शतसाहस्रिका प्रज्ञापारमिता, Part इ

अनिञ्जः समाधिः / अवितर्कः समाधिः / सूर्यप्रदीपः समाधिः / चन्द्रविमलः समाधिः / प्रज्ञाप्रदीपः समाधिः / शुद्धप्रतिभासः समाधिः / आलोककरः समाधिः / काराकारः समाधिः / ज्ञानकेतुः समाधिः / वज्रोपमः समाधिः / चित्तस्थितिः समाधिः / समन्तालोकः समाधिः / सुप्रतिष्ठितः समाधिः / रत्नकोटिः समाधिः / वरधर्ममुद्रा समाधिः / सर्वधर्मसमता समाधिः / रतिजहः समाधिः / धर्मोद्गतः समाधिः / अविकिरणः समाधिः / सर्वधर्मपदप्रभेदः समाधिः / समाक्षरावकारः समाधिः / अक्षरापगतः समाधिः / आरम्बणच्छेदनः समाधिः / अविकारः समाधिः / अप्रकारः समाधिः / नामनियतप्रवेशः समाधिः / अनिकेतचारी समाधिः / तिमिरापगतः समाधिः / चारित्रवती समाधिः / अचलः समाधिः / विषवतीर्णः समाधिः / सर्वगुणसञ्चयगतः समाधिः / स्थितनिश्चित्तः समाधिः / शुभपुष्पितशुद्धिः समाधिः / अनन्तप्रतिभानः समाधिः / असमसमः समाधिः / सर्वधर्मातिक्रमणः समाधिः / परिच्छेदकरः समाधिः / विमतिविकिरणः समाधिः / निरधिष्ठानः समाधिः / एकव्यूहः समाधिः / आकाशाभिनिर्हारः समाधिः / एकाकारः समाधिः / आकारानवकारः समाधिः / नैर्वेधिकसर्वभवतलापगतः समाधिः / सङ्केतरुतप्रवेशः समाधिः / गिरिघोषाक्षरविमुक्तः समाधिः / ज्वलनोल्का समाधिः / लक्षणपरिशोधनः समाधिः / अनभिलक्षितः समाधिः / सर्वाकारवरोपेतः समाधिः / सर्वदुःखनिरभिनन्दी समाधिः / अक्षयकरण्डः समाधिः / धारणीमतिः समाधिः / सम्यक्त्वमिथ्यात्वसंग्रसनः समाधिः / सर्वरोधविरोधासंप्रशमनः समाधिः /

विमलप्रभः समाधिः / सारवती समाधिः / परिपूर्णचन्द्रविमलप्रभः समाधिः / विद्युत्प्रभः समाधिः / महाव्यूहः समाधिः / सर्वाकारप्रभाकरः समाधिः / समाधिसमता समाधिः / अरजोधिरजोनययुक्तः समाधिः / अरणसमवसरणः समाधिः / अरणसरणसर्वसमवसरणः समाधिः / अनिलम्भनिकेतनिरतः समाधिः / तथतास्थितनिश्चित्तः समाधिः / कायकलिसंप्रमथनः समाधिः / वाक्कलिविध्वंसनगगनकल्पः समाधिः / आकाशासङ्गविमुक्तिनिरुपलेपः समाधिः / इदम् उच्यते बोधिसत्त्वस्य महासत्त्वस्य महायानं /

पुनर् अपरं सुभूते बोधिसत्त्वस्य महासत्त्वस्य महायानं / यद् उताध्यात्मशून्यता / बहिर्धाशून्यता / अध्यात्मबहिर्धाशून्यता / शून्यताशून्यता / महाशून्यता / परमाथशून्यता / संस्कृतशून्यता / असंस्कृतशून्यता / अत्यन्तशून्यता / अनवराग्रशून्यता / अनवकारशून्यता / प्रकृतिशून्यता / सर्वधर्मशून्यता / स्वलक्षणशून्यता / अनुपलम्भशून्यता / अभावशून्यता / स्वभावशून्यता / अभावस्वभावशून्यता / इदम् उच्यते बोधिसत्त्वस्य महासत्त्वस्य महायानं /

पुनर् अपरं सुभूते बोधिसत्त्वस्य महासत्त्वस्य महायानं / यद् उत चत्वारि स्मृत्युपस्थानानि / चत्वारि सम्यक्प्रहाणानि / चत्वार ऋद्धिपादाः / पञ्चेन्द्रियाणि / पञ्च बलानि / सप्त बोध्यङ्गानि / आर्याष्टाङ्गमार्गः / आर्यसत्यानि / ध्यानानि / अप्रमाणानि / आरूप्यसमापत्तयः / अष्टौ विमोक्षाः / नवानुपूर्वविहारसमापत्तयः / शून्यतानिमित्ताप्रणिहितविमोक्षमुखानि / अभिज्ञाः समाधयः / धारणीमुखानि / दश तथागतबलानि / चत्वारि वैशारद्यानि / चतस्रः प्रतिसंविदः / महाकरुणा / अष्टादशावेणिकबुद्धधर्माः / इदम् उच्यते बोधिसत्त्वस्य महसत्त्वस्य महायानं / यत् पुनः सुभूतिर् एवम् आह / सदेवमानुषासुरं लोकम् अभिभूय तन् महायानं निर्यास्यतीति / कतमश् च सदेवमानुषासुरलोकः / यद् उत कामधातुः / रूपधातुः / आरूप्यधातुः सचेत् सुभूते कामधातुस् तथताभविष्यद् अवितथता अनन्यतथताविपरीतो भूतः सत्यो यथावन् नित्यो ध्रुवः शाश्वतः / अविपरिणामधर्माभावो ऽभविष्यन् नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते कामधातुः कल्पितो विठयितः सन्दर्भितः / अनित्यो ऽध्रुवो ऽशाश्वतो विपरिणामधर्मा अभावः / तस्मात् तन् महायानं सदेवमानुषासुरं लोकम् अभिभूय निर्यास्यति / सचेत् सुभूते रूपधातुस् तथताभविष्यत् अवितथता अनन्यतथता विपरीतो भूतः सत्यो यथावन् नित्यो ध्रुवः शाश्वतः अविपरिणामधर्माभावो ऽभविष्यत् / नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते रूपधातुः कल्पितो विठयितः सन्दर्भितः /

अनित्यो ऽध्रुवो ऽशाश्वतो विपरिणामधर्माभावस् तस्मान् महायानं सदेवमानुषासुरं लोकम् अभिभूय निर्यास्यति / सचेत् सुभूते आरूप्यधातुस् तथताभविष्यत् / अवितथता अनन्यतथताविपरितं भूतं सत्यं यथावन् नित्यो ध्रुवः शाश्वतो ऽविपरिणामधर्माभावो ऽभविष्यत् / नेदं महायानं सदेवमानुषासुरं लोकम् अभिभूय निर्यास्यत् / तस्मात् तर्हि सुभूते रूपं कल्पितं विठयितं सन्दर्भितं / इदं सर्वम् अनित्यम् अध्रुवम् अशाश्वतं विपरिणामधर्म अभावस् तस्मान् महायानं सदेवमानुषासुरं लोकम् अभिभूय निर्यास्यति / सचेत् सुभूते वेदना तथताभविष्यद् अवितथतानन्यतथता अविपरीता भूता सत्या यथावन् नित्या ध्रुवा शाश्वता अविपरिणामधर्मिणी न खल्व् अभावो ऽभविष्यत् नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते वेदना कल्पिता विठयिता सन्दर्भिता / इदं सर्वम् अनित्यम् अध्रुवम् अशाश्वतं विपरिणामधर्माभावस् तस्मान् महायानं सदेवमानुषासुरं लोकम् अभिभूय निर्याति / सचेत् सुभूते संज्ञा तथताभविष्यद् अवितथतानन्यतथताविपरीता भूता सत्या यथावन् नित्या ध्रुवा शाश्वताविपरिणामधर्मिणी न खल्व् अभावो ऽभविष्यन् नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते संज्ञा कल्पिता विठयिता सन्दर्भिता / इदं सर्वम् अनित्यम् अध्रुवम् अशाश्वतं विपरिणामधर्माभावस् तस्मान् महायानं सदेवमानुषासुरं लोकम् अभिभूय निर्याति / सचेत् सुभूते संस्कारास् तथाभविष्यन् न वितथा अनन्यतथा अविपरिभूता सत्या यथावन् नित्या ध्रुवाः शाश्वता अविपरिणामधर्माणः /

न खल्व् अभावो ऽभविष्यन् नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते संस्काराः कल्पिता विठयिताः सन्दर्भिताः / इदं सर्वम् अनित्यम् अध्रुवम् अशाश्वतं विपरिणामधर्माभावस् तस्मान् महायानं सदेवमानुषासुरं लोकम् अभिभूय निर्याति / सचेत् सुभूते विज्ञानं तथाभविष्यद् अवितथानन्यतथाविपरीतं भूतं सत्यं यथावन् नित्यं ध्रुवम् अशाश्वतम् अविपरिणामधर्म न खल्व् अभावो ऽभविष्यन् नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते विज्ञानं कल्पितं विठयितं सन्दर्भितं इदं सर्वम् अनित्यम् अध्रुवम् अशाश्वतं विपरिणामधर्माभावस् तस्मान् महायानं सदेवमानुषासुरं लोकम् अभिभूय निर्याति /

सचेत् सुभूते चक्षुस् तथाभविष्यद् अवितथानन्यतथाविपरीतं भूतं सत्यं यथावन् नित्यं ध्रुवं शाश्वतम् अपरिणामधर्म / न खल्व् अभावो ऽभविष्यन् नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते चक्षुः कल्पितं विठयितं सन्दर्भितं / इदं सर्वम् अनित्यम् अध्रुवम् अशाश्वतं विपरिणामधर्माभावस् तस्मान् महायानं सदेवमानुषासुरं लोकम् अभिनिर्याति / सचेत् सुभूते श्रोत्रं तथाभविष्यद् वितथानन्यतथाविपरीतं भूतं सत्यं यथावन् नित्यं ध्रुवं शाश्वतम् अविपरिणामधर्म न खल्व् अभावाभविष्यन् नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते श्रोत्रं कल्पितं विठयितं सन्दर्भितं / इदं सर्वम् अनित्यम् अध्रुवम् अशाश्वतं विपरिणामधर्माभावस् तस्मान् महायानं सदेवमानुषासुरं लोकम् अभिभूय निर्याति / सचेत् सुभूते घ्राणस् तथाभविष्यद् अवितथानन्यतथाविपरितं भूतं सत्यं यथावन् नित्यं ध्रुवं शाश्वतम् अविपरिणामधर्म न खल्व् अभावो ऽभविष्यन् नेदं महायानं सदेवमानुषासुरं लोकम् अभिभूय निर्यास्यत् / यस्मात् तर्हि सुभूते घ्राणं कल्पितं विठयितं सन्दर्भितं / इदं सर्वम् अनित्यम् अध्रुवम् अशाश्वतं विपरिणामधर्माभावस् तस्मात् सदेवमानुषासुरं लोकम् अभिभूय निर्याति / सचेत् सुभूते जिह्वा तथाभविष्यद् अवितथानन्यतथाविपरीता भूता सत्या यथावन् नित्या ध्रुवा शाश्वताविपरिणामधर्मिणी न खल्व् अभावो ऽभविष्यन् नेदं महायानं सदेवमानुषासुरं लोकम् अभिभूय निरयास्यत् / तस्मात् तर्हि सुभूते जिह्वा कल्पिता विठयिता सन्दर्भिता /

इदं सर्वम् अनित्यम् अध्रुवम् अशाश्वतं विपरिणामधर्माभावस् तस्मान् महायानं सदेवमानुषासुरं लोकम् अभिभूय निर्याति / सचेत् सुभूते कायस् तथाभविष्यद् अवितथानन्यतथाविपरीता भूतः सत्या यथावन् नित्या ध्रुवः शाश्वतो ऽविपरिणामधर्मा खल्व् अभावो ऽभविष्यन् नेदं महायानं सदेवमानुषासुरं लोकम् अभिभूय निरयास्यत् / तस्मात् तर्हि सुभूते कायः कल्पितो विठयितः सन्दर्भितः / इदं सर्वम् अनित्यम् अध्रुवम् अशाश्वतं विपरिणामधर्माभावस् तस्मान् महायानं सदेवमानुषासुरं लोकम् अभिभूय निर्याति / सचेत् सुभूते मनस् तथाभविष्यद् अवितथानन्यतथाविपरीतं भूतं सत्यं यथावन् नित्यं ध्रुवं शाश्वतम् अविपरिणामधर्मं न खल्व् अभावो ऽभविष्यन् नेदं महायानं सदेवमानुषासुरं लोकम् अभिभूय निरयास्यत् / तस्मात् तर्हि सुभूते मनः कल्पितं विठयितं सन्दर्भितम् इदं सर्वम् अनित्यम् अध्रुवम् अशाश्वतं विपरिणामधर्माभावस् तस्मान् महायानं सदेवमानुषासुरं लोकम् अभिभूय निर्याति /

सचेत् सुभूते रूपन् तथाभविष्यद् अवितथानन्यतथाविपरीतं भूतं सत्यं यथावन् नित्यं ध्रुवं शाश्वतम् अपरिणामधर्म न खल्व् अभावो ऽभविष्यन् नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते रूपं कल्पितं विठयितं सन्दर्भितम् इदं सर्वम् अनित्यम् अध्रुवम् अशाश्वतं विपरिणामधर्माभावस् तस्मान् महायानं सदेवमानुषासुरं लोकम् अभिभूय निर्याति / सचेत् सुभूते शब्दस् तथाभविष्यद् अवितथानन्यतथाविपरीतं भूतः सत्यः यथावन् नित्या ध्रुवः शाश्वतो ऽविपरिणामधर्मा न खल्व् अभावो ऽभविष्यन् नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते शब्दः कल्पितो विठयितः सन्दर्भितः इदं सर्वम् अनित्यम् अध्रुवम् अशाश्वतं विपरिणामधर्माभावस् तस्मान् महायानं सदेवमानुषासुरं लोकम् अभिभूय निर्याति / सचेत् सुभूते गन्धस् तथाभविष्यद् अवितथानन्यतथाविपरीतो भूतः सत्यः यथावन् नित्यो ध्रुवः शाश्वतो ऽविपरिणामधर्मा खल्व् अभावो ऽभविष्यन् नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते गन्धः कल्पितो विठयितः सन्दर्भितो ऽनित्यो ऽध्रुवो ऽशाश्वतो विपरिणामधर्माभावस् तस्मान् महायानं सदेवमानुषासुरं लोकम् अभिभूय निर्याति / सचेत् सुभूते रसस् तथाभविष्यद् अवितथानन्यतथाविपरीतो भूतः सत्यो यथावन् नित्यो ध्रुवः शाश्वतो ऽविपरिणामधर्मा न खल्व् अभावो ऽभविष्यन् नेदं महायानं सदेवमानुषासुरं लोकम् अभिभूय निरयास्यत् /

यस्मात् तर्हि सुभूते रसः कल्पितो विठयितः सन्दर्भितो ऽनित्यो ऽध्रुवो ऽशाश्वतो विपरिणामधर्माभावस् तस्मान् महायानं सदेवमानुषासुरं लोकम् अभिभूय निर्याति / सचेत् सुभूते स्पर्शस् तथाभविष्यद् अवितथानन्यतथाविपरीतो भूतः सत्यो यथावन् नित्यो ध्रुवः शाश्वतो ऽविपरिणामधर्मा न खल्व् अभावो ऽभविष्यन् नेदं महायानं सदेवमानुषासुरं लोकम् अभिभूय निरयास्यत् / यस्मात् खल्व् एव सुभूते स्पर्शः कल्पितो विठयितः सन्दर्भितो ऽनित्यो ऽध्रुव ऽशाश्वतो विपरिणामधर्माभावस् तस्मान् महायानं सदेवमानुषासरं लोकम् अभिभूय निर्याति / सचेत् सुभूते धर्मास् तथाभविष्यद् अवितथानन्यतथाविपरीताः सत्या यथावन् नित्या ध्रुवाः शाश्वता अविपरिणामधर्माः न खल्व् अभावो ऽभविष्यन् नेदं महायानं सदेवमानुषासुरं लोकम् अभिभूय निर्याति /

सचेत् सुभूते चक्षुर्विज्ञानं तथाभविष्यद् अवितथानन्यतथाविपरीतं भूतं सत्यं यथावन् नित्यं ध्रुवं शाश्वतम् अविपरिणामधर्म न खल्व् अभावो ऽभविष्यन् नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते चक्षुर्विज्ञानं कल्पितं विठयितं सन्दर्भितम् अनित्यम् अध्रुवम् अशाश्वतं / विपरिणामधर्माभावस् तस्मान् महायानं सदेवमानुषासुरं लोकम् अभिभूय निर्याति / सचेत् सुभूते श्रोत्रविज्ञानं तथाभविष्यद् अवितथानन्यतथाविपरीतं भूतं सत्यं यथावन् नित्यं ध्रुवं शाश्वतम् अविपरिणामधर्म न खल्व् अभावो ऽभविष्यन् नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते श्रोत्रविज्ञानं कल्पितं विठयितं सन्दर्भितम् अनित्यम् अध्रुवम् अशाश्वतं विपरिणामधर्माभावस् तस्मान् महायानं सदेवमानुषासुरं लोकम् अभिभूय निर्याति / सचेत् सुभूते घ्राणविज्ञानन् तथाभविष्यद् अवितथानन्यतथाविपरीतं भूतं सत्यं यथावन् नित्यं ध्रुवं शाश्वतम् अविपरिणामधर्म न खल्व् अभावो ऽभविष्यन् नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते घ्राणविज्ञानं कल्पितं विठयितं सन्दर्भितम् अनित्यम् अध्रुवम् अशाश्वतं विपरिणामधर्माभावस् तस्मान् महायानं सदेवमानुषासुरं लोकम् अभिभूय निर्याति / सचेत् सुभूते जिह्वाविज्ञानं तथाभविष्यद् अवितथानन्यतथाविपरीतं भूतं सत्यं यथावन् नित्यं ध्रुवं शाश्वतम् अविपरिणामधर्म न खल्व् अभावो ऽभविष्यन् नेदं महायानं सदेवमानुषासुरं लोकम् अभिभूय निरयास्यत् /

यस्मात् तर्हि सुभूते जिह्वाविज्ञानं कल्पितं विठयितं सन्दर्भितम् अनित्यम् अध्रुवम् अशाश्वतं विपरिणामधर्माभावस् तस्मान् महायानं सदेवमानुषासुरं लोकम् अभिभूय निर्याति / सचेत् सुभूते कायविज्ञानं तथाभविष्यद् अवितथानन्यतथाविपरीतं भूतं सत्यं यथावन् नित्यं ध्रुवं शाश्वतम् अविपरिणामधर्म न खल्व् अभावो ऽभविष्यन् नेदं महायानं सदेवमानुषासुरं लोकम् अभिभूय निरयास्यात् / यस्मात् तर्हि सुभूते कायविज्ञानं कल्पितं विठयितं सन्दर्भितम् अनित्यम् अध्रुवम् अशाश्वतं विपरिणामधर्माभावस् तस्मान् महायानं सदेवमानुषासुरं लोकम् अभिभूय निर्याति / सचेत् सुभूते मनोविज्ञानं तथाभविष्यद् अवितथानन्यतथाविपरीतं भूतं सत्यं यथावन् नित्यं ध्रुवं शाश्वतम् अविपरिणामधर्म न खल्व् अभावो ऽभविष्यन् नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूति मनोविज्ञानं कल्पितं विठयितं सन्दर्भितम् अनित्यम् अध्रुवम् अशाश्वतं विपरिणामधर्माभावस् तस्मान् महायानं सदेवमानुषासुरं लोकम् अभिभूय निर्याति /

सचेत् सुभूते चक्षुःसंस्पर्शस् तथाभविष्यद् अवितथानन्यतथाविपरीतो भूतः सत्यो यथावन् नित्यो ध्रुवः शाश्वतो ऽविपरिणामधर्मा न खल्व् अभावो ऽभविष्यन् नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते चक्षुःसंस्पर्शः कल्पितो विठयितः सन्दर्भितो ऽनित्यो ऽध्रुवो ऽशाश्वतो विपरिणामधर्माभावस् तस्मान् महायानं सदेवमानुषासुरं लोकम् अभिभूय निर्याति / सचेत् सुभूते श्रोत्रसंस्पर्शस् तथाभविष्यद् अवितथानन्यतथाविपरीतो भूतः सत्यो यथावन् नित्यो ध्रुवः शाश्वतो ऽविपरिणामधर्मा न खल्व् अभावो ऽभविष्यन् नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते श्रोत्रसंस्पर्शः कल्पितो विठयितः सन्दर्भितो ऽनित्यो ऽध्रुवो ऽशाश्वतो विपरिणामधर्माभावस् तस्मान् महायानं सदेवमानुषासुरं लोकम् अभिभूय निर्याति / सचेत् सुभूते घ्राणसंस्पर्शस् तथाभविष्यद् अवितथानन्यतथाविपरीतो भूतः सत्यो यथावन् नित्यो ध्रुवः शाश्वतो ऽविपरिणामधर्मा न खल्व् अभावो ऽभविष्यन् नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते घ्राणसंस्पर्शः कल्पितो विठयितः सन्दर्भितो नित्यो ध्रुवो ऽशाश्वतो विपरिणामधर्माभावस् तस्मान् महायानं सदेवमानुषासुरं लोकम् अभिभूय निर्याति / सचेत् सुभूते जिह्वासंस्पर्शस् तथाभविष्यद् अवितथानन्यतथाविपरीतो भूतः सत्यो यथावन् नित्यो ध्रुवः शाश्वतो ऽविपरिणामधर्मा न खल्व् अभावो ऽभविष्यन् नेदं महायानं सदेवमानुषासुरं लोकम् अभिभूय निरयास्यत् /

यस्मात् तर्हि सुभूते जिह्वासंस्पर्शः कल्पितो विठयितः सन्दर्भितो ऽनित्यो ऽध्रुवो ऽशाश्वतो विपरिणामधर्माभावस् तस्मान् महायानं सदेवमानुषासुरं लोकम् अभिभूय निर्याति / सचेत् सुभूते कायसंस्पर्शस् तथाभविष्यद् अवितथानन्यतथाविपरीतो भूतः सत्यो यथावन् नित्यो ध्रुवः शाश्वतो ऽविपरिणामधर्मा न खल्व् अभावो ऽभविष्यन् नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते कायसंस्पर्शः कल्पितो विठयितः सन्दर्भितो ऽनित्यो ऽध्रुवो ऽशाश्वतो विपरिणामधर्माभावस् तस्मान् महायानं सदेवमानुषासुरं लोकम् अभिभूय निर्याति / सचेत् सुभूते मनःसंस्पर्शस् तथाभविष्यद् अवितथानन्यतथाविपरीतो भूतः सत्यो यथावन् नित्यो ध्रुवः शाश्वतो ऽविपरिणामधर्मा न खल्व् अभावो ऽभविष्यन् नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते मनःसंस्पर्शः कल्पितो विठयितः सन्दर्भितो ऽनित्यो ऽध्रुवो ऽशाश्वतो विपरिणामधर्माभावस् तस्मान् महायानं सदेवमानुषासुरं लोकम् अभिभूय निर्याति / सचेत् सुभूते चक्षुःसंस्पर्शप्रत्ययवेदितं तथाभविष्यद् अवितथानन्यतथाविपरीतं भूतं सत्यं यथावन् नित्यं ध्रुवं शाश्वतम् अविपरिणामधर्म न खल्व् अभावो ऽभविष्यन् नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते चक्षुःसंस्पर्शप्रत्ययवेदितं कल्पितं विठयितं सन्दर्भितम् अनित्यम् अध्रुवम् अशाश्वतं विपरिणामधर्माभावस् तस्मान् महायानं सदेवमानुषासुरं लोकम् अभिभूय निर्याति /

सचेत् सुभूते श्रोत्रसंस्पर्शप्रत्ययवेदितं तथाभविष्यद् अवितथानन्यतथाविपरीतं भूतं सत्यं यथावन् नित्यं ध्रुवं शाश्वतम् अविपरिणामधर्म न खल्व् अभावो ऽभविष्यन् नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते श्रोत्रसंस्पर्शप्रत्ययवेदितं कल्पितं विठयितं सन्दर्भितम् अनित्यम् अध्रुवम् अशाश्वतं विपरिणामधर्माभावस् तस्मान् महायानं सदेवमानुषासुरं लोकम् अभिभूय निर्याति / सचेत् सुभूते घ्राणसंस्पर्शप्रत्ययवेदितं तथाभविष्यद् अवितथानन्यतथाविपरीतं भूतं सत्यं यथावन् नित्यं ध्रुवं शाश्वतम् अविपरिणामधर्म न खल्व् अभावो ऽभविष्यन् नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते घ्राणसंस्पर्शप्रत्ययवेदितं कल्पितं विठयितं सन्दर्भितम् अनित्यम् अध्रुवम् अशाश्वतं विपरिणामधर्माभावस् तस्मान् महायानं सदेवमानुषासुरं लोकम् अभिभूय निर्याति / सचेत् सुभूते जिह्वासंस्पर्शप्रत्ययवेदितं तथाभविष्यद् अवितथानन्यतथाविपरीतं भूतं सत्यं यथावन् नित्यं ध्रुवं शाश्वतम् अविपरिणामधर्म न खल्व् अभावो ऽभविष्यन् नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते जिह्वासंस्पर्शप्रत्ययवेदितं कल्पितं विठयितं सन्दर्भितम् अनित्यम् अध्रुवम् अशाश्वतं विपरिणामधर्माभावस् तस्मान् महायानं सदेवमानुषासुरं लोकम् अभिभूय निर्याति /

सचेत् सुभूते कायसंस्पर्शप्रत्ययवेदितं तथाभविष्यद् अवितथानन्यतथाविपरीतं भूतं सत्यं यथावन् नित्यं ध्रुवं शाश्वतम् अविपरिणामधर्म न खल्व् अभावो ऽभविष्यन् नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते कायसंस्पर्शप्रत्ययवेदितं कल्पितं विठयितं सन्दर्भितम् अनित्यम् अध्रुवम् अशाश्वतं विपरिणामधर्माभावस् तस्मान् महायानं सदेवमानुषासुरं लोकम् अभिभूय निर्याति / सचेत् सुभूते मनःसंस्पर्शप्रत्ययवेदितं तथाभविष्यद् अवितथानन्यतथाविपरीतं भूतं सत्यं यथावन् नित्यं ध्रुवं शाश्वतम् अविपरिणामधर्म न खल्व् अभावो ऽभविष्यन् नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते मनःसंस्पर्शप्रत्ययवेदितं कल्पितं विठयितं सन्दर्भितम् अनित्यम् अध्रुवम् अशाश्वतं विपरिणामधर्माभावस् तस्मान् महायानं सदेवमानुषासुरं लोकम् अभिभूय निर्याति /

सचेत् सुभूते पृथिवीधातुस् तथाभविष्यद् अवितथानन्यतथाविपरीतो भूतः सत्यो यथावन् नित्यो ध्रुवः शाश्वतो ऽविपरिणामधर्मा न खल्व् अभावो ऽभविष्यन् नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते पृथिवीधातुः कल्पितो विठयितः सन्दर्भितो ऽनित्यो ऽध्रुवो ऽशाश्वतो विपरिणामधर्माभावस् तस्मान् महायानं सदेवमानुषासुरं लोकम् अभिभूय निर्याति / सचेत् सुभूते ऽब्धातुस् तथाभविष्यद् अवितथानन्यतथाविपरीतो भूतः सत्यो यथावन् नित्यो ध्रुवः शाश्वतो ऽविपरिणामधर्मा न खल्व् अभावो ऽभविष्यन् नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते ऽब्धातुः कल्पितो विठयितः सन्दर्भितो ऽनित्यो ऽध्रुवो ऽशाश्वतो विपरिणामधर्माभावस् तस्मान् महायानं सदेवमानुषासुरं लोकम् अभिभूय निर्याति / सचेत् सुभूते तेजोधातुस् तथाभविष्यद् अवितथानन्यतथाविपरीतो भूतः सत्यो यथावन् नित्यो ध्रुवः शाश्वतो ऽविपरिणामधर्मा न खल्व् अभावो ऽभविष्यन् नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते तेजोधातुः कल्पितो विठयितः सन्दर्भितो ऽनित्यो ऽध्रुवो ऽशाश्वतो विपरिणामधर्माभावस् तस्मान् महायानं सदेवमानुषासुरं लोकम् अभिभूय निर्याति / सचेत् सुभूते वायुधातुस् तथाभविष्यद् अवितथानन्यतथाविपरीतो भूतः सत्यो यथावन् नित्यो ध्रुवः शाश्वतो ऽविपरिणामधर्मा न खल्व् अभावो ऽभविष्यन् नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते वायुधातुः कल्पितो विठयितः सन्दर्भितो ऽनित्यो ऽध्रुवो ऽशाश्वतो विपरिणामधर्माभावस् तस्मान् महायानं सदेवमानुषासुरं लोकम् अभिभूय निर्याति / सचेत् सुभूते आकाशधातुस् तथाभविष्यद् अवितथानन्यतथाविपरीतो भूतः सत्यो यथावन् नित्यो ध्रुवः शाश्वतो ऽविपरिणामधर्मा न खल्व् अभावो ऽभविष्यन् नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते आकाशधातुः कल्पितो विठयितः सन्दर्भितो ऽनित्यो ऽध्रुवो ऽशाश्वतो विपरिणामधर्माभावस् तस्मान् महायानं सदेवमानुषासुरं लोकम् अभिभूय निर्याति /

सचेत् सुभूते विज्ञानधातुस् तथाभविष्यद् अवितथानन्यतथाविपरीतो भूतः सत्यो यथावन् नित्यो ध्रुवः शाश्वतो ऽविपरिणामधर्मा न खल्व् अभावो ऽभविष्यन् नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते विज्ञानधातुः कल्पितो विठयितः सन्दर्भितो ऽनित्यो ऽध्रुवो ऽशाश्वतो विपरिणामधर्माभावस् तस्मान् महायानं सदेवमानुषासुरं लोकम् अभिभूय निर्याति / सचेत् सुभूते अविद्या तथाभविष्यद् अवितथानन्यतथाविपरीता भूता सत्या यथावन् नित्या ध्रुवा शाश्वताविपरिणामधर्मिणी न खल्व् अभावो ऽभविष्यन् नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते अविद्या कल्पिता विठयिता सन्दर्भितानित्याध्रुवाशाश्वता विपरिणामधर्मिणी अभावस् तस्मान् महायानं सदेवमानुषासुरं लोकम् अभिभूय निर्याति / सचेत् सुभूते संस्कारास् तथाभविष्यद् अवितथानन्यतथाविपरीता भूताः सत्या यथावन् नित्या ध्रुवाः शाश्वता अविपरिणामधर्माणो न खल्व् अभावो ऽभविष्यन् नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते संस्काराः कल्पिता विठयिताः सन्दर्भिताः अनित्या अध्रुवा अशाश्वता विपरिणामधर्मणो अभावस् तस्मान् महायानं सदेवमानुषासुरं लोकम् अभिभूय निर्याति / सचेत् सुभूते विज्ञानं तथाभविष्यद् अवितथानन्यतथाविपरीतं भूतं सत्यं यथावन् नित्यं ध्रुवं शाश्वतम् अविपरिणामधर्म न खल्व् अभावो ऽभविष्यन् नेदं महायानं सदेवमानुषासुरं लोकम् अभिभूय निरयास्यत् /

यस्मात् तर्हि सुभूते विज्ञानं कल्पितं विठयितं सन्दर्भितम् अनित्यम् अध्रुवम् अशाश्वतं विपरिणामधर्माभावस् तस्मान् महायानं सदेवमानुषासुरं लोकम् अभिभूय निर्याति / सचेत् सुभूते नामरूपं तथाभविष्यद् अवितथानन्यतथाविपरीतं भूतं सत्यं यथावन् नित्यं ध्रुवं शाश्वतम् अविपरिणामधर्म न खल्व् अभावो ऽभविष्यन् नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते नामरूपं कल्पितं विठयितं सन्दर्भितम् अनित्यम् अध्रुवम् अशाश्वतं विपरिणामधर्माभावस् तस्मान् महायानं सदेवमानुषासुरं लोकम् अभिभूय निर्याति / सचेत् सुभूते षडायतनं तथाभविष्यद् अवितथानन्यतथाविपरीतं भूतं सत्यं यथावन् नित्यं ध्रुवं शाश्वतम् अविपरिणामधर्म न खल्व् अभावो ऽभविष्यन् नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते षडायतनं कल्पितं विठयितं सन्दर्भितम् अनित्यम् अध्रुवम् अशाश्वतं विपरिणामधर्माभावस् तस्मान् महायानं सदेवमानुषासुरं लोकम् अभिभूय निर्याति / सचेत् सुभूते स्पर्शस् तथाभविष्यद् अवितथानन्यतथाविपरीतो भूतः सत्यो यथावन् नित्यो ध्रुवः शाश्वतो ऽविपरिणामधर्मा न खल्व् अभावो ऽभविष्यन् नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते स्पर्शः कल्पितो विठयितो सन्दर्भितो ऽनित्यो ऽध्रुवो ऽशाश्वतो ऽविपरिणामधर्माभावस् तस्मान् महायानं सदेवमानुषासुरं लोकम् अभिभूय निर्याति /

सचेत् सुभूते वेदना तथाभविष्यद् अवितथानन्यतथाविपरीता भूता सत्या यथावन् नित्या ध्रुवा शाश्वताविपरिणामधर्मिणी न खल्व् अभावो ऽभविष्यन् नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते वेदना कल्पिता विठयिता सन्दर्भितानित्याध्रुवाशाश्वताविपरिणामधर्मिणी अभावस् तस्मान् महायानं सदेवमानुषासुरं लोकम् अभिभूय निर्याति / सचेत् सुभूते तृष्णा तथाभविष्यद् अवितथानन्यतथाविपरीता भूता सत्या यथावन् नित्या ध्रुवा शाश्वताविपरिणामधर्मिणी न खल्व् अभावो ऽभविष्यन् नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते तृष्णा कल्पिता विठयिता सन्दर्भितानित्याध्रुवाशाश्वताविपरिणामधर्मिणी अभावस् तस्मान् महायानं सदेवमानुषासुरं लोकम् अभिभूय निर्याति / सचेत् सुभूते उपादानं तथाभविष्यद् अवितथानन्यतथाविपरीतं भूतं सत्यं यथावन् नित्यं ध्रुवं शाश्वतम् अविपरिणामधर्म न खल्व् अभावो ऽभविष्यन् नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते उपादानं कल्पितं विठयितं सन्दर्भितम् अनित्यम् अध्रुवम् अशाश्वतं विपरिणामधर्माभावस् तस्मान् महायानं सदेवमानुषासुरं लोकम् अभिभूय निर्याति / सचेत् सुभूते स्पर्शस् तथाभविष्यद् अवितथानन्यतथाविपरीतो भूतः सत्यो यथावन् नित्यो ध्रुवः शाश्वतो ऽविपरिणामधर्मा न खल्व् अभावो ऽभविष्यन् नेदं महायानं सदेवमानुषासुरं लोकम् अभिभूय निरयास्यत् /

यस्मात् तर्हि सुभूते स्पर्शः कल्पितो विठयितो सन्दर्भितो ऽनित्यो ऽध्रुवो ऽशाश्वतो ऽविपरिणामधर्माभावस् तस्मान् महायानं सदेवमानुषासुरं लोकम् अभिभूय निर्याति / सचेत् सुभूते भवस् तथाभविष्यद् अवितथानन्यतथाविपरीतो भूतः सत्यो यथावन् नित्यो ध्रुवः शाश्वतो ऽविपरिणामधर्मा न खल्व् अभावो ऽभविष्यन् नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते भवः कल्पितो विठयितः सन्दर्भितो ऽनित्यो ऽध्रुवो ऽशाश्वतो विपरिणामधर्माभावस् तस्मान् महायानं सदेवमानुषासुरं लोकम् अभिभूय निर्याति / सचेत् सुभूते जातिस् तथाभविष्यद् अवितथानन्यतथाविपरीता भूता सत्या यथावन् नित्या ध्रुवा शाश्वताविपरिणामधर्मिणी न खल्व् अभावो ऽभविष्यन् नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते

जातिः कल्पिता विठयिता सन्दर्भितानित्याध्रुवाशाश्वता विपरिणामधर्मिणी अभावस् तस्मान् महायानं सदेवमानुषासुरं लोकम् अभिभूय निर्याति / सचेत् सुभूते जरामरणं तथाभविष्यद् अवितथानन्यतथाविपरीतं भूतं सत्यं यथावन् नित्यं ध्रुवं शाश्वतम् अविपरिणामधर्म न खल्व् अभावो ऽभविष्यन् नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते जरामरणं कल्पितं विठयितं सन्दर्भितम् अनित्यम् अध्रुवम् अशाश्वतं विपरिणामधर्माभावस् तस्मान् महायानं सदेवमानुषासुरं लोकम् अभिभूय निर्याति /

सचेत् सुभूते दानपारमिताभावो ऽभविष्यन् नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते दानपारमिताभावो न भावस् तस्मान् महायानं सदेवमानुषासुरं लोकम् अभिभूय निर्याति / सचेत् सुभूते शीलपारमिताभावो ऽभविष्यन् नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते शीलपारमिताभावो न भावस् तस्मान् महायानं सदेवमानुषासुरं लोकम् अभिभूय निर्याति / सचेत् सुभूते क्षान्तिपारमिताभावो ऽभविष्यन् नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते क्षान्तिपारमिताभावो न भावस् तस्मान् महायानं सदेवमानुषासुरं लोकम् अभिभूय निर्याति / सचेत् सुभूते वीर्यपारमिताभावो ऽभविष्यन् नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते वीर्यपारमिताभावो न भावस् तस्मान् महायानं सदेवमानुषासुरं लोकम् अभिभूय निर्याति / सचेत् सुभूते ध्यानपारमिताभावो ऽभविष्यन् नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते ध्यानपारमिताभावो न भावस् तस्मान् महायानं सदेवमानुषासुरं लोकम् अभिभूय निर्याति / सचेत् सुभूते प्रज्ञापारमिताभावो ऽभविष्यन् नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते प्रज्ञापारमिताभावो न भावस् तस्मान् महायानं सदेवमानुषासुरं लोकम् अभिभूय निर्याति /

सचेत् सुभूते अध्यात्मशून्यताभावो ऽभविष्यन् नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते अध्यात्मशून्यताभावो न भावस् तस्मान् महायानं सदेवमानुषासुरं लोकम् अभिभूय निर्याति / सचेत् सुभूते बहिर्धाशून्यताभावो ऽभविष्यन् नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते बहिर्धाशून्यताभावो न भावस् तस्मान् महायानं सदेवमानुषासुरं लोकम् अभिभूय निर्याति / सचेत् सुभूते अध्यात्मबहिर्धाशून्यताभावो ऽभविष्यन् नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते अध्यात्मबहिर्धाशून्यताभावो न भावस् तस्मान् महायानं सदेवमानुषासुरं लोकम् अभिभूय निर्याति / सचेत् सुभूते शून्यताशून्यताभावो ऽभविष्यन् नाभावो नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते शून्यताशून्यता अभावो न भावस् तस्मान् महायानं सदेवमानुषासुरं लोकम् अभिभूय निर्याति / सचेत् सुभूते महाशून्यताभावो ऽभविष्यन् नाभावो नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते महाशून्यता अभावो न भावस् तस्मान् महायानं सदेवमानुषासुरं लोकम् अभिभूय निर्याति / सचेत् सुभूते परमार्थशून्यताभावो ऽभविष्यन् नाभावो नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते परमार्थशून्यताभावो न भावस् तस्मान् महायानं सदेवमानुषासुरं लोकम् अभिभूय निर्याति / सचेत् सुभूते संस्कृतशून्यताभावो ऽभविष्यन् नाभावो नेदं महायानं सदेवमानुषासुरं लोकम् अभिभूय निरयास्यत् /

यस्मात् तर्हि सुभूते शून्यताभावो न भावस् तस्मान् महायानं सदेवमानुषासुरं लोकम् अभिभूय निर्याति / सचेत् सुभूते असंस्कृतशून्यताभावो ऽभविष्यन् नाभावो नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते असंस्कृतशून्यता अभावो न भावस् तस्मान् महायानं सदेवमानुषासुरं लोकम् अभिभूय निर्याति / सचेत् सुभूते ऽत्यन्तशून्यताभावो ऽभविष्यन् नाभावो नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते अत्यन्तशून्यता अभावो न भावस् तस्मान् महायानं सदेवमानुषासुरं लोकम् अभिभूय निर्याति / सचेत् सुभूते अनवराग्रशून्यताभावो ऽभविष्यन् नाभावो नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते अनवराग्रशून्यता अभावो न भावस् तस्मान् महायानं सदेवमानुषासुरं लोकम् अभिभूय निर्याति / सचेत् सुभूते अनवकारशून्यताभावो ऽभविष्यन् नाभावो नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते अनवकारशून्यता अभावो न भावस् तस्मान् महायानं सदेवमानुषासुरं लोकम् अभिभूय निर्याति / सचेत् सुभूते प्रकृतिशून्यताभावो ऽभविष्यन् नाभावो नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते प्रकृतिशून्यता अभावो न भावस् तस्मान् महायानं सदेवमानुषासुरं लोकम् अभिभूय निर्याति / सचेत् सुभूते सर्वधर्मशून्यताभावो ऽभविष्यन् नाभावो नेदं महायानं सदेवमानुषासुरं लोकम् अभिभूय निरयास्यत् /

यस्मात् तर्हि सुभूते सर्वधर्मशून्यता अभावो न भावस् तस्मान् महायानं सदेवमानुषासुरं लोकम् अभिभूय निर्याति / सचेत् सुभूते स्वलक्षणशून्यताभावो ऽभविष्यन् नाभावो नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते स्वलक्षणशून्यता अभावो न भावस् तस्मान् महायानं सदेवमानुषासुरं लोकम् अभिभूय निर्याति / सचेत् सुभूते अनुपलम्भशून्यताभावो ऽभविष्यन् नाभावो नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते अनुपलम्भशून्यता अभावो न भावस् तस्मान् महायानं सदेवमानुषासुरं लोकम् अभिभूय निर्याति / सचेत् सुभूते ऽभावशून्यताभावो ऽभविष्यन् नाभावो नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते अभावशून्यता अभावो न भावस् तस्मान् महायानं सदेवमानुषासुरं लोकम् अभिभूय निर्याति / सचेत् सुभूते स्वभावशून्यताभावो ऽभविष्यन् नाभावो नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते स्वभावशून्यता अभावो न भावस् तस्मान् महायानं सदेवमानुषासुरं लोकम् अभिभूय निर्याति / सचेत् सुभूते अभावस्वभावशून्यताभावो ऽभविष्यन् नाभावो नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते अभावस्वभावशून्यता अभावो न भावस् तस्मान् महायानं सदेवमानुषासुरं लोकम् अभिभूय निर्याति /

सचेत् सुभूते चत्वारि स्मृत्युपस्थानानि भावो ऽभविष्यन् नाभावो नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते स्मृत्युपस्थानानि अभावो न भावस् तस्मान् महायानं सदेवमानुषासुरं लोकम् अभिभूय निर्याति / सचेत् सुभूते सम्यक्प्रहाणानि भावो ऽभविष्यन् नाभावो नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते सम्यक्प्रहाणानि अभावो न भावस् तस्मान् महायानं सदेवमानुषासुरं लोकम् अभिभूय निर्याति / सचेत् सुभूते ऋद्धिपादा भावो ऽभविष्यन् नाभावो नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते ऋद्धिपादा अभावो न भावस् तस्मान् महायानं सदेवमानुषासुरं लोकम् अभिभूय निर्याति / सचेत् सुभूते इन्द्रियाणि भावो ऽभविष्यन् नाभावो नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते इन्द्रियाण्य् अभावो न भावस् तस्मान् महायानं सदेवमानुषासुरं लोकम् अभिभूय निर्याति / सचेत् सुभूते बलानि भावो ऽभविष्यन् नाभावो नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते बलान्य् अभावो न भावस् तस्मान् महायानं सदेवमानुषासुरं लोकम् अभिभूय निर्याति / सचेत् सुभूते बोध्यङ्गानि भावो ऽभविष्यन् नाभावो नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते बोध्यङ्गान्य् अभावो न भावस् तस्मान् महायानं सदेवमानुषासुरं लोकम् अभिभूय निर्याति / सचेत् सुभूते मार्गो ऽभावो ऽभविष्यन् नाभावो नेदं महायानं सदेवमानुषासुरं लोकम् अभिभूय निरयास्यत् /

यस्मात् तर्हि सुभूते मार्गो ऽभावो न भावस् तस्मान् महायानं सदेवमानुषासुरं लोकम् अभिभूय निर्याति / सचेत् सुभूते आर्यसत्यानि भावो ऽभविष्यन् नाभावो नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते आर्यसत्यान्य् अभावो न भावस् तस्मान् महायानं सदेवमानुषासुरं लोकम् अभिभूय निर्याति / सचेत् सुभूते ध्यानानि भावो ऽभविष्यन् नाभावो नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते ध्यानान्य् अभावो न भावस् तस्मान् महायानं सदेवमानुषासुरं लोकम् अभिभूय निर्याति / सचेत् सुभूते अप्रमाणानि भावो ऽभविष्यन् नाभावो नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते अप्रमाणान्य् अभावो न भावस् तस्मान् महायानं सदेवमानुषासुरं लोकम् अभिभूय निर्याति / सचेत् सुभूते आरूप्यसमापत्तयो भावो ऽभविष्यन् नाभावो नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते आरूप्यसमापत्तयो ऽभावो न भावस् तस्मान् महायानं सदेवमानुषासुरं लोकम् अभिभूय निर्याति / सचेत् सुभूते विमोक्षा भावो ऽभविष्यन् नाभावो नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते विमोक्षा अभावो न भावस् तस्मान् महायानं सदेवमानुषासुरं लोकम् अभिभूय निर्याति / सचेत् सुभूते अनुपूर्वविहारसमापत्तयो भावो ऽभविष्यन् नाभावो नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते ऽनुपूर्वविहारसमापत्तयो अभावो न भावस् तस्मान् महायानं सदेवमानुषासुरं लोकम् अभिभूय निर्याति /

सचेत् सुभूते शून्यतानिमित्ताप्रणिहितविमोक्षमुखानि भावो ऽभविष्यन् नाभावो नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते शून्यतानिमित्ताप्रणिहितविमोक्षमुखान्य् अभावो न भावस् तस्मान् महायानं सदेवमानुषासुरं लोकम् अभिभूय निर्याति / सचेत् सुभूते ऽभिज्ञा भावो ऽभविष्यन् नाभावो नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते अभिज्ञा अभावो न भावस् तस्मान् महायानं सदेवमानुषासुरं लोकम् अभिभूय निर्याति / सचेत् सुभूते समाधयो भावो ऽभविष्यन् नाभावो नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते समाधयो ऽभावो न भावस् तस्मान् महायानं सदेवमानुषासुरं लोकम् अभिभूय निर्याति / सचेत् सुभूते धारणीमुखानि भावो ऽभविष्यन् नाभावो नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते धारणीमुखान्य् अभावो न भावस् तस्मान् महायानं सदेवमानुषासुरं लोकम् अभिभूय निर्याति / सचेत् सुभूते तथागतबलानि भावो ऽभविष्यन् नाभावो नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते तथागतबलान्य् अभावो न भावस् तस्मान् महायानं सदेवमानुषासुरं लोकम् अभिभूय निर्याति / सचेत् सुभूते वैशारद्यानि भावो ऽभविष्यन् नाभावो नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते वैशारद्यान्य् अभावो न भावस् तस्मान् महायानं सदेवमानुषासुरं लोकम् अभिभूय निर्याति /

सचेत् सुभूते प्रतिसंविदो भावो ऽभविष्यन् नाभावो नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते प्रतिसंविदो ऽभावो न भावस् तस्मान् महायानं सदेवमानुषासुरं लोकम् अभिभूय निर्याति / सचेत् सुभूते महाकारुणा भावो ऽभविष्यन् नाभावो नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते महाकारुणाभावो न भावस् तस्मान् महायानं सदेवमानुषासुरं लोकम् अभिभूय निर्याति / सचेत् सुभूते अष्टादशावेणिका बुद्धधर्मा भावो ऽभविष्यन् नाभावो नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते अष्टादशावेणिका बुद्धधर्मा अभावो न भावस् तस्मान् महायानं सदेवमानुषासुरं लोकम् अभिभूय निर्याति /

सचेत् सुभूते गोत्रभूधर्मा भावो ऽभविष्यन् नाभावो नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते गोत्रभूधर्मा अभावो न भावस् तस्मान् महायानं सदेवमानुषासुरं लोकम् अभिभूय निर्याति / सचेत् सुभूते अष्टमकधर्मा भावो ऽभविष्यन् नाभावो नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते अष्टमकधर्मा अभावो न भावस् तस्मान् महायानं सदेवमानुषासुरं लोकम् अभिभूय निर्याति / सचेत् सुभूते आपन्नधर्मा भावो ऽभविष्यन् नाभावो नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते आपन्नधर्मा अभावो न भावस् तस्मान् महायानं सदेवमानुषासुरं लोकम् अभिभूय निर्याति / सचेत् सुभूते सकृदागामिधर्मा भावो ऽभविष्यन् नाभावो नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते सकृदागामिधर्मा अभावो न भावस् तस्मान् महायानं सदेवमानुषासुरं लोकम् अभिभूय निर्याति / सचेत् सुभूते अनागामिधर्मा भावो ऽभविष्यन् नाभावो नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते अनागामिधर्मा अभावो न भावस् तस्मान् महायानं सदेवमानुषासुरं लोकम् अभिभूय निर्याति / सचेत् सुभूते अर्हद्धर्मा भावो ऽभविष्यन् नाभावो नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते अर्हद्धर्मा अभावो न भावस् तस्मान् महायानं सदेवमानुषासुरं लोकम् अभिभूय निर्याति /

सचेत् सुभूते प्रत्येकबुद्धधर्मा भावो ऽभविष्यन् नाभावो नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते प्रत्येकबुद्धधर्मा अभावो न भावस् तस्मान् महायानं सदेवमानुषासुरं लोकम् अभिभूय निर्याति / सचेत् सुभूते बोधिसत्त्वधर्मा भावो ऽभविष्यन् नाभावो नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते बोधिसत्त्वधर्मा अभावो न भावस् तस्मान् महायानं सदेवमानुषासुरं लोकम् अभिभूय निर्याति / सचेत् सुभूते बुद्धधर्मा भावो ऽभविष्यन् नाभावो नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते बुद्धधर्मा अभावो न भावस् तस्मान् महायानं सदेवमानुषासुरं लोकम् अभिभूय निर्याति / सचेत् सुभूते गोत्रभूर् भावो ऽभविष्यन् नाभावो नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते गोत्रभूर् अभावो न भावस् तस्मान् महायानं सदेवमानुषासुरं लोकम् अभिभूय निर्याति / सचेत् सुभूते ऽष्टमको भावो ऽभविष्यन् नाभावो नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते ऽष्टमको ऽभावो न भावस् तस्मान् महायानं सदेवमानुषासुरं लोकम् अभिभूय निर्याति / सचेत् सुभूते श्रोतआपन्नो भावो ऽभविष्यन् नाभावो नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते श्रोतआपन्नो ऽभावो न भावस् तस्मान् महायानं सदेवमानुषासुरं लोकम् अभिभूय निर्याति / सचेत् सुभूते सकृदागामी भावो ऽभविष्यन् नाभावो नेदं महायानं सदेवमानुषासुरं लोकम् अभिभूय निरयास्यत् /

यस्मात् तर्हि सुभूते सकृदागामी अभावो न भावस् तस्मान् महायानं सदेवमानुषासुरं लोकम् अभिभूय निर्याति / सचेत् सुभूते अनागामी भावो ऽभविष्यन् नाभावो नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते अनागामी अभावो न भावस् तस्मान् महायानं सदेवमानुषासुरं लोकम् अभिभूय निर्याति / सचेत् सुभूते ऽर्हन् भावो ऽभविष्यन् नाभावो नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते ऽर्हन्न् अभावो न भावस् तस्मान् महायानं सदेवमानुषासुरं लोकम् अभिभूय निर्याति / सचेत् सुभूते भावो ऽभविष्यन् नाभावो नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते अभावो न भावस् तस्मान् महायानं सदेवमानुषासुरं लोकम् अभिभूय निर्याति / सचेत् सुभूते प्रत्येकबुद्धो भावो ऽभविष्यन् नाभावो नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते प्रत्येकबुद्धो ऽभावो न भावस् तस्मान् महायानं सदेवमानुषासुरं लोकम् अभिभूय निर्याति / सचेत् सुभूते बोधिसत्त्वो भावो ऽभविष्यन् नाभावो नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते बोधिसत्त्वो ऽभावो न भावस् तस्मान् महायानं सदेवमानुषासुरं लोकम् अभिभूय निर्याति / सचेत् सुभूते तथागतो ऽर्हन् सम्यक्संबुद्धो भावो ऽभविष्यन् नाभावो नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते तथागतो ऽर्हन् सम्यक्संबुद्धो ऽभावो न भावस् तस्मान् महायानं सदेवमानुषासुरं लोकम् अभिभूय निर्याति /

सचेत् सुभूते धर्मधातुर् भावो ऽभविष्यन् नाभावो नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते धर्मधातुर् अभावो न भावस् तस्मान् महायानं सदेवमानुषासुरं लोकम् अभिभूय निर्याति / सचेत् सुभूते तथता भावो ऽभविष्यन् नाभावो नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते तथताभावो न भावस् तस्मान् महायानं सदेवमानुषासुरं लोकम् अभिभूय निर्याति / सचेत् सुभूते भूतकोटिर् भावो ऽभविष्यन् नाभावो नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते भूतकोटिर् अभावो न भावस् तस्मान् महायानं सदेवमानुषासुरं लोकम् अभिभूय निर्याति / सचेत् सुभूते अचिन्त्यधातुर् भावो ऽभविष्यन् नाभावो नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते अचिन्त्यधातुर् अभावो न भावस् तस्मान् महायानं सदेवमानुषासुरं लोकम् अभिभूय निर्याति / सचेत् सुभूते सदेवमानुषासुरो लोको भावो ऽभविष्यन् नाभावो नेदं महायानं सदेवमानुषासुरं लोकम् अभिभूय निरयास्यत् / यस्मात् तर्हि सुभूते सदेवमानुषासुरो लोको ऽभावो न भावस् तस्मान् महायानं सदेवमानुषासुरं लोकम् अभिभूय निर्याति /

सचेत् सुभूते बोधिसत्त्वस्य महासत्त्वस्य प्रथमचित्तोत्पादम् उपादाय यावद् बोधिमण्ड एतस्मिन्न् अन्तरे ये चित्तोत्पादास् ते भावो ऽभविष्यन् नाभावो नेदं महायानं सदेवमानुषासुरं लोकम् अभिभूय निर्यास्यति / यस्मात् तर्हि सुभूते बोधिसत्त्वस्य महासत्त्वस्य प्रथमचित्तोत्पादम् उपादाय यावद् बोधिमण्ड एतस्मिन्न् अन्तरे ये चित्तोत्पादास् ते ऽभावो न भावस् तस्मान् महायानं स देवमानुषासुरं लोकम् अभिभूय निर्याति / सचेत् सुभूते बोधिसत्त्वस्य महासत्त्वस्य वज्रोपमं ज्ञानं भावो ऽभविष्यन् नाभावो नेदं बोधिसत्त्वो महासत्त्वः सर्ववासनानुसन्धिक्लेश न भावं विदित्वा सर्वाकारज्ञताम् अनुप्राप्स्यत् / सदेवमानुषासुरं लोकम् अभिभूय निरयास्यत् / यस्मात् तहि सुभूते बोधिसत्त्वस्य महासत्त्वस्य वज्रोपमं ज्ञानम् अभावो न भावस् तस्माद् बोधिसत्त्वो महासत्त्वः सर्ववासनानुसन्धिक्लेशम् अभावं विदित्वा सर्वाकारज्ञताम् अनुप्राप्नोति / स देवमानुषासुरं लोकम् अभिभूय निर्याति / सचेत् सुभूते तथागतस्यार्हतः सम्यक्संबुद्धस्य द्वात्रिंशन् महापुरुषलक्षणानि भावो ऽभविष्यन् नाभावो नेदं तथागतो ऽर्हन् सम्यक्संबुद्धः सदेवमानुषासुरं लोकम् अभिभूय तेजसा श्रिया चाभाविष्यता तप्स्यत् राजिष्यत् / तस्मात् तर्हि सुभूते तथागतस्यार्हतः सम्यक्संबुद्धस्य द्वात्रिंशन् महापुरुषलक्षणान्य् अभावो न भावस् तस्मात् तथागतो ऽर्हन् सम्यक्मम्बुद्धः सदेवमानुषासुरं लोकम् अभिभूय तेजसा श्रिया च भासते तपति विराजते / सचेत् सुभूते तथागतस्यार्हतः सम्यक्संबुद्धस्य भावो ऽभविष्यन् नाभावो नेदं तथागतो ऽर्हन् सम्यक्संबुद्धो गङ्गानदीवालुकोपमान् लोकधातुनाभयास्फुरिष्यत् /

यस्मात् तर्हि सुभूते तथागतस्यार्हतः सम्यक्संबुद्धस्याभावो न भावस् तस्मात् तथागतो ऽर्हन् सम्यक्संबुद्धो गङ्गानदीवालुकोपमान् लोकधातुनाभयास्फुरति / सचेत् सुभूते तथागतस्यार्हतः सम्यक्संबुद्धस्य षष्ट्यङ्गोपेतः स्वरो भावो ऽभविष्यन् नाभावो नेदं तथागतो ऽर्हन् सम्यक्संबुद्धो दशसु दिक्षु अप्रमेयासंख्येयान् लोकधातून् स्वरेणाभिव्यज्ञपयिष्यत् / यस्मात् तर्हि सुभूते तथागतस्यार्हतः सम्यक्संबुद्धस्य षष्ट्यङ्गोपेतः स्वरो ऽभावो न भावस् तस्मात् तथागतो ऽर्हन् सम्यक्संबुद्धो दशसु दिक्षु अप्रमेयासंख्येयान् लोकधातून् स्वरेणाभिव्यज्ञपयति / सचेत् सुभूते तथागतस्यार्हतः सम्यक्संबुद्धस्य धर्मचक्रं भावो ऽभविष्यन् नाभावो नेदं तथागतो ऽर्हन् सम्यक्संबुद्धो धर्मचक्रं प्रावर्तयिष्यत् / अप्रवर्तनीयं श्रमणेन वा ब्राह्मणेन वा देवेन वा मारेण वा ब्रह्मणा वा केनचिद् वा पुनर् लोके सहधर्मेण / यस्मात् तहि सुभूते तथागतस्यार्हतः सम्यक्संबुद्धस्य धर्मचक्रम् अभावो न भावस् तस्मात् तथागतो ऽर्हन् सम्यक्संबुद्धो धर्मचक्रं प्रवर्तयत्य् अप्रवर्तनीयं श्रमणेन वा ब्राह्मणेन वा देवेन मारेण वा केनचिद् वा पुनर् लोके सहधर्मेण / सचेत् सुभूते सत्त्वाभावो ऽभविष्यन् नाभावो येषां कृते तथागतेनार्हता सम्यक्संबुद्धेन धर्मचक्रं प्रवर्तितं नेह ते सत्त्वा अनुपधिशेषे निर्वाणधातौ परिणिरवापयिष्यत् / यस्मात् तर्हि सुभूते सत्त्वा अभावो न भाव वा येषां कृते तथागतेनार्हता सम्यक्संबुद्धेन धर्मचक्रं प्रवर्तितं / तस्मात् सत्त्वा अनुपधिशेषे निर्वाणधातौ परिनिर्वृताश् च परिनिव्वान्ति च परिनिर्वास्यति च /

यत् पुनः सुभूतिर् एवम् आह / आकाशसमं तद् यानम् इति / एवम् एतत् सुभूते एवम् एतत् आकाशसमं तद् यानं तद्यथापि नाम सुभूते आकाशस्य न पूर्वा दिक् प्रज्ञायते न दक्षिणा न पश्चिमा नोत्तरा नोर्धा नाधो नानुविदिशः प्रज्ञायन्ते / एवम् एव सुभूते तस्य महायानस्य न पूर्वा दिक् प्रज्ञायते न दक्षिणा न पश्चिमा नोत्तरा नानुविदिशः प्रज्ञायन्ते / तेनोच्यते आकाशसमं तद् यानं / तद्यथापि नाम सुभूते आकाशं न नीलं न पीतं न लोहितं नावदातं नाञ्जिष्ठं न स्फटिकरजतवर्णम् एवम् एव सुभूते तन् महायानं न नीलं न पीतं न लोहितं नावदातं नाञ्जिष्ठं न स्फटिकरजतवर्णं तेनोच्यते आकाशसमं तद् यानं / तद्यथापि नाम सुभूते आकाशं नातीतं नानागतं न प्रत्युत्पन्नम् एवम् एव सुभूते तन् महायानं नातीतं नानागातं न प्रत्युत्पन्नं तेनोच्यते आकाशसमं तद् यानं / तद्यथापि नाम सुभूते आकाशस्य न हानिर् न वृद्धिर् न परिहाणिः एवम् एव तस्य महायानस्य न हानिर् न वृद्धिर् न परिहाणिस् तेनोच्यते आकाशसमं तद् यानं / तद्यथापि नाम सुभूते आकाशस्य न संक्लेशो न व्यवदानम् एवम् एव सुभूते तस्य महायानस्य न संक्लेशो न व्यवदानं तेनोच्यते आकाशसमं तद् यानं / तद्यथापि नाम सुभूते आकाशस्य नोत्पादो न विरोधो न स्थितिर् न विष्ठिति न स्थितेर् अन्यथात्वं प्रज्ञायते / एवम् एव सुभूते तस्य महायानस्य नोत्पादो न निरोधो न स्थितिर् न विष्ठितिर् न स्थितेर् अन्यथात्वं प्रज्ञायते / तेनोच्यते आकाशसमं तद् यानं /

तद्यथापि नाम सुभूते आकाशं न कुशलं नाकुशलं न व्याकृतम् एवम् एव सुभूते तन् महायानं न कुशलं नाकुशलं न व्याकृतं तेनोच्यते आकाशसमं तद् यानं / तद्यथापि नाम सुभूते आकाशं न दृष्टं न श्रुतं न मतं न विज्ञातम् एवम् एव सुभूते तन् महायानं न दृष्टं तद् यानं / न श्रुतं स मतं न विज्ञातं तेनोच्यते आकाशसमं तद् यानं / तद्यथापि नाम सुभूते आकाशं न ज्ञेयं नाज्ञेयं न विज्ञेयं न परिज्ञेयं न साक्षात्कर्तव्यं न प्रहातव्यं न भावयितव्यम् एवम् एव सुभूते तन् महायानं न ज्ञेयं नाज्ञेयं न विज्ञेयं न परिज्ञेयं न साक्षात्कर्तव्यं न प्रहातव्यं न भावयितव्यं तेनोच्यते आकाशसमं तद् यानं / तद्यथापि नाम सुभूते आकाशं न विपाको न विपाकधर्म एवम् एव सुभूते तन् महायानं न विपाको न विपाकधर्म तेनोच्यते आकाशसमं तद् यानं / तद्यथापि नाम सुभूते आकाशं न कामधातुपर्यापन्नं न रूपधातुपर्यापन्नं नारूप्यधातुपर्यापन्नम् एवम् एव सुभूते तन् महायानं न कामधातुपर्यापन्नं न रूपधातुपर्यापन्नं नारूप्यधातुपर्यापन्नं तेनोच्यते आकाशसमं तद् यानं / तद्यथापि नाम सुभूते आकाशं न सरागं न विरागं न सद्वेषं न विगतद्वेषं न समोहं न विगतमोहं / एवम् एव सुभूते तन् महायानं न सरागं न विरागं न सद्वेषं न विगतद्वेषं न समोहं न विगतमोहं / तेनोच्यते आकाशसमं तद् यानं / तद्यथापि नाम सुभूते आकाशे न प्रथमश् चित्तोत्पादो न द्वितीयो न तृतीयो न चतुर्थो न पञ्चमो न षष्ठो न सप्तमो नाष्टमो न नवमो न दशमश् चित्तोत्पादः /

एवम् एव सुभूते तत्र महायाने न प्रथमश् चित्तोत्पादो न द्वितीयो न तृतीयो न चतुर्थो न पञ्चमो न षष्ठो न सप्तमो नाष्टमो न नवमो न दशमश् चित्तोत्पादः / तेनोच्यते आकाशसमं तद् यानं / तद्यथापि नाम सुभूते आकाशे न शुक्लविदर्शनाभूमिर् न गोत्रभूमिर् नाष्टमकभूमिर् न दर्शनभूमिर् न तनुभूमिर् न वीतरागभूमिर् न कृताविभूमिर् एवम् एव सुभूते तत्र महायाने न शुक्लविदर्शनाभूमिर् न गोत्रभूमिर् नाष्टमकभूमिर् न दर्शनभूमिर् न तनुभूमिर् न कृताविभूमिस् तेनोच्यते आकाशसमं तद् यानं / तद्यथापि नाम सुभूते आकाशे न श्रोतापत्तिफलं न सकृदागामिफलं नानागामिफलं नार्हत्त्वम् एवम् एव सुभूते तत्र महायाने न श्रोतआपत्तिफलं न सकृदागामिफलं नानागामिफलं तेनोच्यते आकाशसमं तद् यानं / तद्यथापि नाम सुभूते आकाशे न श्रावकभूमिर् न प्रत्येकबुद्धभूमिर् न बोधिसत्त्वभूमिर् न सम्यक्संबुद्धभूमिर् एवम् एव सुभूते तत्र महायाने न श्रावकभूमिर् न प्रत्येकबुद्धभूमिर् न बोधिसत्त्वभूमिर् न सम्यक्संबुद्धभूमिस् तेनोच्यते आकाशसमं तद् यानं / तद्यथापि नाम सुभूते आकाशं न रूपि नारूपि न सनिदर्शनं नानिदर्शनं न प्रतिघं नाप्रतिघं न संयुक्तं न वियुक्तम् एवम् एव सुभूते तन् महायानं न रूपि नारूपि न सनिदर्शनं नानिदर्शनं न प्रतिघं नाप्रतिघं न संयुक्तं न वियुक्तं तेनोच्यते आकाशसमं तद् यानं / तद्यथापि नाम सुभूते आकाशं न नित्यं नानित्यं न सुखं न दुःखं नात्मा नानात्मा न शुभं नाशुभं /

एवम् एव सुभूते तन् महायानं न नित्यं नानित्यं न सुखं न दुःखं नात्मा नानात्मा न शुभं नाशुभं तेनोच्यते आकाशसमं तद् यानं / तद्यथापि नाम सुभूते आकाशं न शून्यं नाशून्यं न निमित्तं नानिमित्तं न प्रणिहितं नाप्रणिहितम् एवम् एव तन् महायानं न शून्यं नाशून्यं न निमित्तं नानिमित्तं न प्रणिहितं नाप्रणिहितं तेनोच्यते आकाशमम तद् यानं / तद्यथापि नाम सुभूते आकाशं न शान्तं नाशान्तं न विविक्तं नाविविक्तं / एवम् एव सुभूते तन् महायानं न शान्तं नाशान्तं न विविक्तं नाविविक्तं तेनोच्यते आकाशसमं तद् यानं तद्यथापि नाम सुभूते आकाशं नालोको न तमः एवम् एव सुभूते तन् महायानं नालोको न तमः तेनोच्यते आकाशसमं तद् यानं / तद्यथापि नाम सुभूते आकाशं नोपलभ्यते / एवम् एव तन् महायानं नोपलभ्यते / तेनोच्यते आकाशसमं तद् यानं / तद्यथापि नाम सुभूते आकाशं न प्रव्याहारो नाप्रव्याहारः / एवम् एव सुभूते तन् महायानं न प्रव्याहारो नाप्रव्याहारः / तेनोच्यते आकाशसमं तद् यानं / अनेन सुभूते पर्यायेणाकाशसमं तद् यानं यद् उत महायानम् /

यद् अपि सुभूतिर् एवम् आह / यथाकाशे ऽप्रमेयाणाम् असंख्येयानां सत्त्वानाम् अवकाशः / एवम् एव तस्मिन् महायाने ऽप्रमेयाणाम् असंख्येयानां सत्त्वानाम् अवकाश इति / एवम् एतत् सुभूते एवम् एतत् यथाकाशे ऽप्रमेयाणाम् असंख्येयानां सत्वानाम् अवकाशः / एवम् एतस्मिन् महायाने ऽप्रमेयाणाम् असंख्येयानां सत्वानाम् अवकाशः / तत् कस्य हेतोः सत्त्वासत्तया हि सुभूते आकाशासत्ता वेदितव्या / आकाशासत्तया महायानासत्ता वेदितव्या / अनेनापि पर्यायेण तस्मिन् महायाने अप्रमेयाणाम् असंख्येयानां तत्त्वानाम् अवकाशः / तत् कस्य हेतोस् तथा हि सुभूते ये च सत्त्वा यच् चाकाशं यच् च महायानं सर्वं तन् नोपलभ्यते / पुनर् अपरं सुभूते सत्त्वाप्रमाणतया आकाशप्रमाणता वेदितव्या / आकाशप्रमाणतया महायानप्रमाणता वेदितव्या / अनेनापि सुभूते पर्यायेण तस्मिन् महायाने अप्रमेयाणाम् असंख्येयानां सत्त्वानाम् अवकाशः / तत् कस्य हेतोस् तथा हि सुभूते ये च सत्त्वा यच् चाकाशं यच् च महायानं सर्व तन् नोपलभ्यते / पुनर् अपरं सुभूते सत्त्वापरिमाणतया आकाशापरिमाणता वेदिता / आकाशापरिमाणतया महायानापरिमाणता वेदिता / अनेनापि सुभूते पर्यायेण तस्मिन् महायाने ऽप्रमेयाणाम् असंख्येयानां सत्त्वानाम् अवकाशः / तत् कस्य हेतोस् तथा हि सुभूते ये च यच् चाकाशं यच् च महायानं सर्वम् एतन् नोपलभ्यते / पुनर् अपरं सुभूते सत्त्वासत्तया धर्मधात्वसत्ता वेदितव्या / धर्मधात्वसत्तया आकाशासत्ता वेदितव्या / आकाशासत्तया महायानासत्ता वेदितव्या / महायानासत्तया अप्रमेयासत्ता वेदितव्या / अप्रमेयासत्तयासंख्येयासत्ता वेदितव्या / असंख्ययासत्तयापरिमाणासत्ता वेदितव्या /

अनेनापि सुभूते पर्यायेण तस्मिन् महायाने ऽप्रमेयाणाम् असंख्येयानां सत्त्वानाम् अवकाशः / तत् कस्य हेतोस् तथा हि सुभूते ये च सत्त्वा यश् च धर्मधातुर् यच् चाकाशं यच् च महायानं यच् चाप्रमेयं यच् चासंख्येयं यच् चापरिमाणं सर्वम् एतन् नोपलभ्यते / पुनर् अपरं सुभूते सत्त्वासत्तया तथतासत्ता वेदितव्या / तथतासत्तया आकाशासत्ता वेदितव्या / आकाशासत्तया महायानासत्ता वेदितव्या / महायानासत्तयाप्रमेयासत्ता वेदितव्या / अप्रमेयासत्तयासंख्येयासत्ता वेदितव्या / असंख्येयासत्तयापरिमाणासत्तया सर्वधर्मासत्ता वेदितव्या / अनेनापि सुभूते पर्यायेण तस्मिम् महायाने ऽप्रमेयाणाम् असंख्येयानां सत्तानाम् अवकाशः / तत् कस्य हेतोस् तथा हि सुभूते ये च सत्त्वा यश् च धर्मधातुर् यच् चाकाशं यच् च महायानं यच् चाप्रमेयं यच् चासंख्येयं यच् चापरिमाणं सर्वम् एतन् नोपलभ्यते / पुनर् अपरं सुभूते सत्तासत्तया तथतासत्ता वेदितव्या / तथतासत्तया आकाशासत्ता वेदितव्या / आकाशासत्तया महायानासत्ता वेदितव्या / महायानासत्तयाप्रमेयासत्ता वेदितव्या / अप्रमेयासत्तयासंख्येयासत्ता वेदितव्या / असंख्येयासत्तयापरिमाणासत्ता वेदितव्या / अपरिमाणासत्तया सर्वधर्मासत्ता वेदितव्या / अनेनापि सुभूते पर्यायेण तस्मिन् महायाने ऽप्रमेयाणाम् असंख्येयानां सत्त्वानाम् अवकाशः / तत् कस्य हेतोस् तथा हि सुभूते ये च सत्त्वा या च तथता यच् चाकाशं यच् च महायानं यच् चाप्रमेयं यच् चासंख्येयं यच् चापरिमाणं ये च सर्वधर्माः सर्वम् एतन् नोपलभ्यते /

पुनर् अपरं सुभूते आत्मसत्तया सत्त्वासत्ता वेदितव्या / सत्त्वासत्तया जीवासत्ता वेदितव्या / जीवासत्तया जन्त्वसत्ता वेदितव्या / जन्त्वसत्तया पोषासत्ता वेदितव्या / पोषासत्तया पुरुषासत्ता वेदितव्या / पुरुषासत्तया पुद्गलासत्ता वेदितव्या / पुद्गलासत्तया मनुजासत्ता वेदितव्या / मनुजासत्तया मानवासत्ता वेदितव्या / मानवासत्तया कारकासत्ता वेदितव्या / कारकासत्तया वेदकासत्ता वेदितव्या / वेदकासत्तया जानकासत्ता वेदितव्या / जानकासत्तया पश्यकासत्ता वेदितव्या / पश्यकासत्तया भूतकोट्यसत्ता वेदितव्या / भूतकोट्यसत्तया आकाशासत्ता वेदितव्या / आकाशासत्तया महायानासत्ता वेदितव्या / महायानासत्तयाप्रमेयासत्ता वेदितव्या / अप्रमेयासत्तयासंख्येयासत्ता वेदितव्या / असंखेयासत्तयापरिमाणासत्ता वेदितव्या / अपरिमाणासत्तया सर्वधर्मासत्ता वेदितव्या / अनेनापि सुभूते पर्यायेण तस्मिन् महायाने ऽप्रमेयाणाम् असंख्येयानां सत्त्वानाम् अवकाशः / तत् कस्य हेतोस् तथा हि सुभूते यश् चात्मा यश् च सत्त्वो यश् च जीवो यश् च जन्तुर् यश् च पोषो यश् च पुरुषो यश् च पुद्गलः / यश् च मनुजो यश् च मानवो / यश् च कारको ऽकारको यश् च जानको यश् च पश्यको या च भूतकोटि यच् चाकाशं यच् च महायानं यच् चाप्रमेयं यच् चासंख्येयं यच् चापरिमाणं ये च सर्वधर्माः सर्वम् एतन् नोपलभ्यते / पुनर् अपरं सुभूते आत्मासत्तया सत्त्वासत्ता वेदितव्या / सत्त्वासत्तया जीवासत्ता वेदितव्या / जीवासत्तया जन्त्वसत्ता वेदितव्या / जन्त्वसत्तया पोषासत्ता वेदितव्या / पोषासत्तया पुरुषासत्ता वेदितव्या / पुरुषासत्तया पुद्गलासत्ता वेदितव्या / पुद्गलासत्तया मनुजासत्ता वेदितव्या /

मनुजासत्तया मानवासत्ता वेदितव्या / मानवासत्तया कारकासत्ता वेदितव्या / कारकासत्तया वेदकासत्ता वेदितव्या / वेदकासत्तया जानकासत्ता वेदितव्या / जानकासत्तया पश्यकासत्ता वेदितव्या / पश्यकासत्तयाचिन्त्यधात्वसत्ता वेदितव्या / अचिन्त्यधात्वसत्तया रूपासत्ता वेदितव्या / रूपासत्तया वेदनासत्ता वेदितव्या / वेदनासत्तया संज्ञासत्ता वेदितव्या / संज्ञासत्तया संस्कारासत्ता वेदितव्या / संस्कारासत्तया विज्ञानासत्ता वेदितव्या / विज्ञानासत्तया आकाशासत्ता वेदितव्या / आकाशासत्तया महायानासत्ता वेदितव्या / महायानासत्तयाप्रमेयासत्ता वेदितव्या / अप्रमेयासत्तयासंख्येयासत्ता वेदितव्या / असंख्येयासत्तयापरिमाणासत्ता वेदितव्या / अपरिमाणासत्तया सर्वधर्मासत्ता वेदितव्या / अनेनापि सुभूते पर्यायेण तस्मिन् महायाने ऽप्रमेयाणाम् असंख्येयानां सत्त्वानाम् अवकाशः / तत् कस्य हेतोस् तथा हि सुभूते यश् चात्मा यश् च सत्त्वो यश् च जीवो यश् च जन्तुर् यश् च पोषो यश् च पुरुषो यश् च पुद्गलो यश् च मनुजो यश् च मानवो यश् च कारको यश् च वेदको यश् च जानको यच् च पश्यको यश् चाचिन्त्यधातुर् यच् च रूपं या च वेदना या च संज्ञा ये च संस्कारा यच् च विज्ञानं यच् चाकाशं यच् च महायानं यथाप्रमेयं यच् चासंख्येयं यच् चापरिमाणं ये च सर्वधर्माः सर्वम् एतन् नोपलभ्यते / पुनर् अपरं सुभूते आत्मासत्तया सत्त्वासत्ता वेदितव्या / सत्त्वासत्तया जीवासत्ता वेदितव्या / जीवासत्तया जन्त्वसत्ता वेदितव्या / जन्त्वसत्तया पोषासत्ता वेदितव्या / पोषासत्तया पुरुषासत्ता वेदितव्या / पुरुषासत्तया पुद्गलासत्ता वेदितव्या / पुद्गलासत्तया मनुजासत्ता वेदितव्या /

मनुजासत्तया मानवासत्ता वेदितव्या / मानवासत्तया कारकासत्ता वेदितव्या / कारकासत्तया वेदकासत्ता वेदितव्या / वेदकासत्तया जानकासत्ता वेदितव्या / जानकासत्तया पश्यकासत्ता वेदितव्या / पश्यकासत्तया चक्षुरसत्ता वेदितव्या / चक्षुरसत्तया श्रोत्रासत्ता वेदितव्या / श्रोत्रासत्तया घ्राणासत्ता वेदितव्या / घ्राणासत्तया जिह्वासत्ता वेदितव्या / जिह्वासत्तया कायासत्ता वेदितव्या / कायासत्तया मनोसत्ता वेदितव्या / मनोसत्तया आकाशासत्ता वेदितव्या / आकाशासत्तया महायानासत्ता वेदितव्या / महायानासत्तयाप्रमेयासत्ता वेदितव्या / अप्रमेयासत्तयासंख्येयासत्ता वेदितव्या / असंख्येयसत्तयापरिमाणासत्ता वेदितव्या / अपरिमाणासत्तया सर्वधर्मासत्ता वेदितव्या / अनेनापि सुभूते पर्यायेण तस्मिन् महायाने ऽप्रमेयाणाम् असंख्येयानां सत्त्वानाम् अवकाशः / तत् कस्य हेतोस् तथा हि सुभूते यश् चात्मा यश् च सत्त्वो यश् च जीवो यश् च जन्तुर् यश् च पोषो यश् च पुरुषो यश् च पुद्गलो यश् च मनुजो यश् च मानवो यश् च कारको यश् च वेदको यश् च जानको यश् च पश्यको यत् चक्षुर् यच् च श्रोत्रं यच् च घ्राणं यच् च जिह्वा यश् च कायः यच् च मनः यच् चाकाशं यच् च महायानं यच् चाप्रमेयं यच् चासंख्येयं यच् चापरिमाणं ये च सर्वधर्माः / तत् सर्वं नोपलभ्यते /

पुनर् अपरं सुभूते आत्मासत्तया सत्त्वासत्ता वेदितव्या / सत्त्वासत्तया जीवासत्ता वेदितव्या / जीवासत्तया जन्त्वसत्ता वेदितव्या / जन्त्वसत्तया पोषासत्ता वेदितव्या / पोषासत्तया पुरुषासत्ता वेदितव्या / पुरुषासत्तया पुद्गलासत्ता वेदितव्या / पुद्गलासत्तया मनुजासत्ता वेदितव्या / मनुजासत्तया मानवासत्ता वेदितव्या / मानवासत्तया कारकासत्ता वेदितव्या / कारकासत्तया वेदकासत्ता वेदितव्या / वेदकासत्तया जानकासत्ता वेदितव्या / जानकासत्तया पश्यकासत्ता वेदितव्या / पश्यकासत्तया रूपासत्ता वेदितव्या / रूपासत्तया शब्दासत्ता वेदितव्या / शब्दासत्तया गन्धासत्ता वेदितव्या / गन्धासत्तया रसासत्ता वेदितव्या / रसासत्तया स्पर्शासत्ता वेदितव्या / स्पर्शासत्तया धर्मासत्ता वेदितव्या / धर्मासत्तया आकाशासत्ता वेदितव्या / आकाशासत्तया महायानासत्ता वेदितव्या / महायानासत्तयाप्रमेयासत्ता वेदितव्या / अप्रमेयासत्तयासंख्येयासत्ता वेदितव्या / असंख्येयसत्तयापरिमाणासत्ता वेदितव्या / अपरिमाणसत्तया सर्वधर्मासत्ता वेदितव्या / अनेनापि सुभूते पर्यायेण तस्मिन् महायाने ऽप्रमेयाणाम् असंख्येयाणां सत्त्वानाम् अवकाशः / तत् कस्य हेतोस् तथा हि सुभूते यश् चात्मा यश् च सत्त्वो यश् च जीवो यश् च जन्तुर् यश् च पोषो यश् च पुरुषो यश् च पुद्गलो यश् च मनुजो यश् च मानवो यश् च कारको यश् च वेदको यश् च जानको यश् च पश्यको यच् च रूपं यश् च शब्दः यश् च गन्धो यश् च रसो यश् च स्पर्शः ये च धर्माः यच् चाकाशं यच् च महायानं यच् चाप्रमेयं यच् चासंख्येयं यच् चापरिमाणं ये च सर्वधर्माः / सर्वम् एतन् नोपलभ्यते /

पुनर् अपरं सुभूते आत्मासत्तया सत्त्वासत्ता वेदितव्या / सत्त्वासत्तया जीवासत्ता वेदितव्या / जीवासत्तया जन्त्वसत्ता वेदितव्या / जन्त्वसत्तया पोषासत्ता वेदितव्या / पोषासत्तया पुरुषासत्ता वेदितव्या / पुरुषासत्तया पुद्गलासत्ता वेदितव्या / पुद्गलासत्तया मनुजासत्ता वेदितव्या / मनुजासत्तया मानवासत्ता वेदितव्या / मानवासत्तया कारकासत्ता वेदितव्या / कारकासत्तया वेदकासत्ता वेदितव्या / वेदकासत्तया जानकासत्ता वेदितव्या / जानकासत्तया पश्यकासत्ता वेदितव्या / पश्यकासत्तया चक्षुर्विज्ञानासत्ता वेदितव्या / चक्षुर्विज्ञानासत्तया श्रोत्रविज्ञानासत्ता वेदितव्या / श्रोत्रविज्ञानासत्तया घ्राणविज्ञानासत्ता वेदितव्या / घ्राणविज्ञानासत्तया जिह्वाविज्ञानासत्ता वेदितव्या / जिह्वाविज्ञानासत्तया कायविज्ञानासत्ता वेदितव्या / कायविज्ञानासत्तया मनोविज्ञानासत्ता वेदितव्या / मनोविज्ञानासत्तया आकाशासत्ता वेदितव्या / आकाशासत्तया महायानासत्ता वेदितव्या / महायानासत्तयाप्रमेयासत्ता वेदितव्या / अप्रमेयासत्तयासंख्येयासत्ता वेदितव्या / असंख्येयासत्तयापरिमाणासत्ता वेदितव्या / अपरिमाणासत्तया सर्वधर्मासत्ता वेदितव्या / अनेनापि सुभूते पर्यायेण महायाने ऽप्रमेयाणाम् असंख्येयाणां सत्त्वानाम् अवकाशः / तत् कस्य हेतोस् तथा हि सुभूते यश् चात्मा यश् च सत्त्वो यश् च जीवो यश् च जन्तुर् यश् च पोषो यश् च पुरुषो यश् च पुद्गलो यश् च मनुजो यश् च मानवो यश् च कारको यश् च वेदको यश् च जानको यश् च पश्यको यच् च चक्षुर्विज्ञानं यच् च श्रोत्रविज्ञानं यच् च घ्राणविज्ञानं यच् च जिह्वाविज्ञानं यच् च कायविज्ञानं यच् च मनोविज्ञानं यच् चाकाशं यच् च महायानं यच् चाप्रमेयं यच् चासंख्येयं यच् चापरिमाणं ये च सर्वधर्माः सर्वम् एतन् नोपलभ्यते /

पुनर् अपरं सुभूते आत्मासत्तया सत्त्वासत्ता वेदितव्या / सत्त्वासत्तया जीवासत्ता वेदितव्या / जीवासत्तया जन्त्वसत्ता वेदितव्या / जन्त्वसत्तया पोषासत्ता वेदितव्या / पोषासत्तया पुरुषासत्ता वेदितव्या / पुरुषासत्तया पुद्गलासत्ता वेदितव्या / पुद्गलासत्तया मनुजासत्ता वेदितव्या / मनुजासत्तया मानवासत्ता वेदितव्या / मानवासत्तया कारकासत्ता वेदितव्या / कारकासत्तया वेदकासत्ता वेदितव्या / वेदकासत्तया जानकासत्ता वेदितव्या / जानकासत्तया पश्यकासत्ता वेदितव्या / पश्यकासत्तया चक्षुःसंस्पर्शासत्ता वेदितव्या / चक्षुःसंस्पर्शासत्तया श्रोत्रसंस्पर्शासत्ता वेदितव्या / श्रोत्रसंस्पर्शासत्तया घ्राणसंस्पर्शासत्ता वेदितव्या / घ्राणसंस्पर्शासत्तया जिह्वासंस्पर्शासत्ता वेदितव्या / जिह्वासंस्पर्शासत्तया कायसंस्पर्शासत्ता वेदितव्या / कायसंस्पर्शासत्तया मनःसंस्पर्शासत्ता वेदितव्या / मनःसंस्पर्शासत्तया आकाशासत्ता वेदितव्या / आकाशसत्तया महायानासत्ता वेदितव्या / महायानासत्तयाप्रमेयासत्ता वेदितव्या / अप्रमेयासत्तयासंख्येयासत्ता वेदितव्या / असंख्येयासत्तया अपरिमाणासत्ता वेदितव्या / अपरिमाणासत्तया सर्वधर्मासत्ता वेदितव्या / अनेनापि सुभूते पर्यायेण तस्मिन् महायाने ऽप्रमेयाणाम् असंख्येयाणां सत्त्वानाम् अवकाशः / तत् कस्य हेतोस् तथा हि यश् चात्मा यश् च सत्त्वो यश् च जीवो यश् च जन्तुर् यश् च पोषो यश् च पुरुषो यश् च पुद्गलो यश् च मनुजो यश् च मानवो यश् च कारको यश् च वेदको यश् च जानको यश् च पश्यको यश् च चक्षुःसंस्पर्शो यश् च श्रोत्रसंस्पर्शो यश् च घ्राणसंस्पर्शो यश् च जिह्वासंस्पर्शो यश् च कायसंस्पर्शो यश् च मनःसंस्पर्शो यच् चाकाशं यच् च महायानं यच् चाप्रमेयं यच् चासंख्येयं यच् चापरिमाणं ये च सर्वधर्माः / सर्वम् एतन् नोपलभ्यते /

पुनर् अपरं सुभूते आत्मासत्तया सत्त्वासत्ता वेदितव्या / सत्त्वासत्तया जीवासत्ता वेदितव्या / जीवासत्तया जन्त्वसत्ता वेदितव्या / जन्त्वसत्तया पोषासत्ता वेदितव्या / पोषासत्तया पुरुषासत्ता वेदितव्या / पुरुषासत्तया पुद्गलासत्ता वेदितव्या / पुद्गलासत्तया मनुजासत्ता वेदितव्या / मनुजासत्तया मानवासत्ता वेदितव्या / मानवासत्तया कारकासत्ता वेदितव्या / कारकासत्तया वेदकासत्ता वेदितव्या / वेदकासत्तया जानकासत्ता वेदितव्या / जानकासत्तया पश्यकासत्ता वेदितव्या / पश्यकासत्तया चक्षुःसंस्पर्शजावेदनासत्ता वेदितव्या / चक्षुःसंस्पर्शजावेदनासत्तया श्रोत्रसंस्पर्शजावेदनासत्ता वेदितव्या / श्रोत्रसंस्पर्शजावेदनासत्तया घ्राणसंस्पर्शजावेदनासत्ता वेदितव्या / घ्राणसंस्पर्शजावेदनासत्तया जिह्वासंस्पर्शजावेदनासत्ता वेदितव्या / जिह्वासंस्पर्शजावेदनासत्तया कायसंस्पर्शजावेदनासत्ता वेदितव्या / कायसंस्पर्शजावेदनासत्तया मनःसंस्पर्शजावेदनासत्ता वेदितव्या / मनःसंस्पर्शजावेदनासत्तया आकाशासत्ता वेदितव्या / आकाशासत्तया महायानासत्ता वेदितव्या / महायानासत्तयाप्रमेयासत्ता वेदितव्या / अप्रमेयासत्तया असंख्येयासत्ता वेदितव्या / असंख्येयासत्तया अपरिमाणासत्ता वेदितव्या / अपरिमाणासत्तया सर्वधर्मासत्ता वेदितव्या / अनेनापि सुभूते पर्यायेण तस्मिन् महायाने ऽप्रमेयाणाम् असंख्येयाणां सत्त्वानाम् अवकाशः / तत् कस्य हेतोस् तथा हि सुभूते यश् चात्मा यश् च सत्त्वो यश् च जीवो यश् च जन्तुर् यश् च पोषो यश् च पुरुषो यश् च पुद्गलो यश् च मनुजो यश् च मानवो यश् च कारको यश् च वेदको यश् च जानको यश् च पश्यको या च चक्षुःसंस्पर्शजावेदना या च श्रोत्रसंस्पर्शजावेदना या च घ्राणसंस्पर्शजावेदना या च जिह्वासंस्पर्शजावेदना या च कायसंस्पर्शजावेदना या च मनःसंस्पर्शजावेदना यच् चाकाशं यच् च महायानं यच् चाप्रमेयं यच् चासंख्येयं यच् चापरिमाणं ये च सर्वधर्माः सर्वम् एतन् नोपलभ्यते /

पुनर् अपरं सुभूते आत्मासत्तया सत्त्वासत्ता वेदितव्या / सत्त्वासत्तया जीवासत्ता वेदितव्या / जीवासत्तया जन्त्वसत्ता वेदितव्या / जन्त्वसत्तया पोषासत्ता वेदितव्या / पोषासत्तया पुरुषासत्ता वेदितव्या / पुरुषासत्तया पुद्गलासत्ता वेदितव्या / पुद्गलासत्तया मनुजासत्ता वेदितव्या / मनुजासत्तया मानवासत्ता वेदितव्या / मानवासत्तया कारकासत्ता वेदितव्या / कारकासत्तया वेदकासत्ता वेदितव्या / वेदकासत्तया जानकासत्ता वेदितव्या / जानकासत्तया पश्यकासत्ता वेदितव्या / पश्यकासत्त्या पृथिवीधात्वसत्ता वेदितव्या / पृथिवीधात्वसत्तया अब्धात्वसत्ता वेदितव्या / अब्धात्वसत्तया तेजोधात्वसत्ता वेदितव्या / तेजोधात्वसत्तया वायुधात्वसत्ता वेदितव्या / वायधात्वसत्तया आकाशधात्वसत्ता वेदितव्या / आकाशधात्वसत्तया विज्ञानधात्वसत्ता वेदितव्या / विज्ञानधात्वसत्तया आकाशासत्ता वेदितव्या / आकाशासत्तया महायानासत्ता वेदितव्या / महायानासत्तया अप्रमेयासत्ता वेदितव्या / अप्रमेयासत्तयासंख्येयासत्ता वेदितव्या / असंख्येयासत्तया अपरिमाणासत्ता वेदितव्या / अपरिमाणासत्तया सर्वधर्मासत्ता वेदितव्या / अनेनापि सुभूते पर्यायेण तस्मिन् महायाने ऽप्रमेयाणाम् असंख्येयानां सत्त्वानाम् अवकाशः / तत् कस्य हेतोस् तथा हि सुभूते यश् चात्मा यश् च सत्त्वो यश् च जीवो यश् च जन्तुर् यश् च पोषो यश् च पुरुषो यश् च पुद्गलो यश् च मनुजो यश् च मानवो यश् च कारको यश् च वेदको यश् च जानको यश् च पश्यको यश् च पृथिवीधातुर् यश् चाब्धातुर् यश् च तेजोधातुर् यश् च वायुधातुर् यश् चाकाशधातुर् यश् च विज्ञानधातुर् यच् चाकाशं यच् च महायानं यच् चाप्रमेयं / यच् चासंख्येय यच् चापरिमाणं ये च सर्वधर्माः / सर्वम् एतन् नोपलभ्यते /

पुनर् अपरं सुभूते आत्मासत्तया सत्त्वासत्ता वेदितव्या / सत्त्वासत्तया जीवासत्ता वेदितव्या / जीवासत्तया जन्त्वसत्ता वेदितव्या / जन्त्वसत्तया पोषासत्ता वेदितव्या / पोषासत्तया पुरुषासत्ता वेदितव्या / पुरुषासत्तया पुद्गलासत्ता वेदितव्या / पुद्गलासत्तया मनुजासत्ता वेदितव्या / मनुजासत्तया मानवासत्ता वेदितव्या / मानवासत्तया कारकासत्ता वेदितव्या / कारकासत्तया वेदकासत्ता वेदितव्या / वेदकासत्तया जानकासत्ता वेदितव्या / जानकासत्तया पश्यकासत्ता वेदितव्या / पश्यकासत्तया अविद्यासत्ता वेदितव्या / अविद्यासत्तया संस्कारासत्ता वेदितव्या / संस्कारासत्तया विज्ञानासत्ता वेदितव्या / विज्ञानासत्तया नामरूपासत्ता वेदितव्या / नामरूपासत्तया षडायतनासत्ता वेदितव्या / षडायतनासत्तया स्पर्शासत्ता वेदितव्या / स्पर्शासत्तया वेदनासत्ता वेदितत्या / वेदनासत्तया तृष्णासत्ता वेदितव्या / तृष्णासत्तया उपादानासत्ता वेदितव्या / उपादानासत्तया भवासत्ता वेदितव्या / भवासत्तया जात्यसत्ता वेदितव्या / जात्यसत्तया जरामरणासत्ता वेदितव्या / जरामरणासत्तया आकाशासत्ता वेदितव्या / आकाशासत्तया महायानासत्ता वेदितव्या / महायानासत्तयाप्रमेयासत्ता वेदितव्या / अप्रमेयासत्तयासंख्येयासत्ता वेदितव्या / असंख्येयासत्तया अपरिमाणासत्ता वेदितव्या / अपरिमाणासत्तया सर्वधर्मासत्ता वेदितव्या / अनेनापि सुभूते पर्यायेण तस्मिन् महायाने ऽप्रमेयाणाम् असंख्येयानां सत्त्वानाम् अवकाशः तत् कस्य हेतोस् तथा हि सुभूते यश् चात्मा यश् च सत्त्वो यश् च जीवो यश् च जन्तुर् यश् च पोषो यश् च पुरुषो यश् च पुद्गलो यश् च मनुजो यश् च मानवो यश् च कारको यश् च वेदको यश् च जानको यश् च पश्यको या चाविद्या ये च संस्कारा यच् च विज्ञानं यच् च नामरूपं यच् च षडायतनं यश् च स्पर्शो या च वेदना या च तृष्णा यच् चोपादानं यश् च भवो या च जातिर् यच् च जरामरणं यच् चाकाशं यच् च महायानं यच् चाप्रमेयं यच् चासंख्येयं यच् चापरिमाणं ये च सर्वधर्माः / सर्वम् एतन् नोपलभ्यते /