ति / ओं सर्वपापसंशोधन महापद्म //

ओं सवानन्तर्यशोधन समयपद्म //

ओं सर्वपापप्रणाशन धर्मपद्म //

ओं सर्वकर्मावरणविशोधक कर्मपद्म //

ततः सर्वावरणपरिक्षयज्ञानं शिक्षयेत् /

लोकेश्वरमहामुद्रां भावयेत् सुसमाहितः / शुध्य शुध्य इति प्रोच्य सर्वकर्माणि शोधयेत् // 1 //

बध्वा वै कर्मसमयां लोकेश्वरसमाधिना / बुध्य बुध्य प्रवर्तस्तु सर्वकर्माणि शोधयेत् // 2 //

लोकेश्वरसमापत्त्या धर्ममुद्रां तु भावयेत् / धी धी धी धी-ति प्रोच्यन् वै सर्वकर्माणि शोधयेत् // 3 //

बध्वा वै कर्ममुद्रां तु लोकेश्वरसमाधिना / ही ही ही ही-ति सन्धाय सर्वकर्माणि शोधयेद् // इति // 4 //

तत्रैषां हृदयानि भवन्ति / ओं पाप क्षपय पद्म //

ओं आवरण क्षपय पद्म //

ओं नीवरण क्षपय पद्म //

ओं कर्म क्षपय पद्म //

ततः सर्वतथागतपूजाज्ञानं शिक्षयेत् /

लोकेश्वरमहामुद्रां बध्वा तु सुसमाहितः / ओं ओं ओं ओमिति ब्रुयात्सर्वपूजाप्रवर्तनन् // 1 //

बध्वा वै समयाग्रन्तु लोकेश्वरसमाधिना / भूर्भूर्भूर्भूरिति प्रोक्तो सर्वबुद्धान् स पूजयेत् // 2 //

लोकेश्वरसमापत्त्या धर्मपद्मं तु भावयेत् / हे हे हे हे-ति सन्धाय सर्वबुद्धान् स पूजयेत् // 3 //

पद्मकर्ममयीम्मुद्रां बध्वा गाढं समाहितः / धे धे धे धे-ति प्रोच्यन् सर्वबुद्धान् स पूजयेद् // इति // 4 //

तत्रासां हृदयानि भवन्ति / ओं ओंकार महापद्म //

ओं भूक्कार समयपद्म //

ओं हेक्कार धर्मपद्म //

ओं धेक्कार कर्मपद्म //

ततः सिद्धिज्ञानं शिक्षयेत् /

लोकेश्वरमहामुद्रां बध्वा तु सुसमा[हितः / ह्री ह्री ह्री ह्री-]ति वर्तेत सिद्धिन् लोकेश्वरी भवेत् // 1 //

बध्वा वै समयाग्रीन्तु लोकेश्वरसमाधिना / श्री श्री श्री श्री-ति सन्धाय प्राप्नुयात्सिद्धिमुत्तमां // 2 //

लोकेश्वरसमापत्तिं भावयन् सुसमाहितः / धिक् धिक् धिक् धिगिति प्रोक्ते पद्मक्रोधस्तु सिध्यति // 3 //

कर्ममुद्रां समाधाय महापद्ममयीं [शुभां / सिः] सिः सिः सी-ति सन्धाय पद्मसिद्धिमवाप्नुते- // ति //

अथासां हृदयानि भवन्ति / ओं ह्रिः सिध्य //

ओं श्रीः सिध्य //

ओं धिक् सिध्य //

ओं [सिः सिध्य //]

मुद्र

ततः कर्मरहस्यमुद्राज्ञानं भवति /

लोकेश्वरसमापत्त्या रमयन् सर्वयोषितः / अहो सुख इति प्रोक्ते सर्वबुद्धान् स पूजयेत् // 1 //

लोकेश्वरसमापत्त्या रमयन्सर्वयोषितः / प्रिये प्रिये-ति वै प्रोके बुद्धानां भवति प्रियः // 2 //

लोकेश्वरसमापत्त्या रमयन् सर्वयोषितः / [अहो रति-ति वै प्रोक्ते नित्यं रतिं स प्राप्नुते // 3 //

लोकेश्वरसमापत्त्या रमयन् सर्वयोषितः / सुख सुख इति प्रोक्ते तस्य सुखं न नश्यत // इति // 4 //

अथासां] हृदयानि भवन्ति / ओं सर्वबुद्धपूजाप्रवर्तन पद्म //

ओं प्रीतिकर पद्म होः //

ओं रतिप्रवर्तन पद्म //

ओं महासुख पद्म दृढ हन् //

[ततः कर्ममहामुद्रां] यथावच्छिक्षयेत् / ततः सुकुड्मलाञ्जलिं समयमुद्रां वज्रकार्यं मण्डलयोगेन सर्वस्थानेषु स्थापयेत् /

ततः पद्मकुल[कर्ममुद्रा त्र इति] वक्तव्याः / कर्मसमयां द्विधीकृत्य कर्ममुद्राः स साधयेदिति //

सर्वतथागतधर्मसमयान् महाकल्पराजात् कर्ममण्डल[विधिविस्तरः समाप्तः] //

chapter 18b epilogue of the sarva-tathagata-dharma-samaya nama maha-kalpa-raja

अथ भगवान् पुनरपि वज्रधर्मसमयमुद्राधिष्ठानं नाम समाधिं समापद्येमां स्वमुद्राहृदय[मभाषत् ओं वज्र]धर्मपद्म हूं //

अथवज्रपाणिरियं स्वमुद्राहृदयमभाषत् अथ वज्र जीः //

अथ वज्रगर्भो बोधिसत्व इमां स्व[मुद्रामभाषत् ओं वज्ररत्न]मुकुटे हूं //

अथ वज्रनेत्रो बोधिसत्व इमां स्वमुद्रामभाषत् ओं धर्मपद्मि धीः //

अथ वज्रविश्वो बोधि[सत्व इमां स्वमुद्रामभाषत् ओं सर्व]मुखि हूं //

delineation of the mandala

अथार्यावलोकितेश्वरो बोधिसत्वो महासत्व इदं चतुर्मुद्रामण्डलमभाषत् / [अथातः संप्रवक्ष्यामि] चतुर्मुद्राग्रमण्डलं / वज्रधातुप्रतीकाशं महामण्डलसन्निभं // 1 // मुद्रामण्डलमध्ये तु बुद्धबिम्बं निवेशयेत् / तस्य पार्श्वेषु सर्वेषु [वज्रपद्मादिं वै लिखे]त् // 2 //

initiation into the mandala

अथात्र महामण्डले आकर्षणादिविधिविस्तरङ्कृत्वा, यथावत् प्रवेश्यैवं ब्रूयात् "न त्वयेदं कस्यचिद् वक्तव्यं; मा ते महादुःखं [भवेद्, अकाल]मरणं विषमक्रियये" ति /

ज्नन

ततो ज्ञानान्युत्पादयेत् /

पद्मं हस्तेन वै गृह्य समाजिघ्रन् प्रयत्नतः / तेन गन्धेन संयोज्य बुद्धानां तु प्रसिध्य[ति] // 1 //

बुद्धबिम्बं जटामध्ये प्रतिष्ठाप्य समाहितः / सर्वलोकं वशंकुर्याद् दर्शयन् गर्वया व्रजन् // 2 //

पद्मपद्ममहाबिम्बं कारयित्वा समाधिना / उपविश्य यथापायं मनसा स तु मारयेत् // 3 //

चतुर्मुखं तु वै पद्मं कारयित्वा करेण तु / संगृह्यावेशनादिनि भ्रामयन् प्रकरोति सः // 4 //

अथैषां हृदयानि भवन्ति / ओं गन्धपूजाग्र्य साधय ह्रीः //

ओं पद्ममुकुट तथागत वशीकुरु सर्वान् लोकेश्वराभिषेक समय होः //

ओं पद्मपद्म मारय सर्वप्रत्यर्थिकान् समाधिज्ञान धिक् //

ओं विश्वपद्म सर्वकर्मकरो भव ललि लुलि लेलि हूं फट् //

मुद्र

ततो मुद्रारहस्यज्ञानं शिक्षयेत् /

रक्तः सं सर्वकार्याणि साधयेत्समयो ह्ययं / दुःसाध्यापि हि मुद्रा वै क्षणात् सिध्यति योगत // इति //

तत्रास्य समयो भवति ओं साधय पद्मराग समय अः //

ततो महामुद्रादिसर्वमुद्राबन्धं शिक्षयेत् //

चतुर्मुद्रामण्डलविधिविस्तरः समाप्तः //

iii.6 एकमुद्र-मन्दल

अथार्यावलोकितेश्वरो महाबोधिसत्व इदं सर्वजगद्विनयंनाम हृदयमभाषत् / ओं सर्वजगद्विनय महासत्वागच्छ शीघ्रं वैश्वरूप्यं दर्शय मम च सर्वसिद्धयः प्रयच्छ ह्रीः //

delineation of the mandala

अथार्यावलोकितेश्वरो महाबोधिसत्व इदं सर्वजगद्विनयं नाम मण्डलमभाषत् /

अथातः संप्रवक्ष्यामि जगद्विनयमण्डलं / महामण्डलयोगेन संलिखेद् बाह्यमण्डलं // 1 //

तस्याभ्यन्तरतः पद्मं तथैव च समालिखेत् / तत्र सरोजा विस्फारि विश्वरूपं समालिखेद् // इति // 2 //

initiation into the mandala

अथात्र महामण्डले यथावद् विधिविस्तरेण प्रवेश्य, तथैवोक्त्वा, सर्वजगद्विनयज्ञानं शिक्षयेत् /

मुद्र

मण्डलं तु समालिख्य जगद्विनयसंज्ञितं / भावयंस्तु महामुद्रां भवेद् विश्वधरोपम // इति //

ततो जगद्विनयरहस्यमुद्राज्ञानं शिक्षयेत् /

विश्वरूपसमाधिन्तु भावयन् सुसमाहितः / द्वयेन्द्रियसमापत्त्या मण्डले तु स सिध्यति //

ततो महामुद्रादिमुद्राबन्धं शिक्षयेत् / तथैव सिद्धयः, एवं पटादिष्विति // मुद्रायामप्येकमुद्रामण्डलयोगेन तथैव सिद्धय इति //

अथ सर्वतथागताः पुनः समाजमागम्यावलोकितेश्वराय महाबोधिसत्वाय साधुकाराण्यददन् /

साधु ते वज्रसत्वाय वज्ररत्नाय साधु ते / वज्रधर्माय ते साधु साधु ते वज्र[कर्मणे //]1 //

सुभाषितमिदं सूत्रं वज्रयानमनुत्तरं / सर्वतथागतं गुह्यं महायानभिसंग्रहम् // इति //

सर्वतथागततत्त्वसंग्रहात् सर्वतथागतधर्मसमयो नाम महाकल्पराजा परिसमाप्तः //

chapter 19 sarvarthasiddhi-mahamandala-vidhi-vistara hymn of 108 names of the mahabodhisattva akasagarbha atha khalu sarvatathāgatāḥ punaḥ samājamāgamya, sarvatathāgatābhiṣekaratnaṃ tameva vajradharamāryākāśagarbha mahābodhisatvamanena nāmaṣṭaśatenādhyeṣitavantaḥ /

आकाशगर्भं सत्वार्थ महासत्व महाद्युते / महारत्न सुरत्नाग्र्य वज्ररत्न नमो ऽस्तु ते // 1 //

अभिषेक महारत्न महाशुद्ध महाशुभ / बुद्धरत्न विशुद्धाङ्ग रत्नरत्न नमो ऽस्तु ते // 2 //

आकाशाकाशसंभूत सर्वाकाश महानभ / आकाशधातु सर्वाश सर्वाशाग्र्य नमो ऽस्तु ते // 3 //

रत्नसंभव रत्नोर्ण बुद्धोर्ण सुतथागत / सर्वरत्न सुसर्वाग्र्य रत्नकार्य नमो ऽस्तु ते // 4 //

रत्न रत्नाग्र्य रत्नोग्र रत्नसर्वतथागत / रत्नोत्तम महाकाश समाकाश नमो ऽस्तु ते // 5 //

अलङ्कार महाशोभ शोभाकर सुशोभक / शुद्ध सर्वार्थ शुद्धार्थ दानचर्य नमो ऽस्तु ते // 6 //

धर्मरत्न विशुद्धाग्र्य सङ्घरत्न तथागत / महाभिषेक लोकार्थ प्रमोदार्थ नमो ऽस्तु ते // 7 //

दान प्रदन दानाग्र्य त्याग त्यागाग्र्य दायक / सर्वसत्वार्थ तत्वार्थ महार्थार्थ नमो ऽस्तु ते // 8 //

चिन्ताराज महातेज दानपारमितानय / तथागत महासत्व सर्वबुद्ध नमो ऽस्तु ते // 9 //

तथागत महारत्न तथागत महाप्रभ / तथागत महाकेतो महाहास नमो ऽस्तु ते // 10 //

तथागताभिषेकाग्र्य महाभिषेक महाविभो / लोकनाथत्व लोकाग्र्य लोकसूर्य नमो ऽस्तु ते // 11 //

रत्नाधिकाधिकतर रत्नभूषण रत्नधृक् / रत्नालोक महालोक रत्नकीर्ते नमो ऽस्तु ते // 12 //

रत्नोत्कर सुरत्नोत्थ मणे वज्रमणे गुण / रत्नाकर सुदीप्ताङ्ग सर्वरत्न नमो ऽस्तु ते // 13 //

महात्म यष्टि रत्नेश सर्वाशापरिपूरक / सर्वाभिप्रायसंप्राप्ति रत्नराशि नमो ऽस्तु ते // 14 //

अ[भ्व]ग्र्य व्यापि सर्वात्म वरप्रद महावर / विभूते सर्वसंपत्ते वज्रगर्भ नमो ऽस्तु ते // 15 //

यः कश्चिद् धारयेन् नाम्नामिदन्ते ऽष्टशतं शिवं / सर्वबुद्धाभिषेकं तु स प्राप्नोत्यनघः क्षणात् // 16 //

अध्येषयामस्त्वां रत्न भाष स्वधनसंचयं / सर्वबुद्धाभिषेकाग्र्यमुत्पाद नियमकुलम् // 17 // इति //

अथाकाशगर्भो बोधिसत्वः इदं सर्वतथागतवचनमुपश्रुत्य, सर्वतथागताभिषेकसमयं नाम स्वहृदयमभाषत् ओं वज्ररत्नं हूं //

अथ भगवान् वैरोचनस्तथागत इदं सर्वतथागतमणिसमयं नाम विद्योत्तममभाषत् ओं सर्वतथागताशापरिपूरणमहारत्न हूं //

अथ वज्रपाणिर्महाबोधिसत्व इमं स्वकुलसंभवं विद्योत्तममभाषत् ओं वज्र हूं त्रः //

अथ वज्रगर्भो बोधिसत्व इमं स्वविद्योत्तममभाषत् ओं मणि हूं //

अथ वज्रनेत्रो बोधिसत्व इमं स्वकुलसंभवं विद्योत्तममभाषत् ओं पद्म ह्रीः //

अथ वज्रविश्वो बोधिसत्वो महासत्व इमं स्वविद्योत्तममभाषत् ओं विश्वरत्न हूं //

अथार्याकाशगर्भो बोधिस[त्वो महासत्वः] सर्वतथागताभिषेकरत्नंनाम समाधिं समापन्नः; समनन्तरसमापन्ने चाथ तावदेव सर्वतथागतहृदयेभ्यो वज्रमणिरत्नरश्मयो निश्चरिताः / ते सर्वलोकधातवो ऽवभास्य सर्वसत्वान् सर्वतथागताभिषेकैरभिषिच्य, पुनरप्येकध्यीभूत्वा, भगवत आकाशगर्भस्य महाबोधिसत्वस्य हृदये ऽनुप्रविष्टा इति /

अथ तत् आकाशगर्भहृदयात्स एव भगवान् वज्रपाणिः समन्तरश्मिज्वालागर्भा विचित्रवज्रमणिरत्नाभिषेकाद्याभरणालङ्कारालङ्कृतकाया महवज्रमणिरत्नचिन्हमुद्राव्यग्रकरा महाबोधिसत्वकाया भूत्वा विनिःसृत्य, सर्वलोकधातुषु महारत्नवर्षादिभिः रत्नोत्पत्तिभिः सन्तोष्य, पुनरागत्य, भगवतो वैरोचनस्य सर्वतो वज्रधातुमहामण्डलयोगेन चन्द्रमण्डलाश्रिता भूत्वेदमुदानमुदानयिंसुः /

अहो हि सर्वबुद्धानां सर्वरत्नसमुच्चयं / वज्ररत्नकुलं त्वेदं संभूतं जगदर्थत // इति //

delineation of the mandala

अथाकाशगर्भो बोधिसत्वो महासत्व इति स्वकुलमुत्पाद्य, सर्वतथागतेभ्यः सर्वाशापरिपूर्ये निर्यात्येदं सर्वार्थसिद्धिन्नाम महामण्डलमभाषत् /

अथातः संप्रवक्ष्यामि महामण्डलमुत्तमं / वज्रधातुप्रतीकाशं सर्वसिद्धिरिति स्मृतं // 1 //

चतुरश्रं चतुर्द्वारं चतुष्तोरणशोभितं / चतुःसूत्रसमायुक्तं पट्टस्रग्दामभूषितं // 2 //

सर्वमण्डलकोणेषु द्वारनिर्यूहसन्धिषु / खचितं वज्ररत्नैस्तु सूत्रयेद्बाह्यमण्डलं // 3 //

तस्याभ्यन्तरतः कार्यं वज्ररत्नसमं पुरं / अष्टस्तंभाग्रयोगेन सूत्रणं तत्र कारयेत् // 4 //

पञ्चमण्डलशोभं तु नानारत्नाकरोज्ज्वलं / स्वमुद्रापरिवारं तु तत्र बुद्धन्निवेशयेत् // 5 //

तत्रैषां हृदयानि भवन्ति / ओं बुद्धरत्न हूं //

ओं वज्रमणि हूं //

ओं वज्ररत्नाङ्कुर हूं //

ओं वज्ररत्नपद्म हूं //

ओं रत्नपद्मवर्ष हूं //

वज्रवेगेन चाक्रम्य सर्वाशासिद्धिमण्डलं / तत्रस्थं वज्रगर्भ तु लिखेद्रत्नवरप्रदं // 1 //

तस्य पार्श्वेषु सर्वेषु रत्नमुद्रा समन्धिताः / महासत्वाः समालेख्या यथावदनुपूर्वशः // 2 //

अथैषां हृदयानि भवन्ति / ओं सर्वार्थसिद्धिप्रद हूं //

ओं वज्रमणिचिन्हाकाशगर्भ भगवन् सिध्य सिध्य हूं //

ओं रत्नाङ्कुशाकर्षय सर्वार्थानानय शीघ्रं सर्वतथागतसत्यमनुस्मर हूं //

ओं मणिराग वशीकुरु सर्वार्थनानयाकाशगर्भ हूं //

ओं रत्नतुष्टि हूं //

वज्रवेगेन चाक्रम्य रत्नामालस्य मण्डलं / तत्र मध्ये लिखेत् सम्यग्रत्नमालाधरं परं // 1 //

तस्य पार्श्वेषु सर्वेषु यथावदनुपूर्वशः / महासत्वाः समालेख्या मणिचिन्हाग्रपाणयः // 2 //

तत्रैषां हृदयानि भवन्ति / ओं रत्नदृष्टि त्रः //

ओं सर्वतथागताभिषेकरत्नमाल हूं //

ओं मणिसूर्य हूं //

ओं चिन्तामणिध्वज सर्वाशाप्रपूरकाकाशगर्भ हूं //

ओं रत्नाट्टहास हस ह ह हूं //

वज्रवेगेन चाक्रम्य रत्नपद्मस्य मण्डलं / तत्रस्थं तु समालेख्यं रत्नपद्मधरं विभुं // 1 //

तस्य पार्श्वेषु सर्वेषु महासत्वान् समालिखेत् / मणिचिन्हान् समासेन यथावदनुपूर्वशः // 2 //

तत्रैषां हृदयानि भवन्ति //

ओं रत्नपद्म हूं //

ओं [त्यागसमाधिज्ञान]गर्भ हूं //

ओं रत्नकोशाग्र्य हूं //

ओं मणिचक्र प्रवर्तय हूं //

ओं रत्नभाष हूं //

वज्रवेगेन चाक्रम्य रत्नवृष्टेस्तु मण्डलं / तत्र लेख्यं महासत्वं र[त्नवृष्टिं प्रवर्ष]यन् // 1 //

तस्य पार्श्वेषु सर्वेषु महासत्वान् यथाविधि / रत्नचिन्हसमोपेतान् मुद्राहस्तान् समासतः // 2 //

तत्रैषां हृदयानि भवन्ति / ओं रत्नवृष्टि वर्षय सर्वार्थसंपदो भगवन् मणिहस्त हूं //

ओं मणिपूजा समय हूं //

ओं मणिबन्ध कवच हूं //

ओं मणिदंष्ट्राकराल महायक्ष हर हर सर्वार्थान् भीषापय हूं //

ओं मणिरत्न बन्ध समय हूं //

वज्रवेगेन चाक्रम्य कोणभागेषु सर्वतः / रत्नलास्यादयो लेख्या यथावदनुपूर्वशः //

तत्रासां मुद्रा भवन्ति / ओं रत्नरति हूं //

ओं रत्नमाले हूं //

ओं रत्नगीते हूं //

ओं रत्ननृत्ये हूं //

वज्रवेगेन निःक्रम्य बाह्यमण्डलमुत्तमं / बाह्यमण्डलकोणेषु धूपपूजादयो लिखेत् //

तत्रासां मुद्रा भवन्ति / ओं धूपरत्ने //

ओं पुष्पमणि //

ओं रत्नालोके //

ओं मणिगन्धे //

द्वारपालास्तु कर्तव्या द्वारमध्यचतुष्टये / अतः परं प्रवक्ष्यामि मण्डले विधिविस्तरं //

अथात्र हृदयानि भवन्ति / ओं सर्वरत्नाकर्ष आर्यारुण महासत्व भगवन्तं आकाशगर्भ चोदयाकर्षय शीघ्रं होः जः //

ओं सर्वरत्नप्रवेशसमय प्रवेशय समयान् महामणिराजकुलं रत्नपाश हूं //

ओं मणिबन्ध हूं वं //

ओं मणिरत्नावेश अः //

initiation into the mandala

अथात्र महामण्डले स्वयं मणिरत्नाचार्यो यथावत् प्रविश्य, विधिविस्तरमात्मनः कृत्वा, ततो रत्नाधिष्ठितकलशोदकेन मणिशिष्यानभिषिच्य, वज्रमणिसमयमुद्रां बन्धयेदनेन हृदयेन ओं वज्रमणि समय वं //

ततो यथावर्णप्राप्तितया वस्त्रमुत्तरासङ्गं कृत्वा, तादृशेनैवाक्षिणी बध्वा, प्रवेशयेदनेन हृदयेन ओं हूं मणिराजकुलं //

ततः प्रवेश्य वक्तव्यं "न त्वयेदं कस्यचिद् वक्तव्यं; माते सर्वजन्मसु दारिद्र्यदुःखान्मोक्षे न भवेन्, नरकवासश्च दृढो भवेद्" इत्युक्त्वा, समयं स्फोटयेत्; महायानाभिसमयं चोच्चारयेत् /

ततः समाविष्टस्य वज्रवाचा परिपृच्छेत् / "कुत्र महानिधिरस्ति? / कथं वा प्राप्यते /"

ततो भगवानाकाशगर्भो बोधिसत्वः सर्वं जल्पापयतीत्य; उक्तमात्रे मुखबन्धं मुक्त्वा, महामण्डलं दर्शयेत्, सर्वतथागताभिषेकसमयं चोदाहरेत्, यावद् भगवांस्तथागतस्तु गत इति / ततो यथाविभवतः पूजान् कृत्वा, सर्वकार्याणि साधयेदिति /

मुद्र

अथात्र ज्ञानमुद्रा भवन्ति /

वज्रगर्भमहामुद्रां बध्वा तु सुसमाहितः / निधानं खनते यत्र निधानं तत्र पश्यति // 1 //

बध्वा तु समयाग्रीम् वै निधानं यत्र विद्यते / पीडयेत् तत्र तां मुद्रां स्वयमुत्तिष्ठते तदा // 2 //

वज्रगर्भसमाधिन्तु भावयन् सुसमाहितः / मनसा चैव जानाति निधानं यत्र तिष्ठति // 3 //

बध्वा कर्ममयीं मुद्रां वज्रगर्भसमाधिना / तां मुद्रमाविशेद्यत्र निधानं तत्र लक्षयेत् // 4 //

तत्रैषां हृदयानि भवन्ति / ओं महामणिरत्नाविश हूं //

ओं मणिपीड दर्शय //

ओं रत्नसमाधि ब्रूहि //

ओं रत्नावेश दर्शय //

महामुद्रां समाधाय यत्र कायं तु वेष्टयेत् / तत्र रत्ननिधानं तु ज्ञातव्यं समयात्मभिः // 1 //

बध्वा तु समयाग्रीम् वै यत्राविश्य परिस्फुटेत् / निधानन्तत्र विज्ञेयं महारत्नमयं भवेएत् // 2 //

समाधिमुद्रां बध्वा वै यद्याविश्य स्वयं पुनः / ब्रूयाद्यत्र निधानं तु महारत्नमयं भवेत् // 3 //

कर्ममुद्रां तु बध्वा वै यदाविश्य परम्परं / हस्तौ बन्धे तु समयान्निधिन्तत्र विनिर्देशेद् // इति // 4 //

तत्रैषां हृदयानि भवन्ति //

ओं महारत्नकाय दर्शय रत्नं //

ओं आकाशगर्भ मणिरत्न स्फुट स्फुट यत्र निधिः //

ओं मणिरत्नज्ञान स्वयं ब्रूहि //

ओं पुनः समय बन्ध दर्शयस्व //

बध्वा तु वै महामुद्रां यत्राशङ्का भवेत्तथा / तत्र ज्ञानेन विज्ञेयं निधानं रत्नसंभवं // 1 //

यत्र शङ्का भवेत्तत्र समयाग्रीन्तु बन्धयेत् / यदा मोक्षं स्वयं यायान्निधिन्तत्र विनिर्दिशेत् // 2 //

समाधिमुद्रां बध्वा वै शङ्का यत्र भवेद्ध्रुवा / ज्ञानमुत्पाद्य विज्ञेयं निधिस्तत्रास्ति शाश्वतः // 3 //

यत्र भूयो भवेच्छङ्का कर्ममुद्रां तु तत्र वै / बध्नीयाद् विधिवत्तां तु स्फुटेज्ज्ञेयो निधिः पुनः // 4 //

तत्रैषां हृदयानि भवन्ति / ओं निधिज्ञानाविश //

ओं रत्नसमय मुञ्च निधि बन्धान् //

ओं धर्मरत्न ब्रूहि निधानं //

ओं सर्वकर्माणि स्फोटय दर्शय निधि बन्धोत्क्षिप //

महामुद्रां तु सन्धाय निधानं परिमार्गयेत् / यत्रस्थस्य समावेशो भवेत्तत्र विनिर्दिशेत् // 1 //

बध्वा समयाग्रीन् वै निधिं तु परिमार्गयेत् / यत्रस्थो दृढतां यायान्निधिन्तत्र विनिर्दिशेत् // 2 //

समाधिमुद्रां सन्धाय निधानं परिमार्गयेत् / यत्रस्थो ज्ञानवान् भूयान्निधिन्तत्र विनिर्दिशेत् // 3 //

बध्वा कर्ममयीं मुद्रां निधिं तु परिमार्गयेत् / यत्रस्थः कर्ममुद्रां तु भ्रामयेत् तत्र निर्दिशेत् // 4 //

तत्रैषां हृदयानि भवन्ति / ओं महारत्न परीक्षाविश //

ओं रत्नसमय दृढ दर्शय //

ओं रत्नपरीक्षा ज्ञानाविश //

ओं मणिकर्म भ्रामय //

ततो मणिरहस्यमुद्राज्ञानं शिक्षयेत् //

द्वयेन्द्रियसमापत्त्या निधानं परिमार्गयेत् / भावयंस्तु महामुद्रां समावेशान्निधिं लभेत् // 1 //

बध्वा तु समयाग्रीन् वै रामयंस्तु स्त्रियन्तथा / यत्र मुद्रा दृढीभूयान्निधिन्तत्र विनिर्दिशेत् // 2 //

द्वयेन्द्रियसमापत्त्या निधानं परिमार्गयेत् / भावयन् ज्ञानमुद्रां तु निधिज्ञानं प्रवर्तते // 3 //

बध्वा तु कर्ममुद्रां वै द्वयेन्द्रियसमाधितः / स्फुटेद्यत्र तु सा मुद्रा निधिन्तत्र विनिर्दिशेद् // इति // 4 //

तत्रैषां हृदयादि भवन्ति / ओं महामणि संयोगविश //

ओं समय संयोगदृढो मे भव //

ओं निधिज्ञानाविशाविश संयोग //

ओं सर्वकर्म स्फोट संयोग //

ततो महामणिकुलसर्वमुद्राज्ञानं शिक्षयेत् /

अथ महामुद्रा भवन्ति /

यथालेख्यानुसारतौ भावयंस्तु महामुद्राः / सर्वार्थोत्तमं सि[ध्यति चन्द्रमण्डलमध्यस्थाः //

ततो] महामुद्राणां [क्रिया भवन्ति /]

बुद्धमुद्रा तु बुद्धत्वं सुसिद्धिर्वज्रगर्भयोः / रत्नाङ्क[श्या समाकर्षेत् मणिरामयानुरमेत् // 1 //

मण्युदग्र्या संतोषका] मणिदृष्ट्यार्थहारिका / मणिमालाभिषेका तु मणिसूर्या सुतेजदा // 2 //

चिन्तामणिर्यथेच्छदा रत्नहासार्थहारिका / धर्मरत्ना[प्राप्तं धर्मं त्या] गाग्री लाभमुत्तमं // 3 //

रत्नकोशा महाकोशं मणिचक्राधिपत्यतां / भाषामार्गेण सिद्धिस्तु रत्नवृष्टिर्महाधनं // 4 //

मणिपूजा सुपूज्यत्वं रत्नवर्मा दृढंकरी / रत्नदंष्ट्रा हरेदर्थं मणिमुष्ट्या तु सिध्यति // 5 //

अथात्र महामण्डले समयमुद्राज्ञानं भवति /

वज्ररत्नमयी मुद्रा सर्वबुद्धाभिषेकदा / महावज्रमणिं बध्वा वज्ररत्नं तु सिध्यति // 1 //

वज्रद्विकं मणीकृत्वा धनं वज्रधराल्लभेत् / सा एवाङ्गु ष्ठवज्रेण मणिं दद्याद् हृदि स्थितं // 2 //

कुड्मलाग्र्या मणिं बध्वा लोकेशो धनदो भवेत् / वज्रकर्ममणिन्दद्यान् महाविश्वमणिध्वजं // 3 //

वज्रधात्वग्रमणिना बुद्धरत्नत्वमाप्नुयात् / समाग्रग्रा पृष्ठसंकोचा वज्रमङ्गुष्ठबन्धतः // 4 //

इयं वज्रमणिः प्रोक्ता वज्रगर्भस्य पाणितः / अनया बुद्धमात्रया महावज्रमणिं लभेत् // 5 //

रत्नवज्रां समाधाय सममध्योत्थिताङ्करां / अनया बद्धमात्रया स्वभिषेकाप्यवाप्नुयात् // 6 //

सा एव मध्यमानामकनिष्ठा कुड्मलीकृत्वा / अनया तु धनं दद्यादवलोकितनामधृक् // 7 //

वज्ररत्नप्रयोगेण तर्जन्यङ्गुष्ठकन्यसा / मध्यमाभ्यां नखसन्धानान् समानामाङ्कु रोत्थिता // 8 //

वज्रबन्धं दृढीकृत्य तर्जनीभ्यां मणीकृता / प्रसारिताङ्गुष्ठमुखा हृदि सर्वार्थसिद्धिदा // 9 //

वज्रबन्धं समाधाय मध्यमा मणियोजिता / मुद्रेयं मणिचिन्हस्य मणिरत्नप्रदायिका // 10 //

स एवाङ्कुशयोगेन तर्जनीभ्यां समन्धिता / सर्वार्थकर्षणी मुद्रा मणिरत्नाङ्कुशी स्मृता // 11 //

सा एव वलि[तां कृत्वा] तर्जन्या तर्जनी ग्रहा / वाणाकर्षणायोगेन कर्षयन् रागयेज्जगत् // 12 //

सा एव साधुकारा तु तर्जन्यङ्गुष्ठयोजिता / सा एवाङ्गुष्ठसन्धानसंच्छन्नाग्र्याङ्गुली तथा // 13 //

अङ्गुष्ठान्तरयोश्चैव पुनरग्र्या मुखे क्षणात् / मणिदृष्टिस्तु सा ख्याता दृष्ट्यर्थानां प्रहारिका // 14 //

सर्वार्थसिद्धिमाला तु स्वभिषेकप्रदायिका / सा एव हृदये ऽङ्गुष्ठमुखसन्धानयोजिता // 15 //

हृदये मणिसूर्या तु महातेजःप्रदायिका / मूर्ध्निस्था च समानाम पताकाग्रविदारिता // 16 //

महावज्रमणि पूर्वं सर्वाशापरिपूरिका / सा एव हाससंस्था तु लीलया परिवर्तिता // 17 //

रत्नाट्टहासनाम्ना वै हासात् सर्वार्थकारिका / सर्वाग्रमणिपद्मा तु धनहारी समाधिना // 18 //

सा एवान्त्यादिदाना तु महादानप्रदायिका / अधर्गतसमाङ्गुष्ठतर्जनी मणिसंस्थिता // 19 //

भणिकोशा हरेदर्थान् जगतां विक्रमेण तु / वज्रबन्धाग्रचक्रा तु समाङ्गुस्थप्रवेशिता // 20 //

तर्जनीमणिसंस्थानाच्चक्रवर्तित्वदायिका / सा एवाञ्जली मुखबन्धे समुद्धृता // 21 //

स तु सन्धाय वाचा वै स्वाज्ञया हरते धनं / महावज्रमणिं बध्वा रत्नवर्ष [प्रवर्षिता] // 22 //

सर्वाङ्गुल्युपस्तोभा तु चतुःशो वर्षते धनं / महावज्रमणिं बध्वा नृत्यन्नुष्णीषमध्यतः // 23 //

संपूज्य विधिवत्सर्वै सर्वरत्नैः संपूज्यते / [सर्वार्थसिद्धि] मुद्रां तु कण्ठदेशे परिष्वजेत् // 24 //

मणिबन्धेति विख्याता रक्षा कवचिनी स्मृता / सा एव सर्वसिद्धयर्था यक्षयोगा मुखस्थिता // 25 //

मणिदंष्ट्रेति [विख्या]ता भयात्सर्वार्थहारिणी / वज्रबन्धं दृढीकृत्य कुञ्चिताग्र्या सुयन्त्रिता // 26 //

संगृह्याङ्गुष्ठयोः सम्यग् मणिमुष्टिस्तु सिद्धिदा / पूजाग्रसमयानां तु वज्रधातुप्रयोगतः // 27 //

यथावन्मणियोगेन समयाग्र्यो ऽत्र कल्पिताः / मध्यमा मणियोगेन ता एव तु विकल्पिताः // 28 //

एकाङ्कुश्यादियोगेन सर्वकर्मप्रसाधिका // इति //

अथ महामणिकुलधर्ममुद्राज्ञानं भवन्ति, त्रः, ग्रः, त्रिः, ह्रीः, श्रीः, इः, रः हः, ध्रीः धीः, कृ, वा, रो, ढः, य, अः /

रत्नमुष्टिं द्विधीकृत्य कर्ममुद्रास्तु साधयेद् // इति //

सर्वतथागतकर्मसमयान् महाकल्पराजात् सर्वार्थसिद्धिमहामण्डलविधिविस्तरः समाप्तः /

छप्तेर् 20 रत्न-गुह्य-मुद्र-मन्दल-विधि-विस्तर

अथ भगवान् पुनरपि सर्वतथागताभिषेकधारणीसमयसंभवरत्नाधिष्ठानं नाम समाधिं समापद्येमां स्वमुद्रामभाषत् ओं वज्ररत्नस्तूपे हूं //

अथ वज्रपाणिर्महाबोधिसत्व इमां स्वकुलसंभवां मुद्रामभाषत् ओं वज्राभिषेकमाले अभिषिञ्च समये हूं //

अथ वज्रगर्भो बोधिसत्वो महासत्व इमां स्वमुद्रामभाषत् ओं वज्ररत्नाभिषेके हूं //

अथ वज्रनेत्रो बोधिसत्वो महासत्व इमां स्वमुद्रामभाषत् ओं वज्रधर्माभिषिञ्च मां //

अथ वज्रविश्वो बोधिसत्वो महासत्व इमां स्वमुद्रामभाषत् ओं सर्वाभिषेकपूजासमये हूं //

delineation of the mandala

अथ भगवानार्याकाशगर्भो बोधिसत्वो महासत्व इदं स्वकुलसमयमुद्रामण्डलमभाषत् /

अथातः संप्रवक्ष्यामि मुद्रामण्डलमुत्तमं / वज्रधातुप्रतीकाशं रत्नगुह्यमिति स्मृतं // 1 //

महामण्डलयोगन सूत्रयेत्सर्वमण्डलं / तस्य मध्ये यथान्यायं बुद्धमुद्रां समालिखेत् // 2 //

पर्यङ्कस्थं मणिं पूर्व वज्रधातोः पुरो लिखेत् / मणिमालां मणीं पद्मे मणिं मणिपरीवृत्तं //

तत्रासां मुद्रा भवन्ति / ओं त्रः //

ओं मणिसमये हूं //

ओं मणिरत्नाभिषेकमाले हूं //

ओं मणिरत्नपद्मि हूं //

ओं मणिरत्नवृष्टिसमये हूं //

वज्रवेगेन निष्क्रम्य सर्वसिद्धेस्तु मण्डले / वज्ररत्नस्य मध्ये तु महारत्नमणिं लिखेत् // 1 //

तस्य पार्श्वषु सर्वेषु स्वमुद्रामणिसंयुता / यथावदनुपूर्वेण रत्नाचार्यः समालिखेत् // 2 //

तत्रासां मुद्रा भवन्ति / ओं सर्वार्थसिद्धिप्रदे महावज्ररत्नसमय मणि सर्वार्थान् मे साधय धारणी हू //

ओं मणिरत्नाकर्षे हूं //

ओं मणिरत्नसमयाङ्कुश्याकर्षय मणिकुलं जः //

ओं मणिरागसमये हूं //

ओं मणिसार्थि हूं //

वज्रवेगेन चाक्रम्य द्वितीयं मण्डलं तथा / तत्र मध्ये मणिं लेख्यं नेत्रद्विकसमन्धितन् // 1 //

तस्यास्तु सर्वपार्श्वेषु यथावदनपूर्वशः / मणिचिन्हसमोपेताः स्वमुद्रास्तु समालिखेत् // 2 //

तत्रासां मुद्रा भवन्ति //

ओं वज्रमणिरत्ननेत्रानय वशीकुरु सर्वार्थसंपदः शीघ्रं दृष्ट्याङ्कुशी हूं //

ओं वज्रमणिरत्नमाले ऽभिषिञ्च हूं //

ओं मणिरत्नसूर्ये ज्वालय सर्व महातेजिनि हूं //

ओं मणिचन्द्रध्वजाग्रि हूं //

ओं मणिहासे हस हूं //

वज्रवेगेन चाक्रम्य मणिपद्मं समालिखेत् / तस्य पार्श्वेषु सर्वेषु यथावदनुपूर्वशः // 1 //

तत्रासां मुद्रां भवन्ति / ओं मणिसमाधिपद्मिनि हूं //

ओं मणिरत्नत्यागसमये हूं //

ओं मणिसमयकोशे हूं //

ओं मणिसमयचक्रे हूं //

ओं मणिभाषाग्रि हूं //

वज्रवेगेन चाक्रम्य चतुर्थं मण्डलोत्तमं / तत्रस्थं रत्नवृष्ट्या तु वज्रं रत्नसमन्धितं // 1 // संलिखेत यथावत्तु कर्ममुद्रापरिवृतं / मणिचिन्हप्रयोगैस्तु यथावदनुपूर्वशः // 2 //

अथासां मुद्रा भवन्ति / ओं रत्नवृष्टि साधय महामणि हूं //

ओं महापूजासमये नृत्य अः //

ओं मणिरत्नसमयरक्षे हं //

ओं वज्रमणिरत्न द्रंष्ट्राकराले हर हर हूं //

ओं मणिसमयमुष्टि हूं //

initiation into the mandala

अथात्र मणिगुह्यमण्डले यथावत्कर्म कृत्वा, शिष्यां प्रवेय, ब्रूयात् / "न त्वया कस्यचिदयं नयो वक्तव्यः / मा ते महादारि द्यमकालक्रिया नरकपतनं स्याद्" , इत्युक्त्वा स्वमणिसमयज्ञानान्युत्पादयेत् /

मुद्र

वज्ररत्नं नभे लिख्य वज्ररत्नसमाधिना / आत्मनस्तु ललाटे वै स्थाप्य राजा भवेद्ध्रुवं // 1 //

वज्ररत्नं समालिख्य समयाग्रीन्तु बन्धयेत् / स्थाप्याभिषेकस्थानेषु राज्यत्वं भवते ध्रुवं // 2 //

वज्ररत्नं समालिख्य वज्ररत्नसमाधिना / तज्ज्ञानरत्नं संस्थाप्य भवेद्राजा स्वयंकृतः // 3 //

वज्ररत्नं नभे लिख्य कर्ममुद्रां तु बन्धयेत् / स्वस्थाने तत्प्रतिष्ठाप्य भवेद्राजा स्वयं कृत // इति // 4 //

तत्रैषां हृदयानि भवन्ति / महावज्ररत्नाभिषिञ्च मां //

समयरत्नाभिषिञ्च मां //

धर्मरत्नाभिषिञ्च मां //

कर्मरत्नाभिषिञ्च माम् //

वज्ररत्नं तु हृदये महामुद्रां तु भावयेत् / भावयन्नभिषेकं तु प्राप्नोति परमाद्भुतं // 1 // वज्ररत्नं ललाटे तु भावयं सुसमाहितः / बध्वा वै रत्नवज्रान्तु भवेद्राजा तु सर्वतः // 2 //

वज्ररत्नं तु जिव्हायां वज्ररत्नसमाधिना / भावयन्नभिषेकं प्राप्नुयाद्धर्मराज्यतां // 3 //

वज्ररत्नं स्वमुष्णीषे भावयं सुसमाहितः / बध्वा वै कर्ममुद्रां तु भवेद्राजा सुकर्मकृद् // इति // 4 //

अथासां हृदयानि भवन्ति / ओं वज्ररत्नहृदयाभिषिञ्च होः //

ओं वज्ररत्नाभिषेक त्रः //

ओं वज्ररत्नज्ञानाभिषिञ्च वं //

ओं वज्ररत्नोष्णीषाधीतिष्ठस्व मां //

पटादिषु समालिख्य वज्ररत्नं स्वमात्मना / भावयंस्तु महामुद्रां महाराजा भवेत्स तु // 1 //

पटादिषु समालिख्य [वज्ररत्न] मनुत्तरं / भावयेत्सत्ववज्रां तु समयानां भवेत्पतिः // 2 //

पटादिषु समालिख्य वज्ररत्नं स्वमात्मना / भावयं ध्यानमुद्रां तु भवे[द्धर्मपतिर्ध्रुवं] // 3 //

पटादिषु समालिख्य वज्ररत्नमनुत्तरं / भावयेत्कर्ममुद्रां तु भवेत्कर्माधिपः स्वयम् // इति // // 4 //

तत्रैषां हृदयानि भवन्ति / वज्ररत्न[बिम्बाधितिष्ठ] //

वज्ररत्नबिम्ब प्रतिष्ठ //

वज्ररत्नबिम्बाविश //

वज्ररत्नबिम्ब कुरु //

सौवर्ण वाथ रौप्यं वज्ररत्नं तु भावयेत् / अन्यरत्नमयं वापि हृदि भाव्याभिषिच्यते // 1 //

सौवर्णमन्यरत्नं वा वज्ररत्नं त्वनुत्तरं / स्थाप्य भूयो ललाटे तु भवेद्राजा महाधनः // 2 //

सौवर्णमन्यरत्नं वा वज्ररत्नन्तु भावयेत् / स्वमुखे चैव प्रक्षिप्य भवेद्वाचां पतिस्तु सः // 3 //

सौवर्णमन्यरत्नं वा वज्ररत्नन्तु भावयेत् / उष्णीषे भावयं भूयो सर्वकर्मपतिर्भवेद् // इति // 4 //

तत्रैषां हृदयानि भवन्ति / ओं वज्ररत्नहृदयाभरण हूं //

ओं वज्ररत्नाभिषेक महार्थप्रद //

ओं वज्ररत्नवाचस्पते //

ओं वज्ररत्नमहाकर्मपते //

ततो मणिकुलसमयमुद्रारहस्यज्ञानं शिक्षयेत् /

महावज्रमणिं बध्वा तन्मणिं स्त्रीभगे तथा / प्रवेश्य तु महामुद्रां भावयन् सिद्धिमाप्नुते // 1 //

समयाग्र्या मणिं बध्वा स्त्रीभगे समयग्र्यया / बन्धया तु भवेत्सिद्धिरभिषेकेषु सर्वतः // 2 //

महावज्रमणिं बध्वा धर्ममुद्रां तु भावयन् / तन्मणिं स्त्रीभगे विध्वा भवेत्सिद्धिरनुत्तरा // 3 //

कर्ममुद्रामणिं विध्वा स्त्रीभगे कर्ममुद्रया / बन्धया तु भवेत्सिद्धिः सर्वकर्मस्वनुत्तरम् // इति // 4 //

तत्रासां हृदयानि भवन्ति / ओं महासिद्धिः //

ओं समयाभिषेकसिद्धिः //

ओं धर्मसिद्धिः //

ओं कर्मसिद्धिः //

अथात्र मण्डले महामुद्राबन्धो भवति /

रत्नवज्राङ्कुरां बध्वा मध्यानामान्तिमाङ्गुली / प्रसारितास्तु संधाय मूर्ध्नि स्थाप्याग्रसिद्धिदा // 1 //

वज्रबन्धं समाधाय ग्रन्थिताग्र्या युयोर्णगा / द्वयङ्गुष्ठानामिका वज्रा परिवर्त्याभिषेकदा // 2 //

वज्ररत्नप्रयोगेण सा एव परिवर्तिता / तर्जन्यग्रमुखा सङ्गादभिषेकन्ददाति सा // 3 //

सा एवाङ्गुष्ठज्येष्ठाभ्यां धर्मवज्रप्रयोगतः / बध्वा ललाटगा चैव महाधर्माभिषेकदा // 4 //

कर्मवज्रां समाधाय ललाटे परिवर्त्य वै / सर्वाभिषेकमालां तु स्थापयन्नभिषिञ्चति // 5 //

रत्नसंभवमुद्रां तु समयां वज्रधातुजां / बध्वा रत्नप्रतिष्ठां तु ललाटे त्वभिषिच्यते // 6 //

अङ्गुष्ठा बन्धपर्यङ्का तर्जनीद्वयसन्धिता / मणिमुखाग्र्ययोः कुर्यान्महावज्रमणिं लभेत् // 7 //

वज्रबन्धं समाधाय मणिमुष्टिं प्रसारयेत् / मणिस्तु मध्यमाभ्यां तु मणिमालाभिषेकदा // 8 //

वज्रबन्धं समाधाय मध्यमा मणियोजिता / द्व्यग्रानामविकासा तु पद्मङ्कृत्वा तुं सिध्यति // 9 //

मध्यमाभ्यां मणिं बध्वा सर्वाङ्गुल्यः समुच्छिताः / भावयंस्तु मणीनेव भवेत् सुपरिवारवान् // 10 //

वज्ररत्नं समाधाय [मध्यमाङ्]गुष्ठयोगतः / समानामकनिष्ठा तु जिव्हा मुखे मणिप्रदा // 11 //

सा एव तर्जनी वज्रा तत्स्था एव तथाङ्कु शी / तर्जन्या तर्जनी कर्षा [ताभ्यन्तुष्टिप्रदायि]का // 12 //

मध्यमाभ्यां मणिं बध्वा द्र्यग्रसंकोचसंस्थिता / बध्वानामाङ्गुलिमुखानङ्गुष्ठद्वयच्छादिता // 13 //

सा एव सूर्यावर्ता तु मूर्ध्नि बाहुप्रसारिता / मणिं ध्वजाग्रकेयूरा हासयोगेन योजिता // 14 //

वज्रबन्धं समाधाय ज्येष्ठानाममुखोच्छिता / ताभिः पद्मं तु संभाव्य मध्यमाम्यां मणीकृता // 15 // //

सा एवान्त्यप्रदाना तु वज्रकोशप्रयोजिता / वज्रचक्रप्रयोगा तु सा एव मुखतोद्धृता // 16 //

वज्ररत्नाङ्कु रां बध्वा सर्वाङ्गुल्यः प्रसारयेत् / तां तु मूर्ध्नि प्रतिष्ठाप्य रत्नवृष्टिस्तु वर्षयेत् // 17 //

सा एव चक्रयोगा तु हृदि रत्नद्विधीकृता / मणिग्रहाग्रदंष्ट्रा तु मुष्टिर्मध्यमसन्धिते // ति // 18 //

ततः समयमुद्राज्ञानं शिक्षयेत् /

एता एव महामुद्राः संपुटीकृत्य बन्धयेत् / गुह्यगुह्याः समासेन सिद्धिन्दद्युश्चतुर्गुणम् // इति //

यथावद् वज्रगुह्ये तु सर्वकालं न बन्धयेत् / अतः परं प्रवक्ष्यामि धर्भमुद्राः समासत // इति //

त्रैः ग्रैः हैः सैः ग्र्यः ख द्व्यैः हैः ध्रैः ध्यैः क्रैः वैः क्रयैः रै य्यः मैः /

गुह्यगुह्याग्रमुष्टिस्तु द्विधीकृत्य सर्वकर्मिका // इति //

सर्वतथागतकर्मसमयात् महाकल्पराजाद् रत्नगुह्यमुद्रामण्डलविधिविस्तरः समाप्तः //

chapter 21 jnana-mandala-vidhi-vistara emanation of deiteis from samadhi

अथ भगवान् पुनरपि सर्वतथागताभिषेकज्ञानसमयसंभवाधिष्ठानन्नाम समाधिं समापद्येमं स्वविद्योत्तममभाषत् ओं सर्वतथागताभिषेकज्ञानोत्तम हूं //

अथ वज्रपाणिर्महाबोधिसत्व इमं स्वविद्योत्तममभाषत् ओं वज्रज्ञानाभिषेकसमय हूं //

अथ वज्रगर्भो बोधिसत्वो महासत्व इमं स्वविद्योत्तममभाषत् ओं मणिरत्नाभिषेकज्ञान हूं //

अथ वज्रनेत्रो बोधिसत्वो महासत्व इमं स्वविद्योत्तममभाषत् ओं धर्माभिषेकज्ञानं हूं //

अथ वज्रविश्वो बोधिसत्त्वो महासत्वः इमं स्वविद्योत्तममभाषत् ओं सर्वाभिषेकज्ञान हूं //

delineation of the mandala

अथाकाशगर्भो बोधिसत्वो महासत्वः इदं स्वकुलज्ञानमण्डलममभाषत् /

अथातः संप्रवक्ष्यामि ज्ञानमण्डलमुत्तमं / वज्रधातुप्रतीकाशं रत्नज्ञानमितिस्मृतं // 1 //

महामण्डलयोगेन सूत्रयेत्सर्वमण्डलं / हृदि चिन्हास्तु संलेख्या धर्ममण्डलयोगत // इति // 2 //

अथात्र महामण्डले ज्ञानहृदयानि भवन्ति / ओं सर्वार्थसिद्धिज्ञान हूं // 1 // ओं मणिज्ञान हूं // 2 //ओं मणिज्ञानाङ्कुश // 3 //ओं मणिज्ञानराग // 4 //ओं मणिज्ञानतुष्टि // 5 //ओं ज्ञानदृष्टिमणि हूं // 6 //ओं ज्ञानाभिषेक // 7 //ओं मणिज्ञानसूर्य // 8 //ओं मणिज्ञानध्वज // 9 //ओं मणिज्ञानाट्टहास // 10 //ओं मणिज्ञान पद्म हूं // 11 //ओं ज्ञानमणित्याग // 12 //ओं ज्ञानमणिकोश // 13 //ओं ज्ञानमणिचक्र // 14 //ओं ज्ञानमणिभाष // 15 //ओं ज्ञानमणिरत्नवर्ष // 16 //ओं मणिज्ञाननृत्यपूजासमय हूं // 17 //ओं मणिज्ञानरक्ष // 18 //ओं मणिज्ञानयक्ष // 19 //ओं मणिज्ञानमुष्टि // 20 // initiation into the mandala

अथात्र मण्डले यथावद् विधिविस्तरं कृत्वा, शिष्यानेवं ब्रूयात् / "न त्वया अदृष्टधर्ममण्डलस्य वक्तव्यं / मा ते मरणकालः शीघ्रमेवासिद्धस्य स्याद्" , इत्युक्त्वा, मणिकुलधर्मज्ञानान्युत्पादयेत् /

वज्रगर्भ समालिख्य पटादिषु समाधिना / भावयन् याचयेदर्थान्देहि रत्न इति ब्रूवन् // 1 //

वर्जगर्भं समालिख्य पटादिषु समाधिना / भावयन् याचयेद्रत्नां देहीति वाग् ब्रूवन् // 2 //

वज्रगर्भं समालिख्य पटादिषु विभावयन् / समापत्त्या तु सद्धर्भं देहि ज्ञानेति याचयन् // 3 //

वज्रगर्भं समालिख्य पटादिषु विभावयन् / समापत्त्या तु सत्कर्म देहीति याचयेदिति // 4 //

तत्रैषां हृदयानि भवन्ति / ओं देहि सर्वार्थान् भगवन् वज्रगर्भ //

ओं देहि सर्वरत्नान् भगवन् वज्रगर्भ //

ओं देहि सद्धर्म भगवन् वज्रगर्भ सत्सत्व //

ओं देहि सत्कर्म भगवन् वज्रगर्भ //

आकाशे वान्यदेशे वाभावयं सुसमाहितः / आकाशगर्भं सत्सत्वं याचयेदर्थसंपदः // 1 //

आकाशे वान्यदेशे वा भावयं सुसमाहितः / आकाशगर्भं सत्सत्वं याचयन् रत्नसंचयं // 2 //

आकाशे वान्यदेशे वा भावयं सुसमाहितः / आकाशगर्भं सत्सत्वं याचयेद् धर्मसंपदः // 3 //

आकाशे वान्यदेशे वा भावयं सुसमाहितः / आकाशगर्भं सत्सत्वं याचयेत्कर्मसंचयम् // इति // 4 //

अथैषां हृदयानि भवन्ति / ओं ज्ञानगर्भ देहि सर्वार्थान् / ओं ज्ञानगर्भ देहि सर्वरत्नान //

ओं ज्ञानगर्भ देहि सर्वधर्मान् ओं ज्ञानगर्भ देहि सर्वकर्मान् //

वज्रगर्भ हृदि लिख्यं भावयं सुसमाहितः / यदा तु हृदयं कंपेत् ततः सिद्धो धनं ददेत् // 1 //

वज्रगर्भं ललाटे तु समालिख्य विभावयेत् / यदा तु कंपते शीर्षमभिषेकं स लप्स्यति // 2 //

वज्रगर्भं मुखे विध्वा भावयेत् तत्र एव हि / यदा तु स्फुटते तत्तु तदा वागस्य सिध्यति // 3 //