युक्तिषष्टिककारिका-fragments

नागार्जुन: युक्तिषष्टिककारिका-fragments

अस्तिनास्तिव्यतिक्रान्ता बुद्धिर् येषां निराश्रया । गम्भीरस् तैर् निरालम्बः प्रत्ययार्थो विभाव्यते ॥ nagysk_01

...

संसारं चैव निर्वाणं मन्यन्ते ऽतत्त्वदर्शिनः । न संसारं न निर्वाणं मन्यन्ते तत्त्वदर्शिनः ॥ nagysk_05

निर्वाणं च भवश् चैव द्वयम् एतन् न विद्यते । परज्ञानं भवस्यैव निर्वाणम् इति कथ्यते ॥ nagysk_06

...

तत् तत् प्राप्य यद् उत्पन्नं नोत्पन्नं तत् स्वभावतः । स्वभावेन यन् नोत्पन्नम् उत्पन्नं नाम तत् कथम् ॥ nagysk_19

...

सर्वम् अस्तीति वक्तव्यम् आदौ तत्त्वगवेषिणः । पश्चाद् अवगतार्थस्य निःसङ्गस्य विविक्तता ॥ nagysk_30

...

ममेत्य् अहम् इति प्रोक्तं यथा कार्यवशाज् जिनैः । तथा कार्यवशात् प्रोक्ताः स्कन्धायतनधातवः ॥ nagysk_33

महाभूतादि विज्ञाने प्रोक्तं समवरुध्यते । तज्ज्ञाने वगमं याति ननु मिथ्या विकल्पितम् ॥ nagysk_34

...

हेतुतः संभवो यस्य स्थितिर् न प्रत्ययैर् विना । विगमः प्रत्ययाभावात् सो ऽस्तीत्य् अवगतः कथम् ॥ nagysk_39

...

रागद्वेषोद्भवस् तीव्रदुष्टदृष्टिपरिग्रहः । विवादास् तत्समुत्थाश् च भावाभ्युपगमे सति ॥ nagysk_46

स हेतुः सर्वदृष्टीनां क्लेशोत्पत्तिर् न तं विना । तस्मात् तस्मिन् परिज्ञाते दृष्टिक्लेशपरिक्षयः ॥ nagysk_47

परिज्ञा तस्य केनेति प्रतीत्योत्पाददर्शनात् । प्रतीत्य जातं चाजातम् आह तत्त्वविदां वरः ॥ nagysk_48

...

बालाः सज्जन्ति रूपेषु वैराग्यं यान्ति मध्यमाः । स्वभावज्ञा विमुच्यन्ते रूपस्योत्तमबुद्धयः ॥ nagysk_55

%%%%%%%%%%%%%%%%%%%%%%%%%%%%%%%%%%%%%%%%%%%%%%

copyright (c) 2003 by chr. lindtner - denmark

%%%%%%%%%%%%%%%%%%%%%%%%%%%%%%%%%%%%%%%%%%%%%%