स्वयंभुपुराण

यथाविधि समभ्यर्च्य सम्भजन्ते समादरात् / ते सर्व्वे विमलत्मानो भद्रश्रीसद्गुणाश्रयाः // svayambhup_7.179 //

बोधिसत्त्वा महाभिज्ञा भवेयु बोधिचारिणः / य एता देवताः सर्वाः स्मृत्वा ध्यात्वापि सर्वदा // svayambhup_7.180 //

नामापि च समुच्चार्य संभजन्ते समाद्रिताः / ते ऽपि सर्वे न यास्यन्ति दुर्ग्गतिं च कदाचन // svayambhup_7.181 //

सदा सद्गतिसंजाता भवेयुः श्रीगुणाश्रयाः / ततस्ते सुकृतारक्ताः सधर्म्मगुणलालसाः // svayambhup_7.182 //

त्रिरत्नशरणं कृत्वा संचरेरन् सदा शुभे / ततस्ते विमलात्मानः परिशुद्धेन्द्रियाशयाः // svayambhup_7.183 //

बोधिसत्त्वा महासत्त्वाश्चतुर्ब्रह्मविहारिणः / सर्वसत्त्वहिताधानं चरेयुर्बोधिसम्बरं // svayambhup_7.184 //

ततस्ते बोधिसंभारं पुरयित्वा यथाक्रमं / दशभूमीश्वरा नाथा भवेयुः सुगतात्मजाः // svayambhup_7.185 //

ततस्ते निर्म्मलात्मानः संसारगति निःस्पृहाः / अर्हन्तः सवल मारं निर्जित्य स्युर्निरंजनाः // svayambhup_7.186 //

त्रिविधां बोधिमासाद्य सद्धर्म्मगुणभास्कराः / सर्वसत्त्वहितार्थेन संबुद्धपदमाप्नुयु // svayambhup_7.187 //

येप्येतद्गुणमाहात्म्यं श्रुत्वाप्यत्यनुमोदिताः / तथा तत्पुण्यमाहात्म्यं प्रशसन्ति समादरात् // svayambhup_7.188 //

ते ऽपि सर्वे विकल्माषाः परिशुद्धित्रिमण्डलाः / श्रीमन्तः सद्गुणाधारा भवेयु बोधिमानसाः // svayambhup_7.189 //

न यायुर्दुगतिं क्वापि सदा सद्गतिसम्भवाः / सर्वसत्त्वहितं कृत्वा संचरेरञ्जगद्धिते // svayambhup_7.190 //

ततः सर्वाधिपास्ते स्यु र्धम्मार्थि संप्रपूरकाः / बोधिसंभारं संपूर्य संबुद्धपदमाप्नुयुः // svayambhup_7.191 //

इति सत्यं परिज्ञाय बौद्धं पदं यदीच्छथ / एतान् देवान् समाराध्य भजध्वं सर्वदा भवे // svayambhup_7.192 //

एतत्पुण्यानुभावेन यूयमप्येवमाभवं / दुर्ग्गतिं नैव यायात कदाचिन् कुत्रचिद् ध्रुवं // svayambhup_7.193 //

सदा सद्गतिसंजाता भद्रश्रीसद्गुणाश्रयाः / बोधिसत्त्वा महासत्त्वा भवत बोधिचारिणः // svayambhup_7.194 //

ततः संबोधिसंभारं पूरयित्वा यथाक्रमं / त्रिविधां बोधिमासाद्य संबुद्धपदमाप्स्यथ // svayambhup_7.195 //

इति मत्वात्र ये लोका र्वाञ्छन्ति सौगतं पदं / स देवान् सगणां सर्वान् समाराध्य भजन्तु ते // svayambhup_7.196 //

इत्यादिष्टं मुनीन्द्रेण निशम्य ते सभाश्रिताः / सर्वे तथेति विज्ञप्य प्राभ्यनन्दन् प्रबोधिताः // svayambhup_7.197 //

तदा शान्तश्रिया यंस्सं गुप्तिकृतो जिनालयः / इत्यादिश्य मुनीन्द्रो ऽपि समाधिं विद्धेक्षणं // svayambhup_7.198 //

इति श्रीस्वयंभूधर्म्मधातुवागीश्वर गुप्तिकृत प्रवर्त्तनो नाम सप्तमो ऽध्यायः समाप्तः /

अष्टम अध्यायः स्वयम्भूचैत्याश्रमनाम साधनासुवृष्टिचरणो नाम

अथ स भगवाञ्छास्ता स समाधेरुत्थितः पुनः / मैत्रेयं तं सभां चापि समालोक्यैवमादिशत् // svayambhup_8.1 //

शृणु मैत्रेय भूयो स्या एतद् देवानुभावतः / सिद्धभूमेः प्रवक्षापि महत्सिद्धि प्रभावतां // svayambhup_8.2 //

तद्यथात्रोपछन्दोहे सिद्धलोक हिमालय / नेपाल इति विख्याते एतद्देवानुभावतः // svayambhup_8.3 //

सदा भद्रमहोत्साहं सुभिक्षं निरुपद्रवं / सर्वद्रव्यसमापन्न समृद्धाधमवर्त्तत // svayambhup_8.4 //

तदा सर्वत्र लोकाश्च दशकुशलचारिणः / त्रिरत्नभजनारक्ताः प्राचरन्तः सहाशुभ // svayambhup_8.5 //

एतत्पुण्यानुलिप्तास्ते चतुर्ब्रह्मविहारिणः / भद्रश्रीसद्गुणाधीरा बभूवुर्बोधिचारिणः // svayambhup_8.6 //

एवमेषां प्रसिद्धाभूदृद्धिसिद्धिगुणार्थदा / ऋद्धास्फीता सुभिक्षा श्रीसमाश्रयाभिशोभिताः // svayambhup_8.7 //

तेनात्र योगिनो विज्ञा यतयो ब्रह्मचारिणः / स्मृत्वा ध्यात्वा कुलेशानं समाराध्य समाश्रयन् // svayambhup_8.8 //

तथान्ये ऽपि सुलोकाश्च समागत्य प्रसादिताः / धर्मधातुमिमं भक्त्या भजमानाः समाश्रयन् // svayambhup_8.9 //

सर्वष्वपि च तीर्थेषु स्नानदानादि संबरं / कृत्वाष्टौ वीतरागांश्च भजन्त समुपाश्रयन् // svayambhup_8.10 //

एताश्च देवताः पञ्च समाराध्य यथाविधि / भजमाना सदोत्साहैः प्राचरन्त समाहिताः // svayambhup_8.11 //

तदा खगाननादेवीं समाराध्य यथाविधि / भजमाना महोत्साहैः प्राचरन्त सदा शुभं // svayambhup_8.12 //

एवमिमं च पुच्छाग्रं चैत्यं मञ्जुश्रियापि ते / सर्वे लोकाः समाराध्य प्राभजन्त प्रसादिताः // svayambhup_8.13 //

एवं सर्वे ऽपि लोकाश्च सद्धर्म्माभिरता मुदा / सदा भद्राणि कर्म्माणि कृत्वात्र सर्व्वदाश्रयन् // svayambhup_8.14 //

एवमेषां महासिद्धि भूमिः श्रीसंप्रशोभिताः / महाजन समाकीर्ण्णा सर्वभूम्युत्तमा वभौ // svayambhup_8.15 //

ततः कालान्तरेणात्र राजा भूमि यतिर्नृपः / श्रीगुणकामदेवाख्य शास्ता लोकाधिपाभवत् // svayambhup_8.16 //

तदा स नृपतिः प्रौढा युवा कामातिलालसः / यथा कामरसं भुक्त्वा प्राचरन् स्वेच्छयारमन् // svayambhup_8.17 //

ततः स क्षत्रियाप्येवं कामभागाभिमोहिताः / प्रमदा गुणसंरक्ता नीतिधर्मे निरादरः // svayambhup_8.18 //

दृष्ट्वा स सुन्दरीं कान्तामगम्यामपि मोहितः / बलेनापि समाकृष्य वुभुजे स्वेच्छया मुदा // svayambhup_8.19 //

एवं स नृपराजापि कामधर्म्मातिलालसः / मन्त्रिषु सर्व राज्याङ्ग निवेश्य स्वेच्छया रमेत् // svayambhup_8.20 //

ततः स्ते मन्त्रिणः सर्वे नृपं तं प्रमदा वशे / प्रतिष्ठाप्य यथाकामं भुक्त्वा चरन् यथेच्छया // svayambhup_8.21 //

तथा भृत्या जनाश्चापि सर्वे ऽपि क्लेशिताशयाः / सद्धर्म्माणि प्रतिक्षिप्य प्राचरन् कामभागिनः // svayambhup_8.22 //

ब्राह्मणाश्च तथा सर्वे दशाकुशल चारिणः / स्वकुलधर्म्ममर्यादं त्यक्त्वा चरन् यथेच्छया // svayambhup_8.23 //

वैश्याश्चापि तथा धर्म्मद्रव्यसंग्रहलालसाः / स्वकुलवृत्तिमुत्सृज्य भुक्त्वा चरन् यथेप्सितं // svayambhup_8.24 //

महाजनास्तथा सर्वेप्यन्यायद्रव्यसाधिनः / स्वकुलधर्ममुत्सृज्य भुक्त्वैव प्राचरन् सुखं // svayambhup_8.25 //

वणिजो ऽपि तथा सर्वे मिथ्यार्थसाधनोद्यताः / सत्यधर्म प्रतिक्षिप्य चेरुः क्लेशाभिमानिताः // svayambhup_8.26 //

शिल्पिनो ऽपि तथा सर्वे कवलभृतिलालसाः / अविधिज्ञाः प्रमादान्धाश्चक्रुः कर्म्म यंथेच्छया // svayambhup_8.27 //

तथा नारीजनाश्चापि कामक्लेशाः कुलाशयाः / स्वकुलधर्ममृत्सृज्य प्राचरन्त यथेप्सितं // svayambhup_8.28 //

एवं सर्वे ऽपि लोकाश्च दशाकुशलसंरताः / स्वकुलाचारमुत्सृज्य प्राचरन्त यथेच्छया // svayambhup_8.29 //

तीर्थिकाश्चापि ये दुष्टास्ते दृष्ट्वैवं जिनालयं / निन्दित्वा परिभाषन्तः प्राचरन्त यथेच्छया // svayambhup_8.30 //

तदात्र वहवो दुष्टा चौरा धूर्त्ताः प्रगल्भिकाः / साधुजनाः प्रतिक्षिप्य चेरु मत्तद्वीपा इव // svayambhup_8.31 //

साधवः सज्जनाश्चापि नीचकर्मानुचारिणः / सद्धर्म्मविरतोत्साहाश्चेरु भुक्त्वैव नीचवत् // svayambhup_8.32 //

तदैवं पापसंचारात् सर्वत्राप्यचरत् कलिः / सद्धर्म्मो दुर्वली भूतो नीचवद्विलयं ययौ // svayambhup_8.33 //

तदात्र प्रवरीभूते कलिसंचार वर्त्तते / दृष्ट्वा लोकाधिपाः सर्वे भवन्रुष्टपरान्मुखाः // svayambhup_8.34 //

ततो ऽत्र विमुखीभूय सर्वलोकाधिपा अपि / धिग्नृपमिति बा दन्तो द्रष्टुमपि न चेच्छिरे // svayambhup_8.35 //

तदात्र लोकपालानां सुदृष्टिविरतोत्सवे / ईतयः समुपाक्रम्य प्रावर्त्तितुमुपाचरत् // svayambhup_8.36 //

ततो देवा अपि क्रूरा ये दुष्टा मारपाक्षिकाः / सर्वे तत्र रूपालोक्य महोत्पातं प्रचक्रिरे // svayambhup_8.37 //

वह्निरपि तथालोक्य दुष्टवत् कोपिताशयः / धूमाकुलार्चिषा दग्धा महोत्पातं व्यधादिह // svayambhup_8.38 //

धर्मराजापि रुष्टाभून् निर्दयां निरुजानपि / निहन्तुं प्राणिनः सर्वान् महामारीमचारयत् // svayambhup_8.39 //

नैऋत्या राक्षसेन्द्रो ऽपि प्रकोपितातिनिर्दयः / सर्वत्रापि प्रविष्टो ऽत्र महोत्पातं व्यधात्सदा // svayambhup_8.40 //

वरुणो नागराजापि प्रदुष्टः क्रूरचक्षुषा // दृष्ट्वा वारिवहान् मेघान् सर्वान् वृष्टिं न्यवारयेत् // svayambhup_8.41 // मरुतो ऽपि तथालोक्य प्ररुष्टा निर्दया स्थिताः / असाध्यं प्रचरन्तात्र महोत्पातं प्रचक्रिरे // svayambhup_8.42 //

तथा यक्षाश्च ये दुष्टाः किन्नरा गुह्यका अपि / गृहे गृहे प्रविश्यापि रोगोत्पातं प्रचक्रिरे // svayambhup_8.43 //

तथा भूताः पिशाचाश्च वेतालाः कटपूटिनाः / डाकिण्यः प्रमथाश्चापि शाकिन्यः सगणा अपि // svayambhup_8.44 //

रुद्रा अपि सगन्धर्वा कुम्भाण्डा गरुडा अपि / सर्वत्र प्रचरन्तो ऽत्र महोत्पातं प्रचक्रिरे // svayambhup_8.45 //

मातृका अपि सर्वाश्च सगणा अप्रसादिताः / सुदुष्टवालोक्य सर्वान् स्तान् द्रक्षितुं न समाहिरे // svayambhup_8.46 //

ग्रहास्तारागणाः सर्वे विरुद्धा अप्रसादिताः / अनुसंदर्शनं वापि कर्तु नैवाववांञ्छिरे // svayambhup_8.47 //

कुलेशा अपि सर्वाश्च देवता अप्रसादिताः / संत्रात समर्थास्तान् पश्यंत्य एव तस्थिरे // svayambhup_8.48 //

एवमन्येपि देवाश्च सर्वत्राणपराङ्मुखाः / तेषां संदर्शनं कर्तुमपि नैव वांछिरे // svayambhup_8.49 //

तेषां त्रातुं तदेकापि न शशाक कथंचन / एवमत्र महोत्पातं प्रावर्त्तत समन्ततः // svayambhup_8.50 //

एवमत्र महोत्पातं प्रर्वर्त्तते ऽपि सर्वतः / सर्वक्लेशा हतात्मानः प्रचक्रु विग्रहं मिथः // svayambhup_8.51 //

तदेवं कलिसंरक्तान् सर्वान् लोकान् विलोक्य सः / नृपतिः सुचिरं ध्यात्वा मनसैवं व्यचिन्तयत् // svayambhup_8.52 //

हा कष्टं पापजं धोरं जायते ऽत्राधुना मम / तत्पापशमनायायं को दधान्महिताशयः // svayambhup_8.53 //

कथमिह महद्दुःखं शमीकर्त्तुं विधास्यते / पश्यन्नेवमुपेक्ष्यैव रमेयं साम्प्रतं च किं // svayambhup_8.54 //

यो हि राजा प्रजादुःखमुपेक्ष्य रमते सुखं / स किं राजा प्रभुर्भत्तां दुष्टाहिवद्विगर्ह्यते // svayambhup_8.55 //

यत्र राजा प्रजादुःखमुपेक्ष्य न विचारयेत् / स्वयमेव सुखं भुक्त्वारमंश्चरेयथेच्छया // svayambhup_8.56 //

तत्र सर्वप्रजा लोकाः क्लेशव्याकुलमानसाः / सत्यधर्मकुलाचारं हित्वा चरेयुरौद्धटाः // svayambhup_8.57 //

ततस्ते दुरितारक्ता दशकुशलचारिणः / महापापे ऽपि निर्लज्जाः संचरेरन् यथेच्छया // svayambhup_8.58 //

एतत् सर्व महत्पातं र्भुजीयान्नृपतिर्ध्रुवं / इति सत्यं समाख्यातं नीतिविज्ञैर्महर्षिभिः // svayambhup_8.59 //

इत्येतत्पापवैपाक्यं भोक्तव्यं हि मया भव / तदत्र किं करिष्यामि यदुपायं न मन्यते // svayambhup_8.60 //

धिग् जन्म मे ऽत्र संसारे यस्य राज्ये सदा कलिः / दुर्भिक्षादि महात्पातं प्रवर्त्तते दिवानिशं // svayambhup_8.61 //

धन्यास्ते पुरुषा ये हि निःक्लेशा विमलाशया / विमुक्त भव संचारा भिक्षवो ब्रह्मचारिणः // svayambhup_8.62 //

किं मे ऽत्र जन्म संसारे सुकुलमपि प्रभोर्नृणां / यदहं पशुवद् भुक्त्वा काममेव रमे गृहे // svayambhup_8.63 //

तदेततपापलिप्तो ऽहं क्लेशव्याकुलमानसः / नरकेषु भ्रमन् दुःखं भुंजीयां विविधं सदा // svayambhup_8.64 //

तदा को मे सुहृत् मित्रं संरक्षितुमुपाचरत् / धर्ममेव तदा त्राणं सर्वदुःखापहं भवे // svayambhup_8.65 //

धर्माणां प्रवरं बौद्धं धर्मं सर्वभयापहं / सर्वार्थसाधनं सिद्धमित्याख्यातं जगद्धितं // svayambhup_8.66 //

इत्यहं साम्प्रतं गत्वा गोशृङ्गे पर्वते स्थितं / शान्तश्रियं महाचार्यं प्रार्थयेयं समादरात् // svayambhup_8.67 //

स एव हि महाचार्य एतदुत्पातशान्तये / विधानं समुपादिश्य कुर्यान्मे ऽत्र हितं सदा // svayambhup_8.68 //

इति निश्चित्य भूपालः पुरोहितं समन्त्रिणः / महाजनान सपौरांश्च समामन्त्रयैवमादिशत् // svayambhup_8.69 //

भो भवन्तो यदत्रैवं महोत्पातं प्रवर्त्तते / तच्छान्तिकरणं धर्मं कर्त्तुमिच्छामि सांप्रतं // svayambhup_8.70 //

तदाचार्य महाभिज्ञं शान्तिश्रियं समादरात् / प्रार्थयित्वा तदा देशाद् धर्त्तुमिच्छामि सदृशं // svayambhup_8.71 //

इति सर्वे वयं तत्र गोशृङ्गे ऽग्रे समादरात् / शान्तश्रियं महाचार्य संप्रार्थितुं वज्रावहै // svayambhup_8.72 //

इत्यादिष्टं नरेन्द्रण श्रुत्वा पुरोहितादयः / सर्वे तथेति विज्ञप्य प्राभ्यनन्दन् प्रबोधिताः // svayambhup_8.73 //

ततः स नृपती राजा समन्त्रिजनपौरिकाः / पुरोहितं पुरोधाय गोशृङ्गे ऽग्रे मुदाचरत् // svayambhup_8.74 //

तत्र दृष्ट्वा तमाचार्य नृपतिः संप्रमोदितः / समेत्य साञ्जलिर्नत्वा पादाब्जे समुपाश्रयत् // svayambhup_8.75 //

तथा सर्वे ऽपि लोकाश्च समीक्ष्येनं प्रसादिताः / समेत्य पादयोर्नत्वा समुपतस्थिरे मुदा // svayambhup_8.76 //

तान् सर्वान् समुपासीनान् समीक्ष्य स महामतिः / शान्तश्रीस्तं महीपालं सम्पश्यन्नेवमादिशत् // svayambhup_8.77 //

राजन् सदास्तु वो भद्रं सर्वत्रापि निरन्तरं / किमर्थमिह प्रायासि तत् मे ऽग्रे वक्तुंमर्हसि // svayambhup_8.78 //

इति शान्तश्रिया प्रोक्ते नृपतिः स कृताञ्जलिः / प्रणत्वा तं महाचार्य पश्यन्नेवं न्यवेदयेत् // svayambhup_8.79 //

भो श्रीशास्तयदर्थे ऽहं भवच्छरणमाव्रजे / तदर्थ प्रार्थयाम्यत्र मे समुपादेष्टुमर्हति // svayambhup_8.80 //

यत् मे ऽत्र पापतो राज्ये महोत्पातं प्रवर्त्तते / तच्छान्तिकरणोपायं समुपादेष्टुमर्हति // svayambhup_8.81 //

इति संप्रार्थिते राज्ञा शान्तश्री मन्त्रवित् सुधीः / नृपते तं महासत्त्वं समालोक्यैवमादिशत् // svayambhup_8.82 //

नृपते पापतो ऽत्रैवं महोत्पातं प्रवर्त्तते / तत्पापशमनोपायं वक्षामि ते शृणुष्व तत् // svayambhup_8.83 //

यत्वमत्र नृपा राजा सर्वधर्मानुपालकः / नीतिधर्म्मानुसारेण संपालयसि न प्रजाः // svayambhup_8.84 //

मन्त्रिणो ऽपि तथा सर्वनीतिधर्मपराङ्मुखाः / भुक्त्वा कामसुखान्येव प्रचरन्ति यथेच्छया // svayambhup_8.85 //

तथा भृत्या जनाश्चापि पौराश्चापि महाजनाः / स्वकुलधर्ममुत्सृज्य प्रचरन्ति यथेच्छया // svayambhup_8.86 //

एवं सर्वे ऽपि लोकाश्च दशाकुशलचारिणः / सद्धर्माणि प्रतिक्षिप्य प्रचरन्ति प्रमादतः // svayambhup_8.87 //

तदैतत् पापवैपाक्यं भोक्तव्यंमेव हि भव / येनैव यत्कृतं कर्म्म भोक्तव्यं तेन तत्फलं // svayambhup_8.88 //

एवं मत्वा नृपः स्वामी स्वयं नीत्या विचारयन् / बोधयित्वा प्रयत्नेन लोकान् संपालयत् सदा // svayambhup_8.89 //

यद्यत्र नृपतिः सम्यग विचार्य प्रमादतः // स्वयं कामसुखान्येव भुक्त्वा चरद्यथेच्छया // svayambhup_8.90 // तथा सर्वे ऽपि लोकाश्च नृपचर्यानुचारिणः / भुक्त्वा कामसुखान्येव प्रचरेयुर्यथेच्छया // svayambhup_8.91 //

तदा तत्र महोत्पातं प्रवर्त्तत् पापतो ध्रुवं / प्रवर्त्तिते महोत्पात लोका स्युः पापदुःखिताः // svayambhup_8.92 //

तत्र तान् नृपतिः पश्यन्नुपेक्ष्यं निर्दयश्चरत् / लोकसंरक्षणे असक्तः स सर्वपापभाग् भवेत् // svayambhup_8.93 //

सर्वाण्यपि हि पापानि सर्वलोकैः कृतान्यपि / पतित्वा नृपतेरग्रे प्रदद्युस्तत्फलानि हि // svayambhup_8.94 //

इति सत्यं समाख्यातं सर्वैरपि मुनीश्वरैः / नत्वा राजा स्वयं नीत्या विचारयन् समाचरेत् // svayambhup_8.95 //

इति तेन समादिष्टं शान्तश्रिया सुमन्त्रिणा / श्रुत्वा स नृपतीर्भीत्या संतापतापिताशयः // svayambhup_8.96 //

शान्तश्रियं तमाचार्य समीक्ष्य शरणं गतः / नत्वा पादाम्बुजे भूयः प्रार्थयदेवमादरात् // svayambhup_8.97 //

शास्तः सदा चरिष्यामि भवदाज्ञां शिरावहन् / तत् मे यदुचितं धर्म्म तत् समादेष्टुमर्हति // svayambhup_8.98 //

इति संप्रार्थितं राज्ञा श्रुत्वाचार्यः स सत्मतिः / नृपतिं तं महासत्त्वं सम्पश्यन्नेवमादिशत् // svayambhup_8.99 //

राजञ्छृणु समाधाय वक्ष्यामि शुभकारणं / यद्यस्ति ते कृपा लोक तत् कुरु यन्मयोदितं // svayambhup_8.100 //

तद्यथैतेषु तीर्थेषु स्नात्वा नित्यं यथाविधि / शुचिशीलसमाचारः समाहितः त्रिमण्डलः // svayambhup_8.101 //

सम्बोधिं प्रणिधानेन सर्वसत्त्वहितार्थभृत् / त्रिरत्नभजनं कृत्वा चरस्व पोषधं व्रतं // svayambhup_8.102 //

तत इमं जगन्नाथं धर्मधातुं जिनालयं / यथाविधि समाराध्य संभजस्व सदादरात् // svayambhup_8.103 //

तथा सर्वा इमा पञ्च देवताश्च यथाविधि / समाराध्य समभ्यर्च्य संभजस्व सदादरात् // svayambhup_8.104 //

इमं मञ्जुश्रीयंश्चापि चैत्यमाराध्य सर्वदा / यथाविधि समभ्यर्च्य संभजस्व महोत्सवैः // svayambhup_8.105 //

तथाष्टौ वीतरागांश्च समाराध्य यथाविधि / समभ्यर्च्य महोत्साहैः संभजस्व सदादरात् // svayambhup_8.106 //

तथा माहेश्वरीं देवी खगाननां समादरां / समाराध्य समभ्यर्च्य संभजस्व यथाविधिं // svayambhup_8.107 //

एते सर्वे ऽपि देवा हि सर्वलोकाधिपेश्वराः / सर्वसत्त्वहितार्थेन प्रादुर्भूताः स्वयं खलु // svayambhup_8.108 //

तदत्रैतेषु देवेषु सर्वेषु श्रद्धया सदा / विधिना भजनं कृत्वा संचरस्व जगद्धिते // svayambhup_8.109 //

लोकांश्चापि तथा सर्वान् बोधयित्वा प्रयत्नतः / सर्वेष्वेतेषु तीर्थेषु स्नानदानादिकं सदा // svayambhup_8.110 //

कारयित्वा महत्पुण्यं जगद्भद्रसुखार्थदं / संबुद्धगुणसत्सौख्यं चारय पोषधं व्रतं // svayambhup_8.111 //

एतेषां च त्रिरत्नादिदेवानां भजनं सदा / कारयित्वा महोत्साहैर्बोधिमार्गे प्रचारय // svayambhup_8.112 //

तदैतत्पुण्यभावेन सर्वत्रापि चरच्छुभं / तदा सर्वमहोत्पातं सर्वत्र विलयं व्रजेत् // svayambhup_8.113 //

तदा ब्रह्ममरेन्द्राद्याः सर्वे लोकाधिपा अपि / सुदृशात्र समालोक्य पालयेयुः सदा मुदा // svayambhup_8.114 //

तदा संपालिते ऽस्मिंन तैः सवैर्लोकाधिपैः पुनः / सुभिक्षं श्रीशुभोत्साहं प्रवर्त्तयेद्धि सर्वदा // svayambhup_8.115 //

तदा सर्बे ऽपि लोकाश्च नीरोगाः श्रीगुणाश्रयाः / विरम्य पापमार्गेभ्यः संचरेरन् सदा शुभे // svayambhup_8.116 //

एवं धृत्वा सदा राजन् महापुण्य प्रभावतः / अन्ते बोधिं समासाद्य संबुद्धपदमाप्नुयुः // svayambhup_8.117 //

एवं महत्तरं पुण्यं त्रिरत्नभजनाद् भवं / विज्ञायादौ त्रिरत्नानां भजस्व श्रद्धया स्मरन् // svayambhup_8.118 //

ततः सर्वेषु तीर्थेषु स्नात्वा शुद्धेन्द्रियाशयः / त्रिरत्नं शरणं गत्वा भजस्व पोषधं व्रतं // svayambhup_8.119 //

ततः सर्वानिमान् देवान् धर्म्मधातुमुखान् सदा / यथाविधि समाराध्य संभजस्व समर्चयन् // svayambhup_8.120 //

लोकानपि तथा सर्वान् बोधयित्वा प्रयत्नतः / सर्वेष्वेतेषु तीर्थेषु स्नापयित्वा यथाविधिं // svayambhup_8.121 //

त्रिरत्नशरणे स्थाप्य संबोधिज्ञानसाधनं / भद्श्रीसत्गुणाधारं चारय पोषधं व्रतं // svayambhup_8.122 //

एतेषामपि देवानां कारयित्वा सदार्चनं / बोधिमार्गे प्रतिष्ठाप्य चारय पालयञ्छुभे // svayambhup_8.123 //

एवं कृत्वा महत्पुण्यं प्राप्य श्रीसद्गुणाश्रयः / बोधिसत्त्व महासत्त्व महाभिज्ञा भवेद्ध्रुवं // svayambhup_8.124 //

ततः संबोधिसंभारं पूरयित्वा यथाक्रमं / अर्हन् बोधिं समासाद्य संबुद्धपदमाप्नुयाः // svayambhup_8.125 //

इति शान्तश्रिया शास्ता समादिष्टं निशम्य सः / नृपस्तथेति विज्ञप्य कर्तुमेवं समैच्छत // svayambhup_8.126 //

ततः स नृपतिः सर्वान् मन्त्रिणस्सचिवाञ्जनान् / पौरान् महाजनाश्चापि समामन्त्रयैवमादिशत् // svayambhup_8.127 //

भो मन्त्रिणो जनाः सर्वे ऽमात्याः पौरा महाजनाः / आचार्येन यथादिष्टं तथा चरितुमर्हथ // svayambhup_8.128 //

अहमपि तथा धृत्वा सर्वदा भद्रकारणं / त्रिरत्नशरणं कृत्वा व्रतं चरितुमुत्सहे // svayambhup_8.129 //

इत्यादिष्टं नरेन्द्रेण श्रुत्वा ते मन्त्रिणो जनाः / पौरा महाजनाः सर्व तथेति प्रतिशुश्रुवुः // svayambhup_8.130 //

ततः स नृपतिः सर्वेः सपुरोहितमन्त्रिभिः / अमात्यैःसचिवैः पौरैर्महाजनैः समन्वितः // svayambhup_8.131 //

सर्वेष्वेतेषु तीर्थेषु स्नात्वा यथाविधि क्रमात् / शुद्धशीलः समाधाय प्राचरत् पोषधं व्रतं // svayambhup_8.132 //

ततस्स विमलात्मान त्रिरत्नशरणं गताः / धर्मधातुं समाराध्य समभ्यर्च्यभिजन्मुदा // svayambhup_8.133 //

तथा वायुपुरे वायुदेवतांश्च यथाविधि / अग्निपुरे ऽग्निदेवं च नागपुरे फणेश्वरान् // svayambhup_8.134 //

वसुपुरे वसुन्धारां सद्धर्म्मश्रीगुणप्रदां / शान्तपुरे महेशानं सम्बरं सगणं क्रमात् // svayambhup_8.135 //

यथाविधि समभ्यर्च्य श्रद्धया समुपाश्रितः / तथा मञ्जुश्री यश्चैत्यं समभ्यर्च्याभजन् सदा // svayambhup_8.136 //

तथाष्टौ वीतरागांश्च श्रीदेवींश्च खगाननां / यथाविधि समाराध्य समभ्यर्च्याभजत् सदा // svayambhup_8.137 //

तथा सर्वे ऽपि लोकास्ते नृपवृत्तानुचारिणः / स्नात्वा सर्वेषु तीर्थेषु शुद्धशीला समादरात् // svayambhup_8.138 //

त्रिरत्नशरणं कृत्वा चरन्तः पोषधं व्रतं / धर्म्मधातुमुखान् सर्वान् देवांश्चाभ्यर्च्य प्राभजन् // svayambhup_8.139 //

तदैतत्पुण्यभावेन सर्वत्र शुभमाचरत् / ततः सर्व महोत्पातं क्रमेण प्रशमं ययौ // svayambhup_8.140 //

तदा सर्वे ऽपि ते लोका नीरोगाः पुष्टितेन्द्रियाः / महानन्दं सुखं प्राप्य बभूवु धर्म्मलालसाः // svayambhup_8.141 //

तद् दृष्ट्वा न नृपो राजा प्रत्यक्षं धर्मसत्फलं / अहो सद्धर्ममाहात्म्यमित्युक्त्वा नन्दिताचरत् // svayambhup_8.142 //

तदा सुवृष्टिरेवात्र न बभूव कथंचन / तद् दृष्ट्वा न नृपश्चासीद् दुर्भिक्षशंकिताशयः // svayambhup_8.143 //

ततः स करुणाविष्टहृदयः स नृपः पुनः / शान्तश्रियं तमाचार्य नत्वैव प्राह साञ्जलिः // svayambhup_8.144 //

आचार्य कृपया ते ऽत्र चरते शुभताधुना / सर्वदापि महोत्पातं संशाम्यत समन्ततः // svayambhup_8.145 //

सुवृष्टिरेव नाद्यापि प्रवर्त्तते कथंचन / सुवृष्टिकरणोपायं तत् समादेष्टुमर्हति // svayambhup_8.146 //

इति संप्रार्थितं राज्ञा श्रुत्वाचार्यः स सत्मतिः / नृपतिं तं महासत्त्वं संपश्यन्नेवमब्रवीत् // svayambhup_8.147 //

साधु राजञ्छृणुष्वात्र सदा सुभिक्षकारणं / सुवृष्टिकरणोपायमुपदेक्ष्यामि सांप्रतं // svayambhup_8.148 //

लिखित्वा मण्डलं नागराजानां यद्यथाविधि / तत्र नागाधिपान् सर्वानावाह्याराधयेवहि // svayambhup_8.149 //

तदत्र त्वं महावीरा भवस्वात्तरः साधकः / यथा मायोपदिष्टानि तथा सर्वाणि साधय // svayambhup_8.150 //

इत्याचार्य समादिष्टं श्रुत्वा स नृपतिर्मुदा / तथेति प्रतिविज्ञप्य तथा भवितुमैच्छत // svayambhup_8.151 //

ततः स वज्रधृग् वारा नागपुरं यथाविधि / लिखित्वा मण्डलं रम्यं प्रतिष्ठाप्य समार्च्चयत् // svayambhup_8.152 //

तत्र नागाधिपान् सर्वानाचार्यः स यथाक्रमं / समाराध्य समावाह्य पूजयितुं समालभत् // svayambhup_8.153 //

तत्र नागाधिपाः सर्वे समागत्य यथाक्रमं / स्वस्वासनं समाश्रित्य संतस्थिरे प्रसादिताः // svayambhup_8.154 //

कर्कोटको ऽहिराडेक एव न लज्जयागतः / तत्समीक्ष्य स शान्तश्रीर्महाचार्या महर्द्धिमान् // svayambhup_8.155 //

नृपतिं तं महावीरं महासत्त्वं महर्द्धिकं / महाभिज्ञं समालोक्य समामन्त्रयैवमादिशत् // svayambhup_8.156 //

राजन् नागाधिपाः सर्वे समागता इहाधुना / एक कर्क्कोटको नागराज एवेह नागतः // svayambhup_8.157 //

विरूपो ऽहं कथं नागराज महासभासने / गत्वा तिष्ठेयमित्येवं ध्यात्वा नायाति लज्जया // svayambhup_8.158 //

अतस्तं सहसा राजन् गत्वा तत्र महाह्रदे / कर्क्कोटकं तमामन्त्रय संप्रार्थ्येह समानय // svayambhup_8.159 //

यदि संप्रार्थ्यमानापि नागछेदिह सो ऽहिराट् / तदा बलेन धृत्वापि सर्वथा तं समानय // svayambhup_8.160 //

इत्याचार्य समादिष्टं शृत्वा स नृपतिः सुधीः / शान्तश्रियं तमाचार्य पश्यन्नेवं न्यवेदयत् // svayambhup_8.161 //

आचार्य कथमको ऽहं तत्रागाढमहाह्रदे / गत्वा बलेन नागेन्द्रं धृत्वा नेतुं प्रशक्नुयां // svayambhup_8.162 //

इति निवेद्य तं राज्ञा श्रुत्वाचार्यः स मन्त्रवित् / नृपतिं तं महावीरं सम्पश्यन्नेवमब्रवीत् // svayambhup_8.163 //

हरिदश्वं समारुह्य पुष्पमत्मन्त्रशोधितं / धृत्वा ब्रज प्रशक्नोषि मम मन्त्रानुभावतः // svayambhup_8.164 //

दुर्वाकुण्डमिदं पुष्पं तत्रादौ क्षिप मां स्मरन् / भ्रमन् यत्र चरेन् पुष्पं तत् यथानुसरन् बज // svayambhup_8.165 //

इत्युपदेश्य दुवीकं कुण्डं मन्त्राभिशोधितं / पुष्पं दत्वा नरेन्द्राय पुनरेवमुपादिशत् // svayambhup_8.166 //

गत्वैवं नृपते तत्र नागपुरे समेत्य तं / कर्कोटकं समामन्त्रय मद्गिरैवं निवेदय // svayambhup_8.167 //

भो कर्क्कोटक नागेन्द्र यदर्थेदमिहाव्रज / तद्भवानपि जानीयात् तथापि वक्ष्यते मया // svayambhup_8.168 //

गोशृङ्गे महाचार्यः शान्तश्री र्वज्रभृत् कृती / दुर्भिक्षशमनं कर्त्तुं सुवृष्टिचारणे सदा // svayambhup_8.169 //

तत्र नागपुरे सर्वान् नागाधिपान् यथाविधि / समाराध्य समावाह्य पूजयितुं समारभत् // svayambhup_8.170 //

सर्वे नागाधिपास्तत्र वरुणाद्याः समागताः / त्वमेव नागतः कस्मात् सहसा गन्तुमर्हति // svayambhup_8.171 //

एवं संप्रार्थ्यमानो ऽपि नागछेत् सो ऽहिराड् यदि / वलेनापि समाकृष्य सहसा नीयतां त्वया // svayambhup_8.172 //

इति शान्तश्रिया शास्ता समादिश्य समादरात् / प्रेषितो ऽहं तदर्थेत्र तत् समगन्तुमर्हति // svayambhup_8.173 //

इत्यादिश्य स आचार्यः पुष्पं मन्त्राभिशोधितं / दत्वा तं नृपतिं वीरं प्रेषयत् तत्र सत्वरं // svayambhup_8.174 //

इत्याचार्य समादिष्टं निशम्य स महामतिः / दुर्वामुण्डं समादाय तथेत्युक्त्वा ततो ऽचरत् // svayambhup_8.175 //

ततः स नृपतिर्वीरः शास्तु राज्ञां शिरावहन् / हरिदश्वं समारुह्य संचरन्स्तद् हदं ययौ // svayambhup_8.176 //

तत्र तीरं समासाद्य पश्यं नृपः स तं हदं / नत्वाचार्यमनुस्मृत्वा दुर्व्वाकुण्डं जले ऽक्षिपत् // svayambhup_8.177 //

तन्प्रक्षिप्तं जले ऽगाढे भ्रमन् नागपुरे ऽचरत् / राजाप्यश्वं समारुह्य तत्पुष्पानुसरन् ययौ // svayambhup_8.178 //

एवं नागपुरे गत्वा नृपतिः स विलोकयन् / कर्कोटक महीन्द्रं तं सहसा समुपाचरत् // svayambhup_8.179 //

तत्र समेत्य स वीरस्तं कर्कोटकमहीश्वरं / यथाचार्याय संदिप्टं तथा सर्वं न्यवेदयत् // svayambhup_8.180 //

तत् सन्निवेदितं सर्व श्रुत्वा नागाधिपापि सः / किञ्चिदप्युत्तरं नैव ददौ तस्मै महीभुजे // svayambhup_8.181 //

ततः स नृपतिश्चैवं निवेद्य तं महीश्वरं / संपश्यन् समुपामन्त्रय प्रार्थयदमादरात् // svayambhup_8.182 //

नागेन्द्रो ऽत्र प्रसीद त्वं शास्तुराज्ञां शिरोवहं / त्वदामन्त्र न एवाहं प्रागतस्तत् समाव्रज // svayambhup_8.183 //

इति संप्रार्थ्यमानो ऽपि राजा स भुजगाधिपः / किञ्चित्प्राप्युत्तरं नैव ददौ तस्मै महीभुजे // svayambhup_8.184 //

ततो ऽसौ नृपतिवीरः शास्त्रादिष्टं यथा तथा / सर्व निवेद्य तस्याग्रे पुनरेवमभाषत // svayambhup_8.185 //

नागेन्द्र नापराधं मे यत्त्वया न श्रुतं वचः / तन्मे शास्त्रा यथादिष्टं तथा नूनं चरेय हि // svayambhup_8.186 //

इत्युक्तेपि नरेन्द्रेण कर्कोटको हि यो ऽपि सः / किञ्चिदप्युत्तरं नैव ददौ राज्ञे महीभृते // svayambhup_8.187 //

ततः स नृपतिवीरः शास्तुराज्ञां शिरोवहन् / धृत्वा तमहिमाकृष्य गुरुत्मानिव प्राचरत् // svayambhup_8.188 //

ततो हयात् समानीताः गुणकामदेवेन सः / आनीते तेन मार्गेण वशिकाचल उच्यते // svayambhup_8.189 //

एवं धृत्वा समाकृष्य स वीरस्तं महीश्वरं / सहसा नागपुरे नीत्वा शास्तुरग्रे समाचरत् // svayambhup_8.190 //

आचार्य भवदादेशात् तथा कर्क्कोटको ऽहिराट् / धृत्वाकृष्य मयानीतस्तं समीक्ष्य प्रसीदतु // svayambhup_8.191 //

इति निवेदितं राज्ञा श्रुत्वाचार्यः समादितः / नृपतिं तं महावीरं सम्पश्यन्नेवमादिशत् // svayambhup_8.192 //

साधु राजन् महावीर यदानीतस्त्वयाहिरात् / तदेनमासने नीत्वा संस्थापय यथाक्रमं // svayambhup_8.193 //

इत्याचार्य समादिष्टं श्रुत्वा स नृपतिस्तथा / नागराजं तमामन्त्रय स्वासने संन्यवेशयत् // svayambhup_8.194 //

तं दृष्ट्वा स्वासनासीनांमाचार्यः स यथाविधिं / नागेन्द्रान् स्तान् समावाह्य समाराध्य समार्चयत् // svayambhup_8.195 //

ततः स व्रजधृकाज्ञ आचार्यः स महीपतिः / सर्वान् नागाधिपान् स्तुत्वा प्रार्थयुच्चैवमादरात् // svayambhup_8.196 //

भो भवन्तो महानागराजाः सर्वे मयाग्रतः / समाराध्य समावाह्य यथाविधि समर्चिताः // svayambhup_8.197 //

तन्मे सदा प्रसीदन्तु दातुमर्हन्ति वाञ्छितं / सर्वलोक हितार्थेव आराध्ययामि नान्यथा // svayambhup_8.198 //

यदत्र पापसंचाराद् दुर्भिक्षं वर्त्तते ऽधुना / तेन सर्वे ऽपि दुःखार्त्ता लोकश्चरन्ति पातकं // svayambhup_8.199 //

तद्दुर्भिक्षाभिशान्त्यर्थ सुभिक्षकारणं सदा / सुवृष्टिचरणोपायं करोमीदं जगद्धिते // svayambhup_8.200 //

ते भवन्तो ऽत्र सर्वे ऽपि सर्वसत्त्वाभिरक्षणे / चारयितुं समर्हन्ति सुवृष्टिमत्र सर्वदा // svayambhup_8.201 //

इति संप्रार्थितं तेन शान्तश्रिया निशम्यत / सर्वे नागाधिपास्तस्य तथेति प्रतिशुश्रुवुः // svayambhup_8.202 //

तैस्तथेति प्रतिज्ञातं नागराजैर्निशम्य सः / शान्तश्री नागराजान् स्तान् प्रार्थयदेवमादरात् // svayambhup_8.203 //

भवन्तो मे प्रसीदन्तु यदहं प्रार्थये पुनः / सर्वसत्त्वहिते दातुं तदप्यर्हन्ति वाञ्छितं // svayambhup_8.204 //

इति संप्रार्थिते तेन शान्तश्रिया निशम्यते / सर्व्वनागाधिपा तस्मै तथेति प्रतिशुश्रुवुः // svayambhup_8.205 //

सर्वे नागाधिपैस्तैः सम्प्रतिज्ञातं निश्म्य सः / आचार्यस्तानहीन्द्रांश्च प्रार्थयेदेवमादरात् // svayambhup_8.206 //

भवन्तः श्रूयतां वाक्यं यत् मया प्रार्थ्यते पुनः / तद्भवद्भिः प्रतिज्ञातं संधातव्यं तथा सदा // svayambhup_8.207 //

यदात्र पापसंचाराद् दुर्वष्टिश्च भवेद् ध्रुवं / तदा सुवृष्टिसंसिद्धिर्साधनं तत् प्रनीयतां // svayambhup_8.208 //

तद्यथा भवतां पट्टे लिखित्वा मण्डलं शुभं / यथाविधि प्रतिष्ठाप्य संस्थापितुं समुत्सहे // svayambhup_8.209 //

दुर्वृष्टिः स्याद्यदाप्यत्र तदेवं पट्टमण्डलं / प्रसार्य विधिनाराध्य समावाह्य समर्चयत् // svayambhup_8.210 //

एवं प्रसार्य पट्टेस्मिन् संपूजिते यथाविधि / सुवृष्टिरत्र युष्माभिः संभर्त्तव्या जगद्धिते // svayambhup_8.211 //

इति संप्रार्थिते तेन शान्तश्रिया निशम्यते / सर्वनागाधिपास्तस्मै तथेति प्रतिशुश्रुवुः // svayambhup_8.212 //

ततः स मन्त्रवित् प्राज्ञः सर्वनागाधिपाज्ञया / लिखित्वा मण्डलं पट्टे प्रतिष्ठाप्य यथाविधि // svayambhup_8.213 //

पश्चात् काले ऽत्र दुर्वृष्टिवृत्ते सुवृष्टिसाधने / नागपुरे ऽत्र संस्थाप्य निर्दग्ध संप्रगोपितं // svayambhup_8.214 //

ततो वज्री स आचार्यः सर्वान् स्तान् भुजगाधिपान् / संप्रार्थ्य विनयं कृत्वा विससर्ज्ज विनोदयन् // svayambhup_8.215 //

ततः सर्वे ऽपि ते नागराजाः स्वस्वालयं गताः / मेघमालां समुत्थाप्य सर्वत्र समवर्षयन् // svayambhup_8.216 //

तदा सुवृष्टिसंचाराद् दुर्भिक्षं विलयं ययौ / सुभिक्षमंगलोत्साहं प्रावर्त्तत समन्ततः // svayambhup_8.217 //

तदा सर्वे ऽपि लोकास्ते महानन्दप्रमोदितः / त्रिरत्नभजनं कृत्वा प्राचरन्त सदा शुभे // svayambhup_8.218 //

ततः स नृपति राजा दृष्टसत्यः प्रसादितः / शान्तिश्रियं तमाचार्यं समभ्यर्च्य यथाविधि // svayambhup_8.219 //

नत्वाष्टाङ्गैः प्रसन्नात्मा कृत्वा प्रदक्षिणानि च / कृताञ्जलिपुटः पश्यन् प्रार्थयच्चैवमादरात् // svayambhup_8.220 //

भो भगवन् महाचार्य भवद्धर्म्मानुभावतः / सर्वोत्पातं शमीभूत सुवृष्टिः संप्रवर्त्तते // svayambhup_8.221 //

तदत्र सर्वदा नूनं निरुत्पातं समन्ततः / धर्मश्रीमंगलोत्साहं भवदेव निरन्तरं // svayambhup_8.222 //

एवं सदा कृपा दृष्टया संपश्यन् विषये मम / निरुत्पातं शुभोत्साहं कर्तुमर्हति सर्वथा // svayambhup_8.223 //

साम्प्रतं सफलं जन्म संसारजीवितं च मे / यल्लोकाश्च सुखीभूताः संचरन्त सदा शुभे // svayambhup_8.224 //

तदहं साम्प्रतं शास्तर्भवदाज्ञां शिरावहन् / स्वराज्याश्रममाश्रित्य चरेयं पालयञ्जगत् // svayambhup_8.225 //

तन्मेनुग्रहमाधाय कृपया संप्रसादितः / संबोधिसाधने चित्तं स स्थितिं कर्त्तुमर्हति // svayambhup_8.226 //

इति विज्ञप्य भूपालस्त स्य शास्तुः पदाम्बुजे / नत्वानुज्ञां समासाद्य महोत्साहैः पुरं ययौ // svayambhup_8.227 //

तत्र स नृप आश्रित्य समन्त्रि सचिवो मुदा / बोधिचर्याव्रतं धृत्वा तस्थौ कुर्वन् सदा शुभं // svayambhup_8.228 //

इति स्वयम्भू चैत्याश्रमनामसाधनसुवृष्टिचारणो नामाष्टमो ऽध्यायः /

नवम अध्यायः श्रीमहाचार्य शान्तिकरगुणसंसिद्धिमहात्म्यानुभाव प्रकथनप्रवर्तनो नाम

अथ मैत्रेय आलोक्य समुत्थाय कृताञ्जलिः / भगवन्तं तमानम्य प्रार्थयच्चैवमादरात् // svayambhup_9.1 //

कदा शान्तिकरं नाम तस्याभवत् कथं पुनः / तद्धेतुं श्रोतुमिच्छामि समुपादेष्टुमर्हति // svayambhup_9.2 //

इति संप्रार्थिते तेन मैत्रेयेण स सर्ववित् / भगवास्तं महासत्त्वं सम्पश्यन्नेवमादिशत् // svayambhup_9.3 //

शृणु मैत्रेय वक्ष्यामि शान्तश्रियां महद्गुणं / सद्धर्म्मसाधनोत्साहं भद्रश्रीसद्गुर्णार्थदं // svayambhup_9.4 //

यो ऽसौ राजा महासत्त्वः सधर्म्मगुणलालसः / त्यक्त्वा कामसुखं राज्यं तीर्थयात्रामुपाचरत् // svayambhup_9.5 //

स सर्वेष्वपि तीर्थेषु स्नात्वा दानं विधाय च / त्रिसमाधिसमाचारः संचर पोषधं व्रतं // svayambhup_9.6 //

एवं सर्वेषु पीठेषु भ्रमन् सद्धर्म्ममानसः / योगचर्याव्रतं धृत्वा प्रचचार समाहितः // svayambhup_9.7 //

पुण्यक्षेत्रेषु सर्वेषु भ्रमन्नैवमिहागताः / दृष्ट्वैमं मण्डलं रम्ये विस्मितं समुपाययौ // svayambhup_9.8 //

अत्रैमं दूरतो दृष्ट्वा धर्म्मधातुं जिनालयं / मुदाष्टाङ्गैः प्रणत्वाशुः संद्रष्टुं समुपाययौ // svayambhup_9.9 //

समेत्य संमहासत्त्वा ज्योतीरूपं जिनालयं / धर्म्मधातुमिमं दृष्ट्वा प्रणत्वा समुपाश्रयत् // svayambhup_9.10 //

ततः समुदितो राजा नेपाले ऽत्र मनोरमे / सर्वत्रापि च संद्रष्टुं प्रचचार विलोकयन् // svayambhup_9.11 //

तेषु सर्वेषु तीर्थेषु स्नात्वा दत्वा यथेप्सितं / यथाविधि समाधाय व्रतं चर समाहितः // svayambhup_9.12 //

ततोष्टौ वीतरागांश्च दृष्ट्वा स संप्रमोदितः / यथाविधि समाराध्य समभ्यर्च्य सदाभजन् // svayambhup_9.13 //

ततश्चासौ महादेवी खगाननां महेश्वरीं / यथाविधि समाराध्य समभ्यर्च्याभजन्मुदा // svayambhup_9.14 //

ततो मञ्जुश्रियश्चैत्यं समीक्ष्य स प्रमोदितः / यथाविधि समभ्यर्च्य प्राभजत् समुपस्थितः // svayambhup_9.15 //

ततः श्चैतत्महत्पुण्यैः शान्तिश्रीशुभितेन्द्रियः / प्रवज्या संवरं धृत्वा ब्रह्मचारी बभूव सः // svayambhup_9.16 //

यत्तस्य सुप्रशान्तश्रीशोभितानीन्द्रियानि षट् / तं ननाम प्रसिद्धं च शान्तश्रीरित्यभूद्यतः // svayambhup_9.17 //

ततो ऽसौ सत्मतिर्विज्ञो बोधिसत्त्वो जगद्धिते / वज्रचर्याव्रतं गृहय प्रचचार समाहितः // svayambhup_9.18 //

ततश्च शिलयाछाद्य धर्म्मधातुंमिमं जिनं / इष्टिकाभिर्महत्स्तूपं विधाय समगोपयत् // svayambhup_9.19 //

ततः पञ्चपुरेष्वत्र स्थापिता पञ्च देवताः / मञ्जुश्रीयामिदं चैत्यमनेन च महत्कृतं // svayambhup_9.20 //

एवं कृत्वात्र कार्याणि सर्वाणि स महामतिः / बोधिसत्त्वा महाभिज्ञः प्रचचार जगद्धिते // svayambhup_9.21 //

ततश्चात्र महत्पातं शमीकृत्य समंततः / भद्रश्रीमङ्गलोत्साहं न शान्तश्रीःस्सदा व्यधात् // svayambhup_9.22 //

ततश्चासौ महाभिज्ञो दुर्वृष्टि परिवर्त्तते / नागराजान् समाराध्य सुवृष्टि समचारयत् // svayambhup_9.23 //

एवं स त्रिगुणाभिज्ञां महोत्पात प्रशान्तिकृत् / शुभंकर सदा तेन शान्तिकरे इति स्मृतः // svayambhup_9.24 //

ईदृग्मन्त्री महाभिज्ञो वज्राचार्या महामतिः / समृद्धिसिद्धिसंपन्ना न भूता न भविष्यति // svayambhup_9.25 //

एवं विधाय सर्वत्र निरुत्पातं शुभोत्सवं / बोधिसत्त्व स शान्तश्रीस्त्रैलोक्यमहितोभवत् // svayambhup_9.26 //

एवमस्य महत्पुण्यं भद्रश्रीगुणसाधनं / विज्ञाय शरणं गत्वा सवितव्यं शुभार्थिभिः // svayambhup_9.27 //

यद्यस्य शरणं गत्वा श्रद्धया समुपाश्रिताः / यथाविधि समाराध्य भजेयुः सर्वदा मुदा // svayambhup_9.28 //

ते सर्वे विमलत्मानो निःक्लेशा विजितेन्द्रियाः / भद्रश्रीगुणसंपत्तिं सर्द्धिसिद्धिं समाययुः // svayambhup_9.29 //

ये च तस्य सदा स्मृत्वा ध्यात्वापि च समाहिताः / नामापि च समुच्चार्य भजेयुः श्रद्धया सदा // svayambhup_9.30 //

ते ऽपि सर्वे विकल्माषाः परिशुद्धत्रिमण्डलाः / तद्गुणश्रीसमापन्ना भवेयु बोधिचारिणः // svayambhup_9.31 //

इत्येवं तत्महत्पुण्यं विज्ञाय तद्गुणार्थिनः / तस्यैव शरणं गत्वा भजन्तु ते सदा मुदा // svayambhup_9.32 //

इत्यादिष्टं मुनीन्द्रेण सर्वे ऽपि ते सभाश्रिताः / लोकास्तथेति विज्ञप्य प्राभ्यनन्दन् प्रबोधिताः // svayambhup_9.33 //

एवमसौ महासत्त्वो भद्रश्रीसद्गुणार्थभृत् // सर्वसत्त्वहितं कृत्वा संतस्थे सुचिरं तथा // svayambhup_9.34 // ततः काले गते राजा वृद्धोभिजीर्ण्णितेन्द्रियः / निःक्लेशो विरताभागो ध्यात्वैव समचिन्तयत् // svayambhup_9.35 //

अहं वृद्धोतिजीर्ण्णाङ्गः स्थास्याम्येवं कियाच्चरं / अवश्यं दैवयोगेण यास्यामि मरणं ध्रुवं // svayambhup_9.36 //

तदत्राहं स्वपुत्राय यूने लोकानुपालने / साभिषेकमिदं राज्यं दातुमर्हामि साम्प्रतं // svayambhup_9.37 //

इति ध्यात्वा स भूपालो नरेन्द्रदेवमात्मजं / अभिषिंच्य नृपं कृत्वा बोधयन्नेवमंन्वशात् // svayambhup_9.38 //

राजन् पुत्र समाधाय धर्मनीत्या समाचरन् / त्रिरत्नभजनं कृत्वा संचरस्व सदा शुभे // svayambhup_9.39 //

अद्यारभ्यासि सर्वेषां लोकानामधिपः प्रभुः / सर्वधर्मानुशास्ता च सर्वसत्त्वहितार्थभृत् // svayambhup_9.40 //

तदत्र सकलान् लोकान् धर्मनीत्यानुपालयन् / त्रिरत्नभजनं कृत्वा संचरंस्व सदा शुभे // svayambhup_9.41 //

इत्यनुशास्य तन्पुत्रं पिता स भवनिस्पृहः / सर्वपरिग्रहान्स्त्यक्त्वा वनप्रस्थसमाश्रयन् // svayambhup_9.42 //

तत्रस्थासौ महाभिज्ञः परिशुद्धित्रिमण्डलः / समाधिनिहितः स्वान्तः ससंचरे बह्मसंबरं // svayambhup_9.43 //

ततः काले गते मृत्युसमये स समाहितः / त्रिरत्नं स स्मरंस्त्यक्त्वा देहं ययौ सुखावतीं // svayambhup_9.44 //

ततः स नृपती राजा नरेन्द्रदेव इन्द्रवत् / संबोधयन् प्रयत्नेन सर्वान् लोकानपालयत् // svayambhup_9.45 //

सो ऽपि राजा विशुद्धात्मा सद्धर्म्मगुणलालसः / शान्तिकरं तमाचार्य समेत्य शरणं ययौ // svayambhup_9.46 //

तत्र स समुपाश्रित्य शास्तुराज्ञां शिरोवहन् / त्रिरत्नभजनं कृत्वा प्राचरत् सर्वदा शुभे // svayambhup_9.47 //

सदा सर्वेषु तीर्थेषु स्नानं कृत्वा यथाविधि / पित्रेभ्यः प्रददौ पिण्डंमर्थिभ्यो ऽपि यथेप्सितं // svayambhup_9.48 //

तथाष्टौ वीतरागांश्च क्षत्रलोकाधिपामपि / यथाविधि समाराध्य समार्चयत् स पर्वसुः // svayambhup_9.49 //

तथा च श्रीमहादेवीं खगाननां यथाविधि / समाराध्य समभ्यर्च्य महोत्साहैर्मुदाभजत् // svayambhup_9.50 //

तथा मञ्जुश्रीयश्चैत्ये पृच्छाग्रेस्मिन्नुपाश्रयत् / यथाविधि समाराध्य समभ्यर्च्याभजत् सदा // svayambhup_9.51 //

तथा वायुपुरे वायुदेवताः सगणा अपि / यथाविधि समाराध्य समभ्यर्च्याभजत् सदा // svayambhup_9.52 //

तथा वह्निपुरे वह्निदेवताः सगणा अपि / यथाविधि समाराध्य समभ्यर्च्याभजत् सदा // svayambhup_9.53 //

तथा नागपुरे नागदेवताः सगणा अपि / यथाविधि समाराध्य समभ्यर्च्याभजत् सदा // svayambhup_9.54 //

तथा वसुपुरे देवीं वसुधारां समण्डलाम् / यथाविधि समाराध्य समभ्यर्च्या सदाभजत् // svayambhup_9.55 //

तथा शान्तिपुरे श्रीमत्सम्बरं सगणं जिनं / यथाविधि समाराध्य समभ्यर्च्या सदाभजत् // svayambhup_9.56 //

तथा तस्य धर्मधातोः स नरेन्द्रः समुपाश्रितः / यथाविधि समाराध्य प्राभजन् सर्वदार्चयन् // svayambhup_9.57 //

एवं स नृपती राजा सद्धर्मगुणलालसः / त्रिरत्नभजनं कृत्वा संप्राचरत् सदा शुभे // svayambhup_9.58 //

एवं स नृप एतेषु तीर्थयात्रादिकर्मसु / बोधयित्वा प्रयत्नेन सर्वान् लोकान् यया जयत् // svayambhup_9.59 //

तथा सर्वे ऽपि ते लोका धृत्वा नृपानुशासनं / एतेषु तीर्थयात्रादिकर्मसु संप्रचेरिरे // svayambhup_9.60 //

तथाष्टौ वीतरागांश्च देवीं खगाननामपि / पञ्चैता देवताश्चापि चैत्यं मञ्जुश्रियो ऽपि च // svayambhup_9.61 //

जगदीशं जगन्नाथं धर्मधातुं जिनालयं / यथाविधि समभ्यर्च्य प्राभजन्त सदा मुदा // svayambhup_9.62 //

एतद्धर्मानुभावेन सर्वदात्र सुमङ्गलं / निरुत्पातं महोत्साहं प्रावर्त्तत समन्ततः // svayambhup_9.63 //

एवं स नृपती राजा नरेन्द्र देव आत्मनः / बोधिचर्याः व्रतं धृत्वा संप्रचर जगद्धिते // svayambhup_9.64 //

परानपि तथा सर्वान् लोकान् यत्नेन बोधयन् / बोधिमार्गे समायुज्य प्राचारयज्जगद्धिते // svayambhup_9.65 //

एवं स इन्द्रवद् राज बोधिसत्त्वा जगत्प्रभुः / सर्वसत्त्वहितं कृत्वा तस्थौ चिरं शुभे रमन् // svayambhup_9.66 //

ततः श्रीमान् स आचार्यः शान्तिकरो महर्द्धिकः / कृतकृत्यः प्रवृद्धो ऽपि निर्वातुं नाभिवांछति // svayambhup_9.67 //

सर्वसत्त्वहिताकांक्षी शान्तिपुराग्रताधसि / ध्यानागारे महोद्दारे याजनैक प्रमाणिके // svayambhup_9.68 //

आरोप्य श्रीमहोज्वाले चिन्तामणि महाध्वजं / स प्राज्ञः स महासत्त्वो बोधिसत्त्वा जिनात्मजः // svayambhup_9.69 //

समाधिधारणीविद्यायोगध्यानसमाहितः / सम्बोधिप्रणिधिं धृत्वा तस्थौ निश्चरमानसः // svayambhup_9.70 //

यदा सद्धर्म्महीणे ऽत्र लोकपंच कषायिते / तदोत्थाय समाधेः स सद्धर्म्म देशयिष्यति // svayambhup_9.71 //

यदा यदात्र सत्मित्रः शास्त्रा विद्याधिपा न हि / तदा तदा न सन्मित्रः शास्त्राविद्याधिपोभवन् // svayambhup_9.72 //

सर्वान्लोकान् प्रयत्नेन निवार्य पापमार्गतः / बोधिमार्गे प्रतिष्ठाप्य चारयिष्यति सद्धर्मे // svayambhup_9.73 //

एवं ध्यात्वा स आचार्यः शान्तिकरः समाधिभृत् / सर्वसत्त्वहितार्थेन तस्थौ योगसमाहितः // svayambhup_9.74 //

एवं स त्रिगुणाचार्यः सर्वसत्त्वहितार्थभृत् / बोधिसत्त्वमहाभिज्ञ तिष्ठ तत्र जगद्धित // svayambhup_9.75 //

ये तस्य शरणं गत्वा स्मृत्वा ध्यात्वा समादरात् / नामापि च समुच्चार्यं भजन्ति श्रद्धया सदा // svayambhup_9.76 //

ते ऽपि सर्वे महाभिज्ञा बोधिसत्त्वा विचक्षणाः / भद्रश्रीगुणसंपन्ना भविष्यन्ति सदा भवे // svayambhup_9.77 //

ततस्ते विमलात्मानश्चतुर्ब्रह्मविहारिणः / बोधिचर्याव्रतं धृत्वा चरिष्यन्ति जगद्धिते // svayambhup_9.78 //

ततस्ते बोधिसंभारं पूरयित्वा यथाक्रमं / अर्हन्तो बोधिमासाद्य प्राप्स्यन्ति सौगतं पदं // svayambhup_9.79 //

ये च तद्गुणमाहात्म्यं शृण्वन्ति श्रद्धया मुदा / ते ऽपि तद्गुण संपत्ति संसिद्धिं समवाप्नुयुः // svayambhup_9.80 //

इति विज्ञाय वाञ्छन्ति यस्तस्य गुणसंपद / ते सद्गुणमाहात्म्यं श्रोतुमर्हति सादरं // svayambhup_9.81 //

इत्यादिष्टं मुणीन्द्रेन श्रुत्वा सर्वसभाश्रिताः / लोकास्तथेति संश्रुत्य प्राभ्यनन्दन् प्रबोधिताः // svayambhup_9.82 //

इति श्रीमहाचार्यशान्तिकरगुणसंसिद्धिमाहात्म्यानुभावप्रकथनप्रवृत्तो नामाध्याय नवमः /

दशम अध्यायः श्री धर्म्मधातुस्वयम्भूत्पत्तिधर्म्ममाहात्म्यसुभाषितसूत्रं नाम

अथासौ भगवान् भूयो मैत्रेयं तं महामतिं / समालोक्य सभां चापि समामन्त्र्यैवमादिशत् // svayambhup_10.1 //

शृणु मैत्रेय वक्ष्यामि मञ्जुश्रियो जगद्गुरोः / सद्धर्मगुणमाहात्म्यं संबोधिज्ञानदायकं // svayambhup_10.2 //

यदियं भिक्षुणी चूडा सुशीला ब्रह्मचारिणी / इदं मञ्जुश्रियं श्चैत्यं श्रद्धया समुपाश्रिता // svayambhup_10.3 //

शुद्धोत्पलस्रजो नित्यं समभ्यर्च्य यथाविधि / स्मृत्वा ध्यात्वा समाराध्य सभक्त्या श्रद्धया सदा // svayambhup_10.4 //

आद्यां चले चुले वन्दे स्वाहेति नवमाक्षरं / धारणी परमाविद्यां पठन्ती भजने सदा // svayambhup_10.5 //

एतन्पुण्यानुभावेन चूण्डेयं भिक्षुणी सती / पञ्चाभिज्ञावती वर्षैर्द्वादशभिर्भवेद् ध्रुवं // svayambhup_10.6 //

ततश्चेयं महाभिज्ञा श्रीसमृद्धिगुणाश्रया / सर्वसत्त्वहितं कृत्वा प्रचरेद् बोधिसंवरं // svayambhup_10.7 //

ततो ऽर्हन्ती महाप्राज्ञा परिशुद्धत्रिमण्डला / त्रिविधां बोधिमासाद्य संबुद्धपदमाप्स्यति // svayambhup_10.8 //

एवमन्येपि लोकाश्च चैत्यमञ्जुश्रियो त्रये / पठन्ती धारणीमेनां भजन्ति श्रद्धया सदा // svayambhup_10.9 //

ते ऽपि सर्वे विकल्माषाः परिशुद्धत्रिमण्डलाः / भद्रश्रीसद्गुणाधारा बोधिसत्त्वा जितेन्द्रियाः // svayambhup_10.10 //

पञ्चाभिज्ञपदप्राप्ताश्चतुर्ब्रह्मविहारिणः / सर्वसत्त्वहिताधारा चरेयुर्बोधिसम्बरं // svayambhup_10.11 //

ततस्ते बोधिसंभारं पूरयित्वा यथाक्रमं / जित्वा मारगणान् सर्वान् निःक्लेशा विमलेन्द्रियाः // svayambhup_10.12 //

अर्हन्तो ऽपि महाभिज्ञाः संबोधिसाधनारताः / त्रिविधां बोधिमासाद्य संबुद्धपदमाप्नुयुः // svayambhup_10.13 //

यूयमपिति मत्वात्र चैत्यमञ्जुश्रियस्तथा / पठन्तो धारणीमेनां भजध्वं बोधिमानसाः // svayambhup_10.14 //

एतत्पुण्याभिलिप्ता हि परिशुद्धत्रिमण्डलाः / यूयमपि तथा सर्वे भवेत सुगतात्मजाः // svayambhup_10.15 //

बोधिसत्त्वा भद्रश्रीसद्गुणाश्रयाः / महाभिज्ञा जगन्नाथा भवेत भद्रचारिणः // svayambhup_10.16 //

ततः संबोधिसंभारं पूरयित्वा यथाक्रमं / जित्वा मारगणान् सर्वाश्चतुर्ब्रह्मविहारिणः // svayambhup_10.17 //

अर्हन्तस्त्रिविधां बोधिं प्राप्य बुद्धा भविष्यथ / इति सत्यं परिज्ञाय यदि संबोधिमिच्छथ // svayambhup_10.18 //

अस्मिन् मञ्जुश्रियश्चैत्यं भजध्वं सर्वदा मुदा / इत्यादिष्टं मुनीन्द्रेण निशम्य ते ससांधिकाः // svayambhup_10.19 //

सर्वलोकास्तथेत्युक्त्वा प्राभ्यनन्दत् प्रबोधिताः / ततः सर्वे ऽपि ते लोका ब्रह्माशक्रादयो ऽमराः // svayambhup_10.20 //

सर्वे लोकाधिपाश्चापि सार्द्धं परिजनैर्मुदा / भगवन्तं मुनीन्द्रं तं ससंघ संप्रसादिताः // svayambhup_10.21 //

नत्वा प्रदक्षिणी कृत्वा स्वस्वालयं मुदा ययुः / सर्वे मर्त्या नृपाद्याश्च समन्त्रिजनपौरिकाः // svayambhup_10.22 //

ससांधिकं मुनीन्द्रं तं नत्वा स्वस्वालयं ययुः / हारीति यक्षिणीशापि सात्मजा बौद्धरक्षणी // svayambhup_10.23 //

त्रिरत्नभजनं कृत्वा धर्मधातोरूपाश्रयत् / ततः स भगवांश्चापि समुत्थाय ससांधिकः // svayambhup_10.24 //

प्रभासयञ्जगद्भासा जटोद्यानाश्रमे ययौ / तत्र स त्रिजगन्नाथो विहारे सहसांधिकैः // svayambhup_10.25 //

सद्धर्म्मसमुपादिश्य विजहार जगद्धिते / इति ते गुरुणादिष्टं श्रुतं मया तथोच्यते // svayambhup_10.26 //

श्रुत्वाप्येतन्महाराजा श्रद्धयाभ्यनुमोदय / इति शास्त्रार्हतादिष्टं निशम्य स नराधिपः // svayambhup_10.27 //

प्रसादितस्तमर्हन्त नत्वा प्राहैवमादरात् / भदन्तोहं समिच्छामि संद्रष्टुं तं स्वयंभुवं // svayambhup_10.28 //

तन्नैपाले प्रगच्छामि तदनुज्ञां प्रदेहि मे / इति संप्रार्थितं राज्ञा श्रुत्वा सोर्हन्यतिर्मुदा // svayambhup_10.29 //

नृपतिं तं महासत्त्वं संपश्यन्नेवमादिश्यत् / साधु राजन् समिच्छा ते यद्यस्ति तं स्वयम्भुवं // svayambhup_10.30 //

द्रष्टुं गच्छ समाराध्य भज श्रद्धासमन्वितः / सर्वतीर्थेषु च स्नात्वा दत्वा दानं यथेप्सितं // svayambhup_10.31 //

वीतरागां समाराध्य समभ्यर्च्यभिजादरात् / धर्मोदयां महादेवीं खगाननां जिनेश्वरीं // svayambhup_10.32 //

श्रद्धया समुपाश्रित्य समभ्यर्च्य भजादरात् / पञ्चपुरास्थिताः पञ्च देवताश्च यथाविधि // svayambhup_10.33 //

समाराध्य समभ्यर्च्य भज भक्त्या समादरात् / मञ्जुदेवस्य चैत्यं च समालोक्य यथाविधि // svayambhup_10.34 //

समाराध्य समभ्यर्च्य भजेनां धारणीं पठन् / आचार्य च गुहासीनं समाधिध्यानसंस्थितं // svayambhup_10.35 //

ध्यात्वाराध्य समभ्यर्च्य नत्वा भज समादरात् / एवमन्यान् महासत्त्वान् धर्म्मधातोरूपासकान् // svayambhup_10.36 //

सर्वानपि समाराध्य समभ्यर्च्य प्रणामय / एतत्पुण्यविशुद्धात्मा भद्रश्री सद्गुणाश्रयः // svayambhup_10.37 //

बोधिसत्त्वा महासत्त्वा जगद्भर्त्ता भवेदपि / ततः संबोधिसंभारं पूरयित्वा यथाक्रमं // svayambhup_10.38 //

अर्हन्संबोधिमासाद्य संबुद्धपदमाप्स्यसि / इति सत्यं परिज्ञाय संबोधि यदि वाञ्छसि // svayambhup_10.39 //

गत्वा तत्र महोत्साहैर्धर्म्मधातुं विलोक्य तं / यथाविधि समाराध्य भजस्व समुपाश्रितः // svayambhup_10.40 //

गच्छ ते मङ्गलं भुयात् सिध्यतु ते समीहितं / यथेच्छया समालोक्य समायाहि प्रमोदितः // svayambhup_10.41 //

इति शास्त्रा समादिष्टं श्रुत्वा स नृपतिर्मुदा / तं गुरुं साञ्जलिर्नत्वा प्राप्यानुज्ञामनन्दतः // svayambhup_10.42 //

ततः स नृपती राजा समन्त्रिजनपौरिकाः / राजर्द्धि मंगलोत्साहैः संप्रस्थितो मुदाचरत् // svayambhup_10.43 //

तत्र मार्गे स राजेन्द्रः सर्वान् लोकान् प्रसादयन् / महोत्साहैश्चरन्नाशु नैपालं समुपाययौ // svayambhup_10.44 //

तत्र प्राप्तः समालोक्य दूरात् तं श्रीस्वयंम्भुवं / साञ्जलि प्रणतिं कृत्वा प्रमनाः सहसा चरेत् // svayambhup_10.45 //

तत्र सर्वत्र संवीक्ष्य शुभोत्साहप्रवर्त्तितं / विस्मयानन्दितान्सा स नृपतिः समुपासरेत् // svayambhup_10.46 //

तत्र सर्वेषु तीर्थेषु क्रमेण स नराधिपः / स्नात्वार्थिभ्यो यथाकामं ददौ दानं चरन् व्रतं // svayambhup_10.47 //

ततो ऽष्टौ वीतरागान् स नृपतिर्वीक्ष्य हर्षितः / यथाविधि समाराध्य भजत्यर्च्य यथाविधि // svayambhup_10.48 //

ततो मुदाचरन् वीक्ष्य धर्म्मधातुं जिनालयं / यथाविधि समाराध्य समभ्यर्च्याभजन् क्रमात् // svayambhup_10.49 //

ततो वायुपुरे वायुदेवतां सगणां मुदा / यथाविधि समाराध्य समभ्यच्यनितोभजत // svayambhup_10.50 //

ततश्चाग्निपुरे वह्निदेवताः सगणामपि / यथाविधि समाराध्य संपूज्याभजदादरात् // svayambhup_10.51 //

ततो नागपुरे नागदेवताःसगणा अपि / यथाविधि समाराध्य समभ्यर्च्या मुदाभजत् // svayambhup_10.52 //

ततो वसुपुरे देवीं सगणां श्रीवसुन्धरां / यथाविधि समाराध्य भजत्यर्च्य समादरात् // svayambhup_10.53 //

ततः शान्तिपुरे श्रीमत्सम्बरं सगणं तथा / यथाविधि समाराध्य समभ्यर्च्य मुदाभजत् // svayambhup_10.54 //

ततः शान्तिकराचार्य समाधिध्यानसंस्थितं / ध्यात्वाराध्य समभ्यर्च्य प्राभजन् संप्रमोदितः // svayambhup_10.55 //

ततो धर्म्मोदया देवी खगाननां महेश्वरीं / यथाविधि समाराध्य समभ्यर्च्य मुदाभजत् // svayambhup_10.56 //

सम्बुद्धं पुण्डरीकाक्षं सर्वज्ञ करुणास्पदं / समन्तभद्रशास्तारं शाक्यसिंहं नमाम्यहं // svayambhup_10.57 //

श्रीघनं श्रीमतिं श्रेष्ठं शीलराशिं शिवकरं / श्रीमन्तं श्रीकरं शान्तं शान्तिमूर्ति नमाम्यहम् // svayambhup_10.58 //

नैरात्मवादिनं सिंहं निरवद्यं निराश्रवं / नीतिज्ञं निर्मलात्मानं निष्कलंकं नमाम्यहम् // svayambhup_10.59 //

निर्द्वन्द्वं निरहंकारं निर्विकल्पं तथागतं / निर्द्धूतनिखिलक्लेशं निष्प्रपंचं नमाम्यहं // svayambhup_10.60 //

विश्वेश्वरं विशेषो ऽहं विश्वरूपं विनायकं / विश्वलक्षणसंपूर्ण्ण वीतरागं नमाम्यहं // svayambhup_10.61 //

विधावरेण संपन्नं विश्वेशम्विमलप्रभं / विनीतवेगं विमलं वीतमोहं नमाम्यहं // svayambhup_10.62 //

दुदन्तिदमकं शान्तं शुद्धं पञ्चजिनालयं / सुगतिं सुश्रुतं सौम्यं शुभ्रकीर्त्ति नमाम्यहं // svayambhup_10.63 //

योगीश्वरं दशबलं लोकज्ञं लोकपूजितं / लोकाचार्य लोकमूर्तिं लोकानाथं नमाम्यहं // svayambhup_10.64 //

कलंकमुक्तिं कामारिं सकलैकं कलाधरं / कान्तमूर्ति दयापात्रं कनकाभं नमाम्यहं // svayambhup_10.65 //

ततो मञ्जुश्रियश्चैत्यं धर्मधातुमुपाश्रयन् / यथाविधि समाराध्य समभ्यर्च्यानतोभजत् // svayambhup_10.66 //

ततो मुदा चरन् वीक्ष्य धर्मधातुं जिनालयं / यथाविधि समाराध्य समभ्यर्च्याभजन् मुदा // svayambhup_10.67 //

भक्त्या परमयास्तौषीजिनालयं स्वयंभुवं / ज्योतीरूपाय चैतन्यं रूपाय भवते नमः // svayambhup_10.68 //

मुरादिनिधनाय श्रीदात्रे प्रणवरुपिणे / विश्वतोमुखरुपाय भक्तवत्सल ते नमः // svayambhup_10.69 //

पृथ्व्यादिभूतनिर्मात्रे जगद्वंद्यायते नमः / जगत्स्रष्टे जगत्पात्रे जगद्धर्त्रे नमो नमः // svayambhup_10.70 //

ध्यानगम्याय ध्येयाय चर्तुवर्गप्रदायिने / एवं स्तुत्वा अशोकः स पुनः क्षमापनं व्यधात् // svayambhup_10.71 //

एवं स नृपतिः सर्वान् धर्मधातोरुपासकान् / महासत्त्वान् समभ्यर्च्य सत्कृत्य समतोषयत् // svayambhup_10.72 //

एवं स नृपराजः श्री धर्मधतोरूपाश्रितः / त्रिरत्नभजनं कृत्वा प्राचरद् बोधिसम्बरं // svayambhup_10.73 //

ततः स नन्दितो राजा समन्त्रिजनपौरिकः / नत्वा प्रदक्षिणीकृत्य धर्म्मधातुं मुदाचरत् // svayambhup_10.74 //

ततश्चरन् स भूमीन्द्रो महोत्साहैः प्रमोदितः / सहसा पुरमासाद्य विहार समुपाचरत् // svayambhup_10.75 //

तत्रोपेत्य तमर्हन्तमुपगुप्तससांधिकं / समीक्ष्य सञ्जलिर्नत्वा सभैकान्तं समाश्रयत् // svayambhup_10.76 //

तं समायातमालोक्य सो ऽर्हे शास्ता प्रसन्नदृक् / स्वागतं कुशलं कच्चिन्नृपतिं पर्यपृच्छत // svayambhup_10.77 //

तच्छुत्वा स महीपालः शास्तारं तं कृताञ्जलिः / प्रणत्वा सुप्रसन्नास्यः संपश्यन्नेवमब्रवीत् // svayambhup_10.78 //

समागतोस्म्यहं शास्तर्भवत्कृपानुभावतः / कुशलं मे कथं न स्यात् सर्वत्रापि सदापि हि // svayambhup_10.79 //

भवत्कृपानुभावेन नेपाले ऽहं मुदाचरन् / दृष्ट्वा सर्वेषु तीर्थेषु स्नात्वा दानं यथेप्सितं // svayambhup_10.80 //

तथाष्टौ वीतरागाश्च समालोक्य प्रमादितः / यथाविधि समाराध्य समभ्यर्च्यभिजं क्रमात् // svayambhup_10.81 //

ततः समीक्ष्य तं श्रीमद्धर्म्मधातुं स्वयंभुवं / यथाविधि समाराध्य समभ्यर्च्याभजन् मुदा // svayambhup_10.82 //

ततो वायुपुरे वायुदेवताभ्यर्च्चिता मया / ततश्चाग्निपुरे वह्निर्देवतापि मयार्च्चिता // svayambhup_10.83 //

तथा नागपुरे नागराजांश्चापि मयार्च्चिता / तथा तथा वसुपुरे देवी वसुन्धरां समर्च्चिता // svayambhup_10.84 //

ततः शान्तिपुरे श्रीमत्सम्बरश्च समर्च्चितः / ततः शान्तिकराचार्यः समालोक्य मयार्चितः // svayambhup_10.85 //

देवीं खगाननां चापि समाराध्य समर्चिता / मञ्जुदेवस्य चैत्यं च यथाविधि समर्चितं // svayambhup_10.86 //

एवं भदन्त तत्रोपच्छन्दोहे पुण्यभूतले / यथाविधि समाराध्य सर्वदेवा मयार्चिताः // svayambhup_10.87 //

एतत्पुण्यं मया लब्धं भवत्कृपानुभावतः / तदत्र जन्मसाफल्यं जीवितं चापि मे ऽधुना // svayambhup_10.88 //

तथात्र सर्वदा शास्त धर्मधातुं जिनालयं / स्मृत्वा नाम समुच्चार्य ध्यात्वा भजेय मा भवं // svayambhup_10.89 //

इति राज्ञा समाख्यातं श्रुत्वा सो ऽर्ह प्रसादितः / नृपति तं समालोक्य पुनरेवं समादिशत् // svayambhup_10.90 //

धन्यो ऽसि यत्महाराजधर्मधातुं जिनालयं / स्मृत्वा ध्यात्वापि संभक्तुंमिच्छसे ऽत्र सदा भज // svayambhup_10.91 //

एतत्पुण्यविशुद्धात्मा भद्रश्रीसद्गुणाश्रयः / बोधिसत्त्वो महासत्त्वः सर्वधर्माधिपो भवेः // svayambhup_10.92 //

ततः संबोधिसंभारं पूरयित्वा यथाक्रमं / अर्हन्स्त्रिबोधिमासाद्य ध्रुवं बुद्धपदं लभेः // svayambhup_10.93 //

समुत्पत्तिकथां तस्य धर्मधातोः स्वयंभुवः / श्रुत्वापि यत्महत्पुण्यं संबोधिसाधनं लभेत् // svayambhup_10.94 //

इति मत्वा समुत्पत्तिकथां तस्य स्वयंभुवः / सत्कृत्य श्रद्धया मर्त्याः श्रोतुमर्हन्ति सर्वथा // svayambhup_10.95 //

समुत्पत्तिकथां तस्य धर्मधातोः स्वयंभुवः / शृण्वन्ति ये नरा भक्त्या सत्कृत्य श्रद्धया मुदा // svayambhup_10.96 //

दुर्गतिं ते न गच्छन्ति कुत्रापि हि कदाचन् / सदा सद्गतिसंजाता भद्रश्रीसद्गुणाश्रयाः // svayambhup_10.97 //

सर्वसत्त्वहिताधानबोधिचर्याव्रतारताः / महाभिज्ञा जगन्नाथा भवेयुः सुगतात्मजाः // svayambhup_10.98 //

क्रमेण बोधिसम्भारं पूरयित्वा जगद्धिते / अर्हन्तत्रिविधां बोधिं प्राप्येयुः सौगतं पदं // svayambhup_10.99 //

इति मत्वा महाराज श्रोतव्यं श्रद्धयादरात् / स्वयम्भूगुणमाहात्म्यं दुर्ल्लभं बोधिवाञ्छिभिः // svayambhup_10.100 //

शृण्वन्ति ये नरा भक्त्या सत्कृत्य श्रद्धया मुदा / स्वयंभूगुणमाहात्म्यसद्धर्मश्रीगुणार्थदं // svayambhup_10.101 //

ते ऽपि न दुर्गतिं यायुः सदासद्गतिसंगताः / भद्रश्रीसद्गुणाधारा भवेयुर्बोधिलाभिनः // svayambhup_10.102 //

तस्मादेतत्महत्पुण्यं श्रुत्वा ध्यात्वा सदादरात् / स्मृत्वा नाम समुच्चार्य संभक्तव्यं स्वयंभुवं // svayambhup_10.103 //

अहमपि पुरा राजन् धर्म्मधातोः स्वयंभुवः / श्रुत्वा सद्गुणसांकथ्यं बभूव संप्रमोदितः // svayambhup_10.104 //

ततो ऽहं सहसा तत्र नेपाले समुपाचरंत् / स्नात्वा सर्वेषु तीर्थेषु ददौ दानं यथेप्सितं // svayambhup_10.105 //

अष्टौ तान् वीतरागांश्च समाराध्य मयार्चिताः / देवीं खगाननां चापि समाराध्य समर्चिता // svayambhup_10.106 //

मञ्जुदेवस्य चैत्यं च समाराध्य समर्चितं / पञ्च पुरा स्थिता पञ्च देवताश्च समर्चिताः // svayambhup_10.107 //

तथा शान्तिकराचार्यः समालोक्य समर्चितः / ततःशरणमाश्रित्य धर्मधातो स्वयंभुवः // svayambhup_10.108 //

सत्कृत्य श्रद्धया नित्यं समाराध्य मुदा भजं / एवं तत्र सदाश्रित्य धर्मधातोरूपासकः // svayambhup_10.109 //

त्रिरत्नभजनं कृत्वा प्राचरन् बोधिसंबरं / एतत्पुण्यविशुद्धात्मा परिशुद्धत्रिमण्डलः // svayambhup_10.110 //

अहं बोधिं समासाद्य जिनात्मजा भवे ऽधुना / इति विज्ञाय मानुष्या वाञ्छन्ति ये सुनिर्वृतिं // svayambhup_10.111 //

धर्मधातुं समाराध्य भजन्तु ते सदा मुदा / स्मृत्वा ध्यात्वा च नामापि समुच्चार्य समादरात् // svayambhup_10.112 //

समालोक्य प्रणत्वापि भजन्तु तं जिनालयं / ये भजन्ति सदा स्मृत्वा ध्यात्वा नत्वा जिनालयं // svayambhup_10.113 //

द्रुतं संबोधिमासाद्य संबुद्धपदमाप्नुयुः / इति सत्यं समाख्यातं सर्वैरपि मुनीश्वरैः // svayambhup_10.114 //

श्रुत्वानुमोद्य तं धर्मधातुं स्मृत्वा भजन्त्वलं / सुभाषितमिदं येपि श्रुत्वानुमोदिताशयाः // svayambhup_10.115 //

धर्मधातुमनुस्मृत्वा ध्यात्वा भजन्ति सर्वदा / ते ऽपि चैतत्महत्पुण्यपरिशुद्धत्रिमण्डलाः // svayambhup_10.116 //

भद्रश्रीसद्गुणाधाराश्चतुर्ब्रह्मविहारिणः / बोधिसत्त्वा महासत्त्वा महाभिज्ञाः शुभेन्द्रियाः // svayambhup_10.117 //

द्रुतं संबोधिमासाद्य संबुद्धपदमाप्नुयुः / इति मे गुरुणादिष्टं श्रुतं मया तथोच्यते // svayambhup_10.118 //

त्वमपीदं सदा लोका श्रावयित्वानुमोदय / एतत्पुण्यानुभावेन सर्वत्र सर्वदापि ते // svayambhup_10.119 //

निरुत्पातं शुभोत्साहं भवेन्नूनं नराधिपः / इति तेनार्हतादिष्टं श्रुत्वाशोको नृपो मुदा // svayambhup_10.120 //

तथेति प्रतिविज्ञप्य प्राभ्यनन्दत् सपार्षदः / ततः सर्वे ऽपि ते लोका निशम्यैतत्सुभाषितं // svayambhup_10.121 //

अनुमोद्य महोत्साहैः संचेरिरे शुभे सदा / तदैतत्पुण्यभावेन सर्वत्र तत्र सर्वदा // svayambhup_10.122 //

निरुत्पातं शुभोत्साहं प्रावर्त्तत निरन्तरं / इत्यादिश्य महाभिज्ञो जयश्रीः स महामतिः // svayambhup_10.123 //

सर्वान्स्तान् सांधिकान् पश्यन् पुनरेवं समादिशत् / यत्रेदं धर्म्मसांकथ्यं प्रावर्त्तयेत् कलावपि // svayambhup_10.124 //

भाषेत्य शृणुयाद्यश्च श्रावयेद्यः प्रचारयेत् / एतेषां तत्र सर्वेषां संबुद्धाः सकलाः सदा // svayambhup_10.125 //

कृपा दृष्ट्या समालोक्य प्रकुर्युर्भद्रमाभवं / सर्वा पारमिता देव्यस्तेषां तत्र सदा शिवं // svayambhup_10.126 //

कृत्वा संबोधिसंभारं पूरयेयुर्यथाक्रमं / सर्वे ऽपि बोधिसत्त्वाश्च प्रत्येकसुगता अपि // svayambhup_10.127 //

अर्हन्तो योगिनस्तेषां प्रकुर्युर्मङ्गलं सदा / सर्वे लोकाधिपाश्चापि सर्वे चापि महर्षयः // svayambhup_10.128 //

तत्र तेषां हि सर्वेषां कुर्युः समीक्ष्य मङ्गलं / सर्वे देवाधिपाश्चापि सर्वदैत्याधिपा अपि // svayambhup_10.129 //

तथा सर्वे ऽपि गन्धर्वाः सर्वयक्षाधिपा अपि / गरुडा नागराजाश्च कुम्भाण्डाधीश्वरा अपि // svayambhup_10.130 //

समीक्ष्य सर्वदा तेषां रक्षां कुर्युः समन्ततः / सर्वाश्च मातृका देव्यः सभैरवगणा अपि // svayambhup_10.131 //

कृत्वा रक्षां सदा तेषां कुर्युर्भद्रं समन्ततः / सर्वे ग्रहाश्च ताराश्च सिद्धा विद्याधरा अपि // svayambhup_10.132 //

साध्याश्चापि सदालोक्य तेषां कुर्युः सुमङ्गलं / भूतप्रेतपिशाचाश्च दुष्टा मारगणा अपि // svayambhup_10.133 //

वीक्ष्य तेषां प्रसन्नास्ते रक्षां कुर्युः सदा मुदा / स्वयम्भूगुणमाहात्म्य सांकथ्यं यो ऽलिखेत् मुदा // svayambhup_10.134 //

तेनापि लिखितं सर्व महायानसुभाषितं / लेखापितं च येनेदं धर्मधातुसुभाषितं // svayambhup_10.135 //

तेनापि सकलं सूत्रं लेखापितं भवेद् ध्रुवं / लिखितं चापि येचेदं प्रतिष्ठाप्य यथाविधि // svayambhup_10.136 //

शुद्धस्थाने गृहे स्थाप्य पूजाङ्गैः सर्वदार्चितं / तेनार्हन्तो जिनाः सर्वे प्रत्येकसुगता अपि // svayambhup_10.137 //

ससंघा बोधिसत्त्वाश्च भवन्ति पूजिताः खलु / यश्चापीदं स्वयं धृत्वा परेभ्यो ऽपि समादिशत् // svayambhup_10.138 //

भावयेत् सततं स्मृत्वा ध्यात्वापि प्रणमेन्मुदा / तस्य सर्वमुनीन्द्रो हि प्रत्येकसुगता अपि // svayambhup_10.139 //

अर्हन्तो बोधिसत्त्वाश्च तुष्टा दद्युः समीहितं / यश्चैतदुपदेष्टारं सर्वाश्च श्रावकानपि // svayambhup_10.140 //

यथाविधि स समभ्यर्च्य भाजनैः समतोषयेत् / तेन सर्वे ऽपि संबुद्धाः प्रत्येकसुगता अपि // svayambhup_10.141 //

अर्हन्तो भिक्षवः सर्वे योगिनो ब्रह्मचारिणः / बोधिसत्त्वाश्च सर्वे ऽपि व्रतिनो यतयो ऽपि च // svayambhup_10.142 //

अर्चिता भोजितास्तुष्टा भवेयुरनुमोदिताः / किमेवं वहुनोक्तेन सर्वे बुद्धा मुनीश्वराः // svayambhup_10.143 //

सर्वास्ताराश्च देव्यो ऽपि सर्वसंघा जिनात्मजाः / नित्यं तेषां कृपा दृष्टया समालोक्यानुमोदिताः // svayambhup_10.144 // रक्षां विधाय सर्वत्र वरं दद्युः समीहितं // svayambhup_10.145 // सर्वे लोकाधिपाश्चापि सर्वे देवा सुराधिपाः / रक्षां कृत्वा वरं दद्युस्तेषां सद्धर्मसाधने // svayambhup_10.146 //

राजानो ऽपि सदा तेषां रक्षा कृत्वानुमोदिताः / यथाभिवाञ्छितं दत्वा पालयेयुः सदादरात् // svayambhup_10.147 //

मन्त्रिणो ऽपि सदा तेषां सामात्यसचिवानुगाः / सभृत्यसैन्यभट्टाश्च भवेयुर्हितकारिणः // svayambhup_10.148 //

सर्वे वैश्याश्च सर्वार्थभर्त्तारःस्यु सुहृन्प्रियाः / श्रेष्टिमहाजनाः सर्वे भवेयुर्हितकारिणः // svayambhup_10.149 //

द्विषोपि दासतां यायुर्दृष्टाश्च स्युर्हिताशयाः / एवमन्येपि लोकाश्च सेर्व्व स्युर्मैत्रमानसाः // svayambhup_10.150 //

पशवः पक्षिणश्चापि सर्वकीटाश्च जन्तवः / नैव तेषां विरुद्धा स्युः भवेयुर्हितशंसिन // svayambhup_10.151 //

एवं सर्वत्र लोकेषु तेषां सद्धर्मसाधिनां / निरुत्पातं शुभोत्साहं सौमाङ्गल्यं सदा भवेत् // svayambhup_10.152 //

एवं भद्रतरं पुण्यं स्वयभूंभवनोद्भवं / नत्वा तं त्रिजगन्नाथं भजध्वं सर्वदा मुदा // svayambhup_10.153 //

ये तस्य शरणे स्थित्वा स्मृत्वा ध्यात्वा समाहिताः / नामापि च समुच्चार्य भजन्ति श्रद्धया सदा // svayambhup_10.154 //

तेषां त्रिन्यपि रत्नानि सुप्रसन्नानि सर्वदा / कृपा दृष्टया समालोक्य कृत्वा देयुः सदा शुभं // svayambhup_10.155 //

इति शास्त्रासमादिष्टं जयश्रिया निशम्यते / जिनेश्वरी प्रमुखाः संघा सर्वे नन्दन्प्रबोधिताः // svayambhup_10.156 //

सर्वावती सभा सापि श्रुत्वैतत् संप्रसादिताः / तथेति प्रतिविज्ञप्य प्राभ्यनन्दन् प्रबोधिताः // svayambhup_10.157 //

ततस्ते सकला लोकाः समुत्थाय प्रसादिताः / जयश्रिय ससंघं तं नत्वा स्वस्वाश्रमं ययुः // svayambhup_10.158 //

तत्र नित्यमुपेत्यत्यर्द्ध्या ससंघः सजिनात्मजा / स्नात्वा सर्वेषु तीर्थेषु धृत्वा व्रतं यथाविधि // svayambhup_10.159 //

ततो ऽष्टौ वीतरागांश्च देवीं चापि खगाननां / पञ्चमा देवताश्चापि यथाविधि समर्च्चयन् // svayambhup_10.160 //

तथा शान्तिकराचार्य चैत्य मञ्जुश्रियो ऽपि च / धर्माधातुं समाराध्य ध्यात्वाभ्यर्च्य सदाभजत् // svayambhup_10.161 //

तदैतत्पुण्यभावेन विषये तत्र सर्वदा / निरुत्पातं शुभोत्साहं प्रावर्त्तत समंततः // svayambhup_10.162 //

ततश्चासौ महाभिज्ञा जयश्रीः सुगतात्मजः / सर्वान्स्तान् सांधिकान् पश्यन् पुनरेवं समादिशत् // svayambhup_10.163 //

यत्रेदं धर्मसांकथ्यं प्रचारितं स्वयंभुवः / तत्रैत्त्पुण्यभावेन भवतु सर्वदा शुभं // svayambhup_10.164 //

संबुद्धास्तत्र सर्वे ऽपि प्रत्येकसुगता अपि / अर्हन्तो बोधिसत्त्वाश्च कुर्वन्तु मंङ्गलं सदा // svayambhup_10.165 //

सर्वे लोकाधिपाश्चापि सर्वे चापि महर्षयः / समालोक्य सदा तत्र प्रकुर्वन्तु सुमङ्गलं // svayambhup_10.166 //

काले वर्षन्तु मेघाश्च भूयाच्छश्यवती मही / निरुत्पातं सुभिक्ष्यं च भवन्तु तत्र सर्वदा // svayambhup_10.167 //

राजा भवतु धार्म्मिष्ठो मन्त्रिणो नीतिचारिणः / सर्वे लोकाःसुवृत्तिष्ठा भवन्तु धर्मसाधिनः // svayambhup_10.168 //

सर्वे सत्त्वाः समाचाराः संबोधिविहिताशयाः / त्रिरत्नभजनं कृत्वा संचरन्तां सदा शुभे // svayambhup_10.169 //

इति जयश्रियादिष्टं श्रुत्वा सर्वे ऽपि सांधिकाः / एवमस्त्विति प्राभाष्य प्राभ्यनन्दन्प्रसादिताः // svayambhup_10.170 //

इति श्री धर्म्मधातुस्वयम्भूत्पत्तिधर्म्ममाहात्म्यसुभाषितसूत्रं दशम अध्यायः समाप्तः //

ये धर्म्मा हेतुप्रभावा हेतु स्तेषां तथागतः ह्यवदत् / तेषां च यो निरोध एवं वादी महाश्रमणः //

शुभमस्तु //

देयधर्मो ऽयं प्रवरमहायायिनः श्रीमत्रुद्रवर्ण्णमहाविहारावस्थितः परमोपासकश्रीशाक्यवंशोद्भवः श्रीरामानन्देन लिखितो ऽगमत् संपूर्ण्ण //

शुभमस्तु सर्वदाः //

नेपाले हायने यातः नागमुनीरसान्वितेः / चाषाढे क्षीनचन्द्रे तु पञ्चम्याञ्च तिथौ शुभे // 1 //

संपूर्ण्णमगमत् तस्मिं श्रीरामानन्देन लेखितः / यदि शुद्धमशुद्धं वा शोधनीयं दहद्वुधैः // 2 //

यत्पुण्यलिखिते प्रोक्तं यत्पुण्यपातने तथा / तत्पुण्येन जगत् सर्व प्राप्नुयाद् बोधिमुत्तमां // 3 //

श्रीरामानन्दया पुस्तक जुरो / शुभं / उपसर्ग्ग / महरादहराश्चैव शीतरापूटलोक वा / उपसर्ग्गी महामारी सप्तैते लोकहारकः // संवत् 934 श्रावण शुक्ल // समाप्तम् //