मञ्जुश्रीमूलकल्प

आदित्यनामा वैश्यास्तु स्थानमीश्वरवासिनः / भविष्यति न सन्देहो अन्ते सर्वत्र भूपतिः / हकाराख्यो नामतः प्रोक्तो सार्वभूमिनराधिपः // mmk_53.567 //

तत्र देशे इमे मन्त्रा सिद्धिं गच्छेयु वै तदा / धर्मराजेन ये प्रोक्ता विद्या शान्तिकपौष्टिका // mmk_53.568 //

विविधां भोगविषयां सम्पदां विविधांस्तथा / नाना च रूपधारिण्यो यक्षिण्यश्च महर्द्धिकाः // mmk_53.569 //

भविष्यन्ति तत्र वै सिद्धा तस्मिं काले युगाधमे / दक्षिणां दिशिमाश्रित्य ससमुद्रां वसुन्धराम् // mmk_53.570 //

राजा श्वेतसुचन्द्रश्च सातवाहन एव तु / महेन्द्रं शङ्करश्चैव वल्लभो ऽथ महीपतिः // mmk_53.571 //

सुकेशिकेशिश्च विख्याता दक्षिणां दिशि / मङ्गलो वल्लभः प्रोक्तो गोविन्दः बृन्दखेतुः // mmk_53.572 //

मुत्पातः पोतश्चैव महेन्द्रः चन्द्र एव तु / गोपेन्द्रो इन्द्रसेनश्च प्रद्युम्नो माधवस्तदा // mmk_53.573 //

गणशङ्करश्चैव व्याघ्रं सिंहो तथा बुधः / बुधः शुद्धस्तथा कुम्भः निकुम्भश्चैव कीर्त्यते // mmk_53.574 //

मथितः सुमितश्चैव .......... / बलः पुलिनश्चैव सुकेशिः केशिनस्तथा // mmk_53.575 //

अनन्ता बहवो ख्याता भूपाला दक्षिणां दिशि / अतीतानागता चापि वर्त्तमाना निबोधिता // mmk_53.576 //

नानामृत्युभवे ह्येते नानाव्याधिसमाप्लुता / शस्त्रसम्पातदुर्भिक्षैः मृताः केचिद् दिविं गताः // mmk_53.577 //

इत्येते नृपतयः सर्वे कथिता विपुखस्तथा / महेन्द्रान्त नृपोताख्यातः तथासहतिस्तथा // mmk_53.578 //

........ भविष्यन्ति तदा अभूत् / तस्मिं काले तदा देशे मन्त्राणां सिद्धिमिच्छताम् // mmk_53.579 //

साधनीया इमा मन्त्राः क्रोधाद्याः कुलिशोचिताः / आभिचारुककर्मेषु वश्यार्त्थे च तथा हितम् // mmk_53.580 //

मञ्जुश्रियो ऽथ माहात्मा वै कुमारो बालरूपिणः / सिध्यते च तदा देशे कलिप्राप्ते च तदा युगे // mmk_53.581 //

पर्वतविन्ध्यमाशृतं सागरे लवणोदके / कार्तिकेयेति समाख्यातः सत्त्वानां वरदायकः // mmk_53.582 //

आज्ञां भो बोधिसत्त्वेन मञ्जुघोषेण धीमता / सत्त्वानां हितकाम्यर्थं निवसेद् दक्षिणां दिशि // mmk_53.583 //

कार्तिकेयस्य ये मन्त्राः कथिता मञ्जुभाणिना / तस्मिं देशे तदा सिद्धिः भविष्यति न संशयः // mmk_53.584 //

श्रीपर्वते तदा देशे विन्ध्यकुक्षिनितम्बयोः / द्वीपेष्वेव च सर्वत्र कलिङ्गोद्रेषु कीर्त्यते // mmk_53.585 //

त्रैगुण्या म्लेच्छदेशेषु ...... समन्ततः / अम्भोधेः कुक्षितीरान्ताः नृपा ख्याता अनन्तकाः // mmk_53.586 //

कामरूपकलाख्या हि हिमाद्रेः कुक्षिमाश्रिताः / बहवो नृपतयो प्रोक्ता उद्रसन्धिषु सर्वदा // mmk_53.587 //

नानाम्लेच्छगणाध्यक्षा शास्तुपूजकतत्पराः / इन्द्रो सुचन्द्रमहेन्द्रश्च भूपाल म्लेच्छवासिनः // mmk_53.588 //

क्ष्मापालौ उभौ तत्र षोअडशार्द्धा शासने रता / पूजकाः शास्तुबिम्बानां त्वत्प्रसादा ........ // mmk_53.589 //

भविष्यन्ति न सन्देहो प्रसन्ना शासने जिने / बहवो नृपवराः प्रोक्ताः पूर्वायां दिशिमाशृताः / अतीतानागता ये तु वर्त्तमानाश्च सर्वदा // mmk_53.590 //

आद्यं नृपवरं वक्ष्ये गौडानां वंशजो भुवि / जातो ऽसौ नगरे रम्ये वर्धमाने यशस्विनः // mmk_53.591 //

लोकाख्यो नाम सौ राजा भवति गौडवर्धनः / मामानुत्पन्नलोके ऽस्मिं भवितासौ धर्मचिन्तकः // mmk_53.592 //

बहवः क्षितिपाः क्रान्ता विविधा जीवकर्मिणः / मध्यकाले समास्वासा मध्यमा मध्यधर्मिणः / अनन्ते व युगे नृपेन्द्रा शृणु तत्त्वतः // mmk_53.593 //

समुद्राख्यो नृपश्चैव विक्रमश्चैव कीर्त्तितः / महेन्द्रनृपवरो मुख्य सकाराद्यो मतः परम् // mmk_53.594 //

देवराजाख्यनामासौ ....... युगाधमे / निर्द्धाख्ये नृपः श्रेष्ठः बुद्धिमान् धर्मवत्सलः // mmk_53.595 //

तस्याप्यनुजो बलाध्यक्षः शासने च हिते रतः / प्राचीं समुद्रपर्यन्तां चैत्यालङ्कृतशोभनाम् // mmk_53.596 //

करिष्यति न सन्देहः कृत्स्नां वसुमतीं तदा / विहारारामवापीश्च उद्याना मण्डवकां सदा // mmk_53.597 //

करिष्यति तदा श्रीमां सङ्क्रमां सेतुकारकः / शास्तुर्बिम्बान् तदा पूजेत् तत्प्रसन्नांश्च पूजयेत् // mmk_53.598 //

कृत्वा राज्यं महीपालो निःसपत्नमकण्टकम् / जीवेद् वर्षां षट्तृंशत्तृंशाहं प्रव्रजेनृपः // mmk_53.599 //

ततोत्मानं घातयेद् राजा ध्यायन्तः सम्प्रमूर्च्छितः / पुत्रशोकाभिसन्तप्तः यतिवृत्तिसमाशृतः // mmk_53.600 //

ततो ऽसौ भिन्नदेहस्तु नरकेभ्योपपद्यत / त्रीणि एकं च दिवसानि उषित्वा नरकं गतिम् // mmk_53.601 //

देहमुत्सृज्य दिविं गच्छेत् सदा नृपः / देवानां सुकृतिनां लोकः शुद्धावास इति स्मृतः / देवराजा भवेत् तत्र शुद्धात्मा बोधिनिम्नगः // mmk_53.602 //

शतशः सहस्रशश्चैव अनुभूय दिविं सुखम् / पुनरेव मानुष्यं प्राप्य बुद्धो भूयो भवान्तरे / तेनैव कारितं कर्म अन्यजन्मेषु देहिनाम् // mmk_53.603 //

पुरीमुज्जयनीं ख्याता कालवानां जने तदा / तत्रायनीमुख्यः वणिजो यो महाधनः // mmk_53.604 //

बुद्धानामसम्भवे काले शून्ये लोके निरास्पदे / प्रत्येकबुद्धा लोके ऽस्मिं विहरन्ति महर्द्धिकाः // mmk_53.605 //

सत्त्वानां हितकामाय विचरन्ति महीतले / पुरी उज्जयिनी प्राप्य प्रविष्टा पिण्डचारिका / वर्गचारिणो महात्मानः रथ्यायामवतरतत् // mmk_53.606 //

वाण्याजेयस्तुस्तदा सैव दुष्ट्वा तु संमुखां मुनिम् / निमन्त्रयामास तदा भक्तेन स्वगृहं चैव नयेत् तदा / नीत्वा मुनिवरां क्षिप्रमासनेन निमन्त्रयेत् // mmk_53.607 //

सङ्घीभवध्व भवतः भक्तकालो ऽयमुपस्थितः / ते ऽपि तूष्णीं महात्मानो न वाचां भाषिरे तदा // mmk_53.608 //

पात्रं च नामयामास वाणिजे यस्य सर्वदा / वणिजा इङ्गितज्ञाश्च बुद्धिमन्तो भवेत् तदा // mmk_53.609 //

पात्रं च पूरयामास विविधाकारभोजनैः / तदासौ स्वहस्तेनैव तेषां प्रायच्छ यत्नतः // mmk_53.610 //

गृहीत्वा तु ततः सर्वे प्रजग्मुः सर्वतोनभम् / दीपमालेव दृश्यन्ते व्योममूर्त्तिसमाश्रिताः // mmk_53.611 //

ततो ऽसौ हृष्टरोमस्तु संवेगबहुलस्तदा / भूम्यां च पतितस्तत्र ऋद्ध्या वर्जितमानसः // mmk_53.612 //

प्रणिधिं च तदा चक्रे प्रव्याहारवभं यथा / अनेन कुशलमूलेन यन्मया प्राप्तमद्यतः // mmk_53.613 //

एषा मुनिवरा मग्र भवेद् बुद्धो ह्यनुत्तरः / दशजन्मसहस्राणि चक्रवर्त्ती तदा भुवि // mmk_53.614 //

ततो ऽसौ व्युक्तदेहस्तु कोटिषष्टिदिवौकसाम् / अनुभूय चिरं सौख्यं त्यक्त्वा जन्म दिवौकसाम् // mmk_53.615 //

माणुषाणां तदा जन्म प्राप्नुयात् परवशा इह / तस्य राजकुले जन्म भवतीह तु सर्वदा // mmk_53.616 //

बालाख्यो नाम सौ नृपतिर्भविता पूर्वदेशकः / आजन्मसहस्राणि चिरसौख्यमनावृतम् / प्राप्नुवन्ति या नृपतिः श्रीमां सर्वज्ञत्वं च पश्चिमम् // mmk_53.617 //

एवं बहुविधं मत्वा सम्पदो विपुलास्तथा / को नु कुर्यात् तदा शास्तुः पूजनाध्येषणांस्तथा / कारांश्च श्रेयसीं युक्तां बोधिमार्गवियोजनीम् // mmk_53.618 //

तस्यापरेण नृपतिः गौडानां प्रभविष्णवः / कुमाराख्यो नामतः प्रोक्तः सो ऽपि रत्यन्तधर्मवाम् // mmk_53.619 //

तस्यापरेण श्रीमां उकाराख्येति विश्रुतः / ततः परेण विश्लेष तेषामन्योन्यतेष्यते // mmk_53.620 //

महाविश्लेषणा ह्येते गौडा रौद्रचेतसः / ततो देव इति ख्यातो राजा मागधकः स्मृतः // mmk_53.621 //

सो ऽप्यतहतविध्वस्तरिपुभिः समता वृतः / यस्यापरेण चन्द्राख्यः नृपतित्वं कारयेत् तदा // mmk_53.622 //

सो ऽपि शस्त्रविभिन्नस्तु पूर्वचोदितकर्मणा / तस्यापि सुतो द्वादश गणनां जीवेन्मासपरम्परम् // mmk_53.623 //

सो ऽपि विभिन्नशस्त्रेण बाल एव अभूत् तदा / तेषां परस्परोपविघ्नचित्तानां रौद्राणामहिते रताम् // mmk_53.624 //

भविष्यति तदा काले भकाराख्यो नृपपुङ्गवः / अग्रणीर्गौडलोकानां महाव्याधिसमाकुलः // mmk_53.625 //

तेनैव व्याधिना आर्त्तः कालं कृत्वा अधो गतः / तस्यापरेण दकाराख्यः कतिपायां दिवसां दश // mmk_53.626 //

भविता गौडदेशे ऽस्मिं गङ्गातीरसमाशृतः / तस्यापरेण भकाराख्यस्त्रीणि दिवसानि कारयेत् // mmk_53.627 //

ततो गोपालको राजा भविता सर्वदस्तदा / प्रियवादी च सो राजा घृणी चैव महाबलः // mmk_53.628 //

स्त्रीवशः कृपणो मूर्खः जितशत्रुर्भवेद् युवाम् / कल्याणमित्रमागम्य महात्यागी भवेत् तदा // mmk_53.629 //

विहारांश्चैत्यवरां रम्यामारामां विविधास्तदा / वाप्यो ऽथ जलसम्पन्ना सत्रागारां सुशोभनाम् // mmk_53.630 //

सेवतो बहवस्तस्य यशः कीर्त्याथमुद्यतः / देवायतनरम्यां वै गुणावसथकारिणः // mmk_53.631 //

पाषण्डीभिः समाक्रान्तं नानातीर्त्थिकवासिभिः / आक्रान्तः सो दिशः सर्वा समुद्रातीरचर्यगाः // mmk_53.632 //

क्रिपी भोगी प्रमादी च सं राजा धर्मवत्सलः / भविष्यति न सन्देहः स प्राचीं दिशि मूर्जितः // mmk_53.633 //

सद्यातीसारसंयुक्तवार्द्धिक्ये समुपस्थितः / गङ्गातीरमुपाश्रित्य राज्यं कृत्वा तु वै तदा / विंशद् वर्षाणि सप्तं च जन्मनाशीतिको मृतः // mmk_53.634 //

ततो ऽसौ भिन्नदेहस्तु तिर्यगेभ्यो ऽपिपद्यते / नागराजा ततः श्रीमान् धर्मवत्सलः / येनास्य कारितं चैत्य शास्तुबिम्बं मनोरमम् // mmk_53.635 //

विहारां कारितवांश्चात्र सङ्घस्यार्थे तदा भुवि / तेन कर्मविपाकेन अन्तिमे च भवे श्रिते // mmk_53.636 //

बुद्धत्वं नियतं मार्गं प्राप्नुयादचलं पदम् / ततः परेण गौडानां तीर्थिकाक्रान्तपुरं भुवि // mmk_53.637 //

ता पूर्वदेशे ऽस्मिन् नगरे तीर्थिकसमाह्वये / भगवाख्ये नृपे ख्यातः गौडानां प्रभविष्णवः // mmk_53.638 //

अभिषिक्तो दक्षिणात्येन प्रतिना प्रभविष्णुना / राज्यं कृत्वा तु वै तत्र पश्चिमां दिशिमागतः // mmk_53.639 //

प्रविश्य नगरीं रम्यां साकेतां तु यथेप्सितः / अरिणा भूतस्तु पुनरेव निवर्तते // mmk_53.640 //

प्राचीं समुद्रपर्यन्तां तस्करैश्च समावृतः / सस्त्रप्रहारविध्वस्तमृतो ऽसौ प्रेततां गतः // mmk_53.641 //

त्रीणि वर्षाणि कृत्वासौ भूपालो राज्यमल्पकम् / ततो दस्युभिर्ग्रस्तः मृतः प्रेतमहर्द्धिकः / त्रीणि वर्षाणि तत्रैव प्रेतेभ्यो राज्यमकारयेत् // mmk_53.642 //

ततो ऽपि सो त्यक्तदेहस्तु प्रेतलोकां सुदारुणाम् / तस्मान्मुक्तजन्मानः स्वर्लोकं च सदा व्रजेत् // mmk_53.643 //

तस्याधरेण नृपतिस्तु समुद्राख्यो नाम कीर्त्तितः / त्रीणि दिवसानि दुर्मेधः राज्यं प्राप्स्यति दुर्मतिः // mmk_53.644 //

तस्याप्यनुजो विक्यातः भस्ममाख्यो नाम नामतः / प्रभुः प्राणातिपातसंयुक्तः महासावद्यकारिणः / निर्घृणी अप्रमत्तश्च स्वशरीरे तु यत्नतः // mmk_53.645 //

परलोकार्थिने नासौ बलिसत्त्वदिहैव तु / अकल्याणमित्रमागम्य पापं कर्म कृतं बहु // mmk_53.646 //

द्विजैराक्रान्ततद्राज्यं तार्किकैः कृपणैस्तथा / विविधाकारभोगांश्च मानुषा पितरास्तथा // mmk_53.647 //

विविधां सम्पदां सो ऽपि प्राप्तवान् नृपतिस्तथा / सो ऽनुपूर्वेण गत्वासौ पश्चिमां दिशि भूपतिः / कश्मीरद्वारपर्यन्तं उत्तरां दिशिमाशृतः // mmk_53.648 //

तत्रापि जितसङ्ग्रामी राज्यं कृत्वा तु वै तदा / द्वादशाब्दानि सर्वत्र मासां पञ्चदशस्तथा // mmk_53.649 //

पृथिव्यामार्तरोगो ऽसौ मूर्छितश्च पुनः पुनः / महादुःखाभिभूतस्तु भिन्नदेह अधोगतः // mmk_53.650 //

तेषां परस्परतो द्वेषे लुब्धानां राज्यहेतुनाम् / महाशस्त्रोपसम्पातं कृत्वा ते तु परस्परम् // mmk_53.651 //

अभिषिच्य तदा राज्यं सकराख्यं बालदारकम् / चिह्नमात्रं तु तं कृत्वा पुनरेव निवर्त्तते / यैर्द्विजातिमुक्यानां भिन्नास्ते ऽपि परस्परम् // mmk_53.652 //

मागधां जनपदां प्राप्य पुरे उदुम्बराह्वये / द्वै बालौ द्विजातिमुख्यश्च अभिषेच्य स्वयं भुवि // mmk_53.653 //

ततो ऽनुपूर्वेण गत्वासौ प्राचीं दिशिमाशृतः / गौडां जनपदां प्राप्य निःसपत्ना ह्य वै तदा // mmk_53.654 //

घातितौ बालमुख्यौ तौ कलिङ्गक्षु दुरात्मना / अकल्याणमित्रमागम्य कृतं प्राणिवधो बहुम् // mmk_53.655 //

पूर्वसम्मानिता ये तु नृपैर्विग्रहमानिभिः / घातयामास सर्वेषां गौडानां जनवासिनाम् // mmk_53.656 //

सोमाख्यो ऽपि ततो राजा एकवीरो भविष्यति / गङ्गातीरपर्यन्तं वाराणस्यामतः परम् // mmk_53.657 //

नाशयिष्यति दुर्मेधः शास्तुर्बिम्बां मनोरमाम् / जिनैस्तु कथितं पूर्वं धर्मसेतुमनल्पकम् // mmk_53.658 //

दाहापयति दुर्मेधः तीर्त्थिकस्य वचे रतः / ततो ऽसौ क्रुद्धलुब्धस्तु मित्थ्यामानी ह्यसंमतः // mmk_53.659 //

विहारारामचैत्यांश्च निर्ग्रन्थां वसथां भुवि / भेत्स्यते च तदा सर्वां वृत्तिरोधमकारक // mmk_53.660 //

भविष्यते च तदा काले मध्यदेशे नृपो वरः / रकाराद्योतयुक्तात्मा वैश्यवृत्तिमचञ्चलः // mmk_53.661 //

शासने ऽस्मिं तथा शक्त सोमाख्यससमो नृप / सो ऽपि याति तवान्तेन नग्नजातिनृपेण तु // mmk_53.662 //

तस्याप्यनुजो हकाराख्य एकवीरो भविष्यति / महासैन्यसमायुक्तः शूरः क्रान्तविक्रमः // mmk_53.663 //

निर्धारये हकाराख्यो नृपतिं सोमविश्रुतम् / वैश्यवृत्तिस्ततो राजा महासैन्यो महाबलः // mmk_53.664 //

पूर्वदेशं तदा जग्मुः पुण्ड्राख्यं पुरमुत्तमम् / क्षत्रधर्मं समाशृत्य मानरोषमशीलिनः // mmk_53.665 //

घृणी धर्मार्त्थको विद्वां कुर्यात् प्राणिवधं बहून् / सत्त्वानुपीडनपरो निग्रहायैव सो रतः // mmk_53.666 //

पराजयामास सोमाख्यं दुष्टकर्मानुचारिणम् / ततो निषिद्धः सोमाख्यो स्वदेशेनावतिष्ठतः // mmk_53.667 //

निवर्तयामास हकाराख्यः म्लेच्छराज्ये मपूजितः / तुष्टकर्मा हकाराख्यो नृपः श्रेयसा चार्थधर्मिणः // mmk_53.668 //

स्वदेशेनैव प्रयातः यथेष्टगतिनापि वा / तैरेव कारितं कर्म राज्यहर्षीसमन्वितैः // mmk_53.669 //

अधुना प्राप्तवां भोगां राज्यवृत्तिमुपाशृताम् / पूर्वं प्रत्येकबुद्धाय भक्ताच्छादनदत्तवाम् // mmk_53.670 //

पादुकौ च तदा दत्तौ च्छत्रचामरभूषितम् / तस्य धर्मप्रभावेतौ महाराज्यतृदेवतौ // mmk_53.671 //

भुक्तवां भोगसम्पत्तीः देवमनुष्यसर्वदा / सोमाख्यो द्विजाह्वयो महाभोगी भवे ह्यसौ // mmk_53.672 //

भोगां द्विजातिषु दत्त्वा वै राज्यं कृत्वा वै तदा / ........ सार्धं सप्तमं तथा // mmk_53.673 //

वर्षां दश सप्तं च मासमेकं तथापरम् / दिवसां सप्तमष्टौ च मुखरोगसमाकुलः // mmk_53.674 //

कृमिभिर्भक्षमाणस्तु कालं कृत्वा अधोगति / अमानुषाक्रान्तविध्वस्तं तत् पुरं च अभूत् तदा // mmk_53.675 //

माणुषेणैव दोषेण ज्वरार्तो व्याधिमूर्च्छितः / मृतो मन्त्रप्रयोगेण राजासौ कालगतस्तदा // mmk_53.676 //

अवीचीर्नाम विख्यातं नरकं पापकारिणा / तत्रासौ उपपद्येत पापकर्मान्तचारिणः // mmk_53.677 //

महाकल्पं तदा नरके पच्यते ऽसौ दुष्टचेतसः / ततो टटं हहवं चैव सञ्जीवं कालसूत्रं तु // mmk_53.678 //

असिपत्रवनं घोरं अनुभूय पुनः पुनः / तिर्यक्प्रेतलोकं च ........ पुनस्तथा // mmk_53.679//

एवं जन्मसहस्राणि संसारे संसरतः पुनः / नासौ विन्दति सौख्यानि दुःखभाजी भवेद् सदा // mmk_53.680 //

तस्मात् सर्वप्रयत्नेन शासने ऽस्मिं तथागते / प्रसाद्यमखिलं चित्तं गच्छध्वं निर्जरसम्पदम् // mmk_53.681 //

बुद्धे कारापकारां च अनन्ता भवति कर्मता / बुद्धे प्रासादः कर्तव्यः धर्मसङ्घे च वै तथा // mmk_53.682 //

भवन्ति लोके अग्रस्तु चिरन्ते पूजका नृपा / महेशाख्यमहेराज्यं महाभोगा धनेश्वरा // mmk_53.683 //

प्राप्नुयाद् विविधां सोख्यां सम्पदां विपुलां नृपा / पूजयित्वा तु लोकाग्र्यां लोक ईश्वरतां व्रजेत् // mmk_53.684 //

शक्रत्वमथ याम्यत्वं ब्रह्मत्वं च पुनः पुनः / प्रत्येकबुद्धा बुद्धत्वं श्रावकत्वं च वै भुवि / प्राप्नुवन्ति त्रियानमग्रत्वं द्वौ यातौ निःस्पृहतां गतः // mmk_53.685 //

एवं ह्यचिन्तिया बुद्धा बुद्धज्ञानोपचिन्तियः / अचिन्तियो हि फलं तेषां विपाको भवन्त्यचिन्तियः // mmk_53.686 //

अतः परेण सोमाख्यो नृपतौ अप्यस्तमिते भुवि / अन्योन्यक्षोभशीलस्तु गौडतन्त्रो भविष्यति / सदा उद्यतशस्त्रास्तु अन्योन्यापि नपेक्षिणः // mmk_53.687 //

दिवसा सप्तमेवं तु मासमेकं तथापरम् / गणज्यं तदा तन्त्रे भविष्यति सदा भुवि // mmk_53.688 //

गङ्गातीरे एतस्मिं विहाराध्युषितमालये / ततः परेण सुतस्तस्य सोमाख्यस्य च मानवे // mmk_53.689 //

मासान्यष्टौ दिवसा पञ्च साधाहे सुनिशात्यन्तु / ............ वैश्यवर्णशिशुस्तदा // mmk_53.690 //

नागराजसमाह्वेयो गौडराजा भविष्यति / अन्ते तस्य नृपे तिष्ठं जयाद्यावर्णतद्विशौ // mmk_53.691 //

वैश्यैः परिवृता वैश्यं नागाह्वेयो समन्ततः / दुर्भिक्षोपद्रवास्ते ऽपि परचक्रोपद्रुतास्तदा // mmk_53.692 //

तेषां राज्यमसम्प्राप्तं महातस्करमाकुलाः / ते तं भ्रष्टमर्यादा .......... // mmk_53.693 //

वर्षां पञ्चकमेकं वै भुङ्क्ते तत्र समाकुलाम् / प्राणात्ययं तदा चक्रुः कृत्वा प्राणिवधं बहून् // mmk_53.694 //

पूर्वकर्मपराधेन ते जना वैश्यवृत्तयः / अन्योन्यक्षोभशीलास्तु भविष्यन्ति तदा अभूत् // mmk_53.695 //

प्रभविष्णुस्तदा तेषां क्षत्रवृत्तिसमाश्रितः / भविष्यन्ति न सन्देहः गौडतन्त्रे नराधिपः // mmk_53.696 //

शस्त्रभिन्ना तथा केचिद् व्याधिभिश्च समाकुलाः / कालं कृत्वा ततो याता नरकेभ्यो नराधिपाः // mmk_53.697 //

स्त्रीप्रधानं शिशुस्तत्र पुनरेव नराधिपः / पक्षमेकं तथा वै शस्त्रभिन्नो हतस्तदा // mmk_53.698 //

महादुर्भिक्षसम्पातं परचक्रसमाकुलम् / प्राच्या जनपदा व्यस्ता उत्रस्ता गतमानसा / भविष्यन्ति न सन्देहः तस्मिं देशे नराधिपाः // mmk_53.699 //

मधुरायां जातवंशाढ्यः वणिक् सूर्वी नृपो वरः / सो ऽपि पूजितमूर्त्तिस्तु मागधानां नृपो भवेत् // mmk_53.700 //

तस्याप्यनुजो भकाराख्यः प्राचीं दिशि समाशृतः / तस्यापि सुतः पकाराख्यः प्राग्देशेष्वेव जायतः / क्षत्रियः अग्रणी प्रोक्तः बालबन्धानुचारिणः // mmk_53.701 //

दश वर्षाणि सप्तं च बन्धनस्थमधिष्ठितः / गोपाख्येन नृपतिना बद्धो मुक्तो ऽसौ भगवाह्वये // mmk_53.702 //

पश्चाद्देशसमायातः अकाराख्यो महानृप / प्राचिं दिशिपर्यन्तं गङ्गातीरमतिष्ठत // mmk_53.703 //

शूद्रवर्णो महाराजा महासैन्यो महाबलः / सो तं तीरं समाशृत्य तिष्ठते च समन्ततः // mmk_53.704 //

पुरीं गौडजने ख्यातं तीर्थाह्वति विश्रुतः / समाक्रम्य राजासौ तिष्ठते च महाबलः // mmk_53.705 //

तत्रौ च क्षत्रियो बालः वणिना च तथागतः / रात्रौ प्रविष्टवांस्तत्र रात्र्यन्ते च प्रपूजितः // mmk_53.706 //

शूद्रवर्णै नृपः ख्यातः पुनरेव निवर्तयम् / गङ्गातीरपर्यन्तं नगरे नन्दसमाह्वये // mmk_53.707 //

मागधानां तदा राज्यं स्थापयामास तं शिशुम् / काशिनं पद प्राप्य वारणस्यमतः पुरे // mmk_53.708 //

प्रविशेच्छूद्रवर्णस्तु महीपालो महाबलः / महारागेण दुःखार्तः अभिषेचे स तं तदा // mmk_53.709 //

अभिषिच्य तदा राज्यं ग्रहाख्यं बालदारकम् / महारोगाभिभूतस्तु भूमावावर्त वै तदा // mmk_53.710 //

ततोर्ध्वं निःश्वस्य यत्नेन भिन्नदेहो ऽपि तीर्यतः / तिर्येभ्ये वसं मासां अष्ट सप्तं च वै तदा // mmk_53.711 //

ततो ऽसौ मुक्तजन्मान देवेभ्यो मुपपद्यते / विविधां देवसम्पत्तिं विंशजन्मानि वै तदा // mmk_53.712 //

ततो ऽनुपूर्वेण धर्मात्मा प्रत्येकं बोधिमाप्नुयात् / तेनैवोपार्जितं कर्म पूर्वकालेषु जन्मनि // mmk_53.713 //

प्रत्येकबुद्धो महात्मा वै वस्त्रैः समभिच्छादितः / उपानहं नामयामास हस्त्यश्वरथहेतुना / भोजनं च तदा तस्य तस्मा दद्युः प्रयत्नधीः // mmk_53.714 //

तेन कर्मविपाकेन देवराजा शतक्रतुः / भविता देवलोके ऽस्मिं त्रिंशत्कोट्यास्तु जन्मतः / भुविमायात राजासौ भविता इह जन्मनि // mmk_53.715 //

परैरुपार्जितं राज्यं अनुभोक्ता भविष्यति / तस्यापि च सुतो राजा वाराणस्यां तु प्रतिष्ठितः // mmk_53.716 //

समन्ताद्धतविध्वस्तविलुप्तराज्यो भविष्यति / द्विजक्रान्तमभूयिष्ठं तद् राज्यं रिपुभिस्तदा // mmk_53.717 //

प्रमादी कामचारी च स राजा ग्रहचिह्नितः / अपश्चिमे तु काले वै पश्चाच्छत्रुहतो मृतः // mmk_53.718 //

मागधो नृपतिस्तेषां अन्योन्यावरोधिनः / सोमाख्ये नृपते वृत्ते प्राग्देशे समन्ततः // mmk_53.719 //

गङ्गातीरपर्यन्तं वाराणस्यामतः परम् / भविष्यति तदा राजा पकाराख्यः क्षत्रियस्तदा / यो ऽसौ शूद्रवर्णेन अकाराख्येन पूजितः // mmk_53.720 //

नगरे नन्दसमाख्याते गङ्गातीरे तु समाश्रिते / भविता क्षत्रियो राजा पूर्वकर्मैस्तु चोदितः / तेनैव कारितं कर्म कृतं चाप्यनुमोदितम् // mmk_53.721 //

अतिक्रान्ते तदा काले कनकाह्वे शास्तुसम्भवे / वाराणस्यां महानगर्यां श्रेष्ठिरासीन्महाधनः // mmk_53.722 //

वणिजः स सुतो बालः बालिशैस्तु समावृतः / पांसुक्रीडनमर्थाय रथ्यायां प्रतिपद्यते // mmk_53.723 //

स्वगृहे स्तूपवरं दृष्ट्वा पितामात्राभिपूजितम् / तदेव मनसा वर्ते स्तूपं कृत्वा तु पांसुना // mmk_53.724 //

पूजां च कारयामास निर्माल्यकुसुमैस्तदा / संस्तवामास तं स्तूपं बुद्धत्वं श्राद्धगतिस्मृतिः // mmk_53.725 //

क्रीडते बालस्तत्र शिशुभिः परिवारितः / जिने कनकशास्तुस्य श्रावकाग्रो तदैककः // mmk_53.726 //

वीतदोषस्तु युक्तात्मा त्रैधातुकमुक्तधीः / तदासौ वीतदोषस्तु पिण्डपातमहिण्डत // mmk_53.727 //

प्रविशते च तदा नगरीं वारणस्यां सुशोभनाम् / वीतरागस्तदादेशं यत्र ते बालिशा भुवि // mmk_53.728 //

यत्र ते शैशवः सर्वे समन्तात् परिवारिताः / एहि भिक्षु इहागच्छ वन्द स्त्वं शास्तुचैत्यकम् / अस्माभिः कारितं यत्नात् न त्वं पश्यसि शोभनम् // mmk_53.729 //

ततः श्रेष्ठिसुतो बालः गृहीत्वा तृणवर्तितम् / क्रीडया बन्धयामास वीतरागं महर्द्धिकम् // mmk_53.730 //

समन्वाहरति तत्रासौ वीतरागो महर्द्धिकः / पश्यते भुवि तत्रस्थं चैत्यं कारितकं हि तैः / बालिशं मूर्ध्नि मासृज्य एवं वोच महात्मधीः // mmk_53.731 //

मुञ्च दारक गच्छामो यत्र त्वं कारितं कृतिः / आगता च ततः सर्वे यत्र धातुधरं भुवि // mmk_53.732 //

वन्दित्वा वीतरागा महात्मासौ शिशुभिश्चैतदासमैः / पुनरेव प्रस्थितो वीरः पिण्डकार्थं यथेप्सतः // mmk_53.733 //

ततः श्रेष्ठिसुतो बालः गृहीत्वा चीवरान्तिकम् / स्वगृहं नीतवां ह्यासीद् भोजनार्थं च कारयेत् // mmk_53.734 //

ततः श्रेष्ठिमुख्यो ऽसौ दृष्ट्वा तं बालिशम् .... / गृहीत्वा चीवरान्ते तु वीतरागं महर्द्धिकम् // mmk_53.735 //

भीतो हृष्टरोमश्च गृहं मे आगतो ऽग्रजः / पादयोर्निपतितं क्षिप्रं मुञ्चापयति बालकम् // mmk_53.736 //

गृहीत्वा तु सुतं तस्य क्षमापयामास यत्नतः / पात्रं तु गृहीत्वा वै जिने अग्रजिते हिते // mmk_53.737 //

पूरयामास तं पात्रं शालिव्यञ्जनभक्षकैः / सुतं चामन्त्रयामास गृह्य मन्त्र प्रयच्छ भोः // mmk_53.738 //

ततो वालो ऽथ सप्रज्ञो हस्तो प्रक्षाल्य यत्नतः / गृहीत्वा पात्रपूरं तु वीतरागाय नामयेत् // mmk_53.739 //

नामयित्वा तु तं क्षिप्रं पादयोर्निपतितो भुवि / वीतरागो गृहीत्वा तु .... भुक्तवाम् / वीतरागो तदा ह्यासीत् सुखसंस्पर्शं च लब्धवाम् // mmk_53.740 //

अपरस्तत्र बालो वै मात्सर्याविष्टमानसः / केवलं रोषचित्तेन वीतरागो परे ऽहनि / प्रभूतं खाद्यभोज्यं च गृहीत्वा तं प्रयच्छत // mmk_53.741 //

यद्यस्ति कुशलं किञ्चित् त्वयि दत्वा तु पिण्डकम् / अनेन श्रेष्ठिसुतस्याहं भविता आढ्यतमो भुवि // mmk_53.742 //

ततस्ते तीर्थिकाः सर्वे द्विजातिवनिता तदा / सन्निपत्य तदा सर्वे कलहं निन्दकं कृत्वा // mmk_53.743 //

बालिशस्त्वं न जानासि मुण्डकानां कुतो गतिः / आत्मना अस्थिता ह्येते परेषां कुत्र निर्वृतिः // mmk_53.744 //

तस्य बालकसत्त्वस्य द्वेषमुत्पन्न तादृशम् / नाशयामास एतेषां शास्तारेणोपवर्णिताम् // mmk_53.745 //

धर्मसेतु सदा कीर्त्ति विहारां चैत्यवरां भुवि / श्रेष्ठिमुख्यसुतस्यैव आघात चैव कारयेत् // mmk_53.746 //

एतेषां कुण्डकानां तु दत्त्वा दानं कुतो गतिः / कुगतिग्रस्तचित्तानां विघातं कारयाम्यहम् // mmk_53.747 //

यो सौ वाद्यतमो बालो सोमाख्यो ऽपि नृपो ह्यसौ / अनुभूय चिरं दुःखं विपाकः तस्य नैष्ठिकम् // mmk_53.748 //

श्रेष्ठिमुख्यस्य पुत्रो ऽसौ भिन्नदेहो दिविं गतः / अनुभूय चिरं सौख्यं दिवौकसानां तदा तदा // mmk_53.749 //

च्युतो ऽसौ देवलोके ऽस्मिम् ...... / ...... तदाजन्मे बन्धं सेत्स्यति सर्वदा // mmk_53.750 //

तृजन्मोपगतो मर्त्यः क्ष्मापतिः भविता पुनः / पुनश्च पतितः कर्मेण तत्र तत्र तदा तदा // mmk_53.751 //

भविता जन्मलोके ऽस्मिं नृपतित्वं कारयेद् भुवि / निर्माल्यदानं यस्स्तूपे निवेद्य सौ बालचापलात् // mmk_53.752 //

तेनास्य भोगा क्लिष्टा वै क्लिष्टादानस्य तत् फलम् / दुःखेन भोगांस्तु प्राप्तस्तु नग्नसन्धीव सौ नृपः // mmk_53.753 //

अस्थैर्या बालवत्त्वच्च चलचित्ततया च सदा / कुर्वीत महतीं पूजां शास्तुर्धातुवरे भुवि // mmk_53.754 //

तेन कर्मविपाकेन राज्यैश्वर्यं चलतां व्रजेत् / भूत्वा भवति राजा अभूत्वा प्रतिगच्छति // mmk_53.755 //

उदीच्यप्रतीच्यमध्यौ सो नृपतित्वं कारयेद् भुवि / यो सौ मुक्तधीबन्धः पुनर्मुक्तश्च बालकः // mmk_53.756 //

तेन कर्मविपाकेन बद्धो मुक्तश्च बालकः / पञ्चजन्मशतानैव बद्धो मुक्तश्च बालकः // mmk_53.757 //

अपश्चिमे तु तदा जन्मे बन्धं छेत्स्यति सर्वदा / पञ्चपञ्चाशवर्षस्तु सप्तसप्ततिको ऽपि वा / प्राचीं समुद्रपर्यन्तां राजासौ भविता भुवि // mmk_53.758 //

विन्ध्यकुक्षिनिविष्टास्तु प्रत्यन्तम्लेच्छतस्कराः / सर्वे ते वशवर्ति स्यात् पकाराख्ये नृपतौ भुवि // mmk_53.759 //

हिमाद्रिकुक्षिसन्निविष्टा तु उत्तरां दिशिमाशृताम् / सर्वां जनपदां भुङ्क्ते राजासौ क्षत्रियस्तदा // mmk_53.760 //

पांसुना कृत्वा स्तूपं अज्ञानाद् बालभावतः / मागधेषु भवेद् राजा निःसपत्नमकण्टकः / सैमामटवीपर्यन्तां प्राचीसमुद्रमाशृतः // mmk_53.761 //

लौहित्यापरतो धीमां उत्तरे हिमवांस्तथा / पश्चात् काशिपुरी रम्यां शृङ्गाख्ये पुर एव वा // mmk_53.762 //

अत्रान्तरे महीपालः शास्तुशासनदायकः / पञ्चकेसरिनामानौ जित्वा नृपतिनौ सौ // mmk_53.763 //

....... स्वं राज्यमकारयत् / सर्वांस्तां सिंहजास्ते ऽपि ध्वस्तोन्मूलिता तदा // mmk_53.764 //

हिमाद्रिकुक्षिप्राच्यां भो दशानूपः तीरमाश्रयेत् / सत्त्वा जनपदां भुङ्क्ते राजासौ क्षैत्रियस्तदा // mmk_53.765 //

अभिवर्धमानजन्मस्तु भोगास्तस्य च वर्द्धताम् / वार्धिक्ये च तदा प्रोक्ते भोगां निश्चलतां व्रजेत् // mmk_53.766 //

अशीतिवर्षाणि जीवेयुः सप्त सप्त तथा पराम् / ततो जीर्णाभिभूतस्तु कालं कृत्वा दिविं गतः // mmk_53.767 //

देवलोके ऽस्मिं चिरसौख्यमनुभूय तथा नृपः / पुनश्चवति कर्मेण पूर्वसङ्क्लेशितेन तु / तिर्यक्षु न्वसे मासं नागराजमहर्द्धिकः // mmk_53.768 //

ततो ऽसौ भिन्नदेहस्तु मानुषेभ्योपपद्यते / क्षत्रियो धीमतो जतो वणिग्जीवी विशारदः // mmk_53.769 //

कल्याणमित्रमागम्य भोक्तासौ जिनशासने / साधयेद् विद्याराज्ञीं तारादेविं महर्द्धिकाम् // mmk_53.770 //

सिद्धमन्त्रस्तु जिनो नासौ यथेष्टगतिचारिणः / विद्याधराणां तदा राजा भविता सुगतस्तदा // mmk_53.771 //

चक्रवर्तिस्तदा ख्यातो नाम्नासौ चित्रकेतवः / विद्याधराणां तदा कर्म ख्यातो ऽसौ मतिमांस्तथा // mmk_53.772 //

अशीतिवर्षकोट्यानि नवसप्तानि चैतदा / दिव्यमानुष्यमाद्येन भविता चक्रवर्त्तिनः / परिवारस्तस्य कन्यानां षष्टिकोट्यो मजायत // mmk_53.773 //

ततो ऽसौ भिन्नदेहस्तु तारादेव्यानुचोदितः / देवानामधिपतिं गच्छेत् तत्र धर्मं च देशयेत् // mmk_53.774 //

सो ऽनुपूर्वेण महीपाल क्षिप्रं बोधिपरायणः / पकाराख्ये च नृपतौ वृत्ते तदा काले युगाधमे // mmk_53.775 //

भिन्नं परस्परं तत्र महाविगहमाशृताः / भृत्यस्तस्य तु सप्ताहं राज्यैश्वर्यमकारयेत् // mmk_53.776 //

ततो ऽनुपूर्वेण सप्ताहाद् वकाराख्यो नृपतिस्तथा / सो ऽप्यहतविध्वस्तः प्रक्रमेत दिशास्ततः // mmk_53.777 //

पकाराख्ये नृपतौ तत्र भकाराद्यो मतः परः / सो ऽपि त्रीणि वर्षाणि राज्यैश्वर्यमकारयेत् // mmk_53.778 //

तस्याप्यनुजो वकाराख्यो व्रतिना समधिष्ठितः / त्रीणि वर्षाणि एकं च भविता राज्यवर्द्धन // mmk_53.779 //

अजीर्णितौ उभावप्येतौ सद्यातीसारमूर्च्छितौ / ......... कालगतौ लोके यक्षेभ्योपपद्यते / ते ऽनूपूर्वेण धर्मात्मानो प्रत्येकां बोधिमाप्नुयाम् // mmk_53.780 //

तस्याप्यनुजो धकाराख्यः क्षत्रियो धर्मवत्सलः / भविता सो ऽपि राजा वै त्रीणि वर्षाणि ....... / भवितासौ नराधिपः ........ // mmk_53.781 //

तस्यापि कन्यसो राजा धकाराख्यो ऽथ विश्रुतः / भविता तत्र देशे ऽस्मिं सार्वभूमिकभूपतिः // mmk_53.782 //

हस्त्यश्वरथयानानि नौयानानि समन्ततः / जेता रिपूणां सर्वेषां समरे प्रत्युपस्थिताम् // mmk_53.783 //

स इमां जनपदां सर्वां कृत्स्नां चैव वसुन्धराम् / शास्तुबिम्बैर्विहारैश्च जिनानां धातुधरैस्तथा / शोभापयति सर्वां वै कृत्स्नां चैव वसुन्धराम् // mmk_53.784 //

नृपपूर्वी तथा तस्य द्विजातिः शाक्यजस्तथा / मानी तीक्ष्णो ऽथ स प्राज्ञः बोधिनिम्नो ऽथ मानधीः // mmk_53.785 //

सैवास्य सुखायतां याति तस्मिं काले युगाधमे / क्षत्रियः अग्रधीः प्रोक्तः राजा वै धर्मवत्सलः / जीवेद् वर्षशतं विंशत् सप्त चाष्टं च यत्नतः // mmk_53.786 //

स्त्रीकृतेनैव दोषेण कालं कृत्वा दिविं गतः / सो ऽनुपूर्वेण मेधावी प्राप्नुयाद् बोधिमुत्तमाम् // mmk_53.787 //

ततः परेण विख्यातः श्रीनामाथ महीपतिः / गौडतन्त्रे महाराजा भविता धर्मवत्सलः // mmk_53.788 //

गौडानां च पुरे श्रेष्ठे बकाराद्ये च महाजने / कारयेत् तत्र राज्यं वै जितशु समन्ततः // mmk_53.789 //

विहारां कारयामास सप्त चाष्टौ च तत्र वै / द्विजमुख्या तथा युक्ते शाकजेति समाश्रिते // mmk_53.790 //

तेन साहाय्यतां याते कुर्याद् राज्यं समन्ततः / अशीतिरेकं च वर्षाणि जीवेद् तत्र नराधिपः // mmk_53.791 //

भृत्यदोषेण धर्मात्मा कालं कृत्वा दिविं गतः / अनुपूर्वेण तथा राज्यं देवानामपि कारयेत् // mmk_53.792 //

ततो ऽसौ भिन्नदेहस्तु स्वर्गात् स्वर्गतमं व्रजेत् / परिपूर्य कुशलात् धर्मां बोधि ये तस्य हेतवः // mmk_53.793 //

तस्यैव भृत्यो राजा वै कुर्याद् राज्यमकण्टकम् / नाम्ना यकाराद्यस्तु महीपालो भविष्यति // mmk_53.794 //

सप्त चैकं च वर्षाणि कुर्याद् राज्यं तदा युगे / सैव घात्यते स्त्रीभिः घातितश्च अधो गतः // mmk_53.795 //

पुनः पकारवंशास्तु राजा भविताथ क्षत्रियः / तेनासौ भृत्यवर्गस्तु घातितो ऽसौ निरन्तरः // mmk_53.796 //

अकल्याणमित्रमागम्य कृतं प्राणिवधं बहून् / भविता सर्वलोके ऽस्मिं प्रतापोर्जितमूर्च्छितः // mmk_53.797 //

क्षिप्रकारी चपलस्तु मद्यपश्च शठप्रियः / मद्यप्रमादात् सम्मूढः तदासौ शयने भुवि // mmk_53.798 //

भिन्नो ऽसौ शस्त्रघातैस्तु अरिभिश्च समुद्यतैः / ततो ऽसौ भिन्नदेहस्तु कालं कृत्वा अघोगतः // mmk_53.799 //

तस्याप्यन्यतमो भ्राता रकाराद्यो नामतः स्मृतः / अष्टचत्वारिंशद्दिवसानि राज्यकर्त्ता सदा भुवि // mmk_53.800 //

दत्वा द्रविणं द्विजातिभ्यः कालं कुर्यान्न संशयः / ततः परेण भूपालः स्वादाद्यो भविता तदा // mmk_53.801 //

स एव शूद्रवर्णस्तु व्यङ्गः कुत्सित एव तु / अधर्मभूयिष्ठः दुःशीलो विग्रहे च सदा रतः // mmk_53.802 //

द्विजातिगणसामन्तां संयतां प्रव्रजितांस्तथा / स हापयति सर्वा वै निग्रहे च सदा रतः // mmk_53.803 //

तीव्रशासनकर्ता च तस्करां घातकस्तथा / निषेद्धा सर्वदुष्टानां पाषण्डव्रतमाशृताम् // mmk_53.804 //

विनिर्मुक्ता च दाता च राज्यं कृत्वा तु वै तदा / दशवर्षाणि सप्तं च जीवेद् भूपतिस्तत्र वै // mmk_53.805 //

कुष्ठदुःखाभिभूतस्तु कालं कृत्वाथ तिर्यत् / तिर्यग्भ्यो नागराजस्तु महाभोगी विशारदः // mmk_53.806 //

मूर्त्तिमां परमबीभत्सी स्फुटाटोपी च वै तदा / अनुभूय चिरं दुःखं धर्मतस्तस्य नैष्ठिकम् // mmk_53.807 //

एवम्प्रकाराः कथिता भूपाला लोकवर्द्धना / विदिता सर्वलोके ऽस्मिं प्राच्या च स्थितदेहिनी // mmk_53.808 //

पकाराख्यस्य नृपतौ वंशाद् वंशजो ऽपरः / क्षत्रियः शूरविक्रान्तः त्रिसमुद्राधिपतिस्तदा // mmk_53.809 //

भविता प्राच्यदेशे ऽस्मिं महासैन्यो महाबलः / शास्तुधातुधरैर्दिव्यैर्विहारावसथमन्दिरैः // mmk_53.810 //

उद्यानविविधैर्वाप्यैः कूपमण्डपसङ्क्रमैः / सत्रागारतथानित्यं शोभापयति मेदिनीम् // mmk_53.811 //

भक्तो ऽसौ जिनरवां श्रेष्ठां उत्तमं यानमाशृतः / शाक्यप्रव्रजितेनैव स तदा निष्ठितो ह्यसौ // mmk_53.812 //

वर्जयेद् दक्षिणां सर्वां दक्षिणां चैव प्रभावयेत् / नाम्ना ककारविख्यातः स्मृतिमांश्चैव विशारदः // mmk_53.813 //

राज्यं कृत्वा तु भूपालः वर्षाण्येकविंशति / ततो ऽसौ विषूचिकाभिश्च कालं कृत्वा दिविं गतः // mmk_53.814 //

सो ऽनुपूर्वेण मेधावी क्षिप्रं बोधिपरायणः / तस्यैव शेषवंशास्तु पराधीनायतनवृत्तनः // mmk_53.815 //

ततः परेण भूपाला गोपाला दासजीविनः / भविष्यति न सन्देहो द्विजातिकृपणा जना // mmk_53.816 //

अधर्मिष्ठ तदा काले निर्नष्टे शास्तुशासने / मन्त्रवादेन सत्त्वानां कुशलार्थां नियोजयेत् // mmk_53.817 //

कुमारेण तु ये प्रोक्ता मन्त्रा भोगवर्द्धना / साधनीया तदा काले राज्यैश्वर्येण हेतुना // mmk_53.818 //

न साध्या उत्तमा सिद्धिः तस्मिं देशे तु वै तदा / धर्मचक्रे तथा रम्ये महाबोधिवने तथा // mmk_53.819 //

यत्रासौ भगवां शान्तिं निरोपधिं च प्रविष्टवां / तत्र साध्यौ इमौ मन्त्रौ तारा भृकुटी च देवता // mmk_53.820 //

समुद्रकूले तथा नित्यं विस्फूर्ज्यां सरितावरे / गङ्गातीरे तु सर्वत्र साधनीयाब्जसम्भवा // mmk_53.821 //

यो ऽसौ बोधिसत्त्वस्तु चन्द्रनामाथ विश्रुतः / स वै तारमिति प्रोक्ता विद्याराज्ञी महर्द्धिका // mmk_53.822 //

स्त्रीरूपधारिणी भूत्वा देवी विचेरुः सर्वतो जगतः / सत्त्वानां हितकाम्यार्थं करुणार्द्रेण चेतसा // mmk_53.823 //

सहां च लोकधातुस्थां तैम्भ्याख्यमिति वर्तते / महर्द्धिको बोधिसत्त्वस्तु दशभूम्यानन्तरप्रभुः // mmk_53.824 //

विनेयः सर्वसत्त्वानां तारा देवी तु कीर्त्यते / अयत्नसिद्धिमेवास्य रक्षावरणगुप्तये // mmk_53.825 //

यत्नेन साध्यते देवी भोगैश्वर्यविवर्द्धना / बोधिसम्भारहेतुं च ......... // mmk_53.826 //

अनुबद्धा तदा देवी करुणाविष्टा हि देहिनाम् / मन्त्ररूपेण सत्त्वानां बोधिसम्भारकारणा // mmk_53.827 //

सर्वेषां तुष्टिपुष्ट्यर्थं पूर्वायां दिशिमाश्रितः / सहस्रार्धं पुनः कृत्वा आत्मनो बहुधा पुनः // mmk_53.828 //

भ्रमते वसुमतीं कृत्स्नां चत्वारो दधि पर्ययाम् / पूर्वेण ततः सिद्धिः वाराणस्यां परेण वा // mmk_53.829 //

सक्षेत्रस्तस्य देव्या तु पूर्वदेशः प्रकीर्तितः / सिद्ध्यते यक्षराट् तत्र जम्भलस्तु महाद्युतिः // mmk_53.830 //

भोगकामैः तदा सत्त्वैः तस्मिं काले युगाधमे / यक्षराट् तारादेव्या तु साध्येतौ पुष्टिकामतः // mmk_53.831 //

क्रोधनास्तु तथा मन्त्राः साध्यतां दक्षिणापथे / म्लेच्छतस्करद्वीपेषु अम्भोधेर्मध्य एव वा // mmk_53.832 //

सिध्यते च तदा तारा यक्षराट् चैव महाबलः / हरिकेले कर्मरङ्गे च कामरूपे कलशाह्वये // mmk_53.833 //

विविधा दूतिगणाः सर्वे यक्षिण्यश्च महर्द्धिकाः / मञ्जुघोषेण ये गीता मन्त्रा भोगहेतवः / तत्र देशे यथा सिद्धिः नान्यस्थानेषु तथा भवेत् // mmk_53.834 //

पूर्वं दिशि विदिक्षुश्च मन्त्रा विविधहेतवः / कथितास्तु तदा काले साधनीयास्तु देहिभिः // mmk_53.835 //

मध्यदेशे तथा मन्त्री भूपाला विविधास्तथा / विस्तरां सत्त्वदौर्बल्यां अल्पबुद्धिं निबोधताम् / संक्षेपो नृपतिमुख्यानां सङ्ख्या तेषां निगद्यते // mmk_53.836 //

मकाराद्यो नकाराद्यः पकाराद्यश्च कीर्त्यते / दकाराद्यश्च इकाराद्यः सकाराद्यश्व अकाराद्य // mmk_53.837 //

ग्रहाख्यश्च कीर्त्याख्यः हकाराद्यश्च घुष्यते / ....... शकाराद्यश्च भवेत् तदा // mmk_53.838 //

जकाराद्यो बकाराद्यो लकाराद्यः सोमचिह्नितः / हकाराद्यश्चैव प्रख्यातः अकाराद्य पुनस्तथा // mmk_53.839 //

सकारो लकाराद्यश्च स्त्र्याख्यया लोकविद्विषः / सकाराद्यो मकाराख्यः लोकानां प्रभविष्णवः // mmk_53.840 //

क्रमतः कृमिनः चिह्नः ब्राह्मणाश्च वैश्यवृत्तयः / अधर्मकर्मा भूयिष्ठाः विद्विष्टाः स्त्रीषु लोलुपाः // mmk_53.841 //

प्रभूतपरिवारा महीपालास्तस्मिं काले युगाधमे / भविष्यन्ति न सन्देहः मध्यदेशे नराधिपाः // mmk_53.842 //

विंशद् वर्षाणि शतं चैव आयुरेषा युगाधमे / मनुष्याणां तदा काले दीर्घमायुरिति कीर्त्यते // mmk_53.843 //

तेषां मध्योत्कृष्टानां अन्तरा उच्चनीचता / अल्पायुषो नृपतयः सर्वे कथिता तु तदा युगे // mmk_53.844 //

नदीगङ्गा तथा तीरे हिमाद्रेश्च नितम्बयोः / कामरूपे तथा देशे भविष्यन्ति तथा नृपाः // mmk_53.845 //

आद्ये मध्ये तथान्ते च अङ्गदेशेषु कथ्यते / आद्यं वृत्सुधानश्च कर्मराजा स कीर्त्तितः // mmk_53.846 //

अन्ते ऽङ्गपतिः तदङ्गं च सुभूतिर्भूतिरेव च / सदहो भवदश्च कामरूपे अजातयः // mmk_53.847 //

सुभूमृगकुमारान्ता वैशाल्यां वकारयोः / तत्रासौ मुनिर्जातः कपिलाह्वे पुरोत्तमे // mmk_53.848 //

शुद्धान्ता शाक्यजाः प्रोक्ता नृपा आदित्येक्षसम्भवा / शुद्धोदनान्तविख्याता शाक्यं शाक्यवर्द्धनाम् // mmk_53.849 //

अल्पवीर्यास्तु मन्त्रा वै कथिता लोकपुङ्गवैः / जिनप्रोक्तास्तु ये मन्त्राः सर्वचेटगणास्तथा // mmk_53.850 //

तथा विविधा दूतिगणाः सर्वे वज्राब्जकुलयोरपि / साध्यमानस्तु सिध्यन्ते मन्त्रतन्त्रार्थकोविदैः // mmk_53.851 //

सर्वे ते लौकिका मन्त्राः सिध्यन्ते ऽत्र मध्यतः / विशेषतो मध्यदेशस्थाः साधनीया जिनभाषिता // mmk_53.852 //

विविधाकारचिह्नैस्तु विविधाकारकारणैः / विविधप्रयोगप्रयुक्तास्तु विविधा सिद्धिदेहिनाम् // mmk_53.853 //

मध्यशेदे तथा मन्त्राः साध्या वै भोगवर्धनाः / रक्षाहेतुपरित्राणं वश्याकर्षणदेहिनाम् // mmk_53.854 //

अतीतानागता प्रोक्ताः मध्यदेशे नराधिपाः / विविधाकारचिह्नैस्तु विविधायुष्यगोत्रतः // mmk_53.855 //

सर्वे नरपतयः प्रोक्ता उत्तमाधममध्यमाः / त्रिप्रकारा तथा सिद्धिः त्रिधा कालेषु योजयेत् // mmk_53.856 //

त्रिविधास्तु तथा मन्त्राः कथिता मुनिवरैस्तथा / अनन्ता नृपतयः प्रोक्ता मध्यदेशे ऽथ पश्चिमे // mmk_53.857 //

उत्तरापरपूर्वैस्तु विदिक्षुः सर्वतस्तथा / द्वीपेषु बहिः सर्वेषु चतुर्धा परिचिह्नितैः // mmk_53.858 //

अनन्ता महीपतयः प्रोक्ता अनन्ता मन्त्रसाधनाः / अनन्ता दिशमाश्रित्य अनन्ता मन्त्रसिद्धयः // mmk_53.859 //

निग्रहानुग्रहार्थाय शासने ऽन्तर्हिते मुनौ / मन्त्रा नृपतिषु काले वै मञ्जुघोषेण भाषिता // mmk_53.860 //

क्रीडारक्षविकुर्वार्थं कालचर्या तु कथ्यते / मन्त्रमाहात्म्यसत्त्वानां गतियोनिनृपाह्वये // mmk_53.861 //

देशकालसमाख्यातः मन्त्रसाधनलिप्सुनाम् / प्रसङ्गा नृपतयः कथिताः शासनान्तर्धिते पथे // mmk_53.862 //

मन्त्राणां गुणमाहात्म्यं फलमन्ते च बोधितः / कथिता द्वे परे याने नृपा पूर्वनिबोधिताः // mmk_53.863 //

प्रतिष्ठितास्तु न सन्देहः तस्मिं काले युगाधमे / कथिता नृपतयः सर्वे ये तु दिशमाशृताः // mmk_53.864 //

प्रव्रज्या ध्रुवमास्थाय शाक्यप्रवचने तदा / शासनार्थं करिष्यन्ति मन्त्रवादसदारता // mmk_53.865 //

अस्तं गते मुनिवरे लौकिकाग्रसुचक्षुषे / तेषां कुमार वक्ष्यामि शृणुष्वैकमनास्तदा // mmk_53.866 //

युगान्ते चष्ट लोके शास्तुप्रवचने भुवि / भविष्यन्ति न सन्देहो यतयो राज्यवृत्तिनः // mmk_53.867 //

तद्यथा मातृचीनाख्य कुसुमाराख्यश्च विश्रुतः / मकाराख्ये कुकाराख्यः अत्यन्तो धर्मवत्सलः // mmk_53.868 //

नागाह्वश्च समाख्यातो रत्नसम्भवनामतः / गकाराख्यः कुमाराख्यः वकाराख्यो धर्मचिन्तकः // mmk_53.869 //

अकाराख्यो महात्मासौ शास्तुशासनदुर्धरः / गुणसम्मतो मतिमाम् लकाराख्यः प्रकीर्तितः // mmk_53.870 //

रकाराद्यो ......... नकाराद्यः प्रकीर्तितः / बुद्धपक्षस्य नृपतौ शास्तुशासनदीपकः // mmk_53.871 //

अकाराख्यो यति ख्यातो द्विजः प्रव्रजितस्तथा / साकेतपुरवास्तव्यः आयुषाशीतिकस्तथा // mmk_53.872 //

अकाराद्यस्तथा भिक्षुः रागी सौ दक्षिणां दिशि / पष्टिवर्षायुषो धीमान् काव्याख्यः पुरवासिनः // mmk_53.873 //

थकाराद्यो यतिश्चैव विख्यातो दक्षिणां दिशि / परप्रवादिनिषेद्धा च मन्त्रसिद्धिस्तथा यतिः // mmk_53.874 //

अपरः प्रव्रजितः श्रेष्ठः सैह्निकापुरवास्तवी / अनार्या आर्यसंज्ञी च सिंहलद्वीपवासिन // mmk_53.875 //

परप्रवादिनिषेद्धासौ तीर्थ्यानामतदूषकः / भविष्यन्ति युगान्ते वै तस्मिं काले ऽथ भैरवे // mmk_53.876 //

वकाराद्यो यतिः प्रोक्तो लकाराद्यश्च कीर्तितः / रकाराद्यो विकाराद्यः भिक्षुः प्रव्रजितस्तथा // mmk_53.877 //

भविष्यति न सन्देहः शास्तुशासनतत्परः / बालाकौ नृपतौ ख्याते सकाराद्यो यतिस्तथा // mmk_53.878 //

विहारारामचैत्यांश्च वाप्यकूपांश्च सर्वदा / शास्तुबिम्बा तथा चिह्ना सेतुः सङ्क्रमाश्च वै // mmk_53.879 //

भविष्यति न सन्देहः शास्तुभिन्नार्ध्वगः स्मृतः / ततः परेण मकाराद्यः ककाराद्यश्च कीर्तितः // mmk_53.880 //

नकाराद्यः सुदत्तश्च सुपेणः सेनकीर्तितः / दत्तको दिनकश्चैव परसिद्धान्तदूषकः // mmk_53.881 //

वणिक्पूर्वी वैद्यपूर्वीं च उभौ दीनार्थचिन्तकौ / चकाराद्यो यतिः ख्यातः रकाराद्यमत परे // mmk_53.882//

भकाराद्यः प्रथितश्राद्धः शास्तुबिम्बार्थकारकः / मकाराद्यो मतिमान् जातो यतिः श्राद्धस्तथैव च // mmk_53.883 //

विविधा यतयः प्रोक्ता अनन्ताश्च भविता तदा / सर्वे ते यतयः ख्याता शास्तुशासनदीपकाः // mmk_53.884 //

निर्नष्टे च निरालोके शासने ऽस्मिं तदा भुवि / करिष्यति न सन्देहः शास्तुबिम्बां मनोरमाम् // mmk_53.885 //

सर्वे वै व्याकृता बोधो अग्रप्राप्ताश्च मे सदा / दक्षिणीयाअस्तथा लोके त्रिभवान्तकरास्तथा // mmk_53.886 //

मन्त्रतन्त्राभियोगेन ख्याताः कीर्तिकराः स्मृताः / अधुना तु प्रवक्ष्यामि द्विजानां धर्मशीलिनाम् // mmk_53.887 //

मन्त्रतन्त्राभियोगेन राज्यवृत्तिमुपाश्रिता / भवति सर्वलोके ऽस्मिं तस्मिं काले सुदारुणे // mmk_53.888 //

वकाराख्यो द्विजः श्रेष्ठः आढ्यो वेदपारगः / सेमां वसुमतीं कृत्स्नां विचेरुर्वादकारणात् // mmk_53.889 //

त्रिसमुद्रमहापर्यन्तं परतीर्थानां विग्रहे रतः / षडक्षरं मन्त्रजापी तु अभिमुख्यो हि वाक्यतः // mmk_53.890 //

कुमारो गीतवाह्यासीत् सत्त्वानां हितकाम्यया / एतस्यै कल्पविसरान्महितं बुद्धितन्द्रितः // mmk_53.891 //

जयः सुजयश्चैव कीर्त्तिमान् शुभमतः परः / कुलीनो धार्मिकश्चैव उद्यतः साधु माधवः // mmk_53.892 //

मधुः समधुश्चैव सिद्धः ....... नमस्तदा / रघवः शूद्रवर्णस्तु शकजातास्तथापरे // mmk_53.893 //

ते ऽपि जापिनः सर्वे कुमारस्येह वाक्यतः / ते चापि साधकः सर्वे बुद्धिमन्तो बहुश्रुताः // mmk_53.894 //

आमुखा मन्त्रिभिस्ते च राज्यवृत्तिसमाश्रिता / तस्यापरेण विख्यातः विकाराख्यो द्विजस्तथा // mmk_53.895 //

परे पुष्पसमाख्याता भवितासौ क्रोधसिद्धकः / निग्रहं नृपतिषु चक्रे दरिद्रात् परिभवाच्च वै // mmk_53.896 //

मञ्जुघोष इह प्रोक्तः क्रोधराट् स यमान्तकः / सत्त्वानामथ दुष्टानां दुर्दान्तदमको ऽथ वै // mmk_53.897 //

अहितानिवारणार्थाय हितार्थायोपबृंहने / अनुग्रहायैव सत्त्वानां तनुप्राणोपरोधिने // mmk_53.898 //

सो हि माणवको मूढः दरिद्रः क्रोधलोभितः / आवर्त्तयामास तं क्रोधं नृपतेः प्राणोपरोधिनः // mmk_53.899 //

तस्यापरेण विख्यातः सकाराद्यो द्विजस्तथा / मन्त्रार्थकुशलो युक्तात्मा ........... // mmk_53.900 //

प्रभुः बहुतरः ख्यातो मन्त्रजापी भवेत् तदा / साधयामास तं मन्त्रं वै वश्यार्थं नान्यकारणम् // mmk_53.901 //

वशीभूतेषु भूतेषु धनमतो भवति ततः / ततः परेण वै ख्यातो द्विजो धर्मार्थचिन्तकः // mmk_53.902 //

शकाराद्यो मत अन्ते भवितासौ मालवे जने / प्रसन्ने शासने ह्यग्रो मन्त्रजापी हि वै भुवि // mmk_53.903 //

वेताडग्रहदुष्टां च ब्रह्मराक्षसराक्षसाम् / सर्वपूतनभूतांश्च क्रव्यादां विविधांस्तथा // mmk_53.904 //

सर्वे ते वशिनस्तस्य विषाः स्थावरजङ्गमाः / सर्वे वै बशिनस्तस्य द्विजचिह्नस्य तथाहितैः // mmk_53.905 //

ततः परेण विख्यातः द्विजो दक्षिणापथे / वकाराद्यः समाख्यातः शास्तुशासनतत्परः // mmk_53.906 //

विहारारामचैत्येस्तु शास्तुबिम्बे मनोरमे / अलङ्करोति सर्वा वै मेदिनीं द्विसमुद्रगाम् // mmk_53.907 //

तस्यापरेण विख्यातः द्विजश्रेष्ठो महाधनः / भकाराद्यस्तथा ख्यातो दक्षिणां दिशिमाशृतः // mmk_53.908 //

मन्त्ररूपी महात्मा वै नियतं बोधिपरायणः / मध्यदेशे तथा ख्यातं सम्पूर्णो नामत द्विजः // mmk_53.909 //

विनयः सुविनयश्चैव पूर्णो मधुरवासिनः / भकाराद्यो धनाध्यक्षो नृपतीनां मन्त्रपूजकः // mmk_53.910 //

इत्येते द्विजातयः कथिताः शास्तुशासनपूजकाः / मध्यान्त आदिमुख्याश्च विविधायतनगोत्रजाः // mmk_53.911 //

नानादेशद्विजातीनां पूजका ते परिद्विजाः / नानातीर्थाश्च गोत्राश्च विविधाचारगोचराः // mmk_53.912 //

समन्ताद् यतयः प्रोक्ता मानवाश्च बहुश्रुताः / धर्मराजा स्वयं बुद्धः सर्वसत्त्वार्त्थसाधकः // mmk_53.913 //

सर्वेषां चैव भूतानां तृदेवानां च कीर्तिताः / चत्वारो ऽपि महाराजाः सर्वलोकेषु कीर्तिताः // mmk_53.914 //

विरूढो विरूपाक्षश्च धृतराष्ट्रो ऽथ यक्षराट् / शक्रश्च अथ देवानां नियतायुः प्रकीर्तितः // mmk_53.915 //

सुजामा देवपुत्रश्च सुनिर्मितो वशवर्तिनः / राजा सन्तुषितः प्रोक्तः कामधात्वीश्वरो ऽपरः // mmk_53.916 //

शक्राद्य एकनाम्नास्तु कामधात्वीश्वरास्तथा / एकाश्रया सदा ते ऽपि एकजापा महर्द्धिका // mmk_53.917 //

अनन्ताः कथितास्ते ऽपि नानारूपधरा सुराः / अतः ऊर्ध्वं समा सर्वे ते ऽपि महर्द्धिकाः // mmk_53.918 //

एवं संज्ञा सुरश्रेष्ठाः आ संज्ञाताः प्रकीर्तिताः / न तेषां प्रभविष्णु स्यात् तुल्यवृत्तिसमाश्रया // mmk_53.919 //

अतः अवीचिपर्यन्तं न राजा तत्र विद्यते / नरकाष्टौ षोडशोत्सिद्धौ सपर्यन्ता ते ऽपि कीर्तिता // mmk_53.920 //

अनृपाः कर्मराजानः यमराजा प्रेतनां विभु / सुवर्णः पक्षिणां राजा गरुत्मा स महर्द्धिकः // mmk_53.921 //

किन्नराणां द्रुमो ख्यातः भूतानां रुद्र उच्यते / विद्याधराणां नृपो विद्या चित्रकेतुर्महर्द्धिकः // mmk_53.922//

असुराणां तथा हेतौ वेम चित्रिथोत्तमः / ऋषीणां व्यास इत्युक्तः सिद्धानां च महारथः // mmk_53.923 //

नक्षत्राणां सोम निर्दिष्टः ग्रहाणां भास्करस्तथा / मातराणां तथा राजा ईशानमभिकीर्तितः // mmk_53.924 //

दिवशानां प्रतिम प्रोक्तः राशीनां कन्य उच्यते / सरितां सागरः प्रोक्तः मेघानां तु सुपुष्करः // mmk_53.925 //

ऐरावतो हस्तीनामश्वानां हरिवरस्तथा / तीर्यराजाथ सर्वत्र प्रह्लादः परिकीर्तितः // mmk_53.926 //

अनन्ता गतयः प्रोक्ता राजानश्च अनन्तका / समन्तात् सर्वतस्तेषु बुद्धो लोके नरोत्तमः // mmk_53.927 //

उत्तमां कुरुमाद्यः प्रभविष्णुस्तेषु न विद्यते / दीपेष्वेव परेतेषु पूर्वापरयतस्तथा // mmk_53.928 //

जम्बूद्वीपनिवासिस्यां पूर्वायां स नराधिपाः / अनन्ता च क्रिया प्रोक्ता चतुर्द्वीपा सनराधिपा // mmk_53.929 //

संक्षेपा कथिता ह्येते कत्थ्यमानातिविस्तरा / प्रभूता भूतपतयो मुर्व्यां त्रिदेवासुरजन्मिनाम् // mmk_53.930 //

अनन्तलोकधातुस्था अनन्ता गुणविस्तरा / अनन्ता कथिता ह्यत्र कल्पे ऽस्मिं भूनिवासिनः // mmk_53.931 //

कथिता मन्त्रसिद्ध्यर्थे देशकालसमात्ययात् / सिद्ध्यन्ते मन्त्रराजानो विविधा दूतगणास्तथा // mmk_53.932 //

एष धर्मः समासेन कथिता मुनिपुङ्गवैः / अधुना कथितं ह्येतत् शुद्धावासोपरिस्थितैः // mmk_53.933 //

मञ्जुश्रियो महावीरः पप्रच्छ लोकनायकम् / य एष कथितो कर्म कथं चैवं धारयाम्यहम् // mmk_53.934 //

पेयालं विस्तरेण कर्तव्यं सर्वेषां नृपतीनां कर्म स्वकं ज महापरिनिर्वाणसूत्रं मञ्जुश्रियस्य कुमारस्य मुनिश्रेष्ठ /

अभाषत बोधिसत्त्वार्थमन्त्राणां च सविस्तराम् / बोधिमार्गार्थबोध्यर्थं धर्मसूत्र इति स्मृतः // mmk_53.935 //

विसरं कल्पमन्त्राणां कर्म आयूषि भूनृणाम् / नृपतीनां तथा कालमायुषे परिकीर्तनम् // mmk_53.936 //

धर्मसङ्ग्रहणं नाम पिटकं बोधिपरायणम् / मन्त्रतन्त्राभियोगेन कथितं बोधिनिम्नगम् / धारयस्त्वं सदा प्राज्ञः मन्त्रतन्त्रार्थपूरकम् // mmk_53.937 //

इति //

आर्यमञ्जुश्रियमूलकल्पाद् बोधिसत्त्वपिटकावतसंकान्महायानवैपुल्यसूत्रात् पटलविसरात् एकपञ्चाशराजव्याकरणपरिवर्तः परिसमाप्त इति / अथ चतुःपञ्चाशः पटलविसरः / अथ भगवां शाक्यमुनिः पुनरपि शुद्धावासभवनमवलोक्य मञ्जुश्रियं कुमारभूतमामन्त्रयते स्म / अयं मञ्जुश्रीः धर्मपर्यायः / अस्मिं स्थाने प्रचरिष्यति / तत्राह स्वयमेवं वेदितव्यः / सर्वबोधिसत्त्वगणपरिवृतः श्रावकसङ्घपुरस्कृतः सर्वदेवनागयक्षगरुडगन्धर्वकिन्नरमहोरगसिद्धविद्याधरः मानुषामानुषैः परिवृतो विहरे ऽहं वेदितव्यः / तथागतो ऽत्र रक्षावरणगुप्तये तिष्ठतीति / दशानुशंसा मञ्जुश्रीः कुमार वेदितव्यः / यत्र स्थानो ऽयं धर्मकोशस्तथागतानां पुस्तकगतो वा लिख्यति वाचयिष्यति धारयिष्यति सत्कृत्य मनसिकृत्य विविधैश्चामरणपूर्णच्छत्रध्वजपताकाघण्टाभिर्वाद्यमाल्यविलेपनैर्धूपगन्धैश्च सुगन्धिभिः पूजयिष्यति मानयिष्यति सत्करिष्यति एकाग्रमनसो वा चित्तं धत्से / कतमे दश / न चास्य परचक्रभय दुर्भिक्षो वा / न यास्य तत्र महामार्योपद्रवं भवति; अमानुषभयो वा / न चास्याग्निभयं भवति सर्वप्रत्यर्थिकभयो वा / न चास्य तत्रानावृष्टिभयं भवति अतिवृष्टिभयो वा / न चास्य तत्र महावातमण्डलीभयं भवति सर्वक्रव्यादभयो वा / न चास्य शक्रभयं भवति सर्वधूर्त्ततस्करभयो वा / न चास्य मृत्युभयं भवति; यमराजोपनीतभयं वा / न चास्यासुरभयं वा भवति, सर्वदेवनागयक्षगन्धर्वासुरभयो वा / न चास्य मन्त्रभयं भवति, सर्वगरविषभयं वा /

न चास्य रोगभयं भवति ज्वरातीसारजीर्णाङ्गप्रत्यङ्गभयो वा / इमे दशानुशंसा वेदितव्या, यत्रायं महाकल्पविशरे धर्मकोशस्तथागतानां पुस्तकगतो तिष्ठेत, लिखनवाचनपूजनधारणस्वाध्यायानां वा कुर्मः / गुह्यतमो ऽयं धर्मकोशस्तथागतानां मन्त्रानुवर्तनतया पुनरेषां सर्वतः आचार्यसमयानुप्रविष्टानाम् / असमयज्ञानां न प्रकाशितव्यः / यत् कारणम् / रहस्यमेतत् / गुह्यवचनमेतत् / सर्वज्ञवचनमेतत् / मा हैव सत्त्वा प्रतिक्षेप्स्यन्ते, अवज्ञस्यन्ति, न पूजयिष्यन्ति, न सत्करिष्यन्ति, महदपुण्यं प्रसविष्यन्ते, गुह्यनिवरणसत्त्वोपघातननृपतिसूचन आयुःप्रमाणोपघातोपसर्गिकक्रियां करिष्यन्तीति न परेषामारोचयितव्यं च / समयरहस्यगुह्यमन्त्रचर्यानुप्रविष्टानां सत्त्वानां तथागतशासनशिक्षाया सुशिक्षितानां सुव्यवस्थितानां धर्मार्थकोविदामायतनधातुसमयानुप्रवेशधर्मस्थितानां सत्यसन्धानां दृढव्रतमन्वागतानां सत्त्वचर्यामार्गानुप्रविष्टकारुणिकानामेतेषां सत्त्वानामारोचयितव्यम्; न परेषामिति //

अथ खलु मञ्जुश्रीः कुमारभूतो बोधिसत्त्वोत्थायासनादेकांशमुत्तरासङ्गं कृत्वा, दक्षिणं जानुमण्डलं पृथिव्यां प्रतिष्ठाप्य, कृतकरतलाञ्जलिपुटो भगवन्तमेतदवोचत् / को नामायं भगवन् धर्मपर्यायः, कथं चैनं धारयाम्यहम् / भगवानाह - सर्वबोधिसत्त्वविस्फूर्जनबोधिसत्त्वपिटक इत्यपि धारय / आश्चर्याद्भुतधर्मोपदेशपरिवर्त्त इत्यपि धारय / सर्वमन्त्रकोशचर्यानुप्रविष्टबोधिसत्त्वनिर्देश इत्यपि धारय / महायानवैपुल्यनिर्देशाद्भुत् इत्यपि धारय / आर्यमञ्जुश्रियमूलकल्प इत्यपि धारय / सर्वधर्मार्थपूरणनिर्देश इत्यपि धारय इति //

सर्वलोकां समग्रां वै धर्माधर्मविचारकाम् / विचेरुः सर्वतो यस्त्वं बोधिसत्त्वो महर्द्धिकः // mmk_54.1 //

न पश्यसे परं गुह्यमेतं धर्मवरं वरम् / मन्त्रतन्त्रार्थसूत्राणां गतिदेशनिरत्ययम् // mmk_54.2 //

न पश्यसे वरं वीर धर्मबोधिपरायणम् / यादृशो ऽयं गुह्यसूत्रं .......... नेयार्थभूषितम् // mmk_54.3 //

विविधाकारसूत्रार्त्थाः मन्त्रतन्त्रानुवर्तनम् / न भूतं विद्यते कश्चिद् यः कल्पविसरादिह // mmk_54.4 //

महाराज्ञां महाभोगां सम्पदांश्च दिवौकसाम् / प्राप्नुयात् पुष्कलां कीर्त्तिं दिव्यां मानुषिकां तथा // mmk_54.5 //

अक्षाणां वर्जयेदष्टां क्षणांश्चैव सम्भावयेत् / बुद्धत्वं नियतं तस्य त्रिधा जनगतिस्तथा // mmk_54.6 //

इदं सूत्रं धारणात् पुण्य अनुशंसा स्यादिमे तथा / न चास्य सर्वकाये वै न विषं न हुताशनम् // mmk_54.7 //

न वेताडा ग्रहाश्चैव न पूतना मातरा हि ये / तेन चोरराक्षसा ........... // mmk_54.8 //

पिशाचा वास्य हिंस्येयुः यस्त सूत्रमिमं पठेत् / धारयेद्वापि पूजयेद् वा न पुनः पुनः विविधा // mmk_54.9 //

वाद्य पूज्य पूज इषु पूजयेद् वा विशरदः / स इमां लभते मर्त्यो मनुशंसामिहोदिता // mmk_54.10 //

आतुरो मुच्यते रोगान् दुःखितो सुखिनो भवेत् / दरिद्रो लभते अर्थान् बद्धो मुच्येत बन्धनात् // mmk_54.11 //

पतितः संसारदुःखे ऽस्मिन् गतिं पञ्चकयोजितम् / क्षेमं शिवं च निर्वाणं प्राप्नुयादचलं पदम् // mmk_54.12 //

प्रत्येकबोधिबुद्धत्वं श्रावकत्वं च नैष्ठिकम् / इदं सूत्रं वाचयित्वा लभते बुद्धवर्तिताम् // mmk_54.13 //

गङ्गासितताप्रख्यानामनन्त्यं जिनवरास्तथा / पूजित्वा लभते पुण्यं तत्सर्वमिदं सूत्रं पठनादिह // mmk_54.14 //

यावन्ति केचिल्लोके ऽस्मिन् क्षेत्रकोटिमचिन्तकाः / तावन्तु परमाण्वाख्यां बुद्धानां पूजयेत् सदा // mmk_54.15 //

विविधा अन्नपानैश्व ग्लानप्रत्ययभेषजैः / विविधासनशय्यासु दद्युः सर्वतः सदा // mmk_54.16 //

चीवरैर्विविधैश्चापि चूर्णचीवरभूषणैः / छत्रोपानहपटैः सुगन्धमाल्यविलेपनैः // mmk_54.17 //

धूपनं विविधैर्वापि दीपैश्चापि समन्ततः / तत् पुण्यं प्राप्नुया जन्तुर्धारणाद् वाचनादिदम् // mmk_54.18 //

प्रत्येकबुद्धजे लोके श्रावका सुमहर्द्धिकः / बोधिसत्त्वा महात्मानो दशभूमिस्थिता पराः // mmk_54.19 //

तत्प्रमाणाद् भवेत् सर्वे तेषां पूजां तथैव च / तत् पुण्यं प्राप्नुयान्मर्त्य यस्य पुस्तक गतं करे // mmk_54.20 //

यावन्ति लोके कथिता लोकधातुसमाशृता / सर्वसत्त्वा समाख्यातास्ते सर्वे विगतज्वराः // mmk_54.21 //

तेषां च पूजा सत्कृत्य कश्चि जन्तु पुनः पुनः / तत् पुण्यं प्राप्नुयाद्धीमां पूजेत्वा धर्मपरमिमम् // mmk_54.22 //

न शक्यं कल्पकोट्यैस्ते रत्नै जिनवरैः सदा / पूजये लोकनाथानां धर्मकोश इमं वरम् // mmk_54.23 //

चिन्तामणि च रत्नार्थमिमं धर्मवरं भवेत् / पठनाद् धारणान्मन्त्रा कल्पे ऽस्मिन् मञ्जुभाणिते // mmk_54.24 //

भवेत् कामदुहं तस्य महाभोगार्थसम्पदः / अखिन्नमनसो भूत्वा यो इमां साधयेत् भुवि // mmk_54.25 //

मन्त्रान् तत्त्वार्थनेयार्थं सफला मुनिभाषिता / कृयाकालसमायोगात् साधयेद् विद्यधरां भुवि // mmk_54.26 //

तस्य सर्वदिशा ख्याता प्रपूर्णा रत्नसम्पदः / सफला गतिमाहात्म्या वर्णिता साधुवर्णिता // mmk_54.27 //

यो ऽस्मान् कल्ववरा ह्येकं मन्त्रं धारये नृप / सफला राजसम्पत्ति दीर्घमायुष्यसम्पदाम् // mmk_54.28 //

विविधा भोगचर्या वा प्राप्नुयां नृपवरोपराम् / न चास्य हन्यते शस्त्रैर्न विषैः स्थावरजङ्गमैः // mmk_54.29 //

परविद्याकृतैश्चापि मन्त्रं वेताडसाधनम् / दूषितैर्वसुधालोके परकृत्यपरायणे // mmk_54.30 //

न हुताशनभयं तस्य ना वैरग्रहापरैः / कायं न हन्यते तस्य नृपतेर्वा जन्तुनो ऽपि वा // mmk_54.31 //

य इमं सूत्रवराग्रं तु धारयेद् वाचयेत् तथा / राजा च कृतया मूर्ध्नां सङ्ग्रामे समुपस्थिते // mmk_54.32 //

छत्रं शिरसि मावेद्य नमस्कुर्यात् पुनः पुनः / न तस्य दस्यवो हन्युर्नानाशस्त्रसमुद्यताम् // mmk_54.33 //

हस्तिस्कन्धसमारूढं कुमाराकारसम्भवम् / मयूरासनसुस्तं सङ्ग्रामे अवतारयेत् // mmk_54.34 //

दृष्ट्वा तं विद्विषः सर्वे निवर्तन्तेयुस्ते परे जनाः / बालरूपं तथा दिव्यकुमारालङ्कारभूषितम् // mmk_54.35 //

सौवर्णं राजतं वापि रागत्यध्वजपूजितम् / आरोप्य ध्वजपताकेषु सुन्यस्तं सुसमाहितम् // mmk_54.36 //

सङ्ग्रामं रिपुसङ्कीर्णं नानाशास्त्रसमुद्यतम् / युधि प्राप्तं समस्तं वै तस्मिं काले ऽवतारयेत् // mmk_54.37 //

नश्यन्ते दृष्टमात्रं वै मुह्यन्ते वा समन्ततः / मानुषामानुषाश्चापि नृपाश्चापि सुरेश्वराः // mmk_54.38 //

सिद्धविद्याधराश्चापि मन्त्रतन्त्रसमाश्रिताः / राक्षसा सत्त्ववन्तो ऽपि कटपूतनामातरा // mmk_54.39 //

क्रव्यादा विविधाश्चापि यक्षकूष्माण्डपूतना / न शक्यन्ते दृष्टमात्रं वै ध्वजमुच्छ्रितसंस्थितम् // mmk_54.40 //

कुमारं विश्वकर्माणमनेकाकाररूपिणम् / मञ्जुघोषं महात्मानं दशभूम्याधिपतिं पतिम् // mmk_54.41 //

महाराजा क्षत्रियो लोके भूपालो भूनिवासिनः / श्राद्धो विमतिसन्देहः विगतो धर्मवत्सलः // mmk_54.42 //

उत्पाद्य सौगतीं शुद्धां करुणाविष्टमानसाम् / प्रक्रमुः सन्धिकामो वै क्रियामेतामिहोदिताम् // mmk_54.43 //

निर्दिष्टं प्रवचने ह्येता धर्मधातुगतैर्जिनैः / कल्पं प्रयोगं मन्त्राणां तन्त्रयुक्तिमभूतले // mmk_54.44 //

असङ्ख्यैर्जिनवरैः पूर्वं धर्मधातुसमाशृतैः / कथितं धर्मकोशं तु मानुषा तु भूतले // mmk_54.45 //

देवासुरे पुरा युद्धे वर्तमाने भयावहे / तदा पुरो ह्यासीत् हतसैन्यो ऽथ विद्विषैः // mmk_54.46 //

एकाकिनस्तदा सत्त्वा विरथश्चैव महीतले / मुनिश्रेष्ठे तदा पृच्छेत् काश्यपं तं जिनोत्तमम् // mmk_54.47 //

किं कर्त्तव्यमिति वाक्यमाजहार शचीपतिः / निर्जितो ऽसुरैर्घोरैरहमत्र समाशृतः // mmk_54.48 //

एवमुक्तः मघवां शतक्रतुर्दिवौकसः / प्रणम्य शिरसा मूर्ध्नि पादयोर्मुनिवरे तदा // mmk_54.49 //

निषसेदु पुरा ह्यासीत् कौशिको ऽथ सहस्रदृक् / एवमुक्तो मुनिश्रेष्ठः काश्यपो ब्राह्मण अभूत् // mmk_54.50 //

आजहार तदा वाणिं कलविङ्करुतस्वनाम् / पूर्वं जिनवरैर्गीतं कुमारो विश्वसम्भवः // mmk_54.51 //

मञ्जुश्री महात्मासौ दुर्लभो लक्षमूर्जितः / भूतकोटिसमाख्यातो गम्भीरार्थदेशिकः // mmk_54.52 //

निःप्रपञ्चं निराकारं निःस्वभावमनालयम् / धर्मादिदेश सत्त्वेभ्यस्तत् स्मरिष्व सुरेश्वरः // mmk_54.53 //

ततस्ते नु स्मर्तो से स्मृत तत्त्वगतो ततः / आगतस्तत्क्षणात् तत्र कुमारो विश्वरूपिणः // mmk_54.54 //

यत्र सौ भगवां तस्थुः मघवांश्चैव सुरेश्वर / आगता भाषते मन्त्रां वन्दित्वा जिनवरं तदा // mmk_54.55 //

प्रणम्य जिनवरां सर्वां काश्यपं च महाद्युतिम् / इमा मन्त्रामभाषेत लब्ध्वानुज्ञां मुने तदा // mmk_54.56 //

नमः सर्वबुद्धबोधिसत्त्वेभ्यो ऽप्रतिहतशासनेभ्यः / ओम् हन हन सर्वभयान् सादयोत्सादय त्रासय मोटय छिन्द भिन्द ज्वल ज्वल हुं हुं फट् फट् स्वाहा /

समनन्तरभाषितेयं मन्त्रा कुमारभूतेन मञ्जुश्रियेण बोधिसत्त्वेन महासत्त्वेन / इयं महापृथिवी षड्विकारं प्रकम्पिता सशैलसागरपर्यन्ता / सर्वांश्च बुद्धां भगवतां क्षेत्रानन्तापर्यन्ता सलोकधातुदिशपर्यन्तां सर्वैश्च बुद्धैर्भगवद्भिरधिष्ठितानि च इमानि मन्त्रपदानि //

अथ शक्रो देवानामिन्द्रः विगतभयरोमकर्षः आश्चर्याद्भुतप्राप्तः उत्फुल्लनयनः उत्थायासनाद् भगवतः पादयोर्निपत्य त्रिः प्रदक्षिणीकृत्य च मञ्जुश्रियं कुमारभूतं सम्मुखं दृष्ट्वा तानि च मन्त्रपदां गृह्य मनसीकृत्य च पुनरेव स्यन्दनमधिरुह्य येन ते ऽसुराः प्राद्रवितः सर्वे ऽसुरा येन पातालं महासमुद्राश्रयाधरपुरं स्वकं तेनाभिमुखाः प्रययुः / हतविध्वस्तमानसः सैन्यभयाकुलितविह्वलनिषण्णवदनदर्पः विगतशस्त्रा दृष्टा तं सुरेश्वरं ज्वलन्तमिव पावकं निर्वर्त्य स्वालयं गता अभूत् //

अथ शक्रो देवानामिन्द्रः देवां त्रायस्त्रिंशानामन्त्रयते स्म / मा भैष्टत मार्षा मा भैष्टत / बुद्धानुभावेन वयमसुरां निर्जितवन्तो गच्छामः स्वपुरम् / आगच्छन्तु भवन्तः क्रीडथ रमथ परिचारयथ स्वं स्वं भवनवरं गत्वा / स्वालयं चेतस्ते देवा हृष्टमनसः पुनरेव निवर्त्य स्वालयं गता //

अथ शक्रस्य देवानामिन्द्रस्यैतदभवत् / यन्वहं तं कुमाररूपिणं बिम्बाकारं कृत्वा ध्वजाग्रे स्थापयेयं, ततो मे नामुरभयं भवेत् इति / अथ शक्रो देवानामिन्द्रः महता मणिरत्नद्योतिगर्भप्रभोद्योतनं नाम गृहीत्वा कुमाराकारप्रतिबिम्बं कारयित्वा उपरि प्रासादस्य मूर्धनि (वैद्य 520) सुधर्मायां देवसभायां सुदर्शनस्य महानगरस्य मध्ये तं ध्वजोच्छ्रितसुविन्यस्तं कृत्वा स्थापयामास //

ततस्ते असुरा प्रह्रादवेमचित्रिप्रभृतयः पातालं नोर्ध्वगच्छति न च तां देवानभिद्रवन्ते न च शेकुः ऋद्धिविकुर्वाणं रणाभिमुखं वा गन्तुम् / एवमनेकानि वर्षकोटिनयुतशतसहस्राणि मानुषिकया गणनया / न चासुरभयं स्यादिति //

एवमिदमपरिमितगुणानुशंसं सङ्कीर्तितमायुरारोग्यवर्धनं बुद्धैर्भगवद्भिर्बोधिसत्त्वैर्महासत्त्वै कथितं पुरा / एवमिदमपरिमितानुशंसगुणविस्तरमनन्तापर्यन्तं पुरादिति / अपरिमाणं या पुण्यप्रसवनं महानरकोपपत्तितिर्यक्प्रेतयमलोकजन्मकुत्सनतामुपैति यो इमं धर्मपर्यायमपवदते विकल्पेत वा क्रमति ग्रस्तचित्तो वा व वदेयुः न बुद्धवचनेति वा वदेयुः न मन्त्रा न चौषधयो बोधिसत्त्वानां पि तेषां माहात्म्यविस्तरमृद्धिविकुर्वणं वा नापि विकल्पविस्तरमनार्यैर्भाषितमिति कृत्वा उत्सृज्य त्यजन्ते अवगच्छन्ति न शक्नुवन्ति वा श्रोतुम्; तस्मात् स्थानादपक्रमन्ते महान् तेषामपुण्यं भविष्यतीत्याह //

ये नरा मूढचित्तो वै प्रतिक्षेप्स्यन्ति वरमिमम् / धर्मं मुनिवरैर्गीतं जिनपुत्रैश्च धीमतैः // mmk_54.57 //

तेनका नरकं यान्ति सोत्सेधं सतिर्यगम् / कालसूत्रमथ सञ्जीवं क्षुरधारां गूथमृत्तिकाम् // mmk_54.58 //

कुणपं क्षारनदी ग्राह्य ज्वरधारा पुनस्ततः / असिपत्रवनं घोरमववंहहवं तथा // mmk_54.59 //

अटटं लोकविख्यातं नरकं पापकर्मिणाम् / गच्छते जना तत्र ये नरा धर्मदूषकाः // mmk_54.60 //

अवीचिर्नाम तद् घोरं प्रख्यातं लोकविश्रुतम् / कुत्सितमयः प्राकारविक्षिप्तमावासं पापकर्मिणाम् // mmk_54.61 //

पच्यन्ते ते जनास्तस्मिन् यो धर्मं लोपयेदिमम् / अवीचिपर्यन्तसर्वां तां सोत्सवां समूलजाम् // mmk_54.62 //

अनन्तां नरकभूम्यन्तां गते ऽसौ विमतिः सदा / प्रतिक्षेप्ता धर्मसर्वस्वं इदं सूत्रं सविस्तरम् // mmk_54.63 //

लोके कुत्सतां यान्ति + + + + + + / अवीच्यन्तां नरकान् यान्ति विवशैर्वशगतस्तदा // mmk_54.64 //

यो हि संसूत्रकल्पाख्यं मन्त्रतन्त्रभूषितम् / सिद्धिचित्रगतालम्ब्य भूतकोटिमनावृतम् // mmk_54.65 //

शरीरं धर्मधात्वर्थमनालम्बनभावनम् / विस्तरं पटलोत्कृष्टं सकल्पं कल्पविस्तरम् // mmk_54.66 //

मञ्जुघोषसुविन्यस्तं सम्पच्छ्रीमतिपूजितम् / मूलकल्पमनल्पं वै कथितं बहुविस्तरम् // mmk_54.67 //

शाश्वतोच्छेदमध्यान्तमुभयार्थान्तवर्जितम् / सङ्क्रमं क्रमनिर्दिष्टं मन्त्रमूर्तिसमुच्छ्रितम् // mmk_54.68 //

अनिलं निलमाकाशं शून्यत्वसुभावितम् / प्रतिक्षेप्ता सदा गच्छेदधो अधगतां तदा // mmk_54.69 //

विसङ्ख्येयार्जितं पुण्यं कल्पैर्बहुविधैस्तदा / समुदानीय तथा बोधिं मयाग्रवरे जिने // mmk_54.70 //

भाषितः मन्त्रतन्त्रार्थं गतिदेशनिरत्ययम् / मूलकल्पं पवित्रं वै मङ्गल्यमघनाशनम् // mmk_54.71 //

पटलं सविसरं प्रोक्तं नीलसूत्रान्तशोभनम् / नृपतीनां गुणमाहात्म्यं कालदेशप्रयोगितम् // mmk_54.72 //

सद्धर्मं जिनपुत्राणां भूतले ऽथ तृजन्मिनाम् / कथितं लोकमुख्यानां मुनिसप्तमतं जिने // mmk_54.73 //

भाषितः कल्पविस्तारः श्रीसम्पत्समभिवर्धनः / समूलो विसरपटलाख्यो मन्त्रतन्त्रसमर्चितो // mmk_54.74 //

यो हीहिमं सूत्रवरं मुख्यं धर्मकोशं जिनोर्जितम् / प्रतिक्षेप्तारो भुवि मर्त्यां वा अवीचौ नरकान्तकौ / महाकल्पाननेकां वै चोपवर्णिताम् // mmk_54.75 //

यदा काले तु मर्त्याः कदाचित् कर्हचिद् भवेत् / दरिद्रो व्याधितो मूर्खो जायते म्लेच्छजन्मिनः / लोके कुत्सतां याति कुष्ठव्याधी भवेत् // mmk_54.76 //

दुर्गन्धो ऽथ बीभत्स व्यङ्गो अन्ध एव सः / भीमरूपी सदारूपी सदारूक्षः प्रेत व दृश्यते भुवि // mmk_54.77 //

कुशलो दीनचित्तश्च कुनखः कुत्सितस्तथा / कृमिभिर्भक्ष्यमाणस्तु दद्रुकण्डूसमाकुलः // mmk_54.78 //

अवासी परमवीभत्सः असम्भाषी चोपपद्यते / क्रमति ग्रस्तचित्तस्तु कुमतिर्याति पुनः पुनः // mmk_54.79 //

प्रतिक्षेप्ता च धर्मकोशस्तु जिनानां धातुपूजितम् / बहुदुःखसमायासां बहुमित्रमनाथवाम् // mmk_54.80 //

जायते बहुधा मर्त्यः शोकदुःखसमाकुलः / यत्र तत्र गतिर्याति कुमतिस्तत्र जायते / प्रतिक्षेप्तादिदं सूत्रं तत्र तत्रोपपद्यते // mmk_54.81 //

इति /

अथ मञ्जुश्रीः कुमारभूतो बोधिसत्त्वो महासत्त्व उत्थायासनादेकांशमुत्तरासङ्गं कृत्वा दक्षिणं जानुमण्डलं पृथिव्यां प्रतिष्ठाप्य कृताञ्जलिपुटः उत्फुल्लनयनः अनिमिषनयनः सर्वांस्तां शुद्धावासभवनस्तान् देवपुत्राननेकांश्च भूतसङ्घां सन्निपत्रितां धर्मश्रवणाय विदित्वैवं शाक्यमुनिं भगवन्तमेतमाहुः -

आश्चर्यं भगवं यावत् परमं सुभाषितो ऽयं धर्मपर्यायः / तद् भगवं भविष्यत्यनागते ऽध्वनि सत्त्वा विषमलोभाभीभूताः सत्त्वाः पञ्चकषायोद्रिक्तमनसो ऽश्राद्धाः कुहकाः खटुकाः कुशीलाः ते मन्त्राणां गतिमाहात्म्यपूजित कालदेशनियमं मन्त्रचर्याहोमजपनियमकल्पविशरां न श्रद्धास्यन्ति / अबुद्धवचनमिति कृत्वा प्रतिक्षेप्त्यन्ते / क्लिष्टमनसो भूत्वा कालं करिष्यन्ति / ते दुःखां तीव्रां खरां कटुकां वेदनां वेदयिष्यन्ति / महानरकोपपन्नाश्च ते भविष्यन्ति / तेषां भगवं दुःखितानां सत्त्वानां कथं प्रतिपत्तव्यम् महाकारुणिकाश्च बुद्धा भगवन्तः // अथ भगवां शाक्यमुनिर्मञ्जुश्रियं कुमारभूतं मूर्ध्नि परामृश्यामन्त्रयते स्म - साधु साधु खलु पुनस्त्वं मञ्जुश्रीः यस्त्वं सर्वसत्त्वानामर्थे हिताय प्रतिपन्नः / साधु पुनस्त्वं मञ्जुश्रीः यस्त्वं तथागतमेतमर्थं प्रश्नसि / तेन हि त्वं मञ्जुश्रीः शृणु / साधु च सुष्ठु च मनसि कुरु / भाषिष्ये ऽहं ते सर्वसत्त्वानामर्थाय हिताय सुखाय लोकानुकम्पायै देवमनुष्याणां च सर्वमन्त्रचर्यानुप्रविष्टबोधिमार्गनियुञ्जानधर्मधातुपरमूर्त्योपाश्रयलिलिप्सूनां मरणकालसमये च स्मर्त्तव्यो ऽयं विद्याराजा परमरहस्यं कुमार त्वदीयमूलकल्पपटलविसर कतमं च तत् //

नमः सर्वतथागते ऽभ्यो ऽर्हद्भ्यः सम्यक् सम्बुद्धेभ्यः / ओम् कुमाररूपिणि विश्वसम्भव आगच्छागच्छ / लहु लहु भ्रूं भ्रूं हूं हूं जिनजित् मञ्जुश्रीय सुश्रिय तारय मां सर्वदुःखेभ्यः फट् फट् शमय शमय / मृतोद्भवोद्भव पापं मे नाशय स्वाहा //

एष मञ्जुश्रीः त्वदीयं परमहृदय सर्वशान्तिकरं सर्वपापक्षयं सर्वदुःखप्रमोचनमायुरारोग्यैश्वर्यपरमसौभाग्यवाक्यसञ्जननं सर्वविद्याराजसत्तेजनं च समनन्तरभाषिते शाक्यमुनिना बुद्धेन भगवता / इयं महापृथिवी सशैलसागरसत्त्वभाजनसन्निचयपर्यन्ता षड्विकारं प्रकम्पति भाभूत् / सर्वाश्च गतयः प्रेततिर्यग्यमलोकसर्वसत्त्वदुःखानि प्रतिप्रस्रब्धानि / अयं च विद्याराजा मञ्जुश्रीर्मनसि कर्तव्या / न च तस्मिन् समये सद्धर्मप्रतिक्षेपेण चित्तं भवेयुः / न च मारा पापीयांसः अवतारं लप्सन्ते / सर्वविघ्नविनायकाश्चापक्रमन्ते / एवं च चित्तमुत्पादयितव्यम् / किं मया शक्यं बुद्धानां भगवतां अचिन्त्यबुद्धा बोधिधर्मा चिन्तयितुं वा प्रतिक्षेप्तुं वा बुद्धा भगवन्तो ज्ञास्यन्तीति //

आर्यमञ्जुश्रीमूलकल्पाद् बोधिसत्त्वपिटकावंतंसकात् महायानवैपुल्यसूत्रात् पञ्चाशतिमः अनुशंसाविगर्हणप्रभावपटलविसरः परिसमाप्त इति / अथ पञ्चपञ्चाशः पटलविसरः / आर्यमञ्जुश्रियः पटस्याग्रतः यस्योद्दिश्य श्वेतसर्षपाणामष्टशतं जुहोति ; स वशो भवति / स्त्रीवशीकरणे अष्टशतं जुहुयात् ; सा वशा भवति / कृष्णचतुर्दश्यां श्वेतपुष्पाणामष्टसहस्रेणार्यमञ्जुश्रीः ललाटे हन्तव्यः ; राजपत्नी वशा भवति / अपतितगोमयेन शिवलिङ्गं कृत्वा तस्याग्रतो गोमयेन त्रिशूलेन श्वेतसर्षपाणां दधिमधुघृताक्तानां सप्ताहुतिं जुहुयात् / दिवसत्रयं यस्योद्दिश्य स वशो भवति / कुमारीवश्यार्थं अरङ्गणपुष्पाणां अष्टसहस्रेणार्यमञ्जुश्रीर्हन्तव्यः / सा वशा भवति / मधूच्छिष्टमयीं पुत्तलिकां कृत्वा आत्मन ऊरू स्थाप्य अष्टसहस्रं / यस्योद्दिश्य स वशो भवति / पटस्याग्रतः शुक्लपुष्पाणां अष्टशतं निवेदयेत् / यमिच्छति स वशो भवति / शङ्खनाभिरोचनातगरुमेकीकृत्य पीषयेत् / अष्टसहस्राभिमन्त्रितं कृत्वा अन्नेन वा पानेन वा यस्य दीयते स वशो भवति / ब्राह्मणीवशीकरणे पटस्याग्रतः बिल्वकुसुमानामष्टसहस्रं जुहुयात्, सा वशा भवति / भस्मानां सप्तजप्तेन यां स्त्रियं चूर्णयति ; सा वशा भवति / स्त्रिया पुरुषस्य वाग्रतः स्थित्वाष्टसहस्रं जुहुयात् ; स वशो भवति / चतुरङ्गुलं काष्ठिकां अष्टसहस्राभिमन्त्रितां तया यमाकर्षति ; स वशो भवति / श्वेतपुष्पाणां अष्टशतं अष्टसहस्रं निवेदयेत् / तत्रैकं पुष्पं गृह्य स्त्रियं दृष्ट्वा आवर्त्तयेत् / आगच्छति स वशो भवति /

क्षीरयावकाहारः पक्कमेकं वल्मीकमृत्तिकामयं वा प्रतिकृतिं कृत्वा ततोपविष्टस्तावज्जपेद् यावद् वासुकिचलितः सिद्धो भवति / आत्मद्वादशमस्य भक्तं ददाति / अतीतमनागतं प्रत्युत्पन्नं कथयति / क्षीरयावकाहारः शतसहस्रं जपेत् / भोगान् लभति / मासेन भिक्षाहारः शुक्लचतुर्दश्यामेकरात्रोषितः पटस्याग्रतो महतीं पूजां कृत्वा प्रतिमाया पादौ गृह्य तावज्जपेद् यावच्चलिताचलितेवादृश्यो भवति / सर्वसिद्धानां राजा भवति / मनसाहारमुत्पद्यते / पञ्चवर्षसहस्राणि जीवति / गङ्गानदीमवतीर्य लक्षमेकं जपेत् / पश्चात् तत्रैव पटे वालुकामयं चैत्यं कृत्वा मधु क्षीरं चैकतः कृत्वा जुहुयात् / सर्वनागा आगच्छन्ति / यद् ब्रवीति तत् सर्वं कुर्वन्ति / पर्वतशिखरमारुह्य पटं प्रतिष्ठाप्य तैलाक्तं चन्दशकलिकां जुहुयात् / यक्षा आगच्छन्ति / यद् ब्रवीति तत् सर्वं कुर्वन्ति / वने पटं प्रतिष्ठाप्य मधुपिप्पलीं चैकतः कृत्वाष्टसहस्रं जुहुयात् / सर्वविद्याधरा आगच्छन्ति / आज्ञाकरा भवन्ति / एकवृक्षे प्रतीत्य समुत्पादगर्भचैत्यप्रतिष्ठाप्य लक्षमेकं जपेत् / लक्षपरिसमाप्तौ पोषधिकेन रूपकारेणाश्वत्थकाष्ठमयं तृशूलं लक्षणोपेतं कृत्वा सपाताभिहूतं कृत्वा पौर्णमास्यां सुगन्धगन्धैः समुपलिप्य यथा विभवतः पटस्याग्रतः पूजां कृत्वा दक्षिणहस्ते कृत्वा सकलां रात्रिं साधयेत् / यावज्ज्वलतीति / ज्वलिते महादेवो भवति / भूताधिपतिर्भवति / दुर्दान्तदमकः अप्रतिहतः सर्वसत्त्वेषु / समुद्रमवतीर्य लक्षं जपेत् / सागरप्रभृति यमिच्छति नागराजनं तं पश्यति / मणिरत्नं वा ददाति / तेन गृहीतेन विद्याधरो भवति /

सर्वनागविद्याधराणां राजा भवति / पोषधिकेन कर्मकारेण ताम्रघटकं कारयेत् / प्रातिहारकपक्षे पूर्णमास्यामुदारां पूजां कृत्वा पटस्याग्रतः प्रतिष्ठाप्य तावज्जपेद् यावज्ज्वलितः / ततः तस्मिं हस्तं प्रक्षिप्य यमिच्छति तत् सर्वं प्रादुर्भवति / (वैद्य 524) भद्रघटसाधनम् / समुद्रगामिनीं नदीमवतीर्य लक्षं जपेत् / यस्यां मृण्मयं वालुकामयं वा पूर्णमास्यां चैत्यं कृत्वा, तत्रैव पटं प्रतिष्ठाप्य महतीं पूजां कृत्वा स्फटीकमणिमृण्मया वा दक्षिणहस्तेन गृहीत्वा पर्यङ्कोपविष्टः तावज्जपेद् यावज्ज्वलतीति / चिन्तामणिधारी विद्याधरो भवति / सधातुके चैत्ये पटं प्रतिष्ठाप्य लक्षं जपेत् / प्रातिहारकपक्षपूर्णमास्यां विधिवत् पूजां कृत्वा प्रदीपमालां च उदारां कृत्वा दक्षिणहस्तेन ध्वजं शुक्लवस्त्रावलम्बितं गृह्य तावज्जपेद् यावज्ज्वलति / ध्वजविद्याधरो भवति / सर्वत्राप्रतिहतः / प्रातिहारकपक्षे पूर्णमास्यां पटस्याग्रतः महतीं पूजां कृत्वा भगवत्या प्रज्ञापारमितापुस्तकं सुगन्धगन्धैः प्रलिप्य सुगन्धपुष्पमालाभिः वेष्टयित्वा वामहस्तेन गृह्य पर्यङ्कोपविष्टस्तावज्जपेद् यावज्ज्वलति / विद्याधरराजा भवति / यत्रेच्छति तत्र गच्छति / बोधिसत्त्वचर्याचारी भवति / कुमारीं प्रासादिकां सुस्नातालङ्कृतां कृत्वा पटस्याग्रतः यथाविभवतः पूजां कृत्वा वामहस्तेन गृह्य स्थितस्तावज्जपेद् यावत् तया सह ज्वलति / तयैव सार्धं विद्याधरो भवति / एकलिङ्गस्योपरि हस्तं दत्वा तावज्जपेद् यावत् सखाया न पश्यन्ति / अदृश्यः सर्वसिद्धानामगम्यः अन्तर्धानिकं भवति /

त्रयोदश्यां चन्द्रग्रहे सूर्यग्रहे वा हरितालं बोधिवृक्षपत्रान्तरितं कृत्वा महेश्वरायतने सधातुके चैत्यै तावज्जपेद् यावद् धूमायति / तिलकं कृत्वा अन्तर्हितो भवति / क्षीरयावकाहारः समुद्रतटे वृक्षमूले सहस्रं जपेत् त्रिसन्ध्यं सप्तरात्रम् / समुद्रगानि रत्नानि पश्यति / यथेष्टं गृह्णीयात् / मुद्गाहारः पर्वतशिखरमारुह्य अष्टसहस्रं जपेद् विंशतिरात्रम् / पर्वतगतानि मणिरत्नानि दर्शनं भवति / ततो हस्तशिरसि कृतं तस्योपरि उपविष्ट अष्टसहस्रं जपेत् / एवं दिवसानि सप्त / स वशो भवति //

राजानं राजमात्रं वा वशीकर्तुकामः तस्य मधूच्छिष्टकेन प्रतिकृतिं कृत्वा निर्धूमाङ्गारेषु क्षिपेत् सप्तरात्रं स वशो भवति / वस्त्रकामः श्वेतपुष्पाणां अपरिमर्दितानां सकृत् परिजप्य उदके क्षिपेत् सप्तरात्रम् / अष्टसहस्रं वस्त्रयुगं प्रतिलभते / गोघृतं अष्टसहस्रं जप्त्वा स्त्रियामादद्यात् / विशल्या भवति / नवनीताष्टशतजप्तेनाभ्यक्त अग्निं प्रविशति / न च दद्यते / तेनैव चाभ्यक्तो जलं प्रविशति स्तम्भितो भवति / जपमानो यावदुत्साहं भिक्षं भक्षयति / आयसं प्रदेशमात्रं खड्गं कृत्वा सधातुके चैत्ये पटं प्रतिष्ठाप्य उदारां पूजां कृत्वा अश्वत्थपत्रैः प्रदक्षिणावर्त्तैः खड्गं प्रतिष्ठाप्य तावज्जपेद् यावज्ज्वलित इति / तेन गृहीत सपरिवारोत्पतति / विद्याधरसहस्रपरिवृतः अभेद्यः सर्वविद्याधराणां वर्षकोटिं जीवति / कृतपुरश्चरणः कृष्णाष्टम्यां कृष्णचतुर्दश्यां वा पटस्योदारां पूजां कृत्वा सङ्घोद्दिष्टकां भिक्षं भोज्य मनःशिलायां भूमौ पद्मं शतपत्रं लेख्य पद्मकर्णिकायां उपविश्य तावज्जपेद् यावद् भूमिं भित्वा पद्ममुत्तिष्ठति / पद्मपत्रेषु चोपविष्टाः विंशतिविद्याधराः प्रादुर्भवन्ति / तैः परिवृतः उत्पति / यावन्तः सत्वां पश्यति यैश्च दृश्यते तैः सार्धं गच्छति / स च पद्मः अनेकरत्नालङ्कृतो भवति / विमातुरकल्पं जीवति / भिन्नदेहे स्वेच्छया उपपति गृह्णाति / पानीये अष्टसहस्राभिमन्त्रितेन शुष्कवृक्षं सिञ्चेत् / पुष्प्यति फलति च / शुष्कनदीमवतीर्य जपेद् उदकं भवति / नदीप्रतरणे जपेत् / श्रान्तस्य स्थलो भवति /

राजानं राजमात्रं वा वशीकर्तुकामेन पटस्याग्रतः कृष्णाष्टम्यामारभ्य (वैद्य 525) पुष्पाणामष्टसहस्रं निवेदयेत् / लवणाहुतिं चाष्टसहस्रं जुहुयात् / नियतं राजा वशी भवति / तामेवाष्टमीमारभ्य गोरोचना त्रिसन्ध्यं अष्टशतिकेन जपेद् यावदेकादशी / तेन तिलकं कृत्वा यं वीक्ष्यति स वशो भवति / यदिच्छे दारकदारिकां वशीकर्तुकामः पटस्याग्रतः सिद्धार्थकानां अष्टसहस्रं जुहुयात् / तासां पादपासुं गृह्य पुत्तलिकां कृत्वा यस्य नामग्रहणं करोति स वशो भवति / मेघार्थिना गव्यघृतं गृह्य चन्द्रग्रहे सूर्यग्रहे वा ताम्रभाजने प्रक्षिप्य तावज्जपेद् यावत् त्रिविधा सिद्धिः / ऊष्मायमाने श्रुतिधरो ऽयं यं शृणोति तं गृह्णाति / धूमायमाने रसरसायनम् / ज्वलितेन जातिस्मरो भवति / अर्कपुष्पाणां लक्षं जुहुयात् / दीनारलक्षं ददाति / पटस्याग्रतः अर्कपुष्पाणामष्टसहस्रं निवेदयेत् / दीनारशतं लभते / पटस्याग्रतः शालितन्दुलानां घृताभ्यक्तानां अष्टसहस्रं जुहुयात् / पञ्च दीनारां लभते / कृतपुरश्चरणः पटस्याग्रतः दधिमधुघृताक्तानां अष्टसहस्रं जुहुयात् / दीनारशतत्रयं लभते / कृष्णतिलानामष्टसहस्रं जुहुयात् / दीनारशताधिकं लभते //

कुलपतिं वशीकर्तुकामः पटस्याग्रतः अर्कसमिधानामष्टसहस्रं जुहुयात् त्रिसन्ध्यं सप्तरात्रम् / कुलपतिर्वशीभवति / लोकपत्यं वशीकर्तुकामः पटस्याग्रतः दूर्वाप्रवालानामष्टसहस्रं जुहुयात् सप्तरात्रं त्रिसन्ध्यम् / कौलपत्यं करोति यावज्जीवम् / आर्यसङ्घं वशीकर्तुकामेन अर्कपुष्पाणां पटस्याग्रतः अष्टसहस्रं निवेदयेत् सप्तरात्रम् / यदर्थं कुर्यात् तमन्विच्छति सततजपेनार्थं लभते / गुग्गुलुगुलिकानां पटस्याग्रतः अष्टसहस्रं जुहुयात् / सुवर्णसहस्रं लभते / पटस्याग्रतः कुन्दुरुधूपं अष्टसहस्रं जुहुयात् सप्तरात्रम् / निधानं लभते / पटस्याग्रतः अर्ककाष्ठसमिधानां दधिमधुघृताक्तानां त्रिसन्ध्य सहस्रं जुहुयात् / दीनारसहस्रं लभते / शत्रुवशीकरणे पोषधिकः पटस्याग्रतः त्रिसन्ध्यं राजसर्षपाणां अष्टसहस्रं जुहुयात् सप्ताहम् / सर्वशत्रवो वशा भवन्ति / लाक्षाहुतीनां अष्टसहस्रं जुहुयात् सप्ताहम् / सर्वजनप्रियो भवति / शालितन्दुलानां अष्टसहस्रं जुहुयात् त्रिसन्ध्यं सप्ताहम् / कार्षापणशतं लभति / कृतपुरश्चरणः कृष्णाष्टम्यां कृष्णचतुर्दश्यां वा मृतकपुरुषं अक्षताङ्गं गृह्य स्नानालङ्कृतं कृत्वा सुगन्धपुष्पधूपैरभ्यर्च्य वामपादेनोरसिमाक्रम्य मस्तके आहन्तव्यः / ततः उत्तिष्ठति / पुष्पलोहमये खड्गे आहन्तव्यः / जातरूपं सुवर्णं लभति / अथ नेच्छति वक्तव्यम् - छर्दस्व इति / ततश्चिन्तामणि निर्गच्छति / तं शिरसि कण्ठे वा कृत्वा अन्यत्र वा बद्ध्वा यं चिन्तयति तं प्रादुर्भवति / शुक्लप्रतिपदमारभ्य अहोरात्रोषितः समुद्रगामिनिं नदीं अंसमात्रमुदकमवतीर्य जातीपुष्पाणां दशसहस्राणि प्रवाहयेत् /

दशमाषकं लभते, सुवर्णसहस्रं वा / शुक्लप्रतिपदमारभ्य समुद्रगामिन्या नद्या पद्मानां दशसहस्राणि निवेदयेत् सप्तरात्रम् / निधानसङ्घाटकं लभते / कृतपुरश्चरणः तामेव नदीमवतीर्य पुष्पाणां दशसहस्राणि प्रवाहयेत् सप्ताहम् / दश ग्रामाण्यालभते / अशोकपुष्पैः चणकमात्रां गुटिकां कृत्वा पटस्याग्रतः दधिमधुघृताक्तानां त्रिसन्ध्यं अष्टसहस्रं जुहुयात् सप्तरात्रम् / यं मृगयति तं लभते / अपामार्गसमिधानामेष विधिः / सुवर्णसहस्रं लभते अशोकगुटिकाव्यतिमिश्रैः अपामार्गतन्दुलैः पटस्याग्रतः त्र्यक्तानां दशसहस्राणि (वैद्य 526) जुहुयात् / नामग्रहणेन राजकन्यं लभति मासमात्रेण / राजानं समन्त्रिणं वशीकर्तुकामः पटस्याग्रतः अशोकसमिद्भिरग्निं प्रज्वाल्य अशोकपुष्पाणामेव दधिमधुघृताक्तानां दश सहस्राणि जुहुयात् / स मन्त्री वशमागच्छति / पटस्याग्रतः अग्निं प्रज्वाल्य अपामार्गसमिद्भिः शतपुष्पां दधिमधुघृताक्तां दशसहस्राणि जुहुयात् / स्वगृहे निधानं पश्यति / समुद्रगामिन्यां नद्यां कटीमात्रमुदकमवतीर्य दशसहस्राणि निवेदयेत् / ये तां जिघ्रन्ति / वामहस्तेन मुष्टिं बध्वा लक्षं जपेत् / ततः सिद्धो भवति / मुक्त्वा दृश्यति / सधातुके चैत्ये नदीतटे वा पर्वते वा पटं प्रतिष्ठाप्य पद्मानां लक्षं जुहुयात् / श्रियं पश्यति / एतेनैव विधिना नीलोत्पलानां लक्षं जुहुयात् / विधानां पश्यति / गुग्गुलुगुलिकानां लक्षं जुहुयात् / दीनारलक्षं लभते / सुगन्धपुष्पाणां लक्षं जुहुयात् / वस्त्राणां कोटिं लभते / गुग्गुलुधूपेन अष्टशतिकेन मनोभिलषितां च पूरयति /