Śatasāhasrikā Prajñāpāramitā-2

tathā hi nānyat srotaāpattiphalam anyo 'nutpādaḥ, anutpāda eva srotaāpattiphalaṃ srotaāpattiphalam evānutpādaḥ, anenāyuṣmañ chāradvatīputra paryāyeṇa yad etad ucyate śrotraāpattiphalam ity advayasyaiṣā gaṇanā kṛtā, tathā hi nānyat sakṛdāgāmiphalam anyo 'nutpādaḥ, anutpāda eva sakṛdāgāmiphalaṃ sakṛdāgāmiphalam evānutpādaḥ, anenāyuṣmañ chāradvatīputra paryāyeṇa yad etad ucyate sakṛdāgāmiphalam ity advayasyaiṣā gaṇanā kṛtā, tathā hi nānyad anāgāmiphalam anyo 'nutpādaḥ, anutpāda evānāgāmiphalam anāgāmiphalam evānutpādaḥ, anenāyuṣmañ chāradvatīputra paryāyeṇa yad etad ucyate 'nāgāmiphalam ity advayasyaiṣā gaṇanā kṛtā, tathā hi nānyad arhattvam anyo 'nutpādaḥ, anutpāda evārhattvam arhattvam evānutpādaḥ, anenāyuṣmañ chāradvatīputra paryāyeṇa yad etad ucyate 'rhattvam ity advayasyaiṣā gaṇanā kṛtā, tathā hi nānyā pratyekabodhir anyo 'nutpādaḥ, anutpāda eva pratyekabodhiḥ pratyekabodhir evānutpādaḥ, anenāyuṣmañ chāradvatīputra paryāyeṇa yo 'yam ucyate pratyekabodhir ity advayasyaiṣā gaṇanā kṛtā, tathā hi nānyā sarvajñatānyo 'nutpādaḥ, anutpāda eva sarvajñatā sarvajñataivānutpādaḥ, anenāyuṣmañ chāradvatīputra paryāyeṇa yeyam ucyate sarvajñatety advayasyaiṣā gaṇanā kṛtā, tathā hi nānyā mārgākārajñatānyo 'nutpādaḥ, anutpāda eva mārgākārajñatā mārgākārajñataivānutpādaḥ, anenāyuṣmañ chāradvatīputra paryāyeṇa yeyam ucyate mārgākārajñatety advayasyaiṣā gaṇanā kṛtā, tathā hi nānyā sarvākārajñatānyo 'nutpādaḥ, anutpāda eva sarvākārajñatā sarvākārajñataivānutpādaḥ.

anenāyuṣmañ chāradvatīputra paryāyeṇa yeyam ucyate sarvākārajñatety advayasyaiṣā gaṇanā kṛtā.

athāyuṣman subhūtir bhagavantam etad avocat: yasmin samaye bhagavan bodhisattvo mahasattvaḥ prajñāpāramitāyāṃ carann imān dharmān evam upaparīkṣate, tasmin samaye bhagavan rūpasyānutpādaṃ paśyaty atyantaviśuddhitām upādāya, vedanāyā anutpādaṃ paśyaty atyantaviśuddhitām upādāya, saṃjñāyā anutpādaṃ paśyaty atyantaviśuddhitām upādāya, saṃskārāṇām anutpādaṃ paśyaty atyantaviśuddhitām upādāya, vijñānasyānutpādaṃ paśyaty atyantaviśuddhitām upādāya.

cakṣuṣo 'nutpādaṃ paśyaty atyantaviśuddhitām upādāya, śrotrasyānutpādaṃ paśyaty atyantaviśuddhitām upādāya, ghrāṇasyānutpādaṃ paśyaty atyantaviśuddhitām upādāya, jihvāyā anutpādaṃ paśyaty atyantaviśuddhitām upādāya, kāyasyānutpādaṃ paśyaty atyantaviśuddhitām upādāya, manaso 'nutpādaṃ paśyaty atyantaviśuddhitām upādāya.

rūpasyānutpādaṃ paśyaty atyantaviśuddhitām upādāya, śabdasyānutpādaṃ paśyaty atyantaviśuddhitām upādāya, gandhasyānutpādaṃ paśyaty atyantaviśuddhitām upādāya, rasasyānutpādaṃ paśyaty atyantaviśuddhitām upādāya, sparśasyānutpādaṃ paśyaty atyantaviśuddhitām upādāya, dharmāṇām anutpādaṃ paśyaty atyantaviśuddhitām upādāya.

cakṣurvijñānasyānutpādaṃ paśyaty atyantaviśuddhitām upādāya, śrotravijñānasyānutpādaṃ paśyaty atyantaviśuddhitām upādāya, ghrāṇavijñānasyānutpādaṃ paśyaty atyantaviśuddhitām upādāya, jihvāvijñānasyānutpādaṃ paśyaty atyantaviśuddhitām upādāya, kāyavijñānasyānutpādaṃ paśyaty atyantaviśuddhitām upādāya, manovijñānasyānutpādaṃ paśyaty atyantaviśuddhitām upādāya.

cakṣuḥsaṃsparśasyānutpādaṃ paśyaty atyantaviśuddhitām upādāya, śrotrasaṃsparśasyānutpādaṃ paśyaty atyantaviśuddhitām upādāya, ghrāṇasaṃsparśasyānutpādaṃ paśyaty atyantaviśuddhitām upādāya, jihvāsaṃsparśasyānutpādaṃ paśyaty atyantaviśuddhitām upādāya, kāyasaṃsparśasyānutpādaṃ paśyaty atyantaviśuddhitām upādāya, manaḥsaṃsparśasyānutpādaṃ paśyaty atyantaviśuddhitām upādāya.

cakṣuḥsaṃsparśapratyayavedanāyā anutpādaṃ paśyaty atyantaviśuddhitām upādāya, śrotrasaṃsparśapratyayavedanāyā anutpādaṃ paśyaty atyantaviśuddhitām upādāya, ghrāṇasaṃsparśapratyayavedanāyā anutpādaṃ paśyaty atyantaviśuddhitām upādāya, jihvāsaṃsparśapratyayavedanāyā anutpādaṃ paśyaty atyantaviśuddhitām upādāya, kāyasaṃsparśapratyayavedanāyā (śsp ii-2 60) anutpādaṃ paśyaty atyantaviśuddhitām upādāya, manaḥsaṃsparśapratyayavedanāyā anutpādaṃ paśyaty atyantaviśuddhitām upādāya.

pṛthivīdhātor anutpādaṃ paśyaty atyantaviśuddhitām upādāya, abdhātor anutpādaṃ paśyaty atyantaviśuddhitām upādāya, tejodhātor anutpādaṃ paśyaty atyantaviśuddhitām upādāya, vāyudhātor anutpādaṃ paśyaty atyantaviśuddhitām upādāya, ākāśadhātor anutpādaṃ paśyaty atyantaviśuddhitām upādāya, vijñānadhātor anutpādaṃ paśyaty atyantaviśuddhitām upādāya.

avidyāyā anutpādaṃ paśyaty atyantaviśuddhitām upādāya, saṃskārāṇām anutpādaṃ paśyaty atyantaviśuddhitām upādāya, vijñānasyānutpādaṃ paśyaty atyantaviśuddhitām upādāya, nāmarūpasyānutpādaṃ paśyaty atyantaviśuddhitām upādāya, ṣaḍāyatanasyānutpādaṃ paśyaty atyantaviśuddhitām upādāya, sparśasyānutpādaṃ paśyaty atyantaviśuddhitām upādāya, vedanāyā anutpādaṃ paśyaty atyantaviśuddhitām upādāya, tṛṣṇāyā anutpādaṃ paśyaty atyantaviśuddhitām upādāya, upādānasyānutpādaṃ paśyaty atyantaviśuddhitām upādāya, bhavasyānutpādaṃ paśyaty atyantaviśuddhitām upādāya, jāter anutpādaṃ paśyaty atyantaviśuddhitām upādāya, jarāmaraṇasyānutpādaṃ paśyaty atyantaviśuddhitām upādāya.

dānapāramitāyā anutpādaṃ paśyaty atyantaviśuddhitām upādāya, śīlapāramitāyā anutpādaṃ paśyaty atyantaviśuddhitām upādāya, kṣāntipāramitāyā anutpādaṃ paśyaty atyantaviśuddhitām upādāya, vīryapāramitāyā anutpādaṃ paśyaty atyantaviśuddhitām upādāya, dhyānapāramitāyā anutpādaṃ paśyaty atyantaviśuddhitām upādāya, prajñāpāramitāyā anutpādaṃ paśyaty atyantaviśuddhitām upādāya.

adhyātmaśūnyatāyā anutpādaṃ paśyaty atyantaviśuddhitām upādāya, bahirdhāśūnyatāyā anutpādaṃ paśyaty atyantaviśuddhitām upādāya, adhyātmabahirdhāśūnyatāyā anutpādaṃ paśyaty atyantaviśuddhitām upādāya, śūnyatāśūnyatāyā anutpādaṃ paśyaty atyantaviśuddhitām upādāya, mahāśūnyatāyā anutpādaṃ paśyaty atyantaviśuddhitām upādāya, paramārthaśūnyatāyā anutpādaṃ paśyaty atyantaviśuddhitām upādāya, saṃskṛtaśūnyatāyā anutpādaṃ paśyaty atyantaviśuddhitām upādāya, asaṃskṛtaśūnyatāyā anutpādaṃ paśyaty atyantaviśuddhitām upādāya, atyantaśūnyatāyā anutpādaṃ paśyaty atyantaviśuddhitām upādāya, anavarāgraśūnyatāyā anutpādaṃ paśyaty atyantaviśuddhitām upādāya, anavakāraśūnyatāyā (śsp ii-2 61) anutpādaṃ paśyaty atyantaviśuddhitām upādāya, prakṛtiśūnyatāyā anutpādaṃ paśyaty atyantaviśuddhitām upādāya, sarvadharmaśūnyatāyā anutpādaṃ paśyaty atyantaviśuddhitām upādāya, svalakṣaṇaśūnyatāyā anutpādaṃ paśyaty atyantaviśuddhitām upādāya, anupalambhaśūnyatāyā anutpādaṃ paśyaty atyantaviśuddhitām upādāya, abhāvaśūnyatāyā anutpādaṃ paśyaty atyantaviśuddhitām upādāya, svabhāvaśūnyatāyā anutpādaṃ paśyaty atyantaviśuddhitām upādāya, abhāvasvabhāvaśūnyatāyā anutpādaṃ paśyaty atyantaviśuddhitām upādāya.

smṛtyupasthānānām anutpādaṃ paśyaty atyantaviśuddhitām upādāya, samyakprahāṇānām anutpādaṃ paśyaty atyantaviśuddhitām upādāya, ṛddhipādānām anutpādaṃ paśyaty atyantaviśuddhitām upādāya, indriyāṇām anutpādaṃ paśyaty atyantaviśuddhitām upādāya, balānām anutpādaṃ paśyaty atyantaviśuddhitām upādāya, bodhyaṅgānām anutpādaṃ paśyaty atyantaviśuddhitām upādāya, āryāṣṭāṅgamārgasyānutpādaṃ paśyaty atyantaviśuddhitām upādāya, āryasatyānām anutpādaṃ paśyaty atyantaviśuddhitām upādāya, dhyānānām anutpādaṃ paśyaty atyantaviśuddhitām upādāya, apramāṇānām anutpādaṃ paśyaty atyantaviśuddhitām upādāya, ārūpyasamāpattīnām anutpādaṃ paśyaty atyantaviśuddhitām upādāya, vimokṣāṇām anutpādaṃ paśyaty atyantaviśuddhitām upādāya, anupūrvavihārasamāpattīnām anutpādaṃ paśyaty atyantaviśuddhitām upādāya.

śūnyatānimittepraṇihitavimokṣamukhānām anutpādaṃ paśyaty atyantaviśuddhitām upādāya, abhijñānām anutpādaṃ paśyaty atyantaviśuddhitām upādāya, samādhīnām anutpādaṃ paśyaty atyantaviśuddhitām upādāya, dhāraṇīmukhānām anutpādaṃ paśyaty atyantaviśuddhitām upādāya, tathāgatabalānām anutpādaṃ paśyaty atyantaviśuddhitām upādāya, vaiśāradyānām anutpādaṃ paśyaty atyantaviśuddhitām upādāya, pratisaṃvidām anutpādaṃ paśyaty atyantaviśuddhitām upādāya, mahāmaitryā anutpādaṃ paśyaty atyantaviśuddhitām upādāya, mahākaruṇāyā anutpādaṃ paśyaty atyantaviśuddhitām upādāya, āveṇikabuddhadharmāṇām anutpādaṃ paśyaty atyantaviśuddhitām upādāya.

sarvajñatāyā anutpādaṃ paśyaty atyantaviśuddhitām upādāya, mārgākārajñatāyā anutpādaṃ paśyaty atyantaviśuddhitām upādāya, sarvākārajñatāyā anutpādaṃ paśyaty atyantaviśuddhitām upādāya.

pṛthagjanasyānutpādaṃ paśyaty atyantaviśuddhitām upādāya, pṛthagjanadharmāṇām anutpādaṃ paśyaty atyantaviśuddhitām upādāya, srotaāpannasyānutpādaṃ paśyaty atyantaviśuddhitām upādāya, sakṛdāgāmino 'nutpādaṃ paśyaty atyantaviśuddhitām upādāya, anāgāmino 'nutpādaṃ paśyaty atyantaviśuddhitām upādāya, arhato 'nutpādaṃ paśyaty atyantaviśuddhitām upādāya, pratyekabuddhasyānutpādaṃ paśyaty atyantaviśuddhitām upādāya, srotaāpannadharmāṇām anutpādaṃ paśyaty atyantaviśuddhitām upādāya, sakṛdāgāmidharmāṇām anutpādaṃ paśyaty atyantaviśuddhitām upādāya, anāgāmidharmāṇām anutpādaṃ paśyaty atyantaviśuddhitām upādāya, pratyekabuddhadharmāṇām anutpādaṃ paśyaty atyantaviśuddhitām upādāya, bodhisattvasyānutpādaṃ paśyaty atyantaviśuddhitām upādāya, bodhisattvadharmāṇām anutpādaṃ paśyaty atyantaviśuddhitām upādāya, buddhasyānutpādaṃ paśyaty atyantaviśuddhitām upādāya, buddhadharmāṇām anutpādaṃ paśyaty atyantaviśuddhitām upādāya.

athāyuṣmāñ chāradvatīputra āyuṣmantaṃ subhūtim etad avocat: yathāham āyuṣmataḥ subhūter bhāṣitasyārtham ājānāmi,

rūpam anutpādaḥ, vedanām anutpādaḥ, saṃjñām anutpādaḥ, saṃskārā anutpādaḥ, vijñānam anutpādaḥ.

cakṣur anutpādaḥ, śrotram anutpādaḥ, ghrāṇam anutpādaḥ, jihvānutpādaḥ, kāyo 'nutpādaḥ, mano 'nutpādaḥ.

rūpam anutpādaḥ, śabdo 'nutpādaḥ, gandho 'nutpādaḥ, raso 'nutpādaḥ, sparśo 'nutpādaḥ, dharmā anutpādaḥ.

cakṣurvijñānam anutpādaḥ, śrotravijñānam anutpādaḥ, ghrāṇavijñānam anutpādaḥ, jihvāvijñānam anutpādaḥ, kāyavijñānam anutpādaḥ, manovijñānam anutpādaḥ.

cakṣuḥsaṃsparśo 'nutpādaḥ, śrotrasaṃsparśo 'nutpādaḥ, ghrāṇasaṃsparśo 'nutpādaḥ, jihvāsaṃsparśo 'nutpādaḥ, kāyasaṃsparśo 'nutpādaḥ, manaḥsaṃsparśo 'nutpādaḥ.

cakṣuḥsaṃsparśapratyayavedanānutpādaḥ, śrotrasaṃsparśapratyayavedanānutpādaḥ, ghrāṇasaṃsparśapratyayavedanānutpādaḥ, jihvāsaṃsparśapratyayavedanānutpādaḥ (śsp ii-2 63) kāyasaṃsparśapratyayavedanānutpādaḥ, manaḥsaṃsparśapratyayavedanānutpādaḥ.

pṛthivīdhātur anutpādaḥ, abdhātur anutpādaḥ, tejodhātur anutpādaḥ, vāyudhātur anutpādaḥ, ākāśadhātur anutpādaḥ, vijñānadhātur anutpādaḥ.

avidyānutpādaḥ, saṃskārā anutpādaḥ, vijñānam anutpādaḥ, nāmarūpam anutpādaḥ, ṣaḍāyatanam anutpādaḥ, sparśo 'nutpādaḥ, vedanānutpādaḥ, tṛṣṇānutpādaḥ, upādānam anutpādaḥ, bhavo 'nutpādaḥ, jātir anutpādaḥ, jarāmaraṇam anutpādaḥ.

dānapāramitānutpādaḥ, śīlapāramitānutpādaḥ, kṣāntipāramitānutpādaḥ, vīryapāramitānutpādaḥ, dhyānapāramitānutpādaḥ, prajñāpāramitānutpādaḥ.

adhyātmaśūnyatānutpādaḥ, bahirdhāśūnyatānutpādaḥ, adhyātmabahirdhāśūnyatānutpādaḥ, śūnyatāśūnyatānutpādaḥ, mahāśūnyatānutpādaḥ, paramārthaśūnyatānutpādaḥ, saṃskṛtaśūnyatānutpādaḥ, asaṃskṛtaśūnyatānutpādaḥ, atyantaśūnyatānutpādaḥ, anavarāgraśūnyatānutpādaḥ, anavakāraśūnyatānutpādaḥ, prakṛtiśūnyatānutpādaḥ, sarvadharmaśūnyatānutpādaḥ, svalakṣaṇaśūnyatānutpādaḥ, anupalambhaśūnyatānutpādaḥ, abhāvaśūnyatānutpādaḥ, svabhāvaśūnyatānutpādaḥ, abhāvasvabhāvaśūnyatānutpādaḥ.

smṛtyupasthānāny anutpādaḥ, samyakprahāṇāny anutpādaḥ, ṛddhipādā anutpādaḥ, indriyāṇy anutpādaḥ, balāny anutpādaḥ, bodhyaṅgāny anutpādaḥ, āryāṣṭāṅgo mārgo 'nutpādaḥ, āryasatyāny anutpādaḥ, catvāri dhyānāny anutpādaḥ, catvāry apramāṇāny anutpādaḥ, catasra ārūpyasamāpattayo 'nutpādaḥ, aṣṭau vimokṣā anutpādaḥ, navānupūrvavihārasamāpattayo 'nutpādaḥ,

śūnyatānimittāpraṇihitavimokṣamukhāny anutpādaḥ, abhijñā anutpādaḥ, samādhayo 'nutpādaḥ, dhāraṇīmukhāny anutpādaḥ, daśatathāgatabalāny anutpādaḥ, catvāri vaiśāradyāny anutpādaḥ, catasraḥ pratisaṃvido 'nutpādaḥ, mahāmaitry anutpādaḥ, mahākaruṇānutpādaḥ, aṣṭādaśāveṇikabuddhadharmā anutpādaḥ. sarvajñatānutpādaḥ, mārgākārajñatānutpādaḥ, sarvākārajñatānutpādaḥ,

pṛthagjano 'nutpādaḥ, pṛthagjanadharmā anutpādaḥ, srotaāpanno 'nutpādaḥ, srotaāpannadharmā anutpādaḥ, sakṛdāgāmino 'nutpādaḥ, sakṛdāgāmidharmā anutpādaḥ, anāgāmino 'nutpādaḥ, anāgāmidharmā anutpādaḥ, (śsp ii-2 64) arhattvam anutpādaḥ, arhaddharmā anutpādaḥ, pratyekabuddho 'nutpādaḥ, pratyekabuddhadharmā anutpādaḥ, bodhisattvo 'nutpādaḥ, bodhisattvadharmā anutpādaḥ, buddho 'py anutpādaḥ, buddhadharmā anutpādaḥ. yadi vāyuṣman subhūte rūpam anutpādaḥ, vedanām anutpādaḥ, saṃjñām anutpādaḥ, saṃskārā anutpādaḥ, vijñānam anutpādaḥ.

cakṣur anutpādaḥ śrotram anutpādo ghrāṇam anutpādo jihvānutpādaḥ kāyo 'nutpādo mano 'nutpādaḥ.

rūpam anutpādaḥ śabdo 'nutpādo gandho 'nutpādo raso 'nutpādaḥ sparśo 'nutpādo dharmā anutpādaḥ. cakṣurvijñānam anutpādaḥ, śrotravijñānam anutpādo ghrāṇavijñānam anutpādo jihvāvijñānam anutpādaḥ kāyavijñānam anutpādo manovijñānam anutpādaḥ.

cakṣuḥsaṃsparśo 'nutpādaḥ śrotrasaṃsparśo 'nutpādo ghrāṇasaṃsparśo 'nutpādo jihvāsaṃsparśo 'nutpādaḥ kāyasaṃsparśo 'nutpādo manaḥsaṃsparśo 'nutpādaḥ.

cakṣuḥsaṃsparśapratyayavedanānutpādaḥ śrotrasaṃsparśapratyayavedanānutpādo ghrāṇasaṃsparśapratyayavedanānutpādo jihvāsaṃsparśapratyayavedanānutpādaḥ kāyasaṃsparśapratyayavedanānutpādo manaḥsaṃsparśapratyayavedanānutpādaḥ.

pṛthivīdhātur anutpādo 'bdhātur anutpādaḥ tejodhātur anutpādo vāyudhātur anutpāda ākāśadhātur anutpādo vijñānadhātur anutpādaḥ.

avidyānutpādaḥ saṃskārā anutpādo vijñānam anutpādo nāmarūpam anutpādaḥ ṣaḍāyatanam anutpādaḥ sparśo 'nutpādo vedanānutpādaḥ tṛṣṇānutpāda upādānam anutpādo bhavo 'nutpādo jātir anutpādo jarāmaraṇam anutpādaḥ.

dānapāramitānutpādaḥ śīlapāramitānutpādaḥ kṣāntipāramitānutpādo vīryapāramitānutpādo dhyānapāramitānutpādaḥ prajñāpāramitānutpādaḥ.

adhyātmaśūnyatānutpādo bahirdhāśūnyatānutpādo 'dhyātmabahirdhāśūnyatānutpādaḥ śūnyatāśūnyatānutpādo mahāśūnyatānutpādaḥ paramārthaśūnyatānutpādaḥ saṃskṛtaśūnyatānutpādo 'saṃskṛtaśūnyatānutpādo 'tyantaśūnyatānutpādo 'navarāgraśūnyatānutpādo 'navakāraśūnyatānutpādaḥ prakṛtiśūnyatānutpādaḥ sarvadharmaśūnyatānutpādaḥ svalakṣaṇaśūnyatānutpādo 'nupalambhaśūnyatānutpādo (śsp ii-2 65) 'bhāvaśūnyatānutpādaḥ svabhāvaśūnyatānutpādo 'bhāvasvabhāvaśūnyatānutpādaḥ.

smṛtyupasthānāny anutpādaḥ samyakprahāṇāny anutpāda ṛddhipādā anutpādaḥ indriyāṇy anutpādo balāny anutpādo bodhyaṅgāny anutpāda āryāṣṭāṅgo mārgo 'nutpāda āryasatyāny anutpādaś catvāri dhyānāny anutpādaś catvāry apramāṇāny anutpāda catasra ārūpyasamāpattayo 'nutpādo aṣṭau vimokṣānutpādo navānupūrvavihārasamāpattayo 'nutpādaḥ,

śūnyatānimittāpraṇihitavimokṣamukhāny anutpādo 'bhijñānutpādaḥ, samādhayo 'nutpādo dhāraṇīmukhāny anutpādaḥ daśatathāgatabalāny anutpādaś catvāri vaiśāradyāny anutpādaś catasraḥ pratisaṃvido 'nutpādo mahāmaitry anutpādo mahākaruṇānutpādo 'ṣṭādaśāveṇikabuddhadharmā anutpādaḥ. sarvajñatānutpādaḥ, mārgākārajñatānutpādaḥ, sarvākārajñatānutpādaḥ,

pṛthagjano 'nutpādaḥ, pṛthagjanadharmā anutpādaḥ, srotaāpanno 'nutpādaḥ, srotaāpannadharmā anutpādaḥ, sakṛdāgāmino 'nutpādaḥ, sakṛdāgāmidharmā anutpādaḥ, anāgāmino 'nutpādaḥ, anāgāmidharmā anutpādaḥ, arhattvam anutpādaḥ, arhaddharmā anutpādaḥ, pratyekabuddho 'nutpādaḥ, pratyekabuddhadharmā anutpādaḥ, bodhisattvo 'nutpādaḥ, bodhisattvadharmā anutpādaḥ, buddho 'py anutpādaḥ, buddhadharmā apy anutpādaḥ. tat prāptam eva bhavati śrāvakayāṇikaiḥ srotaāpattiphalaṃ sakṛdāgāmiphalam anāgāmiphalam arhattvaṃ prāptaiva bhavati, pratyekabuddhayānikaiḥ pratyekabodhiḥ prāptaiva bhavati, bodhisattvena mahāsattvena sarvākārajñatā pañcānāṃ gatīnāṃ bhede na bhaviṣyati prāptaiva bhavati bodhisattvena mahasattvena pañcavidhā bodhiḥ.

yady āyuṣman subhūte sarvadharmā anutpādaḥ, kiṃ kāraṇaṃ srotaāpannena trayāṇāṃ saṃyojanānāṃ prahāṇāya mārgo bhāvitaḥ, sakṛdāgāminā rāgadveṣamohānāṃ tanutvāya mārgo bhāvitaḥ, anāgāminā pañcānām avarabhāgīyāṇāṃ saṃyojanānāṃ prahāṇāya mārgo bhāvitaḥ, arhatā pañcānāṃ mūrdhabhāgīyānāṃ saṃyojanānāṃ prahāṇāya mārgo bhāvitaḥ, pratyekabuddhayānikaiḥ pratyekabodhaye mārgo bhāvitaḥ? kiṃ kāraṇaṃ bodhisattvo mahāsattvo duṣkaracaryāñ carati yad duḥkhāni sattvānāṃ kṛtane pratyanubhavati? kiṃ kāraṇaṃ tathāgatenānuttarā samyaksaṃbodhir abhisaṃbuddhā, kiṃ kāraṇaṃ tathāgatena dharmacakraṃ pravartitam?

evam ukte āyuṣmān subhūtir āyuṣmantaṃ śāradvatīputram etad avocat: nāham āyuṣmañ chāradvatīputrānutpādasya dharmasya prāptim icchāmi na samayaṃ cānutpādasya srotaāpattitvam icchāmi, srotaāpattiphalaṃ nānutpādasya sakṛdāgāmitvam icchāmi, sakṛdāgāmiphalaṃ nānutpādasyānāgāmitvam icchāmi nānāgāmiphalaṃ nānutpādasyārhattvam icchāmi nārhattvasākṣātkriyāṃ, nānutpādasya pratyekabuddhatvam icchāmi na pratyekabodhir nāpy aham āyuṣmañ chāradvatīputrecchāmi yo bodhisattvo mahāsattvo duṣkaracaryāṃ caran nāpi bodhisattvo mahāsattvo duṣkarasaṃjñayā carati. tat kasya hetoḥ? na hy āyuṣmañ chāradvatīputra duḥkhasaṃjñāṃ janayitvāśakyam aprameyāṇām asaṃkhyeyānāṃ sattvānām arthaṃ kartum api tv āyuṣmañ chāradvatīputra sarvattveyumātṛsaṃjñā janayitvā pitṛsaṃjñāṃ janayitvā putrasaṃjñā janayitvāsakyam aprameyāṇām asaṃkhyeyānāṃ sattvānām arthakartun tac cānupalambhayogena evaṃ bodhisattvena mahāsattvena cittam utpādayitavyaṃ, yathātmātmeti cocyate sa ca sarveṇa sarvathā sarvaṃ na saṃvidyate nopalabhyate.

evam adhyātmikabāhyeṣu dharmeṣu saṃjñotpādayitavyā, saced evaṃ saṃjñām utpādayitavyeti duṣkarasaṃjñām utpadayiṣyati. tat kasya hetoḥ? tathā hi na sa kaccit tad dharmam utpādayati nopalabhyate nāham āyuṣmañ chāradvatīputrānutpāde tathāgatam icchāmi nānuttarā saṃyaksaṃbodhir yathā tathāgatena dharmacakraṃ pravartitaṃ na hy anutpannena dharmeṇa prāptiḥ prāpyate.

āha: kim punas tvam āyuṣman subhūte utpannena dharmeṇa prāptim icchasi? athānutpannena dharmeṇa prāpyamāṇam?

subhūtir āha: nāham āyuṣmañ chāradvatīputrotpānnena dharmeṇa prāptim icchāmi nāpy anutpannena dharmeṇa prāpyamāṇām.

āha: kiṃ punar āyuṣman subhūte nāsti prāptir nāsty abhisamayaḥ.

subhūtir āha: asty āyuṣmañ chāradvatīputra prāptir asty abhisamayo na punaḥ paramārthena dharmeṇa.

api tu khalu punar āyuṣmañ chāradvatīputra lokavyavahāreṇa prāptir abhisamayo vā prajñāpyate lokavyavahāreṇa srotaāpanno vā sakṛdāgāmī vā nāgāmī vārhattvaṃ vā pratyekabuddho vā bodhisattvo vā prajñayate. na punaḥ paramārthena prāptir vābhisamayo vā srotaāpanno vā (śsp ii-2 67) sakṛdāgāmī vānāgāmī vārhattvaṃ vā pratyekabuddho vā bodhisattvo vā buddho vā prajñapyate.

āha: kiṃ punar āyuṣman subhūte yathaiva lokavyavahāreṇa prāptiś cābhisamayaś ca tathaiva pañcānāṃ gatīnāṃ lokavyavahāreṇa bhedo na punaḥ paramārthena?

āha: evam etad āyuṣmañ chāradvatīputra yathaiva lokavyavahāreṇa prāptiś cābhisamayaś ca tathaiva pañcānāṃ gatīnāṃ lokavyavahāreṇa bhedo na punaḥ paramārthena. tat kasya hetoḥ? na hy āyuṣmañ chāradvatīputra paramārtheṇa karmaṇaḥ karamavipākaḥ, notpādo na nirodho na saṃkleśo na vyavadānaḥ.

āha: kiṃ punar āyuṣman subhūte 'nutpanno dharma utpadyate, atha votpanno dharma utpadyate?

subhūtir āha: nāham āyuṣmañ chāradvatīputrānutpannasya dharmasyotpādam icchāmi.

āha: katamasyāyuṣman subhūte anutpannasya dharmasyotpādaṃ necchasi?

subhūtir āha: rūpasyāyuṣmañ chāradvatīputrānutpannasya svabhāvaśūnyasyotpādaṃ necchāmi, vedanāyā āyuṣmañ chāradvatīputrānutpannasya svabhāvaśūnyasyotpādaṃ necchāmi, saṃjñāyā āyuṣmañ chāradvatīputrānutpannasya svabhāvaśūnyasyotpādaṃ necchāmi, saṃskārāṇām āyuṣmañ chāradvatīputrānutpannasya svabhāvaśūnyasyotpādaṃ necchāmi, vijñānasyāyuṣmañ chāradvatīputrānutpannasya svabhāvaśūnyasyotpādaṃ necchāmi.

cakṣuṣo 'ham āyuṣmañ chāradvatīputrānutpannasya svabhāvaśūnyasyotpādaṃ necchāmi, śrotrasyāham āyuṣmañ chāradvatīputrānutpannasya svabhāvaśūnyasyotpādaṃ necchāmi, ghrāṇasyāham āyuṣmañ chāradvatīputrānutpannasya svabhāvaśūnyasyotpādaṃ necchāmi, jihvāyā aham āyuṣmañ chāradvatīputrānutpannasya svabhāvaśūnyasyotpādaṃ necchāmi, kāyasyāham āyuṣmañ chāradvatīputrānutpannasya svabhāvaśūnyasyotpādaṃ necchāmi, manaso 'ham āyuṣmañ chāradvatīputrānutpannasya svabhāvaśūnyasyotpādaṃ necchāmi.

rūpasyāham āyuṣmañ chāradvatīputrānutpannasya svabhāvaśūnyasyotpādaṃ necchāmi, śabdasyāham āyuṣmañ chāradvatīputrānutpannasya svabhāvaśūnyasyotpādaṃ necchāmi, gandhasyāham āyuṣmañ chāradvatīputrānutpannasya (śsp ii-2 68) svabhāvaśūnyasyotpādaṃ necchāmi, rasasyāham āyuṣmañ chāradvatīputrānutpannasya svabhāvaśūnyasyotpādaṃ necchāmi, sparśasyāham āyuṣmañ chāradvatīputrānutpannasya svabhāvaśūnyasyotpādaṃ necchāmi, dharmānām aham āyuṣmañ chāradvatīputrānutpannasya svabhāvaśūnyasyotpādaṃ necchāmi.

cakṣurvijñānasyāham āyuṣmañ chāradvatīputrānutpannasya svabhāvaśūnyasyotpādaṃ necchāmi, śrotravijñānasyāham āyuṣmañ chāradvatīputrānutpannasya svabhāvaśūnyasyotpādaṃ necchāmi, ghrāṇavijñānasyāham āyuṣmañ chāradvatīputrānutpannasya svabhāvaśūnyasyotpādaṃ necchāmi, jihvāvijñānasyāham āyuṣmañ chāradvatīputrānutpannasya svabhāvaśūnyasyotpādaṃ necchāmi, kāyavijñānasyāham āyuṣmañ chāradvatīputrānutpannasya svabhāvaśūnyasyotpādaṃ necchāmi, manovijñānasyāham āyuṣmañ chāradvatīputrānutpannasya svabhāvaśūnyasyotpādaṃ necchāmi.

cakṣuḥsaṃsparśasyāham āyuṣmañ chāradvatīputrānutpannasya svabhāvaśūnyasyotpādaṃ necchāmi, śrotrasaṃsparśasyāham āyuṣmañ chāradvatīputrānutpannasya svabhāvaśūnyasyotpādaṃ necchāmi, ghrāṇasaṃsparśasyāham āyuṣmañ chāradvatīputrānutpannasya svabhāvaśūnyasyotpādaṃ necchāmi, jihvāsaṃsparśasyāham āyuṣmañ chāradvatīputrānutpannasya svabhāvaśūnyasyotpādaṃ necchāmi, kāyasaṃsparśasyāham āyuṣmañ chāradvatīputrānutpannasya svabhāvaśūnyasyotpādaṃ necchāmi, manaḥsaṃsparśasyāham āyuṣmañ chāradvatīputrānutpannasya svabhāvaśūnyasyotpādaṃ necchāmi.

cakṣuḥsaṃsparśapratyayavedanāyā aham āyuṣmañ chāradvatīputrānutpannasya svabhāvaśūnyasyotpādaṃ necchāmi, śrotrasaṃsparśapratyayavedanāyā aham āyuṣmañ chāradvatīputrānutpannasya svabhāvaśūnyasyotpādaṃ necchāmi, ghrāṇasaṃsparśapratyayavedanāyā aham āyuṣmañ chāradvatīputrānutpannasya svabhāvaśūnyasyotpādaṃ necchāmi, jihvāsaṃsparśapratyayavedanāyā aham āyuṣmañ chāradvatīputrānutpannasya svabhāvaśūnyasyotpādaṃ necchāmi, kāyasaṃsparśapratyayavedanāyā aham āyuṣmañ chāradvatīputrānutpannasya svabhāvaśūnyasyotpādaṃ necchāmi, manaḥsaṃsparśapratyayavedanāyā aham āyuṣmañ chāradvatīputrānutpannasya svabhāvaśūnyasyotpādaṃ necchāmi.

pṛthivīdhātor aham āyuṣmañ chāradvatīputrānutpannasya svabhāvaśūnyasyotpādaṃ necchāmi, abdhātor aham āyuṣmañ chāradvatīputrānutpannasya (śsp ii-2 69) svabhāvaśūnyasyotpādaṃ necchāmi, tejodhātor aham āyuṣmañ chāradvatīputrānutpannasya svabhāvaśūnyasyotpādaṃ necchāmi, vāyudhātor aham āyuṣmañ chāradvatīputrānutpannasya svabhāvaśūnyasyotpādaṃ necchāmi, ākāśadhātor aham āyuṣmañ chāradvatīputrānutpannasya svabhāvaśūnyasyotpādaṃ necchāmi, vijñānadhātor aham āyuṣmañ chāradvatīputrānutpannasya svabhāvaśūnyasyotpādaṃ necchāmi.

avidyāyā aham āyuṣmañ chāradvatīputrānutpannāyāḥ svabhāvaśūnyāyā utpādaṃ necchāmi, saṃskārāṇām aham āyuṣmañ chāradvatīputrānutpannānāṃ svabhāvaśūnyānām utpādaṃ necchāmi, vijñānasyāham āyuṣmañ chāradvatīputrānutpannasya svabhāvaśūnyasyotpādaṃ necchāmi, nāmarūpasyāham āyuṣmañ chāradvatīputrānutpannasya svabhāvaśūnyasyotpādaṃ necchāmi, ṣaḍāyatanasyāham āyuṣmañ chāradvatīputrānutpannasya svabhāvaśūnyasyotpādaṃ necchāmi, sparśasyāham āyuṣmañ chāradvatīputrānutpannasya svabhāvaśūnyasyotpādaṃ necchāmi, vedanāyā aham āyuṣmañ chāradvatīputrānutpannāyāḥ svabhāvaśūnyāyā utpādaṃ necchāmi, tṛṣṇāyā aham āyuṣmañ chāradvatīputrānutpannāyāḥ svabhāvaśūnyāyā utpādaṃ necchāmi, upādānasyāham āyuṣmañ chāradvatīputrānutpannasya svabhāvaśūnyasyotpādaṃ necchāmi, bhavasyāham āyuṣmañ chāradvatīputrānutpannasya svabhāvaśūnyasyotpādaṃ necchāmi, jāter aham āyuṣmañ chāradvatīputrānutpannāyāḥ svabhāvaśūnyāyā utpādaṃ necchāmi, jarāmaraṇasyāham āyuṣmañ chāradvatīputrānutpannasya svabhāvaśūnyasyotpādaṃ necchāmi.

dānapāramitāyā aham āyuṣmañ chāradvatīputrānutpannāyāḥ svabhāvaśūnyāyā utpādaṃ necchāmi, śīlapāramitāyā aham āyuṣmañ chāradvatīputrānutpannāyāḥ svabhāvaśūnyāyā utpādaṃ necchāmi, kṣāntipāramitāyā aham āyuṣmañ chāradvatīputrānutpannāyāḥ svabhāvaśūnyāyā utpādaṃ necchāmi, vīryapāramitāyā aham āyuṣmañ chāradvatīputrānutpannāyāḥ svabhāvaśūnyāyā utpādaṃ necchāmi, dhyānapāramitāyā aham āyuṣmañ chāradvatīputrānutpannāyāḥ svabhāvaśūnyāyā utpādaṃ necchāmi, prajñāpāramitāyā aham āyuṣmañ chāradvatīputrānutpannāyāḥ svabhāvaśūnyāyā utpādaṃ necchāmi.

adhyātmaśūnyatāyā aham āyuṣmañ chāradvatīputrānutpannāyāḥ svabhāvaśūnyāyā utpādaṃ necchāmi, bahirdhāśūnyatāyā aham āyuṣmañ chāradvatīputrānutpannāyāḥ svabhāvaśūnyāyā utpādaṃ necchāmi, adhyātmabahirdhāśūnyatāyā (śsp ii-2 70) aham āyuṣmañ chāradvatīputrānutpannāyāḥ svabhāvaśūnyāyā utpādaṃ necchāmi, śūnyatāśūnyatāyā aham āyuṣmañ chāradvatīputrānutpannāyāḥ svabhāvaśūnyāyā utpādaṃ necchāmi, mahāśūnyatāyā aham āyuṣmañ chāradvatīputrānutpannāyāḥ svabhāvaśūnyāyā utpādaṃ necchāmi, paramārthaśūnyatāyā aham āyuṣmañ chāradvatīputrānutpannāyāḥ svabhāvaśūnyāyā utpādaṃ necchāmi, saṃskṛtaśūnyatāyā aham āyuṣmañ chāradvatīputrānutpannāyāḥ svabhāvaśūnyāyā utpādaṃ necchāmi, asaṃskṛtaśūnyatāyā aham āyuṣmañ chāradvatīputrānutpannāyāḥ svabhāvaśūnyāyā utpādaṃ necchāmi, atyantaśūnyatāyā aham āyuṣmañ chāradvatīputrānutpannāyāḥ svabhāvaśūnyāyā utpādaṃ necchāmi, anavarāgraśūnyatāyā aham āyuṣmañ chāradvatīputrānutpannāyāḥ svabhāvaśūnyāyā utpādaṃ necchāmi, anavakāraśūnyatāyā aham āyuṣmañ chāradvatīputrānutpannāyāḥ svabhāvaśūnyāyā utpādaṃ necchāmi, prakṛtiśūnyatāyā aham āyuṣmañ chāradvatīputrānutpannāyāḥ svabhāvaśūnyāyā utpādaṃ necchāmi, sarvadharmaśūnyatāyā aham āyuṣmañ chāradvatīputrānutpannāyāḥ svabhāvaśūnyāyā utpādaṃ necchāmi, svalakṣaṇaśūnyatāyā aham āyuṣmañ chāradvatīputrānutpannāyāḥ svabhāvaśūnyāyā utpādaṃ necchāmi, anupalambhaśūnyatāyā aham āyuṣmañ chāradvatīputrānutpannāyāḥ svabhāvaśūnyāyā utpādaṃ necchāmi, abhāvaśūnyatāyā aham āyuṣmañ chāradvatīputrānutpannāyāḥ svabhāvaśūnyāyā utpādaṃ necchāmi, svabhāvaśūnyatāyā aham āyuṣmañ chāradvatīputrānutpannāyāḥ svabhāvaśūnyāyā utpādaṃ necchāmi, abhāvasvabhāvaśūnyatāyā aham āyuṣmañ chāradvatīputrānutpannāyāḥ svabhāvaśūnyāyā utpādaṃ necchāmi.

smṛtyupasthānānām aham āyuṣmañ chāradvatīputrānutpannānāṃ svabhāvaśūnyānām utpādaṃ necchāmi, samyakprahāṇānām aham āyuṣmañ chāradvatīputrānutpannānāṃ svabhāvaśūnyānām utpādaṃ necchāmi, ṛddhipādānām aham āyuṣmañ chāradvatīputrānutpannānāṃ svabhāvaśūnyānām utpādaṃ necchāmi, indriyāṇām aham āyuṣmañ chāradvatīputrānutpannānāṃ svabhāvaśūnyānām utpādaṃ necchāmi, balānām aham āyuṣmañ chāradvatīputrānutpannānāṃ svabhāvaśūnyānām utpādaṃ necchāmi, bodhyaṅgānām aham āyuṣmañ chāradvatīputrānutpannānāṃ svabhāvaśūnyānām utpādaṃ necchāmi, āryāṣṭāṅgamārgasyāham āyuṣmañ chāradvatīputrānutpannasya svabhāvaśūnyasyotpādaṃ necchāmi, āryasatyānām aham āyuṣmañ chāradvatīputrānutpannānāṃ svabhāvaśūnyānām (śsp ii-2 71) utpādaṃ necchāmi, dhyānānām aham āyuṣmañ chāradvatīputrānutpannānāṃ svabhāvaśūnyānām utpādaṃ necchāmi, apramāṇānām aham āyuṣmañ chāradvatīputrānutpannānāṃ svabhāvaśūnyānām utpādaṃ necchāmi, ārūpyasamāpattīnām aham āyuṣmañ chāradvatīputrānutpannānāṃ svabhāvaśūnyānām utpādaṃ necchāmi, vimokṣāṇām aham āyuṣmañ chāradvatīputrānutpannānāṃ svabhāvaśūnyānām utpādaṃ necchāmi, anupūrvavihārasamāpattlnām aham āyuṣmañ chāradvatīputrānutpannānāṃ svabhāvaśūnyānām utpādaṃ necchāmi,

śūnyatānimittāpraṇihitavimokṣamukhānām aham āyuṣmañ chāradvatīputrānutpannānāṃ svabhāvaśūnyānām utpādaṃ necchāmi, abhijñānām aham āyuṣmañ chāradvatīputrānutpannānāṃ svabhāvaśūnyānām utpādaṃ necchāmi, samādhīnām aham āyuṣmañ chāradvatīputrānutpannānāṃ svabhāvaśūnyānām utpādaṃ necchāmi, dhāraṇīmukhānām aham āyuṣmañ chāradvatīputrānutpannānāṃ svabhāvaśūnyānām utpādaṃ necchāmi,

tathāgatabalānām aham āyuṣmañ chāradvatīputrānutpannānāṃ svabhāvaśūnyānām utpādaṃ necchāmi, vaiśāradyānām aham āyuṣmañ chāradvatīputrānutpannānāṃ svabhāvaśūnyānām utpādaṃ necchāmi, pratisaṃvidām aham āyuṣmañ chāradvatīputrānutpannānāṃ svabhāvaśūnyānām utpādaṃ necchāmi, mahāmaitryā aham āyuṣmañ chāradvatīputrānutpannānāṃ svabhāvaśūnyānām utpādaṃ necchāmi, mahākaruṇāyā aham āyuṣmañ chāradvatīputrānutpannāyāḥ svabhāvaśūnyāyām utpādaṃ necchāmi, āveṇikabuddhadharmāṇām aham āyuṣmañ chāradvatīputrānutpannānāṃ svabhāvaśūnyānām utpādaṃ necchāmi,

srotaāpattiphalasyāham āyuṣmañ chāradvatīputrānutpannānāṃ svabhāvaśūnyānām utpādaṃ necchāmi, sakṛdāgāmiphalasyāham āyuṣmañ chāradvatīputrānutpannasya svabhāvaśūnyasyotpādaṃ necchāmi, anāgāmiphalasyāham āyuṣmañ chāradvatīputrānutpannasya svabhāvaśūnyasyotpādaṃ necchāmi, arhattvasyāham āyuṣmañ chāradvatīputrānutpannasya svabhāvaśūnyasyotpādaṃ necchāmi, pratyekabodher aham āyuṣmañ chāradvatīputrānutpannāyāḥ svabhāvaśūnyāyā utpādaṃ necchāmi, sarvajñatāyā aham āyuṣmañ chāradvatīputrānutpannāyāḥ svabhāvaśūnyāyā utpādaṃ necchāmi, mārgākārajñatāyā aham āyuṣmañ chāradvatīputrānutpannāyāḥ svabhāvaśūnyāyā utpādaṃ necchāmi, sarvākārajñatāyā aham āyuṣmañ (śsp ii-2 72) chāradvatīputrānutpannāyāḥ svabhāvaśūnyāyā utpādaṃ necchāmi.

āha: katamasya tvam āyuṣman subhūte utpannasya dharmasyotpādaṃ necchasi?

āha: rūpasyāham āyuṣmañ chāradvatīputrotpannasya svabhāvaśūnyasyotpādaṃ necchāmi, vedanāyā aham āyuṣmañ chāradvatīputrotpannāyāḥ svabhāvaśūnyāyā utpādaṃ necchāmi, saṃjñāyā aham āyuṣmañ chāradvatīputrotpannāyāḥ svabhāvaśūnyāyā utpādaṃ necchāmi, saṃskārāṇām aham āyuṣmañ chāradvatīputrotpannānāṃ svabhāvaśūnyānām utpādaṃ necchāmi, vijñānasyāham āyuṣmañ chāradvatīputrotpannasya svabhāvaśūnyasyotpādaṃ necchāmi.

cakṣuṣo 'ham āyuṣmañ chāradvatīputrotpannasya svabhāvaśūnyasyotpādaṃ necchāmi, śrotrasyāham āyuṣmañ chāradvatīputrotpannasya svabhāvaśūnyasyotpādaṃ necchāmi, ghrāṇasyāham āyuṣmañ chāradvati putrotpannasya svabhāvaśūnyasyotpādaṃ necchāmi, jihvāyā aham āyuṣmañ chāradvatīputrotpannasya svabhāvaśūnyasyotpādaṃ necchāmi, kāyasyāham āyuṣmañ chāradvatīputrotpannasya svabhāvaśūnyasyotpādaṃ necchāmi, manaso 'ham āyuṣmañ chāradvatīputrotpannasya svabhāvaśūnyasyotpādaṃ necchāmi.

rūpasyāham āyuṣmañ chāradvatīputrotpannasya svabhāvaśūnyasyotpādaṃ necchāmi, śabdasyāham āyuṣmañ chāradvatīputrotpannasya svabhāvaśūnyasyotpādaṃ necchāmi, gandhasyāham āyuṣmañ chāradvatīputrotpannasya svabhāvaśūnyasyotpādaṃ necchāmi, rasasyāham āyuṣmañ chāradvatīputrotpannasya svabhāvaśūnyasyotpādaṃ necchāmi, sparśasyāham āyuṣmañ chāradvatīputrotpannasya svabhāvaśūnyasyotpādaṃ necchāmi, dharmāṇām aham āyuṣmañ chāradvatīputrotpannānāṃ svabhāvaśūnyānām utpādaṃ necchāmi.

cakṣurvijñānasyāham āyuṣmañ chāradvatīputrotpannasya svabhāvaśūnyasyotpādaṃ necchāmi, śrotravijñānasyāham āyuṣmañ chāradvatīputrotpannasya svabhāvaśūnyasyotpādaṃ necchāmi, ghrāṇavijñānasyāham āyuṣmañ chāradvatīputrotpannasya svabhāvaśūnyasyotpādaṃ necchāmi, jihvāvijñānasyāham āyuṣmañ chāradvatīputrotpannasya svabhāvaśūnyasyotpādaṃ necchāmi, kāyavijñānasyāham āyuṣmañ chāradvatīputrotpannasya (śsp ii-2 73) svabhāvaśūnyasyotpādaṃ necchāmi, manovijñānasyāham āyuṣmañ chāradvatīputrotpannasya svabhāvaśūnyasyotpādaṃ necchāmi.

cakṣuḥsaṃsparśasyāham āyuṣmañ chāradvatīputrotpannasya svabhāvaśūnyasyotpādaṃ necchāmi, śrotrasaṃsparśasyāham āyuṣmañ chāradvatīputrotpannasya svabhāvaśūnyasyotpādaṃ necchāmi, ghrāṇasaṃsparśasyāham āyuṣmañ chāradvatīputrotpannasya svabhāvaśūnyasyotpādaṃ necchāmi, jihvāsaṃsparśasyāham āyuṣmañ chāradvatīputrotpannasya svabhāvaśūnyasyotpādaṃ necchāmi, kāyasaṃsparśasyāham āyuṣmañ chāradvatīputrotpannasya svabhāvaśūnyasyotpādaṃ necchāmi, manaḥsaṃsparśasyāham āyuṣmañ chāradvatīputrotpannasya svabhāvaśūnyasyotpādaṃ necchāmi.

cakṣuḥsaṃsparśapratyayavedanāyā aham āyuṣmañ chāradvatīputrotpannāyāḥ svabhāvaśūnyāyā utpādaṃ necchāmi, śrotrasaṃsparśapratyayavedanāyā aham āyuṣmañ chāradvatīputrotpannāyāḥ svabhāvaśūnyāyā utpādaṃ necchāmi, ghrāṇasaṃsparśapratyayavedanāyā aham āyuṣmañ chāradvatīputrotpannāyāḥ svabhāvaśūnyāyā utpādaṃ necchāmi, jihvāsaṃsparśapratyayavedanāyā aham āyuṣmañ chāradvatīputrotpannāyāḥ svabhāvaśūnyāyā utpādaṃ necchāmi, kāyasaṃsparśapratyayavedanāyā aham āyuṣmañ chāradvatīputrotpannāyāḥ svabhāvaśūnyāyā utpādaṃ necchāmi, manaḥsaṃsparśapratyayavedanāyā aham āyuṣmañ chāradvatīputrotpannāyāḥ svabhāvaśūnyāyā utpādaṃ necchāmi.

pṛthivīdhātor aham āyuṣmañ chāradvatīputrotpannasya svabhāvaśūnyasyotpādaṃ necchāmi, abdhātor aham āyuṣmañ chāradvatīputrotpannasya svabhāvaśūnyasyotpādaṃ necchāmi, tejodhātor aham āyuṣmañ chāradvatīputrotpannasya svabhāvaśūnyasyotpādaṃ necchāmi, vāyudhātor aham āyuṣmañ chāradvatīputrotpannasya svabhāvaśūnyasyotpādaṃ necchāmi, ākāśadhātor aham āyuṣmañ chāradvatīputrotpannasya svabhāvaśūnyasyotpādaṃ necchāmi, vijñānadhātor aham āyuṣmañ chāradvatīputrotpannasya svabhāvaśūnyasyotpādaṃ necchāmi.

avidyāyā aham āyuṣmañ chāradvatīputrotpannāyāḥ svabhāvaśūnyāyā utpādaṃ necchāmi, saṃskārāṇām aham āyuṣmañ chāradvatīputrotpannānāṃ svabhāvaśūnyānām utpādaṃ necchāmi, vijñānasyāham āyuṣmañ chāradvatīputrotpannasya svabhāvaśūnyasyotpādaṃ necchāmi, nāmarūpasyāham āyuṣmañ chāradvatīputrotpannasya svabhāvaśūnyasyotpādaṃ necchāmi, ṣaḍāyatanasyāham āyuṣmañ chāradvatīputrotpannasya svabhāvaśūnyasyotpādaṃ (śsp ii-2 74) necchāmi, sparśasyāham āyuṣmañ chāradvatīputrotpannasya svabhāvaśūnyasyotpādaṃ necchāmi, vedanāyā aham āyuṣmañ chāradvatīputrotpannāyāḥ svabhāvaśūnyāyā utpādaṃ necchāmi, tṛṣṇāyā aham āyuṣmañ chāradvatīputrotpannāyāḥ svabhāvaśūnyāyā utpādaṃ necchāmi, upādānasyāham āyuṣmañ chāradvatīputrotpannasya svabhāvaśūnyasyotpādaṃ necchāmi, bhavasyāham āyuṣmañ chāradvatīputrotpannasya svabhāvaśūnyasyotpādaṃ necchāmi, jāter aham āyuṣmañ chāradvatīputrotpannāyāḥ svabhāvaśūnyāyā utpādaṃ necchāmi, jarāmaraṇasyāham āyuṣmañ chāradvatīputrotpannasya svabhāvaśūnyasyotpādaṃ necchāmi.

dānapāramitāyā aham āyuṣmañ chāradvatīputrotpannāyāḥ svabhāvaśūnyāyā utpādaṃ necchāmi, śīlapāramitāyā aham āyuṣmañ chāradvatīputrotpannāyāḥ svabhāvaśūnyāyā utpādaṃ necchāmi, kṣāntipāramitāyā aham āyuṣmañ chāradvatīputrotpannāyāḥ svabhāvaśūnyāyā utpādaṃ necchāmi, vīryapāramitāyā aham āyuṣmañ chāradvatīputrotpannāyāḥ svabhāvaśūnyāyā utpādaṃ necchāmi, dhyānapāramitāyā aham āyuṣmañ chāradvatīputrotpannāyāḥ svabhāvaśūnyāyā utpādaṃ necchāmi, prajñāpāramitāyā aham āyuṣmañ chāradvatīputrotpannāyāḥ svabhāvaśūnyāyā utpādaṃ necchāmi.

adhyātmaśūnyatāyā aham āyuṣmañ chāradvatīputrotpannāyāḥ svabhāvaśūnyāyā utpādaṃ necchāmi, bahirdhāśūnyatāyā aham āyuṣmañ chāradvatīputrotpannāyāḥ svabhāvaśūnyāyā utpādaṃ necchāmi, adhyātmabahirdhāśūnyatāyā aham āyuṣmañ chāradvatīputrotpannāyāḥ svabhāvaśūnyāyā utpādaṃ necchāmi, śūnyatāśūnyatāyā aham āyuṣmañ chāradvatīputrotpannāyāḥ svabhāvaśūnyāyā utpādaṃ necchāmi, mahāśūnyatāyā aham āyuṣmañ chāradvatīputrotpannāyāḥ svabhāvaśūnyāyā utpādaṃ necchāmi, paramārthaśūnyatāyā aham āyuṣmañ chāradvatīputrotpannāyāḥ svabhāvaśūnyāyā utpādaṃ necchāmi, saṃskṛtaśūnyatāyā aham āyuṣmañ chāradvatīputrotpannāyāḥ svabhāvaśūnyāyā utpādaṃ necchāmi, asaṃskṛtaśūnyatāyā aham āyuṣmañ chāradvatīputrotpannāyāḥ svabhāvaśūnyāyā utpādaṃ necchāmi, atyantaśūnyatāyā aham āyuṣmañ chāradvatīputrotpannāyāḥ svabhāvaśūnyāyā utpādaṃ necchāmi, anavarāgraśūnyatāyā aham āyuṣmañ chāradvatīputrotpannāyāḥ svabhāvaśūnyāyā utpādaṃ necchāmi, anavakāraśūnyatāyā aham āyuṣmañ chāradvatīputrotpannāyāḥ svabhāvaśūnyāyā utpādaṃ necchāmi, prakṛtiśūnyatāyā aham āyuṣmañ chāradvatīputrotpannāyāḥ svabhāvaśūnyāyā utpādaṃ necchāmi, sarvadharmaśūnyatāyā (śsp ii-2 75) aham āyuṣmañ chāradvatīputrotpannāyāḥ svabhāvaśūnyāyā utpādaṃ necchāmi, svalakṣaṇaśūnyatāyā aham āyuṣmañ chāradvatīputrotpannāyāḥ svabhāvaśūnyāyā utpādaṃ necchāmi, anupalambhaśūnyatāyā aham āyuṣmañ chāradvatīputrotpannāyāḥ svabhāvaśūnyāyā utpādaṃ necchāmi, abhāvaśūnyatāyā aham āyuṣmañ chāradvatīputrotpannāyāḥ svabhāvaśūnyāyā utpādaṃ necchāmi, svabhāvaśūnyatāyā aham āyuṣmañ chāradvatīputrotpannāyāḥ svabhāvaśūnyāyā utpādaṃ necchāmi, abhāvasvabhāvaśūnyatāyā aham āyuṣmañ chāradvatīputrotpannāyāḥ svabhāvaśūnyāyā utpādaṃ necchāmi.

smṛtyupasthānānām aham āyuṣmañ chāradvatīputrotpannānāṃ svabhāvaśūnyānām utpādaṃ necchāmi, samyakprahāṇānām aham āyuṣmañ chāradvatīputrotpannānāṃ svabhāvaśūnyānām utpādaṃ necchāmi, ṛddhipādānām aham āyuṣmañ chāradvatīputrotpannānāṃ svabhāvaśūnyānām utpādaṃ necchāmi, indriyāṇām aham āyuṣmañ chāradvatīputrotpannānāṃ svabhāvaśūnyānām utpādaṃ necchāmi, balānām aham āyuṣmañ chāradvatīputrotpannānāṃ svabhāvaśūnyānām utpādaṃ necchāmi, bodhyaṅgānām aham āyuṣmañ chāradvatīputrotpannānāṃ svabhāvaśūnyānām utpādaṃ necchāmi, āryāṣṭāṅgamārgasyāham āyuṣmañ chāradvatīputrotpannasya svabhāvaśūnyasyotpādaṃ necchāmi, āryasatyānām aham āyuṣmañ chāradvatīputrotpannānāṃ svabhāvaśūnyānām utpādaṃ necchāmi, dhyānānām aham āyuṣmañ chāradvatīputrotpannānāṃ svabhāvaśūnyānām utpādaṃ necchāmi, apramāṇānām aham āyuṣmañ chāradvatīputrotpannānāṃ svabhāvaśūnyānām utpādaṃ necchāmi, ārūpyasamāpattīnām aham āyuṣmañ chāradvatīputrotpannānāṃ svabhāvaśūnyānām utpādaṃ necchāmi, vimokṣāṇām aham āyuṣmañ chāradvatīputrotpannānāṃ svabhāvaśūnyānām utpādaṃ necchāmi, anupūrvavihārasamāpattinām aham āyuṣmañ chāradvatīputrotpannānāṃ svabhāvaśūnyānām utpādaṃ necchāmi,

śūnyatānimittāpraṇihitavimokṣamukhānām aham āyuṣmañ chāradvatīputrotpannānāṃ svabhāvaśūnyānām utpādaṃ necchāmi, abhijñānām aham āyuṣmañ chāradvatīputrotpannānāṃ svabhāvaśūnyānām utpādaṃ necchāmi, samādhīnām aham āyuṣmañ chāradvatīputrotpannānāṃ svabhāvaśūnyānām utpādaṃ necchāmi, dhāraṇīmukhānām aham āyuṣmañ chāradvatīputrotpannānāṃ svabhāvaśūnyānām utpādaṃ necchāmi,

tathāgatabalānām aham āyuṣmañ chāradvatīputrotpannānāṃ svabhāvaśūnyānām utpādaṃ necchāmi, vaiśāradyānām aham āyuṣmañ chāradvatīputrotpannānāṃ svabhāvaśūnyānām utpādaṃ necchāmi, pratisaṃvidām aham āyuṣmañ chāradvatīputrotpannānāṃ svabhāvaśūnyānām utpādaṃ necchāmi, mahāmaitryā aham āyuṣmañ chāradvatīputrotpannānāṃ svabhāvaśūnyānām utpādaṃ necchāmi, mahākaruṇāyā aham āyuṣmañ chāradvatīputrotpannāyāḥ svabhāvaśūnyāyām utpādaṃ necchāmi, āveṇikabuddhadharmāṇām aham āyuṣmañ chāradvatīputrotpannānāṃ svabhāvaśūnyānām utpādaṃ necchāmi,

srotaāpattiphalasyāham āyuṣmañ chāradvatīputrotpannānāṃ svabhāvaśūnyānām utpādaṃ necchāmi, sakṛdāgāmiphalasyāham āyuṣmañ chāradvatīputrotpannasya svabhāvaśūnyasyotpādaṃ necchāmi, anāgāmiphalasyāham āyuṣmañ chāradvatīputrotpannasya svabhāvaśūnyasyotpādaṃ necchāmi, arhattvasyāham āyuṣmañ chāradvatīputrotpannasya svabhāvaśūnyasyotpādaṃ necchāmi, pratyekabodher aham āyuṣmañ chāradvatīputrotpannāyāḥ svabhāvaśūnyāyā utpādaṃ necchāmi,

sarvajñatāyā aham āyuṣmañ chāradvatīputrotpannāyāḥ svabhāvaśūnyāyā utpādaṃ necchāmi, mārgākārajñatāyā aham āyuṣmañ chāradvatīputrotpannāyāḥ svabhāvaśūnyāyā utpādaṃ necchāmi, sarvākārajñatāyā aham āyuṣmañ chāradvatīputrotpannāyāḥ svabhāvaśūnyāyā utpādaṃ necchāmi.

śāradvatīputra āha: kiṃ punar āyuṣman subhūte utpāda utpadyate? athānutpāda utpadyate?

āha: na hy āyuṣmañ chāradvatīputrotpāda utpadyate, nānutpāda utpadyate. tat kasya hetoḥ? tathā hy āyuṣmañ chāradvatīputra yaś cotpādo yaś cānutpāda ubhāv etau dharmau na saṃyuktau na visaṃyuktāv arūpiṇāv anidarśanāv apratighāv ekalakṣaṇo yad utālakṣaṇaḥ. tad anenāyuṣmañ chāradvatīputra paryāyeṇa notpāda utpadyate, nānutpāda utpadyate.

śāradvatīputra āha: anutpanno dharmo 'nutpanno dharma ity āyuṣman subhūte pratibhāti te mantrayitum, anutpannānāṃ dharmāṇām anutpādo hy āyuṣman subhūte pratibhāti mantrayitum.

subhūtir āha: anutpanno dharmo 'nutpanno dharma ity āyuṣmañ (śsp ii-2 77) chāradvatīputra yac ca pratibhāti te mantrayitum iti, anutpanno dharmo 'nutpanno dharma ity āyuṣmañ chāradvatīputra na me pratibhāti mantrayitum, anutpannānāṃ dharmāṇām anutpādo 'pi me āyuṣmañ chāradvatīputra na pratibhāti mantrayitum. tat kasya hetoḥ? tathā hy āyuṣmañ chāradvatīputra yaś cānutpanno dharmo yaś cānutpādo yac ca pratibhānaṃ ye ca mantrā yā cānutpattiḥ sarvadharmā ete na saṃyuktā na visaṃyuktā arūpiṇo 'nidarśanā apratighā avijñaptikā ekalakṣaṇā yad utālakṣaṇāḥ.

āha: anutpāda ity āyuṣman subhūte mantraḥ, anutpādaṃ pratibhānaṃ, anutpādo dharmaḥ, te 'pi dharmā anutpādā yāṃs tān ārabhya pratibhāti mantrayitum.

subhūtir āha: evam etad āyuṣmañ chāradvatīputra anutpādo mantro 'nutpādaḥ pratibhāno 'nutpādo dharmaḥ, te 'pi dharmā anutpādā yāṃs tān ārabhya pratibhāti mantrayitum. tat kasya hetoḥ? tathā hy āyuṣmañ chāradvatīputra rūpam anutpādo vedanānutpādaḥ saṃjñānutpādaḥ saṃskārānutpādo vijñānam anutpādaḥ.

cakṣur anutpādaḥ śrotram anutpādo ghrāṇam anutpādo jihvānutpādaḥ kāyo 'nutpādo mano 'nutpādaḥ.

rūpam anutpādaḥ śabdo 'nutpādo gandho 'nutpādo raso 'nutpādaḥ sparśo 'nutpādo dharmā anutpādaḥ.

cakṣurvijñānam anutpādaḥ, śrotravijñānam anutpādo ghrāṇavijñānam anutpādo jihvāvijñānam anutpādaḥ kāyavijñānam anutpādo manovijñānam anutpādaḥ.

cakṣuḥsaṃsparśo 'nutpādaḥ śrotrasaṃsparśo 'nutpādo ghrāṇasaṃsparśo 'nutpādo jihvāsaṃsparśo 'nutpādaḥ kāyasaṃsparśo 'nutpādo manaḥsaṃsparśo 'nutpādaḥ.

cakṣuḥsaṃsparśapratyayavedanānutpādaḥ śrotrasaṃsparśapratyayavedanānutpādo ghrāṇasaṃsparśapratyayavedanānutpādo jihvāsaṃsparśapratyayavedanānutpādaḥ kāyasaṃsparśapratyayavedanānutpādo manaḥsaṃsparśapratyayavedanānutpādaḥ.

pṛthivīdhātur anutpādo 'bdhātur anutpādaḥ tejodhātur anutpādo vāyudhātur anutpāda ākāśadhātur anutpādo vijñānadhātur anutpādaḥ.

avidyānutpādaḥ saṃskārā anutpādo vijñānam anutpādo nāmarūpam anutpādaḥ ṣaḍāyatanam anutpādaḥ sparśo 'nutpādo vedanānutpādaḥ tṛṣṇānutpāda upādānam anutpādo bhavo 'nutpādo jātir anutpādo jarāmaraṇam anutpādaḥ.

dānapāramitānutpādaḥ śīlapāramitānutpādaḥ kṣāntipāramitānutpādo vīryapāramitānutpādo dhyānapāramitānutpādaḥ prajñāpāramitānutpādaḥ.

adhyātmaśūnyatānutpādo bahirdhāśūnyatānutpādo 'dhyātmabahirdhāśūnyatānutpādaḥ śūnyatāśūnyatānutpādo mahāśūnyatānutpādaḥ paramārthaśūnyatānutpādaḥ saṃskṛtaśūnyatānutpādo 'saṃskṛtaśūnyatānutpādo 'tyantaśūnyatānutpādo 'navarāgraśūnyatānutpādo 'navakāraśūnyatānutpādaḥ prakṛtiśūnyatānutpādaḥ sarvadharmaśūnyatānutpādaḥ svalakṣaṇaśūnyatānutpādo 'nupalambhaśūnyatānutpādo 'bhāvaśūnyatānutpādaḥ svabhāvaśūnyatānutpādo 'bhāvasvabhāvaśūnyatānutpādaḥ.

smṛtyupasthānāny anutpādaḥ samyakprahāṇāny anutpāda ṛddhipādā anutpādaḥ indriyāṇy anutpādo balāny anutpādo bodhyaṅgāny anutpāda āryāṣṭāṅgo mārgo 'nutpāda āryasatyāny anutpādo dhyānāny anutpādo 'pramāṇāny anutpāda ārūpyasamāpattayo 'nutpādo vimokṣānutpādo 'nupūrvavihārasamāpattayo 'nutpādaḥ,

śūnyatānimittāpraṇihitavimokṣamukhāny anutpādo 'bhijñānutpādaḥ, samādhayo 'nutpādo dhāraṇīmukhāny anutpādaḥ tathāgatabalāny anutpādo vaiśāradyāny anutpādaḥ pratisaṃvido 'nutpādo mahāmaitry anutpādo mahākaruṇānutpāda āveṇikabuddhadharmā anutpādaḥ.

srotaāpattiphalam anutpādaḥ sakṛdāgāmiphalam anutpādo 'nāgāmiphalam anutpādo 'rhattvam anutpādaḥ pratyekabodhir anutpādaḥ, sarvajñatānutpādo mārgākārajñatānutpādaḥ sarvākārajñatānutpādaḥ,

anenāyuṣmañ chāradvatīputra paryāyeṇānutpādo mantro 'nutpādaṃ pratibhānam anutpādo dharmaḥ, te 'pi dharmā anutpādā yāṃs tān ārabhya pratibhāti mantrayitum.

āha: dharmakathikānām agratāyām ayam āyuṣman subhūtiḥ sthāpayitavyaḥ. tat kasya hetoḥ? tathā hi subhūtiḥ sthaviro yato yata eva paripṛcchyate tatas tata eva niḥsarati.

subhūtir āha: dharmataiṣāyuṣmañ chāradvatīputra bhagavataḥ śrāvakānām aniśritānāṃ sarvadharmeṣu te yato yata eva paripṛcchyante (śsp ii-2 79) tatas tata eva niḥsaranti. tat kasya hetoḥ? yathāpi tad aniśritatvāt sarvadharmāṇām.

āha: katham āyuṣman subhūte 'niśritāḥ sarvadharmāḥ?

subhūtir āha: rūpam āyuṣmañ chāradvatīputra prakṛtiśūnyaṃ tan nādhyātmaniśritaṃ na bahirdhāniśritaṃ nobhayam antareṇopalabhyate, vedanāyuṣmañ chāradvatīputra prakṛtiśūnyā sā nādhyātmaniśritā na bahirdhāniśritā nobhayam antareṇopalabhyate, saṃjñāyuṣmañ chāradvatīputra prakṛtiśūnyā sā nādhyātmaniśritā na bahirdhāniśritā nobhayam antareṇopalabhyate, saṃskārā āyuṣmañ chāradvatīputra prakṛtiśūnyās te nādhyātmaniśritā na bahirdhāniśritā nobhayam antreṇopalabhyate, vijñānam āyuṣmañ chāradvatīputra prakṛtiśūnyaṃ taṃ nādhyātmaniśritaṃ na bahirdhāniśritaṃ nobhayam antareṇopalabhyate.

cakṣur āyuṣmañ chāradvatīputra prakṛtiśūnyaṃ tan nādhyātmaniśritaṃ na bahirdhāniśritaṃ nobhayam antareṇopalabhyate, śrotram āyuṣmañ chāradvatīputra prakṛtiśūnyaṃ tan nādhyātmaniśritaṃ na bahirdhāniśritaṃ nobhayam antareṇopalabhyate, ghrāṇam āyuṣmañ chāradvatīputra prakṛtiśūnyaṃ tan nādhyātmaniśritaṃ na bahirdhāniśritaṃ nobhayam antareṇopalabhyate, jihvāyuṣmañ chāradvatīputra prakṛtiśūnyā sā nādhyātmaniśritā na bahirdhāniśritā nobhayam antareṇopalabhyate, kāya āyuṣmañ chāradvatīputra prakṛtiśūnyaṃ tan nādhyātmaniśritaṃ na bahirdhāniśritaṃ nobhayam antareṇopalabhyate, mana āyuṣmañ chāradvatīputra prakṛtiśūnyaṃ tan nādhyātmaniśritaṃ na bahirdhāniśritaṃ nobhayam antareṇopalabhyate.

rūpam āyuṣmañ chāradvatīputra prakṛtiśūnyaṃ tan nādhyātmaniśritaṃ na bahirdhāniśritaṃ nobhayam antareṇopalabhyate, śabda āyuṣmañ chāradvatīputra prakṛtiśūnyaḥ sa nādhyātmaniśrito na bahirdhāniśrito nobhayam antareṇopalabhyate, gandha āyuṣmañ chāradvatīputra prakṛtiśūnyaḥ sa nādhyātmaniśrito na bahirdhāniśrito nobhayam antareṇopalabhyate, rasa āyuṣmañ chāradvatīputra prakṛtiśūnyaḥ sa nādhyātmaniśrito na bahirdhāniśrito nobhayam antareṇopalabhyate, sparśa āyuṣmañ chāradvatīputra prakṛtiśūnyaḥ sa nādhyātmaniśrito na bahirdhāniśrito (śsp ii-2 80) nobhayam antareṇopalabhyate, dharmā āyuṣmañ chāradvatīputra prakṛtiśūnyās te nādhyātmaniśritā na bahirdhāniśritā nobhayam antareṇopalabhyate.

cakṣurvijñānam āyuṣmañ chāradvatīputra prakṛtiśūnyaṃ tan nādhyātmaniśritaṃ na bahirdhāniśritaṃ nobhayam antareṇopalabhyate, śrotravijñānam āyuṣmañ chāradvatīputra prakṛtiśūnyaṃ tan nādhyātmaniśritaṃ na bahirdhāniśritaṃ nobhayam antareṇopalabhyate, ghrāṇavijñānam āyuṣmañ chāradvatīputra prakṛtiśūnyaṃ tan nādhyātmaniśritaṃ na bahirdhāniśritaṃ nobhayam antareṇopalabhyate, jihvāvijñānam āyuṣmañ chāradvatīputra prakṛtiśūnyaṃ tan nādhyātmaniśritaṃ na bahirdhāniśritaṃ nobhayam antareṇopalabhyate, kāyavijñānam āyuṣmañ chāradvatīputra prakṛtiśūnyaṃ tan nādhyātmaniśritaṃ na bahirdhāniśritaṃ nobhayam antareṇopalabhyate, manovijñānam āyuṣmañ chāradvatīputra prakṛtiśūnyaṃ tan nādhyātmaniśritaṃ na bahirdhāniśritaṃ nobhayam antareṇopalabhyate.

cakṣuḥsaṃsparśa āyuṣmañ chāradvatīputra prakṛtiśūnyaḥ sa nādhyātmaniśrito na bahirdhāniśrito nobhayam antareṇopalabhyate, śrotrasaṃsparśa āyuṣmañ chāradvatīputra prakṛtiśūnyaḥ sa nādhyātmaniśrito na bahirdhāniśrito nobhayam antareṇopalabhyate, ghrāṇasaṃsparśa āyuṣmañ chāradvatīputra prakṛtiśūnyaḥ sa nādhyātmaniśrito na bahirdhāniśrito nobhayam antareṇopalabhyate, jihvāsaṃsparśa āyuṣmañ chāradvatīputra prakṛtiśūnyaḥ sa nādhyātmaniśrito na bahirdhāniśrito nobhayam antareṇopalabhyate, kāyasaṃsparśa āyuṣmañ chāradvatīputra prakṛtiśūnyaḥ sa nādhyātmaniḥśrito na bahirdhāniśrito nobhayam antareṇopalabhyate, manaḥsaṃsparśa āyuṣmañ chāradvatīputra prakṛtiśūnyaḥ sa nādhyātmaniśrito na bahirdhāniśrito nobhayam antareṇopalabhyate.

cakṣuḥsaṃsparśapratyayavedanāyuṣmañ chāradvatīputra prakṛtiśūnyā sā nādhyātmaniśritā na bahirdhāniśritā nobhayam antareṇopalabhyate, śrotrasaṃsparśapratyayavedanāyuṣmañ chāradvatīputra prakṛtiśūnyā sā nādhyātmaniśritā na bahirdhāniśritā nobhayam antareṇopalabhyate, ghrāṇasaṃsparśapratyayavedanāyuṣmañ chāradvatīputra prakṛtiśūnyā sā nādhyātmaniśritā na bahirdhāniśritā nobhayam antareṇopalabhyate, jihvāsaṃsparśapratyayavedanāyuṣmañ chāradvatīputra prakṛtiśūnyā sā nādhyātmaniśritā na bahirdhāniśritā nobhayam antareṇopalabhyate, kāyasaṃsparśapratyayavedanāyuṣmañ (śsp ii-2 81) chāradvatīputra prakṛtiśūnyā sā nādhyātmaniśritā na bahirdhāniśritā nobhayam antareṇopalabhyate, manaḥsaṃsparśapratyayavedanāyuṣmañ chāradvatīputra prakṛtiśūnyā sā nādhyātmaniśritā na bahirdhāniśritā nobhayam antareṇopalabhyate.

pṛthivīdhātur āyuṣmañ chāradvatīputra prakṛtiśūnyaḥ sa nādhyātmaniśrito na bahirdhāniśrito nobhayam antareṇopalabhyate, abdhātur āyuṣmañ chāradvatīputra prakṛtiśūnyaḥ sa nādhyātmaniśrito na bahirdhāniśrito nobhayam antareṇopalabhyate, tejodhātur āyuṣmañ chāradvatīputra prakṛtiśūnyaḥ sa nādhyātmaniśrito na bahirdhāniśrito nobhayam antareṇopalabhyate, vāyudhātur āyuṣmañ chāradvatīputra prakṛtiśūnyaḥ sa nādhyātmaniśrito na bahirdhāniśrito nobhayam antareṇopalabhyate, ākāśadhātur āyuṣmañ chāradvatīputra prakṛtiśūnyaḥ sa nādhyātmaniśrito na bahirdhāniśrito nobhayam antareṇopalabhyate, vijñānadhātur āyuṣmañ chāradvatīputra prakṛtiśūnyaḥ sa nādhyātmaniśrito na bahirdhāniśrito nobhayam antar eṇopalabhy ate.

avidyāyuṣmañ chāradvatīputra prakṛtiśūnyā sā nādhyātmaniśritā na bahirdhāniśritā nobhayam antareṇopalabhyate, saṃskārā āyuṣmañ chāradvatīputra prakṛtiśūnyās te nādhyātmaniśritā na bahirdhāniśritā nobhayam antareṇopalabhyate, vijñānam āyuṣmañ chāradvatīputra prakṛtiśūnyaṃ tan nādhyātmaniśritaṃ na bahirdhāniśritaṃ nobhayam antareṇopalabhyate, nāmarūpam āyuṣmañ chāradvatīputra prakṛtiśūnyaṃ tan nādhyātmaniśritaṃ na bahirdhāniśritaṃ nobhayam antareṇopalabhyate, ṣaḍāyatanam āyuṣmañ chāradvatīputra prakṛtiśūnyaṃ tan nādhyātmaniśritaṃ na bahirdhāniśritaṃ nobhayam antareṇopalabhyate, sparśa āyuṣmañ chāradvatīputra prakṛtiśūnyaḥ sa nādhyātmaniśrito na bahirdhāniśrito nobhayam antareṇopalabhyate, vedanāyuṣmañ chāradvatīputra prakṛtiśūnyā sā nādhyātmaniśritā na bahirdhāniśritā nobhayam antareṇopalabhyate, tṛṣṇāyuṣmañ chāradvatīputra prakṛtiśūnyā sā nādhyātmaniśritā na bahirdhāniśritā nobhayam atareṇopalabhyate, upādānam āyuṣmañ chāradvatīputra prakṛtiśūnyaṃ tan nādhyātmaniśritaṃ na bahirdhāniśritaṃ nobhayam antareṇopalabhyate, bhava āyuṣmañ chāradvatīputra prakṛtiśūnyaḥ sa nādhyātmaniśrito na bahirdhāniśrito nobhayam antareṇopalabhyate, jātir āyuṣmañ chāradvatīputra prakṛtiśūnyā sā nādhyātmaniśritā na bahirdhāniśritā nobhayam antareṇopalabhyate, jarāmaranam āyuṣmañ (śsp ii-2 82) chāradvatīputra prakṛtiśūnyaṃ tan nādhyātmaniśritaṃ na bahirdhāniśritaṃ nobhayam antareṇopalabhyate.

dānapāramitāyuṣmañ chāradvatīputra prakṛtiśūnyā sā nādhyātmaniśritā na bahirdhāniśritā nobhayam antareṇopalabhyate, śīlapāramitāyuṣmañ chāradvatīputra prakṛtiśūnyā sā nādhyātmaniśritā na bahirdhāniśritā nobhayam antareṇopalabhyate, kṣāntipāramitāyuṣmañ chāradvatīputra prakṛtiśūnyā sā nādhyātmaniśritā na bahirdhāniśritā nobhayam antareṇopalabhyate, vīryapāramitāyuṣmañ chāradvatīputra prakṛtiśūnyā sā nādhyātmaniśritā na bahirdhāniśritā nobhayam antareṇopalabhyate, dhyānapāramitāyuṣmañ chāradvatīputra prakṛtiśūnyā sā nādhyātmaniśritā na bahirdhāniśritā nobhayam antareṇopalabhyate, prajñāpāramitāyuṣmañ chāradvatīputra prakṛtiśūnyā sā nādhyātmaniśritā na bahirdhāniśritā nobhayam antareṇopalabhyate.

adhyātmaśūnyatāyuṣmañ chāradvatīputra prakṛtiśūnyā sā nādhyātmaniśritā na bahirdhāniśritā nobhayam antareṇopalabhyate, bahirdhāśūnyatāyuṣmañ chāradvatīputra prakṛtiśūnyā sā nādhyātmaniśritā na bahirdhāniśritā nobhayam antareṇopalabhyate, adhyātmabahirdhāśūnyatāyuṣmañ chāradvatīputra prakṛtiśūnyā sā nādhyātmaniśritā na bahirdhāniśritā nobhayam antareṇopalabhyate, śūnyatāśūnyatāyuṣmañ chāradvatīputra prakṛtiśūnyā sā nādhyātmaniśritā na bahirdhāniśritā nobhayam antareṇopalabhyate, mahāśūnyatāyuṣmañ chāradvatīputra prakṛtiśūnyā sā nādhyātmaniśritā na bahirdhāniśritā nobhayam antareṇopalabhyate, paramārthaśūnyatāyuṣmañ chāradvatīputra prakṛtiśūnyā sā nādhyātmaniśritā na bahirdhāniśritā nobhayam antareṇopalabhyate, saṃskṛtaśūnyatāyuṣmañ chāradvatīputra prakṛtiśūnyā sā nādhyātmaniśritā na bahirdhāniśritā nobhayam antareṇopalabhyate, asaṃskṛtaśūnyatāyuṣmañ chāradvatīputra prakṛtiśūnyā sā nādhyātmaniśritā na bahirdhāniśritā nobhayam antareṇopalabhyate, atyantaśūnyatāyuṣmañ chāradvatīputra prakṛtiśūnyā sā nādhyātmaniśritā na bahirdhāniśritā nobhayam antareṇopalabhyate, anavarāgraśūnyatāyuṣmañ chāradvatīputra prakṛtiśūnyā sā nādhyātmaniśritā na bahirdhāniśritā nobhayam antareṇopalabhyate, anavakāraśūnyatāyuṣmañ chāradvatīputra prakṛtiśūnyā sā nādhyātmaniśritā na bahirdhāniśritā nobhayam antareṇopalabhyate, prakṛtiśūnyatāyuṣman chāradvatīputra prakṛtiśūnyā sā nādhyātmaniśritā na bahirdhāniśritā (śsp ii-2 83) nobhayam antareṇopalabhyate, sarvadharmaśūnyatāyuṣmañ chāradvatīputra

prakṛtiśūnyā sā nādhyātmaniśritā na bahirdhāniśritā nobhayam antareṇopalabhyate, svalakṣaṇaśūnyatāyuṣmañ chāradvatīputra prakṛtiśūnyā sā nādhyātmaniśritā na bahirdhāniśritā nobhayam antareṇopalabhyate, anupalambhaśūnyatāyuṣmañ chāradvatīputra prakṛtiśūnyā sā nādhyātmaniśritā na bahirdhāniśritā nobhayam antareṇopalabhyate, abhāvaśūnyatāyuṣmañ chāradvatīputra prakṛtiśūnyā sā nādhyātmaniśritā na bahirdhāniśritā nobhayam antareṇopalabhyate, svabhāvaśūnyatāyuṣmañ chāradvatīputra prakṛtiśūnyā sā nādhyātmaniśritā na bahirdhāniśritā nobhayam antareṇopalabhyate, abhāvasvabhāvaśūnyatāyuṣmañ chāradvatīputra prakṛtiśūnyā sā nādhyātmaniśritā na bahirdhāniśritā nobhayam antareṇopalabhyate.

smṛtyupasthānāny āyuṣmañ chāradvatīputra prakṛtiśūnyāni tāni nādhyātmaniśritāni na bahirdhāniśritāni nobhayam antareṇopalabhyate, samyakprahāṇāny āyuṣmañ chāradvatīputra prakṛtiśūnyāni tāni nādhyātmaniśritāni na bahirdhāniśritāni nobhayam antareṇopalabhyate, ṛddhipādā āyuṣmañ chāradvatīputra prakṛtiśūnyās te nādhyātmaniśritā na bahirdhāniśritā nobhayam antareṇopalabhyate, indriyāṇy āyuṣmañ chāradvatīputra prakṛtiśūnyāni tāni nādhyātmaniśritāni na bahirdhāniśritāni nobhayam antareṇopalabhyate, balāny āyuṣmañ chāradvatīputra prakṛtiśūnyāni tāni nādhyātmaniśritāni na bahirdhāniśritāni nobhayam antareṇopalabhyate, bodhyaṅgāny āyuṣmañ chāradvatīputra prakṛtiśūnyāni tāni nādhyātmaniśritāni na bahirdhāniśritāni nobhayam antareṇopalabhyate, āryāṣṭāṅgo mārga āyuṣmañ chāradvatīputra prakṛtiśūnyaḥ sa nādhyātmaniśrito na bahirdhāniśrito nobhayam antareṇopalabhyate, āryasatyāny āyuṣmañ chāradvatīputra prakṛtiśūnyāni tāni nādhyātmaniśritāni na bahirdhāniśritāni nobhayam antareṇopalabhyate, dhyānāny āyuṣmañ chāradvatīputra prakṛtiśūnyāni tāni nādhyātmaniśritāni na bahirdhāniśritāni nobhayam antareṇopalabhyate, apramāṇāny āyuṣmañ chāradvatīputra prakṛtiśūnyāni tāni nādhyātmaniśritāni na bahirdhāniśritāni nobhayam antareṇopalabhyate, ārūpyasamāpattayaḥ āyuṣmañ chāradvatīputra prakṛtiśūnyās tā nādhyātmaniśritā na bahirdhāniśritā nobhayam antareṇopalabhyate, vimokṣā āyuṣmañ chāradvatīputra prakṛtiśūnyās te nādhyātmaniśritā na bahirdhāniśritā nobhayam antareṇopalabhyate,

anupūrvavihārasamāpattaya āyuṣmañ (śsp ii-2 84) chāradvatīputra prakṛtiśūnyās tā nādhyātmaniśritāni na bahirdhāniśritā nobhayam antareṇopalabhyate, śūnyatānimittāpraṇihitavimokṣamukhāny āyuṣmañ chāradvatīputra prakṛtiśūnyāni tāni nādhyātmaniśritāni na bahirdhāniśritāni nobhayam antareṇopalabhyate, abhijñā āyuṣmañ chāradvatīputra prakṛtiśūnyās tā nādhyātmaniśritā na bahirdhāniśritā nobhayam antareṇopalabhyate, samādhaya āyuṣmañ chāradvatīputra prakṛtiśūnyās te nādhyātmaniśritā na bahirdhāniśritā nobhayam antareṇopalabhyate, dhāraṇīmukhāny āyuṣmañ chāradvatīputra prakṛtiśūnyāni tāni nādhyātmaniśritāni na bahirdhāniśritāni nobhayam antareṇopalabhyate, tathāgatabalāny āyuṣmañ chāradvatīputra prakṛtiśūnyāni tāni nādhyātmaniśritāni na bahirdhāniśritāni nobhayam antareṇopalabhyate, vaiśāradyāny āyuṣmañ chāradvatīputra prakṛtiśūnyāni tāni nādhyātmaniśritāni na bahirdhāniśritāni nobhayam antareṇopalabhyate, pratisaṃvida āyuṣmañ chāradvatīputra prakṛtiśūnyās tā nādhyātmaniśritā na bahirdhāniśritā nobhayam antareṇopalabhyate, mahāmaitry āyuṣmañ chāradvatīputra prakṛtiśūnyā sā nādhyātmaniśritā na bahirdhāniśritā nobhayam antareṇopalabhyate, mahākaruṇāyuṣmañ chāradvatīputra prakṛtiśūnyā sā nādhyātmaniśritā na bahirdhāniśritā nobhayam antareṇopalabhyate, āveṇikabuddhadharmā āyuṣmañ chāradvatīputra prakṛtiśūnyās te nādhyātmaniśritā na bahirdhāniśritā nobhayam antareṇopalabhyate.

srotaāpattiphalam āyuṣmañ chāradvatīputra prakṛtiśūnyaṃ tan nādhyātmaniśritaṃ na bahirdhāniśritaṃ nobhayam antareṇopalabhyate, sakṛdāgāmiphalam āyuṣmañ chāradvatīputra prakṛtiśūnyaṃ tan nādhyātmaniśritaṃ na bahirdhāniśritaṃ nobhayam antareṇopalabhyate, anāgāmiphalam āyuṣmañ chāradvatīputra prakṛtiśūnyaṃ tan nādhyātmaniśritaṃ na bahirdhāniśritaṃ nobhayam antareṇopalabhyate, arhattvam āyuṣmañ chāradvatīputra prakṛtiśūnyaṃ tan nādhyātmaniśritaṃ na bahirdhāniśritaṃ nobhayam antareṇopalabhyate, pratyekabodhir āyuṣmañ chāradvatīputra prakṛtiśūnyā sā nādhyātmaniśritā na bahirdhāniśritā nobhayam antareṇopalabhyate, sarvajñatāyuṣmañ chāradvatīputra prakṛtiśūnyā sā nādhyātmaniśritā na bahirdhāniśritā nobhayam antareṇopalabhyate, mārgākārajñatāyuṣmañ chāradvatīputra prakṛtiśūnyā sā nādhyātmaniśritā na bahirdhāniśritā nobhayam antareṇopalabhyate, sarvākārajñatāyuṣmañ (śsp ii-2 85) chāradvatīputra prakṛtiśūnyā sā nādhyātmaniśritā na bahirdhāniśritā nobhayam antareṇopalabhyate.

anenāyuṣmañ chāradvatīputra paryāyeṇa sarvadharmā aniśritāḥ prakṛtiśūnyām upādāya.

evaṃ khalv āyuṣmañ chāradvatīputra bodhisattvena mahāsattvena ṣaṭsu pāramitāsu caritvā rūpaṃ pariśodhayitavyaṃ, vedanā pariśodhayitavyā, saṃjñā pariśodhayitavyā, saṃskārāḥ pariśodhayitavyāḥ, vijñānaṃ pariśodhayitavyam.

cakṣur pariśodhayitavyaṃ, śrotraṃ pariśodhayitavyaṃ, ghrāṇaṃ pariśodhayitavyaṃ, jihvā pariśodhayitavyā, kāyaḥ pariśodhayitavyaḥ, manaḥ pariśodhayitavyam.

rūpaṃ pariśodhayitavyaṃ, śabdaḥ pariśodhayitavyaḥ, gandhaḥ pariśodhayitavyaḥ, rasaḥ pariśodhayitavyaḥ, sparśaḥ pariśodhayitavyaḥ, dharmāḥ pariśodhayitavyāḥ.

cakṣurvijñānaṃ pariśodhayitavyaṃ, śrotravijñānaṃ pariśodhayitavyaṃ, ghrāṇavijñānaṃ pariśodhayitavyaṃ, jihvāvijñānaṃ pariśodhayitavyaṃ, kāyavijñānaṃ pariśodhayitavyaṃ, manovijñānaṃ pariśodhayitavyam.

cakṣuḥsaṃsparśaḥ pariśodhayitavyaḥ, śrotrasaṃsparśaḥ pariśodhayitavyaḥ, ghrāṇasaṃsparśaḥ pariśodhayitavyaḥ, jihvāsaṃsparśaḥ pariśodhayitavyaḥ, kāyasaṃsparśaḥ pariśodhayitavyaḥ, manaḥsaṃsparśaḥ pariśodhayitavyaḥ.

cakṣuḥsaṃsparśapratyayavedanā pariśodhayitavyā, śrotrasaṃsparśapratyayavedanā pariśodhayitavyā, ghrāṇasaṃsparśapratyayavedanā pariśodhayitavyā, jihvāsaṃsparśapratyayavedanā pariśodhayitavyā, kāyasaṃsparśapratyayavedanā pariśodhayitavyā, manaḥsaṃsparśapratyayavedanā pariśodhayitavyā.

pṛthivīdhātuḥ pariśodhayitavyo 'bdhātuḥ pariśodhayitavyaḥ tejodhātuḥ pariśodhayitavyo vāyudhātuḥ pariśodhayitavya ākāśadhātuḥ pariśodhayitavyo vijñānadhātuḥ pariśodhayitavyaḥ.

avidyā pariśodhayitavyā, saṃskārāḥ pariśodhayitavyāḥ, vijñānaṃ pariśodhayitavyaṃ, nāmarūpaṃ pariśodhayitavyaṃ, ṣaḍāyatanaṃ pariśodhayitavyaṃ, sparśaḥ pariśodhayitavyo vedanā pariśodhayitavyā, tṛṣṇā pariśodhayitavyā, (śsp ii-2 86) upādānaṃ pariśodhayitavyaṃ, bhavaḥ pariśodhayitavyo jātiḥ pariśodhayitavyā, jarāmaraṇaṃ pariśodhayitavyam.

dānapāramitā pariśodhayitavyā, śīlapāramitā pariśodhayitavyā, kṣāntipāramitā pariśodhayitavyā, vīryapāramitā pariśodhayitavyā, dhyānapāramitā pariśodhayitavyā, prajñāpāramitā pariśodhayitavyā.

adhyātmaśūnyatā pariśodhayitavyā, bahirdhāśūnyatā pariśodhayitavyā, adhyātmabahirdhāśūnyatā pariśodhayitavyā, śūnyatāśūnyatā pariśodhayitavyā, mahāśūnyatā pariśodhayitavyā, paramārthaśūnyatā pariśodhayitavyā, saṃskṛtaśūnyatā pariśodhayitavyā, asaṃskṛtaśūnyatā pariśodhayitavyā, atyantaśūnyatā pariśodhayitavyā, anavarāgraśūnyatā pariśodhayitavyā, anavakāraśūnyatā pariśodhayitavyā, prakṛtiśūnyatā pariśodhayitavyā, sarvadharmaśūnyatā pariśodhayitavyā, svalakṣaṇaśūnyatā pariśodhayitavyā, anupalambhaśūnyatā pariśodhayitavyā, abhāvaśūnyatā pariśodhayitavyā, svabhāvaśūnyatā pariśodhayitavyā, abhāvasvabhāvaśūnyatā pariśodhayitavyā.

smṛtyupasthānāni pariśodhayitavyāni, samyakprahāṇāni pariśodhayitavyāni, ṛddhipādāḥ pariśodhayitavyāḥ, indriyāṇi pariśodhayitavyāni, balāni pariśodhayitavyāni, bodhyaṅgāni pariśodhayitavyāni, āryāṣṭāṅgo mārgaḥ pariśodhayitavyaḥ, āryasatyāni pariśodhayitavyāni, dhyānāni pariśodhayitavyāni, apramāṇāni pariśodhayitavyāni, ārūpyasamāpattayaḥ pariśodhayitavyāḥ, vimokṣāḥ pariśodhayitavāḥ, navānupūrvavihārasamāpattayaḥ, śūnyatānimittāpraṇihitavimokṣamukhāni pariśodhayitavyāni, abhijñāḥ pariśodhayitavāḥ, samādhayaḥ pariśodhayitavāḥ, dhāraṇīmukhāni pariśodhayitavyāni, tathāgatabalāni pariśodhayitavyāni, vaiśāradyāni pariśodhayitavyāni, pratisaṃvidaḥ pariśodhayitavyaḥ, mahāmaitrī pariśodhayitavyā, mahākaruṇā pariśodhayitavyā, āveṇikabuddhadharmāḥ pariśodhayitavyāḥ, sarvajñatā pariśodhayitavyā, mārgākārajñatā pariśodhayitavyā, sarvākārajñatā pariśodhayitavyā.

athāyuṣmañ chāradvatīputra punar āyuṣmantaṃ subhūtim etad avocat: katham āyuṣman subhūte bodhisattvo mahāsattvaḥ ṣaṭsu pāramitāsu caran bodhimārgaṃ pariśodhayati?

subhūtir āha: ihāyuṣmañ chāradvatīputra dānapāramitā laukiky asti (śsp ii-2 87) lokottarāsti, śīlapāramitā laukiky asti lokottarāsti, kṣāntipāramitā laukiky asti lokottarāsti, vīryapāramitā laukiky asti lokottarāsti, dhyānapāramitā laukiky asti lokottarāsti, prajñāpāramitā laukiky asti lokottarāsti.

āha: katamāyuṣman subhūte dānapāramitā laukikī katamā lokottarā?

subhūtir āha: ihāyuṣmañ chāradvatīputra bodhisattvo mahāsattvo dātā bhavati dānapatiḥ śramaṇabrāhmaṇakṛpaṇavanīpakāyācanakebhyaḥ, annam annārthikebhyaḥ pānaṃ pānārthikebhyo yānaṃ yānārthikebhyo vastraṃ vastrārthikebhyaḥ puṣpaṃ puṣpārthikebhyo mālyaṃ mālyārthikebhyo gandhaṃ gandhārthikebhyo vilepanaṃ vilepanārthikebhya upāśrayam upāśrayārthikebhya śayyāsanaṃ śayyāsanārthikebhya upakaraṇam upakaraṇārthikebhyo bhaiṣajyaṃ bhaiṣajyārthikebhyaḥ, yāvad anyatarānyatarā mānuṣyakāpariṣkārān dadāti putrārthikebhyaḥ putraṃ dadāti duhitṛkārthikebhyo duhitṛn dadāti bhāryārthikebhyo bhāryāṃ dadāti rājyārthikebhyo rājyaṃ dadāti, śiro'rthikebhyaḥ śiro dadāti, nayanārthikebhyo nayanaṃ dadāti, aṅgapratyaṅgārthikebhyo 'ṅgaṃ dadāti, māṃsaśoṇitamajjārthikebhyo māṃsaśoṇitamajjān dadāti, tac ca saṃniśritaḥ parityajati tasyaivaṃ bhavati, ahaṃ dadāmy eṣa pratigrhṇāti, idaṃ dānam ahaṃ dātā, ahaṃ dānapatir ahaṃ sarvāstiparityāgī, ahaṃ buddhājñāṃ karomi, ahaṃ dānapāramitāyāṃ carāmi, tac ca dānaṃ datvopalambhayogena sarvasattvaiḥ sārdhaṃ sādhāraṇaṃ kṛtvānuttarāyāṃ samyaksaṃbodhau pariṇāmayaty anena me dānaphalenaite sattvā dṛṣṭa eva dharme sukhitā bhavantv anupādāya ca parinirvāntv iti, sa triṣu saṃyogeṣu saktas tad dānaṃ dadāti, katameṣu triṣu? yad utātmasaṃjñāyāṃ parasaṃjñāyāṃ dānasaṃjñāyām eṣu triṣu saṃyogeṣu sakto dānaṃ dadāti. iyam ucyate laukikī dānapāramitā. kena kāraṇenocyate laukikī dānapāramiteti? tathā hi lokato na carati noccarati, na ca saṃkrāmati tenocyate laukikī dānapāramitā.

tatra katamā lokottarā dānapāramitā? yad uta trimaṇḍalapariśuddhiḥ.

tatra katamā trimaṇḍalapariśuddhiḥ?

ihāyuṣmañ chāradvatīputra bodhisattvas tad dānaṃ dadann ātmānaṃ nopalabhyate pratigrāhakaṃ nopalabhyate dānaṃ nopalabhyate vipākañ (śsp ii-2 88) ca nābhinandati. iyam āyuṣmañ chāradvatīputra bodhisattvasya mahāsattvasya trimaṇḍalapariśuddhiḥ.

punar aparam āyuṣmañ chāradvatīputra dānaṃ dadāti sarvasattvebhyaś ca tad dānaṃ niryātayati tāṃś ca sattvān nopalabhyate, anuttarāyāṃ samyaksaṃbodhau pariṇāmayaty api ca nimittaṃ na samanupaśyati. iyam ucyate āyuṣmañ chāradvatīputra lokottarā dānapāramitā. kena kāraṇenocyate lokottarā dānapāramiteti? tathā hi lokottareti lokā carati saṃkrāmati tenocyate lokottarā dānapāramiteti.

asty āyuṣmañ chāradvatīputra śīlapāramitā laukiky asti lokottarā.

tatra katamā laukikī śīlapāramitā?

ihāyuṣmañ chāradvatīputra bodhisattvo mahāsatvaḥ śīlaṃ rakṣati tac ca saṃniśrito bhavati tasyaivaṃ bhavaty aham śīlaṃ rakṣāmi sattvānām arthāya. idam śīlam ahaṃ buddhājñāṃ karomi tac ca śīlaṃ rakṣann upalambhayogena sarvasattvaiḥ sārdhaṃ sādhāraṇaṃ kṛtvānuttarāyāṃ samyaksaṃbodhau pariṇāmayaty anena me śīlaphalenaite sattvā dṛṣṭa eva dharmeṣu sukhino bhavantv anupādāya ca parinirvāntv iti. sa triṣu saṃjñeṣu saktas tac chīlaṃ rakṣati yad utātmasaṃjñāyāṃ parasaṃjñāyāṃ śīlasaṃjñāyām iyam ucyate laukikī śīlapāramiteti. tathā hi lokato na carati noccarati na saṃkrāmati tad ucyate laukikīti.

tatra katamā lokottarā śīlapāramitā? yad uta trimaṇḍalapariśuddhiḥ.

tatra katamā trimaṇḍalapariśuddhiḥ?

ihāyuṣmañ chāradvatīputra bodhisattvo mahāsatvaḥ śīlaṃ rakṣann ātmānaṃ nopalabhyate sattvān nopalabhyate śīlaṃ nopalabhyate vipākaṃ nābhinandati sarvasattvebhyaś ca tac chīlaṃ niryātayati. tāṃś ca sattvān nopalabhyate 'nuttarāyāṃ samyaksaṃbodhau pariṇāmayaty api ca nimittaṃ na samanupaśyatīyam ucyate lokottarā śīlapāramitā tathā hi lokā carati uccarati saṃkrāmati tad ucyate lokottareti.

asty āyuṣmañ chāradvatīputra kṣāntipāramitā laukiky asti lokottarā.

tatra katamā laukikī kṣāntipāramitā?

ihāyuṣmañ chāradvatīputra bodhisattvo mahāsatvaḥ kṣāntiṃ bhāvayati, tāñ ca saṃniśrito bhavati, tasyaivaṃ bhavatv ahaṃ kṣāntiṃ bhāvayāmi sarvasattvānām arthāya, iyaṃ kṣāntir ahaṃ buddhājñāṃ karoti tañ ca kṣāntiṃ bhāvayann upalambhayogena sarvasattvaiḥ sārdhaṃ (śsp ii-2 89) sādhāraṇaṃ kṛtvānuttarāyāṃ samyaksaṃbodhau pariṇāmayate, anena me kṣāntiphalenaite sattvā dṛṣṭa eva dharmasukhino bhavantv anupādāya ca parinirvāntv iti. sa triṣu saṃjñeṣu saktas tā kṣāntiṃ bhāvayati yad utātmasaṃjñāyāṃ parasaṃjñāyāṃ kṣāntisaṃjñāyām iyam ucyate laukikī kṣāntipāramiteti. tathā hi lokato na carati noccarati na saṃkrāmati tad ucyate laukikīti.

tatra katamā lokottarā kṣāntipāramitā? yad uta trimaṇḍalapariśuddhiḥ.

tatra katamā trimaṇḍalapariśuddhiḥ?

ihāyuṣmañ chāradvatīputra bodhisattvo mahāsatvaḥ kṣāntiṃ bhāvayann ātmānaṃ nopalabhyate sattvān nopalabhyate kṣāntiṃ nopalabhyate, vipākaṃ nābhinandati, sarvasattvebhyaś ca tāṃ kṣāntiṃ niryātayati tāṃś ca sattvān nopalabhyate, 'nuttarāyāṃ samyaksaṃbodhau pariṇāmayaty api ca nimittaṃ na samanupaśyati. iyam ucyate lokottarā kṣāntipāramitā, tathā hi lokāc carati uccarati saṃkrāmati tad ucyate lokottareti.

asty āyuṣmañ chāradvatīputra vīryapāramitā laukiky asti lokottarā.

tatra katamā laukikī vīryapāramitā?

ihāyuṣmañ chāradvatīputra bodhisattvo mahāsatvo vīryam ārabhate, tac ca saṃniśrita ārabhate tasyaivaṃ bhavaty ahaṃ vīryam ārabhate sarvasattvānām arthāya, ayaṃ kāya idaṃ cittam idaṃ vīryam ahaṃ buddhājñāṃ karomy ahaṃ vīryapāramitāyāñ carāmi tac ca vīryam upalambhayogena sarvasattvaiḥ sārdhaṃ sādhāraṇaṃ kṛtvānuttarayāṃ samyaksaṃbodhau pariṇāmayati, anena me vīryaphalenaite sattvā dṛṣṭa eva dharmasukhino bhavatv anupādāya ca parinirvāntv iti. sa triṣu saṃjñeṣu saktas taṃ vīryam ārabhate, yad utātmasaṃjñāyāṃ parasaṃjñāyāṃ vīryasaṃjñāyām iyam ucyate laukikī vīryapāramiteti. tathā hi kokato na carati noccarati na saṃkrāmati tad ucyate laukikīti.

tatra katamā lokottarā vīryapāramitā? yad uta trimaṇḍalapariśuddhiḥ.

tatra katamā trimaṇḍalapariśuddhiḥ?

ihāyuṣmañ chāradvatīputra bodhisattvo mahāsatvo vīryam ārabhamāṇa ātmānaṃ nopalabhyate sattvān nopalabhyate vīryaṃ nopalabhyate vipākaṃ ca nābhinandati sarvasattvebhyaś ca tad vīryaṃ niryatayati tāṃś ca sattvān nopalabhate nuttarāyāṃ samyaksaṃbodhau pariṇāmayañ cāpi ca nimittam na samanupaśyatīyam ucyate lokottarā vīryapāramitā tathā hi (śsp ii-2 90) lokāc carati uccarati saṃkrāmati tad ucyate lokottareti.

asty āyuṣmañ chāradvatīputra dhyānapāramitā laukiky asti lokottarā.

tatra katamā laukikī dhyānapāramitā?

ihāyuṣmañ chāradvatīputra bodhisattvo mahāsatvo dhyānaṃ samāpadyate, tac ca saṃniśritaḥ samāpadyate tasyaivaṃ bhavaty ahaṃ dhyānāni samāpadyate sarvasattvānām arthāya, imāni dhyānāni, ahaṃ buddhājñāṃ karomi tac ca dhyānaṃ samāpadyamāna upalambhayogena sarvasattvaiḥ sārdhaṃ sādhāraṇaṃ kṛtvānuttarāyāṃ samyaksaṃbodhau pariṇāmayaty anena me dhyānaphalenaite sattvā dṛṣṭa eva dharmasukhino bhavantv anupādāya ca parinirvāntv iti, sa triṣu saṃjñeṣu saktas tad dhyānaṃ samāpadyate, yad utātmasaṃjñāyāṃ parasaṃjñāyāṃ dhyānasaṃjñāyām iyam ucyate laukikī dhyānapāramiteti, tathā hi lokato na carati noccarati na saṃkrāmati, tad ucyate laukikīti.

tatra katamā lokottarā dhyānapāramitā? yad uta trimaṇḍalapariśuddhiḥ.

tatra katamā trimaṇḍalapariśuddhiḥ?

ihāyuṣmañ chāradvatīputra bodhisattvo mahāsatvo dhyānāni samāpadyamāna ātmānaṃ nopalabhyate sattvān nopalabhyate vipākaṃ ca nābhinandati, sarvasattvebhyaś ca tāni dhyānāni niryātayati, tāś ca sattvān nopalabhyate, anuttarāyāṃ samyaksaṃbodhau pariṇāmayaty api ca nimittan na samanupaśyatīyam ucyate lokottarā dhyānapāramitā tathā hi lokāc carati uccarati saṃkrāmati tad ucyate lokottareti.

asty āyuṣmañ chāradvatīputra prajñāpāramitā laukiky asti lokottarā.

tatra katamā laukikī prajñāpāramitā?

ihāyuṣmañ chāradvatīputra bodhisattvo mahāsatvaḥ prajñāṃ bhāvayati, tāñ ca saṃniśrito bhāvayati sarvapāpaṃ pratideśayati, ātmanaḥ pareṣāṃ cārthāya sarvapuṇyam anumodyate sarvabuddhān adhyeṣate upalambhayogena tac ca sarvakuśalamūlam anuttarāyāṃ samyaksaṃbodhau pariṇāmayaty anupāyena tasyaivaṃ bhavaty ahaṃ prajñāṃ bhāvayāmi sarvasattvānām arthāya iyaṃ prajñā imāṃ buddhājñāṃ karomi. tāṃ ca prajñāṃ bhāvayann upalambhayogena sarvasattvaiḥ sārdhaṃ sādhāraṇaṃ kṛtvānuttarāyāṃ samyaksaṃbodhau pariṇāmayati anena me prajñāphalenaite sattvā dṛṣṭa eva dharme sukhino bhavantv anutpādāya ca parinirvāntv iti, sa triṣu saṃjñeṣu saktas tāṃ prajñāṃ bhāvayanti, yad utātmasaṃjñāyāṃ parasaṃjñāyāṃ prajñāsaṃjñāyām iyam ucyate laukikī (śsp ii-2 91) prajñāpāramitā tathā hi lokān na carati noccarati na saṃkrāmati tad ucyate laukikīti.

tatra katamā lokottarā prajñāpāramitā? yad uta trimaṇḍalapariśuddhiḥ.

tatra katamā trimaṇḍalapariśuddhiḥ?

ihāyuṣmañ chāradvatīputra bodhisattvo mahāsatvaḥ prajñāṃ bhāvayann ātmānaṃ nopalabhyate sattvān nopalabhyate prajñān nopalabhyate vipākaś ca nābhinandati, sarvasattvebhyaś ca prajñāṃ niryātayati, tāṃś ca sattvān nopalabhyate, anuttarāyāṃ samyaksaṃbodhau pariṇāmayaty api ca nimittan na samanupaśyatīyam ucyate lokottarā prajñāpāramitā tathā hi lokāc caraty uccarati saṃkrāmati tad ucyate lokottarā prajñāpāramiteti.

evaṃ khalv āyuṣmañ chāradvatīputra bodhisattvo mahāsattvaḥ ṣaṭsu pāramitāsu caran bodhimārgaṃ pariśodhayati.

āha: katamāyuṣman subhūte bodhisattvasya mahāsattvasya bodhimārgaḥ?

subhūtir āha: dānapāramitāyuṣmañ chāradvatīputra bodhisattvasya mahāsattvasya bodhimārgaḥ, śīlapāramitā bodhisattvasya mahāsattvasya bodhimārgaḥ, kṣāntipāramitā bodhisattvasya mahāsattvasya bodhimārgaḥ, vīryapāramitā bodhisattvasya mahāsattvasya bodhimārgaḥ, dhyānapāramitā bodhisattvasya mahāsattvasya bodhimārgaḥ, prajñāpāramitā bodhisattvasya mahāsattvasya bodhimārgaḥ.

adhyātmaśūnyatāyuṣmañ chāradvatīputra bodhisattvasya mahāsattvasya bodhimārgaḥ, bahirdhāśūnyatā bodhisattvasya mahāsattvasya bodhimārgaḥ, adhyātmabahirdhāśūnyatā bodhisattvasya mahāsattvasya bodhimārgaḥ, śūnyatāśūnyatā bodhisattvasya mahāsattvasya bodhimārgaḥ, mahāśūnyatā bodhisattvasya mahāsattvasya bodhimārgaḥ, paramārthaśūnyatā bodhisattvasya mahāsattvasya bodhimārgaḥ, saṃskṛtaśūnyatā bodhisattvasya mahāsattvasya bodhimārgaḥ, asaṃskṛtaśūnyatā bodhisattvasya mahāsattvasya bodhimārgaḥ, atyantaśūnyatā bodhisattvasya mahāsattvasya bodhimārgaḥ, anavarāgraśūnyatā bodhisattvasya mahāsattvasya bodhimārgaḥ, anavakāraśūnyatā bodhisattvasya mahāsattvasya bodhimārgaḥ, prakṛtiśūnyatā bodhisattvasya mahāsattvasya bodhimārgaḥ, sarvadharmaśūnyatā bodhisattvasya mahāsattvasya bodhimārgaḥ, svalakṣaṇaśūnyatā (śsp ii-2 92) bodhisattvasya mahāsattvasya bodhimārgaḥ, anupalambhaśūnyatā bodhisattvasya mahāsattvasya bodhimārgaḥ, abhāvaśūnyatā bodhisattvasya mahāsattvasya bodhimārgaḥ, svabhāvaśūnyatā bodhisattvasya mahāsattvasya bodhimārgaḥ, abhāvasvabhāvaśūnyatā bodhisattvasya mahāsattvasya bodhimārgaḥ.

catvāri smṛtyupasthānāny āyuṣmañ chāradvatīputra bodhisattvasya mahāsattvasya bodhimārgaḥ, catvāri samyakprahāṇāni bodhisattvasya mahāsattvasya bodhimārgaḥ, catvāri ṛddhipādā bodhisattvasya mahāsattvasya bodhimārgaḥ, pañcendriyāṇi bodhisattvasya mahāsattvasya bodhimārgaḥ, pañca balāni bodhisattvasya mahāsattvasya bodhimārgaḥ, sapta bodhyaṅgāni bodhisattvasya mahāsattvasya bodhimārgaḥ, āryāṣṭāṅgo mārgo bodhisattvasya mahāsattvasya bodhimārgaḥ.

catvāry āryasatyāny āyuṣmañ chāradvatīputra bodhisattvasya mahāsattvasya bodhimārgaḥ, catvāri dhyānāni bodhisattvasya mahāsattvasya bodhimārgaḥ, catvāry apramāṇāni bodhisattvasya mahāsattvasya bodhimārgaḥ, catasra ārūpyasamāpattayo bodhisattvasya mahāsattvasya bodhimārgaḥ, aṣṭau vimokṣā bodhisattvasya mahāsattvasya bodhimārgaḥ, navānupūrvavihārasamāpattayo bodhisattvasya mahāsattvasya bodhimārgaḥ, śūnyatānimittāpraṇihitavimokṣamukhāni bodhisattvasya mahāsattvasya bodhimārgaḥ, pañcābhijñā bodhisattvasya mahāsattvasya bodhimārgaḥ, sarvasamādhayo bodhisattvasya mahāsattvasya bodhimārgaḥ, sarvadhāraṇīmukhāni bodhisattvasya mahāsattvasya bodhimārgaḥ.

daśatathāgatabalāny āyuṣmañ chāradvatīputra bodhisattvasya mahāsattvasya bodhimārgaḥ, catvāri vaiśāradyāni bodhisattvasya mahāsattvasya bodhimārgaḥ, catasraḥ pratisaṃvido bodhisattvasya mahāsattvasya bodhimārgaḥ, mahāmaitrī bodhisattvasya mahāsattvasya bodhimārgaḥ, mahākaruṇā bodhisattvasya mahāsattvasya bodhimārgaḥ, aṣṭādaśāveṇikabuddhadharmā āyuṣmañ chāradvatīputra bodhisattvasya mahāsattvasya bodhimārgaḥ.

āha: sādhu sādhv āyuṣman subhūte katamasyā ayaṃ pāramitāyāḥ puruṣakāraḥ?

subhūtir āha: prajñāpāramitāyā āyuṣmañ chāradvatīputrāyaṃ puruṣakāraḥ. tat kasya hetoḥ? tathā hy āyuṣmañ chāradvatīputra prajñāpāramitā (śsp ii-2 93) janayitrī sarvakuśalānāṃ dharmāṇāṃ śrāvakadharmāṇāṃ pratyekabuddhadharmāṇāṃ buddhadharmāṇāṃ prajñāpāramitāyuṣmañ chāradvatīputra parigrāhikā saṃgrāhikā sarvakuśalānāṃ dharmāṇāṃ śrāvakadharmāṇāṃ bodhisattvadharmāṇāṃ buddhadharmāṇāṃ prajñāpāramitāyām āyuṣmañ chāradvatīputra caritaiḥ pūrvakais tathāgatair arhadbhiḥ samyaksaṃbuddhair anuttarā samyaksaṃbodhir abhisaṃbuddhāḥ, anāgatā apy āyuṣmañ chāradvatīputra tathāgatārhataḥ samyaksaṃbuddhā atraiva prajñāpāramitāyāñ caritvānuttarāṃ samyaksaṃbodhim abhisaṃbhotsyate. ye 'pi te āyuṣmañ chāradvatīputra daśasu dikṣu lokadhātuṣu tathāgatārhantaḥ samyaksaṃbuddhās tiṣṭhanti dhrīyante yāpayanti, te 'pīhaiva prajñāpāramitāyāñ caritvānuttarāṃ samyaksaṃbodhim abhisaṃbuddhāḥ.

sacet punar āyuṣmañ chāradvatīputra bodhisattvasya mahāsattvasya prajñāpāramitāyāṃ bhāṣyamāṇāyāṃ na bhavati kāṅkṣāyitatvaṃ vā dhanvāyitatvaṃ vā veditavyam āyuṣmañ chāradvatīputra viharaty ayaṃ bodhisattvo mahāsattvo 'nena vihāreṇa yad uta sarvasattvānāṃ trāṇāya sarvasattvānām aparityāgatāyai tac cānupalambhayogena viharaty ayaṃ bodhisattvo mahāsattvo 'nena manasikāreṇa yad uta mahākaruṇā manasikārena.

āha: viharatum āyuṣman subhūte bodhisattvo mahāsattvo 'yam anena vihāreṇecchasi, avirahitaṃ cānena manasikāreṇa yad uta mahākaruṇā manasikāreṇa, evaṃ saty āyuṣman subhūte sarvasattvā bodhisattvā bhaviṣyanti. tat kasya hetoḥ? sarvasattvā hy āyuṣman subhūte 'virahitā manasikārena.

subhūtir āha: sādhu sādhv āyuṣmañ chāradvatīputra upālapsye upālapsya iti. ata evāyuṣmatā śāradvatīputreṇa bhūtapadābhidhānena parigṛhītaḥ. tat kasya hetoḥ? sattvāsattayāyuṣmañ chāradvatīputra manasikārāsattā veditavyā sattvābhāvatayā manasikārābhāvatā veditavyā sattvāsvabhāvatayā manasikārāsvabhāvatā veditavyā, sattvaśūnyatayā manasikārāśūnyatā veditavyā, sattvaviviktatayā manasikāraviviktatā veditavyā, sattvān abhisaṃbodhanatayā manasikārān abhisaṃbodhanatā veditavyā.

rūpāsattayāyuṣmañ chāradvatīputra manasikārāsattā veditavyā, rūpābhāvatayā manasikārābhāvanatā veditavyā, rūpāsvabhāvatayā manasikārāsvabhāvatā (śsp ii-2 94) veditavyā, rūpaśūnyatayā manasikāraśūnyatā veditavyā, rūpaviviktatayā manasikāraviviktatā veditavyā, rūpānabhisaṃbodhanatayā manasikārānabhisaṃbodhanatā veditavyā,

vedanāsattayāyuṣmañ chāradvatīputra manasikārāsattā veditavyā, vedanābhāvatayā manasikārābhāvatā veditavyā, vedanāsvabhāvatayā manasikārāsvabhāvatā veditavyā, vedanāśūnyatayā manasikāraśūnyatā veditavyā, vedanāviviktatayā manasikāraviviktatā veditavyā, vedanānabhisaṃbodhanatayā manasikārānabhisaṃbodhanatā veditavyā,

saṃjñāsattayāyuṣmañ chāradvatīputra manasikārāsattā veditavyā, saṃjñābhāvatayā manasikārābhāvatā veditavyā, saṃjñāsvabhāvatayā manasikārāsvabhāvatā veditavyā, saṃjñāśūnyatayā manasikāraśūnyatā veditavyā, saṃjnāviviktatayā manasikāraviviktatā veditavyā, saṃjñānabhisaṃbodhanatayā manasikārānabhisaṃbodhanatā veditavyā,

saṃskārāsattayāyuṣmañ chāradvatīputra manasikārāsattā veditavyā, saṃskārābhāvatayā manasikārābhāvatā veditavyā, saṃskārāsvabhāvatayā manasikārāsvabhāvatā veditavyā, saṃskārāśūnyatayā manasikāraśūnyatā veditavyā, saṃskārāviviktatayā manasikāraviviktatā veditavyā, saṃskārānabhisaṃbodhanatayā manasikārānabhisaṃbodhanatā veditavyā,

vijñānāsattayāyuṣmañ chāradvatīputra manasikārāsattā veditavyā, vijñānābhāvatayā manasikārābhāvatā veditavyā, vijñānāsvabhāvatayā manasikārāsvabhāvatā veditavyā, vijñānaśūnyatayā manasikāraśūnyatā veditavyā, vijñānaviviktatayā manasikāravi viktatā veditavyā, vijñānānabhisaṃbodhanatayā manasikārānabhisaṃbodhanatā veditavyā.

cakṣurasattayāyuṣmañ chāradvatīputra manasikārāsattā veditavyā, cakṣurabhāvatayā manasikārābhāvatā veditavyā, cakṣurasvabhāvatayā manasikārāsvabhāvatā veditavyā, cakṣuḥśūnyatayā manasikāraśūnyatā veditavyā, cakṣurviviktatayā manasikāraviviktatā veditavyā, cakṣuranabhisaṃbodhanatayā manasikārānabhisaṃbodhanatā veditavyā,

śrotrāsattayāyuṣmañ chāradvatīputra manasikārāsattā veditavyā, śrotrābhāvatayā manasikārābhāvatā veditavyā, śrotrāsvabhāvatayā manasikārāsvabhāvatā veditavyā, śrotraśūnyatayā manasikāraśūnyatā veditavyā, śrotraviviktatayā manasikāraviviktatā veditavyā, śrotrānabhisaṃbodhanatayā manasikārānabhisaṃbodhanatā veditavyā,

ghrāṇāsattayāyuṣmañ chāradvatīputra manasikārāsattā veditavyā, (śsp ii-2 95) ghrāṇābhāvatayā manasikārābhāvatā veditavyā, ghrāṇāsvabhāvatayā manasikārāsvabhāvatā veditavyā, ghrāṇaśūnyatayā manasikāraśūnyatā veditavyā, ghrāṇaviviktatayā manasikāraviviktatā veditavyā, ghrāṇānabhisaṃbodhanatayā manasikārānabhisaṃbodhanatā veditavyā,

jihvāsattayāyuṣmañ chāradvatīputra manasikārāsattā veditavyā, jihvābhāvatayā manasikārābhāvatā veditavyā, jihvāsvabhāvatayā manasikārāsvabhāvatā veditavyā, jihvāśūnyatayā manasikāraśūnyatā veditavyā, jihvāviviktatayā manasikāraviviktatā veditavyā, jihvānabhisaṃbodhanatayā manasikārānabhisaṃbodhanatā veditavyā,

kāyāsattayāyuṣmañ chāradvatīputra manasikārāsattā veditavyā, kāyābhāvatayā manasikārābhāvatā veditavyā, kāyāsvabhāvatayā manasikārāsvabhāvatā veditavyā, kāyaśūnyatayā manasikāraśūnyatā veditavyā, kāyaviviktatayā manasikāraviviktatā veditavyā, kāyānabhisaṃbodhanatayā manasikārānabhisaṃbodhanatā veditavyā,

manosattayāyuṣmañ chāradvatīputra manasikārāsattā veditavyā, manobhāvatayā manasikārābhāvatā veditavyā, mano'svabhāvatayā manasikārāsvabhāvatā veditavyā, manaḥśūnyatayā manasikāraśūnyatā veditavyā, mano'viviktatayā manasikāraviviktatā veditavyā, mano'nabhisaṃbodhanatayā manasikārānabhisaṃbodhanatā veditavyā.

rūpāsattayāyuṣmañ chāradvatīputra manasikārāsattā veditavyā, rūpābhāvanatayā manasikārābhāvanatā veditavyā, rūpāsvabhāvatayā manasikārāsvabhāvatā veditavyā, rūpaśūnyatayā manasikāraśūnyatā veditavyā, rūpaviviktatayā manasikāraviviktatā veditavyā, rūpānabhisaṃbodhanatayā manasikārānabhisaṃbodhanatā veditavyā,

śabdāsattayāyuṣmañ chāradvatīputra manasikārāsattā veditavyā, śabdābhāvatayā manasikārābhāvatā veditavyā, śabdāsvabhāvatayā manasikārāsvabhāvatā veditavyā, śabdaśūnyatayā manasikāraśūnyatā veditavyā, śabdaviviktatayā manasikāraviviktatā veditavyā, śabdānabhisaṃbodhanatayā manasikārānabhisaṃbodhanatā veditavyā,

gandhāsattayāyuṣmañ chāradvatīputra manasikārāsattā veditavyā, gandhābhāvatayā manasikārābhāvatā veditavyā, gandhāsvabhāvatayā manasikārāsvabhāvatā veditavyā, gandhaśūnyatayā manasikāraśūnyatā veditavyā, gandhaviviktatayā manasikāraviviktatā veditavyā, gandhānabhisaṃbodhanatayā manasikārānabhisaṃbodhanatā veditavyā.

rasasattayayuṣmañ chāradvatīputra manasikarasatta veditavya, rasābhāvatayā manasikārābhāvatā veditavyā, rasāsvabhāvatayā manasikārāsvabhāvatā veditavyā, rasaśūnyatayā manasikāraśūnyatā veditavyā, rasaviviktatayā manasikāraviviktatā veditavyā, rasānabhisaṃbodhanatayā manasikārānabhisaṃbodhanatā veditavyā,

sparśāsattayāyuṣmañ chāradvatīputra manasikārāsattā veditavyā, sparśābhāvatayā manasikārābhāvatā veditavyā, sparśāsvabhāvatayā manasikārāsvabhāvatā veditavyā, sparśaśūnyatayā manasikāraśūnyatā veditavyā, sparśaviviktatayā manasikāraviviktatā veditavyā, sparśānabhisaṃbodhanatayā manasikārānabhisaṃbodhanatā veditavyā,

dharmāsattayāyuṣmañ chāradvatīputra manasikārāsattā veditavyā, dharmābhāvatayā manasikārābhāvatā veditavyā, dharmāsvabhāvatayā manasikārāsvabhāvatā veditavyā, dharmaśūnyatayā manasikāraśūnyatā veditavyā, dharmaviviktatayā manasikāraviviktatā veditavyā, dharmānabhisaṃbodhanatayā manasikārānabhisaṃbodhanatā veditavyā.

cakṣurvijñānāsattayāyuṣmañ chāradvatīputra manasikārāsattā veditavyā, cakṣurvijñānābhāvatayā manasikārābhāvatā veditavyā, cakṣurvijñānāsvabhāvatayā manasikārāsvabhāvatā veditavyā, cakṣurvijñāna śūnyatayā manasikāraśūnyatā veditavyā, cakṣurvijñānaviviktatayā manasikāraviviktatā veditavyā, cakṣurvijñānānabhisaṃbodhanatayā manasikārānabhisaṃbodhanatā veditavyā,

śrotravijñānāsattayāyuṣmañ chāradvatīputra manasikārāsattā veditavyā, śrotravijñānābhāvatayā manasikārābhāvatā veditavyā, śrotravijñānāsvabhāvatayā manasikārāsvabhāvatā veditavyā, śrotravijñāna śūnyatayā manasikāraśūnyatā veditavyā, śrotravijñānaviviktatayā manasikāraviviktatā veditavyā, śrotravijñānānabhisaṃbodhanatayā manasikārānabhisaṃbodhanatā veditavyā,

ghrāṇavijñānāsattayāyuṣmañ chāradvatīputra manasikārāsattā veditavyā, ghrāṇavijñānābhāvatayā manasikārābhāvatā veditavyā, ghrāṇavijñānāsvabhāvatayā manasikārāsvabhāvatā veditavyā, ghrāṇavijñāna śūnyatayā manasikāraśūnyatā veditavyā, ghrāṇavijñānaviviktatayā manasikāraviviktatā veditavyā, ghrāṇavijñānānabhisaṃbodhanatayā manasikārānabhisaṃbodhanatā veditavyā,

jihvāvijñānāsattayāyuṣmañ chāradvatīputra manasikārāsattā veditavyā, (śsp ii-2 97) jihvāvijñānābhāvatayā manasikārābhāvatā veditavyā, jihvāvijñānāsvabhāvatayā manasikārāsvabhāvatā veditavyā, jihvāvijñānaśūnyatayā manasikāraśūnyatā veditavyā, jihvāvijñānaviviktatayā manasikāraviviktatā veditavyā, jihvāvijñānānabhisaṃbodhanatayā manasikārānabhisaṃbodhariatā veditavyā,

kāyavijñānāsattayāyuṣmañ chāradvatīputra manasikārāsattā veditavyā, kāyavijñānābhāvatayā manasikārābhāvatā veditavyā, kāyavijñānāsvabhāvatayā manasikārāsvabhāvatā veditavyā, kāyavijñānaśūnyatayā manasikāraśūnyatā veditavyā, kāyavijñānaviviktatayā manasikāraviviktatā veditavyā, kāyavijñānānabhisaṃbodhanatayā manasikārānabhisaṃbodhanatā veditavyā,

manovijñānāsattayāyuṣmañ chāradvatīputra manasikārāsattā veditavyā, manovijñānābhāvatayā manasikārābhāvatā veditavyā, manovijñānāsvabhāvatayā manasikārāsvabhāvatā veditavyā, manovijñānaśūnyatayā manasikāraśūnyatā veditavyā, manovijñānaviviktatayā manasikāraviviktatā veditavyā, manovijñānānabhisaṃbodhanatayā manasikārānabhisaṃbodhanatā veditavyā.

cakṣuḥsaṃsparśāsattayāyuṣmañ chāradvatīputra manasikārāsattā veditavyā, cakṣuḥsaṃsparśābhāvatayā manasikārābhāvatā veditavyā, cakṣuḥsaṃsparśāsvabhāvatayā manasikārāsvabhāvatā veditavyā, cakṣuḥsaṃsparśaśūnyatayā manasikāraśūnyatā veditavyā, cakṣuḥsaṃsparśa viviktatayā manasikāraviviktatā veditavyā, cakṣuḥsaṃsparśānabhisaṃbodhanatayā manasikārānabhisaṃbodhanatā veditavyā,

śrotrasaṃsparśāsattayāyuṣmañ chāradvatīputra manasikārāsattā veditavyā, śrotrasaṃsparśābhāvatayā manasikārābhāvatā veditavyā, śrotrasaṃsparśāsvabhāvatayā manasikārāsvabhāvatā veditavyā, śrotrasaṃsparśa śūnyatayā manasikāraśūnyatā veditavyā, śrotrasaṃsparśaviviktatayā manasikāraviviktatā veditavyā, śrotrasaṃsparśānabhisaṃbodhanatayā manasikārānabhisaṃbodhanatā veditavyā,

ghrāṇasaṃsparśāsattayāyuṣmañ chāradvatīputra manasikārāsattā veditavyā, ghrāṇasaṃsparśābhāvatayā manasikārābhāvatā veditavyā, ghrāṇasaṃsparśāsvabhāvatayā manasikārāsvabhāvatā veditavyā, ghrāṇasaṃsparśaśūnyatayā manasikāraśūnyatā veditavyā, ghrāṇasaṃsparśaviviktatayā manasikāraviviktatā veditavyā, ghrāṇasaṃsparśānabhisaṃbodhanatayā (śsp ii-2 98) manasikārānabhisaṃbodhanatā veditavyā,

jihvāsaṃsparśāsattayāyuṣmañ chāradvatīputra manasikārāsattā veditavyā, jihvāsaṃsparśābhāvatayā manasikārābhāvatā veditavyā, jihvāsaṃsparśāsvabhāvatayā manasikārāsvabhāvatā veditavyā, jihvāsaṃsparśaśūnyatayā manasikāraśūnyatā veditavyā, jihvāsaṃsparśaviviktatayā manasikāraviviktatā veditavyā, jihvāsaṃsparśānabhisaṃbodhanatayā manasikārānabhisaṃbodhanatā veditavyā,

kāyasaṃsparśāsattayāyuṣmañ chāradvatīputra manasikārāsattā veditavyā, kāyasaṃsparśābhāvatayā manasikārābhāvatā veditavyā, kāyasaṃsparśāsvabhāvatayā manasikārāsvabhāvatā veditavyā, kāyasaṃsparśaśūnyatayā manasikāraśūnyatā veditavyā, kāyasaṃsparśaviviktatayā manasikāraviviktatā veditavyā, kāyasaṃsparśānabhisaṃbodhanatayā manasikārānabhisaṃbodhanatā veditavyā,

manaḥsaṃsparśāsattayāyuṣmañ chāradvatīputra manasikārāsattā veditavyā, manaḥsaṃsparśābhāvatayā manasikārābhāvatā veditavyā, manaḥsaṃsparśāsvabhāvatayā manasikārāsvabhāvatā veditavyā, manaḥsaṃsparśaśūnyatayā manasikāraśūnyatā veditavyā, manaḥsaṃsparśaviviktatayā manasikāraviviktatā veditavyā, manaḥsaṃsparśānabhisaṃbodhanatayā manasikārānabhisaṃbodhanatā veditavyā.

cakṣuḥsaṃsparśapratyayavedanāsattayāyuṣmañ chāradvatīputra manasikārāsattā veditavyā, cakṣuḥsaṃsparśapratyayavedanābhāvatayā manasikārābhāvatā veditavyā, cakṣuḥsaṃsparśapratyayavedanāsvabhāvatayā manasikārāsvabhāvatā veditavyā, cakṣuḥsaṃsparśapratyayavedanāśūnyatayā manasikāraśūnyatā veditavyā, cakṣuḥsaṃsparśapratyayavedanāviviktatayā manasikāraviviktatā veditavyā, cakṣuḥsaṃsparśapratyayavedanānabhisaṃbodhanatayā manasikārānabhisaṃbodhanatā veditavyā,

śrotrasaṃsparśapratyayavedanāsattayāyuṣmañ chāradvatīputra manasikārāsattā veditavyā, śrotrasaṃsparśapratyayavedanābhāvatayā manasikārābhāvatā veditavyā, śrotrasaṃsparśapratyayavedanāsvabhāvatayā manasikārāsvabhāvatā veditavyā, śrotrasaṃsparśapratyayavedanāśūnyatayā manasikāraśūnyatā veditavyā, śrotrasaṃsparśapratyayavedanāviviktatayā manasikāraviviktatā veditavyā, śrotrasaṃsparśapratyayavedanānabhisaṃbodhanatayā manasikārānabhisaṃbodhanatā veditavyā,

ghrāṇasaṃsparśapratyayavedanāsattayāyuṣmañ chāradvatīputra (śsp ii-2 99) manasikārāsattā veditavyā, ghrāṇasaṃsparśapratyayavedanābhāvatayā manasikārābhāvatā veditavyā, ghrāṇasaṃsparśapratyayavedanāsvabhāvatayā manasikārāsvabhāvatā veditavyā, ghrāṇasaṃsparśapratyayavedanāśūnyatayā manasikāraśūnyatā veditavyā, ghrāṇasaṃsparśapratyayavedanāviviktatayā manasikāraviviktatā veditavyā, ghrāṇasaṃsparśapratyayavedanānabhisaṃbodhanatayā manasikārānabhisaṃbodhanatā veditavyā,

jihvāsaṃsparśapratyayavedanāsattayāyuṣmañ chāradvatīputra manasikārāsattā veditavyā, jihvāsaṃsparśapratyayavedanābhāvatayā manasikārābhāvatā veditavyā, jihvāsaṃsparśapratyayavedanāsvabhāvatayā manasikārāsvabhāvatā veditavyā, jihvāsaṃsparśapratyayavedanāśūnyatayā manasikāraśūnyatā veditavyā, jihvāsaṃsparśapratyayavedanāviviktatayā manasikāraviviktatā veditavyā, jihvāsaṃsparśapratyayavedanānabhisaṃbodhanatayā manasikārānabhisaṃbodhanatā veditavyā,

kāyasaṃsparśapratyayavedanāsattayāyuṣmañ chāradvatīputra manasikārāsattā veditavyā, kāyasaṃsparśapratyayavedanābhāvatayā manasikārābhāvatā veditavyā, kāyasaṃsparśapratyayavedanāsvabhāvatayā manasikārāsvabhāvatā veditavyā, kāyasaṃsparśapratyayavedanāśūnyatayā manasikāraśūnyatā veditavyā, kāyasaṃsparśapratyayavedanāviviktatayā manasikāraviviktatā veditavyā, kāyasaṃsparśapratyayavedanānabhisaṃbodhanatayā manasikārānabhisaṃbodhanatā veditavyā,

manaḥsaṃsparśapratyayavedanāsattayāyuṣmañ chāradvatīputra manasikārāsattā veditavyā, manaḥsaṃsparśapratyayavedanābhāvatayā manasikārābhāvatā veditavyā, manaḥsaṃsparśapratyayavedanāsvabhāvatayā manasikārāsvabhāvatā veditavyā, manaḥsaṃsparśapratyayavedanāśūnyatayā manasikāraśūnyatā veditavyā, manaḥsaṃsparśapratyayavedanāviviktatayā manasikāraviviktatā veditavyā, manaḥsaṃsparśapratyayavedanānabhisaṃbodhanatayā manasikārānabhisaṃbodhanatā veditavyā.

pṛthivīdhātvasattayāyuṣmañ chāradvatīputra manasikārāsattā veditavyā, pṛthivīdhātvabhāvatayā manasikārābhāvatā veditavyā, pṛthivīdhātvasvabhāvatayā manasikārāsvabhāvatā veditavyā, pṛthivīdhātuśūnyatayā manasikāraśūnyatā veditavyā, pṛthivīdhātuviviktatayā manasikāraviviktatā veditavyā, pṛthivīdhātvanabhisaṃbodhanatayā manasikārānabhisaṃbodhanatā veditavyā,

abdhātvasattayāyuṣmañ chāradvatīputra manasikārāsattā veditavyā, (śsp ii-2 100) abdhātvabhāvatayā manasikārābhāvatā veditavyā, abdhātvasvabhāvatayā manasikārāsvabhāvatā veditavyā, abdhātuśūnyatayā manasikāraśūnyatā veditavyā, abdhātuviviktatayā manasikāraviviktatā veditavyā, abdhātv anabhisaṃbodhanatayā manasikārānabhisaṃbodhanatā veditavyā,

tejodhātvasattayāyuṣmañ chāradvatīputra manasikārāsattā veditavyā, tejodhātvabhāvatayā manasikārābhāvatā veditavyā, tejodhātvasvabhāvatayā manasikārāsvabhāvatā veditavyā, tejodhātuśūnyatayā manasikāraśūnyatā veditavyā, tejodhātuviviktatayā manasikāraviviktatā veditavyā, tejodhātvanabhisaṃbodhanatayā manasikārānabhisaṃbodhanatā veditavyā,

vāyudhātvasattayāyuṣmañ chāradvatīputra manasikārāsattā veditavyā, vāyudhātvabhāvatayā manasikārābhāvatā veditavyā, vāyudhātvasvabhāvatayā manasikārāsvabhāvatā veditavyā, vāyudhātuśūnyatayā manasikāraśūnyatā veditavyā, vāyudhātuviviktatayā manasikāraviviktatā veditavyā, vāyudhātvanabhisaṃbodhanatayā manasikārānabhisaṃbodhanatā veditavyā,

ākāśadhātvasattayāyuṣmañ chāradvatīputra manasikārāsattā veditavyā, ākāśadhātvabhāvatayā manasikārābhāvatā veditavyā, ākāśadhātv asvabhāvatayā manasikārāsvabhāvatā veditavyā, ākāśadhātuśūnyatayā manasikāraśūnyatā veditavyā, ākāśadhātuviviktatayā manasikāraviviktatā veditavyā, ākāśadhātvanabhisaṃbodhanatayā manasikārānabhisaṃbodhanatā veditavyā,

vijñānadhātvasattayāyuṣmañ chāradvatīputra manasikārāsattā veditavyā, vijñānadhātvabhāvatayā manasikārābhāvatā veditavyā, vijñānadhātvasvabhāvatayā manasikārāsvabhāvatā veditavyā, vijñānadhātuśūnyatayā manasikāraśūnyatā veditavyā, vijñānadhātuviviktatayā manasikāraviviktatā veditavyā, vijñānadhātvanabhisaṃbodhanatayā manasikārānabhisaṃbodhanatā veditavyā.

avidyāsattayāyuṣmañ chāradvatīputra manasikārāsattā veditavyā, avidyābhāvatayā manasikārābhāvatā veditavyā, avidyāsvabhāvatayā manasikārāsvabhāvatā veditavyā, avidyāśūnyatayā manasikāraśūnyatā veditavyā, avidyāviviktatayā manasikāraviviktatā veditavyā, avidyānabhisaṃbodhanatayā manasikārānabhisaṃbodhanatā veditavyā,

saṃskārāsattayāyuṣmañ chāradvatīputra manasikārāsattā veditavyā, saṃskārābhāvatayā manasikārābhāvatā veditavyā, saṃskārāsvabhāvatayā (śsp ii-2 101) manasikārāsvabhāvatā veditavyā, saṃskāraśūnyatayā manasikāraśūnyatā veditavyā, saṃskāraviviktatayā manasikāraviviktatā veditavyā, saṃskārānabhisaṃbodhanatayā manasikārānabhisaṃbodhanatā veditavyā,

vijñānāsattayāyuṣmañ chāradvatīputra manasikārāsattā veditavyā, vijñānābhāvatayā manasikārābhāvatā veditavyā, vijñānāsvabhāvatayā manasikārāsvabhāvatā veditavyā, vijñānaśūnyatayā manasikāraśūnyatā veditavyā, vijñānaviviktatayā manasikāraviviktatā veditavyā, vijñānānabhisaṃbodhanatayā manasikārānabhisaṃbodhanatā veditavyā,

nāmarūpāsattayāyuṣmañ chāradvatīputra manasikārāsattā veditavyā, nāmarūpābhāvatayā manasikārābhāvatā veditavyā, nāmarūpāsvabhāvatayā manasikārāsvabhāvatā veditavyā, nāmarūpaśūnyatayā manasikāraśūnyatā veditavyā, nāmarūpaviviktatayā manasikāraviviktatā veditavyā, nāmarūpānabhisaṃbodhanatayā manasikārānabhisaṃbodhanatā veditavyā,

ṣaḍāyatanāsattayāyuṣmañ chāradvatīputra manasikārāsattā veditavyā, ṣaḍāyatanābhāvatayā manasikārābhāvatā veditavyā, ṣaḍāyatanāsvabhāvatayā manasikārāsvabhāvatā veditavyā, ṣaḍāyatanaśūnyatayā manasikāraśūnyatā veditavyā, ṣaḍāyatanaviviktatayā manasikāraviviktatā veditavyā, ṣaḍāyatanānabhisaṃbodhanatayā manasikārānabhisaṃbodhanatā veditavyā,

sparśāsattayāyuṣmañ chāradvatīputra manasikārāsattā veditavyā, sparśābhāvatayā manasikārābhāvatā veditavyā, sparśāsvabhāvatayā manasikārāsvabhāvatā veditavyā, sparśaśūnyatayā manasikāraśūnyatā veditavyā, sparśaviviktatayā manasikāraviviktatā veditavyā, sparśānabhisaṃbodhanatayā manasikārānabhisaṃbodhanatā veditavyā,

vedanāsattayāyuṣmañ chāradvatīputra manasikārāsattā veditavyā, vedanābhāvatayā manasikārābhāvatā veditavyā, vedanāsvabhāvatayā manasikārāsvabhāvatā veditavyā, vedanāśūnyatayā manasikāraśūnyatā veditavyā, vedanāviviktatayā manasikāraviviktatā veditavyā, vedanānabhisaṃbodhanatayā manasikārānabhisaṃbodhanatā veditavyā,

tṛṣṇāsattayāyuṣmañ chāradvatīputra manasikārāsattā veditavyā, tṛṣṇābhāvatayā manasikārābhāvatā veditavyā, tṛṣṇāsvabhāvatayā manasikārāsvabhāvatā veditavyā, tṛṣṇāśūnyatayā manasikāraśūnyatā veditavyā, tṛṣṇāviviktatayā manasikāraviviktatā veditavyā, tṛṣṇānabhisaṃbodhanatayā manasikārānabhisaṃbodhanatā veditavyā,

upādānāsattayāyuṣmañ chāradvatīputra manasikārāsattā veditavyā, (śsp ii-2 102) upādānābhāvatayā manasikārābhāvatā veditavyā, upādānāsvabhāvatayā manasikārāsvabhāvatā veditavyā, upādānaśūnyatayā manasikāraśūnyatā veditavyā, upādānaviviktatayā manasikāraviviktatā veditavyā, upādānānabhisaṃbodhanatayā manasikārānabhisaṃbodhanatā veditavyā,

bhavāsattayāyuṣmañ chāradvatīputra manasikārāsattā veditavyā, bhavābhāvatayā manasikārābhāvatā veditavyā, bhavāsvabhāvatayā manasikārāsvabhāvatā veditavyā, bhavaśūnyatayā manasikāraśūnyatā veditavyā, bhavaviviktatayā manasikāraviviktatā veditavyā, bhavānabhisaṃbodhanatayā manasikārānabhisaṃbodhanatā veditavyā,

jātyasattayāyuṣmañ chāradvatīputra manasikārāsattā veditavyā, jātyabhāvatayā manasikārābhāvatā veditavyā, jātyasvabhāvatayā manasikārāsvabhāvatā veditavyā, jātiśūnyatayā manasikāraśūnyatā veditavyā, jātiviviktatayā manasikāraviviktatā veditavyā, jātyanabhisaṃbodhanatayā manasikārānabhisaṃbodhanatā veditavyā,

jarāmaraṇāsattayāyuṣmañ chāradvatīputra manasikārāsattā veditavyā, jarāmaraṇābhāvatayā manasikārābhāvatā veditavyā, jarāmaraṇāsvabhāvatayā manasikārāsvabhāvatā veditavyā, jarāmaraṇaśūnyatayā manasikāraśūnyatā veditavyā, jarāmaraṇaviviktatayā manasikāraviviktatā veditavyā, jarāmaraṇānabhisaṃbodhanatayā manasikārānabhisaṃbodhanatā veditavyā.

dānapāramitāsattayāyuṣmañ chāradvatīputra manasikārāsattā veditavyā, dānapāramitābhāvatayā manasikārābhāvatā veditavyā, dānapāramitāsvabhāvatayā manasikārāsvabhāvatā veditavyā, dānapāramitā śūnyatayā manasikāraśūnyatā veditavyā, dānapāramitāviviktatayā manasikāraviviktatā veditavyā, dānapāramitānabhisaṃbodhanatayā manasikārānabhisaṃbodhanatā veditavyā,

śīlapāramitāsattayāyuṣmañ chāradvatīputra manasikārāsattā veditavyā, śīlapāramitābhāvatayā manasikārābhāvatā veditavyā, śīlapāramitāsvabhāvatayā manasikārāsvabhāvatā veditavyā, śīlapāramitāśūnyatayā manasikāraśūnyatā veditavyā, śīlapāramitāviviktatayā manasikāraviviktatā veditavyā, śīlapāramitānabhisaṃbodhanatayā manasikārānabhisaṃbodhanatā veditavyā,

kṣāntipāramitā sattayāyuṣmañ chāradvatīputra manasikārāsattā veditavyā, kṣāntipāramitābhāvatayā manasikārābhāvatā veditavyā, kṣāntipāramitāsvabhāvatayā manasikārāsvabhāvatā veditavyā, kṣāntipāramitāśūnyatayā (śsp ii-2 103) manasikāraśūnyatā veditavyā, kṣāntipāramitāviviktatayā manasikāraviviktatā veditavyā, kṣāntipāramitānabhisaṃbodhanatayā manasikārānabhisaṃbodhanatā veditavyā,

vīryapāramitāsattayāyuṣmañ chāradvatīputra manasikārāsattā veditavyā, vīryapāramitābhāvatayā manasikārābhāvatā veditavyā, vīryapāramitāsvabhāvatayā manasikārāsvabhāvatā veditavyā, vīryapāramitā śūnyatayā manasikāraśūnyatā veditavyā, vīryapāramitāviviktatayā manasikāraviviktatā veditavyā, vīryapāramitānabhisaṃbodhanatayā manasikārānabhisaṃbodhanatā veditavyā,

dhyānapāramitāsattayāyuṣmañ chāradvatīputra manasikārāsattā veditavyā, dhyānapāramitābhāvatayā manasikārābhāvatā veditavyā, dhyānapāramitāsvabhāvatayā manasikārāsvabhāvatā veditavyā, dhyānpāramitā śūnyatayā manasikāraśūnyatā veditavyā, dhyānapāramitāviviktatayā manasikāraviviktatā veditavyā, dhyānapāramitānabhisaṃbodhanatayā manasikārānabhisaṃbodhanatā veditavyā,

prajñāpāramitāsattayāyuṣmañ chāradvatīputra manasikārāsattā veditavyā, prajñāpāramitābhāvatayā manasikārābhāvatā veditavyā, prajñāpāramitāsvabhāvatayā manasikārāsvabhāvatā veditavyā, prajñāpāramitā śūnyatayā manasikāraśūnyatā veditavyā, prajñāpāramitāviviktatayā manasikāraviviktatā veditavyā, prajñāpāramitānabhisaṃbodhanatayā manasikārānabhisaṃbodhanatā veditavyā.

adhyātmaśūnyatāsattayāyuṣmañ chāradvatīputra manasikārāsattā veditavyā, adhyātmaśūnyatābhāvatayā manasikārābhāvatā veditavyā, adhyātmaśūnyatāsvabhāvatayā manasikārāsvabhāvatā veditavyā, adhyātmaśūnyatāśūnyatayā manasikāraśūnyatā veditavyā, adhyātmaśūnyatā viviktatayā manasikāraviviktatā veditavyā, adhyātmaśūnyatānabhisaṃbodhanatayā manasikārānabhisaṃbodhanatā veditavyā,

bahirdhāśūnyatāsattayāyuṣmañ chāradvatīputra manasikārāsattā veditavyā, bahirdhāśūnyatābhāvatayā manasikārābhāvatā veditavyā, bahirdhāśūnyatāsvabhāvatayā manasikārāsvabhāvatā veditavyā, bahirdhāśūnyatāśūnyatayā manasikāraśūnyatā veditavyā, bahirdhāśūnyatā viviktatayā manasikāraviviktatā veditavyā, bahirdhāśūnyatānabhisaṃbodhanatayā manasikārānabhisaṃbodhanatā veditavyā,

adhyātmabahirdhāśūnyatāsattayāyuṣmañ chāradvatīputra manasikārāsattā (śsp ii-2 104) veditavyā, adhyātmabahirdhāśūnyatābhāvatayā manasikārābhāvatā veditavyā, adhyātmabahirdhāśūnyatāsvabhāvatayā manasikārāsvabhāvatā veditavyā, adhyātmabahirdhāśūnyatāśūnyatayā manasikāraśūnyatā veditavyā, adhyātmabahirdhāśūnyatāviviktatayā manasikāraviviktatā veditavyā, adhyātmabahirdhāśūnyatānabhisaṃbodhanatayā manasikārānabhisaṃbodhanatā veditavyā,

śūnyatāśūnyatāsattayāyuṣmañ chāradvatīputra manasikārāsattā veditavyā, śūnyatāśūnyatābhāvatayā manasikārābhāvatā veditavyā, śūnyatāśūnyatāsvabhāvatayā manasikārāsvabhāvatā veditavyā, śūnyatāśūnyatāśūnyatayā manasikāraśūnyatā veditavyā, śūnyatāśūnyatāviviktatayā manasikāraviviktatā veditavyā, śūnyatāśūnyatānabhisaṃbodhanatayā manasikārānabhisaṃbodhanatā veditavyā,

mahāśūnyatāsattayāyuṣmañ chāradvatīputra manasikārāsattā veditavyā, mahāśūnyatābhāvatayā manasikārābhāvatā veditavyā, mahāśūnyatāsvabhāvatayā manasikārāsvabhāvatā veditavyā, mahāśūnyatāśūnyatayā manasikāraśūnyatā veditavyā, mahāśūnyatāviviktatayā manasikāraviviktatā veditavyā, mahāśūnyatānabhisaṃbodhanatayā manasikārānabhisaṃbodhanatā veditavyā,

paramārthaśūnyatāsattayāyuṣmañ chāradvatīputra manasikārāsattā veditavyā, paramārthaśūnyatābhāvatayā manasikārābhāvatā veditavyā, paramārthaśūnyatāsvabhāvatayā manasikārāsvabhāvatā veditavyā, paramārthaśūnyatāśūnyatayā manasikāraśūnyatā veditavyā, paramārthaśūnyatāviviktatayā manasikāraviviktatā veditavyā, paramārthaśūnyatānabhisaṃbodhanatayā manasikārānabhisaṃbodhanatā veditavyā,

saṃskṛtaśūnyatāsattayāyuṣmañ chāradvatīputra manasikārāsattā veditavyā, saṃskṛtaśūnyatābhāvatayā manasikārābhāvatā veditavyā, saṃskṛtaśūnyatāsvabhāvatayā manasikārāsvabhāvatā veditavyā, saṃskṛtaśūnyatāśūnyatayā manasikāraśūnyatā veditavyā, saṃskṛtaśūnyatāviviktatayā manasikāraviviktatā veditavyā, saṃskṛtaśūnyatānabhisaṃbodhanatayā manasikārānabhisaṃbodhanatā veditavyā,

asaṃskṛtaśūnyatāsattayāyuṣmañ chāradvatīputra manasikārāsattā veditavyā, asaṃskṛtaśūnyatābhāvatayā manasikārābhāvatā veditavyā, asaṃskṛtaśūnyatāsvabhāvatayā manasikārāsvabhāvatā veditavyā, asaṃskṛtaśūnyatāśūnyatayā manasikāraśūnyatā veditavyā, asaṃskṛtaśūnyatāviviktatayā (śsp ii-2 105) manasikāraviviktatā veditavyā, asaṃskṛtaśūnyatānabhisaṃbodhanatayā manasikārānabhisaṃbodhanatā veditavyā,

atyantaśūnyatāsattayāyuṣmañ chāradvatīputra manasikārāsattā veditavyā, atyantaśūnyatābhāvatayā manasikārābhāvatā veditavyā, atyantaśūnyatāsvabhāvatayā manasikārāsvabhāvatā veditavyā, atyantaśūnyatāśūnyatayā manasikāraśūnyatā veditavyā, atyantaśūnyatāviviktatayā manasikāraviviktatā veditavyā, atyantaśūnyatānabhisaṃbodhanatayā manasikārānabhisaṃbodhanatā veditavyā,

anavarāgraśūnyatāsattayāyuṣmañ chāradvatīputra manasikārāsattā veditavyā, anavarāgraśūnyatābhāvatayā manasikārābhāvatā veditavyā, anavarāgraśūnyatāsvabhāvatayā manasikārāsvabhāvatā veditavyā, anavarāgraśūnyatāśūnyatayā manasikāraśūnyatā veditavyā, anavarāgraśūnyatāviviktatayā manasikāraviviktatā veditavyā, anavarāgraśūnyatānabhisaṃbodhanatayā manasikārānabhisaṃbodhanatā veditavyā,

anavakāraśūnyatāsattayāyuṣmañ chāradvatīputra manasikārāsattā veditavyā, anavakāraśūnyatābhāvatayā manasikārābhāvatā veditavyā, anavakāraśūnyatāsvabhāvatayā manasikārāsvabhāvatā veditavyā, anavakāraśūnyatāśūnyatayā manasikāraśūnyatā veditavyā, anavakāraśūnyatāviviktatayā manasikāraviviktatā veditavyā, anavakāraśūnyatānabhisaṃbodhanatayā manasikārānabhisaṃbodhanatā veditavyā,

prakṛtiśūnyatāsattayāyuṣmañ chāradvatīputra manasikārāsattā veditavyā, prakṛtiśūnyatābhāvatayā manasikārābhāvatā veditavyā, prakṛtiśūnyatāsvabhāvatayā manasikārāsvabhāvatā veditavyā, prakṛtiśūnyatāśūnyatayā manasikāraśūnyatā veditavyā, prakṛtiśūnyatāviviktatayā manasikāraviviktatā veditavyā, prakṛtiśūnyatānabhisaṃbodhanatayā manasikārānabhisaṃbodhanatā veditavyā,

sarvadharmaśūnyatāsattayāyuṣmañ chāradvatīputra manasikārāsattā veditavyā, sarvadharmaśūnyatābhāvatayā manasikārābhāvatā veditavyā, sarvadharmaśūnyatāsvabhāvatayā manasikārāsvabhāvatā veditavyā, sarvadharmaśūnyatāśūnyatayā manasikāraśūnyatā veditavyā, sarvadharmaśūnyatāviviktatayā manasikāraviviktatā veditavyā, sarvadharmaśūnyatānabhisaṃbodhanatayā manasikārānabhisaṃbodhanatā veditavyā,

svalakṣaṇaśūnyatāsattayāyuṣmañ chāradvatīputra manasikārāsattā veditavyā, svalakṣaṇaśūnyatābhāvatayā manasikārābhāvatā veditavyā, (śsp ii-2 106) svalakṣaṇaśūnyatāsvabhāvatayā manasikārāsvabhāvatā veditavyā, svalakṣaṇaśūnyatāśūnyatayā manasikāraśūnyatā veditavyā, svalakṣaṇaśūnyatāviviktatayā manasikāraviviktatā veditavyā, svalakṣaṇaśūnyatānabhisaṃbodhanatayā manasikārānabhisaṃbodhanatā veditavyā,

anupalambhaśūnyatāsattayāyuṣmañ chāradvatīputra manasikārāsattā veditavyā, anupalambhaśūnyatābhāvatayā manasikārābhāvatā veditavyā, anupalambhaśūnyatāsvabhāvatayā manasikārāsvabhāvatā veditavyā, anupalambhaśūnyatāśūnyatayā manasikāraśūnyatā veditavyā, anupalambhaśūnyatāviviktatayā manasikāraviviktatā veditavyā, anupalambhaśūnyatānabhisaṃbodhanatayā manasikārānabhisaṃbodhanatā veditavyā,

abhāvaśūnyatāsattayāyuṣmañ chāradvatīputra manasikārāsattā veditavyā, abhāvaśūnyatābhāvatayā manasikārābhāvatā veditavyā, abhāvaśūnyatāsvabhāvatayā manasikārāsvabhāvatā veditavyā, abhāvaśūnyatāśūnyatayā manasikāraśūnyatā veditavyā, abhāvaśūnyatāviviktatayā manasikāraviviktatā veditavyā, abhāvaśūnyatānabhisaṃbodhanatayā manasikārānabhisaṃbodhanatā veditavyā,

svabhāvaśūnyatāsattayāyuṣmañ chāradvatīputra manasikārāsattā veditavyā, svabhāvaśūnyatābhāvatayā manasikārābhāvatā veditavyā, svabhāvaśūnyatāsvabhāvatayā manasikārāsvabhāvatā veditavyā, svabhāvaśūnyatāśūnyatayā manasikāraśūnyatā veditavyā, svabhāvaśūnyatāviviktatayā manasikāraviviktatā veditavyā, svabhāvaśūnyatānabhisaṃbodhanatayā manasikārānabhisaṃbodhanatā veditavyā,

abhāvasvabhāvaśūnyatāsattayāyuṣmañ chāradvatīputra manasikārāsattā veditavyā, abhāvasvabhāvaśūnyatābhāvatayā manasikārābhāvatā veditavyā, abhāvasvabhāvaśūnyatāsvabhāvatayā manasikārāsvabhāvatā veditavyā, abhāvasvabhāvaśūnyatāśūnyatayā manasikāraśūnyatā veditavyā, abhāvasvabhāvaśūnyatāviviktatayā manasikāraviviktatā veditavyā, abhāvasvabhāvaśūnyatānabhisaṃbodhanatayā manasikārānabhisaṃbodhanatā veditavyā.

smṛtyupasthānāsattayāyuṣmañ chāradvatīputra manasikārāsattā veditavyā, smṛtyupasthānābhāvatayā manasikārābhāvatā veditavyā, smṛtyupasthānāsvabhāvatayā manasikārāsvabhāvatā veditavyā, smṛtyupasthānaśūnyatayā manasikāraśūnyatā veditavyā, smṛtyupasthānaviviktatayā (śsp ii-2 107) manasikāraviviktatā veditavyā, smṛtyupasthānānabhisaṃbodhanatayā manasikārānabhisaṃbodhanatā veditavyā,

samyakprahāṇāsattayāyuṣmañ chāradvatīputra manasikārāsattā veditavyā, samyakprahāṇābhāvatayā manasikārābhāvatā veditavyā, samyakprahāṇāsvabhāvatayā manasikārāsvabhāvatā veditavyā, samyakprahāṇaśūnyatayā manasikāraśūnyatā veditavyā, samyakprahāṇaviviktatayā manasikāraviviktatā veditavyā, samyakprahāṇānabhisaṃbodhanatayā manasikārānabhisaṃbodhanatā veditavyā.

ṛddhipādāsattayāyuṣmañ chāradvatīputra manasikārāsattā veditavyā, ṛddhipādābhāvatayā manasikārābhāvatā veditavyā, ṛddhipādāsvabhāvatayā manasikārāsvabhāvatā veditavyā, ṛddhipādaśūnyatayā manasikāraśūnyatā veditavyā, ṛddhipādaviviktatayā manasikāraviviktatā veditavyā, ṛddhipādānabhisaṃbodhanatayā manasikārānabhisaṃbodhanatā veditavyā.

indriyāsattayāyuṣmañ chāradvatīputra manasikārāsattā veditavyā, indriyābhāvatayā manasikārābhāvatā veditavyā, indriyāsvabhāvatayā manasikārāsvabhāvatā veditavyā, indriyaśūnyatayā manasikāraśūnyatā veditavyā, indriyaviviktatayā manasikāraviviktatā veditavyā, indriyānabhisaṃbodhanatayā manasikārānabhisaṃbodhanatā veditavyā.

balāsattayāyuṣmañ chāradvatīputra manasikārāsattā veditavyā, balābhāvatayā manasikārābhāvatā veditavyā, balāsvabhāvatayā manasikārāsvabhāvatā veditavyā, balaśūnyatayā manasikāraśūnyatā veditavyā, balaviviktatayā manasikāraviviktatā veditavyā, balānabhisaṃbodhanatayā manasikārānabhisaṃbodhanatā veditavyā.

bodhyaṅgāsattayāyuṣmañ chāradvatīputra manasikārāsattā veditavyā, bodhyaṅgābhāvatayā manasikārābhāvatā veditavyā, bodhyaṅgāsvabhāvatayā manasikārāsvabhāvatā veditavyā, bodhyaṅgaśūnyatayā manasikāraśūnyatā veditavyā, bodhyaṅgaviviktatayā manasikāraviviktatā veditavyā, bodhyaṅgānabhisaṃbodhanatayā manasikārānabhisaṃbodhanatā veditavyā.

āryāṣṭāṅgamārgāsattayāyuṣmañ chāradvatīputra manasikārāsattā veditavyā, āryāṣṭāṅgamārgābhāvatayā manasikārābhāvatā veditavyā, āryāṣṭāṅgamārgāsvabhāvatayā manasikārāsvabhāvatā veditavyā, āryāṣṭāṅgamārgaśūnyatayā manasikāraśūnyatā veditavyā, āryāṣṭāṅgamārgaviviktatayā manasikāraviviktatā veditavyā, āryāṣṭāṅgamārgānabhisaṃbodhanatayā manasikārānabhisaṃbodhanatā veditavyā,

āryasatyāsattayāyuṣmañ chāradvatīputra manasikārāsattā veditavyā, āryasatyābhāvatayā manasikārābhāvatā veditavyā, āryasatyāsvabhāvatayā manasikārāsvabhāvatā veditavyā, āryasatyaśūnyatayā manasikāraśūnyatā veditavyā, āryasatyaviviktatayā manasikāraviviktatā veditavyā, āryasatyānabhisaṃbodhanatayā manasikārānabhisaṃbodhanatā veditavyā,

dhyānāsattayāyuṣmañ chāradvatīputra manasikārāsattā veditavyā, dhyānābhāvatayā manasikārābhāvatā veditavyā, dhyānāsvabhāvatayā manasikārāsvabhāvatā veditavyā, dhyānaśūnyatayā manasikāraśūnyatā veditavyā, dhyānaviviktatayā manasikāraviviktatā veditavyā, dhyānānabhisaṃbodhanatayā manasikārānabhisaṃbodhanatā veditavyā,

apramāṇāsattayāyuṣmañ chāradvatīputra manasikārāsattā veditavyā, apramāṇābhāvatayā manasikārābhāvatā veditavyā, apramāṇāsvabhāvatayā manasikārāsvabhāvatā veditavyā, apramāṇaśūnyatayā manasikāraśūnyatā veditavyā, apramāṇaviviktatayā manasikāraviviktatā veditavyā, apramāṇānabhisaṃbodhanatayā manasikārānabhisaṃbodhanatā veditavyā.

ārūpyasamāpattyasattayāyuṣmañ chāradvatīputra manasikārāsattā veditavyā, ārūpyasamāpattyabhāvatayā manasikārābhāvatā veditavyā, ārūpyasamāpattyasvabhāvatayā manasikārāsvabhāvatā veditavyā, ārūpyasamāpattiśūnyatayā manasikāraśūnyatā veditavyā, ārūpyasamāpattiviviktatayā manasikāraviviktatā veditavyā, ārūpyasamāpattyanabhisaṃbodhanatayā manasikārānabhisaṃbodhanatā veditavyā.

vimokṣāsattayāyuṣmañ chāradvatīputra manasikārāsattā veditavyā, vimokṣābhāvatayā manasikārābhāvatā veditavyā, vimokṣāsvabhāvatayā manasikārāsvabhāvatā veditavyā, vimokṣaśūnyatayā manasikāraśūnyatā veditavyā, vimokṣaviviktatayā manasikāraviviktatā veditavyā, vimokṣānabhisaṃbodhanatayā manasikārānabhisaṃbodhanatā veditavyā.

anupūrvavihārasamāpattyasattayāyuṣmañ chāradvatīputra manasikārāsattā veditavyā, anupūrvavihārasamāpattyabhāvatayā manasikārābhāvatā veditavyā, anupūrvavihārasamāpattyasvabhāvatayā manasikārāsvabhāvatā veditavyā, anupūrvavihārasamāpattiśūnyatayā manasikāraśūnyatā veditavyā, anupūrvavihārasamāpattiviviktatayā manasikāraviviktatā veditavyā, anupūrvavihārasamāpattyanabhisaṃbodhanatayā manasikārānabhisaṃbodhanatā veditavyā.

śūnyatāsattayāyuṣmañ chāradvatīputra manasikārāsattā veditavyā, (śsp ii-2 109) śūnyatābhāvatayā manasikārābhāvatā veditavyā, śūnyatāsvabhāvatayā manasikārāsvabhāvatā veditavyā, śūnyatāśūnyatayā manasikāraśūnyatā veditavyā, śūnyatāviviktatayā manasikāraviviktatā veditavyā, śūnyatānabhisaṃbodhanatayā manasikārānabhisaṃbodhanatā veditavyā.

ānimittāsattayāyuṣmañ chāradvatīputra manasikārāsattā veditavyā, ānimittābhāvatayā manasikārābhāvatā veditavyā, ānimittāsvabhāvatayā manasikārāsvabhāvatā veditavyā, ānimittaśūnyatayā manasikāraśūnyatā veditavyā, ānimittaviviktatayā manasikāraviviktatā veditavyā, ānimittānabhisaṃbodhanatayā manasikārānabhisaṃbodhanatā veditavyā,

apraṇihitāsattayāyuṣmañ chāradvatīputra manasikārāsattā veditavyā, apraṇihitābhāvatayā manasikārābhāvatā veditavyā, apraṇihitāsvabhāvatayā manasikārāsvabhāvatā veditavyā, apraṇihitaśūnyatayā manasikāraśūnyatā veditavyā, apraṇihitaviviktatayā manasikāraviviktatā veditavyā, apraṇihitānabhisaṃbodhanatayā manasikārānabhisaṃbodhanatā veditavyā,

abhijñāsattayāyuṣmañ chāradvatīputra manasikārāsattā veditavyā, abhijñābhāvatayā manasikārābhāvatā veditavyā, abhijñāsvabhāvatayā manasikārāsvabhāvatā veditavyā, abhijñāśūnyatayā manasikāraśūnyatā veditavyā, abhijñāviviktatayā manasikāraviviktatā veditavyā, abhijñānabhisaṃbodhanatayā manasikārānabhisaṃbodhanatā veditavyā,

samādhyasattayāyuṣmañ chāradvatīputra manasikārāsattā veditavyā, samādhyabhāvatayā manasikārābhāvatā veditavyā, samādhyasvabhāvatayā manasikārāsvabhāvatā veditavyā, samādhiśūnyatayā manasikāraśūnyatā veditavyā, samādhiviviktatayā manasikāraviviktatā veditavyā, samādhyanabhisaṃbodhanatayā manasikārānabhisaṃbodhanatā veditavyā,

dhāraṇīmukhāsattayāyuṣmañ chāradvatīputra manasikārāsattā veditavyā, dhāraṇīmukhābhāvatayā manasikārābhāvatā veditavyā, dhāraṇīmukhāsvabhāvatayā manasikārāsvabhāvatā veditavyā, dhāraṇīmukhaśūnyatayā manasikāraśūnyatā veditavyā, dhāraṇīmukhaviviktatayā manasikāraviviktatā veditavyā, dhāraṇīmukhānabhisaṃbodhanatayā manasikārānabhisaṃbodhanatā veditavyā,

tathāgatabalāsattayāyuṣmañ chāradvatīputra manasikārāsattā veditavyā, tathāgatabalābhāvatayā manasikārābhāvatā veditavyā, tathāgatabalāsvabhāvatayā manasikārāsvabhāvatā veditavyā, tathāgatabalaśūnyatayā manasikāraśūnyatā veditavyā, tathāgatabalaviviktatayā manasikāraviviktatā (śsp ii-2 110) veditavyā, tathāgatabalānabhisaṃbodhanatayā manasikārānabhisaṃbodhanatā veditavyā,

vaiśāradyāsattayāyuṣmañ chāradvatīputra manasikārāsattā veditavyā, vaiśāradyābhāvatayā manasikārābhāvatā veditavyā, vaiśāradyāsvabhāvatayā manasikārāsvabhāvatā veditavyā, vaiśāradyaśūnyatayā manasikāraśūnyatā veditavyā, vaiśāradyaviviktatayā manasikāraviviktatā veditavyā, vaiśāradyānabhisaṃbodhanatayā manasikārānabhisaṃbodhanatā veditavyā,

pratisaṃvidasattayāyuṣmañ chāradvatīputra manasikārāsattā veditavyā, pratisaṃvidabhāvatayā manasikārābhāvatā veditavyā, pratisaṃvidasvabhāvatayā manasikārāsvabhāvatā veditavyā, pratisaṃvidśūnyatayā manasikāraśūnyatā veditavyā, pratisaṃvidviviktatayā manasikāraviviktatā veditavyā, pratisaṃvidanabhisaṃbodhanatayā manasikārānabhisaṃbodhanatā veditavyā,

mahāmaitryasattayāyuṣmañ chāradvatīputra manasikārāsattā veditavyā, mahāmaitryabhāvatayā manasikārābhāvatā veditavyā, mahāmaitryasvabhāvatayā manasikārāsvabhāvatā veditavyā, mahāmaitrīśūnyatayā manasikāraśūnyatā veditavyā, mahāmaitrīviviktatayā manasikāraviviktatā veditavyā, mahāmaitryanabhisaṃbodhanatayā manasikārānabhisaṃbodhanatā veditavyā,

mahākaruṇāsattayāyuṣmañ chāradvatīputra manasikārāsattā veditavyā, mahākaruṇābhāvatayā manasikārābhāvatā veditavyā, mahākaruṇā'svabhāvatayā manasikārāsvabhāvatā veditavyā, mahākaruṇāśūnyatayā manasikāraśūnyatā veditavyā, mahākaruṇāviviktatayā manasikāraviviktatā veditavyā, mahākaruṇānabhisaṃbodhanatayā manasikārānabhisaṃbodhanatā veditavyā,

āveṇikabuddhadharmāsattayāyuṣmañ chāradvatīputra manasikārāsattā veditavyā, āveṇikabuddhadharmābhāvatayā manasikārābhāvatā veditavyā, āveṇikabuddhadharmāsvabhāvatayā manasikārāsvabhāvatā veditavyā, āveṇikabuddhadharmaśūnyatayā manasikāraśūnyatā veditavyā, āveṇikabuddhadharmaviviktatayā manasikāraviviktatā veditavyā, āveṇikabuddhadharmānabhisaṃbodhanatayā manasikārānabhisaṃbodhanatā veditavyā,

sarvajñatāsattayāyuṣmañ chāradvatīputra manasikārāsattā veditavyā, sarvajñatābhāvatayā manasikārābhāvatā veditavyā, sarvajñatāsvabhāvatayā (śsp ii-2 111) manasikārāsvabhāvatā veditavyā, sarvajñatāśūnyatayā manasikāraśūnyatā veditavyā, sarvajñatāviviktatayā manasikāraviviktatā veditavyā, sarvajñatānabhisaṃbodhanatayā manasikārānabhisaṃbodhanatā veditavyā,

mārgākārajñatāsattayāyuṣmañ chāradvatīputra manasikārāsattā veditavyā, mārgākārajñatābhāvatayā manasikārābhāvatā veditavyā, mārgākārajñatāsvabhāvatayā manasikārāsvabhāvatā veditavyā, mārgākārajñatāśūnyatayā manasikāraśūnyatā veditavyā, mārgākārajñatāviviktatayā manasikāraviviktatā veditavyā, mārgākārajñatānabhisaṃbodhanatayā manasikārānabhisaṃbodhanatā veditavyā,

sarvākārajñatāsattayāyuṣmañ chāradvatīputra manasikārāsattā veditavyā, sarvākārajñatābhāvatayā manasikārābhāvatā veditavyā, sarvākārajñatāsvabhāvatayā manasikārāsvabhāvatā veditavyā, sarvākārajñatāśūnyatayā manasikāraśūnyatā veditavyā, sarvākārajñatāviviktatayā manasikāraviviktatā veditavyā, sarvākārajñatānabhisaṃbodhanatayā manasikārānabhisaṃbodhanatā veditavyā.

bodhyaṅgāsattayāyuṣmañ chāradvatīputra manasikārāsattā veditavyā, bodhyaṅgābhāvatyā manasikārābhāvatā veditavyā, bodhyaṅgāsvabhāvatayā manasikārāsvabhāvatā veditavyā, bodhyaṅgaśūnyatayā manasikāraśūnyatā veditavyā, bodhyaṅgaviviktatayā manasikāraviviktatā veditavyā, bodhyaṅgānabhisaṃbodhanatayā manasikārānabhisaṃbodhanatā veditavyā.

anenāyuṣmañ chāradvatīputra paryāyeṇa bodhisattvo mahāsattvo 'virahita eva tena manasikāreṇa veditavyaḥ, yad uta mahākaruṇāmanasikārena.

atha bhagavān āyuṣmate subhūtaye sādhukāram adāt: sādhu sādhu subhūte, evaṃ khalu subhūte bodhisattvebhyo mahāsattvebhyaḥ prajñāpāramitopadeṣṭavyā, yathā tvam upadiśasi yathāpi taṃ tathāgatasyānubhāvena evaṃ ca punar bodhisattvena mahāsattvena prajñāpāramitāyāṃ śikṣitavyaṃ, yathā tvam upadiśasi. asmin khalu punaḥ prajñāpāramitā parivartā.

āyuṣmatā subhūtinā bhāṣyamāne ayam trisāhasramahāsāhasro lokadhātuḥ ṣaḍ vikāram akaṃpat prākaṃpat saṃprākaṃpat, avedhat prāvedhat saṃprāvedhat, acarat prācarat saṃprācarat, akṣubhyat (śsp ii-2 112) prākṣubhyat saṃprākṣubhyat, agarjat prāgarjat saṃprāgarjat, araṇat prāraṇat saṃprāraṇat, pūrvā dig avanamati sma, paścimā dig unnamati sma, pūrvā dig unnamati sma, paścimā dig avanamati sma, uttarā dig avanamati sma, dakṣiṇā dig unnamati sma, uttarā dig unnamati sma, dakṣiṇā dig avanamati sma, madhyeṣv avanamati sma, anteṣv unnamati sma, anteṣv avanamati sma, madhyeṣu unnamati sma.

atha bhagavāṃs tasyāṃ velāyāṃ smitaṃ prādur akārṣīt.

athāyuṣmāṃ subhūtir bhagavantam etad avocat: ko bhagavan hetuḥ kaḥ pratyayaḥ smitasyāviṣkaraṇe?

evam ukte bhagavān āyuṣmantaṃ subhūtim etad avocat: yathaivāhaṃ subhūte iha sahāyāṃ lokadhātau prajñāpāramitāṃ bhāṣe tathaiva pūrvasyāṃ diśy asaṃkhyeyeṣv aprameyeṣu lokadhātuṣu tathāgatā arhantaḥ samyaksaṃbuddhā imām eva prajñāpāramitāṃ bodhisattvānāṃ mahāsattvānāṃ bhāṣante,

yathaivāhaṃ subhūte iha sahāyāṃ lokadhātau prajñāpāramitāṃ bhāṣe tathaiva dakṣiṇasyāṃ diśy asaṃkhyeyeṣv aprameyeṣu lokadhātuṣu tathāgatā arhantaḥ samyaksaṃbuddho imām eva prajñāpāramitāṃ bodhisattvānāṃ mahāsattvānāṃ bhāṣante,

yathaivāhaṃ subhūte iha sahāyāṃ lokadhātau prajñāpāramitāṃ bhāṣe tathaiva paścimāyāṃ diśy asaṃkhyeyeṣv aprameyeṣu lokadhātuṣu tathāgatā arhantaḥ samyaksaṃbuddhā imām eva prajñāpāramitāṃ bodhisattvānāṃ mahāsattvānāṃ bhāṣante.

yathaivāhaṃ subhūte iha sahāyāṃ lokadhātau prajñāpāramitāṃ bhāṣe tathaivottarāyāṃ diśy asaṃkhyeyeṣv aprameyeṣu lokadhātuṣu tathāgatā arhantaḥ samyaksaṃbuddhā imām eva prajñāpāramitāṃ bodhisattvānāṃ mahāsattvānāṃ bhāṣante.

yathaivāhaṃ subhūte iha sahāyāṃ lokadhātau prajñāpāramitāṃ bhāṣe tathaivottarapūrvasyāṃ diśy asaṃkhyeyeṣv aprameyeṣu lokadhātuṣu tathāgatā arhantaḥ samyaksaṃbuddhā imām eva prajñāpāramitāṃ bodhisattvānāṃ mahāsattvānāṃ bhāṣante.

yathaivāhaṃ subhūte iha sahāyāṃ lokadhātau prajñāpāramitāṃ bhāṣe tathaiva pūrvadakṣiṇasyāṃ diśy asaṃkhyeyeṣv aprameyeṣu lokadhātuṣu tathāgatā arhantaḥ samyaksaṃbuddhā imām eva prajñāpāramitāṃ bodhisattvānāṃ (śsp ii-2 113) mahāsattvānāṃ bhāṣante.

yathaivāhaṃ subhūte iha sahāyāṃ lokadhātau prajñāpāramitāṃ bhāṣe tathaiva dakṣiṇapaścimāyāṃ diśy asaṃkhyeyeṣv aprameyeṣu lokadhātuṣu tathāgatā arhantaḥ samyaksaṃbuddhā imām eva prajñāpāramitāṃ bodhisattvānāṃ mahāsattvānāṃ bhāṣante.

yathaivāhaṃ subhūte iha sahāyāṃ lokadhātau prajñāpāramitāṃ bhāṣe tathaiva paścimottarasyāṃ diśy asaṃkhyeyeṣv aprameyeṣu lokadhātuṣu tathāgatā arhantaḥ samyaksaṃbuddhā imām eva prajñāpāramitāṃ bodhisattvānāṃ mahāsattvānāṃ bhāṣante.

yathaivāhaṃ subhūte iha sahāyāṃ lokadhātau prajñāpāramitāṃ bhāṣe tathaivādhastād diśy asaṃkhyeyeṣv aprameyeṣu lokadhātuṣu tathāgatā arhantaḥ samyaksaṃbuddhā imām eva prajñāpāramitāṃ bodhisattvānāṃ mahāsattvānāṃ bhāṣante.

yathaivāhaṃ subhūte iha sahāyāṃ lokadhātau prajñāpāramitāṃ bhāṣe tathaivopariṣṭād diśy asaṃkhyeyeṣv aprameyeṣu lokadhātuṣu tathāgatā arhantaḥ samyaksaṃbuddhā imām eva prajñāpāramitāṃ bodhisattvānāṃ mahāsattvānāṃ bhāṣante.

yasmin khalu punaḥ subhūte prajñāpāramitānirdeśe bhāṣyamāṇe dvādaśānām ayutānāṃ devamāṇuṣyakānāṃ prajñāpāramitāyā anutpattikeṣu dharmeṣu kṣāntir utpannā, teṣām api samantād daśasu dikṣu lokadhātuṣu buddhānāṃ bhagavatāṃ prajñāpāramitāṃ bhāṣamāṇānām asaṃkhyeyānām aprameyānāṃ sattvānām anuttarāyāṃ samyaksaṃbodhau cittāny utpannāni.

śatasāhasryāḥ prajñāpāramitāyāḥ subhūtiparivartas trayodaśamaḥ

atha khalu yāvantas trisāhasramahāsāhasre lokadhātau mahārājānas te sarve 'nekair devaputrakoṭīniyutaśatasāhasraiḥ sārdhaṃ tatraiva parṣadi saṃnipatitā abhūvan, yāvantas trisāhasramahāsāhasre lokadhātau śakrā devendrās te sarve 'nekair devaputrakoṭīniyutaśatasahasraiḥ sārdhaṃ tatraiva parṣadi saṃnipatitā abhūvan, yāvantas trisāhasramahāsāhasre lokadhātau suyāmā devaputrās te sarve 'nekair devaputrakoṭīniyutaśatasahasraiḥ sārdhaṃ tatraiva parṣadi saṃnipatitā abhūvan, yāvantas trisāhasramahāsāhasre lokadhātau saṃtuṣitā devaputrās te sarve 'nekair devaputrakoṭīniyutaśatasahasraiḥ sārdhaṃ tatraiva parṣadi saṃnipatitā abhūvan, yāvantas trisāhasramahāsāhasre lokadhātau nirmitā devaputrās te sarve 'nekair devaputrakoṭīniyutaśatasahasraiḥ sārdhaṃ tatraiva parṣadi saṃnipatitā abhūvan, yāvantas trisāhasramahāsāhasre lokadhātau vaśavartinā devaputrās te sarve 'nekair devaputrakoṭīniyutaśatasahasraiḥ sārdhaṃ tatraiva parṣadi saṃnipatitā abhūvan, yāvantas trisāhasramahāsāhasre lokadhātau mahābrahmāṇas te sarve 'nekair devaputrakoṭīniyutaśatasahasraiḥ sārdhaṃ tatraiva parṣadi saṃnipatitā abhūvan, yāvantas trisāhasramahāsāhasre lokadhātau ābhāsvarā devaputrās te sarve 'nekair devaputrakoṭīniyutaśatasahasraiḥ sārdhaṃ tatraiva parṣadi saṃnipatitā abhūvan, yāvantas trisāhasramahāsāhasre lokadhātau śubhakṛtsnā devaputrās te sarve 'nekair devaputrakoṭīniyutaśatasahasraiḥ sārdhaṃ tatraiva parṣadi saṃnipatitā abhūvan, yāvantas trisāhasramahāsāhasre lokadhātau bṛhatphalā devaputrās te sarve

'nekair devaputrakoṭīniyutaśatasahasraiḥ sārdhaṃ tatraiva parṣadi saṃnipatitā abhūvan, yāvantas trisāhasramahāsāhasre lokadhātau śuddhāvāsakāyikā devaputrās te sarve 'nekair devaputrakoṭīniyutaśatasahasraiḥ sārdhaṃ tatraiva parṣadi saṃnipatitā abhūvan, yāvantas trisāhasramahāsāhasre lokadhātau yaś ca teṣāṃ cāturmahārājakāyikānāṃ devāṇāṃ karmavipākajaḥ kāyāvabhāsaḥ, yaś ca teṣāṃ trayastriṃśānāṃ devāṇāṃ karmavipākajaḥ kāyāvabhāsaḥ, yaś ca teṣāṃ yāmānāṃ devāṇāṃ karmavipākajaḥ kāyāvabhāsaḥ, yaś ca teṣāṃ tuṣitānāṃ devāṇāṃ karmavipākajaḥ kāyāvabhāsaḥ, yaś ca teṣāṃ nirmāṇaratīnāṃ devānāṃ karmavipākajaḥ kāyāvabhāsaḥ, yaś ca teṣāṃ paranirmitavaśavartināṃ devāṇāṃ karmavipākajaḥ kāyāvabhāsaḥ, yaś ca teṣāṃ brahmakāyikānāṃ devāṇāṃ karmavipākajaḥ kāyāvabhāsaḥ, yaś ca teṣām (śsp ii-2 115) ābhāsvarāṇām devānāṃ karmavipākajaḥ kāyāvabhāsaḥ, yaś ca teṣām śubhakṛtsnānām devānāṃ karmavipākajaḥ kāyāvabhāsaḥ, yaś ca teṣāṃ bṛhatphalānāṃ devānāṃ karmavipākajaḥ kāyāvabhāsaḥ, yaś ca teṣāṃ śuddhāvāsakāyikānāṃ devānāṃ karmavipākajaḥ kāyāvabhāsaḥ, sa tathāgatasya prakṛtyavabhāsasya śatatamīm api kalāṃ nopaiti, sahasratamīm api kalāṃ nopaiti, śatasahasratamīm api kalāṃ nopaiti, koṭīniyutaśatasahasratamīm api kalāṃ nopaiti, saṃkhyām api kalām api gaṇanām apy upamām apy upaniśām api na kṣamate, tathāgatasya prakṛtyā ābhāyāḥ purataḥ sarvās tā devānāṃ karmavipākajā ābhā na bhāsante na tapanti na virocante, tathāgatasyaiṣābhā sāgrākhyāyate jyeṣṭhākhyāyate viśiṣṭākhyāyate varākhyāyate pravarākhyāte

praṇītākhyāyate anuttarākhyāyate niruttarākhyāyate.

atha khalu śakro devānām indra āyuṣmantaṃ subhūtim etad avocat: ete bhadanta subhūte yāvantas trisāhasramahāsāhasre lokadhātau cāturmahārājakāyikā devāḥ trayastriṃśā devā yāmā devā tuṣitā devā nirmāṇaratayo devāḥ paranirmitavaśavartino devā brahmakāyikā devā ābhāsvarā devāḥ śubhakṛtsnā devā bṛhatphalā devāḥ śuddhāvāsakāyikā devās te sarve saṃnipatitā bhadanta subhūte dharmaśravaṇāya prajñāpāramitopadeśaṃ śrotukāmāḥ.

kathaṃ bhadanta subhūte bodhisattvena mahāsattvena prajñāpāramitāyāṃ sthātavyam?

katamā ca bodhisattvasya mahāsattvasya prajñāpāramitā?

kathaṃ ca bodhisattvena mahāsattvena prajñāpāraitāyāṃ śikṣitavyam?

evam ukte āyuṣmān subhūtiḥ śakram devānām indram etad avocat: tena hi kauśika śṛṇu sādhu ca suṣṭhu ca manasikurūpadeśyāmi buddhānubhāvena buddhādhiṣṭhānena ca bodhisattvebhyo mahāsattvebhyaḥ prajñāpāramitāyāṃ yathā bodhisattvena mahāsattvena prajñāpāramitāyāṃ sthātavyaṃ yathā ca śikṣitavyam. yaiś ca devaputrair anuttarāyai samyaksaṃbodhaye cittaṃ notpāditam, tair apy anuttarāyai samyaksaṃbodhaye cittam utpādayitavyam. ye punar avakrāntasamyaktvanyāmāt, te pratibalā anuttarāyai samyaksaṃbodhaye cittam utpādayitum. tat kasya hetoḥ?

baddhasimā hi te saṃsārasrotasaḥ.

api tu khalu punas teṣām apy anumode saced anuttarāyai samyaksaṃbodhyaye cittam utpādayati, nāhaṃ teṣāṃ kuśalapakṣasyāntarāyaṃ karomi viśiṣṭebhyo hi dharmebhyo viśiṣṭatamā dharmā adhyālambitavyaḥ.

tatra katamā kauśika bodhisattvasya mahāsattvasya prajñāpāramitā?

iha kauśika bodhisattvena mahāsattvena sarvākārajñatāpratisaṃyuktena cittotpādena, rūpam anityato manasikartavyaṃ, rūpaṃ duḥkhato manasikartavyaṃ, rūpam anātmato manasikartavyaṃ, rūpaṃ śāntato manasikartavyaṃ, rūpaṃ viviktato manasikartavyaṃ, rūpaṃ rogato manasikartavyaṃ, rūpaṃ gaṇḍato manasikartavyaṃ, rūpaṃ śalyato manasikartavyaṃ, rūpam aghato manasikartavyaṃ, rūpam ābādhato manasikartavyaṃ, rūpaṃ parato manasikartavyaṃ, rūpaṃ pralopadharmato manasikartavyaṃ, rūpaṃ calato manasikartavyaṃ, rūpaṃ prabhaṅgulato manasikartavyaṃ, rūpaṃ bhayato manasikartavyaṃ, rūpam upasargato manasikartavyaṃ, rūpaṃ śūnyato manasikartavyaṃ, rūpam anātmīyato manasikartavyaṃ, rūpam anāśvāsikato manasikartavyaṃ, rūpaṃ vyābādhato manasikartavyaṃ, tac cānupalambhayogena.

sarvākārajñatāpratisaṃyuktena cittotpādena, vedanānityato manasikartavyā, vedanā duḥkhato manasikartavyā, vedanānātmato manasikartavyā, vedanā śāntato manasikartavyā, vedanā viviktato manasikartavyā, vedanā rogato manasikartavyā, vedanā gaṇḍato manasikartavyā, vedanā śalyato manasikartavyā, vedanāghato manasikartavyā, vedanābādhato manasikartavyā, vedanā parato manasikartavyā, vedanā pralopadharmato manasikartavyā, vedanā calato manasikartavyā, vedanā prabhaṅgulato manasikartavyā, vedanā bhayato manasikartavyā, vedanopasargato manasikartavyā, vedanā śūnyato manasikartavyā, vedanānātmīyato manasikartavyā, vedanā nāśvāsikato manasikartavyā, vedanā vyābādhato manasikartavyā, tac cānupalambhayogena.

sarvākārajñatāpratisaṃyuktena cittotpādena, saṃjñānityato manasikartavyā, saṃjñā duḥkhato manasikartavyā, saṃjñā nātmato manasikartavyā, saṃjñā śāntato manasikartavyā, saṃjñā viviktato manasikartavyā, saṃjñā rogato manasikartavyā, saṃjñā gaṇḍato manasikartavyā, saṃjñā śalyato manasikartavyā, saṃjñāghato manasikartavyā, saṃjñābādhato (śsp ii-2 117) manasikartavyā, saṃjñā parato manasikartavyā, saṃjñā pralopadharmato manasikartavyā, saṃjñā calato manasikartavyā, saṃjñā prabhaṅgulato manasikartavyā, saṃjñā bhayato manasikartavyā, saṃjñopasargato manasikartavyā, saṃjñā śūnyato manasikartavyā, saṃjñānātmlyato manasikartavyā, saṃjñā nāśvāsikato manasikartavyā, saṃjñā vyābādhato manasikartavyā, tac cānupalambhayogena.

sarvākārajñatāpratisaṃyuktena cittotpādena, saṃskārā anityato manasikartavyāḥ, saṃskārā duḥkhato manasikartavyāḥ, saṃskārā anātmato manasikartavyāḥ, saṃskārāḥ śāntato manasikartavyāḥ, saṃskārā viviktato manasikartavyāḥ, saṃskārā rogato manasikartavyāḥ, saṃskārā gaṇḍato manasikartavyāḥ, saṃskārāḥ śalyato manasikartavyāḥ, saṃskārā aghato manasikartavyāḥ, saṃskārā ābādhato manasikartavyāḥ, saṃskārāḥ parato manasikartavyāḥ, saṃskārāḥ pralopadharmato manasikartavyāḥ, saṃskārāś calato manasikartavyāḥ, saṃskārāḥ prabhaṅgulato manasikartavyāḥ, saṃskārā bhayato manasikartavyāḥ, saṃskārā upasargato manasikartavyāḥ, saṃskārāḥ śūnyato manasikartavyāḥ, saṃskārā anātmīyato manasikartavyāḥ, saṃskārā anāśvāsikato manasikartavyāḥ, saṃskārā vyābādhato manasikartavyāḥ, tac cānupalambhayogena.

sarvākārajñatāpratisaṃyuktena cittotpādena, vijñānam anityato manasikartavyaṃ, vijñānaṃ duḥkhato manasikartavyaṃ, vijñānam anātmato manasikartavyaṃ, vijñānaṃ śāntato manasikartavyaṃ, vijñānaṃ viviktato manasikartavyaṃ, vijñānaṃ rogato manasikartavyaṃ, vijñānaṃ gaṇḍato manasikartavyaṃ, vijñānaṃ śalyato manasikartavyaṃ, vijñānam aghato manasikartavyaṃ, vijñānam ābādhato manasikartavyaṃ, vijñānaṃ parato manasikartavyaṃ, vijñānaṃ pralopadharmato manasikartavyaṃ, vijñānaṃ calato manasikartavyaṃ, vijñānaṃ prabhaṅgulato manasikartavyaṃ, vijñānaṃ bhayato manasikartavyaṃ, vijñānam upasargato manasikartavyaṃ, vijñānaṃ śūnyato manasikartavyaṃ, vijñānam anātmīyato manasikartavyaṃ, vijñānam anāśvāsikato manasikartavyaṃ, vijñānaṃ vyābādhato manasikartavyaṃ, tac cānupalambhayogena.

sarvākārajñatāpratisaṃyuktena cittotpādena, cakṣur anityato manasikartavyaṃ, cakṣur duḥkhato manasikartavyaṃ, cakṣur anātmato manasikartavyaṃ, cakṣuḥ śāntato manasikartavyaṃ, cakṣur viviktato manasikartavyaṃ, cakṣur rogato manasikartavyaṃ, cakṣur gaṇḍato manasikartavyaṃ, (śsp ii-2 118) cakṣuḥ śalyato manasikartavyaṃ, cakṣur aghato manasikartavyaṃ, cakṣur ābādhato manasikartavyaṃ, cakṣuḥ parato manasikartavyaṃ, cakṣuḥ pralopadharmato manasikartavyaṃ, cakṣuś calato manasikartavyaṃ, cakṣuḥ prabhaṅgulato manasikartavyaṃ, cakṣur bhayato manasikartavyaṃ, cakṣur upasargato manasikartavyaṃ, cakṣuḥ śūnyato manasikartavyaṃ, cakṣur anātmīyato manasikartavyaṃ, cakṣur anāśvāsikato manasikartavyaṃ, cakṣur vyābādhato manasikartavyaṃ, tac cānupalambhayogena.

sarvākārajñatāpratisaṃyuktena cittotpādena, śrotram anityato manasikartavyaṃ, śrotraṃ duḥkhato manasikartavyaṃ, śrotram anātmato manasikartavyaṃ, śrotraṃ śāntato manasikartavyaṃ, śrotraṃ viviktato manasikartavyaṃ, śrotraṃ rogato manasikartavyaṃ, śrotraṃ gaṇḍato manasikartavyaṃ, śrotraṃ śalyato manasikartavyaṃ, śrotram aghato manasikartavyaṃ, śrotram ābādhato manasikartavyaṃ, śrotraṃ parato manasikartavyaṃ, śrotraṃ pralopadharmato manasikartavyaṃ, śrotraṃ calato manasikartavyaṃ, śrotraṃ prabhaṅgulato manasikartavyaṃ, śrotraṃ bhayato manasikartavyaṃ, śrotram upasargato manasikartavyaṃ, śrotraṃ śūnyato manasikartavyaṃ, śrotram anātmīyato manasikartavyaṃ, śrotram anāśvāsikato manasikartavyaṃ, śrotraṃ vyābādhato manasikartavyaṃ, tac cānupalambhayogena.

sarvākārajñatāpratisaṃyuktena cittotpādena, ghrāṇam anityato manasikartavyaṃ, ghrāṇaṃ duḥkhato manasikartavyaṃ, ghrāṇam anātmato manasikartavyaṃ, ghrāṇaṃ śāntato manasikartavyaṃ, ghrāṇaṃ viviktato manasikartavyaṃ, ghrāṇaṃ rogato manasikartavyaṃ, ghrāṇaṃ gaṇḍato manasikartavyaṃ, ghrāṇaṃ śalyato manasikartavyaṃ, ghrāṇam aghato manasikartavyaṃ, ghrāṇam ābādhato manasikartavyaṃ, ghrāṇaṃ parato manasikartavyaṃ, ghrāṇaṃ pralopadharmato manasikartavyaṃ, ghrāṇaṃ calato manasikartavyaṃ, ghrāṇaṃ prabhaṅgulato manasikartavyaṃ, ghrāṇaṃ bhayato manasikartavyaṃ, ghrāṇam upasargato manasikartavyaṃ, ghrāṇaṃ śūnyato manasikartavyaṃ, ghrāṇam anātmīyato manasikartavyaṃ, ghrāṇam anāśvāsikato manasikartavyaṃ, ghrāṇaṃ vyābādhato manasikartavyaṃ, tac cānupalambhayogena.

sarvākārajñatāpratisaṃyuktena cittotpādena, jihvānityato manasikartavyā, jihvā duḥkhato manasikartavyā, jihvānātmato manasikartavyā, (śsp ii-2 119) jihvā śāntato manasikartavyā, jihvā viviktato manasikartavyā, jihvā rogato manasikartavyā, jihvā gaṇḍato manasikartavyā, jihvā śalyato manasikartavyā, jihvāghato manasikartavyā, jihvābādhato manasikartavyā, jihvā parato manasikartavyā, jihvā pralopadharmato manasikartavyā, jihvā calato manasikartavyā, jihvā prabhaṅgulato manasikartavyā, jihvā bhayato manasikartavyā, jihvopasargato manasikartavyā, jihvā śūnyato manasikartavyā, jihvānātmīyato manasikartavyā, jihvānāśvāsikato manasikartavyā, jihvā vyābādhato manasikartavyā, tac cānupalambhayogena.

sarvākārajñatāpratisaṃyuktena cittotpādena, kāyo 'nityato manasikartavyaḥ, kāyo duḥkhato manasikartavyaḥ, kāyo 'nātmato manasikartavyaḥ, kāyaḥ śāntato manasikartavyaḥ, kāyo viviktato manasikartavyaḥ, kāyo rogato manasikartavyaḥ, kāyo gaṇḍato manasikartavyaḥ, kāyaḥ śalyato manasikartavyaḥ, kāyo 'ghato manasikartavyaḥ, kāya ābādhato manasikartavyaḥ, kāyaḥ parato manasikartavyaḥ, kāyaḥ pralopadharmato manasikartavyaḥ, kāyaś calato manasikartavyaḥ, kāyaḥ prabhaṅgulato manasikartavyaḥ, kāyo bhayato manasikartavyaḥ, kāya upasargato manasikartavyaḥ, kāyaḥ śūnyato manasikartavyaḥ, kāyo 'nātmīyato manasikartavyaḥ, kāyo 'nāśvāsikato manasikartavyaḥ, kāyo vyābādhato manasikartavyaḥ, tac cānupalambhayogena.

sarvākārajñatāpratisaṃyuktena cittotpādena, mano 'nityato manasikartavyaṃ, mano duḥkhato manasikartavyaṃ, mano 'nātmato manasikartavyaṃ, manaḥ śāntato manasikartavyaṃ, mano viviktato manasikartavyaṃ, mano rogato manasikartavyaṃ, mano gaṇḍato manasikartavyaṃ, manaḥ śalyato manasikartavyaṃ, mano 'ghato manasikartavyaṃ, mana ābādhato manasikartavyaṃ, manaḥ parato manasikartavyaṃ, manaḥ pralopadharmato manasikartavyaṃ, manaś calato manasikartavyaṃ, manaḥ prabhaṅgulato manasikartavyaṃ, mano bhayato manasikartavyaṃ, mana upasargato manasikartavyaṃ, manaḥ śūnyato manasikartavyaṃ, mano 'nātmīyato manasikartavyaṃ, mano 'nāśvāsikato manasikartavyaṃ, mano vyābādhato manasikartavyaṃ, tac cānupalambhayogena.

sarvākārajñatāpratisaṃyuktena cittotpādena, rūpam anityato manasikartavyaṃ, rūpaṃ duḥkhato manasikartavyaṃ, rūpam anātmato manasikartavyaṃ, rūpaṃ śāntato manasikartavyaṃ, rūpaṃ viviktato manasikartavyaṃ, rūpaṃ rogato manasikartavyaṃ, rūpaṃ gaṇḍato manasikartavyaṃ, (śsp ii-2 120) rūpaṃ śalyato manasikartavyaṃ, rūpam aghato manasikartavyaṃ, rūpam ābādhato manasikartavyaṃ, rūpaṃ parato manasikartavyaṃ, rūpaṃ pralopadharmato manasikartavyaṃ, rūpaṃ calato manasikartavyaṃ, rūpaṃ prabhaṅgulato manasikartavyaṃ, rūpaṃ bhayato manasikartavyaṃ, rūpam upasargato manasikartavyaṃ, rūpaṃ śūnyato manasikartavyaṃ, rūpam anātmīyato manasikartavyaṃ, rūpam anāśvāsikato manasikartavyaṃ, rūpaṃ vyābādhato manasikartavyaṃ, tac cānupalambhayogena.

sarvākārajñatāpratisaṃyuktena cittotpādena, śabdo 'nityato manasikartavyaḥ, śabdo duḥkhato manasikartavyaḥ, śabdo 'nātmato manasikartavyaḥ, śabdaḥ śāntato manasikartavyaḥ, śabdo viviktato manasikartavyaḥ, śabdo rogato manasikartavyaḥ, śabdo gaṇḍato manasikartavyaḥ, śabdaḥ śalyato manasikartavyaḥ, śabdo 'ghato manasikartavyaḥ, śabda ābādhato manasikartavyaḥ, śabdaḥ parato manasikartavyaḥ, śabdaḥ pralopadharmato manasikartavyaḥ, śabdaś calato manasikartavyaḥ, śabdaḥ prabhaṅgulato manasikartavyaḥ, śabdo bhayato manasikartavyaḥ, śabda upasargato manasikartavyaḥ, śabdaḥ śūnyato manasikartavyaḥ, śabdo 'nātmīyato manasikartavyaḥ, śabdo 'nāśvāsikato manasikartavyaḥ, śabdo vyābādhato manasikartavyaḥ, tac cānupalambhayogena.

sarvākārajñatāpratisaṃyuktena cittotpādena, gandho 'nityato manasikartavyaḥ, gandho duḥkhato manasikartavyaḥ, gandho nātmato manasikartavyaḥ, gandhaḥ śāntato manasikartavyaḥ, gandho viviktato manasikartavyaḥ, gandho rogato manasikartavyaḥ, gandho gaṇḍato manasikartavyaḥ, gandhaḥ śalyato manasikartavyaḥ, gandho ghato manasikartavyaḥ, gandha ābādhato manasikartavyaḥ, gandhaḥ parato manasikartavyaḥ, gandhaḥ pralopadharmato manasikartavyaḥ, gandhaś calato manasikartavyaḥ, gandhaḥ prabhaṅgulato manasikartavyaḥ, gandho bhayato manasikartavyaḥ, gandha upasargato manasikartavyaḥ, gandhaḥ śūnyato manasikartavyaḥ, gandho nātmīyato manasikartavyaḥ, gandho 'nāśvāsikato manasikartavyaḥ, gandho vyābādhato manasikartavyaḥ, tac cānupalambhayogena.

sarvākārajñatāpratisaṃyuktena cittotpādena, raso nityato manasikartavyaḥ, raso duḥkhato manasikartavyaḥ, raso 'nātmato manasikartavyaḥ, rasaḥ śāntato manasikartavyaḥ, raso viviktato manasikartavyaḥ, raso rogato (śsp ii-2 121) manasikartavyaḥ, raso gaṇḍato manasikartavyaḥ, rasaḥ śalyato manasikartavyaḥ, raso 'ghato manasikartavyaḥ, rasa ābādhato manasikartavyaḥ, rasaḥ parato manasikartavyaḥ, rasaḥ pralopadharmato manasikartavyaḥ, rasaś calato manasikartavyaḥ, rasaḥ prabhaṅgulato manasikartavyaḥ, raso bhayato manasikartavyaḥ, rasa upasargato manasikartavyaḥ, rasaḥ śūnyato manasikartavyaḥ, raso 'nātmīyato manasikartavyaḥ, raso 'nāśvāsikato manasikartavyaḥ, raso vyābādhato manasikartavyaḥ, tac cānupalambhayogena.

sarvākārajñatāpratisaṃyuktena cittotpādena, sparśo 'nityato manasikartavyaḥ, sparśo duḥkhato manasikartavyaḥ, sparśo 'nātmato manasikartavyaḥ, sparśaḥ śāntato manasikartavyaḥ, sparśo viviktato manasikartavyaḥ, sparśo rogato manasikartavyaḥ, sparśo gaṇḍato manasikartavyaḥ, sparśaḥ śalyato manasikartavyaḥ, sparśo 'ghato manasikartavyaḥ, sparśa ābādhato manasikartavyaḥ, sparśaḥ parato manasikartavyaḥ, sparśaḥ pralopadharmato manasikartavyaḥ, sparśaś calato manasikartavyaḥ, sparśaḥ prabhaṅgulato manasikartavyaḥ, sparśo bhayato manasikartavyaḥ, sparśa upasargato manasikartavyaḥ, sparśaḥ śūnyato manasikartavyaḥ, sparśo 'nātmīyato manasikartavyaḥ, sparśo 'nāśvāsikato manasikartavyaḥ, sparśo vyābādhato manasikartavyaḥ, tac cānupalambhayogena.

sarvakārajñatāpratisaṃyuktena cittotpādena, dharmā anityato manasikartavyāḥ, dharmā duḥkhato manasikartavyāḥ, dharmā anātmato manasikartavyāḥ, dharmāḥ śāntato manasikartavyāḥ, dharmā viviktato manasikartavyāḥ, dharmā rogato manasikartavyāḥ, dharmā gaṇḍato manasikartavyāḥ, dharmāḥ śalyato manasikartavyāḥ, dharmā aghato manasikartavyāḥ, dharmā ābādhato manasikartavyāḥ, dharmāḥ parato manasikartavyāḥ, dharmāḥ pralopadharmato manasikartavyāḥ, dharmāś calato manasikartavyāḥ, dharmāḥ prabhaṅgulato manasikartavyāḥ, dharmā bhayato manasikartavyāḥ, dharmā upasargato manasikartavyāḥ, dharmāḥ śūnyato manasikartavyāḥ, dharmā anātmīyato manasikartavyāḥ, dharmā anāśvāsikato manasikartavyāḥ, dharmā vyābādhato manasikartavyāḥ, tac cānupalambhayogena.

sarvākārajñatāpratisaṃyuktena cittotpādena, cakṣurvijñānam anityato manasikartavyaṃ, cakṣurvijñānaṃ duḥkhato manasikartavyaṃ, cakṣurvijñānam anātmato manasikartavyaṃ, cakṣurvijñānaṃ śāntato manasikartavyaṃ, (śsp ii-2 122) cakṣurvijñānaṃ viviktato manasikartavyaṃ, cakṣurvijñānaṃ rogato manasikartavyaṃ, cakṣurvijñānaṃ gaṇḍato manasikartavyaṃ, cakṣurvijñānaṃ śalyato manasikartavyaṃ, cakṣurvijñānam aghato manasikartavyaṃ, cakṣurvijñānam ābādhato manasikartavyaṃ, cakṣurvijñānaṃ parato manasikartavyaṃ, cakṣurvijñānaṃ pralopadharmato manasikartavyaṃ, cakṣurvijñānaṃ calato manasikartavyaṃ, cakṣurvijñānaṃ prabhaṅgulato manasikartavyaṃ, cakṣurvijñānaṃ bhayato manasikartavyaṃ, cakṣurvijñānam upasargato manasikartavyaṃ, cakṣurvijñānaṃ śūnyato manasikartavyaṃ, cakṣurvijñānam anātmīyato manasikartavyaṃ, cakṣurvijñānam anāśvāsikato manasikartavyaṃ, cakṣurvijñānaṃ vyābādhato manasikartavyaṃ, tac cānupalambhayogena.

sarvākārajñatāpratisaṃyuktena cittotpādena, śrotravijñānam anityato manasikartavyaṃ, śrotravijñānaṃ duḥkhato manasikartavyaṃ, śrotravijñānam anātmato manasikartavyaṃ, śrotravijñānaṃ śāntato manasikartavyaṃ, śrotravijñānaṃ viviktato manasikartavyaṃ, śrotravijñānaṃ rogato manasikartavyaṃ, śrotravijñānaṃ gaṇḍato manasikartavyaṃ, śrotravijñānaṃ śalyato manasikartavyaṃ, śrotravijñānam aghato manasikartavyaṃ, śrotravijñānam ābādhato manasikartavyaṃ, śrotravijñānaṃ parato manasikartavyaṃ, śrotravijñānaṃ pralopadharmato manasikartavyaṃ, śrotravijñānaṃ calato manasikartavyaṃ, śrotravijñānaṃ prabhaṅgulato manasikartavyaṃ, śrotravijñānaṃ bhayato manasikartavyaṃ, śrotravijñānam upasargato manasikartavyaṃ, śrotravijñānaṃ śūnyato manasikartavyaṃ, śrotravijñānam anātmīyato manasikartavyaṃ, śrotravijñānam anāśvāsikato manasikartavyaṃ, śrotravijñānaṃ vyābādhato manasikartavyaṃ, tac cānupalambhayogena.

sarvākārajñatāpratisaṃyuktena cittotpādena, ghrāṇavijñānam anityato manasikartavyaṃ, ghrāṇavijñānaṃ duḥkhato manasikartavyaṃ, ghrāṇavijñānam anātmato manasikartavyaṃ, ghrāṇavijñānaṃ śāntato manasikartavyaṃ, ghrāṇavijñānaṃ viviktato manasikartavyaṃ, ghrāṇavijñānaṃ rogato manasikartavyaṃ, ghrāṇavijñānaṃ gaṇḍato manasikartavyaṃ, ghrāṇavijñānaṃ śalyato manasikartavyaṃ, ghrāṇavijñānam aghato manasikartavyaṃ, ghrāṇavijñānam ābādhato manasikartavyaṃ, ghrāṇavijñānaṃ parato manasikartavyaṃ, ghrāṇavijñānaṃ pralopadharmato manasikartavyaṃ, ghrāṇavijñānaṃ calato manasikartavyaṃ, ghrāṇavijñānaṃ (śsp ii-2 123) prabhaṅgulato manasikartavyaṃ, ghrāṇavijñānaṃ bhayato manasikartavyaṃ, ghrāṇavijñānam upasargato manasikartavyaṃ, ghrāṇavijñānaṃ śūnyato manasikartavyaṃ, ghrāṇavijñānam anātmīyato manasikartavyaṃ, ghrāṇavijñānam anāśvāsikato manasikartavyaṃ, ghrāṇavijñānaṃ vyābādhato manasikartavyaṃ, tac cānupalambhayogena.