तथागतबिम्बकारापणसूत्र

तथागतबिम्बकारापणसूत्र

तथागतबिम्बकारापणसूत्र

(tbks 2r1) स् सकोतूहलहृदया एवम् ऊचु । अहो पुण्यफलप्रभावम् इति महात्वं अहो पुण्यप्रभावम् इति तूष्णीबभूवुः ततः सुवर्णप्रभो (tbks 2r2) सपरिवार भगवन्तं प्रदक्षिणीकृत्य शिरसा प्रणम्य भगवतो ऽन्तिकं निषण्ण धर्मश्रवणार्थम्* अथ (tbks 2r3) भगवां सर्वसत्वानुसंशयं ज्ञात्वा तेभ्यो महाजनकायेभ्य धर्मश्रावणिकेभ्यः तस्य सुवर्णप्रभस्य राजकुमारस्य पूर्वसुचरितपुण्यफलेन (tbks 2r4) प्रभावसमुदयसंदर्शनहेतुभूतां विचित्र प्रकारां सप्रतीत्यसमुत्पादां चतुरार्यसत्यकथासंयुक्तां (tbks 2r5) धर्मदेशनां देशयति । आदौ कल्याणं मध्ये कल्याणं पर्यवसाने कल्याणं स्वर्थं सुव्यंजनं केवलं परिपूर्णम्* (tbks 2r6) परिशुद्धं पर्यवदातं ब्रह्मचर्यं प्रकाशयति स्म : भूतपूर्वं भिक्षवः अतीते ऽध्वनि एकनवतिमे कल्पे (tbks 2r7) विपश्यी नाम सम्यक्संबुद्धो विद्याचरणसंपन्नस् सुगतो लोकविद् अनुत्तरः पुरुषदम्यसारथिश् शास्ता देवमनुष्याणां (tbks 2v1) बुद्धो भगवां बुद्धकृत्यम् अ..अशिष्यविनेयकृत्यं कृत्वा निरिन्धनो ऽग्निर् इव परिनिर्वृत समभिजगाम : तद् एक पुरुषो (tbks 2v2) भिक्षवः परुषदरिद्रकृषिकर्मणावप्रतिवृत्ति भगवता विपश्यिन शासनेभिः प्रसन्नाः भगवतो विपश्यिनः (tbks 2v3) प्रतिमां कर्ता तस्मिं काले तस्मिं समये स एवायं सुवर्णप्रभो राजकुमार यद् भगवतो विपश्यिनः प्रतिमां (tbks 2v4) कारयत यत् पुण्यफलसमुदयप्रभावै दिव्यसुखोपभोगैश्वर्यमहात्वम् अनुभूतवान्* अयं स सुवर्णप्रभो (tbks 2rv5) राजकुमार समासतो भिक्षव सर्वासु जातिषु तद् भाषयामि: सप्तरत्नमयेन समन्वागतो

श्रीचक्रवर्तिराज्यं (tbks 2r6) चतुर्द्वीपेश्वरो नभस्तलचर : अप्रतिहतचक्ररत्नगतिप्रचार । अधीश्वराधिपति । शतसहस्रकृत्वा (tbks 3r1) चतुर्द्वीपेश्वरो राजा चक्रवर्ती बभूवु । अनेनैव बुद्धप्रतिमापुण्यफलविपाकेन तथैवंविध । (tbks 3r2) स कामावचरेषु देवनिकायेषु स्वर्गेषु एकैकशः शतसहस्रकृत्वा भिक्षव देवानाम् इन्द्रो राजा बभूव : (tbks 3r2) एवंविध : शतसहस्रकृत्वा दश ब्रह्मकायिकेषु ब्रह्माधिपतिर् बभूवु: अनुलोमप्रतिलोमजन्मशतसहस्रेषु (tbks 3r4) कोटि क्षत्रियब्राह्मणेश्वराधिपतिकुलेषु राजा बभूव । एवंविधश् च भिक्षव। सौभाग्यकान्तिद्युतिकीर्तियशोबलसमन्वागत (tbks 3r5) स्वर्गा च्युत। ऐश्वर्येषु राजकुले जातः उत्तमजात अनुत्तमजात। (tbks 3r6) सुवर्णप्रभो राजकुमारः अन्तिके देवमनुष्याणां अच्युतं अजरं अमरणं शिवं शान्तं पदं लभिष्यतीति । ततो (tbks 3r7) ऽस्य भिक्षव सुवर्णप्रभस्य राजकुमारस्य बुद्धप्रतिमापुण्यफलप्रभावम् अनुशृणुता मानुष्यजातिषु येषु (tbks 3v1) आत्महितपरहितकामेन नाम भिक्षव बुद्धप्रतिमा निकरणीया । तद्यथा भिक्षव : मृन्मयी वा । (tbks 3v2) शैलमयी वा । दन्तमयी वा । दारुमयी वा । सुवर्णमयी वा । कंसमयी वा । त्र...मयी वा । रुप्यमयी (tbks 3v3) वा स्फटिकमयी वा । मणिरत्नकमयी वा । रीतमयी वा । बुद्धप्रतिमा करणीयका वा । दीर्घका वा । ह्रस्वकां (tbks 3v4) वा । सधातुकं वा । सप्रतीत्यसमुत्पादं वा । बुद्धप्रतिमा कारयित्वा । स्थापयित्वा गन्धोदकपुष्पोदकादिभिः (tbks 3v5) पूजाविशेषै। स्नापयित्वा पूजयित्वा यस्य कस्यचिद् भिक्षवः कुलपुत्रस्य वा कुलदुहितुर् वा

बुद्धप्रतिमापुण्यफलनिष्यन्द : (tbks 3v6) पुण्यस्कन्धः पुण्यराशि अप्रमेय असाधरण: अनन्त्युपम: पुण्यस्कन्धेति पुनर् अपरं भिक्षव: (tbks 3v7) यः कश्चिद् भिक्षुर् वा भिक्षुणी वा उपासको वा उपासिका वा । क्षत्रियो वा ब्राह्मणो वा । वैश्यो वा । शूद्रो वा एवंरूपासु (tbks 4r1) जातिषु । श्रुतिधरो भवति । जातिस्मरो भवति । स्वजनपरिजनदासीदासकर्मकरपौरुषेयप्रभृतिषु स आदेयवाद्यो भवति । (tbks 4r2) सर्वसत्वप्रियदर्शनधरो भवति । सर्वगुणलक्षणधरो भवति सर्वसत्वाधिपतिर् भवति । सर्वबुद्धप्रत्येकबुद्धश्रावकार्हद्गुणसमागतो (tbks 4r3) भवति । नित्यं बोधिचित्तपरायणो भवति । यस्य यत्राभिकांक्षति । तत्र तत्र एतं लभति । रागद्वेषमोहेर्ष्यामात्सर्यलोभतृष्णादिक्लेशादिभि। (tbks 4r4) विवर्जितो भवति । बुद्धत्वम् अन्वन्तरम् अधिगच्छति । क्षिप्रं च परिनिर्वाणं शान्तम् अधिगच्छतीति वदामि भिक्षवः (tbks 4r5) तत् कस्माद् धेतोर् अनन्तफलसमुदयप्रभाव । बुद्धप्रतिमापुण्यफलसमुदयप्रभावम्* बुद्धप्रतिमापुण्यफलविपाक (tbks 4r6) परिनिर्वृतो ऽपि अधिगतो नापि बुद्धो भगवां परिनिर्वृत इव बुद्धप्रतिमाया दर्शनाद् इति वदामि भिक्षव इदम् अवोचद् भगवां (tbks 4r7) तथापरं गाथां भाषते । कृत्वा पुरा काश्यपबिंबम् अग्र्यं गन्धोदकै स्नापितवां द्विजेन्द्रः । (tbks 4v1) पुष्पै सुगन्धैस् सुमनोज्ञगन्धै तेनैव पुण्येन भवाद् विमुक्तः 1 यं निर्मलः क्लेशमलैर् विमुक्त चित्तस्य चित्तेश्वरतागतिं स्यः रूपं न तृप्ताश् च निरीक्ष्य मत्वा तद्बिंब संस्नापयतो जिनस्य 2 (tbks 4v2) विचित्रभोगा विविधप्रकारा

चन्द्रार्कसौम्याधिकतेजशोभा । लभन्ति नार्यः पुरुषाश् च लोके तद्बिंब संस्नापयतो जिनस्य 3 (tbks 4v3) क्लेशान्धकारादिविमुक्तचित्ता मोहान्धकारादिविपूर्णचन्द्र । शान्तं पदं यान्ति नरा स्त्रियो वा तद्बिंब संस्नापयतो जिनस्य 4 (tbks 4v4) त्यक्त्वा कडेवरम् इहैव नरा स्त्रियो वा स्वर्गे प्रयाति बहुकल्पशतै सुनिर्वृत्* ते प्राप्नुवन्त्य् अनुपमं सुखम् अप्सरेभि (tbks 4v5) विश्वस्य तत् फलम् उदारम् उवाच बुद्धः 5 श्रीकान्तिदिव्यसलिलो गुणरूपशोभा सौभाग्यभाग्ये वरसौख्यपटुत्ववाक्य । (tbks 4v6) आदित्यचन्द्रकिरणा इव सौम्यतेजा - बुद्धबिंबकरणा लभते मनुष्यः 6 यावन्तः परमाणवो भगवत स्तूपेषु बिंबस्य वा । (tbks 4v7) तत् कर्तुम्* दिवि भूतले च नियतं तावन्ति राज्यानि ते । बुद्धानां खलु धातवे भगवता शरीरा नि च निर्मिता । (tbks 5r1) एकैकाद्भुतपुण्यराशिजनितैर् एकैकसूक्ष्माणुभि । 7 त्रैलोक्ययशस्य बिंबं दशबलबलिना दिक्षु विख्यातकीर्ते । ये मर्त्याः कारयित्वा प्रमुदितमनसा पूजयन्ते यथावत् (tbks 5r2) स्वर्गे सक्त्ये च रूपं नयनरतिकरं शुद्धचामीकराभम्* ते लब्धाश् शान्तिकामा सुखम् इदम् अतुलं प्राप्नुवन्त्य् आवजुष्टं ॥ 8 (tbks 5r3) इत्य् एवादिप्रकारां सुवर्णप्रभवसुयुक्तां धर्मदेशनां श्रुत्वा पंचशतसहस्र (tbks 5r4) अन्तःपुरस्त्रीकान्तपरिवारै सुवर्णप्रभो राजकुमार बुद्धप्रतिमापुण्यफलराजश्रीसमुदयसंमुदसौख्यं (tbks 5r5) सर्वं गार्हस्थ्यम् अपहाय तथैव शासने प्रव्रजित योनिश स मनस्कारं कृत्वा सर्वक्लेशप्रहाणा अर्हत्वं स्त्रीपरिवारास् (tbks 5r6) समलोष्टकांचन समचित्ताः कृतं करणीया अपहृतभाराः

परिक्षीणभवसंयोजन विमुक्तास् संसारबन्धनास् (tbks 5r7) सर्वदेवनमस्कृतचरणयुगला सुप्रबुद्धा बुद्धप्रतिमापुण्यफलसमुदयविभूतिमहात्वप्रकाशनम् इदं सूत्रम्* (tbks 5v1) इदम् अवोचद् भगवान् आत्तमनसस् ते भिक्षवो भगवतो भाषितम् अभ्यनन्दम्* भिक्षवश् चतुर्दिशसंख्यार्हत्वं बभूवु । बुद्धप्रतिमापुण्यफलप्रकाशितम् इदं सूत्रं समाप्तम्* ॥ ॥

तथागतबिंबकारापणं सूत्रं समाप्तम्* ॥ ॥