शिक्षासमुच्चय (bản khác)

उत्तमाभरणा वरधीराः माल्यविभूषितगन्धनुलिप्ता ॥रूप विदर्शिय सत्व विनेन्ति दर्शन प्रीतिप्रहर्षरतानां ।

ते वररूपसुरूपसुमेधाः उत्तमरूप निदर्शयमानाः ॥रूपधिमुक्ति जगद् विनयन्ति ते मधुरैः कलविङ्करुतेभी ।

कोकिलहंसकुणालरवेण दुन्दुभिकिन्नरब्रह्मरुतेन देशयि सर्वधिमुक्तिषु धर्मम् ॥ ये चतुर् एवाशीति सहस्रा येभि जिना जगतो ऽर्थ करोन्ति ।

तेभित धर्मप्रभेदमुखेभिः सत्व विनेन्ति यथाशय लोके ॥ते सुखदुष्खसहाय करोन्ति अर्थानर्थसहायक भोन्ती ।

सर्वक्रियासु सहाय भवित्वा सत्व विनेन्ति सहायमुखेन ॥दुष्खोपद्रवसत्कृतदोषान् ते तु सहन्ति सहायनिदानास् ।

तेभि सहाय सहन्तिय पीडां सर्वजगस्य हिताय सुखाय ॥यत्र न निष्क्रमणं न च धर्मो ज्ञायति रण्यगतो न च मोक्षः ।

तत्र तु राज्यसमृद्धिसहाय निष्क्रमशान्तमनानिकेताः ॥

[ bendall ed p330 ---> ]

ते गृहबन्धनतृष्णनिकेतात् सर्वजगत्परिमोचनहेतोः ।

सर्वत कामरती अनिकेता निष्क्रममोक्स्.अ प्रभावयमानाः ॥ते दश चर्य प्रभावयमानाचरि धर्म महापुरुषाणां ।

सर्वम् अशेषत चर्य ऋषीणां भावयमान करोन्ति जगार्थं ॥यत्र् अमितायुष सत्व भवन्ती सौख्यसमर्पितमन्दकिलेशाः ।

तत्र जरार्दित व्याधिनपृष्टा दर्शयि मृत्युवशं अवशात्मा ॥रागप्रदीपितु दोषप्रदीप्तं मोहमहाग्निप्रदीपितु लोकम् ।

प्रज्वलितं जरव्याधितमृत्यु लोक निदर्शयि सत्व विनेन्ति ॥दशबलैश् चतुर्वैशारद्यैर् अष्टदशैर् अपि धर्मविशेषैः ।

बुद्धमहात्म तु सूचयमानाः बुद्धगुणेभि करोन्ति जगार्थम् ॥

ते चादेश ऋद्ध्यनुशास्ती रूपधिष्ठानबलेन समन्तात् ।

दर्शयमान तथागत ऋद्धी ऋद्धिविकुर्वित सत्व विनेन्ति ॥ते विविधेहि उपायनयेहि लोक-

[ cambridge ms f149a ---> ]

विचारि करोन्ति जगार्थं ।

लोकि अलिप्त जले यथ पद्मं प्रीतिप्रसादकरा विचरन्ति ॥

काव्यकराः कविराज भवन्ती ते नटनर्तक झल्लकमल्लाः ।

उत्कुटशोभिकहारकनृत्या मायकराः पृथु रूपनिदर्शी ॥

[ bendall ed p331 ---> ]

ग्रामिक नायक सारथि भोन्ती सार्थिक श्रेष्ठिक गृहपति भोन्ति ।

राजामात्य पुरोहितदूता वैद्यविशारदशास्त्रविधिज्ञाः ॥ ते ऽटवीषु महाद्रुम भोन्ती औषधाक्षयरत्ननिधानाः ।

चिन्तमणि द्रुम कामददाश् च देशिकोत्पथमार्गगतानां ॥अर्च्चिय सन्तु तु लोक विदित्वा कर्मविधीषु अजानक सत्वाः ।

ते कृषिकर्मप्रयोगवणिज्या शिल्पिविचित्र प्रभावयि लोके ॥ये ऽविहेठाहिंसप्रयोगः सर्वसुखावहविज्ञप्रशस्ताः ।

विद्यबलाउषधि शास्त्रविचित्राः सर्व प्रभावित तेभि ऋषीभिः ॥ये ऋषिणां चरणाः परमाग्रा यत्राधिमुक्त सदेवकु लोकः ।

ये व्रतदुष्कर ये तपश्रेष्ठाः सर्वि प्रभावित तेभि विदूभिः ॥ते चरकाः परिव्राजक तीर्थ्याः तापसगोतममोनचराणाम् ।

नग्नाचेलगुरुश्रमणानां तीर्थिकाचर्या हि भवन्ति ॥

[ bendall ed p332 ---> ]

ते तु अजीविक धर्मचराणां उत्तरिकाणानुत्तरिकाणां ।

दीर्घजटान कुमारव्रतानां तेष्व् अपि आचर्या हि भवन्ति ॥सूर्यनुवर्तकपञ्चतपानां कुक्कुरगोव्रतिका मृगचर्या ।

चारिक तीर्थ्य दश त्रितयानां तेष्व् अपि आचर्या हि भवन्ति ॥

देवतज्ञानप्रवेशरतानां तीर्थुपदर्शनदेशचराणां ।

[ cambridge ms f149a ---> ]

मूलफलाम्बुचरापि भूत्वा धर्माचिन्तिय ते परमाग्राः ॥उत्कुटस्थायिनाइकचराणां कण्टकभस्मतृणश्शयनानां ।

ये मुषलेशय [[दोउब्त्]] युक्तिविहारी तेष्व् अपि आचर्या हि भवन्ति ॥यावत बाहिरकाः पृथुतीर्थ्याशय तेष्व् अधिमुक्ति समीक्ष्य ।

तीक्ष्णदुरासदोग्रतपेभी तीर्थिक दुष्खप्रहाण विनेन्ति ॥

[ bendall ed p333 ---> ]

दृष्टिसमाकुल लोके विदित्वा सर्वकुदृष्टिसमाश्रित तीर्थ्याः ।

सूक्ष्मपदेभिर् उपायन येभी सत्यप्रकाशन तेषु करोन्ति ॥केषुचि द्रामिडमन्त्रपदेभी देशयि सत्य सुगुप्तपदेभिः ।

केषूज .. व्यक्तपदेभिः केषुचिद् एव रहस्यपदेभिः ॥केषुचि अक्षरभेदपदेभिः अर्थविनिश्चयवज्रपदेभिः ।

वादिप्रमर्दनज्ञानपदेभिः शास्त्राधर्मकमोक्षपदेभिः ॥केषुचि मानुषमन्त्रपदेभिः सर्वप्रवेशनिरुक्तिपदेषु ।

केषुचि देवनिरुक्तिपदेभिः नागनिरुक्तित यक्षपदेभिः ॥

राक्षसाथगन्धर्वपदेभिः भूतकुम्भाण्डमहोरगकेभिः ।

किंनराप्सरगरुडपदेभिः सत्यप्रकाशनमोक्षुपनेन्ति ॥ते यथसत्य निरुक्तिविधिज्ञाइवम् अशेषत ये जिनधर्मा ।

धर्मम् अचिन्तिय वाक्यपथज्ञा देश-

[ cambridge ms f150a ---> ]

यि एष समाधिविकुर्वा ॥ते जगसौख्यताग्रसमाधी सर्वजगे ऽभिनिर्हरमाना ।

रश्मिम् अचिन्तियम् उत्सृजमाना रश्मि प्रमुञ्चिय सत्व विनेन्ति ॥

रश्मि प्रमुञ्चिय दर्शयमाना यावत सत्व विजानित रश्मि ।

तेषु सुदर्शन भोति अमोघम् हेतु अनुत्तरि ज्ञानवरस्य ॥

दर्शयि बुद्ध विदर्शयि धर्मं संघ निदर्शयि मार्ग नराणाम् ।

दर्शयि चेतिक ते जिनबिम्बा तेन सुदर्शनरश्मि निवृत्ता ॥

[ bendall ed p334 ---> ]

रश्मि प्रमुञ्चि प्रभंकर नामा या प्रभ जिह्म करोति मरूणां ।

सर्वरजं च तमं च हनित्वा सो प्रभ भासति लोकहितानां ॥ताय प्रभासय चोदित सत्वास् ते जिनपूजप्रदीप धरेन्ती ।

ते जिनपूजप्रदीप धरित्वा लोकप्रदीपकरा जिन भोन्ति ॥

तैलप्रदीप घृतस्य प्रदीपा दारु तृणा नडवेणु प्रदीपान् ।

गन्धरसायनरत्नप्रदीपान् दत्व जिनेषु प्रभंकर लब्धाः ॥रश्मि प्रमुञ्चिय प्रतारणि नामा ताय प्रभासय चोदित सत्वाः ।

... नावप्रतारणिनद्यपथेषु ।

दूषित संस्कृत वर्णित शान्ती तेन प्रतारणि रश्मि निवृत्ता ॥

रश्मि पिपासविनोदनि नामा ताय प्रभासय चोदित सत्वाः ।

कामगुणेषु तृषां प्रजहित्वा धर्मविमुक्तिरसार्थिक भोन्ति ॥कामगुणेषु तृषां प्रजहित्वा धर्मविमुक्तिरसार्थिक भूत्वा ।

बुद्ध भवन्त्य् अमृतंजलवर्षी तृष्णपिपासविनोदन लोके ॥पुष्करिणी नदिकूपतडागोत्सय कारित बोधिनिदानाः ।

काम विवर्णित वर्णित-

[ cambridge ms f150b ---> ]

ध्याना तृष्णविनोदनि तेन निवृत्ता ॥

प्रीतिकरी यद रश्मि प्रमुञ्ची ताय प्रभासय चोदित सत्वाः ।

प्रीतिफुटा वरबोधिनिदानं चिन्त जनेन्ति भविष्य स्वयंभू ॥लक्षणमण्डित पद्मनिषण्णा यत् कृतविग्रह कारुणिकानां ।

भाषित बुद्धगुणाः सद कालं प्रीतिकरी प्रभ तेन निवृत्ता ॥रश्मि प्रमुञ्चि रतिंकर नामा ताय प्रभासय बोधित सत्वा ।

बुद्धरतीरत धर्मरतीरत संघरतीरत ते सद भोन्ति ॥त्रितयरतीरत ते सद भूत्वा बुद्धसमागमधर्मगणार्ये ।

लब्धनुपत्तिकक्षान्ति लभन्ति चोदित स्मारित ये बहु सत्वा ॥

बुद्धानुस्मृतिधर्मगणार्ये बोधि य चित्तगुणान् विवरित्वा ।

तेन रतिंकर रश्मि निवृत्ता ॥पुण्यसमुच्चयरश्मि प्रमुञ्ची ताय प्रभासय चोदित सत्वा ।

दानु ददन्ति विचित्रम् अनेकं प्रार्थयमानु अनुत्तरु बोधिं ॥आशय पूरितु याचनकानां यज्ञ निरर्गड तैर् यजमानैः ।

सर्वभिप्रायत दानु ददित्वा पुण्यसमुच्चय रश्मि निवृत्ता ॥ज्ञानवती यद रश्मि प्रमुञ्ची ताय प्रभासय चोदित सत्वाः ।

एक तु धर्म मुखातु अनेका धर्ममुखान् अवबुद्धि क्षणेन ॥

[ bendall ed p336 ---> ]

धर्मप्रभेद ... ग्राहित सत्वान् अर्थविनिश्चय ज्ञान विभक्ती ।

[ cambridge ms f151a ---> ]

धर्मपदार्थविभाषण कृत्वा ज्ञानवती प्रभ तेन निवृत्ता ॥ प्रज्ञप्रदीपयाउसरि रश्मि ताय प्रभासय चोदित सत्वाः ।

शून्य निसत्वाजातविपन्नान् ओतरि धर्माभावस्वभावान् ।

मायमरीचिसमा दकचन्द्रस्वप्नसमान् प्रतिबिम्बसमान् वा ।

धर्मास्वामिक शून्य निरीहान् भाषति प्रज्ञप्रदीप निवृत्ता ॥धर्मविकुर्वणि रश्मि प्रमुञ्ची ताय प्रभासय चोदित सत्वा ।

धारणि अक्षयकोषु लभित्वा सर्वतथागतकोषु लभेन्ति ॥धर्मधराणु परिग्रहु कृत्वा धार्मिकरक्ष करित्व ऋषीणां ।

धर्मानुग्रह कृत्व जगस्य धर्मविकुर्वणि रश्मि निवृत्ता ॥

त्यागवती यद रश्मि विमुञ्ची ताय य मत्सर चोदित सत्वा ।

ज्ञात्वानित्याशाश्वतभोगान् त्यागरतीरत ते सद भोन्ति ॥

मत्सरदुर्दम सत्वादान्ता ज्ञात्व धनं सुपिनाभ्रस्वभावं ।

बृंहित त्याग प्रसन्नम् अनेन त्यागवतीप्रभ तेन निवृत्ता ॥निष्परिदाह याउसरि रश्मिः ताय दुःशीलय चोदित सत्वा ।

शीलविशुद्धि प्रतिष्ठित भूत्वा चिन्त जनेन्ति भवेय स्वयंभूः ॥

[ bendall ed p337 ---> ]

कर्मपथे कुशले परिशुद्धे शील समादयि यद् बहुसत्वान् ।

बोधयि चित्त समादयनेन रश्मि निवृत्त स निष्परिदाहः ॥

[ cambridge ms f151b ---> ]

क्षान्तिवियूह याउसरि रश्मि ताय याक्षम चोदित सत्वाः ।

क्रोधखिलं अधिमान जहित्वा क्षान्तिरतीरत ते सद भोन्ति ॥दुःकृत क्षान्ति अपायमतीनां चित्ताक्षोभित बोधिनिदानं ।

वर्णित क्षान्तिगुणाः सदकालं तेन निवृत्त स क्षान्तिवियूहा ॥रश्मि उत्तप्तवती यद मुञ्ची ताय कुशीदय चोदित सत्वाः ।

युक्त प्रयुक्त त्रिषू रतनेषु पूज करोन्ति अखिन्नप्रयोगाः ॥

युक्त प्रयुक्त त्रिषू रतनेषु पूज करित्वाखिन्नप्रयोगाः ।

ते चतु मारपथातिक्रान्ताः क्षिप्र स्पृशन्ति अनुत्तर बोधिं ॥

वीर्य समादयि यद् बहुसत्वान् पूज करित्व त्रिषू रतनेषु ।

धर्म धरित्व क्षयंगत काले तेनोतप्तवती प्रभ लब्धा ॥शान्तिकरी यद रश्मि प्रमुञ्ची ताय विभ्रान्तय चोदित सत्वाः ।

तेषु न रागु न द्वेष न मोहाः बोधित भोन्ति समाहित चित्ताः ॥पाप कुमित्र किलिष्ट चरीये संगणिकाविनिवर्तन कृत्वा ।वर्णित ध्यान प्रशान्तारण्ये शान्तिकरी प्रभ तेन निवृत्ता ॥प्रज्ञवियूह याउसरि रश्मी ताय दुःप्रज्ञ संचोदित सत्वाः ।

सत्यप्रतीत्य विमोक्षनये ऽस्मिन् निद्रिय ज्ञानगतिं गत भोन्ति ॥

[ bendall ed p338 ---> ]

इन्द्रियज्ञानगतिं गत भूत्वा ... ।

सूर्यप्रदीपसमाधि लभित्वा प्रज्ञप्रभास-

[ cambridge ms f152a ---> ]

करा जिन भोन्ति ॥राज्यधनात्मप्रियैः परित्यागैः धर्म य मार्गित बोधिनिदानं ।

तं च सत्कृत्य प्रकाशिय धर्मं रश्मि निवृत्त स प्रज्ञवियूहाः ॥बुद्धवती यद रश्मि प्रमुञ्ची ताय प्रभाय संचोदित सत्वाः ।

बुद्ध सहस्रानेकाचिन्त्यान् पश्यिषु पद्मवनेषु निषण्णान् ॥बुद्धमहात्मत बुद्धविमोक्षा भासित बुद्धविकुर्वानन्ता ।

बुद्धबलाविप्रभावन कृत्वा बुद्धवती प्रभ तेन निवृत्ता ॥ते ऽभयंदद रश्मि प्रमुञ्ची तायाभयार्दित सत्व सस्पृष्टाः ।

भूतग्रहावधताडनबन्धे मुच्यिषु सर्वुपसर्गभयेभ्यः ॥

ये ऽभयेन निमन्त्रित सत्वाः प्राणिबधात् तु निवारित भोन्ति ।

त्रायित यच्छरणागत भीतास् तेन भयंदद रश्मि निवृत्ता ॥सर्वसुखावहाउसरि रश्मी ताय गिलानयातुर स्पृष्टाः ।

सर्वत व्याधिदुखात् प्रतिमुक्ता ध्यानसमाधिसुखानि लभन्ति ॥रोगविनोदनि मूल फलोषध रत्न रसायन गन्धनुलेपान् ।

फाणित क्षीर मधू घृत तेलान् भोजन पान ददित्वय लब्धा ॥

[ bendall ed p339 ---> ]

बुद्धनिदर्शनि रश्मि प्रमुञ्ची ताय सचोदितायु क्षयान्ते ।

बुद्धानुस्मरि पश्यिषु बुद्धम् ते च्युत गच्छि सबुद्धक्क्षेत्रं ॥काल करोन्ति च स्मारित बुद्धा दर्शितप्रीतकरा

[ cambridge ms f152b ---> ]

जिनबिम्बान् ।

बुद्धगताः शरणं मरणान्ते भासिय बुद्धनिदर्शनि लब्धा ॥धर्मप्रभावनि रश्मि प्रमुञ्ची ताय प्रभाय संचोदित सत्वा ।

धर्म पठन्ति शृण्वन्ति लिखन्ती धर्मरती रत ते सद भोन्ति ॥।धर्मदुर्भिक्षय द्योतितु धर्मो धर्मगवेषिण पूरिताशा ।

छन्द जनित्व प्रयुज्यथ धर्मे भाषत धर्मप्रभावनि लब्धा ॥घोषवती यद रश्मि प्रमुञ्ची बुद्धसुता परिचोदनतायां ।

यातुक शब्दप्रचारु त्रिलोके सर्व तथागतघोष शृण्वन्ति ॥उच्च स्वरेण स्तवन्ति महर्षीन् तूर्यमहत्तरघण्टप्रदानैः ।

सर्वजगे जिनघोषरुतार्थं निश्चरि घोषवती प्रभलब्धा ॥ते ऽमृतंदद रश्मि प्रमुञ्ची ताय प्रभासय चोदित सत्वाः ।

सर्व प्रमाद चिरं प्रजहित्वा सर्वगुणैः प्रतिपद्यति योगं ॥दुष्खानेकोपद्रवपूर्णं भाषित संस्कृत नित्यम् अक्षेमं ।

शान्तिनिरोधसुखं सद क्षेमं भाषयतामृतंदद लब्धा ॥रश्मि विशेषवती यद मुञ्ची ताय प्रभासय चोदित सत्वाः ।

शीलविशेष समाधिविशेषं प्रज्ञविशेष शृणोन्ति जिनानां ॥

[ bendall ed p340 ---> ]

शीलताग्र समाधिताग्रो प्रज्ञताग्र महामुनिराजा ।

[ cambridge ms f153a ---> ]

य स्तुत वर्णित बोधिनिदानं तेन विशेषवती प्रभ लब्धा ॥रत्नवियूह याउसरि रश्मि ताय प्रभासय चोदित सत्वाः ।

अक्षर रत्ननिधान लभित्वा पूजयि रत्नवरेभि महर्षीन् ॥

रत्नविसर्ग जिने जिनस्तूपे संग्रहि कृत्स्नजनं रतनेभिः ।

रत्नप्रदान करित्व जिनानां रश्मि निवृत्त य रत्नवियूहाः ॥गन्धप्रभास याउसरि रश्मी ताय प्रभासय चोदित सत्वाः ।

घ्रात्वामानुष गन्ध मनोज्ञान् बुद्धगुणे नियुतानि भवन्ति ॥गन्धनुलेपनुमानुषदिव्यैर् [[दोउब्त्]] यत् कृत पूज नराधिपतीनां ।

गन्धमयान् जिनविग्रहस्तूपान् कृत्व निवृत्त सुगन्धप्रभासः ॥मुञ्चति रश्मि विचित्रवियूहान् इन्द्रपताकध्वजाग्र विचित्रान् ।

तूर्यनिनादितगन्धप्रधूपित शोभिसुरोत्तमपुष्पविकीर्णं ॥तूर्यप्रत्युद्गमि पूजजिनानां पुष्पविलेपनधूपनचूर्णैः ।

छत्त्रध्वजाग्रपताकवितानैस् तेन विचित्रवियूह निवृत्ताः ॥रश्मि प्रसादकरी यद मुञ्ची पाणितलोपम संस्थिहि भूमिः ।

शोधयतो ऋषि आश्रमस्तूपान् तेन प्रसादकरी प्रभ लब्धा ॥मुञ्चति मेघवती यद रश्मिं संस्थिहि गन्ध प्रवर्षति मेघं ।

स्तूप वराङ्गणगन्धजलेनासिञ्चिय

[ cambridge ms f153b ---> ]

मेघवती प्रभ लब्धा ॥

भूषणव्यूह प्रमुञ्चतु रश्मीन् नग्नाचेल सुभूषण भोन्ती ।

वस्त्रनिबन्धनहारविचित्रं दत्व विभूषण रश्मि निवृत्ता ॥

[ bendall ed p341 ---> ]

रश्मि रसाग्रवती यद मुञ्ची भुक्षित भोज्य रसाग्र लभन्ती ।

भोजन पान विचित्र रसाग्रान् दत्व रसाग्रवती प्रभ लब्धा ॥अर्थनिदर्शनि मुञ्चति रश्मीन् रत्ननिधान लभन्ति दरिद्राः ।

अक्षयरत्ननिधिं त्रिभि रत्नैर् दानतार्थनिदर्शनि लब्धा ॥चक्षुविशोधनि मुञ्चति रश्मीन् अन्ध तदा दृशि रूप विचित्रम् ।

दीपप्रदान जिने जिनस्तूपे चक्षुविशोधनि रश्मि निवृत्ता ॥श्रोत्रविशोधनि मुञ्चति रश्मीन् श्रोत्रविहीन श्रुणी पृथुशब्दान् ।

वाद्यप्रदानजिने जिनस्तूपे श्रोत्रविशोधनि रश्मि निवृत्ता ॥घ्राणविशोधनि मुञ्चति रश्मीन् घ्रायि अघ्रायितपूर्व सुगन्धान् ।

गन्धप्रदान जिने जिनस्तूपे घ्राणविशोधनि रश्मि निवृत्ता ॥जिह्वविशोधनि मुञ्चति रश्मीन् स्निग्धमनोज्ञरुतै स्तुति बुद्धान् ।

वाच दुरुक्त विवर्जित रुक्षा श्लक्ष्णोदीरित रश्मि निवृत्ता ॥कायविशोधनि मुञ्चति रश्मीन् इन्द्रियहीन सुइन्द्रिय भोन्ति ।

कायप्रणाम जिने जिनस्तूपे कुर्वत कायविशोधनि लब्ध्वा ॥चित्त-

[ cambridge ms f154a ---> ]

विशोधनि मुञ्चति रश्मीन् उन्मतु सर्व सचित भवन्ति ।

चित्त समाधिवशानुग कृत्वा चित्तविशोधनि रश्मि निवृत्ता ॥रूपविशोधनि मुञ्चति रश्मीन् पश्यिय चिन्तिय रूपनरेन्द्रान् ।

रूपकशोधनि चित्रसमन्तात् स्तूपालंकरता प्रतिलब्धा ॥

शब्दविशोधनि मुञ्चति रश्मीन् शब्दाशब्दत शून्य विजानी ।

प्रत्यय जात प्रतिश्रुततुल्यं शब्दप्रकाशन रश्मि निवृत्ता ॥गन्धविशोधनि मुञ्चति रश्मीन् सर्व दुगन्ध सुगन्ध भवन्ती ।

गन्धवराग्र जनैर् जिनस्तूपान् स्नापनबोधिद्रुम प्रभाइषा ॥

[ bendall ed p342 ---> ]

ते रसशोधनि मुञ्चति रश्मीन् सद्विष निर्विष भोन्ति रसाग्राः ।

बुद्ध सश्रावकमातृपित्-र्णां सर्वरसाग्रप्रदान प्रभाइषां ॥स्पर्शविशोधनि मुञ्चति रश्मीन् कक्खट स्पर्श मृदू सुख भोन्ती ।

शक्तित्रिशूलासि [[दोउब्त्]] तोमरवर्षा माल्य मृदू पदुमोत्पल भोन्ती ॥दुष्यानेक मृदू सुखस्पर्शा संस्तरि मार्गि व्रजन्ति जिनानां ।

[ cambridge ms f154b ---> ]

पुष्पविलेपनचीवरसूक्ष्मा माल्यवितान प्रदान प्रभेयम् ॥धर्मविशोधनि मुञ्चति रश्मीन् सर्वत रोमत चिन्तिय धर्मान् ।

निश्चरतः श्रुणि लोकहितानां तोषयि सर्वधिमुक्तिजिनानाम् ॥प्रत्यय जाताजात स्वभावा धर्मशरीराजातशरीराः ।

धर्मत नित्यस्थिता गगनस्था सूचत धर्मविशोधनि लब्धा ॥रश्मि सुखाप्रमुखेति कृत्वाइकतु रोममुखात् तु ऋषीणां ।

निश्चरि गङ्गरजोपम रश्मी सर्वपृथग्विधकर्मप्रयोगाः ॥ते यथाइकत रोममुखातो ओसरि गङ्गरजोपम रश्मी ।

एवम् अशेषत सर्वतु रोमा देश समाधिविकुर्व ऋषीणां ॥येन गुणेन य रश्मि निवृत्ता तस्मि गुणेषु सहायक पूर्वे ।

तेषु तम् एव प्रमुञ्चति रश्मिं ज्ञानविकुर्वणाइष ऋषीणां ॥तेष य पुण्य सहायक पूर्वे यैर् अनुमोदित याचित येभिः ।

येभि च दृष्ट शुभोपचितं वा ते इम रश्मि प्रजानति तेषां ॥ये च शुभोपचिताः कृतपुण्याः पूजित येभि पुनः पुनः बुद्धाः ।

अर्थिक छन्दिक बुद्धगुणेभिः चोदन तेष करोतिय रश्मिः ॥

[ bendall ed p343 ---> ]

सूर्य यथा जात्यन्ध न पश्यी नो च स नास्ति उदेति स लोके ।

चक्षुसमेतोदागमु ज्ञात्वा सर्व प्रयुज्य

[ cambridge ms f343 ---> ]

स्वक स्वक धर्मे ॥

एवत रश्मि महापुरुषाणां अस्ति च ते इतरे च न पश्यी ।

मिथ्यहताधिमुक्तिविहीनाः दुर्लभ ते चोदारमतीनां ॥आभरणानि निपान विमानाः रत्न रसायन गन्धनुलेपाः ।

ते पि तु अस्ति महात्मजनस्य ते च सुदुर्लभ कृच्छ्रगतानां ॥एवत रश्मि महापुरुषाणां अस्ति च ते इतरे च न पश्यी ।

मिथ्यहताधिमुक्तिविहीनाः दुर्लभ ते चोदारमतीनां ॥यस्य् इमु [[दोउब्त्]] रश्मिप्रभेद श्रुणित्वा भेष्यन्ति श्रद्दधिमुक्ति [[दोउब्त्]] प्रसादः ।

तेन न काङ्क्ष न संशय कार्यो नाङ्ग न भेष्यि महागुणकेतुः ॥ते परिवारवियूहविकुर्वाग्रसमाध्यभिनिर्हरमाणाः ।

सर्वदशद्दिशि अप्रतिमानाः दर्शयि बुद्धसुताः परिवारं ॥ते त्रिसहस्रप्रमाणुविचित्रं पद्मम् अधिष्ठिहि रश्मिवियूहाः ।

कायपर्यङ्क परिस्फुटपद्मं दर्शयि एष समाधिविकुर्वा ॥ते दशक्षेत्ररजोपमान्ये पद्मम् अधिष्ठिहि संपरिवारं ।

सर्व परीवृत बुद्धसुतेभी ये च समाध्यसमाधिविहारी ॥ये परिपाचित तेन ऋषीणां सत्व निष्प-दित बुद्धगुणेषु ।

ते परिवारि अतं महपद्मं सर्वोदिक्षिषु प्राञ्जलिभूताः ॥

[ bendall ed p344 ---> ]

ते च समाहित बालशरीरे व्युत्थि-

[ cambridge ms f155b ---> ]

हि यौवनवेगस्थितेभ्यः ॥

यौवनवेगस्थितेषु समाहित व्युत्थिहि जीर्णक वृद्ध शरीराः ।

जीर्णकवृद्धशरीरि समाहित व्युत्थिहि श्रद्धोपासिककायात् ॥श्रद्धोपासिककायसमाहित व्युत्थिहि भिक्षुणिकायशरीरा ।

भिक्षुणिकाय शरीरि समाहित व्युत्थिहि भिक्षुबहुश्रुतकायाः ॥भिक्षुबहुश्रुतकाय समाहित व्युत्थिहि शैक्षाशैक्षशरीराः ।

शैक्षाशैक्षशरीरि समाहित व्युत्थिहि प्रत्ययबुद्धशरीरा ॥प्रत्यय बुद्ध शरीरि समाहित व्युत्थिहि बुद्धवराग्रशरीरा ।

बुद्धवराग्रशरीरि समाहित व्युत्थिहि देवतकाय शरीरा ॥देवतकायशरीरि समाहित व्युत्थिहि नागमहर्द्धिककायाः ।

नागमहर्द्धिककायसमाहित व्युत्थिहि यक्षमहर्द्धिककायाः ॥यक्षमहर्द्धिककायसमाहित व्युत्थिहि सर्वतभूतशरीराः ।

सर्वतभूतशरीरि समाहित व्युत्थिहि एकतुरोममुखातः ॥

एकतु रोममुखस्मि समाहित व्युत्थिहि सर्वत रोममुखेषु ।

सर्विषु रोममुखेषु समाहित व्युत्थिहि एकतु वालपथातः ॥एकतु वालपथस्मि समाहित व्युत्थिहि सर्वत वालपथेभ्यः ।

सर्विषु वालपथेषु समाहित व्युत्थिहि ते परमाणुरजातः ॥एकरजस्मि समाहित भूत्वा व्युत्थिहि सर्वरजेभ्याशेषम् ।

सर्वरजेषु समाहित भूत्वा व्युत्थिहि सागरवज्रतलातः ॥

[ bendall ed p345 ---> ]

सागरवज्रतलस्मि समाहित

[ cambridge ms f156a ---> ]

व्युत्थिहि ते मणिवृक्षफलेभ्यः ।

वृक्षफलेषु समाहित भूत्वा व्युत्थिहि रश्मिमुखेभि जिनानां ॥रश्मिमुखेषु जिनान समाहित व्युत्थिहि सागरतोयनदीभ्यः ।

सागरतोयनदीषु समाहित व्युत्थिहि तेजपथातु महात्मा ॥तेजपथस्मि समाहित भूत्वा व्युत्थिहि वायुपथानुस्मृतीमान् ।

वायुपथे तु समाहित भूत्वा व्युत्थिहि भूमितलानु महात्मा ॥

भूमितले तु समाहित भूत्वा व्युत्थिहि सर्वतु देवविमानात् ।

सर्वि तु देवबलान समाहित व्युत्थिहि ते गगनानुस्मृतीमान् ॥एति समाधि विमोक्षाचिन्त्यास् तेषाचिन्त्यगुणोपचितानां ।

कल्पाचिन्त्य प्रभाषियमाणाः सर्वजिनेभि न शक्य क्षयीतुम् ॥सर्वजिनेभि च भाषिताइते कर्मविपाकु जगस्याचिन्त्यो ।

नागविकुर्वित बुद्धविकुर्वा ध्यायिन ध्यानाचिन्त्य विकुर्वा ॥ते च वशे स्थिताष्ट विमोक्षाः श्रावकाइक भवीबहु भोन्ती ।

भूत्व बहुः पुनाइक भवित्वा ध्यायति प्रज्वलते गगनस्मिन् ॥ते हि महाकरुणाय विहीना बोधि अनर्थिकु लोकोपेक्षी ।

दर्शयि कायविकुर्वाचिन्त्या कस्य न दर्शयि लोक हिताइषी ॥चन्द्र स सूर्य नभे विचरन्तौ दर्शयि सर्वदिशि प्रतिभासं ।

उत्ससरोह्रदकूपतडा-

[ cambridge ms f156b ---> ]

गे भाजनरत्नसमुद्रनदीषु ॥

[ bendall ed p346 ---> ]

एवम् अचिन्तिय दर्शियि रूपं सर्वदशद्दिशि ते नरवीराः ।

सर्वसमाधिविमोक्षविधिज्ञा यत्र तथागत साक्षि स्वयंभूः ॥सागरदेव रुतावतिनामा यावत् सत्व समुद्र्य् उत्पन्ना ।

तेषु स्वराङ्गरुतेषु विधिज्ञा तोषयि सर्वरुतान् स्वरुतेन ॥सा हि सराग सदोष रुतावति सर्वरुते प्रतिघोष विधिज्ञा ।

धारणिधर्मबलं वशिप्राप्ता कः स न तोषि सदेवकलोकम् ॥मायकरो यथ विद्यविधिज्ञो दर्शयि रूप विचित्रानन्तान् ।

रात्रिदिवाइकमुहूर्तुकु मासान् वर्षशतं पुन स्फीतप्रदीप्तान् ॥मायकरो हि सरागु सदोषो तोषयि मायविकुर्वित लोकं ।

ध्यानाभिज्ञ विमोक्षसुशिक्षित कस्य न तोषयि चर्यविधिज्ञः ॥राहु यथेष य निर्मणि कायं कुर्वति वज्र पदे तलबन्धं ।

दर्शन सागरु नाभिप्रमाणं भोति सुमेरुतले सम शीर्षः ॥सो ऽपि सरागु सदोष समोहो राहु निदर्शयीदृश ऋद्धी ।

मारप्रमर्दन लोकप्रदीप कस्य न दर्शयि ऋद्धि अनन्ता ॥पश्याचिन्तिय शक्रविकुर्वा देवसुरेन्द्ररणस्मि प्रवृत्ते ।

यातुक बिम्बरनेकसुराणां तातुक निर्मणि शक्रु स्वकायान् ॥

[ bendall ed p347 ---> ]

सर्वसुरेन्द्रसुराश् च विजानी शक्रम ... पुरतो गत स्वायुम् ।एष गृह्येत वज्रधराणां संभ्रमु गच्छिसु सर्वसुरेन्द्राः ॥नेत्र सहस्र भयङ्कर दर्शी ज्वालप्रमुञ्चन वज्र गृहीतं ।

वर्मित काय दुरासद तेज शक्रम् उदीक्ष्य पलात्व् असुरेन्द्राः ॥ सो हितेत्वरपुण्यबलेना शक्र विकुर्वति देवजयार्थी ।

सर्वजगस्याशेषत त्राणां अक्षयपुण्य कुतो न विकुर्वी ॥ ...

वायुत संभुत मेघप्रवर्षी वायुत मेघ पुनः प्रसमेन्ती ।

वायुत सस्य विरोहति लोके वायु सुखावह सर्वजगस्य ॥

सो हि अशिक्षित पारमितासु बुद्धगुणेषु अशिक्षित वायुः ।

दर्शयि लोकविपाकाचिन्त्या कस्य न दर्शयि ते वरलब्धा ॥

इति शिक्षासमुच्चये रत्नत्रयानुस्मृतिनामाष्टादशः परिच्छेदः समाप्तः ॥

नवदशः परिच्छेदः ॥

अन्यो ऽपि पुण्यवृद्धये हेतुः कार्यः ।

यो ऽयं सर्वावस्थासु सत्वार्थः ॥यथा कथितं चार्यरत्नमेघे ।

स तथागतचैत्ये वा तथागतविग्रहे वा पुष्पं वा धूपं वा गन्धं वा ददत् सर्वसत्वानां दौःशील्यदौर्गन्ध्यमलापनयनाय तथागतशीलप्रतिलम्भाय च परिणामयति ।

स सन्मार्जनोपलेपनं कुर्वन् सर्वसत्वानाम् अप्रासादिकेर्यापथविगमाय ।

प्रासादिकेर्यापथसंपदे च परिणामयति ।

स पुष्पच्छत्रम् आरोपयन् सर्वसत्वानां सर्वक्लेशपरिदाहविगमाय परिणामयति ।

स विहारं प्रविशन्न् एवं चित्तम् उत्पादयति ।

[ cambridge ms f158a ---> ]

सर्वसत्वान् निर्वाणपुरं प्रवेशयेयं ।

स निष्क्रमन्न् एवं चित्तम् उत्पादयति ।

सर्वसत्वान् संसारचारकान् निष्क्रामयेयं ।

स लभनद्वारम् उद्घाटयन्न् एवं चित्तम् उत्पादयति ।

सर्वसत्वानां लोकोत्तरेण ज्ञानेन निर्वाणसुगतिद्वारम् उद्घाटयेयं ।

स पिथद् एवं चित्तम् उत्पादयति ।

सर्वसत्वानां सर्वापायद्वाराणि पिदध्यां ।

स निषीदन्न् एवं*चित्तम् उत्पादयति ।

सर्वसत्वान् बोधिमण्डे निषादयेयं ।

स दक्षिणेन पार्श्वेन शय्यां कल्पयन्न् एवं चित्तम् उत्पादयति ।

सर्वसत्वान् एव परिनिर्वापयेयं ।

स ततो व्युत्तिष्ठन्न् एवं चित्तम् उत्पादयति ।

सर्वसत्वान् व्युत्थापयेयं सर्वक्लेशपर्युत्थानेभ्यः ।

स शरीरगत्या गच्छन्न् एवं चित्तम् उत्पादयति ।

सर्वसत्वा महापुरुषगत्या गच्छन्तु ।

स तत्रोपविष्टए एवं चित्तम् उत्पादयति ।

सर्वसत्वा निःशल्यक्रिया यद् उत रागद्वेषमोहेभ्यः ।

स शौचं कुर्वन्न् एवं चित्तम् उत्पादयति ।

सर्वसत्वानां क्लेशमलात् प्रक्षालयेयं ।स हस्तौ प्रक्षालयन्न् एवं चित्तम् उत्पादयति ।

सर्वसत्वानां सर्वक्लेश-

[ bendall ed p349 ---> ]

वासनाम् अपनयेयं ।स पादौ प्रक्षालयन्न् एवं चित्तम् उत्पादयति सर्वसत्वानाम् अनेकप्रकाराणि क्लेशरजांस्य् अपनयेयं ।मुखं प्रक्षालयन्न् एवं चित्तम् उत्पादयति ।

सर्वसत्वानां सर्वधर्ममुखानि परिशोधयेयं ।

स दन्तकाष्ठं भक्षयन्न् एवं चित्तम् उत्पादयति ।

सर्वसत्वानां नानाविधान् क्लेशमलान् अपनयेयं ।

सर्वां कायावस्थां सर्वसत्वहितसुखाय परिणामयति ।

तथागतचैत्यं वन्दमानाइवं चित्तम् उत्पादयति ।

सर्वसत्वा वन्दनीया भवन्तु सदेवकस्य लोकस्येति ॥अथवा यथार्यप्रज्ञापारमितायां ।

पुनर् अपरं शारिपुत्र व्याडकान्तारमध्यगतेन बोधिसत्वेन महासत्वेन नोत्त्रसितव्यं न संत्रसितव्यम् न संत्रासम् आपत्तव्यम् ।

तत् कस्माद् धेतोः ।

तथा हि तेन सर्वं परित्यक्तं सर्वसत्वानाम् अर्थाय ।

तेनाइवं चित्तम् उत्पादयितव्यम् ।सचेन् मां व्याडा भक्षयेयुस् तेभ्याइव तद् दानं दत्तं भवतु ।

मम च दानपारमितापरिपूरिर् भविष्यति ।

अभ्यासन्ना च भविष्यति ।

तथा च करिष्यामि यथा मे ऽनुत्तरां सम्यक्संबो-

[ cambridge ms f158b ---> ]

धिम् अभिसम्बुद्धस्य सतस् तत्र बुद्धक्षेत्रे तिर्यग्योनिगताः सत्वाः सर्वेण सर्वं न भविष्यन्ति न प्रज्ञास्यन्ते ॥चोरकान्तारमध्यगतेन शारिपुत्र बोधिसत्वेन महासत्वेन नोत्त्रसितव्यं न संत्रसितव्यं न संत्रासम् आपत्तव्यं ।तत् कस्माद् धेतोः ।

सर्वस्वपरित्यागकुशला हि ते बोधिसत्वा महासत्वोत्सृष्टकायेनापि च बोधिसत्वेन भवितव्यं परित्यक्तपरिष्कारोपकरणेन च ।

तेनाइवं चित्तम् उत्पादयितव्यं ।ते चेन् मे सत्वाः परिष्कारोपकरणानि हरन्ति तेभ्याइवाइतद् दानं दत्तं भवतु ।

सचेन् मां केचिज् जीविताद् व्यपरोपयेयुः तत्र मया न द्वेषो न क्रोधोत्पादयितव्यः ।

तेषाम् अपि मया न कायेन न वचसा न मनसापराद्धव्यं ।

एवं च मे तस्मिन् समये दानपारमिता च शीलपारमिता च क्षान्तिपारमिता च परिपूरिं गमिष्यति ।

अनुत्तरा च मे सम्यक्संबोधिर् अभ्यासन्ना भविष्यति ।

तथा च करिष्यामि तथा प्रतिपत्स्ये यथा मे ऽनुत्तरां सम्यक्संबोधिम् अभिसंबुद्धस्य सतस् तत्र बुद्धक्षेत्रे ।

एते चान्ये च दोषाः सर्वेण सर्वं सर्वथा सर्वं न भविष्यन्ति न प्रज्ञास्यन्ते ॥पानीयकान्तारमध्यगतेन शारिपुत्र बोधिसत्वे-

[ cambridge ms f159a ---> ]

न महास-

[ bendall ed p350 ---> ]

त्वेन नोत्त्रसितव्यं न संत्रसितव्यं न संत्रासम् आपत्तव्यं ।तत् कस्माद् धेतोः ।

असंत्रस्तधर्माणो हि बोधिसत्वा महासत्वा भवन्ति ।

एवं चानेन चित्तम् उत्पादयितव्यं ।

सर्वसत्वानां मया सर्वतृष्णच्छेदाय शिक्षितव्यं ।

न बोधिसत्वेन महासत्वेन संत्रासम् आपत्तव्यं ।सचेद् अहं तृष्णया कालं करिष्यामि ।

अपि तु खलु पुनः सत्वानाम् अन्तिके महाकरुणाचित्तम् उत्पादयिष्यामि ।

अहो वताल्पपुण्यामी सत्वा यद् एतेषां लोके एवंरूपाणि पानीयकान्ताराणि प्रज्ञायन्ते ।

तथा पुनर् अहं करिष्यामि तथा प्रतिपत्स्ये यथा मे ऽनुत्तरां सम्यक्संबोधिम् अभिसंबुद्धस्य सतस् तत्र बुद्धक्षेत्रे सर्वेण सर्वं सर्वथा सर्वं पानीयकान्ताराणि न प्रज्ञास्यन्ते ।

तथा च सर्वसत्वान् पुण्यैः संयोजयिष्यामि यथाष्टाङ्गोपेतपानीयलाभिनो भविष्यन्ति ।

तथा दृढं वीर्यम् आरप्स्ये सर्वसत्वानां कृतशो यथा वीर्यपारमिता तस्मिन् समये परिपूरिं गमिष्यन्ति ॥पुनर् अपरं शारिपुत्र बुभुक्षाकान्तारमध्यगतेन बोधिसत्वेन महासत्वेन नोत्त्रसितव्यं न संत्रसितव्यं न संत्रासम् आपत्तव्यं ।

एवं चानेन संनाहः संनद्धव्यः ।

तथा दृढं वीर्यम् आरप्स्ये तथा च स्वं बु-

[ cambridge ms f159b ---> ]

द्धक्षेत्रं परिशोधयिष्यामि यथा मे ऽनुत्तरां सम्यक्संबोधिम् अभिसंबुद्धस्य सतस् तत्र बुद्धक्षेत्रे सर्वेण सर्वं सर्वथा सर्वं एवंरूपाणि बुभुक्षाकान्ताराणि न भविष्यन्ति न प्रज्ञास्यन्ते ।

सुखिताइव ते सत्वा भविष्यन्ति सुखसमङ्गिनः ।

सर्वसुखसमर्पितास् तथा च करिष्यामि यथा तेषां सत्वानां यो याइवाभिप्रायो भविष्यति यद् यद् एवाकाङ्क्षिष्यन्ति मनसा तत् तद् एव प्रादुर्भविष्यति ।

तद् यथापि नाम देवानां त्रायस्त्रिंशानां मनसा सर्वं प्रादुर्भवति मनसा सर्वम् उत्पद्यते ।

तथा दृढं वीर्यम् आरप्स्ये यथा तेषां सत्वानां धार्मिकाभिप्रायाः परिपूरिं गमिष्यन्ति ।

अवैकल्यं च जीवितपरिष्कारैः सर्वसत्वानां भविष्यति सर्वेषां सर्वतः सर्वदेति ॥एवम् अयं ... सर्वावस्थासु सत्वार्थः ... पुण्यवृर्धिहेतुः ।

विस्तरतस् त्व् आर्यगोचरपरिशुद्धिसूत्रे द्रष्टव्यः ॥

किं च ।

... धर्मदानं निरामिषं ।

पुण्यवृद्धिनिमित्तं भवति ॥

[ bendall ed p351 ---> ]

यथोक्तम् आर्याध्याशयसंचोदनसूत्रे ।

विंशतिर् इमे मैत्रेयानुशंसा निरामिषदाने ।

यो लाभसत्कारम् अप्रतिकाङ्क्षन् धर्मदानं ददामि ।

कतमे विंशतिः ।

यद् उत ।

स्मृतिमांश् च भवति मतिमांश् च भवति बुद्धिमांश् च भवति गतिमांश् च भवति धृतिमांश् च भवति प्रज्ञावांश् च भवति ।

[ cambridge ms f160a ---> ]

लोकोत्तरां च प्रज्ञाम् अनुविध्यति ।

अल्परागो भवति ।

अल्पद्वेषो ऽल्पमोहः ।

मारश् चास्यावतारं न लभते ।

बुद्धैर् भगवद्भिः समन्वाह्रियते ।

अमनुष्याश् चाइनं रक्षन्ति ।

देवाश् चास्याउजः काये प्रक्स्.इपन्ति ।

अमित्राश् चास्यावतारं न लभन्ते ।

मित्राणि चास्याभेद्यानि भवन्ति ।

आदेयवचनश् च भवति ।

वैशारद्यांश् च प्रतिलभते ।

सौमनस्यबहुलश् च भवति विद्वत्प्रशस्तश् च ।

अनुस्मरणीयं चास्य तद् धर्मदानं भवति ।

इमे मैत्रेय विंशतिर् अनुशंसेति ॥आर्यप्रज्ञापारमितायां त्व् आह ।

सचेत् त्वम् आनन्द श्रावकयानिकानां पुद्गलानां श्रावकभूमौ धर्मं देशेयः ।

तस्यां च धर्मदेशनायां ये त्रिसाहस्रमहासाहस्रे लोकधातौ सत्वास् ते सर्वे ऽर्हत्वं साक्षात् कुर्युस् तद् अद्यापि त्वया मे श्रावकेण श्रावककृत्यं न कृतं स्यात् ।

सचेत् पुनः त्वम् आनन्द बोधिसत्वस्य महासत्वस्याइकम् अपि प्रज्ञापारमिताप्रतिसंयुक्तं पदं देशयेः प्रकाशयेर् एवम् अहं त्वया श्रावकेणाराधितः स्यां ।

तया च पूर्विकया धर्मदेशनया ये त्रिसाहस्रमहासाहस्रे लोकधातौ सत्वास् ते सर्वे ऽर्हत्वं प्राप्नुयुस् तेषां चार्हतां यद् दानमयं पुण्यक्रियावस्तु शीलम-

[ cambridge ms f160b ---> ]

यं पुण्यक्रियावस्तु भावनामयं पुण्यक्रियावस्तु ।

तत् किं मन्यसे आनन्दापि तु स बहु पुण्यस्कन्धः ।

आह ।

बहु भगवन् बहु सुगत ।

भगवान् आह ।

अतः सानन्द श्रावकयानिकपुद्गलो बहुतरं पुण्यस्कन्धं प्रसवति यो बोधिसत्वानां महासत्वानां प्रज्ञापारमिताप्रतिसंयुक्तं धर्मं देशयति ।

अतो ऽप्य् आनन्द बहुतरं पुण्यस्कन्धं प्रसवति यो बोधिसत्वो महासत्वो ऽपरस्य बोधिसत्वस्य प्रज्ञापारमिताप्रतिसंयुक्तं धर्मं देशयति ।

अन्तशाइक-

[ bendall ed p352 ---> ] divasam api |

तिष्ठत्व् आनन्दाइकदिवसः ।

अन्तशः प्राग्भक्तम् अपि ।

तिष्ठत्व् आनन्द प्राग्भक्तं ।

अन्तशाइकनालिकाम् अपि ।

यावद् अन्तशाइकक्षणसंनिपातम् अपि ।

पेयालं ॥

इदम् आनन्द तस्य बोधिसत्वस्य महासत्वस्य धर्मदानं सर्वश्रावकयानिकानाम् अपि सर्वप्रत्येकबुद्धयानिकानां च पुद्गलानां कुशलमूलम् अभिभवति ।

एवं कुशलमूलसमन्वागतो बोधिसत्वो महासत्वः ।

एवं कुशलमूलं समन्वाहरन्न् अस्थानम् आनन्दानवकाशो यत् स बोधिसत्वो महासत्वो विवर्तेतानुत्तरायाः सम्यक्संबोधेः ।

नाइतत् स्थानं विद्यतए इति ॥कथं धर्मदानं दातव्यं ।

यथार्यसद्धर्मपुण्डरीके ऽभिहितं । कालेन चो चिन्तयमा-

[ cambridge ms f161a ---> ]

नु पण्डितः प्रविश्य लयनं तथ घट्टयित्वा ।

विपश्य धर्मं इमि सर्व योनिशो उत्थाय देशेतालीनचित्तः ॥सुखस्थितो भोति सदा विचक्षणो सुखं निषण्णस् तथ धर्म भासते ।

उदारप्रज्ञप्त करित्वासनं चौक्षे मनोज्ञे पृथिवीप्रदेशे ॥चौक्षं च सो चीवर प्रावरित्वा सुरक्तरङ्गं च प्रसन्नरङ्गैः ।

आसेवकं कृष्ण तथा ददित्वा महाप्रमाणं च निवासयित्वा ॥

[ bendall ed p353 ---> ]

सपादपीठस्मि निषद्यासने विचित्रदुष्येहि सुसंस्तृतस्मिन् ।

सुधौतपादश् चोपारुहित्वा स्निग्धेन शीर्षेण मुखेन चापि ॥धर्मासने तत्र निषीदियानः एकाग्र सत्वेषु समं विपश्यन् ।

उपसंहरेच् चित्रकथा बहूश् च भिक्षूनश् चो भिक्षुनिकास् तथाइव ॥किलासिताश् चापि विवर्जयीत न चापि उत्पादयि खेदसंज्ञां ।

अरतिं च सर्वां विजहीत पण्डितः मैत्रीबलं पर्षदि भावयेच् च ॥भाषेच् च रात्रिंदिवम् अग्रधर्मान् दृष्टान्तकोटीनियुतैः स पण्डितः ।

संहर्षयेत् तां च तथाइव तोषयेत् न चापि किञ्चित् तत्र जातु प्रार्थयेत् ॥ख्ōüद्यं च भोज्यं च तथान्नप्ōüनं वस्त्र्ōüणि शय्यासनचीवर्ōüणि ।

गिलानभैषज्य न चिन्तयेत् सः न विज्ञपे-

[ cambridge ms f161b ---> ]

त् पर्षदि किञ्चिद् अन्यत् ॥

[ bendall ed p354 ---> ]

अन्यत्र चिन्तेय सदा विचक्षणः भवेय बुद्धो ऽहम् इमे च सत्वा ।

एतच् च मे सर्वसुखोपधानं यं धर्म श्रावेमि हिताय लोके ॥अत्राइवाह ॥

न कस्यचिद् अन्तशो धर्मप्रेम्णाप्य् अधिकतरम् अनुग्रहं करोति ॥

आर्यचन्द्रप्रदीपसूत्रे ऽप्य् आह ।

अध्येषयेयुर् यदि त्वां ते धर्मदानस्य कारणात् ।

प्रथमं वाच भाषेया नाहं वैतुल्यशिक्षितः ॥

एवं त्वं*वाच भाषेया युष्मे वा विज्ञपण्डिताः ।

कथं महात्मनां शक्यं पुरतो भाषितुं मया ॥

सहसाइषां न जल्पेत तुलयित्वा तु भाजनं ।

यदि भाजनं विजानीयाः अनधीष्टो ऽपि देशयेः ॥

यदि दुःशीलान् पश्येसि परिषायां बहून् स्थितान् ।

संलेखं मा प्रभाषे त्वं वर्णं दानस्य कीर्तयेः ॥

भवेयुर् यदि चाल्पेच्छाः शुद्धाः शीले प्रतिष्ठिताः ।

मैत्रं चित्तं जनित्वा त्वं कुर्याः संलेखिकीं कथाम् ॥

[ bendall ed p355 ---> ]

परीत्ता यदि पापेच्छाः शीलवन्तो ऽत्र विस्तराः ।

लब्धपक्षस् तदा भूत्वा वर्णं शीलस्य कीर्तयेः ।

इति ॥उक्तं चार्यसागरमतिसूत्रे ।

तद् यथा ।

समे ।

समवति ।

शमितशत्रु ।

अङ्कुरे ।

मङ्कुरे ।

मारजिते ।

कराडे ।

केयूरे ।

ओघवति ।

ओहोकयति ।

विशठनिर्मले ।

मलापनये ।

ओखरे ।

खरोग्रसे ।

[ cambridge ms f162a ---> ]

ग्रसने ।

हेमुखी ।

पराङ्मुखी ।

आमुखी ।

शमितानि सर्वग्रहबन्धनानि ।

निगृहीताः सर्वपरप्रवादिनः ।

विमुक्ता मारपाशाः ।

स्थापिता बुद्धमुद्राः समुद्घातिताः सर्वमाराः ।

अचलितपदपरिशुद्ध्या विगच्छन्ति सर्वमारकर्माणि ॥

इमानि सागरमते मन्त्रपदानि धर्मभाणकेन सुप्रवृत्तानि कृत्वा धर्मासनकेन सुप्रवृत्तानि कृत्वा धर्मासननिषण्णेन सर्वां पर्षदं बोध्याकाराभिनिर्हृतया मैत्र्या स्फरित्वा ।

आत्मनि वैद्यसंज्ञाम् उत्पाद्य धर्मे भैषज्यसंज्ञां धर्मश्रवणिकेष्व् आतुरसंज्ञां तथागते सत्पुरुषसंज्ञां धर्मनेत्र्यां चिरस्थितिकसंज्ञाम् उत्पाद्येमानि मन्त्रपदान्य् आमुखीकृत्य धर्मसंकथा करणीया ।

तस्य समन्ताद् यो जनशते न मारो न मारकायिका वा देवतोपसंक्रमयिष्यन्ति विचक्षुःकरणे ।

ये ऽप्य् एनम् उपसंक्रमिष्यन्ति ते ऽप्य् अस्य न शक्ष्यन्त्य् अन्तरायं कर्तुम् इति ॥अत्राइवाह ।

धर्मभाणकेन चौक्षेण शुचिसमुदाचारेण सुस्नातेन शुचिनिवासितेन भवितव्यम् इति ॥एवं धर्मदानं ॥

[ bendall ed p356 ---> ]

बोधिचित्तं च पुण्यस्य वृद्धिहेतुः समासतः ॥यथोक्तम् आर्यरत्नकरण्डकसूत्रे ।

तद् यथापि नाम मञ्जुश्रीर् नानागन्धवृक्षाश् च चतुर्धातुसंगृहीता विवर्धन्ते ।

एवम् एव मञ्जुश्रीर् नानासंभारोपचितं बोधिसत्वस्य कुशलमूलं ।

बोधिचित्तसंगृहीतं सर्वज्ञतापरिणामितं विवर्धतए ।

इति ॥एषादिकादिक-

[ cambridge ms f162b ---> ]

र्मिकाणां सहसा बोधिसत्वशिक्षा स्मरणार्थम् उपदर्शिता ।

विस्तरतस् तु बुद्धविषयाइव ॥अत्र चास्या यथोक्तायाः शिक्षायाः ।

सिद्धिः सम्यक्प्रहाणानाम् अप्रमादावियोजनात् ।

स्मृत्याथ संप्रजन्येन योनिशश् चिन्तनेन च ॥तत्रानुत्पन्नानां पापकानाम् अकुशलानां धर्माणाम् अनुत्पादायाइव छन्दं जनयति व्यायच्छति वीर्यम् आरभते चित्तं प्रगृह्णाति सम्यक्प्रणिदधातीत्य् अनेन रक्षा ॥उत्पन्नानां च प्रहाणाय छन्दं जनयतीत्य् अनेन शुद्धिः ।

अनुत्पन्नानां कुशलानां धर्माणाम् उत्पादाय छन्दं जनयति ।

यावद् उत्पन्नानां च स्थितये भूयोभावाय छन्दं जनयतीत्य् आदि ।

अनेन वृद्धिः ।

एतानि च नित्यम् अप्रमादाधिष्ठितानि कार्याणि सर्वकुशलमूलानां तन्मूलत्वात् ॥यथोक्तम् आर्यचन्द्रप्रदीपसूत्रे ।

यावन्त धर्माः कुशलाः प्रकीर्तिताः शीलश्रुतं त्यागु तथाइव क्षान्तिः ।

सर्वेषु मूलं ह्य् अयम् अप्रमादो निधानलम्भः सुगतेन देशित ।

इति ॥

को ऽयम् अप्रमादो नाम ।

इष्टविघातानिष्टागमशङ्कापूर्वकं प्रतिकारतात्पर्यं ।

तद् यथा तीव्रकोपप्रसादस्य राज्ञो भैषज्यतैलपरिपूर्णभाजनं गृहीत्वा पिच्छिल-

[ cambridge ms f163a ---> ]

संक्रमेण भृत्यस्य

[ bendall ed p357 ---> ]

गच्छतः ॥उक्तं ह्य् आर्यतथागतगुह्यसूत्रे ।तत्र कतमो ऽप्रमादो ।यद् इन्द्रियसंवरः ।

स चक्षुषा रूपाणि दृष्ट्वा न निमित्तग्राही भवति ।

नानुव्यञ्जनग्राही ।

एवं यावन् मनसा धर्मान् विज्ञाय न निमित्तग्राही भवति ।

नानुव्यञ्जनग्राही ।

सर्वधर्मेष्व् आस्वादं चादीनवं च निःशरणं च यथाभूतं प्रजानाति ।

अयम् उच्यते ऽप्रमादः ॥पुनर् अपरम् अप्रमादो यत् स्वचित्तस्य दमनं परचित्तस्यारक्षा क्लेशरतेर् अपरिकर्मणा धर्मरतेर् अनुवर्तनं यावद् अयम् उच्यते ऽप्रमादः ।

यस्य गुह्यकाधिपते श्रद्धा चाप्रमादश् च तस्यानुलोमिकेन वीर्येण कार्यं ।

येन तान् अप्रमादकारणान् श्रद्धाकारणांश् च धर्मान् समुदानयति ।

यस्य गुह्यकाधिपते श्रद्धा चाप्रमादश् च वीर्यं च तेन स्मृतिसंप्रजन्ये योगः करणीयः ।

येन स्मृतिसंप्रजन्येन सर्वान् बोधिपक्षान् धर्मान् न विप्रणाशयति ।

यस्य गुह्यकाधिपते श्रद्धा चाप्रमादश् च वीर्यं च स्मृतिसंप्रजन्यं च तेन योनिशः प्रयोगे योगः करणीयः ।

योनिशः प्रयुक्तो हि गुह्यकाधिपते बोधिसत्वो यद् अस्ति तद् अस्तीति प्रजानाति ।

यन् नास्ति तन् नास्तीति प्रजानाति ।

यावद् अस्ति संवृत्या चक्षुर् इत्य् आदि ॥तथा अत्राइवाह ।

सदाप्रमादो ह्य् अमृतस्य मूलं सत्वार्थयु-

[ cambridge ms f163b ---> ]

क्तस्य च बोधिचित्तं ।

यद् योनिशश् चाइव विवेकचित्तम् अपरिग्रहः सर्वसुखस्य मूलम् इति ॥आह च ।

परात्मसमताभ्यासाद् बोधिचित्तं दृढीभवेत् ।

आपेक्षिकं परात्मत्वं पारावारं यथामृषा ॥

[ bendall ed p358 ---> ]

तत्कूलं न स्वतः पारं किम् अपेक्ष्यास्त्व् अपारता ।

आत्मत्वं न स्वतः सिद्धं किम् अपेक्ष्य परो भवेत् ॥तद्दुष्खेन न मे बाधेत्य् अतो यदि न रक्षसि ।

नागामिकायदुष्खात् ते बाधा तत् केन रक्षसि ॥अहम् एव तदापीति मिथ्येयं परिकल्पना ।

अन्याइव मृतो यस्माद् अन्यस् तत्र प्रजायते ॥अन्यश् चेज् जायते तत्र किं पुण्येन प्रयोजनं ।

यूनः किं वृद्धकायस्य सुखाय धनसंचयैः ॥मृते गर्भगते तावद् अन्यो बालः प्रजायते ।

मृते बाल्ये कुमारत्वं तन्नाशायागतो युवा ॥

तन्नाशाच् चागतो वृद्धः ।

एकः कायः कथं मतः ।

एवं प्रतिक्षणं चान्यः कायः केशनखादिवत् ॥

अथ बाल्यापरित्यागाद् बालो याति कुमारतां ।

कायस्वभावो वक्तव्यो यो ऽवस्थारहितः स्थितः ।

कायश् चेत् प्रतिमाकारः पेसीभस्मसु नास्ति सः ॥सूक्ष्मभावेन चेत् तत्र स्थौल्यं त्यक्त्वा व्यवस्थितः ।

अनिर्देश्यः स्वतः प्राप्तः ।

कायेत्य् उच्यते न सः ॥तत्र चिन्ताइव मे नास्ति दृश्यकायस् तु नाशवान् ।

अवस्थाभिश् च संबन्धः संवृत्या चाइव दृश्यते ॥

[ bendall ed p359 ---> ]

आग-

[ cambridge ms f164a ---> ]

माच् च तद् अस्तित्वं युक्त्यागमनिवारितम् ।

न गुणव्यतिरेकेण प्रधानं विद्यते यतः ॥न च त्रीणि प्रधानानि तथा सत्ता गुणापि ।

प्रत्येकं त्र्यात्मकास् ते ऽपि शेषं नाइकविधं जगत् ॥अचेतनं च वस्त्रादि तत्सुखाद्यात्मकं कथम् ।

सुखादेर् न पट्टोत्पत्तिः पट्टादेस् तु सुखादयः ।

पट्टादीनाम् अहेतुत्वाद् अभावस् तत्सुखं कुतः ॥तस्माद् आगमयुक्तिभ्यां अनित्यं सर्वसंस्कृतं ।तद् धेतुफलसंबन्धः प्रत्यक्षत्वान् न साध्यते ॥स्वसंताने च दृष्टो ऽसौ नित्येषु च कथं यथा ।

परम् अणुस् [[दोउब्त्]] तु नाइको ऽस्ति दिग्भेदानुपपत्तितः ॥दीपतैलं क्षयं याति क्षीयमानं न लक्ष्यते ।

एवं भावा न लक्ष्यन्ते क्षीयमानाः प्रतिक्षणं ॥संतानः समुद्ōüयश् च पङ्क्तिसेनादिवन् मृष्ōü ।

तत्राभ्यासाद् अहंकारः परस्मिन् किं न जायते ॥

[ bendall ed p360 ---> ]

तस्माद् एवं जगत् ज्ञेयं यथायतनसंचयः ।

अप्राप्तम् एव तद् दुष्खं प्रतिकार्यं परात्मनोः ॥अयुक्तम् अपि चेद् एतत् स्वात्मन्य् अस्तीतरत्र न ।

यद् अयुक्तं निवर्त्यं तत् स्वम् अन्यद् वा यथाबलं ॥कृपया बहु दुष्खं चेत् कस्माद् उत्पाद्यते बलात् ।

जगद्दुष्खं निरूप्येदं कृपादुष्खं कथं बहु ॥एवं भावितसंतानाः परदुष्खसमप्रियाः ।

अवीचीम् अवगाहन्ते हंसाः पद्मवनं यथा ॥सत्वेषु मुच्यमानेषु ये ते प्रामोद्यसागराः ।

तैर् एव ननु पर्याप्तं मोक्षेणाप्य् अरसेन किम् ॥

एवं परार्थं कृत्वापि न मदो न च विस्मयः ।

न विपाकफलाकाङ्क्षा परार्थाइकान्ततृष्णया [[दोउब्त्]] ॥दशदिक्सत्वसंपत्तिर् आत्मी-

[ cambridge ms f164b ---> ]

यास्य न संशयः ।

नास्त्य् एर्ष्यावकाशो ऽपि परसौख्ये स्वसंज्ञया ॥

[ bendall ed p361 ---> ]

परेषाम् आत्मनो वापि सामान्या पापदेशना ।

पुण्यानुमोदना चाइवं बुद्धाध्येषणयाचनं ॥

परिणामनम् अप्य् एवं निर्विशेषं प्रवर्तते ।

पुण्यं प्रवर्तते तस्माद् अनन्तं सत्वधातुवत् ॥अयं स मार्गप्रवरः क्षेमानन्तसुखोत्सवः ।

बोधिसत्वमहासार्थ कलिलप्रीतिवर्धनः ॥

पाल्यमानश् च सततं वज्रपाण्यातियान्त्रिकैः ।

मारगुल्मिकसंत्रासजननैर् बुद्धकिंकरैः ॥संबुद्धराजतनया बोधिचित्तरथस्थिताः ।

वहन्ते तेन मार्गेण स्तूयमानाः सुरादिभिः ॥

तस्माद् आत्मत्वम् आरोप्य सत्वेष्व् अभ्यासयोगतः ।

परात्मदुष्खशान्त्यर्थम् आत्मादीन् सर्वथोत्सृजेत् ॥तृष्णा परिग्रहो यस्य तस्य दुष्खं न शाम्यति ।

परिणामविनाशित्वात् स दुष्खजनको यतः ॥लोके दुष्खाग्नितप्ते च का रतिः सुसुखे भवेत् ।

समन्ताद् दह्यमानस्य नखादाहे ऽपि किं सुखम् ॥आत्मतृष्णा च सर्वेषां दुष्खाणां मूलम् उत्तमं ।

तस्मान् निहन्मि ताम् एव सत्वेभ्यः स्वार्थम् उत्सृजन् ॥

[ bendall ed p362 ---> ]

तद् अग्रदूती ज्ञातेच्छा जेतव्या सर्वयत्नतः ।

आत्मतत्वस्मृतिं कृत्वा प्रतीत्योत्पादचिन्तया ॥यद् भयान् नोत्सृजाम्य् एतत् तद् एवाददतो भयं ।

प्रतिक्षणं हि यात्य् एव कायश् चित्तं च मे यतः ॥यदि नि-

[ cambridge ms f165a ---> ]

त्याप्य् अनित्येन निर्मला मलवाहिना ।

बोधिः कायेन लभ्येत ननु लब्धा मयाइव सा ॥एवम् आत्मानम् उत्सृज्य सर्वसत्वार्थम् आचरेत् ।

भैषज्यप्रतिमाकल्पो लोकधर्मेष्व् अचिन्तकः ॥सर्वसत्वार्थमन्त्रित्वे स्वप्रज्ञां विनियोजयेत् ।

युक्त्या संरक्ष्य तु द्रव्यं सत्वेषु वोपयोजयेत् ॥स्वकाये परकाये वा यद् दुष्खं नेह दुष्खकृत् ।

सत्वानां भोगविघ्नत्वात् क्लेशाः शोध्याः प्रयत्नतः ।

लोकोपजीव्यात् सत्तीर्थाद् [[दोउब्त्]] भुजङ्गकुणपेव ॥पुण्यक्षेत्रम् इदं शुद्धं संपत्सस्यमहाफलं ।

सुखदुर्भिक्षसंतप्तं जगत् संतर्पयिष्यति ॥लाभसत्कारकायादि त्यक्तं ननुजने [[दोउब्त्]] मया ।

कोपः कस्यार्थम् अद्यापि मृषा वा तन् मयोदितम् ॥स्वार्थघ्नेषु यदि द्वेषः कृपा कुत्र भविष्यति ।

निर्दयस्यापि कः कोपः परार्थो यदि नश्यति ॥

[ bendall ed p363 ---> ]

आक्रोशादिक्षमाः सत्यम् इक्षुकस् तूरिकादयः ।

स्वाम्य्-असनेन दुर्न्यस्ता नोपभोग्या भवन्ति ते ॥चिन्तयति प्रतीकारं न च स्वामिहितेच्छया ।

नापि संचोदयत्य् एनं भोगार्थं नोपयाति च ॥अनुस्मृत्योपस्मृत्याइतान् अकृष्टोप्ता जिनात्मजाः ।

नानाविषयधातूनां सार्वेन्द्रियमहागदान् ॥विज्ञप्य स्मारयित्वाइतान् क्रुद्धान् अप्य् उपकारिणः

[ cambridge ms f165b ---> ]

स्वभावात्यक्तमाधुर्याः सुखयन्त्य् एव दुष्खितान् ॥

धातवः पञ्च भूवारितेजो ऽनिलखसंज्ञिताः ।

यावत् सत्वाः स्थितास् तावत् सर्वेषाम् अर्थकारिणः ॥सर्वदुश्चरितेनाइषां सत्वार्थाद् विनिवर्तनं ।

एवम् एतान् करोम्य् एष धातून् षड् अपि निर्व्यथान् ॥यावद् आकाशनिष्टस्य निष्ठा लोकस्य संभवेत् ।

तावत् स्थास्यामि लोकार्थं कुर्वन् ज्ञानपुरःसरः ॥आत्माचार्यो ऽनुशियष्याद् धि सदात्मानं सुशिष्यवत् ।

अपृष्ट्वा चात्मनात्मानं बलेनारक्षितक्रियः ॥

[ bendall ed p364 ---> ]

काइव मम दुष्खेन दुष्खी स्यान् मे भयाद् भयी ।

तद्दोषानुशयज्ञो वा यथात्मगुरुर् आत्मनः ॥अविराग्य्- अपलायी च करुणाविषयो ऽपि वा ।

नित्यसंनिहितश् चापि शिष्यात्मसमः कुतः ॥क्लेशोन्मत्तो ऽथ मोहान्धः प्रपातबहुले पथि ।

स्खलन् पदे पदे शोच्यः परात्मा च सर्वदा ॥स्खलितान्वेषणं तस्मात् समानव्यसनाज् जनात् ।

न युक्तं युज्यते त्व् अत्र गुणान् दृष्ट्वाद्भुतं महत् ॥नाइकेन शक्यम् आदातुं मया दोषमहोदधिः ।

कृत्यम् अन्यैर् ममाइवात्र को ऽन्यदोषेषु मेक्षणः ॥परचोदनदक्षाणाम् अनधीष्टोपकारिणां ।

वाक्यं मूर्ध्ना प्रतीच्छामि सर्वशिष्यो भवाम्य् अहं ॥संग्रामो हि ममाइकस्य बहुभिः क्लेशशत्रुभिः ।

तत्राइकेन रणासक्तम् अन्ये निघ्न-

[ cambridge ms f166a ---> ]

न्ति मां सुखम् ॥

तत्र यः पृष्ठतो भीतिं श्रावयेद् अन्यतो ऽपि वा ।

प्रद्विष्टो वा प्रसन्नो वा समे प्राणप्रदः सुहृत् ॥

[ bendall ed p365 ---> ]

अलिसंहातनीलेन चीरभारणभारिणा ।

विचित्रसुरभिस्फीतपुष्पशेखरहारिणा ॥युगपत् सर्वदिग्बुद्धक्षेत्रसागरचारिणा ।

बलिना प्रतिकार्येण सर्वमारापहारिणा ॥नरकप्रेतसंतापप्रशमोन्मुक्तवारिणा ।

संसारगहनान्तस्थभव्यसत्वार्थसारिणा ॥जगन्नेत्रोच्छवोत्पादिबलालङ्कारधारिणा ।

विदुषा बालवपुषा लोकविस्मयकारिणा ॥मञ्जुश्री संज्ञकं यत् तत् पिण्डीभूतं जगद्धितं ।

सर्वेणाइवात्मभावेन नमस् तस्मै पुनः पुनः ॥

अनेकदुष्खसंतप्तप्रह्लादनमहाह्रदं ।

त्रैलोक्यतृष्णापातालप्रपूरणमहाम्बुदम् ॥जगदिष्टफलस्फीतदशदिक्कल्पपादपं ।प्रार्थितप्राप्तिसंहृष्टजगन्नेत्रोत्पलार्चितं ॥विस्मयोद्गतरोमाञ्चैर् बोधिसत्वशतैः स्तुतम् ।

मञ्जुश्रियं नमस्यामि प्रणामैर् उत्तरोत्तरैः ॥निःशेषदुष्खवैद्याय सुखसत्त्रप्रदायिने ।

सर्वाकारोपजीव्याय मञ्जुघोषाय ते नमः ॥

[ bendall ed p366 ---> ]

इति जिनतनयानां सर्वथात्यद्भुतानां चरितम् उपनिब्ध्योपार्जितं यच् छुभं मे ।

भवतु सुखम् अनन्तं देहिनां तेन यावत् सुगतपदम् अन-

[ cambridge ms f166a ---> ]

न्तव्योमसीमाधिपत्यं ॥पुण्यवृद्धिः समाप्ता ॥

समाप्तश् चायं बोधिसत्वविनयो ऽनेकसूत्रान्तोद्धृतः शिक्षासमुच्चयेति ॥