Śatasāhasrikā Prajñāpāramitā, Part I

anena kāraṇena pṛthivīdhātudṛṣṭir bhavati / abdhātudṛṣṭis tejodhātudṛṣṭir vāyudhātudṛṣṭir ākāśadhātudṛṣṭir vijñānadhātudṛṣṭir bhavati / anena kāraṇenāvidyādṛṣṭir bhavati / saṃskāradṛṣṭir vijñānadṛṣṭir nāmarūpadṛṣṭiḥ ṣaḍāyatanadṛṣṭiḥ sparśadṛṣṭir vedanādṛṣṭis tṛṣṇādṛṣṭir upādānadṛṣṭir bhavadṛṣṭir jātidṛṣṭir jarāmaraṇadṛṣṭir bhavati / anena kāraṇena dānapāramitādṛṣṭir bhavati / śīlapāramitādṛṣṭiḥ kṣāntipāramitādṛṣṭir vīryapāramitādṛṣṭir dhyānapāramitādṛṣṭiḥ prajñāpāramitādṛṣṭir bhavati /

anena kāraṇenādhyātmaśūnyatādṛṣṭir bhavati / bahirdhāśūnyatādṛṣṭir adhyātmabahirdhāśūnyatādṛṣṭiḥ śūnyatāśūnyatādṛṣṭir mahāśūnyatādṛṣṭiḥ paramārthaśūnyatādṛṣṭiḥ saṃskṛtaśūnyatādṛṣṭir asaṃskṛtaśūnyatādṛṣṭir atyantaśūnyatādṛṣṭir anavarāgraśūnyatādṛṣṭir anavakāraśūnyatādṛṣṭiḥ prakṛtiśūnyatādṛṣṭiḥ sarvadharmaśūnyatādṛṣṭiḥ svalakṣaṇaśūnyatādṛiṣṭir anupalambhaśūnyatādṛṣṭir abhāvaśūnyatādṛṣṭiḥ svabhāvaśūnyatādṛiṣṭir abhāvasvabhāvaśūnyatādṛṣṭir bhavati /

anena kāraṇena smṛtyupasthānadṛṣṭir bhavati / samyakprahāṇadṛṣṭir ṛddhipādadṛṣṭir indriyadṛṣṭir baladṛṣṭir bodhyaṅgadṛṣṭir āryāṣṭāṅgamārgadṛṣṭir āryasatyadṛṣṭir dhyānadṛṣṭir apramāṇadṛṣṭir ārūpyasamāpattidṛṣṭir vimokṣadṛṣṭir anupūrvavihāradṛṣṭiḥ śūnyatānimittāpraṇihitavimokṣamukhadṛṣṭir abhijñādṛṣṭiḥ samādhidṛṣṭir dhāraṇīmukhadṛṣṭis tathāgatabaladṛṣṭir vaiśāradyadṛṣṭiḥ pratisaṃviddṛṣṭiḥ mahāmaitrīdṛṣṭir mahākraruṇādṛṣṭir āveṇikabuddhadharmadṛṣṭiḥ sattvaparipākadṛṣṭir buddhakṣetrapariśodhanadṛṣṭir bodhidṛṣṭir buddhadṛṣṭir dharmadṛṣṭir dharmacakrapravartanadṛṣṭiḥ parinirvāṇadṛṣṭir bhavati /

tatra bodhisattvo mahāsattvaḥ prajñāpāramitāyāṃ carann upāyakauśalenaiṣāṃ dṛṣṭigatānāṃ prahāṇāya dharmaṃ deśayaty anupalambhayogena / athāyuṣmān subhūtir bhagavantam etad avocat / mamāpi bhagavān tat pratibhāti yenārthena bodhisattvo mahāsattva ity ucyate / bhagavān āha / pratibhātu te subhūte / subhūtir āha / yad api bhagavān bodhicittam asamacittam asādhāraṇacittaṃ sarvaśrāvakapratyekabuddhais tatrāpi citte 'saktas tenārthena bodhisattvo mahāsattva ity ucyate / tat kasya hetoḥ / tathā hi tat sarvajñatācittam anāśravam aparyāpannaṃ yad api tat sarvajñatācittam anāśravam aparyāpannaṃ traidhātuke tatrāpi citte 'saktaḥ prakṛtiśūnyatām upādāya / tasmād bodhisattvo mahāsattva iti saṃkhyāṃ gacchati /

athāyuṣmāñ chāradvatīputra āyuṣmantaṃ subhūtim etad avocat / katamas tad āyuṣman subhūte bodhisattvasya mahāsattvasyāsamacittam asādhāraṇacittaṃ sarvaśrāvakapratyekabuddhaiḥ / subhūtir āha / ihāyuṣmañ chāradvatīputra bodhisattvo mahāsattvaḥ prathamacittotpādam upādāya / na kasyacid dharmasyotpādaṃ na nirodhaṃ samanupaśyati / na hāniṃ na vṛddhiṃ na gatiṃ nāgatiṃ na saṃkleśaṃ na vyavadānaṃ / yatra cāyuṣman śāradvatīputra notpādo na nirodho na hānir na vṛddhir na gatir nāgatir na saṃkleśo na vyavadānaṃ tatra na śrāvakacittaṃ na pratyekacittaṃ na pratyekabuddhacittaṃ na bodhicittaṃ na samyaksaṃbuddhacittam idam āyuṣmañ chāradvatīputra bodhisattvasya mahāsattvasyāsamacittam asādhāraṇacittaṃ sarvaśrāvakapratyekabuddhaiḥ / āha / yad āyuṣman subhūte evaṃ vadasi / yad api tat sarvajñatācittam anāśravam aparyāpannaṃ tatrāpi cittena sakta iti / na hy āyuṣman subhūte rūpam apy asaktaṃ vedanāpi saṃjñāpi saṃskārā api vijñānam apy asaktaṃ cakṣur apy asaktaṃ śrotram apy asaktaṃ ghrāṇam apy asaktaṃ jihvāpy asaktā kāyo 'py asaktaḥ mano 'py asaktaṃ / rūpam apy asaktaṃ śabdo 'py asakto gandho 'py asakto raso 'py asaktaḥ sparśo 'py asaktaḥ dharmo 'py asaktaḥ / cakṣurvijñānam apy asaktaṃ śrotravijñānam apy asaktaṃ ghrāṇavijñānam apy asaktaṃ jihvāvijñānam apy asaktaṃ kāyavijñānam apy asaktaṃ manovijñānam apy asaktaṃ / cakṣuḥsaṃsparśo 'py asaktaḥ śrotrasaṃsparśo 'py asaktaḥ ghrāṇasaṃsparśo 'py asaktaḥ jihvāsaṃsparśo 'py asaktaḥ / kāyasaṃsparśo 'py asaktaḥ manaḥsaṃsparśo 'py asaktaḥ / cakṣuḥsaṃsparśapratyayavedanāpy asaktā śrotrasaṃsparśapratyayavedanāpy asaktā / ghrāṇasaṃsparśapratyayavedanāpy asaktā / jihvāsaṃsparśapratyayavedanāpy asaktā / kāyasaṃsparśapratyayavedanāpy asaktā / manaḥsaṃsparśapratyayavedanāpy asaktā /

pṛthivīdhātur apy asaktaḥ / abdhātur apy asaktaḥ / tejodhātur apy asaktaḥ / vāyudhātur apy asaktaḥ / ākāśadhātur apy asaktaḥ / vijñānadhātur apy asaktaḥ / avidyāpy asaktā saṃskārāpy asaktāḥ / vijñānam apy asaktaṃ / nāmarūpam apy asaktaṃ / ṣaḍāyatanam apy asaktaṃ / sparśo 'py asaktaḥ / vedanāpy asaktā / tṛṣṇāpy asaktā / upādānam apy asaktaṃ / bhāvo 'py asaktaḥ / jātir apy asaktā / jarāmaraṇam apy asaktaṃ /

dānapāramitāpy asaktā / śīlapāramitāpy asakā / kṣāntipāramitāpy asaktā / vīryapāramitāpy asaktā / dhyānapāramitāpy asaktā / prajñāpāramitāpy asaktā /

adhyātmaśūnyatāpy asaktā / bahirdhāśūnyatāpy asaktā / adhyātmabahirdhāśūnyatāpy asaktā / śūnyatāśūnyatāpy asaktā / mahāśūnyatāpy asaktā / paramārthaśūnyatāpy asaktā / saṃskṛtaśūnyatāpy asaktā / asaṃskṛtaśūnyatāpy asaktā / atyantaśūnyatāpy asaktā / anavarāgraśūnyatāpy asaktā / anavakāraśūnyatāpy asaktā / prakṛtiśūnyatāpy asaktā / sarvadharmaśūnyatāpy asaktā / svalakṣaṇaśūnyatāpy asaktā / anupalambhaśūnyatāpy asaktā / abhāvaśūnyatāpy asaktā / svabhāvaśūnyatāpy asaktā / abhāvasvabhāvaśūnyatāpy asaktā /

smṛtyupasthānāny apy asaktāni / samyakprahāṇāny apy asaktāni / ṛddhipādā apy asaktāḥ / indriyāny apy asaktāni / balāny apy asaktāni / bodhyaṅgāny apy asaktāni / āryāṣṭāṅgamārgo 'py asaktaḥ / āryasatyāny apy asaktāni / dhyānāny apy asaktāni / apramāṇāny apy asaktāni / ārūpyasamāpattayo 'py asaktāḥ / vimokṣā apy asaktāḥ / anupūrvavihārasamāpattayo 'py asaktāḥ / śūnyatānimittāpraṇihitavimokṣamukhāny apy asaktāni / abhijñā apy asaktāḥ / samādhayo 'py asaktā / dhāraṇīmukhāny apy asaktāni / tathāgatabalāny apy asaktāni / vaiśāradyāny apy asaktāni / pratisaṃvido 'py asaktāḥ / mahāmaitry apy asaktā / mahākaruṇāpy asaktā / āveṇikabuddhadharmā apy asaktāḥ / sarvajñatāpy asaktā / mārgākārajñātāpy asaktā / sarvākārajñatāpy asaktā /

subhūtir āha / evam etad āyusmañ chāradvatīputra rūpam apy asaktaṃ / vedanāpy asaktā / saṃjñāpy asaktā / saṃskārā apy asaktāḥ / vijñānam apy asaktaṃ / cakṣur apy asaktaṃ / śrotram apy asaktaṃ / ghrāṇam asaktaṃ / jihvāpy asaktā / kāyo 'py asaktaḥ / mano 'py asaktaṃ / rūpam apy asaktaṃ / śabdo 'py asaktaḥ / gandho 'py asaktaḥ / raso 'py asaktaḥ / sparśo 'py asaktaḥ / dharmā apy asaktāḥ / cakṣurvijñānam apy asaktaṃ / śrotravijñānam apy asaktaṃ / ghrāṇavijñānam apy asaktaṃ / jihvāvijñānam apy asaktaṃ / kāyavijñānam apy asaktaṃ / manovijñānam apy asaktaṃ / cakṣuḥsaṃsparśo 'py asaktaḥ / śrotrasaṃsparśo 'py asaktaḥ / ghrāṇasaṃsparśo 'py asaktaḥ / jihvāsaṃsparśo 'py asaktaḥ / kāyasaṃsparśo 'py asaktaḥ / manaḥsaṃsparśo 'py asaktaḥ / cakṣuḥsaṃsparśapratyayavedanāpy asaktā / śrotrasaṃsparśapratyayavedanāpy asaktā / ghrāṇasaṃsparśapratyayavedanāpy asaktā / jihvāsaṃsparśapratyayavedanāpy asaktā / kāyasaṃsparśapratyayavedanāpy asaktā / manaḥsaṃsparśapratyayavedanāpy asaktā /

pṛthivīdhātur apy asaktaḥ / abdhātur apy asaktaḥ / tejodhātur apy asaktaḥ / vāyudhātur apy asaktaḥ / ākāśadhātur apy asaktaḥ / vijñānadhātur apy asaktaḥ / avidyāpy asaktā / saṃskārā apy asaktāḥ / vijñānam apy asaktaṃ / nāmarūpam apy asaktaṃ / ṣaḍāyatanam apy asaktaṃ / sparśo 'py asaktaḥ / vedanāpy asaktā / tṛṣṇāpy asaktā / upādānam apy asaktaṃ / bhavo 'py asaktaḥ / jātir apy asaktā / jarāmaraṇam apy asaktaṃ /

dānapāramitāpy asaktā / śīlapāramitāpy asaktā / kṣāntipāramitāpy asaktā / vīryapāramitāpy asaktā / dhyānapāramitāpy asaktā / prajñāpāramitāpy asaktā /

adhyātmaśūnyatāpy asaktā / bahirdhāśūnyatāpy asaktā / adhyātmabahirdhāśūnyatāpy asaktā / śūnyatāśūnyatāpy asaktā / mahāśūnyatāpy asaktā / paramārthaśūnyatāpy asaktā / saṃskṛtaśūnyatāpy asaktā / asaṃskṛtaśūnyatāpya saktā / atyantaśūnyatāpy asaktā / anavarāgraśūnyatāpy asaktā / anavakāraśūnyatāpy asaktā / prakṛtiśūnyatāpy asaktā / sarvadharmaśūnyatāpy asaktā / svalakṣaṇaśūnyatāpy asaktā / anupalambhaśūnyatāpy asaktā / abhāvaśūnyatāpy asaktā / svabhāvaśūnyatāpy asaktā / abhāvasvabhāvaśūnyatāpy asaktā /

smṛtyupasthānāny apy asaktāni / samyakprahāṇāny apy asaktāni / ṛddhipādā apy asaktāḥ / indriyāny apy asaktāni / balāny apy asaktāni / bodhyaṅgāny apy asaktāni / āryāṣṭāṅgamārgo 'py asaktaḥ / āryasatyāny apy asaktāni / dhyānāny apy asaktāni / apramāṇāny apy asaktāni / ārūpyasamāpattayo 'py asaktāḥ / vimokṣā apy asaktāḥ / anupūrvavihārasamāpattayo 'py asaktāḥ / śūnyatānimittāpraṇihitavimokṣamukhāny apy asaktāni / abhijñā apy asaktāḥ / samādhayo 'py asaktāḥ / dhāraṇīmukhāny apy asaktāni / tathāgatabalāny apy asaktāni / vaiśāradyāny apy asaktāni / pratisaṃvido 'py asaktāḥ / mahāmaitry apy asaktā / mahākaruṇāpy asaktā / āveṇikabuddhadharmā apy asaktāḥ / sarvajñatāpy asaktā / mārgākārajñatāpy asaktā / sarvākārajñatāpy asaktā /

āha / yad apy āyuṣmān subhūtir evam āha / tad api sarvajñatācittam anāśravam aparyāpannam iti / tatra āyuṣman subhūte bālapṛthagjanānām api cittam anāśravam aparyāpannaṃ prakṛtiśūnyatām upādāya / śrāvakapratyekabuddhānām api buddhānām api bhagavatām api cittam anāśravam aparyāpannaṃ prakṛtiśūnyatām upādāya / subhūtir āha / āyuṣman śāradvatīputra bālapṛthagjanānām api cittam anāśravam aparyāpannaṃ prakṛtiśūnyatām upādāya / śrāvakānām api cittam anāśravam aparyāpannaṃ prakṛtiśūnyatām upādāya / pratyekabuddhānām api cittam anāśravam aparyāpannaṃ prakṛtiśūnyatām upādāya / buddhānām api bhagavatāṃ cittam anāśravam aparyāpannaṃ prakṛtiśūnyatām upādāya / nanv āyuṣman subhūte rūpam apy anāśravam aparyāpannaṃ prakṛtiśūnyatām upādāya / vedanāpy anāśravāparyāpannā prakṛtiśūnyatām upādāya / saṃjñāpy anāśravāparyāpannā prakṛtiśūnyatām upādāya / saṃskārā apy anāśravā aparyāpannāḥ prakṛtiśūnyatām upādāya / vijñānam apy anāśravam aparyāpannaṃ prakṛtiśūnyatām upādāya / cakṣur apy anāśravam aparyāpannaṃ prakṛtiśūnyatām upādāya / śrotram apy anāśravam aparyāpannaṃ prakṛtiśūnyatām upādāya / ghrāṇam apy anāśravam aparyāpannaṃ prakṛtiśūnyatām upādāya / jihvāpy anāśravāparyāpannā prakṛtiśūnyatām upādāya / kāyo 'py anāśravo 'paryāpannaḥ prakṛtiśūnyatām upādāya / mano 'py anāśravam aparyāpannaṃ prakṛtiśūnyatām upādāya / rūpam apy anāśravam aparyāpannaṃ prakṛtiśūnyatām upādāya / śabdo 'py anāśravo 'paryāpannaḥ prakṛtiśūnyatām upādāya / gandho 'py anāśravo 'paryāpannaḥ prakṛtiśūnyatām upādāya /

raso 'py anāśravo 'paryāpannaḥ prakṛtiśūnyatām upādāya / sparśo 'py anāśravo 'paryāpannaḥ prakṛtiśūnyatām upādāya / dharmā apy anaśravā aparyāpannāḥ prakṛtiśūnyatām upādāya / cakṣurvijñānam apy anāśravam aparyāpannaṃ prakṛtiśūnyatām upādāya / śrotravijñānam apy anāśravam aparyāpannaṃ prakṛtiśūnyatām upādāya / ghrāṇavijñānam apy anāśravam aparyāpannaṃ prakṛtiśūnyatām upādāya / jihvāvijñānam apy anāśravam aparyāpannaṃ prakṛtiśūnyatām upādāya / kāyavijñānam apy anāśravam aparyāpannaṃ prakṛtiśūnyatām upādāya / manovijñānam apy anāśravam aparyāpannaṃ prakṛtiśūnyatām upādāya / cakṣuḥsaṃsparśo 'py anāśravo 'paryāpannaḥ prakṛtiśūnyatām upādāya / śrotrasaṃsparśo 'py anāśravo 'paryāpannaḥ prakṛtiśūnyatām upādāya / ghrāṇasaṃsparśo 'py anāśravo 'paryāpannaḥ prakṛtiśūnyatām upādāya / jihvāsaṃsparśo 'py anāśravo 'paryāpannaḥ prakṛtiśūnyatām upādāya / kāyasaṃsparśo 'py anāśravo 'py aparyāpannaḥ prakṛtiśūnyatām upādāya / manaḥsaṃsparśo 'py anāśravo aparyāpannaḥ prakṛtiśūnyatām upādāya / cakṣuḥsaṃsparśajā vedanāpy anāśravāparyāpannā prakṛtiśūnyatām upādāya / śrotrasaṃsparśajā vedanāpy anāśravāparyāpannā prakṛtiśūnyatām upādāya / ghrāṇasaṃsparśajā vedanāpy anāśravāparyāpannā prakṛtiśūnyatām upādāya / jihvāsaṃsparśajā vedanāpy anāśravāparyāpannā prakṛtiśūnyatām upādāya / kāyasaṃsparśajā vedanāpy anāśravāparyāpannā prakṛtiśūnyatām upādāya / manaḥsaṃsparśajā vedanāpy anāśravāparyāpannā prakṛtiśūnyatām upādāya /

pṛthivīdhātur apy anāśravo 'paryāpannaḥ prakṛtiśūnyatām upādāya / abdhātur apy anāśravo 'paryāpannaḥ prakṛtiśūnyatām upādāya / tejodhātur apy anāśravo 'paryāpannaḥ prakṛtiśūnyatām upādāya / vāyudhātur apy anāśravo 'paryāpannaḥ prakṛtiśūnyatām upādāya / ākāśadhātur apy anāśravo 'paryāpannaḥ prakṛtiśūnyatām upādāya / vijñānadhātur apy anāśravo 'paryāpannaḥ prakṛtiśūnyatām upādāya / avidyāpy anāśravāparyāpannā prakṛtiśūnyatām upādāya / saṃskārā apy anāśravāḥ aparyāpannā prakṛtiśūnyatām upādāya / vijñānam apy anāśravam aparyāpannaṃ prakṛtiśūnyatām upādāya / nāmarūpam apy anāśravam aparyāpannaṃ prakṛtiśūnyatām upādāya / ṣaḍāyatanam apy anāśravam aparyāpannaṃ prakṛtiśūnyatām upādāya / sparśo 'py anāśravo 'paryāpannaḥ prakṛtiśūnyatām upādāya / vedanā py anāśravāparyāpannā prakṛtiśūnyatām upādāya / tṛṣṇāpy anāśravāparyāpannā prakṛtiśūnyatām upādāya / upādānam apy anāśravam aparyāpannaṃ prakṛtiśūnyatām upādāya / bhāvo 'py anāśravo 'paryāpannaḥ prakṛtiśūnyatām upādāya / jātir apy anāśravāparyāpannā prakṛtiśūnyatām upādāya / jarāmaraṇam apy anāśravam aparyāpannaṃ prakṛtiśūnyatām upādāya /

dānapāramitāpy anāśravāparyāpannā prakṛtiśūnyatām upādāya / śīlapāramitāpy anāśravāparyāpannā prakṛtiśūnyatām upādāya / kṣāntipāramitāpy anāśravāparyāpannā prakṛtiśūnyatām upādāya / vīryapāramitāpy anāśravāparyāpannā prakṛtiśūnyatām upādāya / dhyānapāramitāpy anāśravāparyāpannā prakṛtiśūnyatām upādāya / prajñāpāramitāpy anāśravāparyāpannā prakṛtiśūnyatām upādāya /

adhyātmaśūnyatāpy anāśravāparyāpannā prakṛtiśūnyatām upādāya / bahirdhāśūnyatāpy anāśravāparyāpannā prakṛtiśūnyatām upādāya / adhyātmabahirdhāśūnyatāpy anāśravāparyāpannā prakṛtiśūnyatām upādāya / śūnyatāśūnyatāpy anāśravāparyāpannā prakṛtiśūnyatām upādāya / mahāśūnyatāpy anāśravāparyāpannā prakṛtiśūnyatām upādāya / paramārthaśūnyatāpy anāśravāparyāpannā prakṛtiśūnyatām upādāya / saṃskṛtaśūnyatāpy anāśravāparyāpannā prakṛtiśūnyatām upādāya / asaṃskṛtaśūnyatāpy anāśravāparyāpannā prakṛtiśūnyatām upādāya / atyantaśūnyatāpy anāśravāparyāpannā prakṛtiśūnyatām upādāya / anavarāgraśūnyatāpy anāśravāparyāpannā prakṛtiśūnyatām upādāya / anavakāraśūnyatāpy anāśravāparyāpannā prakṛtiśūnyatām upādāya / prakṛtiśūnyatāpy anāśravāparyāpannā prakṛtiśūnyatām upādāya / sarvadharmaśūnyatāpy anāśravāparyāpannā prakṛtiśūnyatām upādāya / svalakṣaṇaśūnyatāpy anāśravāparyāpannā prakṛtiśūnyatām upādāya / anupalambhaśūnyatāpy anāśravāparyāpannā prakṛtiśūnyatām upādāya / abhāvaśūnyatāpy anāśravāparyāpannā prakṛtiśūnyatām upādāya / svabhāvaśūnyatāpy anāśravāparyāpannā prakṛtiśūnyatām upādāya / abhāvasvabhāvaśūnyatāpy anāśravāparyāpannā prakṛtiśūnyatām upādāya /

smṛtyupasthānāny apy anāśravāny aparyāpannāni prakṛtiśūnyatām upādāya / samyakprahāṇāny apy anāśravāny aparyāpannāni prakṛtiśūnyatām upādāya / ṛddhipādā apy anāśrāvā aparyāpannāḥ prakṛtiśūnyatām upādāya / indriyāny apy anāśravāny aparyāpannāni prakṛtiśūnyatām upādāya / balāny apy anāśravāny aparyāpannāni prakṛtiśūnyatām upādāya / bodhyaṅgāny apy anāśravāny aparyāpannāni prakṛtiśūnyatām upādāya / mārgo 'py anāśravo 'paryāpannaḥ prakṛtiśūnyatām upādāya / āryasatyāny apy anāśravāny aparyāpannāni prakṛtiśūnyatām upādāya / dhyānāny apy anāśravāny aparyāpannāni prakṛtiśūnyatām upādāya / apramāṇāny apy anāśravāṇy aparyāpannāni prakṛtiśūnyatām upādāya / ārūpyasamāpattayo apy anāśravā aparyāpannāḥ prakṛtiśūnyatām upādāya / vimokṣā apy anāśravā aparyāpannāḥ prakṛtiśūnyatām upādāya / anupūrvavihārasamāpattayo 'py anāśravā aparyāpannāḥ prakṛtiśūnyatām upādāya / śūnyatānimittāpraṇihitavimokṣamukhāny apy anāśravāṇy aparyāpannāni prakṛtiśūnyatām upādāya / abhijñā apy anāśravā aparyāpannāḥ prakṛtiśūnyatām upādāya / samādhayo 'py anāśravā aparyāpannāḥ prakṛtiśūnyatām upādāya / dhāraṇīmukhāny anāśravāṇy aparyāpannāni prakṛtiśūnyatām upādāya / tathāgatabalāny apy anāśravāṇy aparyāpannāni prakṛtiśūnyatām upādāya / vaiśāradyāny apy anāśravāṇy aparyāpannāni prakṛtiśūnyatām upādāya / pratisaṃvido 'py anāśravā aparyāpannāḥ prakṛtiśūnyatām upādāya / mahāmaitry apy anāśravāparyāpannā prakṛtiśūnyatām upādāya / mahākaruṇāpy anāśravāparyāpannā prakṛtiśūnyatām upādāya / āveṇikabuddhadharmā apy anāśravā aparyāpannāḥ prakṛtiśūnyatām upādāya / sarvajñatāpy anāśravāparyāpannā prakṛtiśūnyatām upādāya / mārgākārajñatāpy anāśravāparyāpannā prakṛtiśūnyatām upādāya / sarvākārajñatāpy anāśravāparyāpannā prakṛtiśūnyatām upādāya /

subhūtir āha / evam etad āyuṣman śāradvatīputra yathā vadasi / rūpam apy anāśravam aparyāpannaṃ prakṛtiśūnyatām upādāya / vedanāpy anāśravāparyāpannā prakṛtiśūnyatām upādāya / saṃjñāpy anāśravāparyāpannā prakṛtiśūnyatām upādāya / saṃskārā apy anāśravā aparyāpannāḥ prakṛtiśūnyatām upādāya / vijñānam apy anāśravam aparyāpannaṃ prakṛtiśūnyatām upādāya /

cakṣur apy anāśravam aparyāpannaṃ prakṛtiśūnyatām upādāya / śrotram apy anāśravam aparyāpannaṃ prakṛtiśūnyatām upādāya / ghrāṇam apy anāśravam aparyāpannaṃ prakṛtiśūnyatām upādāya / jihvāpy anāśravāparyāpannā prakṛtiśūnyatām upādāya / kāyo 'py anāśravo 'paryāpannaḥ prakṛtiśūnyatām upādāya / mano 'py anāśravo 'paryāpannaḥ prakṛtiśūnyatām upādāya / rūpam apy anāśravam aparyāpannaṃ prakṛtiśūnyatām upādāya / śabdo 'py anāśravo 'paryāpannaḥ prakṛtiśūnyatām upādāya / gandho 'py anāśravo 'paryāpannaḥ prakṛtiśūnyatām upādāya / raso 'py anāśravo 'paryāpannaḥ prakṛtiśūnyatām upādāya / sparśo 'py anāśravo 'paryāpannaḥ prakṛtiśūnyatām upādāya / dharmā apy anāśravā aparyāpannāḥ prakṛtiśūnyatām upādāya /

cakṣurvijñānam apy anāśravam aparyāpannaṃ prakṛtiśūnyatām upādāya / śrotravijñānam apy anāśravam aparyāpannaṃ prakṛtiśūnyatām upādāya / ghrāṇavijñānam apy anāśravam aparyāpannaṃ prakṛtiśūnyatām upādāya / jihvāvijñānam apy anāśravam aparyāpannaṃ prakṛtiśūnyatām upādāya / kāyavijñānam apy anāśravam aparyāpannaṃ prakṛtiśūnyatām upādāya / manovijñānam apy anāśravam aparyāpannaṃ prakṛtiśūnyatām upādāya / cakṣuḥsaṃsparśo 'py anāśravo 'paryāpannaḥ prakṛtiśūnyatām upādāya / śrotrasaṃsparśo 'py anāśravo 'paryāpannaḥ prakṛtiśūnyatām upādāya / ghrāṇasaṃsparśo 'py anāśravo 'paryāpannaḥ prakṛtiśūnyatām upādāya / jihvāsaṃsparśo 'py anāśravo 'paryāpannaḥ prakṛtiśūnyatām upādāya / kāyasaṃsparśo 'py anāśravo 'paryāpannaḥ prakṛtiśūnyatām upādāya / manaḥsaṃsparśo 'py anāśravo 'paryāpannaḥ prakṛtiśūnyatām upādāya / cakṣuḥsaṃsparśajā vedanāpy anāśravāparyāpannā prakṛtiśūnyatām upādāya / śrotrasaṃsparśajā vedanāpy anāśravāparyāpannā prakṛtiśūnyatām upādāya / ghrāṇasaṃsparśajā vedanāpy anāśravāparyāpannā prakṛtiśūnyatām upādāya / jihvāsaṃsparśajā vedanāpy anāśravāparyāpannā prakṛtiśūnyatām upādāya / kāyasaṃsparśajā vedanāpy anāśravāparyāpannā prakṛtiśūnyatām upādāya / manaḥsaṃsparśajā vedanāpy anāśravāparyāpannā prakṛtiśūnyatām upādāya /

pṛthivīdhātur apy anāśravo 'paryāpannaḥ prakṛtiśūnyatām upādādya / abdhātur apy anāśravo 'paryāpannaḥ prakṛtiśūnyatām upādādya / tejodhātur apy anāśravo 'paryāpannaḥ prakṛtiśūnyatām upādāya / vāyudhātur apy anāśravo 'paryāpannaḥ prakṛtiśūnyatām upādāya / ākāśadhātur apy anāśravo 'paryāpannaḥ prakṛtiśūnyatām upādāya / avidyāpy anāśravāparyāpannā prakṛtiśūnyatām upādāya / saṃskārā apy anāśravā aparyāpannāḥ prakṛtiśūnyatām upādāya / vijñānam apy anāśravam aparyāpannaṃ prakṛtiśūnyatām upādāya / nāmarūpam apy anāśravam aparyāpannaṃ prakṛtiśūnyatām upādāya / ṣaḍāyatanam apy anāśravam aparyāpannaṃ prakṛtiśūnyatām upādāya / sparśo 'py anāśravo 'paryāpannaḥ prakṛtiśūnyatām upādāya / vedanāpy anāśravāparyāpannā prakṛtiśūnyatām upādāya / tṛṣṇāpy anāśravāparyāpannā prakṛtiśūnyatām upādāya / upādānam apy anāśravam aparyāpannaṃ prakṛtiśūnyatām upādāya / bhavo 'py anāśravo 'paryāpannaḥ prakṛtiśūnyatām upādāya / jātir apy anāśravāparyāpannā prakṛtiśūnyatām upādāya / jarāmaraṇam apy anāśravam aparyāpannaṃ prakṛtiśūnyatām upādāya /

dānapāramitāpy anāśravāparyāpannā prakṛtiśūnyatām upādāya / śīlapāramitāpy anāśravāryāpannā prakṛtiśūnyatām upādāya / kṣāntipāramitāpy anāśravāryāpannā prakṛtiśūnyatām upādāya / vīryapāramitāpy anāśravāparyāpannā prakṛtiśūnyatām upādāya / dhyānapāramitāpy anāśravāparyāpannā prakṛtiśūnyatām upādāya / prajñāpāramitāpy anāśravāparyāpannā prakṛtiśūnyatām upādāya /

adhyātmaśūnyatāpy anāśravāparyāpannā prakṛtiśūnyatām upādāya / bahirdhāśūnyatāpy anāśravāparyāpannā prakṛtiśūnyatām upādāya / adhyātmabahirdhāśūnyatāpy anāśravāparyāpannā prakṛtiśūnyatām upādāya / śūnyatāśūnyatāpy anāśravāparyāpannā prakṛtiśūnyatām upādāya / mahāśūnyatāpy anāśravāparyāpannā prakṛtiśūnyatām upādāya / paramārthaśūnyatāpy anāśravāparyāpannā prakṛtiśūnyatām upādāya / saṃskṛtaśūnyatāpy anāśravāparyāpannā prakṛtiśūnyatām upādāya / asaṃskṛtaśūnyatāpy anāśravāparyāpannā prakṛtiśūnyatām upādāya / atyantaśūnyatāpy anāśravāparyāpannā prakṛtiśūnyatām upādāya / anavarāgraśūnyatāpy anāśravāparyāpannā prakṛtiśūnyatām upādāya / anavakāraśūnyatāpy anāśravāparyāpannā prakṛtiśūnyatām upādāya / prakṛtiśūnyatāpy anāśravāparyāpannā prakṛtiśūnyatām upādāya / sarvadharmaśūnyatāpy anāśravāparyāpannā prakṛtiśūnyatām upādāya / svalakṣaṇaśūnyatāpy anāśravāparyāpannā prakṛtiśūnyatām upādāya / anupalambhaśūnyatāpy anāśravāparyāpannā prakṛtiśūnyatām upādāya / abhāvaśūnyatāpy anāśravāparyāpannā prakṛtiśūnyatām upādāya / svabhāvaśūnyatāpy anāśravāparyāpannā prakṛtiśūnyatām upādāya / abhāvasvabhāvaśūnyatāpy anāśravāparyāpannā prakṛtiśūnyatām upādāya /

smṛtyupasthānāny apy anāśravāṇy aparyāpannāni prakṛtiśūnyatām upādāya / samyakprahāṇāny apy anāśravāṇy aparyāpannāni prakṛtiśūnyatām upādāya / ṛddhipādā apy anāśravā aparyāpannāḥ prakṛtiśūnyatām upādāya / indriyāny apy anāśravāṇy aparyāpannāni prakṛtiśūnyatām upādāya / balāny apy anāśravāṇy aparyāpannāni prakṛtiśūnyatām upādāya / bodhyaṅgāny apy anāśravāṇy aparyāpannāni prakṛtiśūnyatām upādāya / āryāṣṭāṅgamārgo 'py anāśravo 'paryāpannaḥ prakṛtiśūnyatām upādāya / āryasatyāny apy anāśravāṇy aparyāpannāni prakṛtiśūnyatām upādāya / dhyānāny apy anāśravāṇy aparyāpannāni prakṛtiśūnyatām upādāya / apramāṇāny apy anāśravāṇy aparyāpannāni prakṛtiśūnyatām upādāya / ārūpyasamāpattayo 'py anāśravā aparyāpannāḥ prakṛtiśūnyatām upādāya / vimokṣā apy anāśravā aparyāpannāḥ prakṛtiśūnyatām upādāya / anupūrvavihārasamāpattayo 'py anāśravā aparyāpannāḥ prakṛtiśūnyatām upādāya / śūnyatānimittāpraṇihitavimokṣamukhāny apy anāśravāṇy aparyāpannāni prakṛtiśūnyatām upādāya / abhijñā apy anāśravā aparyāpannāḥ prakṛtiśūnyatām upādāya / samādhayo 'py anāśravā aparyāpannāḥ prakṛtiśūnyatām upādāya / dhāraṇīmukhāny apy anāśravāṇy aparyāpannāni prakṛtiśūnyatām upādāya / tathāgatabalāny apy anāśravāṇy aparyāpannāni prakṛtiśūnyatām upādāya / vaiśāradyāny apy anāśravāṇy aparyāpannāni prakṛtiśūnyatām upādāya / pratisaṃvido 'py anāśravā aparyāpannāḥ prakṛtiśūnyatām upādāya / mahāmaitry apy anāśravāparyāpannā prakṛtiśūnyatām upādāya / mahākaruṇāpy anāśravāparyāpannā prakṛtiśūnyatām upādāya / āveṇikabuddharmā apy anāśravā aparyāpannāḥ prakṛtiśūnyatām upādāya / sarvajñatāpy anāśravāparyāpannā prakṛtiśūnyatām upādāya / mārgākārajñatāpy anāśravāparyāpannā prakṛtiśūnyatām upādāya / sarvākāraśūnyatāpy anāśravāparyāpannā prakṛtiśūnyatām upādāya /

āha / yad apy āyuṣmān subhūtir evam āha / acittatvāt tatrāpi citte 'sakta iti / na tv āyuṣman subhūte rūpam api rūpe 'saktaṃ / avedanāpi vedanāyām asaktā / asaṃjñāpi saṃjñāyām asaktā / asaṃskārā api saṃskāreṣv asaktāḥ / avijñānam api vijñāne 'saktaṃ / acakṣur api cakṣuṣy asaktaṃ / aśrotram api śrotre 'saktaṃ / aghrāṇam api ghrāṇe 'saktaṃ / ajihvāpi jihvāyām asaktā / akāyo 'pi kāye 'saktaḥ / amano 'pi manasy asaktaṃ / arūpam api rūpe 'saktaṃ / aśabdo 'pi śabde 'saktaḥ / agandho 'pi gandhe 'saktaḥ / araso 'pi rase 'saktaḥ / asparśo 'pi sparśe 'saktaḥ / adharmā api dharmeṣv asaktāḥ / acakṣurvijñānam api cakṣurvijñāne 'saktaṃ / aśrotravijñānam api śrotravijñāne 'saktaṃ / aghrāṇavijñānam api ghrāṇavijñāne 'saktaṃ / ajihvāvijñānam api jihvāvijñāne 'saktaṃ / akāyavijñānam api kāyavijñāne 'saktaṃ / amanovijñānam api mamovijñāne 'saktaṃ / acakṣuḥsaṃsparśo 'pi cakṣuḥsaṃsparśe 'saktaḥ / aśrotrasaṃsparśo 'pi śrotrasaṃsparśe 'saktaḥ / aghrāṇasaṃsparśo 'pi ghrāṇasaṃsparśe 'saktaḥ / ajihvāsaṃsparśo 'pi jihvāsaṃsparśe 'saktaḥ / akāyasaṃsparśo 'pi kāyasaṃsparśe 'saktaḥ / amanaḥsaṃsparśo 'pi manaḥsaṃsparśe 'saktaḥ / acakṣuḥsaṃsparśajā vedanāpi cakṣuḥsaṃsparśajāvedanāyām asaktā / aśrotrasaṃsparśajāpi vedanā śrotrasaṃsparśajāvedanāyām asaktā / aghrāṇasaṃsparśajāpi vedanā ghrāṇasaṃsparśajāvedanāyām asaktā / ajihvāsaṃsparśajāpi vedanā jihvāsaṃsparśajāvedanāyām asaktā / akāyasaṃsparśajāpi vedanā kāyasaṃsparśajāvedanāyām asaktā / amanaḥsaṃsparśajāpi vedanā manaḥsaṃsparśajā vedanāyām asaktā /

apṛthivīdhātur api pṛthivīdhātāv asaktaḥ / anabdhātur api abdhātāv asaktaḥ / atejodhātur api tejodhātāv asaktaḥ / avāyudhātur api vāyudhātāv asaktaḥ / anākāśadhātur api ākāśadhātāv asaktaḥ / avijñānadhātur api vijñānadhātāv asaktaḥ / anavidyāpy avidyāyām asaktā / asaṃskārā api saṃskāreṣv asaktāḥ / avijñānam api vijñāne 'saktaṃ / anāmarūpam api nāmarūpe 'saktaṃ / aṣaḍāyatanam api ṣaḍāyatane 'saktaṃ / asparśo 'pi sparśe 'saktaḥ / avedanāpi vedanāyām asaktā / atṛṣṇāpi tṛṣṇāyām asaktā / anupādānam apy upādāne 'saktaṃ / abhavo 'pi bhave 'saktaḥ / ajātir api jātāv asaktā / ajarāmaraṇam api jarāmaraṇe 'saktaṃ /

adānapāramitāpi dānapāramitāyām asaktā / aśīlapāramitāpi śīlapāramitāyām asaktā / akṣāntipāramitāpi kṣāntipāramitāyām asaktā / avīryapāramitāpi vīryapāramitāyām asaktā / adhyānapāramitāpi dhyānapāramitāyām asaktā / aprajñāpāramitāpi prajñāpāramitāyām asaktā /

anadhyātmaśūnyatāpy adhyātmaśūnyatāyām asaktā / abahirdhāśūnyatāpy bahirdhāśūnyatāyām asaktā / anadhyātmabahirdhāśūnyatāpi adhyātmabahirdhāśūnyatāyām asaktā / aśūnyatāśūnyatāpi śūnyatāśūnyatāyām asaktā / amahāśūnyatāpi mahāśūnyatāyām asaktā / aparamārthaśūnyatāpi paramārthaśūnyatāyām asaktā / asaṃskṛtaśūnyatāpi saṃskṛtaśūnyatāyām asaktā / anasaṃskṛtaśūnyatāpi asaṃskṛtaśūnyatāyām asaktā / anatyantaśūnyatāpy atyantaśūnyatāyām asaktā / ananavarāgraśūnyatāpy anavarāgraśūnyatāyām asaktā / ananavakāraśūnyatāpy anavakāraśūnyatāyām asaktā / aprakṛtiśūnyatāpi prakṛtiśūnyatāyām asaktā / asarvadharmaśūnyatāpi sarvadharmaśūnyatāyām asaktā / asvalakṣaṇaśūnyatāpi svalakṣaṇaśūnyatāyām asaktā / ananupalambhaśūnyatāpy anupalambhaśūnyatāyām asaktā / anabhāvaśūnyatāpy abhāvaśūnyatāyām asaktā / asvabhāvaśūnyatāpi svabhāvaśūnyatāyām asaktā / anabhāvasvabhāvaśūnyatāpy abhāvasvabhāvaśūnyatāyām asaktā /

asmṛtyupasthānāny api smṛtyupasthāneṣv asaktāni / asamyakprahāṇāny api samyakprahāṇeṣv asaktaṃ / anṛddhipādā api ṛddhipādeṣv asaktāḥ / anindriyāny apīndriyeṣv asaktāni / abalāny api baleṣv asaktāni / abodhyaṅgāny api bodhyaṅgeṣv asaktāni / anāryāṣṭāṅgamārgo 'py āryāṣṭāṅgamārge 'saktaḥ / anāryasatyāny apy āryasatyeṣv asaktāni / adhyānāny api dhyāneṣv asaktāni / anapramāṇāny apy apramāṇeṣv asaktāni / anārūpyasamāpattayo 'py ārūpyasamāpattiṣv asaktāḥ / avimokṣā api vimokṣeṣv asaktāḥ / ananupūrvavihārasamāpattayo 'py anupūrvavihārasamāpattiṣv asaktāḥ / aśūnyatānimittāpraṇihitavimokṣamukhāny api śūnyatānimittāpraṇihitavimokṣamukheṣv asaktāni / anabhijñā apy abhijñāsv asaktāḥ / asamādhayor api samādhiṣv asaktāḥ / adhāraṇīmukhāny api dhāraṇīmukheṣv asaktāni / atathāgatabalāny api tathāgatabaleṣv asaktāni / avaiśāradyāny api vaiśāradyaṣv asaktāni / apratisaṃvido 'pi pratisaṃvitsv asaktāḥ / amahāmaitry api mahāmaitryām asaktā / amahākaruṇāpi mahākaruṇāyām asaktā / anāveṇikabuddhadharmā apy āveṇikabuddhadharmeṣv asaktāḥ / asarvajñatāpi sarvajñatāyām asaktā / amārgākārajñatāpi mārgākārajñatāyām asaktā / asarvākārajñatāpi sarvākārajñatāyām asaktā /

āha / evam etad āyuṣmañ chāradvatīputra / arūpam api rūpe 'saktaṃ / avedanāpi vedanāyām asaktā / asaṃjñāpi saṃjñāyām asaktā / asaṃskārā api saṃskāreṣv asaktāḥ / avijñānam api vijñāne 'saktaṃ / acakṣur api cakṣuṣy asaktaṃ / aśrotram api śrotre 'saktaṃ / aghrāṇam api ghrāṇe 'saktaṃ / ajihvāpi jihvāyām asaktā / akāyo 'pi kāye 'saktaḥ / amano 'pi manasy asaktaṃ / arūpam api rūpe 'saktaṃ / aśabdo 'pi śabde 'saktaḥ / agandho 'pi gandhe 'saktaḥ / araso 'pi rase 'saktaḥ / asparśo 'pi sparśe 'saktaḥ / adharmā api dharmeṣv asaktāḥ / acakṣurvijñānam api cakṣurvijñāne 'saktaṃ / aśrotravijñānam api śrotravijñāne 'saktaṃ / aghrāṇavijñānam api ghrāṇavijñāne 'saktaṃ / ajihvāvijñānam api jihvāvijñāne 'saktaṃ / akāyavijñānam api kāyavijñāne 'saktaṃ / amanovijñānam api manovijñāne 'saktaṃ / acakṣuḥsaṃsparśo 'pi cakṣuḥsaṃsparśe 'saktaḥ / aśrotrasaṃsparśo 'pi śrotrasaṃsparśe 'saktaḥ / aghrāṇasaṃsparśo 'pi ghrāṇasaṃsparśe 'saktaḥ / ajihvāsaṃsparśo 'pi jihvāsaṃsparśe 'saktaḥ / akāyasaṃsparśo 'pi kāyasaṃsparśe 'saktaḥ / amanaḥsaṃsparśo 'pi manaḥsaṃsparśe 'saktaḥ / acakṣuḥsaṃsparśajā vedanāpi cakṣuḥsaṃsparśajāvedanāyām asaktā / aśrotrasaṃsparśajā vedanāpi śrotrasaṃsparśajāvedanāyām asaktā / aghrāṇasaṃsparśajā vedanāpi ghrāṇasaṃsparśajāvedanāyām aśaktā / ajihvāsaṃsparśajā vedanāpi jihvāsaṃsparśajāvedanāyām asaktā / akāyasaṃsparśajā vedenāpi kāyasaṃsparśajāvedanāyām asaktā / amanaḥsaṃsparśajā vedanāpi manaḥsaṃsparśajāvedanāyām asaktā /

apṛthivīdhātur api pṛthivīdhātāv asaktaḥ / anabdhātur apy abdhātāv asaktaḥ / atejodhātur api tejodhātāv asaktaḥ / avāyudhātur api vāyudhātāv asaktaḥ / anākāśadhātur apy ākāśadhātāv asaktaḥ / avijñānadhātur api vijñānadhātāv asaktaḥ / anavidyāpy avidyāyām asaktā / asaṃskārā api saṃskāreṣv asaktāḥ / avijñānam api vijñāne 'saktaṃ / anāmarūpam api nāmarūpe 'saktaṃ / aṣaḍāyatanam api ṣaḍāyatane 'saktaṃ / asparśo 'pi sparśe 'saktaḥ / avedanāpi vedanāyām asaktā / atṛṣṇāpi tṛṣṇāyām asaktā / anupādānam apy upādāne 'saktaṃ / abhavo 'pi bhave 'saktaḥ / ajātir api jātāv asaktaḥ / ajarāmaranam api jarāmaraṇe 'śaktaṃ /

adānapāramitāpi dānapāramitāyām asaktā / aśīlapāramitāpi śīlapāramitāyām asaktā / akṣāntipāramitāpi kṣāntipāramitāyām asaktā / avīryapāramitāpi vīryapāramitāyām asaktā / adhyānapāramitāpi dhyānapāramitāyām asaktā / aprajñāpāramitāpi prajñāpāramitāyām asaktā / anadhyātmaśūnyatāpi adhyātmaśūnyatāyām asaktā / abahirdhāśūnyatāpi bahirdhāśūnyatāyām asaktā / anadhyātmabahirdhāśūnyatāpi adhyātmabahirdhāśūnyatāyām asaktā / aśūnyatāśūnyatāpi śūnyatāśūnyatāyām asaktā / amahāśūnyatāpi mahāśūnyatāyām asaktā / aparamārthaśūnyatāpi paramārthaśūnyatāyām asaktā / asaṃskṛtaśūnyatāpi saṃskṛtaśūnyatāyām asaktā / anasaṃskṛtaśūnyatāpi asaṃskṛtaśūnyatāyām asaktā / anatyantaśūnyatāpi atyantaśūnyatāyām asaktā / ananavarāgraśūnyatāpy anavarāgraśūnyatāyām asaktā / ananavakāraśūnyatāpy anavakāraśūnyatāyām asaktā / aprakṛtiśūnyatāpi prakṛtiśūnyatāyām asaktā / asarvadharmaśūnyatāpi sarvadharmaśūnyatāyām asaktā / asvalakṣaṇaśūnyatāpi svalakṣaṇaśūnyatāyām asaktā / ananupalambhaśūnyatāpy anupalambhaśūnyatāyām asaktā / anabhāvaśūnyatāpy abhāvaśūnyatāyām asaktā / asvabhāvaśūnyatāpi svabhāvaśūnyatāyām asaktā / anabhāvasvabhāvaśūnyatāpy abhāvasvabhāvaśūnyatāyām asaktā /

asmṛtyupasthānāny api smṛtyupasthāneṣv asaktāni / asamyakprahāṇāny api samyakprahāṇeṣv asaktāni / anṛddhipādā apy ṛddhipādeṣv asaktāḥ / anindriyāny apīndriyeṣv asaktāni / abalāny api baleṣv asaktāni / abodhyaṅgāny api bodhyaṅgeṣv asaktāni / anāryāṣṭāṅgamārgo 'py āryāṣṭāṅgamārge 'saktaḥ / anāryasatyāny apy āryasatyeṣv asaktāni / adhyānāny api dhyāneṣv asaktāni / anapramāṇāny apy apramāṇeṣv asaktāni / anārūpyasamāpattayo 'py ārūpyasamāpattiṣv asaktāḥ / avimokṣā api vimokṣeṣv asaktāḥ / ananupūrvavihārasamāpattayo 'py anupūrvavihārasamāpattiṣv asaktāḥ / aśūnyatānimittāpraṇihitavimokṣamukhāny api śūnyatānimittāpraṇihitavimokṣamukheṣv asaktāni / anabhijñā apy abhijñāsv asaktāḥ / asamādhayo 'pi samādhiṣv asaktāḥ / adhāraṇīmukhāny api dhāraṇīmukheṣv asaktāni / atathāgatabalāny api tathāgatabaleṣv asaktāni / avaiśāradyāny api vaiśāradyeṣv asaktāni / apratisaṃvido 'pi pratisaṃvitsv asaktāḥ / amahāmaitry api mahāmaitryām asaktāḥ / amahākaruṇāpi mahākaruṇāyām asaktā / anāveṇikabuddhadharmā apy āveṇikabuddhadharmeṣv asaktāḥ / asarvajñatāpi sarvajñatāyām asaktā / amārgākārajñatāpi mārgākārajñatāyām asaktā / asarvakārajñatāpi sarvākārajñatāyām asaktā /

evaṃ khalv āyuṣmañ chāradvatīputra bodhisattvo mahāsattvaḥ prajñāpāramitāyāñ caran tenāpi bodhicittenāsamasamacittena sarvaśrāvakapratyekabuddhair na manyate nābhiniviśate / anupalambhayogena sarvadharmāṇāṃ tena bodhisattvo mahāsattva ity ucyate / athāyuṣmān pūrṇo maitrāyaṇīputro bhagavantam etad avocat / mamāpi bhagavan pratibhāti yenāryena bodhisattvo mahāsattva ity ucyate / bhagavān āha / pratibhātu te pūrṇa / pūrṇa āha / mahāsattvānusaṃbandho vata bhagavan sa sattvo mahāyānasaṃprasthitaḥ sa sattvo mahāyānasamārūḍho bhagavan sa sattvaḥ / tena bodhisattvo mahāsattva ity ucyate / athāyuṣmān śāradvatīputra āyuṣmantaṃ pūrṇaṃ maitrāyaṇīputram avocat / kiyatāyuṣman pūrṇa bodhisattvo mahāsattvo mahāsattvānusaṃbandha ity ucyate / pūrṇa āha / ihāyuṣmañ chāradvatīputra bodhisattvo mahāsattvo na prādeśikānāṃ sattvānāṃ kṛte dānapāramitāyāṃ sthitvā dānaṃ dadāty api tu sarvasattvānāṃ kṛte dānapāramitāyāṃ caran dānaṃ dadāti / na prādeśikānāṃ sattvānāṃ kṛte śīlapāramitāyāṃ sthitvā śīlaṃ rakṣati / api tu sarvasattvānāṃ kṛte śīlapāramitāyāṃ caran śīlaṃ rakṣati / na prādeśikānāṃ sattvānāṃ kṛte kṣāntipāramitāyāṃ sthitvā kṣāntiṃ bhāvayati / api tu sarvasattvānāṃ kṛte kṣāntipāramitāyāṃ caran kṣāntiṃ bhāvayati / na prādeśikānāṃ sattvānāṃ kṛte vīryapāramitāyāṃ sthitvā vīryam ārabhate / api tu sarvasattvānāṃ kṛte vīryapāramitāyāṃ caran vīryam ārabhate / na prādeśikānāṃ sattvānāṃ kṛte dhyānapāramitāyāṃ sthitvā dhyānāny utpādayati / api tu sarvasattvānāṃ kṛte dhyānapāramitāyāṃ caran dhyānāny utpādayati / na prādeśikānāṃ sattvānāṃ kṛte prajñāpāramitāyāṃ sthitvā prajñāṃ bhāvayati / api tu sarvasattvānāṃ kṛte prajñāpāramitāyāṃ caran prajñāṃ bhāvayati /

na sattvaparicchedena bodhisattvo mahāsattvaḥ sannāhaṃ sannahyati / iyataḥ sattvān nirupadhiśeṣe nirvāṇadhātau parinirvāpayiṣyāmi / iyataḥ sattvān na parinirvāpayiṣyāmi / iyataḥ sattvān bodhau pratiṣṭhāpayiṣyāmi / iyataḥ sattvān na pratiṣṭhāpayiṣyāmi / api tu khalu punar bodhisattvo mahāsattvaḥ sarvasattvānāṃ kṛte mahāsannāhaṃ sannahyati / evañ cāsya bhavaty ātmanā ca dānapāramitāṃ paripūrayiṣyāmi / sarvasattvāṃś ca dānapāramitāyāṃ niyojayiṣyāmi / ātmanā ca śīlapāramitāṃ paripūrayiṣyāmi / sarvasattvāṃś ca śīlapāramitāyāṃ niyojayiṣyāmi / ātmanā ca kṣāntipāramitāṃ paripūrayiṣyāmi / sarvasattvāṃś ca kṣāntipāramitāyāṃ niyojayiṣyāmi / ātmanā ca vīryapāramitāṃ paripūrayiṣyāmi / sarvasattvāṃś ca vīryapāramitāyāṃ niyojayiṣyāmi / ātmanā ca dhyānapāramitāṃ paripūrayiṣyāmi / sarvasattvāṃś ca dhyānapāramitāyāṃ niyojayiṣyāmi / ātmanā ca prajñāpāramitāṃ paripūrayiṣyāmi / sarvasattvāṃś ca prajñāpāramitāyāṃ niyojayiṣyāmi /

ātmanā cādhyātmaśūnyatāṃ paripūrayiṣyāmi / sarvasattvāṃś cādhyātmaśūnyatāyāṃ niyojayiṣyāmi / ātmanā ca bahirdhāśūnyatā paripūrayiṣyāmi / sarvasattvāṃś ca bahirdhāśūnyatāyāṃ niyojayiṣyāmi / ātmanā cādhyātmabahirdhāśūnyatāṃ paripūrayiṣyāmi / sarvasattvāṃś cādhyātmabahirdhāśūnyatāyāṃ niyojayiṣyāmi / ātmanā ca śūnyatāśūnyatāṃ paripūrayiṣyāmi / sarvasattvāṃś ca śūnyatāśūnyatāyāṃ niyojayiṣyāmi / ātmanā ca mahāśūnyatāṃ paripūrayiṣyāmi / sarvasattvāṃś mahāśūnyatāyāṃ niyojayiṣyāmi / ātmanā ca paramārthaśūnyatāṃ paripūrayiṣyāmi / sarvasattvāṃś ca paramārthaśūnyatāyāṃ niyojayiṣyāmi / ātmanā saṃskṛtaśūnyatāṃ paripūrayiṣyāmi / sarvasattvāṃś ca saṃskṛtaśūnyatāyāṃ niyojayiṣyāmi / ātmanā cāsaṃskṛtaśūnyatāṃ paripūrayiṣyāmi / sarvasattvāṃś cāsaṃskṛtaśūnyatāyāṃ niyojayiṣyāmi / ātmanā cātyantaśūnyatāṃ paripūrayiṣyāmi / sarvasattvāṃś cātyantaśūnyatāyāṃ niyojayiṣyāmi / ātmanā cānavarāgraśūnyatāṃ paripūrayiṣyāmi / sarvasattvāṃś cānavarāgraśūnyatāyāṃ niyojayiṣyāmi / ātmanā cānavakāraśūnyatāṃ paripūrayiṣyāmi / sarvasattvāṃś cānavakāraśūnyatāyāṃ niyojayiṣyāmi / ātmanā ca prakṛtiśūnyatām paripūrayiṣyāmi / sarvasattvāṃś ca prakṛtiśūnyatāyāṃ niyojayiṣyāmi / ātmanā ca sarvadharmaśūnyatāṃ paripūrayiṣyāmi / sarvasattvāṃś ca sarvadharmaśūnyatāyāṃ niyojayiṣyāmi / ātmanā ca svalakṣaṇaśūnyatāṃ paripūrayiṣyāmi / sarvasattvāṃś ca svalakṣaṇaśūnyatāyāṃ niyojayiṣyāmi / ātmanā cānupalambhaśūnyatāṃ paripūrayiṣyāmi / sarvasattvāṃś cānupalambhaśūnyatāyāṃ niyojayiṣyāmi / ātmanā cābhāvaśūnyatāṃ paripūrayiṣyāmi / sarvasattvāṃś cābhāvaśūnyatāyāṃ niyojayivyāmi / ātmanā ca svabhāvaśūnyatāṃ paripūrayiṣyāmi / sarvasattvāṃś ca svabhāvaśūnyatāyāṃ niyojayiṣyāmi / ātmanā cābhāvasvabhāvaśūnyatāṃ paripūrayiṣyāmi / sarvasattvāṃś cābhāvasvabhāvaśūnyatāyāṃ niyojayiṣyāmi /

ātmanā ca caturṣu smṛtyupasthāneṣu sthāsyāmi / parāṃś ca caturṣu smṛtyupasthāneṣu niyojayiṣyāmi / ātmanā ca caturṣu samyakprahāṇeṣu sthāsyāmi / parāṃś ca caturṣu smṛtyupasthāneṣu niyojayiṣyāmi / ātmanā ca caturṣu ṛddhipādeṣu sthāsyāmi / parāṃś ca caturṣu ṛddhipādeṣu niyojayiṣyāmi / ātmanā ca pañcendriyeṣu sthāsyāmi / parāṃś ca pañcendriyeṣu niyojayiṣyāmi / ātmanā ca pañcasu baleṣu sthāsyāmi / parāṃś ca pañcasu baleṣu niyojayiṣyāmi / ātmanā ca saptasu bodhyaṅgeṣu sthāsyāmi / parāṃś ca saptasu bodhyaṅgeṣu niyojayiṣyāmi / ātmanā cāryāṣṭāṅgamārge sthāsyāmi / parāṃś cāryāṣṭāṅgamārge niyojayiṣyāmi / ātmanā cāryasatyeṣu sthāsyāmi / parāṃś cāryasatyeṣu niyojayiṣyāmi / ātmanā ca dhyāneṣu sthāsyāmi / parāṃś ca dhyāneṣu niyojayiṣyāmi / ātmanā cāpramāṇeṣu sthāsyāmi / parāṃś cāpramāṇeṣu niyojayiṣyāmi / ātmanā cārūpyasamāpattiṣu sthāsyāmi / parāṃś cārūpyasamāpattiṣu niyojayiṣyāmi / ātmanā cāṣṭāsu vimokṣeṣu sthāsyāmi / parāṃś cāṣṭāsu vimokṣeṣu niyojayiṣyāmi / ātmanā ca navasv anupūrvavihārasamāpattiṣu sthāsyāmi / parāṃś ca navasv anupūrvavihārasamāpattiṣu niyojayiṣyāmi / ātmanā ca śūnyatānimittāprāṇihitavimokṣamukheṣu sthāsyāmi / parāṃś ca śūnyatānimittāpraṇihitavimokṣamukheṣu niyojayiṣyāmi / ātmanā cābhijñāsu sthāsyāmi / parāṃś cābhijñāsu niyojayiṣyāmi / ātmanā ca samādhiṣu sthāsyāmi / parāṃś ca samādhiṣu niyojayiṣyāmi / ātmanā ca dhāraṇīmukheṣu sthāsyāmi / parāṃś ca dhāraṇīmukheṣu niyojayiṣyāmi / ātmanā ca tathāgatabaleṣu sthāsyāmi / parāṃś ca tathāgatabaleṣu niyojayiṣyāmi / ātmanā ca vaiśāradyeṣu sthāsyāmi / parāṃś ca vaiśāradyeṣu niyojayiṣyāmi / ātmanā ca pratisaṃvitsu sthāsyāmi / parāṃś ca pratisaṃvitsu niyojayiṣyāmi / ātmanā ca mahāmaitryāṃ sthāsyāmi / parāṃś ca mahāmaitryāṃ niyojayiṣyāmi / ātmanā ca mahākaruṇāyāṃ sthāsyāmi / parāṃś ca mahākaruṇāyāṃ niyojayiṣyāmi / ātmanā cāṣṭādaśāveṇikabuddhadharmeṣu sthāsyāmi / aṣṭādaśāveṇikabuddhadharmeṣu niyojayiṣyāmi /

iyatāyuṣmañ chāradvatīputra bodhisattvo mahāsattvo mahāsannāhasaṃbandha ity ucyate /

punar aparam āyuṣmañ chāradvatīputra bodhisattvo mahāsattvaḥ prajñāpāramitāyāñ caran yad dānaṃ dadāti / tat sarvākārajñatāpratisaṃyuktamanasikārair na śrāvakapratyekabuddhaiḥ pratisaṃyuktais tac ca kuśalamūlaṃ sarvasattvasādhāraṇaṃ kṛtvānuttarāyāṃ samyaksaṃbodhau pariṇāmayaty ayaṃ bodhisattvasya mahāsattvasya prajñāpāramitāyāṃ carato dānapāramitāsannāhaḥ / punar aparam āyuṣmañ chāradvatīputra bodhisattvo mahāsattvo dānaṃ dadat sarvākārajñatāpratisaṃyuktair manasikārair na śrāvakapratyekabuddhapratisaṃyuktair bhūmau pariṇāmayaty ayaṃ bodhisattvasya mahāsattvasya prajñāparamitāyāṃ carato dānaṃ dadataḥ śīlapāramitāsannāhaḥ / punar aparam āyuṣmañ chāradvatīputra bodhisattvasya mahāsattvasya dānaṃ dadataḥ sarvākārajñatāpratisaṃyuktair manasikārair yā teṣāṃ dharmāṇāṃ kṣamaṇatā rocanatādhivāsanatā / ayaṃ bodhitattvasya mahāsattvasya prajñāpāramitāyāṃ carato dānaṃ dadataḥ kṣāntipāramitāsannāhaḥ / punar aparam āyuṣmañ chāradvatīputra bodhisattvasya mahāsattvasya dānaṃ dadataḥ sarvākārajñatāpratisaṃyuktair manasikārair vīryāgraṃsanatā / ayaṃ bodhisattvasya mahāsattvasya prajñāpāramitāyāṃ carato dānaṃ dadato vīryapāramitāsannāhaḥ / punar aparam āyuṣmañ chāradvatīputra bodhisattvasya mahāsattvasya dānaṃ dadato yā cittaikāgratā yad uta sarvākārajñatāpratisaṃyuktair manasikāraiḥ śrāvakapratyekabuddhāpratisaṃyuktānāñ ca cittotpādanām anavakāśadānaṃ tad ekālambanatām upādāya / ayaṃ bodhisattvasya mahāsattvasya prajñāpāramitāyāṃ carato dānaṃ dadato dhyānapāramitāsannāhaḥ /

punar aparam āyuṣmañ chāradvatīputra bodhisattvasya mahāsattvasya prajñāpāramitāyāṃ carato dānaṃ dadataḥ sarvākārajñatāpratisaṃyuktair manasikārair mānāvakṛtasaṃjñepyatā bhavati / sa na ca dānam upalabhate / na dāyakaṃ na pratigrāhakam upalabhate / ayaṃ bodhisattvasya mahāsattvasya prajñāpāramitāyāṃ carato dānaṃ dadataḥ prajñāpāramitāsannāhaḥ / yad āyuṣmañ chāradvatīputra bodhisattvo mahāsattvaḥ sarvākārajñatāpratisaṃyuktair manasikārais tāḥ pāramitā na nimittīkaroti nopalabhate / evaṃ khalu bodhisattvo mahāsattvaḥ prajñāpāramitāyāṃ caran mahāsannāhasaṃbandho bodhitavyaḥ /

punar aparam āyuṣmañ chāradvatīputra bodhisattvo mahāsattvaḥ śīlapāramitāyāṃ caran sarvākārajñatāpratisaṃyuktair manasikārair dānaṃ dadāti tac ca sarvasattvasādhāraṇaṃ kṛtvānuttarāyāṃ samyaksaṃbodhau pariṇāmayaty ayam anupalambhayogena / ayaṃ bodhisattvasya mahāsattvasya śīlapāramitāyāṃ carato dānapāramitā / punar aparam āyuṣmañ chāradvatīputra bodhisattvasya mahāsattvasya sarvākārajñatāpratisaṃyuktair manasikāraiḥ śīlapāramitāyāṃ carato yā śrāvakapratyekabuddhabhūmyaspṛhānatāḥ prāg eva pṛthagjanabhūmayaḥ / iyaṃ bodhisattvasya mahāsattvasya śīlapāramitāyāṃ carataḥ śīlapāramitā / punar aparam āyuṣmañ chāradvatīputra bodhisattvasya mahāsattvasya śīlapāramitāyāṃ carataḥ sarvākārajñatāpratisaṃyuktair manasikārair yā teṣāṃ dharmāṇāṃ kṣamaṇatārocanatādhivāsanatā / iyaṃ bodhisattvasya mahāsattvasya śīlapāramitāyāṃ carataḥ kṣāntipāramitā / punar aparam āyuṣmañ chāradvatīputra bodhisattvasya mahāsattvasya śīlapāramitāyāṃ carataḥ sarvākārajñatāpratisaṃyuktair manasikārair yā vīryāsraṃsanatānavalīnavīryatā / iyaṃ bodhisattvasya mahāsattvasya prajñāpāramitāyāṃ carato vīryapāramitā / punar aparam āyuṣmañ chāradvatīputra bodhisattvasya mahāsattvasya śīlapāramitāyāṃ carataḥ sarvākārajñatāpratisaṃyuktair manasikārair viharato yā śrāvakapratyekabuddhacittānām anavakāraśadānaṃ tasya ca kuśalamūlasya sarvasattvasādhāraṇīkṛtasyānuttarāyāṃ samyaksaṃbodhau pariṇāmayati / iyaṃ bodhisattvasya mahāsattvasya śīlapāramitāyāṃ carato dhyānapāramitā /

punar aparam āyuṣmañ chāradvatīputra bodhisattvasya mahāsatvasya prajñāpāramitāyāṃ carataḥ sarvākārajñatāpratisaṃyuktair manasikārair na śrāvakapratyekapratisaṃyuktair yā sarvadharmeṣu māyākṛtasaṃjñā pratyupasthitā bhavati / tena ca śīlena na manyate na tac chīlam upalabhate prakṛtiśūnyatām upādāya / tac ca kuśalamūlaṃ sarvasattvasādhāraṇaṃ kṛtvānuttarāyāṃ samyaksaṃbodhau pariṇāmayati / iyaṃ bodhisattvasya mahāsattvasya śīlapāramitāyāṃ carataḥ prajñāpāramitā / evaṃ khalv āyuṣman śāradvatīputra bodhisattvo mahāsattvaḥ śīlapāramitāyāṃ caran ṣaṭpāramitāḥ parigṛhṇāti / tena mahāsannāhasannaddha ity ucyate /

punar aparam āyuṣmañ chāradvatīputra bodhisattvo mahāsattva kṣāntipāramitāyāṃ caran yad dānaṃ dadāti tat sarvakārajñatāpratisaṃyuktair manasikārair na śrāvakapratyekabuddhapratisaṃyuktais tac ca kuśalamūlaṃ sarvasattvasādhāraṇaṃ kṛtvānuttarāyāṃ samyaksaṃbodhau pariṇāmayati / iyaṃ bodhisattvasya mahāsattvasya kṣāntipāramitāyāṃ carato dānapāramitā / punar aparam āyuṣmañ chāradvatīputra bodhisattvo mahāsattva kṣāntipāramitāyāñ caran yac chīlaṃ rakṣati tat sarvākārajñatāpratisaṃyuktair manasikārair na śrāvakapratyekabuddhapratisaṃyuktais tac ca kuśalamūlaṃ sarvasattvasādhāraṇaṃ kṛtvānuttarāyāṃ samyaksaṃbodhau pariṇāmayatīyaṃ bodhisattvasya mahāsattvasya kṣāntipāramitāyāṃ carataḥ śīlapāramitā / punar aparam āyuṣmañ chāradvatīputra bodhisattvasya mahāsattvasya kṣāntipāramitāyāṃ carato yā sarvākārajñatāpratisaṃyuktānāṃ manasikārāṇāṃ kṣamaṇatārocanatādhivāsanatā / iyaṃ kṣāntipāramitāyāṃ carataḥ kṣāntipāramitā / punar aparam āyuṣmañ chāradvatīputra bodhisattvasya mahāsattvasya kṣāntipāramitāyāṃ carataḥ sarvākārajñatāpratisaṃyuktair manasikārair na śrāvakapratyekabuddhapratisaṃyuktair yā cittasyaikāgratā iyaṃ kṣāntipāramitāyāṃ carato dhyānapāramitā / punar aparam āyuṣmañ chāradvatīputra bodhisattvasya mahāsattvasya kṣāntipāramitāyāṃ carataḥ sarvākārajñatāpratisaṃyuktair manasikārair na śrāvakapratyekabuddhapratisaṃyuktaiḥ sarvasattveṣu māyākṛtasaṃjñā pratyupasthitā bhavati / tathā ca kṣāntyā sa manyate / na ca tāṃ kṣāntim upalabhate / iyaṃ kṣāntipāramitāyāṃ carataḥ prajñāpāramitā / evaṃ khalv āyuṣmañ chāradvatīputra bodhisattvo mahāsattvaḥ kṣāntipāramitāyāṃ caran sarvāḥ ṣaṭpāramitāḥ parigṛhṇāti / tena mahāsannāhasannaddha ity ucyate /

punar aparam āyuṣmañ chāradvatīputra bodhisattvo mahāsattvo vīryapāramitāyāṃ caran yad dānaṃ dadāti / tat sarvākārajñatāpratisaṃyuktair manasikārair na śrāvakapratyekabuddhapratisaṃyuktais tac ca kuśalamūlaṃ sarvasattvasādhāraṇaṃ kṛtvānuttarāyāṃ samyaksaṃbodhau pariṇāmayati iyaṃ bodhisattvasya mahāsattvasya vīryapāramitāyāṃ carato dānapāramitā / punar aparam āyuṣmañ chāradvatīputra bodhisattvo mahāsattvo vīryapāramitāyāṃ caran śīlaṃ rakṣati sarvākārajñatāpratisaṃyuktair manasikārair na śrāvakapratyekabuddhapratisaṃyuktais tac ca kuśalamūlaṃ sarvasattvasādhāraṇaṃ kṛtvānuttarāyāṃ samyaksaṃbodhau pariṇāmayatīyaṃ vīryapāramitāyāṃ carataḥ śīlapāramitā / punar aparam āyuṣmañ chāradvatīputra bodhisattvasya mahāsattvasya vīryapāramitāyāṃ carataḥ sarvākārajñatāpratisaṃyuktair manasikārair na śrāvakapratyekabuddhapratisaṃyuktair yā teṣāṃ dharmāṇāṃ kṣamaṇatārocanatādhivāsanatā / iyaṃ vīryapāramitāyāṃ carataḥ kṣāntipāramitā / punar aparam āyuṣmañ chāradvatīputra bodhisattvasya mahāsattvasya vīryapāramitāyāṃ carataḥ sarvākārajñatāpratisaṃyuktair manasikārair na śrāvakapratyekabuddhapratisaṃyuktaiḥ sarvasattvārthaṃ yā vīryāsraṃsanatāgrahaṇatā, iyaṃ vīryapāramitāyāṃ carato vīryapāramitā / punar aparam āyuṣmañ chāradvatīputra bodhisattvasya mahāsattvasya vīryapāramitāyāṃ carataḥ sarvākārajñatāpratisaṃyuktair manasikārair na śrāvakapratyekabuddhapratisaṃyuktair iyaṃ vīryapāramitāyāṃ carato dhyānapāramitā /

punar aparam āyuṣmañ chāradvatīputra bodhisattvasya mahāsatvasya vīryaprajñāpāramitāyāṃ carato yā cittasyaikāgratā sarvākārajñatāpratisaṃyuktair manasikārair na śrāvakapratyekabuddhapratisaṃyuktair yā sarvadharmeṣu māyākṛtasaṃjñāpratyupasthito bhavati / tena ca vīryeṇa na manyate na tad vīryam upalabhate / tac ca kuśalamūlaṃ sarvasattvasādhāraṇaṃ kṛtvānuttarāyāṃ samyaksaṃbodhau pariṇāmayatīyaṃ vīryapāramitāyāṃ carataḥ prajñāpāramitā / evaṃ khalv āyuṣmañ chāradvatīputra bodhisattvo mahāsattvo vīryapāramitāyāṃ caran sarvāḥ ṣaṭpāramitāḥ parigṛhṇāti / tena mahāsannāhasannaddha ity ucyate /

punar aparam āyuṣmañ chāradvatīputra bodhisattvo mahāsattvo dhyānapāranitāyāṃ caran yad dānaṃ dadāti tat sarvākārajñatāpratisaṃyuktair manasikārair na śrāvakapratyekabuddhapratisaṃyuktais tac ca sarvakuśalam sarvasattvasādhāraṇaṃ kṛtvānuttarāyāṃ samyaksaṃbodhau pariṇāmayatīyaṃ bodhisattvasya mahāsattvasya dhyānapāramitāyāṃ carato dānapāramitā / punar aparam āyuṣmañ chāradvatīputra bodhisattvo mahāsattvo dhyānapāramitāyāṃ caran yac chīlaṃ rakṣati tat sarvākārajñatāpratisaṃyuktair manasikārair na śrāvakapratyekabuddhapratisaṃyuktais tac ca kuśalamūlaṃ sarvasattvasādhāraṇaṃ kṛtvānuttarāyāṃ samyaksaṃbodhau pariṇāmayatīyaṃ dhyānapāramitāyāṃ carataḥ śīlapāramitā / punar aparam āyuṣmañ chāradvatīputra bodhisattvo mahāsattvo dhyānapāramitāyāṃ caran kṣāntiṃ bhāvayati / sarvākārajñatāpratisaṃyuktair manasikārair na śrāvakapratyekabuddhapratisaṃyuktais tac ca kuśalamūlaṃ sarvasattvasādhāraṇaṃ kṛtvānuttarāyāṃ samyaksaṃbodhau pariṇāmayatīyaṃ dhyānapāramitāyāṃ carataḥ kṣāntipāramitā / punar aparam āyuṣmañ chāradvatīputra bodhisattvasya mahāsattvasya dhyānapāramitāyāṃ carataḥ sarvākārajñatāpratisaṃyuktair manasikārair na śrāvakapratyekabuddhapratisaṃyuktair yā vīryāsraṃsanatā tac ca kuśalamūlaṃ sarvasattvasādhāraṇaṃ kṛtvānuttarāyāṃ samyaksaṃbodhau pariṇāmayatīyaṃ dhyānapāramitāyāṃ carato vīryapāramitā /

punar aparam āyuṣmañ chāradvatīputra bodhisattvasya mahāsattvasya dhyānapāramitāyāṃ carato yā sarvākārajñatāpratisaṃyukteṣu manasikāreṣu cittasyaikāgratā śrāvakapratyekabuddhapratisaṃyuktānāṃ manasikārāṇām avakāśadānaṃ tad ekālambanatām upādāya / tac ca kuśalamūlaṃ sarvasattvasādhāraṇaṃ kṛtvānuttarāyāṃ samyaksaṃbodhau pariṇāmayatīyaṃ dhyānapārayitāyāṃ carato dhyānapāramitā / punar aparam āyuṣmañ chāradvatīputra bodhisattvasya mahāsattvasya dhyānapāramitāyāṃ carataḥ sarvadharmeṣu māyākṛtasaṃjñā pratyupasthitā bhavati / tena ca dhyānena na manyate / na ca dhyānam upalabhate / tac ca kuśalamūlaṃ sarvasattvasādhāraṇaṃ kṛtvānuttarāyāṃ samyaksaṃbodhau pariṇāmayatīyaṃ dhyānapāramitāyāṃ carataḥ prajñāpāramitā / evaṃ khalv āyuṣmañ chāradvatīputra bodhisattvo mahāsattvo dhyānapāramitāyāṃ caran sarvāḥ ṣaṭpāramitāḥ parigṛhṇāti tena mahāsannāhasannaddha ity ucyate /

punar aparam āyuṣmañ chāradvatīputra bodhisattvo mahāsattvaḥ prajñāpāramitāyāṃ caratas trimaṇḍalapariśuddhaṃ dānaṃ dadāti sarvākārajñatāpratisaṃyuktair manasikārair na śrāvakapratyekabuddhapratisaṃyuktais tac ca kuśalamūlaṃ sarvasattvasādhāraṇaṃ kṛtvānuttarāyāṃ samyaksaṃbodhau pariṇāmayatīyaṃ bodhisattvasya mahāsattvasya prajñāpāramitāyāṃ carato dānapāramitā / punar aparam āyuṣmañ chāradvatīputra bodhisattvasya mahāsattvasya prajñāpāramitāyāṃ carataḥ śīlaṃ rakṣataḥ sarvākārajñatāpratisaṃyuktair manasikārair na śrāvakapratyekabuddhapratisaṃyuktais tasya ca kuśalamūlaṃ sarvasattvasādhāraṇaṃ kṛtvā tasyānuttarāyāṃ samyaksaṃbodhau pariṇāmayatīyaṃ prajñāpāramitāyāṃ carataḥ śīlapāramitā / punar aparam āyuṣmañ chāradvatīputra bodhisattvasya mahāsattvasya prajñāpāramitāyāṃ carato yā teṣāṃ dharmāṇāṃ kṣamaṇatārocanatādhivāsanatā / sarvākārajñatāpratisaṃyuktair manasikārair na śrāvakapratyekabuddhapratisaṃyuktais tasya ca kuśalamūlasya sarvasattvasādhāraṇaṃ kṛtvānuttarāyāṃ samyaksaṃbodhauṃ pariṇāmayatīyaṃ prajñāpāramitāyāṃ carataḥ kṣāntipāramitā / punar aparam āyuṣmañ chāradvatīputra bodhisattvasya mahāsattvasya prajñāpāramitāyāṃ carataḥ sarvākārajñatāpratisaṃyuktair manasikārair na śrāvakapratyekabuddhapratisaṃyuktair yā vīryāsraṃsanatā / tasya ca kuśalamūlaṃ sarvasattvasādhāraṇaṃ kṛtvānuttarāyāṃ samyaksaṃbodhau pariṇāmayatīyaṃ prajñāpāramitāyāṃ carato vīryapāramitā /

punar aparam āyuṣmañ chāradvatīputra bodhisattvasya mahāsattvasya prajñāpāramitāyāṃ carato yā cittasyaikāgratā sarvākārajñatāpratisaṃyuktair manasikārair na śrāvakapratyekabuddhapratisaṃyuktais tac ca kuśalamūlaṃ sarvasattvasādhāraṇaṃ kṛtvānuttarāyāṃ samyaksaṃbodhau pariṇāmayatīyaṃ prajñāpāramitāyāṃ carato dhyānapāramitā / punar aparam āyuṣmañ chāradvatīputra bodhisattvasya mahāsattvasya prajñāpāramitāyāṃ carataḥ sarvadharmeṣu māyākṛtasaṃjñā pratyupasthitā bhavati / sarvākārajñatāpratisaṃyuktair manasikārair na śrāvakapratyekabuddhapratisaṃyuktais tac ca kuśalamūlaṃ sarvasattvasādhāraṇaṃ kṛtvānuttarāyāṃ samyaksaṃbodhau pariṇāmayatīyaṃ prajñāpāramitāyāṃ carataḥ prajñāpāramitā / yadāyuṣmañ chāradvatīputra bodhisattvo mahāsattvaḥ sarvākarajñatāpratisaṃyuktena cittenaitāḥ pāramitā na sattvān na bodhiṃ nimittīkaroti / nopalabhate / ayaṃ bodhisattvasya mahāsattvasya prajñāpāramitāyāṃ carataḥ ṣaṭpāramitā mahāsannāhaḥ /

evaṃ khalv āyuṣmañ chāradvatīputra bodhisattvo mahāsattva ekaikasyāṃ pāramitāyāṃ sthitvā sarvā ṣaṭpāramitāḥ paripūrayati /

punar aparam āyuṣmañ chāradvatīputra bodhisattvo mahāsattvo dhyānāni cāpramāṇāni cārūpyaṃ samāpattīn na samāpadyate / na ca dhyānāpramāṇārūpyasamāpattīr ācchādayati / na ca tair dhyānair apramāṇair ārūpyasamāpattibhiś ca saṃhriyate / na ca dhyānāpramāṇārūpyasamāpattivaśenopapadyate / iyam āyuṣmañ chāradvatīputra bodhisattvasya mahāsattvasyopāyakauśalasahagatā prajñāpāramitā / punar aparam āyuṣmañ chāradvatīputra bodhisattvo mahāsattvo dhyānāni cāpramāṇāni cārūpyasamāpattīś ca vivekadarśanena ca śūnyatānimittāpraṇihitadarśanena ca samāpadyate / na ca teṣāṃ vaśenopapadyate / na ca bhūtakoṭiṃ sākṣātkaroti / sarvaśrāvakapratyekabuddhāṃś ca / bhavaty ayaṃ bodhisattvasya mahāsattvasya prajñāpāramitāyāṃ carata upāyakauśalamahāsannāhaḥ / evaṃ khalv āyuṣmañ chāradvatīputra bodhisattvo mahāsattvo mahāsannāhasannaddha ity ucyate / evaṃ sannāhasannaddhasyāyuṣmañ chāradvatīputra bodhisattvasya mahāsattvasya pūrvasyāṃ diśi gaṅgānadīvālukopameṣu lokadhātuṣu buddhā bhagavanta udānam udānayanti / nāmadheyañ ca kīrtayanti śabdam udīrayanti / ghoṣam anuśrāvayanti / eṣo 'muṣmin lokadhātau bodhisattvo mahāsattvo mahāsannāhasannaddhaḥ sattvāṃś ca pācayati buddhakṣetrañ ca pariśodhayati / ṛddhyā ca vikrīḍati / dakṣiṇasyāṃ diśi gaṅgānadīvālukopameṣu lokadhātuṣu buddhā bhagavanta udānam udānayanti nāmadheyañ ca parikīrtayanti / śabdam udīrayanti / ghoṣam anuśrāvayanti / eṣo 'muṣmin lokadhātau bodhisattvo mahāsattvo mahāsannāhasannaddhaḥ / sattvāṃś ca paripācayati / buddhakṣetrañ ca pariśodhayati /

ṛddhyā ca vikrīḍati / paścimāyāṃ diśi gaṅgānadīvālukopameṣu lokadhātuṣu buddhā bhagavanta udānam udānayanti / nāmadheyañ ca parikīrtayanti / śabdam udīrayanti / ghoṣam anuśrāvayati / eṣo 'muṣin lokadhātau bodhisattvo mahāsattvo mahāsannāhasannaddhaḥ sattvāṃś ca paripācayati / buddhakṣetrañ ca pariśodhayati / ṛddhyā ca vikrīḍati / uttarasyāṃ diśi gaṅgānadīvālukopameṣu lokadhātuṣu buddhā bhagavanta udānam udānayanti / nāmadheyañ ca parikīrtayanti / śabdam udīrayanti / ghoṣam anuśrāvayanti / eṣo 'muṣmin lokadhātau bodhisattvo mahāsattvo mahāsannāhasannaddhaḥ sattvāṃś ca paripācayati / buddhakṣetrañ ca pariśodhayati / ṛddhyā ca vikrīḍati / pūrvadakṣiṇasyāṃ diśi gaṅgānadīvālukopameṣu lokadhātuṣu buddhā bhagavanta udānam udānayanti / nāmadheyañ ca parikīrtayanti / śabdam udīrayanti / ghoṣam anuśrāvayanti / eṣo 'muṣmin lokadhātau bodhisattvo mahāsattvo mahāsannāhasannaddhaḥ sattvāṃś ca paripācayati / buddhakṣetrañ ca pariśodhayati / ṛddhyā ca vikrīḍati / dakṣiṇapaścimāyāṃ diśi gaṅgānadīvālukopameṣu lokadhātuṣu buddhā bhagavanta udānam udānayanti / nāmadheyañ ca parikīrtayanti / śabdam udīrayanti / ghoṣam anuśrāvayanti / eṣo 'muṣmin lokadhātau bodhisattvo mahāsattvo mahāsannāhasannaddhaḥ sattvāṃś ca paripācayati / buddhakṣetrañ ca pariśodhayati / ṛddhyā ca vikrīḍati / paścimottarasyāṃ diśi gaṅgānadīvālukopameṣu lokadhātuṣu buddhā bhagavanta udānam udānayanti / nāmadheyañ ca parikīrtayanti / śabdam udīrayanti / ghoṣam anuśrāvayanti /

eṣo 'muṣmin lokadhātau bodhisattvo mahāsattvo mahāsannāhasannaddhaḥ sattvāṃś ca paripācayati / buddhakṣetrañ ca pariśodhayati / ṛddhyā ca vikrīḍati / uttarapūrvasyāṃ diśi gaṅgānadīvālukopameṣu lokadhātuṣu buddhā bhagavanta udānam udānayanti / nāmadheyañ ca parikīrtayanti / śabdam udīrayanti / ghoṣam anuśrāvayanti / eṣo 'muṣmin lokadhātau bodhisattvo mattāsattvo mahāsannāhasannaddhaḥ sattvāṃś ca paripācayati / buddhakṣetrañ ca pariśodhayati / ṛddhyā ca vikrīḍati / adhastād diśi gaṅgānadīvālukopameṣu lokadhātuṣu buddhā bhagavanta udānam udānayanti / nāmadheyañ ca parikīrtayanti / śabdam udīrayanti / ghoṣam anuśrāvayanti / eṣo 'muṣmin lokadhātau bodhisattvo mahāsattvo mahāsannāhasannaddhaḥ sattvāṃś ca paripācayati / buddhakṣetrañ ca pariśodhayati / ṛddhyā ca vikrīḍati / upariṣṭād diśi gaṅgānadīvālukopameṣu lokadhātuṣu buddhā bhagavanta udānam udānayanti / nāmadheyañ ca parikīrtayanti / śabdam udīrayanti / ghoṣam anuśrāvayanti / eṣo 'muṣmin lokadhātau bodhisattvo mahāsattvo mahāsannāhasannaddhaḥ sattvāṃś ca paripācayati / buddhakṣetrañ ca pariśodhayati / ṛddhyā ca vikrīḍati /

āha / kiyatāyuṣman pūrṇa bodhisattvo mahāsattvo mahāyānasaṃprasthita ity ucyate / katamac ca bodhisattvasya mahāsattvasya mahāyānaṃ / pūrṇa āha / ihāyuṣmañ chāradvatīputra bodhisattvo mahāsattvaḥ ṣaṭpāramitā anucarati / sa dānapāramitāyāṃ caran viviktaṃ kāmair viviktaṃ pāpakair akuśalair dharmaiḥ savitarkaṃ savicāraṃ vivekajaṃ prītisukhaṃ prathamadhyānam upasaṃpadya viharati / sa vitarkasavicārāṇāṃ vyupaśamād adhyātmasaṃprasādāś cetasa ekotibhāvād avitarkam avicāraṃ samādhijaṃ prītisukhaṃ dvitīyaṃ dhyānam upasaṃpadya viharati / sa prīter virāgād upekṣako viharati / smṛtimān saṃjānan sukhañ ca kāyena prativedayati / yat tadāryā ācakṣate upekṣakaḥ smṛtimān sukhavihārau niṣprītikaṃ tṛtīyaṃ dhyānam upasaṃpadya viharati / sasukhasya ca prahāṇāt duḥkhasya ca prahāṇāt pūrvam eva ca saumanasya daurmanasyayor asaṅgamād aduḥkhāsukham upekṣasmṛtipariśuddhiṃ caturthadhyānam upasaṃpadya viharati / sa maitrīsahagatena cittena vipulena mahadgatenādvayenāpramāṇenāvaireṇāvyāvadhyenāsapatrena paripūrṇena subhāvitena dharmadhātuparame loke ākāśadhātuparyavasāne daśadiśaḥ sphuritvādhimucya viharati / sa karuṇāsahagatena cittena vipulena mahadgatenādvayenāpramāṇenāvaireṇāvyāvadhyenāsapatrena paripūrṇena subhāvitena dharmadhātuparame loke ākāśadhātuparyavasāne daśadiśaḥ sphuritvādhimucya viharati / samuditāsahagatena cittena vipulena mahadgatenādvayenāpramāṇenāvaireṇāvyāvadhyenāsapatrena paripūrṇena subhāvitena dharmadhātuparame loke ākāśadhātuparyavasāne daśadiśaḥ sphuritvādhimucya viharati /

sa upekṣāsahagatena cittena vipulena mahadgatenādvayenāpramāṇenāvaireṇāvyāvadhyenāsaṃpatrena paripūrṇena subhāvitena dharmadhātuparame loke ākāśadhātuparyavasāme daśadiśaḥ sphuritvā viharati / anupalambhayogena / sa sarvaśo rūpasaṃjñānām atikramānan pratipadya saṃjñānām astaṅgamān nānātvasaṃjñānām manasikārād anantam ākāśānantyāyatanam upasaṃpadya viharati / sa sarvaśaḥ ākāśānantyāyatanasamatikramād anantavijñānam iti vijñānānantyāyatanam upasaṃpadya viharati / sa sarvaśo vijñānānantyāyatanasamatikramān nāsti kiñcid ity ākiñcanyāyatanam upasaṃpadya viharati / sa sarvaśa ākiñcanyāyatanasamatikramān naivasaṃjñānāsaṃjñāyatanam upasaṃpadya viharati / anupalambhayogena / idaṃ bodhisattvasya mahāsattvasya dhyānaṃ / yadā bodhisattvo mahāsattva etāni dhyānāny etāny apramāṇāny etāni cārūpyāṇy ākāśākāraliṅganimittaiḥ samāpadyamāno vyuttiṣṭhaṃ sa sarvākārjñatāyāṃ pariṇāmayatīyaṃ bodhisattvasya mahāsattvasya dānapāramitā /

sa śīlapāramitāyāṃ caran viviktaṃ kāmair viviktaṃ pāpakair akuśalair dharmaiḥ savitarkasavicārajaṃ prītisukhaṃ prathamaṃ dhyānam upasaṃpadya viharati / sa savitarkasavicārāṇāṃ vyupaśamād adhyātmasaṃprasādāc cetasa ekotībhāvād avitarkam avicāraṃ samādhijaṃ prītisukhaṃ dvitīyaṃ dhyānam upasaṃpadya viharati / sa prīter virāgād upekṣako viharati / smṛtimān saṃprajānan sukhañ ca kāyena pratisaṃvedayati / yat tadāryā ācakṣate upekṣakaḥ smṛtimān sukhavihārī niṣprītikaṃ tṛtīyaṃ dhyānam upasaṃpadya viharati / sa sukhasya ca prahāṇāt duḥkhasya ca prahāṇāt pūrvam eva ca saumanasya daurmanasyayor astaṅgamād aduḥkhāsukham upekṣāsmṛtipariśuddhaṃ caturthaṃ dhyānam upasaṃpadya viharati / sa maitrīsahagatena cittena vipulena mahadgatenādvayenāpramāṇenāvaireṇāvyāvadhyenāsapatrena paripūrṇena subhāvitena dharmadhātuparame loke ākāśadhātuparyavasāne daśadiśaḥ sphuritvādhimucya viharati / sa karuṇāsahagatena cittena vipulena mahadgatenādvayenāpramāṇenāvaireṇāvyāvadhyenāsapatreṇa paripūrṇena subhāvitena dharmadhātuparame loke ākāśadhātuparyavasāne daśadiśaḥ sphuritvādhimucya viharati / samuditāsahagatena cittena vipulena mahadgatenādvayenāpramāṇenāvaireṇāvyāvadhyenāsapatreṇa paripūrṇena subhāvitena dharmadhātuparame loke ākāśadhātuparyavasāne daśadiśaḥ sphuritvādhimucya viharati / sa upekṣāsahagatena cittena vipulena mahadgatenādvayenāpramāṇenāvaireṇāvyāvadhyenāsapatreṇa paripūrṇena subhāvitena dharmadhātuparame loke ākāśadhātuparyavasāne daśadiśaḥ sphuritvādhimucya viharati / anupalambhayogena /

sa sarvaśo rūpasaṃjñānāṃ samatikramāt pratipadya saṃjñānām astaṃgamān nānātvasaṃjñānām manasikārād anantam ākāśam ity ākāśānantyāyatanam upasaṃpadya viharati / sa sarvaśaḥ ākāśānantyāyatanasamatikramād anantaṃ vijñānam iti vijñānānantyāyatanam upasaṃpadya viharati / sa sarvaśo rūpavijñānānantyāyatanasamatikramān nāsti kiñcid ity ākiñcanyāyatanam upasaṃpadya viharati / sa sarvaśaḥ ākiñcanyāyatanasamatikramān naivasaṃjñānāsaṃjñāyatanam upasaṃpadya viharati / idaṃ bodhisattvasya mahāsattvasya dhyānaṃ /

yadā bodhisattvo mahāsattva etāni ca dhyānāny etāni cāpramāṇāny etāni cārūpyāṇy ākāśākāraliṅgānimittaiḥ samāpadyamāno vyuttiṣṭhaṃś ca sarvākārajñatāyāṃ pariṇāmayatīyaṃ bodhisattvasya mahāsattvasya śīlapāramitā /

sa kṣāntipāramitāyāṃś caran viviktaṃ kāmair viviktaṃ pāpakair akuśalair dharmaiḥ savitarkasavicāraṃ vivekajaṃ prītisukhaṃ prathamaṃ dhyānam upasaṃpadya viharati / savitarkasavicārāṇāṃ vyupaśamād adhyātmasaṃprasādāc cetasa ekotibhāvād avitarkam avicāraṃ samādhijaṃ prītisukhaṃ dvitīyaṃ dhyānam upasaṃpadya viharati / sa prīter virāgād upekṣako viharati / smṛtimān saṃprajānan sukhañ ca kāyena pratisaṃvedayati / yat tadāryā ācakṣate upekṣakaḥ smṛtimān sukhavihārī / niṣprītikaṃ tṛtīyaṃ dhyānam upasaṃpadya viharati / sa sukhasya ca prahāṇāt duḥkhasya ca prahāṇāt pūrvam eva ca saumanasya daurmanasyayor astaṃgamād aduḥkhāsukham upekṣāsmṛtipariśuddhaṃ caturthaṃ dhyānam upasaṃpadya viharati / sa maitrīsahagatena cittena vipulena mahadgatenādvayenāpramāṇenāvaireṇāvyāvadhyenāsapatreṇa paripūrṇena subhāvitena dharmadhātuparame loke ākāśadhātuparyavasāne daśadiśaḥ sphuritvādhimucya viharati / sa karuṇāsahagatena cittena vipulena mahadgatenādvayenāpramāṇenāvaireṇāvyāvadhyenāsapatreṇa paripūrṇena subhāvitena dharmadhātuparame loke ākāśadhātuparyavasāne daśadiśaḥ sphuritvādhimucya viharati / sa muditāsahagatena cittena vipulena mahadgatenādvayenāpramāṇenāvaireṇāvyāvadhyenāsapatreṇa paripūrṇena subhāvitena dharmadhātuparame loke ākāśadhātuparyavasāne daśadiśaḥ sphuritvādhimucya viharati / sa upekṣāsahagatena cittena vipulena mahadgatenādvayenāpramāṇenāvaireṇāvyāvadhyenāsapatreṇa paripūrṇena subhāvitena dharmadhātuparame loke ākāśadhātuparyavasāne daśadiśaḥ sphuritvādhimucya viharati /

upalambhayogena / sa sarvaśo rūpasaṃjñānāṃ samatikramāt pratipadya saṃjñānām astaṅgamān nānātvasaṃjñānām manasikārād anantākāśam ity ākāśānantyāyatanam upasaṃpadya viharati / sa sarvaśaḥ ākāśānantyāyatanasamatikramād anantaṃ vijñānam iti vijñānānantyāyatanam upasaṃpadya viharati / sa sarvaśo vijñānānantyāyatanasamatikramān nāsti kiñcid ity ākiñcanyāyatanam upasaṃpadya viharati / sa sarvaśaḥ ākiñcanyāyatanasamatikramān naivasaṃjñānāsaṃjñāyatanam upasaṃpadya viharati / idaṃ bodhisattvasya mahāsattvasya dhyānaṃ /

yadā bodhisattvo mahāsattva etāni ca dhyānāny etāni cāpramāṇāny etāni cārūpyāṇy ākāśākāraliṅgānimittaiḥ samāpadyamāno vyuttiṣṭhaṃś ca sarvākārajñatāyāṃ pariṇāmayatīyaṃ bodhisattvasya mahāsattvasya kṣāntipāramitā /

sa vīryapāramitāyāṃ caran viviktaṃ kāmair viviktaṃ pāpakair akuśalair dharmaiḥ savitarkaṃ savicāraṃ vivekajaṃ prītisukhaṃ prathamaṃ dhyānam upasaṃpadya viharati / savitarkasavicārāṇāṃ vyupaśamād adhyātmasaṃprasādāc cetasa ekotibhāvād avitarkam avicāraṃ samādhijaṃ prītisukhaṃ dvitīyaṃ dhyānam upasaṃpadya viharati / sa prīter virāgād upekṣako viharati / smṛtimān saṃprajānan sukhañ ca kāyena pratisaṃvedayati / yat tadāryā ācakṣate upekṣakaḥ smṛtimān sukhavihārī niṣprītikaṃ tṛtīyaṃ dhyānam upasaṃpadya viharati / sa sukhasya ca prahāṇāt duḥkhasya ca prahāṇāt pūrvam eva saumanasya daurmanasyayor astaṃgamād aduḥkhāsukham upekṣāsmṛtipariśuddhaṃ caturthaṃ dhyānam upasaṃpadya viharati / sa maitrīsahagatena cittena vipulena mahadgatenādvayenāpramāṇenāvaireṇāvyāvadhyenāsapatreṇa paripūrṇena subhāvitena dharmadhātuparame loke ākāśadhātuparyavasāne daśadiśaḥ sphuritvādhimucya viharati / sa karuṇāsahagatena cittena vipulena mahadgatenādvayenāpramāṇenāvaireṇāvyāvadhyenāsapatreṇa paripūrṇena subhāvitena dharmadhātuparame loke ākāśadhātuparyavasāne daśadiśaḥ sphuritvādhimucya viharati / sa muditāsahagatena cittena vipulena mahadgatenādvayenāpramāṇenāvaireṇāvyāvadhyenāsapatreṇa paripūrṇena subhāvitena dharmadhātuparame loke ākāśadhātuparyavasāne daśadiśaḥ sphuritvādhimucya viharati / sa upekṣāsahagatena cittena vipulena mahadgatenādvayenāpramāṇenāvaireṇāvyāvadhyenāsapatreṇa paripūrṇena subhāvitena dharmadhātuparame loke ākāśadhātuparyavasāne daśadiśaḥ sphuritvādhimucya viharati /

upalambhayogena / sa sarvaśo rūpasaṃjñānāṃ samatikramāt pratipadya saṃjñānām astaṅgamān nānātvasaṃjñānām manasikārād anantākāśam ity ākāśānantyāyatanam upasaṃpadya viharati / sa sarvaśaḥ ākāśānantyāyatanasamatikramād anantaṃ vijñānam iti vijñānānantyāyatanam upasaṃpadya viharati / sa sarvaśo vijñānānantyāyatanasamatikramān nāsti kiñcid ity ākiñcanyāyatanam upasaṃpadya viharati / sa sarvaśaḥ ākiñcanyāyatanasamatikramān naivasaṃjñānāsaṃjñāyatanam upasaṃpadya viharati / idaṃ bodhisattvasya mahāsattvasya dhyānaṃ /

yadā bodhisattvo mahāsattva etāni ca dhyānāny etāni cāpramāṇāny etāni cārūpyāṇy ākāśākāraliṅgānimittaiḥ samāpadyamāno vyuttiṣṭhaṃś ca sarvākārajñatāyāṃ pariṇāmayatīyaṃ bodhisattvasya mahāsattvasya vīryapāramitā /

sa dhyānapāramitāyāṃ caran viviktaṃ kāmair viviktaṃ pāpakair akuśalair dharmaiḥ savitarkasavicāraṃ vivekajaṃ prītisukhaṃ prathamaṃ dhyānam upasaṃpadya viharati / savitarkasavicārāṇāṃ vyupaśamād adhyātmasaṃprasādāc cetasa ekotibhāvād avitarkam avicāraṃ samādhijaṃ prītisukhaṃ dvitīyaṃ dhyānam upasaṃpadya viharati / sa prīter virāgād upekṣako viharati / smṛtimān saṃprajānan sukhañ ca kāyena pratisaṃvedayati / yat tadāryā ācakṣate upekṣakaḥ smṛtimān sukhavihārī niṣprītikaṃ tṛtīyaṃ dhyānam upasaṃpadya viharati / sa sukhasya ca prahāṇāt duḥkhasya ca prahāṇāt pūrvam eva saumanasya daurmanasyayor astaṃgamād aduḥkhāsukham upekṣāsmṛtipariśuddhaṃ caturthaṃ dhyānam upasaṃpadya viharati / sa maitrīsahagatena cittena vipulena mahadgatenādvayenāpramāṇenāvaireṇāvyāvadhyenāsapatreṇa paripūrṇena subhāvitena dharmadhātuparame loke ākāśadhātuparyavasāne daśadiśaḥ sphuritvādhimucya viharati / sa karuṇāsahagatena cittena vipulena mahadgatenādvayenāpramāṇenāvaireṇāvyāvadhyenāsapatreṇa paripūrṇena subhāvitena dharmadhātuparame loke ākāśadhātuparyavasāne daśadiśaḥ sphuritvādhimucya viharati / sa muditāsahagatena cittena vipulena mahadgatenādvayenāpramāṇenāvaireṇāvyāvadhyenāsapatreṇa paripūrṇena subhāvitena dharmadhātuparame loke ākāśadhātuparyavasāne daśadiśaḥ sphuritvādhimucya viharati / sa upekṣāsahagatena cittena vipulena mahadgatenādvayenāpramāṇenāvaireṇāvyāvadhyenāsapatreṇa paripūrṇena subhāvitena dharmadhātuparame loke ākāśadhātuparyavasāne daśadiśaḥ sphuritvādhimucya viharati / upalambhayogena / sa sarvaśo rūpasaṃjñānāṃ samatikramāt pratipadya saṃjñānām astaṅgamān nānātvasaṃjñānām manasikārād anantākāśam ity ākāśānantyāyatanam upasaṃpadya viharati / sa sarvaśaḥ ākāśānantyāyatanasamatikramād anantaṃ vijñānam iti vijñānānantyāyatanam upasaṃpadya viharati / sa sarvaśo vijñānānantyāyatanasamatikramān nāsti kiñcid ity ākiñcanyāyatanam upasaṃpadya viharati / sa sarvaśaḥ ākiñcanyāyatanasamatikramān naivasaṃjñānāsaṃjñāyatanam upasaṃpadya viharati / idaṃ bodhisattvasya mahāsattvasya dhyānaṃ /

yadā bodhisattvo mahāsattva etāni ca dhyānāny etāni cāpramāṇāny etāni cārūpyāṇy ākāśākāraliṅgānimittaiḥ samāpadyamāno vyuttiṣṭhaṃś ca sarvākārajñatāyāṃ pariṇāmayatīyaṃ bodhisattvasya mahāsattvasya dhyānapāramitā /

sa prajñāpāramitāyāṃ caran viviktaṃ kāmair viviktaṃ pāpakair akuśalair dharmaiḥ savitarkasavicāraṃ vivekajaṃ prītisukhaṃ prathamaṃ dhyānam upasaṃpadya viharati / savitarkasavicārāṇāṃ vyupaśamād adhyātmasaṃprasādāc cetasa ekotibhāvād avitarkam avicāraṃ samādhijaṃ prītisukhaṃ dvitīyaṃ dhyānam upasaṃpadya viharati / sa prīter virāgād upekṣako viharati / smṛtimān saṃprajānan sukhañ ca kāyena pratisaṃvedayati / yat tadāryā ācakṣate upekṣakaḥ smṛtimān sukhavihārīti niṣprītikaṃ tṛtīyaṃ dhyānam upasaṃpadya viharati / sa sukhasya ca prahāṇāt duḥkhasya ca prahāṇāt pūrvam eva saumanasya daurmanasyayor astaṃgamād aduḥkhāsukham upekṣāsmṛtipariśuddhaṃ caturthaṃ dhyānam upasaṃpadya viharati / sa maitrīsahagatena cittena vipulena mahadgatenādvayenāpramāṇenāvaireṇāvyāvadhyenāsapatreṇa paripūrṇena subhāvitena dharmadhātuparame loke ākāśadhātuparyavasāne daśadiśaḥ sphuritvādhimucya viharati / sa karuṇāsahagatena cittena vipulena mahadgatenādvayenāpramāṇenāvaireṇāvyāvadhyenāsapatreṇa paripūrṇena subhāvitena dharmadhātuparame loke ākāśadhātuparyavasāne daśadiśaḥ sphuritvādhimucya viharati / sa muditāsahagatena cittena vipulena mahadgatenādvayenāpramāṇenāvaireṇāvyāvadhyenāsapatreṇa paripūrṇena subhāvitena dharmadhātuparame loke ākāśadhātuparyavasāne daśadiśaḥ sphuritvādhimucya viharati / sa upekṣāsahagatena cittena vipulena mahadgatenādvayenāpramāṇenāvaireṇāvyāvadhyenāsapatreṇa paripūrṇena subhāvitena dharmadhātuparame loke ākāśadhātuparyavasāne daśadiśaḥ sphuritvādhimucya viharati /

upalambhayogena / sa sarvaśo rūpasaṃjñānāṃ samatikramāt pratipadya saṃjñānām astaṅgamān nānātvasaṃjñānām manasikārād anantākāśam ity ākāśānantyāyatanam upasaṃpadya viharati / sa sarvaśaḥ ākāśānantyāyatanasamatikramād anantaṃ vijñānam iti vijñānānantyāyatanam upasaṃpadya viharati / sa sarvaśo vijñānānantyāyatanasamatikramān nāsti kiñcid ity ākiñcanyāyatanam upasaṃpadya viharati / sa sarvaśaḥ ākiñcanyāyatanasamatikramān naivasaṃjñānāsaṃjñāyatanam upasaṃpadya viharati / idaṃ bodhisattvasya mahāsattvasya dhyānaṃ /

yadā bodhisattvo mahāsattva etāni ca dhyānāny etāni cāpramāṇāny etāni cārūpyāṇy ākāśākāraliṅgānimittaiḥ samāpadyamāno vyuttiṣṭhaṃś ca sarvākārajñatāyāṃ pariṇāmayatīyaṃ bodhisattvasya mahāsattvasya prajñāpāramitā / evaṃ khaly āyuṣmañ chāradvatīputra bodhisattvo mahāsattvo mahāyānasaṃprasthita ity ucyate /

punar aparam āyuṣmañ chāradvatīputra bodhisattvo mahāsattvo maitrīsahagatena cittena vipulena mahadgatenādvayenāpramāṇenāvaireṇāvyāvadhyenāsapatreṇa paripūrṇena subhāvitena dharmadhātuparame loke ākāśadhātuparyavasāne daśadiśaḥ sphuritvādhimucya viharati / sa mahākaruṇāsahagatena cittena vipulena mahadgatenādvayenāpramāṇenāvaireṇāvyāvadhyenāsapatreṇa paripūrṇena subhāvitena dharmadhātuparame loke ākāśadhātuparyavasāne daśadiśaḥ sphuritvādhimucya viharati / muditāsahagatena cittena vipulena mahadgatenādvayenāpramāṇenāvaireṇāvyāvadhyenāsapatreṇa paripūrṇena subhāvitena dharmadhātuparame loke ākāśadhātuparyavasāne daśadiśaḥ sphuritvādhimucya viharati / sa upekṣāsahagatena cittena vipulena mahadgatenādvayenāpramāṇenāvaireṇāvyāvadhyenāsapatreṇa paripūrṇena subhāvitena dharmadhātuparame loke ākāśadhātuparyavasāne daśadiśaḥ sphuritvādhimucya viharati / sa viviktaṃ kāmair viviktaṃ pāpakair akuśalair dharmaiḥ savitarkaṃ savicāraṃ vivekajaṃ prītisukhaṃ prathamaṃ dhyānam upasaṃpadya viharati / savitarkasavicārāṇāṃ vyupaśamād adhyātmasaṃprasādāc cetasa ekotībhāvād avitarkam avicāraṃ samādhijaṃ prītisukhaṃ dvitīyaṃ dhyānam upasaṃpadya viharati / sa prīter virāgād upekṣako viharati / smṛtimān saṃprajānan sukhañ ca kāyena pratisaṃvedayati / yat tadāryā ācakṣate upekṣakaḥ smṛtimān sukhavihārīti niṣprītikaṃ tṛtīyaṃ dhyānam upasaṃpadya viharati /

sa sukhasya ca prahāṇāt duḥkhasya ca prahāṇāt pūrvam eva saumanasya daurmanasyayor astaṃgamād aduḥkhāsukham upekṣāsmṛtipariśuddhaṃ caturthaṃ dhyānam upasaṃpadya viharati / sa sarvaśo rūpasaṃjñānāṃ samatikramāt pratipadya saṃjñānām astaṅgamān nānātvasaṃjñānām manasikārād anantākāśam ity ākāśānantyāyatanam upasaṃpadya viharati / sa sarvaśaḥ ākāśānantyāyatanasamatikramād anantaṃ vijñānam iti vijñānānantyāyatanam upasaṃpadya viharati / sa sarvaśo vijñānānantyāyatanasamatikramān nāsti kiñcid ity ākiñcanyāyatanam upasaṃpadya viharati / sa sarvaśa ākiñcanyāyatanasamatikramān naivasaṃjñānāsaṃjñāyatanam upasaṃpadya viharati / ayaṃ bodhisattvasya mahāsattvasya samādhi /

sa khalu punar bodhisattvo mahāsattvaḥ sarvākārajñatā pratisaṃyuktena cittena mahākaruṇāpūrvaṅgamena kleśaprahāṇāya dhyānāpramāṇārūpya samāpattīḥ parebhya ācaṣṭe deśayati / prakāśayati / visarjayati / uttānīkaroti / vivañcatā samāmnādañ cādīnavañ ca niḥsaraṇañ copadiśati / iyaṃ bodhisattvasya mahāsattvasya dānapāramitā / yad bodhisattvo mahāsattvas tair eva sarvākārajñatāpratisaṃyuktair manasikārair dhyānāpramāṇārūpyasamāpattīḥ samāpadyamāno vyuttiṣṭhaṃś ca nānyeṣāṃ cittotpādānām avakāśaṃ dadāti / yad uta śrāvakacittānāṃ vā pratyekabuddhacittānāṃ vā / iyaṃ bodhisattvasya mahāsattvasya parāmṛṣṭā śīlapārapāramitā / yad bodhisattvo mahāsattvaḥ sarvākārajñatāpratisaṃyuktair manasikārair dhyānāpramāṇārūpyasamāpattibhir viharata evaṃ bhavati / sarvasattvānāṃ kleśakṣayāya dharmaṃ deśayiṣyāmīti / yā teṣāṃ manasikārāṇāṃ kṣamatā, rocanatā, vyupaparīkṣaṇatā avabodhanatā / uparidhyāyatanatā / iyaṃ bodhisattvasya mahāsattvasya kṣāntipāramitā / yadā bodhisattvo mahāsattvaḥ sarvākārajñatāpratisaṃyuktair manasikārair dhyānāpramāṇārūpyasamāpattibhir viharati / sarvasattvārthañ ca sarvākārajñatāyāṃ vīryaṃ na sraṃsayatīyaṃ bodhisattvasya mahāsattvasya vīryapāramitā / yadā bodhisattvo mahāsattvaḥ sarvākārajñatāpratisaṃyuktair manasikāraiḥ sarvajñatā dhyānavimokṣasamāpattīḥ samāpadyate ca vyuttiṣṭhate ca na ca śrāvakabhūmau vā pratyekabuddhabhūmau vā pariṇāmayatīyaṃ bodhisattvasya mahāsattvasya dhyānapāramitā / yadā bodhisattvo mahāsattvaḥ sarvākārajñatāpratisaṃyuktair manasikārais tāni prathamadhyānāṅgāni dvitīyadhyānāṅgāni tṛtīyadhyānāṅgāni caturthadhyānāṅgāni / maitrīkaruṇāmuditopekṣākāśānantyāyatanaṃ vijñānānantyāyatanākiñcanyāyatanaṃ naivasaṃjñānāsaṃjñāyatanam anityākāreṇa duḥkhākāreṇānātmākāreṇāśāntākāreṇa śūnyatākāreṇānimittākāreṇāpraṇihitākāreṇāpratyavekṣamāṇas tā dhyānāpramāṇarūpyasamāpattīr nopalabhate / tābhiś ca na manyate / iyaṃ bodhisattvasya mahāsattvasya prajñāpāramitā /

iyam āyuṣmañ chāradvatīputra bodhisattvasya mahāsattvasya prajñāpāramitāyāṃ carato mahāyānaṃ /

punar aparam āyuṣmañ chāradvatīputra bodhisattvasya mahāsattvasya mahāyānaṃ / yat sarvākāraiḥ catvāri smṛtyupasthānāni bhāvayati / sarvākāraiś catvāri samyakprahāṇāni bhāvayati / sarvākāraiś catura ṛddhipādān bhāvayati / sarvākāraiḥ pañcendriyāṇi bhāvayati / sarvākāraiḥ pañca balāni bhāvayati / sarvākāraiḥ sapta bodhyaṅgāni bhāvayati / sarvākārair āryāṣṭāṅgamārgaṃ bhāvayati / sarvākārair āryasatyāni bhāvayati / sarvākārair dhyānāni bhāvayati / sarvākārair apramāṇāni bhāvayati / sarvākārair ārūpyasamāpattīr bhāvayati / sarvākārair vimokṣān bhāvayati / sarvākārair anupūrvavihārasamāpattīr bhāvayati / sarvākāraiḥ śūnyatānimittāpraṇihitavimokṣamukhāni bhāvayati / sarvākārair abhijñā bhāvayati / sarvākāraiḥ samādhiṃ bhāvayati / sarvākārair dhāraṇīmukhāni bhāvayati / sarvākārais tathāgatabalāni bhāvayati / sarvākārair viśāradyāni bhāvayati / sarvākāraiḥ pratisaṃvido bhāvayati / sarvākārair mahāmaitrīṃ bhāvayati / sarvākārair mahākaruṇā bhāvayati / sarvākārair āveṇikabuddhadharmān bhāvayati / sarvākāraiḥ sarvajñatāṃ bhāvayati / sarvākārair mārgākārajñatāṃ bhāvayati / sarvākāraiḥ sarvākārajñatāṃ bhāvayati / idam āyuṣmāñ chāradvatīputra bodhisattvasya mahāsattvasya mahāyānaṃ /

punar aparam āyuṣmañ chāradvatīputra bodhisattvo mahāsattvo maitrīṃ samādhiṃ samāpadyate / mayā sarvasattvās trātavyāḥ ity atināmayati karuṇāñ ca samādhiṃ saṃpadyate / kṛpākaruṇyatāñ ca sattveṣu nirṇamayati / muditāñ ca samādhiṃ samāpadyate / aham evaṃ samādhāyiṣyāmīti sattveṣu nirṇamayati / upekṣāñ ca samādhiṃ samāpadyate / āsravakṣayaṇatāñ ca sattveṣu nirṇayatīyaṃ bodhisattvasya mahāsattvasya pramāṇesu carato dānapāramitā / yadā bodhisattvo mahāsattvo dhyānāpramāṇākāraliṅganimittāni samāpadyate ca vyūttiṣṭhate ca / na ca śrāvakapratyekabuddhabhūmau pariṇāmayaty anyatra sarvākārajñatāyāḥ / iyaṃ bodhisattvasya mahāsattvasyāpramāṇeṣu carato 'parāmṛṣṭā śīlapāramitā / yadā bodhisattvo mahāsattvas tābhir dhyānāpramāṇārūpyasamāpattibhir avyavakīrṇo viharati / ābhyāñ ca dvābhyāṃ bhūmibhyāṃ śrāvakabhūmaye vā pratyekabuddhabhūmaye vā na spṛhet / sarvākārajñataivāsya kṣamate rocate ceyaṃ bodhisattvasya mahāsattvasya pramāṇeṣu carataḥ kṣāntipāramitā /

yadā bodhisattvo mahāsattvaḥ sarvākārajñatāpratisaṃyuktaiś cittotpādair anikṣiptadhuro viharaty akuśaladharmaprahāṇāya kuśaladharmāya saṃpadair iyaṃ bodhisattvasya mahāsattvasyāpramāṇeṣu carato vīryapāramitā / yadā bodhisattvo mahāsattva etāni ca dhyānāny etāś cāpramāṇārūpyasamāpattīñ ca samāpadyate / na ca dhyānāpramāṇārūpyasamāpattivaśenopapadyate / na ca tā āsvādayati / na ca tābhiḥ saṃhriyate / iyaṃ bodhisattvasya mahāsattvasyāpramāṇeṣu carato vīryapāramitā / yadā bodhisattvo mahāsattvaḥ sarvākārajñatāpratisaṃyuktair manasikārais tā dhyānāpramāṇārūpyasamāpattīḥ samāpadyate ca vyuttiṣṭhate ca tāś cānityākāreṇa duḥkhākāreṇānātmākāreṇāśāntākāreṇāśūnyatākāreṇānimittākāreṇāpraṇihitākāreṇa pratyavekṣate / na ca śrāvakāṇām vā pratyekabuddhānām vāvakrāmati / iyaṃ bodhisattvasya mahāsattvasya prajñāpāramitā / idam āyuṣmañ chāradvatīputra bodhisattvasya mahāsattvasya mahāyānam /

punar aparam āyuṣmañ chāradvatīputra bodhisattvasya mahāsattvasya mahāyānaṃ / yad adhyātmaśūnyatāyāṃ jñānaṃ na cānupalambhayogena / yad bahirdhāśūnyatāyāṃ jñānaṃ na cānupalambhayogena / yad adhyātmabahirdhāśūnyatāyāṃ jñānaṃ na cānupalambhayogena / yac chūnyatāśūnyatāyāṃ jñānaṃ na cānupalambhayogena / yan mahāśūnyatāyāṃ jñānaṃ na cānupalambhayogena / yat paramārthaśūnyatāyāṃ jñānaṃ na cānupalambhayogena / yat saṃskṛtaśūnyatāyāṃ jñānaṃ na cānupalambhayogena / yad asaṃskṛtaśūnyatāyāṃ jñānaṃ na cānupalambhayogena / yad atyantaśūnyatāyāṃ jñānaṃ na cānupalambhayogena / yad anavarāgraśūnyatāyāṃ jñānaṃ na cānupalambhayogena / yad anavakāraśūnyatāyāṃ jñānaṃ na cānupalambhayogena / yat prakṛtiśūnyatāyāṃ jñānaṃ na cānupalambhayogena / yat sarvadharmaśūnyatāyāṃ jñānaṃ na cānupalambhayogena / yat svalakṣaṇaśūnyatāyāṃ jñānaṃ na cānupalambhayogena / yad anupalambhaśūnyatāyāṃ jñānaṃ na cānupalambhayogena / yad abhāvaśūnyatāyāṃ jñānaṃ na cānupalambhayogena / yat svabhāvaśūnyatāyāṃ jñānaṃ na cānupalambhayogena / yad abhāvasvabhāvaśūnyatāyāṃ jñānaṃ na cānupalambhayogena / idaṃ bodhisattvasya mahāsattvasya mahāyānam /

punar aparam āyuṣmañ chāradvatīputra bodhisattvasya mahāsattvasya mahāyānaṃ / yat sarvadharmeṣu na viśeṣyate cittaṃ samāhitam iti jñānam idaṃ bodhisattvasya mahāsattvasya mahayānaṃ /

yan na nityam iti jñānaṃ pravartate / nānityam iti jñānaṃ pravartate / na sukham iti jñānaṃ pravartate / na duḥkham iti jñānaṃ pravartate / nātmeti jñānaṃ pravartate / nānātmeti jñānaṃ pravartate / na śubham iti jñānaṃ pravartate / nāśubham iti jñānaṃ pravartate / idaṃ bodhisattvasya mahāsattvasya mahāyānaṃ / tac cānupalambhayogena /

punar aparam āyuṣmañ chāradvatīputra bodhisattvasya mahāsattvasya mahāyānaṃ / yad atīte 'dhvani jñānaṃ pravartate / anāgate 'dhvani pravartate / pratyutpanne 'dhvani pravartate / na cāsya triṣv adhvasu jñānam idaṃ bodhisattvasya mahāsattvasya mahāyānaṃ / tac cānupalambhayogena / punar aparam āyuṣmañ chāradvatīputra bodhisattvasya mahāsattvasya mahāyānaṃ / yan na kāmadhātau jñānaṃ pravartate / na rūpadhātau / nārūpyadhātau jñānaṃ pravartate / na cāsya kāmarūpārūpyadhātuṣu jñānam idam api bodhisattvasya mahāsattvasya mahāyānaṃ / tac cānupalambhayogena / punar aparam āyuṣmañ chāradvatīputra bodhisattvasya mahāsattvasya mahāyānaṃ / yan naiva laukikeṣu jñānaṃ pravartate / na lokottareṣu na sāśraveṣu nānāśraveṣu na saṃskṛteṣu dharmeṣu jñānaṃ pravartate / nāsaṃskṛteṣu / na cāsya laukikalokottareṣu dharmeṣu na sāśravānāśraveṣu na saṃskṛtāsaṃskṛteṣu dharmeṣu jñānam idam āyuṣmañ chāradvatīputra bodhisattvasya mahāsattvasya mahāyānaṃ tac cānupalambhayogena / āha /

kiyatāyuṣman pūrṇa bodhisattvo mahāsattvo mahāyānasamārūḍha ity ucyate / pūrṇa āha / idam āyuṣmañ chāradvatīputra bodhisattvo mahāsattvaḥ prajñāpāramitāyāṃ caran dānapāramitāṃ samārohati / sa naiva dānam upalabhate / na dānapāramitāṃ na bodhisattvaṃ na pratigrāhakaṃ na tān manasikārān upalabhate / evaṃ khalu bodhisattvo mahāsattvo mahāyānasamārūḍha ity ucyate / anupalambhayogena / ihāyuṣmañ chāradvatīputra bodhisattvo mahāsattvaḥ prajñāpāramitāyāṃ caran śīlapāramitāṃ samārohati / sa naiva śīlam upalabhate na śīlapāramitāṃ na bodhisattvaṃ na tān manasikārān upalabhate / evaṃ khalu bodhisattvo mahāsattvaḥ śīlapāramitāsamārūḍha ity ucyate / anupalambhayogena / ihāyuṣmañ chāradvatīputra bodhisattvo mahāsattvaḥ prajñāpāramitāyāṃ caran kṣāntipāramitāṃ samārohati / sa naiva kṣāntim upalabhate na kṣāntipāramitāṃ na bodhisattvaṃ na tān manasikārān upalabhate / evaṃ khalu bodhisattvo mahāsattvaḥ kṣāntipāramitāsamārūḍha ity ucyate / anupalambhayogena / ihāyuṣmañ chāradvatīputra bodhisattvo mahāsattvaḥ prajñāpāramitāyāṃ caran vīryapāramitāṃ samārohati / sa naiva vīryam upalabhate na vīryapāramitāṃ na bodhisattvaṃ na tān manasikārān upalabhate / evaṃ khalu bodhisattvo mahāsattvo vīryapāramitāsamārūḍha ity ucyate / anupalambhayogena / ihāyuṣmañ chāradvatīputra bodhisattvo mahāsattvaḥ prajñāpāramitāyāṃ caran dhyānapāramitāṃ samārohati / sa naiva dhyānam upalabhate na dhyānapāramitāṃ na bodhisattvaṃ na tān manasikārān upalabhate / evaṃ khalu bodhisattvo mahāsattvo dhyānapāramitāsamārūḍha ity ucyate 'nupalambhayogena / ihāyuṣmañ chāradvatīputra bodhisattvo mahāsattvaḥ prajñāpāramitāyāñ caran prajñāpāramitāṃ samārohati / sa naiva kuśaladharmam upalabhate / nākuśalaṃ na laukikaṃ na lokottaraṃ na saṃskṛtaṃ nāsaṃskṛtaṃ na sāśravaṃ nānāśravaṃ dharmam upalabhate / nāpi prajñāṃ na prajñāpāramitām upalabhate na bodhisattvaṃ na tān manasikārān upalabhate / evaṃ khalu bodhisattvo mahāsattvaḥ prajñapāramitāsamārūḍha ity ucyate / anupalambhayogena /

punar aparam āyuṣmañ chāradvatīputra bodhisattvo mahāsattvo 'vyavakīrṇaiḥ sarvākārajñatāpratisaṃyuktair manasikārair adhyātmaśūnyatāṃ bhāvayati / bhāvanāvibhāvanārthena / tac cānupalambhayogena / avyavakīrṇaiḥ sarvākārajñatāpratisaṃyuktair manasikārair bahirdhāśūnyatāṃ bhāvayati / bhāvanāvibhāvanārthena / tac cānupalambhayogena / avyavakīrṇaiḥ sarvākārajñatāpratisaṃyuktair manasikārair adhyātmabahirdhāśūnyatāṃ bhāvayati / bhāvanāvibhāvanārthena / tac cānupalambhayogena / avyavakīrṇaiḥ sarvākārajñatāpratisaṃyuktair manasikāraiḥ śūnyatāśūnyatāṃ bhāvayati / bhāvanāvibhāvanārthena / tañ cānupalambhayogena / avyavakīrṇaiḥ sarvākārajñatāpratisaṃyuktair manasikārair mahāśūnyatāṃ bhāvayati / bhāvanāvibhāvanārthena / tac cānupalambhayogena / avyavakīrṇaiḥ sarvākārajñatāpratisaṃyuktair manasikāraiḥ paramārthaśūnyatāṃ bhāvayati / bhāvanāvibhāvanārthena / tac cānupalambhayogena / avyavakīrṇaiḥ sarvākārajñatāpratisaṃyuktair manasikāraiḥ saṃskṛtaśūnyatāṃ bhāvayati / bhāvanāvibhāvanārthena / tac cānupalambhayogena / avyavakīrṇaiḥ sarvākārajñatāpratisaṃyuktair manasikārair asaṃskṛtaśūnyatāṃ bhāvayati / bhāvanāvibhāvanārthena / tac cānupalambhayogena / avyavakīrṇaiḥ sarvākārajñatāpratisaṃyuktair manasikārair atyantaśūnyatāṃ bhāvayati / bhāvanāvibhāvanārthena / tac cānupalambhayogena / avyavakīrṇaiḥ sarvākārajñatāpratisaṃyuktair manasikārair anavarāgraśūnyatāṃ bhāvayati / bhāvanāvibhāvanārthena / tac cānupalambhayogena /

avyavakīrṇaiḥ sarvākārajñatāpratisaṃyuktair manasikārair anavakāraśūnyatāṃ bhāvayati / bhāvanāvibhāvanārthena / tac cānupalambhayogena / avyavakīrṇaiḥ sarvākārajñatāpratisaṃyuktair manasikāraiḥ prakṛtiśūnyatāṃ bhāvayati / bhāvanāvibhāvanārthena / tac cānupalambhayogena / anyavakīrṇaiḥ sarvākārajñatāpratisaṃyuktair manasikāraiḥ sarvadharmaśūnyatāṃ bhāvayati / bhavanāvibhāvanārthena / tac cānupalambhayogena / avyavakīrṇaiḥ sarvākārajñatāpratisaṃyuktair manasikāraiḥ svalakṣaṇaśūnyatāṃ bhāvayati / bhāvanāvibhāvanārthena / tac cānupalambhayogena / avyavakīrṇaiḥ sarvākārajñatāpratisaṃyuktair manasikārair anupalambhaśūnyatāṃ bhāvayati / bhāvanāvibhāvanārthena / tac cānupalambhayogena / avyavakīrṇaiḥ sarvākārajñatāpratisaṃyuktair manasikārair abhāvaśūnyatāṃ bhāvayati / bhāvanāvibhāvanārthena / tac cānupalambhayogena / avyavakīrṇaiḥ sarvākārajñatāpratisaṃyuktair manasikāraiḥ svabhāvaśūnyatāṃ bhāvayati / bhāvanāvibhāvanārthena / tac cānupalambhayogena / avyavakīrṇaiḥ sarvākārajñatāpratisaṃyuktair manasikārair abhāvasvabhāvaśūnyatāṃ bhāvayati / bhāvanāvibhāvanārthena / tac cānupalambhayogena /

punar aparam āyuṣmañ chāradvatīputra bodhisattvo mahāsattvo 'vyavakīrṇaiḥ sarvākārajñatāpratisaṃyuktair manasikāraiś catvāri smṛtyupasthānāni bhāvayati / bhāvanāvibhāvanārthena / tac cānupalambhayogena / avyavakīrṇaiḥ sarvākārajñatāpratisaṃyuktair manasikāraiḥ catvāri samyakprahāṇāni bhāvayati / bhāvanāvibhāvanārthena / tac cānupalambhayogena / avyavakīrṇaiḥ sarvākārajñatāpratisaṃyuktair manasikāraiś catura ṛddhipādān bhāvayati / bhāvanāvibhāvanārthena / tac cānupalambhayogena / avyavakīrṇaiḥ sarvākārajñatāpratisaṃyuktair manasikāraiḥ pañcendriyāṇi bhāvayati / bhāvanāvibhāvanārthena / tac cānupalambhayogena / avyavakīrṇaiḥ sarvākārajñatāpratisaṃyuktair manasikāraiḥ pañca balāni bhāvayati / bhāvanāvibhāvanārthena / tac cānupalambhayogena / avyavakīrṇaiḥ sarvākārajñatāpratisaṃyuktair manasikāraiḥ sapta bodhyaṅgāni bhāvayati / bhāvanāvibhāvanārthena / tac cānupalambhayogena / avyavakīrṇaiḥ sarvākārajñatāpratisaṃyuktair manasikārair āryāṣṭāṅgamārgaṃ bhāvayati / bhāvanāvibhāvanārthena / tac cānupalambhayogena / avyavakīrṇaḥ sarvākārajñatāpratisaṃyuktair manasikārair āryasatyāni bhāvayati / bhāvanāvibhāvanarthena / tac cānupalambhayogena / avyavakīrṇaiḥ sarvākārajñatāpratisaṃyuktair manasikāraiś catvāri dhyānāni bhāvayati / tac cānupalambhayogena / avyavakīrṇaiḥ sarvākārajñatāpratisaṃyuktair manasikāraiś catvāry apramāṇāni bhāvayati / bhāvanāvibhāvanārthena / tac cānupalambhayogena / avyavakīrṇaiḥ sarvākārajñatāpratisaṃyuktair manasikāraiś catasra ārūpyasamāpattīr bhāvayati /

bhāvanāvibhāvanārthena / tac cānupalambhayogena / avyavakīrṇaiḥ sarvākārajñatāpratisaṃyuktair manasikārair aṣṭau vimokṣān bhāvayati / bhāvanāvibhāvanārthena / tac cānupalambhayogena / avyavakīrṇaiḥ sarvākārajñatāpratisaṃyuktair manasikārair navānupūrvavihārasamāpattīr bhāvayati / bhāvanāvibhāvanārthena / tac cānupalambhayogena / avyavakīrṇaiḥ sarvākārajñatāpratisaṃyuktair manasikāraiḥ śūnyatānimittāpraṇihitavimokṣamukhāni bhāvayati / bhāvanāvibhāvanārthena / tac cānupalambhayogena / avyavakīrṇaḥ sarvākārajñatāpratisaṃyuktair manasikārair abhijñā bhāvayati / bhāvanāvibhāvanārthena / tac cānupalambhayogena / avyavakīrṇaiḥ sarvākārajñatāpratisaṃyuktair manasikāraiḥ samādhīn bhāvayati / bhāvanāvibhāvanārthena / tac cānupalambhayogena / avyavakīrṇaiḥ sarvākārajñatāpratisaṃyuktair manasikārair dhāraṇīmukhāni bhāvayati / bhāvanāvibhāvamārthena / tac cānupalambhayogena / avyavakīrṇaiḥ sarvākārajñatāpratisaṃyuktair manasikārais tathāgatabalāni bhāvayati / bhāvanāvibhāvanārthena / tac cānupalambhayogena / avyavakīrṇaiḥ sarvākārajñatāpratisaṃyuktair manasikāraiś catvāri vaiśāradyāni bhāvayati / bhāvanāvibhāvanārthena / tac cānupalambhayogena / avyavakīrṇaḥ sarvākārajñatāpratisaṃyuktair manasikāraiś cataśraḥ pratisaṃvido bhāvayati / bhāvanāvibhāvanārthena / tac cānupalambhayogena / avyavakīrṇaḥ sarvākārajñatāpratisaṃyuktair manasikārair mahāmaitrīṃ bhāvayati / bhāvanāvibhāvanārthena / tac cānupalambhayogena /

avyavakīrṇaiḥ sarvākārajñatāpratisaṃyuktair manasikārair mahākaruṇāṃ bhāvayati / bhāvanāvibhāvanārthena / tac cānupalambhayogena / avyavakīrṇaḥ sarvākārajñatāpratisaṃyuktair manasikārair aṣṭādaśāveṇikabuddhadharmān bhāvayati / bhāvanāvibhāvanārthena / tac cānupalambhayogena / evaṃ khalv āyuṣmañ chāradvatīputra bodhisattvo mahāsattvo mahāyānasamārūḍha ity ucyate /

punar aparam āyuṣmañ chāradvatīputra bodhisattvo mahāsattva evaṃ jānāti / vyavahāramātram etad yad uta bodhisattva iti bodhisattvānupalabdhitām upādāya / nāmamātram etad yad uta rūpaṃ rūpānupalabdhitām upādāya / nāmamātram etad yad uta vedanā vedanānupalabdhitām upādāya / nāmamātram etad yad uta saṃjñā saṃjñānupalabdhitām upādāya / nāmamātram etad yad uta saṃskārāḥ saṃskārānupalabdhitām upādāya / nāmamātram etad yad uta vijñānaṃ vijñānānupalabdhitām upādāya / nāmamātram etad yad uta cakṣuś cakṣuranupalabdhitām upādāya / nāmamātram etad yad uta śrotraṃ śrotrānupalabdhitām upādāya / nāmamātram etad yad uta ghrāṇaṃ ghrāṇānupalabdhitām upādāya / nāmamātram etad yad uta jihvā jihvānupalabdhitām upādāya / nāmamātram etad yad uta kāyaḥ kāyānupalabdhitām upādāya / nāmamātram etad yad uta manaḥ manonupalabdhitām upādāya / nāmamātram etad yad uta rūpaṃ rūpānupalabdhitām upādāya / nāmamatram etad yad uta śabdaḥ śabdānupalabdhitām upādāya / nāmamātram etad yad uta gandho gandhānupalabdhitām upādāya / nāmamātram etad yad uta raso rasānupalabdhitām upādāya / nāmamātram etad yad uta sparśaḥ sparśānupalabdhitām upādāya / nāmamātram etad yad uta dharmāḥ dharmānupalabdhitām upādāya /

nāmamātram etad yad uta cakṣurvijñānaṃ cakṣurvijñānānupalabdhitām upādāya / nāmamātram etad yad uta śrotravijñanaṃ śrotravijñānānupalabdhitām upādāya / nāmamātram etad yad uta ghrāṇavijñānaṃ ghrāṇavijñānānupalabdhitām upādāya / nāmamātram etad yad uta jihvāvijñānaṃ jihvāvijñānānupalabdhitām upādāya / nāmamātram etad yad uta kāyavijñānaṃ kāyavijñānānupalabdhitām upādāya / nāmamātram etad yad uta manovijñānaṃ manovijñānānupalabdhitām upādāya / nāmamātram etad yad uta cakṣuḥsaṃsparśaś cakṣuḥsaṃsparśānupalabdhitām upādāya / nāmamātram etad yad uta śrotrasaṃsparśaḥ śrotrasaṃsparśānupalabdhitām upādāya / nāmamātram etad yad uta ghrāṇasaṃsparśaḥ ghrāṇasaṃsparśānupalabdhitām upādāya / nāmamātram etad yad uta jihvāsaṃsparśaḥ jihvāsaṃsparśānupalabdhitām upādāya / nāmamātram etad yad uta kāyasaṃsparśaḥ kāyasaṃsparśānupalabdhitām upādāya / nāmamātram etad yad uta manaḥsaṃsparśo manaḥsaṃsparśānupalabdhitām upādāya / nāmamātram etad yad uta cakṣuḥsaṃsparśajāvedanā cakṣuḥsaṃsparśajāvedanānupalabdhitām upādāya / nāmamātram etad yad uta śrotrasaṃsparśajāvedanā śrotrasaṃsparśajāvedanānupalabdhitām upādāya / nāmamātram etad yad uta ghrāṇasaṃsparśajāvedanā ghrāṇasaṃsparśajāvedanānupalabdhitām upādāya / nāmamātram etad yad uata jihvāsaṃsparśajāvedanā jihvāsaṃsparśajāvedanānupalabdhitām upādāya / nāmamātram etad yad uta kāyasaṃsparśajāvedanā kāyasaṃsparśajāvedanānupalabdhitām upādāya / nāmamātram etad yad uta manaḥsaṃsparśajāvedanā manaḥsaṃsparśajāvedanānupalabdhitām upādāya /

nāmamātram etad yad uta pṛthivīdhātuḥ pṛthivīdhātvanupalabdhitām upādāya / nāmamātram etad yad utābdhātur abdhātvanupalabdhitām upādāya / nāmamātram etad yad uta tejodhātus tejodhātvanupalabdhitām upādāya / nāmamātram etad yad uta vāyudhātur vāyudhātvanupalabdhitām upādāya / nāmamātram etad yad utākāśadhātur ākāśadhātvanupalabdhitām upādāya / nāmamātram etad yad uta vijñānadhātur vijñānadhātvanupalabdhitām upādāya / nāmamātram etad yad utāvidyā avidyānupalabdhitām upādāya / nāmamātram etad yad uta saṃskarāḥ saṃskārānupalabdhitām upādāya / nāmamātram etad yad uta vijñānaṃ vijñānānupalabdhitām upādāya / nāmamātram etad yad uta nāmarūpaṃ nāmarūpānupalabdhitām upādāya / nāmamātram etad yad uta ṣaḍāyatanaṃ ṣaḍāyatanānupalabdhitām upādāya / nāmamātram etad yad uta sparśaḥ sparśānupalabdhitām upādāya / nāmamātram etad yad uta vedanā vedanānupalabdhitām upādāya / nāmamātram etad yad uta tṛṣṇā tṛṣṇānupalabdhitām upādāya / nāmamātram etad yad utopādānam upādānānupalabdhitām upādāya / nāmamātram etad yad uta bhavo bhavānupalabdhitām upādāya / nāmamātram etad yad uta jātir jātyanupalabdhitām upādāya / nāmamātram etad yad uta jarāmaraṇaṃ jarāmaraṇānupalabdhitām upādāya /

nāmamātram etad yad uta dānapāramitā dānapāramitānupalabdhitām upādāya / nāmamātram etad yad uta śīlapāramitā śīlapāramitānupalabdhitām upādāya / nāmamātram etad yad uta kṣāntipāramitā kṣāntipāramitānupalabdhitām upādāya / nāmamātram etad yad uta vīryapāramitā vīryapāramitānupalabdhitām upādāya / nāmamātram etad yad uta dhyānapāramitā dhyānapāramitānupalabdhitām upādāya / nāmamātram etad yad uta prajñāpāramitā prajñāpāramitānupalabdhitām upādāya /

nāmamātram etad yad utādhyātmaśūnyatādhyātmaśūnyatānupalabdhitām upādāya / nāmamātram etad yad uta bahirdhāśūnyatā bahirdhāśūnyatānupalabdhitām upādāya / nāmamātram etad yad utādhyātmabahirdhāśūnyatādhyātmabahirdhāśūnyatānupalabdhitām upādāya / nāmamātram etad yad uta śūnyatāśūnyatāśūnyatāśūnyatānupalabdhitām upādāya / nāmamātram etad yad uta mahāśūnyatā mahāśūnyatānupalabdhitām upādāya / nāmamātram etad yad uta paramārthaśūnyatā paramārthaśūnyatānupalabdhitām upādāya / nāmamātram etad yad uta saṃskṛtaśūnyatā saṃskṛtaśūnyatānupalabdhitām upādāya / nāmamātram etad yad utāsaṃskṛtaśūnyatāsaṃskṛtaśūnyatānupalabdhitām upādāya / nāmamātram etad yad utātyantaśūnyatātyantaśūnyatānupalabdhitām upādāya / nāmamātram etad yad utānavarāgraśūnyatānavarāgraśūnyatānupalabdhitām upādāya / nāmamātram etad yad utānavakāraśūnyatānavakāraśūnyatānupalabdhitām upādāya / nāmamātram etad yad uta prakṛtiśūnyatā prakṛtiśūnyatānupalabdhitām upādāya / nāmamātram etad yad uta sarvadharmaśūnyatā sarvadharmaśūnyatānupalabdhitām upādāya / nāmamātram etad yad uta svalakṣaṇaśūnyatā svalakṣaṇaśūnyatānupalabdhitām upādāya / nāmamātram etad yad utānupalambhaśūnyatānupalambhaśūnyatānupalabdhitām upādāya / nāmamātram etad yad utābhāvaśūnyatābhāvaśūnyatānupalabdhitām upādāya / nāmamātram etad yad uta svabhāvaśūnyatā svabhāvaśūnyatānupalabdhitām upādāya / nāmamātram etad yad utābhāvasvabhāvaśūnyatābhāvasvabhāvaśūnyatānupalabdhitām upādāya /

nāmamātram etad yad uta catvāri smṛtyupasthānāni catvāri smṛtyasthānānupalabdhitām upādāya / nāmamātram etad yad uta catvāri samyakprahāṇāni catvāri samyakprahāṇānupalabdhitām upādāya / nāmamātram etad yad uta catvāra ṛddhipādāḥ catvāri ṛddhipādānupalabdhitām upādāya / nāmamātram etad yad uta pañcendriyāṇīndriyānupalabdhitām upādāya / nāmamātram etad yad uta pañcabalāni balānupalabdhitām upādāya / nāmamātram etad yad uta saptabodhyaṅgāni bodhyaṅgānupalabdhitām upādāya / nāmātram etad yad utāryāṣṭāṅgamārga āryāṣṭāṅgamārgānupalabdhitām upādāya / nāmamātram etad yad utāryasatyāni āryasatyānupalabdhitām upādāya / nāmamātram etad yad uta dhyānāni dhyānānupalabdhitām upādāya / nāmamātram etad yad utāpramāṇāny apramāṇānupalabdhitām upādāya / nāmamātram etad yad utārūpyasamāpattaya ārūpyasamāpattyanupalabdhitām upādāya / nāmamātram etad yad utāṣṭau vimokṣā vimokṣānupalabdhitām upādāya / nāmamātram etad yad utānupūrvavihārasamāpattayo 'nupūrvavihārasamāpattyanupalabdhitām upādāya nāmamātram etad yad uta śūnyatānimittāpraṇihitavimokṣamukhāni śūnyatānimittāpraṇihitavimokṣamukhānupalabdhitām upādāya / nāmamātram etad yad utābhijñābhijñānupalabdhitām upādāya / nāmamātram etad yad uta samādhayaḥ samādhyanupalabdhitām upādāya / nāmamātram etad yad uta dhāraṇīmukhāni dhāraṇīmukhānupalabdhitām upādāya / nāmamātram etad yad uta daśa tathāgatabalāni tathāgatabalānupalabdhitām upādāya / nāmamātram etad yad uta catvāri vaiśāradyāni vaiśāradyānupalabdhitām upādāya /

nāmamātram etad yad uta catasraḥ pratisaṃvidaḥ pratisaṃvidanupalabdhitām upādāyaḥ / nāmamātram etad yad uta mahāmaitrī mahāmaitryanupalabdhitām upādāya / nāmamātram etad yad uta mahākaruṇā mahākaruṇānupalabdhitām upādāya / nāmamātram etad yad utāṣṭādaśāveṇikā buddhadharmāḥ āveṇikabuddhadharmānupalabdhitām upādāya / nāmamātram etad yad uta tathatā tathatānupalabdhitām upādāya / nāmamātram etad yad utāvitathatāvitathatānupalabdhitām upādāya / nāmamātram etad yad uta dharmatā dharmatānupalabdhitām upādāya / nāmamātram etad yad uta dharmadhātur dharmadhātvanupalabdhitām upādāya / nāmamātram etad yad uta dharmasthititā dharmasthititānupalabdhitām upādāya / nāmamātram etad yad uta dharmaniyāmatā dharmaniyāmatānupalabdhitām upādāya / nāmamātram etad yad uta bhūtakoṭir bhūtakoṭyanupalabdhitām upādāya / nāmamātram etad yad uta bodhir bodhyanupalabdhitām upādāya / nāmamātram etad yad uta buddho buddhānupalabdhitām upādāya / evaṃ khalv āyuṣmañ chāradvatīputra bodhisattvo mahāsattvo mahāyānasamārūḍha ity ucyate /

punar aparam āyuṣmañ chāradvatīputra bodhisattvo mahāsattvaḥ prathamacittotpādam upādāya bodhisattvaḥ sarvābhijñāṃ paripūrya sattvān paripācayati / buddhakṣetreṇa buddhakṣetraṃ saṃkrāmati / buddhānāṃ bhagavatāṃ satkāraṇatāyai gurukaraṇatāyai mānanatāyai pūjanatāyai yo 'yaṃ jāpayikas teṣāṃ buddhānāṃ bhagavatāṃ pūjāsatkāraṇavidhis teṣāṃ buddhānāṃ bhagavatām antikād dharmaṃ śṛṇoti / yad uta evam eva bodhisattvayānaṃ / sa tad bodhisattvayānam abhiruhya buddhakṣetreṇa buddhakṣetraṃ saṃkrāman buddhakṣetrañ ca pariśodhayati / sattvāṃś ca paripācayati / na cāsya buddhakṣetrasaṃjñā pravartate / so 'dvayabhūmau sthitvā yādṛśenātmabhāvena śaknoti martyānām arthaṃ kartuṃ tādṛśam ātmabhāvaṃ sañcintya parigṛhṇati / sa na jātu tena yānena virahito bhavati / yāvat sarvākārajñatām anuprāpnoti / sa sarvākārajñatām anuprāpya dharmacakraṃ pravartayati apravartanīyaṃ śrāvakapratyekabuddhaiḥ / sarvadevanāgayakṣagandharvāsuragaruḍhakinnaramahoragamanuṣyāmanuṣyeṇa lokena / tasyānuttarāṃ samyaksaṃbodhim abhisaṃbuddhasya pūrvasyāṃ diśiṃ gaṅgānadīvālukopameṣu lokadhātuhṣu buddhā bhagavanto varṇaṃ bhāṣante yaśa udgīrayanti / ghoṣam anuśrāvayanti / eṣo 'muṣmin lokadhātau bodhisattvo mahāsattvo mahāyānam anuttarayānaṃ pravarayānam abhiruhya sarvākārajñatām anuprāptaḥ sarvākārajñatām anuprāpya dharmacakraṃ pravartayati / dakṣiṇasya diśi gaṅgānadīvālukopameṣu lokadhātuṣu buddhā bhagavanto varṇaṃ bhāṣante yaśa udgīrayanti / ghoṣam anuśrāvayanti /

eṣo 'muṣmin lokadhātau bodhisattvo mahāsattvo mahāyānam anuttarayānaṃ pravarayānam abhiruhya sarvākārajñatām anuprāptaḥ sarvākārajñatām anuprāpya dharmacakraṃ pravartayati / paścimāyāṃ diśi gaṅgānadīvālukopameṣu lokadhātuṣu buddhā bhagavanto varṇaṃ bhāṣante yaśa udgīrayanti ghoṣam anuśrāvayanti / eṣo 'muṣmin lokadhātau bodhisattvo mahāsattvo mahāyānam anuttarayānaṃ pravarayānam abhiruhya sarvākārajñatām anuprāptaḥ sarvākārajñatām anuprāpya dharmacakraṃ pravartayati / uttarasyāṃ diśi gaṅgānadīvālukopameṣu lokadhātuṣu buddhā bhagavanto varṇaṃ bhāṣante yaśa udgīrayanti ghoṣam anuśrāvayanti / eṣo 'muṣmin lokadhātau bodhisattvo mahāsattvo mahāyānam anuttarayānaṃ pravarayānam abhiruhya sarvākārajñatām anuprāptaḥ sarvākārajñatām anuprāpya dharmacakraṃ pravartayati / pūrvadakṣiṇasyān diśi gaṅgānadīvālukopameṣu lokadhātuṣu buddhā bhagavanto varṇaṃ bhāṣante yaśa udgīrayanti ghoṣam anuśrāvayanti / eṣo 'muṣmin lokadhātau bodhisattvo mahasattvo mahāyānam anuttarayānaṃ pravarayānam abhiruhya sarvākārajñatām anuprāptaḥ sarvākārajñatām anuprāpya dharmacakraṃ pravartayati / dakṣiṇapaścimāyāṃ diśi gaṅgānadīvālukopameṣu lokadhātuṣu buddhā bhagavanto varṇaṃ bhāṣante yaśa udgīrayanti ghoṣam anuśrāvayanti / eṣo 'muṣmin lokadhātau bodhisattvo mahāsattvo mahāyānam anuttarayānaṃ pravarayānam abhiruhya sarvākārajñatām anuprāptaḥ sarvākārajñatām anuprāpya dharmacakraṃ pravartayanti /

paścimottarasyāṃ diśi gaṅgānadīvālukopameṣu lokadhātuṣu buddhā bhagavanto varṇaṃ bhāṣante yaśa udgīrayanti ghoṣam anuśrāvayanti / eṣo 'muṣmin lokadhātau bodhisattvo mahāsattvo mahāyānam anuttarayānaṃ pravarayānam abhiruhya sarvākārajñatām anuprāptaḥ sarvākārajñatām anuprāpya dharmacakraṃ pravartayati / uttarapūrvasyāṃ diśi gaṅgānadīvālukopameṣu lokadhātuṣu buddhā bhagavanto varṇaṃ bhāṣante yaśa udgīryanti / ghoṣam anuśrāvayanti / eṣo 'muṣmin lokadhātau buddhā bhagavanto varṇaṃ bhāṣante yaśa udgīrayanti ghoṣam anuśrāvayanti / eṣo 'muśin lokadhātau bodhisattvo mahāsattvo mahāyānam anuttarayānaṃ pravarayānam abhiruhya sarvākājñatām anuprāptaḥ / sarvākārajñatām anuprāpya dharmacakraṃ pravartayati / adhastād diśi gaṅgānadīvālukopameṣu lokadhātuṣu buddhā bhagavanto varṇaṃ bhāṣante yaśa udgīrayanti / ghoṣam anuśrāvayanti / eṣo 'muṣmin lokadhātau bodhisattvo mahāsattvo mahāyānam anuttarayānaṃ pravarayānam abhiruhya sarvākārajñatām anuprāptaḥ sarvākārajñatām anuprāpya dharmacakraṃ pravartayati / upariṣṭād diśi gaṅgānadīvālukopameṣu lokadhātuṣu buddhā bhagavanto varṇaṃ bhāṣante yaśa udgīrayanti / ghoṣam anuśrāvayanti / eṣo 'muṣmin lokadhātau bodhisattvo mahāsattvo mahāyām anuttarayānaṃ pravarayānam abhiruhya sarvākārajñatām anuprāptaḥ sarvākārajñatām anuprāpya dharmacakraṃ pravartayati / evaṃ khalv āyuṣmañ chāradvatīputra bodhisattvo mahāsattvo mahāyānasamāruḍha ity ucyate /

athāyuṣmān subhūtir bhagavantam etad avocat / mahāsannāhasannahyo mahāsannāhasannahya iti bhagavann ucyate / kiyatā bhagavan bodhisattvo mahāsattvo mahāsannāhasannahya ity ucyate / evam ukte bhagavān āyuṣmantaṃ subhūtim etad avocat / iha subhūte bodhisattvo mahāsattvo mahāyānasannāhasannahyaḥ / yad uta dānapāramitāsannāhaṃ sannahya śīlapāramitāsannāhaṃ sannahya kṣāntipāramitāsannāhaṃ sannahya vīryapāramitāsannāhaṃ sannahya dhyānapāramitāsannāhaṃ sannahya prajñāpāramitāsannāhaṃ sannahya / adhyātmaśūnyatāsannāhaṃ sannahya bahirdhāśūnyatāsannāhaṃ sannahya / adhyātmabahirdhāśūnyatāsannāhaṃ sannahya śūnyatāśūnyatāsannāhaṃ sannahya mahāśūnyatāsannāhaṃ sannahya paramārthaśūnyatāsannāhaṃ sannahya saṃskṛtaśūnyatāsannāhaṃ sannahya asaṃskṛtaśūnyatāsannāhaṃ sannahya atyantaśūnyatāsannāhaṃ sannahya anavarāgraśūnyatāsannāhaṃ sannahya anavakāraśūnyatāsannāhaṃ sannahya prakṛtiśūnyatāsannāhaṃ sannahya sarvadharmaśūnyatāsannāhaṃ sannahya svalakṣaṇaśūnyatāsannāhaṃ sannahya anupalambhaśūnyatāsannāhaṃ sannahya abhāvaśūnyatāsannāhaṃ sannahya svabhāvaśūnyatāsannāhaṃ sannahya svabhāvaśūnyatāsannāhaṃ sannahya abhāvasvabhāśūnyatāsannāhaṃ sannahya /

smṛtyupasthānasannāhaṃ sannahya samyakprahāṇasannāhaṃ sannahya ṛddhipādasannāhaṃ sannahya indriyasannāhaṃ sannahya balasannāhaṃ sannahya bodhyaṅgasannāhaṃ sannahya āryāṣṭāṅgamārgasannāhaṃ sannahya āryasatyasannāhaṃ sannahya dhyānasannāhaṃ sannahya apramāṇasannāhaṃ sannahya ārūpyasamāpattisannāhaṃ sannahya vimokṣasannāhaṃ sannahya anupūrvavihārasamāpattisannāhaṃ sannahya śūnyatānimittāpraṇihitavimokṣamukhasannāhaṃ sannahya samādhisannāhaṃ sannahya abhijñāsannāhaṃ sannahya dhāraṇīmukhasannāhaṃ sannahya tathāgatabalasannāhaṃ sannahya vaiśāradyasannāhaṃ sannahya pratisaṃvitsannāhaṃ sannahya mahāmaitrīsannāhaṃ sannahya mahākaruṇāsannāhaṃ sannahya aṣṭādaśāveṇikabuddhadharmasannāhaṃ sannahya sarvākārajñatāsannāhaṃ sannahya buddhavigrahasannāhaṃ sannahya / iyaṃ trisāhasraṃ lokadhātūn ābhayā sphuritvā / pūrvasyāṃ diśi gaṅgānadīvālukopamān lokadhātūn ābhayā sphurati / dakṣiṇasyāṃ diśi gaṅgānadīvālukopamān lokadhātūn ābhayā sphurati / paścimāyāṃ diśi gaṅgānadīvālukopamān lokadhātūn ābhayā sphurati / uttarasyāṃ diśi gaṅgānadīvālukopamān lokadhātūn ābhayā sphurati / pūrvadakṣiṇasyāṃ diśi gaṅgānadīvālukopamān lokadhātūn ābhayā sphurati / dakṣiṇapaścimāyāṃ diśi gaṅgānadīvalukopamān lokadhātūn ābhayā sphurati / paścimottarasyāṃ diśi gaṅgānadīvālukopamān lokadhātūn ābhayā sphurati / uttarapūrvasyāṃ diśi gaṅgānadīvālukopamān lokadhātūn ābhayā sphurati / adhastād diśi gaṅgānadīvālukopamān lokadhātūn ābhayā sphurati / upariṣṭād diśi gaṅgānadīvālukopamān lokadhātūn ābhayā sphurati /

imaṃ trisāhasramahāsāhasralokadhātuṃ ṣaḍvikāraṃ prakampya pūrvasyāṃ diśi gaṅgānadīvālukopamān lokadhātūn ṣaḍvikārān prakampayati / dakṣiṇasyāṃ diśi gaṅgānadīvālukopamān lokadhātūn ṣaḍvikārān prakampayati / paścimāyāṃ diśi gaṅgānadīvālukopamān lokadhātūn ṣaḍvikārān prakampayati / uttarasyāṃ diśi gaṅgānadīvālukopamān lokadhatūn ṣaḍvikārān prakampayati / pūrvadakṣiṇasyāṃ diśi gaṅgānadīvālukopamān lokadhātūn ṣaḍvikārān prakampayati / dakṣiṇapaścimāyāṃ diśi gaṅgānadīvālukopamān lokadhātūn ṣaḍvikārān prakampayati / paścimottarasyāṃ diśi gaṅgānadīvālukopamān lokadhātūn ṣaḍvikārān prakampayati / uttarapūrvasyāṃ diśi gaṅgānadīvālukopamān lokadhātūn ṣaḍvikārān prakampayati / adhastād diśi gaṅgānadīvālukopamān lokadhātūn ṣaḍvikārān prakampayati / upariṣṭād diśi gaṅgānadīvālukopamān lokadhātūn ṣaḍvikārān prakampayati /

so 'smin trisāhasramahāsāhasralokadhātau yo nairayiko 'gniskandhas taṃ sarvaṃ nirvāpya namas tasmai tathāgatāyārhate samyaksaṃbuddhāyeti śabdam udīrayati / ghoṣam anuśrāvayati / tadā nairayikāḥ sattvās taṃ buddhaśabdasukhasaumanasyaṃ pratilabhante / te tena sukhasaumanasyena tato nirayebhyo vyuttiṣṭhante / te ca tato nirayebhyo vyutthāya yatra yatra lokadhātuṣu buddhā bhagavantas tiṣṭhanti dhriyante yāpayanti dharmañ ca deśayanti / te tatra tatropapadyante / so 'smiṃs trisāhasramahāsāhasre lokadhātau tiryagyonikānāṃ sattvānāṃ tiryagyoniduḥkhaṃ praśamayya namas tasmai tathāgatāyārhate samyaksaṃbuddhāyeti śabdam udīrayati / ghoṣam anuśrāvayati / tadā te tairyagyonikāḥ sattvās taṃ buddhaśabdaṃ śrutvā sukhasaumanasyaṃ pratilabhante / te tena sukhasaumanasyena tatas tiryagyonibhyo vyuttiṣṭhante / te tatas tiryagyonebhyo vyutthāya yatra yatra buddhakṣetre buddhā bhagavantas tiṣṭhanti dhriyante yāpayanti dharmañ ca deśayanti / tatra tatropapadyante / tato 'smiṃs trisāhasramahāsāhasre lokadhātau yāmalaukikānāṃ sattvānāṃ yamalokaduḥkhaṃ praśamayya namas tasmai tathāgatāyārhate samyaksaṃbuddhāyeti / śabdam udīrayati / ghoṣam anuśrāvayati / tato yāmalaukikāḥ sattvās tañ ca buddhaśabdaṃ śrutvā sukhasaumanasyaṃ pratilabhante / te tena sukhasaumanasyena tato yamalokād vyuttiṣṭhante / tato yamalokād vyutthāya yatra yatra buddhakṣatreṣu buddhā bhagavantas tiṣṭhanti dhriyante yāpayanti dharmañ ca deśayanti / tatra tatropapadyante /

sa pūrvasyāṃ diśi gaṅgānadīvālukopameṣu lokadhātuṣu yo nairayiko 'gniskandhas taṃ sarvaṃ nirvāpya namas tasmai tathāgatāyārhate samyaksaṃbuddhāyeti śabdam udīrayati ghoṣam anuśrāvayati / tadā te nairayikāḥ sattvās taṃ buddhaśabdaṃ śrutvā sukhasaumanasyaṃ pratilabhante / te tena sukhasaumanasyena tato narakebhyo vyuttiṣṭhante / tato narakebhyo vyutthāya yatra yatra buddhakṣetreṣu buddhā bhagavantas tiṣṭhanti dhriyante yāpayanti dharmañ ca deśayanti / tatra tatropapadyante / sa dakṣiṇasyān diśi gaṅgānadīvālukopameṣu lokadhātuṣu nairayiko 'gniskandhas taṃ sarvaṃ nirvāpya namas tasmai tathāgatāyārhate samyaksaṃbuddhāyeti śabdam udīrayati / ghoṣam anubhāvayati / tadā te nairayikaḥ sattvās taṃ buddhaśabdaṃ śrutvā sukhasaumanasyaṃ pratilabhante / tena sukhasaumanasyena tato narakebhyo vyuttiṣṭhante / te tato narakebhyo vyutthāya yatra yatra buddhakṣetreṣu buddhā bhagavantas tiṣṭhanti dhriyante yāpayanti / dharmañ ca deśayanti / tatra tatropapadyante / sa paścimāyāṃ diśi gaṅgānadīvālukopameṣu lokadhātuṣu yo nairayiko 'gniskandhas taṃ sarvaṃ nirvāpya namas tasmai tathāgatāyārhate samyaksaṃbuddhāyeti śabdam udīrayati / ghoṣam anuśrāvayati / tadā te nairayikāḥ sattvās taṃ buddhaśabdaṃ śrutvā sukhasaumanasyaṃ pratilabhante / tena sukhasaumanasyena tato narakebhyo vyuttiṣṭhante / tato narakebhyo vyutthāya yatra yatra buddhakṣetreṣu buddhā bhagavantas tiṣṭhanti dhriyante yāpayanti dharmañ ca deśayanti / tatra tatropapadyante /

sa uttarasyān diśi gaṅgānadīvālukopameṣu lokadhātuṣu yo nairayiko 'gniskandhas taṃ sarvaṃ nirvāpya namas tasmai tathāgatāyārhate samyaksaṃbuddhāyeti śabdam udīrayati ghoṣam anuśrāvayati / tadā te nairayikāḥ sattvās taṃ buddhaśabdaṃ śrutvā sukhasaumanasyaṃ pratilabhante / tena sukhasaumanasyena tato narakebhyo vyuttiṣṭhante / tato narakebhyo vyutthāya yatra yatra buddhakṣetreṣu buddhā bhagavantas tiṣṭhanti dhriyante na yāpayanti dharmañ ca deśayanti / tatra tatropapadyante / sa dakṣiṇaṃ pūrvasyān diśi gaṅgānadīvālukopameṣu lokadhātuṣu yo nairayiko 'gniṣkandhas taṃ sarvaṃ nirvāpya namas tasmai tathāgatāyārhate samyaksaṃbuddhāyeti śabdam udīrayati ghoṣam anuśrāvayati / tadā te nairayikāḥ sattvās taṃ buddhaśabdaṃ śrutvā sukhasaumanasyaṃ pratilabhante / tena sukhasaumanasyena tato narakebhyo vyuttiṣṭhante / tato narakebhyo vyutthāya yatra yatra buddhakṣatreṣu buddhā bhagavantas tiṣṭhanti dhriyante yāpayanti / dharmañ ca deśayanti / tatra tatropapadyante / sa dakṣiṇapaścimāyān diśi gaṅgānadīvālukopameṣu lokadhātuṣu yo nairayiko 'gniskandhas taṃ sarvaṃ nirvāpya namas tasmai tathāgatāyārhate samyaksaṃbuddhāyeti śabdam udīrayati / ghoṣam anuśrāvayati / tadā te nairayikāḥ sattvās taṃ buddhaśabdaṃ śrutvā sukhasaumanasyaṃ pratilabhante / tena ca sukhasaumanasyena tato narakebhyo vyuttiṣṭhante / tato narakebhyo vyutthāya yatra yatra buddhakṣetreṣu buddhā bhagavantas tiṣṭhanti dhriyante yāpayanti / dharmañ ca deśayanti / tatra tatropapadyante /

sa paścimottarasyān diśi gaṅgānadīvālukopameṣu lokadhātuṣu yo nairayiko 'gniskandhas taṃ sarvaṃ nirvāpya namas tasmai tathāgatāyārhate samyaksaṃbuddhāyeti śabdam udīrayati / ghoṣam anuśrāvayati / tadā te nairayikāḥ sattvās taṃ buddhaśabdaṃ śrutvā sukhasaumanasyaṃ pratilabhante tena ca sukhasaumanasyena tato narakebhyo vyuttiṣṭhante / tato narakebhyo vyutthāya yatra yatra buddhā bhagavantas tiṣṭhanti dhriyante yāpayanti / dharmañ ca deśayanti tatra tatropadyante / sa pūrvottarasyān diśi gaṅgānadīvālukopameṣu lokadhātuṣu yo nairayiko 'gniskandhas taṃ sarvaṃ nirvāpya namas tasmai tathāgatāyārhate samyaksaṃbuddhāyeti śabdam udīrayati / ghoṣam anuśrāvayati / tadā te nairayikāḥ sattvās taṃ buddhaśabdaṃ śrutvā sukhasaumanasyaṃ pratilabhante / tena ca sukhasaumanasyena tato narakebhyo vyuttiṣṭhante / tato narakebhyo vyutthāya yatra yatra buddhakṣetreṣu buddhā bhagavantas tiṣṭhanti dhriyante yāpayanti dharmañ ca deśayanti / tatra tatropapadyante / so 'dhastād diśi gaṅgānadīvālukopameṣu lokadhātuṣu yo nairayiko 'gniskandhas taṃ sarvaṃ nirvāpya namas tasmai tathāgatāyārhate samyaksaṃbuddhāyeti śabdam udīrayati / ghoṣam anuśrāvayati / tadā te nairayikāḥ sattvās taṃ buddhaśabdaṃ śrutvā sukhasaumanasyaṃ pratilabhante / tena ca sukhasaumanasyena tato narakebhyo vyuttiṣṭhante / tato narakebhyo vyutthāya yatra yatra buddhakṣetreṣu buddhā bhagavantas tiṣṭhanti dhriyante yāpayanti dharmañ ca deśayanti / tatra tatropapadyante /

sa upariṣṭhād diśi gaṅgānadīvālukopameṣu lokadhātuṣu yo nairayiko 'gniskandhas taṃ sarvaṃ nirvāpya namas tasmai tathāgatāyārhate samyaksaṃbuddhāyeti śabdam udīrayati / ghoṣam anuśrāvayati / tadā te nairayikāḥ sattvās taṃ buddhaśabdaṃ śrutvā sukhasaumanasyaṃ pratilabhante / tena ca sukhasaumanasyena tato narakebhyo vyuttiṣṭhante / tato narakebhyo vyutthāya yatra yatra buddhakṣetreṣu buddhā bhagavantas tiṣṭhanti dhriyante yāpayanti dharmañ ca deśayanti / tatra tatropapadyante /

sa pūrvasyān diśi gaṅgānadīvālukopameṣu kokadhātuṣu tiryagyoniyamalokopapaddhānāṃ sattvānāṃ tiryagyoniyamalokaduḥkhaṃ praśamayya namas tasmai tathāgatāyārhate samyaksaṃbuddhāyeti śabdam udīrayati / ghoṣam anuśrāvayati / tadā te tiryagyoniyamalokopapaddhāḥ sattvās taṃ buddhaśabdaṃ śrutvā sukhasaumanasyaṃ pratilabhante / tena ca sukhasaumanasyena tebhyas tiryagyoniyamalokebhyo vyuttiṣṭhante / te tebhyas tiryagyoniyamalokebhyo vyutthāya yatra yatra buddhakṣetreṣu buddhā bhagavantas tiṣṭhanti dhriyante yāpayanti dharmañ ca deśayanti / tatra tatropapadyante / sa dakṣiṇasyān diśi gaṅgānadīvālukopameṣu lokadhātuṣu tiryagyoniyamalokopapaddhānāṃ sattvānāṃ tiryagyoniyamalokaduḥkhaṃ praśamayya namas tasmai tathāgatāyārhate samyaksaṃbuddhāyeti śabdam udīrayati / ghoṣam anuśrāvayati / tadā te tiryagyoniyamalokopapaddhāḥ sattvās taṃ buddhaśabdaṃ śrutvā sukhasaumanasyaṃ pratilabhante / tena sukhasaumanasyena tebhyas tiryagyoniyamalokebhyo vyuttiṣṭhante / tebhyas tiryagyoniyamalokebhyo vyutthāya yatra yatra buddhakṣatreṣu buddhā bhagavantas tiṣṭhanti dhriyante yāpayanti dharmañ ca deśayanti / tatra tatropapadyante / sa paścimāyān diśi gaṅgānadīvālukopameṣu lokadhātuṣu tiryagyoniyamalokopapaddhānāṃ sattvānāṃ tiryagyoniyamalokaduḥkhaṃ praśamayya namas tasmai tathāgatāyārhate samyaksaṃbuddhāyeti śabdam udīrayati / ghoṣam anuśrāvayati / tadā te tiryagyoniyamalokopapaddhāḥ sattvās taṃ buddhaśabdaṃ śrutvā sukhasaumanasyaṃ pratilabhante /

tena ca sukhasaumanasyena tebhyas tiryagyoniyamalokebhyo vyuttiṣṭhante / te tebhyas tiryagyoniyamalokebhyo vyutthāya yatra yatra buddhakṣetreṣu buddhā bhagavantas tiṣṭhanti dhriyante yāpayanti dharmañ ca deśayanti / tatra tatropapadyante / sa uttarasyān diśi gaṅgānadīvālukopameṣu lokadhātuṣu tiryagyonilokopapaddhānāṃ sattvānāṃ tiryagyoniyamalokaduḥkhaṃ praśamayya namas tasmai tathāgatāyārhate samyaksaṃbuddhāyeti śabdam udīrayati / ghoṣam anuśrāvayati / tadā te tiryagyoniyamalokopapaddhāḥ sattvās taṃ buddhaśabdaṃ śrutvā sukhasaumanasyaṃ pratilabhante / tena ca sukhasaumanasyena tebhyas tiryagyoniyamalokebhyo vyuttiṣṭhante / te tebhyas tiryagyoniyamalokebhyo vyutthāya yatra yatra buddhakṣetreṣu buddhā bhagavantas tiṣṭhanti dhriyante yāpayanti dharmañ ca deśayanti / tatra tatropapadyante / sa pūrvadakṣiṇasyān diśi gaṅgānadīvālukopameṣu lokadhātuṣu tiryagyoniyamalokopapaddhānāṃ sattvānāṃ tiryagyoniyamalokaduḥkhaṃ praśamayya namas tasmai tathāgatāyārhate samyaksaṃbuddhāyeti śabdam udīrayati / ghoṣam anuśrāvayati / tadā te tiryagyoniyamalokopapaddhānāṃ sattvās taṃ buddhaśabdaṃ śrutvā sukhasaumanasyaṃ pratilabhante / tena sukhasaumanasyena tebhyas tiryagyoniyamalokebhyo vyuttiṣṭhante / te tebhyas tiryagyoniyamalokebhyo vyutthāya yatra yatra buddhakṣetreṣu buddhā bhagavantas tiṣṭhanti dhriyante yāpayanti dharmañ ca deśayanti / tatra tatropapadyante /

sa dakṣiṇapaścimāyān diśi gaṅgānadīvālukopameṣu lokadhātuṣu tiryagyoniyamalokopapaddhānānāṃ sattvānāṃ tiryagyoniyamalokaduḥkhaṃ praśamayya namas tasmai tathāgatāyārhate samyaksaṃbuddhāyeti śabdam udīrayati / ghoṣam anuśrāvayati / tadā te tiryagyoniyamalokopapaddhāḥ satvās taṃ buddhaśabdaṃ śrutvā sukhasaumanasyaṃ pratilabhante tena sukhasaumanasyena tebhyas tiryagyoniyamalokebhyo vyuttiṣṭhante te tebhyas tiryagyoniyamalokebhyo vyutthāya yatra yatra buddhā bhagavantas tiṣṭhanti dhriyante yāpayanti dharmañ ca deśayanti / tatra tatropapadyante / paścimottarasyān diśi gaṅgānadīvālukopameṣu lokadhātuṣu tiryagyoniyamalokopapaddhānāṃ sattvānāṃ tiryagyoniyamalokaduḥkhaṃ praśamayya namas tasmai tathāgatāyārhate samyaksaṃbuddhāyeti śabdam udīrayati / ghoṣam anuśrāvayati / tadā te tiryagyoniyamalokopapaddhāḥ sattvās taṃ buddhaśabdaṃ śrutvā sukhasaumanasyaṃ pratilabhante / tena sukhasaumanasyena tebhyas tiryagyoniyamalokebhyo vyuttiṣṭhante / tebhyas tiryagyoniyamalokebhyo vyutthāya yatra yatra buddhakṣetreṣu buddhā bhagavantas tiṣṭhanti dhriyante yāpayanti dharmañ ca deśayanti / tatra tatropapadyante / sa uttarapūrvasyān diśi gaṅgānadīvālukopameṣu lokadhātuṣu tiryagyoniyamalokopapaddhānāṃ sattvānāṃ tiryayoniyamalokaduḥkhaṃ praśamayya namas tasmai tathāgatāyārhate samyaksaṃbuddhāyeti śabdam udīrayati / ghoṣam anuśrāvayati / tadā te tiryagyoniyamalokopapaddhāḥ sattvās taṃ buddhaśabdaṃ śrutvā sukhasaumanasyaṃ pratilabhante /

tena sukhasaumanasyena tebhyas tiryagyoniyamalokebhyo vyuttiṣṭhante / te tebhyas tiryagyoniyamalokebhyo vyutthāya yatra yatra buddhakṣetreṣu buddhā bhagavantas tiṣṭhanti dhriyante yāpayanti dharmañ ca deśayanti / tatra tatropapadyante / so 'dhastād diśi gaṅgānadīvālukopameṣu lokadhātuṣu tiryagyoniyamalokopapaddhānāṃ sattvānāṃ tiryagyoniyamalokaduḥkhaṃ praśamayya namas tasmai tathāgatāyārhate samyaksaṃbuddhāyeti śabdam udīrayati / ghoṣam anuśrāvayati / tadā te tiryagyoniyamalokopapaddhāḥ sattvās taṃ buddhaśabdaṃ śrutvā sukhasaumanasyaṃ pratilabhante / tena sukhasaumanasyena tebhyas tiryagyoniyamalokebhyo vyuttiṣṭhante / tebhyas tiryagyoniyamalokebhyo vyutthāya yatra yatra buddhakṣetreṣu buddhā bhagavantas tiṣṭhanti dhriyante yāpayanti dharmañ ca deśayanti / tatra tatropapadyante / sa upariṣṭād diśi gaṅgānadīvālukopameṣu lokadhātuṣu tiryagyoniyamalokopapaddhānāṃ sattvānāṃ tiryagyoniyamalokadaḥkhaṃ praśamayya namas tasmai tathāgatāyārhate samyaksaṃbuddhāyeti śabdam udīrayati / ghoṣam anuśrāvayati / tadā te tiryagyoniyamalokopapaddhāḥ sattvās taṃ buddhaśabdaṃ śrutvā sukhasaumanasyaṃ pratilabhante / tena sukhasaumanasyena tebhyas tiryagyoniyamalokebhyo vyuttiṣṭhante / tebhyas tiryagyoniyamalokebhyo vyutthāya yatra yatra buddhā bhagavantas tiṣṭhante dhriyante yāpayanti / tatra tatropapadyante /

tadyathāpi nāma subhūte dakṣo māyākāro māyākārāntavāsī vā caturmahāpathe mahato jananikārasya purato narakās tiryagyoniyamalokāś cābhinirmāya teṣāṃ māyikānāṃ sattvānāṃ buddhaśabdam udghoṣayed dharmaśabdam udghoṣayet saṃghaśabdam udghoṣayed atra te 'bhinirmitās tena buddhaśabdena dharmaśabdena saṃghaśabdena tato narakebhyas tiryagyoniyamalokebhyo vyuttiṣṭheraṃs tat kiṃ manyase subhūte 'pi tu tena māyākāreṇa māyākārāntevāsinā vā kaścit sattvo narakebhyas tiryagyoniyamalokād vyutthito bhavet / āha no hīdaṃ bhagavan / bhagavān āha / evam eva subhūte bodhisattvena mahāsattvena daśasu dikṣu aprameyāsaṃkhyeyeṣu lokadhātuṣu sattvās tiryagyonibhyo durgatibhyaḥ parimoceran narakādvi sattvaḥ parimocito bhavati / tat kasya hetoḥ / dharmataiṣā subhūte dharmāṇāṃ māyādharmatām upādāya / eka khalu subhūte bodhisattvo mahāsattvo mahāsannāhasannahya ity ucyate /

punar aparaṃ subhūte bodhisattvo mahāsattvo dānapāramitāyāṃ sthitvā mahāsannāhasannaddhas trisāhasramahāmāhasralokadhātuṃ vaidūryam ayam abhinirmimīte vaidūryam ayam abhinirmāya cakravartivyūham abhinirmimīte / cakravartivyūham abhinirmāya asannārthikebhyo dadāti / pānaṃ pānārthikebhyo dadāti / yānaṃ yānārthikebhyo dadāti / vastraṃ vastrārthikebhyo dadāti / puṣpaṃ puṣpārthikebhyo dadāti / mālyaṃ mālyārthikebhyo dadāti / gandhaṃ gandhārthikebhyo dadāti / vilepanaṃ vilepanārthikebhyo dadāti / śayanam āsanaṃ śayanāsanārthikebhyo dadāti / upāśrayam upāśrayārthikebhyo dadāti / prājīvikaṃ prājīvikārthikebhyo dadāti / upakaranam upakaranārthikebhyo dadāti / glānapratyayabhaiṣayapariṣkāraṃ glānapratyayabhaiṣajyapariṣkārārthikebhyo dadāti / maṇimukhāvaidūryaśaṅkhaśilāpravālarajatajātarūpārthikebhyo maṇimuktāvaidūryaśaṅkhaśilāpravālarajatajātarūpāṇi dadāti / yāvad anyatarānyatarān mānuṣyakān pariṣkārān dadāti / so 'namanārthikebhyo dattvā pānaṃ pānārthikebhyo dattvā yānaṃ yānārthikebhyo dattvā vastraṃ vastrārthikebhyaḥ puṣpaṃ puṣpārthikebhyaḥ / mālyaṃ mālyārthikebhyaḥ gandhaṃ gandhārthikebhyaḥ vilepanaṃ vilepanārhikebhyaḥ śayanam āsanaṃ śayanāsanārthikebhyaḥ upāśrayam upāśrayārthikebhyaḥ prājīvikaṃ prājīvikārthikebhyaḥ upakaranam upakaranārthikebhyaḥ glānapratyayabhaiṣajyapariṣkaṃ glānapratyayabhaiṣajyapariṣkārārthikebhyaḥ maṇimuktāvaidūryaśaṅkhaśilāpravālarajatajātarūpāṇi muktāvaidūryaśaṅkhaśilāpravālarajatajātarūpārthikebhyaḥ dattvā yāvad anyatarānyatarān mānuṣyakān pariṣkārān dattvā tebhyaḥ sattvebhyo dharmaṃ deśayati / yad utemām eva ṣaṭpāramitāpratisaṃyuktaṃ dharmadeśanāṃ / te ca khalu punaḥ sattvās tāṃ dharmadeśanāṃ śrutvā na jātu ṣaḍbhiḥ pāramitābhir virahito bhavati / yāvad anuttarāṃ samyaksaṃbodhim abhisaṃbudhyante /

tadyathāpi nāma subhūte dakṣo māyākāro māyākārāntevāsī vā caturmahāpathe mahato jananikāyasyāgre mahāntaṃ jananikāyam abhinirmāyānnam annārthikebhyo dadyāt pānaṃ pānārthikebhyo dadyāt vastraṃ vastrārthikebhyo dadyāt puṣpaṃ puṣpārthikebhyo dadyāt mālyaṃ mālyārthikebhyo dadyāt gandhaṃ gandhārthikebhyo dadyāt vilepanaṃ vilepanārthikebhyo dadyāt śayanam āsanaṃ śayanāsanārthikebhyo dadyāt upāśrayam upāśrayārthikebhyo dadyāt prājīvikaṃ prājīvikārthikebhyo dadyāt upakaraṇam upakaraṇārthikebhyo dadyāt glānapratyayabhaiṣajyapariṣkārān glānapratyayabhaiṣajyapariṣkārārthikebhyo dadyāt maṇimuktāvaidūryaśaṅkhaśilāpravāharajatajātarūpāṇi maṇimuktāvaidūryaśaṅkhaśilāpravālarajatajātarūpārthikebhyo dadyāt yāvad anyatarānyatarān mānuṣyakān pariṣkārān dadyāt / tat kiṃ manyase subhūte 'pi tu tena māyākāreṇa māyākārāntevāsinā vā kasmaicit sattvāya kiñcid dattaṃ bhavet / āha no hīdaṃ bhagavan / bhagavān āha / evam eva subhūte bodhisattvena mahāsattvena yāvac cakravartivyūham abhinirmāyānnam annārthikebhyo dadatā pānaṃ pānārthikebhyo dadatā yānaṃ yānārthikebhyo dadatā vastraṃ vastrārthikebhyo dadatā puṣpaṃ puṣpārthikebhyo dadatā mālyaṃ mālyārthikebhyo dadatā gandhaṃ gandhārthikebhyo dadatā vilepanaṃ vilepanārthikebhyo dadatā śayanāsanaṃ śayanāsanārthikebhyo dadatā upāśrayam upāśrayārthikebhyo dadatā prājīvikaṃ prājīvikārthikebhyo dadatā upakaraṇam upakaraṇārthikebhyo dadatā glānapratyayabhaiṣajyapariṣkārān glānapratyayabhaiṣajyapariṣkārārthikebhyo dadatā maṇimuktāvaidūryaśaṅkhaśilāpravālarajatajātarūpāṇi maṇimuktāvaidūryaśaṅkhaśilāpravālarajatajātarūpārthikebhyo dadatā yāvad anyatarānyatarān mānuṣyakān pariṣkārān dadatā na kasmaicit satvāya kiñcid dattaṃ bhavati / tat kasya hetoḥ dharmataiṣā subhūte dharmāṇāṃ māyādharmatām upādāya / evaṃ khalu subhūte bodhisattvo mahāsattvo mahāsannāsannahya ity ucyate /

punar aparaṃ subhūte bodhisattvo mahāsattvaḥ śīlapāramitāyāṃ sthitvā sañcintyopapattiparigraheṇa cakravartikule pratyājāyate / sa tatra cakravartiś carye sthitvā sattvān daśakuśaleṣu karmapatheṣu pratiṣṭhāpayati / sa caturṣu dhyāneṣv apramāṇeṣu catasṛṣv ārūpyasamāpattiṣu pañcasv abhijñāsu caturṣu smṛtyupasthāneṣu caturṣu samyakprahāṇeṣu caturṣu buddhapādeṣu pañcasv indriyeṣu pañcasu baleṣu saptasu bodhyaṅgeṣu / āryāṣṭāṅgamārge śūnyatānimittāpraṇihitavimokṣamukheṣu navasv anupūrvavihārasamāpattiṣu caturṣv āryasattveṣu sarvasamādhiṣu sarvadhāraṇīmukheṣu daśasu tathāgatabaleṣu caturṣu vaiśāradyeṣu catasṛṣu pratisaṃvitsu mahāmaitryāṃ mahākaruṇāyāṃ aṣṭādaśāsv āveṇikabuddhadharmeṣu pratiṣṭhāpayati / te satvā na jātu virahito bhavati / tathā dharmadeśanayā yāvad anuttarāṃ samyaksaṃbodhim abhisaṃbudhyante /

tadyathāpi nāma subhūte dakṣo māyākāro māyākārāntevāsī vā catuḥpathe mahato jananikāyasya purato mahāntaṃ jananikāyam abhinirmāya sattvān daśakuśaleṣu karmapatheṣu pratiṣṭhāpayet / caturṣu dhyāneṣu caturṣv apramāṇeṣu catasṛṣv ārūpyasamāpattiṣu / pañcasv abhijñāsu caturṣu smṛtyupasthāneṣu caturṣu samyakprahāṇeṣu caturṣv ṛddhipādeṣu pañcendriyeṣu pañcasu baleṣu saptasu bodhyaṅgeṣu āryāṣṭāṅgamārge śūnyatānimittāpraṇihitavimokṣamukheṣu navasv anupūrvavihārasamāpattiṣu caturṣv āryasatyeṣu sarvasamādhiṣu sarvadhāraṇīmukheṣu daśasu tathāgatabaleṣu caturṣu vaiśāradyeṣu catasṛṣu pratisaṃvitsu mahāmaitryāṃ mahākaruṇāyāṃ aṣṭādaśasv āveṇikabuddhadharmeṣu pratiṣṭhāpayet / tat kiṃ manyase subhūte 'pi gatena māyākāreṇa māyākārāntevāsinā kaścit sattvo daśakuśaleṣu karmapatheṣu pratiṣṭhāpito bhavet / caturṣu dhyāneṣu caturṣv apramāṇeṣu catasṛṣv ārūpyasamāpattiṣu pañcasv abhijñāsu caturṣu smṛtyupasthāneṣu caturṣu samyakprahāṇeṣu caturṣv ṛddhipādeṣu pañcasv indriyeṣu pañcasu baleṣu saptabodhyaṅgeṣu aryāṣṭāṅgamārge śūnyatānimittāpraṇihitavimokṣamukheṣu / navasv anupūrvavihārasamāpattiṣu caturṣv āryasatyeṣu sarvasamādhiṣu sarvadhāraṇīmukheṣu daśatathāgatabaleṣu caturṣu vaiśāradyeṣu catasṛṣu pratisaṃvitsu mahāmaitryāṃ mahākaruṇāyāṃ aṣṭādaśāveṇikabuddhadharmeṣu pratiṣṭhāpito bhavati / āha / no hīdaṃ bhagavan /

evam eva subhūte bodhisattvena mahāsattvenāprameyāsaṃkhyeyān api sattvān daśakuśaleṣu karmapatheua pratiṣṭhāpya caturṣu dhyāneṣu caturṣv apramāṇeṣu catasṛṣv ārūpyasamāpattiṣu pañcasv abhijñāsu caturṣu smṛtyupasthāneṣu caturṣu samyakprahāṇeṣu caturṣv ṛddhipādeṣu pañcasv indriyeṣu pañcasu baleṣu saptasu bodhyaṅgeṣu aryāṣṭāṅgamārge śūnyatānimittāpraṇihitavimokṣamukheṣu aṣṭāsu vimokṣeṣu navasv anupūrvavihārasamāpattiṣu caturṣv āryasatyeṣu sarvasamādhiṣu sarvadhāraṇīmukheṣu daśasu tathāgatabaleṣu caturṣu vaiśāradyeṣu catasṛṣu pratisaṃvitsu mahāmaitryāṃ mahākaruṇāyāṃ aṣṭādaśāveṇikabuddhadharmeṣu na kaścit sattvaḥ pratiṣṭhāpito bhavati / tat kasya hetoḥ / dharmataiṣā subhūte dharmāṇāṃ māyādharmatām upādāya / evaṃ khalu subhūte bodhisattvo mahāsattvo mahāsannāhaṃ sannahya ity ucyate /

punar aparaṃ subhūte bodhisattvo mahāsattvaḥ kṣāntipāramitāyāṃ sthitvā sarvasattvān kṣāntipāramitāyāṃ niyojayati pratiṣṭhāpayati / kathañ ca subhūte bodhisattvo mahāsattvaḥ kṣāntipāramitāyāṃ sthitvā sarvasattvān kṣāntipāramitāyāṃ niyojayati pratiṣṭhāpayati / iha subhūte bodhisattvo mahāsattvaḥ prathamacittotpādam upādāya yaiva sannāhaṃ sannahyati / sacet sarvasattvā me loṣṭradaṇḍaśastraprahārān dadyus tatra mayaikam api kṣobhasahagataṃ cittaṃ notpādayitavyaṃ / sarvasattvāṃś caivaṃ rūpāyāṃ kṣāntau pratiṣṭhāpayati /

tadyathāpi nāma subhūte dakṣo māyākāro māyākārāntevāsī vā caturmahāpathe mahato jananikāyasya purato mahāntaṃ jananikāyam abhinirmāya kṣāntipāramitāyāṃ niyojayet pratiṣṭhāpayet kiṃ manyase subhūte 'pi nu tena māyākāreṇa māyākārāntevāsinā vā kaścit sattvaḥ kṣāntipāramitāyāṃ pratiṣṭhāpito bhavet āha / no hīdaṃ bhagavan / bhagavān āha / evam eva subhūte bodhisattvena mahāsattvenāprameyāsaṃkhyeyān sattvān kṣāntipāramitāyāṃ pratiṣṭhāpya na kaścit sattvaḥ kṣāntipāramitāyāṃ pratiṣṭhāpito bhavati / tat kasya hetoḥ / dharmataiṣā subhūte dharmāṇāṃ māyādharmatām upādāya / evaṃ khalu subhūte bodhisattvo mahāsattvo mahāsannāhasannahya ity ucyate /

punar aparaṃ subhūte bodhisattvo mahāsattvo vīryapāramitāyāṃ sthitvā sattvān vīryapāramitāyāṃ samādāpayati niveśayati pratiṣṭhāpayati / kathañ ca subhūte bodhisattvo mahāsattvo vīryapāramitāyāṃ sthitvā sarvasattvān vīryapāramitāyāṃ samādāpayati / niveśayati pratiṣṭhāpayati / iha subhūte bodhisattvo mahāsattvaḥ sarvākārajñatāpratisaṃyukte na cittotpādena sarvasattvān kāyikacetasikavīrye samādāpayati niveśayati pratiṣṭhāpayati / tadyathāpi nāma subhūte dakṣo māyākāro māyākārāntevāsī vā caturmahāpathe mahato jananikāyasya purato mahāntaṃ jananikāyam abhinirmāya kāyikacetasikavīrye pratiṣṭhāpayet tat kiṃ manyase subhūte 'pi nu tena māyākāreṇa vā māyākārāntevāsinā vā caturmahāpathe mahato jananikāyasya purato mahānte jananikāyam abhinirmime kāyikacetasikavīrye pratiṣṭhāpayet / tat kiṃ manyase subhūte 'pi nu tena māyākāreṇa vā māyākārāntevāsinā vā kaścit sattvaḥ kāyikacetasikavīrye pratiṣṭhāpito bhavet / āha / no hīdaṃ bhagavan / evam eva subhūte bodhisattvena mahāsattvenāprameyāsaṃkhyeyān sattvām kāyikacetamikavīrye pratiṣṭhāpya na kaścit sattvaḥ kāyikacetasikavīrye pratiṣṭhāpito bhavati / tat kasya hetoḥ dharmataiṣā subhūte dharmāṇāṃ māyādharmatām upādāya / evaṃ khalu bodhisattvo mahāsattvo mahāsannāhasannahya ity ucyate /

punar aparaṃ subhūte bodhisattvo mahāsattvo dhyānapāramitāyāṃ sthitvā sarvasattvān dhyānapāramitāyāṃ samādāpayati niveśayati pratiṣṭhāpayati / kathañ ca subhūte bodhisattvo mahāsattvo dhyānapāramitāyāṃ sthitvā sarvasattvān dhyānapāramitāyāṃ samādāpayati niveśayati pratiṣṭhāpayati / iha subhūte bodhisattvo mahāsattvaḥ sarvadharmasamatāyāṃ sthitvā yatra kasyacid dharmasya vikṣepaṃ vā samanupaśyaty evaṃ dhyānapāramitāyāṃ sthito bhavati / sa tathaiva sattvān dhyānapāramitāyāṃ samādāpayati / niveśayati / pratiṣṭhāpayati / te ca samādāpitā na jātu virahitā bhavanti dhyānapāramitāyāḥ yāvad anuttarāṃ samyaksaṃbodhim abhisaṃbudhyate / tadyathāpi nāma subhūte dakṣo māyākāro māyākārāntevāsī vā caturmahāpathe mahato jananikāyasya purato mahāntaṃ jananikāyam abhinirmāya dhyānapāramitāyāṃ pratiṣṭhāpayati / tat kiṃ manyase subhūte 'pi nu tena māyākāreṇa vā māyākārāntavāsinā vā kaścit sattvo dhyānapāramitāyāṃ pratiṣṭhāpito bhavet / āha / no hīdaṃ bhagavan / bhagavān āha / evam eva subhūte bodhisattvena mahāsattvena sarvasattvān dhyānapāramitāyāṃ pratiṣṭhāpya na kaścit sattvo dhyānapāramitāyāṃ pratiṣṭhāpito bhavati / tat kasya hetoḥ / dharmataiṣā subhūte dharmāṇāṃ māyādharmatām upādāya / eva khalu subhūte bodhisattvo mahāsattvo mahāsannāhaṃ sannahya ity ucyate /

punar aparaṃ subhūte bodhisattvo mahāsattvaḥ prajñāpāramitāyāṃ sthitvā sarvasattvān prajñāpāramitāyāṃ samādāpayati niveśayati pratiṣṭhāpayati / kathañ ca subhūte bodhisattvo mahāsattvaḥ prajñāpāramitāyāṃ sthitvā sarvasattvān prajñāpāramitāyāṃ samādāpayati niveśayati pratiṣṭhāpayati / āha subhūte bodhisattvo mahāsattvaḥ prajñāpāramitāyāñ caran yat kasyacid dharmasyotpādaṃ vā nirodhaṃ vā saṃkleśaṃ vā vyavadānaṃ vā āraṃ vā pāraṃ vopalabhate / evaṃ khalu subhūte bodhisattvo mahāsattvaḥ prajñāpāramitāyāṃ sthito bhavati / sa tathaiva sarvasattvān prajñāpāramitāyāṃ samādāpayati niveśayati pratiṣṭhāpayati / tadyathāpi nāma subhūte dakṣo māyākāro māyākārāntevāsī vā caturmahāpathe mahato jananikāyasya purato mahāntaṃ jananikāyam abhinirmāya prajñāpārmitāyāṃ samādāpayet niveśayet pratiṣṭhāpayet / tat kiṃ manyase subhūte 'pi nu tena māyākāreṇa vā māyākārāntevāsinā vā kaścit sattvaḥ prajñāpāramitāyāṃ samādāpito niveśitaḥ pratiṣṭhāpito bhavet / āha / no hīdaṃ bhagavan / bhagavān āha / evam eva subhūte bodhisattvena mahāsattvena sarvasattvān prajñāpāramitāyāṃ pratiṣṭhāpya na kaścit sattvaḥ prajñāpāramitāyāṃ pratiṣṭhāpito bhavet / tat kasya hetoḥ dharmataiṣā subhūte dharmāṇāṃ māyādharmatām upādāya / evaṃ khalu subhūte bodhisattvo mahāsattvo mahāsannāhasannahya ity ucyate /

punar aparaṃ subhūte bodhisattvo mahāsattvo mahāsannāhaṃ sannahya pūrvasyān diśi gaṅgānadīvālukopamān lokadhātūn gatvā athaivātmanā dānapāramitāyāṃ tiṣṭhati / tathaiva tatra lokadhātuṣu ye sattvās tān sarvān dānapāramitāyāṃ samādāpayati niveśayati pratiṣṭhāpayati / yathaivātmanā śīlapāramitāyāṃ tiṣṭhati / tathaiva tatra lokadhātuṣu ye sattvās tān sarvān śīlapāramitāyāṃ samādāpayati niveśayati pratiṣṭhāpayati / yathaivātmanā kṣāntipāramitāyāṃ tiṣṭhati / tathaiva tatra lokadhātuṣu ye sattvās tān sarvān kṣāntipāramitāyāṃ samādāpayati niveśayati pratiṣṭhāpayati / yathaivātmanā vīryapāramitāyāṃ tiṣṭhati / tathaiva tatra lokadhātuṣu ye sattvās tān sarvān vīryapāramitāyāṃ samādāpayati / niveśayati pratiṣṭhāpayati / yathaivātmanā dhyānapāramitāyāṃ tiṣṭhati / tathaiva tatra lokadhātuṣu ye sattvās tān sarvān dhyānapāramitāyāṃ samādāpayati niveśayati pratiṣṭhāpayati / yathaivātmanā prajñāpāramitāyāṃ tiṣṭhati / tathaiva tatra lokadhātuṣu ye sattvās tān sarvān prajñāpāramitāyāṃ samādāpayati niveśayati pratiṣṭhāpayati / yad uta yā eva ṣaṭpāramitās te sattvās taṃ dharmaṃ śrutvā na jātu virahito bhavati ṣaḍbhiḥ pāramitābhir yāvad anuttarāṃ samyaksaṃbodhim abhisaṃbudhyante /

dakṣiṇasyān diśi gaṅgānadīvālukopameṣu lokadhātuṣu gatvā yathaivātmanā dānapāramitāyāṃ tiṣṭhati / tathaiva tatra lokadhātuṣu ye sattvās tān sarvān dānapāramitāyāṃ samādāpayati miveśayati pratiṣṭhāpayati / yathaivātmanā śīlapāramitāyāṃ tiṣṭhati / tathaiva tatra lokadhātuṣu ye sattvās tām sarvān śīlapāramitāyāṃ samādāpayati niveśayati pratiṣṭhāpayati / yathaivātmanā kṣāntipāramitāyāṃ tiṣṭhati / tathaiva tatra lokadhātuṣu ye sattvās tān sarvān kṣāntipāramitāyāṃ samādāpayati niveśayati pratiṣṭhāpayati / yathaivātmanā vīryapāramitāyāṃ tiṣṭhati / tathaiva tatra lokadhātuṣu ye sattvās tān sarvān vīryapāramitāyāṃ samādāpayati niveśayati pratiṣṭhāpayati / yathaivātmanā dhyānapāramitāyāṃ tiṣṭhati / tathaiva tatra lokadhātuṣu ye sattvās tān sarvān dhyānapāramitāyāṃ samādāpayati niveśayati pratiṣṭhāpayati / yathaivātmanā prajñāpāramitāyāṃ tiṣṭhati / tathaiva tatra lokadhātuṣu ye sattvās tān sarvān prajñāpāramitāyāṃ samādāpayati niveśayati pratiṣṭhāpayati / dharmaṃ deśayati yad uta yā eva ṣaṭpāramitāḥ / te sattvās taṃ dharmaṃ śrutvā na jātu virahitā bhavanti ṣaḍbhiḥ pāramitābhir yāvad anuttarāṃ samyaksaṃbodhim abhisaṃbudhyante /

paścimāyān diśi gaṅgānadīvālukopamān lokadhātūn gatvā yathaivātmamā dānapāramitāyāṃ tiṣṭhati / tathaiva tatra lokadhātuṣu ye sattvās tān sarvān dānapāramitāyāṃ samādāpayati niveśayati pratiṣṭhāpayati / yathaivātmanā śīlapāramitāyā tiṣṭhati / tathaiva tatra lokadhātuṣu ye sattvās tān sarvān śīlapāramitāyāṃ samādāpayati niveśayati pratiṣṭhāpayati / yathaivātmanā kṣāntipāramitāyāṃ tiṣṭhati / tathaiva tatra lokadhātuṣu ye sattvās tān sarvān kṣāntipāramitāyāṃ samādāpayati / yathaivātmanā vīryapāramitāyāṃ tiṣṭhati tathaiva tatra lokadhātuṣu ye sattvās tān sarvān vīryapāramitāyāṃ samādāpayati niveśayati pratiṣṭhāpayati / yathaivātmanā dhyānapāramitāyāṃ tiṣṭhati / tathaiva tatra lokadhātuṣu ye sattvās tān sarvān dhyānapāramitāyāṃ samādāpayati niveśayati pratiṣṭhāpayati / yathaivātmanā prajñāpāramitāyāṃ tiṣṭhati / tathaiva tatra lokadhātuṣu ye sattvās tān sarvān prajñāpāramitāyāṃ samādāpayati niveśayati pratiṣṭhāpayati / dharmaṃ deśayati yad uta yā eva ṣaṭpāramitāḥ / te sattvās taṃ dharmaṃ śrutvā na jātu virahitā bhavanti ṣaḍbhiḥ pāramitābhir yāvad anuttarāṃ samyaksaṃbodhim abhisaṃbudhyanti /

uttarasyān diśi gaṅgānadīvālukopamān lokadhātūn gatvā yathaivātmanā dānapāramitāyāṃ tiṣṭhati / tathaiva tatra lokadhātuṣu ye sattvās tān sarvān dānapāramitāyāṃ samādāpayati / yathaivātmanā śīlapāramitāyāṃ tiṣṭhati / tathaiva tatra lokadhātuṣu ye sattvās tān sarvān śīlapāramitāyāṃ samādāpayati niveśayati pratiṣṭhāpayati / yathaivātmanā kṣāntipāramitāyāṃ tiṣṭhati / tathaiva tatra lokadhātuṣu ye sattvās tān sarvān śīlapāramitāyāṃ samādāpayati niveśayati pratiṣṭhāpayati / yathaivātmanā vīryapāramitāyāṃ tiṣṭhati / tathaiva tatra lokadhātuṣu ye sattvās tān sarvān vīryapāramitāyāṃ samādāpayati niveśayati pratiṣṭhāpayati / yathaivātmanā dhyānapāramitāyāṃ tiṣṭhati tathaiva tatra lokadhātuṣu ye sattvās tān sarvān dhyānapāramitāyāṃ samādāpayati / yathaivātmanā prajñāpāramitāyāṃ tiṣṭhati / tathaiva tatra lokadhātuṣu ye sattvās tān sarvān prajñāpāramitāyāṃ samādāpayati / niveśayati pratiṣṭhāpayati / dharmañ ca deśayati yad uta yā eva ṣaṭpāramitāḥ / te sattvās taṃ dharmaṃ śrutvā na jātu virahitā bhavanti / ṣaḍbhiḥ pāramitābhir yāvad anuttarāṃ samyaksaṃbodhim abhisaṃbudhyante /

pūrvadakṣiṇasyān diśi gaṅgānadīvālukopamān lokadhātūn gatvā yathaivātmanā dānapāramitāyāṃ tiṣṭhati / tathaiva tatra lokadhātuṣu ye sattvās tān sarvān dānapāramitāyāṃ samādāpayati niveśayati pratiṣṭhāpayati / yathaivātmanā śīlapāramitāyāṃ tiṣṭhati / tathaiva tatra lokadhātuṣu ye sattvās tān sarvān śīlapāramitāyāṃ samādāpayati niveśayati pratiṣṭhāpayati / yathaivātmanā kṣāntipāramitāyāṃ tiṣṭhati / tathaiva tatra lokadhātuṣu ye sattvās tān sarvān kṣāntipāramitāyāṃ samādāpayati niveśayati pratiṣṭhāpayati / yathaivātmanā vīryapāramitāyāṃ tiṣṭhati / tathaiva tatra lokadhātuṣu ye sattvās tān sarvān vīryapāramitāyāṃ samādāpayati niveśayati pratiṣṭhāpayati / yathaivātmanā dhyānapāramitāyāṃ tiṣṭhati / tathaiva tatra lokadhātuṣu ye sattvās tān sarvān dhyānapāramitāyāṃ samādāpayati niveśayati pratiṣṭhāpayati / yathaivātmanā prajñāpāramitāyāṃ tiṣṭhati / tathaiva tatra lokadhātuṣu ye sattvās tān sarvān prajñāpāramitāyāṃ samādāpayati niveśayati pratiṣṭhāpayati / dharmañ ca deśayati yad uta yā eva ṣaṭpāramitāḥ / te sattvās taṃ dharmaṃ śrutvā na jātu virahitā bhavanti ṣaḍbhiḥ pāramitābhir yāvad anuttarāṃ samyaksaṃbodhim abhisaṃbudhyante /

dakṣiṇapaścimāyān diśi gaṅgānadīvālukopamān lokadhātūn gatvā yathaivātmanā dānapāramitāyāṃ tiṣṭhati / tathaiva tatra lokadhātuṣu ye sattvās tān sarvān dānapāramitāyāṃ samādāpayati niveśayati pratiṣṭhāpayati / yathaivātmanā śīlapāramitāyāṃ tiṣṭhati / tathaiva tatra lokadhātuṣu ye sattvās tān sarvān śīlapāramitāyāṃ samādāpayati niveśayati pratiṣṭhāpayati / yathaivātmanā kṣāntipāramitāyāṃ tiṣṭhati / tathaiva tatra lokadhātuṣu ye sattvās tān sarvān kṣāntipāramitāyāṃ samādāpayati niveśayati pratiṣṭhāpayati / yathaivātmanā vīryapāramitāryā tiṣṭhati / tathaiva tatra lokadhātuṣu ye sattvās tān sarvān vīryapāramitāyāṃ samādāpayati niveśayati pratiṣṭhāpayati / yathaivātmanā dhyānapāramitāyāṃ tiṣṭhati / tathaiva tatra lokadhātuṣu ye sattvās tān sarvān dhyānapāramitāyāṃ samādāpayati niveśayati pratiṣṭhāpayati / yathaivātmanā prajñāpāramitāyāṃ tiṣṭhati / tathaiva tatra lokadhātuṣu ye sattvās tān sarvān prajñāpāramitāyāṃ samādāpayati niveśayati pratiṣṭhāpayati / dharmañ ca deśayati / yad uta yā eva ṣaṭpāramitāḥ / te sattvās taṃ dharmaṃ śrutvā na jātu virahitā bhavanti ṣaḍbhiḥ pāramitābhir yāvad anuttarāṃ samyaksaṃbodhim abhisaṃbudhyante /

paścimottarasyān diśi gaṅgānadīvālukopamān lokadhātūn gatvā yathaivātmanā dānapāramitāyāṃ tiṣṭhati / tathaiva tatra lokadhātuṣu ye sattvās tān sarvān dānapāramitāyāṃ samādāpayati niveśayati pratiṣṭhāpayati / yathaivātmanā śīlapāramitāyāṃ tiṣṭhati / tathaiva tatra lokadhātuṣu ye sattvās tān sarvān śīlapāramitāyāṃ samādāpayati miveśayati pratiṣṭhāpayati / yathaivātmanā kṣāntipāramitāyāṃ tiṣṭhati / tathaiva tatra lokadhātuṣu ye sattvās tān sarvān kṣāntipāramitāyāṃ samādāpayati niveśayati pratiṣṭhāpayati / yathaivātmanā vīryapāramitāyāṃ tiṣṭhati / tathaiva tatra lokadhātuṣu ye sattvās tān sarvān vīryapāramitāyāṃ samādāpati niveśayati pratiṣṭhāpayati / yathaivātmanā dhyānapāramitāyāṃ tiṣṭhati / tathaiva tatra lokadhātuṣu ye sattvās tān sarvān dhyānapāramitāyāṃ samādāyati niveśati pratiṣṭhāpayati / yathaivātmanā prajñāpāramitāyāṃ tiṣṭhati / tathaiva tatra lokadhātuṣu ye sattvās tān sarvān prajñāpāramitāyāṃ samādāpayati niveśayati pratiṣṭhāpayati / dharmañ ca deśayati yad uta yā eva ṣaṭpāramitāḥ / te sattvās taṃ dharmaṃ śrutvā na jātu virahitā bhavanti ṣaḍbhiḥ pāramitābhir yāvad anuttarāṃ samyaksaṃbodhim abhisaṃbudhyante /

uttarapūrvasyān diśi gaṅgānadīvālukopamān lokadhātūn gatvā yathaivātmanā dānapāramitāyāṃ tiṣṭhati / tathaiva tatra lokadhātuṣu ye sattvās tān sarvān dānapāramitāyāṃ samādāpayati niveśati pratiṣṭhāpayati / yathaivātmanā śīlapāramitāyāṃ tiṣṭhati / tathaiva tatra lokadhātuṣu ye sattvās tān sarvān śīlapāramitāyāṃ samādāpayati niveśayati pratiṣṭhāpayati / yathaivātmanā kṣāntipāramitāyāṃ tiṣṭhati / tathaiva tatra lokadhātuṣu ye sattvās tān sarvān kṣāntipāramitāyāṃ samādāpayati niveśayati pratiṣṭhāpayati / yathaivātmanā vīryapāramitāyāṃ tiṣṭhati / tathaiva tatra lokadhātuṣu ye sattvās tān sarvān vīryapāramitāyāṃ samādāpayati / yathaivātmanā dhyāmapāramitāyāṃ tiṣṭhati / tathaiva tatra lokadhātuṣu ye sattvās tān sarvān dhyānapāramitāyāṃ samādāpayati niveśayati pratiṣṭhāpayati / yathaivātmanā prajñāpāramitāyāṃ tiṣṭhati / tathaiva tatra lokadhātuṣu ye sattvān sarvān prajñāpāramitāyāṃ samādāpayati / niveśayati pratiṣṭhāpayati / dharmañ ca deśayati yad uta yā eva ṣaṭparāmitāḥ te sattvās taṃ dharmaṃ śrutvā na jātu virahitā bhavanti ṣaḍbhiḥ pāramitābhir yāvad anuttarāṃ samyaksaṃbodhim abhisaṃbudhyante /

adhastād diśi gaṅgānadīvālukopamān lokadhātūn gatvā yathaivātmanā dānapāramitāyāṃ tiṣṭhati / tathaiva tatra lokadhātuṣu ye sattvās tān sarvān dānapāramitāyāṃ samādāpayati niveśayati pratiṣṭhāpayati / yathaivātmanā śīlapāramitāyāṃ tiṣṭhati / tathaiva tatra lokadhātuṣu ye sattvās tān sarvān śīlapāramitāyāṃ samādāpayati niveśayati pratiṣṭhāpayati / yathaivātmanā kṣāntipāramitāyā tiṣṭhati / tathaiva tatra lokadhātuṣu ye sattvās tān sarvān kṣāntipāramitāyāṃ samādāpayati niveśayati pratiṣṭhāpayati / yathaivātmanā vīryapāramitāyāṃ tiṣṭhati / tathaiva tatra lokadhātuṣu ye sattvās tān sarvān vīryapāramitāyāṃ samādāpayati niveśayati pratiṣṭhāpayati / yathaivātmanā dhyānapāramitāyāṃ tiṣṭhati / tathaiva tatra lokadhātuṣu ye sattvās tān sarvān dhyānapāramitāyāṃ samādāpayati niveśayati pratiṣṭhāpayati / yathaivātmanā prajñāpāramitāyāṃ tiṣṭhati / tathaiva tatra lokadhātuṣu ye sattvās tān sarvān prajñāpāramitāyāṃ samādāpayati niveśayati pratiṣṭhāpayati / dharmañ ca deśayati yad uta yā eva ṣaṭpāramitāḥ / te sattvās taṃ dharmaṃ śrutvā na jātu virahitā bhavanti ṣaḍbhiḥ pāramitābhiḥ / yāvad annuttarāṃ samyaksaṃbodhim abhisaṃbudhyante /