Śatasāhasrikā Prajñāpāramitā, Part I

yāḥ paścimottarasyān diśi gaṅgānadīvālukopameṣu lokadhātuṣu andhakāratamisrā aghā aghasphuṭā yatremau sūryācandramasāv evaṃ mahardhikāv evaṃ maheśākhyāv evaṃ mahānubhāvau na bhāsato na tapato na virocatas tāḥ sarvā avabhāsayitukāmena bodhisattvena mahāsattvena prajñāpāramitāyāṃ śikṣitavyaṃ / yā adhastād diśi gaṅgānadīvālukopameṣu lokadhātuṣu andhakāratamisrā aghā aghasphuṭā yatremau sūryocandramasāv evaṃ mahardhikāv evaṃ maheśākhyāv evaṃ mahānubhāvau na bhāmato na tapato na virocatas tāḥ sarvā avabhāsayitukāmena bodhisattvena mahāsattvena prajñāpāramitāyāṃ śikṣitavyaṃ / yā upariṣṭād diśi gaṅgānadīvālukopameṣu lokadhātuṣu andhakāratamisrā aghā aghasphuṭā yatremau sūryācandramasāv evaṃ mahardhikāv evaṃ maheśākhyāv evaṃ mahānubhāvau na bhāsato na tapato na virocatas tāḥ sarvā avabhāsayitukāmena bodhisattvena mahāsattvena prajñāpāramitāyāṃ śikṣitavyaṃ / punar apa śāradvatīputra yāvantaḥ pūrvasyān diśi gaṅgānadīvālukopamā lokadhātavo yatra na buddhaśabdaṃ na dharmaśabdaṃ na saṅghaśabdaṃ sattvāḥ śṛṇvanti tatra lokadhātuṣu tān sarvasattvān buddhadharmasaṅghaśabdān śrāvayitukāmena samyagdṛṣṭau pratiṣṭhāpayitukāmena bodhisattvena mahāsattvena prajñāpāramitāyāṃ śikṣitavyaṃ / yāvantaḥ śāradvatīputra dakṣiṇasyān diśi gaṅgānadīvālukopamā lokadhātavo yatra na buddhaśabdaṃ na dharmaśabdaṃ na saṅghaśabdaṃ sattvāḥ śṛṇvanti tatra lokadhātuṣu tān sarvasattvān buddhadharmasaṅghaśabdān śrāvayitukāmena samyagdṛṣṭau pratiṣṭhāpayitukāmena bodhisattvena mahāsattvena prajñāpāramitāyāṃ śikṣitavyaṃ /

yāvantaḥ śāradvatīputra paścimāyān diśi gaṅgānadīvālukopamā lokadhātavo yatra na buddhaśabdaṃ na dharmaśabdaṃ na saṅghaśabdaṃ sattvāḥ śṛṇvanti tatra lokadhātuṣu tān sarvasattvān buddhadharmasaṅghaśabdān śrāvayitukāmena samyagdṛṣṭau pratiṣṭhāpayitukāmena bodhisattvena mahāsattvena prajñāpāramitāyāṃ śikṣitavyaṃ / yāvantaḥ śāradvatīputra uttarasyān diśi gaṅgānadīvālukopamā lokadhātavo yatra na buddhaśabdaṃ na dharmaśabdaṃ na saṅghaśabdaṃ sattvāḥ śṛṇvanti tatra lokadhātuṣu tān sarvasattvān buddhadharmasaṅghaśabdān śrāvayitukāmena samyagdṛṣṭau pratiṣṭhāpayitukāmena bodhisattvena mahāsattvena prajñāpāramitāyāṃ śikṣitavyaṃ / yāvantaḥ śāradvatīputra uttarapūrvasyān diśi gaṅgānadīvālukopamā lokadhātavo yatra na buddhaśabdaṃ na dharmaśabdaṃ na saṅghaśabdaṃ sattvāh śṛṇvanti tatra lokadhātuṣu tān sarvasattvān buddhadharmasaṅghaśabdān śrāvayitukāmena samyagdṛṣṭau pratiṣṭhāpīyatukāmena bodhisattvena mahāsattvena prajñāpāramitāyāṃ śikṣitavyaṃ / yāvantaḥ śāradvatīputra pūrvadakṣiṇasyān diśi gaṅgānadīvālukopamā lokadhātavo yatra na buddhaśabdaṃ na dharmaśabdaṃ na saṅghaśabdaṃ sattvāḥ śṛṇvanti tatra lokadhātuṣu tān sarvasattvān buddhadharmasaṅghaśabdān śrāvayitukāmena samyagdṛṣṭau pratiṣṭhāpayitukāmena bodhisattvena mahāsattvena prajñāpāramitāyāṃ śikṣitavyaṃ /

yāvantaḥ śāradvatīputra dakṣiṇapaścimāyān diśi gaṅgānadīvālukopamā lokadhātavo yatra na buddhaśabdaṃ na dharmaśabdaṃ na saṅghaśabdaṃ sattvāḥ śṛṇvanti tatra lokadhātuṣu tān sarvasattvān buddhadharmasaṅghaśabdān śrāvayitukāmena samyagdṛṣṭau pratiṣṭhāpayitukātena bodhisattvena mahāsattvena prajñāpāramitāyāṃ śikṣitavyaṃ / yāvantaḥ śāradvatīputra paścimottarasyān diśi gaṅgānadīvālukopamā lokadhātavo yatra na buddhaśabdaṃ na dharmaśabdaṃ na saṅghaśabdaṃ sattvāḥ śṛṇvanti tatra lokadhātuṣu tān sarvasattvān buddhadharmasaṅghaśabdān śrāvayitukāmena samyagdṛṣṭau pratiṣṭhāpayitukāmena bodhisattvena mahāsattvena prajñāpāramitāyāṃ śikṣitavyaṃ / yāvantaḥ śāradvatīputrādhastād diśi gaṅgānadīvālukopamā lokadhātavo yatra na buddhaśabdaṃ na dharmaśabdaṃ na saṅghaśabdaṃ sattvāḥ śṛṇvanti tatra lokadhātuṣu tān sarvasattvān buddhadharmasaṅghaśabdān śrāvayitukāmena samyagdṛṣṭau pratiṣṭhāpayitukāmena bodhisattvena mahāsattvena prajñāpāramitāyāṃ śikṣitavyaṃ / yāvantaḥ śāradvatīputropariṣṭād diśi gaṅgānadīvālukopamā lokadhātavo yatra na buddhaśabdaṃ na dharmaśabdaṃ na saṅghaśabdaṃ sattvāḥ śṛṇvanti tatra lokadhātuṣu tān sarvasattvān buddhadharmasaṅghaśabdān śrāvayitukāmena samyagdṛṣṭau pratiṣṭhāpayitukāmena bodhisattvena mahāsattvena prajñāpāramitāyāṃ śikṣitavyaṃ /

punar aparaṃ śāradvatīputra ye pūrvasyān diśi gaṅgānadīvālukopameṣu lokadhātuṣv andhāḥ sattvās te mamānubhāvāc cakṣuṣā rūpāṇi drakṣyanti badhirāḥ śrotreṇa śabdān śroṣyanty unmattāḥ smṛtiṃ pratilapsyante nagnāś cīvarāṇi pratilapsyante kṣudhitapipāsitā annapānaṃ pratilapsyante glānāvyādhibhyaḥ pratimokṣyante bandhanāvarodhagatā yathākāmaṃ gamiṣyanti mamardhyā mamānubhāveneti tena bodhisattvena mahāsattvena prajñāpāramitāyāṃ śikṣitavyaṃ / ye śāradvatīputra dakṣiṇasyān diśi gaṅgānadīvālukopameṣu lokadhātuṣv andhāḥ sattvās te mamānubhāvāc cakṣuṣā rūpāṇi drakṣyanti badhirāḥ śrotreṇa śabdān śroṣyanti unmattāḥ smṛtiṃ pratilapsyante nagnāś cīvarāṇi pratilapsyante kṣudhitapipāsitā annapānaṃ pratilapsyante glānā vyādhibhyaḥ pratimokṣyante bandhanāvarodhagatā yathākāmaṃ gamiṣyanti mamardhyā mamānubhāveneti tena bodhisattvena mahāsattvena prajñāpāramitāyāṃ śikṣitavyaṃ / ye śāradvatīputra paścimāyān diśi gaṅgānadīvālukopameṣu lokadhātuṣv andhāḥ sattvās te mamānubhāvāc cakṣuṣā rūpāṇi drakṣyanti badhirāḥ śrotreṇa śabdān śroṣyanti unmattāḥ smṛtiṃ pratilapsyante nagnāś cīvarāṇi pratilapsyante kṣudhitapipāsitā annapānaṃ pratilapsyante glānā vyādhibhyaḥ pratimokṣyante bandhanāvarodhagatā yathākāmaṃ gamiṣyanti mamardhyā mamānubhāveneti tena bodhisattvena mahāsattvena prajñāpāramitāyāṃ śikṣitavyaṃ /

ye śāradvatīputrottarasyān diśi gaṅgānadīvālukopameṣu lokadhātuṣv andhāḥ sattvās te mamānubhāvāc cakṣuṣā rūpāṇi drakṣyanti badhirāḥ śrotreṇa śabdaṃ śroṣyanti unmattāḥ smṛtiṃ pratilapsyante nagnāś cīvarāṇi pratilapsyante kṣudhitapipāsitā annapānaṃ pratilapsyante glānāḥ vyādhibhyaḥ pratimokṣyante bandhanāvarodhagatā yathākāmaṃgamā bhaviṣyanti mamardhyā mamānubhāveneti bodhisattvena mahāsattvena prajñāpāramitāyāṃ śikṣitavyaṃ / ye śāradvatīputrottarapūrvasyān diśi gaṅgānadīvālukopameṣu lokadhātuṣv andhāḥ sattvās te mamānubhāvāc cakṣuṣā rūpāṇi drakṣyanti badhirāḥ śrotreṇa śabdaṃ śroṣyanti unmattāḥ smṛtiṃ pratilapsyante nagnāś cīvarāṇi pratilapsyante kṣudhitapipāsitā annapānaṃ pratilapsyante glānā vyādhibhyaḥ pratimokṣyante bandhanāvarodhagatā yathākāmaṃgamā bhaviṣyanti mamardhyā mamānubhāveneti bodhisattvena mahāsattvena prajñāpāramitāyāṃ śikṣitavyaṃ / ye śāradvatīputra pūrvadakṣiṇasyān diśi gaṅgānadīvālukopameṣu lokadhātuṣv andhāḥ sattvās te mamānubhāvāc cakṣuṣā rūpāṇi drakṣyanti badhirāḥ śrotreṇa śabdān śroṣyanti unmattāḥ smṛtiṃ pratilapsyante nagnāś cīvarāṇi pratilapsyante kṣudhitapipāsitā annapānaṃ pratilapsyante glānāḥ vyādhibhyaḥ pratimokṣyante, bandhanāvarodhagatā yathākāmaṃgamā bhaviṣyanti mamardhyā mamānubhāveneti bodhisattvena mahāsattvena prajñāpāramitāyāṃ śikṣitavyaṃ /

ye śāradvatīputra dakṣiṇapaścimāyān diśi gaṅgānadīvālukopameṣu lokadhātuṣvandhāḥ sattvās te mamānubhāvāc cakṣuṣā rūpāṇi drakṣyanti badhirāḥ śrotreṇa śabdaṃ śroṣyanti unmattāḥ smṛtiṃ pratilapsyante nagnāś cīvarāṇi pratilapsyante kṣudhitapipāsitā annapānaṃ pratilapsyante glānāḥ vyādhibhyaḥ pratimokṣyante bandhanāvarodhagatā yathākāmaṃgamā bhaviṣyanti mamardhyā mamānubhāveneti bodhisattvena mahāsattvena prajñāpāramitāyāṃ śikṣitavyaṃ / ye śāradvatīputra paścimottarasyān diśi gaṅgānadīvālukopameṣu lokadhātuṣv andhāḥ sattvās te mamānubhāvāc cakṣuṣā rūpāṇi drakṣyanti badhirāḥ śrotreṇa śabdaṃ śroṣyanti unmattāḥ smṛtiṃ pratilapsyante nagnāś cīvarāṇi pratilapsyante kṣudhitapipāsitā annapānaṃ pranilapsyante glānāḥ vyādhibhyaḥ parimokṣyante bandhanāvarodhagatā yathākāmaṃgamā bhaviṣyanti mamardhyā mamānubhāveneti bodhisattvena mahāsattvena prajñāpāramitāyāṃ śikṣitavyaṃ / ye śāradvatīputrādhastād diśi gaṅgānadīvālukopameṣu lokadhātuṣv andhāḥ sattvās te mamānubhāvāc cakṣuṣā rūpāṇi drakṣyanti badhirāḥ śrotreṇa śabdaṃ śroṣyanti unmattāḥ smṛtiṃ pratilapsyante nagnāś cīvarāṇi pratilapsyante kṣudhitapipāsitā annapānaṃ pratilapsyante glānāḥ vyādhibhyaḥ parimokṣyante, bandhanāvarodhagatā yathākāmaṃ gamiṣyanti mamardhyā mamānubhāveneti bodhisattvena mahāsattvena prajñāpāramitāyāṃ śikṣitavyaṃ /

ye śāradvatīputropariṣṭād diśi gaṅgānadīvālukopameṣu lokadhātuṣv andhāḥ sattvās te mamānubhāvāc cakṣuṣā rūpāṇi drakṣyanti, badhirāḥ śrotreṇa śabdaṃ śroṣyanti, unmattāḥ smṛtiṃ pratilapsyante, nagnāś cīvarāṇi pratilapsyante, kṣudhitapipāsitā annapānaṃ pratilapsyante, glānā vyādhibhyaḥ parimokṣyante, bandhanāvarodhagatā yathākāmaṃgamā bhaviṣyanti, mamardhyā mamānubhāveneti bodhisattvena mahāsattvena prajñāpāramitāyāṃ śikṣitavyaṃ / kim iti ye tatra samantād daśasu dikṣu ekaikasyān diśi gaṅgānadīvālukopameṣu lokadhātuṣu akṣaṇāpāyagatāḥ sattvāḥ nairayikāḥ tairyagyonikā vā yāmalaukikā vā te mamānubhāvāt tataś cyutvā mānuṣyam ātmabhāvaṃ pratilapsyante sarvāṃś ca tān sattvāñ chīle pratiṣṭhāpayitukāmena, samādhau pratiṣṭhāpayitukāmena, prajñāyāṃ pratiṣṭhāpayitukāmena, vimuktau pratiṣṭhāpayitukāmena, vimuktijñānadarśane pratiṣṭhāpayitukāmena, śrotaāpattiphale pratiṣṭhāpayitukāmena sakṛdāgāmiphale pratiṣṭhāpayitukāmena, anāgāmiphale pratiṣṭhāpayitukāsena arhattve pratiṣṭhāpayitukāmena, pratyekabodhau pratiṣṭhāpayitukāmena, sarvajñatāyāṃ pratiṣṭhāpayitukāmena, mārgākārajñatāyāṃ pratiṣṭhāpayitukāmena, sarvākārajñatāyāṃ pratiṣṭhāpayitukāmena, anuttarāyāṃ samyaksaṃbodhau pratiṣṭhāpayitukāmena, bodhisattvena mahāsattvena prajñāpāramitāyāṃ śikṣitavyaṃ / punar aparaṃ śāradvatīputra bodhisattvena mahāsattvena tathāgateryāpathaṃ śikṣitukāmena, tathāgatacaryācāritraviśuddhaṃ tathāgatasya jñānapūrvaṅgamakāyakarmavākkarmamanaskarmapariśuddhiṃ śikṣitukāmena prajñāpāramitāyāṃ śikṣitavyaṃ /

punar aparaṃ śāradvatīputra bodhisattvena mahāsattvena prajñāpāramitāyāṃ carataivam upaparīkṣitavyaṃ / kim ity ahaṃ mahānāgāvalokitam avalokya sattvebhyo 'kṣuṇṇadharmaṃ deśayeyaṃ / kim ity aham ato siṃhaviklambhitena viklambhayeyaṃ / kim ity aham amoghavikrāmitenā vikrāmayeyaṃ / kim ity ahaṃ caturaṅgulamātreṇa mahāpṛthivīṃ padbhyām aspṛśan gaccheyaṃ / kim ity ahaṃ sahasrapattreṣu padmeṣu pādatale niḥkṣipan pādatalasanniśritān prāṇino 'viheṭheyaṃ / kim ity ahaṃ sahasrāracakrābhyāṃ pādatalābhyāṃ mahāpṛthivīṃ vicitrayan gaccheyaṃ / kim ity ahaṃ cakrapramāṇamātraṃ mahāpṛthivyāḥ parivarteyaṃ krameyaṃ / kim ity ahaṃ sarvāṃ pṛthivīm anucaṃkramamāṇaḥ pṛthivīrajasā nānulipyeyaṃ / kim ity aham ekaṃ vā yojanaṃ dve vā trīṇi vā catvāri vā pañca vā daśa vā viṃśataṃ vā triṃśataṃ vā yojanaśataṃ vā yojanasahasraṃ vā yojanaśatasahasraṃ vā yojanakoṭīṃ vā yojanakoṭīśataṃ vā yojanakoṭīsahasraṃ vā yojanakoṭīśatasahasraṃ vā yāvad aprameyāṇi vā asaṃkhyeyāni vā acintyāni vā atulyāni vā anantāni vā aparyantāni vā abhāṣyāṇi vā anabhilāpyāni anabhilāpyānabhilāpyāni vā buddhakṣetrāṇy anuvicaratānucaṅkramyamāṇasya na kāyaphala me cittam iti prajñāpāramitāyāṃ śikṣitavyaṃ / punar aparaṃ śāradvatīputra bodhisattvena mahāsattvena prajñāpāramitāyāṃ catarataivaṃ vyupaparīkṣitavyaṃ / kim ity aham adhastāt katamattarayoḥ sahasrārābhyāṃ cakrābhyāṃ raśmikoṭīniyutaśatasahasrāṇi prāmuñcan sarvākṣaṇāpāyaduḥkhāni praśamayya sarvasattvān sukhitān kuryām iti prajñāpāramitāyāṃ śikṣitavyaṃ /

punar aparaṃ śāradvatīputra bodhisattvena mahāsattvena prajñāpāramitāyāṃ carataivaṃ vyupaparīkṣitavyaṃ / kim ity ahaṃ cāturmahāhārājakāyikadevaiḥ trāyastriṃśair yāmais tuṣitair nirmāṇaratibhiḥ paranirmitavaśavartibhiḥ brahmakāyikair brahmapurohitair brahmapārṣadyair mahābrahmabhir ābhaiḥ parītābhair apramāṇābhair ābhāsvaraiḥ śubhaiḥ parīttaśubhaiḥ apramāṇaśubhaiḥ śubhakṛtsnair vṛhaiḥ parīttavṛhair apramāṇavṛhair vṛhatphalaiḥ avṛhaiḥ atapaiḥ sadṛśaiḥ sudarśanaiḥ akaniṣṭhaiḥ anekadevakoṭīniyutaśatasahasraiḥ parivṛtaḥ puraskṛto bodhimaṇḍalam upasaṃkramyayāmīti prajñāpāramitāyāṃ śikṣitavyaṃ / punar aparaṃ śāradvatīputra bodhisattvena mahāsattvena prajñāpāramitāyāṃ carataivaṃ vyupaparīkṣitavyaṃ / kim iti me bodhivṛkṣatale niṣīdataḥ cāturmahārājakāyikā devās trāyastriṃśā devāḥ tuṣitā devāḥ nirmāṇaratayo devāḥ paranirmitavaśavartino devāḥ brahmakāyikā devāḥ brahmapurohitā devāḥ brahmapārṣadyā devāḥ mahābrahmaṇo devāḥ parīttābhā devāḥ ābhāsvarā devāḥ śubhā devāḥ parīttaśubhā devāḥ apramāṇaśubhā devāḥ śubhakṛtsnā devāḥ vṛhā devāḥ vṛhatphalā devāḥ avṛhā devāḥ atapā devāḥ sudṛśā devāḥ sudarśanā devāḥ akaniṣṭhā devāḥ duṣprasaṃstaraṃ kuryur iti prajñāpāramitāyāṃ śikṣitavyaṃ / punar aparaṃ śāradvatīputra bodhisattvena mahāsattvena prajñāpāramitāyāṃ carataivaṃ vyupaparīkṣitavyaṃ / kim ity ahaṃ bodhimaṇḍalaniṣaṇṇaḥ pāṇinā lakṣaṇasamalaṅkṛtena mahāpṛthivīṃ parāhatya saparivāraṃ kṛṣṇabandhun namuciṃ parājayeyam iti prajñāpāramitāyāṃ śikṣitavyaṃ /

punar aparaṃ śāradvatīputra bodhisattvena mahāsattvena prajñāpāramitāyāṃ carataivaṃ vyupaparīkṣitavyaṃ / kim iti me 'nuttarāṃ samyaksaṃbodhim abhisaṃbuddhasya gacchatas tiṣṭhato niṣīdato niṣaṇṇasya śayānasya pṛthivīpradeśo vajramayaḥ santiṣṭheteti tena prajñāpāramitāyāṃ śikṣitavyaṃ / punar aparaṃ śāradvatīputra bodhisattvena mahāsattvena prajñāpāramitāyāṃ carataiva vyupaparīkṣitavyaṃ / kim ity ahaṃ yatraiva divase 'bhiniṣkrāmeyaṃ tatraiva divase sapariṣatkaṃ kṛṣṇabandhuṃ jitvā anuttarāṃ samyaksaṃbodhim abhisaṃbudhyeyaṃ, abhisaṃbudhya tatraiva divase dharmacakraṃ pravartayeyaṃ / pravartataś cāprameyāsaṃkhyeyānāṃ virajo vigatamalaṃ dharmeṣu dharmacakṣur viśuddham aprameyāsaṃkhyeyānāṃ sattvānām anupāyāśravebhyaś cittāni vimucyeran / aprameyāsaṃkhyeyāḥ sattvāḥ avaivartikā bhaveyur anuttarāyāṃ samyaksaṃbodhāv iti tena prajñāpāramitāyāṃ śikṣitavyaṃ / punar aparaṃ śāradvatīputra bodhisattvena mahāsattvena prajñāpāramitāyāṃ carataivaṃ vyupaparīkṣitavyaṃ / kim iti me 'nuttarāṃ samyaksaṃbodhim abhisaṃbuddhasyāprameyāsakhyeyaśrāvakasaṃgho bhaved ekadharmadeśanayā cāprameyāsaṃkhyeyā ekāsanikā arhanto bhaveyur bodhisattvāś ca mahāsattvāś ca avaivartikā bhaveyur anuttarāyāṃ samyaksaṃbodhau aprameyāsaṃkhyeyāparimāṇaś ca bodhisatvasaṃgho bhaved amitaṃ nāyuṣpramāṇaṃ amitā prabhā samyag bhaved iti prajñāpāramitāyāṃ śikṣitavyaṃ / punar aparaṃ śāradvatīputra bodhisattvena mahāsattvena prajñāpāramitāyāṃ carataivaṃ cittam utpādayitavyaṃ /

kim iti me 'nuttarāṃ samyaksaṃbodhim abhisaṃbuddhasya tatra buddhakṣetre rāgadveṣamohaśabdo 'pi na bhaved iti prajñāpāramitāyāṃ śikṣitavyaṃ / punar aparaṃ śāradvatīputra bodhisattvena mahāsattvena prajñāpāramitāyāṃ carataivaṃ cittam utpādayitavyaṃ / kim iti me 'nuttarāṃ samyaksaṃbodhim abhisaṃbuddhasya tatra buddhakṣetre sarvasattvā evaṃrūpayā prajñayā samanvāgatā bhaveyur yad evaṃ jānīran sādhu dānaṃ sadhu damaṃ sādhu brahmacaryaṃ sādhv avihiṃsā sarvaprāṇibhūteṣv iti prajñāpāramitāyāṃ śikṣitavyaṃ / punar aparaṃ śāradvatīputra bodhisattvena mahāsattvena prajñāpāramitāyāṃ carataivaṃ cittam utpādayitavyaṃ / kim iti me parinirvṛtasya saddharmāntardhānaśabdo 'pi na bhaved iti prajñāpāramitāyāṃ śikṣitavyaṃ / punar aparaṃ śāradvatīputra bodhisattvena mahāsattvena prajñāpāramitāyāṃ carataivaṃ cittam utpādayitavyaṃ / kim iti me sahaśravaṇamātreṇa nāmadheyasya gaṅgānadīvālukopameṣu lokadhātuṣu sattvā niyatā bhaveyur anuttarāyāṃ samyaksaṃbodhāv iti prajñāpāramitāyāṃ śikṣitavyaṃ / yasmin śāradvatīputra samaye bodhisattvo mahāsattvaḥ prajñāpāramitāyāṃ carann imān guṇān utpādayati tasmin samaya āttamanaskā bhavanti catvāro mahārājā vayam atra catvāri pātrāṇi pratiṣṭhāpayiṣyāmo yāni paurvikair mahārājaiḥ paurvikeṣu tathāgateṣu pratiṣṭhāpitāni /

āttamanaskā bhavanti trāyastriṃśā devāḥ āttamanaskā bhavanti yāmā devāḥ āttamanaskā bhavanti tuṣitā devā āttamanaskā bhavanti nirmāṇaratayo devāḥ āttamanaskā bhavanti paranirmitavaśavartino devāḥ [āttamanaskā bhavanti] vayam apy asya upasthāpanaparicaryākarma kariṣyāmaḥ evam āsurāḥ kāyāḥ parihāsyante divyāḥ kāyā abhivardhante āttamanaskā bhavanti brahmakāyikā devā āttamanaskā bhavanti brahmapurohitā devā āttamanaskā bhavanti brahmapārṣadyā devā āttamanaskā bhavanti mahābrahmaṇo devā āttamanaskā bhavanti parīttābhā devā āttamanaskā bhavanti apramāṇābhā devā āttamanaskā bhavanti ābhāsvarā devā āttamanaskā bhavanti parīttaśubhā devā āttamanaskā bhavanti apramāṇaśubhā devā āttamanaskā bhavanti śabhakṛtnā devā āttamanaskā bhavanti vṛhā devā āttamanaskā bhavanti parīttavṛhā devā āttamanaskā bhavanti apramāṇavṛhā devā āttamanaskā bhavanti vṛhatphalā devā āttamanaskā bhavanti avṛhā devā āttamanaskā bhavanti atapā devā āttamanaskā bhavanti sudṛśā devā āttamanaskā bhavanti sudarśanā devā āttamanaskā bhavanti akaniṣṭhā devā vayam enam abhisaṃbuddham adhyeṣiṣyāmahe dharmacakrapravartanāya, yasmin samaye śāradvatīputra bodhisattvo mahāsattvaḥ prajñāpāramitāyāṃ caran vivardhate ṣaḍbhiḥ pāramitābhir āttamanaskās tasmin samaye bhavanti bodhisattvayānikāḥ kulaputrāḥ kuladuhitaraś ca vayam asya mahāsattvasya mātāpitarau bhaviṣyāmo bhrātṛbhaginībhāryāputraduhitṛmitrāmātyajñātisahāyā saṃmoditā bhaviṣyāma ity āttamanaskā bhavanti catvāro mahārājāś cāturmahārājakāyikā devās trāyastriṃśā devā yāmā

devāḥ tuṣitā devāḥ nirmāṇaratayo devāḥ paranirmitavaśavartino devāḥ brahmakāyikā devāḥ brahmapurohitā devāḥ brahmapārṣadyā devā mahābrahmaṇo devāḥ ābhāsvarā devāḥ śubhādevāḥ parīttaśubhā devāḥ apramāṇaśubhā devāḥ śubhakṛtsnā devāḥ apramāṇavṛhā devāḥ vṛhatphalā devāḥ avṛhā devāḥ atapā devāḥ sudṛśā devāḥ sudarśanā devāḥ akaniṣṭhā devāḥ bodhisattvasya mahāsattvasya maithunasaṃyogaprasthānatāyai, sa khalu brahmacārī bhavati /

sattvānāṃ bodhiniyojanatāyai na saṃyojanatāyai dharmaiḥ saṃyujyate sa evaṃ praṇidadhāti / prathamacittotpādaṃ mayopādāya brahmacāriṇā bhavitavyaṃ nābrahmacāriṇā tat kasya hetoḥ / kāmān khalu punaḥ pratiṣedhamānasya brahmalokopapatter apy antarāyo bhavati / kaḥ punar vādo 'nuttarāyāḥ samyaksaṃbodhes tasmāt tarhi bodhisattvena mahāsattvena brahmacāriṇābhiniṣkramyānuttarā samyaksaṃbodhir abhisaṃboddhavyā nābrahmacāriṇā / evam ukte āyuṣmān śāradvatīputro bhagavantam etad avocat / kiṃ punar bhagavan bodhisattvasya mahāsattvasyāvaśyaṃ mātāpitṛbhāryāputraduhitṛbhir bhavitavyaṃ / bhagavān āha / keṣāñcic chāradvatīputra bodhisattvānāṃ mahāsattvānām avaśyaṃ mātāpitṛbhyāṃ bhavitavyaṃ / bhāryāputraduhitṛbhir bhavitavyaṃ / keṣāñcid avaśyaṃ mātāpitṛbhāryāputraduhitṛbhir bhavitavyaṃ / keṣāñcic chāradvatīputra bodhisattvānāṃ mahāsattvānāṃ prathamacittotpādam eva upādāya brahacaryasamādānaṃ bhavati te nityaṃ kumārabhūtā eva yāvad anuttarāṃ samyaksaṃbodhim abhisaṃbudhyante / kecit punar bodhisattvā mahāsattvā upāyakauśalena sattvaparipākāya pañcakāmaguṇān bhuñjantaḥ puramadhyād abhiniṣkramyānuttarāṃ samyaksṃbodhim abhisaṃbudhyante / kecit punar bodhisattvā mahāsattvāḥ gambhīraprajñāpāramitāpratilabdhāḥ apagatakāmakleśās te sattvaparipākāya kāmaguṇāparibhogaṃ ca upadiśanti na ca paribhuñjate /

tadyathāpi nāma śāradvatīputra dakṣo māyākāro māyākārāntevāsīvā suśikṣito māyāvidyāsaṃyogajñānena sa pañcakāmaguṇān abhinirmāya pañcabhiḥ kāmaguṇai ramamāṇaṃ krīḍantaṃ paricārayantam ātmānam upadarśayet tat kiṃ manyase śāradvatīputrāpi nu tena māyākāreṇa māyākārāntevāsinā vā pañcakāmaguṇāḥ paribhuktā bhaveyuḥ / no hīdaṃ bhagavan / bhagavān āha / evam eva śāradvatīputra bodhisattvā mahāsattvā mahāyāne suśikṣitā māyopamadharmatāvihārapratilabdhāḥ sarvakleśavigatavineyasattvaparipākāya mahākaruṇāvaśena kāmaguṇaparibhogañ ca upadiśanti / na ca kāmaguṇān paribhuñjante / na ca taiḥ sārdhaṃ saṃvasanti / na taiḥ parikliśyante / anekaparyāyeṇa śāradvatīputra bodhisattvāḥ mahāsattvāḥ kāmānāṃ varṇān bhāṣante / ādīptāḥ kāmāḥ, vadhakāḥ kāmāḥ, pratyarthikāḥ kāmāḥ, pratyamitrāḥ kāmāḥ, bhṛśolkopamāḥ kāmāḥ, kimpākaphalopamāḥ kāmāḥ, asidhāropamāḥ kāmāḥ aṅgāraraśyupamāḥ kāmāḥ, viṣamānnopamāḥ kāmāḥ vaḍiśopamāḥ kāmāḥ mohakūpopamāḥ kāmāḥ / evaṃ hi śāradvatīputra bodhisattvāḥ mahāsattvāḥ kāmān parijānanti / sattvānām anupāyakuśalānāṃ paripācanārthaṃ pañcabhyaḥ pañcabhyaḥ kāmaguṇebhyaḥ vivecanārthaṃ pañca kāmaguṇān upadarśayanti / na ca tair mādyanti na kāmahetor na kāmanidānaṃ pāpakarmādhyavasyanti / evam ukte āyuṣmān śāradvatīputro bhagavantam etad avocat / kathaṃ punar bhagavan bodhisattvena mahāsattvena prajñāpāramitāyāṃ caritavyaṃ / bhagavān āha / iha śāradvatīputra bodhisattvo mahāsattvaḥ prajñāpāramitāyāṃ caran bodhisattvaṃ na samanupaśyati / bodhisattvacaryām api na samanupaśyati /

prajñāpāramitāṃ na samanupaśyati / prajñāpāramitānāmāpi na samanupaśyati / caratīti na samanupaśyati / na caratīti na samanupaśyati / rūpam api na samanupaśyati / vedanām api na samanupaśyati / saṃjñām api na samanupaśyati / saṃskārām api na samanupaśyati / vijñānam api na samanupaśyati / tat kasya hetoḥ tathā hi śāradvatīputra bodhisattvo mahāsattvaḥ svabhāvena śūnyaḥ evaṃ hi bodhisattvanāma bodhisattvanāmnā śūnyaṃ / tat kasya hetoḥ prakṛtir asyaiṣā tathā hi na śūnyatayā rūpaṃ śūnyaṃ nānyatra rūpāt śūnyatā rūpam eva śūnyatā śūnyataiva rūpaṃ / na śūnyatayā vedanā śūnyā nānyatra vedanāyāḥ śūnyatā vedanaiva śūnyatā śūnyataiva vedanā / na śūnyatayā saṃjñā śūnyā nānyatra saṃjñāyāḥ śūnyatā saṃjñaiva śūnyatā śūnyataiva saṃjñā / na śūnyatayā saṃskārāḥ śūnyāḥ nānyatra saṃskārebhyaḥ śūnyatā saṃskārā eva śūnyatā śūnyataiva saṃskārāḥ / na śūnyatayā vijñānaṃ śūnyaṃ nānyatra vijñānāt śūnyatā / vijñānam eva śūnyatā śūnyataiva vijñānaṃ / tat kasya hetos tathā hi nāmamātram idaṃ yad uta bodhisattvaḥ nāmamātram idaṃ yad uta śūnyatā nāmamātram idaṃ yad uta rūpaṃ nāmamātram idaṃ yad uta vedanā, nāmamātram idaṃ yad uta saṃjñā nāmamātram idaṃ yad uta saṃskārāḥ / nāmamātram idaṃ yad uta vijñānaṃ / tathā hi māyopamaṃ rūpaṃ māyopamā vedanā, māyopamā saṃjñā, māyopamāḥ saṃskārāḥ māyopamaṃ vijñānaṃ / māyā ca nāmamātraṃ na deśasthā na pradeśasthā asad asaṃbhūtaṃ vitathasamaṃ māyādarśanaṃ svabhāvavirahitam asvabhāvaś cānutpādo 'nirodhaḥ /

asthānaṃ na hānir na vṛddhir na saṃkleśo na vyavadānaṃ evaṃ caran bodhisattvo mahāsattvaḥ kasyacid dharmasya utpādaṃ na samanupaśyati nirodhaṃ na samanupaśyati sthānaṃ na samanupaśyati hāniṃ na samanupaśyati vṛddhiṃ na samanupaśyati saṃkleśaṃ na samanupaśyati vyavadānaṃ na samanupaśyati / rūpaṃ na samanupaśyati / vedanāṃ na samanupaśyati / saṃjñāṃ na samanupaśyati / saṃskārān na samanupaśyati / vijñānaṃ na samanupaśyati / bodhir iti bodhisattva iti yad ucyate tad api na samanupaśyati / tat kasya hetoḥ tathā hi kṛtrimanāmapratipattidharmaṃ te kalpitā āgantukena nāmadheyenābhūtaparikalpitena vyavahriyante, vyavahārāc cābhiniviśyante tad bodhisattvo mahāsattvaḥ prajñāpāramitāyāṃ caran sarvadharmān na samanupaśyati nopalabhate asamanupaśyan anupalabhamāno na manyate nābhiniviśate / punar aparaṃ śāradvatīputra bodhisattvo mahāsattvaḥ prajñāpāramitāyāṃ carann evaṃ vyupaparīkṣeta nāmamātraṃ yad uta bodhisattva iti nāmamātram idaṃ yad uta bodhir iti nāmamātram idaṃ yad uta buddha iti nāmamātram idaṃ yad uta prajñāpāramiteti nāmamātram idaṃ yad uta prajñāpāramitāyāṃ caratīti / nāmamātram idaṃ yad uta rūpam iti nāmamātram idaṃ yad uta vedaneti / nāmamātram idaṃ yad uta saṃjñeti / nāmamātram idaṃ yad uta saṃskārā iti / nāmamātram idaṃ yad uta vijñānam iti / tadyathāpi nāma śāradvatīputra ātmeti vyavahriyate sa ca yathābhūtaṃ parigaveṣyamāṇo nopalabhyate / sattvaḥ satva iti vyavahriyate sa ca yathābhūtaṃ parigaveṣyamāṇo nopalabhyate /

jīvo jīva iti vyavahriyate sa ca yathābhūtaṃ parigaveṣyamāṇo nopalabhyate anupalambhaśūnyatām upādāya / poṣaḥ poṣa iti vyavahriyate sa ca yathābhūtaṃ parigaveṣyamāṇo nopalabhyate / puruṣaḥ puruṣa iti vyavahriyate sa ca yathābhūtaṃ parigaveṣyamāṇo nopalabhyate / pudgalaḥ pudgala iti vyavahriyate sa ca yathābhūtaṃ parigaveṣyamāṇo nopalabhyate / manujo manuja iti vyavahriyate sa ca yathābhūtaṃ parigaveṣyamāṇo nopalabhyate / mānavo mānava iti vyavahriyate sa ca yathābhūtaṃ parigaveṣyamāṇo nopalabhyate / kārāpakaḥ kārāpaka iti vyavahriyate sa ca yathābhūtaṃ parigaveṣyamāṇo nopalabhyate / vedakaḥ vedaka iti vyavahriyate sa ca yathābhūtaṃ parigaveṣyamāṇo nopa labhyate / vedayitṛko vedayitṛka iti vyavahriyate sa ca yathābhūtaṃ parigaveṣyamāṇo nopalabhyate / utthāpaka utthāpaka iti vyavahriyate sa ca yathābhūtaṃ parigaveṣyamāṇo nopalabhyate / samutthāpakaḥ samutthāpaka iti vyavahriyate sa ca yathābhūtaṃ parigaveṣyamāṇo nopalabhyate / jānako jānaka iti vyavahriyate sa ca yathābhūtaṃ parigaveṣyamāṇo nopalabhyate / paśyakaḥ paśyaka iti vyavahriyate sa ca yathābhūtaṃ parigaveṣyamāṇo nopalabhyate / sparśakaḥ sparśaka iti vyavahriyate sa ca yathābhūtaṃ parigaveṣyamāṇo nopalabhyate / tadyathāpi nāma vijānako vijānaka iti vyavahriyate sa ca yathābhūtaṃ parigaveṣyamāṇo nopalabhyate / anupalambhaśūnyatām upādāya /

yāvad eva nāmasaṅketamātreṇa vyavahriyate evam eva bodhisattvo mahāsattvaḥ prajñāpāramitāyāṃ caran bodhisattvaṃ na samanupaśyati buddhaṃ na samanupaśyati prajñāpāramitāṃ na samanupaśyati / rūpaṃ na samanupaśyati vedanāṃ na samanupaśyati saṃjñāṃ na samanupaśyati saṃskārān na samanupaśyati vijñānaṃ na samanupaśyati / yena nāmnā vyavahriyate tad api nāma na samanupaśyati / evaṃ caran bodhisattvo mahāsattvaḥ prajñāpāramitāyāṃ caran tathāgataprajñāṃ sthāpayitvā sattvā #sarvās tadanyāḥ# prajñā yāvat sarvaśrāvakapratyekabuddhānāṃ prajñām abhibhavaty anupalambhaśūnyatām upādāya / tat kasya hetos tathā hi etad api na samanupaśyati nopalabhate yenābhiniviśeta / evaṃ caran śāradvatīputra bodhisattvo mahāsattvaḥ prajñāpāramitāyāṃ carati / sacec chāradvatīputra ayaṃ jambudvīpaḥ paripūrṇo bhavet maudgalyāyanasadṛśair bhikṣubhiḥ /

tadyathāpi nāma naḍavanaṃ vā śaravanaṃ vā veṇuvanaṃ vā ikṣuvanaṃ vā śālivanaṃ vā tilavanaṃ vā teṣāṃ yā prajñā sā bodhisattvasya mahāsattvasya prajñāpāramitāyāṃ carataḥ prajñāyāḥ śatatamīm api kalāṃ nopaiti sahasratamīm api kalāṃ nopaiti śatasahasratamīm api kalāṃ nopaiti koṭītamīm api kalāṃ nopaiti koṭīśatatamīm api kalāṃ nopaiti koṭīsahasratamīm api kalāṃ nopaiti koṭīśatasahasratamīm api kalāṃ nopaiti koṭiniyutatamīm api kalāṃ nopaiti koṭīniyutaśatatamīm api kalāṃ nopaiti koṭīniyutasahasratamīm api kalāṃ nopaiti koṭīniyutaśatasahasratamīm api kalāṃ nopaiti saṃkhyām api nopaiti kalām api nopaiti gaṇanām api nopaiti upamām api nopaiti upaniśām api na kṣamate tat kasya hetos tathā hi śāradvatīputra bodhisattvasya mahāsattvasya yā prajñā sā sarvasattvānāṃ parinirvāṇāya pratyupasthitā na tu sarvaśrāvakapratyekabuddhānāṃ / punar aparaṃ śāradvatīputra bodhisattvasya mahāsattvasya prajñāpāramitāyāṃ carato yā ekadivasaparibhāvitā prajñā sā sarvaśrāvakapratyekabuddhānāṃ prajñā abhibhūya tiṣṭhati / tiṣṭhatu śāradvatīputra jambudvīpaḥ paripūrṇaḥ śāradvatīputraṃ maudgalyāyanasadṛśair bhikṣubhiḥ /

sacec chāradvatīputra trisāhasramahāsāhasro lokadhātuḥ paripūrṇo bhaved yuṣmābhir īdṛśair bhikṣubhis teṣāṃ yā prajñā sā bodhisattvasya mahāsattvasya prajñāpāramitāyāṃ carataḥ prajñāyāḥ śatatamīṃ kalāṃ nopaiti sahasratamīm api kalāṃ nopaiti śatasahasratamīm api kalāṃ nopaiti koṭītamīm api kalāṃ nopaiti koṭīśatatamīm api kalāṃ nopaiti koṭīsahasratamīm api kalāṃ nopaiti koṭīśatasahasratamīm api kalāṃ nopaiti koṭīniyutatamīm api kalāṃ nopaiti koṭīniyutaśatatamīm api kalāṃ nopaiti koṭīniyutasahasratamīm api kalāṃ nopaiti koṭīniyutaśatasahasratamīm api kalāṃ nopaiti saṃkhyām api nopaiti kalām api nopaiti gaṇanām api nopaiti upamām api nopaiti upaniśām api na kṣamate / tiṣṭhatu śāradvatīputra trisāhasramahāsāhasro lokadhātuḥ / sacec chāradvatīputra pūrvasyān diśi gaṅgānadīvālukopamā lokadhātavaḥ paripūrṇā bhaveyuḥ śāradvatīputra maudgalyāyanasadṛśair bhikṣubhis teṣāṃ yā prajñā sā bodhisattvasya mahāsattvasya prajñāpāramitāyāṃ carataḥ ekadivasaparibhāvitāyāḥ prajñāyāḥ śatatamīm api kalāṃ nopaiti sahasratamīm api kalāṃ nopaiti śatasahasratamīm api kalāṃ nopaiti koṭītamīm api kalāṃ nopaiti koṭīśatatamīm api kalāṃ nopaiti koṭīsahasratamīm api kalāṃ nopaiti koṭīśatasahasratamīm api kalāṃ nopaiti koṭīniyutatamīm api kalāṃ nopaiti koṭīniyutaśatatamīm api kalāṃ nopaiti koṭīniyutasahasratamīm api kalāṃ nopaiti koṭīniyutaśatasahasratamīm api kalāṃ nopaiti / saṃkhyām api nopaiti kalām api nopaiti gaṇanām api nopaiti upamām api nopaiti upaniśām api na kṣamate /

tiṣṭhatu śāradvatīputra pūrvasyāṃ diśi gaṅgānadīvālukopamā lokadhātavaḥ paripūrṇāḥ śāradvatīputra maudgalyāyanasadṛśair bhikṣubhiḥ / sacec chāradvatīputra dakṣiṇasyān diśi gaṅgānadīvālukopamā lokadhātavaḥ paripūrṇā bhaveyuḥ śāradvatīputra maudgalyāyanasadṛśair bhikṣubhiḥ teṣāṃ yā prajñā sā bodhisattvasya mahāsattvasya prajñāpāramitāyāṃ carataḥ ekadivasaparibhāvitāyāḥ prajñāyāḥ śatatamīm api sahasratamīm api kalāṃ nopaiti śatasahasratamīm api koṭītamīm api kalāṃ nopaiti kaṭīśatatamīm api koṭīsahasratamīm api kalāṃ nopaiti koṭīśatasahasratamīm api kalāṃ nopaiti koṭīniyutatamīm api kalāṃ nopaiti koṭīniyutaśatatamīm api kalāṃ nopaiti koṭīniyutasahasratamīm api kalāṃ nopaiti koṭīniyutaśatasahasratamīm api kalāṃ nopaiti saṃkhyām api nopaiti kalām api nopaiti gaṇanām api nopaiti upamām api nopaiti upaniśām api na kṣamate / tiṣṭhatu śāradvatīputra dakṣiṇasyān diśi gaṅgānadīvālukopamā lokadhātavaḥ paripūrṇāḥ śāradvatīputra maudgalyāyanasadṛśair bhikṣubhiḥ /

sacec chāradvatīputra paścimāyān diśi gaṅgānadīvālukopamā lokadhātavaḥ paripūrṇā bhaveyuḥ śāradvatīputra maudgalyāyanasadṛśair bhikṣubhiḥ teṣāṃ yā prajñā sā bodhisattvasya mahāsattvasya prajñāpāramitāyāṃ carataḥ ekadivasaparibhāvitāyāḥ prajñāyāḥ śatatamīm api kalāṃ nopaiti sahasratamīm api kalāṃ nopaiti śatasahasratamīm api kalāṃ nopaiti koṭītamīm api kalāṃ nopaiti koṭīśatatamīm api kalāṃ nopaiti koṭīsahasratamīm api kalāṃ nopaiti koṭīśatasahasratamīm api kalāṃ nopaiti koṭīniyutatamīm api kalāṃ nopaiti koṭīniyutaśatatamīm api kalāṃ nopaiti koṭīniyutasahasratamīm api kalāṃ nopaiti koṭīniyutaśatasahasratamīm api kalāṃ nopaiti saṃkhyām api nopaiti kalām api nopaiti gaṇanām api nopaiti upamām api nopaiti upaniśām api na kṣamate / tiṣṭhatu śāradvatīputra paścimāyān diśi gaṅgānadīvālukopamā lokadhātavaḥ paripūrṇā bhaveyuḥ śāradvatīputra maudgalyāyanasadṛśair bhikṣubhiḥ / sacec chāradvatīputra uttarasyān diśi gaṅgānadīvālukopamā lokadhātavaḥ paripūrṇā bhaveyuḥ śāradvatīputra maudgalyāyanasadṛśair bhikṣubhiḥ teṣāṃ yā prajñā sā bodhisattvasya mahāsattvasya prajñāpāramitāyāṃ carataḥ ekadivasaparibhāvitāyāḥ prajñāyāḥ śatatamīm api kalāṃ nopaiti sahasratamīm api kalāṃ nopaiti śatasahasratamīm api kalāṃ nopaiti koṭītamīm api kalāṃ nopaiti / koṭīśatatamīm api kalāṃ nopaiti koṭīsahasratamīm api kalāṃ nopaiti koṭīśatasahasratamīm api kalāṃ nopaiti / koṭīniyutatamīm api kalāṃ nopaiti koṭīniyutaśatatamīm api kalāṃ nopaiti koṭīniyutasahasratamīm api kalāṃ nopaiti /

koṭīniyutaśatasahasratamīm api kalāṃ nopaiti / saṃkhyām api nopaiti kalām api nopaiti gaṇanām api nopaiti upamām api nopaiti upaniśām api na kṣamate / tiṣṭhatu śāradvatīputra uttarasyān diśi gaṅgānadīvālukopamā lokadhātavaḥ paripūrṇāḥ śāradvatīputra maudgalyāyanasadṛśair bhikṣubhiḥ / sacec chāradvatīputra uttarapūrvasyān diśi gaṅgānadīvālukopamā lokadhātavaḥ paripūrṇā bhaveyuḥ śāradvatīputra maudgalyāyanasadṛśair bhikṣubhis teṣāṃ yā prajñā sā bodhisattvasya mahāsattvasya prajñāpāramitāyāṃ carataḥ ekadivasaparibhāvitāyāḥ prajñāyāḥ śatatamīm api kalāṃ nopaiti sahasratamīm api kalāṃ nopaiti śatasahasratamīm api kalāṃ nopaiti koṭītamīm api kalāṃ nopaiti koṭīśatatamīm api kalāṃ nopaiti koṭīsahasratamīm api kalāṃ nopaiti koṭīśatasahasratamīm api kalāṃ nopaiti koṭīniyutatamīm api kalāṃ nopaiti koṭīniyutaśatatamīm api kalāṃ nopaiti koṭīniyutasahasratamīm api kalāṃ nopaiti / koṭīniyutaśatasahasratamīm api kalāṃ nopaiti saṃkhyām api nopaiti kalām api nopaiti gaṇanām api nopaiti upamām api nopaiti upaniśām api na kṣamate / tiṣṭhatu śāradvatīputra uttarapūrvasyān diśi gaṅgānadīvālukopamā lokadhātavaḥ paripūrṇāḥ śāradvatīputra maudgalyāyanasadṛśair bhikṣubhiḥ /

sacec chāradvatīputra pūrvadakṣiṇasyān diśi gaṅgānadīvālukopamā lokadhātavaḥ paripurṇā bhaveyuḥ śāradvatīputra maudgalyāyanasadṛśair bhikṣubhis teṣāṃ yā prajñā sā bodhisattvasya mahāsattvasya prajñāpāramitāyāṃ carataḥ ekadivasaparibhāvitāyāḥ prajñāyāḥ śatatamīm api kalāṃ nopaiti sahasratamīm api kalāṃ nopaiti śatasahasratamīm api kalāṃ nopaiti koṭītamīm api kalāṃ nopaiti koṭīśatatamīm api kalāṃ nopaiti koṭīsahasratamīm api kalāṃ nopaiti koṭīśatasahasratamīm api kalāṃ nopaiti koṭīniyutatamīm api kalāṃ nopaiti koṭīniyutaśatatamīm api kalāṃ nopaiti koṭīniyutasahasratamīm api kalāṃ nopaiti koṭīniyutaśatasahasratamīm api kalāṃ nopaiti / saṃkhyām api nopaiti kalām api nopaiti gaṇanām api nopaiti upamām api nopaiti upaniśām api na kṣamate / tiṣṭhatu śāradvatīputra pūrvadakṣiṇasyān diśi gaṅgānadīvālukopamā lokadhātavaḥ paripūrṇāḥ śāradvatīputra maudgalyāyanasadṛśair bhikṣubhiḥ / sacec chāradvatīputra dakṣiṇapaścimāyān diśi gaṅgānadīvālukopamā lokadhātavaḥ paripūrṇā bhaveyuḥ śāradvatīputra maudgalyāyanasadṛśair bhikṣubhiḥ teṣāṃ yā prajñā sā bodhisattvasya mahāsattvasya prajñāpāramitāyāṃ carataḥ ekadivasaparibhāvitāyāḥ prajñāyāḥ śatatamīm api kalāṃ nopaiti sahasratamīm api kalāṃ nopaiti śatasahasratamīm api kalāṃ nopaiti koṭītamīm api kalāṃ nopaiti /

koṭīśatatamīm api kalāṃ nopaiti koṭīsahasratamīm api kalāṃ nopaiti koṭīśatasahasratamīm api kalāṃ nopaiti koṭīniyutatamīm api kalāṃ nopaiti koṭīniyutaśatatamīm api kalāṃ nopaiti koṭīniyutasahasratamīm api kalāṃ nopaiti koṭīniyutaśatasahasratamīm api kalāṃ nopaiti saṃkhyām api nopaiti kalām api nopaiti gaṇanām api nopaiti upamām api nopaiti upaniśām api na kṣamate / tiṣṭhatu śāradvatīputra dakṣiṇapaścimāyān diśi gaṅgānadīvālukopamā lokadhātavaḥ paripūrṇāḥ śāradvatīputra maudgalyāyanasadṛśair bhikṣubhiḥ / sacec chāradvatīputra paścimottarasyān diśi gaṅgānadīvālukopamā lokadhātavaḥ paripūrṇā bhaveyuḥ śāradvatīputra maudgalyāyanasadṛśair bhikṣubhiḥ teṣāṃ yā prajñā sā bodhisattvasya mahāsattvasya prajñāpāramitāyāṃ carataḥ ekadivasaparibhāvitāyāḥ prajñāyāḥ śatatamīm api kalāṃ nopaiti sahasratamīm api kalāṃ nopaiti śatasahasratamīm api kalāṃ nopaiti koṭītamīm api kalāṃ nopaiti koṭīśatatamīm api kalāṃ nopaiti koṭīsahasratamīm api kalāṃ nopaiti koṭīśatasahasratamīm api kalāṃ nopaiti koṭīniyutatamīm api kalāṃ nopaiti koṭīniyutaśatatamīm api kalāṃ nopaiti koṭīniyutasahasratamīm api kalāṃ nopaiti koṭīniyutaśatasahasratamīm api kalāṃ nopaiti saṃkhyām api nopaiti kalām api nopaiti gaṇanām api nopaiti upamām api nopaiti upaniśām api na kṣamate / tiṣṭhatu śāradvatīputra paścimottarasyān diśi gaṅgānadīvālukopamā lokadhātavaḥ paripūrṇāḥ śāradvatīputra maudgalyāyanasadṛśair bhikṣubhiḥ /

sacec chāradvatīputrādhastād diśi gaṅgānadīvālukopamā lokadhātavaḥ paripūrṇā bhaveyuḥ śāradvatīputra maudgalyāyanasadṛśair bhikṣubhiḥ teṣāṃ yā prajñā sā bodhisattvasya mahāsattvasya prajñāpāramitāyāṃ carataḥ ekadivasaparibhāvitāyāḥ prajñāyāḥ śatatamīm api kalāṃ nopaiti sahasratamīm api kalāṃ nopaiti śatasahasratamīm api kalāṃ nopaiti koṭītamīm api kalāṃ nopaiti koṭīśatatamīm api kalāṃ nopaiti koṭīsahasratamīm api kalāṃ nopaiti koṭīśatasahasratamīm api kalāṃ nopaiti koṭīniyutatamīm api kalāṃ nopaiti koṭīniyutaśatatamīm api kalāṃ nopaiti koṭīniyutasahasratamīm api kalāṃ nopaiti koṭīniyutaśatasahasratamīm api kalāṃ nopaiti saṃkhyām api nopaiti kalām api nopaiti gaṇanām api nopaiti upamām api nopaiti upaniśām api na kṣamate / tiṣṭhatu śāradvatīputrādhastād diśi gaṅgānadīvālukopamā lokadhātavaḥ paripūrṇāḥ śāradvatīputra maudgalyāyanasadṛśair bhikṣubhiḥ / sacec chāradvatīputropariṣṭād diśi gaṅgānadīvālukopamā lokadhātavaḥ paripūrṇā bhaveyuḥ śaradvatīputra maudgalyāyanasadṛśair bhikṣubhiḥ /

teṣāṃ yā prajñā sā bodhisattvasya mahāsattvasya prajñāpāramitāyāṃ carataḥ ekadivasaparibhāvitāyāḥ prajñāyāḥ śatatamīm api kalāṃ nopaiti sahasratamīm api kalāṃ nopaiti śatasahasratamīm api kalāṃ nopaiti koṭītamīm api kalāṃ nopaiti koṭīśatatamīm api kalāṃ nopaiti koṭīsahasratamīm api kalāṃ nopaiti koṭīśatasahasratamīm api kalāṃ nopaiti koṭīniyutatamīm api kalāṃ nopaiti koṭīniyutaśatatamīm api kalāṃ nopaiti koṭīniyutasahasratamīm api kalāṃ nopaiti koṭīniyutaśatasahasratamīm api kalāṃ nopaiti saṃkhyām api nopaiti kalām api nopaiti gaṇanām api nopaiti upamām api nopaiti upaniśām api na kṣamate / śāradvatīputra āha yeyaṃ bhagavac chrāvakānāṃ prajñā śrota-āpannasya sakṛdāgāmino 'nāgāmino 'rhato yā ca pratyekabuddhasya yā ca bodhisattvasya yā ca tathāgatasyārhataḥ samyaksaṃbuddhasya prajñā sarvās tāḥ prajñāḥ abhinnāḥ abhedaḥ śūnyā viviktānutpādaprakṛtikāḥ svabhāvaśūnyāḥ na ca bhagavann abhedasya viviktasyānutpādasya svabhāvaśūnyasya viśeṣo vā nānākaraṇaṃ vā upalabhyate / tat kathaṃ bhagavan yeyaṃ bodhisattvasya mahāsattvasya prajñāpāramitāyāṃ carataḥ ekadivasaparibhāvitā prajñā sā sarvaśrāvakapratyekabuddhānāṃ prajñā abhibhavati / bhagavān āha /

tat kiṃ manyase śāradvatīputra yena kṛtyena bodhisattvasya mahāsattvasya prajñāpāramitāyāṃ carataḥ ekadivasaparibhāvitā prajñā pratyupasthitā mārgākārajñatāyāṃ caratā sarvasattvānām arthaṃ kurvatā sarvākāra sarvadharmān abhisaṃbudhya sarvasattvāḥ parinirvāpayitavyā iti api nu tena kṛtyena sarvaśrāvakapratyekabuddhānāṃ prajñā pratyupasthitā / āha / no hīdaṃ bhagavan / bhagavān āha / tat kiṃ manyase śāradvatīputrāpi nu sarvaśrāvakapratyekabuddhānāṃ evaṃ bhavaty asmābhir anuttarāṃ samyaksaṃbodhim abhisaṃbudhya sarvasattvā anupadhiśeṣe nirvāṇadhātau parinirvāpayitavyāḥ / āha / no hīdaṃ bhagavan / bhagavān āha / tad anenāpi te śāradvatīputra paryāyeṇedaṃ veditavyaṃ / yeyaṃ sarvaśrāvakapratyekabuddhānāṃ prajñā yā bodhisattvasya mahāsattvasya imāṃ prajñām upanidhāya eṣā sarvaśrāvakapratyekabuddhānāṃ prajñā śatatamīm api kalāṃ nopaiti sahasratamīm api kalāṃ nopaiti śatasahasratamīm api kalāṃ nopaiti koṭītamīm api kalāṃ nopaiti koṭīśatatamīm api kalāṃ nopaiti koṭīsahasratamīm api kalāṃ nopaiti koṭīśatasahasratamīm api kalāṃ nopaiti koṭīniyutatamīm api kalāṃ nopaiti koṭīniyutaśatatamīm api kalāṃ nopaiti koṭīniyutasahasratamīm api kalāṃ nopaiti koṭīniyutaśatasahasratamīm api kalāṃ nopaiti saṃkhyām api nopaiti kalām api nopaiti gaṇanām api nopaiti upamām api nopaiti upaniśām api na kṣamate /

tat kiṃ manyase śāradvatīputrāpi nu sarvaśrāvakapratyekabuddhānām evaṃ bhavati vayaṃ ṣaṭpāramitāsu caritvā sattvān paripācya buddhakṣetraṃ pariśodhya daśa tathāgatabalāni paripūrya catvāri vaiśāradyāni catasraḥ pratisaṃvidaḥ mahāmaitrīṃ mahākaruṇāṃ aṣṭādaśāveṇikabuddhadharmāḥ paripūryānuttarāṃ samyaksaṃbodhim abhisaṃbudhyāprameyāsaṃkhyeyāparimāṇān sattvān parinirvāpayiṣyāmīti / āha / no hīdaṃ bhagavan / bhagavān āha / bodhisattvasya punaḥ śāradvatīputra mahāsattvasya evaṃ bhavati mayā ṣaṭpāramitāsu caritvā sattvān paripācya buddhakṣetraṃ pariśodhya tathāgatabalāni paripūrya catvāri vaiśāradyāni catasraḥ pratisaṃvido mahāmaitrīṃ mahākaruṇāṃ aṣṭādaśāveṇikān buddhadharmān paripūryānuttarāṃ samyaksaṃbodhim abhisaṃbudhyāprameyāsaṃkhyeyāparimāṇāḥ sattvāḥ parinirvāpayitavyāḥ tadyathāpi nāma śāradvatīputra khadyotakasya prāṇakajātasya naivaṃ bhavaty aham ābhayā jāmbudvīpam avabhāsayeyaṃ mamābhayā jāmbudvīpaḥ sphuṭo bhavet evam eva śāradvatīputra sarvaśrāvakapratyekabuddhānāṃ naiva bhavati / vayaṃ ṣaṭpāramitāsu caritvā sattvān paripācya buddhakṣetraṃ pariśodhya daśa tathāgatabalāni paripūrya catvāri vaiśāradyāni catasraḥ pratisaṃvidaḥ mahāmaitrīṃ mahākaruṇāṃ aṣṭādaśāveṇikān buddhadharmān paripūryānuttarāṃ samyaksaṃbodhim abhisaṃbudhyāprameyāsaṃkhyeyāparimāṇān sattvān parinirvāpayiṣyāmi iti / tadyathāpi nāma śāradvatīputra sūryamaṇḍalam udāgacchan sarvajāmbudvīpam avabhāsena sphurati sarvaṃ jāmbudvīpam avabhāsena sphuṭīkaroti /

evam eva śāradvatīputra bodhisattvo mahāsattvaḥ ṣaṭsu pāramitāsu caran sattvān paripācya buddhakṣetraṃ pariśodhya daśa tathāgatabalāni paripūrya catvāri vaiśāradyāni catasraḥ pratisaṃvidaḥ mahāmaitrīṃ mahākaruṇāṃ aṣṭādaśāveṇikān buddhadharmān paripūryānuttarāṃ samyaksaṃbodhim abhisaṃbudhyāprameyāsaṃkhyeyāparimāṇān sattvān parinirvāpayati / evam ukte āyuṣmān śāradvatīputro bhagavantam etad avocat / kathaṃ bhagavan bodhisattvo mahāsattvaḥ sarvaśrāvakapratyekabuddhabhūmī atikramya avaivartikabodhisattvabhūmīm anuprāpnoti bodhisattvamārgañ ca pariśodhayati / evam ukte bhagavān āyuṣmantaṃ śāradvatīputram etad avocat / iha śāradvatīputra bodhisattvo mahāsattvaḥ prathamacittotpādam upādāya ṣaṭpāramitāsu caran śūnyatānimittāpraṇihiteṣu dharmeṣu sthitvā śrāvakapratyekabuddhabhūmīr atikramyāvaivartikabodhisattvabhūmīm anuprāpnoti / śāradvatīputra āha katamasyāṃ bhūmau sthitvā bodhisattvo mahāsattvaḥ sarvaśrāvakapratyekabuddhānāṃ dakṣiṇīyo bhavati / bhagavān āha / prathamacittotpādaṃ śāradvatīputra upādāya bodhisattvo mahāsattvaḥ ṣaṭsu pāramitāsu caran yāvad bodhimaṇḍaniṣaṇṇaḥ atrāntarā sarvaśrāvakapratyekabuddhānāṃ dakṣiṇīyo vaktavyaḥ / tat kasya hetos tathā hi śāradvatīputra bodhisattvaṃ mahāsattvam āgamya sarveṣāṃ kuśalānāṃ dharmāṇāṃ loke prādurbhāvo bhavati / yad uta daśānāṃ kuśalānāṃ karmapathānāṃ loke prādurbhāvo bhavati / pañcānāṃ śikṣāpadānāṃ loke prādurbhāvo bhavati / aṣṭāṅgasamanvāgatasya poṣadharmasya loke prādurbhāvo bhavati /

caturṇāṃ dhyānānāṃ loke prādurbhāvo bhavati caturṇām apramāṇānāṃ loke prādurbhāvo bhavati / catasṛṇām ārūpyasamāpattīnāṃ loke prādurbhāvo bhavati / pañcānām abhijñānāṃ loke prādurbhāvo bhavati / ṣaṇṇām anusmṛtīnāṃ loke prādurbhāvo bhavati / dānapāramitāyāḥ loke prādurbhāvo bhavati / śīlapāramitāyāḥ loke prādurbhāvo bhavati / kṣāntipāramitāyāḥ loke prādurbhāvo bhavati / vīryapāramitāyāḥ loke prādurbhāvo bhavati / dhyānapāramitāyāḥ loke prādurbhāvo bhavati / prajñāpāramitāyāḥ loke prādurbhāvo bhavati / adhyātmaśūnyatāyāḥ loke prādurbhāvo bhavati / bahirdhāśūnyatāyāḥ loke prādurbhāvo bhavati / adhyātmabahirdhāśūnyatāyāḥ loke prādurbhāvo bhavati / śūnyatāśūnyatāyāḥ loke prādurbhāvo bhavati / mahāśūnyatāyāḥ loke prādurbhāvo bhavati / paramārthaśūnyatāyā loke prādurbhāvo bhavati / saṃskṛtaśūnyatāyā loke prādurbhāvo bhavati / asaṃskṛtaśūnyatāyā loke prādurbhāvo bhavati / atyantaśūnyatāyā loke prādurbhāvo bhavati / anavarāgraśūnyatāyā loke prādurbhāvo bhavati / anavakāraśūnyatāyā loke prādurbhāvo bhavati / prakṛtiśūnyatāyā loke prādurbhāvo bhavati / sarvadharmaśūnyatāyā loke prādurbhāvo bhavati / svalakṣaṇaśūnyatāyā loke prādurbhāvo bhavati / anupalambhaśūnyatāyā loke prādurbhāvo bhavati / abhāvaśūnyatāyā loke prādurbhāvo bhavati / svabhāvaśūnyatāyā loke prādurbhāvo bhavati / abhāvasvabhāvaśūnyatāyā loke prādurbhāvo bhavati / caturṇāṃ smṛtyupasthānānāṃ loke prādurbhāvo bhavati / caturṇāṃ samyakprahāṇānāṃ loke prādurbhāvo bhavati / caturṇāṃ ṛddhipādānāṃ loke prādurbhāvo bhavati /

pañcānām indriyāṇāṃ loke prādurbhāvo bhavati / pañcānāṃ balānāṃ loke prādurbhāvo bhavati / saptānāṃ bodhyaṅgānāṃ loke prādurbhāvo bhavati / āryāṣṭāṅgamārgasya loke prādurbhāvo bhavati / caturṇām āryasatyānāṃ loke prādurbhāvo bhavati / aṣṭānāṃ vimokṣāṇāṃ loke prādurbhāvo bhavati / navānām anupūrvavihārasamāpattīnāṃ loke prādurbhāvo bhavati / śūnyatānimittāpraṇihitānāṃ vimokṣamukhānāṃ loke prādurbhāvo bhavati / sarvasamādhīnāṃ loke prādurbhāvo bhavati / sarvadhāraṇīmukhānāṃ loke prādurbhāvo bhavati / daśānāṃ tathāgatabalānāṃ loke prādurbhāvo bhavati / caturṇāṃ vaiśāradyānāṃ loke prādurbhāvo bhavati / catasṛṇāṃ pratisaṃvidāṃ loke prādurbhāvo bhavati / mahāmaitryā loke prādurbhāvo bhavati / mahākaruṇāyā loke prādurbhāvo bhavati / aṣṭādaśāveṇikānāṃ buddhadharmāṇāṃ loke prādurbhāvo bhavati / evamādīnāṃ śāradvatīputra kuśalānāṃ dharmāṇāṃ loke prādurbhāvo bhavati / eṣāñ ca kuśalamūlānāṃ dharmāṇāṃ prādurbhāvāt kṣatriyamahāśālakulāni prajñāyante / brāhmaṇamahāśālakulāni prajñāyante / gṛhapatimahāśālakulāni prajñāyante / caturmahārājakāyikā devāḥ prajñāyante / trāyastriṃśā devāḥ prajñāyante / yāmā devāḥ prajñāyante / tuṣitā devāḥ prajñāyante / nirmāṇaratayo devāḥ prajñāyante / paranirmitavaśavartino devāḥ prajñāyante / brahmakāyikā devāḥ prajñāyante / brahmapurohitā devāḥ prajñāyante / brahmapārṣadyāḥ devāḥ prajñāyante / mahābrahmaṇo devāḥ prajñāyante / ābhā devāḥ prajñāyante / parīttābhā devāḥ prajñāyante / apramāṇābhā devāḥ prajñāyante / ābhāsvarā devāḥ prajñāyante /

śubhā devāḥ prajñāyante / parīttaśubhā devāḥ prajñāyanta / apramāṇaśubhā devāḥ prajñāyanta / śubhakṛtsnā devāḥ prajñāyante / vṛhā devāḥ prajñāyante / parīttavṛhā devāḥ prajñāyante / apramāṇavṛhā devāḥ prajñāyante / vṛhatphalā devāḥ prajñāyante / avṛhā devāḥ prajñāyante / atapā devāḥ prajñāyante / sadṛśā devāḥ prajñāyante / sudarśanā devāḥ prajñāyante / akaniṣṭhā devāḥ prajñāyanta / ākāśānantyāyatanā devāḥ prajñāyante / vijñānānantyāyatanā devāḥ prajñāyante / ākiñcanyāyatanā devāḥ prajñāyante / naivasaṃjñānāsaṃjñāyatanā devāḥ prajñāyante / śrotaāpannā devāḥ prajñāyante / sakṛdāgāminaḥ prajñāyante / anāgāminaḥ prajñāyante / arhantaḥ prajñāyante / pratyekabuddhāḥ prajñāyante / bodhisattvā mahāsattvāḥ prajñāyante / tathāgatā arhantaḥ samyaksaṃbuddhāḥ prajñāyante / āha / kiṃ punar bhagavan bodhisattvo mahāsattvo dakṣiṇāṃ śodhayati / bhagavān āha / paryāyeṇa śāradvatīputra bodhisattvo mahāsattvo dakṣiṇāṃ śodhayati /

tat kasya hetor atyantaviśuddhā hi śāradvatīputra bodhisattvasya mahāsattvasya dakṣiṇās tathā hi dāyakaḥ śāradvatīputra bodhisattvo mahāsattvaḥ kasya dāyakaḥ anekeṣāṃ kuśalānāṃ dharmāṇāṃ yad uta daśānāṃ kuśalānāṃ karmapathānāṃ pañcānāṃ śikṣāpādānāṃ aṣṭāṅgasamanvāgatasya poṣasya caturṇāṃ dhyānānāṃ caturṇām apramāṇānāṃ catasṛṇām ārūpysamāpattīnāṃ pañcānām abhijñānāṃ ṣaṇṇām anusmṛtīnāṃ dānapāramitāyāḥ śīlapāramitāyāḥ kṣāntipāramitāyāḥ vīryapāramitāyāḥ dhyānapāramitāyāḥ prajñāpāramitāyāḥ adhyātmaśūnyatāyāḥ bahirdhāśūnyatāyāḥ adhyātmabahirdhāśūnyatāyāḥ śūnyatāśūnyatāyāḥ mahāśūnyatāyāḥ paramārthaśūnyatāyāḥ saṃskṛtaśūnyatāyāḥ asaṃskṛtaśūnyatāyāḥ atyantaśūnyatāyā anavarāgraśūnyatāyāḥ anavakāraśūnyatāyāḥ prakṛtiśūnyatāyāḥ sarvadharmaśūnyatāyāḥ svalakṣaṇaśūnyatāyāḥ anupalambhaśūnyatāyā abhāvaśūnyatāyāḥ svabhāvaśūnyatāyāḥ abhāvasvabhāvaśūnyatāyāḥ caturṇāṃ smṛtyupasthānānāṃ caturṇāṃ samyakprahāṇānāṃ caturṇām ṛddhipādānāṃ pañcānām indriyāṇāṃ pañcānāṃ balānāṃ saptānāṃ bodhyaṅgānāṃ āryāṣṭāṅgasya mārgasya caturṇām āryasatyānāṃ aṣṭānāṃ vimokṣāṇāṃ navānām anupūrvavihārasamāpattīnāṃ śūnyatānimittāpraṇihitānāṃ vimokṣamukhānāṃ dhāraṇīmukhānāṃ daśānāṃ tathāgatabalānāṃ caturṇāṃ vaiśāradyānāṃ catasṛṇāṃ pratisaṃvidāṃ mahāmaitryā mahākarunāyāḥ aṣṭādaśānāṃ āveṇikānāṃ buddhadharmāṇāṃ / āha / kathaṃ yujyamāno bodhisattvo mahāsattvaḥ prajñāpāramitāyāṃ yukta iti vaktavyaḥ / bhagavān āha /

iha śāradvatīputra bodhisattvo mahāsattvaḥ rūpaśūnyatāyāṃ yukto yukta iti vaktavyaḥ vedanāśūnyatāyāṃ yukto yukta iti vaktavyaḥ / saṃjñāśūnyatāyāṃ yukto yukta iti vaktavyaḥ / saṃskāraśūnyatāyāṃ yukto yukta iti vaktavyaḥ / vijñānaśūnyatāyāṃ yukto yukta iti vaktavyaḥ / cakṣuḥ śūnyatāyāṃ yukto yukta iti vaktavyaḥ / śrotraśūnyatāyāṃ yukto yukta iti vaktavyaḥ / ghrāṇaśūnyatāyāṃ yukto yukta iti vaktavyaḥ / jihvāśūnyatāyāṃ yukto yukta iti vaktavyaḥ / kāyaśūnyatāyāṃ yukto yukta iti vaktavyaḥ / manaḥśūnyatāyāṃ yakto yukta iti vaktavyaḥ / rūpaśūnyatāyāṃ yukto yukta iti vaktavyaḥ / śabdaśūnyatāyāṃ yukto yukta iti vaktavyaḥ / gandhaśūnyatāyāṃ yukto yukta iti vaktavyaḥ / rasaśūnyatāyāṃ yukto yukta iti vaktavyaḥ / sparśaśūnyatāyāṃ yukto yukta iti vaktavyaḥ / dharmaśūnyatāyāṃ yukto yukta iti vaktavyaḥ / cakṣurdhātuśūnyatāyāṃ yukto yukta iti vaktavyaḥ / rūpadhātuśūnyatāyāṃ yukto yukta iti vaktavyaḥ / cakṣurvijñānadhātuśūnyatāyāṃ yukto yukta iti vaktavyaḥ / śrotradhātuśūnyatāyāṃ yukto yukta iti vaktavyaḥ / śabdadhātuśūnyatāyāṃ yukto yukta iti vaktavyaḥ / śrotravijñānadhātuśūnyatāyāṃ yukto yukta iti vaktavyaḥ / ghrāṇadhātuśūnyatāyāṃ yukto yukta iti vaktavyaḥ / gandhadhātuśūnyatāyāṃ yukto yukta iti vaktavyaḥ / ghrāṇavijñānadhātuśūnyatāyāṃ yukto yukta iti vaktavyaḥ / jihvādhātuśūnyatāyāṃ yukto yukta iti vakavyaḥ / rasadhātuśūnyatāyāṃ yukto yukta iti vaktāvyaḥ / jihvāvijñānadhātuśūnyatāyāṃ yukto yukta iti vaktavyaḥ / kāyadhātuśūnyatāyāṃ yukto yukta iti vaktavyaḥ /

sparśadhātuśūnyatāyāṃ yukto yukta iti vaktavyaḥ / kāyavijñānadhātuśūnyatāyāṃ yukto yukta iti vaktavyaḥ / manodhātuśūnyatāyāṃ yukto yukta iti vaktavyaḥ / dharmadhātuśūnyatāyāṃ yukto yukta iti vaktavyaḥ / manovijñānadhātuśūnyatā yukta yukta iti vaktavyaḥ / duḥkhaśūnyatāyāṃ yukto yukta iti vaktavyaḥ / samudayaśūnyatāyāṃ yukto yukta iti vaktavyaḥ / nirodhaśūnyatāyāṃ yukto yukta iti vaktavyaḥ / mārgaśūnyatāyāṃ yukto yukta iti vaktavyaḥ / avidyāśūnyatāyāṃ yukto yukta iti vaktavyaḥ / saṃskāraśūnyatāyāṃ yukto yukta iti vaktavyaḥ / vijñānaśūnyatāyāṃ yukto yukta iti vaktavyaḥ / nāmarūpaśūnyatāyāṃ yukto yukta iti vaktavyaḥ / ṣaḍāyatanaśūnyatāyāṃ yukto yukta iti vaktavyaḥ / sparśaśūnyatāyāṃ yukto yukta iti vaktavyaḥ / vedanāśūnyatāyāṃ yukto yukta iti vaktavyaḥ / tṛṣṇāśūnyatāyāṃ yukto yukta iti vaktavyaḥ / upādānaśūnyatāyāṃ yukto yukta iti vaktavyaḥ / bhavaśūnyatāyāṃ yukto yukta iti vaktavyaḥ / jātiśūnyatāyāṃ yukto yukta iti vaktavyaḥ / jarāmaraṇaśūnyatāyāṃ yukto yukta iti vaktavyaḥ / sarvadharmaśūnyatāyāṃ yukto yukta iti vaktavyaḥ kecit saṃjñāgatāḥ saṃskṛtāsaṃskṛtā dharmāḥ sarveṣāṃ dharmāṇāṃ śūnyatāyāṃ yukto yukta iti vaktavyaḥ / punar aparaṃ śāradvatīputra bodhisattvo mahāsattvaḥ prajñāpāramitāyāṃ caran prakṛtiśūnyatāyāṃ yukto yuktra iti vaktavyaḥ / evaṃ khalu śāradvatīputra bodhisattvo mahāsattvaḥ prajñāpāramitāyāṃ carann āsu saptasu śūnyatāsu yukto yukta iti vaktavyaḥ /

evaṃ khalu śāradvatīputra sa ābhiḥ saptabhiḥ śūnyatābhiḥ prajñāpāramitāyāṃ caran na tāvad yukta iti vā ayukta iti vā vaktavyaḥ / tat kasya hetos tathā hi sa na rūpaṃ yuktam iti vā ayuktam iti vā samanupaśyati na vedanā yukteti vā ayukteti vā samanupaśyati / na saṃjñā yukteti vā ayukteti vā samanupaśyati / na saṃskārāḥ yuktā iti vā ayuktā iti vā samanupaśyati / na vijñānaṃ yuktam iti vā ayuktam iti vā samanupaśyati na rūpam utpādadharmi vā nirodhadharmi vā samanupaśyati / na vedanām utpādadharmiṇīṃ vā nirodhadharmiṇīṃ vā samanupaśyati / na saṃjñām utpādadharmiṇīṃ vā nirodhadharmiṇīṃ vā samanupaśyati / saṃskārān utpādadharmiṇo vā nirodhadharmiṇo vā samanupaśyati / na vijñānam utpādadharmi vā nirodhadharmi vā samanupaśyati / na rūpaṃ saṃkleśadharmi vā vyavadānadharmi vā samanupaśyati / na vedanāṃ saṃkleśadharmiṇīṃ vā vyavadānadharmiṇīṃ vā samanupaśyati / na saṃjñāṃ saṃkleśadharmiṇīṃ vā vyavadānadharmiṇīṃ vā samanupaśyati / na saṃskārān saṃkleśadharmiṇo vā vyavadānadharmiṇo vā samanupaśyati / na vijñānaṃ saṃkleśadharmi vā vyavadānadharmi vā samanupaśyati / na rūpaṃ vedanayā saha samavasaratīti samanupaśyati / na vedanā rūpeṇa saha samavasaratīti samanupaśyati / na vedanā saṃjñayā saha samavasaratīti samanupaśyati / na saṃjñā vedanayā saha samavasaratīti samanupaśyati / na saṃjñā saṃskāraiḥ saha samavasaratīti samanupaśyati / na saṃskārāḥ saṃjñayā saha samavasarantīti samanupaśyati / na saṃskārāḥ vijñānena saha samavasarantīti samanuśyapati /

na vijñānaṃ saṃskāraiḥ saha samavasaratīti samanupaśyati / tat kasya hetos tathā hi na kaścid dharmaḥ kenacid dharmeṇa saha samavasarati na visarati na yujyate na viyujyate prakṛtiśūnyatām upādāya / yā śāradvatīputra śūnyatā na tad rūpaṃ tathā hi yā rūpasya śūnyatā na sā rūpayati / yā vedanāśūnyatā na sā vedanā tathā hi yā vedanāśūnyatā na sā vedayati / yā saṃjñāśūnyatā na sā saṃjñā tathā hi yā saṃjñāśūnyatā na sā sañjānāti / yā saṃskāraśūnyatā na te saṃskārās tathā hi yā saṃskāraśūnyatā na sābhisaṃskaroti / yā vijñānasya śūnyatā na tad vijñānaṃ tathā hi yā vijñānaśūnyatā na sā vijānāti / tat kasya hetor na hi śāradvatīputra anyad rūpam anyā śūnyatā nānyā śūnyatā nānyad rūpaṃ / rūpam eva śūnyatā śūnyataiva rūpaṃ / nānyā vedanā nānyā śūnyatā / nānyā śūnyatā nānyā vedanā vedanaiva śūnyatā śūnyataiva vedanā / nānyā saṃjñā nānyā śūnyatā nānyā śūnyatā nānyā saṃjñā śūnyataiva saṃjñā saṃjñaiva śūnyatā / nānye saṃskārāḥ nānyā śūnyatā nānyā śūnyatā nānye saṃskārāḥ saṃskārā eva śūnyatā śūnyataiva saṃskārāḥ / nānyad vijñānaṃ nānyā śūnyatā nānyā śūnyatā nānyad vijñānaṃ / vijñānam eva śūnyatā śūnyataiva vijñānaṃ / yā śāradvatīputra śūnyatā na sā utpadyate na nirudhyate na saṃkliśyate / na vyavadāyate na hīyate na vardhate na sātītā nānāgatā na pratyutpannā yā na utpadyate na nirudhyate na saṃkliśyate na vyavadāyate na hīyate na vardhate nātītā nānāgatā na pratyutpannā na tatra rūpaṃ na vedanā na saṃjñā na saṃskārāḥ na vijñānaṃ /

na tatra cakṣur na śrotraṃ na ghrāṇaṃ na jihvā na kāyo na manaḥ / na tatra rūpaṃ na śabdo na gandho na raso na spraṣṭavyaṃ na dharmāḥ / na tatra pṛthivīdhātur nābdhātur na tejodhātur na vāyudhātur nākāśadhātur na vijñānadhātuḥ / na tatra cakṣurdhātur na rūpadhātur na cakṣurvijñānadhātuḥ / na tatra śrotradhātur na śabdadhātur na śrotravijñānadhātuḥ / na tatra ghrāṇadhātur na gandhadhātur na ghrāṇavijñānadhātuḥ / na tatra jihvādhātur na rasadhātur na jihvāvijñānadhātuḥ na kāyadhātur na spraṣṭavyadhātur na kāyavijñānadhātuḥ / na tatra manodhātur na dharmadhātur na manovijñānadhātuḥ / na tatrāvidyā nāvidyānirodho na tatra saṃskārā na saṃskāranirodho na tatra vijñānaṃ na vijñānanirodho na tatra nāmarūpaṃ na nāmarūpanirodho na tatra ṣaḍāyatanaṃ na ṣaḍāyatananirodho na tatra sparśo na sparśanirodho na tatra vedanā na vedanānirodho na tatra tṛṣṇā na tṛṣṇānirodho na tatra upādānaṃ na upādānanirodho na tatra bhavo na bhavanirodho na tatra jātir na jātinirodho na tatra jarāmaraṇaṃ na jarāmaraṇanirodho na tatra duḥkhaṃ na duḥkhaparijñānaṃ / na tatra samudayo na samudayaprahāṇaṃ / na tatra nirodho nirodhasākṣātkriyā / na tatra mārgo na mārgabhāvanā na tatra prāptir nābhisamayaḥ / na tatra śrotaāpannāḥ na śrota-āpannaphalaṃ / na tatra sakṛdāgāmī na sakṛdāgāmiphalaṃ / na tatrānāgāmī nānāgāmiphalaṃ na tatrārhan nārhatphalaṃ / na tatra pratyekabuddho na pratyekabodhiḥ / na tatra bodhisattvo na mārgākārajñatā na tatra buddho na tatra bodhiḥ /

evaṃ khalu śāradvatīputra bodhisattvo mahāsattvaḥ prajñāpāramitāyāṃ caran yukta iti vaktavyaḥ / evaṃ prajñāpāramitāyāṃ caran rūpe yukta iti vā ayukta iti vā na samanupaśyati / na vedanāyāṃ yukta iti vā ayukta iti vā samanupaśyati / na saṃjñāyāṃ yukta iti vā ayukta iti vā samanupaśyati / na saṃskāre yukta iti vā ayukta iti vā samanupaśyati / na vijñāne yukta iti vā ayukta iti vā samanupaśyati / evaṃ prajñāpāramitāyāṃ caran na cakṣuṣi yukta iti vā ayukta iti vā samanupaśyati / na śrotre yukta iti vā ayukta iti vā samanupaśyati / na ghrāṇe yukta iti vā ayukta iti vā samanupaśyati / na jihvāyāṃ yukta iti vā ayukta iti vā samanupaśyati / na kāye yukta iti vā ayukta iti vā samanupaśyati / na manasi yukta iti vā ayukta iti vā samanupaśyati / evaṃ prajñāpāramitāyāṃ caran na rūpe yukta iti vā ayukta iti vā samanupaśyati / na śabde yukta iti vā ayukta iti vā samanupaśyati / na gandhe yukta iti vā ayukta iti vā samanupaśyati / na rase yukta iti vā ayukta iti vā samanupaśyati / na sparśe yukta iti vā ayukta iti vā samanupaśyati na dharme yukta iti vā ayukta iti vā samanupaśyati / evaṃ prajñāpāramitāyāṃ caran na cakṣurdhātau yukta iti vā ayukta iti vā samanupaśyati / na rūpadhātau yukta iti vā ayukta iti vā samanupaśyati / na cakṣurvijñānadhātau yukta iti vā ayukta iti vā samanupaśyati / evaṃ prajñāpāramitāyāṃ caran / na śrotradhātau yukta iti vā ayukta iti vā samanupaśyati / na śabdadhātau yukta iti vā ayukta iti vā samanupaśyati /

na śrotravijñānadhātau yukta iti vā ayukta iti vā samanupaśyati / evaṃ prajñāpāramitāyāṃ caran na ghrāṇadhātau yukta iti vā ayukta iti vā samanupaśyati / na gandhadhātau yukta iti vā ayukta iti vā samanupaśyati / na ghrāṇavijñānadhātau yukta iti vā ayukta iti vā samanupaśyati / evaṃ prajñāpāramitāyāṃ caran / na jihvādhātau yukta iti vā ayukta iti vā samanupaśyati / na rasadhātau yukta iti vā ayukta iti vā samanupaśyati / na jihvāvijñānadhātau yukta iti vā ayukta iti vā samanupaśyati / na kāyadhātau yukta iti vā ayukta iti tā samanupaśyati / na spraṣṭavyadhātau yukta iti vā ayukta iti vā samanupaśyati / na kāyavijñānadhātau yukta iti vā ayukta iti vā samanupaśyati / na manodhātau yukta iti vā ayukta iti vā samanupaśyati / na dharmadhātau yukta iti vā ayukta iti vā samanupaśyati / na manovijñānadhātau yukta iti vā ayukta iti vā samanupaśyati / sa evaṃ prajñāpāramitāyāṃ caran na pṛthivīdhātau yukta iti vā ayukta iti vā samanupaśyati / nābdhātau yukta iti vā ayukta iti vā samanupaśyati / na tejodhātau yukta iti vā ayukta iti vā samanupaśyati / na vāyudhātau yukta iti vā ayukta iti vā samanupaśyati / nākāśadhātau yukta iti vā ayukta iti vā samanupaśyati / na vijñānadhātau yukta iti vā ayukta iti vā samanupaśyati sa evaṃ prajñāpāramitāyāṃ carann āvidyāyāṃ yukta iti vā ayukta iti vā samanupaśyati / na saṃskāre yukta iti vā ayukta iti vā samanupaśyati / na vijñāne yukta iti vā ayukta iti vā samanupaśyati / na nāmarūpe yukta iti vā ayukta iti vā samanupaśyati /

na ṣaḍāyatane yukta iti vā ayukta iti vā samanupaśyati / na sparśe yukta iti vā ayukta iti vā samanupaśyati / na vedanāyāṃ yukta iti vā ayukta iti vā samanupaśyati / na tṛṣṇāyāṃ yukta iti vā ayukta iti vā samanupaśyati / nopādāne yukta iti vā ayukta vā samanupaśyati / na bhave yukta iti vā ayukta vā samanupaśyati / na jātau yukta iti vā ayukta iti vā samanupaśyati / na jarāmaraṇe yukta iti vā ayukta iti vā samanupaśyati sa evaṃ prajñāpāramitāyāṃ caran na dānapāramitāyāṃ yukta iti vā ayukta iti vā samanupaśyati / na śīlapāramitāyāṃ yukta iti vā ayukta iti vā samanupaśyati / na kṣāntipāramitāyāṃ yukta iti vā ayukta iti vā samanupaśyati / na vīryapāramitāyāṃ yukta iti vā ayukta iti vā samanupaśyati / na dhyānapāramitāyāṃ yukta iti vā ayukta iti vā samanupaśyati / na prajñāpāramitāyāṃ yukta iti vā ayukta iti vā samanupaśyati / sa evaṃ prajñāpāramitāyāṃ caran nādhyātmaśūnyatāyāṃ yukta vā ayukta iti vā samanupaśyati / na bahirdhāśūnyatāyāṃ yukta iti vā ayukta iti vā samanupaśyati / nādhyātmabahirdhāśūnyatāyāṃ yukta iti vā ayukta iti vā samanupaśyati / na śūnyatāśūnyatāyāṃ yukta iti vā ayukta iti vā samanupaśyati / na mahāśūnyatāyāṃ yukta iti vā ayukta iti vā samanupaśyati / na paramārthaśūnyatāyāṃ yukta iti vā ayukta iti vā samanupaśyati / na saṃskṛtaśūnyatāyāṃ yukta iti vā ayukta iti vā samanupaśyati / nāsaṃskṛtaśūnyatāyāṃ yukta iti vā ayukta iti vā samanupaśyati / nātyantaśūnyatāyāṃ yukta vā ayukta iti vā samanupaśyati /

nānavarāgraśūnyatāyāṃ yukta iti vā ayukta iti vā samanupaśyati / nānavakāraśūnyatāyāṃ yukta iti vā ayukta iti vā samanupaśyati / na prakṛtiśūnyatāyāṃ yukta iti vā ayukta iti vā samanupaśyati / na sarvadharmaśūnyatāyāṃ yukta iti vā ayukta iti vā samanupaśyati / na svalakṣaṇaśūnyatāyāṃ yukta iti vā ayukta iti vā samanupaśyati / nānupalambhaśūnyatāyāṃ yukta iti vā ayukta iti vā samanupaśyati / nābhāvaśūnyatāyāṃ yukta iti vā ayukta iti vā samanupaśyati / na svabhāvaśūnyatāyāṃ yukta iti vā ayukta iti vā samanupaśyati / nābhāvasvabhāvaśūnyatāyāṃ yukta iti vā ayukta iti vā samanupaśyati / sa evaṃ prajñāpāramitāyāṃ caran na smṛtyupasthāneṣu yukta iti vā ayukta iti vā samanupaśyati / na samyakprahāṇeṣu yukta iti vā ayukta iti vā samanupaśyati / na ṛddhipādeṣu yukta iti vā ayukta iti vā samanupaśyati / nendriyeṣu yukta iti vā ayukta iti vā samanupaśyati / na baleṣu yukta iti vā ayukta iti vā samanupaśyati / na bodhyaṅgeṣu yukta iti vā ayukta iti vā samanupaśyati / na mārgeṣu yukta iti vā ayukta iti vā samanupaśyati / nāryasatyeṣu yukta iti vā ayukta iti vā samanuśyati / na dhyāneṣu yukta iti vā ayukta iti vā samanupaśyati / nāpramāṇeṣu yukta iti vā ayukta iti vā samanupaśyati / nārūpyasamāpattiṣu yukta iti vā ayukta iti vā samanupaśyati / nāṣṭavimokṣeṣu yukta iti vā ayukta iti vā samanupaśyati / na navānupūrvavihāreṣu yukta iti vā ayukta iti vā samanupaśyati / na śūnyatāyāṃ samādhau yukta iti vā ayukta iti vā samanupaśyati /

nānimitte samādhau yukta iti vā ayukta iti vā samanupaśyati / nāpraṇihite samādhau yukta iti vā ayukta iti vā samanupaśyati / nābhijñāsu yukta iti vā ayukta iti vā samanupaśyati / na sarvasamādhiṣu yukta iti vā ayukta iti vā samanupaśyati / na sarvadhāraṇīmukheṣu yukta iti vā ayukta iti vā samanupaśyati / na daśasu tathāgatabaleṣu yukta iti vā ayukta iti vā samanupaśyati / na caturṣu vaiśāradyeṣu yukta iti vā ayukta iti vā samanupaśyati / na catasṛṣu pratisaṃvitsu yukta iti vā ayukta iti vā samanupaśyati / na mahāmaitryāṃ yukta iti vā ayukta iti vā samanupaśyati / na mahākaruṇāyāṃ yukta iti vā ayukta iti vā samanupaśyati / nāṣṭādaśāveṇikabuddhadharmeṣu yukta iti vā ayukta iti vā samanupaśyati / na śrota-āpattiphale yukta iti vā ayukta iti vā samanupaśyati / na sakṛdāgāmiphale yukta iti vā ayukta iti vā samanupaśyati / nānāgāmiphale yukta iti vā ayukta iti vā samanupaśyati / nārhattve yukta iti vā ayukta iti vā samanupaśyati / na pratyekabodhau yukta iti vā ayukta iti vā samanupaśyati / na mārgākārajñatāyāṃ yukta iti vā ayukta iti vā samanupaśyati / na sarvākārajñatāyāṃ yukta vā ayukta iti vā samanupaśyati / anenāpi śārīputra paryāyeṇa bodhisattvo mahāsattvaḥ prajñāpāramitāyāṃ yukta iti vaktavyaḥ / sarvadharmāyogāviyogatām upādāya / punar aparaṃ śāradvatīputra bodhisattvo mahāsattvaḥ prajñāpāramitāyāṃ caran na śūnyatāṃ śūnyatayā yojayati na viyojayati / na śūnyatāyogaṃ nānimittena yojayati na viyojayati / nānimittayogaṃ nāpraṇihitena yojayati na viyojayati nāpraṇihitayogaṃ /

tat kasya hetos tathā hi śūnyatayāṃ na yogo na viyogaḥ / ānimittaṃ na yogo na viyogaḥ apraṇihitaṃ na yogo na viyogaḥ / evaṃ yujyamānaḥ śāradvatīputra bodhisattvo mahāsattvaḥ prajñāpāramitāyāṃ yukta iti vaktavyaḥ / punar aparaṃ śāradvatīputra bodhisattvo mahāsattvaḥ prajñāpāramitāyāṃ caran dharmāṇāṃ svalakṣaṇaśūnyatām avataran rūpaṃ na yojayati na viyojayati na vedanāṃ yojayati na viyojayati na saṃjñāṃ yojayati na viyojayati na saṃskārān yojayati na viyojayati / na vijñānaṃ yojayati na viyojayati / na rūpaṃ pūrvāntena yojayati na viyojayati / tathā hi pūrvāntam eva na samanupaśyati / na rūpam aparāntena yojayati na viyojayati tathā hy aparāntam eva na samanupaśyati / na rūpaṃ pratyutpannena yojayati na viyojayati / tathā hi pratyutpannam eva na samanupaśyati / na vedanāṃ pūrvāntena yojayati na viyojayati / tathā hi pūrvāntam eva na samanupaśyati / na vedanām aparāntena yojayati na viyojayati tathā hy aparāntam eva na samanupaśyati / na vedanāṃ pratyutpannena yojayati na viyojayati tathā hi pratyutpannam eva na samanupaśyati / na saṃjñāṃ pūrvāntena yojayati na viyojayati tathā hi pūrvāntam eva na samanupaśyati / na saṃjñām aparāntena yojayati na viyojayati tathā hy aparāntam eva na samanupaśyati / na saṃjñāṃ pratyutpannena yojayati na viyojayati tathā hi pratyutpannam eva na samanupaśyati / na saṃskārān pūrvāntena yojayati na viyojayati tathā hi pūrvāntam eva na samanupaśyati / na saṃskārān aparāntena yojayati na viyojayati tathā hy aparāntam eva na samanupaśyati /

na saṃskārān pratyutpannena yojayati na viyojayati tathā hi pratyutpannam eva na samanupaśyati / na vijñānaṃ pūrvāntena yojayati na viyojayati tathā hi pūrvāntam eva na samanupaśyati / na vijñānam aparāntena yojayati na viyojayati tathā hy aparāntam eva na samanupaśyati / na vijñānaṃ pratyutpannena yojayati na viyojayati tathā hi pratyutpannam eva na samanupaśyati / na cakṣuḥ pūrvāntena yojayati na viyojayati tathā hi pūrvāntam eva na samanupaśyati / na cakṣur aparāntena yojayati na viyojayati tathā hy aparāntam eva na samanupaśyati / na cakṣuḥ pratyutpannena yojayati na viyojayati tathā hi pratyutpannam eva na samanupaśyati / na śrotraṃ pūrvāntena yojayati na viyojayati tathā hi pūrvāntam eva na samanupaśyati / na śrotram aparāntena yojayati na viyojayati tathā hy aparāntam eva na samanupaśyati / na śrotraṃ pratyutpannena yojayati na viyojayati / tathā hi pratyutpannam eva na samanupaśyati / na ghrāṇaṃ pūrvāntena yojayati na viyojayati tathā hi pūrvāntam eva na samanupaśyati / na ghrāṇam aparāntena yojayati na viyojayati tathā hy aparāntam eva na samanupaśyati / na ghrāṇaṃ pratyutpannena yojayati na viyojayati tathā hi pratyutpannam eva na samanupaśyati / na jihvāṃ pūrvāntena yojayati na viyojayati tathā hi pūrvāntam eva na samanupaśyati / na jihvām aparāntena yojayati na viyojayati tathā hy aparāntam eva na samanupaśyati / na jihvāṃ pratyutpannena yojayati na viyojayati tathā hi pratyutpannam eva na samanupaśyati /

na kāyaṃ pūrvāntena yojayati na viyojayati tathā hi pūrvāntam eva na samanupaśyati / na kāyam aparāntena yojayati na viyojayati tathā hy aparāntam eva na samanupaśyati / na kāyaṃ pratyutpannena yojayati na viyojayati tathā hi pratyutpannam eva na samanapaśyati / na manaḥ pūrvāntena yojayati na viyojayati tathā hi pūrvāntam eva na samanupaśyati / na mano 'parāntena yojayati na viyojayati tathā hy aparāntam eva na samanupaśyati / na manaḥ pratyutpannena yojayati na viyojayati tathā hi pratyutpannam eva na samanupaśyati / na rūpaṃ pūrvāntena yojayati na viyojayati tathā hi pūrvāntam eva na samanupaśyati / na rūpam aparāntena yojayati na viyojayati tathā hy aparāntam eva na samanupaśyati / na rūpaṃ pratyutpannena yojayati na viyojayati tathā hi pratyutpannam eva na samanupaśyati / na śabdaṃ pūrvāntena yojayati na viyojayati tathā hi pūrvāntam eva na samanupaśyati / na śabdam aparāntena yojayati na viyojayati tathā hy aparāntam eva na samanupaśyati / na śabdaṃ pratyutpannena yojayati na viyojayati tathā hi pratyutpannam eva na samanupaśyati / na gandhaṃ pūrvāntena yojayati na viyojayati tathā hi pūrvāntam eva na samanupaśyati / na gandham aparāntena yojayati na viyojayati tathā hy aparāntam eva na samanupaśyati / na gandhaṃ pratyutpannena yojayati na viyojayati tathā hi pratyutpannam eva na samanupaśyati / na rasaṃ pūrvāntena yojayati na viyojayati tathā hi pūrvāntam eva na samanupaśyati / na rasam aparāntena yojayati na viyojayati tathā hy aparāntam eva na samanapaśyati /

na rasaṃ pratyutpannena yojayati na viyojayati tathā hi pratyutpannam eva na samanupaśyati / na sparśaṃ pūrvāntena yojayati na viyojayati tathā hi pūrvāntam eva na samanapaśyati / na sparśam aparāntena yojayati na viyojayati tathā hy aparāntam eva na samanupaśyati / na sparśaṃ pratyutpannena yojayati na viyojayati tathā hi pratyutpannam eva na samanupaśyati / na dharmaṃ pūrvāntena yojayati na viyojayati tathā hi pūrvāntam eva na samanupaśyati / na dharmam aparāntena yojayati na viyojayati tathā hy aparāntam eva na samanupaśyati / na dharmaṃ pratyutpannena yojayati na viyojayati tathā hi pratyutpannam eva na samanupaśyati / na cakṣurvijñānaṃ pūrvāntena yojayati na viyojayati tathā hi pūrvāntam eva na samanupaśyati / na cakṣurvijñānam aparāntena yojayati na viyojayati tathā hy aparāntam eva na samanupaśyati / na cakṣurvijñānaṃ pratyutpannena yojayati na viyojayati tathā hi pratyutpannam eva na samanupaśyati / na śrotravijñānaṃ pūrvāntena yojayati na viyojayati tathā hi pūrvāntam eva na samanupaśyati / na śrotravijñānam aparāntena yojayati na viyojayati tathā hy aparāntam eva na samanupaśyati / na śrotravijñānaṃ pratyutpannena yojayati na viyojayati tathā hi pratyutpannam eva na samanupaśyati / na ghrāṇavijñānaṃ pūrvāntena yojayati na viyojayati tathā hi pūrvāntam eva na samanupaśyati / na ghrāṇavijñānam aparāntena yojayati na viyojayati tathā hy aparāntam eva na samanupaśyati /

na ghrāṇavijñānaṃ pratyutpannena yojayati na viyojayati tathā hi pratyutpannam eva na samanupaśyati / na jihvāvijñānaṃ pūrvāntena yojayati na viyojayati tathā hi pūrvāntam eva na samanupaśyati / na jihvāvijñānam aparāntena yojayati na viyojayati tathā hy aparāntam eva na samanupaśyati / na jihvāvijñānaṃ pratyutpannena yojayati na viyojayati tathā hi pratyutpannam eva na samanupaśyati / na kāyavijñānaṃ pūrvāntena yojayati na viyojayati tathā hi pūrvāntam eva na samanupaśyati / na kāyavijñānam aparāntena yojayati na viyojayati tathā hy aparāntam eva na samanupaśyati / na kāyavijñānaṃ pratyutpannena yojayati na viyojayati tathā hi pratyutpannam eva na samanupaśyati / na manovijñānaṃ pūrvāntena yojayati na viyojayati tathā hi pūrvāntam eva na samanupaśyati / na manovijñānam aparāntena yojayati na viyojayati tathā hy aparāntam eva na samanupaśyati / na manovijñānaṃ pratyutpannena yojayati na viyojayati tathā hi pratyutpannam eva na samanupaśyati / na cakṣuḥsaṃsparśaṃ pūrvāntena yojayati na vijoyati tathā hi pūrvāntam eva na samanupaśyati / na cakṣuḥsaṃsparśam aparāntena yojayati na viyojayati tathā hy aparāntam eva na samanupaśyati / na cakṣuḥsaṃsparśaṃ pratyutpannena yojayati na viyojayati tathā hi pratyutpannam eva na samanupaśyati / na śrotrasaṃsparśaṃ pūrvāntena yojayati na viyojayati tathā hi pūrvāntam eva na samanupaśyati / na śrotrasaṃsparśam aparāntena yojayati na viyojayati tathā hy aparāntam eva na samanupaśyati / na śrotrasaṃsparśaṃ pratyutpannena yojayati na viyojayati

tathā hi pratyutpannam eva na samanupaśyati / na ghrāṇasaṃsparśaṃ pūrvāntena yojayati na viyojayati tathā hi pūrvāntam eva na samanupaśyati / na ghrāṇasaṃsparśam aparāntena yojayati na viyojayati tathā hy aparāntam eva na samanupaśyati / na ghrāṇasaṃsparśaṃ pratyutpannena yojayati na viyojayati tathā hi pratyutpannam eva na samanupaśyati / na jihvāsaṃsparśaṃ pūrvāntena yojayati na viyojayati tathā hi pūrvāntam eva na samanupaśyati / na jihvāsaṃsparśam aparāntena yojayati na viyojayati tathā hy aparāntam eva na samanupaśyati / na jihvāsaṃsparśaṃ pratyutpannena yojayati na viyojayati tathā hi pratyutpannam eva na samanupaśyati / na kāyasaṃsparśaṃ pūrvāntena yojayati na viyojayati tathā hi pūrvāntam eva na samanupaśyati / na kāyasaṃsparśam aparāntena yojayati na viyojayati tathā hy aparāntam eva na samanupaśyati / na kāyasaṃsparśaṃ pratyutpannena yojayati na viyojayati tathā hi pratyutpannam eva na samanupaśyati / na manaḥsaṃsparśaṃ pūrvāntena yojayati na viyojayati tathā hi pūrvāntam eva na samanupaśyati / na manaḥsaṃsparśam aparāntena yojayati na viyojayati tathā hy aparāntam eva na samanupaśyati / na manaḥsaṃsparśaṃ pratyutpannena yojayati na viyojayati tathā hi pratyutpannam eva na samanupaśyati / na cakṣuḥsaṃsparśajāṃ vedanāṃ pūrvāntena yojayati na viyojayati tathā hi pūrvāntam eva na samanupaśyati / na cakṣuḥsaṃsparśajāṃ vedanām aparāntena yojayati na viyojayati tathā hy aparāntam eva na samanupaśyati /

na cakṣuḥsaṃsparśajāṃ vedanāṃ pratyutpannena yojayati na viyojayati tathā hi pratyutpannam eva na samanupaśyati / na śrotrasaṃsparśajāṃ vedanāṃ pūrvāntena yojayati na viyojayati tathā hi pūrvāntam eva na samanupaśyati / na śrotrasaṃsparśajāṃ vedanām aparāntena yojayati na viyojayati tathā hy aparāntam eva na samanupaśyati / na śrotrasaṃsparśajāṃ vedanāṃ pratyutpannena yojayati na viyojayati tathā hi pratyutpannam eva na samanupaśyati / na ghrāṇasaṃsparśajāṃ vedanāṃ pūrvāntena yojayati na viyojayati tathā hi pūrvāntam eva na samanupaśyati / na ghrāṇasaṃsparśajāṃ vedanām aparāntena yojayati na viyojayati tathā hy aparāntam eva na samanupaśyati / na ghrāṇasaṃsparśajāṃ vedanāṃ pratyutpannena yojayati na viyojayati tathā hi pratyutpannam eva na samanupaśyati / na jihvāsaṃsparśajāṃ vedanāṃ pūrvāntena yojayati na viyojayati tathā hi pūrvāntam eva na samanupaśyati / na jihvāsaṃsparśajāṃ vedanām aparāntena yojayati na viyojayati tathā hy aparāntam eva na samanupaśyati / na jihvāsaṃsparśajāṃ vedanāṃ pratyutpannena yojayati na viyojayati tathā hi pratyutpannam eva na samanupaśyati / na kāyasaṃsparśajāṃ vedanāṃ pūrvāntena yojayati na viyojayati tathā hi pūrvāntam eva na samanupaśyati / na kāyasaṃsparśajāṃ vedanām aparāntena yojayati na viyojayati tathā hy aparāntam eva na samanupaśyati / na kāyasaṃsparśajāṃ vedanāṃ pratyutpannena yojayati na viyojayati tathā hi pratyutpannam eva na samanupaśyati /

na manaḥsaṃsparśajāṃ vedanāṃ pūrvāntena yojayati na viyojayati tathā hi pūrvāntam eva na samanupaśyati / na manaḥsaṃsparśajāṃ vedanām aparāntena yojayati na viyojayati tathā hy aparāntam eva na samanupaśyati / na manaḥsaṃsparśajāṃ vedanāṃ pratyutpannena yojayati na viyojayati tathā hi pratyutpannam eva na samanupaśyati / na pṛthivīdhātuṃ pūrvāntena yojayati na viyojayati tathā hi pūrvāntam eva na samanupaśyati / na pṛthivīdhātum aparāntena yojayati na viyojayati tathā hy aparāntam eva na samanupaśyati / na pṛthivīdhātuṃ pratyutpannena yojayati na viyojayati tathā hi pratyutpannam eva na samanupaśyati / nābdhātuṃ pūrvāntena yojayati na viyojayati tathā hi pūrvāntam eva na samanupaśyati / nābdhātum aparāntena yojayati na viyojayati tathā hy aparāntam eva na samanupaśyati / nābdhātuṃ pratyutpannena yojayati na viyojayati tathā hi pratyutpannam eva na samanupaśyati / na tejodhātuṃ pūrvāntena yojayati na viyojayati tathā hi pūrvāntam eva na samanupaśyati / na tejodhātum aparāntena yojayati na viyojayati tathā hy aparāntam eva na samanupaśyati / na tejodhātuṃ pratyutpannena yojayati na viyojayati tathā hi pratyutpannam eva na samanupaśyati / na vāyudhātuṃ pūrvāntena yojayati na viyojayati tathā hi pūrvāntam eva na samanupaśyati / na vāyudhātum aparāntena yojayati na viyojayati tathā hy aparāntam eva na samanupaśyati / na vāyudhātuṃ pratyutpannena yojayati na viyojayati tathā hi pratyutpannam eva na samanupaśyati /

nākāśadhātuṃ pūrvāntena yojayati na viyojayati tathā hi pūrvāntam eva na samanupaśyati / nākāśadhātum aparāntena yojayati na viyojayati tathā hy aparāntam eva na samanupaśyati / nākāśadhātuṃ pratyutpannena yojayati na viyojayati tathā hi pratyutpapannam eva na samanupaśyati / na vijñānadhātuṃ pūrvāntena yojayati na viyojayati tathā hi pūrvāntam eva na samanupaśyati / na vijñānadhātum aparāntena yojayati na viyojayati tathā hy aparāntam eva na samanupaśyati / na vijñānadhātuṃ pratyutpannena yojayati na viyojayati tathā hi pratyutpannam eva na samanupaśyati / nāvidyāṃ pūrvāntena yojayati na viyojayati tathā hi pūrvāntam eva na samanupaśyati / nāvidyām aparāntena yojayati na viyojayati tathā hy aparāntam eva na samanupaśyati / nāvidyāṃ pratyutpannena yojayati na viyojayati tathā hi pratyutpannam eva na samanupaśyati / na saṃskārān pūrvāntena yojayati na viyojayati tathā hi pūrvāntam eva na samanupaśyati / na saṃskārān aparāntena yojayati na viyojayati tathā hy aparāntam eva na samanupaśyati / na saṃskārān pratyutpannena yojayati na viyojayati tathā hi pratyutpannam eva na samanupaśyati / na vijñānaṃ pūrvāntena yojayati na viyojayati tathā hi pūrvāntam eva na samanupaśyati / na vijñānam aparāntena yojayati na viyojayati tathā hy aparāntam eva na samanupaśyati / na vijñānaṃ pratyutpannena yojayati na viyojayati tathā hi pratyutpannam eva na samanupaśyati / na nāmarūpaṃ pūrvāntena yojayati na viyojayati tathā hi pūrvāntam eva na samanupaśyati /

na nāmarūpam aparāntena yojayati na viyojayati tathā hy aparāntam eva na samanupaśyati / na nāmarūpaṃ pratyutpannena yojayati na viyojayati tathā hi pratyutpannam eva na samanupaśyati / na ṣaḍāyatanaṃ pūrvāntena yojayati na viyojayati tathā hi pūrvāntam eva na samanupaśyati / na ṣaḍāyatanam aparāntena yojayati na viyojayati tathā hy aparāntam eva na samanupaśyati / na ṣaḍāyatanaṃ pratyutpannena yojayati na viyojayati tathā hi pratyutpannam eva na samanupaśyati / na sparśaṃ pūrvāntena yojayati na viyojayati tathā hi pūrvāntam eva na samanupaśyati / na sparśam aparāntena yojayati na viyojayati tathā hy aparāntam eva na samanupaśyati / na sparśaṃ pratyutpannena yojayati na viyojayati tathā hi pratyutpannam eva na samanupaśyati / na vedanāṃ pūrvāntena yojayati na viyojayati

tathā hi pūrvāntam eva na samanupaśyati / na vedanām aparāntena yojayati na viyojayati tathā hy aparāntam eva na samanupaśyati / na vedanāṃ pratyutpannena yojayati na viyojayati tathā hi pratyutpannam eva na samanupaśyati / na tṛṣṇāṃ pūrvāntena yojayati na viyojayati tathā hi pūrvāntam eva na samanupaśyati / na tṛṣṇām aparāntena yojayati na viyojayati tathā hy aparāntam eva na samanupaśyati / na tṛṣṇāṃ pratyutpannena yojayati na viyojayati tathā hi pratyutpannam eva na samanupaśyati / nopādānaṃ pūrvāntena yojayati na viyojayati tathā hi pūrvāntam eva na samanupaśyati / nopādānam aparāntena yojayati na viyojayati tathā hy aparāntam eva na samanupaśyati / nopādānaṃ pratyutpannena yojayati na viyojayati tathā hi pratyutpannam eva na samanupaśyati / na bhavaṃ pūrvāntena yojayati na viyojayati tathā hi pūrvāntam eva na samanupaśyati / na bhavam aparāntena yojayati na viyojayati tathā hy aparāntam eva na samanupaśyati / na bhavaṃ pratyutpannena yojayati na viyojayati tathā hi pratyutpannam eva na samanupaśyati / na jātiṃ pūrvāntena yojayati na viyojayati tathā hi pūrvāntam eva na samanupaśyati / na jātim aparāntena yojayati na viyojayati tathā hy aparāntam eva na samanupaśyati / na jātiṃ pratyutpannena yojayati na viyojayati tathā hi pratyutpannam eva na samanupaśyati / na jarāmaraṇaṃ pūrvāntena yojayati na viyojayati tathā hi pūrvāntam eva na samanupaśyati / na jarāmaraṇam aparāntena yojayati na viyojayati tathā hy aparāntam eva na samanupaśyati /

na jarāmaraṇaṃ pratyutpannena yojayati na viyojayati tathā hi pratyutpannam eva na samanupaśyati / na dānapāramitāṃ pūrvāntena yojayati na viyojayati tathā hi pūrvāntam eva na samanupaśyati / na dānapāramitām aparāntena yojayati na viyojayati tathā hy aparāntam eva na samanupaśyati / na dānapāramitāṃ pratyutpannena yojayati na viyojayati tathā hi pratyutpannam eva na samanupaśyati / na śīlapāramitāṃ pūrvāntena yojayati na viyojayati tathā hi pūrvāntam eva na samanupaśyati / na śīlapāramitām aparāntena yojayati na viyojayati tathā hy aparāntam eva na samanupaśyati / na śīlapāramitāṃ pratyutpannena yojayati na viyojayati tathā hi pratyutpannam eva na samanupaśyati / na kṣāntipāramitāṃ pūrvāntena yojayati na viyojayati tathā hi pūrvāntam eva na samanupaśyati / na kṣāntipāramitām aparāntena yojayati na viyojayati tathā hy aparāntam eva na samanupaśyati / na kṣāntipāramitāṃ pratyutpannena yojayati na viyojayati tathā hi pratyutpannam eva na samanupaśyati / na vīryapāramitāṃ pūrvāntena yojayati na viyojayati tathā hi pūrvāntam eva na samanupaśyati / na vīryapāramitām aparāntena yojayati na viyojayati tathā hy aparāntam eva na samanupaśyati / na vīryapāramitāṃ pratyutpannena yojayati na viyojayati tathā hi pratyutpannam eva na samanupaśyati / na dhyānapāramitāṃ pūrvāntena yojayati na viyojayati tathā hi pūrvāntam eva na samanupaśyati / na dhyānapāramitām aparāntena yojayati na viyojayati tathā hy aparāntam eva na samanupaśyati /

na dhyānapāramitāṃ pratyutpannena yojayati na viyojayati tathā hi pratyutpannam eva na samanupaśyati / na prajñāpāramitāṃ pūrvāntena yojayati na viyojayati tathā hi pūrvāntam eva na samanupaśyati / na prajñāpāramitām aparāntena yojayati na viyojayati tathā hy aparāntam eva na samanupaśyati / na prajñāpāramitāṃ pratyutpannena yojayati na viyojayati tathā hi pratyutpannam eva na samanupaśyati / nādhyātmaśūnyatāṃ pūrvāntena yojayati na viyojayati tathā hi pūrvāntam eva na samanupaśyati / nādhyātmaśūnyatām aparāntena yojayati na viyojayati tathā hy aparāntam eva na samanupaśyati / nādhyātmaśūnyatāṃ pratyutpannena yojayati na viyojayati tathā hi pratyutpannam eva na samanupaśyati / na bahirdhāśūnyatāṃ pūrvāntena yojayati na viyojayati tathā hi pūrvāntam eva na samanupaśyati / na bahirdhāśūnyatām aparāntena yojayati na viyojayati tathā hy aparāntam eva na samanupaśyati / na bahirdhāśūnyatāṃ pratyutpannena yojayati na viyojayati tathā hi pratyutpannam eva na samanupaśyati / nādhyātmabahirdhāśūnyatāṃ pūrvāntena yojayati na viyojayati tathā hi pūrvāntam eva na samanupaśyati / nādhyātmabahirdhāśūnyatām aparāntena yojayati na viyojayati tathā hy aparāntam eva na samanupaśyati / nādhyātmabahirdhāśūnyatāṃ pratyutpannena yojayati na viyojayati tathā hi pratyutpannam eva na samanupaśyati / na śūnyatāśūnyatāṃ pūrvāntena yojayati na viyojayati tathā hi pūrvāntam eva na samanupaśyati / na śūnyatāśūnyatām aparāntena yojayati na viyojayati tathā hy aparāntam eva na samanupaśyati /

na śūnyatāśūnyatāṃ pratyutpannena yojayati na viyojayati tathā hi pratyutpannam eva na samanupaśyati / na mahāśūnyatāṃ pūrvāntena yojayati na viyojayati tathā hi pūrvāntam eva na samanupaśyati / na mahāśūnyatām aparāntena yojayati na viyojayati tathā hy aparāntam eva na samanupaśyati / na mahāśūnyatāṃ pratyutpannena yojayati na viyojayati tathā hi pratyutpannam eva na samanupaśyati / na paramārthaśūnyatāṃ pūrvāntena yojayati na viyojayati tathā hi pūrvāntam eva na samanupaśyati / na paramārthaśūnyatām aparāntena yojayati na viyojayati tathā hy aparāntam eva na samanupaśyati / na paramārthaśūnyatāṃ pratyutpannena yojayati na viyojayati tathā hi pratyutpannam eva na samanupaśyati / na saṃskṛtaśūnyatāṃ pūrvāntena yojayati na viyojayati tathā hi pūrvāntam eva na samanupaśyati / na saṃskṛtaśūnyatām aparāntena yojayati na viyojayati tathā hi aparāntam eva na samanupaśyati / na saṃskṛtaśūnyatāṃ pratyutpannena yojayati na viyojayati tathā hi pratyutpannam eva na samanupaśyati / na saṃskṛtaśūnyatāṃ pūrvāntena yojayati na viyojayati tathā hi pūrvāntam eva na samanupaśyati / na saṃskṛtaśūnyatām aparāntena yojayati na viyojayati tathā hy aparāntam eva na samanupaśyati / na saṃskṛtaśūnyatāṃ pratyutpannena yojayati na viyojayati tathā hi pratyutpannam eva na samanupaśyati / nātyantaśūnyatāṃ pūrvāntena yojayati na viyojayati tathā hi pūrvāntam eva na samanupaśyati / nātyantaśūnyatām aparāntena yojayati na viyojayati tathā hy aparāntam eva na samanupaśyati /

nātyantaśūnyatāṃ pratyutpannena yojayati na viyojayati tathā hi pratyutpannam eva na samanupaśyati / nānavarāgraśūnyatāṃ pūrvāntena yojayati na viyojayati tathā hi pūrvāntam eva na samanupaśyati / nānavarāgraśūnyatām aparāntena yojayati na viyojayati tathā hy aparāntam eva na samanupaśyati / nānavarāgraśūnyatāṃ pratyutpannena yojayati na viyojayati tathā hi pratyutpannam eva na samanupaśyati / nānavakāraśūnyatāṃ pūrvāntena yojayati na viyojayati tathā hi pūrvāntam eva na samanupaśyati / nānavakāraśūnyatām aparāntena yojayati na viyojayati tathā hy aparāntam eva na samanupaśyati / nānavakāraśūnyatāṃ pratyutpannena yojayati na viyojayati tathā hi pratyutpannam eva na samanupaśyati / na prakṛtiśūnyatāṃ pūrvāntena yojayati na viyojayati tathā hi pūrvāntam eva na samanupaśyati / na prakṛtiśūnyatām aparāntena yojayati na viyojayati tathā hy aparāntam eva na samanupaśyati / na prakṛtiśūnyatāṃ pratyutpannena yojayati na viyojayati tathā hi pratyutpannam eva na samanupaśyati / na sarvadharmaśūnyatāṃ pūrvāntena yojayati na viyojayati tathā hi pūrvāntam eva na samanupaśyati / na sarvadharmaśūnyatām aparāntena yojayati na viyojayati tathā hy aparāntam eva na samanupaśyati / na sarvadharmaśūnyatāṃ pratutpannena yojayati na viyojayati tathā hi pratyutpannam eva na samanupaśyati / na svalakṣaṇaśūnyatāṃ pūrvāntena yojayati na viyojayati tathā hi pūrvāntam eva na samanupaśyati / na svalakṣaṇaśūnyatām aparāntena yojayati na viyojayati tathā hy aparāntam eva na samanupaśyati /

na svalakṣaṇaśūnyatāṃ pratyutpannena yojayati na viyojayati tathā hi pratyutpannam eva na samanupaśyati / nānupalambhaśūnyatāṃ pūrvāntena yojayati na viyojayati tathā hi pūrvāntam eva na samanupaśyati / nānupalambhaśūnyatām aparāntena yojayati na viyojayati tathā hy aparāntam eva na samanupaśyati / nānupalambhaśūnyatāṃ pratyutpannena yojayati na viyojayati tathā hi pratyutpannam eva na samanupaśyati / nābhāvaśūnyatāṃ pūrvāntena yojayati na viyojayati tathā hi pūrvāntam eva na samanupaśyati / nābhāvaśūnyatām aparāntena yojayati na viyojayati tathā hy aparāntam eva na samanupaśyati / nābhāvaśūnyatāṃ pratyutpannena yojayati na viyojayati tathā hi pratyutpannam eva na samanupaśyati / na svabhāvaśūnyatāṃ pūrvāntena yojayati na viyojayati tathā hi pūrvāntam eva na samanupaśyati / na svabhāvaśūnyatām aparāntena yojayati na viyojayati tathā hy aparāntam eva na samanupaśyati / na svabhāvaśūnyatāṃ pratyutpannena yojayati na viyojayati tathā hi pratyutpannam eva na samanupaśyati / nābhāvasvabhāvaśūnyatāṃ pūrvāntena yojayati na viyojayati tathā hi pūrvāntam eva na samanupaśyati / nābhāvasvabhāvaśūnyatām aparāntena yojayati na viyojayati tathā hy aparāntam eva na samanupaśyati / nābhāvasvabhāvaśūnyatāṃ pratyutpannena yojayati na viyojayati tathā hi pratyutpannam eva na samanupaśyati / na smṛtyupasthānāni pūrvāntena yojayati na viyojayati tathā hi pūrvāntam eva na samanupaśyati / na smṛtyupasthānāny aparāntena yojayati na viyojayati tathā hy aparāntam eva na samanupaśyati /

na smṛtyupasthānāni pratyutpannena yojayati na viyojayati tathā hi pratyutpannam eva na samanupaśyati / na samyakprahāṇāni pūrvāntena yojayati na viyojayati tathā hi pūrvāntam eva na samanupaśyati / na samyakprahāṇāny aparāntena yojayati na viyojayati tathā hy aparāntam eva na samanupaśyati / na samyakprahāṇāni pratyutpannena yojayati na viyojayati tathā hi pratyutpannam eva na samanupaśyati / na ṛddhipādān pūrvāntena yojayati na viyojayati tathā hi pūrvāntam eva na samanupaśyati / na ṛddhipādān aparāntena yojayati na viyojayati tathā hy aparāntam eva na samanupaśyati / na ṛddhipādān pratyutpannena yojayati na viyojayati tathā hi pratyutpannam eva na samanupaśyati / nendriyāṇi pūrvāntena yojayati na viyojayati tathā hi pūrvāntam eva na samanupaśyati / nendriyāṇy aparāntena yojayati na viyojayati tathā hy aparāntam eva na samanupaśyati / nendriyāṇi pratyutpannena yojayati na viyojayati tathā hi patyatpannam eva na samanupaśyati / na balāni pūrvāntena yojayati na viyojayati tathā hi pūrvāntam eva na samanupaśyati / na balāny aparāntena yojayati na viyojayati tathā hy aparāntam eva na samanupaśyati / na balāni pratyutpannena yojayati na viyojayati tathā hi pratyutpannam eva na samanupaśyati / na bodhyaṅgāni pūrvāntena yojayati na viyojayati tathā hi pūrvāntam eva na samanupaśyati / na bodhyaṅgāny aparāntena yojayati na viyojayati tathā hy aparāntam eva na samanupaśyati / na bodhyaṅgāni pratyutpannena yojayati na viyojayati tathā hi pratyutpannam eva na samanupaśyati /

nāryāṣṭāṅgamārgaṃ pūrvāntena yojayati na viyojayati tathā hi pūrvāntam eva na samanupaśyati / nāryāṣṭāṅgamārgam aparāntena yojayati na viyojayati tathā hy aparāntam eva na samanupaśyati / nāryāṣṭāṅgamārgaṃ pratyutpannena yojayati na viyojayati tathā hi pratyutpannam eva na samanupaśyati / nāryasatyāni pūrvāntena yojayati na viyojayati tathā hi pūrvāntam eva na samanupaśyati / nāryasatyāny aparāntena yojayati na viyojayati tathā hy aparāntam eva na samanupaśyati / nāryasatyāni pratyutpannena yojayati na viyojayati tathā hi pratyutpannam eva na samanupaśyati / na dhyānāni pūrvāntena yojayati na viyojayati tathā hi pūrvāntam eva na samanupaśyati / na dhyānāny aparāntena yojayati na viyojayati tathā hy aparāntam eva na samanupaśyati / na dhyānāni pratyutpannena yojayati na viyojayati tathā hi pratyutpannam eva na samanupaśyati / nāpramāṇāni pūrvāntena yojayati na viyojayati tathā hi pūrvāntam eva na samanupaśyati / nāpramāṇāny aparāntena yojayati na viyojayati tathā hy aparāntam eva na samanupaśyati / nāpramāṇāni pratyutpannena yojayati na viyojayati tathā hi pratyutpannam eva na samanupaśyati / nārūpyasamāpattiṃ pūrvāntena yojayati na viyojayati tathā hi pūrvāntam eva na samanupaśyati / nārūpyasamāpattim aparāntena yojayati na viyojayati tathā hy aparāntam eva na samanupaśyati / nārūpyasamāpattiṃ pratyutpannena yojayati na viyojayati tathā hi pratyutpannam eva na samanupaśyati / nāṣṭau vimokṣān pūrvāntena yojayati na viyojayati tathā hi pūrvāntam eva na samanupaśyati /

nāṣṭau vimokṣān aparāntena yojayati na viyojayati tathā hy aparāntam eva na samanupaśyati / nāṣṭau vimokṣān pratyutpannena yojayati na viyojayati tathā hi pratyutpannam eva na samanupaśyati / na navānupūrvavihārasamāpattīḥ pūrvāntena yojayati na viyojayati tathā hi pūrvāntam eva na samanupaśyati / na navānupūrvavihārasamāpattīr aparāntena yojayati na viyojayati tathā hy aparāntam eva na samanupaśyati / na navānupūrvavihārasamāpattīḥ pratyutpannena yojayati na viyojayati tathā hi pratyutpannam eva na samanupaśyati / na śūnyatānimittāpraṇihitavimokṣamukhāni pūrvāntena yojayati na viyojayati tathā hi pūrvāntam eva na samanupaśyati / na śūnyatānimittāpraṇihitavimokṣamukhāny aparāntena yojayati na viyojayati tathā hy aparāntam eva na samanupaśyati / na śūnyatānimittāpraṇihitavimokṣamukhāni pratyutpannena yojayati na viyojayati tathā hi pratyutpannam eva na samanupaśyati / nābhijñāḥ pūrvāntena yojayati na viyojayati tathā hi pūrvāntam eva na samanupaśyati / nābhijñā aparāntena yojayati na viyojayati tathā hy aparāntam eva na samanupaśyati / nābhijñāḥ pratyutpannena yojayati na viyojayati tathā hi pratyutpannam eva na samanupaśyati / na samādhīn pūrvāntena yojayati na viyojayati tathā hi pūrvāntam eva na samanupaśyati / na samādhīn aparāntena yojayati na viyojayati tathā hy aparāntam eva na samanupaśyati / na samādhīn pratyutpannena yojayati na viyojayati tathā hi pratyutpannam eva na samanupaśyati /

na dhāraṇīmukhāni pūrvāntena yojayati na viyojayati tathā hi pūrvāntam eva na samanupaśyati / na dhāraṇīmukhāny aparāntena yojayati na viyojayati tathā hy aparāntam eva na samanupaśyati / na dhāraṇīmukhāni pratyutpannena yojayati na viyojayati tathā hi pratyutpannam eva na samanupaśyati / na daśa tathāgatabalāni pūrvāntena yojayati na viyojayati tathā hi pūrvāntam eva na samanupaśyati / na daśa tathāgatabalāny aparāntena yojayati na viyojayati tathā hy aparāntam eva na samanupaśyati / na daśa tathāgatabalāni pratyutpannena yojayati na viyojayati tathā hi pratyutpannam eva na samanupaśyati / na catvāri vaiśāradyāni pūrvāntena yojayati na viyojayati tathā hi pūrvāntam eva na samanupaśyati / na catvāri vaiśāradyāny aparāntena yojayati na viyojayati tathā hy aparāntam eva na samanupaśyati / na catvāri vaiśāradyāni pratyutpannena yojayati na viyojayati tathā hi pratyutpannam eva na samanupaśyati / na catasraḥ pratisaṃvidaḥ pūrvāntena yojayati na viyojayati tathā hi pūrvāntam eva na samanupaśyati / na catasraḥ pratisaṃvido 'parāntena yojayati na viyojayati tathā hy aparāntam eva na samanupaśyati / na catasraḥ pratisaṃvidaḥ pratyutpannena yojayati na viyojayati / tathā hi pratyutpannam eva na samanupaśyati / na mahāmaitrīṃ pūrvāntena vojayati na viyojayati tathā hi pūrvāntam eva na samanupaśyati / na mahāmaitrīm aparāntena yojayati na viyojayati tathā hy aparāntam eva na samanupaśyati /

na mahāmaitrīṃ pratyutpannena yojayati na viyojayati tathā hi pratyutpannam eva na samanupaśyati / na mahākaruṇāṃ pūrvāntena yojayati na viyojayati tathā hi pūrvāntam eva na samanupaśyati / na mahākaruṇām aparāntena yojayati na viyojayati tathā hy aparāntam eva na samanupaśyati / na mahākaruṇāṃ pratyutpannena yojayati na viyojayati tathā hi pratyutpannam eva na samanupaśyati / nāṣṭādaśāveṇikān buddhadharmān pūrvāntena yojayati na viyojayati tathā hi pūrvāntam eva na samanupaśyati / nāṣṭādaśāveṇikān buddhadharmān aparāntena yojayati na viyojayati tathā hy aparāntam eva na samanupaśyati / nāṣṭādaśāveṇikān buddhadharmān pratyutpannena yojayati na viyojayati tathā hi pratyutpannam eva na samanupaśyati / na śrotaāpattiphalaṃ pūrvāntena yojayati na viyojayati tathā hi pūrvāntam eva na samanupaśyati / na śrotaāpattiphalam aparāntena yojayati na viyojayati tathā hy aparāntam eva na samanupaśyati / na śrotaāpattiphalaṃ pratyutpannena yojayati na viyojayati tathā hi pratyutpannam eva na samanupaśyati / na sakṛdāgāmiphalaṃ pūrvāntena yojayati na viyojayati tathā hi pūrvāntam eva na samanupaśyati / na sakṛdāgāmiphalam aparāntena yojayati na viyojayati tathā hy aparāntam eva na samanupaśyati / na sakṛdāgāmiphalaṃ pratyutpannena yojayati na viyojayati tathā hi pratyutpannam eva na samanupaśyati / nānāgāmiphalaṃ pūrvāntena yojayati na viyojayati tathā hi pūrvāntam eva na samanupaśyati / nānāgāmiphalam aparāntena yojayati na viyojayati tathā hy aparāntam eva na samanupaśyati /

nānāgāmiphalaṃ pratyutpannena yojayati na viyojayati tathā hi pratyutpannam eva na samanupaśyati / nārhattvaṃ pūrvāntena yojayati na viyojayati tathā hi pūrvāntam eva na samanupaśyati / nārhattvam aparāntena yojayati na viyojayati tathā hy aparāntam eva na samanupaśyati / nārhattvaṃ pratyutpannena yojayati na viyojayati tathā hi pratyutpannam eva na samanupaśyati / na pratyekabodhiṃ pūrvāntena yojayati na viyojayati tathā hi pūrvāntam eva samanupaśyati / na pratyekabodhim aparāntena yojayati na viyojayati tathā hy aparāntam eva na samanupaśyati / na pratyekabodhiṃ pratyutpannena yojayati na viyojayati tathā hi pratyutpannam eva na samanupaśyati / na mārgākārajñatāṃ pūrvāntena yojayati na viyojayati tathā hi pūrvāntam eva na samanupaśyati / na mārgākārajñatām aparāntena yojayati na viyojayati tathā hy aparāntam eva na samanupaśyati / na mārgākārajñatāṃ pratyutpannena yojayati na viyojayati tathā hi pratyutpannam eva na samanupaśyati / na sarvākārajñatāṃ pūrvāntena yojayati na viyojayati tathā hi pūrvāntam eva na samanupaśyati / na sarvākārajñatām aparāntena yojayati na viyojayati tathā hy aparāntam eva na samanupaśyati / na sarvākārajñatāṃ pratyutpannena yojayati na viyojayati tathā hi pratyutpannam eva na samanupaśyati / evaṃ yujyamānaḥ śāradvatīputra bodhisattvo mahāsattvaḥ prajñāpāramitāyāṃ yukta iti vaktavyaḥ / punar aparaṃ śāradvatīputra bodhisattvo mahāsattvaḥ prajñāpāramitāyāṃ caran na pūrvāntam aparāntena yojayati na viyojayati /

nāparāntaṃ pūrvāntena yojayati na viyojayati / na pūrvāntam aparāntaṃ vā pratyutpannena yojayati na viyojayati adhvasamānatām upādāya / evaṃ yuktaḥ śāradvatīputra bodhisattvo mahāsattvaḥ prajñāpāramitāyāṃ yukta iti vaktavyaḥ / punar aparaṃ śāradvatīputra bodhisattvo mahāsattvaḥ prajñāpāramitāyā carann evaṃ yujyate yathā yujyamānena sarvajñatām atītena yojayati na viyojayati tathā hy atītam eva na samanupaśyati / asamanupaśyan kathaṃ sarvajñatām atītena yojayiṣyati viyojayiṣyati vā / na sarvajñatām anāgatena yojayati na viyojayati tathā hy anāgatam eva na samanupaśyati asamanupaśyan kathaṃ sarvajñatām anāgatena yojayiṣyati viyojayiṣyati vā / na sarvajñatāṃ pratyutpannena yojayati na viyojayati tathā hi pratyutpannam eva na samanupaśyati / asamanupaśyan kathaṃ sarvajñatāṃ pratyutpannena yojayiṣyati viyojayiṣyati vā / evañ carañ chāradvatīputra bodhisattvo mahāsattvaḥ prajñāpāramitāyāṃ yukta iti vā vaktavyaḥ / punar aparaṃ śāradvatīputra bodhisattvo mahāsattvaḥ prajñāpāramitāyāṃ caran na rūpaṃ sarvajñatayā yojayati na viyojayati tathā hi rūpam eva na samanupaśyati asamanupaśyan kathaṃ rūpaṃ sarvajñatayā yojayiṣyati viyojayiṣyati vā / na vedanāṃ sarvajñatayā yojayati na viyojayati tathā hi vedanām eva na samanupaśyati asamanupaśyan kathaṃ vedanāṃ sarvajñatayā yojayiṣyati viyojayiṣyati vā / na saṃjñāṃ sarvajñatayā yojayati na viyojayati tathā hi saṃjñām eva na samanupaśyati / asamanupaśyan kathaṃ saṃjñāṃ sarvajñatayā yojayiṣyati viyojayiṣyati vā /

na saṃskārān sarvajñatayā yojayati na viyojayati tathā hi saṃskārān eva na samanupaśyati / asamanupaśyan kathaṃ saṃskārān sarvajñatayā yojayiṣyati viyojayiṣyati vā / na vijñānaṃ sarvajñatayā yojayati na viyojayati tathā hi vijñānam eva na samanupaśyati / asamanupaśyan kathaṃ vijñānaṃ sarvajñatayā yojayiṣyati viyojayiṣyati vā /

punar aparaṃ śāradvatīputra bodhisattvo mahāsattvaḥ prajñāpāramitāyāṃ caran na cakṣuḥ sarvajñatayā yojayati na viyojayati / tathā hi cakṣur eva na samanupaśyati / asamanupaśyan kathaṃ cakṣuḥ sarvajñatayā yojayiṣyati viyojayiṣyati vā / na śrotraṃ sarvajñatayā yojayati na viyojayati tathā hi śrotram eva na samanupaśyati / asamanupaśyan kathaṃ śrotraṃ sarvajñatayā yojayiṣyati viyojayiṣyati vā / na ghrāṇaṃ sarvajñatayā yojayati na viyojayati tathā hi ghrāṇam eva na samanupaśyati / asamanupaśyan kathaṃ ghrāṇaṃ sarvajñatayā yojayiṣyati viyojayiṣyati vā / na jihvāṃ sarvajñatayā yojayati na viyojayati tathā hi jihvām eva na samanupaśyati / asamanupaśyan kathaṃ jihvāṃ sarvajñatayā yojayiṣyati viyojayiṣyati vā / na kāyaṃ sarvajñatayā yojayati na viyojayati tathā hi kāyam eva na samanupaśyati / asamanupaśyan kathaṃ kāyaṃ sarvajñatayā yojayiṣyati viyojayiṣyati vā / na manaḥ sarvajñatayā yojayati na viyojayati tathā hi mana eva na samanupaśyati / asamanupaśyan kathaṃ manaḥ sarvajñatayā yojayiṣyati viyojayiṣyati vā /

punar aparaṃ śāradvatīputra bodhisattvo mahāsattvaḥ prajñāpāramitāyāṃ caran na rūpaṃ sarvajñatayā yojayati na viyojayati tathā hi rūpam eva na samanupaśyati / asamanupaśyan kathaṃ rūpaṃ sarvajñatayā yojayiṣyati viyojayiṣyati vā / na śabdaṃ sarvajñatayā yojayati na viyojayati tathā hi śabdam eva na samanupaśyati / asamanupaśyan kathaṃ śabdaṃ sarvajñatayā yojayiṣyati viyojayiṣyati vā / na gandhaṃ sarvajñatayā yojayati na viyojayati tathā hi gandham eva na samanupaśyati / asamanupaśyan kathaṃ gandhaṃ sarvajñatayā yojayiṣyati viyojayiṣyati vā / na rasaṃ sarvajñatayā yojayati na viyojayati tathā hi rasam eva na samanupaśyati / asamanupaśyan kathaṃ rasaṃ sarvajñatayā yojayiṣyati viyojayiṣyati vā / na sparśaṃ sarvajñatayā yojayati na viyojayati tathā hi sparśam eva na samanupaśyati / asamanupaśyan kathaṃ sparśaṃ sarvajñatayā yojayiṣyati viyojayiṣyati vā / na dharmān sarvajñatayā yojayati na viyojayati tathā hi dharmān eva na samanupaśyati / asamanupaśyan kathaṃ dharmān sarvajñatayā yojayiṣyati viyojayiṣyati vā /

punar aparaṃ śāradvatīputra bodhisattvo mahāsattvaḥ prajñāpāramitāyāṃ caran na cakṣurdhātuṃ sarvajñatayā yojayati na viyojayati tathā hi cakṣurdhātum eva na samanupaśyati / asamanupaśyan kathaṃ cakṣurdhātuṃ sarvajñatayā yojayiṣyati viyojayiṣyati vā / na rūpadhātuṃ sarvajñatayā yojayati na viyojayati tathā hi rūpadhātum eva na samanupaśyati / asamanupaśyan kathaṃ rūpadhātuṃ sarvajñatayā yojayiṣyati viyojayiṣyati vā na cakṣurvijñānadhātuṃ sarvajñatayā yojayati na viyojayati tathā hi cakṣurvijñānadhātum eva na samanupaśyati / asamanupaśyan kathaṃ cakṣurvijñānadhātuṃ sarvajñatayā yojayiṣyati viyojayiṣyati vā / na śrotradhātuṃ sarvajñatayā yojayati na viyojayati tathā hi śrotradhātum eva na samanupaśyati / asamanupaśyan kathaṃ śrotradhātuṃ sarvajñatayā yojayiṣyati viyojayiṣyati vā / na śabdadhātuṃ sarvajñatayā yojayati na viyojayati tathā hi śabdadhātum eva na samanupaśyati / asamanupaśyan kathaṃ śabdadhātuṃ sarvajñatayā yojayiṣyati viyojayiṣyati vā / na śrotravijñānadhātuṃ sarvajñatayā yojayati na viyojayati tathā hi śrotravijñānadhātum eva na samanupaśyati / asamanupaśyan kathaṃ śrotravijñānadhātuṃ sarvajñatayā yojayiṣyati viyojayiṣyati vā / na ghrāṇadhātuṃ sarvajñatayā yojayati na viyojayati tathā hi ghrāṇadhātum eva na samanupaśyati / asamanupaśyan kathaṃ ghrāṇadhātuṃ sarvajñatayā yojayiṣyati viyojayiṣyati vā / na gandhadhātuṃ sarvajñatayā yojayati na viyojayati tathā hi gandhadhātum eva na samanupaśyati /

asamanupaśyan kathaṃ gandhadhātuṃ sarvajñatayā yojayiṣyati viyojayiṣyati vā / na ghrāṇavijñānadhātuṃ sarvajñatayā yojayati na viyojayati tathā hi ghrāṇavijñānadhātum eva na samanupaśyati / asamanupaśyan kathaṃ ghrāṇavijñānadhātuṃ sarvajñatayā yojayiṣyati viyojayiṣyati vā / na jihvādhātuṃ sarvajñatayā yojayati na viyojayati tathā hi jihvādhātum eva na samanupaśyati / asamanupaśyan kathaṃ jihvādhātuṃ sarvajñatayā yojayiṣyati viyojayiṣyati vā / na rasadhātuṃ sarvajñatayā yojayati na viyojayati tathā hi rasadhātum eva na samanupaśyati / asamanupaśyan kathaṃ rasadhātuṃ sarvajñatayā yojayiṣyati viyojayiṣyati vā / na jihvāvijñānadhātuṃ sarvajñatayā yojayati na viyojayati tathā hi jihvāvijñānadhātum eva na samanupaśyati / asamanupaśyan kathaṃ jihvāvijñānadhātuṃ sarvajñatayā yojayiṣyati viyojayiṣyati vā / na kāyadhātuṃ sarvajñatayā yojayati na viyojayati tathā hi kāyadhātum eva na samanupaśyati / asamanupaśyan kathaṃ kāyadhātuṃ sarvajñatayā yojayiṣyati viyojayiṣyati vā / na spraṣṭavyadhātuṃ sarvajñatayā yojayati na viyojayati tathā hi spraṣṭavyadhātum eva na samanupaśyati / asamanupaśyan kathaṃ spraṣṭavyadhātuṃ sarvajñatayā yojayiṣyati viyojayiṣyati vā / na kāyavijñānadhātuṃ sarvajñatayā yojayati na viyojayati tathā hi kāyavijñānadhātum eva na samanupaśyati / asamanupaśyan kathaṃ kāyavijñānadhātuṃ sarvajñatayā yojayiṣyati viyojayiṣyati vā / na manodhātuṃ sarvajñatayā yojayati na viyojayati tathā hi manodhātum eva na samanupaśyati /

asamanupaśyan kathaṃ manodhātuṃ sarvajñatayā yojayiṣyati viyojayiṣyati vā / na dharmadhātuṃ sarvajñatayā yojayati na viyojayati tathā hi dharmadhātum eva na samanupaśyati / asamanupaśyan kathaṃ dharmadhātuṃ sarvajñatayā yojayiṣyati viyojayiṣyati vā / na manovijñānadhātuṃ sarvajñatayā yojayati na viyojayati tathā hi manovijñānadhātum eva na samanupaśyati / asamanupaśyan kathaṃ manovijñānadhātuṃ sarvajñatayā yojayiṣyati viyojayiṣyati vā / na pṛthivīdhātuṃ sarvajñatayā yojayati na viyojayati tathā hi pṛthivīdhātum eva na samanupaśyati / asamanupaśyan kathaṃ pṛthivīdhātuṃ sarvajñatayā yojayiṣyati viyojayiṣyati vā / nābdhātuṃ sarvajñatayā yojayati na viyojayati tathā hy abdhātum eva na samanupaśyati / asamanupaśyan katham abdhātuṃ sarvajñatayā yojayiṣyati viyojayiṣyati vā / na tejodhātuṃ sarvajñatayā yojayati na viyojayati tathā hi tejodhātum eva na samanupaśyati / asamanupaśyan kathaṃ tejodhātuṃ sarvajñatayā yojayiṣyati viyojayiṣyati vā na vāyudhātuṃ sarvajñatayā yojayati na viyojayati tathā hi vāyudhātum eva na samanupaśyati / asamanupaśyan kathaṃ vāyudhātuṃ sarvajñatayā yojayiṣyati viyojayiṣyati vā / nākāśadhātuṃ sarvajñatayā yojayati na viyojayati tathā hy ākāśadhātum eva na samanupaśyati / asamanupaśyan katham ākāśadhātuṃ sarvajñatayā yojayiṣyati viyojayiṣyati vā / na vijñānadhātuṃ sarvajñatayā yojayati na viyojayati tathā hi vijñānadhātum eva na samanupaśyati / asamanupaśyan kathaṃ vijñānadhātuṃ sarvajñatayā yojayiṣyati viyojayiṣyati vā /

punar aparaṃ śāradvatīputra bodhisattvo mahāsattvaḥ prajñāpāramitāyāṃ caran nāvidyāṃ sarvajñatayā yojayati na viyojayati tathā hy avidyām eva na samanupaśyati / asamanupaśyan katham avidyā sarvajñatayā yojayiṣyati viyojayiṣyati vā / na saṃskārān sarvajñatayā yojayati na viyojayati tathā hi saṃskārān eva na samanupaśyati asamanupaśyan kathaṃ saṃskārān sarvajñatayā yojayiṣyati viyojayiṣyati vā / na nāmarūpaṃ sarvajñatayā yojayati na viyojayati tathā hi nāmarūpam eva na samanupaśyati / asamanupaśyan kathaṃ nāmarūpaṃ sarvajñatayā yojayiṣyati viyojayiṣyati vā / na ṣaḍāyatanaṃ sarvajñatayā yojayati na viyojayati tathā hi ṣaḍāyatanam eva na samanupaśyati / asamanupaśyan kathaṃ ṣaḍāyatanaṃ sarvajñatayā yojayiṣyati viyojayiṣyati vā / na sparśaṃ sarvajñatayā yojayati na viyojayati tathā hi sparśam eva na samanupaśyati / asamanupaśyan kathaṃ sparśaṃ sarvajñatayā yojayiṣyati viyojayiṣyati vā / na vedanāṃ sarvajñatayā yojayati na viyojayati tathā hi vedanām eva na samanupaśyati / asamanupaśyan kathaṃ vedanāṃ sarvajñatayā yojayiṣyati viyojayiṣyati vā / na tṛṣṇāṃ sarvajñatayā yojayati na viyojayati tathā hi tṛṣṇām eva na samanupaśyati / asamanupaśyan kathaṃ tṛṣṇāṃ sarvajñatayā yojayiṣyati viyojayiṣyati vā / nopādānaṃ sarvajñatayā yojayati na viyojayati tathā hy upādānam eva na samanupaśyati / asamanupaśyan katham upādānaṃ sarvajñatayā yojayiṣyati viyojayiṣyati vā / na bhavaṃ sarvajñatayā yojayati na viyojayati tathā hi bhavam eva na samanupaśyati /

asamanupaśyan kathaṃ bhavaṃ sarvajñatayā yojayiṣyati viyojayiṣyati vā / na jātiṃ sarvajñatayā yojayati na viyojayati tathā hi jātim eva na samanupaśyati / asamanupaśyan kathaṃ jātiṃ sarvajñatayā yojayiṣyati viyojayiṣyati vā / na jarāmaraṇaṃ sarvajñatayā yojayati na viyojayati / tathā hi jarāmaraṇam eva na samanupaśyati / asamanupaśyan kathaṃ jarāmaraṇaṃ sarvajñatayā yojayiṣyati viyojayiṣyati vā /

punar aparaṃ śāradvatīputra bodhisattvo mahāsattvaḥ prajñāpāramitāyāṃ caran na dānapāramitāṃ sarvajñatayā yojayati na viyojayati tathā hi dānapāramitām eva na samanupaśyati / asamanupaśyan kathaṃ dānapāramitāṃ sarvajñatayā yojayiṣyati viyojayiṣyati vā / śīlapāramitāṃ sarvajñatayā yojayati na viyojayati tathā hi śīlapāramitām eva na samanupaśyati / asamanupaśyan kathaṃ śīlapāramitāṃ sarvajñatayā yojayiṣyati viyojayiṣyati vā / na kṣāntipāramitāṃ sarvajñatayā yojayati na viyojayati tathā hi kṣāntipāramitām eva na samanupaśyati / asamanupaśyan kathaṃ kṣāntipāramitāṃ sarvajñatayā yojayiṣyati viyojayiṣyati vā / na vīryapāramitāṃ sarvajñatayā yojayati na viyojayati tathā hi vīryapāramitām eva na samanupaśyati / asamanupaśyan kathaṃ vīryapāramitāṃ sarvajñatayā yojayiṣyati viyojayiṣyati vā / na dhyānapāramitāṃ sarvajñatayā yojayati na viyojayati tathā hi dhyānapāramitām eva na samanupaśyati / asamanupaśyan kathaṃ dhyānapāramitāṃ sarvajñatayā yojayiṣyati viyojayiṣyati vā / na prajñāpāramitāṃ sarvajñatayā yojayati na viyojayati tathā hi prajñāpāramitām eva na samanupaśyati / asamanupaśyan kathaṃ prajñāpāramitāṃ sarvajñatayā yojayiṣyati viyojayiṣyati vā / nādhyātmaśūnyatāṃ sarvajñatayā yojayati na viyojayati tathā hy adhyātmaśūnyatām eva na samanupaśyati / asamanupaśyan katham adhyātmaśūnyatāṃ sarvajñatayā yojayiṣyati viyojayiṣyati vā / na bahirdhāśūnyatāṃ sarvajñatayā yojayati na viyojayati tathā hi bahirdhāśūnyatām eva na samanupaśyati /

asamanupaśyan kathaṃ bahirdhāśūnyatāṃ sarvajñatayā yojayiṣyati viyojayiṣyati vā / nādhyātmabahirdhāśūnyatāṃ sarvajñatayā yojayati na viyojayati tathā hy adhyātmabahirdhāśūnyatām eva na samanupaśyati / asamanupaśyan katham adhyātmabahirdhāśūnyatāṃ sarvajñatayā yojayiṣyati viyojayiṣyati vā / na śūnyatāśūnyatāṃ sarvajñatayā yojayati na viyojayati tathā hi śūnyatāśūnyatām eva na samanupaśyati / asamanupaśyan kathaṃ śūnyatāśūnyatāṃ sarvajñatayā yojayiṣyati viyojayiṣyati vā / na mahāśūnyatāṃ sarvajñatayā yojayati na viyojayati tathā hi mahāśūnyatām eva na samanupaśyati / asamanupaśyan kathaṃ mahāśūnyatāṃ sarvajñatayā yojayiṣyati viyojayiṣyati vā / na paramārthaśūnyatāṃ sarvajñatayā yojayati na viyojayati tathā hi paramārthaśūnyatām eva na samanupaśyati / asamanupaśyan kathaṃ paramārthaśūnyatāṃ sarvajñatayā yojayiṣyati viyojayiṣyati vā / na saṃskṛtaśūnyatāṃ sarvajñatayā yojayati na viyojayati tathā hi saṃskṛtaśūnyatām eva na samanupaśyati / asamanupaśyan kathaṃ saṃskṛtaśūnyatāṃ sarvajñatayā yojayiṣyati viyojayiṣyati vā / nāsaṃskṛtaśūnyatāṃ sarvajñatayā yojayati na viyojayati tathā hy asaṃskṛtaśūnyatām eva na samanupaśyati / asamanupaśyan katham asaṃskṛtaśūnyatāṃ sarvajñatayā yojayiṣyati viyojayiṣyati vā / nātyantaśūnyatāṃ sarvajñatayā yojayati na viyojayati tathā hy atyantaśūnyatām eva na samanupaśyati / asamanupaśyan katham atyantaśūnyatāṃ sarvajñatayā yojayiṣyati viyojayiṣyati vā / nānavarāgraśūnyatāṃ sarvajñatayā yojayati na viyojayati /

tathā hy anavarāgrāśūnyatām eva na samanupaśyati / asamanupaśyan katham anavarāgraśūnyatāṃ sarvajñatayā yojayiṣyati viyojayiṣyati vā / nānavakāraśūnyatāṃ sarvajñatayā yojayati na viyojayati / tathā hy anavakāraśūnyatām eva na samanupaśyati / asamanupaśyan katham anavakāraśūnyatāṃ sarvajñatayā yojayiṣyati viyojayiṣyati vā / na prakṛtiśūnyatāṃ sarvajñatayā yojayati na viyojayati / tathā hi prakṛtiśūnyatām eva na samanupaśyati / asamanupaśyan kathaṃ prakṛtiśūnyatāṃ sarvajñatayā yojayiṣyati viyojayiṣyati vā / na sarvadharmaśūnyatāṃ sarvajñatayā yojayati na viyojayati / tathā hi sarvadharmaśūnyatām eva na samanupaśyati / asamanupaśyan kathaṃ sarvadharmaśūnyatāṃ sarvajñatayā yojayiṣyati viyojayiṣyati vā / na svalakṣaṇaśūnyatāṃ sarvajñatayā yojadyati na viyojayati / tathā hi svalakṣaṇaśūnyatām eva na samanupaśyati / asamanupaśyan kathaṃ svalakṣaṇaśūnyatāṃ sarvajñatayā yojayiṣyati viyojayiṣyati vā / nānupalambhaśūnyatāṃ sarvajñatayā yojayati na viyojayati / tathā hy anupalambhaśūnyatām eva na samanupaśyati / asamanupaśyan katham anupalambhaśūnyatāṃ sarvajñatayā yojayiṣyati viyojayiṣyati vā / nābhāvaśūnyatāṃ sarvajñatayā yojayati na viyojayati / tathā hy abhāvaśūnyatām eva na samanupaśyati / asamanupaśyan katham abhāvaśūnyatāṃ sarvajñatayā yojayiṣyati viyojayiṣyati vā / na svabhāvaśūnyatāṃ sarvajñatayā yojayati na viyojayati / tathā hi svabhāvaśūnyatām eva na samanupaśyati / asamanupaśyan kathaṃ svabhāvaśūnyatāṃ sarvajñatayā yojayiṣyati viyojayiṣyati vā /

nābhāvasvabhāvaśūnyatāṃ sarvajñatayā yojayati na viyojayati / tathā hy abhāvasvabhāvaśūnyatām eva na samanupaśyati / asamanupaśyan katham abhāvasvabhāvaśūnyatāṃ sarvajñatayā yojayiṣyati viyojayiṣyati vā / na smṛtyupasthānāni sarvajñatayā yojayati na viyojayati / tathā hi smṛtyupasthānāny eva na samanupaśyati / asamanupaśyan kathaṃ smṛtyupasthānāni sarvajñatayā yojayiṣyati viyojayiṣyati vā / na samyakprahāṇāni sarvajñatayā yojayati na viyojayati / tathā hi samyakprahāṇāny eva na samanupaśyati / asamanupaśyan kathaṃ samyakprahāṇāni sarvajñatayā yojayiṣyati viyojayiṣyati vā / na ṛddhipādān sarvajñatayā yojayati na viyojayati / tathā hy ṛddhipādān eva na samanupaśyati / asamanupaśyan katham ṛddhipādān sarvajñatayā yojayiṣyati viyojayiṣyati vā / nendriyāṇi sarvajñatayā yojayati na viyojayati / tathā hīndriyāṇy eva na samanupaśyati / asamanupaśyan katham indriyāṇi sarvajñatayā yojayiṣyati viyojayiṣyati vā / na balāni sarvajñatayā yojayati na viyojayati / tathā hi balāny eva na samanupaśyati / asamanupaśyan kathaṃ balāni sarvajñatayā yojayiṣyati viyojayiṣyati vā / na bodhyaṅgāni sarvajñatayā yojayati

na viyojayati / tathā hi bodhyaṅgāny eva na samanupaśyati / asamanupaśyan kathaṃ bodhyaṅgāni sarvajñatayā yojayiṣyati viyojayiṣyati vā / na mārgaṃ sarvajñatayā yojayati na viyojayati / tathā hi mārgam eva na samanupaśyati / asamanupaśyan kathaṃ mārge sarvajñatayā yojayiṣyati viyoyayiṣyati vā / nāryasatyāni sarvajñatayā yojayati na viyojayati / tathā hy āryasatyāny eva na samanupaśyati / asamanupaśyan katham āryasatyāni sarvajñatayā yojayiśyati viyojayiṣyati vā / na dhyānāni sarvajñatayā yojayati na viyojayati / tathā hi dhyānāny eva na samanupaśyati / asamanupaśyan kathaṃ dhyānāni sarvajñatayā yojayiṣyati viyojayiṣyati vā / nāpramāṇāni sarvajñatayā yojayati na viyojayati / tathā hy apramāṇāny eva na samanupaśyati / asamanupaśyan katham apramāṇāni sarvajñatayā yojayiṣyati viyojayiṣyati vā / nārūpyasamāpattīḥ sarvajñatayā yojayati na viyojayati / tatha hy ārūpyasamāpattīr eva na samanupaśyati / asamanupaśyan katham ārūpyasamāpattīḥ sarvajñatayā yojayiṣyati viyojayiṣyati vā / na vimokṣān sarvajñatayā yojayati na viyojayati / tathā hi vimokṣān eva na samanupaśyati / samanupaśyan kathaṃ vimokṣān sarvajñatayā yojayiṣyati viyojayiṣyati vā / navānupūrvāvihārasamāpattīḥ sarvajñatayā yojayati na viyojayati / tathā hi navānupūrvavihārasamāpattīr eva na samanupaśyati / asamanupaśyan kathaṃ navānupūrvavihārasamāpattīḥ sarvajñatayā yojayiṣyati viyojayiṣyati vā / na śūnyatāṃ sarvajñatayā yojayati na viyojayati / tathā hi śūnyatām eva na samanupaśyati /

asamanupaśyan kathaṃ śūnyatāṃ sarvajñatayā yojayiṣyati viyojayiṣyati vā / nānimittaṃ sarvajñatayā yojayati na viyojayati / tathā hy ānimittam eva na samanupaśyati / asamanupaśyan kathaṃ ānimittaṃ sarvajñatayā yojayiṣyati viyojayiṣyati vā / nāpraṇihitaṃ sarvajñatayā yojayati na viyojayati / tathā hy apraṇihitam eva na samanupaśyati / asamanupaśyan katham apraṇihitaṃ sarvajñatayā yojayiṣyati viyojayiṣyati vā / nābhijñāṃ sarvajñatayā yojayati na viyojayati / tathā hy abhijñām eva na samanupaśyati / asamanupaśyan katham abhijñāṃ sarvajñatayā yojayiṣyati viyojayiṣyati vā / na samādhiṃ sarvajñatayā yojayati na viyojayati / tathā hi samādhim eva na samanupaśyati / asamanupaśyan kathaṃ samādhiṃ sarvajñatayā yojayiṣyati viyojayiṣyati vā / na dhāraṇīmukhāni sarvajñatayā yojayati na viyojayati / tathā hi dhāraṇīmukhāny eva na samanupaśyati / asamanupaśyan kathaṃ dhāraṇīmukhāni sarvajñatayā yojayiṣyati viyojayiṣyati vā / na daśa tathāgatabalāni sarvajñatayā yojayati na viyojayati / tathā hi daśa tathāgatabalāny eva na samanupaśyati / asamanupaśyan kathaṃ daśa tathāgatabalāni sarvajñatayā yojayisyati viyojayiṣyati vā / na vaiśāradyāni sarvajñatayā yojayati na viyojayati / tathā hi vaiśāradyāny eva na samanupaśyati / asamanupaśyan kathaṃ vaiśāradyāni sarvajñatayā yojayiṣyati viyojayiṣyati vā / na pratisaṃvidaḥ sarvajñatayā yojayati na viyojayati / tathā hi pratisaṃvida eva na samanupaśyati / asamanupaśyan kathaṃ pratisaṃvidaḥ sarvajñatayā yojayiṣyati viyojayiṣyati vā /

na mahāmaitrīṃ sarvajñatayā yojayati na viyojayati / tathā hi mahāmaitrīm eva na samanupaśyati / asamanupaśyan kathaṃ mahāmaitrīṃ sarvajñatayā yojayiṣyati viyojayiṣyati vā / na mahākaruṇāṃ sarvajñatayā yojayati na viyojayati / tathā hi mahākaruṇām eva na samanupaśyati / asamanupaśyan kathaṃ mahākaruṇāṃ sarvajñatayā yojayiṣyati viyojayiṣyati vā / nāṣṭādaśāveṇikān buddhadharmān sarvajñatayā yojayati na viyojayati / tathā hy aṣṭādaśāveṇikān buddhadharmān eva na samanupaśyati / asamanupaśyan katham aṣṭādaśāveṇikān buddhadharmān sarvajñatayā yojayiṣyati viyojayiṣyati vā / evaṃ yujyamānaḥ śāradvatīputra, bodhisattvo mahāsattvaḥ prajñāpāramitāyāṃ yukta iti vaktavyaḥ /

punar aparaṃ śāradvatīputra, bodhisattvo mahāsattvaḥ prajñāpāramitāyāṃ caran na buddhaṃ sarvajñatayā yojayati na viyojayati, na sarvajñatāṃ buddhena yojayati na viyojayati / tathā hi buddham eva na samanupaśyati, sarvajñatām eva na samanupaśyati / asamanupaśyan kathaṃ buddhaṃ sarvajñatayā sarvajñatāṃ vā buddhena yojayiṣyati viyojayiṣyati vā / na bodhiṃ sarvajñatayā yojayati na viyojayati, na bodhyā sarvajñatāṃ yojayati na viyojayati / tathā hi bodhim eva na samanupaśyati sarvajñatām eva na samanupaśyati / asamanupaśyan kathaṃ bodhiṃ sarvajñatayā sarvajñatāṃ vā bodhyā yojayiṣyati viyojayiṣyati vā / evaṃ hi śāradvatīputra, bodhisattvo mahāsattvaḥ prajñāpāramitāyāṃ yukta iti vaktavyaḥ /

punar aparaṃ śāradvatīputra, bodhisattvo mahāsattvaḥ prajñāpāramitāyāṃ caran na rūpaṃ bhāva iti yojayati na rūpam abhāva iti yojayāti / na vedanāṃ bhāva iti yojayati na vedanām abhāva iti yojayati / na saṃjñāṃ bhāva iti yojayati na saṃjñām abhāva iti yojayati / na saṃskārān bhāva iti yojayati na saṃskārān abhāva iti yojayati / na vijñānaṃ bhāva iti yojayati na vijñānam abhāva iti yojayati / na cakṣur bhāva iti yojayati na cakṣur abhāva iti yojayati / na śrotraṃ bhāva iti yojayati na śrotram abhāva iti yojayati / na ghrāṇaṃ bhāva iti yojayati na ghrāṇam abhāva iti yojayati / na jihvāṃ bhāva iti yojayati na jihvām abhāva iti yojayati / na kāyaṃ bhāva iti yojayati na kāyam abhāva iti yojayati / na mano bhāva iti yojayati na mano 'bhāva iti yojayati / na rūpaṃ bhāva iti yojayati na rūpam abhāva iti yojayati / na śabdaṃ bhāva iti yojayati na śabdam abhāva iti yojayati / na gandhaṃ bhāva iti yojayati na gandham abhāva iti yojayati / na rasaṃ bhāva iti yojayati na rasam abhāva iti yojayati / na sparśaṃ bhāva iti yojayati na sparśam abhāva iti yojayati / na dharmān bhāva iti yojayati na dharmān abhāva iti yojayati / na cakṣurvijñānaṃ bhāva iti yojayati na cakṣurvijñānam abhāvajati yojayati / na śrotravijñānaṃ bhāva iti yojayati na śrotravijñānam abhāva iti yojayati / na ghrāṇavijñānaṃ bhāva iti yojayati na ghrāṇavijñānam abhāva iti yojayati / na jihvāvijñānaṃ bhāva iti yojayati na jihvāvijñānam abhāva iti yojayati /

na kāyavijñānaṃ bhāva iti yojayati na kāyavijñānam abhāva iti yojayati / na manovijñānaṃ bhāva iti yojayati na manovijñānam abhāva iti yojayati / na cakṣuḥsaṃsparśaṃ bhāva iti yojayati na cakṣuḥsaṃsparśam abhāva iti yojayati / na śrotrasaṃsparśaṃ bhāva iti yojayati na śrotrasaṃsparśam abhāva iti yojayati / na ghrāṇasaṃsparśaṃ bhāva iti yojayati na ghrāṇasaṃsparśam abhāva iti yojayati / na jihvāsaṃsparśaṃ bhāva iti yojayati na jihvāsaṃsparśam abhāva iti yojayati / na kāyasaṃsparśaṃ bhāva iti yojayati na kāyasaṃsparśam abhāva iti yojayati / na manaḥsaṃsparśaṃ bhāva iti yojayati na manaḥsaṃsparśam abhāva iti yojayati / na cakṣuḥsaṃsparśapratyayāṃ vedanāṃ bhāva iti yojayati na cakṣuḥsaṃsparśapratyayāṃ vedanām abhāva iti yojayati / na śrotrasaṃsparśapratyayāṃ vedanāṃ bhāva iti yojayati na śrotrasaṃsparśapratyayāṃ vedanām abhāva iti yojayati / na ghrāṇasaṃsparśapratyayāṃ vedanāṃ bhāva iti yojayati na ghrāṇasaṃsparśapratyayāṃ vedanām abhāva iti yojayati / na jihvāsaṃsparśapratyayā vedanāṃ bhāva iti yojayati na jihvāsaṃsparśapratyayāṃ vedanām abhāva iti yojayati / na kāyasaṃsparśapratyayāṃ vedanāṃ bhāva iti yojayati na kāyasaṃsparśapratyayāṃ vedanām abhāva iti yojayati / na manaḥsaṃsparśapratyayāṃ vedanāṃ bhāva iti yojayati na manaḥsaṃsparśapratyayāṃ vedanām abhāva iti yojayati / na pṛthivīdhātuṃ bhāva iti yojayati na pṛthivīdhātum abhāva iti yojayati / nābdhātuṃ bhāva iti yojayati nābdhātum abhāva iti yojayati / na tejodhātuṃ bhāva iti yojayati na tejodhātum abhāva iti yojayati /

na vāyudhātuṃ bhāva iti yojayati na vāyudhātum abhāva iti yojayati / nākāśadhātuṃ bhāva iti yojayati nākāśadhātum abhāva iti yojayati / na vijñānadhātuṃ bhāva iti yojayati na vijñānadhātum abhāva iti yojayati / nāvidyāṃ bhāva iti yojayati nāvidyām abhāva iti yojayati / na saṃskārān bhāva iti yojayati na saṃskārān abhāva iti yojayati / na vijñānaṃ bhāva iti yojayati na vijñānam abhāva iti yojayati / na nāmarūpaṃ bhāva iti yojayati na nāmarūpam abhāva iti yojayati / na ṣaḍāyatanaṃ bhāva iti yojayati na ṣaḍāyatanam abhāva iti yojayati / na sparśaṃ bhāva iti yojayati na sparśam abhāva iti yojayati / na vedanāṃ bhāva iti yojayati na vedanām abhāva iti yojayati / na tṛṣṇāṃ bhāva iti yojayati na tṛṣṇām abhāva iti yojayati / nopādānaṃ bhāva iti yojayati nopādānam abhāva iti yojayati / na bhavaṃ bhāva iti yojayati na bhavam abhāva iti yojayati / na jātiṃ bhāva iti yojayati na jātim abhāva iti yojayati / na jarāmaraṇaṃ bhāva iti yojayati na jarāmaraṇam abhāva iti yojayati / na dānapāramitāṃ bhāva iti yojayati na dānapāramitām abhāva iti yojayati / na śīlapāramitāṃ bhāva iti yojayati na śīlapāramitām abhāva iti yojayati / na kṣāntipāramitāṃ bhāva iti yojayati na kṣāntipāramitām abhāva iti yojayati / na vīryapāramitāṃ bhāva iti yojayati na vīryapāramitām abhāva iti yojayati / na dhyānapāramitāṃ bhāva iti yojayati na dhyānapāramitām abhāva iti yojayati / na prajñāpāramitāṃ bhāva iti yojayati na prajñāpāramitām abhāva iti yojayati /

nādhyātmaśūnyatāṃ bhāva iti yojayati nādhyātmaśūnyatām abhāva iti yojayati / na bahirdhāśūnyatāṃ bhāva iti yojayati na bahirdhāśūnyatām abhāva iti yojayati / nādhyātmabahirdhāśūnyatāṃ bhāva yojayati nādhyātmabahirdhāśūnyatām abhāva iti yojayati / na śūnyatāśūnyātāṃ bhāva iti yojayati na śūnyatāśūnyatāṃ bhāva iti yojayati / na mahāśūnyatāṃ bhāva iti yojayati na mahāśūnyatām abhāva iti yojayati / na paramārthaśūnyatāṃ bhāva iti yojayati na paramārthaśūnyatām abhāva iti yojayati / na saṃskṛtaśūnyatāṃ bhāva iti yojayati na saṃskṛtaśūnyatām abhāva iti yojayati / nāsaṃskṛtaśūnyatāṃ bhāva iti yojayati nāsaṃskṛtaśūnyatām abhāva iti yojayati / nātyantaśūnyatāṃ yojayati iti yojayati nātyantaśūnyatām abhāva iti yojayati / nānavarāgraśūnyatāṃ bhāva iti yojayati nānavarāgraśūnyatām abhāva iti yojayati / nānavakāraśūnyatāṃ bhāva iti yojayati nānavakāraśūnyatām abhāva iti yojayati / na prakṛtiśūnyatāṃ bhāva iti yojayati na prakṛtiśūnyatām abhāva iti yojayati / na sarvadharmaśūnyatāṃ bhāva iti yojayati na sarvadharmaśūnyatām abhāva iti yojayati / na svalakṣaṇaśūnyatāṃ bhāva iti yojayati na svalakṣaṇaśūnyatām abhāva iti yojayati / nānupalambhaśūnyātāṃ bhāva iti yojayati nānupalambhaśūnyatām abhāva iti yojayati / nābhāvaśūnyatāṃ bhāva iti yojayati nābhāvaśūnyatām abhāva iti yojayati / na svabhāvaśūnyatāṃ bhāva iti yojayati na svabhāvaśūnyatām abhāva iti yojayati / nābhāvasvabhāvaśūnyatāṃ bhāva iti yojayati nābhāvasvabhāvaśūnyatām abhāva iti yojayati /

na smṛtyupasthānāni bhāva iti yojayati na smṛtyupasthānāny abhāva iti yojayati / na samyakprahāṇāni bhāva iti yojayati / na samyakprahāṇāny abhāva iti yojayati / na ṛddhipādān bhāva iti yojayati / na ṛddhipādān abhāva iti yojayati / nendriyāṇi bhāva iti yojayati nendriyāṇy abhāva iti yojayati / na balāni bhāva iti yojayati na balāny abhāva iti yojayati / na bodhyaṅgāni bhāva iti yojayati na bodhyaṅgāny abhāva iti yojayati / nāpramāṇāni bhāva iti yojayati nāpramāṇāny abhāva iti yojayati / nāryasatyāni bhāva iti yojayati nāryasatyāny abhāva iti yojayati / na dhyānāni bhāva iti yojayati na dhyānāny abhāva iti yojayati / na mārgaṃ bhāva iti yojayati na mārgam abhāva iti yojayati / nārūpyasamāpattīr bhāva iti yojayati nārūpyasamāpattīr abhāva iti yojayati / nāṣṭau vimokṣān bhāva iti yojayati nāṣṭau vimokṣān abhāva iti yojayati / na navānupūrvavihārasamāpattīr bhāva iti yojayati na navānupūrvavihārasamāpattīr abhāva iti yojayati / na śūnyatāṃ bhāva iti yojayati na śūnyatām abhāva iti yojayati / nānimittaṃ bhāva iti yojayati nānimittam abhāva iti yojayati / nāpraṇihitaṃ bhāva iti yojayati nāpraṇihitam abhāva iti yojayati / nābhijñāṃ bhāva iti yojayati nābhijñām abhāva iti yojayati / na samādhīn bhāva iti yojayati na samādhīn abhāva iti yojayati / na dhāraṇīmukhāni bhāva iti yojayati na dhāraṇīmukhāny abhāva iti yojayati / na daśa tathāgatabalāni bhāva iti yojayati na daśa tathāgatabalāny abhāva iti yojayati /

na catvāri vaiśāradyāni bhāva iti yojayati na catvāri vaiśāradyāny abhāva iti yojayati / na catasraḥ pratisaṃvido bhāva iti yojayati na catasraḥ pratisaṃvido 'bhāva iti yojayati / na mahāmaitrīṃ bhāva iti yojayati na mahāmaitrīm abhāva iti yojayati / na mahākaruṇāṃ bhāva iti yojayati na mahākaruṇām abhāva iti yojayati / nāṣṭādaśāveṇikān buddhadharmān bhāva iti yojayati nāṣṭādaśāveṇikān buddhadharmān abhāva iti yojayati / na śrota-āpattiphalaṃ bhāva iti yojayati na śrota-āpattiphalam abhāva iti yojayati / na sakṛdāgāmiphalaṃ bhāva yojayati na sakṛdāgāmiphalam abhāva iti yojayati / nānāgāmiphalaṃ bhāva iti yojayati nānāgāmiphalam abhāva iti yojayati / nārhattvaṃ bhāva iti yojayati nārhattvam abhāva iti yojayati / na pratyekabodhiṃ bhāva iti yojayati na pratyekabodhim abhāva yojayati / na mārgākārajñatāṃ bhāva iti yojayati na mārgākārajñatām abhāva iti yojayati / na sarvākārajñatāṃ bhāva iti yojayati na sarvākārajñatām abhāva iti yojayati /

punar aparaṃ śāradvatīputra bodhisattvo mahāsattvaḥ prajñāpāramitāyāṃ caran na rūpaṃ nityam iti yojayati na rūpam anityam iti yojayati / na vedanāṃ nityam iti yojayati na vedanām anityam iti yojayati / na saṃjñāṃ nityam iti yojayati na saṃjñām anityam iti yojayati / na saṃskārān nityān iti yojayati na saṃskārān anityān iti yojayati / na vijñānaṃ nityam iti yojayati na vijñānam anityam iti yojayati / na cakṣur nityam iti yojayati na cakṣur anityam iti yojayati / na śrotraṃ nityam iti yojayati na śrotram anityam iti yojayati / na ghrāṇaṃ nityam iti yojayati na ghrāṇam anityam iti yojayati / na jihvāṃ nityam iti yojayati na jihvām anityam iti yojayati / na kāyaṃ nityam iti yojayati na kāyam anityam iti yojayati / na mano nityam iti yojayati na mano 'nityam iti yojayati / na rūpaṃ nityam iti yojayati na rūpam anityam iti yojayati / na śabdaṃ nityam iti yojayati na śabdam anityam iti yojayati / na gandhaṃ nityam iti yojayati na gandham anityam iti yojayati / na rasaṃ nityam iti yojayati na rasam anityam iti yojayati / na sparśaṃ nityam iti yojayati na sparśam anityam iti yojayati / na dharmān nityān iti yojayati na dharmān anityān iti yojayati / na cakṣurvijñānaṃ nityam iti yojayati na cakṣurvijñānam anityam iti yojayati / na śrotravijñānaṃ nityam iti yojayati na śrotravijñānam anityam iti yojayati / na ghrāṇavijñānaṃ nityam iti yojayati na ghrāṇavijñānam anityam iti yojayati / na jihvāvijñānaṃ nityam iti yojayati na jihvāvijñānam anityam iti yojayati /

na kāyavijñānaṃ nityam iti yojayati na kāyavijñānam anityam iti yojayati / na manovijñānaṃ nityam iti yojayati na manovijñānam anityam iti yojayati / na cakṣuḥsaṃsparśaṃ nityam iti yojayati na cakṣuḥsaṃsparśam anityam iti yojayati / na śrotrasaṃsparśaṃ nityam iti yojayati na śrotrasaṃsparśam anityam iti yojayati / na ghrāṇasaṃsparśaṃ nityam iti yojayati na ghrāṇasaṃsparśam anityam iti yojayati / na jihvāsaṃsparśaṃ nityam iti yojayati na jihvāsaṃsparśam anityam iti yojayati / na kāyasaṃsparśaṃ nityam iti yojayati na kāyasaṃsparśam anityam iti yojayati / na manaḥsaṃsparśaṃ nityam iti yojayati na manaḥsaṃsparśam anityam iti yojayati / na cakṣuḥsaṃsparśapratyayāṃ vedanāṃ nityam iti yojayati na cakṣuḥsaṃsparśapratyayāṃ vedanām anityam iti yojayati / na śrotrasaṃsparśapratyayāṃ vedanāṃ nityam iti yojayati na śrotrasaṃsparśapratyayāṃ vedanām anityam iti yojayati / na ghrāṇasaṃsparśapratyayāṃ vedanāṃ nityam iti yojayati na ghrāṇasaṃsparśapratyayāṃ vedanām anityam iti yojayati / na jihvāsaṃsparśapratyayāṃ vedanāṃ nityam iti yojayati na jihvāsaṃsparśapratyayāṃ vedanām anityam iti yojayati / na kāyasaṃsparśapratyayāṃ vedanāṃ nityam iti yojayati na kāyasaṃsparśapratyayāṃ vedanām anityam iti yojayati / na manaḥsaṃsparśapratyayāṃ vedanāṃ nityam iti yojayati na manaḥsaṃsparśapratyayāṃ vedanām anityam iti yojayati / na pṛthivīdhātuṃ nitya iti yojayati na pṛthivīdhātum anitya iti yojayati / nābdhātuṃ nitya iti yojayati nābdhātum anitya iti yojayati /

na tejodhātuṃ nitya iti yojayati na tejodhātum anitya iti yojayati / na vāyudhātuṃ nitya iti yojayati na vāyudhātum anitya iti yojayati / nākāśadhātuṃ nitya iti yojayati nākāśadhātum anitya iti yojayati / na vijñānadhātuṃ nitya iti yojayati na vijñānadhātum anitya iti yojayati / nāvidyāṃ nityām iti

yojayati nāvidyām anityām iti yojayati / na saṃskārān nityān iti yojayati na saṃskārān anityān iti yojayati / na vijñānaṃ nityam iti yojayati na vijñānam anityam iti yojayati / na nāmarūpaṃ nityam iti yojayati na nāmarūpam anityam iti yojayati / na ṣaḍāyatanaṃ nityam iti yojayati na ṣaḍāyatanam anityam iti yojayati / na sparśaṃ nityam iti yojayati na sparśam anityam iti yojayati / na vedanāṃ nityām iti yojayati na vedanām anityām iti yojayati / na tṛṣṇāṃ nityām iti yojayati na tṛṣṇām anityām iti yojayati / nopādānaṃ nityam iti yojayati nopādānam anityam iti yojayati / na bhavaṃ nityam iti yojayati na bhavam anityam iti yojayati / na jātiṃ nityām iti yojayati na jātim anityām iti yojayati / na jarāmaraṇaṃ nityam iti yojayati na jarāmaraṇam anityam iti yojayati / na dānapāramitāṃ nityeti yojayati na dānapāramitām anityeti yojayati / na śīlapāramitāṃ nityeti yojayati na śīlapāramitām anityeti yojayati / na kṣāntipāramitāṃ nityeti yojayati na kṣāntipāramitām anityeti yojayati / na vīryapāramitāṃ nityeti yojayati na vīryapāramitām anityeti yojayati / na dhyānapāramitāṃ nityeti yojayati na dhyānapāramitām anityeti yojayati / na prajñāpāramitāṃ nityeti yojayati na prajñāpāramitām anityeti yojayati / nādhyātmaśūnyatāṃ nityeti yojayati nādhyātmaśūnyatām anityeti yojayati / na bahirdhāśūnyatāṃ nityeti yojayati na bahirdhāśūnyatām anityeti yojayati / nādhyātmabahirdhāśūnyatāṃ nityeti yojayati nādhyātmabahirdhāśūnyatām anityeti yojayati /

na śūnyatāśūnyatāṃ nityeti yojayati na śūnyatāśūnyatām anityeti yojayati / na mahāśūnyatāṃ nityeti yojayati na mahāśūnyatām anityeti yojayati / na paramārthaśūnyatāṃ nityeti yojayati na paramārthaśūnyatām anityeti yojayati / na saṃskṛtaśūnyatāṃ nityeti yojayati na saṃskṛtaśūnyatām anityeti yojayati / nāsaṃskṛtaśūnyatāṃ nityeti yojayati nāsaṃskṛtaśūnyatām anityeti yojayati / nātyantaśūnyatāṃ nityeti yojayati nātyantaśūnyatām anityeti yojayati / nānavarāgraśūnyatāṃ nityeti yojayati nānavarāgraśūnyatām anityeti yojayati / nānavakāraśūnyatāṃ nityeti yojayati nānavakāraśūnyatām anityeti yojayati / na prakṛtiśūnyatāṃ nityeti yojayati na prakṛtiśūnyatām anityeti yojayati / na sarvadharmaśūnyatāṃ nityeti yojayati na sarvadharmaśūnyatām anityeti yojayati / na svalakṣaṇaśūnyātāṃ nityeti yojayati na svalakṣaṇaśūnyatām anityeti yojayati / nānupalambhaśūnyatāṃ nityeti yojayati nānupalambhaśūnyatām anityeti yojayati / nābhāvaśūnyatāṃ nityeti yojayati nābhāvaśūnyatām anityeti yojayati / na svabhāvaśūnyatāṃ nityeti yojayati na svabhāvaśūnyatām anityeti yojayati / nābhāvasvabhāvaśūnyatāṃ nityeti yojayati nābhāvasvabhāvaśūnyatām anityeti yojayati / na smṛtyupasthānāni nityānīti yojayati na smṛtyupasthānāny anityānīti yojayati / na samyakprahāṇāni nityānīti yojayati na samyakprahāṇāny anityānīti yojayati / na ṛddhipādān nityān iti yojayati na ṛddhipādān anityān iti yojayati / nendriyāṇi nityānīti yojayati nendriyāṇy anityānīti yojayati /

na balāni nityānīti yojayati na balāny anityānīti yojayati / na bodhyaṅgāni nityānīti yojayati na bodhyaṅgāny anityānīti yojayati / nāryāṣṭāṅgamārgaṃ nityam iti yojayati nāryāṣṭāṅgamārgam anityam iti yojayati / nāryasatyāni nityānīti yojayati nāryasatyāny anityānīti yojayati / na dhyānāni nityānīti yojayati na dhyānāny anityānīti yojayati / nāpramāṇāni nityānīti yojayati nāpramāṇāny anityānīti yojayati / nārūpyasamāpattīr nityā iti yojayati nārūpyasamāpattīr anityā iti yojayati / nāṣṭau vimokṣān nityān iti yojayati nāṣṭau vimokṣān anityān iti yojayati / na navānupūrvavihārasamāpattīr nityā iti yojayati na navānupūrvavihārasamāpattīr anityā iti yojayati / na śūnyatāṃ nityām iti yojayati na śūnyatām anityām iti yojayati / nānimittaṃ nityam iti yojayati nānimittam anityam iti yojayati / nāpraṇihitaṃ nityam iti yojayati nāpraṇihitam anityam iti yojayati / nābhijñā nityā iti yojayati nābhijñā anityā iti yojayati / na samādhīn nityān iti yojayati / na samādhīn anityān iti yojayati / na dhāraṇīmukhāni nityānīti yojayati / na dhāraṇīmukhāny anityānīti yojayati / na daśa tathāgatabalāni nityānīti yojayati / na daśa tathāgatabalāny anityānīti yojayati / na catvāri vaiśāradyāni nityānīti yojayati / na catvāri vaiśāradyāny anityānīti yojayati / na catasraḥ pratisaṃvido nityā iti yojayati / na catasraḥ pratisaṃvido 'nityā iti yojayati / na mahāmaitrīṃ nityām iti yojayati / na mahāmaitrīm anityām iti yojayati / na mahākaruṇāṃ nityām iti yojayati / na mahākaruṇām anityām iti yojayati /

nāṣṭādaśāveṇikān buddhadharmān nityān iti yojayati / nāṣṭādaśāveṇikān buddhadharmān anityān iti yojayati / na śrota-āpattiphalaṃ nityam iti yojayati / na śrota-āpattiphalam anityam iti yojayati / na sakṛdāgāmiphalaṃ nityam iti yojayati / na sakṛdāgāmiphalam anityam iti yojayati / nānāgāmiphalaṃ nityam iti yojayati / nānāgāmiphalam anityam iti yojayati / nārhattvaṃ nityam iti yojayati / nārhattvam anityam iti yojayati / na pratyekabodhiṃ nityam iti yojayati / na pratyekabodhim anityam iti yojayati / na mārgākārajñatāṃ nityām iti yojayati / na mārgākārajñatām anityām iti yojayati / na sarvākārajñatāṃ nityām iti yojayati / na sarvākārajñatām anityām iti yojayati / evaṃ caran śāradvatīputra bodhisattvo mahāsattvaḥ prajñāpāramitāyāṃ yukta iti vaktavyaḥ /

punar aparaṃ śāradvatīputra bodhisattvo mahāsattvaḥ prajñāpāramitāyāṃ caran na rūpaṃ sukham iti yojayati / na rūpaṃ duḥkham iti yojayati / na vedanāṃ sukheti yojayati / na vedanāṃ duḥkheti yojayati / na saṃjñāṃ sukheti yojayati / na saṃjñāṃ duḥkheti yojayati / na saṃskārān sukhān iti yojayati / na saṃskārān duḥkhān iti yojayati / na vijñānaṃ sukham iti yojayati / na vijñānaṃ duḥkham iti yojayati / na cakṣuḥ sukham iti yojayati / na cakṣur duḥkham iti yojayati / na śrotraṃ sukham iti yojayati / na śrotraṃ duḥkham iti yojayati / na ghrāṇaṃ sukham iti yojayati / na ghrāṇaṃ duḥkham iti yojayati / na jihvāṃ sukham iti yojayati / na jihvāṃ duḥkham iti yojayati / na kāyaṃ sukham iti yojayati / na kāyaṃ duḥkham iti yojayati / na manaḥ sukham iti yojayati / na mano duḥkham iti yojayati / na rūpaṃ sukham iti yojayati / na rūpaṃ duḥkham iti yojayati / na śabdaṃ sukham iti yojayati / na śabdaṃ duḥkham iti yojayati / na gandhaṃ sukham iti yojayati / na gandhaṃ duḥkham iti yojayati / na rasaṃ sukham iti yojayati / na rasaṃ duḥkham iti yojayati / na sparśaṃ sukham iti yojayati / na sparśaṃ duḥkham iti yojayati / na dharmān sukhān iti yojayati / na dharmān duḥkhān iti yojayati / na cakṣurvijñānaṃ sukham iti yojayati / na cakṣurvijñānaṃ duḥkham iti yojayati / na śrotravijñānaṃ sukham iti yojayati / na śrotravijñānaṃ duḥkham iti yojayati / na ghrāṇavijñānaṃ sukham iti yojayati / na ghrāṇavijñānaṃ duḥkham iti yojayati / na jihvāvijñānaṃ sukham iti yojayati /

na jihvāvijñānaṃ duḥkham iti yojayati / na kāyavijñānaṃ sukham iti yojayati / na kāyavijñānaṃ duḥkham iti yojayati / na manovijñānaṃ sukham iti yojayati / na manovijñānaṃ duḥkham iti yojayati / na cakṣuḥsaṃsparśaṃ sukham iti yojayati / na cakṣuḥsaṃsparśaṃ duḥkham iti yojayati / na śrotrasaṃsparśaṃ sukham iti yojayati / na śrotrasaṃsparśaṃ duḥkham iti yojayati / na ghrāṇasaṃsparśaṃ sukham iti yojayati / na ghrāṇasaṃsparśaṃ duḥkham iti yojayati / na jihvāsaṃsparśaṃ sukham iti yojayati / na jihvāsaṃsparśaṃ duḥkham iti yojayati / na kāyasaṃsparśaṃ sukham iti yojayati / na kāyasaṃsparśaṃ duḥkham iti yojayati / na manaḥsaṃsparśaṃ sukham iti yojayati / na manaḥmaṃsparśaṃ duḥkham iti yojayati / na cakṣuḥsaṃsparśapratyayāṃ vedanāṃ sukhām iti yojayati / na cakṣuḥsaṃsparśapratyayāṃ vedanāṃ duḥkhām iti yojayati / na śrotrasaṃsparśapratyayāṃ vedanāṃ sukhām iti yojayati / na śrotrasaṃsparśapratyayāṃ vedanāṃ duḥkhām iti yojayati / na ghrāṇasaṃsparśapratyayāṃ vedanāṃ sukhām iti yojayati / na ghrāṇasaṃsparśapratyayāṃ vedanāṃ duḥkhām iti yojayati / na jihvāsaṃsparśapratyayāṃ vedanāṃ sukhām iti yojayati / na jihvāsaṃsparśapratyayāṃ vedanā duḥkhām iti yojayati / na kāyasaṃsparśapratyayāṃ vedanāṃ sukhām iti yojayati / na kāyasaṃsparśapratyayāṃ vedanāṃ duḥkhām iti yojayati / na manaḥsaṃsparśapratyayāṃ vedanāṃ sukhām iti yojayati / na manaḥsaṃsparśapratyayāṃ vedanāṃ duḥkhām iti yojayati / na pṛthivīdhātuṃ sukham iti yojayati / na pṛthivīdhātuṃ duḥkham iti yojapati / nābdhātuṃ sukham iti yojayati /

nābdhātuṃ duḥkham iti yojayati / na tejodhātuṃ sukham iti yojayati / na tejodhātuṃ duḥkham iti yojayati / na vāyudhātuṃ sukham iti yojayati / na vāyudhātuṃ duḥkham iti yojavati / nākāśadhātuṃ sukham iti yojayati / nākāśadhātuṃ duḥkham iti yojayati / na vijñānadhātuṃ sukham iti yojayati / na vijñānadhātuṃ duḥkham iti yojayati / nāvidyāṃ sukheti yojayati / nāvidyāṃ duḥkheti yojayati / na saṃskārān sukhā iti yojayati / na saṃṣkārān duḥkhā iti yojayati / na vijñānaṃ sukham iti yojayati / na vijñānaṃ duḥkham iti yojayati / na nāmarūpaṃ sukham iti yojayati / na nāmarūpaṃ duḥkham iti yojayati / na ṣaḍāyatanaṃ sukham iti yojayati / na ṣaḍāyatanaṃ duḥkham iti yojayati / na sparśaṃ sukham iti yojayati / na sparśaṃ duḥkham iti yojayati / na vedanāṃ sukheti yojayati / na vedanāṃ duḥkheti yojayati / na tṛṣṇāṃ sukheti yojayati / na tṛṣṇāṃ duḥkheti yojayati / nopādānaṃ sukham iti yojayati / nopādānaṃ duḥkham iti yojayati / na bhavaṃ sukham iti yojayati / na bhavaṃ duḥkham iti yojayati / na jātiṃ sukheti yojayati / na jātiṃ duḥkheti yojayati / na jarāmaraṇaṃ sukham iti yojayati / na jarāmaraṇaṃ duḥkham iti yojayati / na dānapāramitāṃ sukheti yojayati / na dānapāramitāṃ duḥkheti yojayati / na śīlapāramitāṃ sukheti yojayati / na śīlapāramitāṃ duḥkheti yojayati / na kṣāntipāramitāṃ sukheti yojatati / na kṣāntipāramitāṃ duḥkheti yojayati / na vīryapāramitāṃ sukheti yojayati / na vīryapāramitāṃ duḥkheti yojayati / na dhyānapāramitāṃ sukheti yojayati / na dhyānapāramitāṃ duḥkheti yojayati /

na prajñāpāramitāṃ sukheti yojayati / na prajñāpāramitāṃ duḥkheti yojayati / nādhyātmaśūnyatāṃ sukheti yojayati / nādhyātmaśūnyatāṃ duḥkheti yojayati / na bahirdhāśūnyatāṃ sukheti yojayati / na bahirdhāśūnyatāṃ duḥkheti yojayati / nādhyātmabahirdhāśūnyatāṃ sukheti yojayati / nādhyātmabahirdhāśūnyatāṃ duḥkheti yojayati / na śūnyatāśūnyatāṃ sukheti yojayati / na śūnyatāśūnyatāṃ duḥkheti yojayati / na mahāśūnyatāṃ sukheti yojayati / na mahāśūnyatāṃ duḥkheti yojayati / na paramārthaśūnyatāṃ sukheti yojayati / na paramārthaśūnyatāṃ duḥkheti yojayati / na saṃskṛtaśūnyatāṃ sukheti yojayati / na saṃskṛtaśūnyatāṃ duḥkheti yojayati nāsaṃskṛtaśūnyatāṃ sukheti yojayati / nāsaṃskṛtaśūnyatāṃ duḥkheti yojayati / nātyantaśūnyatāṃ sukheti yojayati / nātyantaśūnyatāṃ duḥkheti yojayati / nānavarāgraśūnyatāṃ sukheti yojayati / nānavarāgraśūnyatāṃ duḥkheti yojayati / nānavakāraśūnyatāṃ sukheti yojayati / nānavakāraśūnyatāṃ duḥkheti yojayati / na prakṛtiśūnyatāṃ sukheti yojayati / na prakṛtiśūnyatāṃ duḥkheti yojayati / na sarvadharmaśūnyatāṃ sukheti yojayati / na sarvadharmaśūnyatāṃ duḥkheti yojayati / na svalakṣaṇaśūnyatāṃ sukheti yojayati / na svalakṣaṇaśūnyatāṃ duḥkheti yojayati / nānupalambhaśūnyatāṃ sukheti yojayati / nānupalambhaśūnyatāṃ duḥkheti yojayati / nābhāvaśūnyatāṃ sukketi yojayati / nābhāvaśūnyatāṃ duḥkheti yojayati / na svabhāvaśūnyatāṃ sukheti yojayati / na svabhāvaśūnyatāṃ duḥkheti yojayati / nābhāvasvabhāvaśūnyatāṃ sukheti yojayati / nābhāvasvabhāvaśūnyatāṃ duḥkheti yojayati /

na smṛtyupasthānāni sukhānīti yojayati / na smṛtyupasthānāni duḥkhānīti yojayati / na samyakprahāṇāni sukhānīti yojayati / na samyakprahāṇāni duḥkhānīti yojayati / na ṛddhipādān sukhā iti yojayati / na ṛddhipādān duḥkhā iti yojayati / nendriyāṇi sukhānīti yojayati / nendriyāṇi duḥkhānīti yojayati / na balāni sukhānīti yojayati / na balāni duḥkhānīti yojayati / na bodhyaṅgāni sukhānīti yojayati / na bodhyaṅgāni duḥkhānīti yojayati / nāryāṣṭāṅgamārgaṃ sukha iti yojayati / nāryāṣṭāṅgamārga duḥkha iti yojayati / nāryasatyāni sukhānīti yojayati / nāryasatyāni duḥkhānīti yojayati / na dhyānāni sukhānīti yojayati / na dhyānāni duḥkhānīti yojayati / nāpramāṇāni sukhānīti yojayati / nāpramāṇāni duḥkhānīti yojayati / nārūpyasamāpattīḥ sukhā iti yojayati / nārūpyasamāpattīr duḥkhā iti yojayati / nāṣṭau vimokṣān sukhā iti yojayati / nāṣṭau vimokṣān duḥkhā iti yojayati / na navānupūrvavihārasamāpattīḥ sukhā iti yojayati / na navānupūrvavihārasamāpattīḥ duḥkhā iti yojayati / na śūnyatāṃ sukheti yojayati / na śūnyatāṃ duḥkheti yojayati / nānimittaṃ sukham iti yojayati / nānimittaṃ duḥkham iti yojayati / nāpraṇihitaṃ sukham iti yojayati / nāpraṇihitaṃ duḥkham iti yojayati / nābhijñāṃ sukheti yojayati / nābhijñāṃ duḥkheti yojayati / na samādhiṃ sukha iti yojayati / na samādhiṃ duḥkha iti yojayati / na dhāraṇīmukhāni sukhānīti yojayati / na dhāraṇīmukhāni duḥkhānīti yojayati / na daśa tathāgatabalāni sukhānīti yojayati / na daśa tathāgatabalāni duḥkhānīti yojayati /

na catvāri vaiśāradyāni sukhānīti yojayati / na catvāri vaiśāradyāni duḥkhānīti yojayati / na catasraḥ pratisaṃvidaḥ sukhā iti yojayati / na catasraḥ pratisaṃvido duḥkhā iti yojayati / na mahāmaitrīṃ sukheti yojayati / mahāmaitrīṃ duḥkheti yojayati / na mahākaruṇāṃ sukheti yojayati / na mahākaruṇāṃ duḥkheti yojayati / nāṣṭādaśāveṇikān buddhadharmān sukhā yojayati / nāṣṭādaśāveṇikān buddhadharmān duḥkhā iti yojayati / na śrota-āpattiphalaṃ sukham iti yojayati / na śrotaāpattiphalaṃ duḥkham iti yojayati / na sakṛdāgāmiphalaṃ sukham iti yojayati / na sakṛdāgāmiphalaṃ duḥkham iti yojayati / nānāgāmiphalaṃ sukham iti yojayati / nānāgāmiphalaṃ duḥkham iti yojayati / nārhattvaṃ sukham iti yojayati / nārhattvaṃ duḥkham iti yojayati / na pratyekabodhiṃ sukham iti yojayati / na pratyekabodhiṃ duḥkham iti yojayati / na mārgākārajñatāṃ sukheti yojayati / na mārgākārajñatāṃ duḥkheti yojayati / na sarvākārajñatāṃ sukheti yojayati / na sarvākārajñatāṃ duḥkheti yojayati / evaṃ hi śāradvatīputra bodhisattvo mahāsattvaḥ prajñāpāramitāyāṃ yukta iti vaktavyaḥ /

punar aparaṃ śāradvatīputra bodhisattvo mahāsattvaḥ prajñāpāramitāyāṃ caran na rūpam ātmeti yojayati / na rūpam anātmeti yojayati / na vedanām ātmeti yojayati / na vedanām anātmeti yojayati / na saṃjñām ātmeti yojayati / na saṃjñām anātmeti yojayati / na saṃskārān ātmāna iti yojayati / na saṃskārān anātmāna iti yojayati / na vijñānam ātmeti yojayati / na vijñānam anātmeti yojayati / na cakṣur ātmeti yojayati na cakṣur anātmeti yojayati / na śrotram ātmeti yojayati / na śrotram anātmeti yojayati / na ghrāṇam ātmeti yojayati na ghrāṇam anātmeti yojayati / na jihvām ātmeti yojayati / na jihvām anātmeti yojayati / na kāyam ātmeti yojayati / na kāyam anātmeti yojayati / na mana ātmeti yojayati / na mano 'nātmeti yojayati / na rūpam ātmeti yojayati / na rūpam anātmeti yojayati / na śabdam ātmeti yojayati / na śabdam anātmeti yojayati / na gandham ātmeti yojayati / na gandham anātmeti yojayati / na rasam ātmeti yojayati / na rasam anātmeti yojayati / na sparśam ātmeti yojayati / na sparśam anātmeti yojayati / na dharmān ātmāna iti yojayati / na dharmān anātmāna iti yojayati / na cakṣurvijñānam ātmeti yojayati / na cakṣurvijñānam anātmeti yojayati / na śrotravijñānam ātmeti yojayati / na śrotravijñānam anātmeti yojayati / na ghrāṇavijñānam ātmeti yojayati / na ghrāṇavijñānam anātmeti yojayati / na jihvāvijñānam ātmeti yojayati / na jihvāvijñānam anātmeti yojayati / na kāyavijñānam ātmeti yojayati / na kāyavijñānam anātmeti yojayati / na manovijñānam ātmeti yojayati /

na manovijñānām anātmeti yojayati / na cakṣuḥsaṃsparśam ātmeti yojayati / na cakṣuḥsaṃsparśam anātmeti yojayati / na śrotrasaṃsparśam ātmeti yojayati / na śrotrasaṃsparśam anātmeti yojayati / na ghrāṇasaṃsparśam ātmeti yojayati / na ghrāṇasaṃsparśam anātmeti yojayati / na jihvāsaṃsparśam ātmeti yojayati / na jihvāsaṃparśam anātmeti yojayati / na kāyasaṃsparśam ātmeti yojayati na kāyasaṃsparśam anātmeti yojayati / na manaḥsaṃsparśam ātmeti yojayati na manaḥsaṃparśam anātmeti yojayati / na cakṣuḥsaṃsparśapratyayāṃ vedanām ātmeti yojayati na cakṣuḥsaṃsparśapratyayāṃ vedanām anātmeti yojayati / na śrotrasaṃsparśapratyayāṃ vedanām ātmeti yojayati na śrotrasaṃsparśapratyayāṃ vedanām anātmeti yojayati / na ghrāṇasaṃsparśapratyayāṃ vedanām ātmeti yojayati na ghrāṇasaṃsparśapratyayāṃ vedanām anātmeti yojayati / na jihvāsaṃsparśapratyayāṃ vedanām ātmeti yojayati na jihvāsaṃsparśapratyayāṃ vedanām anātmeti yojayati / na kāyasaṃsparśapratyayāṃ vedanām ātmeti yojayati / na kāyasaṃsparśapratyayāṃ vedanām anātmeti yojayati / na manaḥsaṃsparśapratyayāṃ vedanām ātmeti yojayati / na manaḥsaṃsparśapratyayāṃ vedanām anātmeti yojayati / na pṛthivīdhātum ātmeti yojayati / na pṛthivīdhātum anātmeti yojayati / nābdhātum ātmeti yojayati / nābdhātum anātmeti yojayati / na tejodhātum ātmeti yojayati / na tejodhātum anātmeti yojayati / na vāyudhātum ātmeti yojayati / na vāyudhātum anātmeti yojayati / nākāśadhātum ātmeti yojayati / nākāśadhātum anātmeti yojayati / na vijñānadhātum ātmeti yojayati /

na vijñānadhātum anātmeti yojayati / nāvidyām ātmeti yojayati / nāvidyām anātmeti yojayati / na saṃskārān ātmāna iti yojayati / na saṃskārān anātmāna iti yojayati / na vijñānam ātmeti yojayati / na vijñānam anātmeti yojayati / na nāmarūpam ātmeti yojayati / na nāmarūpam anātmeti yojayati / na ṣaḍāyatanam ātmeti yojayati / na ṣaḍāyatanam anātmeti yojayati / na sparśam ātmeti yojayati / na sparśam anātmeti yojayati / na vedanām ātmeti yojayati / na vedanām anātmeti yojayati / na tṛṣṇām ātmeti yojayati / na tṛṣṇām anātmeti yojayati / nopādānam ātmeti yoja yati / nopādānam anātmeti yojayati / na bhavam ātmeti yojayati / na bhavam anātmeti yojayati / na jātim ātmeti yojayati / na jātim anātmeti yojayati / na jarāmaraṇam ātmeti yojayati / na jarāmaraṇam anātmeti yojayati / na dānapāramitām ātmeti yojayati / na dānapāramitām anātmeti yojayati / na śīlapāramitām ātmeti yojayati / na śīlapāramitām anātmeti yojayati / na kṣāntipāramitām ātmeti yojayati / na kṣāntipāramitām anātmeti yojayati / na vīryapāramitām ātmeti yojayati / na vīryapāramitām anātmeti yojayati / na dhyānapāramitām ātmeti yojayati / na dhyānapāramitām anātmeti yojayati / na prajñāpāramitām ātmeti yojayati / na prajñāpāramitām anātmeti yojayati / nādhyātmaśūnyatām ātmeti yojayati / nādhyātmaśūnyatām anātmeti yojayati / na bahirdhāśūnyatām ātmeti yojayati / na bahirdhāśūnyatām anātmeti yojayati / nādhyātmabahirdhāśūnyatām ātmeti yojayati / nādhyātmabahirdhāśūnyatām anātmeti yojayati /