Śatasāhasrikā Prajñāpāramitā, Part I

Śatasāhasrikā Prajñāpāramitā, Part I

prathamaparivartaḥ /

namaḥ śrīsarvabuddhabodhisattvāryaśrāvakapratyekabuddhebhyaḥ //

yā sarvajñatayā nayatyupasamaṃ śāntaiṣiṇaḥ śrāvakān yā mārgajñatayā jagaddhitakṛtālokārthasaṃprāpikā / sarvākāram idaṃ vadanti munayo viśvaṃ yayā saṅgatā tasyai śrāvakabodhisattvagaṇino buddhasya mātre namaḥ //

yad asulabham anantakalpakoṭibhiḥ prasaraśatair api hetuvarjitānāṃ / bhavatu hi jinārkaraśmibhūtaṃ tad idam idaṃ praticakṣur agrayānaṃ //

gambhīrañ ca na cābhyastaṃ durlabhañ ca muner vacaḥ / na ca tena vinā mokṣaṃ tasmāc chrotavyam ādarāt //

namo bhagavate bhaiṣajyaguruvaidūryaprabhāya tathāgatāyā // namo bhagavatyai prajñāpāramitāyai / nama āryāvalokiteśvarāya bodhisattvāya mahāsattvāya mahākāruṇikāya / namaś cāṇḍavajarapāṇaye mahāyakṣasenāpataye / namaḥ sarvabuddhabodhisattvebhyo bhagavadbhyaḥ / nirāśravāḥ sarvasattvānāṃ kuśalasaṃbhavo yogaiḥ saṃbhavanti siddhāgrāṃtāṃ ca tāthāgatī pratilambhatā sarvasattvānāṃ sukhasaumanasyasadbhāvanviti / namo bhagavate raśmicandraprātimaṇḍitavidyuttejaghoṣeṣvararājāya tathāgatāya / namo bhagavate śākyamunaye tathāgatāyārhate samyaksaṃbuddhāya yasyeyaṃ dharmolkājvāleti /

evaṃ mayā srutam ekasmin samaye bhagavān rājagṛhe viharati sma / gṛdhrakūṭaparvate mahatā bhikṣusaṅghena sārdhaṃ pañcamātrair bhikṣusahasaiḥ sarvair arhadbhiḥ kṣīṇāśravair niḥkleśair vaśībhūtaiḥ suvimuktacittaiḥ suvimuktaprajñair ājāneyair mahānāgaiḥ kṛtakṛtyaiḥ kṛtakaraṇīyaiḥ apahatabhārair anuprāptasvakārthaiḥ parikṣīṇabhavasaṃyojanaiḥ samyagājñāsuvimuktacittaiḥ sarvacetovaśiparamapāramitāprāptair ekapudgalaṃ sthāpayitvā / yad utāyuṣmantam ānandaṃ śaikṣaṃ śrotaāpannaṃ / pañcamātraiś ca bhikṣuśataiḥ / yaśodharāmahāprajāpatīpramukhaiḥ saṃbahulaiś ca / upāsakopāsikābhiś ca sarvair dṛṣṭadharmabhiḥ /

mahatā ca bodhisattvasaṅghena sārdham aprameyair asaṃkhyeyair bodhisattvaiḥ sarvair dhāraṇīmukhapratilabdhaiḥ śūnyatānimittāpraṇihitair vihāribhir ānimittāgocarair avikalpikapraṇidhānaiḥ sarvadharmasamatākṣāntipratilabdhair asaṅgapraṇidhānair asaṅgapratibhānasamanvāgatair akṣayapratinirdeśāpratinirdeśaiḥ pratisaṃvinnayapratibaddhair mahābhijñāvikrīḍitair atyantācyutābhijñair ādeyavacanair akusīdair ārabdhavīryaiḥ kāyajīvitanirapekṣair akuhakair alayakair apagatajñānalābhacittair nirāmiṣadharmadeśakair gaṃbhīradharmakṣāntiparamagatiṃ gatair mahāvaiśāradyaprāptair asaṃkucitamānasaiḥ sarvamārakarmasamatikrāntaiḥ karmāvaraṇapratisraddhair nihatakarmakleśapratyarthikaiḥ sarvaparapravādānabhibhūtaiḥ sarvaśrāvakapratyekabuddhaduravagāhaiḥ karmapravicayavibhaktinirdeśakuśalair asaṃkhyeyakalpasusamārabdhapraṇidhānaiḥ smṛtimukhaiḥ pūrvālāpibhir vyapagatabhṛkuṭikaiḥ ślakṣṇamadhuravacanair gāthābhigītaparālapanakuśalair anācchedyapratibhānair anantapariṣad abhibhavanaiḥ vaiśāradyasamanvāgatair anantakalpakoṭinirdeśajñātibhiḥ saraṇyākuśalair māyāmarīcyudakacandrasvapnapratiśrutkāpratibhāsagandharvanagaraprativimbaniryāṇopāyadharmādhimuktair apagatasaṃlīnacittaiḥ sarvasattvacittagatisūkṣmajñānacaryādhimuktyāvatārakuśalaiḥ sarvasattvāpratihatacittaiḥ adhimātrakṣāntisamanvāgataiḥ sarvadharmasamatāprativedhajñānakuśalair gambhīradharmatāduravagāhaiḥ svacittavaśitāpratilabdhaiḥ sarvadharmavaśitāprāptaiḥ sarvakarmakleśadṛṣṭyāvaraṇavimuktaiḥ pratītyanirdeśakuśalair

gambhīrapratītyasamutpādakṣayanayāvatīrṇaiḥ sarvadṛṣṭānuśayaparyutthānavigataiḥ sarvasaṃyojanaprahīṇaiḥ satyaprativedhajñānakuśalaiḥ satatasamitaṃ pratiśrutkāsamasarvadharmādhimuktaiḥ apramāṇadharmanayanirdeśavaiśāradyair yāvac cāryāvatāraṇākuśalaiḥ anantabuddhakṣetravyūhapraṇidhānaprasthānaparigṛhītair asaṃkhyeyalokadhātugatā buddhānusmṛtisamādhisatatasamitābhimukhībhūtaiḥ sarvabuddhotpādopasaṃkramaṇakuśalair aparimitabuddhādhyeṣaṇakuśalair nānādṛṣṭiparyutthānasarvakleśapraśamanakuśalaiḥ samādhiśatasahasrāṇinirhāravikrīḍanajñānapraveśakuśalaiḥ aparyantakalpākṣīṇaguṇavarṇāsamanvāgataiḥ /

tadyathā, bhadrapālena ca nāma bodhisattvena mahāsattvena / ratnakareṇa ca nāma bodhisattvena mahāsattvena / ratnagarbheṇa ca nāma bodhisattvena mahāsattvena / ratnadattena ca nāma bodhisattvena mahāsattvena / susārthavāhena ca nāma bodhisattvena mahāsattvena / naradattena ca nāma bodhisattvena mahāsattvena / guhaguptena ca nāma bodhisattvena mahāsattvena / varuṇadevena ca nāma bodhisattvena mahāsattvena / indradevena ca nāma bodhisattvena mahāsattvena / bhadrapālena ca nāma bodhisattvena mahāsattvena / uttaramatinā ca bodhisattvena mahāsattvena / viśeṣamatinā ca bodhisattvena mahāsattvena / vardhamānamatinā ca bodhisattvena mahāsattvena / anantamatinā ca bodhisattvena mahāsattvena / amoghadarśinā ca bodhisattvna mahāsattvena / anāvaraṇamatinā ca bodhisattvena mahāsattvena / susaṃprasthitena ca nāma bodhisattvena mahāsattvena / suvikrāntavikrāmiṇā ca bodhisattvena mahāsattvena / anantavīryeṇa ca bodhisattvena mahāsattvena / nityodyuktena ca bodhisattvena mahāsattvena / nityaprayuktena ca bodhisattvena mahāsattvena / anikṣiptadhureṇa ca bodhisattvena mahāsattvena / sūryagarbheṇa ca bodhisattvena mahāsattvena / candragarbheṇa ca bodhisattvena mahāsattvena / anupamamatinā ca bodhisattvena mahāsattvena / avalokiteśvareṇa ca nāma bodhisattvena mahāsattvena / mahāsthāmaprāptena ca bodhisattvena mahāsattvena / maṃjuśriyā ca kumārabhūtena ca bodhisattvena mahāsattvena / mārabalapramardinā ca bodhisattvena mahāsattvena / vajramatinā ca bodhisattvena mahāsattvena /

ratnamudrāhastena ca bodhisattvena mahāsattvena / nityotkṣiptahastena ca bodhisattvena mahāsattvena / mahākaruṇācitinā ca bodhisattvena mahāsattvena / mahāvyūhena ca nāma bodhisattvena mahāsattvena / praharājena ca nāma bodhisattvena mahāsattvena / merukūṭena ca bodhisattvena mahāsattvena / maitreyeṇa ca nāma bodhisattvena mahāsattvena / etaiś cānyaiś cānekair bodhisattvakoṭiniyutaśatasahasraiḥ //

atha khalu bhagavāṃs tasyāṃ velāyāṃ svayam eva siṃhāsanaṃ prajñāpayan nyaṣīdat / paryaṃkam ābhujya ṛjukāyaṃ praṇidhāya pratimukhaṃ smṛtim upasthāpya tatra niṣadya sarvasamādhirājanāmasamādhiṃ samāpanno 'bhūt / yatra samādhau samādhayo 'ntargatā anupraviṣṭāḥ saṅgrahaṃ samavasaraṇaṃ gacchanti //

atha khalu bhagavān smṛtaḥ saṃprajānas tataḥ samādher vyutthāya divyena cakṣuṣedaṃ buddhakṣetraṃ vyavalokayati sma / vyavalokya sarvakāyāt prabhāṃ prāmuñcat / tasyādhastāt pādatalayoḥ sahasrārābhyāṃ cakrābhyāṃ ṣaṣṭiṣaṣṭiraśmikoṭīniyutaśatasahasrāṇi niścaranti sma / daśabhyaś ca pādāṅgulibhyaḥ ṣaṣṭiṣaṣṭiraśmikoṭīniyutaśatasahasrāṇi niścaranti sma / dvābhyāṃ gulphābhyāṃ ṣaṣṭiṣaṣṭiraśmikoṭīniyutaśatasahasrāṇi niścaranti sma / nābhimaṇḍalāt ṣaṣṭiṣaṣṭiraśmikoṭīniyutaśatasahasrāṇi niścaranti sma / dvābhyāṃ pārśvābhyāṃ ṣaṣṭiṣaṣṭiraśyikoṭīniyutaśatasāhasrāṇi niścaranti sma / hṛdayaśrīvatsān mahāpuruṣalakṣaṇāt ṣaṣṭiṣaṣṭiraśmikoṭīniyutaśatasahasrāṇi niścaranti sma / daśabhyo hastāṅgulibhyaḥ ṣaṣṭiṣaṣṭiraśmikoṭīniyutaśatasahasrāṇi niścaranti sma / dvābhyāṃ bāhubhyāṃ ṣaṣṭiṣaṣṭiraśmikoṭīniyutaśatasahasrāṇi niścaranti sma / dvābhyām aṃśābhyāṃ ṣaṣṭiṣaṣṭiraśmikoṭīniyutaśatasahasrāṇi niścaranti sma / grīvāyāḥ ṣaṣṭiṣaṣṭiraśmikoṭīniyutaśatasahasrāṇi niścaranti sma / catasṛbhyo daṃṣṭrābhyaḥ ṣaṣṭiṣaṣṭiraśmikoṭīniyutaśatasahasrāṇi niścaranti sma / catvāriṃśato dantebhyaḥ ṣaṣṭiṣaṣṭiraśmikoṭīniyutaśatasahasrāṇi niścaranti sma / dvābhyāṃ cakṣurbhyāṃ ṣaṣṭiṣaṣṭiraśmikoṭīniyutaśatasahasrāṇi niścaranti sma / dvābhyāṃ śrotrābhyāṃ ṣaṣṭiṣaṣṭiraśmikoṭīniyutaśatasahasrāṇi niścaranti sma / dvābhyāṃ ghrāṇābhyāṃ ṣaṣṭiṣaṣṭiraśmikoṭīniyutaśatasahasrāṇi niścaranti sma / madhye bhruvo ūrṇāyāḥ ṣaṣṭiṣaṣṭiraśmikoṭīniyutaśatasahasrāṇi niścaranti sma /

upariṣṭād uṣṇīṣāt ṣaṣṭiṣaṣṭiraśmikoṭīniyutaśatasahasrāṇi niścaranti sma / mukhadvārāc ca ṣaṣṭiṣaṣṭiraśmikoṭīniyutaśatasahasrāṇi niścaranti sma / sarvāṇi ca tāni raśmikoṭīniyutaśatasahasrāṇi niścaranti sma / sarvāvantam iman trisāhasramahāsāhasraṃ lokadhātuṃ mahatāvabhāsena sphuritvā pūrvasyān diśi gaṅgānadīvālukopamā lokadhātuṃ mahatāvabhāsena sphuranti sma / dakṣiṇasyān diśi gaṅgānadīvālukopamā lokadhātuṃ mahatāvabhāsena sphuranti sma / paścimāyān diśi gaṅgānadīvālukopamāṃ lokadhātuṃ mahatāvabhāsena sphuranti sma / uttarapūrvasyān diśi gaṅgānadīvālukopamāṃ lokadhātuṃ mahatāvabhāsena sphuranti sma / pūrvadakṣiṇasyān diśi gaṅgānadīvālukopamāṃ lokadhātuṃ mahatāvabhāsena sphuranti sma / dakṣiṇapaścimāyān diśi gaṅgānadīvālukopamā lokadhātuṃ mahatāvabhāsena sphuranti sma / paścimottarasyān diśi gaṅgānadīvālukopamāṃ lokadhātuṃ mahatāvabhāsena sphuranti sma / adhastād diśi gaṅgānadīvālukopamāṃ lokadhātuṃ mahatāvabhāsena sphuranti sma / upariṣṭād diśi gaṅgānadīvālukopamāṃ lokadhātuṃ mahatāvabhāsena sphuranti sma / yaiś ca sattvaiḥ so 'vabhāso dṛṣṭo ye ca tenāvabhāsena spṛṣṭās te sarve niyatā abhūvan anuttarāyāṃ samyaksaṃbodhau //

atha khalu bhagavān punar eva sarvaromakūpebhyaḥ prabhāṃ prāmuñcat / yayā prabhayāyan trisāhasramahāsāhasro lokadhātur mahatāvabhāsena sphuṭam abhūt / pūrvasyān diśi gaṅgānadīvālukopamā lokadhātavo mahatāvabhāsena sphuṭā abhūvan / dakṣiṇasyān diśi gaṅgānadīvālukopamā lokadhātavo mahatāvabhāsena sphuṭā abhūvan / paścimāyān diśi gaṅgānadīvālukopamā lokadhātavo mahatāvabhāsena sphuṭā abhūvan / uttarasyān diśi gaṅgānadīvālukopamā lokadhātavo mahatāvabhāsena sphuṭā sphuṭam abhūvan / uttarapūrvasyān diśi gaṅgānadīvālukopamā lokadhātavo mahatāvabhāsena sphuṭā abhūvan / pūrvadakṣiṇasyān diśi gaṅgānadīvālukopamā lokadhātavo mahatāvabhāsena sphuṭā abhūvan / dakṣiṇapaścimāyān diśi gaṅgānadīvālukopamā lokadhātavo mahatāvabhāsena sphuṭā abhūvan / paścimottarasyān diśi gaṅgānadīvālukopamā lokadhātavo mahatāvabhāsena sphuṭā abhūvan / adhastād diśi gaṅgānadīvālukopamā lokadhātavo mahatāvabhāsena sphuṭā abhūvan / upariṣṭād diśi gaṅgānadīvālukopamā lokadhātavo mahatāvabhāsena sphuṭā abhūvan / yaiś ca sattvaiḥ so 'vabhāso dṛṣṭo ye ca tenāvabhāsena sphuṭās te sarve niyatā abhūvan anuttarāyāṃ samyaksaṃbodhau //

atha khalu bhagavān punar api yā sā tathāgatasya prakṛtiprabhā etayā yan trisāhasramahāsāhasraṃ lokadhātuṃ mahatāvabhāsena sphuranti sma / pūrvasyān diśi gaṅgānadīvālukopamān lokadhātūṃs tena mahatāvabhāsena sphuranti sma / dakṣiṇasyān diśi gaṅgānadīvālukopamān lokadhātūṃs tena mahatāvabhāsena sphuranti sma / paścimāyān diśi gaṅgānadīvālukopamān lokadhātūṃs tena mahatāvabhāsena sphuranti sma / uttarasyān diśi gaṅgānadīvālukopamān lokadhātūṃs tena mahatāvabhāsena sphuranti sma / uttarapūrvasyān diśi gaṅgānadīvālukopamān lokadhātūṃs tena mahatāvabhāsena sphuranti sma / pūrvadakṣiṇasyān diśi gaṅgānadīvālukopamān lokadhātūṃs tena mahatāvabhāsena sphuranti sma / dakṣiṇapaścimāyān diśi gaṅgānadīvālukopamān lokadhātūṃs tena mahatāvabhāsena sphuranti sma / paścimottarasyān diśi gaṅgānadīvālukopamān lokadhātūṃs tena mahatāvabhāsena sphuranti sma / adhastād diśi gaṅgānadīvālukopamān lokadhātūṃs tena mahatāvabhāsena sphuranti sma / upariṣṭād diśi gaṅgānadīvālukopamān lokadhātūṃs tena mahatāvabhāsena sphuranti sma / yaiś ca sattvaiḥ so 'vabhāso dṛṣṭo ye ca tenāvabhāsena spṛṣṭās te sarve niyatā abhūvan anuttarāyāṃ samyaksaṃbodhau /

atha khalu bhagavān mukhadvārā jihvendriyaṃ nirṇāmayya sarvāvantam iman trisāhasramahāsāhasraṃ lokadhātuṃ jihvendriyeṇa sphuritvā smitaṃ prādurakārṣīt / tataś ca jihvendriyād anekāni nānāvarṇāni raśmikoṭīniyutaśatasahasrāṇi niścaranti sma / sarvatra ca raśmyāṃ nānāratnamayāni suvarṇanirbhāsāni sahasrapattrāṇi padmāni sanniṣṭhante sma / citrāṇi ca darśanīyāni manoramāṇi suvarṇāni sugandhīni mṛdūni kācilindika sukhasaṃsparśāni / tatra ca padmeṣu tathāgatavigrahā niṣaṇṇā dharman deśayanti sma / yad utemām eva ṣaṭpāramitāpratisaṃyuktāṃ dharmadeśanāṃ / te pūrvasyān diśi gaṅgānadīvālukopamāṃ lokadhātu gacchanti sma / tatrāpi gatvā dharmaṃ deśayanti sma / yad utemām eva ṣaṭpāramitāpratisaṃyuktāṃ dharmadeśanāṃ / dakṣiṇasyān diśi gaṅgānadīvālukopamāṃ lokadhātuṃ gacchanti sma / tatrāpi gatvā dharman deśayanti sma / yad utemām eva ṣaṭpāramitāpratisaṃyuktāṃ dharmadeśanāṃ / paścimāyan diśi gaṅganadīvālukopamāṃ lokadhātuṃ gacchanti sma / tatrāpi gatvā dharmaṃ deśayanti sma / yad utemām eva ṣaṭpāramitāpratisaṃyuktān dharmadeśanāṃ / uttarasyān diśi gaṅgānadīvālukopamāṃ lokadhātuṃ gacchanti sma / tatrāpi gatvā dharmaṃ deśayanti sma yad utemām eva ṣaṭpāramitāpratisaṃyuktān dharmadeśanāṃ / uttarapūrvasyān diśi gaṅgānadīvālukopamāṃ lokadhātuṃ gacchanti sma tatrāpi gatvā dharmaṃ deśayanti sma / yad utemām eva ṣaṭpāramitāpratisaṃyuktān dharmadeśanāṃ /

pūrvadakṣiṇasyān diśi gaṅgānadīvālukopamāṃ lokadhātuṃ gacchanti sma tatrāpi gatvā dharmaṃ deśayanti sma yad utemām eva ṣaṭpāramitāpratisaṃyuktān dharmadeśanāṃ / dakṣiṇapaścimāyān diśi gaṅgānadīvālukopamā lokadhātuṃ gacchanti sma tatrāpi gatvā dharmaṃ deśayanti sma yad utemām eva ṣaṭpāramitāpratisaṃyuktān dharmadeśanāṃ / paścimottarasyān diśi gaṅgānadīvālukopamāṃ lokadhātuṃ gacchanti sma tatrāpi gatvā dharmaṃ deśayanti sma yad utemām eva ṣaṭpāramitāpratisaṃyuktān dharmadeśanāṃ / adhastād diśi gaṅgānadīvālukopamāṃ lokadhātuṃ gacchanti sma tatrāpi gatvā dharmaṃ deśayanti sma yad utemām eva ṣaṭpāramitāpratisaṃyuktān dharmadeśanāṃ / upariṣṭād diśi gaṅgānadīvālukopamāṃ lokadhātuṃ gacchanti sma tatrāpi gatvā dharmaṃ deśayanti sma yad utemām eva ṣaṭpāramitāpratisaṃyuktān dharmadeśanāṃ / yaiś ca sattvaiḥ sadharmaḥ śrutas te sarve niyatā abhūvan anuttarāyāṃ samyaksaṃbodhau //

atha khalu bhagavān tasminn eva siṃhāsane niṣaṇṇaḥ siṃhavikrīḍitaṃ nāma buddhasamādhiṃ samāpadya tathārūpam ṛdhyabhisaṃskāram abhisaṃskāroti sma / yathārūpeṇādhyabhisaṃskāreṇa abhisaṃskṛtenāyaṃ trisāhasramahāsāhasro lokadhātuḥ ṣaḍvikāraṃ prakampataḥ prākampata saṃprākampata / avedhat prāvedhat saṃprāvedhat acalatprācalat saṃprācalat / akṣubhyat prākṣubhyat saṃprākṣubhyat / agarjat prāgarjat saṃprāgarjat / araṇat prāraṇat saṃprāraṇat / anteṣūnnamati sma madhye 'vanamati sma anteṣv avanamati sma mṛdukaḥ snigdhaḥ sūkṣmaḥ sarvasattvahitasukhasañjānāno 'bhūt //

atha tena kṣaṇalavamuhūrtena yāvanto 'smiṃs trisāhasramahāsāhasre lokadhātau narakatiryagyoniyamalokākṣaṇāpāyadurgativinipātās te sarve samucchinnāḥ abhūvan / sarve ca te sattvā manuṣyāṇāṃ sabhāgatāyā upapannā abhūvan sarve ca te sattvāś cāturmahārājakāyikānāṃ devānāṃ trāyastriṃśānāṃ tuṣitānāṃ nirmāṇaratīnāṃ paranirmitavaśavartināṃ devānāṃ sabhāgatāyā upapannā abhūvan //

atha te manuṣyās te ca devās tenaiva prītiprasādaprāmodyena paurvikīṃ jātiṃ samanusmaranti sma / samanusmṛtya prītiprasādaprāmodyapratilabdhāyena bhagavāṃs tenopasaṅkrāmanti sma / upasaṅkramya bhagavantaṃ namasyanti sma //

atha tena kṣaṇalavamuhūrtena pūrvasyān diśi gaṅgānadīvālukopameṣu lokadhātuṣu sarvanarakāḥ sarvatiryagyonayaḥ sarvayamalokāḥ samucchinnāḥ / sarvākṣaṇāś cāstamitā abhūvan sarve ca te sattvāmanuṣyāṇāṃ devānāñ ca sabhāgatāyā upapannā abhūvan //

atha te manuṣyās te ca devās tenaiva ca prītiprasādaprāmodyajātena paurvikīṃ jātiṃ samanusmaranti sma / samanusmṛtya prītiprasādaprāmodyapratilabdhāḥ svakasvakeṣu buddhakṣetreṣu ye tatra tathāgatā arhantaḥ samyaksaṃbuddhās tiṣṭhanti tān upasaṅkrāmanti sma / upasaṅkramya pādān vanditvā prāñjalībhūtās tāṃs tathāgatān arhataḥ samyaksaṃbuddhān namasyanti sma //

atha tena kṣaṇalavamuhūrtena dakṣiṇasyān diśi gaṅgānadīvālukopameṣu lokadhātuṣu sarvanarakāḥ sarvatiryagyonayaḥ sarvayamalokā samucchinnāḥ sarvākṣaṇāś cāstamitā abhūvan / sarve ca te sattvā manuṣyāṇāṃ devānāñ ca sabhāgatāyā upapannā abhūvan //

atha te manuṣyās te ca devās tenaiva prītiprasādaprāmodyajātena paurvikīṃ jātiṃ samanusmaranti sma / samanusmṛtya prītiprasādaprāmodyapratilabdhāḥ svakasvakeṣu buddhakṣetreṣu ye tatra tathāgatā arhantaḥ samyaksaṃbuddhās tiṣṭhanti tān upasaṅkrāmanti sma / upasaṅkramya pādān vanditvā prāñjalībhūtās tāṃs tathāgatān arhataḥ samyaksaṃbuddhān namasyanti sma //

atha tena kṣaṇalavamuhūrtena paścimāyān diśi gaṅgānadīvālukopameṣu lokadhātuṣu sarvanarakāḥ sarvatiryagyonayaḥ sarvayamalokā samucchinnāḥ sarvākṣaṇāś cāstamitā abhūvan / sarve ca te sattvā manuṣyāṇāñ ca devānāñ ca sabhāgatāyā upapannā abhūvan //

atha te manuṣyās te ca devās tenaiva prītiprasādaprāmodyajātena paurvikīṃ jātiṃ samanusmaranti sma / samanusmṛtya prītiprasādaprāmodyapratilabdhāḥ svakasvakeṣu buddhakṣetreṣu ye tatra tathāgatā arhantaḥ samyaksaṃbuddhās tiṣṭhanti / tān upasaṅkrāmanti sma / upasaṅkramya pādān vanditvā prāñjālībhūtās tāṃs tathāgatān arhataḥ samyaksaṃbuddhān namasyanti sma //

atha tena kṣaṇalavamuhūrtena uttarasyān diśi gaṅgānadīvālukopameṣu lokadhātuṣu sarvanarakāḥ sarvatiryagyonayaḥ sarvayamalokā samucchinnāḥ sarvākṣaṇāś cāstamitā abhūvan / sarve ca te sattvāmanuṣyāṇāṃ devānāñ ca sabhāgatāyā upapannā abhūvan //

atha te manuṣyās te ca devās tenaiva prītiprasādaprāmodyajātena paurvikīṃ jātiṃ samanusmaranti sma / samanusmṛtya prītiprasādaprāmodyapratilabdhāḥ svakasvakeṣu buddhakṣetreṣu ye tatra tathāgatā ahantaḥ samyaksaṃbuddhās tiṣṭhanti tān upasaṅkrāmanti sma / upasaṅkramya pādān vanditvā prāñjalībhūtās tāṃs tathāgatān arhataḥ samyaksaṃbuddhān namasyanti sma //

atha tena kṣaṇalavamuhūrtenottarapūrvasyān diśi gaṅgānadīvālukopameṣu lokadhātuṣu sarvanarakāḥ sarvatiryagyonayaḥ sarvayamalokāḥ samucchinnāḥ sarvākṣāṇāś cāstamitā abhūvan / sarve ca te sattvāmanuṣyāṇāṃ devānāṃ ca sabhāgatāyā upapannā abhūvan //

atha te manuṣyās te ca devās tenaiva prītiprasādaprāmodyajātena paurvikīṃ jātiṃ samanusmaranti sma / samanusmṛtya prītiprasādaprāmodyapratilabdhāḥ svakasvakeṣu lokadhātuṣu buddhakṣetreṣu ye tatra tathāgatā arhantaḥ samyaksaṃbuddhās tiṣṭhanti tān upasaṅkrāmanti sma / upasaṃkramya pādān vanditvā prāñjalībhūtās tāṃs tathāgatān arhataḥ samyaksaṃbuddhān namasyanti sma //

atha tena kṣaṇalavamuhūrtena pūrvadakṣiṇasyān diśi gaṅgānadīvālukopameṣu lokadhātuṣu sarvanarakāḥ sarvatiryagyonayaḥ sarvayamalokāḥ samucchinnāḥ sarvākṣaṇāś cāstamitā abhūvan / sarve ca te sattvāmanuṣyāṇāṃ devānāṃ ca sabhāgatāyā upapannā abhūvan //

atha te manuṣyās te ca devās tenaiva prītiprasādapramodyajātena paurvikīṃ jātiṃ samanusmaranti nta / samanusmṛtya prītiprasādapramodyapratilabdhāḥ svakasvakeṣu buddhakṣetreṣu ye tatra tathāgatā arhantaḥ samyaksaṃbuddhās tiṣṭhanti tān upamaṃkrāmanti sma / upasaṃkramya pādān vanditvā prāñjalībhūtās tāṃs tathāgatān arhataḥ samyaksaṃbuddhān namasyanti sma //

atha tena kṣaṇalavamuhūrtena dakṣiṇapaścimāyān diśi gaṅgānadīvālukopameṣu lokadhātuṣu sarvanarakāḥ sarvatiryagyonayaḥ sarvayamalokāḥ samucchinnāḥ sarvākṣaṇāś cāstamitā abhūvan / sarve ca te sattvāmanuṣyāṇāṃ devānāṃ ca sabhāgatāyā upapannā abhūvan //

atha te manuṣyās te ca devās tenaiva prītiprasādaprāmodyajātena paurvikīṃ jātiṃ samanusmaranti sma / samanusmṛtya prītiprasādaprāmodyapratilabdhāḥ svakasvakeṣu buddhakṣetreṣu ye ca tatra tathāgatā arhantaḥ samyaksaṃbuddhās tiṣṭhanti tān upasaṃkrāmanti sma / upasaṃkramya pādān vanditvā prāñjalībhūtās tāṃs tathāgatān arhataḥ samyaksaṃbuddhān namasyanti sma //

atha tena kṣaṇalavamuhūrtena paścimottarasyān diśi gaṅgānadīvālukopameṣu lokadhātuṣu sarvanarakāḥ sarvatiryagyonayaḥ sarvayamalokāḥ samucchinnāḥ sarvākṣaṇāś cāstamitā abhūvan / sarve ca te sattvāmanuṣyāṇāṃ devānāṃ ca sabhāgatāyā upapannā abhūvan //

atha te manuṣyās te ca devās tenaiva prītiprasādaprāmodyajātena paurvikīṃ jātiṃ samanusmaranti sma / samanusmṛtya prītiprasādaprāmodyapratilabdhāḥ svakasvakeṣu buddhakṣetreṣu ye tatra tathāgatā arhantaḥ samyaksaṃbuddhās tiṣṭhanti tān upasaṃkrāmanti sma / upasaṃkramya pādān vanditvā prāñjalībhūtās tāṃs tathāgatān arhateḥ samyaksaṃbuddhān namasyanti sma //

artha tena kṣaṇalavamuhūrtenādhastād diśi gaṅgānadīvālukopameṣu lokadhātuṣu sarvanarakāḥ sarvatiryagyonayaḥ sarvayamalokāḥ samucchinnāḥ sarvākṣaṇāś cāstamitā abhūvan / sarve ca te sattvamanuṣyāṇāṃ devānāṃ ca sabhāgatāyā upapannā abhūvan //

atha te manuṣyās te ca devās tenaiva prītiprasādaprāmodyajātena paurvikīṃ jātiṃ samanusmaranti sma / samanusmṛtya prītiprasādaprāmodyapratilabdhāḥ svakasvakeṣu buddhakṣetreṣu ye tatra tathāgatā arhantaḥ samyaksaṃbuddhās tiṣṭhanti tān upasaṃkrāmanti sma / upasaṃkramya pādān vanditvā prāñjalībhūtās tāṃs tathāgatān arhataḥ samyaksaṃbuddhān namasyanti sma //

atha tena kṣaṇalavamuhūrtena upariṣṭād diśi gaṅgānadīvālukopameṣu lokadhātuṣu sarvanarakāḥ sarvatiryagyonayaḥ sarvayamalokā samucchinnāḥ sarvākṣaṇāś cāstamitā abhūvan / sarve ca te sattvāmanuṣyāṇāṃ devānāṃ ca sabhāgatāyā upapannā abhūvan //

atha te manuṣyās te ca devās tenaiva prītiprasādaprāmodyajātena paurvikīṃ jātiṃ samanusmaranti sma / samanusmṛtya prītiprasādaprāmodyapratilabdhāḥ svakasvakeṣu buddhakṣetreṣu ye tatra tathāgatā arhantaḥ samyaksaṃbuddhās tiṣṭhanti tān upasaṅkrāmanti sma / upasaṃkramya pādān vanditvā prāñjalībhūtās tāṃs tathāgatān arhataḥ samyaksaṃbuddhān namasyanti sma //

atha khalu tena tatkṣaṇenaiva ye asmiṃs trisāhasramahāsāhasre lokadhātau jātyandhāḥ satvās te 'pi sarve cakṣuṣā rūpāṇi paśyanti sma / badhirāḥ śrotreṇa śabdān śṛṇvanti sma / unmattāḥ smṛtiṃ pratilabhante sma / vikṣiptacittāḥ avikṣiptacittatāṃ pratilabhante sma / nagnāś cīvarāṇi pratilabhante sma / daridrā dhanāni pratilabhante sma / jighatsitā bhojanāni pratilabhante sma / pipāsitāḥ pānīyaṃ pratilabhante sma / rogaspṛṣṭā arogā abhūvan / hīnakāyāvikalendriyāḥ paripūrṇakāyendriyā abhūvan / klāntakāyā aklāntakāyā abhūvan / aviratākuśalakāyavāṅmanaskarmāntājīvā vigatākuśalakāyavāṅmanaskarmāntājīvā bhavanti sma / sarvasattvāś ca sarvasatveṣu samacittā abhūvan / yad uta mātāpitṛbhrātṛbhaginīmitrajñātisahāyasamacittāḥ sarvasattvāś ca kuśalakarmapathasamanvāgatā abhūvan / brahmacāriṇaḥ śucayo nirāmagandhāḥ sarvākuśalavitarkavigatāḥ sarvasattvāś ca tasmin samaye sarvasukhasamarpitā abhūvan / evaṃ rūpeṇa sukhena samanvāgatāḥ / tadyathāpi nāma tṛtīyadhyānasamāpannasya bhikṣoḥ sukham / sarvasattvāś ca tasmin samaye evaṃrūpayā prajñayā samanvāgatā abhūvan / yad evaṃ jānanti sma / sādhu dānaṃ mādhu dharmaḥ sādhu saṃyamaḥ sādhu satyaṃ sādhv apramādaḥ sādhu maitrī sādhu karuṇā sādhv avihiṃsā sādhu sarvaprāṇibhūteṣu //

atha bhagavān tasminn eva siṃhāsane niṣaṇṇa imaṃ trisāhasramahāsāhasraṃ lokadhātuṃ sumeruṃ cakravāḍaṃ sadevabhavanaṃ sendrakaṃ sendusūryagabhastikaṃ sadevadānavakāyaṃ sabrahmakaṃ saśuddhāvāsam abhibhūya sthitaḥ śobhate bhāsate tapati virocate ābhayā varṇena tejasā śriyā //

tadyathāpi nāma balavān divākaraḥ pariśuddhagagaṇatale paurṇamāsyāṃ vā candramaṇḍalaṃ, tathā ca bhagavān iman trisāhasramahāsāhasraṃ lokadhātum abhibhūya sthitaḥ śobhate bhāsate tapati virocate / ābhayā varṇena tejasā śriyā //

evaṃ pūrvasyān diśi gaṅgānadīvālukopamān lokadhātūn abhibhūya sthitaḥ śobhate bhāsate tapati virocate ābhayā varṇena tejasā śriyā //

evaṃ dakṣiṇasyān diśi gaṅgānadīvālukopamān lokadhātūn abhibhūya sthitaḥ śobhate bhāsate tapati virocate ābhayā varṇena tejasā śriyā //

evaṃ paścimāyān diśi gaṅgānadīvālukopamān lokadhātūn abhibhūya sthitaḥ śobhate bhāsate tapati virocate / ābhayā varṇena tejasā śriyā //

evam uttarasyān diśi gaṅgānadīvālukopamān lokadhātūn abhibhūya sthitaḥ śobhate bhāsate tapati virocate / ābhayā varṇena tejasā śriyā //

evam uttarapūrvasyān diśi gaṅgānadīvālukopamān lokadhātūn abhibhūya sthitaḥ śobhate bhāsate tapati virocate / ābhayā varṇena tejasā śriyā //

evaṃ pūrvadakṣiṇasyān diśi gaṅgānadīvālukopamān lokadhātūn abhibhūya sthitaḥ śobhate bhāsate tapati virocate / ābhayā varṇena tejasā śriyā //

evaṃ dakṣiṇapaścimāyān diśi gaṅgānadīvālukopamān lokadhātūn abhibhūya sthitaḥ śobhate bhāsate tapati virocate / ābhayā varṇena tejasā śriyā //

evaṃ paścimottarasyān diśi gaṅgānadīvālukopamān lokadhātūn abhibhūya sthitaḥ śobhate bhāsate tapati virocate / ābhayā varṇena tejasā śriyā //

evam adhastād diśi gaṅgānadīvālukopamān lokadhātūn abhibhūya sthitaḥ śobhate bhāsate tapati virocate / ābhayā varṇena tejasā śriyā //

evam upariṣṭād diśi gaṅgānadīvālukopamān lokadhātūn abhibhūya sthitaḥ śobhate bhāsate tapati virocate / ābhayā varṇena tejasā śriyā //

tadyathāpi nāma sumeruḥ parvatarājaḥ sarvāṃs tāṃś cānyān kālaparvatān abhibhūya sthitaḥ śobhate bhāsate tapati virocate / ābhayā varṇena tejasā śriyā //

tadyathāpi nāma candrarmaṇḍalaṃ sarvatārārūpāṇy abhibhūya sthitaṃ śobhate bhāsate tapati virocate / ābhayā varṇena tejasā śriyā //

tadyathāpi nāma sūryamaṇḍalaṃ sarvāṃs tadanyān avabhāsān abhibhūya sthitaṃ śobhate bhāsate tapati virocate / ābhayā varṇena tejasā śriyā //

evam eva bhagavān daśasu dikṣu sadevakaṃ lokaṃ sendrakaṃ sabrahmakaṃ śuddhāvāsam abhibhūya sthitaḥ śobhate bhāsate tapati virocate / ābhayā varṇena tejasā śriyā //

atha bhagavān punar api yādṛśo bhagavataḥ prakṛtyātmabhāvaḥ tādṛśam iman trisāhasramahāsāhasre lokadhātāv upadarśayati sma //

atha yāvanto 'smin trisāhasramahāsāhasre lokadhātau śuddhāvāsakāyikādevanikāyā ābhāsvarā brahmakāyikāḥ paranirmitavaśavartino nirmāṇaratayaḥ tuṣitā yāmās trāyastriṃśāś cāturmahārājakāyikādevanikāyās te sarve siṃhāsane niṣaṇṇaṃ tathāgatam arhantaṃ samyaksaṃbuddhaṃ paśyanti sma / te tuṣṭā udagrā āttamanaskāḥ pramuditāḥ prītisaumanasyajātā divyāni puṣpāṇy ādāya divyāni mālyāni divyāni gandhāni divyāni vilepanāni divyāni cūrṇāni divyāni vāsāṃsi divyāny utpalakumudapuṇḍarīkanalinasaugandhikāni keśaratamālapattrāṇi divyāni vastūni divyāny ābharaṇāni divyāni chattrāṇi divyā dhvajā divyāḥ patākā gṛhītvā yena bhagavāṃs tenopasaṃkrāmanti sma, upasaṃkramya bhagavantam abhipūjayanti sma / sarvāṇi ca tāni puṣpamālyavilepanacūrṇādīni gandhavastrābharaṇāni chattradhvajapatākāś ca samanantaram eva bhagavato 'dhiṣṭhānena trisāhasramahāsāhasralokadhātupramāṇe bhagavataḥ upari vaihāyase sarvasattvo mahāpuṣpādikūṭāgāraḥ saṃsthito 'bhūt / tataś ca kūṭāgārād divyāni puṣpāṇi puṣpapaṭṭadāmāni lambante sma pralambante sma abhipralambante sma / taiś ca puṣpapaṭṭadāmābhir ayaṃ trisāhasramahāsāhasro lokadhātur abhiśobhate sma / tena ca suvarṇavarṇena bhagavataḥ prabhāvabhāsenātyarthaṃ śobhate bhāsate tapati virocate sma / yathā cāyaṃ trisāhasramahāsāhasro lokadhātur evaṃ pūrvasyān diśi gaṅgānadīvālukopamā lokadhātavas tena bhagavataḥ prabhāvabhāsena sphuṭā abhūvan / dakṣiṇasyān diśi gaṅgānadīvālukopamā lokadhātavas tena bhagavataḥ prabhāvabhāsena sphuṭā abhūvan /

paścimāyān diśi gaṅgānadīvālukopamā lokadhātavas tena bhagavataḥ prabhāvabhāsena sphuṭā abhūvan / uttarasyān diśi gaṅgānadīvālukopamā lokadhātavas tena bhagavataḥ prabhāvabhāsena sphuṭā abhūvan / uttarapūrvasyān diśi gaṅgānadīvālukopamā lokadhātavas tena bhagavataḥ prabhāvabhāsena sphuṭā abhūvan / pūrvadakṣiṇasyān diśi gaṅgānadīvālukopamā lokadhātavas tena bhagavataḥ prabhāvabhāsena sphuṭā abhūvan / dakṣiṇapaścimāyān diśi gaṅgānadīvālukopamā lokadhātavas tena bhagavataḥ prabhāvabhāsena sphuṭā abhūvan / paścimottarasyān diśi gaṅgānadīvālukopamā lokadhātavas tena bhagavataḥ prabhāvabhāsena sphuṭā abhūvan / adhastād diśi gaṅgānadīvālukopamā lokadhātavas tena bhagavataḥ prabhāvabhāsena sphuṭā abhūvan / upariṣṭād diśi gaṅgānadīvālukopamā lokadhātavas tena bhagavataḥ prabhāvabhāsena sphuṭā abhūvan / tatra jāmbudvīpakānāṃ manuṣyāṇāṃ tat tathāgatasyāsecanakadarśanam ātmabhāvaṃ dṛṣṭvā etad abhūd asmākaṃ puratas tathāgato niṣaṇṇo dharmaṃ deśayati / yathā ca jāmbudvīpakānāṃ manuṣyāṇām evaṃ godānīyānāṃ manuṣyāṇān tathāgatasyāsecanakadarśanam ātmabhāvaṃ dṛṣṭvā etad abhūd asmākaṃ purataḥ tathāgato niṣaṇṇo dharmaṃ deśayatīti / paurvavidehakānāṃ manuṣyāṇān tat tathāgatasyāsecanakadarśanam ātmabhāvaṃ dṛṣṭvā etad abhūd asmākaṃ puratas tathāgato niṣaṇṇo dharmaṃ deśayatīti / uttarakauravāṇāṃ manuṣyāṇāṃ tat tathāgatasyācecanakadarśanam ātmabhāvaṃ dṛṣṭvā etad abhūd asmākaṃ puratas tathāgato niṣaṇṇo dharmaṃ deśayatīti /

cāturmahārājakāyikānāṃ devānān tat tathāgatasyāsecanakadarśanam ātmabhāvaṃ dṛṣṭvā etad abhūd asmākaṃ purataḥ tathāgato niṣaṇṇo dharmaṃ deśayatīti / trāyastriṃśānāṃ devānān tat tathāgatasyāsecanakadarśamam ātmabhāvaṃ dṛṣṭvā etad abhūd asmākaṃ puratas tathāgato niṣaṇṇo dharmaṃ deśayatīti / yāmānān devānān tat tathāgatasyāsecanakadarśanam ātmabhāvaṃ dṛṣṭvā etad abhūd asmākaṃ puratas tathāgato niṣaṇṇo dharmaṃ deśayatīti / tuṣitānāṃ devānān tat tathāgatasyāsecanakadarśanam ātmabhāvaṃ dṛṣṭvā etad abhūd asmākaṃ puratas tathāgato niṣaṇṇo dharmeṃ deśayatīti / nirmāṇaratīnāṃ devānān tat tathāgatasyāsecanakadarśanam ātmabhāvaṃ dṛṣṭvā etad abhūd asmākaṃ puratas tathāgato niṣaṇṇo dharmaṃ deśayatīti / paranirmitavaśavartināṃ devānān tat tathāgatasyāsecanakadarśanam ātmabhāvaṃ dṛṣṭvā etad abhūd asmākaṃ puratas tathāgato niṣaṇṇo dharmaṃ deśayatīti / brahmakāyikānāṃ devānān tat tathāgatasyāsecanakadarśanam ātmabhāvaṃ dṛṣṭvā etad abhūd asmākaṃ puratas tathāgato niṣaṇṇo dharmaṃ deśayatīti / brahmapurohitānāṃ devānān tat tathāgatasyāsecanakadarśanam ātmabhāvaṃ dṛṣṭvā etad abhūd asmākaṃ puratas tathāgato niṣaṇṇo dharmaṃ deśayatīti / brahmapārśvadyānāṃ devānān tat tathāgatasyāsecanakadarśanam ātmabhāvaṃ dṛṣṭvā etad abhūd asmākaṃ puratas tathāgato niṣaṇṇo dharmaṃ deśayatīti / mahābrahmāṇāṃ devānān tat tathāgatasyāsecakamadarśanam ātmabhāvaṃ dṛṣṭvā etad abhūd asmākaṃ puratas tathāgato niṣaṇṇo dharmaṃ deśayatīti /

ābhānāṃ devānān tat tathāgatasyāsecamakadarśanam ātmabhāvaṃ dṛṣṭvā etad abhūd asmākaṃ puratas tathāgato niṣaṇṇo dharmaṃ deśayatīti / parīttābhānān devānān tat tathāgatasyāsecanakadarśanam ātmabhāvaṃ dṛṣṭvā etad abhūd asmākaṃ puratas tathāgato niṣaṇṇo dharman deśayatīti / apramāṇābhānāṃ devānān tat tathāgatasyāsecanakadarśanam ātmabhāvaṃ dṛṣṭvā etad abhūd asmākaṃ puratas tathāgato niṣaṇṇo dharman deśayatīti ābhāsvarāṇāṃ devānān tat tathāgatasyāsecanakadarśanam ātmabhāvaṃ dṛṣṭvā etad abhūd asmākaṃ puratas tathāgato niṣaṇṇo dharman deśayatīti //

ābhānāṃ devānān tat tathāgatasyāsecanakadarśanam ātmabhāva dṛṣṭvā etad abhūd asmākaṃ puratas tathāgato niṣaṇṇo dharman deśayatīti / parīttaśubhānāṃ devānān tat tathāgatasyāsecanakadarśanam ātmabhāvaṃ dṛṣṭvā etad abhūd asmākaṃ puratas tathāgato niṣaṇṇo dharman deśayatīti / apramāṇaśubhānāṃ devānān tat tathāgatasyāsecanakadarśanam ātmabhāvaṃ dṛṣṭvā etad abhū dasmākaṃ puratas tathāgato niṣaṇṇo dharman deśayatīti / śubhakṛtsnānāṃ devānān tat tathāgatasyāsecanakadarśanam ātmabhāvaṃ dṛṣṭvā etad abhūd asmākaṃ puratas tathāgato niṣaṇṇo dharman deśayatīti / vṛhāṇāṃ devānāṃ tat tathāgatasyāsecanakadarśanam ātmabhāvaṃ dṛṣṭvā etad abhūd asmākaṃ puratas tathāgato niṣaṇṇo dharman deśayatīti / parīttavṛhāṇāṃ devānān tat tathāgatasyāsecanakadarśanam ātmabhāvaṃ dṛṣṭvā etad abhūd asmākaṃ puratas tathāgato niṣaṇṇo dharman deśayatīti / apramāṇavṛhāṇāṃ devānān tat tathāgatasyāsecanakadarśanam ātmabhāvaṃ dṛṣṭvā etad abhūd asmākaṃ puratas tathāgato niṣaṇṇo dharman deśayatīti / vṛhatphalānāṃ devānān tat tathāgatasyāsecanakadarśanam ātmabhāvaṃ dṛṣṭvā etad abhūd asmākaṃ puratas tathāgato niṣaṇṇo dharman deśayatīti / avṛhāṇāṃ devānān tat tathāgatasyāsecanakadarśanam ātmabhāvaṃ dṛṣṭvā etad abhūd asmākaṃ puratas tathāgato niṣaṇṇo dharman deśayatīti / atapānāṃ devānān tat tathāgatasyāsecanakadarśanam ātmabhāvaṃ dṛṣṭvā etad abhūd asmākaṃ puratas tathāgato niṣaṇṇo dharman deśayatīti / sudṛśānāṃ devānān tat tathāgatasyāsecanakadarśanam ātmabhāvaṃ dṛṣṭva etad abhūd asmākaṃ puratas tathāgato niṣaṇṇo dharman deśayatīti / sudarśanānāṃ devānān tat tathāgatasyāsecanakadarśanam ātmabhāvaṃ dṛṣṭvā etad abhūd asmākaṃ puratas tathāgato niṣaṇṇo dharman deśayatīti / akaniṣṭhānāṃ devānān tat tathāgatasyāsecanakadarśanam ātmabhāvaṃ dṛṣṭvā etad abhūd asmākaṃ puratas tathāgato niṣaṇṇo dharman deśayatīti //

evaṃ sāhasre lokadhātau sarvamanuṣyāṇāṃ sarvadevānān tat tathāgatasyāsecanakadarśanam ātmabhāvaṃ dṛṣṭvā etad abhūd asmākaṃ puratas tathāgato niṣaṇṇo dharman deśayatīti / dvisāhasre lokadhātau sarvamanuṣyāṇāṃ sarvadevānān tat tathāgatasyāsecanakadarśanam ātmabhāvaṃ dṛṣṭvā etad abhūd asmākaṃ puratas tathāgato niṣaṇṇo dharmaṃ deśayatīti //

evaṃ trisāhasramahāsāhasre lokadhātau sarvamanuṣyāṇāṃ sarvadevānān tat tathāgatasyāsecanakadarśanam ātmabhāvaṃ dṛṣṭvā etad abhūd asmākaṃ puratas tathāgato niṣaṇṇo dharman deśayatīti //

atha bhagavāṃs tasminn eva siṃhāsane niṣaṇṇaḥ punar eva prabhāṃ prāmuñcad yayā prabhayā punar evaṃ trisāhasramahāsāhasra lokadhātur avabhāṣito bhūt / pūrvasyān diśi gaṅgānadīvālukopamā lokadhātavo 'vabhāṣitā abhūvan / dakṣiṇasyān diśi gaṅgānadīvālukopamā lokadhātavo 'vabhāṣitā abhūvan / paścimāyān diśi gaṅgānadīvālukopamā lokadhātavo 'vabhāṣitā abhūvan / uttarasyān diśi gaṅgānadīvālukopamā lokadhātavo 'vabhāṣitā abhūvan / uttarapūrvasyān diśi gaṅgānadīvālukopamā lokadhātavo 'vabhāṣitā abhūvan / pūrvadakṣiṇasyān diśi gaṅgānadīvālukopamā lokadhātavo avabhāṣitā abhūvan / dakṣiṇapaścimāyān diśi gaṅgānadīvālukopamā lokadhātavo 'vabhāṣitā abhūvan / paścimottarasyān diśi gaṅgānadīvālukopamā lokadhātavo 'vabhāṣitā abhūvan / adhastād diśi gaṅgānadīvālukopamā lokadhātavo 'vabhāṣitā abhūvan / upariṣṭād diśi gaṅgānadīvālukopamā lokadhātavo 'vabhāṣitā abhūvan / yenāvabhāsenaya imāṃ trisāhasramahāsāhasre lokadhātau sattvās te sarve pūrvasyān diśi gaṅgānadīvālukopameṣu lokadhātuṣu tathāgatān arhataḥ samyaksaṃbuddhān saśrāvakasaṅghān bodhisattvaparivārān paśyanti sma / tatra ca pūrvasyān diśi gaṅgānadīvālukopameṣu lokadhātuṣu sattvās te 'pīmaṃ trisāhasramahāsāhasraṃ lokadhātuṃ bhagavantaṃ śākyamuniṃ tathāgatam arhantaṃ samyaksaṃbuddhaṃ sabhikṣusaṅghaṃ bodhisattvaparivāraṃ paśyanti sma /

tatra ca dakṣiṇasyān diśi gaṅgānadīvālukopameṣu lokadhātuṣu sattvās te 'pīmaṃ trisāhasramahāsāhasraṃ lokadhātuṃ bhagavantaṃ śākyamuniṃ tathāgatam arhantaṃ samyaksaṃbuddhaṃ sabhikṣusaṅghaṃ bodhisattvaparivāraṃ paśyanti sma / tatra ca paścimāyān diśi gaṅgānadīvālukopameṣu lokadhātuṣu sattvās te 'pīmaṃ trisāhasramahāsāhasraṃ lokadhātuṃ bhagavantaṃ śākyamuniṃ tathāgatam arhantaṃ samyaksaṃbuddhaṃ sabhikṣusaṅghaṃ bodhisattvaparivāraṃ paśyanti sma / tatra cottarasyān diśi gaṅgānadīvālukopameṣu lokadhātuṣu sattvās te 'pīmaṃ trisāhasramahāsāhasraṃ lokadhātuṃ bhagavantaṃ ca śākyamuniṃ tathāgatam arhantaṃ samyaksaṃbuddhaṃ sabhikṣusaṅghaṃ bodhisattvaparivāraṃ paśyanti sma / tatra cottarapūrvasyān diśi ye gaṅgānadīvālukopameṣu lokadhātuṣu sattvās te 'pīmaṃ trisāhasramahāsāhasraṃ lokadhātuṃ bhagavantaṃ śākyamuniṃ tathāgatam arhantaṃ samyaksaṃbuddhaṃ sabhikṣusaṅghaṃ bodhisattvaparivāraṃ paśyanti sma / tatra ca pūrvadakṣiṇasyān diśi ye gaṅgānadīvālukopameṣu lokadhātuṣu sattvās te 'pīmaṃ trisāhasramahāsāhasraṃ lokadhātuṃ bhagavantaṃ ca śākyamuniṃ tathāgatam arhantaṃ samyaksaṃbuddhaṃ sabhikṣusaṅghaṃ bodhisattvaparivāraṃ paśyanti sma / tatra ca dakṣiṇapaścimāyān diśi ye gaṅgānadīvālukopameṣu lokadhātuṣu sattvās te 'pīman trisāhasramahāsāhasraṃ lokadhātuṃ bhagavantaṃ śākyamuniṃ tathāgatam arhantaṃ samyaksaṃbuddhaṃ sabhikṣusaṅghaṃ bodhisattvaparivāraṃ paśyanti sma /

tatra ca paścimottarasyān diśi gaṅgānadīvālukopameṣu lokadhātuṣu sattvās te 'pīman trisāhasramahāsāhasraṃ lokadhātuṃ bhagavantaṃ śākyamuniṃ tathāgatam arhantaṃ samyaksaṃbuddhaṃ saśrāvakaṃ saṅghaṃ bodhisattvaparivāraṃ paśyanti sma / tatra cādhastād diśi ye gaṅgānadīvālukopameṣu lokadhātuṣu sattvās te 'pīman trisāhasramahāsāhasraṃ lokadhātuṃ bhagavantaś ca śākyamunis tathāgatam arhantaṃ samyaksaṃbuddhaṃ sabhikṣusaṅghaṃ bodhisattvaparivāraṃ paśyanti sma / tatra copariṣṭād diśi ye gaṅgānadīvālukopameṣu lokadhātuṣu sattvās te 'pīmaṃ trisāhasramahāsāhasraṃ lokadhātuṃ bhagavantañ ca śākyamuniṃ tathāgatam arhantaṃ samyaksaṃbuddhaṃ sabhikṣusaṅghaṃ sabodhisattvagaṇaparivāraṃ paśyanti sma //

atha pūrvasyān diśi gaṅgānadīvālukopamān lokadhātūn atikramya yaḥ sarvapaścimo lokadhātuḥ ratnāvatī nāma tatra ratnākaro nāma tathāgato 'rhan samyaksaṃbuddhas tiṣṭhati dhriyate yāpayati sa imām eva prajñāpāramitāṃ bodhisattvebhyo mahāsattvebhyaḥ saṃprakāśayati //

atha tatra lokadhātau samantaraśmir nāma bodhisattvo mahāsattvas taṃ mahāntam avabhāsan tañ ca mahāntaṃ pṛthivīcālan tañ ca tathāgatasyāsecanakadarśanam ātmabhāvaṃ dṛṣṭvā yena bhagavān ratnākaras tathāgato 'rhan samyaksaṃbuddhas tenopasaṃkrāntaḥ / upasaṃkramya taṃ bhagavantaṃ tathāgatam arhantaṃ samyaksaṃbuddham etad avocat / ko bhagavan hetuḥ kaḥ pratyayaḥ yo 'sya mahato 'vabhāsasya loke prādurbhāvāya asya ca mahataḥ pṛthivīcālasya asya cedṛśasya tathāgatakāyasya sandarśanāya //

evam ukte bhagavān ratnākaras tathāgato 'rhan samyaksaṃbuddhas taṃ samantaraśmiṃ bodhisattvaṃ mahāsattvam etad avocat / eṣa kulaputra paścimāyān diśi gaṅgānadīvālukopamān lokadhātūn atikramya sahā nāma lokadhātus tatra śākyamunir nāma tathāgato 'rhan samyaksaṃbuddhas tiṣṭhati dhriyate yāpayati sa bodhisattvebhyo mahāsattvebhyaḥ prajñāpāramitāṃ saṃprakāśayati / tasyaiṣa īdṛśo 'nubhāvaḥ //

atha samantaraśmir bodhisattvo mahāsattvas taṃ bhagavantaṃ ratnākaran tathāgatam arhantaṃ samyaksaṃbuddham etad avocat / gaccheyam ahaṃ bhagavaṃs tāṃ mahāṃ lokadhātuṃ tasya bhagavataḥ śākyamunes tathāgatasyārhataḥ samyaksaṃbuddhasya darśanāya vandanāya paryupāsanāya teṣāñ ca bodhisattvānāṃ mahāsattvānāṃ sarveṣāṃ prāyaḥ kumārabhūtānāṃ dhāraṇīpratisaṃvinnirhārapratilabdhānāṃ sarvasamādhisamāpattivaśitāpraptānām / bhagavān ratnākaras tathāgata āha / gaccha tvaṃ kulaputra tāṃ mahāṃ lokadhātuṃ yasyedānīṃ kālaṃ manyase //

atha ratnākaras tathāgato 'rhan samyaksaṃbuddho nānāratnamayānāṃ suvarṇanirbhāsānāṃ sahasrapattrāṇāṃ padmānāṃ sahasraṃ samantaraśmaye bodhisattvāya mahāsattvāya prādāt / ebhiḥ kulaputra padmais taṃ bhagavantaṃ śākyamuniṃ tathāgatam arhantaṃ samyaksaṃbuddhaṃ abhyavakira saṃprajānavihārī ca tatra buddhakṣetre bhavet / tat kasya hetor durāsadā hi te bodhisattvā mahāsattvā ye tatra lokadhātāv upapannā mā tatra kṣaṇethāḥ //

atha samantaraśmir bodhisattvo mahāsattvas tasya bhagavato ratnākarasya tathāgatasyārhataḥ samyaksaṃbuddhasyāntikāt tāni suvarṇanirbhāsāni sahasrapattrāṇi padmāni gṛhītvānekair bodhisattvakoṭīniyutaśatasahasraiḥ sārdhaṃ gṛhasthaiḥ pravrajitaiś ca dārakadārikārūpibhiś ca tato buddhakṣetrād antarhito yāvantaḥ pūrvasyān diśi buddhā bhagavantas tiṣṭhanti dhriyante yāpayanti tān sarvān satkurvan gurūkurvan mānayan pūjayan puṣpadhūpagandhamālyavilepanacūrṇacīvaracchattradhvajapatākābhir mahatyā bodhisattvardhyā mahatā bodhisattvānubhāvena / yena bhagavān śākyamunis tathāgato 'rhan samyaksaṃbuddhas tenopasaṃkrāntaḥ upamaṃkramya bhagavataḥ pādau śirasā vanditvā ekānte sthitaḥ samantaraśmir bodhisattvo mahāsattvo bhagavantam etad avocat / ratnākaro bhagavaṃs tathāgato 'rhan samyaksaṃbuddho bhagavato 'lpābādhatāṃ paripṛcchaty alpātaṅkatāñ ca laghūtthānatāṃ balaṃ sukhasprśavihāratāś ca / imāni ca tena bhagavatā ratnākareṇa tathāgatenārhatā samyaksaṃbuddhena suvarṇanirbhāsāni sahasrapattrāṇi padmāni praṇihitāni bhagavataḥ pūjākarmaṇe //

atha bhagavān śākyamunis tathāgato 'rhan samyaksaṃbuddhas tāni padmāni gṛhītvā yena te pūrvasyān diśi gaṅgānadīvālukopameṣu lokadhātuṣu tathāgatā arhantaḥ samyaksaṃbuddhās tenākṣaipsīt //

atha taiḥ padmais te sarve lokadhātavaḥ sphuṭā abhūvan tatra ca padmeṣu tathāgatavigrahā niṣaṇṇā dharmaṃ deśayanti sma / yad utemām evaṃ ṣaṭpāramitām ārabhya yaiś ca sattvaiḥ sā dharmadeśanā śrutā te sarve niyatā abhūvann anuttarāyāṃ samyaksaṃbodhau / te 'pi bodhisattvā gṛhasthāś ca pravrajitāś ca dārakadārikāś ca svakasvakaiḥ kuśalamūlair bhagavantaṃ śākyamuniṃ tathāgatam arhantaṃ samyaksaṃbuddhaṃ satkurvanti sma / gurūkurvanti sma / mānayanti sma / pūjayanti sma / dakṣiṇasyān diśi gaṅgānadīvālukopāmāl lokadhātūn atikramya yaḥ sarvapaścimo lokadhātuḥ sarvaśokāpagato nāma tatrāśokaśrīr nāma tathāgato 'rhan samyaksaṃbuddhas tiṣṭhati dhriyate yāpayati / sa imām eva prajñāpāramitāṃ bodhisattvebhyo mahāsattvebhyaḥ saṃprakāśayati //

atha tatra lokadhātau vigataśoko nāma bodhisattvo mahāsattvas taṃ mahāntam avabhāsaṃ taṃ ca mahāntaṃ pṛthivīcālan tañ ca tathāgatasyāsecanakadarśanam ātmabhāvaṃ dṛṣṭvā yena sa bhagavān aśokaśrīs tathāgato 'rhan samyaksaṃbuddhas tenopasaṃkrāntaḥ upasaṃkramya taṃ bhagavantam aśokaśriyaṃ tathāgataṃ samyaksaṃbuddham etad avocat / ko bhagavan hetuḥ kaḥ pratyayo 'sya mahato 'vabhāsasya loke prādurbhāvāyāsya ca mahataḥ pṛthivīcālasya cedṛśasya tathāgatakāyasya sandarśanāya / evam ukte bhagavān aśokaśrīs tathāgato 'rhan samyaksaṃbuddhas taṃ vigataśokaṃ bodhisattvaṃ mahāsattvam etad avocat / eṣa kulaputra uttarasyān diśi gaṅgānadīvālukopamāl lokadhātūn atikramya sahā nāma lokadhātus tatra śākyamunir nāma tathāgato 'rhan samyaksaṃbuddhas tiṣṭhati dhriyate yāpayati / sa bodhisattvebhyo mahāsattvebhyaḥ prajñāpāramitāṃ saṃprakāśayati / tasyaiṣa īdṛśo 'nubhāvaḥ //

atha vigataśoko bodhisattvo mahāsattvas taṃ bhagavantam aśokaśriyaṃ tathāgatam arhantaṃ samyaksaṃbuddham etad avocat / gaccheyam ahaṃ bhagavaṃs tāṃ sahāṃ lokadhātuṃ tasya śākyamunes tathāgatasyārhataḥ samyaksaṃbuddhasya darśanāya vandanāya paryupāsanāya teṣāṃ ca bodhisattvānāṃ mahāsattvānāṃ sarveṣāṃ prāyaḥ kumārabhūtānāṃ dhāraṇīpratisaṃvinnirhārapratilabdhānāṃ sarvasamādhisamāpattivaśitā prāptānām / sa bhagavān aśokaśrīs tathāgata āha / gaccha tvaṃ kulaputra tāṃ sahāṃ lokadhātuṃ yasyedānīṃ kālaṃ manyase //

atha bhagavān aśokaśrīs tathāgato 'rhan samyaksaṃbuddho nānāratnamayānāṃ suvarṇanirbhāsānāṃ sahasrapattrāṇāṃ padmānāṃ sahasraṃ vigataśokāya bodhisattvāya mahāsattvāya prādāt / ebhiḥ kulaputra padmais taṃ bhagavantaṃ śākyamuniṃ tathāgatam arhantaṃ samyaksaṃbuddham abhyavakira saṃprajānavihārī ca kulaputra tatra buddhakṣetre bhavet / tat kasya hetor durāsadā hi te bodhisattvā mahāsattvāḥ ye tatra lokadhātāv upapannā mā tatra kṣaṇethāḥ //

atha vigataśoko bodhisattvo mahāsattvas tasya bhagavato 'śokaśriyas tathāgatasyārhataḥ samyaksaṃbuddhasyāntikāt tāni suvarṇanirbhāsāni sahasrapattrāṇi padmāni gṛhītvānekair bodhisattvakoṭīniyutaśatasahasraiḥ sārdhaṃ gṛhīsthaiḥ pravrajitaiś ca dārakadārikārūpibhiś ca tato buddhakṣetrād antarhito yāvanto dakṣiṇasyān diśi baddhā bhagavantas tiṣṭhanti dhriyante yāpayanti satkurvan gurūkurvan mānayan pūjayan puṣpadhūpagandhamālyavilepanacūrṇavastrābharaṇacchattradhvajapatākābhir mahatyā bodhisattvardhyā mahatā bodhisattvānubhāvena yena bhagavān śākyamunis tathāgato 'rhan samyaksaṃbuddhas tenopasaṃkrāntaḥ upasaṃkramya bhagavataḥ pādau śirasā vanditvā ekānte 'sthāt ekānte sthitaś ca vigataśoko bodhisattvo mahāsattvo bhagavantam etad avocat / aśokaśrīr bhagavaṃs tathāgato 'rhan samyaksaṃbuddho bhagavato 'lpābādhatāṃ paripṛcchaty alpātaṅkatāṃ laghūtthānatāṃ balaṃ sukhasparśavihāratāñ ca / imāni ca tena bhagavatā aśokaśriyā tathāgatenārhatā samyaksaṃbuddhena suvarṇanirbhāsāni sahasrapattrāṇi padmāni prahitāni bhagavataḥ pūjākarmaṇe //

atha bhagavān śākyamunis tathāgato 'rhan samyaksaṃbuddhas tāni padmāni gṛhītvā yena te dakṣiṇasyān diśi gaṅgānadīvālukopameṣu lokadhātuṣu tathāgatā arhantaḥ samyaksaṃbuddhās tenākṣaipsīt //

atha taiḥ padmais te sarve lokadhātavaḥ sphuṭā abhūvan / tatra ca padmeṣu tathāgatavigrahā niṣaṇṇā dharmaṃ deśayanti sma / yad utemām eva ṣaṭpāramitām ārabhya yaiś ca sattvaiḥ sā dharmadeśanā śrutā te sarve niyatā abhūvann anuttarāyāṃ samyaksaṃbodhau / te 'pi bodhisattvā gṛhasthāḥ pravrajitāś ca dārakadārikāś ca svakasvakaiḥ kuśalamūlair bhagavantaṃ śākyamuniṃ tathāgatam arhantaṃ samyaksaṃbuddhaṃ satkurvanti sma gurūkurvanti sma mānayanti sma pūjayanti sma / paścimāyān diśi gaṅgānādīvālukopamāl lokadhātūn atikramya yaḥ sarvapaścimo lokadhāturūpaśāntā nāma lokadhātus tatra ratnārcir nāma tathāgato 'rhan samyaksaṃbuddhas tiṣṭhati priyate yāpayati / sa imām eva prajñāpāramitāṃ bodhisattvebhyo mahāsattvebhyaḥ saṃprakāśayati //

atha tatra lokadhātau cāritramatir nāma bodhisattvas taṃ mahāntam avabhāsan tañ ca mahāntaṃ pṛthivīcālan taṃ ca tathāgatasyāsecanakadarśanam ātmabhāvaṃ dṛṣṭvā yena sa bhagavān ratnārcis tathāgato 'rhan samyaksaṃbuddhas tenopasaṃkrāntaḥ upasaṃkramya bhagavantaṃ ratnārciṣaṃ tathāgatam arhantaṃ samyaksaṃbuddham etad avocat / ko bhagavan hetuḥ kaḥ pratyayo 'sya mahato 'vabhāsasya loke prādurbhāvāyāsya ca mahataḥ pṛthivīcālasya cedṛśasya tathāgatakāyasya sandarśanāya / evam ukte bhagavān ratnārcis tathāgato 'rhan samyaksaṃbuddhas taṃ cāritramatiṃ bodhisattvaṃ mahāsattvam etad avocat / eṣa kulaputra pūrvasyān diśi gaṅgānadīvālukopamān lokadhātūn atikramya sahā nāma lokadhātus tatra śākyamunir nāma tathāgato 'rhan samyaksaṃbuddhas tiṣṭhati dhriyate yāpayati / sa bodhisattvebhyo mahāsattvebhyaḥ prajñāpāramitāṃ saṃprakāśayati / tasyaiṣa īdṛśo 'nubhāvaḥ //

atha cāritramatir bodhisattvo mahāsattvas taṃ bhagavantaṃ ratnārciṣaṃ tathāgatam arhantaṃ samyaksaṃbuddham etad avocat / gaccheyam ahaṃ bhagavaṃs tāṃ sahāṃ lokadhātuṃ tasya bhagavataḥ śākyamunes tathāgatasyārhataḥ samyaksaṃbuddhasya darśanāya vandanāya paryupāsanāya / teṣāṃ ca bodhisattvānāṃ mahāsattvānāṃ sarveṣāṃ prāyaḥ kumārabhūtānāṃ dhāraṇīpratisaṃvinnirhārapratilabdhānāṃ sarvasamādhisamāpattivaśitāprāptānām / sa bhagavān ratnārcis tathāgata āha / gaccha tvaṃ kulaputra tāṃ sahāṃ lokadhātuṃ yasyedānīṃ kālaṃ manyase //

atha ratnārcis tathāgato 'rhan samyaksaṃbuddho nānāratnamayānāṃ suvarṇanirbhāsānāṃ sahasrapattrāṇāṃ padmānāṃ sahasraṃ cāritramataye bodhisattvāya mahāsattvāya prādāt / ebhiḥ kulaputra padmais taṃ bhagavantaṃ śākyamuniṃ tathāgatam arhantaṃ samyaksaṃbuddham abhyavakira saṃprajānacārī ca kulaputra tatra buddhakṣetre bhavet / tat kasya hetor durāsadā hi te bodhisattvā mahāsattvā ye tatra lokadhātāv upapannā mā tatra kṣaṇethāḥ //

atha cāritramatir bodhisattvo mahāsattvas tasya bhagavato ratnārciṣas tathāgatasyārhataḥ samyaksaṃbuddhasyāntikāt tāni suvarṇanirbhāsāni sahasrapattrāṇi padmāni gṛhītvānekair bodhisattvakoṭīniyutaśatasahasraiḥ sārdhaṃ gṛhasthaiḥ pravrajitaiś ca dārakadārikābhiś ca tato buddhakṣetrād antarhitaḥ yāvantaḥ paścimāyān diśi buddhā bhagavantas tiṣṭhanti dhriyante yāpayanti tān sarvān satkurvan gurūkurvan mānayan pūjayan puṣpadhūpagandhamālyavilepanacūrṇavastrābharaṇachattradhvajapatākābhir mahatyā bodhisattvardhyā mahatā bodhisattvānubhāvena / yena bhagavān śākyamunis tathāgato 'rhan samyaksaṃbuddhas tenopasaṃkrāntaḥ upasaṃkramya bhagavataḥ pādau śirasā vanditvā ekānte 'sthāt ekānte sthitaś cāritramatir bodhisattvo mahāsattvo bhagavantam etad avocat / ratnārcir bhagavaṃs tathāgato 'rhan samyaksaṃbuddho bhagavato 'lpābādhatāṃ paripṛcchaty alpātaṅkatāñ ca laghūtthānatāṃ balaṃ sukhasparśavihāratāñ ca imāni ca tena bhagavatā ratnārciṣā tathāgatenārhatā samyaksaṃbuddhena suvarṇanirbhāsāni sahasrapattrāṇi padmāni praṇihitāni bhagavataḥ pūjākarmaṇe //

atha bhagavān śākyamunis tathāgato 'rhan samyaksaṃbuddhas tāni padmāni gṛhītvā yena te paścimāyān diśi gaṅgānadīvālukopameṣu lokadhātuṣu tathāgatā arhantaḥ samyaksaṃbuddhās tenākṣaipsīt //

atha taiḥ padmais te sarve lokadhātavaḥ sphuṭā abhūvan / tatra ca padmeṣu tathāgatavigrahā niṣaṇṇā dharmaṃ deśayanti sma / yad utemām eva ṣaṭpāramitām ārabhya yaiś ca sattvaiḥ sā dharmadeśanā śrutā te sarve niyatā abhūvann anuttarāyāṃ samyaksaṃbodhau te 'pi bodhisattvā mahāsattvā gṛhasthāḥ pravrajitāś ca dārakadārikāś ca svakasvakaiḥ kuśalamūlair bhagavantaṃ śākyamuniṃ tathāgatam arhantaṃ samyaksaṃbuddhaṃ satkurvanti sma garukurvanti sma mānayanti sma pūjayanti sma / uttarasyān diśi gaṅgānadīvālukopamān lokadhātūn atikramya yaḥ sarvapaścimo lokadhātur jāyā nāma tatra jāyendro nāma tathāgato 'rhan samyaksaṃbuddhas tiṣṭhati dhriyate yāpayati sa imām eva prajñāpāramitāṃ bodhisattvebhyo mahāsattvebhyaḥ saṃprakāśayati //

atha tatra lokadhātau jayadatto nāma bodhisattvo mahāsattvas tam mahāntam avabhāsan taṃ ca mahāntaṃ pṛthivīcālan tañ ca tathāgatasyāsecanakadarśanam ātmabhāvaṃ dṛṣṭvā yena bhagavān jāyendras tathāgato 'rhan samyaksaṃbuddhas tenopasaṃkrāntaḥ upasaṃkramya taṃ bhagavantaṃ jāyendraṃ tathāgatam arhantaṃ samyaksaṃbuddham etad avocat ko bhagavan hetuḥ kaḥ pratyayo 'sya mahato 'vabhāsasya loke prādurbhāvāyāsya ca mahataḥ pṛthivīcālasyāsya cedṛśasya tathāgatakāyasya sandarśanāya vandanāya paryupāsanāya //

evam ukte bhagavān jāyendras tathāgato 'rhan samyaksaṃbuddhas taṃ jayadattaṃ bodhisattvaṃ mahāsattvam etad avocat / eṣa kulaputra dakṣiṇasyān diśi gaṅgānadīvālukopamān lokadhātūn atikramya sahā nāma lokadhātus tatra śākyamunir nāma tathāgato 'rhan samyaksaṃbuddhas tiṣṭhati dhriyate yāpayati sa bodhisattvebhyo mahāsattvebhyaḥ prajñāpāramitāṃ saṃprakāśayati / tasyaiṣa īdṛśo 'nubhāvaḥ //

atha jayadatto bodhisattvo mahāsattvas taṃ bhagavantaṃ jāyendran tathāgatam arhantaṃ samyaksaṃbuddham etad avocat / gaccheyam ahaṃ bhagavaṃs tāṃ sahāṃ lokadhātun tasya bhagavataḥ śākyamunes tathāgatasyārhataḥ samyaksaṃbuddhasya darśanāya vandanāya paryupāsanāya teṣāñ ca bodhisattvānāṃ mahasattvānāṃ sarveṣāṃ prāyaḥ kumārabhūtānāṃ dhāraṇīpratisaṃvinnirhārapratilabdhānāṃ sarvasamādhisamāpattivaśitāprāptānāṃ sa bhagavān jāyendras tathāgata āha / gaccha tvaṃ kulaputra tāṃ sahāṃ lokadhātuṃ yasyedānīṅ kālaṃ manyase //

atha jāyendras tathāgato 'rhan samyaksaṃbuddho nānāratnamayānāṃ suvarṇanirbhāsānāṃ sahasrapattrāṇāṃ padmānāṃ sahasraṃ jayadattāya bodhisattvāya mahāsattvāya prādāt / ebhiḥ kulaputra padmais taṃ bhagavantaṃ samyaksaṃbuddham abhyavakira / saṃprajānavihārī ca kulaputra tatra buddhakṣetre bhavet tat kasya hetor durāsadā hi te bodhisattvā mahāsattvā ye tatra lokadhātāv upapannā mā tatra kṣaṇethāḥ //

atha jayadatto bodhisattvo mahāsattvas tasya bhagavato jāyendrasya tathāgatasyārhataḥ samyaksaṃbuddhasyāntikāt tāni suvarṇanirbhāsāni sahasrapattrāṇi padmāni gṛhītvānekair bodhisattvakoṭīniyutaśatasahasraiḥ sārdhaṃ gṛhasthaiḥ pravrajitaiś ca dārakadārikārūpibhiś ca tato buddhakṣetrād antarhito yāvantaḥ uttarasyān diśi buddhā bhagavantas tiṣṭhanti dhriyante yāpayanti tān sarvān satkurvan gurūkurvan mānayan pūjayan puṣpadhūpagandhamālyavilepanacūrṇacīvaracchattradhvajapatākābhiḥ mahatyā bodhisattvardhyā mahatā bodhisattvānubhāvena yena bhagavān śākyamunis tathāgato 'rhan samyaksaṃbuddhas tenopasaṃkrāntaḥ upasaṃkramya bhagavataḥ pādau śirasā vanditvā ekānte 'sthāt ekānte sthito jayadatto bodhisattvo mahāsattvo bhagavantam etad avocat / jāyendro bhagavaṃs tathāgato 'rhan samyaksaṃbuddho bhagavato 'lpābādhatāṃ paripṛcchaty alpātaṅkatāṃ laghūtthānatāṃ balañ ca sukhasparśavihāratāṃ ca / imāni ca tena bhagavatā jāyendreṇa tathāgatenārhatā samyaksaṃbuddhena suvarṇanirbhāsāni sahasrapattrāṇi padmāni praṇihitāni bhagavataḥ pūjākarmaṇe //

atha bhagavān śākyamunis tathāgato 'rhan samyaksaṃbuddhas tāni padmāni gṛhītvā yena te uttarasyān diśi gāṅgānadīvālukopameṣu lokadhātuṣu tathāgatā arhantaḥ samyaksaṃbuddhās tenākṣaipsīt //

atha taiḥ padmais te sarve lokadhātavaḥ sphuṭā abhūvan / tatra ca padmeṣu tathāgatavigrahā niṣaṇṇā dharmaṃ deśayanti sma / yadūtemām eva ṣaṭpāramitām ārabhya yaiś ca sattvaiḥ sā dharmadeśanā śrutā te sarve niyatā abhūvann anuttarāyāṃ samyaksaṃbodhau te 'pi bodhisattvāḥ gṛhasthāḥ pravrajitāś ca dārikadārikāś ca svakasvakaiḥ kuśalamūlair bhagavantaṃ śākyamuniṃ tathāgatam arhantaṃ samyaksaṃbuddhaṃ satkurvanti sma / gurūkurvanti sma mānayanti sma pūjayanti sma / uttarapūrvasyān diśi gaṅgānadīvālukopamān lokadhātūn atikramya yaḥ sarva paścimo lokadhātuḥ samādhyalaṅkṛto nāma tatra samādhihastyuttaraśrīr nāma tathāgato 'rhan samyaksaṃbuddhas tiṣṭhati dhriyate yāpayati / imām eva prajñāpāramitāṃ bodhisattvebhyo mahāsattvebhyaḥ saṃprakāśayati //

atha tatra lokadhātau vijayavikrāmī nāma bodhisattvo mahāsattvas tam avabhāsan tañ ca mahāntaṃ pṛthivīcālan tañ ca tathāgatasyāsecanakadarśanam ātmabhāvaṃ dṛṣṭvā yena sa bhagavān samādhihastyuttaraśrīs tathāgato 'rhan samyaksaṃbuddhas tenopasaṅkrāntaḥ upasaṃkramya taṃ bhagavantaṃ samādhihastyuttaraśriyaṃ tathāgatam arhantaṃ samyaksaṃbuddham etad avocat / ko bhagavan hetuḥ kaḥ pratyayo 'sya mahato 'vabhāsasya loke prādūrbhāvāyāsya ca mahataḥ pṛthivīcālasya asya cedṛśasya tathāgatakāyasya sandarśanāya / evam ukte bhagavān samādhihastyuttaraśrīs tathāgato 'rhan samyaksaṃbuddhas taṃ vijayavikrāmiṇaṃ bodhisattvaṃ mahāsattvam etad avocat / eṣa kulaputra dakṣiṇapaścimāyān diśi gaṅgānadīvālukopamān lokadhātūn atikramya sahā nāma lokadhātus tatra śākyamunir nāma tathāgato 'rhan samyaksaṃbuddhas tiṣṭhati dhriyate yāpayati / sa bodhisattvebhyo mahāsattvebhyaḥ prajñāpāramitāṃ saṃprakāśayati / tasyaiṣa īdṛśo 'nubhāvaḥ //

atha vijayavikrāmī bodhisattvo mahāsattvas taṃ bhagavantaṃ samādhihastyuttaraśriyaṃ tathāgatam arhantaṃ samyaksaṃbuddham etad avocat / gaccheyam ahaṃ bhagavaṃs tāṃ sahā lokadhātuṃ tasya bhagavataḥ śākyamunes tathāgatasyārhataḥ samyaksaṃbuddhasya darśanāya vandanāya paryupāsanāya / teṣāñ ca bodhisattvānāṃ mahāsattvānāṃ prāyaḥ kumārabhūtānāṃ dhāraṇīpratisaṃvinnirhārapratilabdhānāṃ sarvasamādhisamāpattivaśitāprāptānāṃ / sa bhagavān samādhihastyuttaraśrīr nāma tathāgata āha / gaccha tvaṃ kulaputra tāṃ sahāṃ lokadhātuṃ yasyedānīṃ kālaṃ manyase //

atha samādhihastyuttaraśrīs tathāgato 'rhan samyaksaṃbuddho nānāratnamayānāṃ suvarṇanirbhāsānāṃ sahasrapattrāṇāṃ padmānāṃ sahasraṃ vijayavikrāmiṇe bodhisattvāya mahāsattvāya prādāt / ebhiḥ kulaputra padmais taṃ bhagavantaṃ śākyamuniṃ tathāgatam arhantaṃ samyaksaṃbuddham abhyakira saṃprajānavihārī ca kulaputra tatra buddhakṣetre bhavet / tat kasya hetor durāsadā hi te bodhisattvā mahāsattvā ye tatra lokadhātāv upapannāḥ mā tatra kṣaṇethāḥ //

atha vijayavikrāmī bodhisattvo mahāsattvas tasya bhagavataḥ samādhihastyuttaraśriyas tathāgatasyārhataḥ samyaksaṃbuddhasyāntikāt tāni suvarṇanirbhāsāni sahasrapattrāṇi padmāni gṛhītvānekair bodhisattvakoṭīniyutaśatasahasraiḥ sārdhaṃ gṛhasthaiḥ pravrajitaiś ca dārakadārikārūpibhiś ca tato buddhakṣetrād antarhito yāvantaḥ uttarapūrvasyān diśi buddhā bhagavantas tiṣṭhanti dhriyante yāpayanti tān sarvān satkurvan gurūkurvan mānayan pūjayan puṣpadhūpagandhamālyavilepanacūrṇacīvaravastradhvajapatākābhir mahatyā bodhisattvardhyā mahatā bodhisattvānubhāvena yena bhagavān śākyamunis tathāgato 'rhan samyaksaṃbuddhas tenopasaṃkrāntaḥ / upasaṃkramya bhagavataḥ pādau śirasā vanditvā ekānte 'sthād ekānte sthito vijayavikrāmī bodhisattvo mahāsattvo bhagavantam etad avocat / samādhihastyuttaraśrīr bhagavaṃs tathāgato 'rhan samyaksaṃbuddho bhagavato 'lpābādhatāṃ paripṛcchaty alpātaṅkatāṃ laghūtthānatāṃ balañ ca sukhasparśavihāritāñ ca / imāni ca tena bhagavatā samādhihastyuttaraśriyā tathāgatenārhatā samyaksaṃbuddhena suvarṇanirbhāsāni sahasrapattrāṇi padmāni praṇihitāni bhagavataḥ pūjākarmaṇe //

atha bhagavān śākyamunis tathāgato 'rhan samyaksaṃbuddhas tāni padmāni gṛhītvā yena uttarapūrvasyān diśi gaṅgānadīvālukopameṣu lokadhātuṣu tathāgatā arhantaḥ samyaksaṃbuddhās tenākṣaipsīt //

atha taiḥ padme sarve lokadhātavaḥ sphuṭā abhūvan / tatra ca padmeṣu tathāgatavigrahā niṣaṇṇā dharmaṃ deśayanti sma / yad utemām eva ṣaṭpāramitām ārabhya / yaiś ca sattvaiḥ sā dharmadeśanā śrutā te sarve niyatā abhūvann anuttarāyāṃ samyaksaṃbodhau / te 'pi ca bodhisattvā gṛhasthāḥ pravrajitāś ca dārakadārikāś ca svakasvakaiḥ kuśalamūlair bhagavantaṃ śākyamuniṃ tathāgatam arhantaṃ samyaksaṃbuddhaṃ satkurvanti sma gurūkurvanti sma mānayanti sma pūjayanti yā / pūrvadakṣiṇasyān diśi gaṅgānadīvālukopamān lokadhātūn atikramya yaḥ sarvapaścimo lokadhātur bodhimaṇḍālaṅkārasurucirā nāma tatra padmottaraśrīr nāma tathāgato 'rhan samyaksaṃbuddhas tiṣṭhati dhriyate yāpayati / sa imām eva prajñāpāramitāṃ bodhisattvebhyo mahāsattvebhyaḥ saṃprakāśayati //

atha tatra lokadhātau padmahasto nāma bodhisattvo mahāsattvas taṃ mahāntam avabhāsan tañ ca mahāntaṃ pṛthivīcālan tañ ca tathāgatasyāsecanakadarśanam ātmabhāvaṃ dṛṣṭvā yena bhagavān padmottaraśrīs tathāgato 'rhan samyaksaṃbuddhas tenopasaṃkrāntaḥ / upasaṃkramya te bhagavantaṃ padmottaraśriyaṃ tathāgatam arhantaṃ samyaksaṃbuddham etad avocat / ko bhagavan hetuḥ kaḥ pratyayo 'sya mahato 'vabhāsasya loke prādurbhāvāyāsya ca mahataḥ pṛthivīcālasyāsya cedṛśyasya tathāgatakāyasya sandarśanāya //

evam ukte bhagavān padmottaraśrīs tathāgato 'rhan samyaksaṃbuddhas taṃ padmahastaṃ bodhisattvaṃ mahāsattvam etad avocat / eṣa kulaputra paścimottarasyān diśi gaṅgānadīvālukopamān lokadhātūn atikramya sahā nāma lokadhātus tatra śākyamunir nāma tathāgato 'rhan samyaksaṃbuddhas tiṣṭhati dhriyate yāpayati / sa bodhisattvebhyo mahāsattvebhyaḥ prajñāpāramitāṃ saṃprakāśayati / tasyaiṣa īdṛśo 'nubhāvaḥ //

atha padmahasto bodhisattvo mahāsattvas taṃ bhagavantaṃ padmottaraśriyaṃ tathāgatam arhantaṃ samyaksaṃbuddham etad avocat / gaccheyam ahaṃ bhagavaṃs tāṃ sahāṃ lokadhātuṃ tasya bhagavataḥ śākyamunes tathāgatasyārhataḥ samyaksaṃbuddhasya darśanāya vandanāya paryupāsanāya / teṣāñ ca bodhisattvānāṃ mahāsattvānāṃ sarveṣāṃ prāyaḥ kumārabhūtānāṃ dhariṇīpratisaṃvinnirhārapratilabdhānāṃ sarvasamādhisamāpattivaśitāprāptānām / sa bhagavān padmottaraśrīs tathāgata āha / gaccha tvaṃ kulaputra tāṃ sahāṃ lokadhātuṃ yasyedānīṃ kālaṃ manyase //

atha padmottaraśrīs tathāgato 'rhan samyaksaṃbuddho nānāratnamayānāṃ suvarṇanirbhāsānāṃ sahasrapattrāṇāṃ padmānāṃ sahasraṃ padmahastāya bodhisattvāya mahāsattvāya prādāt / ebhiḥ kulaputra padmais taṃ bhagavantaṃ śākyamuniṃ tathāgatam arhantaṃ samyaksaṃbuddham abhyavakira / saṃprajānavicārī ca kulaputra tatra buddhakṣetre bhavet / tat kasya hetor durāsadā hi te bodhisattvā mahāsattvā ye tatra lokadhātāv upapannāḥ / mā tatra kṣaṇethāḥ //

atha padmahasto bodhisattvo mahāsattvas tasya bhagavataḥ padmottaraśriyas tathāgatasyārhataḥ samyaksaṃbuddhasyāntikāt tāni suvarṇanirbhāsāni sahasrapattrāṇi padmāni gṛhītvānekair bodhisattvakoṭīniyutaśatasahasraiḥ sārdhaṃ gṛhasthaiḥ pravrajitaiś ca dārakadārikārūpibhiś ca tato buddhakṣetrād antarhito yāvantaḥ pūrvasyān diśi buddhā bhagavantas tiṣṭhanti dhriyante yāpayanti, tān sarvān satkurvan gurūkurvan mānayan pūjayan puṣpadhūpagandhamālyavilepanacūrṇacīvaracchattradhvajapatākābhir mahatyā bodhisattvardhyā mahatā bodhisattvānubhāvena yena bhagavān śākyamunis tathāgato 'rhan samyaksaṃbuddhas tenopasaṃkrāntaḥ / upasaṃkramya bhagavataḥ pādau śirasā vanditvā ekānte 'sthāt / ekānte sthitaḥ padmahasto bodhisattvo mahāsattvo bhagavantam etad avocat / padmottaraśrīr bhagavan samyaksaṃbuddhas tathāgato 'rhan bhagavato 'lpābādhatāṃ paripṛcchaty alpātaṅkatāñ ca laghūtthānatāṃ balañ ca sukhasparśavihāratāñ ca / imāni ca tena bhagavatā padmottaraśriyā tathāgatenārhatā samyaksaṃbuddhena suvarṇanirbhāsāni sahasrapattrāṇi padmāni praṇihitāni bhagavataḥ pūjākarmaṇe //

atha bhagatān śākyamunis tathāgato 'rhan samyaksaṃbuddhas tāni padmāni gṛhītvā yena pūrvadakṣiṇasyān diśi gaṅgānadīvālukopameṣu lokadhātuṣu tathāgatā arhantaḥ samyaksaṃbuddhās tenākṣaipsīt //

atha taiḥ padmaiḥ sarve lokadhātavaḥ sphuṭā abhūvan / tatra ca padmeṣu tathāgatavigrahā niṣaṇṇā dharmaṃ deśayanti sma / yad utemām eva ṣaṭpāramitām ārabhya / yaiś ca sattvaiḥ sā dharmadeśanā śrutā te sarve niyatā abhūvann anuttarāyāṃ samyaksaṃbodhau / te 'pi bodhisattvā mahāsattvā gṛhasthāḥ pravrajitāś ca dārakadārikāś ca svakasvakaiḥ kuśalamūlair bhagavantaṃ śākyamuniṃ tathāgatam arhantaṃ samyaksaṃbuddhaṃ satkurvanti sma / gurūkurvanti sma / mānayanti sma / pūjayanti sma / dakṣiṇapaścimāyān diśi gaṅgānadīvālukopamān lokadhātūn atikramya yaḥ sarvapaścimo lokadhātur vigatarājasaṃbhavā nāma tatra sūryamaṇḍalapratibhāsottamaśrīr nāma tathāgato 'rhan samyaksaṃbuddhas tiṣṭhati dhriyate yāpayati / sa imām eva prajñāpāramitāṃ bodhisattvebhyo mahāsattvebhyaḥ saṃprakāśayati //

atha tatra lokadhātau sūryapratibhāso nāma bodhisattvo mahāsattvas taṃ mahāntam avabhāsan tañ ca mahāntaṃ pṛthivīcālan tañ ca tathāgatasyāsecanakadarśanam ātmabhāvaṃ dṛṣṭvā yena sa bhagavān sūryamaṇḍalapratibhāsottamaśrīs tathāgatas tenopamakrāntaḥ / upasaṃkramya taṃ bhagavantaṃ sūryamaṇḍalapratibhāsottamaśriya tathāgatam arhantaṃ samyaksaṃbuddham etad avocat / ko bhagavan hetuḥ kaḥ pratyayo 'syā mahato 'vabhāsasya loke prādūrbhāvāyāsya ca mahataḥ pṛthivīcālasyāsya cedṛśasya tathāgatakāyasya sandarśanāya //

evam uktaṃ bhagavān sūryamaṇḍalapratibhāsottamaśrīr nāma tathāgato 'rhan samyaksaṃbuddhas taṃ sūryapratibhāsaṃbodhisattvaṃ mahāsattvam etad avocat / eṣa kulaputra uttarapūrvasyān diśi gaṅgānadīvālukopamān lokadhātūn atikramya sahā nāma lokadhātus tatra śākyamunir nāma tathāgato 'rhan samyaksaṃbuddhas tiṣṭhati dhriyate yāpathati / sa bodhisattvebhyo mahāsattvebhyaḥ prajñāpāramitāṃ saṃprakāśayati / tasyaiṣa īdṛśo 'nubhāvaḥ //

atha sūryapratibhāso bodhisattvo mahāsattvas taṃ bhagavantaṃ sūryamaṇḍalapratibhāsottamaśriyaṃ tathāgatam arhantaṃ samyaksaṃbuddham etad avocat / gaccheyam ahaṃ bhagavaṃs tāṃ sahāṃ lokadhātuṃ tasya bhagavataḥ śākyamunes tathāgatasyārhataḥ samyaksaṃbuddhasya darśanāya vandanāya paryupāsanāya / teṣāñ ca bodhisattvānāṃ mahāsattvānāṃ sarveṣāṃ prāyaḥ kumārabhūtānāṃ dhāraṇīpratisaṃvinnirhārapratilabdhānāṃ sarvasamādhisamāpattivaśitāprāptānām / sa bhagavān sūryamaṇḍalapratibhāsottamaśrīs tathāgata āha / gaccha tvaṃ kulaputra tāṃ sahāṃ lokadhātuṃ yasyedānīṅ kālaṃ manyase //

atha sūryamaṇḍalapratibhāsottamaśrīs tathāgato 'han samyaksaṃbuddho nānāratnamayānāṃ suvarṇanirbhāsānāṃ sahasrapattrāṇāṃ padmānāṃ sahasraṃ sūryapratibhāsāya bodhisattvāya mahāsattvāya prādāt / ebhiḥ kulaputra padmais taṃ bhagavantaṃ śākyamuniṃ tathāgatam arhantaṃ samyaksaṃbuddham abhyavakira / saṃprajānavihārī ca kulaputra tatra buddhakṣetre bhavet / tat kasya hetor durāsadā hi te bodhisattvā mahāsattvā ye tatra lokadhātāv upapannāḥ mā tatra kṣaṇethāḥ //

atha sūryapratibhāso bodhisattvo mahāsattvas tasya bhagavataḥ sūryamaṇḍalapratibhāsottamaśriyas tathāgatasyārhataḥ samyaksaṃbuddhasyāntikāt tāni suvarṇanirbhāsāni sahasrapattrāṇi padmāni gṛhītvānekair bodhisattvakoṭīniyutaśatasahasraiḥ sārdhaṃ gṛhasthaiḥ pravrajitaiś ca dārakadārikārūpibhiś ca tato buddhakṣetrād antarhito yāvanto dakṣiṇapaścimāyān diśi buddhā bhagavantas tiṣṭhanti dhriyanta yāpayanti, tān sarvān satkurvan gurūkurvan mānayan pūjayan puṣpadhūpagandhamālyavilepanacūrṇacīvaracchattradhvajapatākābhir mahatyā bodhisattvardhyā mahatā bodhisattvānubhāvena yena bhagavān śākyamunis tathāgato 'han samyaksaṃbuddhas tenopasaṃkrāntaḥ / upasaṃkramya bhagavataḥ pādau śirasā vanditvā ekānte 'sthād ekānte sthitaḥ sūryapratibhāso bodhisattvo mahāsattvo bhagavantam etad avocat / sūryamaṇḍalapratibhāsottamaśrīs tathāgato 'rhan samyaksaṃbuddho bhagavato 'lpābādhatāṃ paripṛcchaty alpātaṅkatāṃ laghūtthānatāṃ balañ ca sukhasparśavihāratāñ ca / imāni ca tena bhagavatā sūryamaṇḍalapratibhāsottamaśriyā tathāgatenārhatā samyaksaṃbuddhena suvarṇanirbhāsāni sahasrapattrāṇi padmāni prahitāni bhagavataḥ pūjākarmaṇe //

atha bhagavān śākyamunis tathāgato 'rhan samyaksaṃbuddhas tāni padmāni gṛhītvā yena te dakṣiṇapaścimāyān diśi gaṅgānadīvālukopameṣu lokadhātuṣu tathāgatā arhantaḥ samyaksaṃbuddhās tenākṣaipsīt //

atha taiḥ padmaiḥ sarve lokadhātavaḥ sphuṭā abhūvan / tatra ca padmeṣu tathāgatavigrahā niṣaṇṇā dharmaṃ deśayani sma / yad utemām eva ṣaṭpāramitām ārabhya / yaiś ca sattvaiḥ sā dharmadeśanā śrutā te sarve niyatā abhūvann anuttarāyāṃ samyaksaṃbodhau / te 'pi bodhisattvā gṛhasthāḥ pravrajitāś ca dārakadārikāś ca svakasvakaiḥ kuśalamulair bhagavantaṃ śākyamuniṃ tathāgatam arhantaṃ samyaksaṃbuddhaṃ satkurvanti sma / gurūkurvanti sma / mānayanti sma / pūjayanti sma / paścimottarasyān diśi gaṅgānadīvālukopamān lokadhātūn atikramya yaḥ sarvapāścimo lokadhātur vaśībhūtā nāma tatra ekachattro nāma tathāgato 'rhan samyaksaṃbuddhas tiṣṭhati dhriyate yāpayati / imām eva prajñāpāramitāṃ bodhisattvebhyo mahāsattvebhyaḥ saṃprakāśayati //

atha tatra lokadhātau ratnottamo nāma bodhisattvo mahāsattvas taṃ mahāntam avabhāsaṃ tañ ca mahāntaṃ pṛthivīcalaṃ tañ ca tathāgatasyāsecanakadarśanam ātmabhāvaṃ dṛṣṭvā yena bhagavān ekachattras tathāgāto 'rhan samyaksaṃbuddhas tenopasaṃkrāntaḥ / upasaṃkramya taṃ bhagavantam ekachattraṃ tathāgatam arhantaṃ samyaksaṃbuddham etad avocat / ko bhagavan hetuḥ kaḥ pratyayo 'sya mahato 'vabhāsasya loke prādūrbhāvāyāsya ca mahataḥ pṛthivīcālasyāsya cedṛśasya tathāgatakāyasya sandarśanāya //

evam ukte bhagavān ekachattras tathāgato 'rhan samyaksaṃbuddhas taṃ ratnottamaṃ bodhisattvaṃ mahāsattvam etad avocat / eṣa kulaputra dakṣiṇapaścimāyān diśi gaṅgānadīvālukopamān lokadhātūn atikramya sahā nāma lokadhātuḥ, tatra śākyamunir nāmo tathāgato 'rhan samyaksaṃbuddhas tiṣṭhati dhriyate yāpayati / sa bodhisattvebhyo mahāsattvebhaḥ prajñāpāramitāṃ saṃprakāśayati / tasyaiṣa īdṛśo 'nubhāvaḥ //

atha ratnottamo bodhisattvo mahāsattvo bhagavantam ekachattraṃ tathāgatam arhantaṃ samyaksaṃbuddham etad avocat / gaccheyam ahaṃ bhagavaṃs tāṃ sahāṃ lokadhātuṃ tasya bhagavataḥ śākyamunes tathāgatasyārhataḥ samyaksaṃbuddhasya darśanāya vandanāya paryupāsanāya / teṣāñ ca bodhisattvānāṃ mahāsattvānāṃ sarveṣāṃ prāyaḥ kumārabhūtānāṃ dhariṇīpratisaṃvinnirhārapratilabdhānāṃ sarvasamādhisamāpattivaśitāprāptānām / sa bhagavān ekachattras tathāgata āha / gaccha tvaṃ kulaputra tāṃ mahāṃ lokadhātuṃ yasyedānīṃ kālaṃ manyase //

athaikachattras tathāgato 'rhan samyaksaṃbuddho nānāratnamayānāṃ suvarṇanirbhāsānāṃ sahasrapattrāṇāṃ padmānāṃ sahasraṃ ratnottamāya bodhisattvāya mahāsattvāya prādāt / ebhiḥ kulaputra padmais taṃ bhagavantaṃ śākyamuniṃ tathāgatam arhantaṃ samyaksaṃbuddham abhyavakira / saṃprajānavihārī ca kulaputra tatra buddhakṣetre bhavet / tat kasya hetor durāsadā hi te bodhisattvā mahāsattvā ye tatra lokadhātāv upapannāḥ mā tatra kṣaṇethāḥ /

atha ratnottamo bodhisattvo mahāsattvas tasya bhagavata ekachattrasya tathāgatasyārhataḥ samyaksaṃbuddhasyāntikāt tāni suvarṇanirbhāsāni sahasrapattrāṇi padmāni gṛhītvānekair bodhisattvakoṭīniyutaśatasahasraiḥ sārdhaṃ gṛhasthaiḥ pravrajitaiś ca dārakadārikārūpibhiś ca tato buddhakṣetrād antarhito yāvantaḥ paścimottarasyān diśi buddhā bhagavantas tiṣṭhanti dhriyante yāpayanti / tān sarvān satkurvan gurūkurvan mānayan pūjayan puṣpadhūpapagandhamālyavilepanacūrṇacīvarachattradhvajapatākābhir mahatyā bodhisattvardhyā mahatā ca bodhisattvānubhāvena / yena bhagavāṃ cchākyamunis tathāgato 'rhan samyaksaṃbuddhas tenopasaṃkrāntaḥ / upasaṃkramya bhagavataḥ pādau śirasā vanditvā ekānte 'sthāt / ekānte sthito ratnottamo bodhisattvo mahāsattvo bhagavantam etad avocat / ekachattro bhagavaṃs tathāgato 'rhan samyaksaṃbuddho bhagavato 'lpābādhatāṃ paripṛcchaty alpātaṅkatāṃ laghūtthānatāṃ balañ ca sukhasparśavihāratāñ ca / imāni ca tena bhagavatā ekachattreṇa tathāgatenārhatā samyaksaṃbuddhena suvarṇanirbhāsāni sahasrapattrāṇi padmāni prahitāni bhagavataḥ pūjākarmaṇe /

atha bhagavāṃ cchākyamunis tathāgato 'rhan samyaksaṃbuddhas tāni padmāni gṛhītvā yena te paścimottarasyān diśi gaṅgānadīvālukopameṣu lokadhātuṣu tathāgatā arhantaḥ samyaksaṃbuddhās tenākṣaipsīt /

atha taiḥ padmais te sarve lokadhātavaḥ sphuṭā abhūvan / tatra ca padmeṣu tathāgatavigrahā niṣaṇṇā dharmaṃ deśayanti sma / yad utemām eva ṣaṭpāramitām ārabhya / yaiś ca sattvaiḥ sā dharmadeśanā śrutā te sarve niyatā abhūvann anuttarāyāṃ samyaksaṃbodhau / te 'pi bodhisattvā gṛhasthāḥ pravrajitāś ca dārakadārikāś ca svakasvakaiḥ kuśalamūlair bhagavantaṃ śākyamuniṃ tathāgatam arhantaṃ samyaksaṃbuddhaṃ satkurvanti sma / gurūkurvanti sma / mānayanti sma / pūjayanti sma / adhastād diśi gaṅgānadīvālukopamān lokadhātūn atikramya yaḥ sarvapaścimo lokadhātuḥ padmā nāma tatra padmaśrīr nāma tathāgato 'rhan samyaksaṃbuddhas tiṣṭhati dhriyate yāpayati / imām eva prajñāpāramitāṃ bodhisattvebhyo mahāsattvebhyaḥ saṃprakāśayati /

atha tatra lokadhātau padmottaro nāma bodhisattvo mahāsattvas taṃ mahāntam avabhāsaṃ tañ ca mahāntaṃ pṛthivīcālaṃ tañ ca tathāgatasyāsecanakadarśanam ātmabhāvaṃ dṛṣṭvā yena sa bhagavān padmaśrīs tathāgato 'rhan samyaksamabuddhas tenopasaṃkrāntaḥ / upasaṃkramya taṃ bhagavantaṃ padmaśriyaṃ tathāgatam arhantaṃ samyaksaṃbuddham etad avocat / ko bhagavan hetuḥ kaḥ pratyayo 'sya mahato 'vabhāsasya loke prādurbhāvāyāsya ca mahataḥ pṛthivīcālasyāsya cedṛśasya tathāgatakāyasya sandarśanāya /

evam ukte bhagavān padmaśrīs tathāgato 'rhan samyaksaṃbuddhas taṃ padmottaraṃ bodhisattvaṃ mahāsattvam etad avocat / eṣa kulaputra upariṣṭād diśi gaṅgānadīvālukopamān lokadhātūn atikramya sahā nāma lokadhātus tatra śākyamunir nāma tathāgato 'rhan samyaksaṃbuddhas tiṣṭhati dhriyate yāpayati / bodhisattvebhyo mahāsattvebhyaḥ prajñāpāramitāṃ saṃprakāśayati / tasyaiva īdṛśo 'nubhāvaḥ /

atha padmottaro bodhisattvo mahāsattvas taṃ bhagavantaṃ padmaśriyaṃ tathāgatam arhantaṃ samyaksaṃbuddham etad avocat / gaccheyam ahaṃ bhagavaṃs tāṃ sahāṃ lokadhātuṃ tasya bhagavataḥ śākyamunes tathāgatasyārhataḥ samyaksaṃbuddhasya darśanāya vandanāya paryupāsanāya / teṣāñ ca bodhisattvānāṃ mahāsattvānāṃ prāyaḥ kumārabhūtānāṃ dhāraṇīpratisaṃvinnirhārapratilabdhānāṃ sarvasamādhisamāpattivaśitāprāptānām / sa bhagavān padmaśrīs tathāgata āha / gaccha tvaṃ kulaputra tāṃ sahāṃ lokadhātuṃ yasyedānīṃ kālaṃ manyase /

atha padmaśrīs tathāgato 'rhan samyaksaṃbuddho nānāratnamayānāṃ suvarṇanirbhāsānāṃ sahasrapattrāṇāṃ padmānāṃ sahasraṃ padmottarāya bodhisattvāya mahāsattvāya prādāt / ebhiḥ kulaputra padmais taṃ bhagavantaṃ śākyamuniṃ tathāgatam arhantaṃ samyaksaṃbuddham abhyavakira / saṃprajānavihārī ca kulaputra tatra buddhakṣetre bhavet / tat kasya hetor durāsadā hi te bodhisattvā mahāsattvā ye tatra lokadhātāv upapannāḥ mā tatra kṣaṇethā /

atha padmottaro bodhisattvo mahāsattvas tasya bhagavataḥ padmaśriyas tathāgatasyārhataḥ samyaksaṃbuddhasyāntikāt tāni suvarṇanirbhāsāni sahasrapattrāṇi padmāni gṛhītvānekair bodhisattvakoṭīniyutaśatasahasraiḥ sārdhaṃ gṛhasthaiḥ pravrajitaiś ca dārakadārikārūpibhiś ca tato buddhakṣetrād antarhito yāvanto 'dhastād diśi buddhā bhagavantas tiṣṭhanti dhriyante yāpayanti tān sarvān satkurvan gurūkurvan mānayan pūjayan puṣpadhaūpagandhamālyavilepanacūrṇacīvaravastrābharaṇachattradhvajapatākābhir mahatyā bodhisattvardhyā mahatā bodhisattvānubhāvena / yena bhagavān śākyamunis tathāgato 'rhan samyaksaṃbuddhas tenopasaṃkrāntaḥ upasaṃkramya bhagavata pādau śirasā vanditvā ekānte 'sthāt / ekānte sthitaḥ padmottaro bodhisattvo mahāsattvo bhagavantam etad avocat / padmaśrīr bhagavaṃs tathāgato 'rhan samyaksaṃbuddho bhagavato 'lpābādhatāṃ paripṛcchaty alpātaṅkatāṃ laghūtthānatāṃ balañ ca sukhasparśavihāratāñ ca / imāni ca tena bhagavatā padmaśriyā tathāgatenārhatā samyaksaṃbuddhena survarṇanirbhāsāni sahasrapattrāṇi padmāni praṇihitāni bhagavataḥ pūjākarmaṇe /

atha bhagavāñ chākyamunis tathāgato 'rhan samyaksaṃbuddhas tāni padmāni gṛhītvā yena te 'dhastād diśi gaṅgānadīvālukopameṣu lokadhātuṣu tathāgatā arhantaḥ samyaksaṃbuddhās tenākṣaipsīt /

atha taiḥ padmais te sarvalokadhātavaḥ sphuṭā abhūvan / tatra ca padmeṣu tathāgatavigrahā niṣaṇṇā dharmaṃ deśayanti sma / yad utemām eva ṣaṭpāramitām ārabhya / yaiś ca sattvaiḥ sā dharmadeśanā śrutā te sarve niyatā abhūvann anuttarāyāṃ samyaksaṃbodhau / te 'pi ca bodhisattvā gṛhasthāḥ pravrajitāś ca dārakadārikāś ca svakasvakaiḥ kuśalamūlair bhagavantaṃ śākyamuniṃ tathāgatam arhantaṃ samyaksaṃbuddhaṃ satkurvanti sma, gurūkurvanti sma mānayanti sma pūjayanti sma / upariṣṭād diśi gaṅgānadīvālukopamān lokadhātūn atikramya yaḥ sarvapaścimo lokadhātur nandā nāma tatra nandaśrīr nāma tathāgato 'rhan samyaksaṃbuddhas tiṣṭhati dhriyate yāpayati / sa imām eva prajñāpāramitāṃ bodhisattvebhyo mahāsattvebhyaḥ saṃprakāśayati /

atha tatra lokadhātau nandadatto nāma bodhisattvo mahāsattvas taṃ mahāntam avabhāsaṃ tañ ca mahāntaṃ pṛthivīcālaṃ tañ ca tathāgatasyāsecanakadarśanam ātmabhāvaṃ dṛṣṭvā yena bhagavān nandaśrīs tathāgato 'rhan samyaksaṃbuddhas tenopasaṃkrāntaḥ / upasaṃkramya taṃ bhagavantaṃ nandaśriyaṃ tathāgatam arhantaṃ samyaksaṃbuddham etad avocat / ko bhagavan hetuḥ kaḥ pratyayo 'sya mahato 'vabhāsasya loke prādurbhāvāyāsya ca mahataḥ pṛthivīcālasyāsya ca tathāgatakāyasya sandarśanāya /

evam ukte bhagavān nandaśrīs tathāgato 'rhan samyaksaṃbuddhas taṃ nandadattaṃ bodhisattvaṃ mahāsattvam etad avocat / eṣa kulaputrādhastād diśi gaṅgānadīvālukopamān lokadhātūn atikramya sahā nāma lokadhātus tatra śākyamunir nāma tathāgato 'rhan samyaksaṃbuddhas tiṣṭhati dhriyate yāpayati / sa bodhisattvebhyo mahāsattvebhyaḥ prajñāpāramitāṃ saṃprakāśayati tasyaiṣa īdṛśo 'nubhāvaḥ /

atha nandadatto bodhisattvo mahāsattvas taṃ nandaśriyaṃ tathāgatam arhantaṃ samyaksaṃbuddham etad avocat / gaccheyam ahaṃ bhagavaṃs tāṃ sahāṃ lokadhātuṃ tasya bhagavataḥ śākyamunes tathāgatasyārhataḥ samyaksaṃbuddhasya darśanāya vandanāya paryupāsanāya teṣāñ ca bodhisattvānāṃ mahāsattvānāṃ prāyaḥ kumārabhūtānāṃ dhāraṇīpratisaṃvinnirhārapratilabdhānāṃ sarvasamādhisamāpattivaśitāprāptānāṃ / sa bhagavān nandaśrīs tathāgata āha / gaccha tvaṃ kulaputra tāṃ sahāṃ lokadhātuṃ yasyedānīṃ kālaṃ manyase /

atha nandaśrīs tathāgato 'rhan samyaksaṃbuddho nānāratnamayānāṃ suvarṇanirbhāsānāṃ sahasrapattrāṇāṃ padmānāṃ sahasraṃ nandadattāya bodhisattvāya mahāsattvāya prādāt / ebhiḥ kulaputra padmais taṃ bhagavantaṃ śākyamuniṃ tathāgatam arhantaṃ samyaksaṃbuddham abhyavakira / saṃprajānavihārī ca kulaputra tatra buddhakṣetre bhavet tat kasya hetor durāsadā hi te bodhisattvā mahāsattvā ye tatra lokadhātāv upapannāḥ mā tatra kṣaṇethāḥ /

atha nandadatto bodhisattvo mahāsattvas tasya bhagavato nandaśriyas tathāgatasyārhataḥ samyaksaṃbuddhasyāntikāt tāni suvarṇanirbhāsāni sahasrapattrāṇi padmāni gṛhītvānekair bodhisattvakoṭīniyutaśatasahasraiḥ sārdhaṃ gṛhasthaiḥ pravrajitaiś ca dārakadārikārūpibhiś ca tato buddhakṣetrād antarhitaḥ / yāvanta upariṣṭād diśi buddhā bhagavantas tiṣṭhanti dhriyante yāpayanti tān sarvān satkurvan gurūkurvan mānayan pūjayan puṣpadhūpagandhamālyavilepanacūrṇacīvarachattradhvajapatākābhir mahatyā bodhisattvardhyā mahatā bodhisattvānubhāvena / yena bhagavāṃñ chākyamunis tathāgato 'rhan samyaksaṃbuddhas tenopasaṃkrāntaḥ / upasaṃkramya bhagavataḥ pādau śirasā vanditvā ekānte 'sthāt / ekānte sthito nandadatto bodhisattvo mahāsattvo bhagavantam etad avocat nandaśrīr bhagavaṃs tathāgato 'rhan samyaksaṃbuddho bhagavato 'lpābādhatāṃ paripṛcchaty alpātaṅkatāṃ laghūtthānatāṃ balañ ca sukhasparśavihāratāñ ca / imāni ca tena bhagavatā nandaśriyā tathāgatenārhatā samyaksaṃbuddhena suvarṇanirbhāsāni sahasrapattrāṇi padmāni praṇihitāni bhagavataḥ pūjākarmaṇe /

atha bhagavāṃñ chākyamunis tathāgato 'rhan samyaksaṃbuddhas tāni padmāni gṛhītvā yena te upariṣṭād diśi gaṅgānadīvālukopameṣu lokadhātuṣu tathāgatārhantaḥ samyaksaṃbuddhās tenākṣaipsīt /

atha taiḥ padmais te sarve lokadhātavaḥ sphuṭā abhūvan / tatra ca padmeṣu tathāgatavigrahā niṣaṇṇā dharmaṃ deśayanti sma / yad utemām eva ṣaṭpāramitām ārabhya yaiś ca sattvaiḥ sā dharmadeśanā śrutā te sarve niyatā abhūvann anuttarāyāṃ samyaksaṃbodhau / te 'pi ca bodhisattvā gṛhasthāḥ pravrajitā dārakadārikāś ca svakasvakaiḥ kuśalamūlair bhagavantaṃ śākyamuniṃ tathāgatam arhantaṃ samyaksaṃbuddhaṃ satkurvanti sma gurūkurvanti sma mānayanti sma pūjayanti sma //

atha tena kṣaṇalavamūhūrtenāyaṃ trisāhasramahāsāhasro lokadhātuḥ ratnamayaḥ saṃsthito 'bhūt vicitrapuṣpāvakīrṇo 'vasaktapaṭṭadāmakalāpo nānāgandhaghaṭikānirdhūpitaḥ / kalpavṛkṣair nānālaṅkāraphalāgraviṭapaiḥ sarvapuṣpavṛkṣaiḥ phalavṛkṣair gandhavṛkṣair mālyavṛkṣaiś cūrṇavṛkṣaiḥ pratimaṇḍitaḥ / tadyathāpi nāma padmāvatīlokadhātuḥ samantakusumasya tathāgatasyārhataḥ samyaksaṃbuddhasya buddhakṣetre mañjuśrīḥ kumāraḥ prativasati / sushitamatiś ca devaputro 'nye sumahaujaskā bodhisattvā mahāsattvāḥ / yadā ca bhagavān ājñāsīt sa devakaṃ lokaṃ samārakaṃ sabrahmakaṃ saśramaṇabrāhmaṇīṃ prajāṃ sadevamānuṣāsurāṃ tāṃś ca bodhisattvān mahāsattvān bhūyastvena kumārabhūtān / tadā bhagavān āyuṣmantaṃ śāradvatīputram āmantrayati sma / iha śāradvatīputra bodhisattvena mahāsattvena sarvākārān sarvadharmān abhisaṃboddhukāmena prajñāpāramitāyāṃ yogaḥ karaṇīyaḥ /

atha khalv āyuṣmāñ chāradvatīputro bhagavantam etad avocat kathaṃ bhagavan bodhisattvena mahāsattvena sarvākārān sarvadharmān abhisaṃboddhukāmena prajñāpāramitāyāṃ yogaḥ karaṇīyaḥ //

evam ukte bhagavān āyuṣmantaṃ śāradvatīputram etad avocat / iha śāradvatīputra bodhisattvena mahāsattvena prajñāpāramitāyāṃ sthitvā asthānayogena dānapāramitā paripūrayitavyā / aparityāgayogena deyadāyakaparigrāhakānupalabdhitām upādāya / śīlapāramitā paripūrayitavyā āpattyanāpattyanadhyāpattitām upādāya / kṣāntipāramitā paripūrayitavyā akṣobhanatām upādāya / vīryapāramitā paripūrayitavyā kāyacittavīryāsraṃsanatām upādāya / dhyānapāramitā paripūrayitavyā avikṣepāśaṅkaraṇatām upādāya / prajñāpāramitā paripūrayitavyā sarvadharmān upalabdhitām upādāya / prajñāpāramitāyāṃ śāradvatīputra sthitvā bodhisattvena mahāsattvena catvāri smṛtyupasthānāni paripūrayitavyāni smṛtyupasthānānupalabdhitām upādāya / prajñāpāramitāyāṃ śāradvatīputra sthitvā bodhisattvena mahāsattvena catvāri samyakprahāṇāni paripūrayitavyāni samyakprahāṇānupalabdhitām upādāya / prajñāpāramitāyāṃ śāradvatīputra sthitvā bodhisattvena mahāsattvena catvāraḥ ṛddhipādāḥ paripūrayitavyāḥ ṛddhipādānupalabdhitām upādāya / prajñāpāramitāyāṃ śāradvatīputra sthitvā bodhisattvena mahāsattvena pañcendriyāṇi paripūrayitavyāni indriyānupalabdhitām upādāya / prajñāpāramitāyāṃ śāradvatīputra sthitvā bodhisattvena mahāsattvena pañca balāni paripūrayitavyāni balānupalabdhitām upādāya / prajñāpāramitāyāṃ śāradvatīputra sthitvā bodhisattvena mahāsattvena saptabodhyaṅgāni paripūrayitavyāni bodhyaṅgānupalabdhitām upādāya /

prajñāpāramitāyāṃ śāradvatīputra sthitvā bodhisattvena mahāsattvena āryāṣṭāṅgamārgaḥ paripūrayitavyaḥ mārgānupalabdhitām upādāya / prajñāpāramitāyāṃ śāradvatīputra sthitvā bodhisattvena mahāsattvena śūnyatāsamādhiḥ paripūrayitavyaḥ śūnyatānupalabdhitām upādāya / prajñāpāramitāyāṃ śāradvatīputra sthitvā bodhisattvena mahāsattvenānimittaḥ samādhiḥ paripūrayitavyaḥ ānimittānupalabdhitām upādāya / prajñāpāramitāyāṃ śāradvatīputra sthitvā bodhisattvena mahāsattvenāpraṇihitaḥ paripūrayitavyaḥ apraṇihitānupalabdhitām upādāya / prajñāpāramitāyāṃ śāradvatīputra sthitvā bodhisattvena mahāsattvena catvāri dhyānāni paripūrayitavyāni dhyānānupalabdhitām upādāya / prajñāpāramitāyāṃ śāradvatīputra sthitvā bodhisattvena mahāsattvena catvāry apramāṇāni paripūrayitavyāni apramāṇānupalabdhitām upādāya / prajñāpāramitāyāṃ śāradvatīputra sthitvā bodhisattvena mahāsattvena catasraḥ ārūpyasamāpattayaḥ paripūrayitavyāḥ ārūpyānupalabdhitām upādāya / prajñāpāramitāyāṃ śāradvatīputra sthitvā bodhisattvena mahāsattvena aṣṭau vimokṣāḥ paripūrayitavyāḥ vimokṣānupalabdhitām upādāya / prajñāpāramitāyāṃ śāradvatīputra sthitvā bodhisattvena mahāsattvena navānupūrvavihārasamāpattiḥ paripūrayitavyāḥ anupūrvavihārānupalabdhitām upādāya / prajñāpāramitāyāṃ śāradvatīputra sthitvā bodhisattvena mahāsattvena pañcābhijñāḥ paripūrayitavyāḥ abhijñānupalabdhitām upādāya /

prajñāpāramitāyāṃ śāradvatīputra sthitvā bodhisattvena mahāsattvena navasaṃjñā bhāvayitavyā dhyātakasaṃjñā bhāvayitavyā dhyātakānupalabdhitām upādāya / prajñāpāramitāyāṃ śāradvatīputra sthitvā bodhisattvena mahāsattvena vipadākasaṃjñā bhāvayitavyā vipadākānupalabdhitām upādāya / prajñāpāramitāyāṃ śāradvatīputra sthitvā bodhisattvena mahāsattvena vipūtikasaṃjñā bhāvayitavyā vipūtikānupalabdhitām upādāya / prajñāpāramitāyāṃ śāradvatīputra sthitvā bodhisattvena mahāsattvena vilohitasaṃjñā bhāvayitavyā vilohitānupalabdhitām upādāya / prajñāpāramitāyāṃ śāradvatīputra sthitvā bodhisattvena mahāsattvena vinīlakasaṃjñā bhāvayitavyā vinīlakānupalabdhitām upādāya / prajñāpāramitāyāṃ śāradvatīputra sthitvā bodhisattvena mahāsattvena vikhāditakasaṃjñā bhāvayitavyā vikhāditakānupalabdhitām upādāya / prajñāpāramitāyāṃ śāradvatīputra sthitvā bodhisattvena mahāsattvena vikṣiptakamajñā bhāvayitavyā vikṣiptakānupalabdhitām upādāya / prajñāpāramitāyāṃ śāradvatīputra sthitvā bodhisattvena mahāsattvena asthisaṃjñā bhāvayitavyā asthanupalabdhitām upādāya / prajñāpāramitāyāṃ śāradvatīputra sthitvā bodhisattvena mahāsattvena vidagdhakasaṃjñā bhāvayitavyā vidagdhakānupalabdhitām upādāya / prajñāpāramitāyāṃ śāradvatīputra sthitvā bodhisattvena mahāsattvena āhāre pratikūlasaṃjñā bhāvayitavyā pratikūlānupalabdhitām upādāya / prajñāpāramitāyāṃ śāradvatīputra sthitvā bodhisattvena mahāsattvena buddhānusmṛtir bhāvayitavyā buddhānupalabdhitām upādāya /

prajñāpāramitāyāṃ śāradvatīputra sthitvā bodhisattvena mahāsattvena dharmānusmṛtir bhāvayitavyā dharmānupalabdhitām upādāya / prajñāpāramitāyāṃ śāradvatīputra sthitvā bodhisattvena mahāsattvena saṅghānusmṛtir bhāvayitavyā saṅghānupalabdhitām upādāya / prajñāpāramitāyāṃ śāradvatīputra sthitvā bodhisattvena mahāsattvena tyāgānusmṛtir bhāvayitavyā tyāgānupalabdhitām upādāya / prajñāpāramitāyāṃ śāradvatīputra sthitvā bodhisattvena mahāsattvena devatānusmṛtir bhāvayitavyā devatānupalabdhitām upādāya / prajñāpāramitāyāṃ śāradvatīputra sthitvā bodhisattvena mahāsattvena ānāpānānusmṛtir bhāvayitavyā ānāpānānupalabdhitām upādāya / prajñāpāramitāyāṃ śāradvatīputra sthitvā bodhisattvena mahāsattvena udvegānusmṛtir bhāvayitavyā udvegānupalabdhitām upādāya / prajñāpāramitāyāṃ śāradvatīputra sthitvā bodhisattvena mahāsattvena maraṇānusmṛtir bhāvayitavyā maraṇānupalabdhitām upādāya / prajñāpāramitāyāṃ śāradvatīputra sthitvā bodhisattvena mahāsattvena kāyagatānusmṛtir bhāvayitavyā kāyānupalabdhitām upādāya / prajñāpāramitāyāṃ śāradvatīputra sthitvā bodhisattvena mahāsattvena anityasaṃjñā bhāvayitavyā anityānupalabdhitām upādāya / prajñāpāramitāyāṃ śāradvatīputra sthitvā bodhisattvena mahāsattvena duḥkhasaṃjñā bhāvayitavyā duḥkhānupalabdhitām upādāya / prajñāpāramitāyāṃ śāradvatīputra sthitvā bodhisattvena mahāsattvena anātmasaṃjñā bhāvayitavyā anātmānupalabdhitām upādāya /

prajñāpāramitāyāṃ śāradvatīputra sthitvā bodhisattvena mahāsattvena aśubhasaṃjñā bhāvayitavyā aśubhānupalabdhitām upādāya / prajñāpāramitāyāṃ śāradvatīputra sthitvā bodhisattvena mahāsattvena sarvalokānabhiratisaṃjñā bhāvayitavyā anabhiratyanupalabditām upādāya / prajñāpāramitāyāṃ śāradvatīputra sthitvā bodhisattvena mahāsattvena aviśvāsasaṃjñā bhāvayitavyā aviśvāsānupalabdhitām upādāya / prajñāpāramitāyāṃ śāradvatīputra sthitvā bodhisattvena mahāsattvena duḥkhasaṃjñānaṃ bhāvayitavyaṃ duḥkhānupalabdhitām upādāya / prajñāpāramitāyāṃ śāradvatīputra sthitvā bodhisattvena mahāsattvena samudayajñānaṃ bhāvayitavyaṃ samudayānupalabdhitām upādāya / prajñāpāramitāyāṃ śāradvatīputra sthitvā bodhisattvena mahāsattvena nirodhajñānaṃ bhāvayitavyaṃ nirodhānupalabdhitām upādāya / prajñāpāramitāyāṃ śāradvatīputra sthitvā bodhisattvena mahāsattvena mārgajñānaṃ bhāvayitavyaṃ mārgānupalabdhitām upādāya / prajñāpāramitāyāṃ śāradvatīputra sthitvā bodhisattvena mahāsattvena kṣayajñānaṃ bhāvayitavyaṃ kṣayānupalabdhitām upādāya / prajñāpāramitāyāṃ śāradvatīputra sthitvā bodhisattvena mahāsattvena anutpādajñānaṃ bhāvayitavyaṃ anutpādānupalabdhitām upādāya / prajñāpāramitāyāṃ śāradvatīputra sthitvā bodhisattvena mahāsattvena dharmajñānaṃ bhāvayitavyaṃ dharmānupalabdhitām upādāya / prajñāpāramitāyāṃ śāradvatīputra sthitvā bodhisattvena mahāsattvena anvayajñānaṃ bhāvayitavyaṃ anvayānupalabdhitām upādāya /

prajñāpāramitāyāṃ śāradvatīputra sthitvā bodhisattvena mahāsattvena saṃvṛtijñānaṃ bhāvayitavyaṃ saṃvṛtyanupalabdhitām upādāya / prajñāpāramitāyāṃ śāradvatīputra sthitvā bodhisattvena mahāsattvena paricayajñānaṃ bhāvayitavyaṃ paricayānupalabdhitām upādāya / prajñāpāramitāyāṃ śāradvatīputra sthitvā bodhisattvena mahāsattvena yathārutajñānaṃ bhāvayitavyaṃ yathārutānupalabdhitām upādāya / prajñāpāramitāyāṃ śāradvatīputra sthitvā bodhisattvena mahāsattvena savitarkaḥ savicāraḥ samādhiḥ paripūrayitavyaḥ vitarkavicārānupalabdhitām upādāya / prajñāpāramitāyāṃ śāradvatīputra sthitvā bodhisattvena mahāsattvena avitarkāvicāramātraḥ samādhiḥ paripūrayitavyaḥ avitarkāvicārānupalabdhitām upādāya / prajñāpāramitāyāṃ śāradvatīputra sthitvā bodhisattvena mahāsattvenājñāsyāmītīndriyaṃ paripūrayitavyaṃ ājñāsyāmītīndriyānupalabdhitām upādāya / prajñāpāramitāyāṃ śāradvatīputra sthitvā bodhisattvena mahāsattvenājñendriyaṃ paripūrayitavyaṃ ājñendriyānupalabdhitām upādāya / prajñāpāramitāyāṃ śāradvatīputra sthitvā bodhisattvena mahāsattvenājñātāvīndriyaṃ paripūrayitavyaṃ ājñātāvīndriyānupalabdhitām upādāya / prajñāpāramitāyāṃ śāradvatīputra sthitvā bodhisattvena mahāsattvena abhidhyāyatanaṃ paripūrayitavyam abhidhyāyatanānupalabdhitām upādāya / prajñāpāramitāyāṃ śāradvatīputra sthitvā bodhisattvena mahāsattvena kṛtsnāyatanaṃ paripūrayitavyaṃ kṛtsnāyatanānupalabdhitām upādāya /

prajñāpāramitāyāṃ śāradvatīputra sthitvā bodhisattvena mahāsattvena catvāri saṃgrahavastūni paripūrayitavyāni vastvanupalabdhitām upādāya / prajñāpāramitāyāṃ śāradvatīputra sthitvā bodhisattvena mahāsattvena vyavasthānāni paripūrayitavyāni vyavyasthānānupalabdhitām upādāya / prajñāpāramitāyāṃ śāradvatīputra sthitvā bodhisattvena mahāsattvena daśabhūmayaḥ paripūrayitavyāḥ bhūmyanupalabdhitām upādāya / prajñāpāramitāyāṃ śāradvatīputra sthitvā bodhisattvena mahāsattvena daśa caryāḥ paripūrayitavyāḥ caryānupalabdhitām upādāya / prajñāpāramitāyāṃ śāradvatīputra sthitvā bodhisattvena mahāsattvena daśa kṣāntayaḥ paripūrayitavyāḥ kṣāntyanupalabdhitām upādāya / prajñāpāramitāyāṃ śāradvatīputra sthitvā bodhisattvena mahāsattvena viṃśatir adhyāśayāḥ paripūrayitavyāḥ adhyāśayānupalabdhitām upādāya / prajñāpāramitāyāṃ śāradvatīputra sthitvā bodhisattvena mahāsattvena sarvajñajñānaṃ paripūrayitavyaṃ sarvajñajñānānupalabdhitām upādāya / prajñāpāramitāyāṃ śāradvatīputra sthitvā bodhisattvena mahāsattvena śamathavipaśyanājñānaṃ paripūrayitavyaṃ śamathavipaśyanājñānānupalabdhitām upādāya / prajñāpāramitāyāṃ śāradvatīputra sthitvā bodhisattvena mahāsattvena tisro 'vidyāḥ paripūrayitavyāḥ avidyānupalabdhitām upādāya / prajñāpāramitāyāṃ śāradvatīputra sthitvā bodhisattvena mahāsattvena catasraḥ pratisaṃvidaḥ paripūrayitavyāḥ pratisaṃvidānupalabdhitām upādāya /

prajñāpāramitāyāṃ śāradvatīputra sthitvā bodhisattvena mahāsattvena catvāri vaiśāradyāni paripūrayitavyāni vaiśāradyānupalabdhitām upādāya / prajñāpāramitāyāṃ śāradvatīputra sthitvā bodhisattvena mahāsattvena acyutāḥ pañcābhijñāḥ paripūrayitavyāḥ acyutānupalabdhitām upādāya / prajñāpāramitāyāṃ śāradvatīputra sthitvā bodhisattvena mahāsattvena ṣaṭpāramitāḥ paripūrayitavyāḥ ṣaṭpāramitānupalabdhitām upādāya / prajñāpāramitāyāṃ śāradvatīputra sthitvā bodhisattvena mahāsattvena sapta dhanāni paripūrayitavyāni dhanānupalabdhitām upādāya / prajñāpāramitāyāṃ śāradvatīputra sthitvā bodhisattvena mahāsattvenāṣṭau puruṣavitarkāḥ paripūrayitavyāḥ vitarkānupalabdhitām upādāya / prajñāpāramitāyāṃ śāradvatīputra sthitvā bodhisattvena mahāsattvena navasattvavāsāḥ paripūrayitavyāḥ sattvavāsānupalabdhitām upādāya / prajñāpāramitāyāṃ śāradvatīputra sthitvā bodhisattvena mahāsattvena daśa balāni paripūrayitavyāni balānupalabdhitām upādāya / prajñāpāramitāyāṃ śāradvatīputra sthitvā bodhisattvena mahāsattvenāṣṭādaśāveṇikabuddhadharmāḥ paripūrayitavyāḥ āveṇikabuddhadharmānupalabdhitām upādāya / prajñāpāramitāyāṃ śāradvatīputra sthitvā bodhisattvena mahāsattvena mahāmaitrī paripūrayitavyā mahāmaitryanupalabdhitām upādāya / prajñāpāramitāyāṃ śāradvatīputra sthitvā bodhisattvena mahāsattvena mahākaruṇā paripūrayitavyā mahākaruṇānupalabdhitām upādāya / prajñāpāramitāyāṃ śāradvatīputra sthitvā bodhisattvena mahāsattvena mahāmuditā paripūrayitavyā mahāmuditānupalabdhitām upādāya /

prajñāpāramitāyāṃ śāradvatīputra sthitvā bodhisattvena mahāsattvena mahopekṣā paripūrayitavyā mahopekṣānupalabdhitām upādāya / prajñāpāramitāyāṃ śāradvatīputra sthitvā bodhisattvena mahāsattvena sarvākāravaropetaṃ sarvajñajñānam abhisaṃboddhukāmena bodhisattvena mahāsattvena prajñāpāramitāyāṃ yogaḥ karaṇīyaḥ / mārgākārajñatāṃ parijñātukānena bodhisattvena mahāsattvena prajñāpāramitāyāṃ yogaḥ karaṇīyaḥ / sarvajñatāṃ paripūrayitukāmena bodhisattvena mahāsattvena prajñāpāramitāyāṃ yogaḥ karaṇīyaḥ / sarvasattvacittacaritajñānākāratāṃ paripūrayitukāmena bodhisattvena mahāsattvena prajñāpāramitāyāṃ yogaḥ karaṇīyaḥ / sarvavāsanānusandhikleśān prahātukāmena bodhisattvena mahāsattvena prajñāpāramitāyāṃ yogaḥ karaṇīyaḥ / evaṃ hi śāradvatīputra bodhisattvena mahāsattvena / prajñāpāramitāyāṃ śikṣitavyaṃ / bodhisattvanyāmaṃ śāradvatīputrāvakramitukāmena bodhisattvena mahāsattvena prajñāpāramitāyāṃ śikṣitavyaṃ / śrāvakabhūmipratyekabuddhabhūmī prajñātukāmena te ca bhūmī atikramitukāmena bodhisattvena mahāsattvena prajñāpāramitāyāṃ śikṣitavyaṃ / avaivartikabhūmau sthātukāmena bodhisattvena mahāsattvena prajñāpāramitāyāṃ śikṣitavyaṃ / ṣaḍabhijñatāyāṃ sthātukāmena bodhisattvena mahāsattvena prajñāpāramitāyāṃ śikṣitavyaṃ / sarvasattvacittacaritavispanditāni jñātukāmena bodhisattvena mahāsattvena prajñāpāramitāyāṃ śikṣitavyaṃ / sarvaśrāvakapratyekabuddhānāṃ jñānam abhibhavitukāmena bodhisattvena mahāsattvena prajñāpāramitāyāṃ śikṣitavyaṃ /

dhāraṇīmukhasamādhimukhāni pratilabdhukāmena bodhisattvena mahāsattvena prajñāpāramitāyāṃ śikṣitavyaṃ / sarvaśrāvakapratyekabuddhayānikānāṃ kulaputrāṇāṃ kuladuhitṝṇāñ ca dānaṃ dadatāṃ ekānumodanāsahagatena cittotpādena sarvatatkuśalamūlam abhibhavitukāmena bodhisattvena mahāsattvena prajñāpāramitāyāṃ śikṣitavyaṃ / sarvaśrāvakapratyekabuddhayānikānāṃ kulaputrāṇāṃ kuladuhitṝṇāñ ca śīlaṃ rakṣatāṃ ekānumodanāsahagatena cittotpādena sarvatatkuśalamūlam abhibhavitukāmena bodhisattvena mahāsattvena prajñāpāramitāyāṃ śikṣitavyaṃ / sarvaśrāvakapratyekabuddhayānikānāṃ kulaputrāṇāṃ kuladuhitṝṇāñ ca kṣāntiṃ bhāvayatām ekānumodanāsahagatena cittotpādena sarvatatkuśalamūlam abhibhavitukāmena prajñāpāramitāyāṃ śikṣitavyaṃ / sarvaśrāvakapratyekabuddhayānikānāṃ kulaputrāṇāṃ kuladuhitṝṇāñ ca vīryam ārabhyatām ekānumodanāsahagatena cittotpādena sarvatatkuśalamūlam abhibhavitukāmena bodhisattvena mahāsattvena prajñāpāramitāyāṃ śikṣitavyaṃ / sarvaśrāvakapratyekabuddhayānikānāṃ kulaputrāṇāṃ kuladuhitṝṇāñ ca dhyānāni samāpadyatām ekānumodanāsahagatena cittotpādena sarvatatkuśalamūlam abhibhavitukāmena bodhisattvena mahāsattvena prajñāpāramitāyāṃ śikṣitavyaṃ / sarvaśrāvakapratyekabuddhayānikānāṃ kulaputrāṇāṃ kuladuhitṝṇāñ prajñāṃ bhāvayatām ekānumodanāsahagatena cittotpādena sarvatatkuśalamūlam abhibhavitukāmena bodhisattvena mahāsattvena prajñāpāramitāyāṃ śikṣitavyaṃ /

sarvaśrāvakapratyekabuddhānāṃ śīlasamādhiprajñāvimuktijñānadarśanam ekānumodanāsahagatena cittotpādenābhibhavitukāmena bodhisatvena mahāsattvena prajñāpāramitāyāṃ śikṣitavyaṃ / sarvaśrāvakapratyekabuddhānāṃ dhyānavimokṣasamāpattī ekānumodanāsahagatena cittotpādenābhibhavitukāmena bodhisattvena mahāsattvena prajñāpāramitāyāṃ śikṣitavyaṃ / alpaṃ dānaṃ dadataḥ sarvasattvebhyaḥ upāyakauśalaparināmanāyogena sarvākārajñatāyāṃ kathaṃ prameyāsaṃkhyeyāparimāṇaṃ bhaved iti bodhisattvena mahāsattvena prajñāpāramitāyāṃ śikṣitavyaṃ / alpaṃ śīlaṃ rakṣataḥ sarvasattvebhyaḥ upāyakauśalaparināmanāyogena sarvākārajñatāyāṃ katham aprameyāsaṃkhyeyāparimāṇaṃ bhaved iti bodhisattvena mahāsattvena prajñāpāramitāyāṃ śikṣitavyaṃ / alpaṃ kṣāntiṃ bhāvayataḥ sarvasattvebhyaḥ upāyakauśalaparināmanāyogena sarvākārajñatāyāṃ katham aprameyāsaṃkhyeyāparimāṇaṃ bhaved iti bodhisattvena mahāsattvena prajñāpāramitāyāṃ śikṣitavyaṃ / alpaṃ vīryam ārabhamānaḥ sarvasattvebhyaḥ upāyakauśalaparināmanāyogena sarvākārajñatāyāṃ katham apreyāsaṃkhyeyāparimāṇaṃ bhaved iti bodhisattvena mahāsattvena prajñāpāramitāyāṃ śikṣitavyaṃ / alpaṃ dhyānaṃ samāpadyataḥ sarvasattvebhyaḥ upāyakauśalaparināmanāyogena sarvākārajñatāyāṃ katham aprameyāsaṃkhyeyāparimāṇaṃ bhaved iti prajñāpāramitāyāṃ śikṣitavyaṃ / alpaprajñāṃ bhāvayataḥ sarvasattvebhyaḥ upāyakauśalaparināmanāyogena sarvākārajñatāyāṃ katham aprameyāsaṃkhyeyāparimāṇaṃ bhaved iti bodhisattvena mahāsattvena prajñāpāramitāyāṃ śikṣitavyaṃ /

punar aparaṃ śāradvatīputra bodhisattvena mahāsattvena dānapāramitāyāṃ sthātukāmena dānapāramitāṃ paripūrayitukāmena prajñāpāramitāyāṃ śikṣitavyaṃ / punar aparaṃ śāradvatīputra bodhisattvena mahāsattvena śīlapāramitāyāṃ caritukāmena śīlapāramitāṃ paripūrayitukāmena prajñāpāramitāyāṃ śikṣitavyaṃ / punar aparaṃ śāradvatīputra bodhisattvena mahāsattvena kṣāntipāramitāyāṃ caritukāmena kṣāntipāramitāṃ paripūrayitukāmena prajñāpāramitāyāṃ śikṣitavyaṃ / punar aparaṃ śāradvatīputra bodhisattvena mahāsattvena vīryapāramitāyāṃ caritukāmena vīryapāramitā paripūrayitukāmena prajñāpāramitāyāṃ śikṣitavyaṃ / punar aparaṃ śāradvatīputra bodhisattvena mahāsattvena dhyānapāramitāyāṃ caritukāmena dhyānapāramitāṃ paripūrayitukāmena prajñāpāramitāyāṃ śikṣitavyaṃ / punar aparaṃ śāradvatīputra bodhisattvena mahāsattvena prajñāpāramitāyāṃ caritukāmena prajñāpāramitāṃ paripūrayitukāmena prajñāpāramitāyāṃ śikṣitavyaṃ / punar aparaṃ śāradvatīputra bodhisattvena mahāsattvena evaṃ cittam utpādayitavyaṃ / kathaṃ me sarvajātau buddhavigrahadarśanaṃ bhavet / buddhasamanvāhāro buddhānirodhanaṃ buddhaparigrahaṃ bhaved iti prajñāpāramitāyāṃ śikṣitavyaṃ / punar aparaṃ śāradvatīputra bodhisattvena mahāsattvena buddhakāyaṃ pariniṣpādayitukāmena prajñāpāramitāyāṃ śikṣitavyaṃ / punar aparaṃ śāradvatīputra bodhisattvena mahāsattvena dvātriṃśato mahāpuruṣalakṣaṇāni pratilabdhukāmena prajñāpāramitāyāṃ śikṣitavyaṃ /

punar aparaṃ śāradvatīputra bodhisattvena mahāsattvenāśītim anuvyañjanāni pratilabdhukāmena prajñāpāramitāyāṃ śikṣitavyaṃ / punar aparaṃ śāradvatīputra bodhisattvena mahāsattvena sarvatra jātau jātismaratāṃ pratilabdhukāmena prajñāpāramitāyāṃ śikṣitavyaṃ / punar aparaṃ śāradvatīputra bodhisattvena mahāsattvena bodhicittāparipranāśatāṃ pratilabdhukāmena prajñāpāramitāyāṃ śikṣitavyaṃ / punar aparaṃ śāradvatīputra bodhisattvena mahāsattvena sarvabodhisattvacaryāsaṃpramoṣatāṃ pratilabdhukāmena prajñāpāramitāyāṃ śikṣitavyaṃ / punar aparaṃ śāradvatīputra bodhisattvena mahāsattvena sarvapāpamitrapāpasahāyān vivarjitukāmena prajñāpāramitāyāṃ śikṣitavyaṃ / punar aparaṃ śāradvatīputra bodhisattvena mahāsattvena sarvabuddhabodhisattvakalyāṇamitrāṇy ārāgāyitukāmena prajñāpāramitāyāṃ śikṣitavyaṃ / punar aparaṃ śāradvatīputra bodhisattvena mahāsattvena sarvamārakāyikā devatā vijñātukāmena prajñāpāramitāyāṃ śikṣitavyaṃ / punar aparaṃ śāradvatīputra bodhisattvena mahāsattvena sarvāvaraṇīyāni viśodhayitukāmena prajñāpāramitāyāṃ śikṣitavyaṃ / punar aparaṃ śāradvatīputra bodhisattvena mahāsattvena sarvadharmānāvaraṇatāṃ pratilabdhukāmena prajñāpāramitāyāṃ śikṣitavyaṃ / punar aparaṃ śāradvatīputra bodhisattvena mahāsattvena bodhisattvakulaṃ pariniṣpādayitukāmena prajñāpāramitāyāṃ śikṣitavyaṃ / punar aparaṃ śāradvatīputra bodhisattvena mahāsattvena buddhakulam ārāgayitukāmena prajñāpāramitāyāṃ śikṣitavyaṃ /

punar aparaṃ śāradvatīputra bodhisattvena mahāsattvena triratnavaṃśānupacchedāya sthātukāmena prajñāpāramitāyāṃ śikṣitavyaṃ / punar aparaṃ śāradvatīputra bodhisattvena mahāsattvena kumārabhūmim anuprāptukāmena prajñāpāramitāyāṃ śikṣitavyaṃ / punar aparaṃ śāradvatīputra bodhisattvena mahāsattvena buddhabodhisattvair avirahitena bhavitukāmena prajñāpāramitāyāṃ śikṣitavyaṃ / punar aparaṃ śāradvatīputra bodhisattvena mahāsattvena bodhisattvabhūmim atikramitukāmena prajñāpāramitāyāṃ śikṣitavyaṃ / punar aparaṃ śāradvatīputra bodhisattvena mahāsattvena kṣipran tathāgatabhūmiṃ paripūrayitukāmena prajñāpāramitāyāṃ śikṣitavyaṃ / punar aparaṃ śāradvatīputra bodhisattvena mahāsattvena yair yaiḥ kuśalamūlair yair yair ākārair ākāṅkṣet sarvabuddhān bhagavataḥ satkartuṃ gurūkartuṃ mānayituṃ pūjayituṃ / tāni me kuśalamūlāni ta ākārāḥ samṛdhyeyur iti prajñāpāramitāyāṃ śikṣitavyaṃ / punar aparaṃ śāradvatīputra bodhisattvena mahāsattvena sarvasattvān santoṣayitukāmena prajñāpāramitāyāṃ śikṣitavyaṃ / punar aparaṃ śāradvatīputra bodhisattvena mahāsattvena sarvasattvānām ājñāḥ paripūrayitukāmena prajñāpāramitāyāṃ śikṣitavyaṃ / punar aparaṃ śāradvatīputra bodhisattvena mahāsattvena sarvasattvānām āśāḥ paripūrayitukāmena prajñāpāramitāyāṃ śikṣitavyaṃ /

annapānavastrayānavibhūṣaṇapuṣpadhūpacūrṇamālyavilepanaśayanāsanopāśrayaglānapratyayabheṣajyapariṣkāraiḥ dhanadhānyālaṅkāramaṇimuktāvaidūryaśaṅkhaśilāpravālajātarūparajatodyānarājyādibhiḥ sarvopakaraṇopabhogaiḥ sarvasattvān santarpayiṣyāmīti bodhisattvena mahāsattvena prajñāpāramitāyāṃ yogaḥ karaṇīyaḥ / punar aparaṃ śāradvatīputra bodhisattvena mahāsattvena dharmadhātuparamāloke ākāśadhātuparyavasāne sarvasattvān mahāyāne samādāpayitukāmena dānapāramitāyāṃ pratiṣṭhāpayitukālena śīlapāramitāyāṃ pratiṣṭhāpayitukāmema kṣāntipāramitāyāṃ pratiṣṭhāpayitukāmena vīryapāramitāyāṃ pratiṣṭhāpayitukāmena dhyānapāramitāyāṃ pratiṣṭhāpayitukāmena prajñāpāramitāyāṃ pratiṣṭhāpayitukāmena prajñāpāramitāyāṃ śikṣitavyaṃ / punar aparaṃ śāradvatīputra bodhisattvena mahāsattvenaikam api kuśalacittotpādam akṣayaṃ kartukāmena bodhisattvopaniṣadanāt bodhisattvena mahāsattvena prajñāpāramitāyāṃ śikṣitavyaṃ / punar aparaṃ śāradvatīputra bodhisattvena mahāsattvena ye pūrvasyān diśi gaṅgānadīvālukopameṣu lokadhātuṣu buddhā bhagavantas te me varṇaṃ bhāṣerann iti bodhisattvena mahāsattvena prajñāpāramitāyāṃ śikṣitavyaṃ / ye dakṣiṇasyān diśi gaṅgānadīvālukopameṣu lokadhātuṣu buddhā bhagavantas te me varṇaṃ bhāṣerann iti bodhisattvena mahāsattvena prajñāpāramitāyāṃ śikṣitavyaṃ / ye paścimāyān diśi gaṅgānadīvālukopameṣu lokadhātuṣu buddhā bhagavantas te me varṇaṃ bhāṣerann iti bodhisattvena mahāsattvena prajñāpāramitāyāṃ śikṣitayā /

ye uttarasyān diśi gaṅgānadīvālukopameṣu lokadhātuṣu buddhā bhagavantas te me varṇaṃ bhāṣerann iti bodhisattvena mahāsattvena prajñāpāramitāyāṃ śikṣitavyaṃ / ye uttarapūrvasyān diśi gaṅgānadīvālukopameṣu lokadhātuṣu buddhā bhagavantas te me varṇaṃ bhāṣerann iti bodhisattvena mahāsattvena prajñāpāramitāyāṃ śikṣitavyaṃ / ye pūrvadakṣiṇasyān diśi gaṅgānadīvālukopameṣu lokadhātuṣu buddhā bhagavantas te me varṇaṃ bhāṣerann iti bodhisattvena mahāsattvena prajñāpāramitāyāṃ śikṣitavyaṃ / ye dakṣiṇapaścimāyān diśi gaṅgānadīvālukopameṣu lokadhātuṣu buddhā bhagavantas te me varṇaṃ bhāṣerann iti bodhisattvena mahāsattvena prajñāpāramitāyāṃ śikṣitavyaṃ / ye paścimottarasyān diśi gaṅgānadīvālukopameṣu lokadhātuṣu buddhā bhagavantas te me varṇaṃ bhāṣerann iti bodhisattvena mahāsattvena prajñāpāramitāyāṃ śikṣitavyaṃ / ye 'dhastād diśi gaṅgānadīvālukopameṣu lokadhātuṣu buddhā bhagavantas te me varṇaṃ bhāṣerann iti bodhisattvena mahāsattvena prajñāpāramitāyāṃ śikṣitavyaṃ / ye upariṣṭād diśi gaṅgānadīvālukopameṣu lokadhātuṣu buddhā bhagavantas te me varṇaṃ bhāṣerann iti prajñāpāramitāyāṃ śikṣitavyaṃ / punar aparaṃ śāradvatīputra yāni pūrvasyāṃ diśi gaṅgānadīvālukopamāni buddhakṣetrāṇi tāni sarvāṇy ekacittotpādenopasaṃkramitukāmena bodhisattvena mahāsattvena prajñāpāramitāyāṃ śikṣitavyaṃ / yāni dakṣiṇasyāṃ diśi gaṅgānadīvālukopamāni buddhakṣetrāṇi tāni sarvāṇy ekacittotpādenopasaṃkramitukāmena bodhisattvena mahāsattvena prajñāpāramitāyāṃ śikṣitavyaṃ /

yāni paścimāyāṃ diśi gaṅgānadīvālukopamāni buddhakṣetrāṇi tāni sarvāṇy ekacittotpādenopasaṃkramitukāmena bodhisattvena mahāsattvena prajñāpāramitāyāṃ śikṣitavyaṃ / yāny uttarasyān diśi gaṅgānadīvālukopamāni buddhakṣetrāṇi tāni sarvāṇy ekacittotpādenopasaṃkramitukāmena bodhisattvena mahāsattvena prajñāpāramitāyāṃ śikṣitavyaṃ / yāny uttarapūrvasyāṃ diśi gaṅgānadīvālukopamāni buddhakṣetrāṇi tāni sarvāṇy ekacittotpādenopasaṃkramitukāmena baudhisattvena mahāsattvena prajñāpāramitāyāṃ śikṣitavyaṃ / yāni pūrvadakṣiṇasyāṃ diśi gaṅgānadīvālukopamāni buddhakṣetrāṇi tāni sarvāṇy ekacittotpādenopasaṃkramitukāmena bodhisattvena mahāsattvena prajñāpāramitāyāṃ śikṣitavyaṃ / yāni dakṣiṇapaścimāyāṃ diśi gaṅgānadīvālukopamāni buddhakṣetrāṇi tāni sarvāṇy ekacittotpādenopasaṃkramitukāmena bodhisattvena mahāsattvena prajñāpāramitāyāṃ śikṣitavyaṃ / yāni paścimottarasyāṃ diśi gaṅgānadīvālukopamāni buddhakṣetrāṇi tāni sarvāṇy ekacittotpādenopasaṃkramitukāmena bodhisattvena mahāsattvena prajñāpāramitāyāṃ śikṣitavyaṃ / yāny adhastād diśi gaṅgānadīvālukopamāni buddhakṣetrāṇi tāni sarvāṇy ekacittotpādenopasaṃkramitukāmena bodhisattvena mahāsattvena prajñāpāramitāyāṃ śikṣitavyaṃ / yāny upariṣṭād diśi gaṅgānadīvālukopamāni buddhakṣetrāṇi tāni sarvāṇy ekacittotpādenopasaṃkramitukāmena bodhisattvena mahāsattvena prajñāpāramitāyāṃ śikṣitavyaṃ /

punar aparaṃ śāradvatīputra yāni pūrvasyāṃ diśi gaṅgānadīvālukopamāni buddhakṣetrāṇi tāni sarvāṇy ekasvaraghoṣeṇa vijñāpayitukāmena bodhisattvena mahāsattvena prajñāpāramitāyāṃ śikṣitavyaṃ / yāni dakṣiṇasyāṃ diśi gaṅgānadīvālukopamāni buddhakṣetrāṇi tāni sarvāṇy ekasvaraghoṣeṇa vijñāpayitukāmena bodhisattvena mahāsattvena prajñāpāramitāyāṃ śikṣitavyaṃ / yāni paścimāyāṃ diśi gaṅgānadīvālukopamāni buddhakṣetrāṇi tāni sarvāṇy ekasvaraghoṣeṇa vijñāpayitukāmena bodhisattvena mahāsattvena prajñāpāramitāyāṃ śikṣitavyaṃ / yāny uttarasyāṃ diśi gaṅgānadīvālukopamāni buddhakṣetrāṇi tāni sarvāṇy ekasvaraghoṣeṇa vijñāpayitukāmena bodhisattvena mahāsattvena prajñāpāramitāyāṃ śikṣitavyaṃ / yāny uttarapūrvasyāṃ diśi gaṅgānadīvālukopamāni buddhakṣetrāṇi tāni sarvāṇy ekasvaraghoṣeṇa vijñāpayitukāmena bodhisattvena mahāsattvena prajñāpāramitāyāṃ śikṣitavyaṃ / yāni pūrvadakṣiṇasyāṃ diśi gaṅgānadīvālukopamāni buddhakṣetrāṇi tāni sarvāṇy ekasvaraghoṣeṇa vijñāpayitukāmena bodhisattvena mahāsattvena prajñāpāramitāyāṃ śikṣitavyaṃ / yāni dakṣiṇapaścimāyāṃ diśi gaṅgānadīvālukopamāni buddhakṣetrāṇi tāni sarvāṇy ekasvaraghoṣeṇa vijñāpayitukāmena bodhisattvena mahāsattvena prajñāpāramitāyāṃ śikṣitavyaṃ / yāni paścimottarasyāṃ diśi gaṅgānadīvālukopamāni buddhakṣetrāṇi tāni sarvāṇy ekasvaraghoṣeṇa vijñāpayitukāmena bodhisattvena mahāsattvena prajñāpāramitāyāṃ śikṣitavyaṃ /

yāny adhastād diśi gaṅgānadīvālukopamāni buddhakṣetrāṇi tāni sarvāṇy ekasvaraghoṣeṇa vijñāpayitukāmena bodhisattvena mahāsattvena prajñāpāramitāyāṃ śikṣitavyaṃ / yāny upariṣṭād diśi gaṅgānadīvālukopamāni buddhakṣetrāṇi tāni sarvāṇy ekasvaraghoṣeṇa vijñāpayitukāmena bodhisattvena mahāsattvena prajñāpāramitāyāṃ śikṣitavyaṃ / punar aparaṃ śāradvatīputra buddhotpādānupacchedāya sthātukāmena bodhisattvena mahāsattvena prajñāpāramitāyāṃ śikṣitavyaṃ / punar aparaṃ śāradvatīputra bodhisattvakulaṃ rakṣitukāmena bodhisattvena mahāsattvena prajñāpāramitāyāṃ śikṣitavyaṃ / punar aparaṃ śāradvatīputra buddhavaṃśānupacchedāya sthātukāmena bodhisattvena mahāsattvena prajñāpāramitāyāṃ śikṣitavyaṃ / punar aparaṃ śāradvatīputra adhyātmaśūnyatāyāṃ sthātukāmena bodhisattvena mahāsattvena prajñāpāramitāyāṃ śikṣitavyaṃ / bahirdhāśūnyatāyāṃ sthātukāmena bodhisattvena mahāsattvena prajñāpāramitāyāṃ śikṣitavyaṃ / adhyātmabahirdhāśūnyatāyāṃ sthātukāmena bodhisattvena mahāsattvena prajñāpāramitāyāṃ śikṣitavyaṃ / śūnyatāśūnyatāyāṃ sthātukāmena bodhisattvena mahāsattvena prajñāpāramitāyāṃ śikṣitavyaṃ / mahāśūnyatāyāṃ sthātukāmena bodhisattvena mahāsattvena prajñāpāramitāyāṃ śikṣitavyaṃ / paramārthaśūnyatāyāṃ sthātukāmena bodhisattvena mahāsattvena prajñāpāramitāyāṃ śikṣitavyaṃ / saṃskṛtaśūnyatāyāṃ sthātukāmena bodhisattvena mahāsattvena prajñāpāramitāyāṃ śikṣitavyaṃ / asaṃskṛtaśūnyatāyāṃ sthātukāmena bodhisattvena mahāsattvena prajñāpāramitāyāṃ śikṣitavyaṃ /

atyantaśūnyatāyāṃ sthātukāmena bodhisattvena mahāsattvena prajñāpāramitāyāṃ śikṣitavyaṃ / anavarāgraśūnyatāyāṃ sthātukāmena bodhisattvena mahāsattvena prajñāpāramitāyāṃ śikṣitavyaṃ / anavakāraśūnyatāyāṃ sthātukāmena bodhisattvena mahāsattvena prajñāpāramitāyāṃ śikṣitavyaṃ / prakṛtiśūnyatāyāṃ sthātukāmam bodhisattvena mahāsattvena prajñāpāramitāyāṃ śikṣitavyaṃ / sarvadharmaśūnyatāyāṃ sthātukāmena bodhisattvena mahāsattvena prajñāpāramitāyāṃ śikṣitavyaṃ / svalakṣaṇaśūnyatāyāṃ sthātukāmena bodhisattvena mahāsattvena prajñāpāramitāyāṃ śikṣitavyaṃ / anupalambhaśūnyatāyāṃ sthātukāmena bodhisattvena mahāsattvena prajñāpāramitāyāṃ śikṣitavyaṃ / abhāvaśūnyatāyāṃ sthātukāmena bodhisattvena mahāsattvena prajñāpāramitāyāṃ śikṣitavyaṃ / svabhāvaśūnyatāyāṃ sthātukāmena bodhisattvena mahāsattvena prajñāparamitāyāṃ śikṣitavyaṃ / abhāvasvabhāvaśūnyatāyāṃ sthātukāmena bodhisattvena mahāsattvena prajñāpāramitāyāṃ śikṣitavyaṃ / punar aparaṃ śāradvatīputrālambanāpateyasamanantarahetupratyayatā avaboddhukāmena bodhisattvena mahāsattvena prajñāpāramitāyāṃ śikṣitavyaṃ / punar aparaṃ śāradvartīputrākāralakṣaṇāny avaboddhukāmena bodhisattvena mahāsattvena prajñāpārmitāyāṃ śikṣitavyaṃ / punar aparaṃ śāradvatīputra sarvadharmāṇāṃ tathatā avaboddhukāmena bodhisattvena mahāsattvena prajñāpāramitāyāṃ śikṣitavyaṃ / avitathatā avaboddhukāmena bodhisattvena mahāsattvena prajñāpāramitāyāṃ śikṣitavyaṃ / ananyatathatām avaboddhukāmena bodhisattvena mahāsattvena prajñāpāramitāyāṃ śikṣitavyaṃ /

avikāratathatām avaboddhukāmena bodhisattvena mahāsattvena prajñāpāramitāyāṃ śikṣitavyaṃ / yathācettathatām avaboddhukāmena bodhisattvena mahāsattvena prajñāpāramitāyāṃ śikṣitavyaṃ / punar aparaṃ śāradvatīputra bodhisattvena mahāsattvena sarvadharmāṇāṃ tathatām avaboddhukāmena prajñāpāramitāyāṃ śikṣitavyaṃ / punar aparaṃ śāradvatīputra sarvadharmāṇāṃ bhūtakoṭim avavoddhukāmena bodhisattvena mahāsattvena prajñāpāramitāyāṃ śikṣitavyaṃ / punar aparaṃ śāradvatīputra yāvantyas trisāhasramahāsāhasre lokadhātau gaṅgānadīvālukās tāḥ sarvājñātukāmena bodhisattvena mahāsattvena prajñāpāramitāyāṃ śikṣitavyaṃ / punar aparaṃ śāradvatīputra trisāhasramahāsāhasre lokadhātau mahāsamudreṣv apskandho nadīṣu mahānadīṣu kunadīṣu sarastaḍāgeṣu pallaleṣu tat sarvaṃ śatadhābhinnayā vālāgrakoṭyābhyutkṣeptukāmena ca tanniśriyāṃ prāṇino viheṭhayitukāmena bodhisattvena mahāsattvena prajñāpāramitāyāṃ śikṣitavyaṃ / punar aparaṃ śāradvatīputra yāvāṃs trisāhasramahāsāhasre lokadhātāv agniskandhaḥ sa sarva ekajvālībhūto bhavet / tadyathāpi nāma kalpoddāhe vartamāne tam ekena mukhavāyunā nirvāpayitukāmena bodhisattvena mahāsattvena prajñāpāramitāyāṃ śikṣitavyaṃ / punar aparaṃ śāradvatīputra trisāhasramahāsāhasre lokadhātau vātamaṇḍalākā yā imaṃ trisāhasramahāsāhasraṃ lokadhātuṃ vidhunuyur vikireyur vidhvaṃsayeyuḥ tadyathāpi nāma busamuṣṭitāṃ sarvāmahāvikṣobhanāvātamaṇḍalīyakānāṃ gulyāḥ prāntakena saṃcchādayitukāmena bodhisattvena mahāsattvena prajñāpāramitāyāṃ śikṣitavyaṃ /

punar aparaṃ śāradvatīputra yas trisāhasramahāsāhasre lokadhātāv ākāśadhātus taṃ sarvam ekaparyaṅkena sphuritukāmena bodhisattvena mahāsattvena prajñāpāramitāyāṃ śikṣitavyaṃ / punar aparaṃ śāradvatīputra trisāhasramahāsāhasre lokadhātau sumerucakravāḍamahācakravāḍāḥ parvatarājās tān sarvān ekabālena baddhvābhyutkṣipyāprameyāsaṃkhyeyān lokadhātūn samutkṣipeyam iti bodhisattvena mahāsattvena prajñāpāramitāyāṃ śikṣitavyaṃ / punar aparaṃ śāradvatīputra yāvān trisāhasramahāmāhasre lokadhātau vṛkṣatṛṇagulmauṣadhivanaspatisañcayo loṣṭraśarkarapāṣāṇaparvatamahāpṛthivīsaṃcayas taṃ sarvaṃ paramāṇurajo yogena jñātukāmena bodhisattvena mahāsattvena prajñāpāramitāyāṃ śikṣitavyaṃ / punar aparaṃ śāradvatīputra yāvantaḥ pūrvasyān diśi gāṅgānadīvālukopameṣu lokadhātuṣu buddhā bhagavantaḥ sabodhisattvaparivārāḥ saśrāvakasaṃghās tān sarvān ekapiṇḍapātena pratipādayitukāmena ekapuṣpeṇaikamālyenaikagandhenaikavilepanenaikacūrṇenaikavastreṇaikābharāṇenaikacchattreṇaikadhvajanaikapatākayā satkartukāmena gurūkartukāmena mānayitukāmena pūjayitukāmena bodhisattvena mahāsattvena prajñāpāramitāyāṃ śikṣitavyaṃ / yāvanto dakṣiṇasyāṃ diśi gaṅgānadīvālukopameṣu buddhakṣetreṣu buddhā bhagavantaḥ sabodhisattvaparivārāḥ saśrāvakasaṃghās tān sarvān ekapiṇḍapātena pratipādayitukāmenaikapuṣpeṇaikamālyenaikagandhenaikavilepanenaikacūrṇenaikavastreṇaikābharaṇenaikacchattreṇaikadhvajenaikapatākayā satkartukāmena gurūkartukāmena mānayitukāmena pūjayitukāmena bodhisattvena mahāsattvena prajñāpāramitāyāṃ śikṣitavyaṃ /

yāvantaḥ paścimāyāṃ diśi gaṅgānadīvālukopameṣu lokadhātuṣu buddhā bhagavantaḥ bodhisattvaparivārāḥ saśrāvakasaṃghās tān sarvān ekapiṇḍapātena pratipādayitukāmenaikapuṣpeṇaikamālyenaikagandhenaikavilepanenaikacūrṇenaikavastreṇaikābharaṇenaikacchattreṇaikadhvajenaikapatākayā satkartukāmena gurūkartukāmena mānayitukāmena pūjayitukāmena bodhisattvena mahāsattvena prajñāpāramitāyāṃ śikṣitavyaṃ / yāvanta uttarasyāṃ diśi gaṅgānadīvālukopameṣu lokadhātuṣu buddhā bhagavantaḥ sabodhisattvaparivārā saśrāvakasaṃghāstān sarvān ekapiṇḍapātena pratipādayitukāmenaikapuṣpeṇaikamālyenaikagandhenaikavilepanenaikacūrṇenaikavastreṇaikābharaṇenaikacchattreṇaikadhvajenaikapatākayā satkartukāmena gurūkartukāmena mānayitukāmena pūjayitukāmena bodhisattvena mahāsattvena prajñāpāramitāyāṃ śikṣitavyaṃ / yāvanta uttarapūrvasyāṃ diśi gaṅgānadīvālukopameṣu lokadhātuṣu buddhā bhagavantaḥ sabodhisattvaparivārāḥ saśrāvakasaṃghās tān sarvān ekapiṇḍapātena pratipādayitukāmenaikapuṣpeṇaikamālyenaikavilepanenaikacūrṇenaikavastreṇaikābharaṇenaikacchattreṇaikadhvajenaikapatākayā satkartukāmena gurūkartukāmena mānayitukāmena pūjayitukāmena bodhisattvena mahāsattvena prajñāpāramitāyāṃ śikṣitavyaṃ /

yāvantaḥ pūrvadakṣiṇasyāṃ diśi gaṅgādīvalukopameṣu lokadhātuṣu buddhā bhagavantaḥ sabodhisattvaparivārāḥ saśrāvakasaṃghās tān sarvān ekapiṇḍapātena pratipādayitukāmenaikapuṣpeṇaikamālyenaikavilepanenaikacūrṇenaikavastreṇaikābharaṇenaikacchattreṇaikadhvajenaikapatākayā satkartukāmena gurūkartukāmena mānayitukāmena pūjayitukāmena bodhisattvena mahāsattvena prajñāpāramitāyāṃ śikṣitavyaṃ / yāvanto dakṣiṇapaścimāyāṃ diśi gaṅgānadīvālukopameṣu lokadhātuṣu buddhā bhagavantaḥ sabodhisattvaparivārāḥ saśrāvakasaṃghās tān sarvān ekapiṇḍapātena pratipādayitukāmenaikapuṣpeṇaikamālyenaikavilepanenaikacūrṇenaikavastreṇaikābharaṇenaikacchattreṇaikadhvajenaikapatākayā satkartukāmena gurūkartukāmena mānayitukāmena pūjayitukāmena bodhisattvena mahāsattvena prajñāpāramitāyāṃ śikṣitavyaṃ / yāvantaḥ paścimottarasyāṃ diśi gaṅgānadīvālukopameṣu lokadhātuṣu buddhā bhagavantaḥ sabodhisattvaparivārāḥ saśrāvakasaṃghās tān sarvān ekapiṇḍapātena pratipādayitukāmenaikapuṣpeṇaikamālyenaikavilepanenaikacūrṇenaikābharaṇenaikacchattreṇaikadhvajenaikapatākayā satkartukāmena gurūkartukāmena mānayitukāmena pūjayitukāmena bodhisattvena mahāsattvena prajñāpāramitāyāṃ śikṣitavyaṃ /

yāvanto 'dhastād diśi gaṅgānadīvālukopameṣu lokadhātuṣu buddhā bhagavantaḥ sabodhisattvaparivārāḥ saśrāvakasaṃghās tān sarvān ekapiṇḍapātena pratipādayitukāmenaikapuṣpeṇaikamālyenaikagandhenaikavilepanenaikacacūrṇenaikavastreṇaikābharaṇenaikacchattreṇaikadhvajenaikapatākayā satkartukāmena gurūkartukāmena mānayitukāmena pūjayitukāmena bodhisattvena mahāsattvena prajñāpāramitāyāṃ śikṣitavyaṃ / yāvanta upariṣṭād diśi gaṅgānadīvālukopameṣu lokadhātuṣu buddhā bhagavantaḥ sabodhisattvaparivārāḥ saśrāvakasaṃghās tān sarvān ekapiṇḍapātena pratipādayitukāmenaikapuṣpeṇaikamālenaikagandhenaikavilepanenaikacūrṇenaikavastreṇaikābharaṇenaikacchattreṇaikadhvajenaikapatākayā satkartukāmena gurūkartukāmena mānayitukāmena pūjayitukāmena bodhisattvena mahāsattvena prajñāpāramitāyāṃ śikṣitavyaṃ / punar aparaṃ śāradvatīputra pūrvasyāṃ diśi gaṅgānadīvālukopamepu lokadhātuṣu ye sattvās tān sarvān śīlaskandhe pratiṣṭhāpayitukāmena samādhiskandhe pratiṣṭhāpathitukāmena prajñāskandhe pratiṣṭhāpayitukāmena vimuktiskandhe pratiṣṭhāpayitukāmena vimuktijñānadarśanaskandhe pratiṣṭhāpayitukāmena śrota-āpattiphale pratiṣṭhāpayitukāmena sakṛdāgāmiphale pratiṣṭhāpayitukāmena anāgāmiphale pratiṣṭhāpayitukāmena arhattve pratiṣṭhāpayitukāmena pratyekabodhau pratiṣṭhāpayitukāmena sarvajñatāyāṃ pratiṣṭhāpayitukāmena mārgākārajñatāyāṃ pratiṣṭhāpayitukāmena sarvākārajñatāyāṃ pratiṣṭhāpayitukāmena anupadhiśeṣe nirvāṇadhātau pratiṣṭhāpayitukāmena bodhisattvena mahāsattvena prajñāpāramitāyāṃ śikṣitavyaṃ /

ye dakṣiṇasyān diśi gaṅgānadīvālukopameṣu lokadhātuṣu sattvās tān sarvān śīlaskandhe pratiṣṭhāpayitukāmena samādhiskandhe pratiṣṭhāpayitukāmena prajñāskandhe pratiṣṭhāpayitukāmena vimuktiskandhe pratiṣṭhāpayitukāmena vimuktijñānadarśanashandhe pratiṣṭhāpayitukāmena śrota-āpattiphale pratiṣṭhāpayitukāmena sakṛdāgāmiphale pratiṣṭhāpayitukāmena anāgāmiphale pratiṣṭhāpayitukāmena arhattve pratiṣṭhāpayitukāmena pratyekabodhau pratiṣṭhāpayitukāmena sarvajñatāyāṃ pratiṣṭhāpayitukāmena mārgākārajñatāyāṃ pratiṣṭhāpayitukāmena sarvākārajñatāyāṃ pratiṣṭhāpayitukāmena anupadhiśeṣe nirvāṇadhātau pratiṣṭhāpayitukāmena bodhisattvena mahāsattvena prajñāpāramitāyāṃ śikṣitavyaṃ / ye paścimāyān diśi gaṅgānadīvālukopameṣu lokadhātuṣu sattvās tān sarvān śīlaskandhe pratiṣṭhāpayitukāmena samādhiskandhe pratiṣṭhāpayitukāmena prajñāskandhe pratiṣṭhāpayitukāmena vimuktiskandhe pratiṣṭhāpayitukāmena vimuktijñānadarśanaskandhe pratiṣṭhāpayitukāmena śrota-āpattiphale pratiṣṭhāpayitukāmena sakṛdāgāmiphale pratiṣṭhāpayitukāmena anāgāmiphale pratiṣṭhāpayitukāmena arhattve pratiṣṭhāpayitukāmena pratyekabodhau pratiṣṭhāpayitukāmena sarvajñatāyāṃ pratiṣṭhāpayitukāmena mārgākārajñatāyāṃ pratiṣṭhāpayitukāmena sarvākārajñatāyāṃ pratiṣṭhāpayitukāmena anupadhiśeṣe nirvāṇadhātau pratiṣṭhāpayitukāmena bodhisattvena mahāsattvena prajñāpāramitāyāṃ śikṣitavyaṃ /

ye uttarasyān diśi gaṅgānadīvālukopameṣu lokadhātuṣu sattvās tān sarvān śīlaskandhe pratiṣṭhāpayitukāmena samādhiskandhe pratiṣṭhāpayitukāmena prajñāskandhe pratiṣṭhāpayitukāmena vimuktiskandhe pratiṣṭhāpayitukāmena vimuktijñānadarśanaskandhe pratiṣṭhāpayitukāmena śrota-āpattiphale pratiṣṭhāpayitukāmena sakṛdāgāmiphale pratiṣṭhāpayitukāmena anāgāmiphale pratiṣṭhāpayitukāmena arhattve pratiṣṭhāpayitukāmena pratyekabodhau pratiṣṭhāpayitukāmena sarvajñatāyāṃ pratiṣṭhāpayitukāmena mārgākārajñatāyāṃ pratiṣṭhāpayitukāmena sarvākārajñatāyāṃ pratiṣṭhāpayitukāmena anupadhiśeṣe nirvāṇadhātau pratiṣṭhāpayitukāmena bodhisattvena mahāsattvena prajñāpāramitāyāṃ śikṣitavyaṃ / ye uttarapūrvasyān diśi gaṅgānadīvālukopameṣu lokadhātuṣu sattvās tān sarvān śīlaskandhe pratiṣṭhāpayitukāmena samādhiskandhe pratiṣṭhāpayitukāmena prajñāskandhe pratiṣṭhāpayitukāmena vimuktiskandhe pratiṣṭhāpayitukāmena vimuktijñānadarśanaskandhe pratiṣṭhāpayitukāmena śrota-āpattiphale pratiṣṭhāpayitukāmena sakṛdāgāmiphale pratiṣṭhāpayitukāmena anāgāmiphale pratiṣṭhāpayitukāmena arhattve pratiṣṭhāpayitukāmena pratyekabodhau pratiṣṭhāpayitukāmena sarvajñatāyāṃ pratiṣṭhāpayitukāmena mārgākārajñatāyāṃ pratiṣṭhāpayitukāmena sarvākārajñatāyāṃ pratiṣṭhāpayitukāmena anupadhiśeṣe nirvāṇadhātau pratiṣṭhāpayitukāmena bodhisattvena mahāsattvena prajñāpāramitāyāṃ śikṣitavyaṃ /

ye pūrvadakṣiṇasyān diśi gaṅgānadīvālukopameṣu lokadhātuṣu sattvās tān sarvān śīlaskandhe pratiṣṭhāpayitukāmena samādhiskandhe pratiṣṭhāpayitukāmena prajñāskandhe pratiṣṭhāpayitukāmena vimuktiskandhe pratiṣṭhāpayitukāmena vimuktijñānadarśanaskandhe pratiṣṭhāpayitukāmena śrota-āpattiphale pratiṣṭhāpayitukāmena sakṛdāgāmiphale pratiṣṭhāpayitukāmena anāgāmiphale pratiṣṭhāpayitukāmena arhattve pratiṣṭhāpayitukāmena pratyekabodhau pratiṣṭhāpayitukāmena sarvajñatāyāṃ pratiṣṭhāpayitukāmena mārgākārajñatāyāṃ pratiṣṭhāpayitukāmena sarvākārajñatāyāṃ pratiṣṭhāpayitukāmena anupadhiśeṣe nirvāṇadhātau pratiṣṭhāpayitukāmena bodhisattvena mahāsattvena prajñāpāramitāyāṃ śikṣitavyaṃ / ye dakṣiṇapaścimāyān diśi gaṅgānadīvālukopameṣu lokadhātuṣu sattvās tān sarvān śīlaskandhe pratiṣṭhāpayitukāmena samādhiskandhe pratiṣṭhāpayitukāmena prajñāskandhe pratiṣṭhāpayitukāmena vimuktiskandhe pratiṣṭhāpayitukāmena vimuktijñānadarśanaskandhe pratiṣṭhāpayitukāmena śrota-āpattiphale pratiṣṭhāpayitukāmena sakṛdāgāmiphale pratiṣṭhāpayitukāmena anāgāmiphale pratiṣṭhāpayitukāmena arhattve pratiṣṭhāpayitukāmena pratyekabodhau pratiṣṭhāpayitukāmena sarvajñatāyāṃ pratiṣṭhāpayitukāmena mārgākārajñatāyāṃ pratiṣṭhāpayitukāmena sarvākārajñatāyāṃ pratiṣṭhāpayitukāmena anupadhiśeṣe nirvāṇadhātau pratiṣṭhāpayitukāmena bodhisattvena mahāsattvena prajñāpāramitāyāṃ śikṣitavyaṃ /

ye paścimottarasyān diśi gaṅgānadīvālukopameṣu lokadhātuṣu sattvās tān sarvān śīlaskandhe pratiṣṭhāpayitukāmena samādhiskandhe pratiṣṭhāpayitukāmena prajñāskandhe pratiṣṭhāpayitukāmena vimuktiskandhe pratiṣṭhāpayitukāmena vimuktijñānadarśanaskandhe pratiṣṭhāpayitukāmena śrota-āpattiphane pratiṣṭhāpayitukāmena sakṛdāgāmiskandhe pratiṣṭhāpayitukāmena anāgāmiphale pratiṣṭhāpayitukāmena arhattve pratiṣṭhāpayitukāgena pratyekabodhau pratiṣṭhāpayitukāmena sarvajñatāyāṃ pratiṣṭhāpayitukāmena mārgākārajñatāyāṃ pratiṣṭhāpayitukāmena sarvākārajñatāyāṃ pratiṣṭhāpayitukāmena anupadhiśeṣe nirvāṇadhātau pratiṣṭhāpayitukāmena bodhisattvena mahāsattvena prajñāpāramitāyāṃ śikṣitavyaṃ / ye 'dhastād diśi gaṅgānadīvālukopameṣu lokadhātuṣu sattvās tān sarvān śīlaskandhe pratiṣṭhāpayitukāmena samādhiskandhe pratiṣṭhāpayitukāmena prajñāskandhe pratiṣṭhāpayitukāmena vimuktiskandhe pratiṣṭhāpayitukāmena vimuktijñānadarśanaskandhe pratiṣṭhāpayitukāmena śrota-āpattiphale pratiṣṭhāpayitukāmena sakṛdāgāmiphale pratiṣṭhāpayitukāmena anāgāmiphale pratiṣṭhāpayitukāmena arhattve pratiṣṭhāpayitukāmena pratyekabodhau pratiṣṭhāpayitukāmena sarvajñatāyāṃ pratiṣṭhāpayitukāmena mārgākārajñatāyāṃ pratiṣṭhāpayitukāmena sarvākārajñatāyāṃ pratiṣṭhāpayitukāmena anupadhiśeṣe nirvāṇadhātau pratiṣṭhāpayitukāmena bodhisattvena mahāsattvena prajñāpāramitāyāṃ śikṣitavyaṃ /

ye upariṣṭād diśi gaṅgānadīvālukopameṣu lokadhātuṣu sattvās tān sarvān śīlaskandhe pratiṣṭhāpayitukāmena samādhiskandhe pratiṣṭhāpayitukāmena prajñāskandhe pratiṣṭhāpayitukāmena vimuktiskandhe pratiṣṭhāpayitukāmena vimuktijñānadarśanaskandhe pratiṣṭhāpayitukāmena śrota-āpattiphale pratiṣṭhāpayitukāmena sakṛdāgāmiphale pratiṣṭhāpayitukāmena anāgāmiphale pratiṣṭhāpayitukāmena arhattve pratiṣṭhāpayitukāmena pratyekabodhau pratiṣṭhāpayitukāmena sarvajñatāyāṃ pratiṣṭhāpayitukāmena mārgākārajñatāyāṃ pratiṣṭhāpayitukāmena sarvākārajñatāyāṃ pratiṣṭhāpayitukāmena anupadhiśeṣe nirvāṇadhātau pratiṣṭhāpayitukāmena bodhisattvena mahāsattvena prajñāpāramitāṃ śikṣitavyaṃ / punar aparaṃ śāradvatīputra yāvanto daśadiglokadhātuṣu sattvās tān sarvāñ chrāvakapratyekabuddhayānena ca mahāyānena ca parinirvāpayitukāmena bodhisattvena mahāsattvena prajñāpāramitāyāṃ śikṣitavyaṃ / punar aparaṃ śāradvatīputra bodhisattvena mahāsattvena prajñāpāramitāyāṃ caratā dānaṃ dadataivaṃ śikṣitavyaṃ //

yad evaṃ dānaṃ dattvā mahāphalaṃ bhavaty evaṃ dānaṃ dattvā kṣatriyamahāśīlakūleṣūpapadyate / evaṃ dānaṃ dattvā brāhmaṇamahāśīlakūleṣūpapadyate / evaṃ dānaṃ dattvā tad evaṃ dānaṃ niśrāya cāturmahārājikeṣu deveṣūpapadyate / evaṃ dānaṃ dattvā tad evaṃ dānaṃ niśrāya trāyastriṃśeṣu deveṣūpapadyate / evaṃ dānaṃ dattvā tad evaṃ dānaṃ niśrāya yāmeṣu deveṣūpapadyate / evaṃ dānaṃ dattvā tad evaṃ dānaṃ niśrāya tuṣiteṣu deveṣūpapadyate / evaṃ dānaṃ dattvā tad evaṃ dānaṃ niśrāya nirmāṇaratiṣu deveṣūpapadyate / evaṃ dānaṃ dattvā tad evaṃ dānaṃ niśrāya paranirmitavaśavartiṣu deveṣūpapadyate / evaṃ dānaṃ dattvā tad evaṃ dānaṃ niśrāya prathamaṃ dhyānaṃ samāpadyate / evaṃ dānaṃ dattvā tad evaṃ dānaṃ niśrāya dvitīyaṃ dhyānaṃ samāpadyate / evaṃ dānaṃ dattvā tad evaṃ dānaṃ niśrāya tṛtīyaṃ dhyānaṃ samāpadyate / evaṃ dānaṃ dattvā tad evaṃ dānaṃ niśrāya caturthaṃ dhyānaṃ samāpadyate / evaṃ dānaṃ dattvā tad evaṃ dānaṃ niśrāya ākāśānantyāyatanasamāpattiṃ samāpadyate / evaṃ dānaṃ dattvā tad evaṃ dānaṃ niśrāya jñānānantyāyatanasamāpattiṃ samāpadyate / evaṃ dānaṃ dattvā tad evaṃ dānaṃ niśrāya ākiñcanyāyatanasamāpattiṃ samāpadyate / evaṃ dānaṃ dattvā tad evaṃ dānaṃ niśrāya naivasaṃjñānāsaṃjñāyatanasamāpattiṃ samāpadyate / evaṃ dānaṃ dattvā catvāri smṛtyupasthānāny utpadyante / evaṃ dānaṃ dattvā catvāri samyakprahāṇāny utpadyante / evaṃ dānaṃ dattvā pañcendriyāṇy utpadyante / evaṃ dānaṃ dattvā pañca balāny utpadyante / evaṃ dānaṃ dattvā sapta bodhyaṅgāny utpadyante /

evaṃ dānaṃ dattvā āryāṣṭāṅgo mārga utpadyate / evaṃ dānaṃ dattvā śūnyatānimittāpraṇihitavimokṣamukhāny utpadyante / evaṃ dānaṃ dattvā śrotaāpattiphalam anuprāpyate / evaṃ dānaṃ dattvā sakṛdāgāmiphalam anuprāpyate / evaṃ dānaṃ dattvā anāgāmiphalam anuprāpyate / evaṃ dānaṃ dattvā arhattvam anuprāpyate / evaṃ dānaṃ dattvā pratyekabodhir anuprāpyate / evaṃ dānaṃ dattvā anuttarā samyaksaṃbodhir anuprāpyate / punar aparaṃ śāradvatīputra bodhisattvo mahāsattvaḥ prajñāpāramitāyāṃ caran jānāty evam upāyakauśalyena dānaṃ dattaṃ dānapāramitāṃ paripūrayaty eva dānaṃ dattaṃ śīlapāramitāṃ paripūrayaty evaṃ dāna dattaṃ kṣāntipāramitāṃ paripūrayaty evaṃ dānaṃ dattaṃ vīryapāramitāṃ paripūrayaty evaṃ dānaṃ dattaṃ dhyānapāramitāṃ paripūrayaty evaṃ dānaṃ dattaṃ prajñāpāramitāṃ paripūrayati /

athāyuṣmān śāradvatīputro bhagavantam etad avocat / kathaṃ bhagavan bodhisattvena mahāsattvena dānaṃ dadatā dānapāramitā paripūritā bhavati / kathaṃ bhagavan bodhisattvena mahāsattvena śīlaṃ rakṣatā śīlapāramitā paripūritā bhavati / kathaṃ bhagavan bodhisattvena mahāsattvena kṣāntiṃ bhāvayatā kṣāntipāramitā paripūritā bhavati / kathaṃ bhagavan bodhisattvena mahāsattvena vīryam ārabhatā vīryapāramitā paripūritā bhavati / kathaṃ bhagavan bodhisattvena mahāsattvena dhyānaṃ samāpadyatā dhyānapāramitā paripūritā bhavati / kathaṃ bhagavan bodhisattvena mahāsattvena prajñāṃ bhāvayatā prajñāpāramitā paripūritā bhavati / bhagavān āha / anupalambhayogena śāradvatīputra dānasya dāyakasya pratigrāhakasya trimaṇḍalapariśuddhyā dānapāramitā paripūritā bhavati / āpattyanāpattyadhyāpattitām upādāya śīlapāramitā paripūritā bhavati / akṣobhanatām upādāya kṣāntipāramitā paripūritā bhavati / kāyacittavīryāśraṃsanatām upādāya vīryapāramitā paripūritā bhavati / avikṣepāsaṅkaraṇatām upādāya dhyānapāramitā paripūritā bhavati / sarvadharmaprajñānatānupalambhayogena prajñāpāramitā paripūritā bhavati / punar aparaṃ śāradvatīputra atītānāgatapratyutpannānāṃ buddhānāṃ bhagavatāṃ sarvabuddhaguṇān prajñātukāmenānuprāptukāmena bodhisattvena mahāsattvena prajñāpāramitāyāṃ śikṣitavyaṃ / punar aparaṃ śāradvatīputra saṃskṛtāsaṃskṛtānāṃ dharmāṇāṃ pāraṃgantukāmena bodhisattvena mahāsattvena prajñāpāramitāyāṃ śikṣitavyaṃ /

punar aparaṃ śāradvatīputra sāśravānāśravāṇāṃ dharmāṇāṃ pāraṃgantukāmena bodhisattvena mahāsattvena prajñāpāramitāyāṃ śikṣitavyaṃ / punar aparaṃ śāradvatīputra kuśalākuśalānāṃ dharmāṇāṃ pāraṃgantukāmena bodhisattvena mahāsattvena prajñāpāramitāyāṃ śikṣitavyaṃ / punar aparaṃ śāradvatīputra laukikalokottarāṇāṃ dharmāṇāṃ pāraṃgantukāmena bodhisattvena mahāsattvena prajñāpāramitāyāṃ śikṣitavyaṃ / punar aparaṃ śāradvatīputra rūpyarūpiṇāṃ dharmāṇāṃ pāraṃgantukāmena bodhisattvena mahāsattvena prajñāpāramitāyāṃ śikṣitavyaṃ / punar aparaṃ śāradvatīputra vyākṛtāvyākṛtānāṃ dharmāṇāṃ pāraṃgantukāmena bodhisattvena mahāsattvena prajñāpāramitāyāṃ śikṣitavyaṃ / punar aparaṃ śāradvatīputra niyatāniyatānāṃ dharmāṇāṃ pāraṃgantukāmena bodhisattvena mahāsattvena prajñāpāramitāyāṃ śikṣitavyaṃ / punar aparaṃ śāradvatīputra nairyānikānairyānikānāṃ dharmāṇāṃ pāraṃgantukāmena bodhisattvena mahāsattvena prajñāpāramitāyāṃ śikṣitavyaṃ / punar aparaṃ śāradvatīputra hānabhāgīyānāṃ viśeṣabhāgīyānāṃ dharmāṇāṃ pāraṃgantukāmena bodhisattvena mahāsattvena prajñāpāramitāyāṃ śikṣitavyaṃ / [punar aparaṃ śāradvatīputra bhāgīyānāṃ viśeṣabhāgīyānāṃ dharmāṇāṃ pāraṃgantukāmena bodhisattvena mahāsattvena prajñāpāramitāyāṃ śikṣitavyaṃ /] punar aparaṃ śāradvatīputra pṛthagjanadharmāṇām āryadharmāṇāṃ pāraṃgantukāmena bodhisattvena mahāsattvena prajñāpāramitāyāṃ śikṣitavyaṃ / punar aparaṃ śāradvatīputra śaikṣadharmāṇām aśaikṣadharmāṇāṃ pāraṃgantukāmena bodhisattvena mahāsattvena prajñāpāramitāyāṃ śikṣitavyaṃ /

punar aparaṃ śāradvatīpuca śrāvakadharmāṇāṃ pratyekabuddhadharmāṇāṃ pāraṃgantukāmena bodhisattvena mahāsattvena prajñāpāramitāyāṃ śikṣitavyaṃ / punar aparaṃ śāradvatīputra bodhisattvadharmāṇāṃ buddhadharmāṇāñ ca pāraṃgantukāmena bodhisattvena mahāsattvena prajñāpāramitāyāṃ śikṣitavyaṃ / punar aparaṃ śāradvatīputra sarvadharmāṇāṃ pāraṃgantukāmena bodhisattvena mahāsattvena prajñāpāramitāyāṃ śikṣitavyaṃ / punar aparaṃ śāradvatīputra bodhisattvena mahāsattvena atītānāgatapratyutpannānāṃ dharmāṇāṃ tathatām anuboddhukāmena prajñāpāramitāyāṃ śikṣitavyaṃ / punar aparaṃ śāradvatīputra bodhisattvena mahāsattvena sarvadharmāṇām anutpādakoṭim anuprāptukāmena prajñāpāramitāyāṃ śikṣitavyaṃ / punar aparaṃ śāradvatīputra bodhisattvena mahāsattvena sarvadharmāṇāṃ bhūtakoṭiṃ prativeddhukāmena prajñāpāramitāyāṃ śikṣitavyaṃ / punar aparaṃ śāradvatīputra sarvaśrāvakapratyekabuddhānāṃ pūrvaṃgamena bhavitukāmena bodhisattvena mahāsattvena prajñāpāramitāyāṃ śikṣitavyaṃ / punar aparaṃ śāradvatīputra bodhisattvena mahāsattvena sarvabuddhānāṃ bhagavatām upasthāyakena bhavitukāmena prajñāpāramitāyāṃ śikṣitavyaṃ / punar aparaṃ śāradvatīputra bodhisattvena mahāsattvena sarvabuddhānāṃ bhagavatām atyantaparicārakeṇa bhavitukāmena prajñāpāramitāyāṃ śikṣitavyaṃ / punar aparaṃ śāradvatīputra bodhisattvena mahāsattvena mahāparivāreṇa bhavitukāmena prajñāpāramitāyāṃ śikṣitavyaṃ /

punar aparaṃ śāradvatīputra bodhisattvena mahāsattvenātītānāgatapratyutpannānāṃ bodhisattvaparivārāṇāṃ pratilabdhukāmena prajñāpāramitāyāṃ śikṣitavyaṃ / punar aparaṃ śāradvatīputra bodhisattvena mahāsattvena sarvadātṝṇāṃ dakṣiṇāṃ pariśodhayitukāmena prajñāpāramitāyāṃ śikṣitavyaṃ / punar aparaṃ śāradvatīputra bodhisattvena mahāsattvena dānena ca gṛhītacittena bhavitukāmena prajñāpāramitāyāṃ śikṣitavyaṃ / punar aparaṃ śāradvatīputra bodhisattvena mahāsattvena dauḥśīlyacittapṛthakkartukāmena prajñāpāramitāyāṃ śikṣitavyaṃ / punar aparaṃ śāradvatīputra bodhisattvena mahāsattvena vyāpādacittam utsraṣṭukāmena prajñāpāramitāyāṃ śikṣitavyaṃ / punar aparaṃ śāradvatīputra bodhisattvena mahāsattvena kausīdyacittam anutpādayitukāmena prajñāpāramitāyāṃ śikṣitavyaṃ / punar aparaṃ śāradvatīputra bodhisattvena mahāsattvena vikṣepacittam anutpādayitukāmena prajñāpāramitāyāṃ śikṣitavyaṃ / punar aparaṃ śāradvatīputra bodhisattvena mahāsattvena dauṣprajñacittam anutpādayitukāmena prajñāpāramitāyāṃ śikṣitavyaṃ / punar aparaṃ śāradvatīputra bodhisattvena mahāsattvena sarvasattvān dānamaye puṇyakriyāvastuni pratiṣṭhāpayitukāmena prajñāpāramitāyāṃ śikṣitavyaṃ / punar aparaḥ śāradvatīputra bodhisattvena mahāsattvena sarvasattvāñ chīlamaye puṇyakriyāvastuni pratiṣṭhāpayitukāmena prajñāpāramitāyāṃ śikṣitavyaṃ / punar aparaṃ śāradvatīputra bodhisattvena mahāsattvena sarvasattvān bhāvanāmaye puṇyakriyāvastuni pratiṣṭhāpayitukāmena prajñāpāramitāyāṃ śikṣitavyaṃ /

punar aparaṃ śāradvatīputra bodhisattvena mahāsattvena sarvasattvān airyāpathasahagate puṇyakriyāvastuni pratiṣṭhāpayitukāmena prajñāpāramitāyāṃ śikṣitavyaṃ / punar aparaṃ śāradvatīputra bodhisattvena mahāsattvena sarvasattvān sarvauṣadhikasahagate puṇyakriyāvastuni pratiṣṭhāpayitukāmena prajñāpāramitāyāṃ śikṣitavyaṃ / punar aparaṃ śāradvatīputra bodhisattvena mahāsattvena sarvākāraṃ pañca cakṣuṃṣi niṣpādayitukāmena prajñāpāramitāyāṃ śikṣitavyaṃ / punar aparaṃ śāradvatīputra bodhisattvena mahāsattvena yad uttamātmacakṣur niṣpādayitukāmena prajñāpāramitāyāṃ śikṣitavyaṃ / divyaṃ cakṣur niṣpādayitukāmena bodhisattvena mahāsattvena prajñāpāramitāyāṃ śikṣitavyaṃ / prajñācakṣur niṣpādayitukāmena bodhisattvena mahāsattvena prajñāpāramitāyāṃ śikṣitavyaṃ / dharmacakṣur niṣpādayitukāmena bodhisattvena mahāsattvena prajñāpāramitāyāṃ śikṣitavyaṃ / buddhacakṣur niṣpādayitukāmena bodhisattvena mahāsattvena prajñāpāramitāyāṃ śikṣitavyaṃ / punar aparaṃ śāradvatīputra ye pūrvasyāṃ diśi gaṅgānadīvālukopameṣu lokadhātuṣu buddhā bhagavantas tān sarvān divyena cakṣuṣā saṃdraṣṭukāmena bodhisattvena mahāsattvena yañ ca buddhā bhagavanto dharmaṃ bhāṣante tat sarvaṃ divyena śrotreṇa śrotukāmena teṣāñ ca buddhānāṃ bhagavatāṃ cetasaiva cetaḥ prajñātukāmena

teṣāñ ca buddhānāṃ bhagavatāṃ pūrvayogasahagatāṃ bodhisattvacaryāṃ samanusmartukāmena teṣāṃ buddhānāṃ bhagavatām anekavidham ṛddhivikurvirtuṃ saṃdraṣṭukāmena bodhisattvena mahāsattvena prajñāpāramitāyāṃ śikṣitavyaṃ / ye dakṣiṇasyān diśi gaṅgānadīvālukopameṣu lokadhātuṣu buddhā bhagavantas tān sarvān divyena cakṣuṣā saṃdraṣṭukāmena yañ ca buddhā bhagavanto dharmaṃ bhāṣante tat sarvaṃ divyena śrotreṇa śrotukāmena teṣāñ ca buddhānāṃ bhagavatāṃ cetasaiva cetaḥ prajñātukāmena teṣāṃ buddhānāṃ bhagavatāṃ pūrvayogasahagatāṃ bodhisattvacaryām anusmartukāmena teṣāṃ buddhānāṃ bhagavatām anekavidham ṛddhivikurvituṃ saṃdraṣṭukāmena bodhisattvena mahāsattvena prajñāpāramitāyāṃ śikṣitavyaṃ / ye paścimāyāṃ diśi gaṅgānadīvālukopameṣu lokadhātuṣu buddhā bhagavantas tān sarvān divyena cakṣuṣā saṃdraṣṭukānena yañ ca te buddhā bhagavanto dharmaṃ bhāṣante tat sarvaṃ divyena śrotreṇa śrotukāmena teṣāṃ buddhānāṃ bhagavatāṃ cetasaiva cetaḥ prajñātukāmena teṣāñ ca buddhānāṃ bhagavatāṃ pūrvayogasahagatāṃ bodhisattvacaryām anusmartukāmena teṣāñ ca buddhānāṃ bhagavatām anekavidham ṛddhivikurvituṃ saṃdraṣṭukāmena bodhisattvena mahāsattvena prajñāpāramitāyāṃ śikṣitavyaṃ /

ye uttarasyān diśi gaṅgānadīvālukopameṣu lokadhātuṣu buddhā bhagavantas tān sarvān divyena cakṣuṣā saṃdraṣṭukāmena yañ ca te buddhā bhagavanto dharmaṃ bhāṣante tat sarvaṃ divyena śrotreṇa śrotukāmena teṣāñ ca buddhānāṃ bhagavatāṃ cetasaiva cetaḥ prajñātukāmena teṣāṃ buddhānāṃ bhagavatāṃ pūrvayogasahagatāṃ bodhisattvacaryām anusmartukāmena teṣāṃ buddhānāṃ bhagavatām anekavidham ṛddhivikurvituṃ saṃdraṣṭukāmena bodhisattvena mahāsattvena prajñāpāramitāyāṃ śikṣitavyaṃ / ye uttarapūrvasyān diśi gaṅgānadīvālukopameṣu lokadhātuṣu buddhā bhagavantas tān sarvān divyena cakṣuṣā saṃdraṣṭukāmena yañ ca te buddhā bhagavanto dharmaṃ bhāṣante tat sarvaṃ divyena śrotreṇa śrotukāmena teṣāñ ca buddhānāṃ bhagavatāṃ cetasaiva cetaḥ prajñātukāmena teṣāñ ca buddhānāṃ bhagavatāṃ pūrvayogasahagatāṃ bodhisattvacaryām anusmartukāmena teṣāñ ca buddhānāṃ bhagavatām anekavidham ṛddhivikurvituṃ saṃdraṣṭukāmena bodhisattvena mahāsattvena prajñāpāramitāyāṃ śikṣitavyaṃ / ye pūrvadakṣiṇasyān diśi gaṅgānadīvālukopameṣu lokadhātuṣu buddhā bhagavantas tān sarvān divyena cakṣuṣā saṃdraṣṭukāmena yañ ca te buddhā bhagavanto dharmaṃ bhāṣante tat sarvaṃ divyena śrotreṇa śrotukāmena teṣāṃ buddhānāṃ bhagavatāṃ cetasaiva cetaḥ prajñātukāmena teṣāñ ca buddhānāṃ bhagavatāṃ pūrvayogasahagatāṃ bodhisattvacaryām anusmartukāmena teṣāñ ca buddhānāṃ bhagavatām anekavidham ṛddhivikurvitaṃ saṃdraṣṭukāmena bodhisattvena mahāsattvena prajñāpāramitāyāṃ śikṣitavyaṃ /

ye dakṣiṇapaścimāyān diśi gaṅgānadīvālukopameṣu lokadhātuṣu buddhā bhagavantas tān sarvān divyena cakṣuṣā saṃdraṣṭukāmena yañ ca te buddhā bhagavanto dharmaṃ bhāṣante tat sarvaṃ divyena śrotreṇa śrotukāmena teṣāñ ca buddhānāṃ bhagavatāṃ cetasaiva cetaḥ prajñātukāmena teṣāñ ca buddhānāṃ bhagavatāṃ pūrvayogasahagatāṃ bodhisattvacaryām anusmartukāmena teṣāñ ca buddhānāṃ bhagavatām anekavidham ṛddhivikurvitaṃ saṃdraṣṭukāmena bodhisattvena mahāsattvena prajñāpāramitāyāṃ śikṣitavyaṃ / ye paścimottarasyān diśi gaṅgānadīvālukopameṣu lokadhātuṣu buddhā bhagavantas tān sarvān divyena cakṣuṣā saṃdraṣṭukāmena yañ ca te buddhā bhagavanto dharmaṃ bhāṣante tat sarvaṃ divyena śrotreṇa śrotukāmena teṣāñ ca buddhānāṃ bhagavatāṃ cetasaiva cetaḥ prajñātukāmena teṣāñ ca buddhānāṃ bhagavatāṃ pūrvayogasahagatāṃ bodhisattvacaryām anusmartukāmena teṣāñ ca buddhānāṃ bhagavatām anekavidham ṛddhivikurvitaṃ saṃdraṣṭukāmena bodhisattvena mahāsattvena prajñāpāramitāyāṃ śikṣitavyaṃ / ye 'dhastād diśi gaṅgānadīvālukopameṣu lokadhātuṣu buddhā bhagavantas tān sarvān divyena cakṣuṣā saṃdraṣṭukāmena yañ ca te buddhā bhagavanto dharmaṃ bhāṣante tat sarvaṃ divyena śrotreṇa śrotukāmena teṣāñ ca buddhānāṃ bhagavatāṃ cetasaiva cetaḥ prajñātukāmena teṣāñ ca buddhānāṃ bhagavatāṃ pūrvayogasahagatāṃ bodhisattvacaryām anusmartukāmena teṣāñ ca buddhānāṃ bhagavatām anekavidham ṛddhivikurvitaṃ saṃdraṣṭukāmena bodhisattvena mahāsattvena prajñāpāramitāyāṃ śikṣitavyaṃ /

ye upariṣṭād diśi gaṅgānadīvālukopameṣu lokadhātuṣu buddhā bhagavantas tān sarvān divyena cakṣuṣā saṃdraṣṭukāmena yañ ca te buddhā bhagavanto dharmaṃ bhāṣante tat sarvaṃ divyena śrotreṇa śrotukāmena teṣāñ ca buddhānāṃ bhagavatāṃ cetasaiva cetaḥ prajñātukāmena teṣāñ ca buddhānāṃ bhagavatāṃ pūrvayogasahagatāṃ bodhisattvacaryām anusmartukāmena teṣāñ ca buddhānāṃ bhagavatām anekavidham ṛddhivikurvitaṃ saṃdraṣṭukāmena bodhisattvena mahāsattvena prajñāpāramitāyāṃ śikṣitavyaṃ / punar aparaṃ śāradvatīputra bodhisattvena mahāsattvena yan te buddhā bhagavanto dharmaṃ bhāṣante samantād daśasu dikṣu sarvalokadhātuṣu dharmaṃ bhāṣante tat sarvaṃ śrutvānācchedyena smṛtibalādhānena sandhārayitukāmena yāvad anuttarāṃ samyaksaṃbodhim abhisaṃbuddhaḥ etasminn antare sarvam apraṇāśayitukāmena prajñāpāramitāyāṃ śikṣitavyaṃ / punar aparaṃ śāradvatīputra bodhisattvena mahāsattvenātītānāgatapratyutpannānāṃ bhagavatāṃ buddhānāṃ buddhakṣetrāṇi ca buddhakṣetrapariśuddhiñ ca draṣṭukāmena pariniṣpādayitukāmena prajñāpāramitāyāṃ śikṣitavyaṃ / punar aparaṃ śāradvatīputra yat kiñcit tathāgatair bhāṣitaṃ sūtraṃ geyaṃ vyākaraṇaṃ gāthodānanidānetyuktakajātakavaipulyādbhutadharmā yac chrāvakair na śrutaṃ tat sarvaṃ śrotukāmena udgrahītukāmena dhārayitukāmena vācayitukāmena paryavāptukāmena tathatā pratipattukāmena parebhyaś ca vistareṇa saṃprakāśayitukāmena bodhisattvena mahāsattvena prajñāpāramitāyāṃ śikṣitavyaṃ /

punar aparaṃ śāradvatīputra yat kiñcit pūrvasyān diśi gaṅgānadīvālukopameṣu lokadhātuṣu sarvabuddhair bhagavadbhir bhāṣitaṃ bhāṣante bhāṣiṣyante tat sarvaṃ śrotukāmena udgrahītukāmena dhārayitukāmena vācayitukāmena paryavāptukāmena parebhyaś ca vistareṇa saṃprakāśayitukāmena tathatvāya pratipattukāmena bodhisattvena mahāsattvena prajñāpāramitāyāṃ śikṣitavyaṃ / yat kiñcid dakṣiṇasyān diśi sarvabuddhair bhagavadbhir bhāṣitaṃ bhāṣante bhāṣiṣyante tat sarvaṃ śrotukāmena udgrahītukāmena dhārayitukāmena vācayitukāmena paryavāptukāmena parebhyaś ca vistareṇa saṃprakāśayitukāmena tatra ca tathatvāya pratipattukāmena bodhisattvena mahāsattvena prajñāpāramitāyāṃ śikṣitavyaṃ / yat kiñcit paścimāyāṃ diśi gaṅgānadīvālukopameṣu lokadhātuṣu sarvabuddhair bhagavadbhir bhāṣitaṃ bhāṣante bhāṣiṣyante tat sarvaṃ śrotukāmena udgrahītukāmena dhārayitukāmena vācayitukāmena paryavāptukāmena parebhyaś ca vistareṇa saṃprakāśayitukāmena tatra ca tathatvāya pratipattukāmena bodhisattvena mahāsattvena prajñāpāramitāyāṃ śikṣitavyaṃ / yat kiñcid uttarasyān diśi sarvabuddhair bhagavadbhir bhāṣitaṃ bhāṣante bhāṣiṣyante tat sarvaṃ śrotukāmena udgrahītukāmena dhārayitukāmena vācayitukāmena paryavāptukāmena parebhyaś ca vistareṇa saṃprakāśayitukāmena tatra ca tathatvāya pratipattukāmena bodhisattvena mahāsattvena prajñāpāramitāyāṃ śikṣitavyaṃ /

yat kiñcid uttarapūrvasyān diśi sarvabuddhair bhagavadbhir bhāṣitaṃ bhāṣante bhāṣiṣyante tat sarvaṃ śrotukāmena udgrahītukāmena dhārayitukāmena vācayitukāmena paryavāptukāmena parebhyaś ca vistareṇa saṃprakāśayitukāmena tatra ca tathatvāya pratipattukāmena bodhisattvena mahāsattvena prajñāpāramitāyāṃ śikṣitavyaṃ / yat kiñcit pūrvadakṣiṇasyān diśi sarvabuddhair bhagavadbhir bhāṣitaṃ bhāṣante bhāṣiṣyante tat sarvaṃ śrotukāmena udgrahītukāmena dhārayitukāmena vācayitukāmena paryavāptukāmena parebhyaś ca vistareṇa saṃprakāśayitukāmena tatra ca tathatvāya pratipattukāmena bodhisattvena mahāsattvena prajñāpāramitāyāṃ śikṣitavyaṃ / yat kiñcid dakṣiṇapaścimāyān diśi sarvabuddhair bhagavadbhir bhāṣitaṃ bhāṣante bhāṣiṣyante tat sarvaṃ śrotukāmena udgrahītukāmena dhārayitukāmena vācayitukāmena paryavāptukāmena parebhyaś ca vistareṇa saṃprakāśayitukāmena tatra ca tathatvāya pratipattukāmena bodhisattvena mahāsattvena prajñāpāramitāyāṃ śikṣitavyaṃ / yat kiñcit paścimottarasyān diśi sarvabuddhair bhagavadbhir bhāṣitaṃ bhāṣante bhāṣiṣyante tat sarvaṃ śrotukāmena udgrahītukāmena dhārayitukāmena vācayitukāmena paryavāptukāmena parebhyaś ca vistareṇa saṃprakāśayitukāmena tatra ca tathatvāya pratipattukāmena bodhisattvena mahāsattvena prajñāpāramitāyāṃ śikṣitavyaṃ /

yat kiñcid adhastād diśi sarvabuddhair bhagavadbhir bhāṣitaṃ bhāṣante bhāṣiṣyante tat sarvaṃ śrotukāmena udgrahītukāmena dhārayitukāmena vācayitukāmena paryavāptukāmena parebhyaś ca vistareṇa saṃprakāśayitukāmena tatra ca tathatvāya pratipattukāmena bodhisattvena mahāsattvena prajñāpāramitāyāṃ śikṣitavyaṃ / yat kiñcid upariṣṭād diśi sarvabuddhair bhagavadbhir bhāṣitaṃ bhāṣante bhāṣiṣyante tat sarvaṃ śrotukāmena udgrahītukāmena dhārayitukāmena vācayitukāmena paryavāptukāmena parebhyaś ca vistareṇa saṃprakāśayitukāmena tatra ca tathatvāya pratipattukāmena bodhisattvena mahāsattvena prajñāpāramitāyāṃ śikṣitavyaṃ / punar aparaṃ śāradvatīputra yāḥ pūrvasyān diśi gaṅgānadīvālukopameṣu lokadhātuṣu andhakāratamisrā aghā aghasphuṭā yatremau sūryācandramasāv evaṃ mahardhikāv evaṃ maheśākhyāv evaṃ mahānubhāvau na bhāsato na tapato na virocatas tāḥ sarvā avabhāsayitukāmena bodhisattvena mahāsattvena prajñāpāramitāyāṃ śikṣitavyaṃ / yāḥ dakṣiṇasyān diśi gaṅgānadīvālukopameṣu lokadhātuṣu andhakāratamisrā aghā aghasphuṭā yatremau sūryācandramasāv evaṃ mahardhikāv evaṃ maheśākhyāv evaṃ mahānubhāvau na bhāsato na tapato na virocatas tāḥ sarvā navabhāsayitukāmena bodhisattvena mahāsattvena prajñāpāramitāyāṃ śikṣitavyaṃ /

yāḥ paścimāyān diśi gaṅgānadīvālukopameṣu lokadhātuṣu andhakāratamisrā aghā aghasphuṭā yatremau sūryācandramasāv evaṃ mahardhikāv evaṃ maheśākhyāv evaṃ mahānubhāvau na bhāsato na tapato na virocatas tāḥ sarvā avabhāsayitukāmena bodhisattvena mahāsattvena prajñāpāramitāyāṃ śikṣitavyaṃ / yāḥ uttarasyān diśi gaṅgānadīvālukopameṣu lokadhātuṣu andhakāratamisrā aghā aghasphuṭā yatremau sūryācandramasāv evaṃ mahardhikāv evaṃ maheśākhyāv evaṃ mahānubhāvau na bhāsato na tapato na virocatas tāḥ sarvā avabhāsayitukāmena bodhisattvena mahāsattvena prajñāpāramitāyāṃ śikṣitavyaṃ / yāḥ uttarapūrvasyāṃ diśi gaṅgānadīvālukopameṣu lokadhātuṣu andhakāratamisrā aghā aghasphuṭā yatremau sūryācandramasāv evaṃ mahardhikāv evaṃ maheśākhyāv evaṃ mahānubhāvau na bhāsato na tapato na virocatas tāḥ sarvā avabhāsayitukāmena bodhisattvena mahāsatvena prajñāpāramitāyāṃ śikṣitavyaṃ / yāḥ pūrvadakṣiṇasyān diśi gaṅgānadīvālukopameṣu lokadhātuṣu andhakāratamisrā aghā aghasphuṭā yatremau sūryācandramasāv evaṃ mahardhikāv evaṃ maheśākhyāv evaṃ mahānubhāvau na bhāsato na tapato na virocatas tāḥ sarvā avabhāsayitukāmena bodhisattvena mahāsattvena prajñāpāramitāyāṃ śikṣitavyaṃ / yāḥ dakṣiṇapaścimāyān diśi gaṅgānadīvālukopameṣu lokadhātuṣu andhakāratamisrā aghā aghasphuṭā yatremau sūryācandramasāv evaṃ mahardhikāv evaṃ maheśākhyāv evaṃ mahānubhāvau na bhāsato na tapato na virocatas tāḥ sarvā avabhāsayitukāmena bodhisattvena mahāsattvena prajñāpāramitāyāṃ śikṣitavyaṃ /