Phạn tạng · Phạn bản GRETIL — chữ La-tinh (IAST) · Kinh tạng › Kinh Đại thừa
Śatasāhasrikā Prajñāpāramitā, Part I
- Thông tin
- GRETILCC BY-NC-SA 4.0
saced bhagavan bodhisattvo mahāsattvaḥ prajñāpāramitāyāṃ carann anupāyakauśalenāhaṅkāramamakāragatena mānasena baleṣu tiṣṭhati / sa balānām abhisaṃskāre carati / na carati prajñāpāramitāyāṃ / tat kasya hetor na hy abhisaṃskāre caran bodhisattvo mahāsattvaḥ prajñāpāramitāṃ parigṛhṇāti / na prajñāpāramitāyogaṃ samāpadyate / aparipūrayan prajñāpāramitāṃ na niryāti sarvākārajñatāyāṃ /
saced bhagavan bodhisattvo mahāsattvaḥ prajñāpāramitāyāṃ carann anupāyakauśalenāhaṅkāramamakāragatena mānasenāryāṣṭāṅgamārge tiṣṭhati / sa āryāṣṭāṅgamārgasyābhisaṃskāre carati / na carati prajñāpāramitāyāṃ / tat kasya hetor na hy abhisaṃskāre caran bodhisattvo mahāsattvaḥ prajñāpāramitāṃ parigṛhṇāti / na prajñāpāramitāyogaṃ samāpadyate / aparipūrayan prajñāpāramitāṃ na niryāti sarvākārajñatāyāṃ /
saced bhagavan bodhisattvo mahāsattvaḥ prajñāpāramitāyāṃ carann anupāyakauśalenāhaṅkāramamakāragatena mānasenāryasatyeṣu tiṣṭhati / sa āryasatyānām abhisaṃskāre carati / na carati prajñāpāramitāyāṃ / tat kasya hetor na hy abhisaṃskāre caran bodhisattvo mahāsattvaḥ prajñāpāramitāṃ parigṛhṇāti / na prajñāpāramitāyogaṃ samāpadyate / aparipūrayan prajñāpāramitāṃ na niryāti sarvākārajñatāyāṃ /
saced bhagavan bodhisattvo mahāsattvaḥ prajñāpāramitāyāṃ carann anupāyakauśalenāhaṅkāramamakāragatena mānasena dhyāneṣu tiṣṭhati / sa dhyānānām abhisaṃskāre carati / na carati prajñāpāramitāyāṃ / tat kasya hetor na hy abhisaṃskāre caran bodhisattvo mahāsattvaḥ prajñāpāramitāṃ parigṛhṇāti / na prajñāpāramitāyogaṃ samāpadyate / aparipūrayan prajñāpāramitāṃ na niryāti sarvākārajñatāyāṃ /
saced bhagavan bodhisattvo mahāsattvaḥ prajñāpāramitāyāṃ carann anupāyakauśalenāhaṅkāramamakāragatena mānasenāpramāṇeṣu tiṣṭhati / so 'pramāṇānām abhisaṃskāre carati / na carati prajñāpāramitāyāṃ / tat kasya hetor na hy abhisaṃskāre caran bodhisattvo mahāsattvaḥ prajñāpāramitāṃ parigṛhṇāti / na prajñāpāramitāyogaṃ samāpadyate / aparipūrayan prajñāpāramitāṃ na niryāti sarvākārajñatāyāṃ /
saced bhagavan bodhisattvo mahāsattvaḥ prajñāpāramitāyāṃ carann anupāyakauśalenāhaṅkāramamakāragatena mānasenārūpyasamāpattiṣu tiṣṭhati / sa ārūpyasamāpattīnām abhisaṃskāre carati / na carati prajñāpāramitāyāṃ / tat kasya hetor na hy abhisaṃskāre caran bodhisattvo mahāsattvaḥ prajñāpāramitāṃ parigṛhṇāti / na prajñāpāramitāyogaṃ samāpadyate / aparipūrayan prajñāpāramitāṃ na niryāti sarvākārajñatāyāṃ /
saced bhagavan bodhisattvo mahāsattvaḥ prajñāpāramitāyāṃ carann anupāyakauśalenāhaṅkāramamakāragatena mānasenāṣṭāsu vimokṣeṣu tiṣṭhati / sa vimokṣāṇām abhisaṃskāre carati / na carati prajñāpāramitāyāṃ / tat kasya hetor na hy abhisaṃskāre caran bodhisattvo mahāsattvaḥ prajñāpāramitāṃ parigṛhṇāti / na prajñāpāramitāyogaṃ samāpadyate / aparipūrayan pajñāpāramitāṃ na niryāti sarvākārajñatāyāṃ /
saced bhagavan bodhisattvo mahāsattvaḥ prajñāpāramitāyāṃ carann anupāyakauśalenāhaṅkāramamakāragatena mānasena navānupūrvavihārasamāpattiṣu tiṣṭhati / sa navānupūrvavihārasamāpattīnām abhisaṃskāre carati / na carati prajñāpāramitāyāṃ / tat kasya hetor na hy abhisaṃskāre caran bodhisattvo mahāsattvaḥ prajñāpāramitāṃ parigṛhṇāti / na prajñāpāramitāyogaṃ samāpadyate / aparipūrayan prajñāpāramitāṃ na niryāti sarvākārajñatāyāṃ /
saced bhagavan bodhisattvo mahāsattvaḥ prajñāpāramitāyāṃ carann anupāyakauśalenāhaṅkāramamakāragatena mānasena śūnyatānimittāpraṇihitavimokṣamukheṣu tiṣṭhati / sa śūnyatānimittāpraṇihitavimokṣamukhānām abhisaṃskāre carati / na carati prajñāpāramitāyāṃ / tat kasya hetor na hy abhisaṃskāre caran bodhisattvo mahāsattvaḥ prajñāpāramitāṃ parigṛhṇāti / na prajñāpāramitāyogaṃ samāpadyate / aparipūrayan prajñāpāramitāṃ na niryāti sarvākārajñatāyāṃ /
saced bhagavan bodhisattvo mahāsattvaḥ prajñāpāramitāyāṃ carann anupāyakauśalenāhaṅkāramamakāragatena mānasenābhijñāsu tiṣṭhati / so 'bhijñānām abhisaṃskāre carati / na carati prajñāpāramitāyāṃ / tat kasya hetor na hy abhisaṃskāre caran bodhisattvo mahāsatvaḥ prajñāpāramitāyāṃ parigṛhṇāti / na prajñāpāramitāyogaṃ samāpadyate / aparipūrayan prajñāpāramitāṃ na niryāti sarvākārajñatāyāṃ /
saced bhagavan bodhisattvo mahāsattvaḥ prajñāpāramitāyāṃ carann anupāyakauśalenāhaṅkāramamakāragatena mānasena samādhiṣu tiṣṭhati / sa samādhīnām abhisaṃskāre carati / na carati prajñāpāramitāyāṃ / tat kasya hetor na hy abhisaṃskāre caran bodhisattvo mahāsattvaḥ prajñāpāramitāyāṃ parigṛhṇāti / na prajñāpāramitāyogaṃ samāpadyate / aparipūrayan prajñāpāramitāṃ na niryāti sarvākārajñatāyāṃ /
saced bhagavan bodhisattvo mahāsattvaḥ prajñāpāramitāyāṃ carann anupāyakauśalenāhaṅkāramamakāragatena mānasena dhāraṇīmukheṣu tiṣṭhati / sa dhāraṇīmukhānām abhisaṃskāre carati / na carati prajñāpāramitāyāṃ / tat kasya hetor na hy abhisaṃskāre caran bodhisattvo mahāsattvaḥ prajñāpāramitāyāṃ parigṛhṇāti / na prajñāpāramitāyogaṃ samāpadyate / aparipūrayan prajñāpāramitāṃ na niryāti sarvākārajñatāyāṃ /
saced bhagavan bodhisattvo mahāsattvaḥ prajñāpāramitāyāṃ carann anupāyakauśalenāhaṅkāramamakāragatena mānasena daśasu tathāgatabaleṣu tiṣṭhati / sa tathāgatabalānām abhisaṃskāre carati / na carati prajñāpāramitāyāṃ / tat kasya hetor na hy abhisaṃskāre caran bodhisattvo mahāsattvaḥ prajñāpāramitāṃ parigṛhṇāti / na prajñāpāramitāyogaṃ samāpadyate / aparipūrayan prajñāpāramitāṃ na niryāti sarvākārajñatāyāṃ /
saced bhagavan bodhisattvo mahāsattvaḥ prajñāpāramitāyāṃ carann anupāyakauśalenāhaṅkāramamakāragatena mānasena caturṣu vaiśāradyeṣu tiṣṭhati / sa vaiśāradyānām abhisaṃskāre carati / na carati prajñāpāramitāyāṃ / tat kasya hetor na hy abhisaṃskāre caran bodhisattvo mahāsattvaḥ prajñāpāramitāṃ parigṛhṇāti / na prajñāpāramitāyogaṃ samāpadyate / aparipūrayan prajñāpāramitāṃ na niryāti sarvākārajñatāyāṃ /
saced bhagavan bodhisattvo mahāsattvaḥ prajñāpāramitāyāṃ carann anupāyakauśalenāhaṅkāramamakāragatena mānasena catasṛṣu pratisaṃvitsu tiṣṭhati / sa pratisaṃvidām abhisaṃskāre carati / na carati prajñāpāramitāyāṃ / tat kasya hetor na hy abhisaṃskāre caran bodhisattvo mahāsattvaḥ prajñāpāramitāṃ parigṛhṇāti / na prajñāpāramitāyogaṃ samāpadyate / aparipūrayan prajñāpāramitāṃ na niryāti sarvākārajñatāyāṃ /
saced bhagavan bodhisattvo mahāsattvaḥ prajñāpāramitāyāṃ carann anupāyakauśalenāhaṅkāramamakāragatena mānasena mahākaruṇāyāṃ tiṣṭhati / sa mahākaruṇāyā abhisaṃskāre carati / na carati prajñāpāramitāyāṃ / tat kasya hetor na hy abhisaṃskāre caran bodhisattvo mahāsattvaḥ prajñāpāramitāṃ parigṛhṇāti / na prajñāpāramitāyogaṃ samāpadyate / aparipūrayan prajñāpāramitāṃ na niryāti sarvākārajñatāyāṃ /
saced bhagavan bodhisattvo mahāsattvaḥ prajñāpāramitāyāṃ carann anupāyakauśalenāhaṅkāramamakāragatena mānasenāṣṭādaśāveṇikabuddhadharmeṣu tiṣṭhati / so 'ṣṭādaśāveṇikabuddhadharmāṇām abhisaṃskāre carati / na carati prajñāpāramitāyāṃ / tat kasya hetor na hy abhisaṃskāre caran bodhisattvo mahāsattvaḥ prajñāpāramitāṃ parigṛhṇāti / na prajñāpāramitāyogaṃ samāpadyate / aparipūrayan prajñāpāramitāṃ na niryāti sarvākārajñatāyāṃ /
saced bhagavan bodhisattvo mahāsattvaḥ prajñāpāramitāyāṃ carann anupāyakauśalenāhaṅkāramamakāragatena mānasena śrotaāpattiphale tiṣṭhati / sa śrotaāpattiphalasyābhisaṃskāre carati / na carati prajñāpāramitāyāṃ / tat kasya hetor na hy abhisaṃskāre caran bodhisattvo mahāsattvaḥ prajñāpāramitāṃ parigṛhṇāti / na prajñāpāramitāyogaṃ samāpadyate / aparipūrayan prajñāpāramitāṃ na niryāti sarvākārajñatāyāṃ /
saced bhagavan bodhisattvo mahāsattvaḥ prajñāpāramitāyāṃ carann anupāyakauśalenāhaṅkāramamakāragatena mānasena sakṛdāgāmiphale tiṣṭhati / sa sakṛdāgāmiphalasyābhisaṃskāre carati / na carati prajñāpāramitāyāṃ / tat kasya hetor na hy abhisaṃskāre caran bodhisattvo mahāsattvaḥ prajñāpāramitāṃ parigṛhṇāti / na prajñāpāramitāyogaṃ samāpadyate / aparipūrayan prajñāpāramitāṃ na niryāti sarvākārajñatāyāṃ /
saced bhagavan bodhisattvo mahāsattvaḥ prajñāpāramitāyāṃ carann anupāyakauśalenāhaṅkāramamakāragatena mānasenānāgāmiphale tiṣṭhati / so 'nāgāmiphalasyābhisaṃskāre carati / na carati prajñāpāramitāyāṃ / tat kasya hetor na hy abhisaṃskāre caran bodhisattvo mahāsattvaḥ prajñāpāramitāṃ parigṛhṇāti / na prajñāpāramitāyogaṃ samāpadyate / aparipūrayan prajñāpāramitāṃ na niryāti sarvākārajñatāyāṃ /
saced bhagavan bodhisattvo mahāsattvaḥ prajñāpāramitāyāṃ carann anupāyakauśalenāhaṅkāramamakāragatena mānasenārhatve tiṣṭhati / so 'rhatvasyābhisaṃskāre carati / na carati prajñāpāramitāyāṃ / tat kasya hetor na hy abhisaṃskāre caran bodhisattvo mahāsattvaḥ prajñāpāramitāṃ parigṛhṇāti / na prajñāpāramitāyogaṃ samāpadyate / aparipūrayan prajñāpāramitāṃ na niryāti sarvākārajñatāyāṃ /
saced bhagavan bodhisattvo mahāsattvaḥ prajñāpāramitāyāṃ carann anupāyakauśalenāhaṅkāramamakāragatena mānasena pratyekabodhau tiṣṭhati / sa pratyekabodher abhisaṃskāre carati / na carati prajñāpāramitāyāṃ / tat kasya hetor na hy abhisaṃskāre caran bodhisattvo mahāsattvaḥ prajñāpāramitāṃ parigṛhṇāti / na prajñāpāramitāyogaṃ samāpadyate / aparipūrayan prajñāpāramitāṃ na niryāti sarvākārajñatāyāṃ /
saced bhagavan bodhisattvo mahāsattvaḥ prajñāpāramitāyāṃ carann anupāyakauśalenāhaṅkāramamakāragatena mānasena mārgākārajñatāyāṃ tiṣṭhati / sa mārgākārajñatāyā abhisaṃskāre carati / na carati prajñāpāramitāyāṃ / tat kasya hetor na hy abhisaṃskāre caran bodhisattvo mahāsattvaḥ prajñāpāramitāṃ parigṛhṇāti / na prajñāpāramitāyogam āpadyate / aparipūrayan prajñāpāramitāṃ na niryāti sarvākārajñatāyāṃ /
saced bhagavan bodhisattvo mahāsattvaḥ prajñāpāramitāyāṃ carann anupāyakauśalenāhaṅkāramamakāragatena mānasena sarvākārajñatāyāṃ tiṣṭhati / sa sarvākārajñatayā abhisaṃskāre carati / na carati prajñāpāramitāyāṃ / tat kasya hetor na hy abhisaṃskāre caran bodhisattvo mahāsattvaḥ prājñapāramitāṃ na parigṛhṇāti / na prajñāpāramitāyogaṃ samāpadyate / aparipūrayan prajñāpāramitāṃ na niryāti sarvākārajñatāyāṃ /
saced bhagavan bodhisattvo mahāsattvaḥ prajñāpāramitāyāṃ carann anupāyakauśalenāhaṅkāramamakāragatena mānasena tathatāyāṃ tiṣṭhati / sa tathatāyā abhisaṃṣkāre carati / na carati prajñāpāramitāyāṃ / tat kasya hetor na hy abhisaṃskāre caran bodhisattvo mahāsattvaḥ prajñāpāramitāṃ parigṛhṇāti / na prajñāpāramitāyogaṃ samāpadyate / aparipūrayan prajñāpāramitāṃ na niryāti sarvākārajñatāyāṃ /
saced bhagavan bodhisattvo mahāsattvaḥ prajñāpāramitāyāṃ carann anupāyakauśalenāhaṅkāramamakāragatena mānasenāvitathatāyāṃ tiṣṭhati / so 'vitathatāyā abhisaṃskāre carati / na carati prajñāpāramitāyāṃ / tat kasya hetor na hy abhisaṃskāre caran bodhisattvo mahāsattvaḥ prajñāpāramitāṃ parigṛhṇāti / na prajñāpāramitāyogaṃ samāpadyate / aparipūrayan prajñāpāramitāṃ na niryāti sarvākārajñatāyāṃ /
saced bhagavan bodhisattvo mahāsattvaḥ prajñāpāramitāyāṃ carann anupāyakauśalenāhaṅkāramamakāragatena mānasenānanyatathatāyāṃ tiṣṭhati / so 'nanyatathatāyā abhisaṃskāre carati / na carati prajñāpāramitāyāṃ / tat kasya hetor na hy abhisaṃskāre caran bodhisattvo mahāsattvaḥ prajñāpāramitāṃ parigṛhṇāti / na prajñāpāramitāyogaṃ samāpadyate aparipūrayan prajñāpāramitāṃ na niryāti sarvākārajñatāyāṃ /
saced bhagavan bodhisattvo mahāsattvaḥ prajñāpāramitāyāṃ carann anupāyakauśalenāhaṅkāramamakāragatena mānasena dharmatāyāṃ tiṣṭhati / sa dharmatāyā abhisaṃskāre carati / na carati prajñāpāramitāyāṃ / tat kasya hetor na hy abhisaṃskāre caran bodhisattvo mahāsattvaḥ prajñāpāramitāṃ parigṛhṇāti / na prajñāpāramitāyogaṃ samāpadyate / aparipūrayan prajñāpāramitāṃ na niryāti sarvākārajñatāyāṃ /
saced bhagavan bodhisattvo mahāsattvaḥ prajñāpāramitāyāṃ carann anupāyakauśalenāhaṅkāramamakāragatena mānasena dharmadhātau tiṣṭhati / sa dharmadhātor abhisaṃskāre carati / na carati prajñāpāramitāyāṃ / tat kasya hetor na hy abhisaṃskāre caran bodhisattvo mahāsattvaḥ prajñāpāramitāyāṃ parigṛhṇāti / na prajñāpāramitāyogaṃ samāpadyate / aparipūrayan prajñāpāramitāṃ na niryāti sarvākārajñatāyāṃ /
saced bhagavan bodhisattvo mahāsattvaḥ prajñāpāramitāyāṃ carann anupāyakauśalenāhaṅkāramamakāragatena mānasena dharmasthititāyāṃ tiṣṭhati / sa dharmasthititāyā abhisaṃskāre carati / na carati prajñāpāramitāyāṃ / tat kasya hetor na hy abhisaṃskāre caran bodhisattvo mahāsattvaḥ prajñāpāramitāṃ parigṛhṇāti / na prajñāpāramitāyogam āpadyate / aparipūrayan prajñāpāramitāṃ na niryāti sarvākārajñatāyāṃ /
saced bhagavan bodhisattvo mahāsattvaḥ prajñāpāramitāyāṃ carann anupāyakauśalenāhaṅkāramamakāragatena mānasena dharmaniyāmatāyāṃ tiṣṭhati / sa dharmaniyāmatāyā abhisaṃskāre carati / na carati prajñāpāramitāyāṃ / tat kasya hetor na hy abhisaṃskāre caran bodhisattvo mahāsattvaḥ prajñāpāramitāṃ parigṛhṇāti / na prajñāpāramitāyogaṃ samāpadyate / aparipūrayan prajñāpāramitāṃ na niryāti sarvākārajñatāyāṃ /
saced bhagavan bodhisattvo mahāsattvaḥ prajñāpāramitāyāṃ carann anupāyakauśalenāhaṅkāramamakāragatena mānasena bhūtakoṭau tiṣṭhati / sa bhūtakoṭer abhisaṃskāre carati na carati prajñāpāramitāyāṃ / tat kasya hetor na hy abhisaṃskāre caran bodhisattvo mahāsattvaḥ prajñāpāramitāṃ parigṛhṇāti / na prajñāpāramitāyogaṃ samāpadyate / aparipūrayan prajñāpāramitāṃ na niryāti sarvākārajñatāyāṃ /
tat kasya hetos tathā hi bhagavan rūpam aparigṛhītaṃ yaś ca rūpasyāparigraho na tad rūpaṃ prakṛtiśūnyatānupādāya / vedanāparigṛhītā yaś ca vedanāyā aparigraho na sā vedanā prakṛtiśūnyatānupādāya / saṃjñāparigṛhītā yaś ca saṃjñāyā aparigraho na sā saṃjñā prakṛtiśūnyatānupādāya / saṃskārā aparigṛhītāḥ yaś ca saṃskārāṇām aparigraho na te saṃskārāḥ prakṛtiśūnyatānupādāya / vijñānam aparigṛhītaṃ yaś ca vijñānasyāparigraho na tad vijñānaṃ prakṛtiśūnyatānupādāya / cakṣur aparigṛhītaṃ yaś ca cakṣuṣo 'parigrahaḥ na tac cakṣuḥ prakṛtiśūnyatānupādāya / śrotram aparigṛhītaṃ yaś ca śrotrasyāparigraho na tat śrotraṃ prakṛtiśūnyatānupādāya / ghrāṇam aparigṛhītaṃ yaś ca ghrāṇasyāparigraho na tad ghrāṇaṃ prakṛtiśūnyatānupādāya / jihvāparigṛhītāyaś ca jihvāyā aparigraho na sā jihvā prakṛtiśūnyatānupādāya / kāyo 'parigṛhītaḥ yaś ca kāyasyāparigraho na sa kāyaḥ prakṛtiśūnyatānupādāya / mano 'parigṛhītaṃ yaś ca manaso 'parigraho na tan manaḥ prakṛtiśūnyatānupādāya / rūpam aparigṛhītaṃ yaś ca rūpasyāparigraho na tad rūpaṃ prakṛtiśūnyatānupādāya / śabdo 'parigṛhīto yaś ca śabdasyāparigraho na sa śabdaḥ prakṛtiśūnyatānupādāya / gandho 'parigṛhīto yaś ca gandhasyāparigraho na sa gandhaḥ prakṛtiśūnyatānupādāya / raso 'parigṛhīto yaś ca rasasyāparigraho na sa rasaḥ prakṛtiśūnyatānupādāya / sparśo 'parigṛhīto yaś ca sparśasyāparigraho na sa sparśaḥ prakṛtiśūnyatānupādāya / dharmā aparigṛhītāḥ yaś ca dharmāṇām aparigraho na te dharmāḥ prakṛtiśūnyatānupādyāya /
cakṣurvijñānam aparigṛhītaṃ yaś ca cakṣurvijñānasyāparigraho na tat cakṣuḥ prakṛtiśūnyatānupādāya / jñānam aparigṛhītaṃ yaś ca jñānasyāparigraho na sa jñānaṃ prakṛtiśūnyatānupādāya / śrotravijñānam aparigṛhītaṃ yaś ca śrotravijñānasyāparigraho na tat śrotravijñānaṃ prakṛtiśūnyatānupādāya / ghrāṇavijñānam aparigṛhītaṃ yaś ca ghrāṇavijñānasyāparigraho na tat ghrāṇavijñānaṃ prakṛtiśūnyatānupādāya / jihvāvijñānam aparigṛhītaṃ yaś ca jihvāvijñānasyāparigraho na tat jihvāvijñānaṃ prakṛtiśūnyatānupādāya / kāyavijñānam aparigṛhītaṃ yaś ca kāyavijñānasyāparigraho na tat kāyavijñānaṃ prakṛtiśūnyatānupādāya / manovijñānam aparigṛhītaṃ yaś ca manovijñānasyāparigraho na tan manovijñānaṃ prakṛtiśūnyatānupādāya / cakṣuḥsaṃsparśo 'parigṛhīto yaś ca cakṣuḥsaṃsparśasyāparigraho na sa cakṣuḥsaṃsparśaḥ prakṛtiśūnyatānupādāya / śrotrasaṃsparśo 'parigṛhīto yaś ca śrotrasaṃparśasyāparigraho na sa śrotrasaṃsparśaḥ prakṛtiśūnyatānupādāya / ghrāṇasaṃsparśo 'parigṛhīto yaś ca ghrāṇasaṃsparśasyāparigraho na sa ghrāṇasaṃsparśaḥ prakṛtiśūnyatānupādāya / jihvāsaṃsparśo 'parigṛhīto yaś ca jihvāsaṃsparśasyāparigraho na sa jihvāsaṃsparśaḥ prakṛtiśūnyatānupādāya / kāyasaṃsparśo 'parigṛhīto yaś ca kāyasaṃsparśasyāparigraho na sa kāyasaṃsparśaḥ prakṛtiśūnyatānupādāya / manaḥsaṃsparśo 'parigṛhīto yaś ca manaḥsaṃsparśasyāparigraho na sa manaḥsaṃsparśaḥ prakṛtiśūnyatānupādāya /
cakṣuḥsaṃsparśapratyayavedanāparigṛhītā / yaś ca cakṣuḥsaṃsparśapratyayavedanāyā aparigraho na sā cakṣuḥsaṃsparśapratyayavedanā prakṛtiśūnyatām upādāya / śrotrasaṃsparśapratyayavedanāparigṛhītā / yaś ca śrotrasaṃsparśapratyayavedanāyā aparigraho na sā śrotrasaṃsparśapratyayavedanā prakṛtiśūnyatām upādāya / ghrāṇasaṃsparśapratyayavedanāparigṛhītā / yaś ca ghrāṇasaṃsparśapratyayavedanāyā aparigrahaḥ na sā ghrāṇasaṃsparśapratyayavedanā prakṛtiśūnyatām upādāya / jihvāsaṃsparśapratyayavedanāparigṛhītā / yaś ca jihvāsaṃsparśapratyayavedanāyā aparigraho na sā jihvāsaṃsparśapratyayavedanā prakṛtiśūnyatām upādāya / kāyasaṃsparśapratyayavedanāparigṛhītā / yaś ca kāyasaṃsparśapratyayavedanāyā aparigraho na sā kāyasaṃsparśapratyayavedanā prakṛtiśūnyatām upādāya / manaḥsaṃsparśapratyayavedanāparigṛhītā / yaś ca manaḥsaṃsparśapratyayavedanāyā aparigraho na sā manaḥsaṃsparśapratyayavedanā prakṛtiśūnyatām upādāya /
pṛthivīdhātur aparigṛhītaḥ / yaś ca pṛthivīdhātor aparigraho na sa pṛthivīdhātuḥ prakṛtiśūnyatām upādāya / abdhātur aparigṛhīto yaś cābdhātor aparigraho na so 'bdhātuḥ prakṛtiśūnyatām upādāya / tejodhātur aparigṛhīto yaś ca tejodhātor aparigraho na sa tejodhātuḥ prakṛtiśūnyatām upādāya / vāyudhātur aparigṛhīto yaś ca vāyudhātor aparigraho na sa vāyudhātuḥ prakṛtiśūnyatām upādāya / ākāśadhātur aparigṛhīto yaś cākāśadhātor aparigrahaḥ na sa ākāśadhātuḥ prakṛtiśūnyatām upādāya /
vijñānadhātur aparigṛhīto yaś ca vijñānadhātor aparigraho na sa vijñānadhātuḥ prakṛtiśūnyatām upādāya / avidyāparigṛhītā / yaś cāvidyāyā aparigraho na sā avidyā prakṛtiśūnyatām upādāya / saṃskārā aparigṛhītā / yaś ca saṃskārāṇām aparigraho na te saṃskārāḥ prakṛtiśūnyatām upādāya / vijñānam aparigṛhītaṃ / yaś ca vijñānasyāparigraho na tad vijñānaṃ prakṛtiśūnyatām upādāya / nāmarūpam aparigṛhītaṃ / yaś ca nāmarūpasyāparigraho na tan nāmarūpaṃ prakṛtiśūnyatām upādāya / ṣaḍāyatanam aparigṛhītaṃ / yaś ca ṣaḍāyatanasyāparigraho na tat ṣaḍāyatanaṃ prakṛtiśūnyatām upādāya / sparśo 'parigṛhīto yaś ca sparśasyāparigraho na sa sparśaḥ prakṛtiśūnyatām upādāya / vedanāparigṛhītā / yaś ca vedanāyā aparigraho na sā vedanā prakṛtiśūnyatām upādāya / tṛṣṇāparigṛhītā / yaś ca tṛṣṇāyā aparigraho na sā tṛṣṇā prakṛtiśūnyatām upādāya / upādānam aparigṛhītaṃ / yaś copādānasyāparigraho na tad upādānaṃ prakṛtiśūnyatām upādāya / bhavo 'parigṛhīto yaś ca bhavasyāparigraho na sa bhavaḥ prakṛtiśūnyatām upādāya / jātir aparigṛhītā / yaś ca jāter aparigraho na sā jātiḥ prakṛtiśūnyatām upādāya / jarāmaraṇam aparigṛhītaṃ yaś ca jarāmaraṇasyāparigraho na tat jarāmaraṇaṃ prakṛtiśūnyatām upādāya /
dānapāramitāparigṛhītā / yaś ca dānapāramitāyā aparigraho na sā dānapāramitā prakṛtiśūnyatām upādāya / śīlapāramitāparigṛhītā / yaś ca śīlapāramitāyā aparigraho na sā śīlapāramitā prakṛtiśūnyatām upādāya / kṣāntipāramitāparigṛhītā / yaś ca kṣāntipāramitāyā aparigraho na sā kṣāntipāramitā prakṛtiśūnyatām upādāya / vīryapāramitāparigṛhītā / yaś ca vīryapāramitāyā aparigraho na sā vīryapāramitā prakṛtiśūnyatām upādāya / dhyānapāramitāparigṛhītā / yaś ca dhyānapāramitāyā aparigraho na sā dhyānapāramitā prakṛtiśūnyatām upādāya / prajñāpāramitāparigṛhītā / yaś ca prajñāpāramitāyāṃ aparigraho na sā prajñāpāramitā prakṛtiśūnyatām upādāya /
adhyātmaśūnyatāparigṛhītā / yaś cādhyātmaśūnyatāyā aparigraho na sā adhyātmaśūnyatā prakṛtiśūnyatām upādāya / bahirdhāśūnyatāparigṛhītā / yaś ca bahirdhāśūnyatāyā aparigraho na sā bahirdhāśūnyatā prakṛtiśūnyatām upādāya / adhyātmabahirdhāśūnyatāparigṛhītā / yaś cādhyātmabahirdhāśūnyatāyā aparigraho na sādhyātmabahirdhāśūnyatā prakṛtiśūnyatām upādāya / śūnyatāśūnyatāparigṛhītā yaś ca śūnyatāśūnyatāyā aparigraho na sā śūnyatāśūnyatā / prakṛtiśūnyatām upādāya / mahāśūnyatāparigṛhītā / yaś ca mahāśūnyatāyāḥ aparigraho na sā mahāśūnyatā prakṛtiśūnyatām upādāya / paramārthaśūnyatāparigṛhītā / yaś ca paramārthaśūnyatāyā aparigraho na sā paramārthaśūnyatā prakṛtiśūnyatām upādāya / saṃskṛtaśūnyatāparigṛhītā / yaś ca saṃskṛtaśūnyatāyā aparigraho na sā saṃskṛtaśūnyatā prakṛtiśūnyatām upādāya / asaṃskṛtaśūnyatāparigṛhītā yaś cāsaṃskṛtaśūnyatāyā aparigraho na sā saṃskṛtaśūnyatā prakṛtiśūnyatām upādāya / atyantaśūnyatāparigṛhītā yaś cātyantaśūnyatāyā aparigraho na sā atyantaśūnyatā prakṛtiśūnyatām upādāya / anavarāgraśūnyatāparigṛhītā / yaś cānavarāgraśūnyatāyā aparigraho na sānavarāgraśūnyatā prakṛtiśūnyatām upādāya / anavakāraśūnyatāparigṛhītā yaś cānavakāraśūnyatāyā aparigraho na sānavakāraśūnyatā prakṛtiśūnyatām upādāya / prakṛtiśūnyatāparigṛhītā / yaś ca prakṛtiśūnyatāyā aparigraho na sā prakṛtiśūnyatā prakṛtiśūnyatām upādāya / sarvadharmaśūnyatāparigṛhītā / yaś ca sarvadharmaśūnyatāyā aparigraho na sā sarvadharmaśūnyatā prakṛtiśūnyatām upādāya / svalakṣaṇaśūnyatāparigṛhītā /
yaś ca svalakṣaṇaśūnyatāyā aparigraho na sā svalakṣaṇaśūnyatā prakṛtiśūnyatām upādāya / anupalambhaśūnyatāparigṛhītā yaś cānupalambhaśūnyatāyā aparigraho na sānupalambhaśūnyatā prakṛtiśūnyatām upādāya / abhāvaśūnyatāparigṛhītā / yaś cābhāvaśūnyatāyā aparigraho na sābhāvaśūnyatā prakṛtiśūnyatām upādāya / svabhāvaśūnyatāparigṛhītā / yaś ca svabhāvaśūnyatāyā aparigraho na sā svabhāvaśūnyatā prakṛtiśūnyatām upādāya / abhāvasvabhāvaśūnyatāparigṛhītā yaś cābhāvasvabhāvaśūnyatāyā aparigraho na sābhāvasvabhāvaśūnyatā prakṛtiśūnyatām upādāya /
smṛtyupasthānāny aparigṛhītāni / yaś ca smṛtyupasthānānām aparigraho na tāni smṛtyupasthānāni prakṛtiśūnyatām upādāya / samyakprahāṇāny aparigṛhītāni / yaś ca samyakprahāṇānām aparigraho na tāni samyakprahāṇāni prakṛtiśūnyatām upādāya / ṛddhipādā aparigṛhītā / yaś ca ṛddhipādānām aparigraho na te ṛddhipādāḥ prakṛtiśūnyatām upādāya / indriyāṇy aparigṛhītāni / yaś cendriyāṇām aparigraho na tānīndriyāṇi prakṛtiśūnyatām upādāya / balāny aparigṛhītāni / yaś ca balānām aparigraho na tāni balāni prakṛtiśūnyatām upādāya / bodhyaṅgāny aparigṛhītāni / yaś ca bodhyaṅgānām aparigraho na tāni bodhyaṅgāni prakṛtiśūnyatām upādāya / āryāṣṭāṅgamārgo 'parigṛhīto yaś cāryāṣṭāṅgamārgasyāparigraho na sa āryāṣṭāṅgamārgaḥ prakṛtiśūnyatām upādāya / āryasatyāny aparigṛhītāni / yaś cāryasatyānām aparigraho na tāny āryasatyāni prakṛtiśūnyatām upādāya / dhyānāny aparigṛhītāni / yaś ca dhyānānām aparigraho na tāni dhyānāni prakṛtiśūnyatām upādāya / apramāṇāny aparigṛhītāni / yaś cāpramāṇānām aparigraho na tāny apramāṇāni prakṛtiśūnyatām upādāya / ārūpyasamāpattayo 'parigṛhītā / yaś cārūpyasamāpattīnām aparigraho na tā ārūpyasamāpattayaḥ prakṛtiśūnyatām upādāya / aṣṭavimokṣā aparigṛītā yaś ca vimokṣāṇām aparigraho na te vimokṣāḥ prakṛtiśūnyatām upādāya / navānupūrvavihārasamāpattayo 'parigṛhītāḥ / yaś ca navānupūrvavihārasamāpattīnām aparigraho na tā navānupūrvavihārasamāpattayaḥ prakṛtiśūnyatām upādāya / śūnyatānimittāpraṇihitavimokṣamukhāny aparigṛhītāni /
yaś ca śūnyatānimittāpraṇihitavimokṣamukhānām aparigraho na tāni śūnyatānimittāpraṇihitavimokṣamukhāni prakṛtiśūnyatām upādāya / abhijñāḥ aparigṛhītāḥ yaś cābhijñānām aparigraho na tā abhijñāḥ prakṛtiśūnyatām upādāya / samādhayo 'parigṛhītāḥ yaś ca samādhīnām aparigraho na te samādhayaḥ prakṛtiśūnyatām upādāya / dhāraṇīmukhāny aparigṛhītāni / yaś ca dhāraṇīmukhānām aparigraho na tāni dhāraṇīmukhāni prakṛtiśūnyatām upādāya / daśa tathāgatabalāny aparigṛhītāni / yaś ca tathāgatabalānām aparigraho na tāni tathāgatabalāni prakṛtiśūnyatām upādāya / vaiśāradyāny aparigṛhītāni yaś ca vaiśāradyānām aparigraho na tāni vaiśāradyāni prakṛtiśūnyatām upādāya / catasraḥ pratisaṃvido 'parigṛhītāḥ / yaś ca catasṛṇāṃ pratisaṃvidām aparigraho na tāḥ pratisaṃvidaḥ prakṛtiśūnyatām upādāya / mahākaruṇā aparigṛhītā / yaś ca mahākaruṇāyā aparigraho na sā mahākaruṇā prakṛtiśūnyatām upādāya / aṣṭādāśāveṇikabuddhadharmā aparigṛhītāḥ / yaś cāveṇikabuddhadharmāṇām aparigraho na te āveṇikabuddhadharmāḥ prakṛtiśūnyātām upādāya / śrotaāpattiphalam aparigṛhītaṃ / yaś ca śrotaāpattiphalasyāparigraho na tat śrotaāpattiphalaṃ prakṛtiśūnyatām upādāya / sakṛdāgāmiphalam aparigṛhītaṃ / yaś ca sakṛdāgāmiphalasyāparigraho na tat sakṛdāgāmiphalaṃ prakṛtiśūnyatām upādāya / anāgāmiphalam aparigṛhītaṃ / yaś cānāgāmiphalasyāparigraho na tad anāgāmiphalaṃ prakṛtiśūnyatām upādāya / arhattvam aparigṛhītaṃ / yaś cārhattvasyāparigraho na tad arhatvaṃ prakṛtiśūnyatām upādāya /
pratyekabodhir aparigṛhītā yaś ca pratyekabodher aparigraho na sā pratyekabodhiḥ prakṛtiśūnyatām upādāya / mārgākārajñatāparigṛhītā / yaś ca mārgākārajñatāyāḥ aparigraho na sā mārgākārajñatā prakṛtiśūnyatām upādāya / sarvākārajñatāparigṛhītā / yaś ca sarvākārajñatāyā aparigraho na sā sarvākārajñatā prakṛtiśūnyatām upādāya / tathatāparigṛhītā / yaś ca tathatāyā aparigraho na sā tathatā prakṛtiśūnyatām upādāya / avitathatāparigṛhītā / yaś cāvitathatāyā aparigraho na sā avitathatā prakṛtiśūnyatām upādāya / ananyatathatāparigṛhītā / yaś cānanyatathatāyā aparigraho na sā ananyatathatā prakṛtiśūnyatām upādāya / dharmatāparigṛhītā / yaś ca dharmatāyā aparigraho na sā dharmatā prakṛtiśūnyatām upādāya / dharmadhātur aparigṛhīto yaś ca dharmadhātor aparigraho na sa dharmadhātuḥ prakṛtiśūnyatām upādāya / dharmasthititā aparigṛhītā / yaś ca dharmasthititāyā aparigraho na sā dharmasthititā prakṛtiśūnyatām upādāya / dharmaniyāmatāparigṛhītā / yaś ca dharmaniyāmatāyā aparigraho na sā dharmaniyāmatā prakṛtiśūnyatām upādāya / bhūtakoṭir aparigṛhītā / yatra bhūtakoṭer aparigraho na sā bhūtakoṭiḥ prakṛtiśūnyatām upādāya / sāpi prajñāpāramitāparigṛhītā yaś ca prajñāpāramitāyāḥ aparigraho na sā prajñāpāramitā prakṛtiśūnyatām upādāya /
evaṃ khalu bhagavan bodhisattvena mahāsattvena prajñāpāramitāyāṃ caratā prakṛtiśūnyāḥ sarvadharmā vyupaparīkṣitavyāḥ / tathā parīkṣitavyā yathā na kvacid dharmeṣu manaso vyavacāro bhavet / idaṃ bodhisattvasya mahāsattvasya sarvadharmāparigṛhītaṃ nāma samādhimaṇḍalaṃ vipulaṃ puraskṛtam apramāṇaniyatam asaṃhāryam asādhāraṇaṃ sarvaśrāvakapratyekabuddhaiḥ / yatra samādhimaṇḍale viharan bodhisattvo mahāsattvo niryāsyati sarvākārajñatāyāḥ / sāpi sarvākārajñatāparigṛhītā adhyātmaśūnyatām upādāya / bahirdhāśūnyatām upādāya / adhyātmabahirdhāśūnyatām upādāya / śūnyatāśūnyatām upādāya / mahāśūnyatām upādāya / paramārthaśūnyatām upādāya / saṃskṛtaśūnyatām upādāya / asaṃskṛtaśūnyatām upādāya / atyantaśūnyatām upādāya / anavarāgraśūnyatām upādāya / anavakāraśūnyatām upādāya / prakṛtiśūnyatām upādāya / sarvadharmaśūnyatām upādāya / svalakṣaṇaśūnyatām upādāya / anupalambhaśūnyatām upādāya / abhāvaśūnyatām upādāya / svabhāvaśūnyatām upādāya / abhāvasvabhāvaśūnyatām upādāya /
tat kasya hetor na hi sā nimittato vaktavyā / tathā hi nimittuḥ kleśataḥ / kataran nimittam iti / rūpaṃ nimittaṃ saṃjñā nimittaṃ saṃskāranimittaṃ vijñānaṃ nimittaṃ cakṣur nimittaṃ śrotraṃ nimittaṃ ghrāṇaṃ nimittaṃ jihvā nimittaṃ kāyo nimittaṃ mano nimittaṃ / rūpaṃ nimittaṃ śabdo nimittaṃ gandho nimittaṃ raso nimittaṃ / sparśo nimittaṃ / dharmā nimittaṃ / cakṣurvijñānaṃ nimittaṃ śrotravijñānaṃ nimittaṃ / ghrāṇavijñāmaṃ nimittaṃ jihvāvijñānaṃ nimittaṃ kāyavijñānaṃ nimittaṃ manovijñānaṃ nimittaṃ / cakṣuḥsaṃsparśajāvedanā nimittaṃ / śrotrasaṃsparśajāvedanā nimittaṃ / ghrāṇasaṃsparśajāvedanā nimittaṃ / jihvāsaṃsparśajāvedanā nimittaṃ / kāyasaṃsparśajāvedanā nimittaṃ / manaḥsaṃsparśajāvedanā nimittaṃ / pṛthivīdhātur nimittaṃ / abdhātur nimittaṃ / tejodhātur nimittaṃ / vāyudhātur nimittaṃ / ākāśadhātur nimittaṃ / vijñānadhātur nimittaṃ / avidyā nimittaṃ / saṃskārā nimittaṃ / nāmarūpaṃ nimittaṃ / ṣaḍāyatanaṃ nimittaṃ / vedanā nimittaṃ / tṛṣṇā nimittaṃ / upādānaṃ nimittaṃ / bhavo nimittaṃ / jarāmaraṇaṃ nimittaṃ / dānapāramitā nimittaṃ / śīlapāramitā nimittaṃ / kṣāntipāramitā nimittaṃ / vīryapāramitā nimittaṃ / dhyānapāramitā nimittaṃ / prajñāpāramitā nimittaṃ / adhyātmaśūnyatā nimittaṃ / bahirdhāśūnyatā nimittaṃ / adhyātmabahirdhāśūnyatā nimittaṃ / śūnyatāśūnyatā nimittaṃ / mahāśūnyatā nimittaṃ / paramārthaśūnyatā nimittaṃ / saṃskṛtaśūnyatā nimittaṃ / asaṃskṛtaśūnyatā nimittaṃ / atyantaśūnyatā nimittaṃ / anavarāgraśūnyatā nimittaṃ / anavakāraśūnyatā nimittaṃ /
prakṛtiśūnyatā nimittaṃ / sarvadharmaśūnyatā nimittaṃ / svalakṣaṇaśūnyatā nimittaṃ / anupalambhaśūnyatā nimittaṃ / abhāvaśūnyatā nimittaṃ / svabhāvaśūnyatā nimittaṃ / abhāvasvabhāvaśūnyatā nimittaṃ / āryāṣṭāṅgamārgo nimittaṃ / āryasatyāni nimittaṃ / dhyānāni nimittaṃ / apramāṇāni nimittaṃ / ārūpyasamāpattayo nimittaṃ / aṣṭau vimokṣā nimittaṃ / navānupūrvavihārasamāpattayo nimittaṃ / śūnyatā nimittaṃ / praṇihitaṃ nimittaṃ / abhijñā nimittaṃ / samādhayo nimittaṃ / dhāraṇīmukhāni nimittaṃ / daśa tathāgatabalāni nimittaṃ / catvāri vaiśāradyāni nimittaṃ / catasraḥ pratisaṃvido nimittaṃ / mahākaruṇā nimittaṃ / aṣṭādaśāveṇikā buddhadharmā nimittaṃ / akṣarāṇi nimittāni / eko dāharo nimittaṃ / vyudāharo nimittaṃ / pṛthagdāharo nimittaṃ /
ayam ucyate kleśaḥ sacet sa nimittata udagrahītavyo bhaviṣyatveve 'śreṇikaḥ parivrājakaḥ śraddhāṃ pratilapsyate / nātra sarvajñajñāne / katamā śraddhā yad uta prajñāpāramitāyāḥ abhiśraddhadhānatāvakalpanatā adhimucyanatā pratyayanatā cittatā tulanā vyupaparīkṣaṇatā / tac ca na nimittayogena / evam ānimittānimittānugrahītavyā / śreṇikaḥ punaḥ parivrājako 'tra sarvajñāne 'dhimucya śraddhānusārī prādeśikena jñānenāvatīrṇaḥ / so 'vatīrya na rūpaṃ parigṛhītavān / na vedanāṃ parigṛhītavān / na saṃjñāṃ parigṛhītavān / na saṃskārān parigṛhītavān / na vijñānaṃ parigṛhītavān / tathā hi svalakṣaṇaśūnyeṣu sarvadharmeṣu parigrāhakaṃ nopalabdhā / tat kasya hetos tathā hi nādhyātmaprāptyabhisamayatas tat jñānaṃ samanupaśyati sma / na bahirdhāprātyabhisamayatas tat jñānaṃ samanupaśyati sma nādhyātmabahirdhāprāptyabhisamayatas tat jñānaṃ samanupaśyati sma / nāpy anyatraprāptyabhisamayatas tat jñānaṃ samanupaśyati sma / tat kasya hetos tathā hi sa tad dharmaṃ na samanupaśyati sma / yena prajānīyāt yo vā prajānīyāt / yad vā prajānīyāt / nādhyātmarūpasya tat jñānaṃ samanupaśyati sma / na bahirdhārūpasya tat jñānaṃ samanupaśyati sma / nādhyātmabahirdhārūpasya tat jñānaṃ samanupaśyati sma / nāpy anyatrarūpāt tat jñānaṃ samanupaśyati sma / nādhyātmavedanāyās tat jñānaṃ samanupaśyati sma / na bahirdhāvedanāyās tat jñānaṃ samanupaśyati sma / nādhyātmabahirdhāvedanāyās tat jñānaṃ samanupaśyati sma / nāpy anyatravedanāyās tat jñānaṃ samanupaśyati sma /
nādhyātmasaṃjñāyās tat jñānaṃ samanupaśyati sma / na bahirdhāsaṃjñāyās tat jñānaṃ samanupaśyati sma / nādhyātmabahirdhāsaṃjñāyās tat jñānaṃ samanupaśyati sma / nāpy anyatrasaṃjñāyās tat jñānaṃ samanupaśyati sma / nādhyātmasaṃskārāṇāṃ tat jñānaṃ samanupaśyati sma / na bahirdhāsaṃskārāṇāṃ tat jñānaṃ samanupaśyati sma / nādhyātmabahirdhāsaṃskārāṇāṃ tat jñānaṃ samanupaśyati sma / nāpy anyatrasaṃskārebhyaḥ tat jñānaṃ samanupasyati sma / nādhyātmavijñānasya tat jñānaṃ samanupaśyati sma / na bahirdhāvijñānasya tat jñānaṃ samanupaśyati sma / nādhyātmabahirdhāvijñānasya tat jñānaṃ samanupaśyati sma / nāpy anyatravijñānasya tat jñānaṃ samanupaśyati sma / adhyātmabahirdhāśūnyatām upādāya /
sa nādhyātmañ cakṣuṣas tat jñānaṃ samanupaśyati sma / na bahirdhā cakṣuṣas tat jñānaṃ samanupaśyati sma / nādhyātmabahirdhā cakṣuṣas tat jñānaṃ samanupaśyati sma / nāpy anyatra cakṣuṣas tat jñānaṃ samanupaśyati sma / sa nādhyātmaṃ śrotrasya tat jñānaṃ samanupaśyati sma / na bahirdhā śrotrasya tat jñānaṃ samanupaśyati sma / nādhyātmabahirdhā śrotrasya tat jñānaṃ samanupaśyati sma / nāpy anyatra śrotrāt tat jñānaṃ samanupaśyati sma / nādhyātmaṃ ghrāṇasya tat jñānaṃ samanupaśyati sma / na bahirdhā ghrāṇasya tat jñānaṃ samanupaśyati sma / nādhyātmabahirdhā ghrāṇasya tat jñānaṃ samanupaśyati sma / nāpy anyatra ghrāṇāt tat jñānaṃ samanupaśyati sma / sa nādhyātmaṃ jihvāyās tat jñānaṃ samanupaśyati sma / na bahirdhā jihvāyās tat jñānaṃ samanupaśyati sma / nādhyātmabahirdhā jihvāyās tat jñānaṃ samanupaśyati sma / nāpy anyatra jihvāyās tat jñānaṃ samanupaśyati sma / sa nādhyātmaṃ kāyasya tat jñānaṃ samanupaśyati sma / na bahirdhā kāyasya tat jñānaṃ samanupaśyati sma / nādhyātmabahirdhā kāyasya tat jñānaṃ samanupaśyati sma / nāpy anyatra kāyasya tat jñānaṃ samanupaśyati sma / sa nādhyātyaṃ manasas tat jñānaṃ samanupaśyati sma / na bahirdhā manasas tat jñānaṃ samanupaśyati sma / nādhyātmabahirdhā manasas tat jñānaṃ samanupaśyati sma / nāpy anyatra manamas tat jñānaṃ samanupaśyati sma / adhyātmabahirdhāśūnyatām upādāya /
nādhyātmaṃ rūpasya tat jñānaṃ samanupaśyati sma / na bahirdhā rūpasya tat jñānaṃ samanupaśyati sma / nādhyātmabahirdhā rūpasya tat jñānaṃ samanupaśyati sma / nāpy anyatra rūpāt tat jñānaṃ samanupaśyati sma / sa nādhyātmaṃ śabdasya tat jñānaṃ samanupaśyati sma / na bahirdhā śabdasya tat jñānaṃ samanupaśyati sma / nādhyātmabahirdhā śabdasya tat jñānaṃ samanupaśyati sma / nāpy anyatra śabdasya tat jñānaṃ samanupaśyati sma / sa nādhyātmaṃ gandhasya tat jñānaṃ samanupaśyati sma / na bahirdhā gandhasya tat jñānaṃ samanupaśyati sma / nādhyātmabahirdhā gandhasya tat jñānaṃ samanupaśyati sma / nāpy anyatra gandhasya tat jñānaṃ samanupaśyati sma / sa nādhyātmaṃ rasasya tat jñānaṃ samanupaśyati sma / na bahirdhā rasasya tat jñānaṃ samanupaśyati sma / nādhyātmabahirdhā rasasya tat jñānaṃ samanupaśyati sma / nāpy anyatra rasasya tat jñānaṃ samanupaśyati sma / sa nādhyātmaṃ sparśasya tat jñānaṃ samanupaśyati sma / na bahirdhā sparśasya tat jñānaṃ samanupaśyati sma / nādhyātmabahirdhā sparśasya tat jñānaṃ samanupaśyati sma / nāpy anyatra sparśasya tat jñānaṃ samanupaśyati sma / sa nādhyātmaṃ dharmāṇāṃ tat jñānaṃ samanupaśyati sma / na bahirdhā dharmāṇāṃ tat jñānaṃ samanupaśyati sma / nādhyātmabahirdhā dharmāṇāṃ tat jñānaṃ samanupaśyati sma / nāpy anyatra dharmebhyas tat jñānaṃ samanupaśyati sma / adhyātmabahirdhāśūnyatām upādāya /
sa nādhyātmaṃ cakṣurvijñānasya tat jñānaṃ samanupaśyati sma / na bahirdhā cakṣurvijñānasya tat jñānaṃ samanupaśyati sma / nādhyātmabahirdhā cakṣurvijñānasya tat jñānaṃ samanupaśyati sma / nāpy anyatra cakṣurvijñānasya tat jñānaṃ samanupaśyati sma / sa nādhyātmaṃ śrotravijñānasya tat jñānaṃ samanupaśyati sma / na bahirdhā śrotravijñānasya tat jñānaṃ samanupaśyati sma / nādhyātmabahirdhā śrotravijñānasya tat jñānaṃ samanupaśyati sma / nāpy anyatra śrotravijñānasya tat jñānaṃ samanupaśyati sma / sa nādhyātmaṃ ghrāṇavijñānasya tat jñānaṃ samanupaśyati sma / na bahirdhā ghrāṇavijñānasya tat jñānaṃ samanupaśyati sma / nādhyātmabahirdhā ghrāṇavijñānasya tat jñānaṃ na samanupaśyati sma / nāpy anyatra ghrāṇavijñānasya tat jñānaṃ samanupaśyati sma / sa nādhyātmaṃ jihvāvijñānasya tat jñānaṃ samanupaśyati sma / na bahirdhā jihvāvijñānasya tat jñānaṃ samanupaśyati sma / nādhyātmabahirdhā jihvāvijñānasya tat jñānaṃ samanupaśyati sma / nāpy anyatra jihvāvijñānasya tat jñānaṃ samanupaśyati sma / sa nādhyātmaṃ kāyavijñānasya tat jñānaṃ samanupaśyati sma / na bahirdhā kāyavijñānasya tat jñānaṃ samanupaśyati sma / nādhyātmabahirdhā kāyavijñānasya tat jñānaṃ samanupaśyati sma / nāpy anyatra kāyavijñānasya tat jñānaṃ samanupaśyati sma / sa nādhyātmaṃ vijñānasya tat manovijñānasya tat jñānaṃ samanupaśyati sma / na bahirdhā manovijñānasya tat jñānaṃ samanupaśyati / nādhyātmabahirdhā manovijñānasya tat jñānaṃ samanupaśyati sma / nāpy anyatra manovijñānasya tat jñānaṃ samanupaśyati /
nādhyātmaṃ cakṣuḥsaṃsparśasya tat jñānaṃ samanupaśyati sma / na bahirdhā cakṣuḥsaṃsparśasya tat jñānaṃ samanupaśyati sma / nādhyātmabahirdhā cakṣuḥsaṃsparśasya tat jñānaṃ samanupaśyati sma / nāpy anyatra cakṣuḥsaṃsparśāt tat jñānaṃ samanupaśyati sma / sa nādhyātmaṃ śrotrasaṃsparśasya tat jñānaṃ samanupaśyati sma / na bahirdhā śrotrasaṃsparśasya tat jñānaṃ samanupaśyati sma / nādhyātmabahirdhā śrotrasaṃsparśasya tat jñānaṃ samanupaśyati sma / nāpy anyatra śrotrasaṃsparśāt tat jñānaṃ samanupaśyati sma / sa nādhyātmaṃ ghrāṇasaṃsparśasya tat jñānaṃ samanupaśyati sma / na bahirdhā ghrāṇavijñānasya tat jñānaṃ samanupaśyati sma / nādhyātmaṃbahirdhā ghrāṇasaṃsparśasya tat jñānaṃ samanupaśyati sma / nāpy anyatra ghrāṇasaṃsparśasya tat jñānaṃ samanupaśyati sma / sa nādhyātmaṃ jihvāsaṃsparśasya tat jñānaṃ samanupaśyati sma / na bahirdhā jihvāsaṃsparśasya tat jñānaṃ samanupaśpyati sma / nādhyātmabarhirdhājihvāsaṃsparśasya tat jñānaṃ samanupaśyati sma / nāpy anyatra jihvāsaṃsparśāt tat jñānaṃ samanupaśyati sma / sa nādhyātmaṃ kāyasaṃsparśasya tat jñānaṃ samanupaśyati sma / na bahirdhā kāyasaṃsparśasya tat jñānaṃ samanupaśyati sma / nādhyātmabahirdhā kāyasaṃsparśasya tat jñānaṃ samanupaśyati sma / nāpy anyatra kāyasaṃsparśāt tat jñānaṃ samanupaśyati sma / sa nādhyātmaṃ manaḥsaṃsparśasya tat jñānaṃ samanupaśyati sma / na bahirdhā manaḥsaṃsparśasya tat jñānaṃ samanupaśyati sma / nādhyātmabahirdhā manaḥsaṃsparśasya tat jñānaṃ samanupaśyati sma /
nāpy anyatra manaḥsaṃsparśāt tat jñānaṃ samanupaśyati sma / nādhyātmabahirdhāśūnyatām upādāya /
sa nādhyātmaṃ cakṣuḥsaṃsparśapratyayavedanāyās tat jñānaṃ samanupaśyati sma / na bahirdhā cakṣuḥsaṃsparśapratyayavedanāyās tat jñānaṃ samanupaśyati sma / nādhyātmabahirdhā cakṣuḥsaṃsparśapratyayavedanāyās tat jñānaṃ samanupaśyati sma / nāpy anyatra cakṣuḥsaṃsparśapratyayavedanāyās tat jñānaṃ samanupaśyati sma / sa nādhyātmaṃ śrotrasaṃsparśapratyayavedanāyās tat jñānaṃ samanupaśyati sma / na bahirdhā śrotrasaṃsparśapratyayavedanāyās tat jñānaṃ samanupaśyati sma / nādhyātmabahirdhā śrotrasaṃsparśapratyayavedanāyās tat jñānaṃ nāpy anyatra śrotrasaṃsparśapratyayavedanāyās tat jñānaṃ samanupaśyati sma / sa nādhyātmaṃ ghrāṇasaṃsparśapratyayavedanāyās tat jñānaṃ samanupaśyati sma / na bahirdhā ghrāṇasaṃsparśapratyayavedanāyās tat jñānaṃ samanupaśyati sma / nādhyātyabahirdhā ghrāṇasaṃsparśapratyayavedanāyās tat jñānaṃ samanupaśyati sma / nāpy anyatra ghrāṇasaṃsparśapratyayavedanāyās tat jñānaṃ samanupaśyati sma / sa nādhyātmaṃ jihvāsaṃsparśapratyayavedanāyās tat jñānaṃ samanupaśyati sma / na bahirdhā jihvāsaṃsparśapratyayavedanāyās tat jñānaṃ samanupaśyati sma / samanupaśyati sma / nādhyātmabahirdhā jihvāsaṃsparśapratyayavedanāyās tat jñānaṃ samanupaśyati sma / nāpy anyatra jihvāsaṃsparśapratyayavedanāyās tat jñānaṃ samanupaśyati sma / sa nādhyātmaṃ kāyasaṃsparśapratyayavedanāyās tat jñānaṃ samanupaśyati sma / na bahirdhā kāyasaṃsparśapratyayavedanāyās tat jñānaṃ samanupaśyati sma / nādhyātmabahirdhā kāyasaṃsparśapratyayavedanāyās tat jñānaṃ samanupaśyati sma / nāpy anyatra kāyasaṃsparśapratyayavedanāyās tat jñānaṃ samanupaśyati sma / sa nādhyātmaṃ manaḥsaṃsparśapratyayavedanāyās tat jñānaṃ samanupaśyati sma / na bahirdhā manaḥsaṃsparśapratyayavedanāyās tat jñānaṃ samanupaśyati sma / nādhyātmabahirdhā manaḥsaṃsparśapratyayavedanāyās tat jñānaṃ samanupaśyati sma / nāpy anyatra manaḥsaṃsparśapratyayavedanāyās tat jñānaṃ samanupaśyati sma / adhyātmabahirdhāśūnyatām upādāya /
sa nādhyātmaṃ pṛthivīdhātos tat jñānaṃ samanupaśyati sma / na bahirdhā pṛthivīdhātos tat jñānaṃ samanupaśyati sma / nādhyātmabahirdhā pṛthivīdhātos tat jñānaṃ samanupaśyati sma / nāpy anyatra pṛthivīdhātos tat jñānaṃ samanupaśyati sma / sa nādhyātmam abdhātos tat jñānaṃ samanupaśyati sma / na bahirdhā bdhātos tat jñānaṃ samanupaśyati sma / nādhyātmabahirdhā bdhātos tat jñānaṃ samanupaśyati sma / nāpy anyatrābdhātos tat jñānaṃ samanupaśyati sma / sa nādhyātmaṃ tejodhātos tat jñānaṃ samanupaśyati sma / na bahirdhā tejodhātos tat jñānaṃ samanupaśyati sma / nādhyātmabahirdhā tejodhātos tat jñānaṃ samanupaśyati sma / nāpy anyatra tejodhātos tat jñānaṃ samanupaśyati sma / sa nādhyātmaṃ vāyudhātos tat jñānaṃ samanupaśyati sma / na bahirdhā vāyudhātos tat jñānaṃ samanupaśyati sma / nādhyātmabahirdhā vāyudhātos tat jñānaṃ samanupaśyati sma / nāpy anyatra vāyudhātos tat jñānaṃ samanupaśyati sma / sa nādhyātmam ākāśadhātos tat jñānaṃ samanupaśyati sma / na bahirdhā ākāśadhātos tat jñānaṃ samanupaśyati sma / nādhyātmabahirdhā ākāśadhātos tat jñānaṃ samanupaśyati sma / nāpy anyatrākāśadhātos tat jñānaṃ samanupaśyati sma / sa nādhyātmaṃ vijñānadhātos tat jñānaṃ samanupaśyati sma / na bahirdhā vijñānadhātos tat jñānaṃ samanupaśyati sma / nādhyātmabahirdhā vijñānadhātos tat jñānaṃ samanupaśyati sma / nāpy anyatra vijñānadhātos tat jñānaṃ samanupaśyati sma / adhyātmabahirdhāśūnyatām upādāya /
sa nādhyātmam avidyāyās tat jñānaṃ samanupaśyati sma / na bahirdhā vidyāyās tat jñānaṃ samanupaśtyati sma / nādhyātmabahirdhā vidyāyās tat jñānaṃ samanupaśyati sma / nāpy anyatrāvidyāyās tat jñānaṃ samanupaśyati sma / sa nādhyātmaṃ saṃskārāṇāṃ tat jñānaṃ samanupaśyati sma / na bahirdhā saṃskārāṇāṃ tat jñānaṃ samanupaśyati sma / nādhyātmabahirdhā saṃskārāṇāṃ tat jñānaṃ samanupaśyati sma / nāpy anyatra saṃskārāṇāṃ tat jñānaṃ samanupaśyati sma / sa nādhyātmaṃ vijñānasya tat jñānaṃ samanupaśyati sma / na bahirdhā vijñānasya tat jñānaṃ samanupaśyati sma / nādhyātmabahirdhā vijñānasya tat jñānaṃ samanupaśyati sma / nāpy anyatra vijñānasya tat jñānaṃ samanupaśyati sma / sa nādhyātmaṃ nāmarūpasya tat jñānaṃ samanupaśyati sma / na bahirdhā nāmarūpasya tat jñānaṃ samanupaśyati sma / nādhyātmabahirdhā nāmarūpasya tat jñānaṃ samanupaśyati sma / nāpy anyatra nāmarūpasya tat jñānaṃ samanupaśyati sma / nādhyātmaṃ ṣaḍāyatanasya tat jñānaṃ samanupśyati sma / na bahirdhā ṣaḍāyatanasya tat jñānaṃ samanupaśyati sma / nādhyātmabahirdhā ṣaḍāyatanasya tat jñānaṃ samanupaśyati sma / nāpy anyatra ṣaḍāyatanasya tat jñānaṃ samanupaśyati sma / sa nādhyātmaṃ sparśasya tat jñānaṃ samanupaśyati sma / na bahirdhā sparśasya tat jñānaṃ samanupaśyati sma / nādhyātmabahirdhā sparśasya tat jñānaṃ samanupaśyati sma / nāpy anyatra sparśāt tat jñānaṃ samanupaśyati sma / sa nādhyātmaṃ vedanāyās tat jñānaṃ samanupaśyati sma / na bahirdhā vedanāyās tat jñānaṃ samanupaśyati sma /
nādhyātmabahirdhā vedanāyās tat jñānaṃ samanupaśyati sma / nāpy anyatra védanāyās tat jñānaṃ samanupaśyati sma / sa nādhyātmaṃ tṛṣṇāyās tat jñānaṃ samanupaśyati sma / na bahirdhā tṛṣṇāyās tat jñānaṃ samanupaśyati sma / nādhyātmabahirdhā tṛṣṇāyās tat jñānaṃ samanupaśyati sma / nāpy anyatra tṛṣṇāyās tat jñānaṃ samanupaśyati sma / sa nādhyātmaṃ bhavasya tat jñānaṃ samanupaśyati sma / na bahirdhā bhavasya tat jñānaṃ samanupaśyati sma / nādhyātmabahirdhā bhavasya tat jñānaṃ samanupaśyati sma / nāpy anyatra bhavasya tat jñānaṃ samanupaśyati sma / sa nādhyātmaṃ jātes tat jñānaṃ samanupaśyati sma / na bahirdhā jātes tat jñānaṃ samanupaśyati sma / nādhyātmabahirdhā jātes tat jñānaṃ samanupaśyati sma / nāpy anyatra jātes tat jñānaṃ samanupaśyati sma / sa nādhyātmaṃ jarāmaraṇasya tat jñānaṃ samanupaśyati sma / na bahirdhā jarāmaraṇasya tat jñānaṃ samanupaśyati sma / nādhyātmabahirdhā jarāmaraṇasya tat jñānaṃ samanupaśyati sma / nāpy anyatra jarāmaraṇasya tat jñānaṃ samanupaśyati sma / adhyātmabahirdhāśūnyatām upādāya /
sa nādhyātmaṃ dānapāramitāyās tat jñānaṃ samanupaśyati sma / na bahirdhā dānapāramitāyās tat jñānaṃ samanupaśyati sma / nādhyātmabahirdhā dānapāramitāyās tat jñānaṃ samanupaśyati sma / nāpy anyatra dānapāramitāyās tat jñānaṃ samanupaśyati sma / sa nādhyātmaṃ śīlapāramitāyās tat jñānaṃ samanupaśyati sma / na bahirdhā śīlapāramitāyās tat jñānaṃ samanupaśyati sma / nādhyātmabahirdhā śīlapāramitāyās tat jñānaṃ samanupaśyati sma / nāpy anyatra śīlapāramitāyās tat jñānaṃ samanupaśyati sma / sa nādhyātmaṃ kṣāntipāramitāyās tat jñānaṃ samanupaśyati sma / na bahirdhā kṣāntipāramitāyās tat jñānaṃ samanupaśyati sma / nādhyātmabahirdhā kṣāntipāramitāyās tat jñānaṃ samanupaśyati sma / nāpy anyatra kṣāntipāramitāyās tat jñānaṃ samanupaśyati sma / sa nādhyātmaṃ vīryapāramitāyās tat jñānaṃ samanupaśyati sma / na bahirdhā vīryapāramitāyās tat jñānaṃ samanupaśyati sma / nādhyātmabahirdhā vīryapāramitāyās tat jñānaṃ samanupaśyati sma / nāpy anyatra vīryapāramitāyās tat jñānaṃ samanupaśyati sma / sa nādhyātmaṃ dhyānapāramitāyās tat jñānaṃ samanupaśyati sma / na bahirdhā dhyānapāramitāyās tat jñānaṃ samanupaśyati sma / na bahirdhā dhyānapāramitāyās tat jñānaṃ samanupaśyati sma / nādhyātmabahirdhā dhyānapāramitāyās tat jñānaṃ samanupaśyati sma / nāpy anyatra dhyānapāramitāyās tat jñānaṃ samanupaśyati sma / sa nādhyātmaṃ prajñāpāramitāyās tat jñānaṃ samanupaśyati sma / na bahirdhā prajñāpāramitāyās tat jñānaṃ samanupaśyati sma / nādhyātmabahirdhā prajñāpāramitāyās tat jñānaṃ samanupaśyati sma / nāpy anyatra prajñāpāramitāyās tat jñānaṃ samanupaśyati sma / adhyātmabahirdhāśūnyatām upādāya /
sa nādhyātmam adhyātmaśūnyatāyās tat jñānaṃ samanupaśyati sma / na bahirdhā adhyātmaśūnyatāyās tat jñānaṃ samanupaśyati sma / nādhyātmabahirdhā adhyātmaśūnyatāyās tat jñānaṃ samanupaśyati sma / nāpy anyatrādhyātmaśūnyatāyās tat jñānaṃ samanupaśyati sma / sa nādhyātmaṃ bahirdhā śūnyatāyās tat jñānaṃ samanupaśyati sma / na bahirdhā bahirdhā śūnyatāyās tat jñānaṃ samanupaśyati sma / nādhyātmabahirdhā bahirdhā śūnyatāyās tat jñānaṃ samanupaśyati sma / nāpy anyatra bahirdhā śūnyatāyās tat jñānaṃ samanupaśyati sma / sa nādhyātmam adhyātmabahirdhā śūnyatāyās tat jñānaṃ samanupaśyati sma / na bahirdhā adhyātmabahirdhā śūnyatāyās tat jñānaṃ samanupaśyati sma / nāpy anyatrādhyātmabahirdhā śūnyatāyās tat jñānaṃ samanupaśyati sma / sa nādhyātmaṃ śūnyatāyās tat jñānaṃ samanupaśyati sma / na bahirdhā śūnyatāśūnyatāyās tat jñānaṃ samanupaśyati sma / nādhyātmabahirdhā śūnyatāśūnyatāyās tat jñānaṃ samanupaśyatim sma / nāpy anyatra śūnyatāśūnyatāyās tat jñānaṃ samanupaśyati sma / sa nādhyātmaṃ mahāśūnyatāyās tat jñānaṃ samanupaśyati sma / na bahirdhā mahāśūnyatāyās tat jñānaṃ samanupaśyati sma / nādhyātmabahirdhā mahāśūnyatāyās tat jñānaṃ samanupaśyati sma / nāpy anyatra mahāśūnyatāyās tat jñānaṃ samanupaśyati sma / sa nādhyātmaṃ paramārthaśūnyatāyās tat jñānaṃ samanupaśyati sma / na bahirdhā paramārthaśūnyatāyās tat jñānaṃ samanupaśyati sma / nādhyātmabahirdhā paramārthaśūnyatāyās tat jñānaṃ samanupaśyati sma / nāpy anyatra paramārthaśūnyatāyās tat jñānaṃ samanupaśyati sma /
sa nādhyātmaṃ saṃskṛtaśūnyatāyās tat jñānaṃ samanupaśyati sma / na bahirdhā saṃskṛtaśūnyatāyās tat jñānaṃ samanupaśyati sma / nādhyātmabahirdhā saṃskṛtaśūnyatāyās tat jñānaṃ samanupaśyati sma / nāpy anyatra saṃskṛtaśūnyatāyās tat jñānaṃ samanupaśyati sma / sa nādhyātmam atyantaśūnyatāyās tat jñānaṃ samanupaśyati sma / na bahirdhā tyantaśūnyatāyās tat jñānaṃ samanupaśyati sma / nādhyātmabahirdhā tyantaśūnyatāyās tat jñānaṃ samanupaśyati sma / nāpy anyatrātyantaśūnyatāyās tat jñānaṃ samanupaśyati sma / sa nādhyātmam anavarāgraśūnyatāyās tat jñānaṃ samanupaśyati sma / na bahirdhā navarāgraśūnyatāyās tat jñānaṃ samanupaśyati sma / nādhyātmabahirdhā navarāgraśūnyatāyās tat jñānaṃ samanupaśyati sma / nāpy anyatrānavarāgraśūnyatāyās tat jñānaṃ samanupaśyati sma / sa nādhyātmam anavakāraśūnyatāyās tat jñānaṃ samanupaśyati sma / na bahirdhā navakāraśūnyatāyās tat jñānaṃ samanupaśyati sma / nādhyātmabahirdhā navakāraśūnyatāyās tat jñānaṃ samanupaśyati sma / nāpy anyatrānavakāraśūnyatāyās tat jñānaṃ samanupaśyati sma / sa nādhyātmaṃ prakṛtiśūnyatāyās tat jñānaṃ samanupaśyati sma / na bahirdhā prakṛtiśūnyatāyās tat jñānaṃ samanupaśyati sma / nādhyātmabahirdhā prakṛtiśūnyatāyās tat jñānaṃ samanupaśyati sma / nāpy anyatra prakṛtiśūnyatāyās tat jñānaṃ samanupaśyati sma / sa nādhyātmaṃ sarvadharmaśūnyatāyās tat jñānaṃ samanupaśyati sma / na bahirdhā sarvadharmaśūnyatāyās tat jñānaṃ samanupaśyati sma / nādhyātmabahirdhā sarvadharmaśūnyatāyās tat jñānaṃ samanupaśyati sma /
nāpy anyatra sarvadharmaśūnyatāyās tat jñānaṃ samanupaśyati sma / sa nādhyātmaṃ svalakṣaṇaśūnyatāyās tat jñānaṃ samanupaśyati sma / na bahirdhā svalakṣaṇaśūnyatāyās tat jñānaṃ samanupaśyati sma / nādhyātmabahirdhā svalakṣaṇaśūnyatāyās tat jñānaṃ samanupaśyati sma / nāpy anyatra svalakṣaṇaśūnyatāyās tat jñānaṃ samanupaśyati sma / sa nādhyātmam anupalambhaśūnyatāyās tat jñānaṃ samanupaśyati sma / na bahirdhā nupalambhaśūnyatāyās tat jñānaṃ samanupaśyati sma / nādhyātmabahirdhā nupalambhaśūnyatāyās tat jñānaṃ samanupaśyati sma / nāpy anyatrānupalambhaśūnyatāyās tat jñānaṃ samanupaśyati sma / sa nādhyātmam abhāvaśūnyatāyās tat jñānaṃ samanupaśyati sma / na bahirdhā bhāvaśūnyatāyās tat jñānaṃ samanupaśyati sma / nādhyātmabahirdhā bhāvaśūnyatāyās tat jñānaṃ samanupaśyati sma / nāpy anyatrābhāvaśūnyatāyās tat jñānaṃ samanupaśyati sma / sa nādhyātmaṃ svabhāvaśūnyatāyās tat jñānaṃ samanupaśyati sma / na bahirdhā svabhāvaśūnyatāyās tat jñānaṃ samanupaśyati sma / nādhyātmabahirdhā svabhāvaśūnyatāyās tat jñānaṃ samanupaśyati sma / nāpy anyatra svabhāvaśūnyatāyās tat jñānaṃ samanupaśyati sma / sa nādhyātmam abhāvasvabhāvaśūnyatāyās tat jñānaṃ samanupaśyati sma / na bahirdhā bhāvasvabhāvaśūnyatāyās tat jñānaṃ samanupaśyati sma / nāpy anyatrābhāvasvabhāvaśūnyatāyās tat jñānaṃ samanupaśyati sma /
sa nādhyātmaṃ smṛtyupasthānānāṃ tat jñānaṃ samanupaśyati sma / na bahirdhā smṛtyupasthānānāṃ tat jñānaṃ samanupaśyati sma / nādhyātmabahirdhā smṛtyupasthānānāṃ tat jñānaṃ samanupaśyati sma / nāpy anyatra smṛtyupasthānānāṃ tat jñānaṃ samanupaśyati sma / sa nādhyātmaṃ samyakprahāṇāṃ tat jñānaṃ samanupaśyati sma / na bahirdhā samyakprahāṇānāṃ tat jñānaṃ samanupaśyati sma / nādhyātmabahirdhā samyakprahāṇānāṃ tat jñānaṃ samanupaśyati sma / nāpy anyatra samyakprahāṇānāṃ tat jñānaṃ samanupaśyati sma / sa nādhyātmam ṛddhipādānāṃ tat jñānaṃ samanupaśyati sma / na bahirdhā ṛddhipādānāṃ tat jñānaṃ samanupaśyati sma / nāpy anyatra bahirdhā ṛddhipādānāṃ tat jñānaṃ samanupaśyati sma / sa nādhyātmam indriyāṇāṃ tat jñānaṃ samanupaśyati sma / na bahirdhā indriyāṇāṃ samanupaśyati sma / nādhyātmabahirdhā indriyāṇāṃ tat jñānaṃ nāpy anyatrendriyāṇāṃ tat jñānaṃ samanupaśyati sma / sa nādhyātmaṃ balānāṃ tat jñānaṃ samanupaśyati sma / na bahirdhā balānāṃ samanupaśyati sma / nādhyātmabahirdhā balānāṃ tat jñānaṃ samanusamanupaśyati sma / nāpy anyatra balānāṃ tat jñānaṃ samanupaśyati sma / sa nādhyātmaṃ bodhyaṅgānāṃ tat jñānaṃ samanupaśyati sma / na bahirdhā bodhyaṅgānāṃ tat jñānaṃ samanupaśyati sma / nādhyātmabahirdhā bodhyaṅgānāṃ tat jñānaṃ samanupaśyati sma / nāpy anyatra bodhyaṅgānāṃ tat jñānaṃ samanupaśyati sma / sa nādhyātmam āryāṣṭāṅgamārgasya tat jñānaṃ samanupaśyati sma / na bahirdhā ryāṣṭāṅgamārgasya tat jñānaṃ samanupaśyati sma /
nādhyātmabahirdhā ryāṣṭāṅgamārgasya tat jñānaṃ samanupaśyati sma / nāpy anyatrāryāṣṭāṅgamārgasya tat jñānaṃ samanupaśyati sma / sa nādhyātmam āryasatyānāṃ tat jñānaṃ samanupaśyati sma / na bahirdhā ryasatyānāṃ tat jñānaṃ samanupaśyati sma / nādhyātmabahirdhā ryasatyānāṃ tat jñānaṃ samanupaśyati sma / nāpy anyatrāryasatyebhyas tat jñānaṃ samanupaśyati sma / sa nādhyātmaṃ dhyānānāṃ tat jñānaṃ samanupaśyati sma / na bahirdhā dhyānānāṃ tat jñānaṃ samanupaśyati sma / nādhyātmabahirdhā dhyānānāṃ tat jñānaṃ samanupaśyati sma / nāpy anyatra dhyānebhyas tat jñānaṃ samanupaśyati sma / sa nādhyātmam aprāmāṇānāṃ tat jñānaṃ samanupaśyati sma / na bahirdhā pramāṇānāṃ tat jñānaṃ samanupaśyati sma / nādhyātmabahirdhā pramāṇānāṃ tat jñānaṃ samanupaśyati sma / nāpy anyatrāpramāṇānāṃ tat jñānaṃ samanupaśyati sma / sa nādhyātmam ārūpyasamāpattīnāṃ tat jñānaṃ samanupaśyati sma / na bahirdhā ārūpyasamāpattīnāṃ tat jñānaṃ samanupaśyati sma / nādhyātmabahirdhā ārūpyasamāpattīnāṃ tat jñānaṃ samanupaśyati sma / nāpy anyatrārūpyasamāpattibhyas tat jñānaṃ samanupaśyati sma / sa nādhyātmaṃ vimokṣāṇāṃ tat jñānaṃ samanupaśyati sma / na bahirdhā vimokṣāṇāṃ tat jñānaṃ samanupaśyati sma / nādhyātmabahirdhā vimokṣāṇāṃ tat jñānaṃ samanupaśyati sma / nāpy anyatra vimokṣebhyas tat jñānaṃ samanupaśyati sma / sa nādhyātmam anupūrvavihārasamāpattīnāṃ tat jñānaṃ samanupaśyati sma / na bahirdhā pūrvavihārasamāpattīnāṃ tat jñānaṃ samanupaśyati sma /
nādhyātmabahirdhā pūrvavihārasamāpattīnāṃ tat jñānaṃ samanupaśyati sma / nāpy anyatrāpūrvavihārasamāpattibhyas tat jñānaṃ samanupaśyati sma / sa nādhyātmaṃ śūnyatānimittāpraṇihitavimokṣamukhānāṃ tat jñānaṃ samanupaśyati sma / na bahirdhā śūnyatānimittāpraṇihitavimokṣamukhānāṃ tat jñānaṃ samanupaśyati sma / nādhyātmabahirdhā śūnyatānimittāpraṇihitavimokṣamukhānāṃ tat jñānaṃ samanupaśyati sma / nāpy anyatra śūnyatānimittāpraṇihitavimokṣamukhānāṃ tat jñānaṃ samanupaśyati sma / sa nādhyātmam abhijñānāṃ tat jñānaṃ samanupaśyati sma / na bahirdhābhijñānāṃ tat jñānaṃ samanupaśyati sma / nādhyātmabahirdhābhijñānāṃ tat jñānaṃ samanupaśyati sma / nāpy anyatrābhijñābhyas tat jñānaṃ samanupaśyati sma / sa nādhyātmaṃ samādhīnāṃ tat jñānaṃ samanupaśyati sma / nādhyātmabahirdhā samādhīnāṃ tat jñānaṃ samanupaśyati sma / nāpy anyatra samādhibhyas tat jñānaṃ samanupaśyati sma / sa nādhyātmaṃ dhāraṇīmukhānāṃ tat jñānaṃ samanupaśyati sma / na bahirdhā dhāraṇīmukhānāṃ tat jñānaṃ samanupaśyati sma / nādhyātmabahirdhā dhāraṇīmukhānāṃ tat jñānaṃ samanupaśyati sma / nāpy anyatra dhāraṇīmukhebhyas tat jñānaṃ samanupaśyati sma / sa nādhyātmaṃ daśānāṃ tathāgatabalānāṃ tat jñānaṃ samanupaśyati sma / na bahirdhā daśānāṃ tathāgatabalānāṃ tat jñānaṃ samanupaśyati sma / nādhyātmabahirdhā daśānāṃ tathāgatabalānāṃ tat jñānaṃ samanupaśyati sma / nāpy anyatra daśatathāgatabalebhyas tat jñānaṃ samanupaśyati sma / sa nādhyātmaṃ vaiśāradyānāṃ tat jñānaṃ samanupaśyati sma /
na bahirdhā vaiśāradyānāṃ tat jñānaṃ samanupaśyati sma / nādhyātmabahirdhā vaiśāradyānāṃ tat jñānaṃ samanupaśyati sma / nāpy anyatra vaiśāradyebhyas tat jñānaṃ samanupaśyati sma / sa nādhyātmaṃ pratisaṃvidāṃ tat jñānaṃ samanupaśyati sma / na bahirdhā pratisaṃvidāṃ tat jñānaṃ samanupaśyati sma / nādhyātmabahirdhā pratisaṃvidāṃ tat jñānaṃ samanupaśyati sma / nāpy anyatra pratisaṃvidāṃ tat jñānaṃ samanupaśyati sma / sa nādhyātmaṃ mahākaruṇāyās tat jñānaṃ samanupaśyati sma / na bahirdhā mahākaruṇāyās tat jñānaṃ samanupaśyati sma / nādhyātmabahirdhā mahākaruṇāyās tat jñānaṃ samanupaśyati sma / nāpy anyatra mahākaruṇāyās tat jñānaṃ samanupaśyati sma / sa nādhyātmam āveṇikabuddhadharmāṇāṃ tat jñānaṃ samanupaśyati sma / na bahirdhā āveṇikabuddhadharmāṇāṃ tat jñānaṃ samanupaśyati sma / nādhyātmabahirdhā āveṇikabuddhadharmāṇāṃ tat jñānaṃ samanupaśyati sma / nāpy anyatrāveṇikabuddhadharmāṇāṃ tat jñānaṃ samanupaśyati sma / adhyātmabahirdhāśūnyatām upādāya /
sa nādhyātmaṃ śrotaāpattiphalasya tat jñānaṃ samanupaśyati sma / na bahirdhā śrotaāpattiphalasya tat jñānaṃ samanupaśyati sma / nādhyātmabahirdhā śrotaāpattiphalasya tat jñānaṃ samanupaśyati sma / nāpy anyatra śrotaāpattiphalasya tat jñānaṃ samanupaśyati sma / sa nādhyātmaṃ sakṛdāgāmiphalasya tat jñānaṃ samanupaśyati sma / na bahirdhā sakṛdāgāmiphalasya tat jñānaṃ samanupaśyati sma / nādhyātmabahirdhā sakṛdāgāmiphalasya tat jñānaṃ samanupaśyati sma / nāpy anyatra sakṛdāgāmiphalasya tat jñānaṃ samanupaśyati sma / sa nādhyātmam anāgāmiphalasya tat jñānaṃ samanupaśyati sma / na bahirdhā nāgāmiphalasya tat jñānaṃ samanupaśyati sma / nādhyātmabahirdhā nāgāmiphalasya tat jñānaṃ samampaśyati sma / nāpy anyatrānāgāmiphalasya tat jñānaṃ samanupaśyati sma / sa nādhyātmam arhatvasya tat jñānaṃ samanupaśyati sma / na bahirdhārhatvasya tat jñānaṃ samanupaśyati sma / nādhyātmabahirdhārhatvasya tat jñānaṃ samanupaśyati sma / nāpy anyatrārhatvasya tat jñānaṃ samanupaśyati sma / sa nādhyātmaṃ pratyekabodhes tat jñānaṃ samanupaśyati sma / na bahirdhā pratyekabodhes tat jñānaṃ samanupaśyati sma / nādhyātmabahirdhā pratyekabodhes tat jñānaṃ samanupaśyati sma / nāpy anyatra pratyekabodhes tat jñānaṃ samanupaśyati sma / sa nādhyātmaṃ mārgākārajñatāyās tat jñānaṃ samanupaśyati sma / na bahirdhā mārgākārajñatāyās tat jñānaṃ samanupaśyati sma / nādhyātmabahirdhā mārgākārajñatāyās tat jñānaṃ samanupaśyati sma / nāpy anyatra mārgākārajñatāyās tat jñānaṃ samanupaśyati sma / sa nādhyātmaṃ sarvākārajñatāyās tat jñānaṃ samanupaśyati sma / na bahirdhā sarvākārajñatāyās tat jñānaṃ samanupaśyati sma / nādhyātmabahirdhā sarvākārajñatāyās tat jñānaṃ samanupaśyati sma / nāpy anyatra sarvākārajñatāyās tat jñānaṃ samanupaśyati sma / adhyātmabahirdhāśūnyatām upādāya /
sa nādhyātmaṃ tathatāyās tat jñānaṃ samanupaśyati sma / na bahirdhā tathatāyās tat jñānaṃ samanupaśyati sma / nādhyātmabahirdhā tathatāyās tat jñānaṃ samanupaśyati sma / nāpy anyatra tathatāyās tat jñānaṃ samanupaśyati sma / sa nādhyātmam avitathatāyās tat jñānaṃ samanupaśyati sma / na bahirdhā vitathatāyās tat jñānaṃ samanupaśyati sma / nādhyātmabahirdhā vitathatāyās tat jñānaṃ samanupaśyati sma / nāpy anyatrāvitathatāyās tat jñānaṃ samanupaśyati sma / sa nādhyātmam ananyatathatāyās tat jñānaṃ samanupaśyati sma / na bahirdhā nanyatathatāyās tat jñānaṃ samanupaśyati sma / nādhyātmabahirdhā nanyatathatāyās tat jñānaṃ samanupaśyati sma / nāpy anyatrānanyatathatāyās tat jñānaṃ samanupaśyati sma / sa nādhyātmaṃ dharmatāyās tat jñānaṃ samanupaśyati sma / na bahirdhā dharmatāyās tat jñānaṃ samanupaśyati sma / nādhyātmabahirdhā dharmatāyās tat jñānaṃ samanupaśphati sma / nāpy anyatra dharmatāyās tat jñānaṃ samanupaśyati sma / sa nādhyātmaṃ dharmadhātos tat jñānaṃ samanupaśyati sma / na bahirdhā dharmadhātos tat jñānaṃ samanupaśyati sma / nādhyātmadharmadhātos tat jñānaṃ samanupaśyati sma / nāpy anyatra dharmadhātos tat jñānaṃ samanupaśyati sma / sa nādhyātmaṃ dharmasthititāyās tat jñānaṃ samanupaśyati sma / na bahirdhā dharmasthititāyās tat jñānaṃ samanupaśyati sma / nādhyātmabahirdhā dharmasthititāyās tat jñānaṃ samanupaśyati sma / nāpy anyatra dharmasthititāyās tat jñānaṃ samanupaśyati sma / sa nādhyātmaṃ dharmaniyāmatāyās tat jñānaṃ samanupaśyati sma / na bahirdhā dharmāniyāmatāyās tat jñānaṃ samanupaśyati sma / nādhyātmabahirdhā dharmaniyāmatāyās tat jñānaṃ samanupaśyati sma / sa nādhyātmaṃ bhūtakoṭes tat jñānaṃ samanupaśyati sma / na bahirdhā bhūtakoṭes tat jñānaṃ samanupaśyati sma / nādhyātmabahirdhā bhūtakoṭes tat jñānaṃ samanupaśyati sma / nāpy anyatra bhūtkoṭes tat jñānaṃ samanupaśyati sma / adhyātmabahirdhāśūnyatām upādāya /
atra paryāyeṇa śreṇikaḥ parivrājako 'dhimuktyeḥ so 'trādhimucya śraddhānusārī sarvākārajñatājñānenāvatīrṇo dharmatāṃ pramāṇīkṛtya sarvadharmānupalabdhitām upādāya / sa evam adhimuktas tena na kaścid dharmaḥ parigṛhītaḥ / animittamanasikāratām upādāya / nāpy anena kaścid dharma upalabdho 'yaṃ parigṛhṇīyād adhimucyed vā sarvadharmāgrahānutsargatām upādāya / sa nirvāṇa nāpi na manyate sma sarvadharmam avanatām upādāya / iyam api bhagavan bodhisattvasya mahāsattvasya prajñāpāramitā / apārapāragamanatām upādāya / yad rūpaṃ na parigṛhṇāti / vedanāṃ na parigṛhṇāti / saṃjñāṃ na parigṛhṇāti / saṃskārā na parigṛhṇāti / vijñānaṃ na parigṛhṇāti / sarvadharmāparigṛhītatām upādāya / cakṣur na parigṛhṇāti / śrotraṃ na parigṛhṇāti / ghrāṇaṃ na parigṛhṇāti / jihvāṃ na parigṛhṇāti / kāyaṃ na parigṛhṇāti / mano na parigṛhṇāti / sarvadharmā na parigṛhītatām upādāya / rūpaṃ na parigṛhṇāti / śabdaṃ na parigṛhṇāti / gandhaṃ na parigṛhṇāti / rasaṃ na parigṛhṇāti / sparśaṃ na parigṛhṇāti / sarvadharmān na parigṛhṇāti / dharmān na parigṛhṇāti / sarvadharmā na parigṛhītām upādāya / cakṣurvijñānaṃ na parigṛhṇāti / śrotravijñānaṃ na parigṛhṇāti / ghrāṇavijñānaṃ na parigṛhṇāti / jihvāvijñānaṃ na parigṛhṇāti / kāyavijñānaṃ na parigṛhṇāti / manovijñānaṃ na parigṛhṇāti / sarvadharmā na parigṛhītatām upādāya / cakṣuḥsaṃsparśaṃ na parigṛhṇāti / śrotrasaṃsparśaṃ na parigṛhṇāti / ghrāṇasaṃsparśaṃ na parigṛhṇāti / jihvāsaṃsparśaṃ na parigṛhṇāti / kāyasaṃsparśaṃ na parigṛhṇāti / manaḥsaṃsparśaṃ na parigṛhṇāti / sarvadharmā na parigṛhītatām upādāya / cakṣuḥsaṃsparśapratyayavedanāṃ na parigṛhṇāti / śrotrasaṃsparśapratyayavedanāṃ na parigṛhṇāti / ghrāṇasaṃsparśapratyayavedanāṃ na parigṛhṇāti / jihvāsaṃsparśapratyayavedanāṃ na parigṛhṇāti / kāyasaṃsparśapratyayavedanāṃ na parigṛhṇāti / manaḥsaṃsparśapratyayavedanāṃ na parigṛhṇāti / sarvadharmāparigṛhītatām upādāya /
pṛthivīdhātuṃ na parigṛhṇāti / abdhātuṃ na parigṛhṇāti / tejodhātuṃ na parigṛhṇāti / vāyudhātuṃ na parigṛhṇāti / ākāśadhātuṃ na parigṛhṇāti / vijñānadhātuṃ na parigṛhṇāti / sarvadharmāparigṛhītatām upādāya / avidyāṃ na parigṛhṇāti / saṃskārā na parigṛhṇāti / vijñānaṃ na parigṛhṇāti / nāmarūpaṃ na parigṛhṇāti / ṣaḍāyatanaṃ na parigṛhṇāti / sparśaṃ na parigṛhṇāti / vedanāṃ na parigṛhṇāti / tṛṣṇāṃ na parigṛhṇāti / upādānaṃ na parigṛhṇāti / bhavaṃ na parigṛhṇāti / jātiṃ na parigṛhṇāti / jarāmaraṇaṃ na parigṛhṇāti / sarvadharmāparigṛhītatām upādāya / dānapāramitāṃ na parigṛhṇāti / śīlapāramitāṃ na parigṛhṇāti / kṣāntipāramitāṃ na parigṛhṇāti / vīryapāramitāṃ na parigṛhṇāti / dhyānapāramitāṃ na parigṛhṇāti / prajñāpāramitāṃ na parigṛhṇāti / sarvadharmāparigṛhītatām upādāya / adhyātmaśūnyatāṃ na parigṛhṇāti / bahirdhāśūnyatāṃ na parigṛhṇāti / adhyātmabahirdhāśūnyatāṃ na parigṛhṇāti / śūnyatāśūnyatāṃ na parigṛhṇāti / mahāśūnyatāṃ na parigṛhṇāti / paramārthaśūnyatāṃ na parigṛhṇāti / saṃskṛtaśūnyatāṃ na parigṛhṇāti / asaṃskṛtaśūnyatāṃ na parigṛhṇāti / atyantaśūnyatāṃ na parigṛhṇāti / anavarāgraśūnyatāṃ na parigṛhṇāti / anavakāraśūnyatāṃ na parigṛhṇāti / prakṛtiśūnyatāṃ na parigṛhṇāti / sarvadharmaśūnyatāṃ na parigṛhṇāti / svalakṣaṇaśūnyatāṃ na parigṛhṇāti / anupalambhaśūnyatāṃ na parigṛhṇāti / abhāvaśūnyatāṃ na parigṛhṇāti / svabhāvaśūnyatāṃ na parigṛhṇāti / abhāvasvabhāvaśūnyatāṃ na parigṛhṇāti / sarvadharmāparigṛhītatām upādāya /
smṛtyupasthānāni na parigṛhṇāti / sarvadharmāparigṛhītatām upādāya / samyakprahāṇāni na parigṛhṇāti / sarvadharmāparigṛhītatām upādāya / ṛddhipādān na parigṛhāti / sarvadharmāparigṛhītatām upādāya / indriyāṇi na parigṛhṇāti / sarvadharmāparigṛhītatām upādāya / balāni na parigṛhṇāti / sarvadharmāparigṛhītatām upādāya / bodhyaṅgāni na parigṛhāti / sarvadharmāparigṛhītatām upādāya / āryāṣṭāṅgamārgaṃ na parigṛhṇāti / sarvadharmāparigṛhītatām upādāya / āryasatyāni na parigṛhītāni / sarvadharmāparigṛhītatām upādāya / dhyānāni na parigṛhṇāti / sarvadharmāparigṛhītatām upādāya / apramāṇāni na parigṛhṇāti / sarvadharmāparigṛhītatām upādāya / ārūpyasamāpattīr na parigṛhāti / sarvadharmāparigṛhītatām upādāya / aṣṭāvimokṣān na parigṛhṇāti / sarvadharmāparigṛhītatām upādāya / navānupūrvavihārasamāpattīr na parigṛhṇāti / sarvadharmāparigṛhītatām upādāya / śūnyatānimittāpraṇihitavimokṣamukhāni na parigṛhītāni / sarvadharmāparigṛhītatām upādāya / abhijñā na parigṛhṇāti / sarvadharmāparigṛhītatām upādāya / samādhīn na parigṛhṇāti / sarvadharmāparigṛhītatām upādāya / dhāraṇīmukhāni na parigṛhṇāti / sarvadharmāparigṛhītatām upādāya / daśa tathāgatabalāni na parigṛhṇāti / sarvadharmāparigṛhītatām upādāya / catvāri vaiśāradyāni na parigṛhṇāti / sarvadharmāparigṛhītatām upādāya / tisraḥ pratisaṃvido na parigṛhṇāti / sarvadharmāparigṛhītatām upādāya / mahākaruṇāṃ na parigṛhṇāti / sarvadharmāparigṛhītatām upādāya / āveṇikabuddhadharmā na parigṛhṇāti / sarvadharmāparigṛhītatām upādāya /
śrotaāpattiphalaṃ na parigṛhṇāti / sarvadharmāparigṛhītatām upādāya / sakṛdāgāmiphalaṃ na parigṛhṇāti / sarvadharmāparigṛhītatām upādāya / anāgāmiphalaṃ na parigṛhṇāti / sarvadharmāparigṛhītatām upādāya / arhatvaṃ na parigṛhṇāti / sarvadharmāparigṛhītatām upādāya / pratyekabodhiṃ na parigṛhṇāti / sarvadharmāparigṛhītatām upādāya / mārgākārajñatāṃ na parigṛhṇāti / sarvādharmāparigṛhītatām upādāya / sarvākārajñatāṃ na parigṛhṇāti / sarvadharmāparigṛhītatām upādāya / tathatāṃ na parigṛhṇāti / sarvadharmāparigṛhītatām upādāya / avitathatā na parigṛhṇāti / sarvadharmāparigṛhītatām upādāya / ananyatathatāṃ na parigṛhṇāti / sarvadharmāparigṛhītatām upādāya / dharmatāṃ na parigṛhṇāti / sarvadharmāparigṛhītatām upādāya / dharmadhātuṃ na parigṛhṇāti / sarvadharmāparigṛhītatām upādāya / dharmasthititāṃ na parigṛhṇāti / sarvadharmāparigṛhītatām upādāya / dharmaniyāmatāṃ na parigṛhṇāti / sarvadharmāparigṛhītatām upādāya / bhūtakoṭiṃ na parigṛhṇāti / sarvadharmāparigṛhītatām upādāya /
parāntarā parinirvāty aparipūrṇaiḥ praṇidhānair aparipūrṇaiś caturbhiḥ smṛtyupasthānair aparipūrṇaiś caturbhiḥ samyakprahāṇair aparipūṇaiś caturbhiḥ ṛddhipādair aparipūrṇaiḥ pañcabhir indriyair aparipūrṇaiḥ pañcabhir balair aparipūrṇaiḥ saptabhir bodhyaṅgair aparipūrṇair nāryāṣṭāṅgamārgeṇa / aparipūrṇaiś caturbhir āryasatyair aparipūrṇaiś caturbhir dhyānair aparipūrṇaiś caturbhiḥ pramāṇair aparipūrṇābhiś catasṛbhir ārūpyasamāpattir aparipūrṇair aṣṭābhir vimokṣair aparipūrṇābhir navabhir anupūrvavihārasamāpattibhir aparipūrṇaiḥ śūnyatānimittāpraṇihitavimokṣamukhair aparipūrṇābhir abhijñābhir aparipūrṇaiḥ samādhibhir aparipūṇair dhāraṇīmukhair aparipūrṇair daśabhis tathāgatabalair aparipūṇaiś caturbhir vaiśāradyair aparipūrṇābhiś catasṛbhiḥ pratisaṃvidbhir aparipūrṇayā mahākaruṇayā / aparipūrṇair aṣṭādaśabhir āveṇikabuddhadharmaiḥ /
tat kasya hetos tathā hi tāni praṇidhānāny apraṇidhānāni / tat smṛtyupasthānāny asmṛtyupasthānāni / samyakprahāṇāny asamyakprahāṇāni / ṛddhipādā anṛddhipādāḥ / indriyāṇy anindriyāṇi / balāny abalāni / bodhyaṅgāny abodhyaṅgāni / āryāṣṭāṅgamārgo 'nāryaṣṭāṅgamārgaḥ / āryasatyāny anāryasatyāni / dhyānāny adhyānāni / apramāṇāny anapramāṇāni / ārūpyasamāpattayo 'nārūpyasamāpattayaḥ / aṣṭau vimokṣā avimokṣā / navānupūrvavihārasamāpattayo 'navānupūrvavihārasamāpattayaḥ / śūnyatānimittāpraṇihitavimokṣamukhāny aśūnyatānimittāpraṇihitavimokṣamukhāni / abhijñāḥ anabhijñāḥ / samādhayo 'samādhayaḥ / dhāraṇīmukhāny adhāraṇīmukhāni / tathāgatabalāny atathāgatabalāni / vaiśāradyāny avaiśāradyāni / pratisaṃvido 'pratisaṃvidaḥ / mahākaruṇā amahākaruṇā / āveṇikabuddhadharmāḥ anāveṇikabuddhadharmāḥ / iyaṃ bhagavan bodhisattvasya mahāsattvasya prajñāpāramitā / yad rūpaṃ na parigṛhṇāti / vedanāṃ na parigṛhṇāti / saṃjñāṃ na parigṛhṇāti / saṃskārā na parigṛhṇāti / vijñānaṃ na parigṛhṇāti / sarvadharmāparigṛhītatām upādāya / cakṣur na parigṛhṇāti / śrotraṃ na parigṛhṇāti / ghrāṇaṃ na parigṛhṇāti / jihvāṃ na parigṛhāti / kāyaṃ na parigṛhṇāti / mano na parigṛhṇāti / sarvadharmāparigṛhītatām upādāya / rūpaṃ na parigṛhṇāti / śabdaṃ na parigṛhāti / gandhaṃ na parigṛhṇāti / rasaṃ na parigṛhṇāti / sparśaṃ na parigṛhṇāti / dharmā na parigṛhṇāti / sarvadharmāparigṛhītatām upādāya / cakṣurvijñānaṃ na parigṛhṇāti / śrotravijñānaṃ na parigṛhṇāti / ghrāṇavijñānaṃ na parigṛhṇāti / jihvāvijñānaṃ na parigṛhāti /
kāyavijñānaṃ na parigṛhṇāti / manovijñānaṃ na parigṛhṇāti / sarvadharmāparigṛhītitām upādāya / cakṣuḥsaṃsparśaṃ na parigṛhṇāti / śrotrasaṃsparśaṃ na parigṛhṇāti / ghrāṇasaṃsparśaṃ na parigṛhṇāti / jihvāsaṃsparśaṃ na parigṛhṇāti / kāyasaṃsparśaṃ na parigṛhṇāti / manaḥsaṃsparśaṃ na parigṛhṇāti / sarvadharmāparigṛhītatām upādāya / cakṣuḥsaṃsparśaṃ pratyayavedanāṃ na parigṛhṇāti / śrotrasaṃsparśaṃ pratyayavedanāṃ na parigṛhṇāti / ghrāṇasaṃsparśaṃ pratyayavedanāṃ na parigṛhṇāti / jihvāsaṃsparśapratyayavedanāṃ na parigṛhṇāti / kāyasaṃsparśapratyayavedanāṃ na parigṛhṇāti / manaḥsaṃsparśapratyayavedanāṃ na parigṛhāti / sarvadharmāparigṛhītatām upādāya / pṛthivīdhātuṃ na parigṛhṇāti / abdhātuṃ na parigṛhṇāti / tejodhātuṃ na parigṛhṇāti / vāyudhātuṃ na parigṛhṇāti / ākāśadhātuṃ na parigṛhṇāti / vijñānadhātuṃ na parigṛhṇāti / sarvadharmāparigṛhītatām upādāya / avidyāṃ na parigṛhṇāti / saṃskārā na parigṛhṇāti / vijñānaṃ na parigṛhṇāti / nāmarūpaṃ na parigṛhṇāti / ṣaḍāyatanaṃ na parigṛhṇāti / sparśaṃ na parigṛhṇāti / tṛṣṇāṃ na parigṛhṇāti / upādānaṃ na parigṛhṇāti / bhavaṃ na parigṛhṇāti / jātiṃ na parigṛhṇāti / jarāmaraṇaṃ na parigṛhṇāti / sarvadharmā na parigṛhītatām upādāya /
dānapāramitāṃ na parigṛhṇāti / śīlapāramitāṃ na parigṛhṇāti / vīryapāramitāṃ na parigṛhṇāti / dhyānapāramitāṃ na parigṛhāti / prajñāpāramitāṃ na parigṛhṇāti / sarvadharmāparigṛhītatām upādāya /
adhyātmaśūnyatāṃ na parigṛhṇāti / bahirdhāśūnyatāṃ na parigṛhṇāti / adhyātmabahirdhāśūnyatāṃ na parigṛhṇāti / śūnyatāśūnyatāṃ na parigṛhṇāti / mahāśūnyatāṃ na parigṛhṇāti / paramārthaśūnyatāṃ na parigṛhṇāti / saṃskṛtaśūnyatāṃ na parigṛhāti / asaṃskṛtaśūnyatāṃ na parigṛhṇāti / atyantaśūnyatāṃ na parigṛhṇāti / anavarāgraśūnyatāṃ na parigṛhṇāti / anavakāraśūnyatāṃ na parigṛhāti / prakṛtiśūnyatāṃ na parigṛhṇāti / sarvadharmaśūnyatāṃ na parigṛhṇāti / svalakṣaṇaśūnyatāṃ na parigṛhṇāti / anupalambhaśūnyatāṃ na parigṛhṇāti / abhāvaśūnyatāṃ na parigṛhṇāti / svabhāvaśūnyatāṃ na parigṛhṇāti / abhāvasvabhāvaśūnyatāṃ sa parigṛhṇāti / sarvadharmāparigṛhītatām upādādya / smṛtyupasthānāni na parigṛhṇāti / samyakprahāṇāni na parigṛhṇāti / ṛddhipādān na parigṛhṇāti / indriyāṇi na parigṛhṇāti / balāni na parigṛhṇāti / bodhyaṅgāni na parigṛhṇāti / āryāṣṭāṅgamārgaṃ na parigṛhṇāti / dhyānāni na parigṛhṇāti / apramāṇāni na parigṛhṇāti / ārūpyasamāpattir na parigṛhṇāti / aṣṭau vimokṣān na parigṛhṇāti / navānupūrvavihārasamāpattir na parigṛhṇāti / śūnyatānimittāpraṇihitavimokṣamukhāni na parigṛhṇāti / abhijñā na parigṛhṇāti / samādhīn na parigṛhṇāti / dhāraṇīmukhāni na parigṛhṇāti / sarvadharmāparigṛhītatām upādāya /
daśa tathāgatabalāni na parigṛhṇāti / catvāri vaiśāradyāni na parigṛhṇāti / catasraḥ pratisaṃvido na parigṛhṇāti / mahākaruṇāṃ na parigṛhṇāti / aṣṭādaśāveṇikān buddhadharmān na parigṛhṇāti / sarvadharmāparigṛhītitām upādāya / śrotaāpattiphalaṃ na parigṛhṇāti / sakṛdāgāmiphalaṃ na parigṛhṇāti / anāgāmiphalaṃ na parigṛhṇāti / arhattvaṃ na parigṛhṇāti / pratyekabodhiṃ na parigṛhṇāti / mārgākārajñatāṃ na parigṛhṇāti / sarvākārajñatāṃ na parigṛhṇāti / sarvadharmāparigṛhītatām upādāya / tathatāṃ na parigṛhṇāti / avitathatāṃ na parigṛhṇāti / ananyatathatāṃ na parigṛhṇāti / dharmatāṃ na parigṛhṇāti / dharmasthititāṃ ca parigṛhṇāti / dharmaniyāmatāṃ na parigṛhṇāti / bhūtakoṭiṃ na parigṛhṇāti / sarvādharmāparigṛhītatām upādāya /
punar aparaṃ bhagavan bodhisattvena mahāsattvena prajñāpāramitāyāṃ carataivaṃ vyupaparīkṣitavyaṃ / katamaiṣā prajñāpāramitā / kasyaiṣā prajñāpāramitā / kim etā prajñāpāramitā / kenaiṣā prajñāpāramitā iti / sacet punar bodhisattvo mahāsattvaḥ prajñāpāramitāyāṃ carann evam upanidhyāti / tat kiṃ yo dharmo na saṃvidyate nopalabhyate sā prajñāpāramiteti sa carati prajñāpāramitāyāṃ /
atha khalv āyuṣman śāradvatīputra āyuṣmantaṃ subhūtim etad avocat / katamai āyuṣman subhūte dharmān saṃvidyate nopalabhyate / subhūtir āha / prajñāpāramitāyuṣman śāradvatīputra na saṃvidyate nopalabhyate / dhyānapāramitā na saṃvidyate nopalabhyate / vīryapāramitā na saṃvidyate nopalabhyate / kṣāntipāramitā na saṃvidyate nopalabhyate / śīlapāramitā na saṃvidyate nopalabhyate / dānapāramitā na saṃvidyate nopalabhyate / adhyātmaśūnyatām upādāya / bahirdhāśūnyatām upādāya / adhyātmabahirdhāśūnyatām upādāya / śūnyatāśūnyatām upādāya / mahāśūnyatām upādāya / paramārthaśūnyatām upādāya / saṃskṛtaśūnyatām upādāya / asaṃskṛtaśūnyatām upādāya / atyantaśūnyatām upādāya / anavarāgraśūnyatām upādāya / anavakāraśūnyatām upādāya / prakṛtiśūnyatām upādāya / sarvadharmaśūnyatām upādāya / svalakṣaṇaśūnyatām upādāya / anupalambhaśūnyatām upādāya / abhāvaśūnyatām upādāya / svabhāvaśūnyatām upādāya / abhāvasvabhāvaśūnyatām upādāya / rūpam āyuṣmañ śāradvatīputra na saṃvidyate nopalabhyate / saṃjñā na saṃvidyate nopalabhyate / saṃskārā na saṃvidyante nopalabhyante / vijñānaṃ na saṃvidyate nopalabhyate / adhyātmaśūnyatām upādāya / śūnyatāśūnyatām upādāya / paramārthaśūnyatām upādāya / saṃskṛtaśūnyatām upādāya / asaṃskṛtaśūnyatām upādāya / atyantaśūnyatām upādāya / anavarāgraśūnyatām upādāya / anavakāraśūnyatām upādāya / prakṛtiśūnyatām upādāya / anupalambhaśūnyatām upādāya / abhāvaśūnyatām upādāya / svabhāvaśūnyatām upādāya / abhāvasvabhāvaśūnyatām upādāya /
cakṣur āyuṣmañ chāradvatīputra na saṃvidyate nopalabhyate / śrotraṃ na saṃvidyate nopalabhyate / ghrāṇaṃ na saṃvidyate nopalabhyate / jihvāṃ na saṃvidyate nopalabhyate / kāyo na saṃvidyate nopalabhyate / mano na saṃvidyate nopalabhyate / adhyātmaśūnyatām upādāya / bahirdhāśūnyatām upādāya / adhyātmabahirdhāśūnyatām upādāya / śūnyatāśūnyatām upādāya / mahāśūnyatām upādāya / paramārthaśūnyatām upādāya / saṃskṛtaśūnyatām upādāya / asaṃskṛtaśūnyatām upādāya / atyantaśūnyatām upādāya / anavarāgraśūnyatām upādāya / anavakāraśūnyatām upādāya / prakṛtiśūnyatām upādāya / sarvadharmaśūnyatām upādāya / svalakṣaṇaśūnyatām upādāya / anupalambhaśūnyatām upādāya / abhāvaśūnyatām upādāya / svabhāvaśūnyatām upādāya / abhāvasvabhāvaśūnyatām upādāya /
rūpam āyuṣmañ chāradvatīputra na saṃvidyate nopalabhyate / śabdo na saṃvidyate nopalabhyate / gandho na saṃvidyate nopalabhyate / raso na saṃvidyate nopalabhyate / sparśo na saṃvidyate nopalabhyate / dharmā na saṃvidyate nopalabhyate / adhyātmaśūnyatām upādāya / bahirdhāśūnyatām upādāya / adhyātmabahirdhāśūnyatām upādāya / śūnyatāśūnyatām upādāya / mahāśūnyatām upādāya / paramārthaśūnyatām upādāya / saṃskṛtaśūnyatām upādāya / asaṃskṛtaśūnyatām upādāya / atyantaśūnyatām upādāya / anavarāgraśūnyatām upādāya / anavakāraśūnyatām upādāya / prakṛtiśūnyatām upādāya / sarvadharmaśūnyatām upādāya / svalakṣaṇaśūnyatām upādāya / anupalambhaśūnyatām upādāya / abhāvaśūnyatām upādāya / svabhāvaśūnyatām upādāya / abhāvasvabhāvaśūnyatām upādāya /
cakṣurvijñānam āyuṣmañ chāradvatīputra na saṃvidyate nopalabhyate / śrotravijñānaṃ na saṃvidyate nopalabhyate / ghrāṇavijñānaṃ na saṃvidyate nopalabhyate / jihvāvijñānaṃ na saṃvidyate nopalabhyate / kāyavijñānaṃ na saṃvidyate nopalabhyate / manovijñānaṃ na saṃvidyate nopalabhyate / adhyātmaśūnyatām upādāya / bahirdhāśūnyātām upādāya / adhyātmabahirdhāśūnyatām upādāya / śūnyatāśūnyatām upādāya / mahāśūnyatām upādāya / paramārthaśūnyatām upādāya / saṃskṛtaśūnyatām upādāya / asaṃskṛtaśūnyatām upādāya / atyantaśūnyatām upādāya / anavarāgraśūnyatām upādāya / anavakāraśūnyatām upādāya / prakṛtiśūnyatām upādāya / sarvadharmaśūnyatām upādāya / svalakṣaṇaśūnyatām upādāya / anupalambhaśūnyatām upādāya / abhāvaśūnyatām upādāya / svabhāvaśūnyatām upādāya / abhāvasvabhāvaśūnyatām upādāya /
cakṣuḥsaṃsparśa āyuṣmañ chāradvatīputra na saṃvidyate nopalabhyate / śrotrasaṃsparśo na saṃvidyate nopalabhyate / ghrāṇasaṃsparśo na saṃvidyate nopalabhyate / jihvāsaṃsparśo na saṃvidyate nopalabhyate / kāyasaṃsparśo na saṃvidyate nopalabhyate / manaḥsaṃsparśo na saṃvidyate nopalabhyate / adhyātmaśūnyatām upādāya / bahirdhāśūnyatām upādāya / adhyātmabahirdhāśūnyatām upādāya / śūnyatāśūnyatām upādāya / mahāśūnyatām upādāya / paramārthaśūnyatām upādāya / saṃskṛtaśūnyatām upādāya / asaṃskṛtaśūnyatām upādāya / atyantaśūnyatām upādāya / anavarāgraśūnyatām upādāya / anavakāraśūnyatām upādāya / prakṛtiśūnyatām upādāya / sarvadharmaśūnyatām upādāya / svalakṣaṇaśūnyatām upādāya / anupalambhaśūnyatām upādāya / abhāvaśūnyatām upādāya / svabhāvaśūnyatām upādāya / abhāvasvabhāvaśūnyatām upādāya /
cakṣuḥsaṃsparśapratyayavedanāyuṣmañ chāradvatīputra na saṃvidyate nopalabhyate / śrotrasaṃsparśapratyayavedanā na saṃvidyate nopalabhyate / ghrāṇasaṃsparśapratyayavedanā na saṃvidyate nopalabhyate / jihvāsaṃsparśapratyayavedanā na saṃvidyate nopalabhyate / kāyasaṃsparśapratyayavedanā na saṃvidyate nopalabhyate / manaḥsaṃsparśapratyayavedanā na saṃvidyate nopalabhyate / adhyātmaśūnyatām upādāya / bahirdhāśūnyatām upādāya / adhyātmabahirdhāśūnyatām upādāya / śūnyatāśūnyatām upādāya / mahāśūnyatām upādāya / paramārthaśūnyatām upādāya / saṃskṛtaśūnyatām upādāya / asaṃskṛtaśūnyatām upādāya / atyantaśūnyatām upādāya / anavarāgraśūnyatām upādāya / anavakāraśūnyatām upādāya / prakṛtiśūnyatām upādāya / sarvadharmaśūnyatām upādāya / svalakṣaṇaśūnyatām upādāya / anupalambhaśūnyatām upādāya / abhāvaśūnyatām upādāya / svabhāvaśūnyatām upādāya / abhāvasvabhāvaśūnyatām upādāya /
pṛthivīdhātur āyuṣmañ chāradvatīputra na saṃvidyate nopalabhyate / abdhātur na saṃvidyate nopalabhyate / tejodhātur na saṃvidyate nopalabhyate / vāyudhātur na saṃvidyate nopalabhyate / ākāśadhātur na saṃvidyate nopalabhyate / vijñānadhatur na saṃvidyate nopalabhyate / adhyātmaśūnyatām upādāya / bahirdhāśūnyatām upādāya / adhyātmabahirdhāśūnyatām upādāya / śūnyatāśūnyatām upādāya / mahāśūnyatām upādāya / paramārthaśūnyatām upādāya / saṃskṛtaśūnyatām upādāya / asaṃskṛtaśūnyatām upādāya / atyantaśūnyatām upādāya / anavarāgraśūnyatām upādāya / anavakāraśūnyatām upādāya / prakṛtiśūnyatām upādāya / sarvadharmaśūnyatām upādāya / svalakṣaṇaśūnyatām upādāya / anupalambhaśūnyatām upādāya / abhāvaśūnyatām upādāya / svabhāvaśūnyatām upādāya / abhāvasvabhāvaśūnyatām upādāya /
avidyāyuṣmañ chāradvatīputra na saṃvidyate nopalabhyate / saṃskārā na saṃvidyate nopalabhyate / vijñānaṃ na saṃvidyate nopalabhyate / ṣaḍāyatanaṃ na saṃvidyate nopalabhyate / sparśo na saṃvidyate nopalabhyate / vedanā na saṃvidyate nopalabhyate / tṛṣṇā na saṃvidyate nopalabhyate / upādānaṃ na saṃvidyate nopalabhyate / bhavo na saṃvidyate nopalabhyate / jātir na saṃvidyate nopalabhyate / jarāmaraṇaṃ na saṃvidyate nopalabhyate / adhyātmaśūnyatām upādāya / bahirdhāśūnyatām upādāya / adhyātmabahirdhāśūnyatām upādāya / śūnyatāśūnyatām upādāya / mahāśūnyatām upādāya / paramārthaśūnyatām upādāya / saṃskṛtaśūnyatām upādāya / asaṃskṛtaśūnyatām upādāya / atyantaśūnyatām upādāya / anavarāgraśūnyatām upādaya / anavakāraśūnyatām upādāya / prakṛtiśūnyatām upādāya / sarvadharmaśūnyatām upādāya / svalakṣaṇaśūnyatām upādāya / anupalambhaśūnyatām upādāya / abhāvaśūnyatām upādāya / svabhāvaśūnyatām upādāya / abhāvasvabhāvaśūnyatām upādāya /
dānapāramitāyuṣmañ chāradvatīputra na saṃvidyate nopalabhyate / śīlapāramitāyuṣmañ chāradvatīputra na saṃvidyate nopalabhyate / kṣāntipāramitā na saṃvidyate nopalabhyate / vīryapāramitā na saṃvidyate nopalabhyate / dhyānapāramitā na saṃvidyate nopalabhyate / prajñāpāramitā na saṃvidyate nopalabhyate / adhyātmaśūnyatām upādāya / bahirdhāśūnyatām upādāya / adhyātmabahirdhāśūnyatām upādāya / śūnyatāśūnyatām upādāya / mahāśūnyatām upādāya / paramārthaśūnyatām upādāya / saṃskṛtaśūnyatām upādāya / asaṃskṛtaśūnyatām upādāya / atyantaśūnyatām upādāya / anavarāgraśūnyatām upādāya / anavakāraśūnyatām upādāya / prakṛtiśūnyatām upādāya / sarvadharmaśūnyatām upādāya / svalakṣaṇaśūnyatām upādāya / anupalambhaśūnyatām upādāya / abhāvaśūnyatām upādāya / svabhāvaśūnyatām upādāya / abhāvasvabhāvaśūnyatām upādāya /
smṛtyupasthānāny āyuṣmañ chāradvatīputra na saṃvidyate nopalabhyante / samyakprahāṇāni na saṃvidyante nopalabhyante / ṛddhipādā na saṃvidyante nopalabhyante / indriyāṇi na saṃvidyante nopalabhyante / balāni na saṃvidyante nopalabhyante / bodhyaṅgāni na saṃvidyante nopalabhyante / āryāṣṭāṅgamārgo na saṃvidyate nopalabhyate / adhyātmaśūnyatām upādāya / bahirdhāśūnyatām upādāya / adhyātmabahirdhāśūnyatām upādāya / śūnyatāśūnyatām upādāya / mahāśūnyatām upādāya / paramārthaśūnyatām upādāya / saṃskṛtaśūnyatām upādāya / asaṃskṛtaśūnyatām upādāya / atyantaśūnyatām upādāya / anavarāgraśūnyatām upādāya / anavakāraśūnyatām upādāya / prakṛtiśūnyatām upādāya / sarvadharmaśūnyatām upādāya / svalakṣaṇaśūnyatām upādāya / anupalambhaśūnyatām upādāya / abhāvaśūnyatām upādāya / svabhāvaśūnyatām upādāya / abhāvasvabhāvaśūnyatām upādāya /
āryasatyāny āyuṣmañ chāradvatīputra na saṃvidyante nopalabhyante / dhyānāni na saṃvidyante nopalabhyante / apramāṇāni na saṃvidyante nopalabhyante / ārūpyasamāpattayo na saṃvidyante nopalabhyante / aṣṭau vimokṣā na saṃvidyante nopalabhyante / navānupūrvavihārasamāpattayo na saṃvidyante nopalabhyante / śūnyatānimittāpraṇihitavimokṣamukhāni na saṃvidyante nopalabhyante / abhijñā na saṃvidyante nopalabhyante / samādhayo na saṃvidyante nopalabhyante / dhāraṇīmukhāni na saṃvidyante nopalabhyante / adhyātmaśūnyatām upādāya / bahirdhāśūnyatām upādāya / adhyātmabahirdhāśūnyatām upādāya / śūnyatāśūnyatām upādāya / mahāśūnyatām upādāya / paramārthaśūnyatām upādāya / saṃskṛtaśūnyatām upādāya / asaṃskṛtaśūnyatām upādāya / atyantaśūnyatām upādāya / anavarāgraśūnyatām upādāya / anavakāraśūnyatām upādāya / prakṛtiśūnyatām upādāya / sarvadharmaśūnyatām upādāya / svalakṣaṇaśūnyatām upādāya / anupalambhaśūnyatām upādāya / abhāvaśūnyatām upādāya / svabhāvaśūnyatām upādāya / abhāvasvabhāvaśūnyatām upādāya /
daśa tathāgatabalāny āyuṣmañ chāradvatīputra na saṃvidyante nopalabhyante / catvāri vaiśāradyāni na saṃvidyante nopalabhyante / catasraḥ pratisaṃvido na saṃvidyante nopalabhyante / mahākaruṇā na saṃvidyate nopalabhyate / aṣṭādaśāveṇikabuddhadharmā na saṃvidyante nopalabhyante / adhyātmaśūnyatām upādāya / bahirdhāśūnyatām upādāya / adhyātmabahirdhāśūnyatām upādāya / śūnyatāśūnyatām upādāya / mahāśūnyatām upādāya / paramārthaśūnyatām upādāya / saṃskṛtaśūnyatām upādāya / asaṃskṛtaśūnyatām upādāya / atyantaśūnyatām upādāya / anavarāgraśūnyatām upādāya / anavakāraśūnyatām upādāya / prakṛtiśūnyatām upādāya / sarvadharmaśūnyatām upādāya / svalakṣaṇaśūnyatām upādāya / anupalambhaśūnyatām upādāya / abhāvaśūnyatām upādāya / svabhāvaśūnyatām upādāya / abhāvasvabhāvaśūnyatām upādāya /
śrotaāpattiphalaṃ na saṃvidyate nopalabhyate / sakṛdāgāmiphalaṃ na saṃvidyate nopalabhyate / anāgāmiphalaṃ na saṃvidyate nopalabhyate / arhattvaṃ na saṃvidyate nopalabhyate / pratyekabodhir na saṃvidyate nopalabhyate / mārgākārajñatā na saṃvidyate nopalabhyate / sarvākārajñatā na saṃvidyate nopalabhyate / adhyātmaśūnyatām upādāya / bahirdhāśūnyatām upādāya / adhyātmabahirdhāśūnyatām upādāya / śūnyatāśūnyatām upādāya / mahāśūnyatām upādāya / paramārthaśūnyatām upādāya / saṃskṛtaśūnyatām upādāya / asaṃskṛtaśūnyatām upādāya / atyantaśūnyatām upādāya / anavarāgraśūnyatām upādāya / anavakāraśūnyatām upādāya / prakṛtiśūnyatām upādāya / sarvadharmaśūnyatām upādāya / svalakṣaṇaśūnyatām upādāya / anupalambhaśūnyatām upādāya / abhāvaśūnyatām upādāya / svabhāvaśūnyatām upādāya / abhāvasvabhāvaśūnyatām upādāya /
tathatā āyuṣmañ chāradvatīputra na saṃvidyate nopalabhyate / avitathatā na saṃvidyate nopalabhyate / ananyatathatā na saṃvidyate nopalabhyate / dharmatā na saṃvidyate nopalabhyate / dharmadhātur na saṃvidyate nopalabhyate / dharmasthititā na saṃvidyate nopalabhyate / dharmaniyāmatā na saṃvidyate nopalabhyate / bhūtakoṭir na saṃvidyate nopalabhyate / adhyātmaśūnyatām upādāya / bahirdhāśūnyatām upādāya / adhyātmabahirdhāśūnyatām upādāya / śūnyatāśūnyatām upādāya / mahāśūnyatām upādāya / paramārthaśūnyatām upādāya / saṃskṛtaśūnyatām upādāya / asaṃskṛtaśūnyatām upādāya / atyantaśūnyatām upādāya / anavarāgraśūnyatām upādāya / anavakāraśūnyatām upādāya / prakṛtiśūnyatām upādāya / sarvadharmaśūnyatām upādāya / svalakṣaṇaśūnyatām upādāya / anupalambhaśūnyatām upādāya / abhāvaśūnyatām upādāya / svabhāvaśūnyatām upādāya / abhāvasvabhāvaśūnyatām upādāya /
śrotaāpattayo 'py āyuṣmañ chāradvatīputra na saṃvidyate nopalabhyate / sakṛdāgāmino na saṃvidyante nopalabhyante / anāgāmino na saṃvidyante nopalabhyante / arhanto na saṃvidyante nopalabhyante / pratyekabuddho na saṃvidyate nopalabhyate / bodhisattvo 'pi na saṃvidyate nopalabhyate / buddho 'py āyuṣmañ chāradvatīputra na saṃvidyate nopalabhyate / adhyātmaśūnyatām upādāya / bahirdhāśūnyatām upādāya / adhyātmabahirdhāśūnyatām upādāya / śūnyatāśūnyatām upādāya / mahāśūnyatām upādāya / paramārthaśūnyatām upādāya / saṃskṛtaśūnyatām upādāya / asaṃskṛtaśūnyatām upādāya / anavarāgraśūnyatām upādāya / anavakāraśūnyatām upādāya / prakṛtiśūnyatām upādāya / sarvadharmaśūnyatām upādāya / svalakṣaṇaśūnyatām upādāya / anupalambhaśūnyatām upādāya / svabhāvaśūnyatām upādāya / abhāvasvabhāvaśūnyatām upādāya /
adhyātmaśūnyatāpy āyuṣmañ chāradvatīputra na saṃvidyate nopalabhyate / adhyātmaśūnyatānupalabdhitām upādāya / bahirdhāśūnyatāpi na saṃvidyate nopalabhyate / bahirdhāśūnyatānupalabdhitām upādāya / adhyātmabahirdhāśūnyatāpi na saṃvidyate nopalabhyate / adhyātmabahirdhāśūnyatānupalabdhitām upādāya / śūnyatāśūnyatāpi na saṃvidyate nopalabhyate / śūnyatāśūnyatānupalabdhitām upādāya / mahāśūnyatāpi na saṃvidyate nopalabhyate / mahāśūnyatānupalabdhitām upādāya / paramārthaśūnyatāpi na saṃvidyate nopalabhyate / paramārthaśūnyatānupalabdhitām upādāya / saṃskṛtaśūnyatāpi na saṃvidyate nopalabhyate / saṃskṛtaśūnyatānupalabdhitām upādāya / asaṃskṛtaśūnyatāpi na saṃvidyate nopalabhyate / asaṃskṛtaśūnyatānupalabdhitām upādāya / atyantaśūnyatāpi na saṃvidyate nopalabhyate / atyantaśūnyatānupalabdhitām upādāya / anavarāgraśūnyatāpi na saṃvidyate nopalabhyate / anavarāgraśūnyatānupalabdhitām upādāya / anavakāraśūnyatāpi na saṃvidyate nopalabhyate / anavakāraśūnyatānupalabdhitām upādāya / prakṛtiśūnyatāpi na saṃvidyate nopalabhyate / prakṛtiśūnyatānupalabdhitām upādāya / sarvadharmāśūnyatāpi na saṃvidyate nopalabhyate / sarvadharmaśūnyatānupalabdhitām upādāya / svalakṣaṇaśūnyatāpi na saṃvidyate nopalabhyate / svalakṣaṇaśūnyatānupalabdhitām upādāya / anupalambhaśūnyatāpi na saṃvidyate nopalabhyate / anupalambhaśūnyatānupalabdhitām upādāya / abhāvaśūnyatāpi na saṃvidyate nopalabhyate / abhāvaśūnyatānupalabdhitām upādāya / svabhāvaśūnyatāpi na saṃvidyate nopalabhyate / svabhāvaśūnyatānupalabdhitām upādāya / abhāvasvabhāvaśūnyatāpi na saṃvidyate nopalabhyate / abhāvasvabhāvaśūnyatānupalabdhitām upādāya /
sacet punaḥ śāradvatīputra bodhisattvo mahāsattvaḥ prajñāpāramitāyāṃ carann evam upaparīkṣati / evam upanidhyāti / evañ copaparīkṣamāṇasyaivam upanidhyāyataś cittaṃ nāvalīyate na saṃlīyate nottrasyati na saṃtrāsam āpadyate /
avirahito bodhisattvo mahāsattvaḥ prajñāpāramitāyāṃ veditavyaḥ / āha / kena kāraṇena subhūte bodhisattvo mahāsattvo 'virahitaḥ prajñāpāramitayā veditavyaḥ / subhūtir āha / rūpam āyuṣmañ chāradvatīputra virahitaṃ rūpasvabhāvena tad bodhisattvo mahāsattvaḥ prajñāpāramitāyāṃ caran yathābhūtaṃ prajānāti / vedanā virahitā vedanāsvabhāvena tāṃ bodhisattvo mahāsattvaḥ prajñāpāramitāyāṃ caran yathābhūtaṃ prajānāti / saṃjñā virahitā saṃjñāsvabhāvena tāṃ bodhisattvo mahāsattvaḥ prajñāpāramitāyāṃ caran yathābhūtaṃ prajānāti / saṃskārā virahitāḥ saṃskārasvabhāvena tān bodhisattvo mahāsattvaḥ prajñāpāramitāyāṃ caran yathābhūtaṃ prajānāti / vijñānaṃ virahitaṃ vijñānasvabhāvena tad bodhisattvo mahāsattvaḥ prajñāpāramitāyāṃ caran yathābhūtaṃ prajānāti /
cakṣur āyuṣmañ chāradvatīputra virahitaṃ cakṣuḥ svabhāvena tad bodhisattvo mahāsattvaḥ prajñāpāramitāyāṃ caran yathābhūtaṃ prajānāti / śrotraṃ virahitaṃ śrotrasvabhāvena tad bodhisattvo mahāsattvaḥ prajñāpāramitāyāṃ caran yathābhūtaṃ prajānāti / ghrāṇaṃ virahitaṃ ghrāṇasvabhāvena tad bodhisattvo mahāsattvaḥ prajñāpāramitāyāṃ caran yathābhūtaṃ prajānāti / jihvā virahitā jihvāsvabhāvena tāṃ bodhisattvo mahāsattvaḥ prajñāpāramitāyāṃ caran yathābhūtaṃ prajānāti / kāyo virahitaḥ kāyasvabhāvena taṃ bodhisattvo mahāsattvaḥ prajñāpāramitāyāṃ yathābhūtaṃ prajānāti / mano virahitaṃ manaḥsvabhāvena tad bodhisattvo mahāsattvaḥ prajñāpāramitāyām caran yathābhūtaṃ prajānāti /
rūpam āyuṣmañ chāradvatīputra virahitaṃ rūpasvabhāvena tad bodhisattvo mahāsattvaḥ prajñāpāramitāyāṃ caran yathābhūtaṃ prajānāti / śabdo virahitaḥ śabdasvabhāvena taṃ bodhisattvo mahāsattvaḥ prajñāpāramitāyāṃ caran yathābhūtaṃ prajānāti / gandho virahitaḥ gandhasvabhāvena taṃ bodhisattvo mahāsattvaḥ prajñāpāramitāyāṃ caran yathābhūtaṃ prajānāti / raso virahitā rasasvabhāvena tad bodhisattvo mahāsattvaḥ prajñāpāramitāyāṃ caran yathābhūtaṃ prajānāti / sparśo virahitaḥ sparśasvabhāvena tad bodhisattvo mahāsattvaḥ prajñāpāramitāyāṃ caran yathābhūtaṃ prajānāti / dharmā virahitāḥ dharmasvabhāvena tad bodhisattvo mahāsattvaḥ prajñāpāramitāyāṃ caran yathābhūtaṃ prajānāti /
cakṣurvijñānam āyuṣmañ chāradvatīputra virahitaṃ cakṣūrvijñānaṃ svabhāvena tad bodhisattvo mahāsattvaḥ prajñāpāramitāyāṃ caran yathābhūtaṃ prajānāti / śrotravijñānaṃ virahitaṃ śrotravijñānasvabhāvena tad bodhisattvo mahāsattvaḥ prajñāpāramitāyāṃ caran yathābhūtaṃ prajānāti / ghrāṇavijñānaṃ virahitaṃ ghrāṇavijñānasvabhāvena tad bodhisattvo mahāsattvaḥ prajñāpāramitāyāṃ caran yathābhūtaṃ prajānāti / jihvāvijñānaṃ virahitaṃ jihvāvijñānasvabhāvena tad bodhisattvo mahāsattvaḥ prajñāpāramitāyāṃ caran yathābhūtaṃ prajānāti / kāyavijñānaṃ virahitaṃ kāyavijñānasvabhāvena tad bodhisattvo mahāsattvaḥ prajñāpāramitāyāṃ caran yathābhūtaṃ prajānāti / manovijñānaṃ virahitaṃ manovijñānasvabhāvena tad bodhisattvo mahāsattvaḥ prajñāpāramitāyāṃ caran yathābhūtaṃ prajānāti /
cakṣuḥsaṃsparśa āyuṣmañ chāradvavatīputra virahitaś cakṣuḥsaṃsparśasvabhāvena tad bodhisattvo mahāsattvaḥ prajñāpāramitāyāṃ caran yathābhūtaṃ prajānāti / śrotrasaṃsparśo virahitaḥ śrotrasaṃsparśasvabhāvena tad bodhisattvo mahāsattvaḥ prajñāpāramitāyāṃ caran yathābhūtaṃ prajānāti / ghrāṇasaṃsparśo virahito ghrāṇasaṃsparśasvabhāvena tad bodhisattvo mahāsattvaḥ prajñāpāramitāyāṃ caran yathābhūtaṃ prajānāti / jihvāsaṃsparśo virahito jihvāsaṃsparśasvabhāvena tad bodhisattvo mahāsattvaḥ prajñāpāramitāyāṃ caran yathābhūtaṃ prajānāti / kāyasaṃsparśo virahitaḥ kāyasaṃsparśasvabhāvena tad bodhisattvo mahāsattvaḥ prajñāpāramitāyāṃ caran yathābhūtaṃ prajānāti / manaḥsaṃsparśo virahito manaḥsaṃsparśasvabhāvena tad bodhisattvo mahāsattvaḥ prajñāpāramitāyāṃ caran yathābhūtaṃ prajānāti /
cakṣuḥsaṃsparśapratyayavedanā virahitā cakṣuḥsaṃsparśapratyayavedanāsvabhāvena tad bodhisattvo mahāsattvaḥ prajñāpārīmetāyāṃ caran yathābhūtaṃ prajānāti / śrotrasaṃsparśapratyayavedanā virahitā śrotrasaṃsparśapratyayavedanāsvabhāvena tad bodhisattvo mahāsattvaḥ prajñāpāramitāyāṃ caran yathābhūtaṃ prajānāti / ghrāṇasaṃsparśapratyayavedanā virahitā ghrāṇasaṃsparśapratyayavedanāsvabhāvena tad bodhisattvo mahāsattvaḥ prajñāpāramitāyāṃ caran yathābhūtaṃ prajānāti / jihvāsaṃsparśapratyayavedanā virahitā jihvāsaṃsparśapratyayavedanāsvabhāvena tad bodhisattvo mahāsattvaḥ prajñāpāramitāyāṃ caran yathābhūtaṃ prajānāti / kāyasaṃsparśapratyayavedanā virahitā kāyasaṃsparśapratyayavedanāsvabhāvena tad bodhisattvo mahāsattvaḥ prajñāpāramitāyāṃ caran yathābhūtaṃ prajānāti / manaḥsaṃsparśapratyayavedanā virahitā manaḥsaṃsparśapratyayavedanāsvabhāvena tad bodhisattvo mahāsattvaḥ prajñāpāramitāyāṃ caran yathābhūtaṃ prajānāti /
pṛthivīdhātur āyuṣmañ chāradvatīputra virahitaḥ pṛthivīdhātusvabhāvena tad bodhisattvo mahāsattvaḥ prajñāpāramitāyāṃ caran yathābhūtaṃ prajānāti / abdhātur virahito 'bdhātusvabhāvena tad bodhisattvo mahāsattvaḥ prajñāpāramitāyāṃ caran yathābhūtaṃ prajānāti / tejodhātur virahitas tejodhātusvabhāvena tad bodhisattvo mahāsattvaḥ prajñāpāramitāyāṃ caran yathābhūtaṃ prajānāti / vāyudhātur virahito vāyudhātusvabhāvena tad bodhisattvo mahāsattvaḥ prajñāpāramitāyāṃ caran yathābhūtaṃ prajānāti / ākāśadhātur virahita ākāśadhātusvabhāvena tad bodhisattvo mahāsattvaḥ prajñāpāramitāyāṃ caran yathābhūtaṃ prajānāti / vijñānadhātur virahito vijñānadhātusvabhāvena tad bodhisattvo mahāsattvaḥ prajñāpāramitāyāṃ caran yathābhūtaṃ prajānāti /
avidyā āyuṣmañ chāradvatīputra virahitāvidyāsvabhāvena tad bodhisattvo mahāsattvaḥ prajñāpāramitāyāṃ caran yathābhūtaṃ prajānāti / saṃskārā virahitā saṃskārasvabhāvena tad bodhisattvo mahāsattvaḥ prajñāpāramitāyāṃ caran yathābhūtaṃ prajānāti / vijñānaṃ virahitaṃ vijñānasvabhāvena tad bodhisattvo mahāsattvaḥ prajñāpāramitāyāṃ caran yathābhūtaṃ prajānāti / nāmarūpaṃ virahitaṃ nāmarūpasvabhāvena tad bodhisattvo mahāsattvaḥ prajñāpāramitāyāṃ caran yathābhūtaṃ prajānāti / ṣaḍāyatanaṃ virahitaṃ ṣaḍāyatanasvabhāvena tad bodhisattvo mahāsattvaḥ prajñāpāramitāyāṃ caran yathābhūtaṃ prajānāti / tṛṣṇā virahitā tṛṣṇāsvabhāvena tad bodhisattvo mahāsattvaḥ prajñāpāramitāyāṃ caran yathābhūtaṃ prajānāti / upādānaṃ virahitam upādānasvabhāvena tad bodhisattvo mahāsattvaḥ prajñāpāramitāyāṃ caran yathābhūtaṃ prajānāti / bhavo virahito bhavasvabhāvena tad bodhisattvo mahāsattvaḥ prajñāpāramitāyāṃ caran yathābhūtaṃ prajānāti / jātir virahitā jātisvabhāvena tad bodhisattvo mahāsattvaḥ prajñāpāramitāyāṃ caran yathābhūtaṃ prajānāti / jarāmaraṇaṃ virahitaṃ jarāmaraṇasvabhāvena tad bodhisattvo mahāsattvaḥ prajñāpāramitāyāṃ caran yathābhūtaṃ prajānāti /
dānapāramitāyuṣmañ chāradvatīputra virahitā dānapāramitāsvabhāvena tad bodhisattvo mahāsattvaḥ prajñāpāramitāyāṃ caran yathābhūtaṃ prajānāti / śīlapāramitā virahitā śīlapāramitāsvabhāvena tad bodhisattvo mahāsattvaḥ prajñāpāramitāyāṃ caran yathābhūtaṃ prajānāti / kṣāntipāramitā virahitā kṣāntipāramitāsvabhāvena tad bodhisattvo mahāsattvaḥ prajñāpāramitāyāṃ caran yathābhūtaṃ prajānāti / vīryapāramitā virahitā vīryapāramitāsvabhāvena tad bodhisattvo mahābhaktaḥ prajñāpāramitāyāṃ caran tathābhūtaṃ prajānāti / dhyānapāramitā virahitā dhyānapāramitāsvabhāvena tad bodhisattvo mahāsattvaḥ prajñāpāramitāyāṃ caran yathābhūtaṃ prajānāti / prajñāpāramitā virahitā prajñāpāramitāsvabhāvena tad bodhisattvo mahāsatva prajñāpāramitāyāṃ caran yathābhūtaṃ prajānāti /
adhyātmaśūnyatāyuṣmañ chāradvatīputra virahitādhyātmaśūnyatāsvabhāvena tad bodhisattvo mahāsattvaḥ prajñāpāramitāyāṃ caran yathābhūtaṃ prajānāti / bahirdhāśūnyatāvirahitā bahirdhāśūnyatāsvabhāvena tad bodhisattvo mahāsattvaḥ prajñāpāramitāyāṃ caran yathābhūtaṃ prajānāti / adhyātmabahirdhāśūnyatā virahitā adhyātmabahirdhāśūnyatāsvabhāvena tad bodhisattvo mahāsattvaḥ prajñāpāramitāyāṃ caran yathābhūtaṃ prajānāti / śūnyatāśūnyatā virahitā śūnyatāśūnyatāsvabhāvena tad bodhisattvo mahāsattvaḥ prajñāpāramitāyāṃ caran yathābhūtaṃ prajānāti / mahāśūnyatā virahitā mahāśūnyatāsvabhāvena tad bodhisattvo mahāsattvaḥ prajñāpāramitāyāṃ caran yathābhūtaṃ prajānāti / paramārthaśūnyatā virahitā paramārthaśūnyatāsvabhāvena tad bodhisattvo mahāsattvaḥ prajñāpāramitāyāṃ caran yathābhūtaṃ prajānāti / saṃskṛtaśūnyatā virahitā saṃskṛtaśūnyatāsvabhāvena tad bodhisattvo mahāsattvaḥ prajñāpāramitāyāṃ caran yathābhūtaṃ prajānāti / asaṃskṛtaśūnyatā virahitāsaṃskṛtaśūnyatāsvabhāvena tad bodhisattvo mahāsattvaḥ prajñāpāramitāyāṃ caran yathābhūtaṃ prajānāti / atyantaśūnyatā virahitā atyantaśūnyatāsvabhāvena tad bodhisattvo mahāsattvaḥ prajñāpāramitāyāṃ caran yathābhūtaṃ prajānāti / anavarāgraśūnyatā virahitā anavarāgraśūnyatāsvabhāvena tad bodhisattvo mahāsattvaḥ prajñāpāramitāyāṃ caran yathābhūtaṃ prajānāti / anavakāraśūnyatā virahitā anavakāraśūnyatāsvabhāvena tad bodhisattvo mahāsattvaḥ prajñāpāramitāyāṃ caran yathābhūtaṃ prajānāti /
prakṛtiśūnyatā virahitā prakṛtiśūnyatāsvabhāvena tad bodhisattvo mahāsattvaḥ prajñāpāramitāyāṃ caran yathābhūtaṃ prajānāti / sarvadharmaśūnyatā virahitā sarvadharmaśūnyatāsvabhāvena tad bodhisattvo mahāsattvaḥ prajñāpāramitāyāṃ caran yathābhūtaṃ prajānāti / svalakṣaṇaśūnyatā virahitā svalakṣaṇaśūnyatāsvabhāvena tad bodhisattvo mahāsattvaḥ prajñāpāramitāyāṃ caran yathābhūtaṃ prajānāti / anupalambhaśūnyatā virahitānupalambhaśūnyatāsvabhāvena tad bodhisattvo mahāsattvaḥ prajñāpāramitāyāṃ caran yathābhūtaṃ prajānāti / abhāvaśūnyatā virahitābhāvaśūnyatāsvabhāvena tad bodhisattvo mahāsattvaḥ prajñāpāramitāyāṃ caran yathābhūtaṃ prajānāti / svabhāvaśūnyatā virahitā svabhāvaśūnyatāsvabhāvena tad bodhisattvo mahāsattvaḥ prajñāpāramitāyāṃ caran yathābhūtaṃ prajānāti / abhāvasvabhāvaśūnyatā virahitābhāvasvabhāvaśūnyatāsvabhāvena tad bodhisattvo mahāsattvaḥ prajñāpāramitāyāṃ caran yathābhūtaṃ prajānāti /
catvāri smṛtyupasthānāny āyuṣmañ chāradvatīputra virahitāni smṛtyupasthānasvabhāvena tad bodhisattvo mahāsattvaḥ prajñāpāramitāyāṃ caran yathābhūtaṃ prajānāti / catvāri samyakprahāṇāni virahitāni samyakprahāṇasvabhāvena tad bodhisattvo mahāsattvaḥ prajñāpāramitāyāṃ caran yathābhūtaṃ prajānāti / catvāra ṛddhipādā virahitāḥ ṛddhipādasvabhāvena tad bodhisattvo mahāsattvaḥ prajñāpāramitāyāṃ caran yathābhūtaṃ prajānāti / pañcendriyāṇi virahitāni indriyasvabhāvena tad bodhisattvo mahāsattvaḥ prajñāpāramitāyāṃ caram yathābhūtaṃ prajānāti / pañca balāni virahitāni balasvabhāvena tad bodhisattvo mahāsattvaḥ prajñāpāramitāyāṃ caran yathābhūtaṃ prajānāti / sapta bodhyaṅgāni virahitāni bodhyaṅgasvabhāvena tad bodhisattvo mahāsattvaḥ prajñāpāramitāyāṃ caran yathābhūtaṃ prajānāti / āryāṣṭāṅgamārgo virahitaḥ āryāṣṭāṅgamārgasvabhāvena tad bodhisattvo mahāsattvaḥ prajñāpāramitāyāṃ caran yathābhūtaṃ prajānāti / catvāry āryasatyāny āyuṣmañ chāradvatīputra virahitāny āryasatyasvabhāvena tad bodhisattvo mahāsattvaḥ prajñāpāramitāyāṃ caran yathābhūtaṃ prajānāti / catvāri dhyānāni virahitāni dhyānasvabhāvena tad bodhisattvo mahāsattvaḥ prajñāpāramitāyāṃ caran yathābhūtaṃ prajānāti / catvāry apramāṇāni virahitāny apramāṇasvabhāvena tad bodhisattvo mahāsattvaḥ prajñāpāramitāyāṃ caran yathābhūtaṃ prajānāti / catasra ārūpyasamāpattayo virahitā ārūpyasamāpattisvabhāvena tad bodhisattvo mahāsattvaḥ prajñāpāramitāyāṃ caran yathābhūtaṃ prajānāti /
aṣṭau vimokṣā virahitā vimokṣasvabhāvena tad bodhisattvo mahāsattvaḥ prajñāpāramitāyāṃ caran yathābhūtaṃ prajānati / navānupūrvavihārasamāpattayo virahitā anupūrvavihārasamāpattisvabhāvena tad bodhisattvo mahāsattvaḥ prajñāpāramitāyāṃ caran yathābhūtaṃ prajānāti / śūnyatānimittāpraṇihitavimokṣamukhāni virahitāni śūnyatānimittāpraṇihitavimokṣamukhasvabhāvena tad bodhisattvo mahāsattvaḥ prajñāpāramitāyāṃ caran yathābhūtaṃ prajānāti / abhijñā virahitā abhijñāsvabhāvena tad bodhisattvo mahāsattvaḥ prajñāpāramitāyāṃ caran yathābhūtaṃ prajānāti / samādhayo virahitāḥ samādhisvabhāvena tad bodhisattvo mahāsattvaḥ prajñāpāramitāyāṃ caran yathābhūtaṃ prajānāti / dhāraṇīmukhāni virahitāni dhāraṇīmukhasvabhāvena tad bodhisattvo mahāsattvaḥ prajñāpāramitāyāṃ caran yathābhūtaṃ prajānāti /
daśa tathāgatabalāny āyuṣmañ chāradvatīputra virahitāni daśatathāgatabalasvabhāvena tad bodhisattvo mahāsattvaḥ prajñāpāramitāyāṃ caran yathābhūtaṃ prajānāti / catvāri vaiśāradyāni virahitāni vaiśāradyasvabhāvena tad bodhisattvo mahāsattvaḥ prajñāpāramitāyāṃ caran yathābhūtaṃ prajānāti / catasraḥ pratisaṃvido virahitāḥ pratisaṃvitsvabhāvena tad bodhisattvo mahāsattvaḥ prajñāpāramitāyāṃ caran yathābhūtaṃ prajānāti / mahāmaitrī virahitā mahāmaitrīsvabhāvena tad bodhisattvo mahāsattvaḥ prajñāpāramitāyāṃ caran yathābhūtaṃ prajānāti / mahākaruṇā virahitā mahākaruṇāsvabhāvena tad bodhisattvo mahāsattvaḥ prajñāpāramitāyāṃ caran yathābhūtaṃ prajānāti / aṣṭādaśāveṇikabuddhadharmā virahitā āveṇikabuddhadharmasvabhāvena tad bodhisattvo mahāsattvaḥ prajñāpāramitāyāṃ caran yathābhūtaṃ prajānāti /
śrotaāpattiphalam āyuṣmañ chāradvatīputra virahitaṃ śrotaāpattiphalasvabhāvena tad bodhisattvo mahāsattvaḥ prajñāpāramitāyāṃ caran yathābhūtaṃ prajānāti / sakṛdāgāmiphalaṃ virahitaṃ sakṛdāgāmiphalasvabhāvena tad bodhisattvo mahāsattvaḥ prajñāpāramitāyāṃ caran yathābhūtaṃ prajānāti / anāgāmiphalaṃ virahitam anāgāmiphalasvabhāvena tad bodhisattvo mahāsattvaḥ prajñāpāramitāyāṃ caran yathābhūtaṃ prajānāti / arhattvaṃ virahitam arhattvasvabhāvena tad bodhisattvo mahāsattvaḥ prajñāpāramitāyāṃ caran yathābhūtaṃ prajānāti / pratyekabodhir virahitā pratyekabodhisvabhāvena tad bodhisattvo mahāsattvaḥ prajñāpāramitāyāṃ caran yathābhūtaṃ prajānāti / mārgākārajñatā virahitā mārgākārajñatāsvabhāvena tad bodhisattvo mahāsattvaḥ prajñāparamitāyāṃ caran yathābhūtaṃ prajānāti / sarvākārajñatā virahitā sarvākārajñatāsvabhāvena tad bodhisattvo mahāsattvaḥ prajñāpāramitāyāṃ caran yathābhūtaṃ prajānāti /
tathatā āyuṣmañ chāradvatīputra virahitā tathatāsvabhāvena tad bodhisattvo mahāsattvaḥ prajñāpāramitāyāṃ caran yathābhūtaṃ prajānāti / avitathatā virahitā avitathatāsvabhāvena tad bodhisattvo mahāsattvaḥ prajñāpāramitāyāṃ caran yathābhūtaṃ prajānāti / ananyatathatā virahitā ananyatathatāsvabhāvena tad bodhisattvo mahāsattvaḥ prajñāpāramitāyāṃ caran yathābhūtaṃ prajānāti / dharmatā virahitā dharmatāsvabhāvena tad bodhisattvo mahāsattvaḥ prajñāpāramitāyāṃ caran yathābhūtaṃ prajānāti / dharmadhātur virahito dharmadhātusvabhāvena tad bodhisattvo mahāsattvaḥ prajñāpāramitāyāṃ caran yathābhūtaṃ prajānāti / dharmaniyāmatā virahitā dharmaniyāmatāsvabhāvena tad bodhisattvo mahāsattvaḥ prajñāpāramitāyāṃ caran yathābhūtaṃ prajānāti / bhūtakoṭir virahitā bhūtakoṭisvabhāvena tad bodhisattvo mahāsattvaḥ prajñāpāramitāyāṃ caran yathābhūtaṃ prajānāti /
anenāyuṣmañ chāradvatīputra kāraṇenāvirahito bodhisattvo mahāsattvaḥ prajñāpāramitāyā veditavyaḥ / āha / kathaṃ punar āyuṣman subhūte rūpasya svabhāvaḥ / kathaṃ vedanāyāḥ svabhāvaḥ / kathaṃ saṃjñāyāḥ svabhāvaḥ / kathaṃ saṃskārāyāṃ svabhāvaḥ / kathaṃ vijñānasya svabhāvaḥ / kathaṃ cakṣuṣaḥ svabhāvaḥ / kathaṃ śrotrasya svabhāvaḥ / kathaṃ ghrāṇasya svabhāvaḥ / kathaṃ jihvāyāḥ svabhāvaḥ / kathaṃ kāyasya svabhāvaḥ / kathaṃ manasaḥ svabhāvaḥ / kathaṃ rūpasya svabhāvaḥ / kathaṃ śabdasya svabhāvaḥ / kathaṃ gandhasya svabhāvaḥ / kathaṃ rasasya svabhāvaḥ / kathaṃ sparśasya svabhāvaḥ / kathaṃ dharmāṇāṃ svabhāvaḥ / kathaṃ cakṣurvijñānasya svabhāvaḥ / kathaṃ śrotravijñānasya svabhāvaḥ / kathaṃ ghrāṇavijñānasya svabhāva. / kathaṃ jihvāvijñānasya svabhāvaḥ / kathaṃ kāyavijñānasya svabhāvaḥ / kathaṃ manovijñānasya svabhāvaḥ / kathaṃ cakṣuḥsaṃsparśasya svabhāvaḥ / kathaṃ śrotrasaṃsparśasya svabhāvaḥ / kathaṃ ghrāṇasaṃsparśasya svabhāvaḥ / kathaṃ jihvāsaṃsparśasya svabhāvaḥ / kathaṃ kāyasaṃsparśasya svabhāvaḥ / kathaṃ manaḥsaṃsparśasya svabhāvaḥ / kathaṃ cakṣuḥsaṃsparśapratyayavedanāyāḥ svabhāvaḥ / kathaṃ śrotrasaṃsparśapratyayavedanāyāḥ svabhāvaḥ / kathaṃ ghrāṇasaṃsparśapratyayavedanāyāḥ svabhāvaḥ / kathaṃ jihvāsaṃsparśapratyayavedanāyāḥ svabhāvaḥ / kathaṃ kāyasaṃsparśapratyayavedanāyāḥ svabhāvaḥ / kathaṃ manaḥsaṃsparśapratyayavedanāyāḥ svabhāvaḥ /
kathaṃ pṛthivīdhātoḥ svabhāvaḥ / katham abdhātoḥ svabhāvaḥ / kathaṃ tejodhātoḥ svabhāvaḥ / kathaṃ vāyudhātoḥ svabhāvaḥ / katham ākāśadhātoḥ svabhāvaḥ / kathaṃ vijñānadhātoḥ svabhāvaḥ / katham avidyāyāḥ svabhāvaḥ / kathaṃ saṃskārāṇāṃ svabhāvaḥ / kathaṃ vijñānasya svabhāvaḥ / kathaṃ nāmarūpasya svabhāvaḥ / kathaṃ ṣaḍāyatanasya svabhāvaḥ / kathaṃ sparśasya svabhāvaḥ / kathaṃ vedanāyāḥ svabhāvaḥ / kathaṃ tṛṣṇāyāḥ svabhāvaḥ / katham upādānasya svabhāvaḥ / kathaṃ bhavasya svabhāvaḥ / kathaṃ jāteḥ svabhāvaḥ / kathaṃ jarāmaraṇasya srabhāvaḥ /
kathaṃ dānapāramitāyāḥ svabhāvaḥ / kathaṃ śīlapāramitāyāḥ svabhāvaḥ / kathaṃ kṣāntipāramitāyāḥ svabhāvaḥ / kathaṃ vīryapāramitāyāḥ svabhāvaḥ / kathaṃ dhyānapāramitāyāḥ svabhāvaḥ / kathaṃ prajñāpāramitāyāḥ svabhāvaḥ /
katham adhyātmaśūnyatāyāḥ svabhāvaḥ / kathaṃ bahirdhāśūnyatāyāḥ svabhāvaḥ / katham adhyātmabahirdhāśūnyatāyāḥ svabhāvaḥ / kathaṃ śūnyatāśūnyatāyāḥ svabhāvaḥ / kathaṃ mahāśūnyatāyāḥ svabhāvaḥ / kathaṃ paramārthaśūnyatāyāḥ svabhāvaḥ / kathaṃ saṃskṛtaśūnyatāyāḥ svabhāvaḥ / katham asaṃskṛtaśūnyatāyāḥ svabhāvaḥ / katham atyantaśūnyatāyāḥ svabhāvaḥ / katham anavarāgraśūnyatāyāḥ svabhāvaḥ / katham anavakāraśūnyatāyāḥ svabhāvaḥ / kathaṃ prakṛtiśūnyatāyāḥ svabhāvaḥ / kathaṃ sarvadharmaśūnyatāyāḥ svabhāvaḥ / kathaṃ svalakṣaṇaśūnyatāyāḥ svabhāvaḥ / katham anupalambhaśūnyatāyāḥ svabhāvaḥ / katham abhāvaśūnyatāyāḥ svabhāvaḥ / kathaṃ svabhāvaśūnyatāyāḥ svabhāvaḥ / katham abhāvasvabhāvaśūnyatāyāḥ svabhāvaḥ / kathaṃ smṛtyupasthānānāṃ svabhāvaḥ / kathaṃ samyakprahāṇānāṃ svabhāvaḥ / katham ṛddhipādānāṃ svabhāvaḥ / katham indriyāṇāṃ svabhāvaḥ / kathaṃ balānāṃ svabhāvaḥ / kathaṃ bodhyaṅgānāṃ svabhāvaḥ / katham āryṣṭāṅgamārgasya svabhāvaḥ / katham āryasatyānāṃ svabhāvaḥ / kathaṃ dhyānānāṃ svabhāvaḥ / katham apramāṇānāṃ svabhāvaḥ / katham ārūpyasamāpattīnāṃ svabhāvaḥ / kathaṃ vimokṣāṇāṃ svabhāvaḥ / kathaṃ navānupūrvavihārasamāpattīnāṃ svabhāvaḥ / kathaṃ śūnyatānimittāpraṇihitavimokṣamukhānāṃ svabhāvaḥ / katham abhijñānāṃ svabhāvaḥ / kathaṃ samādhīnāṃ svabhāvaḥ / kathaṃ dhāraṇīmukhānāṃ svabhāvaḥ / kathaṃ daśatathāgatabalānāṃ svabhāvaḥ / kathaṃ vaiśāradyānāṃ svabhāvaḥ / kathaṃ pratisaṃvidāṃ svabhāvaḥ / kathaṃ mahāmaitryāḥ svabhāvaḥ / kathaṃ mahākaruṇāyāḥ svabhāvaḥ /
katham āveṇikabuddhadharmāṇāṃ svabhāvaḥ / kathaṃ śrotaāpattiphalasya svabhāvaḥ / kathaṃ sakṛdāgāmiphalasya svabhāvaḥ / katham anāgāmiphalasya svabhāvaḥ / katham arhattvasya svabhāvaḥ / kathaṃ pratyekabodheḥ svabhāvaḥ / kathaṃ mārgākārajñatāyāḥ svabhāvaḥ / kathaṃ sarvākārajñatāyāḥ svabhāvaḥ / kathaṃ tathatāyāḥ svabhāvaḥ / katham avitathatāyāḥ svabhāvaḥ / katham ananyatathatāyāḥ svabhāvaḥ / kathaṃ dharmatāyāḥ svabhāvaḥ / kathaṃ dharmadhātoḥ svabhāvaḥ / kathaṃ dharmasthititāyāḥ svabhāvaḥ / kathaṃ dharmaniyāmatāyāḥ svabhāvaḥ / kathaṃ bhūtakoṭeḥ svabhāvaḥ /
subhūtir āha / abhāva āyuṣmañ chāradvatīputra rūpasya svabhāvaḥ / abhāvo vedanāyāḥ svabhāvaḥ / abhāvaḥ saṃjñāyāḥ svabhāvaḥ / abhāvaḥ saṃskārāṇāṃ svabhāvaḥ / abhāvo vijñānasya svabhāvaḥ / abhāvaś cakṣuṣaḥ svabhāvaḥ / abhāvaḥ śrotrasya svabhāvaḥ / abhāvo ghrāṇasya svabhāvaḥ / abhāvo jihvāyāḥ svabhāvaḥ / abhāvaḥ kāyasya svabhāvaḥ / abhāvo manasaḥ svabhāvaḥ / abhāvo rūpasya svabhāvaḥ / abhāvaḥ śabdasya svabhāvaḥ / abhāvo gandhasya svabhāvaḥ / abhāvo rasasya svabhāvaḥ / abhāvaḥ sparśasya svabhāvaḥ / abhāvo dharmāṇāṃ svabhāvaḥ / abhāvaś cakṣurvijñānasya svabhāvaḥ / abhāvaḥ śrotravijñānasya svabhāvaḥ / abhāvo ghrāṇavijñānasya svabhāvaḥ / abhāvo jihvāvijñānasya svabhāvaḥ / abhāvaḥ kāyavijñānasya svabhāvaḥ / abhāvo manovijñānasya svabhāvaḥ / abhāvaś cakṣuḥsaṃsparśasya svabhāvaḥ / abhāvaḥ śrotrasaṃsparśasya svabhāvaḥ / abhāvo ghrāṇasaṃsparśasya svabhāvaḥ / abhāvo jihvāsaṃsparśasya svabhāvaḥ / abhāvaḥ kāyasaṃsparśasya svabhāvaḥ / abhāvo manaḥsaṃparśaśya svabhāvaḥ / abhāvaś cakṣuḥsaṃsparśapratyayavedanāyāḥ svabhāvaḥ / abhāvaḥ śrotrasaṃsparśapratyayavedanāyāḥ svabhāvaḥ / abhāvo ghrāṇasaṃsparśapratyayavedanāyāḥ svabhāvaḥ / abhāvo jihvāsaṃsparśapratyayavedanāyāḥ svabhāvaḥ / abhāvaḥ kāyasaṃsparśapratyayavedanāyāḥ svabhāvaḥ / abhāvo manaḥsaṃsparśapratyayavedanāyāḥ svabhāvaḥ / abhāvaḥ pṛthivīdhātoḥ svabhāvaḥ / abhāvo 'bdhātoḥ svabhāvaḥ / abhāvas tejodhātoḥ svabhāvaḥ / abhāvo vāyudhātoḥ svabhāvaḥ / abhāva ākāśadhātoḥ svabhāvaḥ / abhāvo vijñānadhātoḥ svabhāvaḥ / abhāvo 'vidyāyāḥ svabhāvaḥ / abhāvaḥ saṃṣkārāṇāṃ svabhāvaḥ / abhāvo vijñānasya svabhāvaḥ / abhāvo nāmarūpasya svabhāvaḥ / abhāvaḥ ṣaḍāyatanasya svabhāvaḥ / abhāvaḥ sparśasya svabhāvaḥ / abhāvo vedanāyāḥ svabhāvaḥ / abhāvas tṛṣṇāyāḥ svabhāvaḥ / abhāva upādānasya svabhāvaḥ / abhāvo bhavasya svabhāvaḥ / abhāvo jāteḥ svabhāvaḥ / abhāvo jarāmaraṇasya svabhāvaḥ /
abhāvo dānapāramitāyāḥ svabhāvaḥ / abhāvaḥ śīlapāramitāyāḥ svabhāvaḥ / abhāvaḥ kṣāntipāramitāyāḥ svabhāvaḥ / abhāvo vīryapāramitāyāḥ svabhāvaḥ / abhāvo dhyānapāramitāyāḥ svabhāvaḥ / abhāvaḥ prajñāpāramitāyāḥ svabhāvaḥ /
abhāvo 'dhyātmaśūnyatāyāḥ svabhāvaḥ / abhāvo bahirdhāśūnyatāyāḥ svabhāvaḥ / abhāvo 'dhyātmabahirdhāśūnyatāyāḥ svabhāvaḥ / abhāvaḥ śūnyatāyāḥ svabhāvaḥ / abhāvo mahāśūnyatāyāḥ svabhāvaḥ / abhāvaḥ paramārthaśūnyatāyāḥ svabhāvaḥ / abhāvaḥ saṃskṛtaśūnyatāyāḥ svabhāvaḥ / abhāvo 'saṃskṛtaśūnyatāyāḥ svabhāvaḥ / abhāvo 'tyantaśūnyatāyāḥ svabhāvaḥ / abhāvo 'navarāgraśūnyatāyāḥ svabhāvaḥ / abhāvo 'navakāraśūnyatāyāḥ svabhāvaḥ / abhāvaḥ prakṛtiśūnyatāyāḥ svabhāvaḥ / abhāvaḥ sarvadharmaśūnyatāyāḥ svabhāvaḥ / abhāvaḥ svalakṣaṇaśūnyatāyāḥ svabhāvaḥ / abhāvo 'nupalambhaśūnyatāyāḥ svabhāvaḥ / abhāvo 'bhāvaśūnyatāyāḥ svabhāvaḥ / abhāvaḥ svabhāvaśūnyatāyāḥ svabhāvaḥ / abhāvo 'bhāvasvabhāvaśūnyatāyāḥ svabhāvaḥ /
abhāvaḥ smṛtyupasthānānāṃ svabhāvaḥ / abhāvaḥ samyakprahāṇānāṃ svabhāvaḥ / abhāvaḥ ṛddhipādānāṃ svabhāvaḥ / abhāvaḥ indriyāṇāṃ svabhāvaḥ / abhāvo balānāṃ svabhāvaḥ / abhāvo bodhyaṅgānāṃ svabhāvaḥ / abhāvaḥ āryāṣṭāṅgamārgasya svabhāvaḥ / abhāvaḥ āryasatyānāṃ svabhāvaḥ / abhāvo dhyānānāṃ svabhāvaḥ / abhāvo 'pramāṇānāṃ svabhāvaḥ / abhāvaḥ ārūpyasamāpattīnāṃ svabhāvaḥ / abhāvo vimokṣāṇāṃ svabhāvaḥ / abhāvo 'nupūrvavihārasamāpattīnāṃ svabhāvaḥ / abhāvaḥ śūnyatānimittāpraṇihitavimokṣamukhānāṃ svabhāvaḥ / abhāvo 'bhijñānāṃ svabhāvaḥ / abhāvaḥ samādhīnāṃ svabhāvaḥ / abhāvo dhāraṇīmukhānāṃ svabhāvaḥ / abhāvas tathāgatabalānāṃ svabhāvaḥ / abhāvo vaiśāradyānāṃ svabhāvaḥ / abhāvaḥ pratisaṃvidāṃ svabhāvaḥ / abhāvo mahāmaitryāḥ svabhāvaḥ / abhāvo mahākaruṇāyāḥ svabhāvaḥ / abhāvo 'ṣṭādaśāveṇikabuddhadharmāṇāṃ svabhāvaḥ / abhāvaḥ śrotaāpattiphalasya svabhāvaḥ / abhāvaḥ sakṛdāgāmiphalasya svabhāvaḥ / abhāvo 'nāgāmiphalasya svabhāvaḥ / abhāvo 'rhattvasya svabhāvaḥ / abhāvaḥ pratyekabodheḥ svabhāvaḥ /
abhāvo mārgākārajñatāyāḥ svabhāvaḥ / abhāvaḥ sarvākārajñatāyāḥ svabhāvaḥ / abhāvas tathatāyāḥ svabhāvaḥ / abhāvo 'vitathatāyāḥ svabhāvaḥ / abhāvo 'nanyatathatāyāḥ svabhāvaḥ / abhāvo dharmatāyāḥ svabhāvaḥ / abhāvo dharmadhātoḥ svabhāvaḥ / abhāvo dharmasthititāyāḥ svabhāvaḥ / abhāvo dharmaniyāmatāyāḥ svabhāvaḥ / abhāvo bhūtakoṭeḥ svabhāvaḥ /
anenāyuṣmañ chāradvatīputra paryāyeṇaiva veditavyaḥ / yathārūpaṃ virahitaṃ rūpasvabhāvena / vedanā virahitā vedanāsvabhāvena / saṃjñā virahitā saṃjñāsvabhāvena / saṃskārā virahitāḥ saṃskārasvabhāvena / vijñānaṃ virahitaṃ vijñānasvabhāvena / cakṣur virahitaṃ cakṣuḥsvabhāvena / śrotraṃ virahitaṃ śrotrasvabhāvena / ghrāṇaṃ virahitaṃ ghrāṇasvabhāvena / jihvā virahitā jihvāsvabhāvena / kāyo virahitaḥ kāyasvabhāvena / mano virahitaḥ manaḥsvabhāvena / rūpaṃ virahitaṃ rūpasvabhāvena / śabdo virahitaḥ śabdasvabhāvena / gandho virahito gandhasvabhāvena / raso virahito rasasvabhāvena / sparśo virahitaḥ sparśasvabhāvena / dharmā virahitāḥ dharmasvabhāvena / cakṣurvijñānaṃ virahitaṃ cakṣurvijñānasvabhāvena / śrotravijñānaṃ virahitaṃ śrotravijñānasvabhāvena / ghrāṇavijñānaṃ virahitaṃ ghrāṇavijñānasvabhāvena / jihvāvijñānaṃ virahitaṃ jihvāvijñānasvabhāvena / kāyavijñānaṃ virahitaṃ kāyavijñānasvabhāvena / manovijñānaṃ virahitaṃ manovijñānasvabhāvena / cakṣuḥsaṃsparśo virahitaś cakṣuḥsaṃsparśasvabhāvena / śrotrasaṃsparśo virahitaḥ śrotrasaṃsparśasvabhāvena / ghrāṇasaṃsparśo virahito ghrāṇasaṃsparśasvabhāvena / jihvāsaṃsparśo virahito jihvāsaṃsparśasvabhāvena / kāyasaṃsparśo virahitaḥ kāyasaṃsparśasvabhāvena / manaḥsaṃsparśo virahito manaḥsaṃsparśasvabhāvena / cakṣuḥsaṃsparśapratyayavedanā virahitā cakṣuḥsaṃsparśapratyayavedanāsvabhāvena / śrotrasaṃsparśapratyayavedanā virahitā śrotrasaṃsparśapratyayavedanāsvabhāvena /
ghrāṇasaṃsparśapratyayavedanā virahitā ghrāṇasaṃsparśapratyayavedanāsvabhāvena / jihvāsaṃsparśapratyayavedanā virahitā jihvāsaṃsparśapratyayavedanāsvabhāvena / kāyasaṃsparśapratyayavedanā virahitā kāyasaṃsparśapratyayavedanāsvabhāvena / manaḥsaṃsparśapratyayavedanā virahitā manaḥsaṃsparśapratyayavedanāsvabhāvena / pṛthivīdhātur virahitaḥ pṛthivīdhātusvabhāvena / abdhātur virahito 'bdhātusvabhāvena / tejodhātur virahitas tejodhātusvabhāvena / vāyudhātur virahito vāyudhātusvabhāvena / ākāśadhātur virahita ākāśadhātusvabhāvena / vijñānadhātur virahito vijñānadhātusvabhāvena / avidyā virahitāvidyāsvabhāvena / saṃskārā virahitāḥ saṃskārasvabhāvena / vijñānaṃ virahitaṃ vijñānasvābhena / nāmarūpaṃ virahitaṃ nāmarūpasvabhāvena / ṣaḍāyatanaṃ virahitaṃ ṣaḍāyatanasvabhāvena / sparśo virahitaḥ sparśasvabhāvena / vedanā virahitā vedanāsvabhāvena / tṛṣṇā virahitā tṛṣṇāsvabhāvena / upādānaṃ virahitam upādānasvabhāvena / bhavo virahito bhavasvabhāvena / jātir virahitā jātisvabhāvena / jarāmaraṇaṃ virahitaṃ jarāmaraṇasvabhāvena /
dānapāramitā virahitā dānapāramitāsvabhāvena / śīlapāramitā virahitā śīlapāramitāsvabhāvena / kṣāntipāramitā virahitā kṣāntipāramitāsvabhāvena / vīryapāramitā virahitā vīryapāramitāsvabhāvena / dhyānapāramitā virahitā dhyānapāramitāsvabhāvena / prajñāpāramitā virahitā prajñāpāramitāsvabhāvena /
adhyātmaśūnyatā virahitā adhyātmaśūnyatāsvabhāvena / bahirdhāśūnyatā virahitā bahirdhāśūnyatāsvabhāvena / adhyātmabahirdhāśūnyatā virahitā adhyātmabahirdhāśūnyatāsvabhāvena / śūnyatāśūnyatā virahitā śūnyatāśūnyatāsvabhāvena / mahāśūnyatā virahitā mahāśūnyatāsvabhāvena / paramārthaśūnyatā virahitā paramārthaśūnyatāsvabhāvena / saṃskṛtaśūnyatā virahitā saṃskṛtaśūnyatāsvabhāvena / asaṃskṛtaśūnyatā virahitā asaṃskṛtaśūnyatāsvabhāvena / atyantaśūnyatā virahitā atyantaśūnyatāsvabhāvena / anavarāgraśūnyatā virahitā anavarāgraśūnyatāsvabhāvena / anavakāraśūnyatā virahitā anavakāraśūnyatāsvabhāvena / prakṛtiśūnyatā virahitā prakṛtiśūnyatāsvabhāvena / sarvadharmaśūnyatā virahitā sarvadharmaśūnyatāsvabhāvena / svalakṣaṇaśūnyatā virahitā svalakṣaṇaśūnyatāsvabhāvena / anupalambhaśūnyatā virahitā anupalambhaśūnyatāsvabhāvena / abhāvaśūnyatā virahitā abhāvaśūnyatāsvabhāvena / svabhāvaśūnyatā virahitā svabhāvaśūnyatāsvabhāvena / abhāvasvabhāvaśūnyatā virahitā abhāvasvabhāvaśūnyatāsvabhāvena /
smṛtyupasthānāni virahitāni smṛtyupasthānasvabhāvena / samyakprahāṇāni virahitāni samyakprahāṇasvabhāvena / ṛddhipādā virahitāḥ ṛddhipādasvabhāvena / indriyāṇi virahitāni indriyasvabhāvena / balāni virahitāni balasvabhāvena / bodhyaṅgāni virahitāni bodhyaṅgasvabhāvena / āryāṣṭāṅgamārgo virahita āryāṣṭāṅgamārgasvabhāvena / āryasatyāni virahitāny āryasatyasvabhārvena / dhyānāni virahitāni dhyānasvabhāvena / apramāṇāni virahitāny apramāṇasvabhāvena / ārūpyasamāpattayo virahitā ārūpyasamāpattisvabhāvena / aṣṭavimokṣā virahitā aṣṭavimokṣasvabhāvena / anupūrvavihārasamāpattayo virahitā anupūrvavihārasamāpattisvabhāvena / śūnyatānimittāpraṇihitavimokṣamukhāni virahitāni śūnyatānimittāpraṇihitavimokṣamukhasvabhāvena / samādhayo virahitāḥ samādhisvabhāvena / dhāraṇīmukhāni virahitāni dhāraṇīmukhasvabhāvena / tathāgatabalāni virahitāni tathāgatabalasvabhāvena / vaiśāradyāni virahitāni vaiśāradyasvabhāvena / pratisaṃvido virahitāḥ pratisaṃvitsvabhāvena / mahāmaitrī virahitā mahāmaitrīsvabhāvena / mahākaruṇā virahitā mahākaruṇāsvabhāvena / āveṇikabuddhadharmā virahitā āveṇikabuddhadharmasvabhāvena / śrotaāpattiphalaṃ virahitaṃ śrotaāpattiphalasvabhāvena / sakṛdāgāmiphalaṃ virahitaṃ sakṛdāgāmiphalasvabhāvena / anāgāmiphalaṃ virahitam anāgāmiphalasvabhāvena / arhattvaṃ virahitam arhattvasvabhāvena / pratyekabodhir virahitā pratyekabodhisvabhāvena / mārgākārajñatā virahitā mārgākārajñatāsvabhāvena / sarvākārajñatā virahitā sarvākārajñatāsvabhāvena / tathatā virahitā tathatāsvabhāvena / avitathatā virahitā avitathatāsvabhāvena / ananyatathatā virahitā ananyatathatāsvabhāvena / dharmatā virahitā dharmatāsvabhāvena / dharmadhātur virahito dharmadhātusvabhāvena / dharmasthititā virahitā dharmasthititāsvabhāvena / dharmaniyāmatā virahitā dharmaniyāmatāsvabhāvena / bhūtakoṭir virahitā bhūtakoṭisvabhāvena /
punar aparam āyuṣmañ chāradvatīputra rūpaṃ virahitaṃ rūpalakṣaṇena / vedanā virahitā vedanālakṣaṇena / saṃjñā virahitā saṃjñālakṣaṇena / saṃskārā virahitāḥ saṃskāralakṣaṇena / vijñānaṃ virahitaṃ vijñānalakṣaṇena / cakṣur virahitaṃ cakṣurlakṣaṇena / śrotraṃ virahitaṃ śrotralakṣaṇena / ghrāṇaṃ virahitaṃ ghrāṇalakṣaṇena / jihvā virahitā jihvālakṣaṇena / kāyo virahitaḥ kāyalakṣaṇena / mano virahitaṃ manolakṣaṇena / rūpaṃ virahitaṃ rūpalakṣaṇena / śabdo virahitaḥ śabdalakṣaṇena / gandho virahito gandhalakṣaṇena / raso virahito rasalakṣaṇena / sparśo virahitaḥ sparśalakṣaṇena / dharmā virahitā dharmalakṣaṇena / cakṣurvijñānaṃ virahitaṃ cakṣurvijñānalakṣaṇena / śrotravijñānaṃ virahitaṃ śrotravijñānalakṣaṇena / ghrāṇavijñānaṃ virahitaṃ ghrāṇavijñānalakṣaṇena / jihvāvijñānaṃ virahitaṃ jihvāvijñānalakṣaṇena / kāyavijñānaṃ virahitaṃ kāyavijñānalakṣaṇena / mano vijñānaṃ virahitaṃ manovijñānalakṣaṇena / cakṣuḥsaṃsparśo virahitaś cakṣuḥsaṃsparśalakṣaṇena / śrotrasaṃsparśo virahitaṃ śrotrasaṃsparśalakṣaṇena / ghrāṇasaṃsparśo virahito ghrāṇasaṃsparśalakṣaṇena / jihvāsaṃsparśo virahito jihvāsaṃsparśalakṣaṇena / kāyasaṃsparśo virahitaḥ kāyasaṃsparśalakṣaṇena / manaḥsaṃsparśo virahito manaḥsaṃsparśalakṣaṇena / cakṣuḥsaṃsparśapratyayavedanā virahitā cakṣuḥsaṃsparśapratyayavedanālakṣaṇena / śrotrasaṃsparśapratyayavedanā virahitā śrotrasaṃsparśapratyayavedanālakṣaṇena / ghrāṇasaṃsparśapratyayavedanā virahitā ghrāṇasaṃsparśapratyayavedanālakṣaṇena / jihvāsaṃsparśapratyayavedanā virahitā jihvāsaṃsparśapratyayavedanālakṣaṇena / kāyasaṃsparśapratyayavedanā virahitā kayasaṃsparśapratyayavedanālakṣaṇena / manaḥsaṃsparśapratyayavedanā virahitā manaḥsaṃsparśapratyayavedanālakṣaṇena /
pṛthivīdhātur virahitaḥ pṛthivīdhātulakṣaṇena / abdhātur virahito 'bdhātulakṣaṇena / tejodhātur virahitas tejodhātulakṣaṇena / vāyadhātur virahito vāyudhātulakṣaṇena / ākāśadhātur virahita ākāśadhātulakṣaṇena / vijñānadhātur virahito vijñānadhātulakṣaṇena / avidyā virahitā avidyālakṣaṇena / saṃskārā virahitāḥ saṃskāralakṣaṇena / vijñānaṃ virahitaṃ vijñānalakṣaṇena / nāmarūpaṃ virahitaṃ nāmarūpalakṣaṇena / ṣaḍāyatanaṃ virahitaṃ ṣaḍāyatanalakṣaṇena / sparśo virahitaḥ sparśalakṣaṇena / vedanā virahitā vedanālakṣaṇena / tṛṣṇā virahitā tṛṣṇālakṣaṇena / upādānaṃ virahitam upādānalakṣaṇena / bhavo virahito bhavalakṣaṇena / jātir virahitā jātilakṣaṇena / jarāmaraṇaṃ virahitaṃ jarāmaralakṣaṇena /
dānapāramitā virahitā dānapāramitālakṣaṇena / śīlapāramitā virahitā śīlapāramitālakṣaṇena / kṣāntipāramitā virahitā kṣāntipāramitālakṣaṇena / vīryapāramitā virahitā vīryapāramitālakṣaṇena / dhyānapāramitā virahitā dhyānapāramitālakṣaṇena / prajñāpāramitā virahitā prajñāpāramitālakṣaṇena /
adhyātmaśūnyatā virahitā adhyātmaśūnyatālakṣaṇena / bahirdhāśūnyatā virahitā bahirdhāśūnyatālakṣaṇena / adhyātmabahirdhāśūnyatā virahitā adhyātmabahirdhāśūnyatālakṣaṇena / śūnyatāśūnyatā virahitā śūnyatāśūnyatālakṣaṇena / mahāśūnyatā virahitā mahāśūnyatālakṣaṇena / paramārthaśūnyatā virahitā paramārthaśūnyatālakṣaṇena / saṃskṛtaśūnyatā virahitā saṃskṛtaśūnyatālakṣaṇena / asaṃskṛtaśūnyatā virahitā asaṃskṛtaśūnyatālakṣaṇena / atyantaśūnyatā virahitā atyantaśūnyatālakṣaṇena / anavarāgraśūnyatā virahitā anavarāgraśūnyatālakṣaṇena / anavakāraśūnyatā virahitā anavakāraśūnyatālakṣaṇena / prakṛtiśūnyatā virahitā prakṛtiśūnyatālakṣaṇena / sarvadharmaśūnyatā virahitā sarvadharmaśūnyatālakṣaṇena / svalakṣaṇaśūnyatā virahitā svalakṣaṇaśūnyatāsvabhāvena / anupalambhaśūnyatā virahitā anupalambhaśūnyatālakṣaṇena / abhāvaśūnyatā virahitā abhāvaśūnyatālakṣaṇena / svabhāvaśūnyatā virahitā svabhāvaśūnyatālakṣaṇena / abhāvasvabhāvaśūnyatā virahitā abhāvasvabhāvaśūnyatālakṣaṇena /
smṛtyupasthānāni virahitāni smṛtyupasthānalakṣaṇena / samyakprahāṇāni virahitāni samyakprahāṇalakṣaṇena / ṛddhipādā virahitā ṛddhipādalakṣaṇena / indriyāṇi virahitāni indriyalakṣaṇena / balāni virahitāni balalakṣaṇena / bodhyaṅgāni virahitāni bodhyaṅgalakṣaṇena / āryāṣṭāṅgamārgo virahita āryāṣṭāṅgamārgalakṣaṇena / āryasatyāni virahitāny āryasatyalakṣaṇena / dhyānāni virahitāni dhyānalakṣaṇena / apramāṇāni virahitāni apramāṇalakṣaṇena / ārūpyasamāpattayo virahitā ārūpyasamāpattilakṣaṇena / aṣṭau vimokṣā virahitā aṣṭavimokṣalakṣaṇena / anupūrvavihārasamāpattayo virahitā anupūrvavihārasamāpattilakṣaṇena / śūnyatānimittāpraṇihitavimokṣamukhāni virahitāni śūnyatānimittāpraṇihitavimokṣamukhalakṣaṇena / abhijñā virahitā abhijñālakṣaṇena / samādhayo virahitāḥ samādhilakṣaṇena / dhāraṇīmukhāni virahitāni dhāraṇīmukhalakṣaṇena / tathāgatabalāni virahitāni tathāgatabalalakṣaṇena / vaiśāradyāni virahitāni vaiśāradyalakṣaṇena / pratisaṃvido virahitāḥ pratisaṃvidalakṣaṇena / mahāmaitrī virahitā mahāmaitrīlakṣaṇena / mahākaruṇā virahitā mahākaruṇālakṣaṇena / āveṇikabuddhadharmā virahitā āveṇikabuddhadharmasvabhāvena / śrotaāpattiphalaṃ virahitaṃ śrotaāpattiphalalakṣaṇena / sakṛdāgāmiphalaṃ virahitaṃ sakṛdāgāmiphalalakṣaṇena / anāgāmiphalaṃ virahitam anāgāmiphalalakṣaṇena / arhattvaṃ virahitam arhattvalakṣaṇena / pratyekabodhir virahitā pratyekabodhilakṣaṇena / mārgākārajñatā virahitā mārgākārajñatālakṣaṇena / sarvākārajñatā virahitā sarvākārajñatālakṣaṇena / tathatā virahitā tathatālakṣaṇana / avitathatā virahitā avitathatālakṣaṇana / ananyatathatā virahitā ananyatathatālakṣaṇena / dharmatā virahitā dharmatālakṣaṇena / dharmadhātur virahito dharmadhātulakṣaṇena / dharmasthititā virahitā dharmasthititālakṣaṇena / dharmaniyāmatā virahitā dharmaniyāmatālakṣaṇena / bhūtakoṭir virahitā bhūtakoṭilakṣaṇena / lakṣaṇasvabhāvenāpi lakṣaṇaṃ virahitaṃ / svabhāvalakṣaṇenāpi lakṣaṇasvabhāvo virahitaḥ /
āha / ya āyuṣman subhūte bodhisattvo mahāsattvo 'tra śikṣāyāṃ śikṣiṣyate / sa niryāsyati sarvākārajñatāyāṃ / subhūtir āha / evam evaitad āyuṣmañ chāradvatīputra evam etat / yo bodhisattvo mahāsattvo 'tra śikṣāyāṃ śikṣiṣyate / sa niryāsyati sarvākārajñatāyāṃ / tat kasya hetos tathā hy āyuṣmañ chāradvatīputrājātā niryātāḥ sarvadharmāḥ / āha / katama āyuṣman subhūte 'jātā niryātāḥ sarvadharmāḥ / subhūtir āha / rūpam āyuṣmañ chāradvatīputra śūnyarūpeṇa / tasya naiva jātir upalabhyate / na niryāṇaṃ / vedanā śūnyā vedanayā tasya naiva jātir upalabhyate na niryāṇaṃ / saṃjñā śūnyā saṃjñayā / tasyā naiva jātir upalabhyate / na niryāṇaṃ / saṃskārāḥ śūnyāḥ / saṃskārais teṣāṃ naiva jātir upalabhyate na niryāṇaṃ / vijñānaṃ śūnyaṃ vijñānena tasya naiva jātir upalabhyate na niryāṇaṃ / cakṣur āyuṣmañ chāradvatīputra śūnyaṃ cakṣuṣā tasya naiva jātir upalabhyate na niryāṇaṃ / śrotraṃ śūnyaṃ śrotreṇa tasya naiva jātir upalabhyate na niryāṇaṃ / ghrāṇaṃ śūnyaṃ ghrāṇena tasya naiva jātir upalabhyate na niryāṇaṃ / jihvā śūnyā jihvayā tasyā naiva jātir upalabhyate na niryāṇaṃ / kāyaḥ śūnyaḥ kāyena tasya naiva jātir upalabhyate na niryāṇaṃ / manaḥ śūnyaṃ manasā tasya naiva jātir upalabhyate na niryāṇaṃ / rūpam āyuṣmañ chāradvatīputra śūnyaṃ rūpeṇa tasya naiva jātir upalabhyate na niryāṇaṃ / śabdaḥ śūnyaḥ śabdena tasya naiva jātir upalabhyate na niryāṇaṃ / gandhaḥ śūnyo gandhena tasya naiva jātir upalabhyate na niryāṇaṃ / rasaḥ śūnyo rasena tasya naiva jātir upalabhyate na niryāṇaṃ / sparśaḥ śūnyaḥ sparśena tasya naiva jātir upalabhyate na niryāṇaṃ / dharmāḥ śūnyā dharmais teṣāṃ naiva jātir upalabhyate na niryāṇaṃ /
cakṣurvijñānam āyuṣmañ chāradvatīputra śūnyaṃ cakṣurvijñānena tasya naiva jātir upalabhyate na niryāṇaṃ / śrotravijñānaṃ śūnyaṃ śrotravijñanena tasya naiva jātir upalabhyate na niryāṇaṃ / ghrāṇavijñānaṃ śūnyaṃ ghrāṇavijñānena tasya maiva jātir upalabhyate na niryāṇaṃ / jihvāvijñānaṃ śūnyaṃ jihvāvijñānena tasya naiva jātir upalabhyate na niryāṇaṃ / kāyavijñānaṃ śūnyaṃ kāyavijñānena tasya naiva jātir upalabhyate na niryāṇaṃ / manovijñānaṃ śūnyaṃ manovijñānena tasya naiva jātir upalabhyate na niryāṇaṃ /
cakṣuḥsaṃsparśa āyuṣmañ chāradvatīputra śūnyaś cakṣuḥsaṃsparśena tasya naiva jātir upalabhyate na niryāṇaṃ / śrotrasaṃsparśaḥ śūnyaḥ śrotrasaṃsparśena tasya naiva jātir upalabhyate na niryāṇaṃ / ghrāṇasaṃsparśaḥ śūnyo ghrāṇasaṃsparśena tasya naiva jātir upalabhyate na niryāṇaṃ / jihvāsaṃsparśaḥ śūnyo jihvāsaṃsparśena tasya naiva jātir upalabhyate na niryāṇaṃ / kāyasaṃsparśaḥ śūnyaḥ kāyasaṃsparśena tasya naiva jātir upalabhyate na niryāṇaṃ / manaḥsaṃsparśaḥ śūnyo manaḥ saṃsparśena tasya naivajātir upalabhyate na niryāṇaṃ /
cakṣuḥsaṃsparśapratyayavedanā śūnyā cakṣuḥsaṃsparśapratyayavedanayā tasyā naiva jātir upalabhyate na niryāṇaṃ / śrotrasaṃsparśapratyayavedanā śūnyā śrotrasaṃsparśapratyayavedanayā tasyā naiva jātir upalabhyate na niryāṇaṃ / ghrāṇasaṃsparśapratyayavedanā śūnyā ghrāṇasaṃsparśapratyayavedanayā tasyā naiva jātir upalabhyate na niryāṇaṃ / jihvāsaṃsparśapratyayavedanā śūnyā jihvāsaṃsparśapratyayavedanayā tasyā naiva jātir upalabhyate na niryāṇaṃ / kāyasaṃsparśapratyayavedanā śūnyā kāyasaṃsparśapratyayavedanayā tasyā naiva jātir upalabhyate na niryāṇaṃ / manaḥsaṃsparśapratyayavedanā śūnyā manaḥsaṃsparśapratyayavedanayā tasyā naiva jātir upalabhyate na niryāṇaṃ /
pṛthivīdhātur āyuṣmañ chāradvatīputra śūnyaḥ pṛthivīdhātunā tasya naiva jātir upalabhyate na niryāṇaṃ / abdhātuḥ śūnyo 'bdhātunā tasya naiva jātir upalabhyate na niryāṇaṃ / tejodhātuḥ śūnyas tejodhātunā tasya naiva jātir upalabhyate na niryāṇaṃ / vāyudhātuḥ śūnyo vāyudhātunā tasya naiva jātir upalabhyate na niryāṇaṃ / ākāśadhātuḥ śūnya ākāśadhātunā tasya naiva jātir upalabhyate na niryāṇaṃ / vijñānadhātuḥ śūnyo vijñānadhātunā / tasya naiva jātir upalabhyate na niryāṇaṃ /
avidyā āyuṣmañ chāradvatīputra śūnyāvidyayā tasyā naiva jātir upalabhyate na niryāṇaṃ // saṃskārāḥ śūnyāḥ saṃskāraiḥ teṣāṃ naiva jātir upalabhyate na niryāṇaṃ / vijñānaṃ śūnyaṃ vijñānena tasya naiva jātir upalabhyate na niryāṇaṃ / nāmarūpaṃ śūnyaṃ nāmarūpeṇa tasya naiva jātir upalabhyate na niryāṇaṃ / ṣaḍāyatanaṃ śūnyaṃ ṣaḍāyatanena tasya naiva jātir upalabhyate na niryāṇaṃ / sparśaḥ śūnyaḥ sparśena tasya naiva jātir upalabhyate na niryāṇaṃ / vedanā śūnyā vedanayā tasyā naiva jātir upalabhyate na niryāṇaṃ / tṛṣṇā śūnyā tṛṣṇayā tasyā naiva jātir upalabhyate na niryāṇaṃ / upādānaṃ śūnyam upādānena tasya naiva jātir upalabhyate na niryāṇaṃ / bhavaḥ śūnyo bhavena tasya naiva jātir upalabhyate na niryāṇaṃ / jātiḥ śūnyo jātyā tasyā naiva jātir upalabhyate na niryāṇaṃ / jarāmaraṇaṃ śūnyaṃ jarāmaraṇena tasya naiva jātir upalabhyate na niryāṇaṃ /
dānapāramitāyuṣmañ chāradvatīputra śūnyā dānapāramitayā tasyā naiva jātir upalabhyate na niryāṇaṃ / śīlapāramitā śūnyā śīlapāramitayā tasyā naiva jātir upalabhyate na niryāṇaṃ / kṣāntipāramitā śūnyā kṣāntipāramitayā tasyā naiva jātir upalabhyate na niryāṇaṃ / vīryapāramitā śūnyā vīryapāramitayā tasyā naiva jātir upalabhyate na niryāṇaṃ / dhyānapāramitā śūnyā dhyānapāramitayā tasyā naiva jātir upalabhyate na niryāṇaṃ / prajñāpāramitā śūnyā prajñāpāramitayā tasyā naiva jātir upalabhyate na niryāṇaṃ /
adhyātmaśūnyatāyuṣmañ chāradvatīputra śūnyādhyātmaśūnyatayā tasyā naiva jātir upalabhyate na niryāṇaṃ / bahirdhāśūnyatā śūnyā bahirdhāśūnyatayā tasyā naiva jātir upalabhyate na niryāṇaṃ / adhyātmabahirdhāśūnyatā śūnyādhyātmabahirdhāśūnyatayā tasyā naiva jātir upalabhyate na niryāṇaṃ / śūnyatāśūnyatā śūnyā śūnyatāśūnyatayā tasyā naiva jātir upalabhyate na niryāṇaṃ / mahāśūnyatā śūnyā mahāśūnyatayā tasyā naiva jātir upalabhyate na niryāṇaṃ / paramārthaśūnyatā śūnyā paramārthaśūnyatayā tasyā naiva jātir upalabhyate na niryāṇaṃ / saṃskṛtaśūnyatā śūnyā saṃskṛtaśūnyatayā tasyā naiva jātir upalabhyate na niryāṇaṃ / asaṃskṛtaśūnyatā śūnyā asaṃskṛtaśūnyatayā tasyā naiva jātir upalabhyate na niryāṇaṃ / atyantaśūnyatā śūnyā atyantaśūnyatayā tasyā naiva jātir upalabhyate na niryāṇaṃ / anavarāgraśūnyatā śūnyā anavarāgraśūnyatayā tasyā naiva jātir upalabhyate na niryāṇaṃ / anavakāraśūnyatā śūnyānavakāraśūnyatayā tasyā naiva jātir upalabhyate na niryāṇaṃ / prakṛtiśūnyatā śūnyā prakṛtiśūnyatayā tasyā naiva jātir upalabhyate na niryāṇaṃ / sarvadharmaśūnyatā śūnyā sarvadharmaśūnyatayā tasyā naiva jātir upalabhyate na niryāṇaṃ / svalakṣaṇaśūnyatā śūnyā svalakṣaṇaśūnyatayā tasyā naiva jātir upalabhyate na niryāṇaṃ / anupalambhaśūnyatā śūnyā anupalambhaśūnyatayā tasyā naiva jātir upalabhyate na niryāṇaṃ / abhāvaśūnyatā śūnyā abhāvaśūnyatayā tasyā naiva jātir upalabhyate na niryāṇaṃ / svabhāvaśūnyatā śūnyā svabhāvaśūnyatayā / tasyā naiva jātir upalabhyate na niryāṇaṃ / abhāvasvabhāvaśūnyatā śūnyābhāvasvabhāvadśūnyatayā tasyā naiva jātir upalabhyate na niryāṇaṃ /
smṛtyupasthānāny āyuṣmañ chāradvatīputra śūnyāni smṛtyupasthānaiḥ teṣāṃ naiva jātir upalabhyate na niryāṇaṃ / samyakprahāṇāni śūnyāni samyakprahāṇaiḥ teṣāṃ naiva jātir upalabhyate na niryāṇaṃ / ṛddhipādāḥ śūnyāḥ ṛddhipādaiḥ teṣāṃ naiva jātir upalabhyate na niryāṇaṃ / indriyāṇi śūnyānīndriyaiḥ teṣāṃ naiva jātir upalabhyate na niryāṇaṃ / balāni śūnyāni balaiḥ teṣāṃ naiva jātir upalabhyate na niryāṇaṃ / bodhyaṅgāni śūnyāni bodhyaṅgaiḥ teṣāṃ naiva jātir upalabhyate na niryāṇaṃ / āryāṣṭāṅgamārgaḥ śūnya āryāṣṭāṅgamārgeṇa tasya naiva jātir upalabhyate na niryāṇaṃ /
āryasatyāny āyuṣmañ chāradvatīputra śūnyāny āryasatyaiḥ teṣāṃ naiva jātir upalabhyate na niryāṇaṃ / dhyānāni śūnyāni dhyānaiḥ teṣāṃ naiva jātir upalabhyate na niryāṇaṃ / apramāṇāni śūnyāny apramāṇaiḥ teṣāṃ naiva jātir upalabhyate na niryāṇaṃ / ārūpyasamāpattayaḥ śūnyā ārūpyasamāpattibhiḥ teṣāṃ naiva jātir upalabhyate na niryāṇaṃ / aṣṭau vimokṣāḥ śūnyā vimokṣaiḥ teṣāṃ naiva jātir upalabhyate na niryāṇaṃ / navānupūrvavihārasamāpattayaḥ śūnyā navānupūrvavihārasamāpattibhiḥ tāsāṃ naiva jātir upalabhyate na niryāṇaṃ / śūnyatānimittāpraṇihitavimokṣamukhāni śūnyāni śūnyatānimittāpraṇihitavimokṣaiḥ teṣāṃ naiva jātir upalabhyate na niryāṇaṃ / abhijñāḥ śūnyā abhijñābhiḥ tāsāṃ naiva jātir upalabhyate na niryāṇaṃ / samādhayaḥ śūnyāḥ samādhibhiḥ teṣāṃ naiva jātir upalabhyate na niryāṇaṃ / dhāraṇīmukhāni śūnyāni dhāraṇīmukhaiḥ teṣāṃ naiva jātir upalabhyate na niryāṇaṃ / daśa tathāgatabalāni śūnyāni daśa tathāgatabalaiḥ teṣāṃ naiva jātir upalabhyate na niryāṇaṃ / catvāri vaiśāradyāni śūnyāni vaiśāradyaiḥ teṣāṃ naiva jātir upalabhyate na niryāṇaṃ / catasraḥ pratisaṃvidaḥ śūnyāḥ pratisaṃvidbhiḥ tāsāṃ naiva jātir upalabhyate na niryāṇaṃ / mahāmaitrī śūnyā mahāmaitryā tasyā naiva jātir upalabhyate na niryāṇaṃ / mahākaruṇā śūnyā mahākaruṇayā tasyā naiva jātir upalabhyate na niryāṇaṃ / aṣṭādaśāveṇikā buddhadharmāḥ śūnyā āveṇikabuddhadharmaiḥ teṣāṃ naiva jātir upalabhyate na niryāṇaṃ /
śrotaāpattiphalam āyuṣmañ chāradvatīputra śūnyaṃ śrotaāpattiphalena tasya naiva jātir upalabhyate na niryāṇaṃ / sakṛdāgāmiphalaṃ śūnyaṃ sakṛdāmiphalena tasya naiva jātir upalabhyate na niryāṇaṃ / anāgāmiphalaṃ śūnyam anāgāmiphalena tasya naiva jātir upalabhyate na niryāṇaṃ / arhattvaṃ śūnyam arhattvena tasya naiva jātir upalabhyate na niryāṇaṃ / pratyekabodhiḥ śūnyā pratyekabodhyā / tasyā naiva jātir upalabhyate na niryāṇaṃ /
tathatāyuṣmañ chāradvatīputra śūnyā tathatayā / tasyā naiva jātir upalabhyate na niryāṇaṃ / avitathatā śūnyāvitathatayā / tasyā naiva jātir upalabhyate na niryāṇaṃ / ananyatathatāyuṣmañ chāradvatīputra śūnyānanyatathatayā tasyā naiva jātir upalabhyate na niryāṇaṃ / dharmatā śūnyā dharmatayā tasyā naiva jātir upalabhyate na niryāṇaṃ / dharmadhātuḥ śūnyo dharmadhātunā tasyā naiva jātir upalabhyate na niryāṇaṃ / dharmasthititā śūnyā dharmasthitayā tasyā naiva jātir upalabhyate na niryāṇaṃ / dharmaniyāmatā śūnyā dharmaniyāmatayā tasyā naiva jātir upalabhyate na niryāṇaṃ / bhūtakoṭiḥ śūnyā bhūtakoṭyā tasyā naiva jātir upalabhyate na niryāṇaṃ /
evam āyuṣmañ chāradvatīputra bodhisattvo mahāsattvaḥ prajñāpāramitāyāṃ caran sarvākārajñātāyā abhyāsībhavati / sa yathā yathā sarvākārajñatāyā abhyāsībhavati sa tathā tathā kāyapariśuddhiṃ vākpariśuddhiṃ cittapariśuddhiṃ lakṣaṇapariśuddhiñ cādhigacchati / yathā yathā kāyapariśuddhiṃ vākpariśuddhiṃ cittapariśuddhiñ cādhigacchati / sa tathā tathā bodhisattvo mahāsattvo rāgasahagataṃ cittaṃ notpādayati / dveṣasahagataṃ mohasahagataṃ mānasahagataṃ māyāśaṭhyasahagataṃ īryāmātsaryasahagata lobhasahagataṃ dṛṣṭisahagataṃ cittaṃ notpādayati / sa rāgacittam utpādya dveṣamohamāyāśaṭhyerṣāmātsaryalobhāsahagataṃ cittam utpādayan na(?) jātumātuḥ kukṣāv upapadyate / satatasamitam upapāduko bhavati / na ca kadācid apāyeṣūpapadyate / anyatra sattvaparipākahetoḥ sarvabuddhakṣetreṇa buddhakṣetraṃ saṃkrāmati / sattvān paripācayan na jātubuddhair bhagavadbhir virahito bhavati / yāvad anuttarāṃ samyaksaṃbodhim abhisaṃbuddhaḥ / tasmāt tarhy āyuṣman śāradvatīputra bodhisattvena mahāsattvenemāṃ guṇānusaṃsāṃ pratilabdhukāmenaivaṃ prajñāpāramitāyām anikṣiptadhureṇa caritavyaṃ / evaṃ hy āyuṣmañ chāradvatīputra bodhisattvo mahāsattvaḥ prajñāpāramitāyāṃ caran svabhāsībhavati sarvākārajñatāyāṃ //
śatasāhasryāḥ prajñāpāramitāyāś caturthaḥ parivartaḥ / (ŚsP_1.4)
atha pañcamaḥ parivartaḥ /
athāyuṣmān subhūtir bhagavantam etad avocat / saced bhagavan bodhisattvo mahāsattvo 'nupāyakauśalena prajñāpāramitāyāṃ caran rūpe carati nimitte carati / saced vedanāyāṃ carati nimitte carati / sacet saṃjñāyāṃ carati nimitte carati / sacet saṃskāreṣu carati nimitte carati / saced vijñāne carati nimitte carati / saced bhagavan bodhisattvo mahāsattvo 'nupāyakauśalena prajñāpāramitāyāṃ caran rūpaṃ nityam iti carati nimitte carati / saced bhagavan bodhisattvo mahāsattvo 'nupāyakauśalena prajñāpāramitāyāṃ caran rūpam anityam iti carati nimitte carati / saced bhagavan bodhisattvo mahāsattvo 'nupāyakauśalena prajñāpāramitāyāṃ caran rūpaṃ sukham iti carati nimitte carati / saced bhagavan bodhisattvo mahāsattvo 'nupāyakauśalena prajñāpāramitāyāṃ caran rūpaṃ duḥkham iti carati nimitte carati / saced bhagavan bodhisattvo mahāsattvo 'nupāyakauśalena prajñāpāramitāyāṃ caran rūpam ātmeti carati nimitte carati / saced bhagavan bodhisattvo mahāsattvo 'nupāyakauśalena prajñāpāramitāyāṃ caran rūpam anātmeti carati nimitte carati / saced bhagavan bodhisattvo mahāsattvo 'nupāyakauśalena prajñāpāramitāyāṃ caran rūpaṃ śāntam iti carati nimitte carati / saced bhagavan bodhisattvo mahāsattvo 'nupāyakauśalena prajñāpāramitāyāṃ caran rūpam aśāntam iti carati nimitte carati / saced bhagavan bodhisattvo mahāsattvo 'nupāyakauśalena prajñāpāramitāyāṃ caran rūpaṃ viviktam iti carati nimitte carati / saced bhagavan bodhisattvo mahāsattvo 'nupāyakauśalena prajñāpāramitāyāṃ caran rūpam aviviktam iti carati nimitte carati /
saced bhagavan bodhisattvo mahāsattvo 'nupāyakauśalena prajñāpāramitāyāṃ caran vedanā nityeti carati nimitte carati / saced bhagavan bodhisattvo mahāsattvo 'nupāyakauśalena prajñāpāramitāyāṃ caran vedanānityeti carati nimitte carati / saced bhagavan bodhisattvo mahāsattvo 'nupāyakauśalena prajñāpāramitāyāṃ caran vedanā sukheti carati nimitte carati / saced bhagavan bodhisattvo mahāsattvo 'nupāyakauśalena prajñāpāramitāyāṃ caran vedanāṃ duḥkheti carati nimitte carati / saced bhagavan bodhisattvo mahāsattvo 'nupāyakauśalena prajñāpāramitāyāṃ caran vedanāṃ śānteti carati nimitte carati / saced bhagavan bodhisattvo mahāsattvo 'nupāyakauśalena prajñāpāramitāyāṃ caran vedanām aśānteti carati nimitte carati / saced bhagavan bodhisattvo mahāsattvo 'nupāyakauśalena prajñāpāramitāyāṃ caran vedanāṃ vivikteti carati nimitte carati / saced bhagavan bodhisattvo mahāsattvo 'nupāyakauśalena prajñāpāramitāyāṃ caran vedanām avivikteti carati nimitte carati / saced bhagavan bodhisattvo mahāsattvo 'nupāyakauśalena prajñāpāramitāyāṃ caran saṃjñā nityeti carati nimitte carati / saced bhagavan bodhisattvo mahāsattvo 'nupāyakauśalena prajñāpāramitāyāṃ caran saṃjñā anityeti carati nimitte carati / saced bhagavan bodhisattvo mahāsattvo 'nupāyakauśalena prajñāpāramitāyāṃ caran samjñā sukheti carati nimitte carati / saced bhagavan bodhisattvo mahāsattvo 'nupāyakauśalena prajñāpāramitāyāṃ caran samjñā duḥkheti carati nimitte carati /
saced bhagavan bodhisatvo mahāsattvo 'nupāyakauśalena prajñāpāramitāyāṃ caran samjñā ātmeti carati nimitte carati / saced bhagavan bodhisattvo mahāsattvo 'nupāyakauśalena prajñāpāramitāyāṃ caran saṃjñā anātmiketi carati nimitte carati / saced bhagavan bodhisattvo mahāsattvo 'nupāyakauśalena prajñāpāramitāyāṃ caran saṃjñā śānteti carati nimitte carati / saced bhagavan bodhisattvo mahāsattvo 'nupāyakauśalena prajñāpāramitāyāṃ caran samjñāśānteti carati nimitte carati / saced bhagavan bodhisattvo mahāsattvo 'nupāyakauśalena prajñāpāramitāyāṃ caran samjñā vivikteti carati nimitte carati / saced bhagavan bodhisattvo mahāsattvo 'nupāyakauśalena prajñāpāramitāyāṃ caran saṃjñāvivikteti carati nimitte carati /
saced bhagavan bodhisattvo mahāsattvo 'nupāyakauśalena prajñāpāramitāyāṃ caran saṃskārā nityā iti carati nimitte carati / saced bhagavan bodhisattvo mahāsattvo 'nupāyakauśalena prajñāpāramitāyāṃ caran saṃskārā anityā iti carati nimitte carati / saced bhagavan bodhisattvo mahāsattvo 'nupāyakauśalena prajñāpāramitāyāṃ caran saṃskārāḥ sukhā iti carati nimitte carati / saced bhagavan bodhisattvo mahāsattvo 'nupāyakauśalena prajñāpāramitāyāṃ caran saṃskārā duḥkhā iti carati nimitte carati / saced bhagavan bodhisatvo mahāsattvo 'nupāyakauśalena prajñāpāramitāyāṃ caran saṃskārā ātmāna iti carati nimitte carati / saced bhagavan bodhisattvo mahāsattvo 'nupāyakauśalena prajñāpāramitāyāṃ caran saṃskārāḥ anātmāna iti carati nimitte carati / saced bhagavan bodhisattvo mahāsattvo 'nupāyakauśalena prajñāpāramnitāyāṃ caran saṃskārāḥ śāntā iti carati nimitte carati / saced bhagavan bodhisattvo mahāsattvo 'nupāyakauśalena prajñāpāramitāyāṃ caran saṃskārāḥ aśāntā iti carati nimitte carati / saced bhagavan bodhisattvo mahāsattvo 'nupāyakauśalena prajñāpāramitāyāṃ caran saṃskārā viviktā iti carati nimitte carati / saced bhagavan bodhisattvo mahāsattvo 'nupāyakauśalena prajñāpāramitāyāṃ caran saṃskārā aviviktā iti carati nimitte carati /
saced bhagavan bodhisattvo mahāsattvo 'nupāyakauśalena prajñāpāramitāyāṃ caran vijñānaṃ nityam iti carati nimitte carati / saced bhagavan bodhisattvo mahāsattvo 'nupāyakauśalena prajñāpāramitāyāṃ caran vijñānam anityam iti carati nimitte carati / saced bhagavan bodhisatvo mahāsattvo 'nupāyakauśalena prajñāpāramitāyāṃ caran vijñānaṃ sukham iti carati nimitte carati / saced bhagavan bodhisattvo mahāsattvo 'nupāyakauśalena prajñāpāramitāyāṃ caran vijñānaṃ duḥkham iti carati nimitte carati / saced bhagavan bodhisattvo mahāsattvo 'nupāyakauśalena prajñāpāramitāyāṃ caran vijñānam ātmeti carati nimitte carati / saced bhagavan bodhisattvo mahāsattvo 'nupāyakauśalena prajñāpāramitāyāṃ caran vijñānam anātmeti carati nimitte carati / saced bhagavan bodhisattvo mahāsattvo 'nupāyakauśalena prajñāpāramitāyāṃ caran vijñānaṃ śāntam iti carati nimitte carati / saced bhagavan bodhisattvo mahāsattvo 'nupāyakauśalena prajñāpāramitāyāṃ caran vijñānam aśāntam iti carati nimitte carati / saced bhagavan bodhisattvo mahāsattvo 'nupāyakauśalena prajñāpāramitāyāṃ caran vijñānaṃ viviktam iti carati nimitte carati / saced bhagavan bodhisattvo mahāsattvo 'nupāyakauśalena prajñāpāramitāyāṃ caran vijñānam aviviktam iti carati nimitte carati /
Nguồn: Bản Phạn còn sót, từ GRETIL (ĐH Göttingen) — trọn phần Phật giáo: kinh Đại thừa · luận · luật · mật giáo · kinh A-hàm · thí dụ · tán ca · thi ca. Bản Devanāgarī là phép CHUYỂN TỰ TẠI MÁY từ bản IAST, không phải bản GRETIL phát hành. Giấy phép và ấn bản in gốc ghi ở từng bài, thuộc về người nhập liệu và nhà xuất bản đứng tên; phần lớn là CC BY-NC-SA. Gói này phát hành trên GitHub cho người dùng app, để nghiên cứu và đối chiếu, không nhằm mục đích thương mại. Ai muốn gỡ bài của mình khỏi gói xin báo, sẽ gỡ ngay.
