शतसाहस्रिका प्रज्ञापारमिता, Part इ

अथायुष्माञ् छारद्वतीपुत्रो भगवन्तम् एतद् अवोचत् / ममापि भगवन् प्रतिभाति / येनार्थेन बोधिसत्त्वो महासत्त्व इत्य् उच्यते / भगवान् आह / प्रतिभातु ते शारद्वतीपुत्र येनार्थेन बोधिसत्त्वो महासत्त्व इत्य् उच्यते / शारद्वतीपुत्र आह / आत्मदृष्टेर् भगवन् प्रहाणाय सत्त्वेभ्यो धर्मं देशयति / सत्त्वदृष्टेः प्रहाणाय / जीवदृष्टेः प्रहाणाय / पोषदृष्टेः प्रहाणाय / पुद्गलदृष्टेः प्रहाणाय / पुरुषदृष्टेः प्रहाणाय / मनुजदृष्टेः प्रहाणाय / मानवदृष्टेः प्रहाणाय / कारकदृष्टेः प्रहाणाय / कारापकदृष्टेः प्रहाणाय / उत्थापकदृष्टेः प्रहाणाय / समुत्थापकदृष्टेः प्रहाणाय / वेदकदृष्टेः प्रहाणाय / वेदयितुकदृष्टेः प्रहाणाय / ज्ञानकदृष्टेः प्रहाणाय / पश्यकदृष्टेः प्रहाणाय / उच्छेददृष्टेः प्रहाणाय / शास्वतदृष्टेः प्रहाणाय / अस्तिदृष्टेः प्रहाणाय / नास्तिदृष्टेः प्रहाणाय / स्कन्धदृष्टेः प्रहाणाय / धातुदृष्टेः प्रहाणाय / आयतनदृष्टेः प्रहाणाय / प्रतीत्यसमुत्पादनदृष्टेः प्रहाणाय / सत्यदृष्टेः प्रहाणाय / पारमितादृष्टेः प्रहाणाय / शून्यतादृष्टेः प्रहाणाय / स्मृत्युपस्थानदृष्टेः प्रहाणाय / सम्यक्प्रहाणदृष्टेः प्रहाणाय / ऋद्धिपाददृष्टेः प्रहाणाय / इन्द्रियदृष्टेः प्रहाणाय / बलदृष्टेः प्रहाणाय / बोध्यङ्गदृष्टेः प्रहाणाय / आर्याष्टाङ्गमार्गदृष्टेः प्रहाणाय / आर्यसत्यदृष्टेः प्रहाणाय / ध्यानदृष्टेः प्रहाणाय / अप्रमाणदृष्टेः प्रहाणाय / आरूप्यसमापत्तिदृष्टेः प्रहाणाय / विमोक्षदृष्टेः प्रहाणाय / अनुपूर्वविहारसमापत्तिदृष्टेः प्रहाणाय / शून्यतानिमित्ताप्रणिहितविमोक्षमुखदृष्टेः प्रहाणाय / समाधिदृष्टेः प्रहाणाय / धारणीमुखदृष्टेः प्रहाणाय / तथागतबलदृष्टेः प्रहाणाय / वैशारद्यदृष्टेः प्रहाणाय / प्रतिसंविद्दृष्टेः प्रहाणाय / महामैत्रीदृष्टेः प्रहाणाय / महाकरुणादृष्टेः प्रहाणाय / आवेणिकबुद्धधर्मदृष्टेः सत्त्वपरिपाकदृष्टेः प्रहाणाय / बुद्धक्षेत्रपरिशोधनदृष्टेः प्रहाणाय / बोधिदृष्टेः प्रहाणाय / बुद्धदृष्टेः प्रहाणाय / धर्मचक्रप्रवर्तनदृष्टेः प्रहाणाय / परिनिर्वाणदृष्टेः प्रहाणाय / सत्त्वेभ्यो धर्मं देशयत्य् अनुपलम्भयोगेन / तेनार्थेन बोधिसत्त्वो महासत्त्व इत्य् उच्यते /

अथायुष्मान् सुभूतिर् आयुष्मन्तं शारद्वतीपुत्रम् एतद् अवोचत् / केन कारणेनायुष्मञ् छारद्वतीपुत्र बोधिसत्त्वस्य महासत्त्वस्य रूपदृष्टिर् भवति / वेदनादृष्टिर् भवति / संज्ञादृष्टिर् भवति / संस्कारदृष्टिर् भवति / विज्ञानदृष्टिर् भवति / चक्षुर्दृष्टिर् भवति / श्रोत्रदृष्टिर् भवति / घ्राणदृष्टिर् भवति / जिह्वादृष्टिर् भवति / कायदृष्टिर् भवति / मनोदृष्टिर् भवति / रूपदृष्टिर् भवति / शब्ददृष्टिर् भवति / गन्धदृष्टिर् भवति / रसदृष्टिर् भवति / स्पर्शदृष्टिर् भवति / धर्मदृष्टिर् भवति / चक्षुर्विज्ञानदृष्टिर् भवति / श्रोत्रविज्ञानदृष्टिर् भवति / घ्राणविज्ञानदृष्टिर् भवति / जिह्वाविज्ञानदृष्टिर् भवति / कायविज्ञानदृष्टिर् भवति / मनोविज्ञानदृष्टिर् भवति / चक्षुःसंस्पर्शदृष्टिर् भवति / श्रोत्रसंस्पर्शदृष्टिर् भवति / घ्राणसंस्पर्शदृष्टिर् भवति / जिह्वासंस्पर्शदृष्टिर् भवति / कायसंस्पर्शदृष्टिर् भवति / मनःसंस्पर्शदृष्टिर् भवति / चक्षुःसंस्पर्शप्रत्ययवेदनादृष्टिर् भवति / श्रोत्रसंस्पर्शप्रत्ययवेदनादृष्टिर् भवति / घ्राणसंस्पर्शप्रत्ययवेदनादृष्टिर् भवति / जिह्वासंस्पर्शप्रत्ययवेदनादृष्टिर् भवति / कायसंस्पर्शप्रत्ययवेदनादृष्टिर् भवति / मनःसंस्पर्शप्रत्ययवेदनादृष्टिर् भवति / पृथिवीधातुदृष्टिर् भवति / अब्धातुदृष्टिर् भवति / तेजोधातुदृष्टिर् भवति / वायुधातुदृष्टिर् भवति / आकाशधातुदृष्टिर् भवति / विज्ञानधातुदृष्टिर् भवति / अविद्यादृष्टिर् भतति / संस्कारदृष्टिर् भवति / विज्ञानदृष्टिर् भवति / नामरूपदृष्टिर् भवति / षडायतनदृष्टिर् भवति / स्पर्शदृष्टिर् भवति / वेदनादृष्टिर् भवति / तृष्णादृष्टिर् भवति / उपादानदृष्टिर् भवति / भवदृष्टिर् भवति / जातिदृष्टिर् भवति / जरामरणदृष्टिर् भवति /

दानपारमितादृष्टिर् भवति / शीलपारमितादृष्टिर् भवति / क्षान्तिपारमितादृष्टिर् भवति / वीर्यपारमितादृष्टिर् भवति / ध्यानपारमितादृष्टिर् भवति / प्रज्ञापारमितादृष्टिर् भवति / अध्यात्मशून्यतादृष्टिर् भवति / बहिर्धाशून्यतादृष्टिर् भवति / अध्यात्मबहिर्धाशून्यतादृष्टिर् भवति / शून्यताशून्यतादृष्टिर् भवति / महाशून्यतादृष्टिर् भवति / परमार्थशून्यतादृष्टिर् भवति / संस्कृतशून्यतादृष्टिर् भवति / असंस्कृतशून्यतादृष्टिर् भवति / अत्यन्तशून्यतादृष्टिर् भवति / अनवराग्रशून्यतादृष्टिर् भवति / अनवकारशून्यतादृष्टिर् भवति / प्रकृतिशून्यतादृष्टिर् भवति / सर्वधर्मशून्यतादृष्टिर् भवति / स्वलक्षणशून्यतादृष्टिर् भवति / अभावशून्यतादृष्टिर् भवति / स्वभावशून्यतादृष्टिर् भवति / अभावस्वभावशून्यतादृष्टिर् भवति /

स्मृत्युपस्थानदृष्टिर् भवति / सम्यक्प्रहाणदृष्टिर् भवति / ऋद्धिपाददृष्टिर् भवति / इन्द्रियदृष्टिर् भवति / बलदृष्टिर् भवति / बोध्यङ्गदृष्टिर् भवति / आर्याष्टाङ्गमार्गदृष्टिर् भवति / आर्यसत्यदृष्टिर् भवति / ध्यानदृष्टिर् भवति / अप्रमाणदृष्टिर् भवति / आरूप्यसमापत्तिदृष्टिर् भवति / विमोक्षदृष्टिर् भवति / अनुपूर्वविहारसमापत्तिदृष्टिर् भवति / शून्यतानिमित्ताप्रणिहितविमोक्षमुखदृष्टिर् भवति / अभिज्ञादृष्टिर् भवति / समाधिदृष्टिर् भवति / धारणीमुखदृष्टिर् भवति / तथागतबलदृष्टिर् भवति / वैशारद्यदृष्टिर् भवति / प्रतिसंविद्दृष्टिर् भवति / महामैत्रीदृष्टिर् भवति / महाकरुणादृष्टिर् भवति / आवेणिकबुद्धधर्मदृष्टिर् भवति / बुद्धक्षेत्रशोधनदृष्टिर् भवति / बोधिदृष्टिर् भवति / बुद्धदृष्टिर् भवति / धर्मदृष्टिर् भवति / धर्मचक्रप्रवर्तनदृष्टिर् भवति / परिनिर्वाणदृष्टिर् भवति /

आह / इहायुष्मान् सुभूते बोधिसत्त्वो महासत्त्वः प्रज्ञापारमितायाञ् चरन्न् अनुपाय कौशल्येन रूपम् उपलभ्य दृष्टिम् उत्पादयत्य् उपलम्भयोगेन / वेदनाम् उपलभ्य दृष्टिम् उत्पादयत्य् उपलम्भयोगन / संज्ञाम् उपलभ्य दृष्टिम् उत्पादयत्य् उपलम्भयोगेन / संस्कारान् उपलभ्य दृष्टिम् उत्पादयत्य् उपलम्भयोगेन / विज्ञानम् उपलभ्य दृष्टिम् उत्पादयत्य् उपलम्भयोगेन / चक्षुर् उपलभ्य दृष्टिम् उत्पादयत्य् उपलम्भयोगेन / श्रोत्रम् उपलभ्य दृष्टिम् उत्पादयत्य् उपलम्भयोगेन / घ्राणम् उपलभ्य दृष्टिम् उत्पादयत्य् उपलम्भयोगेन / जिह्वाम् उपलभ्य दृष्टिम् उत्पादयत्य् उपलम्भयोगेन / कायम् उपलभ्य दृष्टिम् उत्पादयत्य् उपलम्भयोगेन / मन उपलभ्य दृष्टिम् उत्पादयत्य् उपलम्भयोगेन / रूपम् उपलभ्य दृष्टिम् उत्पादयत्य् उपलम्भयोगेन / शब्दम् उपलभ्य द्ष्टिम् उत्पादयत्य् उपलम्भयोगेन / गन्धम् उपलभ्य दृष्टिम् उत्पादयत्य् उपलम्भयोगेन / रसम् उपलभ्य दृष्टिम् उत्पादयत्य् उपलम्भयोगेन / स्पर्शम् उपलभ्य दृष्टिम् उत्पादयत्य् उपलम्भयोगेन / धर्मान् उपलभ्य दृष्टिम् उत्पादयत्य् उपलम्भयोगेन / चक्षुर्विज्ञानम् उपलभ्य दृष्टिम् उत्पादयत्य् उपलम्भयोगेन / श्रोत्रविज्ञानम् उपलभ्य दृष्टिम् उत्पादयत्य् उपलम्भयोगेन / घ्राणविज्ञामम् उपलभ्य दृष्टिम् उत्पादयत्य् उपलम्भयोगेन / जिह्वाविज्ञानम् उपलभ्य दृष्टिम् उत्पादयत्य् उपलम्भयोगेम / कायविज्ञानम् उपलभ्य दृष्टिम् उत्पादयत्य् उपलम्बयोगेन / ममोविज्ञानम् उपलभ्य दृष्टिम् उत्पादयत्य् उपलम्भयोगेम / चक्षुःसंस्पर्शम् उपलभ्य दृष्टिम् उत्पादयत्य् उपलम्भयोगेन / श्रोत्रसंस्पर्शम् उपलभ्य दृष्टिम् उत्पादयत्य् उपलम्भयोगेन /

घ्राणसंस्पर्शम् उपलभ्य दृष्टिम् उत्पादयत्य् उपलम्भयोगेन / जिह्वासंस्पर्शम् उपलभ्य दृष्टिम् उत्पादयत्य् उपलम्भयोगेन / कायसंस्पर्शम् उपलभ्य दृष्टिम् उत्पादयत्य् उपलम्भयोगेन / मनःसंस्पर्शम् उपलभ्य दृष्टिम् उत्पादयत्य् उपलम्भयोगेन / पृथिवीधातुम् उपलभ्य दृष्टिम् उत्पादयत्य् उपलम्भयोगेन / अब्धातुम् उपलभ्य दृष्टिम् उत्पादयत्य् उपलम्भयोगेन / तेजोधातुम् उपलभ्य दृष्टिम् उत्पादयत्य् उपलम्भयोगेन / वायुधातुम् उपलभ्य दृष्टिम् उत्पादयत्य् उपकम्भयोगेन / आकाशधातुम् उपलभ्य दृष्टिम् उत्पादयत्य् उपलम्भयोगेन / विज्ञानधातुम् उपलभ्य दृष्टिम् उत्पादयत्य् उपलम्भयोगेन / अविद्याम् उपलभ्य दृष्टिम् उत्पादयत्य् उपलम्भयोगेन / संस्कारान् उपलभ्य दृष्टिम् उत्पादयत्य् उपलम्भयोगेन / विज्ञानम् उपलभ्य दृष्टिम् उत्पादयत्य् उपलम्भयोगेन / नामरूपम् उपलभ्य दृष्टिम् उत्पादयत्य् उपलम्भयोगेन / षडायतनम् उपलभ्य दृष्टिम् उत्पादयत्य् उपलम्भयोगेन / स्पर्शम् उपलभ्य दृष्टिम् उत्पादयत्य् उपलम्भयोगेन / वेदनाम् उपलभ्य दृष्टिम् उत्पादयत्य् उपलम्भयोगेन / तृष्णाम् उपलभ्य दृष्टिम् उत्पादयत्य् उपलम्भयोगेन / उपादानम् उपलभ्य दृष्टिम् उत्पादयत्य् उपलम्भयोगेम / भवम् उपलभ्य दृष्टिम् उत्पादयत्य् उपलम्भयोगेन / जातिम् उपलभ्य दृष्टिम् उत्पादयत्य् उपलम्भयोगेन / जरामरणम् उपलभ्य दृष्टिम् उत्पादयत्य् उपलम्भयोगेन /

दानपारमिताम् उपलभ्य दृष्टिम् उत्पादयत्य् उपलम्भयोगेन / शीलपारमिताम् उपलभ्य दृष्टिम् उत्पादयत्य् उपलम्भयोगेन / क्षान्तिपारमिताम् उपलभ्य दृष्टिम् उत्पादयत्य् उपलम्भयोगेन / वीर्यपारमिताम् उपलभ्य दृष्टिम् उत्पादयत्य् उपलम्भयोगेन / ध्यानपारमिताम् उपलभ्य दृष्टिम् उत्पादयत्य् उपलम्भयोगेन / प्रज्ञापारमिताम् उपलभ्य दृष्टिम् उत्पादयत्य् उपलम्भयोगेन /

अध्यात्मशून्यताम् उपलभ्य दृष्टिम् उत्पादयत्य् उपलम्भयोगेन / बहिर्धाशून्यताम् उपलभ्य दृष्टिम् उत्पादयत्य् उपलम्भयोगेन / अह्यात्मबहिर्धाशून्यताम् उपलभ्य दृष्टिम् उत्पादयत्य् उपलम्भयोगेन / शून्यताशून्यताम् उपलभ्य दृष्टिम् उत्पादयत्य्

उपलम्भयोगेन / महाशून्यताम् उपलभ्य दृष्टिम् उत्पादयत्य् उपलम्भयोगेन / परमार्थशून्यताम् उपलभ्य दृष्टिम् उत्पादयत्य् उपलम्भयोगेन / संस्कृतशून्यताम् उपलभ्य दृष्टिम् उत्पादयत्य् उपलम्भयोगेन / असंस्कृतशून्यताम् उपलभ्य दृष्टिम् उत्पादयत्य् उपलम्भयोगेन / अत्यन्तशून्यताम् उपलभ्य दृष्टिम् उत्पादयत्य् उपलम्भयोगेन / अनवराग्रशून्यताम् उपलभ्य दृष्टिम् उत्पादयत्य् उपलम्भयोगेन / अनवकारशून्यताम् उपलभ्य दृष्टिम् उत्पादयत्य् उपलम्भयोगेन / प्रकृतिशून्यताम् उपलभ्य दृष्टिम् उत्पादयत्य् उपलम्भयोगेन / सर्वधर्मशून्यताम् उपलभ्य दृष्टिम् उत्पादयत्य् उपलम्भयोगेन / स्वलक्षणशून्यताम् उपलभ्य दृष्टिम् उत्पादयत्य् उपलम्भयोगेन / अनुपलम्भशून्यताम् उपलभ्य दृष्टिम् उत्पादयत्य् उपलम्भयोगेन / अभावशून्यताम् उपलभ्य दृष्टिम् उत्पादयत्य् उपलम्भयोगेन / स्वभावशून्यताम् उपलभ्य दृष्टिम् उत्पादयत्य् उपलम्भयोगेन / अभावस्वभावशून्यताम् उपलभ्य दृष्टिम् उत्पादयत्य् उपलम्भयोगेन /

स्मृत्युपस्थानान्य् उपलभ्य दृष्टिम् उत्पादयत्य् उपलम्भयोगेन / सम्यक्प्रहाणान्य् उपलभ्य दृष्टिम् उत्पादयत्य् उपलम्भयोगेन / ऋद्धिपादान् उपलभ्य दृष्टिम् उत्पादयत्य् उपलम्भयोगेन / इन्द्रियान्य् उपलभ्य दृष्टिम् उत्पादयत्य् उपलम्भयोगेन / बलान्य् उपलभ्य दृष्टिम् उत्पादयत्य् उपलम्भयोगेन / बोध्यङ्गान्य् उपलभ्य दृष्टिम् उत्पादयत्य् उपलम्भयोगेन / आर्याष्टाङ्गमार्गम् उपलभ्य दृष्टिम् उत्पादयत्य् उपलम्भयोगेम / आर्यसत्यान्य् उपलभ्य दृष्टिम् उत्पादयत्य् उपलम्भयोगेन / ध्यानान्य् उपलभ्य दृष्टिम् उत्पादयत्य् उपलम्भयोगेन / अप्रमाणान्य् उपलभ्य दृष्टिम् उत्पादयत्य् उपलम्भयोगेन / आरूप्यसमापत्तीर् उपलभ्य दृष्टिम् उत्पादयत्य् उपलम्भयोगेन / विमोक्षान् उपलभ्य दृष्टिम् उत्पादयत्य् उपलम्भयोगेन / अनुपूर्वविहारसमापत्तीर् उपलभ्य दृष्टिम् उत्पादयत्यि अनुपलम्भयोगेन / शून्यतानिमित्ताप्रण्हितविमोक्षमुखान्य् उपलभ्य दृष्टिम् उत्पादयत्य् उपलम्भयोगेन / अभिज्ञा उपलभ्य दृष्टिम् उत्पादयत्य् उपलम्भयोगेन / समाधीन् उपलभ्य दृष्टिम् उत्पादयत्य् उपलम्भयोगेन / धारणीमुखान्य् उपलभ्य दृष्टिम् उत्पादयत्य् उपलम्भयोगेन / तथागतबलान्य् उपलभ्य दृष्टिम् उत्पादयत्य् उपलम्भयोगेन / वैशारद्यान्य् उपलभ्य दृष्टिम् उत्पादयत्य् उपलम्भयोगेन / प्रतिसंविद उपलभ्य दृष्टिम् उत्पादयत्य् उपलम्भयोगेन / महामैत्रीम् उपलभ्य दृष्टिम् उत्पादयत्य् उपसंभयोगेन / महाकरुणाम् उपलभ्य दृष्टिम् उत्पादयत्य् उपलम्भयोगेन / आवेणिकबुद्धधर्मान् उपलभ्य दृष्टिम् उत्पादयत्य् उपलम्भयोगेम / सत्त्वपरिपाकम् उपलभ्य दृष्टिम् उत्पादयत्य् उपलम्भयोगेन / बुद्धक्षेत्रपरिशोधनम् उपलभ्य दृष्टिम् उत्पादयत्य् उपलम्भयोगेन / बोधिम् उपलभ्य दृष्टिम् उत्पादयत्य् उपलम्भयोगेन / बुद्धम् उपलभ्य दृष्टिम् उत्पादयत्य् उपलम्भयोगेन / धर्मम् उपलभ्य दृष्टिम् उत्पादयत्य् उपलम्भयोगेन / धर्मचक्रप्रवर्तनम् उपलभ्य दृष्टिम् उत्पादयत्य् उपलम्भयोगेन / परिनिर्वाणम् उपलभ्य दृष्टिम् उत्पादयत्य् उपलम्भयोगेन /

अनेन कारणेनायुश्मन् सुभूते बोधिसत्त्वस्य महासत्त्वस्य रूपदृष्टिर् भवति / वेदनादृष्टिर् भवति / संज्ञादृष्टिर् भवति / संस्कारदृष्टिर् भवति / विज्ञानदृष्टिर् भवति / अनेन कारणेन चक्षुर्दृष्टिर् भवति / श्रोत्रदृष्टिर् भवति / घ्राणदृष्टिर् भवति / जिह्वादृष्टिर् भवति / कायदृष्टिर् भवति / मनोदृष्टिर् भवति / अनेन कारणेन सुरूपदृष्टिर् भवति / शब्ददृष्टिर् भवति / गन्धदृष्टिर् भवति / रसदृष्टिर् भवति / स्पर्शदृष्टिर् भवति / धर्मदृष्टिर् भवति / अनेन कारणेन चक्षुर्विज्ञानदृष्टिर् भवति / श्रोत्रविज्ञानदृष्टिर् भवति / घ्राणविज्ञानदृष्टिर् भवति / जिह्वाविज्ञानदृष्टिर् भवति / कायविज्ञानदृष्टिर् भवति / मनोविज्ञानदृष्टिर् भवति / अनेन कारणेन चक्षुःसंस्पर्शदृष्टिर् भवति / श्रोत्रसंस्पर्शदृष्टिर् घ्राणसंस्पर्शदृष्टिर् जिह्वासंस्पर्शदृष्टिः कायसंस्पर्शदृष्टिर् मनःसंस्पर्शदृष्टिर् भवति / अनेन कारणेन चक्षुःसंस्पर्शप्रत्ययवेदनादृष्टिर् भवति / श्रोत्रसंस्पर्शप्रत्ययवेदनादृष्टिर् घ्राणसंस्पर्शप्रत्ययवेदनादृष्टिर् जिह्वासंस्पर्शप्रत्ययवेदनादृष्टिः कायसंस्पर्शप्रत्ययवेदनादृष्टिर् मनःसंस्पर्शप्रत्ययवेदनादृष्टिर् भवति /

अनेन कारणेन पृथिवीधातुदृष्टिर् भवति / अब्धातुदृष्टिस् तेजोधातुदृष्टिर् वायुधातुदृष्टिर् आकाशधातुदृष्टिर् विज्ञानधातुदृष्टिर् भवति / अनेन कारणेनाविद्यादृष्टिर् भवति / संस्कारदृष्टिर् विज्ञानदृष्टिर् नामरूपदृष्टिः षडायतनदृष्टिः स्पर्शदृष्टिर् वेदनादृष्टिस् तृष्णादृष्टिर् उपादानदृष्टिर् भवदृष्टिर् जातिदृष्टिर् जरामरणदृष्टिर् भवति / अनेन कारणेन दानपारमितादृष्टिर् भवति / शीलपारमितादृष्टिः क्षान्तिपारमितादृष्टिर् वीर्यपारमितादृष्टिर् ध्यानपारमितादृष्टिः प्रज्ञापारमितादृष्टिर् भवति /

अनेन कारणेनाध्यात्मशून्यतादृष्टिर् भवति / बहिर्धाशून्यतादृष्टिर् अध्यात्मबहिर्धाशून्यतादृष्टिः शून्यताशून्यतादृष्टिर् महाशून्यतादृष्टिः परमार्थशून्यतादृष्टिः संस्कृतशून्यतादृष्टिर् असंस्कृतशून्यतादृष्टिर् अत्यन्तशून्यतादृष्टिर् अनवराग्रशून्यतादृष्टिर् अनवकारशून्यतादृष्टिः प्रकृतिशून्यतादृष्टिः सर्वधर्मशून्यतादृष्टिः स्वलक्षणशून्यतादृइष्टिर् अनुपलम्भशून्यतादृष्टिर् अभावशून्यतादृष्टिः स्वभावशून्यतादृइष्टिर् अभावस्वभावशून्यतादृष्टिर् भवति /

अनेन कारणेन स्मृत्युपस्थानदृष्टिर् भवति / सम्यक्प्रहाणदृष्टिर् ऋद्धिपाददृष्टिर् इन्द्रियदृष्टिर् बलदृष्टिर् बोध्यङ्गदृष्टिर् आर्याष्टाङ्गमार्गदृष्टिर् आर्यसत्यदृष्टिर् ध्यानदृष्टिर् अप्रमाणदृष्टिर् आरूप्यसमापत्तिदृष्टिर् विमोक्षदृष्टिर् अनुपूर्वविहारदृष्टिः शून्यतानिमित्ताप्रणिहितविमोक्षमुखदृष्टिर् अभिज्ञादृष्टिः समाधिदृष्टिर् धारणीमुखदृष्टिस् तथागतबलदृष्टिर् वैशारद्यदृष्टिः प्रतिसंविद्दृष्टिः महामैत्रीदृष्टिर् महाक्ररुणादृष्टिर् आवेणिकबुद्धधर्मदृष्टिः सत्त्वपरिपाकदृष्टिर् बुद्धक्षेत्रपरिशोधनदृष्टिर् बोधिदृष्टिर् बुद्धदृष्टिर् धर्मदृष्टिर् धर्मचक्रप्रवर्तनदृष्टिः परिनिर्वाणदृष्टिर् भवति /

तत्र बोधिसत्त्वो महासत्त्वः प्रज्ञापारमितायां चरन्न् उपायकौशलेनैषां दृष्टिगतानां प्रहाणाय धर्मं देशयत्य् अनुपलम्भयोगेन / अथायुष्मान् सुभूतिर् भगवन्तम् एतद् अवोचत् / ममापि भगवान् तत् प्रतिभाति येनार्थेन बोधिसत्त्वो महासत्त्व इत्य् उच्यते / भगवान् आह / प्रतिभातु ते सुभूते / सुभूतिर् आह / यद् अपि भगवान् बोधिचित्तम् असमचित्तम् असाधारणचित्तं सर्वश्रावकप्रत्येकबुद्धैस् तत्रापि चित्ते ऽसक्तस् तेनार्थेन बोधिसत्त्वो महासत्त्व इत्य् उच्यते / तत् कस्य हेतोः / तथा हि तत् सर्वज्ञताचित्तम् अनाश्रवम् अपर्यापन्नं यद् अपि तत् सर्वज्ञताचित्तम् अनाश्रवम् अपर्यापन्नं त्रैधातुके तत्रापि चित्ते ऽसक्तः प्रकृतिशून्यताम् उपादाय / तस्माद् बोधिसत्त्वो महासत्त्व इति संख्यां गच्छति /

अथायुष्माञ् छारद्वतीपुत्र आयुष्मन्तं सुभूतिम् एतद् अवोचत् / कतमस् तद् आयुष्मन् सुभूते बोधिसत्त्वस्य महासत्त्वस्यासमचित्तम् असाधारणचित्तं सर्वश्रावकप्रत्येकबुद्धैः / सुभूतिर् आह / इहायुष्मञ् छारद्वतीपुत्र बोधिसत्त्वो महासत्त्वः प्रथमचित्तोत्पादम् उपादाय / न कस्यचिद् धर्मस्योत्पादं न निरोधं समनुपश्यति / न हानिं न वृद्धिं न गतिं नागतिं न संक्लेशं न व्यवदानं / यत्र चायुष्मन् शारद्वतीपुत्र नोत्पादो न निरोधो न हानिर् न वृद्धिर् न गतिर् नागतिर् न संक्लेशो न व्यवदानं तत्र न श्रावकचित्तं न प्रत्येकचित्तं न प्रत्येकबुद्धचित्तं न बोधिचित्तं न सम्यक्संबुद्धचित्तम् इदम् आयुष्मञ् छारद्वतीपुत्र बोधिसत्त्वस्य महासत्त्वस्यासमचित्तम् असाधारणचित्तं सर्वश्रावकप्रत्येकबुद्धैः / आह / यद् आयुष्मन् सुभूते एवं वदसि / यद् अपि तत् सर्वज्ञताचित्तम् अनाश्रवम् अपर्यापन्नं तत्रापि चित्तेन सक्त इति / न ह्य् आयुष्मन् सुभूते रूपम् अप्य् असक्तं वेदनापि संज्ञापि संस्कारा अपि विज्ञानम् अप्य् असक्तं चक्षुर् अप्य् असक्तं श्रोत्रम् अप्य् असक्तं घ्राणम् अप्य् असक्तं जिह्वाप्य् असक्ता कायो ऽप्य् असक्तः मनो ऽप्य् असक्तं / रूपम् अप्य् असक्तं शब्दो ऽप्य् असक्तो गन्धो ऽप्य् असक्तो रसो ऽप्य् असक्तः स्पर्शो ऽप्य् असक्तः धर्मो ऽप्य् असक्तः / चक्षुर्विज्ञानम् अप्य् असक्तं श्रोत्रविज्ञानम् अप्य् असक्तं घ्राणविज्ञानम् अप्य् असक्तं जिह्वाविज्ञानम् अप्य् असक्तं कायविज्ञानम् अप्य् असक्तं मनोविज्ञानम् अप्य् असक्तं / चक्षुःसंस्पर्शो ऽप्य् असक्तः श्रोत्रसंस्पर्शो ऽप्य् असक्तः घ्राणसंस्पर्शो ऽप्य् असक्तः जिह्वासंस्पर्शो ऽप्य् असक्तः / कायसंस्पर्शो ऽप्य् असक्तः मनःसंस्पर्शो ऽप्य् असक्तः / चक्षुःसंस्पर्शप्रत्ययवेदनाप्य् असक्ता श्रोत्रसंस्पर्शप्रत्ययवेदनाप्य् असक्ता / घ्राणसंस्पर्शप्रत्ययवेदनाप्य् असक्ता / जिह्वासंस्पर्शप्रत्ययवेदनाप्य् असक्ता / कायसंस्पर्शप्रत्ययवेदनाप्य् असक्ता / मनःसंस्पर्शप्रत्ययवेदनाप्य् असक्ता /

पृथिवीधातुर् अप्य् असक्तः / अब्धातुर् अप्य् असक्तः / तेजोधातुर् अप्य् असक्तः / वायुधातुर् अप्य् असक्तः / आकाशधातुर् अप्य् असक्तः / विज्ञानधातुर् अप्य् असक्तः / अविद्याप्य् असक्ता संस्काराप्य् असक्ताः / विज्ञानम् अप्य् असक्तं / नामरूपम् अप्य् असक्तं / षडायतनम् अप्य् असक्तं / स्पर्शो ऽप्य् असक्तः / वेदनाप्य् असक्ता / तृष्णाप्य् असक्ता / उपादानम् अप्य् असक्तं / भावो ऽप्य् असक्तः / जातिर् अप्य् असक्ता / जरामरणम् अप्य् असक्तं /

दानपारमिताप्य् असक्ता / शीलपारमिताप्य् असका / क्षान्तिपारमिताप्य् असक्ता / वीर्यपारमिताप्य् असक्ता / ध्यानपारमिताप्य् असक्ता / प्रज्ञापारमिताप्य् असक्ता /

अध्यात्मशून्यताप्य् असक्ता / बहिर्धाशून्यताप्य् असक्ता / अध्यात्मबहिर्धाशून्यताप्य् असक्ता / शून्यताशून्यताप्य् असक्ता / महाशून्यताप्य् असक्ता / परमार्थशून्यताप्य् असक्ता / संस्कृतशून्यताप्य् असक्ता / असंस्कृतशून्यताप्य् असक्ता / अत्यन्तशून्यताप्य् असक्ता / अनवराग्रशून्यताप्य् असक्ता / अनवकारशून्यताप्य् असक्ता / प्रकृतिशून्यताप्य् असक्ता / सर्वधर्मशून्यताप्य् असक्ता / स्वलक्षणशून्यताप्य् असक्ता / अनुपलम्भशून्यताप्य् असक्ता / अभावशून्यताप्य् असक्ता / स्वभावशून्यताप्य् असक्ता / अभावस्वभावशून्यताप्य् असक्ता /

स्मृत्युपस्थानान्य् अप्य् असक्तानि / सम्यक्प्रहाणान्य् अप्य् असक्तानि / ऋद्धिपादा अप्य् असक्ताः / इन्द्रियान्य् अप्य् असक्तानि / बलान्य् अप्य् असक्तानि / बोध्यङ्गान्य् अप्य् असक्तानि / आर्याष्टाङ्गमार्गो ऽप्य् असक्तः / आर्यसत्यान्य् अप्य् असक्तानि / ध्यानान्य् अप्य् असक्तानि / अप्रमाणान्य् अप्य् असक्तानि / आरूप्यसमापत्तयो ऽप्य् असक्ताः / विमोक्षा अप्य् असक्ताः / अनुपूर्वविहारसमापत्तयो ऽप्य् असक्ताः / शून्यतानिमित्ताप्रणिहितविमोक्षमुखान्य् अप्य् असक्तानि / अभिज्ञा अप्य् असक्ताः / समाधयो ऽप्य् असक्ता / धारणीमुखान्य् अप्य् असक्तानि / तथागतबलान्य् अप्य् असक्तानि / वैशारद्यान्य् अप्य् असक्तानि / प्रतिसंविदो ऽप्य् असक्ताः / महामैत्र्य् अप्य् असक्ता / महाकरुणाप्य् असक्ता / आवेणिकबुद्धधर्मा अप्य् असक्ताः / सर्वज्ञताप्य् असक्ता / मार्गाकारज्ञाताप्य् असक्ता / सर्वाकारज्ञताप्य् असक्ता /

सुभूतिर् आह / एवम् एतद् आयुस्मञ् छारद्वतीपुत्र रूपम् अप्य् असक्तं / वेदनाप्य् असक्ता / संज्ञाप्य् असक्ता / संस्कारा अप्य् असक्ताः / विज्ञानम् अप्य् असक्तं / चक्षुर् अप्य् असक्तं / श्रोत्रम् अप्य् असक्तं / घ्राणम् असक्तं / जिह्वाप्य् असक्ता / कायो ऽप्य् असक्तः / मनो ऽप्य् असक्तं / रूपम् अप्य् असक्तं / शब्दो ऽप्य् असक्तः / गन्धो ऽप्य् असक्तः / रसो ऽप्य् असक्तः / स्पर्शो ऽप्य् असक्तः / धर्मा अप्य् असक्ताः / चक्षुर्विज्ञानम् अप्य् असक्तं / श्रोत्रविज्ञानम् अप्य् असक्तं / घ्राणविज्ञानम् अप्य् असक्तं / जिह्वाविज्ञानम् अप्य् असक्तं / कायविज्ञानम् अप्य् असक्तं / मनोविज्ञानम् अप्य् असक्तं / चक्षुःसंस्पर्शो ऽप्य् असक्तः / श्रोत्रसंस्पर्शो ऽप्य् असक्तः / घ्राणसंस्पर्शो ऽप्य् असक्तः / जिह्वासंस्पर्शो ऽप्य् असक्तः / कायसंस्पर्शो ऽप्य् असक्तः / मनःसंस्पर्शो ऽप्य् असक्तः / चक्षुःसंस्पर्शप्रत्ययवेदनाप्य् असक्ता / श्रोत्रसंस्पर्शप्रत्ययवेदनाप्य् असक्ता / घ्राणसंस्पर्शप्रत्ययवेदनाप्य् असक्ता / जिह्वासंस्पर्शप्रत्ययवेदनाप्य् असक्ता / कायसंस्पर्शप्रत्ययवेदनाप्य् असक्ता / मनःसंस्पर्शप्रत्ययवेदनाप्य् असक्ता /

पृथिवीधातुर् अप्य् असक्तः / अब्धातुर् अप्य् असक्तः / तेजोधातुर् अप्य् असक्तः / वायुधातुर् अप्य् असक्तः / आकाशधातुर् अप्य् असक्तः / विज्ञानधातुर् अप्य् असक्तः / अविद्याप्य् असक्ता / संस्कारा अप्य् असक्ताः / विज्ञानम् अप्य् असक्तं / नामरूपम् अप्य् असक्तं / षडायतनम् अप्य् असक्तं / स्पर्शो ऽप्य् असक्तः / वेदनाप्य् असक्ता / तृष्णाप्य् असक्ता / उपादानम् अप्य् असक्तं / भवो ऽप्य् असक्तः / जातिर् अप्य् असक्ता / जरामरणम् अप्य् असक्तं /

दानपारमिताप्य् असक्ता / शीलपारमिताप्य् असक्ता / क्षान्तिपारमिताप्य् असक्ता / वीर्यपारमिताप्य् असक्ता / ध्यानपारमिताप्य् असक्ता / प्रज्ञापारमिताप्य् असक्ता /

अध्यात्मशून्यताप्य् असक्ता / बहिर्धाशून्यताप्य् असक्ता / अध्यात्मबहिर्धाशून्यताप्य् असक्ता / शून्यताशून्यताप्य् असक्ता / महाशून्यताप्य् असक्ता / परमार्थशून्यताप्य् असक्ता / संस्कृतशून्यताप्य् असक्ता / असंस्कृतशून्यताप्य सक्ता / अत्यन्तशून्यताप्य् असक्ता / अनवराग्रशून्यताप्य् असक्ता / अनवकारशून्यताप्य् असक्ता / प्रकृतिशून्यताप्य् असक्ता / सर्वधर्मशून्यताप्य् असक्ता / स्वलक्षणशून्यताप्य् असक्ता / अनुपलम्भशून्यताप्य् असक्ता / अभावशून्यताप्य् असक्ता / स्वभावशून्यताप्य् असक्ता / अभावस्वभावशून्यताप्य् असक्ता /

स्मृत्युपस्थानान्य् अप्य् असक्तानि / सम्यक्प्रहाणान्य् अप्य् असक्तानि / ऋद्धिपादा अप्य् असक्ताः / इन्द्रियान्य् अप्य् असक्तानि / बलान्य् अप्य् असक्तानि / बोध्यङ्गान्य् अप्य् असक्तानि / आर्याष्टाङ्गमार्गो ऽप्य् असक्तः / आर्यसत्यान्य् अप्य् असक्तानि / ध्यानान्य् अप्य् असक्तानि / अप्रमाणान्य् अप्य् असक्तानि / आरूप्यसमापत्तयो ऽप्य् असक्ताः / विमोक्षा अप्य् असक्ताः / अनुपूर्वविहारसमापत्तयो ऽप्य् असक्ताः / शून्यतानिमित्ताप्रणिहितविमोक्षमुखान्य् अप्य् असक्तानि / अभिज्ञा अप्य् असक्ताः / समाधयो ऽप्य् असक्ताः / धारणीमुखान्य् अप्य् असक्तानि / तथागतबलान्य् अप्य् असक्तानि / वैशारद्यान्य् अप्य् असक्तानि / प्रतिसंविदो ऽप्य् असक्ताः / महामैत्र्य् अप्य् असक्ता / महाकरुणाप्य् असक्ता / आवेणिकबुद्धधर्मा अप्य् असक्ताः / सर्वज्ञताप्य् असक्ता / मार्गाकारज्ञताप्य् असक्ता / सर्वाकारज्ञताप्य् असक्ता /

आह / यद् अप्य् आयुष्मान् सुभूतिर् एवम् आह / तद् अपि सर्वज्ञताचित्तम् अनाश्रवम् अपर्यापन्नम् इति / तत्र आयुष्मन् सुभूते बालपृथग्जनानाम् अपि चित्तम् अनाश्रवम् अपर्यापन्नं प्रकृतिशून्यताम् उपादाय / श्रावकप्रत्येकबुद्धानाम् अपि बुद्धानाम् अपि भगवताम् अपि चित्तम् अनाश्रवम् अपर्यापन्नं प्रकृतिशून्यताम् उपादाय / सुभूतिर् आह / आयुष्मन् शारद्वतीपुत्र बालपृथग्जनानाम् अपि चित्तम् अनाश्रवम् अपर्यापन्नं प्रकृतिशून्यताम् उपादाय / श्रावकानाम् अपि चित्तम् अनाश्रवम् अपर्यापन्नं प्रकृतिशून्यताम् उपादाय / प्रत्येकबुद्धानाम् अपि चित्तम् अनाश्रवम् अपर्यापन्नं प्रकृतिशून्यताम् उपादाय / बुद्धानाम् अपि भगवतां चित्तम् अनाश्रवम् अपर्यापन्नं प्रकृतिशून्यताम् उपादाय / नन्व् आयुष्मन् सुभूते रूपम् अप्य् अनाश्रवम् अपर्यापन्नं प्रकृतिशून्यताम् उपादाय / वेदनाप्य् अनाश्रवापर्यापन्ना प्रकृतिशून्यताम् उपादाय / संज्ञाप्य् अनाश्रवापर्यापन्ना प्रकृतिशून्यताम् उपादाय / संस्कारा अप्य् अनाश्रवा अपर्यापन्नाः प्रकृतिशून्यताम् उपादाय / विज्ञानम् अप्य् अनाश्रवम् अपर्यापन्नं प्रकृतिशून्यताम् उपादाय / चक्षुर् अप्य् अनाश्रवम् अपर्यापन्नं प्रकृतिशून्यताम् उपादाय / श्रोत्रम् अप्य् अनाश्रवम् अपर्यापन्नं प्रकृतिशून्यताम् उपादाय / घ्राणम् अप्य् अनाश्रवम् अपर्यापन्नं प्रकृतिशून्यताम् उपादाय / जिह्वाप्य् अनाश्रवापर्यापन्ना प्रकृतिशून्यताम् उपादाय / कायो ऽप्य् अनाश्रवो ऽपर्यापन्नः प्रकृतिशून्यताम् उपादाय / मनो ऽप्य् अनाश्रवम् अपर्यापन्नं प्रकृतिशून्यताम् उपादाय / रूपम् अप्य् अनाश्रवम् अपर्यापन्नं प्रकृतिशून्यताम् उपादाय / शब्दो ऽप्य् अनाश्रवो ऽपर्यापन्नः प्रकृतिशून्यताम् उपादाय / गन्धो ऽप्य् अनाश्रवो ऽपर्यापन्नः प्रकृतिशून्यताम् उपादाय /

रसो ऽप्य् अनाश्रवो ऽपर्यापन्नः प्रकृतिशून्यताम् उपादाय / स्पर्शो ऽप्य् अनाश्रवो ऽपर्यापन्नः प्रकृतिशून्यताम् उपादाय / धर्मा अप्य् अनश्रवा अपर्यापन्नाः प्रकृतिशून्यताम् उपादाय / चक्षुर्विज्ञानम् अप्य् अनाश्रवम् अपर्यापन्नं प्रकृतिशून्यताम् उपादाय / श्रोत्रविज्ञानम् अप्य् अनाश्रवम् अपर्यापन्नं प्रकृतिशून्यताम् उपादाय / घ्राणविज्ञानम् अप्य् अनाश्रवम् अपर्यापन्नं प्रकृतिशून्यताम् उपादाय / जिह्वाविज्ञानम् अप्य् अनाश्रवम् अपर्यापन्नं प्रकृतिशून्यताम् उपादाय / कायविज्ञानम् अप्य् अनाश्रवम् अपर्यापन्नं प्रकृतिशून्यताम् उपादाय / मनोविज्ञानम् अप्य् अनाश्रवम् अपर्यापन्नं प्रकृतिशून्यताम् उपादाय / चक्षुःसंस्पर्शो ऽप्य् अनाश्रवो ऽपर्यापन्नः प्रकृतिशून्यताम् उपादाय / श्रोत्रसंस्पर्शो ऽप्य् अनाश्रवो ऽपर्यापन्नः प्रकृतिशून्यताम् उपादाय / घ्राणसंस्पर्शो ऽप्य् अनाश्रवो ऽपर्यापन्नः प्रकृतिशून्यताम् उपादाय / जिह्वासंस्पर्शो ऽप्य् अनाश्रवो ऽपर्यापन्नः प्रकृतिशून्यताम् उपादाय / कायसंस्पर्शो ऽप्य् अनाश्रवो ऽप्य् अपर्यापन्नः प्रकृतिशून्यताम् उपादाय / मनःसंस्पर्शो ऽप्य् अनाश्रवो अपर्यापन्नः प्रकृतिशून्यताम् उपादाय / चक्षुःसंस्पर्शजा वेदनाप्य् अनाश्रवापर्यापन्ना प्रकृतिशून्यताम् उपादाय / श्रोत्रसंस्पर्शजा वेदनाप्य् अनाश्रवापर्यापन्ना प्रकृतिशून्यताम् उपादाय / घ्राणसंस्पर्शजा वेदनाप्य् अनाश्रवापर्यापन्ना प्रकृतिशून्यताम् उपादाय / जिह्वासंस्पर्शजा वेदनाप्य् अनाश्रवापर्यापन्ना प्रकृतिशून्यताम् उपादाय / कायसंस्पर्शजा वेदनाप्य् अनाश्रवापर्यापन्ना प्रकृतिशून्यताम् उपादाय / मनःसंस्पर्शजा वेदनाप्य् अनाश्रवापर्यापन्ना प्रकृतिशून्यताम् उपादाय /

पृथिवीधातुर् अप्य् अनाश्रवो ऽपर्यापन्नः प्रकृतिशून्यताम् उपादाय / अब्धातुर् अप्य् अनाश्रवो ऽपर्यापन्नः प्रकृतिशून्यताम् उपादाय / तेजोधातुर् अप्य् अनाश्रवो ऽपर्यापन्नः प्रकृतिशून्यताम् उपादाय / वायुधातुर् अप्य् अनाश्रवो ऽपर्यापन्नः प्रकृतिशून्यताम् उपादाय / आकाशधातुर् अप्य् अनाश्रवो ऽपर्यापन्नः प्रकृतिशून्यताम् उपादाय / विज्ञानधातुर् अप्य् अनाश्रवो ऽपर्यापन्नः प्रकृतिशून्यताम् उपादाय / अविद्याप्य् अनाश्रवापर्यापन्ना प्रकृतिशून्यताम् उपादाय / संस्कारा अप्य् अनाश्रवाः अपर्यापन्ना प्रकृतिशून्यताम् उपादाय / विज्ञानम् अप्य् अनाश्रवम् अपर्यापन्नं प्रकृतिशून्यताम् उपादाय / नामरूपम् अप्य् अनाश्रवम् अपर्यापन्नं प्रकृतिशून्यताम् उपादाय / षडायतनम् अप्य् अनाश्रवम् अपर्यापन्नं प्रकृतिशून्यताम् उपादाय / स्पर्शो ऽप्य् अनाश्रवो ऽपर्यापन्नः प्रकृतिशून्यताम् उपादाय / वेदना प्य् अनाश्रवापर्यापन्ना प्रकृतिशून्यताम् उपादाय / तृष्णाप्य् अनाश्रवापर्यापन्ना प्रकृतिशून्यताम् उपादाय / उपादानम् अप्य् अनाश्रवम् अपर्यापन्नं प्रकृतिशून्यताम् उपादाय / भावो ऽप्य् अनाश्रवो ऽपर्यापन्नः प्रकृतिशून्यताम् उपादाय / जातिर् अप्य् अनाश्रवापर्यापन्ना प्रकृतिशून्यताम् उपादाय / जरामरणम् अप्य् अनाश्रवम् अपर्यापन्नं प्रकृतिशून्यताम् उपादाय /

दानपारमिताप्य् अनाश्रवापर्यापन्ना प्रकृतिशून्यताम् उपादाय / शीलपारमिताप्य् अनाश्रवापर्यापन्ना प्रकृतिशून्यताम् उपादाय / क्षान्तिपारमिताप्य् अनाश्रवापर्यापन्ना प्रकृतिशून्यताम् उपादाय / वीर्यपारमिताप्य् अनाश्रवापर्यापन्ना प्रकृतिशून्यताम् उपादाय / ध्यानपारमिताप्य् अनाश्रवापर्यापन्ना प्रकृतिशून्यताम् उपादाय / प्रज्ञापारमिताप्य् अनाश्रवापर्यापन्ना प्रकृतिशून्यताम् उपादाय /

अध्यात्मशून्यताप्य् अनाश्रवापर्यापन्ना प्रकृतिशून्यताम् उपादाय / बहिर्धाशून्यताप्य् अनाश्रवापर्यापन्ना प्रकृतिशून्यताम् उपादाय / अध्यात्मबहिर्धाशून्यताप्य् अनाश्रवापर्यापन्ना प्रकृतिशून्यताम् उपादाय / शून्यताशून्यताप्य् अनाश्रवापर्यापन्ना प्रकृतिशून्यताम् उपादाय / महाशून्यताप्य् अनाश्रवापर्यापन्ना प्रकृतिशून्यताम् उपादाय / परमार्थशून्यताप्य् अनाश्रवापर्यापन्ना प्रकृतिशून्यताम् उपादाय / संस्कृतशून्यताप्य् अनाश्रवापर्यापन्ना प्रकृतिशून्यताम् उपादाय / असंस्कृतशून्यताप्य् अनाश्रवापर्यापन्ना प्रकृतिशून्यताम् उपादाय / अत्यन्तशून्यताप्य् अनाश्रवापर्यापन्ना प्रकृतिशून्यताम् उपादाय / अनवराग्रशून्यताप्य् अनाश्रवापर्यापन्ना प्रकृतिशून्यताम् उपादाय / अनवकारशून्यताप्य् अनाश्रवापर्यापन्ना प्रकृतिशून्यताम् उपादाय / प्रकृतिशून्यताप्य् अनाश्रवापर्यापन्ना प्रकृतिशून्यताम् उपादाय / सर्वधर्मशून्यताप्य् अनाश्रवापर्यापन्ना प्रकृतिशून्यताम् उपादाय / स्वलक्षणशून्यताप्य् अनाश्रवापर्यापन्ना प्रकृतिशून्यताम् उपादाय / अनुपलम्भशून्यताप्य् अनाश्रवापर्यापन्ना प्रकृतिशून्यताम् उपादाय / अभावशून्यताप्य् अनाश्रवापर्यापन्ना प्रकृतिशून्यताम् उपादाय / स्वभावशून्यताप्य् अनाश्रवापर्यापन्ना प्रकृतिशून्यताम् उपादाय / अभावस्वभावशून्यताप्य् अनाश्रवापर्यापन्ना प्रकृतिशून्यताम् उपादाय /

स्मृत्युपस्थानान्य् अप्य् अनाश्रवान्य् अपर्यापन्नानि प्रकृतिशून्यताम् उपादाय / सम्यक्प्रहाणान्य् अप्य् अनाश्रवान्य् अपर्यापन्नानि प्रकृतिशून्यताम् उपादाय / ऋद्धिपादा अप्य् अनाश्रावा अपर्यापन्नाः प्रकृतिशून्यताम् उपादाय / इन्द्रियान्य् अप्य् अनाश्रवान्य् अपर्यापन्नानि प्रकृतिशून्यताम् उपादाय / बलान्य् अप्य् अनाश्रवान्य् अपर्यापन्नानि प्रकृतिशून्यताम् उपादाय / बोध्यङ्गान्य् अप्य् अनाश्रवान्य् अपर्यापन्नानि प्रकृतिशून्यताम् उपादाय / मार्गो ऽप्य् अनाश्रवो ऽपर्यापन्नः प्रकृतिशून्यताम् उपादाय / आर्यसत्यान्य् अप्य् अनाश्रवान्य् अपर्यापन्नानि प्रकृतिशून्यताम् उपादाय / ध्यानान्य् अप्य् अनाश्रवान्य् अपर्यापन्नानि प्रकृतिशून्यताम् उपादाय / अप्रमाणान्य् अप्य् अनाश्रवाण्य् अपर्यापन्नानि प्रकृतिशून्यताम् उपादाय / आरूप्यसमापत्तयो अप्य् अनाश्रवा अपर्यापन्नाः प्रकृतिशून्यताम् उपादाय / विमोक्षा अप्य् अनाश्रवा अपर्यापन्नाः प्रकृतिशून्यताम् उपादाय / अनुपूर्वविहारसमापत्तयो ऽप्य् अनाश्रवा अपर्यापन्नाः प्रकृतिशून्यताम् उपादाय / शून्यतानिमित्ताप्रणिहितविमोक्षमुखान्य् अप्य् अनाश्रवाण्य् अपर्यापन्नानि प्रकृतिशून्यताम् उपादाय / अभिज्ञा अप्य् अनाश्रवा अपर्यापन्नाः प्रकृतिशून्यताम् उपादाय / समाधयो ऽप्य् अनाश्रवा अपर्यापन्नाः प्रकृतिशून्यताम् उपादाय / धारणीमुखान्य् अनाश्रवाण्य् अपर्यापन्नानि प्रकृतिशून्यताम् उपादाय / तथागतबलान्य् अप्य् अनाश्रवाण्य् अपर्यापन्नानि प्रकृतिशून्यताम् उपादाय / वैशारद्यान्य् अप्य् अनाश्रवाण्य् अपर्यापन्नानि प्रकृतिशून्यताम् उपादाय / प्रतिसंविदो ऽप्य् अनाश्रवा अपर्यापन्नाः प्रकृतिशून्यताम् उपादाय / महामैत्र्य् अप्य् अनाश्रवापर्यापन्ना प्रकृतिशून्यताम् उपादाय / महाकरुणाप्य् अनाश्रवापर्यापन्ना प्रकृतिशून्यताम् उपादाय / आवेणिकबुद्धधर्मा अप्य् अनाश्रवा अपर्यापन्नाः प्रकृतिशून्यताम् उपादाय / सर्वज्ञताप्य् अनाश्रवापर्यापन्ना प्रकृतिशून्यताम् उपादाय / मार्गाकारज्ञताप्य् अनाश्रवापर्यापन्ना प्रकृतिशून्यताम् उपादाय / सर्वाकारज्ञताप्य् अनाश्रवापर्यापन्ना प्रकृतिशून्यताम् उपादाय /

सुभूतिर् आह / एवम् एतद् आयुष्मन् शारद्वतीपुत्र यथा वदसि / रूपम् अप्य् अनाश्रवम् अपर्यापन्नं प्रकृतिशून्यताम् उपादाय / वेदनाप्य् अनाश्रवापर्यापन्ना प्रकृतिशून्यताम् उपादाय / संज्ञाप्य् अनाश्रवापर्यापन्ना प्रकृतिशून्यताम् उपादाय / संस्कारा अप्य् अनाश्रवा अपर्यापन्नाः प्रकृतिशून्यताम् उपादाय / विज्ञानम् अप्य् अनाश्रवम् अपर्यापन्नं प्रकृतिशून्यताम् उपादाय /

चक्षुर् अप्य् अनाश्रवम् अपर्यापन्नं प्रकृतिशून्यताम् उपादाय / श्रोत्रम् अप्य् अनाश्रवम् अपर्यापन्नं प्रकृतिशून्यताम् उपादाय / घ्राणम् अप्य् अनाश्रवम् अपर्यापन्नं प्रकृतिशून्यताम् उपादाय / जिह्वाप्य् अनाश्रवापर्यापन्ना प्रकृतिशून्यताम् उपादाय / कायो ऽप्य् अनाश्रवो ऽपर्यापन्नः प्रकृतिशून्यताम् उपादाय / मनो ऽप्य् अनाश्रवो ऽपर्यापन्नः प्रकृतिशून्यताम् उपादाय / रूपम् अप्य् अनाश्रवम् अपर्यापन्नं प्रकृतिशून्यताम् उपादाय / शब्दो ऽप्य् अनाश्रवो ऽपर्यापन्नः प्रकृतिशून्यताम् उपादाय / गन्धो ऽप्य् अनाश्रवो ऽपर्यापन्नः प्रकृतिशून्यताम् उपादाय / रसो ऽप्य् अनाश्रवो ऽपर्यापन्नः प्रकृतिशून्यताम् उपादाय / स्पर्शो ऽप्य् अनाश्रवो ऽपर्यापन्नः प्रकृतिशून्यताम् उपादाय / धर्मा अप्य् अनाश्रवा अपर्यापन्नाः प्रकृतिशून्यताम् उपादाय /

चक्षुर्विज्ञानम् अप्य् अनाश्रवम् अपर्यापन्नं प्रकृतिशून्यताम् उपादाय / श्रोत्रविज्ञानम् अप्य् अनाश्रवम् अपर्यापन्नं प्रकृतिशून्यताम् उपादाय / घ्राणविज्ञानम् अप्य् अनाश्रवम् अपर्यापन्नं प्रकृतिशून्यताम् उपादाय / जिह्वाविज्ञानम् अप्य् अनाश्रवम् अपर्यापन्नं प्रकृतिशून्यताम् उपादाय / कायविज्ञानम् अप्य् अनाश्रवम् अपर्यापन्नं प्रकृतिशून्यताम् उपादाय / मनोविज्ञानम् अप्य् अनाश्रवम् अपर्यापन्नं प्रकृतिशून्यताम् उपादाय / चक्षुःसंस्पर्शो ऽप्य् अनाश्रवो ऽपर्यापन्नः प्रकृतिशून्यताम् उपादाय / श्रोत्रसंस्पर्शो ऽप्य् अनाश्रवो ऽपर्यापन्नः प्रकृतिशून्यताम् उपादाय / घ्राणसंस्पर्शो ऽप्य् अनाश्रवो ऽपर्यापन्नः प्रकृतिशून्यताम् उपादाय / जिह्वासंस्पर्शो ऽप्य् अनाश्रवो ऽपर्यापन्नः प्रकृतिशून्यताम् उपादाय / कायसंस्पर्शो ऽप्य् अनाश्रवो ऽपर्यापन्नः प्रकृतिशून्यताम् उपादाय / मनःसंस्पर्शो ऽप्य् अनाश्रवो ऽपर्यापन्नः प्रकृतिशून्यताम् उपादाय / चक्षुःसंस्पर्शजा वेदनाप्य् अनाश्रवापर्यापन्ना प्रकृतिशून्यताम् उपादाय / श्रोत्रसंस्पर्शजा वेदनाप्य् अनाश्रवापर्यापन्ना प्रकृतिशून्यताम् उपादाय / घ्राणसंस्पर्शजा वेदनाप्य् अनाश्रवापर्यापन्ना प्रकृतिशून्यताम् उपादाय / जिह्वासंस्पर्शजा वेदनाप्य् अनाश्रवापर्यापन्ना प्रकृतिशून्यताम् उपादाय / कायसंस्पर्शजा वेदनाप्य् अनाश्रवापर्यापन्ना प्रकृतिशून्यताम् उपादाय / मनःसंस्पर्शजा वेदनाप्य् अनाश्रवापर्यापन्ना प्रकृतिशून्यताम् उपादाय /

पृथिवीधातुर् अप्य् अनाश्रवो ऽपर्यापन्नः प्रकृतिशून्यताम् उपादाद्य / अब्धातुर् अप्य् अनाश्रवो ऽपर्यापन्नः प्रकृतिशून्यताम् उपादाद्य / तेजोधातुर् अप्य् अनाश्रवो ऽपर्यापन्नः प्रकृतिशून्यताम् उपादाय / वायुधातुर् अप्य् अनाश्रवो ऽपर्यापन्नः प्रकृतिशून्यताम् उपादाय / आकाशधातुर् अप्य् अनाश्रवो ऽपर्यापन्नः प्रकृतिशून्यताम् उपादाय / अविद्याप्य् अनाश्रवापर्यापन्ना प्रकृतिशून्यताम् उपादाय / संस्कारा अप्य् अनाश्रवा अपर्यापन्नाः प्रकृतिशून्यताम् उपादाय / विज्ञानम् अप्य् अनाश्रवम् अपर्यापन्नं प्रकृतिशून्यताम् उपादाय / नामरूपम् अप्य् अनाश्रवम् अपर्यापन्नं प्रकृतिशून्यताम् उपादाय / षडायतनम् अप्य् अनाश्रवम् अपर्यापन्नं प्रकृतिशून्यताम् उपादाय / स्पर्शो ऽप्य् अनाश्रवो ऽपर्यापन्नः प्रकृतिशून्यताम् उपादाय / वेदनाप्य् अनाश्रवापर्यापन्ना प्रकृतिशून्यताम् उपादाय / तृष्णाप्य् अनाश्रवापर्यापन्ना प्रकृतिशून्यताम् उपादाय / उपादानम् अप्य् अनाश्रवम् अपर्यापन्नं प्रकृतिशून्यताम् उपादाय / भवो ऽप्य् अनाश्रवो ऽपर्यापन्नः प्रकृतिशून्यताम् उपादाय / जातिर् अप्य् अनाश्रवापर्यापन्ना प्रकृतिशून्यताम् उपादाय / जरामरणम् अप्य् अनाश्रवम् अपर्यापन्नं प्रकृतिशून्यताम् उपादाय /

दानपारमिताप्य् अनाश्रवापर्यापन्ना प्रकृतिशून्यताम् उपादाय / शीलपारमिताप्य् अनाश्रवार्यापन्ना प्रकृतिशून्यताम् उपादाय / क्षान्तिपारमिताप्य् अनाश्रवार्यापन्ना प्रकृतिशून्यताम् उपादाय / वीर्यपारमिताप्य् अनाश्रवापर्यापन्ना प्रकृतिशून्यताम् उपादाय / ध्यानपारमिताप्य् अनाश्रवापर्यापन्ना प्रकृतिशून्यताम् उपादाय / प्रज्ञापारमिताप्य् अनाश्रवापर्यापन्ना प्रकृतिशून्यताम् उपादाय /

अध्यात्मशून्यताप्य् अनाश्रवापर्यापन्ना प्रकृतिशून्यताम् उपादाय / बहिर्धाशून्यताप्य् अनाश्रवापर्यापन्ना प्रकृतिशून्यताम् उपादाय / अध्यात्मबहिर्धाशून्यताप्य् अनाश्रवापर्यापन्ना प्रकृतिशून्यताम् उपादाय / शून्यताशून्यताप्य् अनाश्रवापर्यापन्ना प्रकृतिशून्यताम् उपादाय / महाशून्यताप्य् अनाश्रवापर्यापन्ना प्रकृतिशून्यताम् उपादाय / परमार्थशून्यताप्य् अनाश्रवापर्यापन्ना प्रकृतिशून्यताम् उपादाय / संस्कृतशून्यताप्य् अनाश्रवापर्यापन्ना प्रकृतिशून्यताम् उपादाय / असंस्कृतशून्यताप्य् अनाश्रवापर्यापन्ना प्रकृतिशून्यताम् उपादाय / अत्यन्तशून्यताप्य् अनाश्रवापर्यापन्ना प्रकृतिशून्यताम् उपादाय / अनवराग्रशून्यताप्य् अनाश्रवापर्यापन्ना प्रकृतिशून्यताम् उपादाय / अनवकारशून्यताप्य् अनाश्रवापर्यापन्ना प्रकृतिशून्यताम् उपादाय / प्रकृतिशून्यताप्य् अनाश्रवापर्यापन्ना प्रकृतिशून्यताम् उपादाय / सर्वधर्मशून्यताप्य् अनाश्रवापर्यापन्ना प्रकृतिशून्यताम् उपादाय / स्वलक्षणशून्यताप्य् अनाश्रवापर्यापन्ना प्रकृतिशून्यताम् उपादाय / अनुपलम्भशून्यताप्य् अनाश्रवापर्यापन्ना प्रकृतिशून्यताम् उपादाय / अभावशून्यताप्य् अनाश्रवापर्यापन्ना प्रकृतिशून्यताम् उपादाय / स्वभावशून्यताप्य् अनाश्रवापर्यापन्ना प्रकृतिशून्यताम् उपादाय / अभावस्वभावशून्यताप्य् अनाश्रवापर्यापन्ना प्रकृतिशून्यताम् उपादाय /

स्मृत्युपस्थानान्य् अप्य् अनाश्रवाण्य् अपर्यापन्नानि प्रकृतिशून्यताम् उपादाय / सम्यक्प्रहाणान्य् अप्य् अनाश्रवाण्य् अपर्यापन्नानि प्रकृतिशून्यताम् उपादाय / ऋद्धिपादा अप्य् अनाश्रवा अपर्यापन्नाः प्रकृतिशून्यताम् उपादाय / इन्द्रियान्य् अप्य् अनाश्रवाण्य् अपर्यापन्नानि प्रकृतिशून्यताम् उपादाय / बलान्य् अप्य् अनाश्रवाण्य् अपर्यापन्नानि प्रकृतिशून्यताम् उपादाय / बोध्यङ्गान्य् अप्य् अनाश्रवाण्य् अपर्यापन्नानि प्रकृतिशून्यताम् उपादाय / आर्याष्टाङ्गमार्गो ऽप्य् अनाश्रवो ऽपर्यापन्नः प्रकृतिशून्यताम् उपादाय / आर्यसत्यान्य् अप्य् अनाश्रवाण्य् अपर्यापन्नानि प्रकृतिशून्यताम् उपादाय / ध्यानान्य् अप्य् अनाश्रवाण्य् अपर्यापन्नानि प्रकृतिशून्यताम् उपादाय / अप्रमाणान्य् अप्य् अनाश्रवाण्य् अपर्यापन्नानि प्रकृतिशून्यताम् उपादाय / आरूप्यसमापत्तयो ऽप्य् अनाश्रवा अपर्यापन्नाः प्रकृतिशून्यताम् उपादाय / विमोक्षा अप्य् अनाश्रवा अपर्यापन्नाः प्रकृतिशून्यताम् उपादाय / अनुपूर्वविहारसमापत्तयो ऽप्य् अनाश्रवा अपर्यापन्नाः प्रकृतिशून्यताम् उपादाय / शून्यतानिमित्ताप्रणिहितविमोक्षमुखान्य् अप्य् अनाश्रवाण्य् अपर्यापन्नानि प्रकृतिशून्यताम् उपादाय / अभिज्ञा अप्य् अनाश्रवा अपर्यापन्नाः प्रकृतिशून्यताम् उपादाय / समाधयो ऽप्य् अनाश्रवा अपर्यापन्नाः प्रकृतिशून्यताम् उपादाय / धारणीमुखान्य् अप्य् अनाश्रवाण्य् अपर्यापन्नानि प्रकृतिशून्यताम् उपादाय / तथागतबलान्य् अप्य् अनाश्रवाण्य् अपर्यापन्नानि प्रकृतिशून्यताम् उपादाय / वैशारद्यान्य् अप्य् अनाश्रवाण्य् अपर्यापन्नानि प्रकृतिशून्यताम् उपादाय / प्रतिसंविदो ऽप्य् अनाश्रवा अपर्यापन्नाः प्रकृतिशून्यताम् उपादाय / महामैत्र्य् अप्य् अनाश्रवापर्यापन्ना प्रकृतिशून्यताम् उपादाय / महाकरुणाप्य् अनाश्रवापर्यापन्ना प्रकृतिशून्यताम् उपादाय / आवेणिकबुद्धर्मा अप्य् अनाश्रवा अपर्यापन्नाः प्रकृतिशून्यताम् उपादाय / सर्वज्ञताप्य् अनाश्रवापर्यापन्ना प्रकृतिशून्यताम् उपादाय / मार्गाकारज्ञताप्य् अनाश्रवापर्यापन्ना प्रकृतिशून्यताम् उपादाय / सर्वाकारशून्यताप्य् अनाश्रवापर्यापन्ना प्रकृतिशून्यताम् उपादाय /

आह / यद् अप्य् आयुष्मान् सुभूतिर् एवम् आह / अचित्तत्वात् तत्रापि चित्ते ऽसक्त इति / न त्व् आयुष्मन् सुभूते रूपम् अपि रूपे ऽसक्तं / अवेदनापि वेदनायाम् असक्ता / असंज्ञापि संज्ञायाम् असक्ता / असंस्कारा अपि संस्कारेष्व् असक्ताः / अविज्ञानम् अपि विज्ञाने ऽसक्तं / अचक्षुर् अपि चक्षुष्य् असक्तं / अश्रोत्रम् अपि श्रोत्रे ऽसक्तं / अघ्राणम् अपि घ्राणे ऽसक्तं / अजिह्वापि जिह्वायाम् असक्ता / अकायो ऽपि काये ऽसक्तः / अमनो ऽपि मनस्य् असक्तं / अरूपम् अपि रूपे ऽसक्तं / अशब्दो ऽपि शब्दे ऽसक्तः / अगन्धो ऽपि गन्धे ऽसक्तः / अरसो ऽपि रसे ऽसक्तः / अस्पर्शो ऽपि स्पर्शे ऽसक्तः / अधर्मा अपि धर्मेष्व् असक्ताः / अचक्षुर्विज्ञानम् अपि चक्षुर्विज्ञाने ऽसक्तं / अश्रोत्रविज्ञानम् अपि श्रोत्रविज्ञाने ऽसक्तं / अघ्राणविज्ञानम् अपि घ्राणविज्ञाने ऽसक्तं / अजिह्वाविज्ञानम् अपि जिह्वाविज्ञाने ऽसक्तं / अकायविज्ञानम् अपि कायविज्ञाने ऽसक्तं / अमनोविज्ञानम् अपि ममोविज्ञाने ऽसक्तं / अचक्षुःसंस्पर्शो ऽपि चक्षुःसंस्पर्शे ऽसक्तः / अश्रोत्रसंस्पर्शो ऽपि श्रोत्रसंस्पर्शे ऽसक्तः / अघ्राणसंस्पर्शो ऽपि घ्राणसंस्पर्शे ऽसक्तः / अजिह्वासंस्पर्शो ऽपि जिह्वासंस्पर्शे ऽसक्तः / अकायसंस्पर्शो ऽपि कायसंस्पर्शे ऽसक्तः / अमनःसंस्पर्शो ऽपि मनःसंस्पर्शे ऽसक्तः / अचक्षुःसंस्पर्शजा वेदनापि चक्षुःसंस्पर्शजावेदनायाम् असक्ता / अश्रोत्रसंस्पर्शजापि वेदना श्रोत्रसंस्पर्शजावेदनायाम् असक्ता / अघ्राणसंस्पर्शजापि वेदना घ्राणसंस्पर्शजावेदनायाम् असक्ता / अजिह्वासंस्पर्शजापि वेदना जिह्वासंस्पर्शजावेदनायाम् असक्ता / अकायसंस्पर्शजापि वेदना कायसंस्पर्शजावेदनायाम् असक्ता / अमनःसंस्पर्शजापि वेदना मनःसंस्पर्शजा वेदनायाम् असक्ता /

अपृथिवीधातुर् अपि पृथिवीधाताव् असक्तः / अनब्धातुर् अपि अब्धाताव् असक्तः / अतेजोधातुर् अपि तेजोधाताव् असक्तः / अवायुधातुर् अपि वायुधाताव् असक्तः / अनाकाशधातुर् अपि आकाशधाताव् असक्तः / अविज्ञानधातुर् अपि विज्ञानधाताव् असक्तः / अनविद्याप्य् अविद्यायाम् असक्ता / असंस्कारा अपि संस्कारेष्व् असक्ताः / अविज्ञानम् अपि विज्ञाने ऽसक्तं / अनामरूपम् अपि नामरूपे ऽसक्तं / अषडायतनम् अपि षडायतने ऽसक्तं / अस्पर्शो ऽपि स्पर्शे ऽसक्तः / अवेदनापि वेदनायाम् असक्ता / अतृष्णापि तृष्णायाम् असक्ता / अनुपादानम् अप्य् उपादाने ऽसक्तं / अभवो ऽपि भवे ऽसक्तः / अजातिर् अपि जाताव् असक्ता / अजरामरणम् अपि जरामरणे ऽसक्तं /

अदानपारमितापि दानपारमितायाम् असक्ता / अशीलपारमितापि शीलपारमितायाम् असक्ता / अक्षान्तिपारमितापि क्षान्तिपारमितायाम् असक्ता / अवीर्यपारमितापि वीर्यपारमितायाम् असक्ता / अध्यानपारमितापि ध्यानपारमितायाम् असक्ता / अप्रज्ञापारमितापि प्रज्ञापारमितायाम् असक्ता /

अनध्यात्मशून्यताप्य् अध्यात्मशून्यतायाम् असक्ता / अबहिर्धाशून्यताप्य् बहिर्धाशून्यतायाम् असक्ता / अनध्यात्मबहिर्धाशून्यतापि अध्यात्मबहिर्धाशून्यतायाम् असक्ता / अशून्यताशून्यतापि शून्यताशून्यतायाम् असक्ता / अमहाशून्यतापि महाशून्यतायाम् असक्ता / अपरमार्थशून्यतापि परमार्थशून्यतायाम् असक्ता / असंस्कृतशून्यतापि संस्कृतशून्यतायाम् असक्ता / अनसंस्कृतशून्यतापि असंस्कृतशून्यतायाम् असक्ता / अनत्यन्तशून्यताप्य् अत्यन्तशून्यतायाम् असक्ता / अननवराग्रशून्यताप्य् अनवराग्रशून्यतायाम् असक्ता / अननवकारशून्यताप्य् अनवकारशून्यतायाम् असक्ता / अप्रकृतिशून्यतापि प्रकृतिशून्यतायाम् असक्ता / असर्वधर्मशून्यतापि सर्वधर्मशून्यतायाम् असक्ता / अस्वलक्षणशून्यतापि स्वलक्षणशून्यतायाम् असक्ता / अननुपलम्भशून्यताप्य् अनुपलम्भशून्यतायाम् असक्ता / अनभावशून्यताप्य् अभावशून्यतायाम् असक्ता / अस्वभावशून्यतापि स्वभावशून्यतायाम् असक्ता / अनभावस्वभावशून्यताप्य् अभावस्वभावशून्यतायाम् असक्ता /

अस्मृत्युपस्थानान्य् अपि स्मृत्युपस्थानेष्व् असक्तानि / असम्यक्प्रहाणान्य् अपि सम्यक्प्रहाणेष्व् असक्तं / अनृद्धिपादा अपि ऋद्धिपादेष्व् असक्ताः / अनिन्द्रियान्य् अपीन्द्रियेष्व् असक्तानि / अबलान्य् अपि बलेष्व् असक्तानि / अबोध्यङ्गान्य् अपि बोध्यङ्गेष्व् असक्तानि / अनार्याष्टाङ्गमार्गो ऽप्य् आर्याष्टाङ्गमार्गे ऽसक्तः / अनार्यसत्यान्य् अप्य् आर्यसत्येष्व् असक्तानि / अध्यानान्य् अपि ध्यानेष्व् असक्तानि / अनप्रमाणान्य् अप्य् अप्रमाणेष्व् असक्तानि / अनारूप्यसमापत्तयो ऽप्य् आरूप्यसमापत्तिष्व् असक्ताः / अविमोक्षा अपि विमोक्षेष्व् असक्ताः / अननुपूर्वविहारसमापत्तयो ऽप्य् अनुपूर्वविहारसमापत्तिष्व् असक्ताः / अशून्यतानिमित्ताप्रणिहितविमोक्षमुखान्य् अपि शून्यतानिमित्ताप्रणिहितविमोक्षमुखेष्व् असक्तानि / अनभिज्ञा अप्य् अभिज्ञास्व् असक्ताः / असमाधयोर् अपि समाधिष्व् असक्ताः / अधारणीमुखान्य् अपि धारणीमुखेष्व् असक्तानि / अतथागतबलान्य् अपि तथागतबलेष्व् असक्तानि / अवैशारद्यान्य् अपि वैशारद्यष्व् असक्तानि / अप्रतिसंविदो ऽपि प्रतिसंवित्स्व् असक्ताः / अमहामैत्र्य् अपि महामैत्र्याम् असक्ता / अमहाकरुणापि महाकरुणायाम् असक्ता / अनावेणिकबुद्धधर्मा अप्य् आवेणिकबुद्धधर्मेष्व् असक्ताः / असर्वज्ञतापि सर्वज्ञतायाम् असक्ता / अमार्गाकारज्ञतापि मार्गाकारज्ञतायाम् असक्ता / असर्वाकारज्ञतापि सर्वाकारज्ञतायाम् असक्ता /

आह / एवम् एतद् आयुष्मञ् छारद्वतीपुत्र / अरूपम् अपि रूपे ऽसक्तं / अवेदनापि वेदनायाम् असक्ता / असंज्ञापि संज्ञायाम् असक्ता / असंस्कारा अपि संस्कारेष्व् असक्ताः / अविज्ञानम् अपि विज्ञाने ऽसक्तं / अचक्षुर् अपि चक्षुष्य् असक्तं / अश्रोत्रम् अपि श्रोत्रे ऽसक्तं / अघ्राणम् अपि घ्राणे ऽसक्तं / अजिह्वापि जिह्वायाम् असक्ता / अकायो ऽपि काये ऽसक्तः / अमनो ऽपि मनस्य् असक्तं / अरूपम् अपि रूपे ऽसक्तं / अशब्दो ऽपि शब्दे ऽसक्तः / अगन्धो ऽपि गन्धे ऽसक्तः / अरसो ऽपि रसे ऽसक्तः / अस्पर्शो ऽपि स्पर्शे ऽसक्तः / अधर्मा अपि धर्मेष्व् असक्ताः / अचक्षुर्विज्ञानम् अपि चक्षुर्विज्ञाने ऽसक्तं / अश्रोत्रविज्ञानम् अपि श्रोत्रविज्ञाने ऽसक्तं / अघ्राणविज्ञानम् अपि घ्राणविज्ञाने ऽसक्तं / अजिह्वाविज्ञानम् अपि जिह्वाविज्ञाने ऽसक्तं / अकायविज्ञानम् अपि कायविज्ञाने ऽसक्तं / अमनोविज्ञानम् अपि मनोविज्ञाने ऽसक्तं / अचक्षुःसंस्पर्शो ऽपि चक्षुःसंस्पर्शे ऽसक्तः / अश्रोत्रसंस्पर्शो ऽपि श्रोत्रसंस्पर्शे ऽसक्तः / अघ्राणसंस्पर्शो ऽपि घ्राणसंस्पर्शे ऽसक्तः / अजिह्वासंस्पर्शो ऽपि जिह्वासंस्पर्शे ऽसक्तः / अकायसंस्पर्शो ऽपि कायसंस्पर्शे ऽसक्तः / अमनःसंस्पर्शो ऽपि मनःसंस्पर्शे ऽसक्तः / अचक्षुःसंस्पर्शजा वेदनापि चक्षुःसंस्पर्शजावेदनायाम् असक्ता / अश्रोत्रसंस्पर्शजा वेदनापि श्रोत्रसंस्पर्शजावेदनायाम् असक्ता / अघ्राणसंस्पर्शजा वेदनापि घ्राणसंस्पर्शजावेदनायाम् अशक्ता / अजिह्वासंस्पर्शजा वेदनापि जिह्वासंस्पर्शजावेदनायाम् असक्ता / अकायसंस्पर्शजा वेदेनापि कायसंस्पर्शजावेदनायाम् असक्ता / अमनःसंस्पर्शजा वेदनापि मनःसंस्पर्शजावेदनायाम् असक्ता /

अपृथिवीधातुर् अपि पृथिवीधाताव् असक्तः / अनब्धातुर् अप्य् अब्धाताव् असक्तः / अतेजोधातुर् अपि तेजोधाताव् असक्तः / अवायुधातुर् अपि वायुधाताव् असक्तः / अनाकाशधातुर् अप्य् आकाशधाताव् असक्तः / अविज्ञानधातुर् अपि विज्ञानधाताव् असक्तः / अनविद्याप्य् अविद्यायाम् असक्ता / असंस्कारा अपि संस्कारेष्व् असक्ताः / अविज्ञानम् अपि विज्ञाने ऽसक्तं / अनामरूपम् अपि नामरूपे ऽसक्तं / अषडायतनम् अपि षडायतने ऽसक्तं / अस्पर्शो ऽपि स्पर्शे ऽसक्तः / अवेदनापि वेदनायाम् असक्ता / अतृष्णापि तृष्णायाम् असक्ता / अनुपादानम् अप्य् उपादाने ऽसक्तं / अभवो ऽपि भवे ऽसक्तः / अजातिर् अपि जाताव् असक्तः / अजरामरनम् अपि जरामरणे ऽशक्तं /

अदानपारमितापि दानपारमितायाम् असक्ता / अशीलपारमितापि शीलपारमितायाम् असक्ता / अक्षान्तिपारमितापि क्षान्तिपारमितायाम् असक्ता / अवीर्यपारमितापि वीर्यपारमितायाम् असक्ता / अध्यानपारमितापि ध्यानपारमितायाम् असक्ता / अप्रज्ञापारमितापि प्रज्ञापारमितायाम् असक्ता / अनध्यात्मशून्यतापि अध्यात्मशून्यतायाम् असक्ता / अबहिर्धाशून्यतापि बहिर्धाशून्यतायाम् असक्ता / अनध्यात्मबहिर्धाशून्यतापि अध्यात्मबहिर्धाशून्यतायाम् असक्ता / अशून्यताशून्यतापि शून्यताशून्यतायाम् असक्ता / अमहाशून्यतापि महाशून्यतायाम् असक्ता / अपरमार्थशून्यतापि परमार्थशून्यतायाम् असक्ता / असंस्कृतशून्यतापि संस्कृतशून्यतायाम् असक्ता / अनसंस्कृतशून्यतापि असंस्कृतशून्यतायाम् असक्ता / अनत्यन्तशून्यतापि अत्यन्तशून्यतायाम् असक्ता / अननवराग्रशून्यताप्य् अनवराग्रशून्यतायाम् असक्ता / अननवकारशून्यताप्य् अनवकारशून्यतायाम् असक्ता / अप्रकृतिशून्यतापि प्रकृतिशून्यतायाम् असक्ता / असर्वधर्मशून्यतापि सर्वधर्मशून्यतायाम् असक्ता / अस्वलक्षणशून्यतापि स्वलक्षणशून्यतायाम् असक्ता / अननुपलम्भशून्यताप्य् अनुपलम्भशून्यतायाम् असक्ता / अनभावशून्यताप्य् अभावशून्यतायाम् असक्ता / अस्वभावशून्यतापि स्वभावशून्यतायाम् असक्ता / अनभावस्वभावशून्यताप्य् अभावस्वभावशून्यतायाम् असक्ता /

अस्मृत्युपस्थानान्य् अपि स्मृत्युपस्थानेष्व् असक्तानि / असम्यक्प्रहाणान्य् अपि सम्यक्प्रहाणेष्व् असक्तानि / अनृद्धिपादा अप्य् ऋद्धिपादेष्व् असक्ताः / अनिन्द्रियान्य् अपीन्द्रियेष्व् असक्तानि / अबलान्य् अपि बलेष्व् असक्तानि / अबोध्यङ्गान्य् अपि बोध्यङ्गेष्व् असक्तानि / अनार्याष्टाङ्गमार्गो ऽप्य् आर्याष्टाङ्गमार्गे ऽसक्तः / अनार्यसत्यान्य् अप्य् आर्यसत्येष्व् असक्तानि / अध्यानान्य् अपि ध्यानेष्व् असक्तानि / अनप्रमाणान्य् अप्य् अप्रमाणेष्व् असक्तानि / अनारूप्यसमापत्तयो ऽप्य् आरूप्यसमापत्तिष्व् असक्ताः / अविमोक्षा अपि विमोक्षेष्व् असक्ताः / अननुपूर्वविहारसमापत्तयो ऽप्य् अनुपूर्वविहारसमापत्तिष्व् असक्ताः / अशून्यतानिमित्ताप्रणिहितविमोक्षमुखान्य् अपि शून्यतानिमित्ताप्रणिहितविमोक्षमुखेष्व् असक्तानि / अनभिज्ञा अप्य् अभिज्ञास्व् असक्ताः / असमाधयो ऽपि समाधिष्व् असक्ताः / अधारणीमुखान्य् अपि धारणीमुखेष्व् असक्तानि / अतथागतबलान्य् अपि तथागतबलेष्व् असक्तानि / अवैशारद्यान्य् अपि वैशारद्येष्व् असक्तानि / अप्रतिसंविदो ऽपि प्रतिसंवित्स्व् असक्ताः / अमहामैत्र्य् अपि महामैत्र्याम् असक्ताः / अमहाकरुणापि महाकरुणायाम् असक्ता / अनावेणिकबुद्धधर्मा अप्य् आवेणिकबुद्धधर्मेष्व् असक्ताः / असर्वज्ञतापि सर्वज्ञतायाम् असक्ता / अमार्गाकारज्ञतापि मार्गाकारज्ञतायाम् असक्ता / असर्वकारज्ञतापि सर्वाकारज्ञतायाम् असक्ता /

एवं खल्व् आयुष्मञ् छारद्वतीपुत्र बोधिसत्त्वो महासत्त्वः प्रज्ञापारमितायाञ् चरन् तेनापि बोधिचित्तेनासमसमचित्तेन सर्वश्रावकप्रत्येकबुद्धैर् न मन्यते नाभिनिविशते / अनुपलम्भयोगेन सर्वधर्माणां तेन बोधिसत्त्वो महासत्त्व इत्य् उच्यते / अथायुष्मान् पूर्णो मैत्रायणीपुत्रो भगवन्तम् एतद् अवोचत् / ममापि भगवन् प्रतिभाति येनार्येन बोधिसत्त्वो महासत्त्व इत्य् उच्यते / भगवान् आह / प्रतिभातु ते पूर्ण / पूर्ण आह / महासत्त्वानुसंबन्धो वत भगवन् स सत्त्वो महायानसंप्रस्थितः स सत्त्वो महायानसमारूढो भगवन् स सत्त्वः / तेन बोधिसत्त्वो महासत्त्व इत्य् उच्यते / अथायुष्मान् शारद्वतीपुत्र आयुष्मन्तं पूर्णं मैत्रायणीपुत्रम् अवोचत् / कियतायुष्मन् पूर्ण बोधिसत्त्वो महासत्त्वो महासत्त्वानुसंबन्ध इत्य् उच्यते / पूर्ण आह / इहायुष्मञ् छारद्वतीपुत्र बोधिसत्त्वो महासत्त्वो न प्रादेशिकानां सत्त्वानां कृते दानपारमितायां स्थित्वा दानं ददात्य् अपि तु सर्वसत्त्वानां कृते दानपारमितायां चरन् दानं ददाति / न प्रादेशिकानां सत्त्वानां कृते शीलपारमितायां स्थित्वा शीलं रक्षति / अपि तु सर्वसत्त्वानां कृते शीलपारमितायां चरन् शीलं रक्षति / न प्रादेशिकानां सत्त्वानां कृते क्षान्तिपारमितायां स्थित्वा क्षान्तिं भावयति / अपि तु सर्वसत्त्वानां कृते क्षान्तिपारमितायां चरन् क्षान्तिं भावयति / न प्रादेशिकानां सत्त्वानां कृते वीर्यपारमितायां स्थित्वा वीर्यम् आरभते / अपि तु सर्वसत्त्वानां कृते वीर्यपारमितायां चरन् वीर्यम् आरभते / न प्रादेशिकानां सत्त्वानां कृते ध्यानपारमितायां स्थित्वा ध्यानान्य् उत्पादयति / अपि तु सर्वसत्त्वानां कृते ध्यानपारमितायां चरन् ध्यानान्य् उत्पादयति / न प्रादेशिकानां सत्त्वानां कृते प्रज्ञापारमितायां स्थित्वा प्रज्ञां भावयति / अपि तु सर्वसत्त्वानां कृते प्रज्ञापारमितायां चरन् प्रज्ञां भावयति /

न सत्त्वपरिच्छेदेन बोधिसत्त्वो महासत्त्वः सन्नाहं सन्नह्यति / इयतः सत्त्वान् निरुपधिशेषे निर्वाणधातौ परिनिर्वापयिष्यामि / इयतः सत्त्वान् न परिनिर्वापयिष्यामि / इयतः सत्त्वान् बोधौ प्रतिष्ठापयिष्यामि / इयतः सत्त्वान् न प्रतिष्ठापयिष्यामि / अपि तु खलु पुनर् बोधिसत्त्वो महासत्त्वः सर्वसत्त्वानां कृते महासन्नाहं सन्नह्यति / एवञ् चास्य भवत्य् आत्मना च दानपारमितां परिपूरयिष्यामि / सर्वसत्त्वांश् च दानपारमितायां नियोजयिष्यामि / आत्मना च शीलपारमितां परिपूरयिष्यामि / सर्वसत्त्वांश् च शीलपारमितायां नियोजयिष्यामि / आत्मना च क्षान्तिपारमितां परिपूरयिष्यामि / सर्वसत्त्वांश् च क्षान्तिपारमितायां नियोजयिष्यामि / आत्मना च वीर्यपारमितां परिपूरयिष्यामि / सर्वसत्त्वांश् च वीर्यपारमितायां नियोजयिष्यामि / आत्मना च ध्यानपारमितां परिपूरयिष्यामि / सर्वसत्त्वांश् च ध्यानपारमितायां नियोजयिष्यामि / आत्मना च प्रज्ञापारमितां परिपूरयिष्यामि / सर्वसत्त्वांश् च प्रज्ञापारमितायां नियोजयिष्यामि /

आत्मना चाध्यात्मशून्यतां परिपूरयिष्यामि / सर्वसत्त्वांश् चाध्यात्मशून्यतायां नियोजयिष्यामि / आत्मना च बहिर्धाशून्यता परिपूरयिष्यामि / सर्वसत्त्वांश् च बहिर्धाशून्यतायां नियोजयिष्यामि / आत्मना चाध्यात्मबहिर्धाशून्यतां परिपूरयिष्यामि / सर्वसत्त्वांश् चाध्यात्मबहिर्धाशून्यतायां नियोजयिष्यामि / आत्मना च शून्यताशून्यतां परिपूरयिष्यामि / सर्वसत्त्वांश् च शून्यताशून्यतायां नियोजयिष्यामि / आत्मना च महाशून्यतां परिपूरयिष्यामि / सर्वसत्त्वांश् महाशून्यतायां नियोजयिष्यामि / आत्मना च परमार्थशून्यतां परिपूरयिष्यामि / सर्वसत्त्वांश् च परमार्थशून्यतायां नियोजयिष्यामि / आत्मना संस्कृतशून्यतां परिपूरयिष्यामि / सर्वसत्त्वांश् च संस्कृतशून्यतायां नियोजयिष्यामि / आत्मना चासंस्कृतशून्यतां परिपूरयिष्यामि / सर्वसत्त्वांश् चासंस्कृतशून्यतायां नियोजयिष्यामि / आत्मना चात्यन्तशून्यतां परिपूरयिष्यामि / सर्वसत्त्वांश् चात्यन्तशून्यतायां नियोजयिष्यामि / आत्मना चानवराग्रशून्यतां परिपूरयिष्यामि / सर्वसत्त्वांश् चानवराग्रशून्यतायां नियोजयिष्यामि / आत्मना चानवकारशून्यतां परिपूरयिष्यामि / सर्वसत्त्वांश् चानवकारशून्यतायां नियोजयिष्यामि / आत्मना च प्रकृतिशून्यताम् परिपूरयिष्यामि / सर्वसत्त्वांश् च प्रकृतिशून्यतायां नियोजयिष्यामि / आत्मना च सर्वधर्मशून्यतां परिपूरयिष्यामि / सर्वसत्त्वांश् च सर्वधर्मशून्यतायां नियोजयिष्यामि / आत्मना च स्वलक्षणशून्यतां परिपूरयिष्यामि / सर्वसत्त्वांश् च स्वलक्षणशून्यतायां नियोजयिष्यामि / आत्मना चानुपलम्भशून्यतां परिपूरयिष्यामि / सर्वसत्त्वांश् चानुपलम्भशून्यतायां नियोजयिष्यामि / आत्मना चाभावशून्यतां परिपूरयिष्यामि / सर्वसत्त्वांश् चाभावशून्यतायां नियोजयिव्यामि / आत्मना च स्वभावशून्यतां परिपूरयिष्यामि / सर्वसत्त्वांश् च स्वभावशून्यतायां नियोजयिष्यामि / आत्मना चाभावस्वभावशून्यतां परिपूरयिष्यामि / सर्वसत्त्वांश् चाभावस्वभावशून्यतायां नियोजयिष्यामि /

आत्मना च चतुर्षु स्मृत्युपस्थानेषु स्थास्यामि / परांश् च चतुर्षु स्मृत्युपस्थानेषु नियोजयिष्यामि / आत्मना च चतुर्षु सम्यक्प्रहाणेषु स्थास्यामि / परांश् च चतुर्षु स्मृत्युपस्थानेषु नियोजयिष्यामि / आत्मना च चतुर्षु ऋद्धिपादेषु स्थास्यामि / परांश् च चतुर्षु ऋद्धिपादेषु नियोजयिष्यामि / आत्मना च पञ्चेन्द्रियेषु स्थास्यामि / परांश् च पञ्चेन्द्रियेषु नियोजयिष्यामि / आत्मना च पञ्चसु बलेषु स्थास्यामि / परांश् च पञ्चसु बलेषु नियोजयिष्यामि / आत्मना च सप्तसु बोध्यङ्गेषु स्थास्यामि / परांश् च सप्तसु बोध्यङ्गेषु नियोजयिष्यामि / आत्मना चार्याष्टाङ्गमार्गे स्थास्यामि / परांश् चार्याष्टाङ्गमार्गे नियोजयिष्यामि / आत्मना चार्यसत्येषु स्थास्यामि / परांश् चार्यसत्येषु नियोजयिष्यामि / आत्मना च ध्यानेषु स्थास्यामि / परांश् च ध्यानेषु नियोजयिष्यामि / आत्मना चाप्रमाणेषु स्थास्यामि / परांश् चाप्रमाणेषु नियोजयिष्यामि / आत्मना चारूप्यसमापत्तिषु स्थास्यामि / परांश् चारूप्यसमापत्तिषु नियोजयिष्यामि / आत्मना चाष्टासु विमोक्षेषु स्थास्यामि / परांश् चाष्टासु विमोक्षेषु नियोजयिष्यामि / आत्मना च नवस्व् अनुपूर्वविहारसमापत्तिषु स्थास्यामि / परांश् च नवस्व् अनुपूर्वविहारसमापत्तिषु नियोजयिष्यामि / आत्मना च शून्यतानिमित्ताप्राणिहितविमोक्षमुखेषु स्थास्यामि / परांश् च शून्यतानिमित्ताप्रणिहितविमोक्षमुखेषु नियोजयिष्यामि / आत्मना चाभिज्ञासु स्थास्यामि / परांश् चाभिज्ञासु नियोजयिष्यामि / आत्मना च समाधिषु स्थास्यामि / परांश् च समाधिषु नियोजयिष्यामि / आत्मना च धारणीमुखेषु स्थास्यामि / परांश् च धारणीमुखेषु नियोजयिष्यामि / आत्मना च तथागतबलेषु स्थास्यामि / परांश् च तथागतबलेषु नियोजयिष्यामि / आत्मना च वैशारद्येषु स्थास्यामि / परांश् च वैशारद्येषु नियोजयिष्यामि / आत्मना च प्रतिसंवित्सु स्थास्यामि / परांश् च प्रतिसंवित्सु नियोजयिष्यामि / आत्मना च महामैत्र्यां स्थास्यामि / परांश् च महामैत्र्यां नियोजयिष्यामि / आत्मना च महाकरुणायां स्थास्यामि / परांश् च महाकरुणायां नियोजयिष्यामि / आत्मना चाष्टादशावेणिकबुद्धधर्मेषु स्थास्यामि / अष्टादशावेणिकबुद्धधर्मेषु नियोजयिष्यामि /

इयतायुष्मञ् छारद्वतीपुत्र बोधिसत्त्वो महासत्त्वो महासन्नाहसंबन्ध इत्य् उच्यते /

पुनर् अपरम् आयुष्मञ् छारद्वतीपुत्र बोधिसत्त्वो महासत्त्वः प्रज्ञापारमितायाञ् चरन् यद् दानं ददाति / तत् सर्वाकारज्ञताप्रतिसंयुक्तमनसिकारैर् न श्रावकप्रत्येकबुद्धैः प्रतिसंयुक्तैस् तच् च कुशलमूलं सर्वसत्त्वसाधारणं कृत्वानुत्तरायां सम्यक्संबोधौ परिणामयत्य् अयं बोधिसत्त्वस्य महासत्त्वस्य प्रज्ञापारमितायां चरतो दानपारमितासन्नाहः / पुनर् अपरम् आयुष्मञ् छारद्वतीपुत्र बोधिसत्त्वो महासत्त्वो दानं ददत् सर्वाकारज्ञताप्रतिसंयुक्तैर् मनसिकारैर् न श्रावकप्रत्येकबुद्धप्रतिसंयुक्तैर् भूमौ परिणामयत्य् अयं बोधिसत्त्वस्य महासत्त्वस्य प्रज्ञापरमितायां चरतो दानं ददतः शीलपारमितासन्नाहः / पुनर् अपरम् आयुष्मञ् छारद्वतीपुत्र बोधिसत्त्वस्य महासत्त्वस्य दानं ददतः सर्वाकारज्ञताप्रतिसंयुक्तैर् मनसिकारैर् या तेषां धर्माणां क्षमणता रोचनताधिवासनता / अयं बोधितत्त्वस्य महासत्त्वस्य प्रज्ञापारमितायां चरतो दानं ददतः क्षान्तिपारमितासन्नाहः / पुनर् अपरम् आयुष्मञ् छारद्वतीपुत्र बोधिसत्त्वस्य महासत्त्वस्य दानं ददतः सर्वाकारज्ञताप्रतिसंयुक्तैर् मनसिकारैर् वीर्याग्रंसनता / अयं बोधिसत्त्वस्य महासत्त्वस्य प्रज्ञापारमितायां चरतो दानं ददतो वीर्यपारमितासन्नाहः / पुनर् अपरम् आयुष्मञ् छारद्वतीपुत्र बोधिसत्त्वस्य महासत्त्वस्य दानं ददतो या चित्तैकाग्रता यद् उत सर्वाकारज्ञताप्रतिसंयुक्तैर् मनसिकारैः श्रावकप्रत्येकबुद्धाप्रतिसंयुक्तानाञ् च चित्तोत्पादनाम् अनवकाशदानं तद् एकालम्बनताम् उपादाय / अयं बोधिसत्त्वस्य महासत्त्वस्य प्रज्ञापारमितायां चरतो दानं ददतो ध्यानपारमितासन्नाहः /

पुनर् अपरम् आयुष्मञ् छारद्वतीपुत्र बोधिसत्त्वस्य महासत्त्वस्य प्रज्ञापारमितायां चरतो दानं ददतः सर्वाकारज्ञताप्रतिसंयुक्तैर् मनसिकारैर् मानावकृतसंज्ञेप्यता भवति / स न च दानम् उपलभते / न दायकं न प्रतिग्राहकम् उपलभते / अयं बोधिसत्त्वस्य महासत्त्वस्य प्रज्ञापारमितायां चरतो दानं ददतः प्रज्ञापारमितासन्नाहः / यद् आयुष्मञ् छारद्वतीपुत्र बोधिसत्त्वो महासत्त्वः सर्वाकारज्ञताप्रतिसंयुक्तैर् मनसिकारैस् ताः पारमिता न निमित्तीकरोति नोपलभते / एवं खलु बोधिसत्त्वो महासत्त्वः प्रज्ञापारमितायां चरन् महासन्नाहसंबन्धो बोधितव्यः /

पुनर् अपरम् आयुष्मञ् छारद्वतीपुत्र बोधिसत्त्वो महासत्त्वः शीलपारमितायां चरन् सर्वाकारज्ञताप्रतिसंयुक्तैर् मनसिकारैर् दानं ददाति तच् च सर्वसत्त्वसाधारणं कृत्वानुत्तरायां सम्यक्संबोधौ परिणामयत्य् अयम् अनुपलम्भयोगेन / अयं बोधिसत्त्वस्य महासत्त्वस्य शीलपारमितायां चरतो दानपारमिता / पुनर् अपरम् आयुष्मञ् छारद्वतीपुत्र बोधिसत्त्वस्य महासत्त्वस्य सर्वाकारज्ञताप्रतिसंयुक्तैर् मनसिकारैः शीलपारमितायां चरतो या श्रावकप्रत्येकबुद्धभूम्यस्पृहानताः प्राग् एव पृथग्जनभूमयः / इयं बोधिसत्त्वस्य महासत्त्वस्य शीलपारमितायां चरतः शीलपारमिता / पुनर् अपरम् आयुष्मञ् छारद्वतीपुत्र बोधिसत्त्वस्य महासत्त्वस्य शीलपारमितायां चरतः सर्वाकारज्ञताप्रतिसंयुक्तैर् मनसिकारैर् या तेषां धर्माणां क्षमणतारोचनताधिवासनता / इयं बोधिसत्त्वस्य महासत्त्वस्य शीलपारमितायां चरतः क्षान्तिपारमिता / पुनर् अपरम् आयुष्मञ् छारद्वतीपुत्र बोधिसत्त्वस्य महासत्त्वस्य शीलपारमितायां चरतः सर्वाकारज्ञताप्रतिसंयुक्तैर् मनसिकारैर् या वीर्यास्रंसनतानवलीनवीर्यता / इयं बोधिसत्त्वस्य महासत्त्वस्य प्रज्ञापारमितायां चरतो वीर्यपारमिता / पुनर् अपरम् आयुष्मञ् छारद्वतीपुत्र बोधिसत्त्वस्य महासत्त्वस्य शीलपारमितायां चरतः सर्वाकारज्ञताप्रतिसंयुक्तैर् मनसिकारैर् विहरतो या श्रावकप्रत्येकबुद्धचित्तानाम् अनवकारशदानं तस्य च कुशलमूलस्य सर्वसत्त्वसाधारणीकृतस्यानुत्तरायां सम्यक्संबोधौ परिणामयति / इयं बोधिसत्त्वस्य महासत्त्वस्य शीलपारमितायां चरतो ध्यानपारमिता /

पुनर् अपरम् आयुष्मञ् छारद्वतीपुत्र बोधिसत्त्वस्य महासत्वस्य प्रज्ञापारमितायां चरतः सर्वाकारज्ञताप्रतिसंयुक्तैर् मनसिकारैर् न श्रावकप्रत्येकप्रतिसंयुक्तैर् या सर्वधर्मेषु मायाकृतसंज्ञा प्रत्युपस्थिता भवति / तेन च शीलेन न मन्यते न तच् छीलम् उपलभते प्रकृतिशून्यताम् उपादाय / तच् च कुशलमूलं सर्वसत्त्वसाधारणं कृत्वानुत्तरायां सम्यक्संबोधौ परिणामयति / इयं बोधिसत्त्वस्य महासत्त्वस्य शीलपारमितायां चरतः प्रज्ञापारमिता / एवं खल्व् आयुष्मन् शारद्वतीपुत्र बोधिसत्त्वो महासत्त्वः शीलपारमितायां चरन् षट्पारमिताः परिगृह्णाति / तेन महासन्नाहसन्नद्ध इत्य् उच्यते /

पुनर् अपरम् आयुष्मञ् छारद्वतीपुत्र बोधिसत्त्वो महासत्त्व क्षान्तिपारमितायां चरन् यद् दानं ददाति तत् सर्वकारज्ञताप्रतिसंयुक्तैर् मनसिकारैर् न श्रावकप्रत्येकबुद्धप्रतिसंयुक्तैस् तच् च कुशलमूलं सर्वसत्त्वसाधारणं कृत्वानुत्तरायां सम्यक्संबोधौ परिणामयति / इयं बोधिसत्त्वस्य महासत्त्वस्य क्षान्तिपारमितायां चरतो दानपारमिता / पुनर् अपरम् आयुष्मञ् छारद्वतीपुत्र बोधिसत्त्वो महासत्त्व क्षान्तिपारमितायाञ् चरन् यच् छीलं रक्षति तत् सर्वाकारज्ञताप्रतिसंयुक्तैर् मनसिकारैर् न श्रावकप्रत्येकबुद्धप्रतिसंयुक्तैस् तच् च कुशलमूलं सर्वसत्त्वसाधारणं कृत्वानुत्तरायां सम्यक्संबोधौ परिणामयतीयं बोधिसत्त्वस्य महासत्त्वस्य क्षान्तिपारमितायां चरतः शीलपारमिता / पुनर् अपरम् आयुष्मञ् छारद्वतीपुत्र बोधिसत्त्वस्य महासत्त्वस्य क्षान्तिपारमितायां चरतो या सर्वाकारज्ञताप्रतिसंयुक्तानां मनसिकाराणां क्षमणतारोचनताधिवासनता / इयं क्षान्तिपारमितायां चरतः क्षान्तिपारमिता / पुनर् अपरम् आयुष्मञ् छारद्वतीपुत्र बोधिसत्त्वस्य महासत्त्वस्य क्षान्तिपारमितायां चरतः सर्वाकारज्ञताप्रतिसंयुक्तैर् मनसिकारैर् न श्रावकप्रत्येकबुद्धप्रतिसंयुक्तैर् या चित्तस्यैकाग्रता इयं क्षान्तिपारमितायां चरतो ध्यानपारमिता / पुनर् अपरम् आयुष्मञ् छारद्वतीपुत्र बोधिसत्त्वस्य महासत्त्वस्य क्षान्तिपारमितायां चरतः सर्वाकारज्ञताप्रतिसंयुक्तैर् मनसिकारैर् न श्रावकप्रत्येकबुद्धप्रतिसंयुक्तैः सर्वसत्त्वेषु मायाकृतसंज्ञा प्रत्युपस्थिता भवति / तथा च क्षान्त्या स मन्यते / न च तां क्षान्तिम् उपलभते / इयं क्षान्तिपारमितायां चरतः प्रज्ञापारमिता / एवं खल्व् आयुष्मञ् छारद्वतीपुत्र बोधिसत्त्वो महासत्त्वः क्षान्तिपारमितायां चरन् सर्वाः षट्पारमिताः परिगृह्णाति / तेन महासन्नाहसन्नद्ध इत्य् उच्यते /

पुनर् अपरम् आयुष्मञ् छारद्वतीपुत्र बोधिसत्त्वो महासत्त्वो वीर्यपारमितायां चरन् यद् दानं ददाति / तत् सर्वाकारज्ञताप्रतिसंयुक्तैर् मनसिकारैर् न श्रावकप्रत्येकबुद्धप्रतिसंयुक्तैस् तच् च कुशलमूलं सर्वसत्त्वसाधारणं कृत्वानुत्तरायां सम्यक्संबोधौ परिणामयति इयं बोधिसत्त्वस्य महासत्त्वस्य वीर्यपारमितायां चरतो दानपारमिता / पुनर् अपरम् आयुष्मञ् छारद्वतीपुत्र बोधिसत्त्वो महासत्त्वो वीर्यपारमितायां चरन् शीलं रक्षति सर्वाकारज्ञताप्रतिसंयुक्तैर् मनसिकारैर् न श्रावकप्रत्येकबुद्धप्रतिसंयुक्तैस् तच् च कुशलमूलं सर्वसत्त्वसाधारणं कृत्वानुत्तरायां सम्यक्संबोधौ परिणामयतीयं वीर्यपारमितायां चरतः शीलपारमिता / पुनर् अपरम् आयुष्मञ् छारद्वतीपुत्र बोधिसत्त्वस्य महासत्त्वस्य वीर्यपारमितायां चरतः सर्वाकारज्ञताप्रतिसंयुक्तैर् मनसिकारैर् न श्रावकप्रत्येकबुद्धप्रतिसंयुक्तैर् या तेषां धर्माणां क्षमणतारोचनताधिवासनता / इयं वीर्यपारमितायां चरतः क्षान्तिपारमिता / पुनर् अपरम् आयुष्मञ् छारद्वतीपुत्र बोधिसत्त्वस्य महासत्त्वस्य वीर्यपारमितायां चरतः सर्वाकारज्ञताप्रतिसंयुक्तैर् मनसिकारैर् न श्रावकप्रत्येकबुद्धप्रतिसंयुक्तैः सर्वसत्त्वार्थं या वीर्यास्रंसनताग्रहणता, इयं वीर्यपारमितायां चरतो वीर्यपारमिता / पुनर् अपरम् आयुष्मञ् छारद्वतीपुत्र बोधिसत्त्वस्य महासत्त्वस्य वीर्यपारमितायां चरतः सर्वाकारज्ञताप्रतिसंयुक्तैर् मनसिकारैर् न श्रावकप्रत्येकबुद्धप्रतिसंयुक्तैर् इयं वीर्यपारमितायां चरतो ध्यानपारमिता /

पुनर् अपरम् आयुष्मञ् छारद्वतीपुत्र बोधिसत्त्वस्य महासत्वस्य वीर्यप्रज्ञापारमितायां चरतो या चित्तस्यैकाग्रता सर्वाकारज्ञताप्रतिसंयुक्तैर् मनसिकारैर् न श्रावकप्रत्येकबुद्धप्रतिसंयुक्तैर् या सर्वधर्मेषु मायाकृतसंज्ञाप्रत्युपस्थितो भवति / तेन च वीर्येण न मन्यते न तद् वीर्यम् उपलभते / तच् च कुशलमूलं सर्वसत्त्वसाधारणं कृत्वानुत्तरायां सम्यक्संबोधौ परिणामयतीयं वीर्यपारमितायां चरतः प्रज्ञापारमिता / एवं खल्व् आयुष्मञ् छारद्वतीपुत्र बोधिसत्त्वो महासत्त्वो वीर्यपारमितायां चरन् सर्वाः षट्पारमिताः परिगृह्णाति / तेन महासन्नाहसन्नद्ध इत्य् उच्यते /

पुनर् अपरम् आयुष्मञ् छारद्वतीपुत्र बोधिसत्त्वो महासत्त्वो ध्यानपारनितायां चरन् यद् दानं ददाति तत् सर्वाकारज्ञताप्रतिसंयुक्तैर् मनसिकारैर् न श्रावकप्रत्येकबुद्धप्रतिसंयुक्तैस् तच् च सर्वकुशलम् सर्वसत्त्वसाधारणं कृत्वानुत्तरायां सम्यक्संबोधौ परिणामयतीयं बोधिसत्त्वस्य महासत्त्वस्य ध्यानपारमितायां चरतो दानपारमिता / पुनर् अपरम् आयुष्मञ् छारद्वतीपुत्र बोधिसत्त्वो महासत्त्वो ध्यानपारमितायां चरन् यच् छीलं रक्षति तत् सर्वाकारज्ञताप्रतिसंयुक्तैर् मनसिकारैर् न श्रावकप्रत्येकबुद्धप्रतिसंयुक्तैस् तच् च कुशलमूलं सर्वसत्त्वसाधारणं कृत्वानुत्तरायां सम्यक्संबोधौ परिणामयतीयं ध्यानपारमितायां चरतः शीलपारमिता / पुनर् अपरम् आयुष्मञ् छारद्वतीपुत्र बोधिसत्त्वो महासत्त्वो ध्यानपारमितायां चरन् क्षान्तिं भावयति / सर्वाकारज्ञताप्रतिसंयुक्तैर् मनसिकारैर् न श्रावकप्रत्येकबुद्धप्रतिसंयुक्तैस् तच् च कुशलमूलं सर्वसत्त्वसाधारणं कृत्वानुत्तरायां सम्यक्संबोधौ परिणामयतीयं ध्यानपारमितायां चरतः क्षान्तिपारमिता / पुनर् अपरम् आयुष्मञ् छारद्वतीपुत्र बोधिसत्त्वस्य महासत्त्वस्य ध्यानपारमितायां चरतः सर्वाकारज्ञताप्रतिसंयुक्तैर् मनसिकारैर् न श्रावकप्रत्येकबुद्धप्रतिसंयुक्तैर् या वीर्यास्रंसनता तच् च कुशलमूलं सर्वसत्त्वसाधारणं कृत्वानुत्तरायां सम्यक्संबोधौ परिणामयतीयं ध्यानपारमितायां चरतो वीर्यपारमिता /

पुनर् अपरम् आयुष्मञ् छारद्वतीपुत्र बोधिसत्त्वस्य महासत्त्वस्य ध्यानपारमितायां चरतो या सर्वाकारज्ञताप्रतिसंयुक्तेषु मनसिकारेषु चित्तस्यैकाग्रता श्रावकप्रत्येकबुद्धप्रतिसंयुक्तानां मनसिकाराणाम् अवकाशदानं तद् एकालम्बनताम् उपादाय / तच् च कुशलमूलं सर्वसत्त्वसाधारणं कृत्वानुत्तरायां सम्यक्संबोधौ परिणामयतीयं ध्यानपारयितायां चरतो ध्यानपारमिता / पुनर् अपरम् आयुष्मञ् छारद्वतीपुत्र बोधिसत्त्वस्य महासत्त्वस्य ध्यानपारमितायां चरतः सर्वधर्मेषु मायाकृतसंज्ञा प्रत्युपस्थिता भवति / तेन च ध्यानेन न मन्यते / न च ध्यानम् उपलभते / तच् च कुशलमूलं सर्वसत्त्वसाधारणं कृत्वानुत्तरायां सम्यक्संबोधौ परिणामयतीयं ध्यानपारमितायां चरतः प्रज्ञापारमिता / एवं खल्व् आयुष्मञ् छारद्वतीपुत्र बोधिसत्त्वो महासत्त्वो ध्यानपारमितायां चरन् सर्वाः षट्पारमिताः परिगृह्णाति तेन महासन्नाहसन्नद्ध इत्य् उच्यते /

पुनर् अपरम् आयुष्मञ् छारद्वतीपुत्र बोधिसत्त्वो महासत्त्वः प्रज्ञापारमितायां चरतस् त्रिमण्डलपरिशुद्धं दानं ददाति सर्वाकारज्ञताप्रतिसंयुक्तैर् मनसिकारैर् न श्रावकप्रत्येकबुद्धप्रतिसंयुक्तैस् तच् च कुशलमूलं सर्वसत्त्वसाधारणं कृत्वानुत्तरायां सम्यक्संबोधौ परिणामयतीयं बोधिसत्त्वस्य महासत्त्वस्य प्रज्ञापारमितायां चरतो दानपारमिता / पुनर् अपरम् आयुष्मञ् छारद्वतीपुत्र बोधिसत्त्वस्य महासत्त्वस्य प्रज्ञापारमितायां चरतः शीलं रक्षतः सर्वाकारज्ञताप्रतिसंयुक्तैर् मनसिकारैर् न श्रावकप्रत्येकबुद्धप्रतिसंयुक्तैस् तस्य च कुशलमूलं सर्वसत्त्वसाधारणं कृत्वा तस्यानुत्तरायां सम्यक्संबोधौ परिणामयतीयं प्रज्ञापारमितायां चरतः शीलपारमिता / पुनर् अपरम् आयुष्मञ् छारद्वतीपुत्र बोधिसत्त्वस्य महासत्त्वस्य प्रज्ञापारमितायां चरतो या तेषां धर्माणां क्षमणतारोचनताधिवासनता / सर्वाकारज्ञताप्रतिसंयुक्तैर् मनसिकारैर् न श्रावकप्रत्येकबुद्धप्रतिसंयुक्तैस् तस्य च कुशलमूलस्य सर्वसत्त्वसाधारणं कृत्वानुत्तरायां सम्यक्संबोधौं परिणामयतीयं प्रज्ञापारमितायां चरतः क्षान्तिपारमिता / पुनर् अपरम् आयुष्मञ् छारद्वतीपुत्र बोधिसत्त्वस्य महासत्त्वस्य प्रज्ञापारमितायां चरतः सर्वाकारज्ञताप्रतिसंयुक्तैर् मनसिकारैर् न श्रावकप्रत्येकबुद्धप्रतिसंयुक्तैर् या वीर्यास्रंसनता / तस्य च कुशलमूलं सर्वसत्त्वसाधारणं कृत्वानुत्तरायां सम्यक्संबोधौ परिणामयतीयं प्रज्ञापारमितायां चरतो वीर्यपारमिता /