Nyāyabinduprakaraṇa with Vinītadeva's Nyāyabinduvistaraṭīkā (Śiṣyahita) and Dharmottara's Nyāyabinduṭīkā

kimato yadi nāmaivam? ityāha- tacceti | tacca sāmānyalakṣaṇaṃ darśayitukāmena viśeṣalakṣaṇaṃ darśayatā eva darśanīyam- iti sambandhaḥ | yatra dhūmastatrāgniriti | kāryahetorvyāptidarśitā | vyāptiśca kāryakaraṇabhāvasādhanāt pramāṇānniścauyate | tato yathā mahānasa iti darśanīyam, asatyagnau na bhavatyeva dhūma iti vyatireko darśitaḥ | sa ca yathetarasminniti darśanīyaḥ | vahninivṛttirhi dhūmanivṛttau niyatā darśanīyā | sā ca mahānasāditaratreti darśanīyā |

vyāptiḥ | asmiścārthe darśite eva dṛṣṭānto bhavati | etāvanmātrarūpatvāt tasyeti ||

sapakṣatvaṃ darśayatā yadi yathā mahānasaḥ yathā ghaṭaḥ iti vā nocyate, tadā sapakṣasattvamevokta na syāt | yadi ca vipakṣāsattvaṃ darśayatā yathā jalam yathā ākāśam iti vā nicyate, tadā vyāvṛttireva noktā syāt |

evaṃ sāmānyalakṣaṇamuktvā aśakyatvamuktam | viśeṣalakṣaṇena aśakyatvakathanānantaramāha- tatkāryatetyādi |

tasya kārya tatkāryam, tasya bhāvastatkāryatā, tasyā niyamaḥ tatkāryatāniyamaḥ | kāraṇasattve kāryasyāpi sattvam ityeṣa niyama eva tatkāryatāniyamaḥ |

svarūpeṇa vyāptireva svabhāvena vyāptiḥ | tanmātrānubandha iti śeṣaḥ | tadubhayamapi dṛṣṭāntamanuktvā vaktuṃ na śakyate | yadā yathoktanyāyena kvacid dharmiṇi hetuḥ sāmānyalakṣaṇato viśeṣalakṣaṇataścocyate, tadā dṛṣṭānto 'pyukta eva |

tacca kasmāditi ced? āha- etāvadityādi |

yatra kṛtakatvaṃ tatra | nityatvamiti svabhāvahetorvyāptidarśitā | anityatvābhāve na bhavatyena kṛtakatvamiti vyatireko darśitaḥ | vyāptreśca sādhakai pramāṇaṃ sādharmyadṛṣṭānte darśanīyam | prasiddhavyāptikasya ca hetoḥ sādhyani vṛttau nivṛttirniyatā darśanīyā | tadavaśyaṃ yathā ghaṭe, yathā ākāśe ceti darśanīyam |

kasmādevam? ityāha- na hoti | yasmādanyathā sāmānya lakṣaṇarūpe sapakṣavipakṣayoḥ sadasattve yathoktaprakāre iti niyate- sapakṣe eva sattvam, vipakṣa'sattvameveti niyamo yathoktaprakāraḥ | te na śakye darśayitum | viśeṣalakṣaṇe hi darśite yathoktaprakāre sadasatve darśite bhavataḥ | na ca viśeṣalakṣaṇamanyathā śakyaṃ darśayitum |

tasya sādhyasya kāryadhūmaḥ, tasya bhāvastatkāryatā, saiva niyamo yatastatkāryatāyā dhūmo dahane niyataḥ | so 'yaṃ tatkāryatāniyamo viśeṣalakṣaṇarūpo 'nyathā darśayitumaśakyaḥ | svabhāvaliṅgasya ca svabhāvena sādhyena vyāpti viśeṣalakṣaṇarūpā na śakyā darśayitum | yasmāt kāryakāraṇabhāvastādātmyaṃ ca mahānase ghaṭe ca jḥātavyam, tasmād vyāptisādhanaṃ pramāṇaṃ darśayatā sādharmyadṛṣṭānto darśanīyaḥ vaidharmyadṛṣṭāntastu prasiddhe tatkāryatve kāraṇābhāve kāryābhāvapratipattyartham | tata eva nāvaśyaṃ vastu bhavati | kāraṇābhāve kāryābhāvo vastunyavstuni vā bavati | tato vastvavastu vā vaidharmya

123 etenaiva dṛṣṭāntadoṣā api nirastā bhavanti ||

124 yathā nityaḥ śabdo 'mūrtatvāt, karmavat paramāṇuvad ghaṭavaditi | ete dṛṣṭāntābhāsāḥ sādhyasādhanadharmobhayavikalāḥ |

tathāhi tasya rūpametāvanmātremeva | yatra sādhyena hetoranvayo dṛśyate, sa sādharmyadṛṣṭāntaḥ | yatra ca sādhyābhāve hetvabhāvo nirdiśyate sa vaidharmyadṛṣṭāntaḥ || 122 || yasmād yadā hetoḥ sāmānyaviśeṣalakṣaṇayonirdeśaḥ kriyate sa nirduṣṭhadṛṭānta ityucyate tasmād yatra tallakṣaṇayornirdeśo na sambhavati sa dṛṣṭāntābhāso bhavatītyuktaṃ bhavati || 123 || udāhārṇānyāha- yatheti | sādhya- sādhanadharmobhayavikalā iti | śabdo nityaḥ, amūrtatvat karmavat iti sādhaydharmavikalaḥ | paramāṇuvat iti sādhanadharmavikalaḥ | ghaṭavat ityubhayavikalaḥ || 124 ||

dṛṣṭānta iṣyate | tasmād dṛṣṭāntamantareṇa na hetoranvayo vyatireko vā śakyo darśayitum | ato heturūpākhyānādeva hetorvyāptisādhanasya pramāṇasya darśakaḥ sādharmyadṛṣṭāntaḥ |

prasiddhavyāptikasya sādhyābhave hetvabhāvapradarśanād vaidharmyadṛṣṭānta upādeya iti ca darśitaṃ bhavati |

asmiścārthe darśite eva dṛṣṭānto bhavati | yo 'yamartho vyāpti prasādhanapramāṇapradarśanaḥ kaścidupādeyo nivṛttipradarśanaśca- ityasminnarthe darśite darśito dṛṣṭānta ityāha | etābandhamātraṃ rūpaṃ yasya, tasya bhāvastattvam, tasmāditi | etāvadeva hi rūpaṃ dṛṣṭāntasya, yaduta vyāptisādhanapramāṇapradarśakatvaṃ nāma sādharmyadṛṣṭāntasya, prasiddhavyāptikasya ca sādhyanivṛtau sādhananivṛttipradarśakatvam- ityetad vaidharmyadṛṣṭāntasya | etacca hetūpākhyānādevākhyātamiti kiṃ dṛṣṭāntalakṣaṇena || 122 ||

etenaiva ca heturūpākhyānād dṛṣṭāntatvapradarśanena dṛṣṭāntadoṣā dṛṣṭāntabhāsāḥ kathitā bhavanti | tathā hi- pūrviktisiddhaye ya upādīyamāno 'pi dṛṣṭānto na samarthaḥ svakārya sādhayituṃ sa dṛṣṭāntadoṣa iti sāmarthyāduktaṃ bhavati || 123 ||

dṛṣṭāntābhāsānudāharati- yathā nityaḥ śabda iti | śabdasya nityatve sādhye amūrtatvāditi hetuḥ | sādharmyeṇa karmavat, paramāṇuvat, ghaṭavadityete dṛṣṭāntā upanyastāḥ | ete ca dṛṣṭāntadoṣāḥ | sādhyaṃ ca sādhanaṃ ca

125 tathā sandigdhasādhyadharmādayaśca | yathā- rāgādimānayaṃ vacanād rathyāpuruṣavat | maraṇadharmāya puruṣo rāgādimattvād rathyāpuruṣavat | asarvajño 'yaṃ (puruṣo) rāgādimattvād rathyāpuruṣavaditi |

126 tathānanvayo 'pradarśitānvayaśca | yathā- yo vaktā sa rāgādimān iṣṭapuruṣavat | anityaḥ śabdaḥ kṛtakatvād ghaṭavaditi |

sandigdhaḥ sādhyadharmo 'sminniti vigrahaḥ | sādhyadharma ādiryeṣāṃ te tathoktāḥ |

udāharaṇānyāha- rāgādimāniti | ayaṃ sandigdhasādhyadharmaḥ | maraṇadharmeti | ayaṃ sandigdhasādhanadharmaḥ | asavajña iti | ayaṃ sandhigdhobhayadharmaḥ || 125 ||

ananvaya iti | yatrānvayo nāstyeva | apradarśitānvaya iti | yatrānvayo vidyamāno 'pi na pradarśitaḥ |

udāharaṇamāha- yatheti | tatrānvayo nāsti | tena tatra vacanarāgādayorvyāpyavyapakabhavaḥ kārya kāraṇabhāvo vā naiva vidyate |

anitya iti | ihānvayo vidyamāno 'pi na pradarśitaḥ || 126 || ubhayaṃ ceti ca tairvikalāḥ | 1 sādhyavikalaṃ karma tasyāniyatatvāt | 2 sādhanavikalaḥ paramāṇuḥ, mūrtatvāt paramāṇūnām | asarvagatādravyaparimāṇam =mūrtiḥ | asarvagataśca dravyarūpāśca paramāṇavaḥ | nityāstu vaiśeṣikairiṣyante | tato na sādhyavikalaḥ | 3 ghaṭastūbhayavikalaḥ, anityatvāt mūrtatvācca ghaṭasyeti || 124 ||

tathā sandigdhaḥ sādhyadharmo yasmin sa sandigdhasādhyadharmaḥ | sa ādiryeṣāṃ te tathoktaḥ | sandigdhasādhyadharmaḥ, sandigdhasādhanadharmaḥ, sandigdhibhayaḥ |

udāharaṇam- rāgādimaniti | rāgādimattvaṃ sādhyam | vacanāditi hetuḥ | rathyāpuruṣavaditi dṛṣṭānte rāgādimattavṃ sandigdham | maraṇe dharmo 'syeti maraṇadharmā, tasya bhāvo maraṇadharmatvaṃ sādhyam | ayaṃ puruṣa iti dharmī | rāgādimattvāditi hetuḥ | tadubhayamapi rathyāpuruṣe dṛṣṭānte sandigdham- asarvajñatvaṃ rāgādimatvaṃ ceti || 125 ||

tathānanvaya iti | yasmin dṛṣṭānte sādhyasādhanayorasambhavamātre dṛśyate, natu sādhyena vyāpto hetuḥ so 'nanvayaḥ | apradarśitānvayaśca yasmin dṛṣṭānte vidyamāno 'pyanvayo na pradarśito vaktrā, so 'pradarśitānvayaḥ |

ananvayamudāharati- yatheti | yo vakteti | vaktṛtvamanūdya sa rāgādimāniti rāgādimattvaṃ vihitam | tato vaktṛtvasya rāgādimattve pratiniyamaḥ |

127 tathā viparītānvayaḥ- yadanityaṃ tat kṛtakamiti ||

viparīteti | anvayo viparīto yasmin dṛṣṭānte iti vigrahaḥ |

udāharaṇamāha yadanityamiti | iha yat kṛtakaṃ tadanityam iryāmadheye yadanityaṃ tatkṛtakam iti viparītābhidhānam || 127 ||

tena vyāptiruktā | iṣṭapuruṣavaditi | iṣṭāgrahaṇena prativādhaypi saṃgṛhyate, vādyapi | tena vaktṛtvarāgādimattvayossattvamātremiṣṭe puruṣe siddham | vyaptistu na siddhā | tenānanvayo dṛṣṭānta iti |

anityaḥ śabda iti | anityatvaṃ sādhyam | kṛtakatvāditi hetuḥ | ghaṭavaditi dṛṣṭānte na pradarśito 'nvayaḥ |

iha yadyapi kṛtakatvena ghaṭasadṛśaḥ śabdaḥ, tathāpi nānityatvenāpi sadṛśaḥ pratyetu śakyate, atiprasaṅgāt | yadi tu kṛtakatvamanityasvabhavaṃ vijñātaṃ bhavati, evaṃ kṛtakatvādanityatvapratītiḥ syāt | tasmād yat kṛtakaṃ tadani tyam iti kṛtakatvamanityatve niyatamabhidhāya niyamasadhanāyānvayavākyārthapratipattiviṣayo dṛṣṭānta upādeyaḥ | sa ca pradarśitānvaya eva | anena tvanvayavākyamanuktvaiva dṛṣṭānta upāttaḥ | īddaśaśca sādharmyamāṭreṇaivopayogī, na ca sādharmyāt sādhyasiddhirato 'nvayārtho dṛṣṭāntastadarthaścānena nopāttaḥ | sādharmyārthaścopātto nirupayoga iti vaktṛdosādayaṃ dṛṣṭāntadoṣaḥ | vaktā hayatra paraḥpratipadayotavyaḥ | tato yadi nāma na duṣṭāṃ vastu, tathāpi vaktrā duṣṭāṃ darśitatamiti duṣṭameva || 126 ||

tathā viparīto 'nvayo yasmin dṛṣṭānte sa tathoktaḥ | tamevodāharati yadanitya tat kṛtakamiti | kṛtakatvamanityatvaniyataṃ dṛṣṭānte darśanīyam | evaṃ kṛtakatvādanityāvargatiḥ syāt | atra tvanityatvaṃ kṛtakatve niyata darśitam | kṛtakatvaṃ tvaniyatamevānityatve | tato yādṛśamiha kṛtakatvamaniyata manityatve darśitam, tādṛśānnāstyanityatvapratītiḥ | tathāhi- yadanityamityanityatvamanūdaya tat kṛtakamiti kṛtakatvaṃ vihitam | ato 'nityatvaṃ niyatamuktaṃ kṛtakatve, na tu kṛtakatvamanityatve | tato yathānityatvādaniyatāt prayatnānantarīyakatve na prayatnānantarīyakatvapratītiḥ, tadvat kṛtakatvādanityatvapratipattirna syāt, anityatve 'niyatatvāt kṛtakatvasya |

yadyapi ca kṛtakatvaṃ vastusthityānityatve niyatam, tathāpyaniyataṃ vaktra darśitam | ataḥ svayamaduṣṭamapi vaktṛdoṣād dṛṣṭam |

tasmād viparītānvayo 'pi vasturaparādhāt, na vastunaḥ | parārthānumāne ca vakturapi doṣaścintyate iti || 127 ||

128 sādharmyeṇa dṛṣṭāntadoṣāḥ ||

129 vaidharmyeṇāpi- paramāṇuvat karmavad ākaśavaditi sādhyādayavyatirekiṇaḥ ||

130 tathā sandigdhasādhyavyatirekādayaḥ | yathā asarvajñāḥ kapilādayo 'nāptā vā avidayamānasarvajñatāptatāliṅgabhūtapramāṇātiśayaśāsana ete sarve sādharmyadṛṣṭāntābhāsāḥ || 128 || vaidharmyadṛṣṭāntābhāsā ucyante |

sādhyamādiryeṣāṃ tāni sādhyādīni, teṣāmavyatirekaḥ sādhyādyavyatirekaḥ | te ca yatra santi te sādhyādyavaytirekiṇah | tatra paramāṇuvaditi sādhyāvyatirekī | nityatvāt paramāṇūnāṃ sādhyādyavyatirekaḥ | karmavaditi sādhanāvyatirekī | amūrtatvāt karmaṇāṃ sādhanāvyatirekaḥ | ākaśavaditi ubhayāvyatirekī | ākāśasya cobhayāvyatirekaḥ || 129 ||

sandigdheti | sādhyasya vyatirekaḥ sandigdho yasminniti vigrahaḥ | sandigdhasādhyavyatireka ādiryeṣāmiti vigrahaḥ | udāharaṇānyāha- yatheti | pratijñādvayamupanyastam | sādharmyeṇa nava dṛṣṭāntadoṣā uktāḥ || 128 || vaidharmyeṇāpi dṛṣṭāntadoṣān vaktumāha- vaidharmyeṇāpīni | nityatve śabdasya sādhye hetāvamūrtatve paramāṇuvaidharmye dṛṣṭāntaḥ sādhyāvyatirekī nityatvāt paramāṇūnām karma sādhanāvyatireki | amīṣrtatvāt karmaṇaḥ | ākāśamubhayāvyatireki nityatvād, amīṣrtatvācca | sādhyamādiryeṣāṃ tāni sādhyādīni sādhyasādhanobhayāni | teṣāmavyatireko nivṛtyabhaaḥ | sa yeṣāmasti te sādhyādayavyatirekiṇaḥ | te codāhutāḥ || 129 ||

aparānudāhartumāha- tatheti | sādhyasya vyatirekaḥ sadhyavyatirekaḥ | sandigdhaḥ sādhyavyatireko yasmin sa sandigdhasādhyavyatirekaḥ, sa ādiryeṣāṃ te tathoktāḥ |

sandigdasādhyavyatirekamudārhartumāha- yatheti | asarvajñā ityekaṃ sādhyam, anāptā akṣīṇadoṣā iti dvitīyam | kapilādaya iti dharmī | avidyamānasarvajñatetyādihetuḥ | āptatā ca tayorliṅgabhūtaḥ pramāṇatiśayo liṅgātmakaḥ pramāṇaviśeṣo 'vidayamānaḥ sarvajñatāptatāliṅgabhūtaḥ pramāṇātiśayo yasmin tathoktaṃ śāsanam | tādṛśaṃ śāsanaṃ teṣāṃ te tathoktāḥ teṣāṃ bhāvastattvam | tasmāt pramāṇātiśayo jyotirjñānopadeśa ihābhipretaḥ | yadi tvāditi | atra vaidharmyodaharaṇam- yaḥ sarvajña āpto vā sa jyotirjñānādikamupadiṣṭavān | yathā ṛṣabhavardhamānādiriti | tatrāsarvajñatānāptatayoḥ sādhyadharmayoḥ sandigdho vyatirekaḥ | 131 sandigdhasādhanavyatireko yathā- na trayīvidā rāmhaṇena grāhyavacanaḥ kaścid vivakṣitaḥ puruṣo rāgādimattvaditi | atra vaidharmyodāha-

sarvajñatva ca vītarāgatvaṃ sarvajñatvavītarāgatve, tayoliṅgabhūtaṃ pramāṇātiśayaśāsanamavidhyamānaṃ yeṣu te avidyamānasarvajñatvavītarāgatvaliṅgabhūtapramāṇātiśayaśāsanāḥ, teṣāṃ bhāvastattavam| tasmād avidyamānasarvajñatvavītarāgatvaliṅgabhūtapramāṇātiśayaśāsanatvāt | parīkṣyate ityuparitaḥ sambandhaḥ |

jyotirjñānam= nakṣatraviparīkṣaṇamiti hetuḥ | tacca sarvajñatva vītarāgatvaliṅgabhūtamṛṣabha- vardhamānādibhiranuśiṣṭām | tasmāt te sarvajñā vītarāgā veti niścetuṃ śakyata iti | atra ṛṣabhamahāvīrādivaidharmyadṛṣṭānta ukta, teṣu ca asarvajñatvāvītarāgatvayorvyatirekaniścayo nāsti || 130 || sandigdhetyadi | tadarthastu gata eva | udāharaṇam- yatheti |

hi kapilādayaḥ sarvajñā āptā vā syuḥ, tadā jyotirjñānādikaṃ kasmānno padiṣṭāvantaḥ? na copadiṣṭāvantaḥ, tasmānna sarvajñā āptā vā |

atra pramāṇe | vaidharmyodāharaṇam- yaḥ sarvajña āpto vā sa jyotirjñānādikaṃ sarvajñatāptataliṅgabhūtamupadiṣṭāvān | yathā ṛṣabho vardhamānaśca tāvādī yasya sa ṛṣabhvardhamānādirdigambarāṇāṃ śāstā sarvajñaśca āptaśceti | tadiha vaidharmyodāharaṇam ṛṣabhāderasarvajñatvasyanāptatayāśca vyatireko vyāvṛttiḥ sandigdhā | yato jyotirjñānaṃ copadiśet, asarvajñaśca bhaved anāptā vā | ko 'tra virodhaḥ? naimittikametajjjñānaṃ vyabhicāri na sarvajñatvamanumāpayet || 130 ||

sandigdhaḥ sādhanavyatireko yasmin sa tathoktaḥ? tamudāharati- yatheti | ṛksāmayajūṣi trīṇi= trayī, tāṃ vettīti trayīvit | tena na grāhyaṃ vacanaṃ yasyeti sādhyam | vivakṣitaṃ iti | kapilādidharmī | rāgādisattvāditi hetuḥ |

atra pramāṇe vaidharmyodāharaṇam- sādhyābhāvaḥ sādhanābhāvena yatra vyāpto darśyate tad vaidharyodaharaṇam | grāhyaṃ vacanaṃ yeṣāṃ te grāhyavacanā iti sādhyanivṛttimanūdaya na te rāgādimanta iti sādhanābhavo vihitaḥ | gauramaraṇam- ye grāhyavacanā na te rāgādimantaḥ, tadayathā gautamādayo dharmaśāstrāṇāṃ praṇetāra iti | gautamādibhyo rāgādimattvasya sādhanadharmasya vyavṛttiḥ sandigdhā ||

132 sandigdhobhayavyatireko yatha- avītarāgāḥ kapilādayaḥ, aprigrahāgrahayogāditi | atra vaidharmyeṇodāharaṇam- yo vītarāgo na tasya parigrahāgrahaḥ, yatharṣabhāderiti | ṛṣabhāderavīratāgatvaparigrahāgrahayogayoḥ sādhyasādhanadharmayoḥ sandigdho vyatirekaḥ |

ṛgvedaḥ, yajurvedaḥ, sāmavedaśceti trayo vedāḥ | ta eva trayī śabdenocyante | trayī vettīti trayīvit | grāhyaṃ vacanamasyeti grāhyavacanaḥ | prāmāṇyavacana iti śeṣaḥ | tenatadukta bhavati- trayīvid yo brāmhaṇastadabhimatapuruṣavacanaṃ nityapramāṇaṃ nāstīti | atreti | tadarthastu gata eva | ye hi grāhyavacanā na te rāgādimantaḥ | tadyatheti | gautama vyāsamuniprabhṛttibhiryāni dharmaśāstrāṇi praṇītāniv tāni hi trayīvidāṃ prāmāṇyavacanāni | tebhyo hi rāgādimattvasya vyavṛtteniścayo nāsti || 131 || sandigdha ubhayorvyatireko yasminniti samāsaḥ | udāharaṇam- yatheti |

praigrahaḥ= dravyasya svīkaraṇam | āgrahaḥ= svīkārādūrdhvamāsaktiḥ | parigrahaścāgrahaśceti praitgrahagrahau | tābhyāṃ yoga ityarthaḥ |

ādiryeṣāṃ te tathoktā manbādayo dharmaśāstrāṇi= smṛtayasteṣāṃ kartāraḥ | trayīvidā hi brāmhaṇena grāhyavacanā dharmaśāstrakṛto vītarāgāśca ta ītīha dharmī vyatirekaviṣayo gautamādaya iti | gautamādibhyo rāgādimattvasya sādhanasya nivṛttiḥ sandigdhā | yadyapi te grāhyavacanāstrayīvidā, tathapi ki sarāgā uta vītarāgāḥ? iti sandehaḥ || 131 ||

sandigdha ubhayorvyatireko yasmin sa tathoktaḥ | tamudāharati- tatheti | avītarāgā iti | rāgādimattvaṃ sādhyam | akapiladaya iti dharmī | parigraho labhyamānasya svīkārḥ prathamaḥ | svīkārādūrdhva yad gārdhya mātsarya sa āgrahaḥ | parigrahaśca āgrahaśca tabhyāṃ yogāt kapilādayo labhyamānaṃ svīkurvanti svīkṛtaṃ na muñcanti- iti te rāgādimanto gamyante | atra pramāṇe vaidharmyodāharaṇam- yatra sāhdyābhāva sādhanābhavo darśayitavyaḥ | yo vītarāga iti | sādhyābhāvamanūdaya na tasya parigrahāgrahāviti sādhanābhavo vihitaḥ | yatharṣabhāderiti dṛṣṭāntaḥ | etasmād ṛṣabhādedṛṣṭāntād avītarāgatvasya sādhyaparigrahāgrahayogasya ca sādhanasya nivṛttiḥ sandigdhā | ṛṣabhadīnāṃ hi pari

133 avyatireko yathā- avītarāgo 'yaṃ vaktṛtvāt | vaidharmyeṇodāharaṇam- yatrāvītarāgatvaṃ nāsti, na sa vaktā |yathā upalakhaṇḍa iti | yadayapyupalakhaṇḍādubhayaṃ vyāvṛtaṃ tathāpi sarvo vītarāgo na vakteti vyāptyā vyatirekāsiddheravyatirekaḥ ||

134 arpadarśitavyatireko yathā- anitya śabdaḥ, kṛtakatvādākāśavat iti vaidharmyeṇa ||

ṛṣabhādayo hi svalpamatramapi vyañjanaṃ na parigṛhṇanti | tasmāt tesāṃ parigraho nāsti | parigrahābhave cāgrahābhāvaḥ, tena ca vītarāgāḥ |

avītarāgo rāgādimānityarthaḥ | parigrahaśca manasā svīkaraṇam | āgrahaśca tṛṣṇā | te ca sarve mānasattvāt indriyagocarā na bhavanti | tasmāt ṛṣabhādibhyo vyāvṛttireveti niścetuṃ na śakyate || 132 ||

avyatireka iti | avidyamāno vyatireko 'sminniti vigrahah | yatheti | tadarthastu gata eva | vaidharmyeti | vaidharmye dṛṣṭānto 'yam |

yadyapi upalakhaṇḍasyācetanatvādrāgādimattvaṃ vaktṛtvaṃ vā naiva, tathāpi sarvo vītarāgo na vakteti vyāptirasiddhā | rāgavattvavaktṛtvayoḥ sambandhābhāvād rāgavattvavyāvṛtau vaktṛtvavinivṛttinaṃ bhavati | tasmādanna vastuno vyatireko nāsti || 133 ||

apradarśita iti | yatra vyatireko vartamāno 'pi nocyate |

grahāgrahayogo 'pi sandigdhaḥ vītarāgatvaṃ ca | yadi nāma tatsiddhānte vītarāgāśca niṣparigrahāśca paṭhayante, tathāpi sandeha eva || 132 ||

aparānapi trīnudāhartumāha- avyatireka it avidyamāno vyatireko yasmin so 'vyatirekaḥ | avītarāga iti | rāgādimatvaṃ sādhyam | vaktṛtvāditi hetuḥ | iti vyatirekamāha- yatrāvītarāgatvaṃ nāstīti | sādhyābhavānubādaḥ | tatra vakrṛtvamapi nāstīti sādhanābhāvavidhiḥ | tena sadhanābhavena sādhyābhāvo vyāpta uktaḥ | dṛṣṭānto yathopalakhaṇḍa iti | kathamayamavyatireko yāvatopalakhaṇḍād ubhayaṃ nivṛtam? kimataḥ? yadyapi upalakhaṇḍādubhayaṃ vyavṛttam- sarāgatvaṃ vītarāgatvaṃ ca tathāpi vyaptyā vyatireko yastasyasiddheḥ kāraṇādavyatireko 'yam |

kīdṛśī punarvyāptiḥ? ityaha- sarvo vītarāga iti | sādhyābhāvānuvādaḥ |

na vakteti sādhanābhavavidhiḥ | tena sādhyabhāvaḥ sadhanābhavaniyataḥ khyāpito bhavati | īdṛśī vyāptiḥ | tayā vyatireko na siddhaḥ | asya cārthasya prasiddhage dṛṣṭāntaḥ | tat svīkāryākaraṇād duṣṭaḥ || 133 ||

135 viparītavyatireko yathā- yadakṛtakaṃ tannityaṃ bhavatīti |

udāharaṇamāha- śabdo 'nitya iti |

kenacid vaidharmyadṛṣṭāntatvena śabdo 'nitya kṛtakatvāt, ākāśavat ityukta, tatra vyatireko vidyamāno 'pyanukta eva bhavati | tathāhi yadi ye ye ca apdārthā nityāḥ te sarva evākṛtakāḥ ityucyate, tadā vyatireko darśito bhavati | na tu dṛṣṭāntamātreṇa || 134 ||

apradarśito vyatireko yasmin sa tathoktaḥ | anityaḥ śabda iti | anityatvaṃ sādhkyam | kṛtakatvāditi het | ākaśavaditi vaidharmyeṇa dṛṣṭāntaḥ |

iha parāthānumāne parasmādarthaḥ pratipattavyaḥ | sa śuddho 'pi svato yadi pareṇāśuddhaḥ khyāpyate sa tāvad yathā prakāśitastathā na yuktaḥ | yathā yuktastathā na prakāśitaḥ | parkāśitaśca hetuḥ | ato vakturaparādhādapi parāthānumāne heturdṛṣṭānto vā duṣṭāḥ syādapi | na ca sādṛśyādasādṛśyādvā sādhyapratipattiḥ, apitu sādhyaniyatāddhetoḥ | ataḥ sādhyaniyato heturanvayavākyena, vyatirekavākyena vā vaktavyaḥ | anyathā gamako noktaḥ syāt | sa tathokto dṛṣṭāntena siddho darśayitavyaḥ | tasmād dṛṣṭānto nāmanvayavyatirekavākyārthapradarśanaḥ | na ceha vyatirekavākyaṃ prayuktam, ato vaidharmyadṛṣṭānta ihāsādṛśaymātreṇa sādhaka upanyastaḥ | na ca tathā sādhakaḥ | vyatirekaviṣayatvena sa sādhakaḥ na ca tathopanyasta iti ayamapradarśitavyatireko vakturaparādhād duṣṭāḥ || 134 ||

viparīto vyatireko yasmin vaidharmyadṛṣṭānte sa tathoktaḥ | tamudāharati- yathā yadakṛtakamityādi | iha anvayavyatirekābhyāṃ sādhyaniyato heturdaśayitavyaḥ, yadā ca sādhyaniyato heturdarhsayitavyaḥ, tadā vyatirekavākye sādhyābhāvaḥ sādhanābhāve niyato darśayitavyaḥ | evaṃ hi hetuḥ sādhyaniyato darśitaḥ syāt | yadi tu sādhyābhāvaḥ sādhanābhāve niyato nākhyāyate, sādhanasattāyāmapi sādhyābhvaḥ sambhāvyeta | tathā ca sādhanaṃ sādhyaniyataṃ na pratīyeta | tasmāt sādhyābhāvaḥ sādhyābhāve niyato vaktavyaḥ | viparītavyatireke ca sādhyābhāvaḥ sādhyābhāve niyata ucyate, na sādhyābhāvaḥ sādhanā bhāve | tathā hi- yadakṛtakamiti | sādhanābhāvamanūdaya | tannityamiti sādhyābhāvavidhiḥ |

tato 'yamarthaḥ- akṛtako nitya eva | tathā ca sati akṛtakatvaṃ nityatve sādhyābhāve niyatamuktam, na nityatvaṃ sādhanābhāve | tato na sādhyaniyataṃ

136 na hyebhirdṛṣṭāntābhāsairhetoḥ sāmānyalakṣaṇaṃ sapakṣa eva sattvaṃ vipakṣe ca sarvatrāsattvameva niścayena śakyaṃ darśayituṃ viśeṣalakṣaṇaṃ vā | tadarthāpattyaiṣāṃ nirāso draṣṭavyaḥ ||

137 dūṣaṇā nyūnatādayuktiḥ ||

viparīto vyatireko 'sminniti vigrahaḥ | udāharaṇamāha- yatheti | iha yannityaṃ tadakṛtakam ityabhidheye tadviparītamuktam || 135 ||

taiśca dṛṣṭāntābhāsairhetoyacca sāmānyalakṣaṇaṃ tadapi viśeṣalakṣaṇaṃ tacca na śakyate darśayitum | tata eva te dṛṣṭāntābhāsā iti dṛṣṭāntābhāsāḥ |

yasmād dvividhamapi hetirlakṣaṇaṃ darśayituṃ na śakyate, tasmādarthāpattyā teṣāṃ nirāso draṣṭavyaḥ | iyatā samyagjñānaṃ tatsvarūpairvyākhyātam || 136 ||

idānī tatsahāyakābhidhānamanujñātumāha-

nyūnatā ādiryeṣāṃ te nyūnatādayaḥ | teṣāmuktinyūnatādyuktiḥ | tāśca pratyekaṃ dūṣaṇāḥ || 137 ||

atra ādi- ityukterasiddhaviruddhānaikāntikadoṣāṇāṃ parigrahaḥ | ucyate 'neti uktiḥ= vacanam| yena vacanena dosā uddhriyante tad dūṣaṇamiti | hetu vyatirekavākyamāha | tathā ca viparītavyatireko 'pi vakturaparādhād duṣṭaḥ || 135 ||

dṛṣṭāntadoṣānudāhṛtya duṣṭatvanibandhanatvaṃ darśayitumāha- na hayebhiriti | sādhyaniyatapradarśanāya hi dṛṣṭāntā vaktavyāḥ | ebhiśca hetoḥ sapakṣa eva sattvaṃ vipakṣe ca sarvatrāsattvameva yat sāmānyalakṣaṇaṃ tat niścayena na śakyaṃ darśayitum |

nanu ca sāmānyalakṣaṇaṃ viśeṣaniyatameva pratipattavyam, na svata eva? ityāha- viśeṣalakṣaṇaṃ vā | yadi viśeṣalakṣaṇaṃ pratipādayituṃ śakyeta, syādeva sāmānyalakṣaṇapratipattiḥ | viśeṣalakṣaṇameva tu na śakyamebhiḥ pratipādayitum | tasmādarthāpattyā sāmarthyena eṣāṃ nirākaraṇaṃ draṣṭavyam | sādhyaniyatasādhanapratītaye upātāḥ | tadasamarthā duṣṭāḥ, svakāryākaraṇāditi asāmarthyam || 136 ||

iyatā sāhanamuktam ||

dūṣaṇaṃ vaktumāha- duṣaṇeti | dūṣaṇā kā draṣṭavyā? nyūnatādonāmuktiḥ |

ucyate 'nayetyuktiḥ= vacanam | nyūnatādervacanam || 137 ||

138 ye pūrva nyūnatādayaḥ sādhanadoṣā uktāsteṣāmudbhāvanaṃ dūṣaṇam tena pareṣṭārthasiddhipratibandhāt ||

139 dūṣaṇābhāsāstu jātayaḥ |

140 abhūtadoṣodbhāvanāni jātyuttarāṇīti ||

tacca kasmāditi cet? tatrāha- teneti |

yasmāttena vacanena pūrvapakṣiṇā sādhayitumiṣṭasyārthasya siddhiḥ pratibadhyate, tasmāt tad dūṣaṇam | tadetāni anudbhūtadūṣaṇāti || 138 || jātaya eva dūṣaṇābhāsā viditavyāḥ || 139 || kāśca punastā jātaya iti? āha- abhūteti |

na bhūto 'bhūtaḥ, abhūtā doṣā abhūtadoṣāḥ teṣāmudbhavanāni abhūtadoṣodbhāvanāni | yaiśca vacanaiḥ sādhanadoṣā abidhyamānā api udbhāvyante tāni jātayo veditavyāḥ |

samyagjñānanirūpaṇāvasare kathaṃ dūṣaṇa- tadābhāsānāmupadarśanamiti cet? ucyate, dūṣaṇānāṃ tayā dūṣaṇābhāsānāṃ ca nirūpaṇe samyagjñānamapi sasahāyaṃ nirūpitaṃ bhavatoti | tathā caitā hyatra dūṣaṇā iti tāsāṃ pariharo vidheyaḥ | yadā vā ete dūṣaṇābhāsāḥ, etebhyaḥ śaṅkābhāva eva veditavya ityabhidhīyate, tadā samyagjñānameva sarvathā nirūpitaṃ bhavati | tasmād yathoktadoṣaprasaṅgo nāsti || 140 ||

dūṣaṇaṃ vivarītumāha- ye pūrva nyūnatādayo 'siddhaviruddhānaikāntikā uktāḥ, teṣāmudbhāvakaṃ yad vacanaṃ tad dūṣaṇam |

nanu ca nyūnatādayo na viparyayasādhanāḥ, tat kathaṃ dūṣaṇam? ityāha- tena nyūnatādivacanena pareṣāmiṣṭaścāsāvarthaśca tasya siddhiḥ niścayaḥ, tasyāḥ pratibandhāt | nāvaśyaṃ viparyayasādhanādeva dūṣaṇaṃ viruddhavat, api tu parasyābhipretaniścayavibandhānniścayābhāvo bhavati niścayaviparyaya ityastyeva viparyayasiddhiriti || 138 ||

uktā dūṣaṇā ||

dūṣaṇābhāsā iti | dūṣaṇavadābhāsanta iti dūṣaṇābhāṣā | ke te? jātaya iti | jātiśabdaḥ sādṛśyavacanaḥ | uttarasadṛśāni jātyuttarāṇi | uttarasyāprayuktatvād uttarasadṛśāni jātyuttarāṇi || 139 ||

tadevottarasādṛśyamuttarasthānaprayuktatvena darśayitumāha- abhūteti | abhūtasya asatyasya doṣasya udbhavanāni | udbhāvyata etairityaudbhāvanāni = vacanāni | tāni jātyuttarāṇi | jātyā sādṛśyenottarāṇi jātyuttarāṇīti || 140 ||

pṛthu yaccājitaṃ puṇyaṃ nyāyabidoḥ padaṃ padam | vyākhyānena mayādyaiva tato labdhvāmṛtaṃ dhruvam ||

prāṇikulamaśeṣaṃ hi yātu bhavaparikṣayam | yathocittena mārgeṇa nirdeśena nṛpasya ca ||

iyaṃ vinītadevena śiṣyakalyāṇasiddhaye | vistaro nāma ṭīkā hi nyāyabindorvinirmittā ||

nyāyabinduvistaraṭīkāyāṃ śiṣyahitāyāṃ tṛtīyaḥ paricchedaḥ samāptaḥ ||

sahastramekaṃ ślokānāṃ triśacślokāstathaiva ca | granthe vistaraṭīkāyāminoktaṃ paripiṇḍitam |

ācāryavinītadevakṛtirnyāyabinduvistaraṭīkā śiṣyahitā samāptā ||

dharmottaraṭīkā

katipayapadavastuvyākhyayā yanmayāptam, kuśalamamalamindoraṃśuvan nyāyabindoḥ ||

padamajaramavāpya jñānadharmottaraṃ yad, jagadūpakṛtimātravyāpṛtiḥ syāmato 'ham ||

ācāryadharmottaraviracittāyāṃ nyāyabinduṭīkāyāṃ tṛtīyaḥ pariccedaḥ samāptaḥ ||

samāptaṃ ca nyāyabinduprakaraṇam ||

ye dharmā hetuprabhavā hetuṃ teṣāṃ tathāgato hayavadat | teṣāṃ ca yo nirodha evaṃvādī mahāśramaṇaḥ ||