Nyāyabinduprakaraṇa with Vinītadeva's Nyāyabinduvistaraṭīkā (Śiṣyahita) and Dharmottara's Nyāyabinduṭīkā

amūḍho 'bhraṣṭo darśanāhitaḥ smṛtijananarūpaḥ saṃskāro yasmin ghaṭādau sa tathoktaḥ | tasyātītasya pratipattapratyakṣasyeti sambandhaḥ | vartamānasya ca pratipattṛpratyakṣasyeti sambandhaḥ | amūḍhasmṛtisaṃskāragrahaṇaṃ tu na vartamānaviśeṣaṇam | yasmādatīte ghaṭaviviktapradeśadarśane smṛtisaṃskāro mūḍho dṛśyaghaṭānupalambhe dṛśye ca ghaṭe 'mūḍho bhavati | vartamāne tu ghaṭarahitapradeśadarśane na smṛti saṃskāramohaḥ | ata eva na ghaṭābhāve nāpi ghaṭānupalambhe ghaṭe mohaḥ | tasmānna vartamānaniṣedhyaviśeṣaṇamamūḍhasmṛtisaṃskāragrahaṇam | smṛtisaṃskāravyabhicārābhāvādvartamānasyārthasya | ata eva vartamānasya ceti | ca śabdaḥ kṛto viśeṣaṇarahitasya vartamānasya viśeṣaṇavatātītena samuccayo yathā vijñāyeteti |

tadayamarthaḥ- atīto 'nupalambhaḥ sphuṭaṃ smaryamāṇaḥ pramāṇaṃ vartamānaśca | tato nāsīdiha ghaṭo 'nupalabdhatvānnāstyanupalabhyamānatvāditi śakyaṃ jñātum | na tu n abhaviṣyatyatra ghaṭo 'nupalapsyamānatvādi śakyaṃ jñātum | anāgatāyā anupalabdheḥ sattvasandehāditi kālaviśeṣo 'nupalabdhervyākhyātaḥ |

vyāpāraṃ darśayati- abhāvasya vyavahāraḥ nāsti ityevamākārakaṃ jñānam, śabdaścaivamākāraḥ, niśśaṅka gamanāgamanalakṣaṇā ca pravṛttiḥ kāyiko 'bhāvavyavahāraḥ | ghaṭābhāve hi jñāte niḥśaṅka gantumāgantuṃ ca pravartate |

tadetasya trividhasyāpi abhāvavyavahārasya dṛśyānupalabdhiḥ pravartanī sādhanī pravartikā | yadyapi ca nāsti ghaṭaḥ iti jñānamanupalabdhereva bhavati | ayameva cābhāvaniścayaḥ, tathāpi yasmāt pratyakṣeṇa kevalaḥ pradeśa upalabdhastasmāt iha ghaṭo nāsti ityeva ca pratyakṣavyāpāramanusaratyabhāvaniścayaḥ, tasmāt pratyakṣasya kevalapradeśagrahaṇavyāpārānusāryabhāvaniścayaḥ pratyakṣakṛta |

29 tasyā evābhāvaniścayāt | ||

30 sā ca prayogabhedādekādaśaprakārā ||

pratipatta pratyakṣa ityuktvā ca nikhilapratipatta pratyakṣaṃ nirastam | nikhilapratipattapratyakṣokto hi heturasiddha eva syāt | sakalapratipattapratyakṣanivṛttistu prativādyasiddhā iti || 28 || |

anantaroktā anupalabdhirevābhāvavyavahārasādhanī ityetadeva kasmāt iti cet? āha- tasyā iti | anupahatasmṛtibījasya pratipattaprayakṣasyātītavartamānotpannaviṣayavastuno yā nivṛttistayaivābhāvaniścayaḥ śakyate, anyayā bhāviviṣayayā tu na || 29 || tadevaṃ pūrvoktahetunā anupalabdhisvarūpaṃ kālaveśeṣaścābhihitaḥ | tasyā prayogabhedapradarśanārthamāha- sā caiti |

prayoga iti trilakṣaṇasādhanasya śabdenābhidhānam | tadbhadādanupalabdhirekādaśaprakārā bhavati || 30 ||

kiñca- dṛśyānupalambhaniścayakaraṇasāmarthyādeva pūrvoktayā nītyā pratyakṣaṇaivābhāvo niścitaḥ | kevalamadṛṣṭānāmapi sattvasambhavāt, sattvaśaṅkayā na śaknotyasattvaṃ vyavahartum | ato 'nupalambho 'bhāvaṃ vyavahārayati- dṛśyo yato 'nupalabdhaḥ, tasmānnāsti iti | ato dṛśyānupalambho 'bhāvajñānaṃ kṛta pravartayati, na tvakṛtaṃ karoti- ityabhāvaniścayo 'nupalambhāt pravṛtto 'pi pratyakṣeṇa kṛto 'nupalambhena pravartita ukta ityabhāvavyavahārapravartanyanupalabdhiḥ || 28 ||

kasmāt punaratīte, vartamāne cānupalabdhirgamikā? ityāha- tasyā eva yathoktakālāyā anupalabdhrabhāvaniścayāt | anāgatā hyanupalabdhiḥ svayameva sandigdhasvabhāvā | tasyā asiddhāyā nābhāvaniścayaḥ, api tvatītavartamānāyā iti || 29 ||

sampratyanupalabdheḥ prakārabhedaṃ darśayitumāha- sā cetyādi | sā ca eṣānupalabdhiḥ ekādaśaprakārā ekādaśa prakārā asya ityekādaśaprakārā |

kutaḥ prakārabhedaḥ? prayogabhedāt | prayogaḥ= prayuktiḥ, śabdasyābhidhāvyāpāra ucyate | śabdo hi sākṣāt kvacidarthāntarābhidhāyī, kvacit pratiṣedhāntarābhidhāyo| sarvatraiva tu dṛśyānupalabdhiraśabdopāttāpi gamyata iti vācakavyāpārabhedādanupalambhaprakārabhedaḥ, na tu svarūpabhedāditi yāavt || 30 ||

31 svabhāvānupalabdhiryathā- nātra dhūmaḥ iti upalbdhilakṣaṇaprāptasyānupalabdhiriti || (1)

32 kāryānupalabdhiryathā- nātrāpratibaddhasāmarthyāni dhūmakāraṇāni santi, dhūmābhāvāditi || (2)

prakārabhedanirdeśārthamāha- svabhāvānupalabdhiriti |

svabhāvasya vastusvarūpasya anupalabdhirityarthaḥ | dṛṣṭāntapradarśanārthamāha- yatheti | dṛṣṭāntaśabdaḥ | iha sarvatra tathā draṣṭavyam | atra iti | anena dharmouktaḥ | dhūmo na iti | anena sādhyadharma uktaḥ | upalabdhipratyayāntarasattve 'pi yogyasvabhāvadhūmānupalabdhiriti śeṣaḥ | || 31 || kāryānupalabdhiriti | kāryasya anupalabdhiriti | vigrahaḥ | dṛṣṭāntamāha- yathā nātra apratibaddhasāmarthyāni dhūmakāraṇāni santīti | apratibaddhasāmarthyāni yāni prakārabhedāt āha- svabhāvetyādi | pratiṣedhyasya yaḥ svabhāvastasyānupalabdhiryatheti | atreti dharmī | na dhūmaḥ iti sādhyam | upalabdhilakṣaṇaprāptasyānupalabdheriti hetuḥ | ayaṃ ca hetuḥ pūrvavad vyākhyeyaḥ || 31 ||

pratiṣedhyasya yat kāryam, tasyānupalabdhirudāhriyate- kāryetyādi | yatheti | iheti dharmī | apratibaddham= anupahataṃ dhūmajananaṃ prati sāmarthya yeṣāṃ tānyapratibaddhasāmarthyāni | na santīti sādhyam | dhūmābhāvāditi hetuḥ | kāraṇāni ca nāvarśyaṃ kāryavanti bhavantīti kāryādarśanādapratibaddhasāmarthyānāmevābhāvaḥ sādhyaḥ, na tvanyeṣām | apratibaddhaśaktīni cāntyakṣaṇa bhāvīnyeva, anyeṣāṃ partibandhasambhavāt |

kāryānupalabdhiśca yatra kāraṇadṛśyaṃ tatra prayujyate | daśye tu kāraṇe dṛśyānupalabdhireva gamikā |

tatra dhavalagṛhoparisthito gṛhāṅgaṇamapaśyannapi caturṣu pārśvaṣvaṅgaṇabhittiparyantaṃ paśyati | bhittiparyantasama cālokasaṃjñakamākāśadeśe dhūmaviviktaṃ paśyatiḥ, tatra dhūmābhāvaniścayāt | yaddeśasthena vahninā janyamāno dhūmastaddeśaḥ syāt | tasya ca vahnarepratibaddhasāmarthyasyābhāvaḥ pratipattavyaḥ | tadgṛhāṅgaṇadeśena ca vahninā janyamāno dhūmastaddeśaḥ syāt | tasmād taddeśasya vahanarabhāvaḥ pratipattavyaḥ | tad gṛhāṅgaṇadeśa bhittiparikṣiptaṃ bhittiparyantaparikṣiptena cālokātmanā dhūmaviviktenākāśadeśena saha dharmiṇaṃ karoti | tasmād dṛśyamānādṛśaymānākāśadeśāvayavaḥ pratyakṣāpratyakṣasamudāyo vahnayabhāvapratītisāmarthyāyāto dharmī, na duśyamāna eva | atra iti tu pratyakṣanirdeśo dṛśyamānabhāgāpekṣaḥ |

33 vyāpakanupalabdhiryathā- nātra śiśapā, vṛkṣābhāvāditi || (3)

34 svabhāvaviruddhopalabdhiryathā- nātra śītasparśaḥ, agneriti || (4) dhūmakāraṇāni analegdhanādīni tāni tathoktāni | atra ityanena dharmī uktaḥ | apratibaddhasāmarthyāni dhūmakāraṇāni na santītyanena sādhyadharma uktaḥ | dhumābhāvāditi | yasmādatra dhūmasyaibhāvaḥ, tasmāditi śeṣaḥ | yadyatrāpratibaddhasāmarthyāni dhūmakāraṇāni syuḥ, tarhi dhūmo 'pyutpadyamānaḥ syādeva || 32 ||

vyāpakānupalabdhiriti | vyāpnotīti vyāpakam, tasyānupalabdhirityarthaḥ | yathā nātra siśapā vṛkṣtvāditi | anena dṛṣṭānta uktaḥ | vṛkṣastu śiśapāyā vyāpakaḥ, tasya nivṛtau sāpi nivartitā bhavati | atreti | anena dharmī uktaḥ | vṛkṣābhāvāditi | anena heturuktaḥ | śiśapā na iti | anena sādhyadharma uktaḥ || 33 ||

svabhāvaviruddhopalabdhiriti | svabhāvena viruddhaḥ svabhāvaviruddhaḥ, tasyopalabdhirityarthaḥ | dṛṣṭāntamāha- yathā nātra śītasparśaḥ, agneriti | atretyanena dharmī uktaḥ | na kevalamihaiva dṛśyādṛśyasamudāyo dharmī, api tu anyatrāpi | śabdasya kṣaṇikatve sādhye kaścideva śabdaḥ pratyakṣaḥ, anyastu parokṣaḥ | tadvadihāpi | yathā cātra dharmī sādhyapratipattyadhikaraṇabhūto dṛśyādṛśyāvayavo darśitaḥ, tadvaduttareṣvapi prayogeṣu svayaṃ partipattavyaḥ || 32 ||

pratiṣedhyasya vyāpyasya yo vyāpako dharmaratasyānupalabdhirudāhriyate- vyāpavetyādi | yatheti | atreti dharmī | na śiśapeti | śiśapābhāvaḥ sādhyaḥ | vṛkṣasya vyāpakasya abhāvāditi hetuḥ | iyamapyanupalabdhirvyāpyasya śiśapātvasyadṛśaysyābhāve prayujyate | upalabdhilakṣaṇaprāpte tu vyāpye dṛśyānupalabdhirgamikā | tatra yadā pūrvāparāvupalipṭau samunnatau deśau bhavataḥ, tayorekaratarugahanopetaḥ, aparaścaikaśilāghaṭito nirvṛkṣakakṣakaḥ | draṣṭāpi tatsthān vṛkṣān paśyannapi śiśapādibhedaṃ yo na vivecayati, tasya vṛkṣatvaṃ pratyakṣam, apratyakṣaṃ tu śiśapātvam | sa hi nirvṛkṣa ekaśilāghaṭite vṛkṣābhāvaṃ dṛśyatvād dṛśyānualambhādavasyati | śiśapātvābhāvaṃ tu vyāpakasya vṛkṣatvasyābhāvāditi | tādṛśe viṣaye 'syā abhāvasādhanāya prayogaḥ || 33 ||

pratiṣedhyasya svabhāvena viruddharayopalabdhiradāhriyate- svabhāvetyādi | yatheti | atrati dharmī | na śītaraparśa iti śītasparśapratiṣedhaḥ sādhyaḥ |

35 viruddhakāyapalabdhiryathā- nātra śītasparśo dhūmāditi || (5)

36 viruddhavyāptopalabdhiryathā- na dhruvabhāvo bhūtasyāpi bhāvasya vināśo hetvantarāpakṣaṇāditi ||

agnerityanena heturuktaḥ | na śītasparśa ityanena sādhyadharma uktaḥ | tathā hi- agneḥ śītasparśena virodhāt tatsattve śītasparśo nivāryate || 34 ||

viruddhakāryopalabdhiriti | viruddhasya kārya viruddhakāryam, tasyopalabdhirityarthaḥ | yathā nātra śītasparśo dhūmāditi | anena sā abhidhīyate | atreti dharmī | dhūmāditi hetuḥ | na śītasparśa iti sādhyadharmaḥ | śītasparśaviruddho 'gniḥ, tasya kārya dhūmaḥ | tasmād yatra dhūmastatrāgnirapi, tatrāgnistatra ca kutaḥ śītasparśaḥ || 35 ||

viruddhavyāptopalabdhiriti | viruddhena vyāptaṃ viruddhavyāptam | tasyopalabdhirityarthaḥ | dṛṣṭāntamāha- yathā na dhruvabhāvo bhūtasyāpi bhāvasya vināśa iti | dhruvabhāvīti niścitabhavanadharmā iti śeṣaḥ | bhūtasyapi bhāvasyeti | jātasya bhāvasyeti vahneriti hetuḥ | iyaṃ cānupalabdhistatra prayoktavyā yatra śītasparśo 'dṛśyaḥ, dṛśye dṛśyānupalabdhiprayogāt | tasmād yatre varṇaviśeṣād vahnirddaśyaḥ, śītasparśo dūrasthatvāt sannapyadṛśyaḥ, tatra prayogaḥ || 34 || pratiṣedhyena yad viruddhaṃ tatkāryasyopalabdhirgamikā | yatheti | atreti dharmī | na śītasparśa iti śītasparśābhāvaḥ sādhyaḥ | dhūmāditi hetuḥ | yatra śītasparśaḥ san dṛśyaḥ syāt, tatra dṛśyānupalabdhirgamikā | yatra vahniḥ pratyakṣaḥ, tatra viruddhopalabdhirgamikā | dvayorapi tu parokṣatve viruddhakāryopalabdhiḥ prayujyate |

tatra samastapavarakasthaṃ śītaṃ nivartayituṃ samarthasyāgneranumāpakaṃ yadā viśiṣṭaṃ dhūmakalāpaṃ niryāntamapavarakāt paśyati, tadā viśiṣṭād vahnaranumitād śītasparśanivṛttimanumimīte | iha dṛśyamānadvārapradeśasahitaḥ sarvo 'pavarakābhyantaradeśo dharmī sādhyapratipattyanusaraṇātpūrvavad draṣṭavya iti || 35 ||

pratiṣedhasya yad viruddhaṃ tena vyāptasya dharmāntarasya upalabdhirudāhartavyā | yatheti | dhruvam= avaśyam bhavatīti dhruvabhāvo | neti dhruvabhāvitvaniṣedhaḥ sādhyaḥ | vināśo dharmī | bhūtasyāpi bhavasyeti dharmiviśeṣaṇam | bhūtasya jātasyāpi vinaśvaraḥ svabhāvo nāvaśyambhāvī, kimuta ajātasya iti apiśabdārdhaḥ | janakād hetoranyo hetuḥ hetvantaram mudgarādi | tadapekṣate

37 kāryavirudhoalabdhiryathā- nehāpratibaddhasāmarthyāni śītakāraṇāni santi, vahneriti ||

śeṣa | bhūtasyāpi bhāvsya vināśaḥ ityanena dharmī uktaḥ | na dhruvabhāvī ityanena sādhyadharma uktaḥ | tena jātasyaiva bhāvasya vināśo na nitya ityamarthaḥ paryavasitaḥ |

kathametaditi ced? āha- hetvantarāpekṣaṇāditi |

evaṃ hi hetvantarāpekṣā aṅgīkriyate | yeṣāṃ hetvantarāpekṣā, te nāvaśyambhāvinaḥ, yathā kārṣāse raktatā | ihāpi dhruvabhāvitvamadhruvabhāvitvena viruddham | tena hetvantarāpekṣaṇaṃ vyāptam | tasmād yatra hetvanantarāpekṣā tatrādhrūvabhāvitvam | yatrādhruvabhāvitvaṃ tatra dhruvabhāvitvaṃ kutaḥ || 36 ||

kāryaviruddhopalabdhiriti | kāryeṇa viruddhaṃ kāryaviruddham, tasyopalabdhiriti śeṣaḥ | vinaśvaraḥ | apekṣaṇāditi hetuḥ | hetvantarāpekṣaṇaṃ nāma adhruvabhāvitvena vyāptam | yathā- vāsasi rāgasya rañjanādihetvantarāpekṣaṇamadruvabhāvitvena vyāptam | dhruvabhāvitvaviruddhaṃ cādhruvabhāvitvam | vināśaśca vinaścarasvabhāvātmā hetvantarāpekṣa iṣṭaḥ | tato viruddhavyāptahetvantarāpekṣaṇadarśanāt dhruvabhāvitvaniṣedhaḥ |

iha dhruvabhāvitvaṃ nityatvam, adhruvabhāvitvaṃ cānityatvam | nityatvānityatvayośca parasparaparihāreṇāvasthānādekatra virodhaḥ | tathā ca sati parasparaparihāravatordvayoryadaikaṃ dṛśyate tatra dvitīyasya tādātmyaniṣedhaḥ kāryaḥ | tādātmyaniṣedhaśca dṛśyatābhyupagatasya sambhavati | yata evaṃ tādātmyaniṣedhaḥ kriyate- yadayayaṃ dṛśyamāno nityo bhavet, nityarūpo dṛśyetaḥ, na ca nityarūpo dṛśyate, tasmānna nityaḥ | evaṃ ca pratiṣedhasya nityatvasya dṛśyamānātmakatvamabhyupagamya pratiṣedahḥ kṛto bhavati | vastuno 'pyadṛśyasya piśācāderyadi dṛśyaghaṭātmakatvaniṣedhaḥ kriyate, dṛśyātmakatvamabhyupagamya kartavyaḥ | yadayayaṃ ghaṭo dṛśyamānaḥ piśācātmā bhavet piśāco dṛṣṭo bhavet, na ca dṛṣṭaḥ, tasmānna piśāca iti | dṛśyātmatvābhyupagamapūrvako dṛśyamāne ghaṭādau vastuni vastuno 'vastuno vā dṛśyasyādṛśyasya ca tādātmyapratiṣedhaḥ | tathā ca sati yathā ghaṭasya dṛśyatvamabhyupagamya pratiṣedho dṛśyānupalambhādeva, tadvat saravsya parasparaparihāravato 'nyatra dṛśyamāne niṣedho dṛśyānupalambhadeva | tathā cāsyaivañjātīyakasya prayogasya svabhāvānupalabdhāvantarbhāvaḥ || 36 ||

pratiṣedhyasya yat kārya tasya yadviruddhaṃ tasyopalabdherudāharaṇam- yatheti |

38 vyāpakaviruddhopalabdhiryathā- nātra tuṣārasparśo vahnariti ||

39 kāraṇānupalabdhiryathā- nātra dhūmo 'gnyabhāvāditi ||

dṛṣṭāntamāha- yathā nehāpratibaddhasāmarthyāni śītakāraṇāni satyagneriti | iheti dharmī | agneriti heturuktaḥ | nāprativaddhasāmarthyāni śītakāraṇāni santīti | sādhyadharma uktaḥ |

atra śītakāraṇānāṃ kārya śītam | śītaṃ cāgninā viruddham | yatrāgnistatra kutaḥ śītapraveśaḥ | yatra śītasparśastatrāpratibaddhasāmarthyāni śītakāraṇāni ca kathamapi na | yadi syustādṛśāni, tarhi avaśyaṃ śītasparśo 'pi syāt || 37 ||

vyāpakaviruddhopalabdhiriti | vyāpakena viruddhaṃ vyāpakaviruddham, tasyopalabdhirityarthaḥ | dṛṣṭāntamāha- yathā nātra tuṣārasparśo 'gneriti | atreti | anena dharmī uktaḥ | agneriti | anena heturuktaḥ | na tuṣārasparśa iti | anena sādhyadharma uktaḥ | tuṣārasparśaḥ= himasparśaḥ | tasya vyāpakaḥ śītasparśa, tadviruddho 'gniḥ | tasmād yatrāgnistatra śītasparśaḥ kutaḥ | yatrā ca śītasparśastatra tuṣārasparśo 'pi kathamapi na || 38 ||

kāraṇānupalabdhiriti | kāraṇasyānupalabdhiḥ kāraṇānupalabdhiriti vigrahaḥ | iheti dharmī | apratibaddhaṃ sāmarthyaṃyeṣāṃ śītakāraṇānāṃ śītajananaṃ prati, tāni na santi- iti sādhyam | vahnariti hetuḥ |

yatra śītakāraṇāni adṛśyāni, śītasparśo 'pyadṛśyaḥ, tatrāyaṃ hetuḥ prayoktavyaḥ | dṛśyatve tu śītasparśasya tatkāraṇānāṃ vā kāryānupalabdhiḥ, dṛśyānupalabdharvā gamikā | tasmādeṣāpyabhāvasādhanī | tato yasminnuddeśe sadapi śītakāraṇamadṛśyaṃ śītasparśaśca dūrasthatvāt, pratipattu rvahnirbhāsvaravarṇatvād dūrādapi dṛśya tatrāyaṃ prayoga iti || 37 ||

pratiṣedhyasya yad vyāpakaṃ tena yad viruddhaṃ tasyopalabdhirudāhatavyā yatheti | atreti dharmī | tuṣārasparśo neti sādhyam | vahnariti hetuḥ |

yatra vyāpyastaṣārasparśo vyāpakaśca śītasparśo na dṛśyaḥ, tatrāyaṃ hetuḥ | tayodṛśyatve svabhāvasya vyāpakasya cānupalabdhiryataḥ prayoktavyā | tathā ca satyabhāvasādhanīyam | dūravartinaśca pratipattustuṣārasparśaḥ śītasparśaviśeṣaḥ | śītamātraṃ ca parokṣam | vahnistu rūpaviśeṣād dūrastho 'pi pratyakṣaḥ | tato vahnaḥ śītamātrābhāvaḥ | tataḥ śītaviśeṣatuṣārasparśābhāvaniścayaḥ | śītaviśeṣasya śītasāmānyena vyāptatvāditi viśiṣṭaviṣaye 'syāḥ prayogaḥ || 38 ||

pratiṣedhyasya yat kāraṇaṃ tasyānupalabdherudāharaṇam- yatheti | atreti

40 kāraṇaviruddhopalabdhiryathā- nāsya romaharṣādiviśeṣaḥ, sannihitadahanaviśeṣātvāditi ||

dṛṣṭāntamāha- yathā nātra dhūmo 'gnyabhāvāditi | atreti, anena dharmī uktaḥ | agnyabhāvādityanena ca nirduṣṭo hetuḥ kīrtitaḥ | na dhūma iti | anena sādhyadharma uktaḥ | iha cāgneḥ kārya dhūma iti | yatrāgnyabhāvastatra dhūmo 'pi kathamapi na || 39 ||

kāraṇaviruddhopalabdhiriti | kāraṇena viruddhaṃ kāraṇaviruddham, tasyopalabdhirityarthaḥ | dṛṣṭāntamāha- yathā nāsya romaharṣādiviśeṣā iti | asyati | anena dharmī uktaḥ | na romaharṣādiviśeṣa it | anena sādhyadharma uktaḥ | romaharṣāstu romṇāmudbhadeḥ | sa ādiryeṣāṃ te romaharṣādayāḥ | ādiśabdena dantasaṅgharṣaṇa- śarīrakampādīnāṃ parigrahaḥ | te ca romaharṣādaya eva viśeṣā iti romaharṣādiviśeṣāḥ | bhaya- prītyādibhirapi romaharṣādirjāyate | tasya vyavaccedārtha viśeṣa ityuktam | iha ca śītavāyupīḍitasya ye romaharṣāste eva bodhyāḥ |

sannihitadahanaviśeṣatvāditi | atra dahanaviśeṣastvagniviśeṣaḥ | sannihita iti | samīpavartī | sannihito dahanaviśeṣo yasya sa sannihitadahanaviśeṣaḥ, tasya bhāvastattvam, tasmāt sannihitadahanaviśeṣatvāt | yādṛśo 'gniviśeṣaḥ śītadharmī | na dhūma iti sādhyam | vahnayabhāvāditi hetuḥ | yatra kārya sadapi adṛśyaṃ bhavati, tatrāyaṃ prayogaḥ | dṛśye tu kārye dṛśyānupalabdhirgamikā | tato 'yamapyabhāvasādhanaḥ | niṣkampāyatasalilapūrite hnade hemantocitabāṣpodgame virale sandhyātamasi sati sannapi attra dhūmo na dṛśyata iti kāraṇānupalabdhyā pratiṣedhyate | vahnistu yadi tasyāmbhasaḥ upari ṣlavamāno bhavet prajvalitaḥ, rūpaviśeṣādevopalabdho bhavet | ajvalitastu indhanamadhyaniviṣṭo bhavet | tatrāpi dahanādhikaraṇanibandhanaṃ pratyakṣamiti svarūpeṇa, ādhārarūpeṇa vā dṛśya eva vahniriti tatrāsya prayoga iti || 39 ||

pratiṣedhyasya yat kāraṇaṃ tasya yad viruddhaṃ tasyopalabdherudāharaṇam- yatheti | asyeti dharmī | romṇāṃ harṣa udbhadaḥ, sa ādiryeṣāṃ dantavīṇādīnāṃ śītakṛtānām te viśiṣyante tadanyebhyo bhayaśraddhādikṛtebhya iti romaharṣādiviśaṣāḥ | te na santīti sādhyam | dahana eva viśiṣyate tadanyasmād dahanāccītanivartanasāmarthyaneti dahanaviśaṣaḥ | kaścid dahanah sannapi na śītanivartanakṣamaḥ, yathā pradīpaḥ | tādṛśanivṛtaye viśeṣagrahaṇam | sannihito dahanaviśeṣo yasya sa tathoktaḥ tasya bhāvastasmāditi hetuḥ | yatra śītasparśaḥ sannapyadṛśyaḥ, roma-

41 kāraṇaviruddhakāryopalabdhiryathā- na romaharṣādiviśeṣayuktapuruṣavā yaṃ pradeśaḥ dhūmāditi ||

nirākaraṇasamarthastādṛśasya siddhayartha viśeṣa ityuktam | tathāhi- atra romaharṣādi viśeṣasya hetuḥ śītasparśaḥ, tadviruddho 'niḥ | agnitāpaḥ śītanivārakaḥ | śītavivṛtau romaharṣādiviśeṣāḥ kathamapi na syuḥ || 40 ||

kāraṇaviurddhakāryopalabdhiriti | kāraṇena viruddhaṃ kāraṇaviruddham, tasya kārya kāraṇaviruddhakāryam, tasyopalabdhiḥ | kāraṇaviruddhakāryopalabdhiḥ | dṛṣṭāntamāha- yathā na romaharṣādiviśeṣayuktapuruṣavānayaṃ pradeśo dhūmāditi | ayaṃ pradeśa ityanena dharmī uktaḥ | dhūmādityanena heturuktaḥ | na romaharṣādiviśeṣayuktapuruṣavānityanena sādhyadharma uktaḥ |

romaharṣādiviśeṣeṇa yukto romaharṣādiviśeṣayuktaḥ | romaharṣādiviśeṣayuktaścāsau puruṣaśceti romaharṣādiviśeṣayuktapuruṣāḥ, sa vidayate yasmin pradeśe sa roma harṣādiviśeṣayuktapuruṣavān |

iha romaharṣādiviśeṣasya kāraṇaṃ śītasparśaḥ | tadviruddho 'gniḥ | agnikārya dhūmaḥ |

harṣādiviśeṣāścādṛśyāḥv tatrāyaṃ prayogaḥ | romaharṣādiviśeṣasya dṛśyatve dṛśyānupalbdhiḥ prayoktavyā | śītasparśasya dṛśyatve kāraṇānupalabdhiḥ | tasmādbhavasādhano 'yam | rūpaviśeṣāddhidūrād dahanaṃ paśyati | śītasparśastvadṛśyo romarṣādiviśeṣāśca | teṣāṃ kāraṇaviruddhopalabdhyābhāvaṃ pratipadyata iti tatrāsya prayoga iti || |40 ||

pratiṣedhyasya yat kāraṇaṃ tasya yad viruddhaṃ tasya yat kāryaṃ tasyopalabdhirudāhartavyā- yatheti | ayaṃ pradeśa iti dharmī | yogo yuktam | romaharṣādiviśeṣāiyuktaṃ romaharṣādiviśeṣayuktam, tasya sambandhī puruṣo romaharṣādiviśeṣayuktapuruṣaḥ, tadvān na bhavatīti sādhyam | dhūmāditi hetuḥ |

romaharṣādiviśeṣasya pratyakṣatve dṛśyānupalabdhiḥ | kāraṇasya śītasparśasya pratyakṣatve kāraṇānupalabdhiḥ | vahanstu pratyakṣatve kāraṇaviruddhopalabdhiḥ prayoktavyāḥ | trayāṇāmapyadṛsyatve 'yaṃ prayogaḥ | tasmādabhāvasādhano 'yam | tatra dūrasthasya pratipatturdahanaśītasparśaromaharṣādiviśeṣā apratyakṣāḥ santo 'pi, dhūmastu pratyakṣo yatra, tatraitat pramāṇam | dhūmastu yaduśastaddeśe sthitaṃ śītaṃ nivartayituṃ samarthasya vahnaranumāpakaḥ sa iha grāhyaḥ |

dhūmamātreṇa tu vahnimātre 'numite 'pi na śītasparśanivṛtiḥ, nāpi roma

42 ime sarve kāryānupalabdhyādayo daśānupalabdhiprayogāḥ svabhāvānupalabdho saṃgrahanupayāntīti ||

43 pārampayeṇārthāntaravidhipratiṣedhābhyāṃ prayogabhede 'pi ||

tasmād yatra dhūmastatrāgniḥ | yatrāgnistatra na śītasparśaḥ | yatra na śītasparśastatra śītakāryāṇi romaharṣādiviśeṣāḥ kathaṃ syuḥ || 41 ||

pūrvamupalabdhikṣaṇaprāptasyānupalabdhirekaḥ pratiṣedhaheturuktaḥ, atha kathaṃ kāryānupalabdhyādibhiḥ svabhāvaviruddhopalabdhyādibhiśca pratiṣedha iti cet? tatrāha-

ime iti | avyavahitoktāḥ | sarve iti nikhilā daśasaṅkhayāpariccinnāḥ | anupalabdhiprayogāśca svabhāvānupalabdhāvantabhavanti || 42 ||

svabhāvānupalabdhiprayogaścānyaḥ, kāryānupalabdhyādirapyanyaḥ | tathā hi- kāryānupalabdhyādiṣu arthāntarapratiṣadhaḥ, svabhāvaviruddhopalabdhyadiṣu cārthāntaravidhiḥ | kathaṃ tarhi tasyāmantarbhava iti cet? tatrāha- arthāntaretyādi | harṣādiviśeṣanivṛttiravasātuṃ śakyeti na dhūmamātraṃ heturiti draṣṭavyamiti || 41 || yadi ekaḥ pratiṣedhaheturuktaḥ, kathamekadaśābhāvahetavaḥ? ityāha- ime sarve ityādi | ime anupalbdhiprayogāḥ | idamananaraprakrāntā nirdiṣṭāḥ | tatra kiyatāmapi grahaṇe prasaktaḥ? āha- kāryānupalabdhyādaya iti | kāryānupalabdhyadīnāmai trayāṇāṃ caturṇā vā garahaṇe prasaktaḥ? āha- daśeti | tatra daśānāmapyudāharaṇamātrāṇāṃ grahaṇaprasaṅga satyāha- sarva iti |

etaduktaṃ bhavati- aprayuktā api prayuktodāharaṇasadaśāśca | sarva eveti | daśagrahaṇamantarena sarvagrahaṇe kriyamāṇe prayuktodāharaṇakātsnrya ramyeta | daśagrahaṇāt tu udāharaṇakātsnrye 'vagate sarvagrahanāmatiricyamānamudāhṛtasadṛśakātsnryāvagataye jāyate |

te svabhāvānupalabdhau saṃgrahaṃ tādātmyena gaccanti | svabhāvānupalabdhisvabhāvā ityarthaḥ || 42 ||

nanu ca svabhāvānupalabdhiprayogād bhidyante kāryānupalbdhyādayaḥ, tat kathamantarbhavanti? ityāha- pāramparyeṇeti | prayogabhede 'pīti | prayogasya śabdavyāpārasya bhede 'pyantarbhavanti | kathaṃ prayogabhedaḥ? ityāha- arthāntaravidhīti | pratiṣedhyādarthādarthāntarasya vidhirupalabdhiḥ svabhāvaviruddhādayupalabdhiprayogeṣu | pratiṣedhaḥ kāryānupalabdhyādiṣu prayogeṣu | arthāntaravidhinā, arthāntarapratiṣedhena

44 prayogadarśanābhyāsāt svayamapyevaṃ vyavaccedapratītirbhavatīti svārthe 'pyanumāne 'syā prayoganirdeśaḥ ||

yahyaparthāntaravidhipratiṣedhābhyā prayogabheda eva, tathāpi paramparayā tasyā mantarbhāvo 'bhipretaḥ, na tu vastutaḥ | tathāhi kvacit kāryānupalbdhī dhūmābhāvena dhūmahetorapratibaddhasāmarthyasya abhāve siddhe abhāvapratītirbhavati | yatra yatra dhūmābhāvastatra tatropalabdhilakṣaṇāprāptasyaiva taddhetoranupalabdhiriti svabhāvānupalabdhāvantarbhavati |

pratipattu ṇāṃ cintābhedād bhedaḥ- kasyacit kāryābhāvadvāreṇa hetvabhāvapratītiḥ, kasyacittu svabhāvadvāreṇa | tathaiva vyāpakānupalabdheḥ kāraṇānupalabdheśca paramparayā antarbhāvo 'vagantavyaḥ | svabhāvaviruddhopalabdhī cāgninā śotābhāvapratītiḥ | yatrāgnistatropalabdhilakṣaṇaprāptasya śītasparśasyaivānupalabdhiriti svabhāvānupalabdhāvantarbhāvaḥ |

viruddhavyāptopalabdhāvapi hetvantarāpekṣayā sarvavarṇeṣu prakāśasvabhāvo 'pi svabhāvānupalabdhivadeva | tathā kāraṇaviruddhakāryopalabdhāvapi dhūmenāgnisiddhiḥ | śītanivṛtau ca tatra tadviparītasya romaharṣādiviśeṣayuktapuruṣasyābhāvasiddhiḥ | sā ca tatropalabdhilakṣaṇaprāptatā{dsi}hapuruṣasyānupalabdhiriti svabhāvānupalabdhāvevāntarbhavati | || 43 ||

ye ca kāryakāraṇadvayavyāptyabhedairbhedābhavenopacārāt svabhāvānupalabdho antarbhavanti ityāhuḥ, teṣāṃ tadupacāreṇantarbhāvaḥ, paramārthatastu na pratijñaikadeśasyāpi hetutve sati paramparārtho 'pi na ramyaḥ |

svabhāvaviruddhopalabdhyādiṣu ca vijātīyapramāṇena nivṛtyābhidhānamiti kiṃ kena samānaṃ syāt | svārthānumāne prayoge na sambhavati | tatrānupalabdhiprayogaprakāraviśeṣā ekādaśa iti kuta iti cet? tasmādāha- prayogadarśanetyādi |

ca prayogāḥ bhidyante | yadi prayogāntareṣvarthāntaravidhipratiṣedhau, kathaṃ tarhi antarbhavanti? ityāha- pāramparyeṇeti | praṇālikayetyarthaḥ |

etaduktaṃ bhavati- na sākṣādete prayogā dṛśyānupalabdhimabhidadhati, dṛśyānupalabhdyabhicāriṇastvarthāntarasya vidhi niṣedhaṃ vābhidadhati | tataḥ praṇālikayāmīṣāṃ svabhāvānupalabdhau saṃgrahaḥ, na sākṣāditi || 43 ||

yadi prayogabhedādeṣa bhedaḥ, parāthānumāne vaktavya eṣaḥ, śabdabhedo hi prayogabhedaḥ, śabdaśca parārthānumānam? ityāśaṅkayāha- prayogadarśanetyādi | prayogāṇāṃ śāstraparipaṭhiṭānāṃ darśanam= upalambhaḥ, tasya abhyāsaḥ= punaḥ punarāvartanam, tasmānnimittāt |

svayamapīti | pratipatturātmano 'pi | evam ityanantaroktena kameṇa | vyavaccedasya pratītirbhavatīti itiśabdastasmādarthe |

45 sarvatra cāsyāmabhavavyavahrasādhanyāmanupalabdhau yeṣāṃ svabhāvaviruddhādīnāmupalabdhyā kāraṇādīnāmanupalabdhyā ca pratiṣedha uktaḥ, teṣāmupalabdhilakṣaṇaprāptānāmevo palabdhiranupalabdhiśca veditavyā ||

prayogāṇāṃ darśanam= pratītiḥ | tasyāḥ paunaḥpunyenāvartanam= abhyāsaḥ | tasmāt prayogeṣvabhyāsātiśayāt svayamapi yadā kasyacit vyavaccedapratītirbhavati, tadā prayogarūpeṇaiva pratītirbhavati | ata eva svārthānumāne 'pi anupalabdhiprayogasya viśeṣanirdeśaḥ | vyavaccedapratītiḥ pratiṣedhapratyāyanamiti śeṣaḥ | yadvā- vyavaccedapratītiḥ viśeṣapratipattiriti śeṣaḥ || 44 ||

svabhāvānupalabdherviśeṣa uktaḥ | kāryānupalabdhyādau tadbhāvāt kathamavyabhicāritvamiti cet? tatrāha- abhāveti | abhāvavyavahārasādhanyo bahuprakārā yā anupalabdhayo 'bhihitāḥ, tāḥ sarvāstadviśetā eva draṣṭavyāḥ | yadi kāraṇāderupalabdhi-

tadayamarthaḥ- yasmāt svayamapyevamanenopāyena pratipadyate, prayogābhyāsātḥ tasmāt svapratipattāvapyupayujyamānasyāsya prayogabhedasya svārthānumāne nirdeśaḥ | yat punaḥ parapratipattāvevoyujyate, tat parārthānumāna eva vaktavyamiti || 44 ||

nanu ca kāryānupalabdhyādiṣu kāraṇādīnāmadṛśyānāmeva niṣedhaḥ, dṛśyaniṣedhe svabhāvānupalabdhiprayogaprasaṅgāt tathā ca sati na teṣāṃ dṛśyānupalabdheniṣedhaḥ, tat kathameṣāṃ prayogāṇāṃ dṛśyānupalabdhāvantarbhāvaḥ? ityāha sarvatra cetyādi | abhavaśca tadvayavahāraśca abhāvavyavahārau | svabhāvānupalabdhāvabhāvavyavahāraḥ sādhyaḥ | śiṣṭeṣvabhāvaḥ | tayoḥ sādhanyāmanupalabdhau | sarvatra ceti | ca śabdo hiśabdasyārthe | yasmāt sarvatrānupalabdhau yeṣāṃ pratiṣedha uktasteṣāmupalabdhilakṣaṇaprāptānāṃ dṛśyānāmeva pratiṣedhaḥ | tasmād dṛśyānupalabdhāvantarbhavaḥ |

kuta etad dṛśyānāmeva? ityāha- svabhāvetyādi | atrāpi cakāro hetvarthaḥ | yasmāt svabhāvaviruddha ādiryaṣāṃ tesāmupalabdhyā, kāraṇamādiryeṣāṃ teṣāmanupalabdhyā pratiṣedha uktaḥ, tasmād dṛśyānāmeva pratiṣedha ityarthaḥ |

yadi nāma svabhāvaviruddhādyupalabdhyā kāraṇādyanupalabdhyā ca pratiṣedha uktaḥ, tathāpi kathaṃ dṛśyānāmeva pratiṣedhaḥ? ityāha- upalabdhirityādi | atrāpi cakāro hetvarthaḥ | yasmād ye virodhinaḥ vyāpya- vyāpakabhūtāḥ kāryakāraṇabhūtāśca jñātāḥ, teṣāmavaśyamevopalabdhiḥ, upalabdhipūrvā cānupalabdhi-

46 anyeṣāṃ virodha kārya kāraṇabhāvābhāvāsiddheḥ || lakṣaṇaprāptasyānupalabdhiḥ syāt, tadā kāryādeḥ pratiṣedhasiddhiḥ sambhavati, nānyatra || 45 || svabhāvaviruddhādirapi yadi upalabdhilakṣaṇaprāpta eva syāt, tadā viparītapratiṣedhe samarthaḥ, nānyathā | kathamiti cet? tatrāha- anyeṣāmiti |

virodhaśca kāryakāraṇabhāvaśca abhāvaśca virodhakāryakāraṇabhāvābhāvāḥ, teṣāmamasiddhirityuktam | tadevaṃ ye nopalabdhilakṣaṇaprāptāsteṣāṃ virodhī'siddhaḥ, virodhābhāvo 'pyasiddhaḥ, kāryakāraṇabhāvo 'siddhaḥ, kāryakāraṇabhāvābhāvo 'pyasiddhaḥ- ityetat pradarśitaṃ bhavati |

veditavyā= jñātavyā | upalabdhyanupalabdhī ca dveyeṣāṃ staḥ, te dṛśyā eva | tasmāt svabhāpraviruddhādyu palabdhyā kāraṇādyanupalabdhyā copalabdhyanupalabdhimatāṃ viruddhādīnāṃ pratiṣedhaḥ kriyamāṇo dṛśyānāmeva kṛto draṣṭavyaḥ |

bahuṣu codyeṣu prakrānteṣu parihārasamuccayārthaścakāro hetvartho bhavati | yasmādidaṃ cedaṃ ca samādhānamasti, tasmād tattaccodyamayuktamiti cakārārthaḥ || 45 ||

kasmāt punaḥ pratiṣedhyānāṃ viruddhādīnāmupalabdhyanupalabdhī veditavye? ityāha- anyeṣāmiti | upalabdhyanupalabdhimadbhayo 'nye 'nupalabdhā eva ye teṣāṃ virodhaśca kāryakāraṇabhāvaśca kenacit saha abhāvaśca vyāpyasya vyāpakasyābhāve na sidhyati, yasmāt tato virodhakāryakāraṇabhāvābhāvāsiddhe kāraṇād upalabdhyanupalabdhimanta eva viruddhādayo niṣedhyāḥ | ubhayavatnaśca dṛśyā eva | tasmād dṛśyānāmeva pratiṣedhaḥ |

tadayamarthaḥ- virodhaśca kāryakāraṇabhāvaśca vyāpakābhāve vyāpyābhāvaśca dṛśyānupalabdhereveti | ekasannidhāvaparābhāvapratīto jñāto virodhaḥ | kāraṇābhimatābhāve ca kāryābhimatābhāvapratyaye 'vasitaḥ kāryakāraṇabhāvaḥ | vyāpakābhimatābhāve ca vyāpyābhimatābhāve niścite niścito vyāpyavyāpakabhāvaḥ | tatra vyāpyavyāpakabhāvapratītenimittamabhāvaḥ pratipattavyaḥ | iha gṛhīte vṛkṣābhāve hi śiśapātvābhāvapratītau pratīto vyāpyavyāpakabhāvaḥ | abhāvapratipattiśca sarvatra dṛśyānupalabdhereva | tasmādvirodham, kāryakāraṇabhāvam, vyāpyavyāpakabhāvaṃ ca smaratā virodha kāryakāarṇabhāva vyāpyavyāpakabhāvaviṣayābhāvapratipattinibandhanaṃ dṛśyānupalabdhiḥ smartavyā | dṛśyānupalabdhyasmaraṇe virodhādīnā

47 viprakṛṣṭaviṣayā punaranupalabdhiḥ pratyakṣānumānanivṛttilakṣaṇā saṃśayahetuḥ ||

tathāhi- upalabdhilakṣaṇaprāptasya niyatānuṣaṅgīṇo ye dṛṣṭāstatsannidhāne kasyacit tirobhāve tena saha virodhasya pratyāyanaṃ śakyam | yacca sannihitaṃ tadapi tathaiva viruddham | tadupalabdhau tu virodhābhava iti niścīyate |

evamupalabdhilakṣaṇaprāptasya yasya sattve upalabdhilakṣaṇaprāptamadṛṣṭapūrva yadupalabhyate, tadabhāve nopalabhyate | tattasmādutpadayate iti taddvayoḥ kāryakāraṇabhāvo niścīyate | yadabhāve 'pi yadupalabdhiḥ, taddvayoḥ kāryakāraṇabhāvābhāvo niścīyate | evamapi abhāvavyavahārasiddhirupalabdhilakṣaṇaprāptasyānupalabdhisamāśritā ityuktaṃ bhavati || 46 ||

nanu tadanyenāpi kvacit siddhiriti cet? ucyate- viprakṛṣṭetyādi | viprakṛṣṭī yo viṣayaḥ pratyakṣānumānanivṛttisvabhāvaḥ sa saṃśayasya hetuḥ, na svabhāvavyavahārahetuḥ || 47 ||

masmaraṇam | tathā ca sati na viruddhādividhipratiṣedhābhyāmitarābhāvapratītiḥ syāt | virodhādigrahaṇakālabhāvinyāṃ ca dṛśyānupalabdhāvavaśyasmartavyāryā tata evābhāvapratītiḥ |

tatra yadyapi sampratitanī nāsti dṛśyānupalabdhiḥ, virodhādigrahaṇakāle tvāsīt | yā dṛśyānupalabdhiḥ samprati smaryamāṇā saivābhāvapratipattinibandhanam | tataḥ samprati nāsti dṛśyānupalabdhiprayogād bhidyante kāryānupalabdhyādiprayogāḥ |

viruddhavidhinā kāraṇādiniṣedhena ca yato dṛśyānupalabdhirākṣiptā, tato dṛśyānupalabdhereva kālāntaravṛttāyāḥ smṛtiviṣayabhūtāyā abhāvapratipattiḥ | amīṣāṃ ca prayogāṇāṃ dṛśyānupalabdhāvantarbhāvaḥ | tadanena sarveṇa dṛśyānupalabdhāvantarbhāvo daśānāmamanupalabdhiprayogāṇāṃ pāramparyeṇa darśita ityavaseyam || 46 ||

uktā dṛśyānupalabdhirabhāve, abhāvavyavahārasādhye ca pramāṇam, adṛśyānupalabdhistu kiṃsvabhāvā? kiṃvyāpārā? ityāha- viprakṛṣṭetyādi | viprakṛṣṭastribhirdeśakālasvabhavaviprakarṣairyasyā viṣayaḥ sa viprakṛṣṭaviṣayeti saṃśayahetuḥ | kisvabhāvā sā? ityāha- pratyakṣānumānanivṛttirlakṣāṇaṃ svabhāvo yasyāḥ sā pratyakṣānumānanivṛttilakṣāṇā | na jñānajñeyasvabhāveti yāvat || 47 ||

48 pramāṇanivṛttāvapi arthābhāvasiddheriti ||

tadeva kasmāt? ityāha- pramānetyādi |

pramāṇanivṛttilakṣaṇā viprakṛṣṭaviṣayānupalabdhiḥ, pramānanivṛttirapi arthābhāvaṃ na sādhyati | pramāṇaṃ tu arthakāryamiti pramāṇanivṛttyā kāraṇamātranivṛttinaṃ sidhyatīti || 48 ||

iti nyāyavinduvistaraṭīkāyāṃ śiṣyahitāyāṃ dvitīyaḥ pariccedaḥ ||

nanu ca pramāṇāt prameyasattāvyavasthā, tataḥ pramāṇābhāvāt prameyābhāvapratipattiryuktā? ityāha- pramāṇanivṛttāvapītyādi | kāraṇaṃ vyāpakaṃ ca nivartamānaṃ kārya vyāpyaṃ ca nivartayet | na ca pramāṇaṃ prameyasya karaṇam, nāpi vyāpakam | ataḥ pramāṇayonivṛttavapi arthasya prameyasya nivṛttinasidhyati | tato 'siddhaḥ saṃśayaheturadṛśyānupalabdhiḥ, na niścayahetuḥ | yat punah pramāṇasattayā prameyasattā sidhyati, tadyuktam | prameyakārya hi pramāṇam | na ca kāraṇamantareṇa kāryamasti | na tu kāraṇānyavaśyaṃ kāryavanti bhavanti | tasmāt pramāṇāt prameyasattā vyavasthāpyā, na pramāṇābhāvāt prameyābhāvavyavastheti || 48 ||

ācāryadharmottarakṛtāyāṃ vyāyabinduṭīkāyāṃ svārthānumānaṃ nāma dvitīyaḥ paricchedaḥ ||

tṛtīyaḥ parārthānumānaparicchedaḥ

1 trirūpaliṅgākhyānaṃ aprārthamanumānam ||

2 kāraṇe kāryopacārāt ||

samyagjñānanirūpaṇaprasaṅgena svārthaparārthabhedena anumānaṃ dvividhamaṅgīkṛtam | tatra svārtha saprapañcaṃ nirūpitam | parārthānumānābhidhānārthamevamanujānīte trirūpetyādi |

ākhyāyate 'neneti ākhyānam | vacanamiti | trīṇi rūpāṇi santi yasya tat trirūpam | trirūpaṃ ca talliṅgaṃ ceti trirūpaliṅgam | tasya ākhyānamityarthaḥ || 1 ||

anumānaṃ ca samyagjñānamityuktam, kathamanumānaṃ vacanamiti cet? tatrāha- kāraṇa iti |

svārtha- parārthānumānayoḥ svārtha vyākhyāya, parārtha vyākhyātukāma āhatrirūpaliṅgākhyānamiti | trīṇi rūpāṇi- anvaya vyatireka pakṣadharmatvasaṃjñakāni yasya tat trirūpam | trirūpaṃ ca talliṅgaṃ ca tasyākhyānam | ākhyāyate= prakāśyate 'neneti trirūpaṃ liṅgamiti ākhyānam | kiṃ punastat? vacanam | vacanena hi trirūpaṃ liṅgamākhyāyate | parasmāyidaṃ parārtham || 1 ||

nanu ca samyagjñānātmakamanumānamuktam, tat kimartha samprati vacanātmakamanumānamucyate? ityāha-kāraṇe kāryopacārāditi | trirūpaliṅgābhidhānāt trirūpaliṅgasmṛtirutpadayate, smṛteśvānumānam | tasmādanumānasya paraṃparayā trirūpaliṅgābhidhānaṃ kāraṇam | tasmin kāraṇe vacane kāryasyānumānasya upacāraḥ samāropaḥ kriyate | tataḥ samāropāt kāraṇaṃ vacanamanumānaśabde nocyate | aupacārikaṃ vacanamanumānam, na mukhyamityarthaāḥ | na yāvat kiñcit upacārādanumānaśabdena vaktuṃ śakyaṃ tāvat sarva vyākhyeyam, kintvanumānaṃ vyākhyātukāmena anumānasvarūpasya vyākhyeyatvānnimitaṃ vyākhyeyam | nimittaṃ ca trirūpaṃ liṅgam | tacca svayaṃ vā pratītamanumānasya nimittaṃ bhavati, pareṇa vā pratipāditaṃ bhavati | tasmālliṅgasya svarūpaṃ ca vyākhyeyam, tatpratipādakaśca śabdaḥ | tatra svarūpaṃ svārthānumāne vyākhyātam | pratipādakaśca śabda

3 tad dvividham |

4 prayogabhedāt ||

5 sādharmyavad vaidharmyavacca ||

kāraṇaṃ hi vacanam, kārya cānumānamiti vacane tasminnanumānāropāt tadvacanamevānumānamityabhidhīyate | anumānakāraṇatvāt anumānam ityucyate iti śeṣaḥ || 2 ||

taddvividhamiti | atra taditi parārthānumānam | trirūpaliṅgākhyānaṃ tat || 3 ||

kathaṃ dvividhamiti cet? āha- prayogabhedāditi | prayogastu śabdata upasthānam | tasya bhedena dvaividhyamiti || 4 ||

kiṃ tat prakāraheyamiti āha? āha- sādharmyavaditi | samāno dharmo yasya sa sadharmā, sadharmaṇo bhāvaḥ sādharmyam, tadayasyāsti tat sādharmyavat | visadṛśo dharmo yasya sa vidharmā, vidharmaṇo bhāvo vaidharmyam, tadayasyāsti tad vaidharmyavat | anvayavat vyatirekavacceti śeṣaḥ || 5 ||

iha vyākhyeyaḥ | tataḥ pratipādakaṃ śabdamavaśyaṃ vaktavyaṃ darśayan anumānaśabdenoktavānācārya iti paramārthaḥ || 2 ||

parārthānumānasya prakārabhedaṃ darśayitukāma āha- tad dvividhamiti | taditi parārthanumānam | dvau vidhau= prakārau yasya tad dvividham || 3 ||

kuto dvividham? ityāha- prayogasya śabdavyāpārasya bhedāt | prayuktiḥ= prayogaḥ, arthābhidhānam | śabdasyārthābhidhānavyāpārabhedād dvividhamanumānam || 4 ||

tadevābhidhānavyāpāranibandhanaṃ dvaividhyaṃ darśayitumāha- sādharmyavat vaidharmyavacceti | samāno dharmo 'sya so 'yaṃ sadharmā, tasya bhāvaḥ sādharmyam | visadṛśo dharmo 'sya vidharmā, vidharmāṇo bhāvo vaidharmyam | dṛṣṭāntadharmiṇā saha sādhyadharmiṇaḥ sādṛśyaṃ hetukṛtaṃ sādharmyamucyate | asādṛśyaṃ ca hetukṛtaṃ vaidharmyamucyate | tatra yasya sādhanavākyasya sādharmyamabhidheyaṃ tat sādharmyavat | yathā yat kṛtakaṃ tadanityam, yathā ghaṭaḥ, tathā ca kṛtakaḥ śabdaḥ ityatra kṛtakatvakṛtaṃ dṛṣṭānta sādhyadharmiṇoḥ sāduśyabhidheyam | yasya tu vaidharmyamabhidheyaṃ tad vaidharmyavat | yathā- yannityaṃ tadakṛtakaṃ dṛṣṭam, yathā ākāśam, śabdastu kṛtakaḥ iti kṛtakatvākṛtakatvakṛtaṃ śabdākāśayoḥ sādhya dṛṣṭāntadharmoṇorasādṛśyamihābhidheyam || 5 ||

6 nānayorarthataḥ kaścid bhedaḥ ||

7 anyatra prayogabhedāt ||

8 tatra sādharmyavatprayogaḥ- yadupalabdhilakṣaṇaprāptaṃ sannopalabhyate so 'dvayava hāraviṣayaḥ siddhaḥ, yathānyo dṛṣṭaḥ kaścid śaśaviṣāṇādiḥ | nopalabhyate ca kvacit pradeśaviśaṣe upalabdhilakṣaṇaprāpto ghaṭaḥ- ityanupalabdhiprayogaḥ ||

yadi sādharmyaprayogo 'nvayavān, vaidharmyaprayogaśca vyatirekavān, tarhi arthato 'pi bhedaḥ syāt, tat kasmāt prayogabhedena dvividhamityucyate iti cet? tatrāha nānayoriti |

sādharmyavānapi trirūpāpekṣaḥ, vaidharmyavānapi trirūpāpekṣaḥ | tasmāt sarvatra trirūpasattvādarthato bhedaleśo 'pi nāsti |6 ||

anyatra prayogabhedāditi | iha prayogasyaiva bhedaḥ, na tu sarvathāpi | tathā hi- prathame vastuto 'nvayābhidhāne 'pi vyatirekaḥ sāmarthyādavagamyate | dvitīye ca vastuto vyatirekā bhidhāne 'pi anvayo 'rthājjñāyate || 7 ||

tatra sādharmyavataḥ prathamamupanyāsaḥ | yadupalabdhilakṣaṇaprāpta sannopalabhyate so 'sadvayaydyanayoḥ prayogayorabhidheyaṃ bhinnam, kathaṃ tarhi trirūpaṃ liṅgamabhinnaṃ prakāśyam? ityāha- nānayorarthata iti | arthaḥ prayojanam | yat prayojanaṃ prakāśayitavyaṃ vastu uddiśyānumāne prayujyate, tataḥ prayojanādanayorna bhedaḥ kaścit | trirūpaṃ hi liṅga prakāśayitavyam | taduddiśya dve apyete prayujyete | dvābhyāmapi trirūpaṃ liṅga prakāśyata eva | tataḥ prakāśayitavyaṃ prayojanamanayorabhinnam | tathā ca na tato bhedaḥ kaścit || 6 ||

abhidheyabhedo 'pi tarhi na syāt? ityāha- anyatra prayogabhedāditi | prayogaḥ abhidhānam, vācakatvam | vācakatvabhedādanyo bhedaḥ prayojanakṛto nāstītyarthaḥ |

etaduktaṃ bhavati- anyadabhidheyamanyat prakāśyaṃ prayojanam | tatrābhidheyāpekṣayā vācakatvaṃ bhedyate, prakāśyaṃ tvabhinnam | anvaye hi kathite vakṣyamāṇena nyāyena vyatirekagatirbhavati | vyatireke cānvayagatiḥ | tatastrirūpaṃ liṅgaṃ prakāśyamabhinnam | na ca yatrābhidheyabhedaḥ, tatra sāmarthyagamyo 'pyartho bhidyate | yasmāt pīno devadatto divā na bhuṃkte pīno devadatto rātrau bhuṃkte ityanayovakyiyorabhidheyabhede 'pi gamyamānamekameva, tadvadihābhidheyabhede 'pi gamaymānaṃ vastu ekameva || 7 ||

9 tathā svabhāvahetoḥ prayogaḥ- yat sat tat sarvamanityam, yathā ghaṭādiriti śuddhasya svabhāvahetoḥ prayogaḥ ||

vahāraviṣayaḥ siddha iti | atrānupalabdheranvaya uktaḥ | yathā dṛṣṭaḥ kaścit śaśaviṣāṇādiriti | asadvayavahārasya viṣayo dṛṣṭaḥ | tasyodāharaṇam- śaśaviṣāṇādiḥ dṛṣṭa iti siddhaḥ | parīkṣita iti śeṣaḥ | tena dṛṣṭāntakathanaṃ nopalabhyate iti anena pakṣadharma uktaḥ || 8 ||

svabhāvahetoḥ prayoga iti | dvitīyasya hetoḥ sādharmyavān prayoga upadarśyate yat tatreti | tayoḥ sādharmyavaidharmyavatoranumānayoḥ sādharmyavat tāvadudāharannanupalabdhimāha- yadityādinā | yad dṛśyam | sannopalabhyate- ityanena dṛśyānupalambho 'nudyate | so 'sadvayavahāravīṣayaḥ siddhaḥ | tadasaditi vyavahartavyamityarthaḥ | anenāsadvayavahārayogyatvasya vidhiḥ kṛtaḥ | tataścāsdvayavahārayogyatve dṛśyānupalambho niyataḥ kathitaḥ | dṛśyamanupalabdhamasadvayavahārayogyamevetyarthaḥ | sādhanasya ca sādhye 'rthe niyatatvakathanaṃ vyāptikathanam | yathoktam- vyāptirvyāpakasya tatra bhāva eva vyāpyasya vā tatraiva bhāvaḥ iti | vyāptisādhanasya pramāṇasya viṣayo dṛṣṭāntaḥ | tameva darśayitumāha- yathānya iti | sādhyadharmiṇo 'nyo dṛṣṭānta ityarthaḥ | dṛṣṭa iti | pramāṇena niścitaḥ | śaśavisāṇaṃ hi na cakṣuṣā viṣayīkṛtam | api tu pramāṇena dṛśyānupalambhenāsadvayavahārayogyaṃ vijñātam | śaśaviṣāṇamādiryasya asadvayavahāraviṣayasya sa tathoktaḥ | śaśaviṣāṇādau hi dṛśyānupalambhamātranimitto 'sadvayavahāraḥ pramāṇena siddhaḥ | tata eva pramāṇādanena vākye nābhidhīyamānā vyāptirjñātavyā |

samprati vyāpti kathayitvā dṛśyānupalambhasya pakṣadharmatvaṃ darśayitumāha nopalabhyate ceti | pradeśaḥ= ekadeśaḥ pṛthivyāḥ | sa eva viśiṣyte 'nyasmāditi viśeṣa ekaḥ | pradeśaviśaṣa iti | ekasmin pradeśe | kvaciditi | pratipattaḥ pratyakṣa eko 'pi pradeśaḥ | sa evābhāvavyavahārādhikaraṇaṃ yaḥ pratipattaḥ pratyakṣaḥ, nānyaḥ | upalabdhilakṣaṇaprāpta iti | dṛśyaḥ | yathā cāsato 'pi ghaṭasya samāropitamupalabdhilakṣaṇaprāptatvaṃ tathā vyākhyātam || 8 ||

svabhāvahetoḥ sādharmyavantaṃ prayogaṃ darśayitumāha- tatheti | yathānupalabdheḥ, tathā svabhāvahetoḥ sādharmyavān prayoga ityarthaḥ | yat saditi sattvamanūdya tat sarvamanityamityanityanityatvaṃ vidhīyate | sarvagrahaṇaṃ ca niyamārtham |

10 yadutpattimat tadanityamiti svabhāvabhūtadharmabhedena svabhāvasya prayogaḥ ||

11 yat kṛtakaṃ tad anityamityupādhibhedena ||

sat tat sarvamanityam, yathā ghaṭādiriti | yaditi yogyaṃ vastumātraṃ sat, tat sarvamakhilamanityam | anena anvaya evoktaḥ |

śuddhasya svabhāvahetoḥ prayoga iti | nirviśeṣaṇasya svabhāvahetoḥ prayoga iti śeṣaḥ || 9 ||

yadutapttimat tadanityamiti vacanaṃ svabhāvahetodvitīyasyānvayaḥ |

svabhāvabhūtadharmabhedena svabhāvasya prayoga iti | ātmabhūtadharmasyaiva bhedaṃ kṛtvā svabhāvahetoḥ prayogaḥ kṛtaḥ | tathā hi- utpattirvastuno hanmalābhaḥ | abheda eva utpattiryasyāsti tadutpattimaditi bhedenoktaḥ || 10 ||

yat kṛtakaṃ tadanityamiti | anena svabhāvahetostṛtīyasyānvaya uktaḥ | upādhi bhedeneti | atra upādhiḥ= viśeṣaṇam | anabhivyaktaviśeṣaṇaḥ svabhāvahetuprayoga iti śeṣaḥ || 11 ||

sarvamanityam | na kiñcinnānityam | yat sat tadanityameva | anityatvādanyatra nityatve sattvaṃ nāstītyevaṃ sattvamanityatve sādhye niyataṃ khyāpitaṃ bhavati | tathā ca sati vyāptipradarśanavākyamidaṃ | yathā ghaṭādiriti | vyāptisādhakasya pramāṇasya viṣayakathanametat | śuddhasyeti | nirviśeṣaṇasya svabhāvasya prayogaḥ || 9 ||

saviśeṣaṇaṃ darśayitumāha- yadutpattimaditi | utpattiḥ svarūpalābho yasyāsti tad utpattimat | utpattimattvamanudya tadanityamityanityatvavidhiḥ | tathā ca sati utpattimattvamanityatve niyatamākhyātam |

svabhāvaṃ bhūtaḥ tadātmako dhamaḥ, tasya bhedena | bhedaṃ hetūkṛtya prayogaḥ | anutpannebhyo hi vyāvṛtimāśrityotpanno bhāva ityucyate | saiva vyāvṛttiryadā vyāvṛttyantaranirapekṣā vaktumiṣayte, tadā vyatirekiṇīva nirdeśyate- bhāvasya utpattiriti | tathā ca vyatiriktamevotpattyā viśiṣṭa vastu utpattimaduktam | tena svabhāvabhūtena dharmeṇa kalpitabhedena viśiṣṭaḥ svabhāvaḥ prayukto viditavyaḥ || 10 ||

yat kṛtakamiti | kṛtakatvamanūdyānityatvaṃ vidhīyate- iti anityatve niyataṃ kṛtakatvamuktam | ato vyāptiranityatvena kṛtakatvasya darśitā | upādhibhedena svabhāvasya prayoga iti sambandhaḥ | upādhirviśeṣaṇam | tasya bhedena bhinnenopādhinā viśiṣṭaḥ svabhāvaḥ prayukta ityarthaḥ |

12 apekṣitaparavyāpāro hi bhāvaḥ svabhāvaniṣpattau kṛtaka iti |

13 evaṃ prayatnāntarīyakapratyayabhedabheditvādayo 'pi draṣṭavyāḥ ||

kathamanabhivyaktaviśeṣāṇaṃ iti cet? tatrāha- apekṣitaparavyāpāro hi bhāvaḥ svabhāvaniṣpatau kṛtaka iti | apekṣitaḥ parasya vyāpāro yeneti vigrahaḥ | yaśca bhāvaḥ svabhāniṣpattaye hetūnāṃ vyāpāramapekṣate iti | yathā kṛtakamityuktam, tasmāt anabhivyaktaviśeṣaṇaṃ svabhāvahetvantarametat || 12 ||

evamiti | ete 'pi upādhibhedāpekṣitāḥ svabhāvahetva eva draṣṭavyāḥ | tathā hi prayatne= hetuvyāpāre sati yasya siddhiḥ sa prayatnāntarīyaka iti | tena anityaṃ prayatnāntaroyakatvāda ityayanapi anabhivyaktaviśeṣaṇaḥ svabhāvahetureva | pratyayasya bhedaḥ pratyayabhedaḥ | pratyayabhedena bhettuṃ śīla yasya sa pratyayabhedabhedī, tasya bhāvaḥ pratyayabhedabheditvam | kāraṇabhedānukūlarūpavattvamiti śeṣaḥ |

tathā hi- svalpakardamapiṇḍād ghaṭaḥ kṣudro bhavati, mahatastu mahān bhavvati | nipuṇaiha kadāciccuddha evārtha ucyate, kadācidavyatiriktena viśeṣaṇena viśiṣṭaḥ, kadācid vyatiriktena | devadattaḥ iti śuddhaḥ, lambakarṇaḥ iti abhinnakarṇadvayaviśiṣṭaḥ, citraguriti vyatiriktacitragavīviśiṣṭaḥ | tadvat śuddham, utpattimatvamavyatiriktaviśeṣaṇam, kṛtakatvaṃ vyatiriktaviśeṣaṇam || 11 ||

nanu ca citraguśabde vyatiriktasya viśeṣaṇasya vācakaścitraśabdo gośabdaśvāsti, kṛtakaśabde tu nirviśeṣaṇavācinaḥ śabdasya prayogo 'sti? ityāśaṅkayāha- apekṣiteti | pareṣāṃ kāraṇānāṃ vyāpāraḥ svabhāvasya niṣpattau niṣpatyarthamapekṣitaḥ paravyāpāro yena sa tathoktaḥ | hīti yasmādarthe | yasmādapekṣitaparavyāpāraḥ kṛtaka ucyate, tasmād vyatiriktena viśeṣaṇena viśiṣṭaḥ svabhāva ucyate | yadyapi vyatiriktaṃ viśeṣaṇapadaṃ na prayuktam, tathāpi kṛtaśabdenaiva vyatiriktaṃ viśeṣaṇapadamantarbhāvitam | ataeva saṃjñāprakāro 'yaṃ kṛtakaśabdaḥ, yasmāt saṃjñāyāmayaṃ kan pratyayo vihitaḥ | yatra ca viśeṣaṇamantarbhāvyate, tatra viśeṣaṇāpdaṃ na prayujyate |

kvacittu prtīyamānaṃ viśeṣaṇam, yathā kṛta ityukte hetubirityetat pratīyate | tatra ca hetuśabdaḥ prayujyate, kadācinna vā prayujyate || 12 ||

prayujyamānasvaśabdaśca yathā pratyayabhedabhediśabde pratyayabhedaśabdaḥ, yathā ca kṛtaśabdo bhinnaviśesaṇasvabhavābhidhāyo, evaṃ pratyayabhedabheditvamādiryeṣāṃ

14 sannutpattimān kṛtako vā śabda iti pakṣadharmopadarśanam ||

15 sarve ete sādhanadharmāḥ yathāsvaṃ pramāṇaiḥ siddha sādhana dharmamātrānubandhe eva sādhyadharme 'vagantavyāḥ ||

kumbhakāravyāpāre sati śobhano bhavati,anipuṇakumbhakāravāpāre 'śobhano bhavati | tasmād anityaṃ pratyayabhedabheditvādityayamapi anabhivyaktaviśeṣaṇaḥ svabhāvahetureva || 13 ||

pūrva trayāṇāṃ svabhāvahetūnāmanvayamātramuktam, idānī tena kāraṇena pakṣadharmā ucyante | san śabdaḥ, utpattimān śabdaḥ, kṛtakaḥ śabda iti prayogabhedadarśanāthaṃ vā iti || 14 ||

tanmātrānubandhini sādhyadharme svabhāvo hetuḥ iti pūrva svabhāvahetulakṣaṇaṃ yadabhihitam, tatprayogārthamāha- sarve ete sādhanadharmā iti | pūrva yeṣāṃ trividhānāṃ svabhāvahetūnāṃ pakṣadharmā uktāḥ, te yathāsvaṃ pramāṇairiti | yasya yadātmīyaṃ pramāṇaṃ taiḥ svapramāṇaiḥ |

prayatnānantarīyakatvādīnāṃ te 'pi svabhāvahetoḥ prayogāḥ bhinnaviśeṣaṇasvabhāvābhidhāyino draṣṭavyāḥ |

pratyayānām= kāraṇānām, bhedaḥ= viśeṣaḥ, tena pratyayabhedena bhettuṃ śīlaṃ yasya sa pratyayabhedo śabdaḥ, tasya bhāvaḥ pratyayabhedabheditvam | tataḥ pratyayabhedabheditvāccabdasya kṛtatvaṃ sādhyate | prayatnānantarīyakatvānityatvam | tatra pratyayabhedaśabdo vyatiriktaviśeṣaṇābhidhāyī pratyayabhedabhediśabde prayuktaḥ | prayatnānantarīyakaśabde ca prayatnaśabda |

tadevaṃ trividhaḥ svabhavahetuprayogo darśitaḥ- 1 śuddhaḥ, 2 avyatiriktaviśeṣaṇaḥ, 3 vyatiriktaviśeṣaṇaśca | evamartha caitadākhyātam- vācakabhedānmā bhūt kasyacit svabhāvahetāvapi prayukte vyāmoha iti || 13 ||

atha kimete svabhāvahetavaḥ siddhasambandhe svabhāve sādhye prayoktavyāḥ? āhosvit asiddhasambandhe? it sardhayitumāha- sarve ete iti | gamakatvāt sādhanāni, parāśritatvācca dharmāḥ, sādhanadharmā eva sādhanadharmamātram | matra śabdenādhikasyāpekṣaṇīyasya nirāsaḥ | tasyānubandhaḥ= anugamanam, anvayaḥ | siddhaḥ sādhanakarmamātrānubandho yasya sa tathoktaḥ | kena siddhaḥ? ityāha-

16 tasyaiva tatsvabhāvatvāt ||

siddhasādhanadahrmamātrānubandhe eva sādhyadharme 'vagantavyā iti | sādhanadharmasvarūpameva sādhanadharmamātram | sādhanadharmamātreṇa anubandhaḥ= sādhanadharmamātrānubandhaḥ | anubandhaḥ= sambandhaḥ | anvaya iti śeṣa | siddhaḥ sādhanadharmāmātrānubandho yasya sādhya dharmasya tasmin | yathāsvaṃ sādhyadharme sādhanadharmamātrānubandhe sādhite eva te pakṣadharmā hetutvenābhidheyā iti || 15 || kasmācca sādhyadharme sādhanadahrmamātrānubandha iti cet? tatrāha- tasyaiveti | tathāhi- paramārthato 'nityasvabhāva eva kṛtakaḥ | anyaśca kṛtakaḥ, anyaśca anitya iti tu na | kathamiti cet? hetupratyayairyat kriyate tad vinaśyatsvabhāvameveti || 16 ||

yathāsvaṃ pramāṇairiti | yasya sādhyadharmasya yadātmīyaṃ pramāṇaṃ tenaiva pramāṇena siddha ityarthaḥ | svabhāvahetūnāṃ ca bahubhedadatvāt sambandhasādhanānyapi pramāṇāni bahūnīti pramāṇairiti bahuvacana nirdeśaḥ | gamayitavyatvāt sādhyaḥ, parāśritatvācca dharmaḥ sādhyadharmaḥ |

tadayaṃ paramārthaḥ- na hetuḥ pradīpavat yogyatayā gamakaḥ, apitu nāntarīyakatayā viniścitaḥ | sādhyāvinbhāvitvaniścayanameva hi hetoḥ sādhyapratipādanavyāpāraḥ, nānyaḥ kaścit |

prathamaṃ bādhakena pramāṇena sādhyapratibandho niścetavyo hetoḥ | punaranumānakāle sādhanaṃ sādhyanāntarīyakaṃ sāmānyena smartavyam | kṛtakatvaṃ nāmānityasvabhāvamiti sāmānyena smṛtamarya punarviśeṣe yojayati- idamapi kṛtakatvaṃ śabde vartamānamanityasvabhāvameveti |

tatra sāmānyasmaraṇaṃ liṅgajñānam | viśiṣṭasya tu śabdagatakṛtakatvasyānityatvasvabhāvasya smaraṇamanumānajñānam | tathā ca satyavinābhāvitvajñānameva parokṣārthapratipādakatavaṃ nāma | tena niścitatanmātrānubandhe sādhyadharme svabhāva hetavaḥ prayoktavyāḥ, nānyatretyuktam || 15 ||

yadyevaṃ sambandho niścetavyaḥ sāśyasya sādhanena saha, sāhanadharmamātrānubandhastu sādhayasya kasmānniścito mṛgyate? ityāha- tasyaiveti | siddha sādhanadharmamātrānubandhasya | tatsvabhāvatvāditi | sādhanadharmasvabhāvatvāt | yo hi sādhyadharmaḥ sādhanadharmamātrānubandhavān sa eva tasya sādhanadharmasya svabhāvaḥ, nānyaḥ || 16 ||

17 svabhāvasya ca hetutvāt ||

18 vastutastayostādātmyam ||

19 tanniṣpattāvaniṣpannasya tatsvabhāvatvābhāvāt ||

svabhāvasyeti | atra sādhyasya svabhava eva heturuktaḥ, kathaṃ sādhyānanubandhī syāt tathā hi tanmātrānubandho svabhāva eveti || 17 ||

tacca kasmāt iti cet? tatrāha- tanniṣpattāviti | yadi sādhanadharmasya kṛtakatvādeḥ siddhau sādhyo 'nityatvādinaṃ siddhayati, tadā kṛtakatvānityatve paramārthata ekasvabhāve na syātām || 19 || bhavatu īdṛśa eva svabhāvaḥ, svabhāva eva tu sādhye kasmād hetuprayogaḥ? svabhāvasya ca hetutvāditi | svabhāva eveha hetuḥ prakrāntaḥ | tasmāt sa eva sādhyaḥ kartavyoḥ yaḥ sādhanasya svabhāvaḥ syāt | sādhanadharmamātrānubandhavāśca svabhāvaḥ, nānyaḥ || 17 ||

yadi sādhyadharmaḥ sādhanasya svabhavaḥ syāt, pratijñārthaikadeśastarhi hetuḥ syāt? ityāha- vastuta iti | vastutaḥ paramārthataḥ sādhyasādhanayostādātmyam | samāropitastu sādhyasādhanabhedaḥ | sādhyasādhanabhāvo hi niścayārūḍhe rūpe | niścayārūḍhaṃ ca rūpaṃ samāropitena bhedenetaretaravyāvṛttikena bhinnamiti anyat sādhanam, anyat sādhyam | dūrāddhi śākhādimānartho vṛkṣaḥ iti niścīyate na śiśapeti | atha ca sa eva vṛkṣaḥ, saiva śiśapā | tasmādabhinnamapi vastu niścayo bhinnamādarśayati vyāvṛtibhedena | tasmāt niścayarūḍharūpāpekṣayā anyat sādhanam, anyat sādhyam | ato na pratijñārthaikadeśo hetuḥ | vāstavaṃ ca tādātmyamiti || 18 ||

kasmāt punaḥ sādhanadharmamātrānubandhyeva sādhyaḥ svabhāvaḥ, nānyaḥ? ityāha- tanniṣapttāviti | yo hi yatrānubadhnāti sa tanniṣpattāvaniṣpannaḥ, tasya tanniṣpattāvaniṣpannasya sādhanasvabhavatvamayuktam | yato niṣpattyaniṣapttī bhavābhāvasvarūpe | bhāvābhāvau ca aprasparaparihāreṇa sthitau | yadi ca pūrva niṣpannasya, aniṣpannasya caikyaṃ bhavedū, ekasyaivārthasya bhāvābhāvo syātāṃ yugapat | na ca viruddhayorbhāvābhāvayoraikyaṃ yujyateḥ, viruddhadharmasaṃsargātmaka katvādekatvābhavasya |

kiñca, paścādutpadayamānaṃ pūrvaniṣpannād bhinnahetukam, hetubhedapūrvakaśca

20 vyabhicārasambhavācca ||

21 kāryahetoḥ prayogaḥ- yatra dhūmastatrāgniḥ, yathā mahānasādau | asti ceha dhūma iti ||

22 ihāpi siddhe eva kāryakāraṇabhāve kāraṇe sādhye kāryaheturvaktavyaḥ ||

yadi kṛtatvāpariniṣpattāvuttarakāle daṇḍādikāraṇāntareṇānityatvaṃ kriyate, tadā vyabhicāraḥ syat, daṇḍāderapi svapratyayasapekṣatayotpannatvāt | tadavaśyamevānutpannasya kasyāpi vināśasyāpi na sambhava iti || 20 ||

kāryahetoḥ prayoga iti | sādhrmyavadanumānasya kāryahetoḥ prayoga upadarśyate | yatra dhumastatrāgniriti | yatreti asmin pardeśe dhūmastatra sarvatrāgnirityanvaya iti | yathā mahānasādāviti | anena dṛṣṭānto darśitaḥ | asti ca iha dhūma iti | abhimatadeśe ca dhūmo dṛśyata iti pakṣadharmo darśitaḥ || 21 ||

kāryahetāvapi pūrva kāryakāraṇabhāvaḥ sādhanīyaḥ anantaraṃ ca kāraṇasādhanārtha kāryaheturvaktavyaḥ | tathā hi- svarūpeṇa niścitameva liṅga jñeyam, na tu aniścitameveti || 22 ||

kāryabhedaḥ, tato niṣpannāniṣpannayoviruddharmasaṃsargātmako bhedo bhedahetuśca kāraṇabheda iti kuta ekatvam | tasmāt sādhanadharmamātrānubandhyeva sādhyaḥ svabhāvaḥ, nānyaḥ || 19 ||

mā bhūt paścānniṣpannaḥ pūrvajasya svabhāvaḥ, sādhyastu kasmānna bhavati? ityāha- vyabhicaretyādi || pūrvajena paścānniṣpannasya vyabhicāraḥ= parityāgo yastasya sambhavācca na pūrvaniṣpannasya paścānniṣpannaḥ sādhyaḥ | tasmāt sādhana dharmamātrānubandhyeva svabhāvaḥ | sa eva ca sādhyaḥ | tathā ca siddhasādhanadharma mātranubandha eva svabhāve svabhavahetavaḥ prayoktavyā iti sthitam || 20 ||

kāryahetoḥ prayoga iti | sādharmyavāniti prakaraṇādapekṣaṇīyam | yatra dhūma iti dhūmamanūdya tatrāgniriti agnevidhiḥ | tatha ca niyamārthaḥ pūrvavadavagantavyaḥ | tadanena kāryakāraṇabhavanimittā vyāptidarśitā |

vyāptisādhanapramāṇaviṣayaṃ darśayitumāha- yathāmahānasādāviti | mahānasādau hi pratyakṣānupalambhābhyāṃ kāryakāraṇabhāvātmāvinābhāvo niścitaḥ | asti ceheti sādhyadharmiṇi pakṣadharmopasaṃhāraḥ || 21 ||

ihāpīti | na kevalaṃ svabhāvahetī, ihāpi kāryahetau | siddha eveti | niścite kāryakāraṇatve | kāryakāraṇabhāvanścayo hyavaśyaṃ kartavyaḥ, yato na yogyatayā heturgamako 'pitu nāntarīkatvādityuktam || 22 ||

23 vaidharmyavataḥ prayogaḥ- yat sad upalabdhilaksāṇaprāptaṃ tadupalabhyata eva | yathā nīlādiviśeṣaḥ | na caiva mihopalabdhilakṣaṇaprāptasya sata upalabdhiḥ rghaṭasyeti anupalabdhiprayogaḥ ||

24 asati anityatve, nāsti sattvam utpattimattvaṃ kṛtakatvaṃ vā | san ca śabda utpattimān kṛtako veti svabhāvahetoḥ prayogaḥ ||

vaidharmyatyādi | yāni ca vaidharmyavadanumānāni, tāni vaktavyāni |

yat sad upalabdhilakṣaṇaprāptaṃ tadupalabhyata eveti | sacca vastu kimapyupalabdhilakṣaṇaprāptaṃ yadi syāt, tadā avaśyamupalabhyeta | etena vyatireka uktaḥ | yathā nolādiviśeṣa iti | vaidharmadṛṣṭāntaḥ |

na caivamihopalabdhilakṣaṇaprāptasya ghaṭasyopalabdhiriti | upalabdhirityupalabdhilakṣaṇaprāpto yādṛśo nīlādiviśeṣa upalabhyate, tādṛśo ghaṭa iha nāsti | iheti anenābhimataḥ pradeśa uktaḥ | anupalabdhiprayoga iti | ayamanupalabdhervaidharmyavān || 23 ||

asati anityatve nāsti sattvamutpattimattvaṃ veti | anena trayāṇāṃ svabhāvahetūnāṃ vyatireka upadiṣṭaḥ | san ca śabda utpattimān, kṛtako veti pakṣadharmā uktāḥ | svabhāvahetoḥ prayoga iti | ete ca svabhāvahetorvaidharmyavantaḥ prayogā iti || 24 ||

sādharmyavān svabhāvakāryānupalambhānāṃ prayogo darśitaḥ, vaidharmyavantaṃ darśayitumāha- vaidharmyavata iti | yat sad upalabdhilakṣaṇaprāptamiti | yat sad dṛśyamityastitvānuvādaḥ | tadupalabhyata iti upalambhavidhiḥ | tadanena dṛśyasya sattvaṃ darśanaviṣayatvena vyāptaṃ kathitam, asattvanivṛtiśca | sattvam, anupalambhanivṛtiśca upalambhaḥ | tena sādhyanivṛttyanuvādena sādhananivṛttivihitā | tathā ca sādhyanivṛttiḥ sādhananivṛtti niyatatvāt sādhananivṛttyā vyāptā kathitā | yadi ca dharmiṇi sādhayadharmo na bhaved, heturapi na bhavet | hetvabhāvena sādhyābhāvasya vyāptatvāt | asti ca hetuḥ | ato vyāpakasya sādhanābhāvasyābhāvād vyāpyasya sādhyābhāvasyābhāva iti sādhyagatirbhavati | tato vaidharmyaprayoge sādhnābhāve sādhyābhāvo niyato darśanīyaḥ sarvatreti nyāyaḥ || 23 ||

svabhāvahetorvaidharmyaprayogamāha- asatyanityatva iti | ihānityatvasya sādhyasyābhāvo hetorabhāve niyata ucyate | tena hetvabhāvena sādhyābhāvo

25 asatyagnau na bhavatyeva dhūmaḥ | atra cāsti dhūma iti kāryahetoḥ prayogaḥ ||

26 sādharmyeṇāpi hi prayoge 'rthād vaidharmyagatiriti ||

27 asati tasmin sādhyena hetoranvayābhāvāt ||

asatyagnau na bhavatyeva dhūma iti | anena vyatireka uktaḥ atra ca | astīti anena pakṣadharma uktaḥ | kāryahetoḥ prayoga iti | karyahetorvaidharmyavān, prayoga upadarśita iti || 25 ||

sādharmyavadanumāne cānvayaḥ, pakṣadharmī vyatirekaśceti trīṇi rūpāṇi nābhivyaktāni, kathaṃ parārthānumānaṃ tirūpaliṅgākhyānamiti cet? tatrāha- sādharmyeṇeti | yasmāt sāmarthyadvāreṇa sādharmyavatprayoge 'pi vaidharmyasya pratītiḥ, tasmāt yathoktaprasaṅgī nāstīti || 26 ||

sāmarthya ca kīdṛśamīt cet? āha- asatīti | yadi vyatireko na syāt, tadā sādhyena hetoranvayo 'pyasidha eva syāditi || 27 || vyāpta uktastriṣvapi svabhāvahetuṣu | sannutpattimān kṛtako vā śabda iti | trayāṇāmapi pakṣadharmatvakathanam | iha ca sādhanābhāvasya vyāpakasyābhāva uktaḥ | tato vyāpyo 'pi sādhyābhāvo nivartata iti sādhyagati || 24 ||

kāryahetorvaidharmyavatprayogamāha- asatyagnāviti | ihāpi vahnayabhāvo dhūmābhāvena vyāpta uktaḥ | asti cātra dhūma iti | vyāpakasya dhūmābhāvasya bhāva uktaḥ | tato vyāpyasya vahnayabhāvasyābhāve sādhyagatiḥ || 25 ||

nanu ca sādharmyavati vyatirekonoktaḥ, vaidharmyavati cānvayaḥ, tat kathametat trirūpāliṅgākhyānām? ityāha- sādharmyaiṇeti | sādharmyaiṇāpyabhidheyena yukte prayoge kriyamāṇe arthāt sāmarthyāt vaidharmyasya vyatirekasya gatirbhavatīti | hīti yasmāt | tasmāt trirūpaliṅgākhyānametat | yadi nāma vyatireko 'nvayavatā noktaḥ, tathāpi anvayavācakaḥ sāmarthyā devāvasīyate || 26 || katham? asati tasmin vyatireke buddhayā vyavasite sādhyena hetoranvayasya buddhayāśyavasitasyābhāvāt | sādhye niyataṃ sādhanamanvayavākyādavasyatā sādhyābhāve sādhanaṃ nāśaṅkanīyam | itarathā sādhyaniyatameva na pratītaṃ syāt | sādhyābhāve ca sādhanābhāvagatirvyatirekagatiḥ | ataḥ sādhyaniyatasya sādhanasyābhidhānasāmarthyādanvayavākye 'vasito vyatirekaḥ || 27 ||

28 tathā vaidharmyeṇāpyanvayagatiḥ ||

29 asati tasmin sādhyābhāve hetvabhāvasyāsiddheḥ ||

30 nahi svabhāvapratibandhe 'satyekasya nivṛttāvaparasya niyamena nivṛttiḥ ||

31 sa ca dviprakāraḥ sarvasya tādātmyalakṣaṇaḥ, tadutpattilakṣaṇaścetyuktama || vaidharmyavatprayoge 'pi sāmarthyenānvayapratītirbhavatīti || 28 || atha tacca sādharmya kīdṛśamiti cet? āha- asatīti | yadi sādhyena hetoranvayo na syāt tadā sādhyābhāve 'pi hetorabhāvaḥ katham syāt || 29 || anvayābhāve vyatireko 'siddha ityetat kasmāditi cet? tatrāha- nahītyādi | yadi svabhāvapratibandha ātmā svarūpeṇa pratibandho na syāt tadā ekanivṛttāvapi aparasya nivṛttirniyamena na syāt | yathā kvacidaśvābhāve gavāmapyabhāvo neti || 30 ||

saca sarvasya dviprakāra iti | sarvasyaiva padārthasya yaḥ ko 'pi pratibandho yogyaḥ samupalabhyate sa sarvaḥ prakāradvaya evāntarbhavati | tādātmyalakṣaṇastadutpattilakṣaṇaścetyukta-

tatheti | yathā anvayavākye, tathā arthādeva vaidharmyeṇa prayoge 'nvayasyābhidhīyamānasyāpi gatiḥ || 28 ||

katham? asati tasmin anvaye buddhigṛhīte sādhyābhāve hetvabhāvasyāsiddhe ranavasāyāt | hetvabhāve sādhyābhāvaṃ niyataṃ vyatirekavākyādavasyatā hetuḥ sambhave sādhyābhāvo nāśaṅkanīyaḥ, itarathā hetvabhāve niyato na syāt pratītaḥ | hetumattve ca sādhyasattvagatiranvayagatiḥ | ataḥ sādhanābhāvaniyatasya sādhyābhāvasyabhidhānasāmarthyād vyatirekavākye 'nvayagatiḥ || 29 ||

yadi nāmākāśādau sādhyābhāve sādhanābhāvaḥ,tathāpi kimīt hetusambhave sādhyasambhavaḥ? ityāha- nahīti | svabhāvena pratibandho yastsminnasatyekasya sādhyasya nivṛttyā nāparasya sādhanasya niyamena yuktā niyamavatī nivṛttiḥ || 30 ||

sa ca svabhāvapratibandho dviprakāraḥ sarvasya pratibaddhasya | tādātmyaṃ lakṣaṇaṃ nimittaṃ yasya sa tathoktaḥ | tadutpattirlakṣaṇaṃ nimittaṃ tasya sa tathoktaḥ | yo yatra pratibaddhastasya sa pratibandhaviṣayo 'rthaḥ svabhāvaḥ kāraṇaṃ vāsyat anyasmin prasiddhatvānupapatteḥ | tasmād dviprakāraḥ saḥ ityuktam | sa ca sādhye 'rthe liṅgasya ityatrāntare 'bhihitaḥ || 31 ||

32 tena hi nivṛtti kathayatā pratibandho darśanīyaḥ | yasmād nivṛttivacanamākṣaptapratibandhopadarśanameva bhavati | yacca pratibandhopadarśanaṃ tadevānvayavacanamiyekenāpi vākyena anvayamukhena vyatirekamukhena vā prayuktena sapakṣāsapakṣayorliṅgasya sadasattvakhyāpanaṃ kṛtaṃ bhavatīti nāvaśyaṃ vākyadvayaprayogaḥ ||

miti tasya ātmā tadātmā, tadātmano bhāvastādātmyam, tādātmyaṃ lakṣaṇaṃ yaḥ sa tādātmyalakṣaṇaḥ | tasmādutpattistadutpattiḥ, tadutpattirlakṣaṇaṃ yasya sa tadutpattilakṣaṇa iti vigrahaḥ | etacca pūrvamuktameva || 31 ||

yasmāt pratibandhe sati ekanivṛttyā aparanivṛttirbhavati, abhāve na tena hetunā kasyacidekasya nivṛtyā aparanivṛttiramidhīyate | etena nivarttyanivartakayoḥ pratibandha ukta iti | nivṛttivacanenaiva praibandha ākṣipyata iti |

yadayavam syādeva, tataśca kimāyātam? iti cedāha- yadeva pratibandhopadarśanaṃ tadevānvaya iti | tasmādekenāpi vākyenānvayamukhena vyatirekamukena vā prayuktena sapakṣāsapakṣayorliṅgasya sadasattvakhyāpanaṃ kṛta bhavatīti | yadayapi anvayamukhena

hiryasmādarthe | yasmāt svabhāvapratibandhe nivartyanivartakabhāvaḥ, tena sādhyasya nivṛttau sādhanasya nivṛtti kathayatā pratibandho nivarttya nivartakayordarśanīyaḥ | yadi hi sādhanaṃ sādhye pratibaddham bhavet, evaṃ sādhyanivṛtau tanniyamena nivarteta | yataśca tasya pratibandho darśanīyaḥ, tasmāt sādhyanivṛtau yat sādhana nivṛttivacanaṃ tenākṣiptaṃ pratibandhopadarśanam | yacca tadākṣiptaṃ pratibandhopadarśana tadevānvayavacanam | pratibandhaścedavaśyaṃ darśayitavyaḥ, na vaktavyastarhi anvayaḥ | yasmāt dṛṣṭānte pramāṇena pratibandho darśyamāna evānvayaḥ, nāparaḥ kaścit, tasmāt nivartya nivartakayoḥ pratibandho jñātavyaḥ | tathā ca anvaya eva jñāto bhavati | itiśabdo hetau | yasmādanvaye 'pi vyatirekagatiḥ vyatireke cānvayagatiḥ, tasmādekenāpi sapakṣe cāsapakṣe ca sattvāsattvayoḥ khyāpanaṃ kṛtam |

anvayo mukham= upāyo 'bhidheyatvād yasya tad anvayamukhaṃ vākyam | evaṃ vyatireko mukhaṃ yasyeti | iti heto | yasmādekenāpi vākyena dvayagatiḥ, tasmād ekasmin sādhanavākye dvayoranvaya vyatirekayoravaśyameva prayogau na na kartavyāḥ ||

33 anupalabdhāvapi yatsad upalabdhilakṣaṇaprāptaṃ tadupalabhyata evetyukte 'nupalabhyamānaṃ tādṛśamasaditi pratīteranvayadisśiḥ ||

34 dvayorapyanayoḥ prayogayornāvaśyaṃ pakṣanirdeśaḥ ||

prayogaḥ kriyate ced vyatirekamukhena karaṇamapi yuktameva, tathāpi uktaprakāreṇa sapakṣāsapakṣayoḥ sattvāsattvayorabhidhānameva sattvāsattvapradarśanaṃ bhavatīti ubhayenāpi liṅgena pratyekaṃ kriyate |

iti nāvaśyaṃ vākyadvayaprayoga iti | tasmādekasminneva prayoge sādharmyavato vaidharmyavataśca vākyadvayasya prayogo nāvaśyaṃ kāryaḥ || 32 ||

evaṃ kārya svabhāvahetvoranvaya vyatirekayoḥ parasparākṣepo 'bhihitaḥ | tṛtīyahetunirdeśārthamāha- anupalabdhāvapīti |

kārya svabhāvahetubhyāmanadhigatasyeti śeṣah | yadopalabdhilakṣaṇaprāptaṃ yadi syād, avaśyamupalabhyeta iti vyatireka ucyate, tadopalabhdilakṣaṇaprāptasyānupalambhe sāmarthyātrāstīti pratītijayite | tasmādanvayasiddhirākṣipta eva | evamanvayākṣepa uktaḥ | anupalabdhau vyatirekākṣepastu svayaṃ draṣṭavya iti || 33 ||

sādharmyavati vaidharmyavati cānumāne ubhayatrāi pakṣanirdeśo nāsti | evaṃ ca pakṣānirdheśābhāva eva kalpyata iti cet? tatrāha- dvayorapīti | avaśyameva pakṣo nidehsyaḥ iti yo niyamaḥ, sa tu nāsti || 34 || arthagatyartho hi śabdaprayogaḥ | arthaścedavagataḥ ki śabdaprayogeṇa | ekamevānvayavākyaṃ vyatirekavākyaṃ vā prayoktavyam || 32 ||

anupalabdhāvapi vyatirekeṇoktenānvayagatiḥ | yat sad upalabdhilakṣaṇaprāptamiti | sādhyasya asadvayavahārayogyatvasya nivṛtti dṛśyasattvarūpāmāha | tadupalabhyata eveti | anupalambhasya nivṛttimupalambharūpāmāha | tadanena sādhyanivṛttiḥ sādhananivṛtyā vyāptā darśitā | yadi ca sādhanasambhave 'pi sādhyanivṛttirbhavet na sādhanābhāvena vyāptā bhavet | ato vyāptiṃ pratipadyamānena sādhanasambhavaḥ sādhyasambhavena vyāptaḥ pratipattavyaḥ | ata evāha- anupalabhyamānaṃ tādṛśamiti | dṛśayam | asaditi pratīteḥ sampratyāt anvayasiddhiriti || 33 ||

yataśca sādhanaṃ sādhyadharmapratibaddhaṃ tādātmya tadutpattibhyāṃ pratipattavyaṃ dvayorapi prayogayoḥ, tasmāt pakṣo 'vaśyameva na nirdheśyaḥ | yat sādhanaṃ sādhyaniyataṃ pratītaṃ tata eva sādhyadharmiṇi dṛṣṭāt sādhyapratītiḥ | ato na kiñcit sādhyanirdaśaneti || 34 ||

35 yasmāt sādharmyavatprayoge 'pi yadupalabdhilakṣaṇaprāptaṃ tannopalabhyate so 'sadvayavahāraviṣayaḥ | nopalabhyate cātrāpi upalabdhilakṣaṇaprāpto ghaṭa iti sāmarthyādeva iha ghaṭo nāstīti bhavati ||

36 tathā vaidharmyavatprayoge 'pi yaḥ sadvayavahāraviṣaya upalabdhilaksāṇaprāptaḥ sa upalabhyata eva | na tathātra tādṛśo ghaṭa upalabhyate ityukte sāmarthyādeva neha sadvayavahāraviṣaya iti bhavati ||

upalabdhilakṣaṇarpāpto yāvānnopalabhyate sa sarvo 'sadvayavahāraviṣaya iti nikhilapadārthosaṃhāreṇa anvayaḥ kārya iti | nikhilapadārthopasaṃhāreṇānvayo yatra ca pakṣadharmaḥ ityetayonirdeśa tacca sādhyaṃ tatra sāmarthyena siddhayatīti pakṣanirdeśasya kiṃ praojanam? || 35 ||

nikhilapadārthopasaṃhāreṇa yo vyatirekanirdeśaḥ pakṣadharmaśceti tadubhayasāmarthyena pratijñāpratītenaṃ pratijñānirdeśaḥ | anyathā yanna pratīyate tannidiśyeta | yadā sāmarthyena pratijñārthapratītirjāyate tadā pratijñāvacanaśravaṇe uparodhenāpi ka āgrahī syāt | evaṃ ca yadā sāmarthyena vitarkaviṣayārthaviniścayaḥ, pakṣadharmavyāptinirdeśabalācca pratijñārthāvagamastatra pakṣanirdeśena kim? etacca viniścayavacanābhidhāne draṣṭavyam | prapañcā enamevārthamanupalabdhiprayoge darśayati yasmāditi | sādharmyavati prayoge 'pi sāmarthyādeva neha pradeśe ghaṭaḥ iti bhavati |

ki punastatsāmarthyam? ityāha- yadupalabdhilakṣaṇaprāptaṃ sannopalabhyate iti anupalambhānuvādaḥ so 'sadvayavahāraviṣaya iti | asadvayavaharayogyatvavidhiḥ |tathā ca sati dṛśyānupalambho 'sadvayavahārayogyatvena vyāpto darśitah | nopalabhyate ca ityādinā sādhyadharmiṇi sattvaṃ liṅgasya darśitam | yadi ca sādhyadharmastatra sādhyadharmiṇi na bhavet, sādhanadharmo 'pi na bhavet | sādhyaniyatatvāt tasya sādhanadharmasyeti sāmarthyam || 35 ||

yathā sādharmyavatprayoge tathā vaidharmyavatprayoge 'pi neha sadvayavahāraviṣayo 'sti ghaṭa iti bhavati |

sāmarthya darśayitumāha- yaḥ sadvayavahāraviṣaya iti | vidayamānaḥ | upalabdhilakṣaṇaprāpta iti | dṛśya ityeṣā sādhyanivṛttiḥ | sa upalabhyata eveti | sādhyanivṛttiriti | anena ca sādhyanivṛtiḥ sādhananivṛttyā vyāptā darśitā | na tatheti | yathānyo dṛśya upalabhyate na tathātra pradeśe tādṛśa iti | dṛśyo ghaṭaḥ | upalabhyate iti | anena sādhyanivṛttervyāpikā nivṛttirasatī sādhyadharmiṇi darśitā | yadi ca sādhyadharmaḥ sādhyadharmiṇi na syāt sādhana

37 kīdṛśā punaḥ pakṣa iti nirdeśyaḥ ||

38 svarūpeṇaiva svayamiṣṭo 'nirākṛto nirdeśyaḥ pakṣa iti ||

39 svarūpeṇeti sādhyatveneṣṭa iti ||

40 svarūpeṇaiveti sādhyatvenaiveṣṭo na sādhanatvenāpi ||

bhidhānārthe pakṣanirdeśe ca doṣaḥ ko 'pi nāsti | ata eva niyamo netyuktam | yadi punaḥ sarvathā pakṣanirdeśapratiṣedha evābhirpetaḥ syāt, tarhi vacanametadavaśyaṃ nopadiśyeta ityuktaṃ bhavatīti || 36 ||

yadi viniścayavacanābhidhāne ca pakṣanirdeśa iti ucyate, yatra prapañcābhidhānaṃ tatra nirdeśaḥ, tarhi kīdṛglakṣaṇaviśiṣṭaḥ pakṣatvenābhidheya iti ced? āha- kīdṛśa iti |

yaścārtho vādayabhimatena viṣayīkṛtaḥ sādhyarūpeṇaiva nirdiśyate, tathā pratyakṣādinā ca na nirākriyate tādṛśo 'rthaḥ pakṣa iti abhidheyaḥ | eva samāsārthaḥ || 38 ||

avayavārthastu- svarūpeṇeti | sādhyarūpeṇa vinā anyarūpeṇa na yujyate iti svarūpeṇoktameva sādhyatvenāvagantavyamiti || 39 || anayoktyā kevalasādhyarūpeṇa nirdeśyasyaiva pakṣatvenābhidhānam | anyarūpeṇa nirdeśyasya tu neti || 40 ||

dharmo 'pi na bhavet | asti ca sādhanadharma iti sāmarthyam | ataḥ sāmarthyāt nāstyatra ghaṭa iti pratītena pakṣanirdeśaḥ | evaṃ kārya svabhāvahetvorapi samarthyāt sampratyaya iti na pakṣanirdeśaḥ || 36 ||

kīdṛśaḥ punararthaḥ pakṣa iti | anena śabdena nirdeśyo vaktavyaḥ?: iti || 37 ||

āpa-svarūpeṇaiveti | sādhyatvenaiva | svayamiti vādinā | iṣṭa iti | nokta eva, api tviṣṭo 'pītyarthaḥ | evambhūtaḥ san pratyakṣādibhiḥ anirākṛto yo 'rthaḥ sa pakṣa ityucyate |

atha yadi pakṣo na nirdeśyaḥ, kathamanirdeśyasya lakṣaṇamuktam? na sādhanavākyāvayavatvādasya lakṣaṇamuktam, api tvasādhye kecit sādhyam, sādhyaṃ cā sādhyamiti | kecit pratipannāḥ, tatsādhyāsādhyapratipattinirākaraṇārtha pakṣalakṣaṇamuktam || 38 ||

svarūpeṇeṣṭa ityasya vivaraṇam- svarūpeṇeti | sādhyatveneṣṭa iti | pakṣasya sādhyatvānnāparamasti rūpam | ataḥ svarūpaṃ sādhyatvamiti || 39 ||

evaśabdaṃ vivarītumāha- svarūpeṇaiveti | nanu caivaśabdaḥ kevala eva

41 yathā śabdasyānityatve sādhye cākṣuṣatvaṃ hetuḥ, śabde 'siddhatvāt sādhyaṃ bhavatīti na puanratra sādhyatvenaiveṣṭam, sādhanatvenāpyabhidhānāt ||

42 svayamiti vādinā ||

43 yastadā sādhanamāha ||

sādhyarūpānyarūpaviśiṣṭasya nirdeśaḥ kīdṛśaḥ? iti cedāha-yatheti |

yaḥ śabdaḥ so 'nityaḥ ityucyamāne tacca cākṣuṣatvaṃ śabde 'siddhamiti sādhyaṃ bhavati | tasmāt svarūpeṇaiveti nirdeśābhāve cākṣuṣattvanirdeśasyāpi pakṣatvaprasaṅgaḥ |

yadi tasmin sādhyarūpamastyeva, kasmānna pakṣa iti ced? āha- atreti |

cākṣuṣatve sādhyarūpatā astyeva | tathāpi hetutvena nirdeśānna kevalaṃ sādhyasvarūpatvameva | sādhanarūpatāpyasti | tasmāt sādhyatve 'pi atiriktasādhanarūpasattvādadhikavacanasya pakṣatvaṃ nirastam || 41 || sādhanaṃ kathayatā svayaṃ nirdeśyo yo 'rthaḥ sa eva pakṣaḥ, śāstrakāreṇa nirdeśyastu neti śeṣaḥ || 42 || pratyavamraṣṭavyaḥ, tat kimartha svarūpaśabdena saha pratyavamuṣṭaḥ? ucyateḥ evaśabdo nipāto dayotakaḥ | padāntarābhihitasyarthasya viśeṣa dayotayati- iti padāntareṇa viśeṣyavācinā saha nirdiṣṭaḥ | na sādhanatvenāpīti | yat sādhanatvena nirdhiṣṭaṃ tat sādhanatveneṣṭam | asiddhatvācca sādhyatvenāpīṣṭam | tasya nivṛttyartham evaśabdaḥ || 40 ||

tadudāharati- yatheti | śabdayānityatve sādhye cākṣuṣatvaṃ hetuḥ śabde 'siddhatvāt sādhyam ityanena sādhyatveneṣṭimāha | tad iti cakṣuṣatvam | iheti śabde | sādhyatvenaiveṣṭamiti | sādhyatveneṣṭiniyamābhāvamāha | sādhanatvenābhidhānāditi | yataḥ sādhanatvenābhihitam, ataḥ sādhanatvenāpīṣṭam, na sādhyatvenaiveti || 41 ||

svayamityanena svayaṃ śabdaṃ vyākhyeyamupakṣipya tasyārthamāha- svayamiti | svayaṃśabdo nipātaḥ ātmanaḥ iti ṣaṣṭhayantasya ātmanā iti ca tṛtīyāntasyārthe vartate | tadiha svātmaśabdasyārthe vṛttaḥ svayaṃ śabdaḥ | ātma śabdaśca sambandhiśabdaḥ | vādī ca pratyāsannaḥ | tato yasya vādina ātmā tṛtīyārtha yuktaḥ, sa eva tṛtīyārthayukto nirdiṣṭo vādineti | na tu svayaṃśabdasya vādinā ityeṣa paryāyaḥ || 42 ||

kaḥ punarasau vādī? ityāha- yastadeti | vādakāle, sādhanamāha | aneka

44 etena yadayapi kvacit śāstre sthitaḥ sādhanamaha, taccāstrakāreṇa tasmin dharmiṇyanekadharmābhyupagame 'pīti yastadā tena vādinā dharmaḥ svayaṃ sādhayitumiṣṭaḥ sa eva sādhyo netara ityuktaṃ bhavati ||

45 iṣṭa iti yatrārthe vivādena sādhanamupanyastaṃ tasya siddhimiccatā so 'nukto pi vacanena sādhyo bhavati || teneti vādinā nirdeśya eva pakṣa ucyate || 43 || kaścit kvacit śāstre sthitaḥ pakṣe kṛtaniścaya eva | astu tādṛśo niścayaḥ, tathāpi yadi śāstrāduddhṛtya pramāṇikriyate iti śeṣaḥ |

vādī yasmin śāstre sādhanaṃ kathayati taccāstrakāreṇa vitarkaviṣayadharmiṇi yadi bahavo dharmā aṅgīkriyante, tathāpi ca | vādinaiva yo dharma sādhayitumiṣṭaḥ sa eva sādhyaḥ | śāstrakāreroṣṭastu na yasmād vādinā nirdeśyasya pakṣatvamaṅgīkriyate tasmād vādinā śāstrāṅgīkāradvāreṇopakārako yo dharmaḥ pariṣkartumiṣyate sa eva sādhyaḥ, śāstrakāreṇāṅgīkṛtastu na- ityanena vacanenoktaṃ bhavati || 44 ||

vādisambhave 'pi svayaṃ śabdavācyasya, vādino viśeṣaṇametat | yadayavam, vādinaḥ iṣṭaḥ sādhyaḥ ityuktam, etena ca kimuktena? anena tadā vādakāle tena vādinā svayaṃ yo dharmaḥ sādhayitumiṣṭaḥ, sa eva sādhyaḥ, netaro dharmaḥ- ityuktaṃ bhavati | vādino 'niṣṭadharmasādhyatvanivartanamasya vacanasya phalamiti yāvat || 43 ||

atha kasmin sati anyadharmasādhyatvasya sambhavaḥ, yannivṛttayartha tad vaktavyam? ityāha- taccāstrakāreṇeti | yaccāstraṃ tena vādinābhyupagataṃ taccāstrakāreṇa tasmin sādhyadharmiṇi anekasya dharmasyābhyupagame sati anyadharmasādhyatvasambhavaḥ | tathā hi- śāstraṃ yenābhyupagataṃ tatsiddho dharmaḥ sarva eva tena sādhya ityasti vipratipattiḥ, anenāpāsyate | anekadharmābhyupagame 'pi sati sa eva sādhyo yo vādinā iṣṭaḥ, nānya iti | nanu ca śāstrānapekṣaṃ vastuvalapravṛtaṃ liṅgam, ato 'napekṣaṇīyatvānna śāstra sthitvā vādaḥ kartavyaḥ? satyamḥ āhopuruṣikayā tu yadayapi kvaciccāstre sthita iti kiñciccāstramabhyupagataḥ sādhanamāha, tathāpi ya eva tasyeṣṭaḥ sa eva sādhyaḥ iti jñāpanāyedamuktam || 44 || iṣṭaśabdamukṣipya vyācaṣṭe- iṣṭa iti | yatrārtha ātmani viruddho

46 tadadhikaraṇatvād vivādasyeti ||

47 yathā parārthāścakṣurādayaḥ saṅghātatvāt śayanāsanādayaṅgavaditi |

atra ātmārthā ityanukte 'pi ātmārthataiva sādhyaṃ bhavatīti | tena noktamātrameva sādhyamityuktaṃ bhavati ||

iṣṭaśabdārtha ākhyāyate | yasmin vastuni vivāda utpannaḥ, vivādādhikaraṇaṃ tad vastu sādhayitumiccatā sādhyatvenopanyasto 'rtha eveṣṭa iti | yadi vitarkaviṣayārtho 'so vacanena nābhidhīyate, tathāpi sa eva sādhyo bhavati || 45 || tacca kasmād iti ced? āha- tadadhikaraṇatvāditi | tata eva yasmād vivādaḥ kathamasau vivāda eva sādhyo na syāt || 46 || yacca vivādādhikaraṇaṃ tad vacanenānuktamapi sādhyameveṣyata iti katham iti ced? tathāha- yatheti |

vādaḥ prakrāntaḥ- nāsti ātmā ityātmapratiṣedhavādaḥ ātmasattāvādaviruddhaḥ, vidhipratiṣedhayorvirodhāt | tena vivādena hetunā sādhanamupanyastan, tasyātmārthasya siddhi niścayam iccatā vādinā so 'rthaḥ sādhya ityuktaṃ bhavati- iṣṭaśabdena | yat tad ityukta bhavati iti grahaṇamante tadihāpekṣya vākyaṃ samāpayitavyam | yadyapi parārthānumāne ukta eva sādhyo yuktaḥ, anukto 'pi tu vacanena sādhyaḥ, sāmarthyoktatvāt tasya || 45 || kuta etad? ityāha- taditi | so 'rthaḥ adhikaraṇam= āśrayo yasya sa tadadhikaraṇo vivādaḥ, tasya bhāvastattvam, tasmāditi |

etaduktaṃ bhavati- yasmād vivādaṃ nirākartumiccatā vādinā sādhanamupanyastam, tasmād yad adhikaraṇaṃ vivādasya tadeva sādhyam | yato viruddhaṃ vādamapanetuṃ sādhanamukpanyastaṃ taccet na sādhyam, kimidānīṃ jātiniyataṃ kiñcit sādhyaṃ syāditi || 46 ||

anuktamapi parārthānumāne sādhyamiṣṭam, tadudāharati- parārthā iti | cakṣurādiryeṣāṃ śrotrādīnāṃ te cakṣurādaya iti dharmī | parasmāyime parārthā iti sādhyaṃ pārārthyam | saṅghātatvāditi hetuḥ | vyāptiviṣayapradarśanaṃ ca śayanāsadādyaṅgavaditi | śayanam āsanaṃ ca te ādau yasya taccayanāsanādi puruṣopabhogāṅgaṃ saṅghātarūpam | tadvadatra pramāṇe yadapyātmārthāścakṣurādaya ityātmārthatā noktā | anuktāvapyātmārthatā sādhyā |

48 anirākṛta iti- etallakṣaṇayoge 'pi yaḥ sādhayitumiṣṭo 'pyarthaḥ pratyakṣānumānapratītisvacanairnirākriyate, na sa pakṣa iti pradarśanārtham ||

49 tatra pratyakṣanirākṛto yathā- aśrāvaṇaḥ śabdaḥ iti || yathā śayanāsanādīnyaṅgāni saṅghātarūpatvāt parārthāni dṛṣṭāni, tathā cakṣurādayo 'pi saṅghātarūpatvāt parārthā eveti prayogārthaḥ || 47 || asmin prayoge yadayapi cakṣurādaya ātmārthā iti noktam, tathāpi ātmārthataiva sādhyate | anyathā parārthatvamātre sādhye siddhasādhanaṃ syāt | ātmani (ātmārthatāyām) vipratipattyā sādhyatvena upasthāpyate | tasmāt tadeva sādhyaṃ bhavati |

yasmādevamanuyuktamapīṣṭatvena viṣayīkaraṇāt sādhyatvenaivaṣṭam, tasmāt kevalamuktameva na sādhyaṃ bhavati | kathamiti cet? yasmādiṣṭatvena viṣayīkṛtamapi sādhyameva || 48 ||

tathā hi sāṅkhayanoktam- asti ātmā, tadviruddhaṃ bauddhenoktam- nāstyātmā iti, tataḥ sāṅkhayena svavādaviruddhaṃ bauddhavādaṃ hetūkṛtya viruddhavādanirākaraṇāya svavādapratiṣṭhāpanāya ca sādhanamupanyastam | ato 'nuktāvapyātmārthatā sādhyā, tadaśikaraṇatvād vivādasya | śayanāsanādiṣu hi puruṣopabhogāṅgeṣu ātmārthatvenāvvayo na prasiddhaḥ | saṅghātatvasya pārārthyamātreṇa tu siddhaḥ | tataḥ parārthā ityuktam |

cakṣurādaya iti | atrādigrahaṇād vijñānamapi parārtha sādhayitumiṣṭam | vijñānācca paraātmaiva syāt |

parasyārthakāri vijñānaṃ setsyatīti sāmarthyāt ātmārthatvaṃ sidhyati cakṣurādīnām- iti matvā parārthagrahaṇaṃ kṛtam | tena iṣṭasādhyatvavacanena noktamātram, api tu prativādino vivādāspadatvād vādinaḥ sādhayitumiṣṭam uktamanuktaṃ vā prakaraṇagamyaṃ sādhyam- ityuktaṃ bhavati || 47 ||

anirākṛta iti | vyākhyeyam | etaditi | anantaraprakrāntaṃ yat pakṣalakṣaṇamuktam- sādhyatveneṣṭaḥ ityādi, etallakṣaṇena yoge 'pyartho na pakṣa iti pradarśanārtham pratipādanāya anirākṛtagrahaṇaṃ kṛtam | kīdṛśo 'rtho na pakṣaḥ sādhayitumiṣṭo 'pi? ityāha- yaḥ sādhayitumiṣṭo 'rthaḥ pratyakṣaṃ ca anumānaṃ ca pratīniśca svavacanaṃ ca- etairnirākriyate viparītaḥ sādhyate, na sa pakṣa iti || 48 || tatreti | teṣu caturṣu pratyakṣādinirākṛteṣu pratyakṣanirākṛtaḥ kīdṛśaḥ? yathiti | yathāyaṃ nirākṛtastathānye 'pi draṣṭavyā iti yathāśabdasyārthaḥ |

50 anumānanirākṛto yathā- nityaḥ śabda iti ||

51 pratītinirākṛto yathā- acandraḥ śaśī iti || yathoktalakṣaṇayukto 'pyartho yadi sādhanadaśāyāṃ pratyakṣānumānaprasiddhisvavacanairnirākriyate, tadā so 'rthaḥ pakṣo na bhavatīti pradarśanārthamanirākṛta ityuktam || 48 || atra śravaṇam= ākarṇanam | karṇavijñānamiti śeṣaḥ | śrāvaṇapratīrtirvā | śravaṇena grāhyaḥ śrāvaṇaḥ | na śrāvaṇaḥ aśrāvaṇaḥ | karṇavijñānena apratīta iti śeṣaḥ | tathā cātra śabdo dharmī | aśrāvaṇatvai sādhyadharmaḥ | aśrāvaṇaḥ śabdaḥ iti partijñā tu pratyakṣeṇa nirākriyate| tathā hi- karṇavijñānasya śabdaprakāśakatvaṃ prāṇībhiḥ sarvaiḥ svayamavagamyate | tena śabde śrāvaṇatvasya svakīyajñānena pratīteraśrāvaṇatvaṃ nirākriyate || 49 ||

atra- ghaṭasya nityatvaṃ pratijñātaṃ kṛtādyanumānena nirākriyate | tathā hi kṛtakamanityaṃ dṛṣṭam, ghaṭo 'pi kṛtaka iti, tena kuto nityatvam || 50 ||

yadi kenacit śaśī na candraśabdabhidheyaḥ iti pratijñā kriyate, sa tu śaśī candraśabdābhidheya eva iti prasiddhayā nirākriyate | api ca sarveṣvartheṣu sarvasya śabdasya vācyatayāpi nirākriyate | śabdārthasambandhasya saṅketasūcitatvāt | yathā ghaṭasthāpi candraśabdābhidhānayogyatā || 51 ||

śravaṇena grāhayaḥ śrāvaṇaḥ, na śrāvaṇo 'śrāvaṇaḥ | śrotreṇa na grāhya iti pratijñārtheḥ | śrotrāgrāhyatvaṃ śabdasya pratyakṣasiddhena śrotragrāhyatvena bādhyate || 49 ||

anumānanirākṛto yathā- nityaḥ śabda iti | śabdasya pratijñātaṃ nityatvam anityatvenānumānasiddhena nirākriyate || 50 ||

pratītyā nirākṛtaḥ acandra iti candraśabdavācyo na bhavati | śaśīti pratijñātārthaḥ | ayaṃ ca pratītyā nirākṛtaḥ | pratīto 'rtha ucyate vikalpavijñānaviṣayaḥ | pratītiḥ = pratītatvam, vikalpavijñānaviṣayatvamecyate | tena vikalpajñānena pratītirūpeṇa śaśinaścandraśabdavācyatvaṃ siddhameva | tathāhi-

yadvikalpavijñānagrāhyaṃ tat śabdākārasaṃsargayogyam | yaccabdākārasaṃsargayogyaṃ tat sāṅketikena śabdena vaktuṃ śakyam | ataḥ pratītirūpeṇa vikalpavijñānaviṣayatvena siddhaṃ candraśabdavācyatvam, acandratvasya bādhakam | svabhāvahetuśca pratītiḥ | yasmād vikalpaviṣayatvamātrānubandhanī sāṅketikaśabdavācyatā, tataḥ svabhāvahetusiddhaṃ candraśabdavācyatvam avācyatvasya bādhakaṃ draṣṭavyam || 51 ||

52 svavacananirākṛto yathā- nānumānaṃ pramāṇam iti ||

kenacid anumānaṃ pramāṇaṃ na bhavati ityucyamāne tat svavacanena viruddham | anumānaṃ pramāṇameva yadi na syāt, etat vacanamapi na vaktavyam | tathā hi vākyamapi anumānantabhūrtameva | anumānaṃ ca yadi pramāṇaṃ na syāt vākyaṃ tāvat kutaḥ pramāṇam | tad vākyamapramāṇaṃ cet, kasmāducyate iti svavacanena viruddham || 52 ||

svavacanaṃ pratijñārthasyātmauyo vācakaḥ śabdaḥ, tena nirākṛtaḥ pratijñārtho na sādhyaḥ | yathā nānumānaṃ pramāṇamiti | atra anumānasya prāmāṇyaniṣedhaḥ partijñārthaḥ | sa nānumānaṃ pramāṇam ityanena svavācakena vākyena bādhyate | vākyaṃ hi etat prayujyamānaṃ vaktuḥ śābdapratyayasya sadarthatvamiṣṭaṃ sūcayati | tathā hi- madvākyād yo 'rthasampratyayastavotpadyate so 'satyārthaḥ iti darśayan vākyameva noccārayed vaktā, vacanārthaścedasatyaḥ pareṇa jñātavyaḥ, vavanamapārthakam | yo 'pi hi sarva mithyā bravīmi iti vakti, so 'pyasya vākyasya satyārthatvamādarśayanneva vākyamuccārayati | yadi etad vākyaṃ satyārthatvamādarśitam, evaṃ vākyāntarāṇyātmāyānyasatyārthāni darśitāni bhavanti | etadeva tu yadyasatyārtham, anyānyasatyārthāni na darśatāni bhavanti | tataśca na kiñciduccāraṇasya phalamiti noccārayet | tasmād vākyaprabhavavākyārthālambanaṃ vijñānaṃ satyārtha darśayannev vaktā vākyamuccārayati | tathā ca sati vāhyavastunāntarīyakaṃ śabdaṃ darśayatā śabdajaṃ vijñānaṃ satyārtha darśayitavyam | tato bāhyārthakāryāccabdādutpannaṃ vijñānaṃ satyārthamādarśayatā kāryaliṅgajamanumānaṃ pramāṇaṃ śābdaṃ darśitaṃ bhavati |

tasmāt nānumānaṃ pramāṇam iti bruvatā śābdasya pratyayasyāsatrārtho grāhya uktaḥ | asadarthatvameva hyaprāmāṇyamucyate, nānyat | śabdoccāraṇasāmarthyācca athāvinābhāvī svaśabdo darśitaḥ | tathā ca sannartho darśitaḥ | tataḥ kalpitādarśakāryāccacabdāccābdapratyayārthasyānumitaṃ sattvaṃ pratijñāyamānamasattvaṃ pratibadhnāti |

tadevaṃ svavacnānumitena sattvenāsattvaṃ bādhyamānaṃ svavacanena bādhitamuktamityayamatrārthaḥ | anye tvāhuḥ- abhiprāyakāryāccabdājjātaṃ jñānamabhiprāyālambanam | sadarthamiccataḥ śabdaprayogaḥ | tenāprāmāṇyaṃ pratijñātaṃ bādhyate iti |

tadayuktamḥ yata iha pratīteḥ svabhāvahetutvam, svavacanasya ca kārya

53 iti catvārā pakṣābhāsā nirākṛtā bhvantīti ||

54 evaṃ siddhasya, asiddhasyāpi sādhanatvenābhimatasya, tadā svayaṃ vādinā sādhayitumaniṣṭasya, uktamātrasya, nirākṛtasya ca viparyayeṇa sādhya iti | tenaiva svarūpeṇa vādina iṣṭo 'nirākṛtaḥ pakṣa iti pakṣalakṣaṇamana vadayaṃ darśitaṃ bhavati ||

atrāgamaviruddha svavacanaviruddhe 'ntabhūta iti sarve pakṣābhāsāścatvāra ityuktam | kiñca- āgamasya vastubalapravṛtte 'numāne 'nāśrayaṇīyatayāvirodhādapi uktam | iti iti | uktaprakāreṇa || 53 ||

atra viparītam iti pratyekaṃ yojanīyam | etena siddhasya viparītam asiddhasyāpi viparītam, sādhanatvenābhimatasya viparītam, tadā vādinā svayaṃ sādhayitumaniṣṭasya viparītam, uktamātrasya viparītam, nirākṛtamātrasya ca viparītaṃ pakṣatvena draṣṭavyamityayamartha ukto bhavati | tathā ca vaiparītyamukhena pakṣalakṣaṇakathanametat |

hetutvaṃ kalpitamiṣṭam, na vāstavam | abhiprākāryatvaṃ ca vāstavameva śabdasya tatastadiha na gṛhyate |

kiñci- yathā anumānamican, vahnayavyabhicāritvaṃ dhūmasya pratyeti, tathā śabdasyāpyabhiprāyāvyabhicāritvaṃ na pratyeṣyati | bāhyavastupratyāyanāya ca śabdaḥ prayujyate | tatra śabdasyābhiprāyāvinābhāvitvābhyupagamapūrvakaḥ śabdaprayogaḥ | api ca, na svābhiprāyanivedanāya śabda uccāryate, api tu bāhyasattvapratipādanāya | tasmād bāhyavastvavinābhāvitvābhyupagamapūrvakaḥ śabdapratyogaḥ | tataḥ pūrvakameva vyākhyātamanavadyam || 52 || evaṃ ca sati anirākṛtagrahaṇena anantaroktāścatvāraḥ pakṣavadavabhāsanta iti pakṣābhāsā nirastā bhavanti || 53 || samprati pakṣalakṣaṇapadāni yeṣāṃ vyavaccedakāni teṣāṃ vyavaccedena yādṛśaḥ pakṣārtho labhyate, taṃ darśayituṃ vyavaccedayāna saṃkṣipya darśayati- evamiti | anantaroktakrameṇa | siddhasya viparyayeṇa viparītvena hetunā sādhyo draṣṭavyaḥ | yasmādarthāt siddho 'rtho viparītaḥ sa sādhya ityarthaḥ | siddhaśca viparīto 'siddhasya | yasmādasiddhaḥ sādhyaḥ | asiddho 'pi na sarvaḥ, api tu sādhanatvenoktasyāsiddhasyāpi viparyayeṇa | svayaṃ vādinā sādhayitumaniṣṭasya asiddhasya viparyayeṇa | tathā uktamātrasya asiddhasyāpi viparyayeṇa | tathā nirākṛtasyāsiddhasyāpi viparyayeṇa sādhyaḥ |

55 trirūpaliṅgākhyānaṃ parārthānumānamityuktam | tatra trayāṇāṃ rūpāṇāmekasyāpi rūpasyānuktau sādhanābhāsaḥ ||

56 uktāvapyasiddhau sandehe vā pratipādayapratipādakayoḥ ||

tenaiva rūpeṇeti | sādhyatvenaiveti śeṣaḥ | vādinā iṣṭa iti | śāstrakāraspeṣṭo nirastaḥ | iṣṭa iti uktamātremeva neti pradarśanārtham | anirākṛta iti aparihāraṇīya iti śeṣaḥ | pakṣa iti | sādhya iti śeṣaḥ | iti pakṣalakṣaṇamanavadayaṃ darśitaṃ bhavatīti | eva pakṣasya lakṣaṇaṃ doṣarahitamabhitamiti | tadevaṃ yathārthalakṣaṇakamanumānaṃ kṛtavyākhyānam || 54 || anumānabhāsābhidhānānujñārthamāha- uktamiti |

uktvā hetvābhāsāsasya sambandha ucyate | tadā nyūnamiti sādhanadoṣo bhavati || 55 ||

trayāṇāṃ rūpāṇāṃ yogyamekamapi yadayuktamai vādiprativādinorasiddhaṃ sandigdhaṃ vā syat, tadāpi sādhanābhāsaḥ, syāt | tadevaṃ sādhanābhāsayogo darśitaḥ || 56 ||

yaścāyaṃ pañcabhirvyavccedayai rahito 'rthosiddho 'sādhanaṃ vādinaḥ svayaṃ sādhayitumiṣṭa ukto 'nukto vā pramāṇairanirākṛtaḥ sādhyaḥ, sa evāso svarūpeṇaiva svayamiṣṭo 'nirākṛta etaiḥ padairukta ityarthaḥ | yaścāyaṃ sādhayḥ sa pakṣa iti ucyate | itiśabda evamarthe | evaṃ pakṣalakṣaṇamanavadayamiti | avidyamānamavadayam= doṣo yasya tad anavadayam | darśitaṃ kathitam || 54 ||

trirūpaliṅgākhyānaṃ parisamāpayya, prasaṅgāgataṃ ca pakṣalakṣaṇamabhidhāya hetvābhāsān vaktukāmasteṣāṃ prastāvaṃ racayati- trirūpetyādinā |

etaduktaṃ bhavati- trirūpaliṅgaṃ vaktukāmena sphuṭaṃ tad vaktavyam | evaṃ ca tat sphuṭamuktaṃ bhavati yadi tacca, tatpratirūpakaṃ cocyate | heyajñāne hi tadviviktamupādeyaṃ sujñātaṃ bhavatīti | trirūpaliṅgākhyānaṃ parārthamaumānam iti prāguktam |

tatreti | tasmin sati | trirūpaliṅgākhyāne parārthānumāne satītyarthaḥ | trayāṇāṃ rūpāṇāṃ madhye ekasyāpyanuktau | apiśabdād dvayorapi | sādhanasya ābhāsaḥ sadṛśaṃ sādhanasya, na sādhanamityarthaḥ | trayāṇāṃ rūpāṇāṃ nyūnatā nāma sādhanadoṣaḥ || 55 ||

na kevalamanuktāvuktāvapyasiddhau sandehe vā | kasya? ityāha- pratipāvayasya prativādinaḥ pratipādakasya ca vādino hetvābhāsaḥ || 56 ||

57 ekasya svarūpasya dharmisambandhasyāsiddhau sandehe vāsiddho hetvābhāsaḥ ||

58 yathā- anityaḥ śabdaḥ iti sādhye cākṣuṣatvamubhayāsiddham ||

59 cetanāstaravaḥ iti sādhye sarvatvagapaharaṇe maraṇaṃ prativādayasiddham | vijñānendriyāyunirodhalakṣaṇasya maraṇasyānenābhyupagamāt | tasya ca taruṣvasambhavāt ||

viśeṣakathanārthamāha- ekasyeti |

dharmiṇā sambandho dharmisambandhaḥ | pakṣadharma ityarthah | tasyāsiddhau sandehe cāsiddho nāma hetvābhāso bhavati || 57 ||

dṛṣṭāntanirdeśarthamāha- yatheti || śabdasya cākṣuṣatvaṃ hi vādi- prativādinorubhayorapyananumatam || 58 || yadi digambarairuktam-vṛkṣāḥ cetanāḥ sarvatvagapaharaṇai maraṇāt iti bauddhaiḥ prayogate, tarhi vṛkṣāṇāṃ sarvatvagapaharaṇe maraṇaṃ bauddhānāmasiddham | kasmādasiddhamiti ced? āha- vijñānetyādi |

atha kasyaikasya rūpasyāsiddhau sandehe vā kisaṃjñako hetvabhāsaḥ?

ityāha- ekasya rūpasyeti | dharmiṇā saha sambandhaḥ dharmisambandhaḥ | dharmiṇi sattvaṃ hetoḥ tasya asiddhau sandehe vā asiddhasaṃjñako hetvābhāsaḥ | asiddhatvādeva ca dharmiṇyapratipattihetuḥ | na sādhyasya, na viruddhasya, na saṃśayasya hetuḥ, api tvapratipattihetuḥ | na kasyacidataḥ pratipattiriti kṛtvā | ayaṃ cārtho 'siddhasaṃjñākaraṇādeva pratipattavyaḥ || 57 ||

udāharaṇamāha-yathetyādi | anityaḥ śabda ityanityatvaviśiṣṭe śabde sāvye cākṣuṣatvaṃ cakṣurgrāhyatvaṃ śabde dvayorapi vādiprativādinora siddham || 58 ||

cetanāstarava iti | tarūṇāṃ caitanye sādhye | sarvā tvak sarvatvak tasyā apaharaṇe sati maraṇaṃ digambarairūpanyastaṃ prativādino bauddhasya asiddham |

kasmādasiddha? ityāha- vijñānamityādi | vijñānaṃ cendriyaṃ cāyuśceti dvandvaḥ tatra vijñānaṃ cakṣurādijanitam | rūpādivijñānotpattyā yadanumitaṃ kāryāntarbhūtaṃ cakṣurgolakādisthitaṃ rūpaṃ tad indriyam | āyuriti loke prāṇā ucyate | na cāgamasiddhiriha yujyate vaktum | ataḥ prāṇasvabhāvamāyuriha | teṣāṃ nirodho nivṛttiḥ | sa lakṣaṇaṃ tattvaṃ yasya tat tathoktamḥ tathābhūtasya maraṇasyānena bauddhena pratijñātatvāt |

60 acetanāḥ sukhādayaḥ iti sādhye utpattimattvamanityatvaṃ vā sāṅkhayasya svayaṃ vādino 'siddham ||

vijñānaṃ ca indriyāṇi ca āyuśceti vigrahaḥ | teṣāṃ virodho vijñānendriyāyu nirodhaḥ | sa eva lakṣaṇaṃ yasya maraṇasya tad vijñānendriyāyunirodhalakṣaṇaṃ maraṇam | bauddhānāṃ tu tathāvidhaṃ maraṇamanumatam | na tu śoṣamātram | tādṛśaṃ hi maraṇaṃ vṛkṣeṣu na sambhavatīti || 59 || yadā sāṅkhyairuktam- sukhādayo 'cetanāḥ, utpattimattvādanityatvāt iti bauddhaiḥ pramīyate, tadā sukhādiṣūtpattiranityatvaṃ vā sāṅkhayānāṃ svayamevāsiddhamḥ tasya hi kimapi notpadyate, kimapi vā na vinaśyati || 60 || yadi nāmaivam, tathāpi kathamasiddham? ityāha- tasya ca vijñānādinirodhātmakasya taruṣvasambhavāt | sattāpūrvako nirodhaḥ | tataśca yo vijñānanirodhaṃ taruṣviccet, sa kathaṃ vijñānaṃ neccet | tasmād vijñānāniṣṭernirodho 'pi neṣṭastaruṣu |

nanu ca śoṣo 'pi maraṇamucyate, sa ca taruṣu siddhaḥ? satyamḥ kevalaṃ vijñānasattayā vyāptaṃ yat maraṇaṃ tadiha hetuḥ | vijñānanirodhaśca tatsattayā vyāptaḥ, na śoṣamātram | tato yanmaraṇaṃ hetustat taruṣvasiddham | yattu siddhaṃ śoṣātmakaṃ tadahetuḥ |

digambarastu sādhyena vyāptavyāptaṃ vā maraṇamavivicya maraṇamātraṃ hetumāha | tadasya vādino hetubhūtaṃ maraṇaṃ na jñātam | ajñānāt siddhaṃ śoṣarūpam, śoṣarūpasya maraṇasya taruṣu darśanāt prativādinastu jñātam, ato 'siddham | yadā tu vādino 'pi jñātam, tadā vādino 'pyasiddhaṃ syāditi nyāyaḥ || 59 ||

acetanāḥ sukhādaya iti | sukhamādiryeṣāṃ duḥkhādīnāṃ te sukhādayaḥ | teṣāmacaitanye sādhye utpattimattvam, anityatvaṃ vā liṅgamupanyastam | ya utpattimanto 'nityā vā te na cetanāḥ, yathā rūpādayaḥ | tathā ca- utpatti manto 'nityā vā sukhādayaḥ tasmādacetanāḥ | caitanyaṃ tu puruṣasya svarūpam | atra cotpattimattvamanityatvaṃ vā paryāyeṇa hetuḥ na yugapat | tacca dvayamapi sāṃkhyasya vādino na siddham | parārtho hi hetūpanyāsaḥ | tena yaḥ parasya siddhaḥ sa heturvaktavyaḥ | parasya cāsata utpatimattvam, sataśca niranvayo vināśo 'nityatvaṃ siddham | tādṛśaṃ sāṃkhyasyāsiddham | ihāpi anityatvotpatti-

61 tathā svayaṃ tadāśrayaṇasya vā sandehe 'siddhiḥ ||

62 yathā vāṣpādibhāvena sandihyamāno bhūtasaṅghāto 'gnisiddhāvupadiśyamānaḥ sandigdhāsiddhaḥ ||

63 yathā- iha nikuñje mayūraḥ,kekāyitāditi || yadā hetorātmanastadadhikaraṇasya vās andehaḥ, tadā asiddhaetvābhāso bhavati || 61 || tatra dṛṣṭāntaḥ- yatheti |

vāṣpa ādiryasya sa vāṣpādiḥ, teṣāṃ bhāvo vāṣpādibhāvaḥ | vāṣpādisvarūpamiti śeṣa | bhūtānāṃ saṅghāto bhūasaṅghātaḥ | agnisiddhau hetuḥ kriyate ced? asau vāṣpo vā dhūlirvā kuhelikā vā? iti vāṣpādibhāvena sandihyamānaḥ asiddhahetvābhāso bhavati || 62 ||

tadāśraya- sandehanirdeśārthamāha- yatheti ||

mayūradhvanipravāhaḥ= kekāyitamiti | nikuñcaḥ= parvatapradeśaviśeṣaḥ | yadi kenacit iha nikuñje mayuro 'sti, kekāyitādu iti pramīyate, tadā mayūradhvanistatra tadabhimatānikuñje sandigdha eva || 63 ||

mattvasādhanājñānād vādino 'siddham | yadi tvanityatvotpattimattvayoḥ prāmāṇyaṃ vādinā jñātaṃ syāt, tadā vādino 'pi siddhaṃ syāt | tataḥ pramāṇāpraijñānādidaṃ vādino 'siddham || 60 ||

sandigdhāsiddhaṃ darśayitumāha- tatheti | svayamiti hetorātmanaḥ sandehe 'siddhah | tadāśrayaṇasya veti | tasya hetorāśrayaṇam | āśrīyate 'smin heturityāśrayaṇam, hetorvyatirikta āśrayabhūtaḥ sadhyadharmī kathyate | tatra hi heturvartamāno gamakatvenāśrīyate tasyaśrayaṇasya sandehe sandigdhaḥ || 61 ||

ātmanā sandihyamānamudāhartumāha- yatheti | vāṣpa ādiryasya sa vāṣpādiḥ, tadbhāvena vāṣpāditvena sandihyamāno bhūtasaṅghāta iti | bhūtānāṃ pṛthivyādīnāṃ saṃghātaḥ samūhaḥ | agnisiddhau agnisiddhayarthamupādīyamāno 'siddhaḥ |

etaduktaṃ bhavati- yadā dhūmo 'pi vāṣpāditvena sandigdho bhavati, tadāsiddhaḥ, gamakarūpāniścayāt | dhumatayā niścito vahnijanyatvād gamakaḥ | yadātu sandigdhaḥ, tadā na gamakaḥ- ityasiddhatākhyo doṣaḥ || 62 ||

āśrayaṇāsiddhamudāharati- yatheti | iha nikuñja iti dharmī | parvato paribhāgena tiryaṅnirgatena praccādito bhūbhāgo nikuñjaḥ | mayūra iti sādhyam | kekāyitāditi hetuḥ | kekāyitam= mayūradhvani |63 ||

64 tadāpātadeśavibhrame ||

65 dhamyaṃsiddhāvapyasiddhaḥ- yathā sarvagata ātmā iti sadhye sarvatro palabhyamānaguṇatvam ||

kathaṃ sandigdha iti cet? āha- tadeti |

mayūradhvanyāpātadeśaḥ sandigdha eva | sa hi mayūradhvaniḥ kasmānnikuñjapradeśānniḥ saratītyatra saṃśaya eva | 64 ||

sarvagataḥ nikhilavyāpī | vibhuriti śeṣaḥ | sarvatropalabhamānā guṇā yasyeti vigrahaḥ | tasya bhāvaḥ sarvatropalabhyamānaguṇatvam | kaścit sarvatropalabhyamānaguṇatvena sarvagatatvamātmanaḥ sādhayati | tatrāśrayasiddho hetuḥ | tathāhi- sarvatropalabhyamānaguṇatvaṃ yasya dharma uktaḥ sa ātmaiva nāsti |

ayaṃ tu parasaṃvādaḥ | sukhādaya ātmaguṇā iti prasiddham | te ca sarvadeśasya eva devadatta upalabhyante | kriyābhāvādātmani gamanāgamane na staḥ | yasmāttasya guṇāḥ sarvatropalabhyante, tasmāt nūnamātmā sarvatra sthita iti || 65 ||

kathamayamāśrayaṇāsiddhaḥ? ityāha tadāpāta iti | tasya kekāyitasya āpāta āgamanam, tasya deśaḥ sa ucyate yasmād deśādāgaccati kekāyitam | tasya vibhrame vyāmohe satyayamāśrayaṇāsiddhaḥ | nirantareṣu bahuṣu nikuñjeṣu satsu yadā kekāyitāpātanikuñje vibhramaḥ- kimasmānnikuñjāt kekāyitamāgatam? āhosvid anyasmāditi? tadāyamāśrayaṇāsiddha iti || 64 ||

dharmmiṇ'sidhāvapyasiddhatvamudāharati- yatheti | sarvasmin gataḥ sthitaḥ sarvagataḥ | vyāpīti yāvat | vyāpitva ātmanaḥ sādhye sarvatropalabhyamānaguṇatva liṅgam | sarvatra deśe upalabhyamānāḥ sukhaduḥkheccārāgadveṣādayo guṇā yasyātmanastasya bhāvastattvam | na guṇā guṇinamantareṇa vartante, guṇānāṃ guṇini samavāyāt | niṣkriyaścātmā | tataśca yadi vyāpī na bhavet, kathaṃ darkṣiṇāpathe upalabdhaḥ dukhādayo madhyadeśe upalabhyeran tasmāt sarvagata ātmā |

tadiha bauddhasya ātmaiva na siddhaḥ, kimuta sarvatropalabhyamānaguṇatvaṃ sidhyet tasya ityasiddhau hetvābhāsaḥ pūrvamāśrayaṇasandehena dharmiṇi sandeha uktaḥ | samprati tvasiddho dharmyukta ityanayorviśeṣaḥ | tadevamekasya rūpasya dharmisambandhasyāsiddhāvasiddho hetvābhāsaḥ || 65 || 66 tathaikasya rūpasyāsapakṣe satvasyāsiddhāvanaikāntiko hetvābhāsaḥ ||

67 yathā śabdasyānityatvādike dharme sādhye prameyatvādiko dharmaḥ sapakṣavipakṣayoḥ sarvatraikadeśe vā vartamānaḥ || vyatirekāsiddhau anaikāntiko hetvābhāso praṣṭavyah || 66 || dṛṣṭāntanirdeśārthamāha- yatheti ||

nityatvamādiryasya dharmasya sa nitytvādikaḥ | tathā prameyatvamādiryasya sa prameyatvādikaḥ | śabdo 'nityaḥ prameyatvāt iti sādhye prameyatvaṃ sapakṣavipakṣayoḥ sarvatrāsti | śabdo na prayatnāntarīyakaḥ anityatvāt iti sādhye, anityatyatvaṃ sapakṣasya ekadeśe vipakṣasya ca sarvatraivāsti | śabdaḥ prayatnāntarīyakaḥ, anityatvāt iti

tathā aparasyaikasya rūpasya asapakṣe 'sattvākhyasyāsiddhāvanaikāntiko hetvābhāsaḥ ||

eko 'nta ekāntaḥ= niścayaḥ, sa prayojanamasyeti aikāntikaḥ, naikāntiko 'naikāntikaḥ | yasmānna sādhyasya na viparyayasya niścayaḥ, api tu tadviparītaḥ saṃśayaḥ | sādhyetarayoḥ saṃśayeheturanakāntika uktaḥ || 66 ||

tamudāharati- yathetyādinā | anityatvamādiryasyāmī anityatvādiko dharmaḥ | ādi śabdādaprayatnānantarīyakatvaṃ prayatnānantarīyakatvaṃ nityatvaṃ ca parigṛhyate | prameyatvamādiryasya sa prameyatvādikaḥ | ādi śabdādanityatvam, punaranityatvam, amūrtatvaṃ ca gṛhyate | śabdasya dharmiṇo 'nityatvādike dharme sādhye prametvādiko dharmo 'naikāntikaḥ | caturṇāmapi hi vipakṣe 'sattvamasiddham |

tathā hi- anityaḥ śabdaḥ, prameyatvāt, ghaṭavat ākāśavat- iti prameyatvaṃ sapakṣavipakṣavyapi |

aprayatnānantarīyakaḥ śabdaḥ, anityavāda vidyudākāśavad ghaṭavacca ityanityatvaṃ sapakṣaikadeśavṛtti vidyudādāvasti, nākāśādauḥ vipakṣavyāpi prayatnānatarīyake sarvatra bhāvāt |

anityatvāt prayatnānantarīyakaḥ śabdaḥ ghaṭavat, vidyudākāśavacca ityanityatvaṃ vipakṣaikadeśavṛtti | vidyudādāvasti, nākāśādauḥ, sapakṣavyāpi sarvatra prayatnāntarīyake bhāvāt |

nityaḥ śabdaḥ amūrtatvād, ākāśaparamāṇuvat, karmaghaṭavaccaṃ- ityamūrtatvamubhayaikadeśavṛtti, ubhayorekadeśe ākāśe karmaṇi ca vartateḥ paramāṇau tu

68 tathā asyaiva rūpasya sandehe 'pyanaikāntika eva |

69 yathā asarvajñaḥ kaścid vivakṣitaḥ puruṣo rāgādimān veti sādhye vaktṛtvādiko dharmaḥ sandigdhavipakṣavāvṛttikaḥ ||

sādhye, anityatvaṃ upakṣasya sarvatra vipakṣasya caikadeśe 'sti | śabdo nityaḥ, asparśāt iti sādhye, sparśābhāvaḥ sapakṣavipakṣayorubhayokadeśe 'sti | etena sādhāraṇānaikāntikaścaturvidha uktaḥ || 67 || vipakṣe 'sattvameva yadā sandigdhastadāpi anaikāntika eva || 68 || dṛṣṭāntanidarśanārthamāha- yatheti |

kenacid vivakṣitaḥ- kaścit puruṣo na sarvajño vaktṛtvāt tathā rāgādimān vā vaktṛtvādeva iti ucyamāne tasya vaktṛtvādidharmo 'naikāntika eva |

sa cānaikāntikaḥ kinnāmaka iti cet? āha- sandigdhetyādi | vipakṣād vyāvṛttiḥ sandigdhā asyeti sa sandigdhavipakṣavyāvṛttikaḥ | sandigdhavyatireka iti śeṣaḥ | sarvajñaḥ kaścid vaktā na dṛśyate iti adarśane 'pi vyatireka siddhirna bhavati || 69 ||

sapakṣaikadeśe ghaṭādau ca vipakṣaikadeśe na vartateḥ, mūrtatvād ghaṭaparamāṇuprabhatīnām |

nityāstu paramāṇavo vaiśeṣikairabhyupagamyante | tataḥ sapakṣāntargatāḥ | asya caturvidhasya pakṣadharmasyasattvamasiddhaṃ vipakṣe | tato 'naikānti katā || 67 || yathā cāsya rūpasyāsiddhavanaikāntikaḥ, tathā asyaiva vipakṣe 'sattvākhyasya rūpasya sandehe 'naikāntikaḥ || 68 || tamudāharati- yatheti | asarvajña iti | asarvajñatvaṃ sādhyam | kaścid vivakṣita iti | vakturabhipretaḥ | puruṣo dharmī | rāga ādiryasya dveṣādeḥ sa rāgādiḥ, sa yasyāsti sa rāgādimān iti dvitīyaṃ sādhyam | vā grahaṇaṃ rāgādimattvasya pṛthaksādhyatvakhyāpanārtham | tato 'sarvajñatve rāgādimattve vā sādhye prakṛte vaktṛtvam= vacanaśaktiḥ, tadādiryasyonmeṣanimeṣādeḥ sa vaktṛtvādiko dharmo 'naikāntikaḥ |

sandigdhāvipakṣād vyāvṛttiryasya sa tathoktaḥ | asarvajñatve sādhye sarvajñatvaṃ vipakṣaḥ | tatra vacanādeḥ sattvamasattvaṃ vā sandigdham | ato na jñāyateki vaktā sarvajñaḥ? uta asarvajñaḥ?- ityanaikāntikaṃ vaktṛtvam || 69 ||

70 sarvajño vaktā nopalabhyate ityevamprakārasyānu palambhasyādṛśyātmaviṣayatvena sandehahetutvāt | tato 'sarvajñaviparyayādvaktṛtvādervyāvṛtiḥ sandigdhā |

71 vaktṛtvasarvajñatvayovirodhābhāvācca yaḥ sarvajñaḥsa vaktā na bhavatītya darśane 'pi vyatireko na siddhayati, sandehāt ||

kathamayamanaikāntika iti cet? tatrāha- evamiti |

sarvajñasa vakturdarśane 'pi, adṛśyātmaviṣayeyamanupalabdhiriti adṛśyātmaviṣayatvāt sandehetureva bhavati | vyatirekasiddhi nābhidhatte | adṛśyaviṣayānupalambhaḥ saṃśayasyaiva heturiti asarvajñaparyayāt sarvajñāt vaktṛtvalakṣaṇahetornivṛttiḥ sandigdhaiva || 70 || anupalabdhiradṛśyātmaviṣayatvād vyatirekaṃ mā sādhayatu, svabhāvavirodhopalabdhyā siddhiḥ, syāditi cet? tatrāha- vaktṛtveti |

vaktṛtva- sarvajñayostu virodho nāsti | tasmāt- sarvajñasya vakturadarśane 'pi vaktṛtvasarvajñatvayovirodhābhāvād vaktṛtvasya sarvajñatvād vyāvṛttiriti na sidhyati sandehasattvāt || 71 ||

nanu ca sarvajño vaktā nopalabhyate, tat kathaṃ vacanaṃ sarvajñe sandigdham? ata eva sarvajño vaktā nopalabhyate ityevamprakārasya evañjātīyasya anupalambhasya sandehahetutvāt | kutaḥ? ityāha- adṛśya ātbhā viṣayo yasya tasya bhāvo 'dṛśyātmaviṣayatvam | tena sandehahetutvam | yato 'dṛśyaviṣayo 'nupalambhaḥ sandehahetuḥ na niścayahetuḥ, tato 'sarvajñavipakṣāt sarvajñād vaktṛtvādervyāvṛttiḥ sandigdhā || 70 ||

nānupalambhāt sarvajñe vaktṛtvamasad brūmaḥ, apitu sarvajñatvena saha vaktṛtvasya virodhāt | etanna | sarvajñatvavaktṛtvayorvirodho nāsti | virodhābhāvācca kāraṇāt vyatireko na sidhyati- iti sambandhaḥ |

vyāptimantaṃ vyatirekaṃ darśayati- yaḥ sarvajña iti | sadhyābhāvarūpaṃ sarvajñatvamanūdya sa vaktā na bhavati iti sādhanasya vaktṛtvasyābhāvo vidhīyate | tena sādhyābhāvaḥ sādhanābhāve niyatatvāt sādhanābhāvena vyāpta ukta iti | vyāptimānīdṛśo vyatireko virodhe sati vaktṛtvasarvajñatvayoḥ sidhyet | na cāsti virodhaḥ, tasmānna sidhyati | kutaḥ? ityaha- sandehād | yato virodhahbāvaḥ, tasmāt sandehaḥ | sandehād vyatirekāsiddhiḥ || 71 ||

72 dvividho hi padārthānāṃ virodhaḥ ||

73 avikalakāraṇasya bhavato 'nyabhāve 'bhavād virodhagatiḥ ||

kathaṃ tayorvirodhābhāva iti cet? tatrāha= dvividha iti |

yatra yaḥ ko 'pi virodha upalabhyate sa sarva eva prakāradvaye 'ntarbhavati | eko vāstavavirodhaḥ, dvitīyo lākṣaṇikavirodhaḥ || 72 ||

vāstavavirodhakathanārthamāha- avikaleti |

yadā bhāvasya kāraṇasamūhānāmavaikalye kāraṇanivartyasyābhirbhāvaḥ | anyabhāvapariniṣpattau ca nivṛttistadā virodhapratītiḥ || 73 ||

kathaṃ virodhābhāvaḥ? dvividha iti | hīti | yasmād dvividha eva virodhaḥ, nānyaḥ, tasmānna vaktṛtvasarvajñatvayovirodhaḥ || 72 ||

kaḥ punarasau dvividho virodhaḥ? ityāha- avikalakāraṇasyeti | avikalāni samagrāṇi kāraṇāni yasya sa tathoktaḥ | yasya kāraṇavaikalyādabhāvaḥ, na tasya kenacidapi virodhagatiḥ | tadarthamavikalakāraṇam |

nanu ca yasyāpi kāraṇasākalpam, tasyāpi nivṛttiraśakyā kenacidapi kartum, tat kuto virodhagatiḥ? evaṃ tarhi avikalakaraṇasyāpi yatkṛtāt kāraṇavaikalyādabhāvastena virodhagatiḥ |

tathā ca sati, yo yasya viruddhaḥ sa tasya kiñcitkara | eva tathāhi- śītasparśasya janako bhūtvā śītasparśāntarajananaśakti pratibadhnan śītasparśasya nivartako viruddhaḥ | tasmāddhetuvaikalyakārī viruddho janaka eva nivatvasya | sahānavasthānavirodhaścāyam | tato viruddhayorekasminnapi kṣaṇe sahāvasthānaṃ parihṛtavyam | dūrasthayorvirodhābhāvācca nikaṭastahyoreva nivartyanivartakabhāvaḥ |

tasmād yo yasya nivartakaḥ sa taṃ yadi paraṃ tṛtīyakṣaṇe nivartayati, prathame kṣaṇe sannipatannasamarthavasthādhanayogyo bhavati, dvitīye viruddhamasamartha karoti, tṛtīye tvasamarthe nivṛtte taddeśamākrāmati |

tatrāloko gatidharmā krameṇa jalataraṅganyāyena deśamākrāman yadāndhakāranirantaramālokakṣaṇaṃ janayati, tadālokasamīpavartinamandhakāramasamartha janayti | tato 'sāmarthya tasya yasya samīpavarttyālokaḥ | asamarthe nivṛtte taddeśe jāyata āloka ityevaṃ krameṇālokenāndhakāro 'paneyaḥ | tathoṣṇaḥ sparśena śītasparśo nivartanīyaḥ |

yadā tvālokastatraivāndhakāradeśe janyate, tadā yataḥ kṣaṇādandhakāradeśasyā lokasya janakaḥ kṣaṇa utapdayate, tata evāndhakāro 'ndhakārāntarajananāsamartha

74 śītoṣṇasparśavat ||

75 parasparaparihārasthitalakṣaṇatayā vā bhāvābhāvavat ||

yathā śītoṣṇasparśayoḥ śītasyāvikalakāraṇasya sato yadā uṣṇatvāpariniṣpattistada śītatvanivṛttiḥ | tayośca loke virodhapratītiḥ || 74 ||

parasparaparihāreṇa sthitaṃ lakṣaṇaṃ yeṣāṃ tāni parasparaparihārasthitalakṣāṇāni, teṣāṃ bhāvaḥ parasparihāraśitalakṣaṇatā, tayā virodhaḥ | yathā bhāvābhāvayoḥ bhāvo 'bhāvaparihāreṇa vyavasthitaḥ, abhāvaśca bhavaprihāreṇa vyavasthitaḥ || 75 ||

utpannaḥ | tato 'samarthavasthājanakatvameva nivartakatvam | ataśca yasmin kṣaṇe janakaḥ, tatastṛtīye kṣaṇe nivṛtto viruddho yadi śīghraṃ nivartate |

janyajanakabhāvācca santānayovirodhaḥ, na kṣaṇayoḥ | yadyapi ca na santāno nāma vastu, tathāpi santānino vastubhūtāḥ | tato 'yaṃ paramārthaḥ na kṣaṇayovirodhaḥ, apitu bahūnāṃ kṣaṇānām | yataḥ satsu dahanakṣaṇeṣu pravṛttā api śītakṣaṇā nivṛttidharmāṇo bhavantīti santānayornivartyanivartakatvanimitte ca virodhe sthite sarveṣāṃ paramāṇūnāṃ satyapyekadeśāvasthānābhāve na virodhaḥ, itaretarasantānānivartanāt teṣām | gatidharmā cāloko yāṃ diśamākrāmati, taddigvartino virodhisanānān nivartayati | tato 'pavarakaikadeśasthā pradīpaprabhāndhakāranikaṭavartinyapi nāndhakāraṃ nivartayatiḥ andhakārākrāntāyāṃ diśyālokakṣaṇāntarajananāsāmarthyat | kāraṇasāmarthyahetutvakṛtaṃ santānaniṣṭhameva virodhaṃ darśayatā bhavatā iti kṛtam | bhavataḥ prabandhena pravartamānasya śītasparśasantānasyābhāvo 'nyasyoṣṇasantānasya bhāve satīti |

ye tvāhuḥ- na virodho vāstavaḥ iti, ta idaṃ taktavyāḥ- yathā na niṣpanne kārye kaścijjanya janakabhāvo nāma dviṣṭho 'sti, kāraṇapūrvikā tu kāryavṛttiḥ | ato vāstava eva | tadvanna nivṛtte vastuni kaścid dviṣṭho nāma virodho 'sti | dahananimittaṃ tu śītasparśasya kṣaṇāntarajananāsāmarthyam | ato virodho 'pi vāstava eva | || 73 ||

udāharaṇabhāha- śīteti | śītaścoṣṇaśca tāveva śītasparśau, tayoriva | śītoṣṇasparśayorhi pūrvavad virodho yojanīyaḥ || 74 ||

dvitīyamapi virodhaṃ darśayitumāha- parasparetyādi | parasparasya parihāraḥ= parityāgaḥ, tena sthitaṃ lakṣaṇam= rūpaṃ yayoḥv tadbhāvaḥ parasparaparihārasthitalakṣaṇatā, tayā |

76 sa ca dvividho 'pi virodho vaktṛtvasarvajñatvayorna sambhavati ||

sa cobhayavidho 'pi virodho vaktṛsarvajñayorna sambhavati | vaktṛtvasya hi iha yasmin pariccidyamāne yad vyavaccidyate, tat pariccidyamānamaviccadyamānaparihāreṇa sthitarūpaṃ draṣṭavyam | nīle ca pariccedyamāne tādrūpyapracyutiravaccidyate, tadavyavaccede nīlāpariccedaprasaṅgāt | tasmād vastuno bhāvābhāvau parasparaparihāreṇa sthitarūpau | nīlāttu yadanyadrūpaṃ tannīlābhāvā vyabhicāri | nīlasya dṛśyasya pītādāvupalabhyamāne 'nupalambhādabhāvaniścayāt | yathā ca nīlaṃ svabhāvaṃ pariharati, tadvad abhāvāvyabhicāri pītādikamapīti | tathā ca bhāvābhavayoḥ sākṣād virodhaḥ, vastunostvanyonyā bhāvāvyabhicāritvād virodhaḥ |

kasya cānyatrābhāvāvasāyaḥ? yo niyatākāro 'rthaḥ, tasya | na tvaniyatākāraḥ | kṣaṇikatvādivat | kṣaṇikatvaṃ hi sarveṣāṃ nīlādīnāṃ svarūpātmakam | ato na niyatākāram yataḥ kṣaṇikatvaparihāreṇa na kiñcid dṛśyate |

yadyavam, abhāvo 'pi na niyatākāraḥ | kathamaniyatākāro nāma? yāvatā vasturūpaviviktākāraḥ kalpito 'bhāvaḥ | tato dṛsṭaṃ kalpitaṃ vā niyataṃ rūpamanyatrāsadityavasīyate, nāniyatam | evaṃ nityatvapiśācādirapi niyatākāraḥ kalpito draṣṭavyaḥ | ekātmatvavirodhascāyam | yayorhi parasparaparihāreṇāvasthānaṃ tayorekatvābhāvaḥ |

ata eva lākṣaṇiko 'yaṃ virodha ucyate | lakṣaṇaṃ rūpam, vastūnāṃ prayojanamasyeti kṛtvā | virodhena hyanena vastutvaṃ vibhaktaṃ vyavasthāpyate | ata eva dṛśyamāne rūpe yanniṣidhyate, tad dṛśyamevābhyupagamya niṣidhyate | tathā hi- abhāvo 'pi piśāco 'pi yadā pīte niṣedbhūmiṣyate, tadā dṛśyātmataya niṣedhya iti dṛśyatvamabhyupagamya dṛśyānupalabdhereva niṣedhaḥ | tathā ca sati rūpe pariccidyamāna ekasmistadabhāvo dṛśyo vyavaccidyate | yacca tadabhāvavanni yatākāraṃ rūpam, tadapi dṛśyaṃ vyavaccidyate | tataḥ dvapracyutivat pracyutimanto 'pi vyavaccinnā iti ye parasparaparihārasthitarūpāḥ sarve te 'nena niṣiddhakatvāditi | satyapi cāsmin virodhe sahāvasthānaṃ syādapi |

tato bhinnavyāpāro virodhau | ekena virodhena śītoṣṇasparśayorekatvaṃ vāryate | anyena sahāvasthānam, bhinnaviṣāyau ca | sakale vastunyavastuni ca parasparaparihāravirodhaḥ | vastunyeva katipaye sahānavasthānavirodhaḥ | tasmād bhinnavyāparo | bhinnaviṣayau ca | tato nānayoranyonyāntarbhāva iti || 75 ||

sa cāyaṃ dvividho 'pi virodho vaktṛtvaṃ ca sarvajñatvaṃ ca tayorna sambhavati |

77 na cāviruddhavidheranupalabdhāvapyabhāvagatiḥ ||

78 rāgādīnāṃ vacanādeśca kāryakāraṇabhāvasiddheḥ ||

79 arthāntarasya cākāraṇasya nivṛttau na vacanādenirvṛttiḥ ||

avikalakāraṇasya sataḥ sarvajñatvapariniṣpattāvapi nivṛttinaṃ iṣṭā | vaktṛtvaparihāreṇāpi sarvajñatvasya na vyavasthitiḥ, nāpi vā sarvajñatvaparihāreṇa vaktṛtvasya vyavasthitiḥ || 76 ||

virodhābhāve ca aviruddhavadvaktṛtvaṃ sarvajñatvāvaviparyayeṇopalabhyata iti cet? tatrāha- naceti |

yatra viruddhatvena nābhidhānaṃ tatra vastunoranupalabdhāvapi nābhāvaniścayaḥ sambhavati | asarvajñatve sādhye vaktṛtvasya vyatirekastathaiva sandigdhaḥ || 77 ||

rāgādimattvena nirdeśe 'pi vyatirekasandehakathanārthamāha- rāgādīnāmiti | rāgādirvacanasya heturityetadasiddham || 78 || astu rāgādivacanayoḥ kāryakāraṇabhāvo 'siddhaḥ, tataḥ kimiti cet? āha-

na hyavikalakāraṇasya sarvajñatvasya vaktṛtvabhāvādabhāvagatiḥ | sarvajñatvaṃ hyadṛśyam | adṛṣṭasya cābhāvo nāvasīyateḥ, tato nānena virodhagatirbhavati |

na ca vaktṛtvaparihāreṇa sarvajñatvamavasthitam | kāṣṭhādayo hi vaktṛtvaparihṛtāḥ, teṣāmapi sarvajñatvaprasaṅgāt | nāpi sarvajñatvaparihāreṇa vaktṛtvamḥ kāṣṭhādīnāmapi vaktṛtvaprasaṅgāt | tata evāvirodhād vaktṛtvavidherna sarvajñatvaniṣedhaḥ || 76 ||

syādetat- yadi nāstyeva virodho ghaṭapaṭayoriva, syādapi tayoḥ sahāvasthitidarśanam | sahāvasthityadarśanāttu virodhagatiḥ, virodhāccābhāvagatiḥ? iyāśaṅkayāha- na cāviruddhavidheriti | anupalabdhāvapi nāyaṃ viruddhavidhiḥ | yadayapi sahāvasthānānupalambhastathāpi na tayovirodhaḥ | yasmānna sahānupalambhamātrād virodhaḥ, api tu dvayorupalabhyamānayonivartyanivartakabhāvāvasāyāt | tasmādanupalabdhāvapi na vaktṛtvavidheviruddhavidhiḥ | ato 'smānnānyasyābhāvagatiḥ || 77 ||

tathā na vaktṛtvād rāgādimattvagatiḥ | yato yadi vacanādi rāgādīnāṃ kārya syād, vacanādeḥ rāgādigatiḥ syāt | rāgādinivṛtto vacanādinivṛttiḥ syāt, na ca kāryam | kutaḥ? rāgādīnāṃ vacanādeśca kāryakāraṇabhāvasāsiddheḥ | kāraṇānna kāryam | ato 'smānna gatiḥ || 78 ||

mā bhūd rāgādikāryam, vacanaṃ sahacāri tu bhavati | tato rāgādau

80 iti sandigdhavyatireko 'naikāntiko vacanādiḥ ||

81 dvayo rūpayorviparyasiddhau viruddhaḥ ||

82 kayordvayoḥ?

83 sapakṣe sattvasya, asapakṣe vāsattvasya | yathā kṛtakatvaṃ prayatnānantaroyakatvaṃ ca nityatve sādhye viruddho hetvābhāsaḥ ||

arthāntarasyeti | arthāntaram rāgādikam | akāraṇasya tasya nivṛttau kathaṃ vacanādernivṛttiḥ syāt? || 79 ||

tathāhi yasmād vaktṛtvasarvajñatvayoḥ ko 'pi virodho nāsti | rāgādivacanayorvā na kāryakāraṇabhāvaḥ | tatmāt asarvajñanivṛttyā rāgādinivṛttyā vā vacananivṛttiḥ sandigdhā | tasmāt, sandigdhavyatireko nāmānaikāntikaḥ || 80 || yadi dvayo rūpayorviparyayasiddhistadā viruddhahetvābhāsaḥ syāt || 81 ||kayordvayo rūpayorviparyapratītau viruddhahetvābhāsa ucyate? || 82 || anvaya vyatirekāviti śeṣaḥ | evaṃ viruddhasya sāmānyaṃ lakṣaṇamuktam |

viśeṣeṇa kathanārthamāha- kṛtakatvamityādi |

sahacāriṇi nivṛtte nivartate vacanam? ityāśaṅkayāha- arthāntarasya cākaraṇasya nivṛtau sahacāritvadarśanamātreṇa nānyasya vacanādenivṛttiḥ | ato vaktṛtvaṃ bhaved rāgādivirahaśca || 79 ||

itiśabdastasmādarthe | tasmādasarvajñatvaviparyayād vipakṣāt sarvajñatvād rāgādimattvaviparyayādarāgādimattvāt sandigdho vyatireko vacanāde | ato 'naikāntiko vacanādiḥ || 80 ||

evamekaikarūpādisiddhisandehe hetudoṣān ākhyāya, dvayordvayo rūpayorasiddhisandehe hetudoṣān vaktukāma āha- dvayordvayoriti | dvayo rūpayoviparyayasiddhau satyāṃ viruddhah || 81 || trīṇi ca rūpāṇi santi, tato viśeṣajñāpanārthamāha- kayodvayoriti || 82 || viśiṣṭe rūpe darśayati- sapakṣe sattvasya, asapakṣe cāsattvasya | viapryayasiddhāviti sambandhaḥ | kṛtakatvamiti svabhāvahetuḥ | prayatnānantarīyakatvaṃ hi kāryahetuḥ | prayatnāntarīyakaśabdena hi prayatnānantaraṃ janmajñānaṃ ca prayatnānantarīyakamucyate | janma= jāyamānasya svabhāvaḥ | jñānam = jñeyasya kāryam | tadiha prayatnānantaraṃ jñānaṃ gṛhyate | tena kāryahetuḥ |

84 anayoḥ sapakṣe 'sattvam, asapakṣe ca sattvamiti viparyasiddhiḥ ||

85 etau ca sādhyaviparyayasādhanād viruddhau |

86 nanu ca tṛṭyo 'pīṣṭ

87 yathā parārthācakṣu rādayaḥ saṃghātatvāccayanāsanādyaṅgavaditi || yadi kṛtakatvena prayatnāntarīyaktvena vā nityatvaṃ sādhyate, tarhi viruddho hetvābhāsaḥ syāt || 83 || kathamiha viparyayāsiddhiriti ced? āha- anayoriti |

vityatve sādhye sapakṣa ākāśādiḥ, tatra kṛtakatvaprayatnāntarīkatvayorubhayorevāsambhavaḥ | vipakṣaścānityā ghaṭādiḥ | tatra tayorubhayoreva sattvam, tathā ca tayoviparyayasiddhiḥ || 84 ||

yasmād dvayo rūpayorviparyayasiddhiḥ, tasmāt sādhyaviryayasidddhiḥ | sādhyaviparyayasādhanācca viruddho hetvābhāsaḥ || 85 ||

iṣṭasay vighātaḥ kriyate 'neneti iṣṭavighātakṛt | tṛtīyo hi viruddhaḥ śāstrakārairuktaḥ || 86 ||

dṛṣṭāntakathanam- aytheti | tasyārthastu vyākhyāta eva || 87 || etau hetū nityatve sādhye hetvābhāsau || 83 || kasmāt punaretau viruddhau? ityāha- anayoriti | sapakṣe hi nitye kṛtakatvaprayatnānantarīyakatvayorasattvameva niścitam | anitye vipakṣe eva sattvaṃ niścitamiti viparyayasiddhiḥ || 84 ||

kasmāt punarviparyasiddhavapyetau viruddhau? ityāha- etau ca sādhyasya nityatvasya viparyayam anityatvaṃ sādhaytaḥ | tataḥ sādhyaviparyayasādhanād viruddhau || 85 ||

yadi sādhyaviparyayasādhanād viruddhaveto, uktaṃ ca parārthānumāne sādhyam, na tvanuktam, iṣṭaṃ cānuktam, ato 'nya iṣṭavighātakṛdābhyāmiti darśannāha- nanau ca tṛtīyo 'pi viruddha uktaḥ | uktaviparyayasādhanau dvau | tṛtīyo 'yamiṣṭasya śabdenānupāttasya vighātaṃ karoti viparyayasādhanāditi iṣṭavighātakṛt || 86 ||

tamudāharati- yatheti | cakṣurādaya iti dharmī | paro 'rthaḥ prayojanaṃ parārthaḥ prayojakaḥ saṃskārya upakartavyo yeṣāṃ te parārthā iti sādhyam | saṅghātatvāt sañcitarūpatvāditi hetuḥ | cakṣurādayo hi paramāṇusañcitirūpāḥ | tataḥ saṅghātarūpā ucyante | śayanam, āsanaṃ cādiryasya tat śayanāsanādi | tadeva aṅgam puruṣopabhogāṅgatvat | ayaṃ vyāptipradarśanaviṣayo dṛṣṭāntaḥ | atra hi

88 tadiṣṭāsaṃhatapārārthyaviparyasādhanād viruddhaḥ ||

89 sa iha kasmānnoktaḥ?

90 anayorevāntarbhāvāt ||

91 na hyamābhyāṃ sādhyaviparyayasādhanatvena bhidyate ||

viruddhaścārya kathamiti ced? āha- tadiṣṭeti | parebhyo 'yamiti parārthaḥ, tasya bhāvaḥ pārārthyam | asaṃhṛtasya pārārthyamiti asaṃhṛtapārārthyam | iṣṭaṃ ca tasya tad asaṃhṛtapārārthya ceti vigrahaḥ, tadviparyayaḥ asaṃhṛtapārārthyaviṣayaḥ | tasya sādhana ityarthaḥ | tasmāt tadiṣṭāsahṛtapārāryaviparyayasādhanādasau viruddha eva draṣṭavyaḥ || 88 || śāstrakāreṇānumatastathā viruddhalakṣaṇayukto 'pīti bhāvaḥ || 89 ||yacca viruddhadvayamuktaṃ tayorevāntarbhāveṇa pṛthgnābhidhānam || 90 || antarbhāvasyaiva pradarśanārthamāha- na hīti |

kṛtakatvaprayatnāntarīyakavalakṣaṇaṃ hetunityatve sādhye sādhyaviparyayasādhanād viruddha ityuktam | ayamapi sādhyaviparyayasādhanāt tābhyāṃ samāna eva viruddhah || 91 ||

pārārthyenaṃ saṃhatatvaṃ vyāptam | yataḥ śayanāsanādayaḥ saṅghātarūpāḥ puruṣasya bhogino bhavanti upakārakā iti parārthā ucyante || 87 ||

kathamayamiṣṭavighātakṛt? ityāha- tadiṣṭāsaṃhṛtapārārthyaviparyayasādhanāditi | asaṃhṛte viṣaye pārārthyamasaṃhṛtapārārthyam | tasya sāṅkhayasya vādinaḥ iṣṭamasaṃhṛtapārārthya tadiṣṭāsaṃhṛtapārārthyam | tasya viparyayaḥ saṃhṛtapārārthya nāma | tasya sādhanād viruddhah |

ātmā asti iti bruvāṇaḥ sāṅkhyaḥ kuta etad iti paryanuyukto bauddhena, idamātmanaḥ saṅkhye pramāṇamāha | tasmād asaṃhṛtasyātmanaḥ upakārakatvaṃ sādhyaṃ cakṣurādīnām | ayaṃ tu heturviparyayavyāptaḥ | yasmād yo yasyopakārakaḥ sa tasya janakaḥ | janyamānaśca yugapat krameṇa vā bhavati saṃhṛtaḥ, tasmāt parārthāścakṣurādayaḥ saṃhṛtaparārthā iti siddham || 88 || ayaṃ ca viruddha ācāryadiṅnāgenoktaḥ, sa kasmād vāttikakāreṇa satā tvayā noktaḥ || 89 ||itara āha- anayoreva sādhyaviparyayasādhanayorantarbhāvāt || 90 || nanu ca uktaviparyayaṃ na sādhayati, tat kathamuktaviparyasadhanayorevāntabhavtiḥ? ityāha- na hyamiti | hīti yasmādarthe | yasmād ayam iṣṭavighātakṛd ābhyāṃ hetubhyāṃ sādhyaviparyasya sādhanatvena na bhidyate | yathā to sādhyaviparyayasadhanī, tathāyamapīti | uktaviparyayaṃ tu sādhayatu vā mā vā, kimuktaviparyayasādhanena tasmādanayoreghāntarbhāvaḥ || 91 ||

92 na hīṣṭoktayoḥ sādhyatvena kaścidviśeṣa iti ||

93 dvayo rūpayorekasyāsiddhāvaparasya ca sandehe 'naikāntikaḥ ||

94 yathā vītarāgaḥ kaścit sarvajño vā vaktṛtvāditi | vyatireko 'trāsiddhaḥ | sandigdho 'nvayaḥ ||

95 sarvajñavītarāgayorviprakarṣād vacanādestatra sattvamasattvaṃ va saṃdigdham ||

pūrvaṃ śabdenoktasyaiva sādhyasya viparyayasiddhiḥ | tatra ca neṣṭārthaviparyayasiddhiḥ | tasmāt kathamayaṃ tābhyāṃ samāna iti cet? tatrāha- na hīti | yacceṣṭaṃ yaccoktaṃ taddvayoḥ sādhyatve viśeṣaḥ ko 'pi nāstītyetaduktameva || 92 ||anvayavyatirekayorevaikasyāsiddhau aparasya ca sandehe hetoranaikāntikatvam || 93 || dṛṣṭāntakathanam- yatheti | tasyāthaṃ ukta eva |

atreti | asmin prayoge | vyatireko nāsti | anvayastu sandigdhaḥ | tathā hi sarvajñatve sādhye asarvajño vipakṣaḥ | asarvajñebhyaśca vacanaṃ ca vyāvṛttam || 94 ||

anvayasandehakathanārthamāha- sarvajñeti |

yasmāt sarvajñatvaṃ vītarāgatvaṃ cendriyasyāviṣayasyaiva, tasmāt tayoḥ kutrāpi vacanamasti nāsti veti sandigdhameva | tathahi- dṛṣṭāntatvena yaḥ puruṣa uktaḥ sa ki sarvajña san vaktā, kimuta asarvajñaḥ san vaktā? ityatra niścayo nāsti || 95 ||

nanu ca uktameva sādhyam, tat kathaṃ sādhyaviparyayasādhanetvenābhedaḥ? ityāha- na hīti | yasmādiṣṭoktayoḥ parasparasmāt sādhyatvena na kaścid viśeṣo bheda iti | tasmādanayoreva antarbhāva ityupasaṃhāra |

prativādino hi yajjijñāsitaṃ tat prakaraṇāpannam | yacca prakaraṇāpannaṃ tat sādhaneccayā viṣayīkṛte sādhyamiṣṭamuktam, anuktaṃ vā, na tūktamātremeva sādhyam | tenāviśeṣa iti || 92 ||

dvayo rūpayorviparyayasiddhau viruddhaḥ uktaḥ | tayostu dvayormadhye | ekasyāsiddhau, aparasya ca saṃdehe cānaikāntikaḥ || 93 ||

kīdṛśo 'sau? ityāha- yatheti | vigato rāgo yasya sa vītarāga ityakaṃ sādhyam | sarvajño veti dvitīyam | vaktṛtvāditi hetuḥ | vyatireko 'trāsiddhaiti | svātmanyeva sarāge ca asarvajñe ca vipakṣe vaktṛtvaṃ dṛṣṭam | ato 'siddhovyatirekaḥ sandigdho 'nvayaḥ || 94 ||

kutaḥ? ityāha- sapakṣabhūtayoḥ sarvajñavītarāgayoḥ | viprakarṣāditi atīndriyatvād | vacanāderatīndriyagamyasyāpi tatra atīndriyayoḥ sarvajñavītarāgayoḥ sattvamasattvaṃ va sandigdham | tataśca na jñāyate kiṃ vaktṛtvāt sarvajñaḥ? uta na- ityanaikāntika iti || 95 ||

96 anayoreva dvayo rūpayoḥ sandehe 'nikāntikaḥ ||

97 yathā sātmakaṃ jīvaccarīraṃ prāṇādimattvāditi ||

98 na hi sātmakanirātmakābhyāmanyo rāśirasti yatrāyaṃ prāṇādirvarteta || yadyanvayo vyatirekaśca dvāveva sandigdhau, tadāpi anaikāntikahetvābhāsaḥ || 96 || dṛṣṭāntakathanārthayāha- yatheti | prāṇa ādiryasya sa prāṇādiḥ | prāṇaśabdena unmeṣanimeṣaprasāraṇasaṅkocādīnāṃ parigrahaḥ | sātmakamiti | ātmano bhogāyatanabhūtam | jīvaccarīramiti | anena mṛtaśarīrasya nirāsaḥ || 97 ||

tatra ca vyatirekasandehakathanārthamāha- nahīti |

dvividho hi rāśiḥ- sātmakaḥ, nirātmakaśca | tatrāntarbhūto 'paro nāsti | prāṇādimattvasya vastudharmatve tacca sātmakanirātmakābhyāṃ nivṛtam || 98 || samprati dvayoreva sandehe 'naikāntikaṃ vaktumāha- anayoreva anvayavyatirekayoḥ | sandehāt saṃśayahetuḥ || 96 ||

udāharaṇam- yatheti | saha ātmanā vartate sātmakamiti sādhyam | śarīramiti dharmī | jīvadgrahaṇaṃ dharmiveśeṣaṇam | mṛte hyātmānaṃ neccati | prāṇāḥ= śvāsādaya ādiryasyonmeṣanimeṣādeḥ prāṇidharmasya sa prāṇādiḥ, sa yasyāsti tat prāṇādimat jīvaccarīram, tasya bhāvastattvam, tasmādityeṣa hetuḥ || 97 || ayamasādhāraṇaḥ saṃśaheturupapādayitavyaḥ | pakṣadharmasya ca dvābhyāṃ kāraṇābhyāṃ saṃśayahetutvam | saṃśayaviṣayau yāvākārau, tābhyāṃ sarvasya vastunah saṃgrahāt | tayośca vyāpakayorākārayorakatrāpi vṛttyaniścayāt | yābhyāṃ hyākārābhyāṃ sarva vastu na saṃgṛhyate tayorākārayorna saṃśayah | prakārāntarasambhave hi pakṣadharmo dharmiṇamaviyuktaṃ dvayorekena dharmeṇa darśayituṃ na śaknuyāt, ato na saṃśayahetuḥ syāt | dvayordharmayoraniyataṃ bhāvaṃ darśayan saṃśayahetuḥ | dvayostvaniyatamapi bhāvaṃ darśayitumaśakto 'pratipattihetuḥ | niyataṃ tu bhāvaṃ darśayan samyag hetuviruddho vā syāt | tasmād yabhyāṃ sarva vastu saṃgṛhyate, tayoḥ saṃśayahetuḥ, yadi yatorekatrāpi sadbhāvaniścayo na syāt | sadbhāvaniścaye tu yadyekatra niyatasattāniścayo heturivuddho vā syāt | aniyatasattāniścaye tu sādhāraṇānaikāntikaḥ, sandigdhavipakṣavyavṛttikaḥ, saṃdigdhānvayo 'siddhavyatireko vā syāt | ekatrāpi tu vṛttyaniścayādasādhāraṇānaikāntiko bhavati | tato 'sādhāraṇānaikāntikasyānaikāntikatve hetudvayaṃ darśa-

99 ātmano vṛttivyavaccedābhyāṃ sarvasaṃgrahāt ||

100 nāpyanayorekatra vṛttiniścayaḥ ||

101 sātmakatvenānātmakatvena vā prasiddhe pramāṇāderasiddheḥ ||

tiṣṭhatvanyatra kutrāpi, kathaṃ tṛtīyarāśyasambhava iti ced? āha- ātmana iti | vṛtiśca vyavacedaśca vṛttivyavaccedau | vṛttiḥ= sadbhāvaḥ | vyavaccedaḥ= abhāvaḥ | ātmano vṛttivyavaccedau ātmavṛttivyavaccedau | tābhyāṃ hi sakalavastusaṃgrahaḥ | tathā hi- yasmin ātmano vṛttistat sātmakam | tatrānantabhūtamanyat sarva nirātmakam | tasmāt kutastṛtīyaraśisambhavaḥ | evaṃ hi prāṇādimattvasya sātmakanirātmakābhyāṃ vyatireko 'siddhaḥ || 99 ||

yadyapi tābhyāṃ vyatireko 'siddhaḥ tathāpi tatrānvaya evāstviti ced? tatrāha-nāpīti | prāṇādimattvasya sātmake nirātmake vā sattvamiti niścayo na śakyate kartum || 100 ||

tacca kasmāditi ced? āha- sātmakatveneti | sātmakatvena niśceti vastuni, nirātmakatvena vā niścite vastuni prāṇādimattvamadṛṣṭam, tasmāt kuto vṛttiniścayaḥ? || 101 || yitumāha- na hīti | sahātmanā vartate sātmakaḥ | niṣkrāntaḥ ātmā yasmāt sa nirātmakaḥ | tābhyāṃ yasmānnānyo rāśiarsti | kimbhūtaḥ? yatrāyaṃ vastudharmaḥ prāṇādirvartetaḥ | tasmāyayaṃ yatorbhavati saṃśayahetuḥ || 98 ||

kasmādanyarāśyabhāvaḥ? ityāha- ātmano vṛttiḥ= sadbhāvaḥ, vyavaccedaḥ= abhāvaḥ, tābhyāṃ savasya vastunaḥ saṃgrahāt kroḍīkaraṇāt | yatra hyātmā asti tat sātsakam, anyannirātmakam | tato nānyo raśirastoti saṃśayahetutvakāraṇam || 99 ||

prakārābhyāṃ sarvavastusaṃgrahaṃ pratipādya dvitīyamāha- nāpyanayoḥ sātmakānātmakayormadhya ekatra sātmake 'sātmake vā vṛtte sadbhāvasya niścayo 'sti | dvāvapi rāśī tyaktvā na vartate prāṇādiḥ vastudharmatvāt | tataścānayoreva vartate ityetāvadeva jñātam | viśeṣe tu vṛttiniścayo nāstītyamarthaḥ || 100 ||

tadāha- sātmakatvenānātmakatvena vā viśeṣeṇa yukte prasiddhe niścite vastuni prāṇāderdharmasya sarvavastuvyāpinoḥ prakārayorekatra niyatasadbhāvasya asiddhe ranaikāntikaḥ, aniścitatvāt | tadevamasādhāraṇasya dharmasyānaikāntikatve kāraṇadvayamabhihitam || 101 || 102 tasmājjīvaccarīrasambandhī ghrāṇādiḥ sātmakādanātmakācca sarvasmād vyāvṛttatvenāsidhestābhyāṃ na vyatiricyate ||

103 na tatrānveti ||

104 ekātmanyapyasiddheḥ ||

105 nāpi sātmakādanātmakācca tasyānvayavyatirekayorabhāvaniścayaḥ ||

upasaṃhāre pakṣadharmo nirdiśyate | jīvaccarīreṇa sambandha iti vigrahaḥ | sa yasyāsti sa jīvaśarīrasambandhī | pakṣadharma iti śeṣaḥ | anenopasaṃhāreṇa vyatirekābhāvo darśitaḥ || 102 || anenopasaṃhāreṇānvayābhāvo darśitaḥ || 103 ||evaṃ cānvayavyatirekayordvayoḥ sattvamasiddham || 104 || nanu tayostatrābhāvaniścaya eva syāditi cet? tatrāha- nāpīti |

yathā sātmake 'nvayavyatirekayoḥ sattvamaniściyam, tathaivāsattvamapi aniścitam | evameva nirātmakasyāpi vaktavyam || 105 || pakṣadharmaśca bhavan sarvaḥ sādhāraṇo 'sādhāraṇo vā bhavatyanaikāntikaḥ | tasmādupasaṃhāravyājena pakṣadharmatvaṃ darśayati- tasmādityādinā | jīvaccarīrasya saṃbandhī pakṣadharma ityarthaḥ | yasmāt tayorekatrāpi na nivṛttiniścayaḥ tasmāt tābhyāṃ na vyatiricyate |

vastudharme hi sarvavastuvyāpinoḥ prakārayorekatraniyatasadbhāvo niścitaḥ prakārāntarānnivarteta | ata evāha- sātmakādanātmakatvācca sarvasmād vastuno vyavṛttatvenāsiddhariti | prāṇādistāvat kutaścit ghaṭādernivṛtta eva | tata etāvadavasātuṃ śakyam- sātmakādanātmakād vā kiyato nivṛttaḥ | sarvasmāt tu nivṛtto nāvasīyate | tato na kutaścid vyatirekaḥ || 102 || yadayevam, anvayo 'stu tayorniścitaḥ? ityāha- na tatra sātmake 'nātmake vārthe 'nveti anvayavān prāṇādiḥ || 103 || kutaḥ? ityāha- ekātmanyapīti | ekātmani sātmake 'nātmake vāsiddheḥ kāraṇāt | vastudharmatayā tayordvayorekatra vā vartata ityavasitaḥ prāṇādiḥ | na tu sātmaka eva nirātmaka eva vā vartata iti kuto 'nvayaniścayaḥ || 104 ||

nanu ca prativādino na kiñcit sātmakamasti, tato 'sya hetorna sātmake 'nvayo na vyatireka ityanvayavyatirekayorabhavaniścayaḥ sātmake, na tu sadbhāva-

106 ekābhāvaniścayasyaparabhāvaniścayanāntarīyakatvāt ||

107 anvaya vyatirekayoranyonyavyavaccedarūpatvāt, tata evānvayavyatirekayoḥ sandehādanaikāntikaḥ ||

sattvaniścayābhāve 'pi asattvaniścayaḥ kathaṃ na syāditi cet? tatrāha- anvaya iti |

anyonyavaccedarūpeṇa tau sthitāvityucyate, tataśca kimiti cet? āha- eketi |

yadi tayoḥ parasparābhāvarūpeṇa sthitistadā yatrānvayābhāvaniścayastatra vyatirekasattvaniścayo 'vaśyambhavī | tathā vyatirekābhavaniścaye 'pi anvatasattvaniścayo 'vaśyambhāvī | evaṃ yatra prāṇādimattvasya sattvaṃneti niścayastatrābhāvaniścayaḥ | yatra ca tadasattvaṃ neti niścayastatra bhāvaniścayaḥ | yasmādevamanvayavyatirekayorekasyābhāva- niścaya eva, aparasya sattvaniścayo 'vaśyambhāvī, tasmāt sātmaka- nirātmakayoḥ prāṇādimattvābhāvaniścayo 'pi nāstyeva || 106 ||

sattvaniścayābhāve 'pi asattvaniścayaḥ kathaṃ na syāditi cet? tatrā- anvayeti | anvayavyatireko hi parasparābhāarūpeṇāvasthitau | tathā hi yatrānvayābhāvastatra vyatirekasattvam, yatra vā vyatirekābhāvastatrānvayasattvam |

saṃśayaḥ? ityāśaṅkayāha- nāpīti | nāpi sātmakād vastunaḥ tasya prāṇāderanvayavyatirekayorabhāvaniścayaḥ | nāpi ca nirātmakāt | sātmakādanātmakāditi ca pañcamī vyatirekaśabdāpekṣayā draṣṭavyā || 105 ||

kathamanvayavyatirekayornābhāvaniścayaḥ? ityāha- eketi | ekasya anvayasya vyatirekasya vā yo 'bhāvaniścayaḥ so 'parasya dvitīyasya bhāvaniścayanāntarīyakaḥ bhāvaniścayasyāvyabhivārī, tasya bhāvastatvaṃ tasmāt | yata ekābhāvaniścayo 'parabhāvaniścayanāntarīyakaḥ, tasmānna dvayorekatrābhāvaniścayaḥ || 106 ||

kasmāt punarekasyābhāvaniścayo 'parasadbhāvaniścayāvyabhicārī? ityāha- anvayavyatirekayoranyonyavyavacedarūpatvāditi | anyonyayasya vyavaccedaḥ abhāvaḥ, sa eva rūpaṃ yayostayorbhāvastattvam, tasmāt kāraṇāt |

anvayavyatirekau bhāvābhāvau | bhavābhāvau ca parasparavyavaccedarūpau | yasya vyavaccedena yat pariccedayate tat tatparihāreṇa vyavasthitam | svabhāvavyavaccedena ca bhāvaḥ pariccedayate |

tasmāt svabhāvavyavaccedena bhavo vyavasthitaḥ | abhāvo hi nīrūpo yādṛśo vikalpena darśitaḥ | nīrūpatāṃ ca vyavaccdaya rūpamākāravat

108 sādhyetarayorato niścayābhāvat ||

109 evameṣāṃ trayāṇāṃ rūpāṇāmekaikasya dvayordvayorvā rūpayorasiddhau sandehe vā yathāyogamasiddhaviruddhānaikāntikāstrayo hetvābhāsāḥ || tasmādanvayavyatirekayoḥ sandehādasau anaikāntika eva || 107 || anvaya vyatirekayoḥ sandehe satyapi kasmādanaikāntikatvameva syāditi cet?

tatrāha- sādhyetyādi | yasmāt sādhya sādhyavipakṣayoḥ prāṇādimattvaniścayo nāsti, tasmādanaikāntikaḥ || 108 ||

evamiti | uktaprakāreṇa | trayāṇāṃ rūpāṇamiti | pakṣadharmaḥ, anvayaḥ, vyatirekaśceti | ekaikasya dvayordvayorvā rūpayorasiddhau sandehe ceti | kvacidekasya rūpasyā-

pariccidayate | tathā ca satyanvayābhāvo vyatirekaḥ, vyatirekābhāvaścānvayaḥ |

tato 'nvayābhāve niścite vyatireko niścito bhavati | vyatirekābhāve ca niścite 'nvayo niścito bhavati | tasmād yadi nāma sātmakamavastu, nirātmakaṃ ca vastuḥ tathāpi tayorna prāṇāderanvayavyatirekayorabhāvaniścayaḥ | ekatra vastuni ekasya vastuno yugapad bhāvābhavavirodhāt tayorabhāvaniścayāyogāt |

na ca prativādayanurodhāt sātmakānātmake vastunī sadasatī, kintu pramāṇānurodhāt | ityubhe sandigdhe | tatastayoḥ prāṇādimattvasya sadasattvasaṃśayaḥ ||

yata eva kvacidanvayavyatirekayorna bhāvaniścayaḥ, nāpyabhāvaniścayaḥ, tata evānvayavyatirekayoḥ sandehaḥ |

yadi tu kvacidapyanvayavyatirekayorekasyāpyabhāvaniścayaḥ syāt, sa eva dvitīyasya | bhāvaniścaya ityanvayavyatirekasandeha eva na syāt | yataśca na kvacid bhāvābhāvaniścayaḥ, tata evānvayavyatirekayoḥ sandehaḥ | sandehāccātaikāntikaḥ || 107 ||

kasmādanaikāntikaḥ? ityāha- sādhyeti | sādhyasya itarasya ca viruddhasya, ataḥ sandigdhānvayavyatirekānniścayābhāvāt | sapakṣavipaksayorhi sadasattvasandehe na sādhyasya na viruddhasya siddhiḥ | na ca sātmakānātmakābhyāṃ paraḥ prakāraḥ sambhavati | tataḥ prāṇādimattvād dharmiṇī jīvaccarīre saṃśaya ātmabhāvābhāvayoḥ- ityanaikāntikaḥ prāṇādiriti || 108 ||

trayāṇāṃ rūpāṇāmasiddhau sandehe ca hetudoṣānupapādyopasaṃharannāha- eva-

110 viruddhavyabhicāryapi saṃśayaheturuktaḥ | sa iha kasmānnoktaḥ?

111 anumānaviṣaye 'sambhavāt ||

112 na hi sambhavo 'sti kāryasvabhāvayoruktalakṣaṇayoranupalambhasya ca viruddhatāyaḥ ||

siddhiḥ sandeho vā, kvacitu dvayo rūpayoḥ | yathāyogamiti prayogānurūpam | amiddhaviruddhānaikāntikāstrayo hetvābhāsā iti | asiddhaśca viruddhaśca anaikāntikaśceti vigrahaḥ || 109 ||

viruddhenāvyabhicāro viruddhāvyabhicāraḥ | so 'trastīti viruddhāvyabhicārī | yadā- viruddhaścasau na vyabhicarituṃ śīlaṃ cāsyeti viruddhāvyabhicārī | sa ca śāstrakāreṇānaikāntika uktaḥ | sa iheti | svayaṃ na nirdiṣṭa ityarthaḥ || 110 ||

tacca kasmāditi cet? āha- anumāna iti | tathā hi- vastuvalapravṛtte tasyāsambhavaḥ || 111 || kathamasambhava iti cet? āha- na hīti |

kāraṇasattve kāryasattvameva kāryahetorlakṣaṇam | tanmātrānubandhihetutvameva svabhāva miti anantaroktena krameṇa | eṣāṃ madhya ekaikaṃ rūpaṃ yadā asiddhaṃ sandigdhaṃ vā bhavati, dve dvau vāsiddhe sandigdhe vā bhavataḥ, tadāsiddhaśca viruddhaśca anaikāntikaśca te hetvābhāsāḥ | yathāyogamiti | yasyāsiddhau sandehe vā yo hetvābhāso yujyate sa tasyāsiddheḥ sandehācca vyavasthāpyata iti yasya yasya yena yena yogo yathāyogamiti || | 109 ||

nanu ca ācāryeṇa viruddhāvyabhicāryapi samśayaheturuktaḥ | hetvantarasādhitasya viruddhaṃ yat tanna vyabhicaratīti viruddhābhicārī | yadi vā viruddhaścāsau sādhanāntarasiddhasya dharmasya viruddhasādhanāt, avyabhicārī ca svasādhyavyabhicārād viruddhavyabhicārī? || 110 ||

satyam, ukta ācaryeṇa, mayā tu noktaḥ | kasmāt? ityāha- anumāneti | anumānasya viṣayaḥ pramāṇasiddhaṃ trairūpyam | yato hi anumānasambhavaḥ, so 'numānasya viṣayaḥ | pramāṇasiddhācca trairūpyādanumānasambhavaḥ | tasmāt tadevānumānaviṣayaḥ | tasmin prakrānte na viruddhāvyabhicārisambhavaḥ | pramāṇasiddhe hi trairūpye prastute sa eva hetvābhāsaḥ sambhavati yasya pramāṇasiddhaṃ rūpam | na ca viruddhāvyabhicāriṇaḥ pramāṇasiddhamasti rūpam | ato na sambhavaḥ | tato 'sambhavānnoktaḥ || 111 ||

kasmādasambhavaḥ? ityāha- nahīti | yasmānna sambhavo 'sti viruddhatāyāḥ | kārya ca svabhāvaśca tayoruktalaksāṇayoriti |

113 na cānyo 'nyabhicārī |

114 tasmādavastudarśanabalapravṛttamāgamāśrayamanumānamāśritya tadarthavicāreṣu viruddhāvyabhicārī sādhanadoṣa uktaḥ ||

hetorlakṣaṇam | upalabdhilakṣaṇaprāptasyānupalabdhiranupalabdherlakṣaṇam | viruddhaśrcoktalakṣaṇaviśiṣṭeṣu na sambhavati | tathā hi śiśapayā vṛkṣasaṃsiddhau vijātīyavṛkṣasādhanaṃ yathoktalakṣaṇasya dvitīyasyasambhavaḥ || 112 ||

yadyuktalakṣaṇeṣu triṣu asambhavaḥ, astu tarhi aparatra sambhava iti cet? tatrāha- na ceti | triṣu hetuṣu anantabhūtamavyabhicārihetvantaraṃ nāsti yasmin viruddhāvyabhicārisambhavaḥ || 113 ||

kasmāttriṣu asambhava iti ced? āha- tasmāditi |

yatra atibaddhena pramāṇena na nirṇayastad avastudarśanabalapravṛttamiti | āgamāśrayamanumānamaśrityeti | āgama āśrayo 'syeti āgamāśrayam | yatra āgamadvāreṇa dharmipakṣadharmādikamupasthāpyate tad āgamāśrayamanumānamiti | tadarthavicāreṣviti |

kāryasya kāraṇājjanmalakṣaṇaṃ tattvam | svabhāvasya ca sādhyavyāptatvaṃ tattvam | yat kārya yaśca svabhāvaḥ, sa kathamātmakāraṇaṃ vyāpakaṃ ca svabhāvaṃ parityajya bhaved, yena viruddhah syāt | anupalambhasya ca uktalakṣaṇasyeti | dṛśyānupalambhatvaṃ cānupalambhalakṣaṇam | tasyāpi vastvabhāvāvyabhicāritvānna viruddhatvasambhavaḥ || 112 ||

syādetat, etebhyo 'nyo bhaviṣyati? ityāha- na cānya etebhyo 'vyabhicārī tribhyaḥ | ata evaiṣveva hetutvam || 113 ||

kva tarhyācāryadiṅnagenāyaṃ hetudoṣa uktaḥ? ityāha- tasmāditi | yasmād vastubalapravṛtte 'numāne na sambhavati tasmād āgamāśrayānumānamāśritya viruddhāvyabhicāyuktaḥ | āgamasiddhaṃ hi yasyānumānasya liṅgatrairūpyaṃ tasyāgama āśrayaḥ |

nanu cāgamasiddhamapi trairūpyaṃ pramāṇasiddhaḥ? ityāha- avastudarśanabalapravṛttamiti | avastuno darśanaṃ vikalpamātram, tasya balaṃ sāmarthyam, tataḥ pravṛttam apramāṇād vikalpamātrād vyavasthitaṃ trairūpyamāgamasiddhamanumānasya, na tu pramāṇāt |

tat taharyanumānamāgamasiddhatrairūpyaṃ kvādhikṛtam? ityāha- tadartheti | tasya āgamasya yo 'rtho 'tīndriyaḥ pratyakṣānumānābhyāmaviṣayīkṛtaḥ sāmānyā

115 śāstrakārāṇāmartheṣu bhrāntyā viparītasvabhāvopasaṃhāarsambhavāt ||

116 na hyasya sambhavo yathāvasthitavastusthitiṣvātmakāryānupalambheṣu ||

117 tatrodāharaṇam- yat sarvadeśasthitaḥ svasambandhibhiyugapadabhisambadhyate tat sarvagatam yathākāśam | abhisambadhyate ca sarvadeśāvasthitaḥ svasambandhibhiyu gapat sāmānyamiti ||

āgamārthavicāreṣu | viruddhāvyabhicārī sādhanadoṣa ukta iti | sugamam || 114 ||

yadyayamayogya eva, tarhi āgamāśrayānumāne 'pi tasya kathaṃ sambhava iti ced? āha- śāstreti |

sarvaiśca śāstrakāraistaddarśanānutpannā api kecana arthāḥ svabhāvaviparyayeṇābhihitā bavanti | tatastayā viruddhāvyabhicārī bhavati || 115 ||

yadi tasyāgamapratibaddhānumāne sattvameveṣyate, tarhi vastubalena pravṛttirapi kasmānneṣyate iti cet/ tatrāha- na hīti |

yathā vastuno 'vasthitistathaiva sthitiryeṣāṃ te yathāvasthitavastusthitayaḥ | sthitiḥ= vyavasthā | ātmā ca kārya cānupalambhaśceti vigrahaḥ | ātmā svabhāvo nāma | yathā sadarthe vastuvyavasthā, tathā svabhāva- kārya anupalambhahetavaste vyāvsthitā teṣu viruddhāvyabhicāriṇaḥ kutaḥ sambhavaḥ || 116 ||

tatrodāhārṇamiti | āgamāśritapramāṇopadarśanam | yat sarvadeśāvasthitaiḥ distasya vicāreṣu prakrānteṣu āgamāśrayamanumānaṃ sambhavati | tadāśrayo viruddhāvyabhicāryukta ācāryeṇoti || 114 ||

kasmāt punarāgamāśraye 'pyanumāne sambhavaḥ? ityāha- śāstrakārāṇāmīt | śāstrakṛtām | viparītasya vastuviruddhasya svabhāvasa upasaṃhāro ḍhaukanamartheṣu, tasya sambhavād viruddhāvyabhicārisambhavaḥ | bhrāntyeti | viparyāsena | viparyastā hi śāstrakārāḥ santamasantaṃ svabhāvamāropayantīti || 115 ||

yadi śāstrakṛto 'pi bhrāntāḥ, punaranyeṣvapi puruṣeṣu ka āśvāsaḥ? ityāha- na hīti | na hetuṣu kalpanayā hetutvavyavasthā, api tu vastusthityā | tato yathāvasthitavastusthitiṣvātmakāryānupalambheṣvasya sambhavo nāsti |

avasthitaṃ paramārthasadvastu tadanatikrāntā yathāvasthitā vastusthitiḥ= vyavasthā yeṣāṃ te yathāvasthidavastusthitayaḥ | te hi yathā vastu sthitaṃ tathā sthitāḥ, na kalpanayā | tatasteṣu na bhrānteravakāśo 'sti, yena viruddhāvyabhicāri sambhavaḥ syāt || 116 ||

118 tatsambandhasvabhavamātrānubandhinī taddeśasannihitasvabhāvatā ||

svasambandhibhiryu pagapadabhisambaddhayate tat sarvagatamiti | sarvasmin deśe 'vasthitāḥ sarvadeśāvasthitāḥ | ta eva svasya ca sambandhinaḥ svasamtandhinaḥ | yadapi vastu sarvadeśāvasthitasvasambandhibhiyu gapadabhisambadhyate tat sarvagatameva dṛṣṭam | yathā ākāśamiti | ākāśaṃ hi sarvadeśāvasthitasvasambandhibhiryu gapadabhisambadhyate tacca sarvagatameveṣṭam | etadvacanenānvayo darśitaḥ |

sāmānyamapi sarvadeśāvasthitaiḥ svasambandhibhiryu gapadabhisambadhyate iti | sāmānyasya sambandhino hi vyaktiviśeṣāḥ sarveṣu vidyamānāḥ | taiśca sāmānyaṃ yugapadabhisambaddhayate | anena pakṣadharma uktaḥ || 117 ||

svabhāvahetulaṇatvaṃ prayogasya darśayitumāha- tatsambandhoti |

tasya sambandhitaḥ tatsambandhinaḥ | tatsambandhināṃ svabhāvamātramanubandhu śīlaṃ yasyā sā tatsambandhisvabhavamātrānubandhinī | teṣāṃ sambandhināṃ deśāstaddeśāḥ | tatdeśe sannihitastaddeśasannihitaḥ | taddeśannihitaḥ svabhāvo yasya sa taddeśasanni hitasvabhāvaḥ | tasya bhāvaḥ taddeśasannihitasvabhāvatā | sambandhideśe upasthitiriti śeṣa || 118 ||

tatra viruddhāvyabhicāryudāharaṇam- yaditi | yat sarvasmit deśe 'vasthitaiḥ svasambandhibhiryu gapadabhisambaddhayate iti sarvadeśāvasthitairabhisambadhyamānatvaṃ sāmānyasya anūdaya sarvagatatvaṃ vidhīyate | tena yugapadabhisambadhyamānatvaṃ sarvagatatve niyataṃ tena vyāptaṃ kathyate |

iha sāmānyaṃ kaṇādamaharṣiṇā niṣkriyaṃ dṛśyamekaṃ coktam | yugapacca sarvaiḥ svaiḥ sambandhibhiḥ samavāyena sambaddham | tatra pailukena kaṇādaśiṣyeṇa vyaktiṣu vyaktirahiteṣu ca deśeṣu sāmānyaṃ sthitaṃ sādhayituṃ pramāṇamidamupanyastam | yathā ākāśamiti | vyāpti pradarśanaviṣayo dṛṣṭāntaḥ | ākāśamapi hi sarvadeśāvasthitaivṛkṣādibhiḥ svasaṃyogibhiryugapadabhisambadhyamānaṃ sarvagataṃ ca | abhisambadhyate ca sarvadeśāvasthitaiḥ svasambandhibhiriti | hetoḥ pakṣadharmatvapradarśanam || 117 ||

asya svabhāvahetutvaṃ yojayitumāha- tatsambandhīti | teṣāṃ sarvadeśāvasthitānāṃ dravyāṇāṃ sambandhī sāmānyasya svabhāvaḥ sa eva tatsambandhisvabhāvamātram, tadanubadhnātīti tadanubandhinī |

kāsau? ityāha- tadde śasannihitasdebhāvatā | teṣāṃ sambandhināṃ deśaḥ taddeśaḥ | taddeśe sannihitaḥ svabhāvo yasya tat taddeśannihitasva-

119 na hi yo yatra nāsti sa taddśamātmanā vyāpnotīti svabhāvahetuprayoga iti |

120 dvitīyo 'pi prayogaḥ- yadupalabdhilakṣaprāptaṃ sannipalamyate na tat tannāsti | tadayathā- kvacidavidayamāno ghaṭaḥ | nopalabhyate copalabhilakṣaṇaprāptaṃ sāmānyaṃ vyaktyantarāleṣviti | ayamanupalambhah svabhāvaśca parasparaviruddhāsāthanāde katra saṃśayaṃ janayataḥ ||

sarvagatatvenava hi sambandhino vyāpyante ityetacca kasmāditi cet? āha- ya iti |

yaśca yatra nāsti tasya taddeśavyāpannaṃ kathaṃ śakyam? taddeśa iti | sa deśo yasya sa taddeśa iti yasmin deśe sa nāsti taddeśasambandhinaṃ sa na saknoti vyāpayitumīt śeṣaḥ | svabhāvahetuprayoga iti | sugamam || 119 ||

atha kāṇādaiḥ kaiścit sāmānyasya sarvagatatvamuktam, aparaiśca kāṇādaiḥ sāmābhāvam, tasya hi yeṣāṃ sambandhī svabhāvaḥ, tanniyamena teṣāṃ deśe sannihitaṃ bhavati | tatastatsambandhitvānubandhinī taddeśasannihitā sāmānyasya || 118 ||

nanu ca gavāṃ sambandhī svāmī, na ca godeśe sannihitasvabhāvaḥ, tat kathaṃ tatsambandhitvāt taddeśatvam? ityāha- na hīti | yo yatra deśe nāsti sa deśo yasya sa taddeśaḥ taṃ na vyāpnotītyātmanā svarūpeṇa | iha sāmānyasya tadvatāṃ ca samavāyalakṣaṇaḥ sambandhah, sa cābhinnadeśayoreva | tena yatra tay samavetaṃ tat tadātmīyena rūpeṇa kroḍīkurvat samavāyirūpa deśe svātmānaṃ niveśayati |

taddeśarūpaniveśanameva tatkroḍīkaraṇam | tatastatsamavāyaḥ |

tasmād yat tatra samavetaṃ tat tad dravyaṃ vyāpnuvadātmā taddeśe sannihitaṃ bhavati |

tadayamarthah- taddeśasthavastuvyāpanaṃ taddeśasattayā vyāptam | taddeśasattābhāve tadvayāpanābhāvāt vyāpanalakṣaṇaḥ samavāyasambandho na syāt | asti ca vyāpanam | atastaddeśe sannihitatvamiti yadayaṃ svabhāvahetuḥ || 119 ||

paiṭharaprayogaṃ darśayannāha- dvitīya'pīti | yadupalabdherlakṣaṇatāṃ viṣayatāṃ prāptaṃ dṛśyamityarthaḥ | etena dṛśyānupalabdhimanūdaya na tat tatrāsti ityasadvayavahāryatvaṃ vihitam | tato vyāpyadṛśyānupalabdhervyāpakamasadvayavahāryatvaṃ darśitam | tadayatheti kvacidasan ghaṭo dṛṣṭāntaḥ |

121 trirūpī heturuktaḥ | tāvatā nārthapratītiriti na pṛthagdṛṣṭānto nāma sādhanāvayavaḥ kaścit | tena nāsya lakṣaṇaṃ pṛthagucyate gatārthatvāt |

nyasya kevalāśrayasarvagatatvamevāṅgīkṛtam, tannayapradarśanārthamāha- dvitīya iti | tacca sugamam |

yadupalabdhīti | atrānupalabdheranvayaḥ kathitaḥ |

vyakterantarālāni vyaktyantarālāni vyaktyantarāṇi | teṣu upalabdhilakṣaṇa prāptaṃ sāmānyaṃ nopalabhyate | anena pakṣadharma uktaḥ | tadvādinā ca kevalāśrayasarvagatatvamuktam || 119 ||

avyavahitoktyānupalabdhyā sāmānyasya kevalāśrayasarvagatatvaṃ sādhyate | prākca svabhāvahetunā sarvasarvagatatvaṃ sādhitamiti dvābhyāṃ parasparaviruddhārthasādhanāt kiṃ vyaktyantarāleṣu sāmānyānupalabdheḥ kevalāśrayasarvagatatvameva sarvadeśāvasthitasvasambandhiṣu anubaddhatvāt sarvasarvagatatvameva veti anubhavādekasminneva sāmānye sandehī jāyate | evamiyatā parārthānumānaṃ tatsvarūpairdarśitam || 120 ||

nanun dṛṣṭāntalakṣaṇaṃ kasmānnoktamiti cet? tatrāha- trirūpa iti |

pūrva hetorlakṣaṇatrayaṃ yaduktaṃ tenaiva rūpatrayeṇa sādhyārthasiddhirbhavati | tena dṛṣṭānto nāma pṛthak sādhanāvayavo nāsti | tataśca tallakṣaṇaṃ pṛthagnoktam |

pakṣadharmatvaṃ darśayitumāha- nopalabhyate ceti | vyaktyantarālaṃ vyaktyantaraṃ ca vyaktiśūnyaṃ cākāśam | dṛśyamapi kasyāñcid vyaktī gosāmānyamaśvādiṣu vyaktyantareṣu vyaktiśūnye cākāśe nopalabhyate | tasmānna teṣvastīti gamyate |

ayamanupalambhaḥ pūrvoktaśca svabhāvaḥ parasya viruddhau yavathau tayoḥ sādhanāt tāvekasmin dharmiṇi saṃśayaṃ janayataḥ | na hyeko 'rthaḥ parasparaviruddhasvabhāvo bhavitumarhati | ekena cātra vyaktyantareṣu vyaktiśūnye cākāśe sattvam | apareṇa cānupalambhena asattvaṃ sādhyate | na caikasyaikasaikatra sattvamasattvaṃ ca yuktamḥ tayovirodhāt | tadāgamasiddhasya sāmānyasya sarvagatatvāsarvagatatvayoḥ sādhyayoreto viruddhāvyabhicāriṇī jātau | yataḥ sāmānyasyaikasya yugapat sarvadeśāvasthitairabhisambandhitvaṃ cābhyupagatam, dṛśyatvaṃ ca tataḥ sarvasambandhitvāt sarvagatatvam, dṛśyatvādantarālādanupalambhādasarvagatatvam | tataḥ śāstrakārreṇaiva viruddhavyaptatvamapaśyatā viruddhavyāptī dharmāvuktvā viruddhāvyabhicāryavakāśo datta iti | na ca vastunyasya sambahvaḥ || 120 ||

ityuktā hetvābhāsāḥ ||

nanu ca sādhanāvayavatvād yathā hetava uktāḥ, tatprasaṅgena ca hetvā-

122 hetoḥ sapakṣa eva sattvamasapakṣācca sarvato vyāvṛtto rūpamuktamabhedena | punarviśeṣeṇa kāryasvabhāvayoruktalakṣaṇayorjanmatanmātrānubandhī darśanīyāvuktau | tacca darśayatā- yatra dhūmastatrāgniḥ, asatyagnau na kvacid dhūmaḥ, yathā mahānasetarayoḥ | yatra kṛtakatvaṃ tatrānityatvam, gatārthatvāditi hetvarthenaiva dṛṣṭāntārthasyāvagamāt || 121 || kathamiti cedāha- hetoriti |

prayogamātra etadeva hetorlakṣaṇam- sapakṣa eva sattvam ityevarūpam | tathā sarvasmād vipakṣād vyāvṛtiḥ ityevaṃrūpam ca |

viśeṣeṇa ca hetorlakṣaṇam- kāryahetorjanma pradarśanīyam ityuktam, svabhāvaheto stanmātrānubandhaḥ kathanīya ityuktam |

sāmānaylakṣaṇaṃ viśeṣalakṣaṇaṃ ca darśayateti śeṣaḥ |

kāryahetorhi svakīyakṣaṇaṃ(viśeṣalakṣaṇaṃ) tathā sāmānaylakṣaṇaṃ ca yogyam | evaṃ ca darśayatā viśeṣeṇa kathayatā ityarthaḥ | tathāhi- atra sapakṣasattvaṃ pradarśayatā

bhāsāḥ, tathā sādhanāvayatvād dṛṣṭāntā vaktavyāḥ tatprasaṅgena ca dṛṣṭāntā bhāṣāḥ tat kathaṃ noktāḥ? ityāha- trirūpo heturuktaḥ, tat ki dṛṣṭāntaiḥ?

syādetat, tāvatā nārthapratītiḥ? ityāha- tāvatā ceti | uktalakṣaṇenaiva hetunā bhavati sādhyapratītiḥ, ataḥ sa eva gamakaḥ, tatastadvacanameva gamakam | na dṛṣṭānto nāma sādhanasyāvayavaḥ | yataścārya nāvayavaḥ, tena nāsya dṛṣṭāntasya lakṣaṇaṃ hetulakṣaṇāt pṛthagucyate |

kathaṃ tarhi hetorvyāptiniśrayaḥ, yadyadṛṣṭāntako heturiti ced? nocyate heturadṛṣṭāntaka eva, api tu na hetoḥ pṛthagdṛṣṭānto nāma | hetvantarbhūta eva dṛṣṭāntaḥ | ata evoktam- nāsya pṛthag lakṣaṇamucyate iti | na tvevamuktam nāsya lakṣaṇamucyate iti |

yadyevam, hetūpayogino 'pi lakṣaṇaṃ vaktavyameva? ityāha- gatārthatvāt | gato 'rthaḥ prayojanam, abhidheyaṃ vā yasya dṛṣṭāntalakṣaṇasya, tat tathā | tasya bhāvastatvam, tasmāt | dṛṣṭāntalakṣaṇaṃ hyucyate dṛṣṭāntapratītiryathā syāt | dṛṣṭāntaśca hetulakṣaṇādevāvasitaḥ, tato dṛṣṭāntalakṣaṇasya yat prayojanaṃ dṛṣṭāntapratītiḥ, tad gatam= niṣpannam | abhidheyaṃ va gatam= jñātaṃ dṛṣṭāntākhyam || 121 ||

kathaṃ gatārthatvam? ityāha- hetoḥ rūpamuktamabhedena | sāmānyena | sādhāraṇaṃ kārya svabhāva anupalambhanāmetallakṣaṇamityarthaḥ | kiṃ punastat?

anityatvābhāve kṛtakatvāsambhavaḥ, yathā ghaṭākāśayoriti darśanīyam |

na hyanyathā sapakṣa vipakṣayoḥ sadasattve yathoktaprakāre śakye darśayitum |

tatkāryatāniyamaḥ kāryaliṅgasya, svabhāvaliṅgasya ca svabhāvena

avaśyaṃ yathā mahānasaḥ ityabhidheyam | anyathā sapakṣasattvameva kathayitu na śakyate | tathaiva vyāvṛtti kathayatāpyavaśyaṃ yathā jalam ityābhidheyam | anyathā vyāvṛttireva noktā syāt |

anena svabhāvahetoḥ sāmānyalakṣaṇaṃ viśeṣalakṣaṇaṃ ca yathā vaktavyaṃ tathā darśyate | iha yadi yathā ghaṭaḥ iti nocyate tadā sapakṣasattvameva kathayituṃ na śakyate | yadi yathā ākāśam iti nocyate, tadā vyāvṛttirapi kathayituṃ na śakyate | tanmātrānubandho 'pi tathaiva darśayituṃ na śakyam | tathāhi yadi yatra yatra kṛtakatvaṃ tatra tatrāvaśyaṃ nityatvam, yathā ghaṭe iti nirdiśyate, tadā tanmātrānubandha evokto bhavati | sapakṣa eva yat sattvam, vipakṣācca sarvasmād vyāvṛttiryā- rūpadvayametadabhedenoktam |

naca sāmānyamuktamapi śakyaṃ jñātum, atastadeva viśeṣaniṣṭhaṃ vaktavyam |

ataḥ punarapi viśeṣeṇa viśeṣavantau janmatanmātrānubandhau darśanīyāvaktau | kāryasya janma jñātavyamuktam | janmani hi jñāte kāryasya sapakṣe eva sattvam, vipakṣācca sarvasmād vyāvṛttirjñātā bhavati | svabhavasya tanmātrānubandho darśanīya uktaḥ | taditi sādhanam | tadeva tanmātram= sādhanamātram | tasyānubandhaḥ= anugamanam | sādhanamātrasya bhāve bhāvaḥ sādhyasya | tanmātrabhāvitvameva hi sādhyasya tādātmyam | sādhanasya yadā svabhāvo jñāto bhavati tadā svabhāvahetoḥ- sapakṣe eva sattvam, vipakṣācca sarvasmād vyāvṛttirjñātā bhavati |

tadevaṃ sāmānyalakṣaṇaṃ viśeṣātmakaṃ jñātavyam, nānaythā | tato viśeṣalaksāṇamuktam |