Pramāṇavārttisvavṛtti

17017 na prasiddhir nāma anyā anyatra jana-pravādāt / te ca sarve janā 17018 rāga-ādy-avidyā-aparītatvād asambhāvanīya-yāthātathya-vacanāḥ / 17019 tad eṣāṃ pravādo na pramāṇam / na hi kasyacid api samyak-pratipatter 17020 abhāve bāhulyam artha-vad bhavati / pāraśīka-mātṛ-mithyā- 17021 cāra-vat / teṣām eva puruṣāṇāṃ vacanāt punaḥ parokṣa-artha-sampratipattir 17101 iti kathaṃ tad eva yugapad dveṣyaṃ ca kāmyaṃ ca / 17102 atha prasiddhim ullaṅghya kalpane na nibandhanam / 17103 prasiddher apramāṇatvāt tat-grahe kiṃ nibandhanam //322//

17105 prāpta-pratilomanena anyatra pravṛttir guṇa-doṣa-sandarśanena yuktā 17106 iti prasiddher anvaya iti cet / na / prāpteḥ pramāṇa-vṛtti-lakṣaṇatvāt / 17107 yat kiṃcana grahaṇaṃ hi prasiddhim apramāṇayatas 17108 tan-mukhena pratītiḥ / nyāyāt prāpti-pratiṣedhāt / tulyā sva-para- 17109 vikalpayor ubhayathā api vṛttir iti kaḥ prasiddhāv anurodhaḥ / 17110 api ca iyam 17111 utpāditā prasiddhyā eva śaṅkā śabda-artha-niścaye / 17112 yasmān nānā-artha-vṛttitvaṃ śabdānāṃ tatra dṛśyate //323//

17113 na prasiddher eka-artha-niścayaḥ śabdānāṃ tata eva śaṅkā-utpatteḥ / 17114 nānā-arthā hi śabdā loke dṛśyante / loka-vādaś ca pratītiḥ / ata eva 17115 nānā-arthā iti tata eka-artha-niyamo na yuktaḥ / 17116 anyathā asambhava-abhāvān nānā-śakteḥ svayaṃ dhvaneḥ / 17117 avaśyaṃ śaṅkayā bhāvyaṃ niyāmakam apaśyatām //324//

17118 ity antaraślokaḥ / tasmād avidita-artha-vibhāgeṣu śabdeṣv ekam 17119 artham atyakṣa-saṃyogam anālambana-samāropaṃ viniścitya vyācakṣāṇo 17120 jaiminis tad-vyājena svam eva matam āha iti na tīrthakara- 17121 antarād asya viśeṣaṃ paśyāmaḥ / tathā hi / tad-artha-vacana-vyāpāra- 17122 śūnyasya tat-samāropeṇa abhidhānaṃ na sva-vacanam atiśete / 17123 tat-kāriṇā kevalaṃ mithyā-vinītatā eva ātmanaḥ samuddyotitā syāt 17124 tathā hi / 17125 eṣa sthāṇur ayaṃ mārga iti vakti iti kaścana / 17126 anyaḥ svayaṃ bravīmi iti tayor bhedaḥ parikṣyatām //325//

17201 nirabhiprāya-vyāpāra-vacane sthāṇau samāropya-upadiśataḥ svatantrasya 17202 vā svayaṃ vacana-upagame na kaścid viśeṣo anyatra jaḍasya 17203 pratipatti-māndyāt / api ca eka-artha-niyame saty enaṃ jaiminir 17204 jānīyāt / sa eva śabdasya 17205 sarvatra yogyasya eka-artha-dyotane niyamaḥ kutaḥ / 17206 na hi śabdasya kaścid arthaḥ svabhāva-niyataḥ sarvatra yogyatvāt / 17207 ayogyatve ca tad-apracyuter avidheyasya puruṣāṇāṃ kvacid 17208 upanayana-apanayana-asambhavāt / 17209 jñātā vā atīndriyāḥ kena vivakṣā-vacanād ṛte //326//

17210 puruṣa-praṇīte hi śabde kayācid vivakṣayā sa tāṃ kadācit kvacin 17211 nivedayed api iti vivakṣā-pūrvakānāṃ śabdānām artha-niyamaḥ 17212 pratīyeta api / apauruṣeye tu vidyamāno apy artha-niyamaḥ kathaṃ 17213 vijñeyaḥ / svabhāva-bhedasya abhāvāt / sati vā pratyakṣasya svayaṃ 17214 pratīti-prasaṅgāt / apratyakṣe api kenacij jñātum aśakyatvāt / 17215 na ca asti kaścid viśeṣaḥ / sarva-śabdā hi sarva-artha- pratyāsatti-viprakarṣa- 17216 rahitāḥ / tatas teṣām 17217 vivakṣā niyame hetuḥ saṃketas tat-prakāśanaḥ / 17218 apauruṣeye sā na asti tasya sā ekārthatā kutaḥ //327//

17219 vivakṣayā hi śabdo arthe niyamyate na svabhāvataḥ tasya 17220 kvacid apratibandhena sarvatra tulyatvāt / yatra api pratibandhas 17221 tad-abhidhāna-niyama-abhāvāt / sarva-śabdaiḥ karaṇānām abhidhāna- 17222 prasaṅgāt / tasmād vivakṣā-prakāśanāya abhiprāya- nivedana-lakṣaṇaḥ 17223 saṃketaḥ kriyate / apauruṣeye tu na vivakṣā na saṃketaḥ 17224 kasyacid abhiprāya-abhāvād iti na niyamo na taj-jñānam / 17225 svabhāva-niyame anyatra na yojyeta tayā punaḥ / 17226 yadi saṃketa-nirapekṣaḥ svabhāvata eva artheṣu śabdo nilīnaḥ 17227 syāt uktam atra apratibandhād aniyama iti / api ca / svābhāvike 17228 vācyavācakabhāve na punar vivakṣayā yatheṣṭaṃ niyujyeta / 17301 saṃketaś ca nirarthaḥ syād / 17302 na hi svabhāva-bheda indriya-gamyaḥ sva-pratītau paribhāṣā-ādikam 17303 apekṣate / nīla-ādi-bheda-vat / tad-apekṣa-pratītayas tu na vastu-svabhāvāḥ / 17304 kiṃ tarhi / sāmayikā rāja-cihna-ādi-vat / yaś ca sāmayikaḥ 17305 sa svabhāva-niyato ayuktas tasya icchā-vṛtteḥ / ata eva saṃketāt 17306 svabhāva-viśeṣasya 17307 vyaktau ca niyamaḥ kutaḥ //328//

17308 sva-icchā-vṛttiḥ saṃketaḥ sa iha eva kartuṃ śakyate na anyatra iti 17309 na uparodho asti / sa ca puruṣaiḥ sva-icchayā kriyamāṇas tam eva 17310 svabhāvaṃ vyanakti na anyam iti na niyamo asti / 17311 yatra svātantryam icchāyā niyamo nāma tatra kaḥ / 17312 dyotayet tena saṃketo na iṣṭām eva asya yogyatām //329//

17313 iti antaraślokaḥ / 17314 yasmāt kila īdṛśaṃ satyaṃ yathā agniḥ śīta-nodanaḥ / 17315 vākyaṃ veda-ekadeśatvād anyad apy aparo abravīt //330//

17316 anyas tv apauruṣeyam āgama-lakṣaṇaṃ parityajya anyathā prāmāṇyaṃ 17317 vedasya sādhayitukāmaḥ prāha avitathāni veda-vākyāni 17318 yatra apratipattir veda-ekadeśatvāt yathā agnir himasya 17319 bheṣajam ity ādi-vākyam iti / tasya idam / 17320 rasa-vat tulya-rūpatvād eka-bhāṇḍe ca pāka-vat / 17321 śeṣavad vyabhicāritvāt kṣiptaṃ nyāyavidā īdṛśam //331//

17322 svayam īdṛśam ācāryeṇa anumānaṃ naiyāyika-śeṣavad-anumāna- 17323 vyabhicāram udbhāvayatā tulya-rūpatayā phalānāṃ tulya-rasa- 17324 sādhana-vad eka-sthāly-antargamād dṛṣṭa-vad adṛṣṭa-taṇḍula-pāka- 17325 sādhana-vac ca asādhanam uktam / tad-asādhanatva-nyāyaś ca 17326 pūrvam eva uktaḥ / uktaṃ ca idam āgama-lakṣaṇam asmābhiḥ tat tu 17327 sarvasya śakya-vicārasya viṣayasya yathāsvaṃ pramāṇena vidhi- 17328 pratiṣedha-viśuddhau nāntarīyakatva-abhāve api śabdānām artheṣu 17401 varaṃ saṃśayitasya vṛttiḥ tatra kadācid avisaṃvāda-sambhavāt 17402 na tv anyatra dṛṣṭa-pramāṇa-uparodhasya puruṣasya pravṛttir iti / 17403 yaḥ punaḥ prākṛta-viṣayasya vahneḥ śīta-pratighāta-sāmarthyasya 17404 abhidhānaṃ satya-artham upadarśya sarvaṃ satya-artham āha 17405 śāstraṃ śakya-paricchede api viṣaye pramāṇa-virodhād bahutaram 17406 ayuktam api / 17407 nityasya puṃsaḥ kartṛtvaṃ nityān bhāvān atīndriyān / 17408 aindriyān viṣamaṃ hetuṃ bhāvānāṃ viṣamāṃ sthitim //332//

17409 nivṛttiṃ ca pramāṇābhyām anyad vā vyasta-gocaram / 17410 viruddham āgama-apekṣeṇa anumānena vā vadat //333//

17411 virodham asamādhāya śāstra-arthaṃ ca apradarśya saḥ / 17412 satya-arthaṃ pratijānāno jayed dhārṣṭyena bandhakīm //334//

17414 apracyuta-anutpanna-pūrvāpara-rūpaḥ pumān kartā krameṇa karmaṇāṃ 17415 karma-phalānāṃ ca bhoktā samavāyi-kāraṇa-adhiṣṭhāna-bhāva-ādinā 17416 ity āha vedaḥ tac ca ayuktam ity āvedita-prāyam nityatvaṃ ca 17417 keṣāṃcid bhāvānām akṣaṇikasya vastu-dharma-atikramād ayuktam 17418 apratyakṣāny eva hi sāmānya-ādīni pratyakṣāni janma-sthiti- 17419 nivṛttīś ca viṣamāḥ padārthānām anādheyaviśeṣasya prāg akartuḥ 17420 para-apekṣayā janakatvam niṣpatter akārya-rūpasya āśraya-vaśena 17421 sthānam kāraṇāc ca vināśa ity ādikam anyad api pratyakṣa- 17422 anumānābhyāṃ prasiddhi-viparyayam āgama-āśrayeṇa ca anumānena 17423 bādhitam agnihotra-ādeḥ pāpa-śodhana-sāmarthya-ādikam / tasya 17424 evaṃvādino vedasya sarvatra śāstra-śarīre pramāṇa-virodham 17425 apratisamādhāya sambandha-anuguṇa-upāya-puruṣa-artha-abhidhānāni ca 17426 śāstra-dharmān apradarśya-atyanta-prasiddha-viṣaya-satya-abhidhāna- 17427 mātreṇa prajñā-prakarṣa-duravagaha-gahane api niratyayatāṃ sādhayitukāmo 17428 bandhakīm api prāgalbhyena vijayate / kācit kila 17429 bandhakī svayaṃ svāminā vipratipatti-sthāne dṛṣṭvā upālabdhā / sā 17430 taṃ pratyuvāca / paśyata mātaḥ puruṣasya vaiparītyaṃ / mayi 17431 dharma-patnyāṃ pratyayam akṛtvā ātmīyayor na itara-abhidhānayor 17432 jala-budbudayoḥ / karoti / tena jaratkāṇena grāmya-kāṣṭha-hārakeṇa 17501 prārthitā api na saṃgatā / rūpa-guṇa-anurāgena kila mantri-mukhya- 17502 dārakaṃ kāmaye aham iti / evaṃjātīyakam etad api vahneḥ 17503 śīta-pratīkāra-vacanena dṛṣṭa-pramāṇa-virodhasya apy atyantaparokṣe 17504 arthe avisaṃvāda-anumānam / 17505 sidhyed pramāṇaṃ yady evam apramāṇam atha iha kim / 17506 na hy ekaṃ na asti satya-arthaṃ puruṣe bahu-bhāṣiṇi //335//

17507 yathā idam atiduṣkaram atyanta-satya-abhidhānaṃ tathā atyanta-asatya- 17508 abhidhānam api / tatra ekasya vacanasya kathaṃcit saṃvādena aviśiṣṭasya 17509 tad-vacana-rāśes tathābhāve na kaścit puruṣo anāptaḥ 17510 syāt / api ca / 17511 na ayaṃ svabhāvaḥ kāryaṃ vā vastūnāṃ vaktari dhvaniḥ / 17512 na ca tad-vyatiriktasya vidyate avyabhicāritā //336//

17513 na tāvad etad vacanaṃ vācyānāṃ svabhāvaḥ / na apy eṣāṃ kāryam 17514 tad-abhāve api vaktur vivakṣā-mātreṇa bhāvāt / na ca anyaḥ 17515 kaścit kasyacid avyabhicārī / vyabhicāre ca tato anyathā api 17516 tat-sambhavāt tad-bhāvāt tat-pratītir ayuktā / 17517 pravṛttir vācakānāṃ ca vācya-dṛṣṭi-kṛtā iti cet / 17518 syād etat kāryam eva vacanaṃ vācakasya vācya-darśana-vṛtter / 17519 evaṃ sati / 17520 paraspara-viruddha-arthā katham ekatra sā bhavet //337//

17521 yady eṣa pratiniyamo vācyaṃ vastv antareṇa śabdo na pravartata 17522 iti / bhinneṣu pravādeṣv ekatra vastuni viruddha-svabhāva-upasaṃhāreṇa 17523 vacana-vṛttir na syāt / na hy ayaṃ sambhavo asti ekaḥ 17524 śabdo niṣparyāyaṃ nityaś ca syād anityaś ca iti / 17525 vastubhir na āgamās tena kathaṃcin nāntarīyakāḥ / 17526 pratipattuḥ prasidhyanti kutas tebhyo artha-niścayaḥ //338//

17527 āgamaṃ pramāṇaṃ tad-ādarśita-artha-pratipattaye ajño janaḥ samanveṣate 17528 samadhigata-yāthātathyānām upadeśa-anapekṣaṇāt / ajñasya 17529 ca atīndriya-guṇa-puruṣa-vivecane asāmarthyāt / vacanānāṃ 17601 samīhita-artha-sattām antareṇa api vṛttiṃ paśyato bhavitavyam eva adṛṣṭa- 17602 vyabhicāra-vacasām api puruṣāṇāṃ vāci śaṅkayā kiṃ yathārthā 17603 na vā iti / tena na yuktam anena kasyacid vacanena kiṃcin 17604 niścetum / 17605 tasmān na tan-nivṛttyā api bhāva-abhāvaḥ prasidhyati / 17606 yad uktaṃ sarva-viṣayatvād āgamasya sati vastuny avisaṃvādena 17607 asya vṛttes tan-nivṛtti-lakṣaṇa-anupalabdhir abhāvaṃ sādhayati 17608 iti tad asya sarva-viṣayatve api vastv-antareṇa āvṛttau syāt / tac 17609 ca na asti / tataḥ pratipattukāmasya asiddhir ity uktam / 17610 tena asaṃniścaya-phalā anupalabdhir na sidhyate //339//

17611 tasmān na pramāṇa-traya-nivṛttāv api viprakṛṣṭeṣv abhāva-niścayaḥ / 17613 veda-prāmāṇyaṃ kasyacit kartṛ-vādaḥ / 17614 snāne dharma-icchā jāti-vāda-avalepaḥ / 17615 santāpa-ārambhaḥ pāpa-hānāya ca iti / 17616 dhvasta-prajñāne pañca liṅgāni jāḍye //340//

17617 iti pramāṇavārttike prathamaḥ paricchedaḥ // //