शालिस्तम्बककारिका

नागार्जुन: शालिस्तम्बककारिका

नागार्जुन: आर्यशालिस्तम्बककारिका

आर्यमञ्जुश्रिये नमः

अनन्ताचिन्त्यगुण्यं हि सम्बुद्धं करुणात्मकम् / प्रणिपत्य प्रवक्ष्यामि शालिस्तम्बककारिकाम् / 1 //

मुनी राजगृहस्यैव गृध्रनामकपर्वते / भिक्षूणां बोधिसत्त्वानां संघैः सार्धं व्यवस्थितः // 2 //

हेतुप्रत्ययसंभूतं शालिस्तम्बं विलोक्य च / हेतुप्रत्ययजं तद्वद् द्वादशाङ्कक्रमोद्गतम् // 3 //

प्रतीत्यमिति यः प्रश्येत् धर्मं बुद्धं च पश्यति / इत्युक्त्वा नायका भिक्षून् तूष्णीभावमवस्थितः // 4 //

भिक्षुः शारिसुत्रः श्रुत्वा गत्वा मैत्रेयसन्निधौ / तथागतो ऽद्य मैत्रेय उक्त्यर्थं न विभज्य च // 5 //

तूष्णीं भावे स्थितश्चात्र तदर्थो गम्यते कथम् / किं प्रतीत्यं च को धर्मो बुद्धो ऽपि कतमस्तथा // 6 //

प्रतीत्यं तु कथं दृष्ट्वा धर्म बुद्धं च पश्यति / सन्देहो मे ऽत्र ब्रूहीति ऊचे शारिसुतो ऽजितम् // 7 //

भावात्मिका हि मैत्री स्यात् मैत्रेयो ऽब्रूत् निर्णयम् / द्वादशाङ्गमविद्यादि मरणान्तं यथाक्रमम् // 8 //

तस्मात्तर्हिभवन्त्येव दुःखस्कन्धा हि केवलम् / धर्मश्चाष्टाङ्गिको मार्गः फलं निर्वाणमुच्यते // 9 //

सर्वस्याधिगमादेवं धर्मजं बुद्धमेव च / तथोक्तमार्यं दुष्टत्वात् यः पश्यति स पश्यति // 10 //

प्राणादिरहिताद् यश्च व्युपशान्त्यन्तसंयुतम् / प्रतीत्यं धर्मबुद्धौ च शुद्धबुद्धया वि पश्यति // 11 //

प्रतीत्यलक्षणं तावत् सहेत्वादिपदान्वितम् / बुद्धोत्पादो भवेन्नो वा स्थितेयं धर्मता यतः // 12 //

बाह्य आध्यात्मिकश्चापि द्विविधो हेतुप्रत्ययः / बाह्यो हेतुस्तु बीजादिः प्रत्ययः षड्विधो मतः // 13 //

बीजाङ्कुरप्रकाण्डादिः फले यद्वत् प्रवर्तते / प्रत्ययस्तु पृथिव्यादिकालान्तो हि यथाक्रमम् // 14 //

धारणं स्नेहनं पाको धान्यवृद्धिरनावृतिः / परिणामस्तथा तेषां कार्यं तद्वत् प्रवर्तते // 15 //

नो चेत् प्रत्ययसामग्री बीजे भूते ऽपि नाङ्कुरः / बीजाभावे तु सत्येव प्रत्ययभावो ऽपि तादृशः // 16 //

हेतवः प्रत्ययास्तद्वद् आत्मग्राहादिवर्जिता / हेतुप्रत्ययसमग्र्या न नश्येत् कर्मणः फलम् // 17 //

न स्वतो परतो नापि न द्वयोः कर्तृकालतः / ईश्वरादिकृतं नैवं स्वभावान्नाप्यहेतुतः // 18 //

हेतुप्रत्यययोर्वृत्तिर्भासते ऽनादिकालतः // पञ्चभिर्हेतुभिर्बाह्यः प्रतीत्योत्पाद इष्यते // 19 // शाश्वततो न चोच्चेदान् न संक्रन्तेः परीत्ततः / हेर्तोर्महाफलावाप्तिः सदृशानुप्रबोधतः // 20 //

अङ्कुरो बीजवनेष्टो निर्हेतुर्नो ऽङ्कुरोद्भवः / समो निरोध उत्पादस्तुलोन्नामावनामवत् // 21 //

तथैवाध्यात्मिकस्यापि हेतुश्च प्रत्ययो द्विधा / आदिहेतुरविद्यास्य मृत्युरन्त्यो यथाक्रमम् // 22 //

समजन्मक्लेशकर्मात्मा द्वादशाङ्कस्त्रिकाण्डकः / हेतुप्रत्ययसम्भूतः कर्तेत्यादिविवर्जितः // 23 //

अविद्या यदि नादौ स्यादन्ते मृत्युर्न संभवेद् / तेभ्यो भिन्नो न कुत्रापि ह्यात्मात्मीयश्च विद्यते // 24 //

अविद्यासंभवादादावन्ते मृत्युश्च भासते / हेतोराध्यात्मिकस्यैवं प्रत्ययाः षड्प्रकारकः // 25 //

प्रत्ययो ऽध्यात्मिकस्त्वन्ते विज्ञानं चादिके धरा / काठिन्यं संग्रहः पाकः श्वासवृद्धिरनावृतिः // 26 //

ज्ञानरूपानुवृत्तिश्च पञ्चविज्ञानसंयुतम् / तस्मात् क्लिष्टं मनश्चापि हीमे ऽध्यात्मिकप्रत्ययाः // 27 //

धातूनां सन्निपाताद्वै शरीरोत्पाद इष्यते / आत्मात्मीयविकल्पानामुत्पादस्तैर्न मन्यते // 28 //

तेषु सत्सु समुत्पादस्तेष्वसत्सु न संभवः / नैवात्मादिमयास्ते हि नाप्यन्यच्चापि किञ्चन // 29 //

यैकपिण्डादिसंज्ञा साविद्यात्रिभवछादिका / रागो द्वेषश्च मोहादिः प्रवृत्ताः सन्त्यविद्यया // 30 //

ततः संस्कृतभावानां ज्ञप्तिर्विज्ञानसंभवा / विज्ञानेन सहोद्भूताश्चतुस्कन्धा अरूपिणः // 31 //

नामरूपमुपादाय चेन्द्रियायतनोद्भवः / विषयेन्रियविज्ञानसंघातात् स्पर्शसम्भवः // 32 //

वेदना स्पर्शजा ज्ञेया तृष्णा च वेदनोद्गता / तृष्णावृद्धिरुपादानम् उपादानोद्गतो भवः // 33 //

स्कन्धोत्पादो भवाज्जातिर्जातेरेवं जरापि च / स्कन्धाभावो जराया यः स मृत्युश्चेत्युदीर्यते // 34 //

मूढे तु मरणाच्छोकः सतृष्णे दाह आन्तरः / शोकतश्चापलापो यो दौर्मनस्यं स उच्यते // 35 //

दौर्मनस्यसमुद्भूतं पञ्चविज्ञानकायिकम् / आसातदुःखमित्युक्तं कायसौख्यविघातकम् // 36 //

दुःखं मनसिकाराख्यं मनसस्तूपधातकम् / दौर्मनस्यं च तज्ज्ञेयमन्योपक्लेशहेतुक्रम् // 37 //

तमो ऽभिज्ञानामरूपायतस्पर्शवित्तर्षतः / तृष्णादानभवोत्पाद पाकनाशविशोकतः // 38 //

वचनादिकायसंपीडाचित्तदुर्मानसास्तथा / क्लेशादन्वर्थकं नाम यथाक्रममुदीरितम् // 39 //

पुनस्तत्त्वपरिज्ञानादविद्यादेश्च यथाक्रमम् / पूर्वपूर्वेभ्य उत्पादो ऽप्याख्यातश्चोत्तरोत्तरः // 40 //

द्वादशाङ्गौत्रिप्रवृत्ती नित्योच्छेदौ ह्यनादिजौ / प्रवृत्तेर्जलधारावद् वर्तते ऽनादिकालतः // 41 //

तथाप्येते तु चत्वारः संघातकरहेतवः / अविद्या च तृषा कर्म विज्ञानं क्रमशो मताः // 42 //

हेतोर्विज्ञानबीजं हि कर्मक्षेत्रमुदीरितम् / प्रथमः च तृषा प्रोक्ते हेतुः क्लेशस्वभावतः // 43 //

कर्मक्लेशास्तुविज्ञानबीजत्वेन व्यवस्थिताः / कर्म विज्ञानबीजस्य क्षेत्रकार्यं करोति च // 44 //

विज्ञाननामकं बीजं तृष्णया स्निह्यते परम् / विज्ञानबीजं चाविद्या किरति स्नेहनेन वै // 45 //

कर्म तृष्णा तथाविद्या क्षेत्रंस्नेहो ऽवकीर्णनम् / विज्ञाने न करोमीदं न विज्ञानमितो मतम् // 46 //

तथापि बीजविज्ञानें कर्मक्लेशप्रतिष्ठिते / विज्ञानं बीजमित्युक्तं कीर्णे ऽविद्यास्ववस्करे // 47 //

तृष्णाजलेन संसिक्ते हेतुतो नामरूपयोः / अङ्कुरोत्पादभासो हि न स्वपरोभयादितः // 48 //

नामरूपमिदंजातं पितुर्मातुःसमागमात् / अविरोधादृतोश्चापि किञ्चिदास्वादवेधितम् // 49 //

बीजविज्ञानमित्युक्तं मातृगर्भे क्रमाच्चयः / नामरूपाङ्कुरोत्पादस्त्ववैकल्याच्च प्रत्ययैः // 50 //

अविरोधत्वाच्चहेतूनां मायानैरात्म्यनिग्रहे / उत्पादो ऽपि न संभाव्यः चक्षुर्विज्ञानमप्यतः // 51 //

पञ्चभिर्हेतुभिर्जातं चक्षूरूपावभासनैः / नभस्तज्जमनस्कारैः पञ्चवैकल्यतस्तथा // 52 //

चक्षुर्विज्ञानमुद्भूतं मया ते जनिता इति / विकल्पो न यथोदेति श्रोत्रज्ञानादिकाखिलम् // 53 //

उत्पादस्य क्रमश्चैवं हेतुप्रत्ययसङ्ग्रहात् / कर्त्रादीनां च वैकल्याद् अहङ्कारवियोगतः // 54 //

उत्पादो ऽपि यथापूर्व तथ चापि प्रतीत्यजम् / हेतुमत्संविजानीयाद् अस्माल्लोकात् परं नहि // 55 //

कश्चिद्धमः क्वचिद् गन्ता हेतुप्रत्ययतस्तथा / कर्मणः फलमभ्येति, यथा दर्शे विशोधिते // 56 //

दृश्यन्ते मुखबिम्बानि दर्पणे ऽपि च बिम्बकम् / संक्रामितं भवेत्रैव तदन्योन्याविकल्पनम् // 57 //

कर्तृक्रियाविहीनं तत् तथोत्पादावभासनम् / पूर्ववृद्धिक्रमाच्च स्याद् दूरस्थश्चन्द्रमा यथा // 58 //

परीत्तोदकपात्रान्ते दृश्यते न च क्रामति / अस्ति क्रिया च कर्मापि तथा चास्माच्च्युतिर्न हि // 59 //

जन्माभासो ऽप्यसंल्लोके नोपादानं विनानलः / ज्वलेत् सकल उज्ज्वालो हीनोपादानहानितः // 60 //

स्कन्धत्वप्रतिसन्धिःस्यात्, सन्ति ते कल्पनात्मकाः / बाह्यं कर्म क्रिया हेतुरध्यात्मपरतन्त्रतः // 61 //

पञ्चविज्ञानसंभवाःपरमार्थो ऽविचार्यतः / परिनिष्पन्न आख्यातःसहेतुप्रत्ययोद्भवः // 62 //

सर्वदा द्विविधो ज्ञेयः कर्त्रादिरहितस्तथा / तुच्छशून्यादितिःसारःप्रज्ञयैवं य ईक्षितः // 63 //

किं कथं वा कुतो केन कल्पवादादिहानितः / उदचन्द्रस्य यथा बिम्बं ततः कश्चिच्च न च्युतः // 64 //

लोके जन्मापि चाभाति यथा पादपसङ्गतः / वह्निस्त्रोतः प्रवृतिःस्याद् हेतुवैकल्पतस्तथा // 65 //

नानुप्रवर्तते ह्यग्नितद्वत्संक्लेशबीजके / दग्धे ज्ञानाग्निना हेतोरभावान्नफलं तथा // 66 //

क्रिया कर्मापि नैवास्तिअनन्ताचिन्त्यगुण्यकम् / शान्तधर्मात्मकं कायमादिमध्यान्तवर्जितम् // 67 //

ज्ञात्वा प्राप्नोति बुद्धत्वं य एवं तथताक्षमः / तस्मै व्याक्रियते नूनं मैत्रेयस्तु स्वयं तथा // 68 //

उवाच शारिपुत्राय शालिस्तम्बोपमा कृता / शारिपुत्रस्तु तच्छ्रुत्त्वा देवसंघानुमोदितः // 69 //

संस्तुतो धृतसारश्च गत्वोत्थाय प्रहर्षितः / आख्यातवांश्च भिक्सुभ्यः // 70 //

आर्यानागार्जुनविरचिता आर्यशालिस्तम्बकसूत्रकारिका समाप्ता /

भावतीयोपाध्यायेन धर्मश्रीभद्रेण महासंशोधकलोकचक्षुस्साधुमतिज्ञानकुमाराभ्याम् चानूदितः / पश्चात् श्रीकुटीरक्षितेन संशोध्य निर्णीतः //