शतसाहस्रिका प्रज्ञापारमिता, Part इ

अनागतं सुभूते रूपम् अनागतेन रूपेण शून्यं / तत् कस्य हेतोर् न हि शून्यतायाम् अनागतं रूपम् उपलभ्यते / शून्यतैव तावच् छून्याशून्यतयोपलभ्यते / कुतः पुनः शून्यतायाम् अनागतं रूपम् उपलभ्यते / अनागता वेदना अनागतया वेदनाया शून्या / तत् कस्य हेतोर् न हि शून्यतायाम् अनागता वेदनोपलभ्यते / शून्यतैव तावच् छून्याशून्यतया नोपलभ्यते / कुतः पुनः शून्यतायाम् अनागता वेदनोपलभ्यते / अनागता संज्ञा अनागतया संज्ञया शून्या / तत् कस्य हेतोर् न हि सुभूते अनागता संज्ञोपलभ्यते / शून्यतैव तावच् छून्याशून्यतया नोपलभ्यते / कुतः पुनः शून्यतायाम् अनागता संज्ञोपलभ्यते / अनागताः संस्काराः अनागतैः संस्कारैः शून्याः / तत् कस्य हेतोर् न हि सुभूते शून्यतायाम् अनागताः संस्काराः उपलभ्यन्ते / शून्यतैव तावच् छून्याशून्यतया नोपलभ्यते / कुतः पुनः शून्यतायाम् अनागताः संस्कारा उपलभ्यन्ते / अनागतं विज्ञानम् अनागते न विज्ञानेन शून्यं / तत् कस्य हेतोर् न सुभूते शून्यतायाम् अनागतं विज्ञानम् उपलभ्यते शून्यतैव तावच् छून्याशून्यतया नोपलभ्यते / कुतः पुनः शून्यतायाम् अनागतं विज्ञानम् उपलभ्यते /

प्रत्युत्पन्नं सुभूते रूपं प्रत्युत्पन्नेन रूपेण शून्यं / तत् कस्य हेतोर् न हि सुभूते शून्यतायां प्रत्युत्पन्नं रूपम् उपलभ्यते / शून्यतैव तावच् छून्याशून्यतया नोपलभ्यते / कुतः पुनः शून्यतायां प्रत्युत्पन्नं रूपम् उपलभ्यते / प्रत्युत्पन्ना वेदना प्रत्युत्पन्नया वेदनाया शून्या / तत् कस्य हेतोर् न हि सुभूते शून्यतायां प्रत्युत्पन्ना वेदनोपलभ्यते / शून्यतैव तावच् छून्याशून्यतया नोपलभ्यते / कुतः पुनः शून्यतायां प्रत्युत्पन्ना वेदनोपलभ्यते / प्रत्युत्पन्ना संज्ञा प्रत्युत्पन्नया संज्ञया शून्या / तत् कस्य हेतोर् न हि शून्यतायां प्रत्युत्पन्ना संज्ञोपलभ्यते / शून्यतैव तावच् छून्याशून्यतया नोपलभ्यते / कुतः पुनः शून्यतायां प्रत्युत्पन्ना संज्ञोपलभ्यते / प्रत्युत्पन्नाः संस्काराः प्रत्युत्पन्नैः संस्कारैः शून्याः / तत् कस्य हेतोर् न हि सुभूते शून्यतायां प्रत्युत्पन्नाः संस्काराः उपलभ्यन्ते / शून्यतैव तावच् छून्याशून्यतया नोपलभ्यते / कुतः पुनः शून्यतायां प्रत्युत्पन्नाः संस्काराः उपलभ्यन्ते / प्रत्युत्पन्नं विज्ञानं प्रत्युत्पन्नेन विज्ञानेन शून्यं / तत् कस्य हेतोर् न हि सुभूते शून्यतायां प्रत्युत्पन्नं विज्ञानम् उपलभ्यते / शून्यतैव तावच् छून्याशून्यतया नोपलभ्यते / कुतः पुनः शून्यतायां प्रत्युत्पन्नं विज्ञानम् उपलभ्यते /

पूर्वान्ततः सुभूते दानपारमिता नोपलभ्यते / अपरान्ततो दानपारमिता नोपलभ्यते / प्रत्युत्पन्नतो दनापारमिता नोपलभ्यते / त्र्यध्वसमतायां दानपारमिता नोपलभ्यते / न सुभूते समतायाम् अतीताध्वोपलभ्यते / न समतायाम् अनागताध्वोपलभ्यते / न समतायां प्रत्युत्पन्नाध्वोपलभ्यते / समतैव तावत् समतायां नोपलभ्यते / कुतः पुनः समतायाम् अतीताध्वोपलभ्यते / कुतो ऽनागतोध्वोपलभ्यते / कुतः पुनः प्रत्युत्पन्नो ऽध्वोपलभ्यते / पूर्वान्ततः शीलपारमिता नोपलभ्यते / अपरान्ततः शीलपारमिता नोपलभ्यते / प्रत्युत्पन्नतः शीलपारमिता नोपलभ्यते / त्र्यध्वसमतायां शीलपारमिता नोपलभ्यते / तत् कस्य हेतोर् न हि सुभूते समतायाम् अतीतो ऽध्वोपलभ्यते / न समतायाम् अनागतो ऽध्वोपलभ्यते / न समतायां प्रत्युत्पन्नो ऽध्वोपलभ्यते / समतैव तावत् समतायां नोपलभ्यते / कुतः पुनः समतायाम् अतीतो ऽध्वोपलभ्यते / कुतो ऽनागतो ऽध्वोपलभ्यते / कुतः प्रत्युत्पन्नो ऽध्वोपलभ्यते / पूर्वान्ततः क्षान्तिपारमिता नोपलभ्यते / अपरान्ततः क्षान्तिपारमिता नोपलभ्यते / प्रत्युत्पन्नतः क्षान्तिपारमिता नोपलभ्यते / त्र्यध्वसमतायां क्षान्तिपारमिता नोपलभ्यते / तत् कस्य हेतोर् न हि सुभूते समतायाम् अतीतो ऽध्वोपलभ्यते / न समतायाम् अनागतो ऽध्वोपलभ्यते / न समतायां प्रत्युत्पन्नो ऽध्वोपलभ्यते / समतैव तावत् समतायां नोपलभ्यते / कुतः पुनः समतायाम् अतीतो ऽध्वोपलभ्यते / कुतो ऽनागतो ऽध्वा उपलभ्यते / कुतः प्रत्युत्पन्नो ऽध्वोपलभ्यते / पूर्वान्ततो वीर्यपारमिता नोपलभ्यते / अपरान्ततो वीर्यपारमिता नोपलभ्यते /

प्रत्युत्पन्नतो वीर्यपारमिता नोपलभ्यते / त्र्यध्वसमतायां वीर्यपारमिता नोपलभ्यते / तत् कस्य हेतोर् न हि सुभूते समतायाम् अतीतो ऽध्वोपलभ्यते / न समतायाम् अनागतो ऽध्वोपलभ्यते / न समतायां प्रत्युत्पन्नो ऽध्वोपलभ्यते / समतैव तावत् समतायां नोपलभ्यते / कुतः पुनः समतायाम् अतीतो ऽध्वोपलभ्यते / कुतो ऽनागतो ऽध्वोपलभ्यते / कुतः प्रत्युत्पन्नो ऽध्वोपलभ्यते / पूर्वान्ततो ध्यानपारमिता नोपलभ्यते / अपरान्ततो ध्यानपारमिता नोपलभ्यते / प्रत्युत्पन्नतो ध्यानपारमिता नोपलभ्यते / त्र्यध्वसमतायां ध्यानपारमिता नोपलभ्यते / तत् कस्य हेतोर् न हि सुभूते समतायाम् अतीतो ऽध्वोपलभ्यते / न समतायाम् अनागतो ऽध्वोपलभ्यते / न समतायां प्रत्युत्पन्नो ऽध्वोपलभ्यते / समतैव तावत् समतायां नोपलभ्यते / कुतः पुनः समतायाम् अतीतो ऽध्वोपलभ्यते / कुतो ऽनागतो ऽध्वोपलभ्यते / कुतः प्रत्युत्पन्नो ऽध्वोपलभ्यते / पूर्वान्ततः सुभूते प्रज्ञापारमिता नोपलभ्यते / अपरान्ततः प्रज्ञापारमिता नोपलभ्यते / प्रत्युत्पन्नतः प्रज्ञापारमिता नोपलभ्यते / त्र्यध्वसमतायां प्रज्ञापारमिता नोपलभ्यते / तत् कस्य हेतोर् न हि सुभूते समतायाम् अतीतो ऽध्वोपलभ्यते / न समतायाम् अनागतो ऽध्वोपलभ्यते न समतायां प्रत्युत्पन्नो ऽध्वोपलभ्यते / समतैव तावत् समतायां नोपलभ्यते / कुतः पुनः समतायाम् अतीतो ऽध्वोपलभ्यते / कुतो ऽनागतो ऽध्वोपलभ्यते / कुतः प्रत्युत्पन्नो ऽध्वोपलभ्यते /

पूर्वान्ततः सुभूते अध्यात्मशून्यता नोपलभ्यते / अपरान्तताध्यात्मशून्यता नोपलभ्यते / प्रत्युत्पन्नतो ऽध्यात्मशून्यता नोपलभ्यते / त्र्यध्वसमतायाम् अध्यात्मशून्यता नोपलभ्यते / न सुभूते समतायाम् अतीतो ऽध्वोपलभ्यते / नानागतो ऽध्वोपलभ्यते / न प्रत्युत्पन्नो ऽध्वोपलभ्यते / समतैव तावत् समतायां नोपलभ्यते / कुतः पुनः समतायाम् अतीतो ऽध्वोपलभ्यते / कुतो ऽनागतो ऽध्वोपलभ्यते / कुतः प्रत्युत्पन्नो ऽध्वोपलभ्यते / पूर्वान्ततः सुभूते बहिर्धाशून्यता नोपलभ्यते / अपरान्ततो बहिर्धाशून्यता नोपलभ्यते / प्रत्युत्पन्नतो बहिर्धाशून्यता नोपलभ्यते / त्र्यध्वसमतायां बहिर्धाशून्यता नोपलभ्यते / न सुभूते समतायाम् अतीतो ऽध्वोपलभ्यते / नानागतो ऽध्वोपलभ्यते / न प्रत्युत्पन्नो ऽध्वोपलभ्यते / कुतः पुनः समतायाम् अतीतो ऽध्वोपलभ्यते / कुतो ऽनागतो ऽध्वोपलभ्यते / कुतः प्रत्युत्पन्नो ऽध्वोपलभ्यते / पूर्वान्ततः सुभूते ऽध्यात्मबहिर्धाशून्यता नोपलभ्यते / अपरान्ततो ऽध्यात्मबहिर्धाशून्यता नोपलभ्यते / प्रत्युत्पन्नतो ऽध्यात्मबहिर्धाशून्यता नोपलभ्यते / त्र्यध्वसमतायाम् अध्यात्मबहिर्धाशून्यता नोपलभ्यते / न सुभूते समतायाम् अतीतो ऽध्वोपलभ्यते / नानागतो ऽध्वोपलभ्यते / न प्रत्युत्पन्नो ऽध्वोपलभ्यते / समतैव तावत् समतायां नोपलभ्यते / कुतः पुनः समतायाम् अतीतो ऽध्वोपलभ्यते / कुतो ऽनागतो ऽध्वोपलभ्यते / कुतः प्रत्युत्पन्नो ऽध्वोपलभ्यते / पूर्वान्ततः सुभूते शून्यताशून्यता नोपलभ्यते / अपरान्ततः शून्यताशून्यता नोपलभ्यते / प्रत्युत्पन्नतः शून्यताशून्यता नोपलभ्यते /

त्र्यध्वसमतायां शून्यताशून्यता नोपलभ्यते / न सुभूते समतायाम् अतीतो ऽध्वोपलभ्यते / नानागतो ऽध्वा न प्रत्युत्पन्नो ऽध्वोपलभ्यते / समतैव तावत् समतायां नोपलभ्यते / कुतः पुनः समतायाम् अतीतो ऽध्वोपलभ्यते / कुतो ऽनागतो ऽध्वा कुतः प्रत्युत्पन्नो ऽध्वोपलभ्यते / पूर्वान्ततः सुभूते महाशून्यता नोपलभ्यते / अपरान्ततो महाशून्यता नोपलभ्यते / प्रत्युत्पन्नतो महाशून्यता नोपलभ्यते / त्र्यध्वसमतायां महाशून्यता नोपलभ्यते / न सुभूते समतायाम् अतीतो ऽध्वोपलभ्यते / नानागतो ऽध्वा न प्रत्युत्पन्नो ऽध्वोपलभ्यते / समतैव तावत् समतायां नोपलभ्यते / कुतः पुनः समतायाम् अतीतो ऽध्वोपलभ्यते / कुतो ऽनपगतो ऽध्वा कुतः प्रत्युत्पन्नो ऽध्वोपलभ्यते / पूर्वान्ततः सुभूते परमार्थशून्यता नोपलभ्यते / अपरान्ततः परमार्थशून्यता नोपलभ्यते / प्रत्युत्पन्नतः परमार्थशून्यता नोपलभ्यते / त्र्यध्वसमतायां परमार्थशून्यता नोपलभ्यते / न सुभूते समतायाम् अतीतो ऽध्वोपलभ्यते / नानागतो ऽध्वा न प्रत्युत्पन्नो ऽध्वोपलभ्यते / समतैव तावत् समतायां नोपलभ्यते / कुतः पुनः समतायाम् अतीतो ऽध्वोपलभ्यते / कुतो ऽनागतो ऽध्वा कुतः प्रत्युत्पन्नो ऽध्वोपलभ्यते / पूर्वान्ततः सुभूते संस्कृतशून्यता नोपलभ्यते / अपरान्ततः संस्कृतशून्यता नोपलभ्यते / प्रत्युत्पन्नतः संस्कृतशून्यता नोपलभ्यते / त्र्यध्वसमतायां संस्कृतशून्यता नोपलभ्यते / न सुभूते समतायाम् अतीतो ऽध्वोपलभ्यते / नानागतो ऽध्वा न प्रत्युत्पन्नो ऽध्वोपलभ्यते / समतैव तावत् समतायां नोपलभ्यते /

कुतः पुनः समतायाम् अतीतो ऽध्वोपलभ्यते / कुतो ऽनागतो ऽध्वा कुतः प्रत्युत्पन्नो ऽध्वोपलभ्यते / पूर्वान्ततः सुभूते ऽसंस्कृतशून्यता नोपलभ्यते / अपरान्ततो ऽसंस्कृतशून्यता नोपलभ्यते / प्रत्युत्पन्नतो ऽसंस्कृतशून्यता नोपलभ्यते / त्र्यध्वसमतायाम् असंस्कृतशून्यता नोपलभ्यते / न सुभूते समतायाम् अतीतो ऽध्वोपलभ्यते / नानागतो ऽध्वा न प्रत्युत्पन्नो ऽध्वोपलभ्यते / समतैव तावत् समतायां नोपलभ्यते / कुतः पुनः समतायाम् अतीतो ऽध्वोपलभ्यते / कुतो ऽनागतो ऽध्वा कुतः प्रत्युत्पन्नो ऽध्वोपलभ्यते / पूर्वान्ततः सुभूते अत्यन्तशून्यता नोपलभ्यते / अपरान्ततो ऽत्यन्तशून्यता नोपलभ्यते / प्रत्युत्पन्नतो ऽत्यन्तशून्यता नोपलभ्यते / त्र्यध्वसमतायाम् अत्यन्तशून्यता नोपलभ्यते / न सुभूते समतायाम् अतीतो ऽध्वोपलभ्यते / नानागतो ऽध्वा न प्रत्युत्पन्नो ऽध्वोपलभ्यते / समतैव तावत् समतायां नोपलभ्यते / कुतः पुनः समतायाम् अतीतो ऽध्वोपलभ्यते / कुतो ऽनागतो ऽध्वा कुतः प्रत्युत्पन्नो ऽध्वोपलभ्यते / पूर्वान्ततः सुभूते ऽनवराग्रशून्यता नोपलभ्यते / अपरान्ततो ऽनवराग्रशून्यता नोपलभ्यते / प्रत्युत्पन्नतो ऽनवराग्रशून्यता नोपलभ्यते / त्र्यध्वसमतायाम् अनवराग्रशून्यता नोपलभ्यते / न सुभूते समतायाम् अतीतो ऽध्वोपलभ्यते / नानागतो ऽध्वा न प्रत्युत्पन्नो ऽध्वोपलभ्यते / समतैव तावत् समतायां नोपलभ्यते / कुतः पुनः समतायाम् अतीतो ऽध्वोपलभ्यते / कुतो ऽनागतो ऽध्वा कुतः प्रत्युत्पन्नो ऽध्वोपलभ्यते / पूर्वान्ततः सुभूते ऽनवकारशून्यता नोपलभ्यते / अपरान्ततो ऽनवकारशून्यता नोपलभ्यते /

प्रत्युत्पन्नतो ऽनवकारशून्यता नोपलभ्यते / त्र्यध्वसमतायाम् अनवकारशून्यता नोपलभ्यते / न सुभूते समतायाम् अतीतो ऽध्वोपलभ्यते / नानागतो ऽध्वा न प्रत्युत्पन्नो ऽध्वोपलभ्यते / समतैव तावत् समतायां नोपलभ्यते / कुतः पुनः समतायाम् अतीतो ऽध्वोपलभ्यते / कुतो ऽनागतो ऽध्वा कुतः प्रत्युत्पन्नो ऽध्वोपलभ्यते / पूर्वान्ततः सुभूते प्रकृतिशून्यता नोपलभ्यते / अपरान्ततः प्रकृतिशून्यता नोपलभ्यते / प्रत्युत्पन्नतः प्रकृतिशून्यता नोपलभ्यते / त्र्यध्वसमतायां प्रकृतिशून्यता नोपलभ्यते / न सुभूते समतायाम् अतीतो ऽध्वोपलभ्यते / नानागतो ऽध्वा न प्रत्युत्पन्नो ऽध्वोपलभ्यते / समतैव तावत् समतायां नोपलभ्यते / कुतः पुनः समतायाम् अतीतो ऽध्वोपलभ्यते / कुतो ऽनागतो ऽध्वा कुतः प्रत्युत्पन्नो ऽध्वोपलभ्यते / पूर्वान्ततः सुभूते सर्वधर्मशून्यता नोपलभ्यते / अपरान्ततः सर्वधर्मशून्यता नोपलभ्यते / प्रत्युत्पन्नतः सर्वधर्मशून्यता नोपलभ्यते / त्र्यध्वसमतायां सर्वधर्मशून्यता नोपलभ्यते / न सुभूते समतायाम् अतीतो ऽध्वोपलभ्यते / नानागतो ऽध्वा न प्रत्युत्पन्नो ऽध्वोपलभ्यते / समतैव तावत् समतायां नोपलभ्यते / कुतः पुनः समतायाम् अतीतो ऽध्वोपलभ्यते / कुतो ऽनागतो ऽध्वा कुतः प्रत्युत्पन्नो ऽध्वोपलभ्यते / पूर्वान्ततः सुभूते स्वलक्षणशून्यता नोपलभ्यते / अपरान्ततः स्वलक्षणशून्यता नोपलभ्यते / प्रत्युत्पन्नतः स्वलक्षणशून्यता नोपलभ्यते / त्र्यध्वसमतायां स्वलक्षणशून्यता नोपलभ्यते / न सुभूते समतायाम् अतीतो ऽध्वोपलभ्यते / नानागतो ऽध्वा न प्रत्युत्पन्नो ऽध्वोपलभ्यते /

समतैव तावत् समतायां नोपलभ्यते / कुतः पुनः समतायाम् अतीतो ऽध्वोपलभ्यते / कुतो ऽनागतो ऽध्वा कुतः प्रत्युत्पन्नो ऽध्वोपलभ्यते / पूर्वान्ततः सुभूते ऽनुपलम्भशून्यता नोपलभ्यते / अपरान्ततो ऽनुपलम्भशून्यता नोपलभ्यते / प्रत्युत्पन्नतो ऽनुपलम्भशून्यता नोपलभ्यते / त्र्यध्वसमतायाम् अनुपलम्भशून्यता नोपलभ्यते / न सुभूते समतायाम् अतीतो ऽध्वोपलभ्यते / नानागतो ऽध्वा न प्रत्युत्पन्नो ऽध्वोपलभ्यते / समतैव तावत् समतायां नोपलभ्यते / कुतः पुनः समतायाम् अतीतो ऽध्वोपलभ्यते / कुतो ऽनागतो ऽध्वा कुतः प्रत्युत्पन्नो ऽध्वोपलभ्यते / पूर्वान्ततः सुभूते अभावशून्यता नोपलभ्यते / अपरान्ततो ऽभावशून्यता नोपलभ्यते / प्रत्युत्पन्नतो ऽभावशून्यता नोपलभ्यते / त्र्यध्वसमतायाम् अभावशून्यता नोपलभ्यते / न सुभूते समतायाम् अतीतो ऽध्वोपलभ्यते / नानागतो ऽध्वा न प्रत्युत्पन्नो ऽध्वोपलभ्यते / समतैव तावत् समतायां नोपलभ्यते / कुतः पुनः समतायाम् अतीतो ऽध्वोपलभ्यते / कुतो ऽनागतो ऽध्वा कुतः प्रत्युत्पन्नो ऽध्वोपलभ्यते / पूर्वान्ततः सुभूते स्वभावशून्यता नोपलभ्यते / अपरान्ततः स्वभावशून्यता नोपलभ्यते / प्रत्युत्पन्नतः स्वभावशून्यता नोपलभ्यते / त्र्यध्वसमतायां स्वभावशून्यता नोपलभ्यते / न सुभूते समतायाम् अतीतो ऽध्वोपलभ्यते / नानागतो ऽध्वा न प्रत्युत्पन्नो ऽध्वोपलभ्यते /

समतैव तावत् समतायां नोपलभ्यते / कुतः पुनः समतायाम् अतीतो ऽध्वोपलभ्यते / कुतो ऽनागतो ऽध्वा कुतः प्रत्युत्पन्नो ऽध्वोपलभ्यते / पूर्वान्ततः सुभूते ऽभावस्वभावशून्यता नोपलभ्यते / अपरान्ततो ऽभावस्वभावशून्यता नोपलभ्यते / प्रत्युत्पन्नतो ऽभावस्वभावशून्यता नोपलभ्यते / त्र्यध्वसमतायाम् अभावस्वभावशून्यता नोपलभ्यते / न सुभूते समतायाम् अतीतो ऽध्वोपलभ्यते / नानागतो ऽध्वा न प्रत्युत्पन्नो ऽध्वोपलभ्यते / समतैव तावत् समतायां नोपलभ्यते / कुतः पुनः समतायाम् अतीतो ऽध्वोपलभ्यते / कुतो ऽनागतो ऽध्वा कुतः प्रत्युत्पन्नो ऽध्वोपलभ्यते /

पूर्वान्ततः सुभूते स्मृत्युपस्थानानि नोपलभ्यन्ते / अपरान्ततः स्मृत्युपस्थानानि नोपलभ्यन्ते / प्रत्युत्पन्नतः स्मृत्युपस्थानानि नोपलभ्यन्ते / त्र्यध्वसमतायां स्मृत्युपस्थानानि नोपलभ्यन्ते / न सुभूते समतायाम् अतीतो ऽध्वोपलभ्यते / नानागतो ऽध्वा न प्रत्युत्पन्नो ऽध्वोपलभ्यते / समतैव तावत् समतायां नोपलभ्यते / कुतः पुनः समतायाम् अतीतो ऽध्वोपलभ्यते / कुतो ऽनागतो ऽध्वा कुतः प्रत्युत्पन्नो ऽध्वोपलभ्यते / पूर्वान्ततः सुभूते सम्यक्प्रहाणानि नोपलभ्यन्ते / अपरान्ततः सम्यक्प्रहाणानि नोपलभ्यन्ते / प्रत्युत्पन्नतः सम्यक्प्रहाणानि नोपलभ्यन्ते / त्र्यध्वसमतायां सम्यक्प्रहाणानि नोपलभ्यन्ते / न सुभूते समतायाम् अतीतो ऽध्वोपलभ्यते / नानागतो ऽध्वा न प्रत्युत्पन्नो ऽध्वोपलभ्यते / समतैव तावत् समतायां नोपलभ्यते / कुतः पुनः समतायाम् अतीतो ऽध्वोपलभ्यते / कुतो ऽनागतो ऽध्वा कुतः प्रत्युत्पन्नो ऽध्वोपलभ्यते / पूर्वान्ततः सुभूते ऋद्धिपादा नोपलभ्यन्ते / अपरान्ततः ऋद्धिपादा नोपलभ्यन्ते / प्रत्युत्पन्नतः ऋद्धिपादा नोपलभ्यन्ते / त्र्यध्वसमतायाम् ऋद्धिपादा नोपलभ्यन्ते / न सुभूते समतायाम् अतीतो ऽध्वोपलभ्यते / नानागतो ऽध्वा न प्रत्युत्पन्नो ऽध्वोपलभ्यते / समतैव तावत् समतायां नोपलभ्यते / कुतः पुनः समतायाम् अतीतो ऽध्वोपलभ्यते / कुतो ऽनागतो ऽध्वा कुतः प्रत्युत्पन्नो ऽध्वोपलभ्यते / पूर्वान्ततः सुभूते इन्द्रियाणि नोपलभ्यन्ते / अपरान्ततः इन्द्रियाणि नोपलभ्यन्ते / प्रत्युत्पन्नत इन्द्रियाणि नोपलभ्यन्ते / त्र्यध्वसमतायाम् इन्द्रियाणि नोपलभ्यन्ते / न सुभूते समतायाम् अतीतो ऽध्वोपलभ्यते /

नानागतो ऽध्वा न प्रत्युत्पन्नो ऽध्वोपलभ्यते / समतैव तावत् समतायां नोपलभ्यते / कुतः पुनः समतायाम् अतीतो ऽध्वोपलभ्यते / कुतो ऽनागतो ऽध्वा कुतः प्रत्युत्पन्नो ऽध्वोपलभ्यते / पूर्वान्ततः सुभूते बलानि नोपलभ्यते / अपरान्ततो बलानि नोपलभ्यते / प्रत्युत्पन्नतो बलानि नोपलभ्यते / त्र्यध्वसमतायां बलानि नोपलभ्यते / न सुभूते समतायाम् अतीतो ऽध्वोपलभ्यते / नानागतो ऽध्वा न प्रत्युत्पन्नो ऽध्वोपलभ्यते / समतैव तावत् समतायां नोपलभ्यते / कुतः पुनः समतायाम् अतीतो ऽध्वोपलभ्यते / कुतो ऽनागतो ऽध्वा कुतः प्रत्युत्पन्नो ऽध्वोपलभ्यते / पूर्वान्ततः सुभूते बोध्यङ्गानि नोपलभ्यन्ते / अपरान्ततो बोध्यङ्गानि नोपलभ्यन्ते / प्रत्युत्पन्नतो बोध्यङ्गानि नोपलभ्यन्ते / त्र्यध्वसमतायां बोध्यङ्गानि नोपलभ्यन्ते / न सुभूते समतायाम् अतीतो ऽध्वोपलभ्यते / नानागतो ऽध्वा न प्रत्युत्पन्नो ऽध्वोपलभ्यते / समतैव तावत् समतायां नोपलभ्यते / कुतः पुनः समतायाम् अतीतो ऽध्वोपलभ्यते / कुतो ऽनागतो ऽध्वा कुतः प्रत्युत्पन्नो ऽध्वोपलभ्यते / पूर्वान्ततः सुभूते आर्याष्टाङ्गमार्गो नोपलभ्यते / अपरान्ततः आर्याष्टाङ्गमार्गो नोपलभ्यते / प्रत्युत्पन्नत आर्याष्टाङ्गमार्गो नोपलभ्यते / त्र्यध्वसमतायाम् आर्याष्टाङ्गमार्गो नोपलभ्यते / न सुभूते समतायाम् अतीतो ऽध्वोपलभ्यते / नानागतो ऽध्वा न प्रत्युत्पन्नो ऽध्वोपलभ्यते / समतैव तावत् समतायां नोपलभ्यते / कुतः पुनः समतायाम् अतीतो ऽध्वोपलभ्यते / कुतो ऽनागतो ऽध्वा कुतः प्रत्युत्पन्नो ऽध्वोपलभ्यते / पूर्वान्ततः सुभूते आर्यसत्यानि नोपलभ्यन्ते /

अपरान्तत आर्यसत्यानि नोपलभ्यन्ते / प्रत्युत्पन्नत आर्यसत्यानि नोपलभ्यन्ते / त्र्यध्वसमतायाम् आर्यसत्यानि नोपलभ्यन्ते / न सुभूते समतायाम् अतीतो ऽध्वोपलभ्यते / नानागतो ऽध्वा न प्रत्युत्पन्नो ऽध्वोपलभ्यते / समतैव तावत् समतायां नोपलभ्यते / कुतः पुनः समतायाम् अतीतो ऽध्वोपलभ्यते / कुतो ऽनागतो ऽध्वा कुतः प्रत्युत्पन्नो ऽध्वोपलभ्यते / पूर्वान्ततः सुभूते ध्यानानि नोपलभ्यन्ते / अपरान्ततो ध्यानानि नोपलभ्यन्ते / प्रत्युत्पन्नतो ध्यानानि नोपलभ्यन्ते / त्र्यध्वसमतायां ध्यानानि नोपलभ्यन्ते / न सुभूते समतायाम् अतीतो ऽध्वोपलभ्यते / नानागतो ऽध्वा न प्रत्युत्पन्नो ऽध्वोपलभ्यते / समतैव तावत् समतायां नोपलभ्यते / कुतः पुनः समतायाम् अतीतो ऽध्वोपलभ्यते / कुतो ऽनागतो ऽध्वा कुतः प्रत्युत्पन्नो ऽध्वोपलभ्यते / पूर्वान्ततः सुभूते अप्रमाणानि नोपलभ्यन्ते / अपरान्ततो ऽप्रमाणानि नोपलभ्यन्ते / प्रत्युत्पन्नतो ऽप्रमाणानि नोपलभ्यन्ते / त्र्यध्वसमतायाम् अप्रमाणानि नोपलभ्यन्ते / न सुभूते समतायाम् अतीतो ऽध्वोपलभ्यते / नानागतो ऽध्वा न प्रत्युत्पन्नो ऽध्वोपलभ्यते / समतैव तावत् समतायां नोपलभ्यते / कुतः पुनः समतायाम् अतीतो ऽध्वोपलभ्यते / कुतो ऽनागतो ऽध्वा कुतः प्रत्युत्पन्नो ऽध्वोपलभ्यते / पूर्वान्ततः सुभूते आरूप्यसमापत्तयो नोपलभ्यन्ते / अपरान्तत आरूप्यसमापत्तयो नोपलभ्यन्ते / प्रत्युत्पन्नत आरूप्यसमापत्तयो नोपलभ्यन्ते / त्र्यध्वसमतायाम् आरूप्यसमापत्तयो नोपलभ्यन्ते / न सुभूते समतायाम् अतीतो ऽध्वोपलभ्यते / नानागतो ऽध्वा न प्रत्युत्पन्नो ऽध्वोपलभ्यते /

समतैव तावत् समतायां नोपलभ्यते / कुतः पुनः समतायाम् अतीतो ऽध्वोपलभ्यते / कुतो ऽनागतो ऽध्वा कुतः प्रत्युत्पन्नो ऽध्वोपलभ्यते / पूर्वान्ततः सुभूते अष्टौ विमोक्षा नोपलभ्यन्ते / अपरान्ततो ऽष्टौ विमोक्षा नोपलभ्यन्ते / प्रत्युत्पन्नतो ऽष्टौ विमोक्षा नोपलभ्यन्ते / त्र्यध्वसमतायाम् अष्टौ विमोक्षा नोपलभ्यन्ते / न सुभूते समतायाम् अतीतो ऽध्वोपलभ्यते / नानागतो ऽध्वा न प्रत्युत्पन्नो ऽध्वोपलभ्यते / समतैव तावत् समतायां नोपलभ्यते / कुतः पुनः समतायाम् अतीतो ऽध्वोपलभ्यते / कुतो ऽनागतो ऽध्वा कुतः प्रत्युत्पन्नो ऽध्वोपलभ्यते / पूर्वान्ततः सुभूते नवानुपूर्वविहारसमापत्तयो नोपलभ्यन्ते / अपरान्ततो नवानुपूर्वविहारसमापत्तयो नोपलभ्यन्ते / प्रत्युत्पन्नतो नवानुपूर्वविहारसमापत्तयो नोपलभ्यन्ते / त्र्यध्वसमतायां नवानुपूर्वविहारसमापत्तयो नोपलभ्यन्ते / न सुभूते समतायाम् अतीतो ऽध्वोपलभ्यते / नानागतो ऽध्वा न प्रत्युत्पन्नो ऽध्वोपलभ्यते / समतैव तावत् समतायां नोपलभ्यते / कुतः पुनः समतायाम् अतीतो ऽध्वोपलभ्यते / कुतो ऽनागतो ऽध्वा कुतः प्रत्युत्पन्नो ऽध्वोपलभ्यते / पूर्वान्ततः सुभूते शून्यतानिमित्ताप्रणिहितविमोक्षमुखानि नोपलभ्यन्ते / अपरान्ततः शून्यतानिमित्ताप्रणिहितविमोक्षमुखानि नोपलभ्यन्ते / प्रत्युत्पन्नतः शून्यतानिमित्ताप्रणिहितविमोक्षमुखानि नोपलभ्यन्ते / त्र्यध्वसमतायां शून्यतानिमित्ताप्रणिहितविमोक्षमुखानि नोपलभ्यन्ते / न सुभूते समतायाम् अतीतो ऽध्वोपलभ्यते / नानागतो ऽध्वा न प्रत्युत्पन्नो ऽध्वोपलभ्यते / समतैव तावत् समतायां नोपलभ्यते /

कुतः पुनः समतायाम् अतीतो ऽध्वोपलभ्यते / कुतो ऽनागतो ऽध्वा कुतः प्रत्युत्पन्नो ऽध्वोपलभ्यते / पूर्वान्ततः सुभूते अभिज्ञा नोपलभ्यते / अपरान्ततो ऽभिज्ञा नोपलभ्यते / प्रत्युत्पन्नतो ऽभिज्ञा नोपलभ्यते / त्र्यध्वसमतायाम् अभिज्ञा नोपलभ्यते / न सुभूते समतायाम् अतीतो

ऽध्वोपलभ्यते / नानागतो ऽध्वा न प्रत्युत्पन्नो ऽध्वोपलभ्यते / समतैव तावत् समतायां नोपलभ्यते / कुतः पुनः समतायाम् अतीतो ऽध्वोपलभ्यते / कुतो ऽनागतो ऽध्वा कुतः प्रत्युत्पन्नो ऽध्वोपलभ्यते / पूर्वान्ततः सुभूते समाधयो नोपलभ्यन्ते / अपरान्ततः समाधयो नोपलभ्यन्ते / प्रत्युत्पन्नतः समाधयो नोपलभ्यन्ते / त्र्यध्वसमतायां समाधयो नोपलभ्यन्ते / न सुभूते समतायाम् अतीतो ऽध्वोपलभ्यते / नानागतो ऽध्वा न प्रत्युत्पन्नो ऽध्वोपलभ्यते / समतैव तावत् समतायां नोपलभ्यते / कुतः पुनः समतायाम् अतीतो ऽध्वोपलभ्यते / कुतो ऽनागतो ऽध्वा कुतः प्रत्युत्पन्नो ऽध्वोपलभ्यते / पूर्वान्ततः सुभूते धारणीमुखानि नोपलभ्यन्ते / अपरान्ततः धारणीमुखानि नोपलभ्यन्ते / प्रत्युत्पन्नतः धारणीमुखानि नोपलभ्यन्ते / त्र्यध्वसमतायां धारणीमुखानि नोपलभ्यन्ते / न सुभूते समतायाम् अतीतो ऽध्वोपलभ्यते / नानागतो ऽध्वा न प्रत्युत्पन्नो ऽध्वोपलभ्यते / समतैव तावत् समतायां नोपलभ्यते / कुतः पुनः समतायाम् अतीतो ऽध्वोपलभ्यते / कुतो ऽनागतो ऽध्वा कुतः प्रत्युत्पन्नो ऽध्वोपलभ्यते / पूर्वान्ततः सुभूते दश तथागतबलानि नोपलभ्यन्ते / अपरान्ततो दश तथागतबलानि नोपलभ्यन्ते / प्रत्युत्पन्नतो दश तथागतबलानि नोपलभ्यन्ते / त्र्यध्वसमतायां दश तथागतबलानि नोपलभ्यन्ते / न सुभूते समतायाम् अतीतो ऽध्वोपलभ्यते / नानागतो ऽध्वा न प्रत्युत्पन्नो ऽध्वोपलभ्यते / समतैव तावत् समतायां नोपलभ्यते / कुतः पुनः समतायाम् अतीतो ऽध्वोपलभ्यते / कुतो ऽनागतो ऽध्वा कुतः प्रत्युत्पन्नो ऽध्वोपलभ्यते /

पूर्वान्ततः सुभूते चत्वारि वैशारद्यानि नोपलभ्यन्ते / अपरान्ततश् चत्वारि वैशारद्यानि नोपलभ्यन्ते / प्रत्युत्पन्नतश् चत्वारि वैशारद्यानि नोपलभ्यन्ते / त्र्यध्वसमतायां चत्वारि वैशारद्यानि नोपलभ्यन्ते / न सुभूते समतायाम् अतीतो ऽध्वोपलभ्यते / नानागतो ऽध्वा न प्रत्युत्पन्नो ऽध्वोपलभ्यते / समतैव तावत् समतायां नोपलभ्यते / कुतः पुनः समतायाम् अतीतो ऽध्वोपलभ्यते / कुतो ऽनागतो ऽध्वा कुतः प्रत्युत्पन्नो ऽध्वोपलभ्यते / पूर्वान्ततः सुभूते चतस्रः प्रतिसंविदो नोपलभ्यन्ते / अपरान्ततश् चतस्रः प्रतिसंविदो नोपलभ्यन्ते / प्रत्युत्पन्नतश् चतस्रः प्रतिसंविदो नोपलभ्यन्ते / त्र्यध्वसमतायां चतस्रः प्रतिसंविदो नोपलभ्यन्ते / न सुभूते समतायाम् अतीतो ऽध्वोपलभ्यते / नानागतो ऽध्वा न प्रत्युत्पन्नो ऽध्वोपलभ्यते / समतैव तावत् समतायां नोपलभ्यते / कुतः पुनः समतायाम् अतीतो ऽध्वोपलभ्यते / कुतो ऽनागतो ऽध्वा कुतः प्रत्युत्पन्नो ऽध्वोपलभ्यते / पूर्वान्ततः सुभूते महाकरुणा नोपलभ्यते / अपरान्ततो महाकरुणा नोपलभ्यते / प्रत्युत्पन्नतो महाकरुणा नोपलभ्यते / त्र्यध्वसमतायां महाकरुणा नोपलभ्यन्ते / न सुभूते समतायाम् अतीतो ऽध्वोपलभ्यते / नानागतो ऽध्वा न प्रत्युत्पन्नो ऽध्वोपलभ्यते / समतैव तावत् समतायां नोपलभ्यते / कुतः पुनः समतायाम् अतीतो ऽध्वोपलभ्यते / कुतो ऽनागतो ऽध्वा कुतः प्रत्युत्पन्नो ऽध्वोपलभ्यते / पूर्वान्ततः सुभूते अष्टादशावेणिका बुद्धधर्मा नोपलभ्यन्ते / अपरान्ततो ऽष्टादशावेणिका बुद्धधर्मा नोपलभ्यन्ते / प्रत्युत्पन्नतो ऽष्टादशावेणिका बुद्धधर्मा नोपलभ्यन्ते /

त्र्यध्वसमतायाम् अष्टादशावेणिका बुद्धधर्मा नोपलभ्यन्ते / न सुभूते समतायाम् अतीतो ऽध्वोपलभ्यते / नानागतो ऽध्वा न प्रत्युत्पन्नो ऽध्वोपलभ्यते / समतैव तावत् समतायां नोपलभ्यते / कुतः पुनः समतायाम् अतीतो ऽध्वोपलभ्यते / कुतो ऽनागतो ऽध्वा कुतः प्रत्युत्पन्नो ऽध्वोपलभ्यते /

पुनर् अपरं सुभूते पूर्वान्ततः पृथग्जनो नोपलभ्यते / अपरान्ततः पृथग्जनो नोपलभ्यते / प्रत्युत्पन्नतः पृथग्जनो नोपलभ्यते / त्र्यध्वसमतायां पृथग्जनो नोपलभ्यते / तत् कस्य हेतोः सत्त्वानुपलब्धिताम् उपादाय / पुनर् अपरं सुभूते पूर्वान्ततः श्रावको नोपलभ्यते / अपरान्ततः श्रावको नोपलभ्यते / प्रत्युत्पन्नतः श्रावको नोपलभ्यते / त्र्यध्वसमतायां श्रावको नोपलभ्यते / तत् कस्य हेतोः सत्त्वानुपलब्धिताम् उपादाय / पुनर् अपरं सुभूते पूर्वान्ततः प्रत्येकबुद्धो नोपलभ्यते / अपरान्ततः प्रत्येकबुद्धो नोपलभ्यते / प्रत्युत्पन्नतः प्रत्येकबुद्धो नोपलभ्यते / त्र्यध्वसमतायां प्रत्येकबुद्धो नोपलभ्यते / तत् कस्य हेतोः सत्त्वानुपलब्धिताम् उपादाय / पुनर् अपरं सुभूते पूर्वान्ततो बोधिसत्त्वो नोपलभ्यते / अपरान्ततो बोधिसत्त्वो नोपलभ्यते / प्रत्युत्पन्नतो बोधिसत्त्वो नोपलभ्यते / त्र्यध्वसमतायां बोधिसत्त्वो नोपलभ्यते / तत् कस्य हेतोः सत्त्वानुपलब्धिताम् उपादाय / पुनर् अपरं सुभूते पूर्वान्ततस् तथागतो नोपलभ्यते / अपरान्ततस् तथागतो नोपलभ्यते / प्रत्युत्पन्नतस् तथागतो नोपलभ्यते / त्र्यध्वसमतायां तथागतो नोपलभ्यते / तत् कस्य हेतोः सत्त्वानुपलब्धिताम् उपादाय / एवं खलु बोधिसत्त्वेन महासत्त्वेन प्रज्ञापारमितायां स्थित्वा त्रिष्व् अध्वसु शिक्षित्वा सर्वाकारज्ञता परिपूरयितव्या / इदं सुभूते बोधिसत्त्वस्य महासत्त्वस्य त्र्यध्वसमतानाममहायानं / यत्र स्थित्वा बोधिसत्त्वो महासत्त्वः सदेवमानुषासुरं लोकम् अभिभूय सर्वाकारज्ञतायां निर्याति /

अथ खल्व् आयुष्मान् सुभूतिर् भगवन्तम् एतद् अवोचत् / साधु साधु भगवन् यावत् सुभाषितम् इदं भगवता बोधिसत्त्वानां महासत्त्वानां त्र्यध्वसमतानाममहयानं / अत्र भगवन् महायाने शिक्षित्वातीतैर् अपि बोधिसत्त्वैर् महासत्त्वैः सर्वाकारज्ञता समनुप्राप्ता / अनागता अपि भगवन् बोधिसत्त्वा महासत्त्वा अत्रैव महायाने शिक्षित्वा सर्वाकारज्ञताम् अनुप्राप्स्यन्ति / ये ऽपि ते भगवन्न् एतर्हि दशसु दिक्षु अप्रमेयासंख्येयेषु लोकधातुष्व् अपरिमाणा बोधिसत्त्वा महासत्त्वास् ते ऽप्य् अत्र महायाने शिक्षित्वा सर्वाकारज्ञताम् अनुप्राप्नुवन्ति / तस्मात् तर्हि भगवन् महायानम् इदं बोधिसत्त्वानां महासत्त्वानां यद् उत त्र्यध्वसमतानाम / एवम् उक्ते भगवान् आयुष्मन्तं सुभूतिम् एतद् अवोचत् / एवम् एतत् सुभूते एवम् एतत् / अत्र महायाने शिक्षित्वातीतानागतप्रत्युत्पन्नैस् तथागतैर् अर्हद्भिः सम्यक्संबुद्धैः सर्वाकारज्ञतानुप्राप्ता चानुप्राप्स्यते चानुप्राप्यते च //

शतसाहस्र्याः प्रज्ञापारमितायाः एकादश परिवर्तः // (श्sP_1.11)

अथ द्वादशः परिवर्तः /

अथ खलु पूर्णो मैत्रायणीपुत्रो भगवन्तम् एतद् अवोचत् / अयं भगवन् सुभूतिः स्थविरस् तथागतेनार्हता सम्यक्संबुद्धेन प्रज्ञापारमितायाः कृते अध्येषितः स महायानम् उपदेष्टव्यं मन्यते / अथायुष्मान् सुभूतिर् भगवन्तम् एतद् अवोचत् / मा हैवाहं भगवन् प्रज्ञापारमिताम् अतिक्रम्य महायानम् उपदिशामि / भगवान् आह / नो हीदं सुभूते ऽनुलोमं त्वं सुभूते प्रज्ञापारमिताया महायानम् उपदिश्यसि / तत् कस्य हेतोस् तथा हि सुभूते ये केचित् कुशला धर्माः श्रावकधर्मा वा प्रत्येकबुद्धधर्मा वा बोधिसत्त्वधर्मा वा बुद्धधर्मा वा सर्वे ते प्रज्ञापारमितायां संग्रहं समवसरणं गच्छन्ति / सुभूतिर् आह / कतमे भगवन् कुशला धर्मा बोधिपक्षाः वा के धर्माश् च प्रत्येकबुद्धधर्माश् च बोधिसत्त्वधर्माश् च बुद्धधर्माश् च ये प्रज्ञापारमितायां संग्रहं समवसरणं गच्छन्ति / भगवान् आह / तद्यथा चत्वारि स्मृत्युपस्थानानि / चत्वारि सम्यक्प्रहाणानि / चत्वार ऋद्धिपादाः / पञ्चेन्द्रियाणि / पञ्च बलानि / सप्त बोध्यङ्गानि / आर्याष्टाङ्गमार्गः / चत्वार्य् आर्यसत्यानि / शून्यतानिमित्ताप्रणिहितविमोक्षमुखानि / चत्वारि ध्यानानि / चत्वार्य् अप्रमाणानि / चतस्र आरूप्यसमापत्तयः / षड् अभिज्ञाः / दानपारमिता / शीलपारमिता / क्षान्तिपारमिता / वीर्यपारमिता / ध्यानपारमिता / प्रज्ञापारमिता / अध्यात्मशून्यता / बहिर्धाशून्यता / अध्यात्मबहिर्धाशून्यता / शून्यताशून्यता / महाशून्यता / परमार्थशून्यता / संस्कृतशून्यता / असंस्कृतशून्यता / अत्यन्तशून्यता / अनवराग्रशून्यता / अनवकारशून्यता / प्रकृतिशून्यता / सर्वधर्मशून्यता / स्वलक्षणशून्यता / अनुपलम्भशून्यता /

अभावशून्यता / स्वभावशून्यता / अभावस्वभावशून्यता / सर्वसमाधयः / सर्वधारणीमुखानि / दश तथागतबलानि / चत्वारि वैशारद्यानि / चतस्रः प्रतिसंविडः / महामैत्री / महाकरुणा / महामुदिता / महोपेक्षा / अष्टादशावेणिका बुद्धधर्माः / असंप्रमेयधर्मता / महोपेक्षाविहारिता / इमे सुभूते कुशला धर्मा बोधिपक्षाः / श्रावकधर्माश् च प्रत्येकबुद्धधर्माश् च बोधिसत्त्वधर्माश् च बुद्धधर्माश् च ये प्रज्ञापारमितायां संग्रहं समवसरणं गच्छन्ति / यच् च सुभूते महायानं यच् च प्रज्ञापारमिता ध्यानपारमिता वीर्यपारमिता क्षान्तिपारमिता शीलपारमिता दानपारमिता / यच् च रूपं या च वेदना या च संज्ञा ये च संस्काराः यच् च विज्ञानं यच् च चक्षुः यच् च रूपं यच् च चक्षुर्विज्ञानं यश् च चक्षुःसंस्पर्शो या च चक्षुःसंस्पर्शप्रत्ययवेदना / यच् च श्रोत्रं यश् च शब्दो यच् च श्रोत्रविज्ञानं यश् च श्रोत्रसंस्पर्शो या च श्रोत्रसंस्पर्शप्रत्ययवेदना / यच् च घ्राणं यश् च गन्धो यच् च घ्राणविज्ञानं यश् च घ्राणसंस्पर्शो या च घ्राणसंस्पर्शप्रत्ययवेदना / या च जिह्वा यश् च रसो यच् च जिह्वाविज्ञानं यश् च जिह्वासंस्पर्शो या च जिह्वासंस्पर्शप्रत्ययवेदना / यश् च कायो यश् च स्पर्शो यच् च कायविज्ञानं यश् च कायसंस्पर्शो या च कायसंस्पर्शप्रत्ययवेदना / यच् च मनो ये च धर्मा यच् च मनोविज्ञानं यश् च मनःसंस्पर्शो या च मनःसंस्पर्शप्रत्ययवेदना / या चाविद्या ये च संस्कारा यच् च विज्ञान यच् च नामरूपं यच् च षडायतनं यश् च स्पर्शो या च वेदना या च तृष्णा यच् चोपादानं यश् च भवो या च जातिर् यच् च जरामरणं /

या च दानपारमिता या च शीलपारमिता या च क्षान्तिपारमिता या च वीर्यपारमिता या च ध्यानपारमिता या च प्रज्ञापारमिता / या चाध्यात्मशून्यता या च बहिर्धाशून्यता या चाध्यात्मबहिर्धाशून्यता या च शून्यताशून्यता या च महाशून्यता या च परमार्थशून्यता या च संस्कृतशून्यता या चासंस्कृतशून्यता या चात्यन्तशून्यता या चानवराग्रशून्यता या चानवकारशून्यता या च प्रकृतिशून्यता या च सर्वधर्मशून्यता या च स्वलक्षणशून्यता या चानुपलम्भशून्यता या चाभावशून्यता या च स्वभावशून्यता या चाभावस्वभावशून्यता / यानि च स्मृत्युपस्थानानि यानि च सम्यक्प्रहाणानि / ये चर्धिपादाः / यानि चेन्द्रियाणि यानि च बलानि यानि च बोध्यङ्गानि यश् चार्याष्टाङ्गमार्गः / यानि चार्यासत्यानि यानि च ध्यानानि यानि चाप्रमाणानि याश् चारूप्यसमापत्तयो याश् च षड् अभिज्ञाः / यानि चाष्टाभिध्यायतनानि / यानि दश कृत्स्नायतनानि / ये चाष्टौ विमोक्षाः / याश् च नवानुपूर्वविहारसमापत्तयः / यच् च दुःखं यश् च समुदयो यश् च निरोधो यश् च मार्गः / यानि च शून्यतानिमित्ताप्रणिहितविमोक्षमुखानि / ये च समाधयो यानि च धारणीमुखानि यानि च दश तथागतबलानि / यानि च चत्वारि वैशारद्यानि / याश् च चतस्रः प्रतिसंविदो या च महाकरुणा ये चाष्टादशावेणिका बुद्धधर्माः / यश् च कामधातुर् यश् चारूप्यधातुर् ये च कुशलधर्माः ये च साश्रवा धर्माः ये चानाश्रवा धर्माः ये च लौकिका धर्माः ये च लोकोत्तरा धर्माः ये च संस्कृतधर्माः ये चासंस्कृतधर्माः यश् च तथागतधर्मः /

यश् च तथागतेन प्रवेशितो धर्मविनयो यश् च धर्मधातुर् या च तथता या च भूतकोटि यश् चाचिन्त्यधातुर् यश् च निर्वाणधातुः सर्वत्र एते धर्माः न संयुक्ता न विसंयुक्ताः / अरूपिणो ऽनिदर्शना अप्रतिघा एकलक्षणा यद् उतालक्षणाः / अनेन त्वं सुभूते पर्यायेण प्रज्ञापारमिताया अनुलोमं महायानम् उपदिशामि / तत् कस्य हेतोर् न हि सुभूते ऽन्यन् महायानम् अन्या प्रज्ञापारमिता / इति हि महायानञ् च प्रज्ञापारमिता चाद्वयम् एतद् अध्वैधीकारं / नान्यन् महायानम् अन्या ध्यानपारमिता / इति हि महायानञ् च प्रज्ञापारमिता चाद्वयम् एतद् अद्वैधीकारं / नान्यन् महायानम् अन्या वीर्यपारमिता / इति हि महायानञ् च वीर्यपारमिता चाद्वयम् एतद् अद्वैधीकारं / नान्यन् महायानम् अन्या क्षान्तिपारमिता / इति हि महायानञ् च क्षान्तिपारमिता चाद्वयम् एतद् अद्वैधीकारं / नान्यन् महायानम् अन्या शीलपारमिता / इति हि महायानञ् च शीलपारमिता चाद्वयम् एतद् अद्वैधीकारं / नान्यन् महायानम् अन्या दानपारमिता / इति हि महायानञ् च दानपारमिता चाद्वयम् एतद् अद्वैधीकारं / नान्यन् महायानम् अन्याध्यात्मशून्यता / इति हि महायानञ् चाध्यात्मशून्यता चाद्वयम् एतद् अद्वैधीकारं / नान्यन् महायानम् अन्या बहिर्धाशून्यता / इति हि महायानञ् च बहिर्धाशून्यता चाद्वयम् एतद् अद्वैधीकारं / नान्यन् महायानम् अन्याध्यात्मबहिर्धाशून्यता / इति हि महायानञ् चाध्यात्मबहिर्धाशून्यता चाद्वयम् एतद् अद्वैधीकारं / नान्यन् महायानम् अन्या शून्यताशून्यता / इति हि महायानञ् च शून्यताशून्यता चाद्वयम् एतद् अद्वैधीकारं / नान्यन् महायानम् अन्या महाशून्यता / इति हि महायानञ् च महाशून्यता चाद्वयम् एतद् अद्वैधीकारं /

नान्यन् महायानं नान्या परमार्थशून्यता / इति हि महायानञ् च परमार्थशून्यता चाद्वयम् एतद् अद्वैधीकारं / नान्यन् महायानम् अन्या संस्कृतशून्यता / इति हि महायानञ् च संस्कृतशून्यता चाद्वयम् एतद् अद्वैधीकारं / नान्यन् महायानम् अन्यासंस्कृतशून्यता / इति हि महायानञ् चासंस्कृतशून्यता चाद्वयम् एतद् अद्वैधीकारं / नान्यन् महायानम् अन्यात्यन्तशून्यता / इति हि महायानञ् चात्यन्तशून्यता चाद्वयम् एतद् अद्वैधीकारं / नान्यन् महायानम् अन्यानवराग्रशून्यता / इति हि महायानञ् चानवराग्रशून्यता चाद्वयम् एतद् अद्वैधीकारं / नान्यन् महायानम् अन्यानवकारशून्यता / इति हि महायानञ् चानवकारशून्यता चाद्वयम् एतद् अद्वैधीकारं / नान्यन् महायानम् अन्या प्रकृतिशून्यता / इति हि महायानञ् च प्रकृतिशून्यता चाद्वयम् एतद् अद्वैधीकारं / नान्यन् महायानम् अन्या सर्वधर्मशून्यता / इति हि महायानञ् च सर्वधर्मशून्यता चाद्वयम् एतद् अद्वैधीकारं / नान्यन् महायानम् अन्या स्वलक्षणशून्यता / इति हि महायानञ् च स्वलक्षणशून्यता चाद्वयम् एतद् अद्वैधीकारं / नान्यन् महायानम् अन्यानुपलम्भशून्यता / इति हि महायानञ् चानुपलम्भशून्यता चाद्वयम् एतद् अद्वैधीकारं / नान्यन् महायानम् अन्याभावशून्यता / इति हि महायानञ् चाभावशून्यता चाद्वयम् एतद् अद्वैधीकारं / नान्यन् महायानम् अन्या स्वभावशून्यता / इति हि महायानञ् च स्वभावशून्यता चाद्वयम् एतद् अद्वैधीकारं / नान्यन् महायानम् अन्याभावस्वभावशून्यता / इति हि महायानञ् चाभावस्वभावशून्यता चाद्वयम् एतद् अद्वैधीकारं /

नान्यन् महायानम् अन्यानि स्मृत्युपस्थानानि / इति हि महायानञ् च स्मृत्युपस्थानानि चाद्वयम् एतद् अद्वैधीकारं / नान्यन् महायानम् अन्यानि सम्यक्प्रहाणानि / इति हि महायानञ् च सम्यक्प्रहाणानि चाद्वयम् एतद् अद्वैधीकारं / नान्यन् महायानम् अन्ये ऋद्धिपादाः / इति हि महायानञ् चर्धिपादाश् चाद्वयम् एतद् अद्वैधीकारं / नान्यन् महायानम् अन्यानीन्द्रियाणि / इति हि महायानञ् चेन्द्रियाणि चाद्वयम् एतद् अद्वैधीकारं / नान्यन् महायानम् अन्यानि बलानि / इति हि महायानञ् च बलानि चाद्वयम् एतद् अद्वैधीकारं / नान्यन् महायानम् अन्यानि बोध्यङ्गानि / इति हि महायानञ् च बोध्यङ्गानि चाद्वयम् एतद् अद्वैधीकारं / नान्यन् महायानम् अन्य आर्याष्टाङ्गमार्गः / इति हि महायानञ् चार्याष्टाङ्गमार्गश् चाद्वयम् एतद् अद्वैधीकारं / नान्यन् महायानम् अन्यान्य् आर्यसत्यानि / इति हि महायानञ् चार्यसत्यानि चाद्वयम् एतद् अद्वैधीकारं / नान्यन् महायानम् अन्यानि ध्यानानि / इति हि महायानञ् च ध्यानानि चाद्वयम् एतद् अद्वैधीकारं / नान्यन् महायानम् अन्यान्य् अप्रमाणानि / इति हि महायानञ् चाप्रमाणानि चाद्वयम् एतद् अद्वैधीकारं / नान्यन् महायानम् अन्या आरूप्यसमापत्तयः / इति हि महायानञ् चारूप्यसमापत्तयश् चाद्वयम् एतद् अद्वैधीकारं / नान्यन् महायानम् अन्ये ऽष्टौ विमोक्षाः / इति हि महायानञ् च विमोक्षाश् चाद्वयम् एतद् अद्वैधीकारं / नान्यन् महायानम् अन्या नवानुपूर्वविहारसमापत्तयः / इति हि महायानञ् चानुपूर्वविहारसमापत्तयश् चाद्वयम् एतद् अद्वैधीकारं / नान्यन् महायानम् अन्यानि शून्यतानिमित्ताप्रणिहितविमोक्षमुखानि / इति हि महायानञ् च शून्यतानिमित्ताप्रणिहितविमोक्षमुखानि चाद्वयम् एतद् द्वैधीकारं /

नान्यन् महायानम् अन्या अभिज्ञा / इति हि महायानञ् चाभिज्ञाश् चाद्वयम् एतद् अद्वैधीकारं / नान्यन् महायानम् अन्ये समाधयः / इति हि महायानञ् च समाधयश् चाद्वयम् एतद् अद्वैधीकारं / नान्यन् महायानम् अन्यानि धारणीमुखानि / इति हि महायानञ् च धारणीमुखानि चाद्वयम् एतद् अद्वैधीकारं / नान्यन् महायानम् अन्यानि दश तथागतबलानि / इति हि महायानञ् च तथागतबलानि चाद्वयम् एतद् अद्वैधीकारं / नान्यन् महायानम् अन्यानि वैशारद्यानि / इति हि महायानञ् च वैशारद्यानि चाद्वयम् एतद् अद्वैधीकारं / नान्यन् महायानम् अन्याश् चतस्रः प्रतिसंविदः / इति हि महायानञ् च प्रतिसंविदश् चाद्वयम् एतद् अद्वैधीकारं / नान्यन् महायानम् अन्या महाकरुणा / इति हि महायानञ् च महाकरुणा चाद्वयम् एतद् अद्वैधीकारं / नान्यन् माहायानम् अन्ये ऽष्टादशावेणिका बुद्धधर्माः / इति हि महायानञ् चावेणिकबुद्धधर्माश् चाद्वयम् एतद् अद्वैधीकारं /

अनेन सुभूते पर्यायेण महायानम् उपदिश्य प्रज्ञापारमितोपदिष्टा भवति / प्रज्ञापारमिताम् उपदिश्य महायानम् उपदिष्टं भवति / अथायुष्मान् सुभूतिर् भगवन्तम् एतद् अवोचत् / अपि तु खलु पुनर् भगवन् पूर्वान्ततो बोधिसत्त्वो नोपलभ्यते / अपरान्ततो बोधिसत्त्वो नोपलभ्यते / मध्यतो ऽपि बोधिसत्त्वो नोपलभ्यते / रूपापर्यन्ततया बोधिसत्त्वापर्यन्तता वेदितव्या / वेदनापर्यन्ततया बोधिसत्त्वापर्यन्तता वेदितव्या / संज्ञापर्यन्ततया बोधिसत्त्वापर्यन्तता वेदितव्या / संस्कारापर्यन्ततया बोधिसत्त्वापर्यन्तता वेदितव्या / विज्ञानापर्यन्ततया बोधिसत्त्वापर्यन्तता वेदितव्या / रूपं बोधिसत्त्व इत्य् एवम् अपि न संविद्यते नोपलभ्यते / वेदना बोधिसत्त्व इत्य् एवम् अपि न संविद्यते नोपलभ्यते / संज्ञा बोधिसत्त्व इत्य् एवम् अपि न संविद्यते नोपलभ्यते / संस्कारा बोधिसत्त्व इत्य् एवम् अपि न संविद्यते नोपलभ्यते / विज्ञानं बोधिसत्त्व इत्य् एवम् अपि न संविद्यते नोपलभ्यते / एवम् अहं भगवन् सर्वेण सर्वं सर्वथा सर्वं बोधिसत्त्वम् असमनुपश्यन्न् अनुपलम्भमानः कतमं बोधिसत्त्वं कतमस्यां पज्ञापारमितायाम् अववदिष्याम्य् अनुशासिष्यामि / बोधिसत्त्वम् एव तावत् सकलं न समनुपश्यामि नोपलभे / तत् कतमं बोधिसत्त्वं कतमस्यां प्रज्ञापारमितायाम् अववदिष्याम्य् अनुशासिष्यामि / बोधिसत्त्वो महासत्त्व इति भगवन्न् उच्यते नाममात्रम् एतत् / यथा आत्मेति भगवन्न् अच्यते ऽत्यन्तानभिनिर्वृत्तश् चात्मा / एवम् एव भगवन् बोधिसत्त्वो महासत्त्व इत्य् उच्यते ऽत्यन्तानभिनिर्वृत्तश् च बोधिसत्त्वः / एवम् अभावस्वभावानां धर्माणां कतमत् तद् रूपं यद् अनभिनिर्वृत्तं /

कतमा सा वेदनायानभिनिवृत्ता / कतमा सा संज्ञा यानभिनिर्वृत्ता / कतमे ते संस्कारा ये ऽनभिनिर्वृत्ताः / कतमत् तद् विज्ञानं यद् अनभिनिर्वृत्तं / यच् च भगवन्न् अनभिनिर्वृत्तं / न तद् रूपं या चानभिनिर्वृत्ता न सा वेदना / या चानभिनिर्वृत्ता न सा संज्ञा / ये चानभिनिर्वृत्ता न ते संस्काराः / यद् अनभिनिर्वृत्तं न तद् विज्ञानं / तत् किम् अनभिनिर्वृत्तम् अनभिनिर्वृत्तायां प्रज्ञापारमितायाम् अववदिष्याम्य् अनुशासिष्यामि / न चान्यत्रानभिनिर्वृत्तेर् बोधिसत्त्वो महासत्त्व उपलभ्यते / यो बोधाय चरेत् / सचेद् एकनिर्दिश्यमाने बोधिसत्त्वस्य महासत्त्वस्य चित्तं नावलीयते न संलीयते न विप्रतिसारी भवति मानसं नोत्त्रस्यति न संत्रस्यति न संत्रासम् आपाद्यते / चरत्य् अयं बोधिसत्त्वो महासत्त्वः प्रज्ञापारमितायां /

अथायुष्मान् शारद्वतीपुत्र आयुष्मन्तं सुभूतिम् एतद् अवोचत् / केन कारणेनायुष्मन् सुभूते पूर्वान्ततो बोधिसत्त्वो नोपैति / अपरान्ततो बोधिसत्त्वो नोपैति मध्यतो बोधिसत्त्वो नोपैति / केन कारणेनायुष्मन् सुभूते रूपापर्यन्ततया बोधिसत्त्वापर्यन्तता वेदितव्या / वेदनापर्यन्ततया बोधिसत्त्वापर्यन्तता वेदितव्या / संज्ञापर्यन्ततया बोधिसत्त्वापर्यन्तता वेदितव्या / संस्कारापर्यन्ततया बोधिसत्त्वापर्यन्तता वेदितव्या / विज्ञानापर्यन्ततया बोधिसत्त्वापर्यन्तता वेदितव्या / केन कारणेनायुष्मन् सुभूते रूपं बोधिसत्त्व इत्य् एवम् अपि न संविद्यते नोपलभ्यते / वेदना बोधिसत्त्व इत्य् एवम् अपि न संविद्यते नोपलभ्यते / संज्ञा बोधिसत्त्व इत्य् एवम् अपि न संविद्यते नोपलभ्यते / विज्ञानं बोधिसत्त्व इत्य् एवम् अपि न संविद्यते नोपलभ्यते / केन कारणेनायुष्मन् सुभूते एवं वदस्य् एवम् अहं सर्वेण सर्वं सर्वथा सर्वं बोधिसत्त्वम् असमनुपश्यन्न् अनुपलभमानः कतमं बोधिसत्त्वं कतमस्यां प्रज्ञापारमितायाम् अववदिष्याम्य् अनुशासिष्यामि / केन कारणेनायुष्मन् सुभूते एवं वदसि बोधिसत्त्वम् एव तावत् सकलं न समनुपश्यामि नोपलभे / कतमं बोधिसत्त्वं कतमस्यां प्रज्ञापारमितायाम् अवदिष्याम्य् अनुशासिष्यामि / केन कारणेनायुष्मन् सुभूते एवं वदसि बोधिसत्त्वो बोधिसत्त्व इति भगवन्न् उच्यते / यावद् एव नाममात्रम् एतत् / केन कारणेनायुष्मन् सुभूते एवं वदसि यथा आत्मेत्य् उच्यते अत्यन्तानभिनिर्वृत्तश् चात्मा / एवम् एव भगवन् बोधिसत्त्वो महासत्त्व इत्य् उच्यते अत्यन्तानभिनिर्वृत्तश् च बोधिसत्त्वः /

एवम् अभावस्वभावानां सर्वधर्माणां कतमत् तद् रूपं यद् अनभिनिर्वृत्तं / कतमा सा वेदना यानभिनिर्वृत्ता / कतमा सा संज्ञा यानभिनिर्वृत्ता / कतमे ते संस्कारा ये ऽनभिनिर्वृत्ता / कतमं तद् विज्ञानं यद् अनभिनिर्वृत्तं / यद् अनभिनिर्वृत्तं न तद् रूपं / यानभिनिर्वृत्ता न सा वेदना / यानभिनिवृत्ता न सा संज्ञा / ये ऽनभिनिर्वृत्ता न ते संस्काराः / यद् अनभिनिर्वृत्तं न तद् विज्ञानं / केन कारणेन सुभूते एवं वदसि तत् किम् अनभिनिर्वृत्तम् अनभिनिर्वृत्तायां प्रज्ञापारमितायाम् अववदिष्याम्य् अनुशासिष्यामि / केन कारणेन सुभूते एवं नान्यत्रानभिनिर्वृत्तैर् बोधिसत्त्व उपलभ्यते यो बोधाय चरेत् / केन कारणेन सुभूते एवं वदसि सचेद् एवं निर्देश्यमाने बोधिसत्त्वस्य महासत्त्वस्य चित्तं नावलीयते न संलीयते न विप्रतिसारी भवति मानसं नोत्त्रस्यति न संत्रस्यति न संत्रासम् आपद्यते चरत्य् अयं बोधिसत्त्वो महासत्त्वः प्रज्ञापारमितायाम् इति / एवम् उक्ते आयुष्मान् सुभूतिर् आयुष्मन्तं शारद्वतीपुत्रम् एतद् अवोचत् / सत्त्वासत्तयायुष्मञ् छारद्वतीपुत्र पूर्वान्ततो बोधिसत्त्वो नोपैति / सत्त्वविविक्ततया पूर्वान्ततो बोधिसत्त्वो नोपैति / सत्त्वास्वभावतया पूर्वान्ततो बोधिसत्त्वो नोपैति / सत्त्वासत्तयापरान्ततो बोधिसत्त्वो नोपैति / सत्त्वाशून्यतया सत्त्वविविक्ततया सत्त्वास्वभावतया अपरान्ततो बोधिसत्त्वो नोपैति / सत्त्वासत्तया मध्यतो बोधिसत्त्वो नोपैति / सत्त्वशून्यतया सत्त्वविविक्ततया सत्त्वास्वभावतया मध्यतो बोधिसत्त्वो नोपैति /

तत् कस्य हेतोर् न ह्य् आयुष्मञ् छारद्वतीपुत्र सत्त्वासत्तयो सत्त्वशून्यतायां सत्त्वविविक्ततायां सत्त्वास्वभावतायां पूर्वान्त उपलभ्यते नापरान्तो न मध्य उपलभ्यते / न चान्यासत्त्वासत्तान्या सत्त्वशून्यतान्या सत्त्वविविक्ततान्या सत्त्वास्वभावतान्यो बोधिसत्त्वो ऽन्यः पूर्वान्तो ऽन्यो ऽपरान्तो ऽन्यो मध्य इति ह्य् आयुष्मञ् छारद्वतीपुत्र या च सत्त्वासत्ता या च सत्त्वशून्यता या च सत्त्वविविक्तता या च सत्त्वस्वभावता यश् च पूर्वान्तो यश् चापरान्तो यच् च मध्यं सर्वम् एतद् अद्वयम् अद्वैधीकारं / रूपासत्तयायुष्मञ् छारद्वतीपुत्र पूर्वान्ततो बोधिसत्त्वो नोपैति / रूपशून्यतया पूर्वान्ततो बोधिसत्त्वो नोपैति / रूपविविक्ततया पूर्वान्ततो बोधिसत्त्वो नोपैति / रूपास्वभावतया पूर्वान्ततो बोधिसत्त्वो नोपैति / रूपासत्तयापरान्ततो बोधिसत्त्वो नोपैति / रूपशून्यतयापरान्ततो बोधिसत्त्वो नोपैति / रूपविविक्ततयापरान्ततो बोधिसत्त्वो नोपैति / रूपास्वभावतयापरान्ततो बोधिसत्त्वो नोपैति / रूपासत्तया मध्यतो बोधिसत्त्वो नोपैति / रूपशून्यतया मध्यतो बोधिसत्त्वो नोपैति / रूपविविक्ततया मध्यतो बोधिसत्त्वो नोपैति / रूपास्वभावतया मध्यतो बोधिसत्त्वो नोपैति / तत् कस्य हेतोर् न ह्य् आयुष्मञ् छारद्वतीपुत्र रूपासत्तयो रूपशून्यतायां रूपविविक्ततायां रूपास्वभावतायां पूर्वान्त उपलभ्यते नापरान्त उपलभ्यते न मध्य उपलभ्यते / न चान्यारूपासत्तान्या रूपशून्यतान्या रूपविविक्ततान्या रूपास्वभावतान्यो बोधिसत्त्वो ऽन्यः पूर्वान्तो ऽन्यो ऽपरान्तो ऽन्यो मध्यं /

इति ह्य् आयुष्मञ् छारद्वतीपुत्र या च रूपासत्ता या च रूपशून्यता या च रूपविविक्तता या च रूपास्वभावता यश् च बोधिसत्त्वो यश् च पूर्वान्तो यश् चापरान्तो यच् च मध्यं सर्वम् एतद् अद्वयम् अद्वैधीकारं /

वेदनासत्तयायुष्मञ् छारद्वतीपुत्र पूर्वान्ततो बोधिसत्त्वो नोपैति / वेदनाशून्यतया पूर्वान्ततो बोधिसत्त्वो नोपैति / वेदनाविविक्ततया पूर्वन्ततो बोधिसत्त्वो नोपैति / वेदनास्वभावतया पूर्वान्ततो बोधिसत्त्वो नोपैति / वेदनासत्तयापरान्ततो बोधिसत्त्वो नोपैति / वेदनाशून्यतयापरान्ततो बोधिसत्त्वो नोपैति / वेदनाविविक्ततयापरान्ततो बोधिसत्त्वो नोपैति / वेदनास्वभावतयापरान्ततो बोधिसत्त्वो नोपैति / वेदनासत्तया मध्यतो बोधिसत्त्वो नोपैति / वेदनाशून्यतया मध्यतो बोधिसत्त्वो नोपैति / वेदनाविविक्ततया मध्यतो बोधिसत्त्वो नोपैति / तत् कस्य हेतोर् न ह्य् आयुष्मञ् छारद्वतीपुत्र वेदनासत्तया वेदनाशून्यतायां वेदनाविविक्ततायां वेदनास्वभावतायां पूर्वान्त उपलभ्यते / नापरान्त उपलभ्यते / न मध्यं उपलभ्यते / न चान्या वेदनासत्तान्या वेदनाशून्यतान्या वेदनाविविक्ततान्या वेदनास्वभावतान्यो बोधिसत्त्वो ऽन्यः पूर्वान्तो ऽन्यो ऽपरान्तो ऽन्यन् मध्यं / इति ह्य् आयुश्मञ् छारद्वतीपुत्र या च वेदनासत्ता या च वेदनाशून्यता या च वेदनाविविक्ततो या च वेदनास्वभावतायश् च बोधिसत्त्वो यश् च पूर्वान्तो यश् चापरान्तो यच् च मध्यं सर्वम् एतद् अद्वयम् अद्वैधीकारं /

संज्ञासत्तायायुष्मञ् छारद्वतीपुत्र पूर्वान्ततो बोधिसत्त्वो नोपैति / संज्ञाशून्यतया पूर्वान्ततो बोधिसत्वो नोपैति / संज्ञाविविक्ततया पूर्वान्ततो बोधिसत्त्वो नोपैति / संज्ञास्वभावतया पूर्वान्ततो बोधिसत्त्वो नोपैति / संज्ञासत्तयापरान्ततो बोधिसत्त्वो नोपैति / संज्ञाशून्यतयापरान्ततो बोधिसत्त्वो नोपैति / संज्ञाविविक्ततयापरान्ततो बोधिसत्त्वो नोपैति / संज्ञास्वभावतयापरान्ततो बोधिसत्त्वो नोपैति / संज्ञासत्तया मध्यतो बोधिसत्त्वो नोपैति / संज्ञाशून्यतया मध्यतो बोधिसत्त्वो नोपैति / संज्ञाविविक्ततया मध्यतो बोधिसत्त्वो नोपैति / संज्ञास्वभावतया मध्यतो बोधिसत्त्वो नोपैति / तत् कस्य हेतोर् न ह्य् आयुष्मञ् छारद्वतीपुत्र संज्ञासत्तायां संज्ञाशून्यतायां संज्ञाविविक्ततायां संज्ञास्वभावतायां पूर्वान्त उपलभ्यते / नापरान्त उपलभ्यते / न मध्यम् उपलभ्यते / न चान्या संज्ञासत्तान्या संज्ञाशून्यतान्या संज्ञाविविक्ततान्या संज्ञास्वभावता / अन्यो बोधिसत्त्वो ऽन्यः पूर्वान्तो ऽन्यो ऽपरान्तो ऽन्या मध्यं / इति ह्य् आयुष्मञ् छारद्वतीपुत्र या च संज्ञासत्ता या च संज्ञाशून्यता या च संज्ञाविविक्तता या च संज्ञास्वभावता यश् च बोधिसत्त्वो यश् च पूर्वान्तो यश् चापरान्तो यच् च मध्यं सर्वम् एतद् अद्वयम् अद्वैधीकारं /

संस्कारासत्तयायुष्मञ् छारद्वतीपुत्र पूर्वान्ततो बोधिसत्त्वो नोपैति / संस्कारशून्यतया पूर्वन्ततो बोधिसत्त्वो नोपैति / संस्कारविविक्ततया पूर्वन्ततो बोधिसत्त्वो नोपैति / संस्कारास्वभावतया पूर्वान्ततो बोधिसत्त्वो नोपैति / संस्कारासत्तयापरान्ततो बोधिसत्त्वो नोपैति / संस्कारशून्यतयापरान्ततो बोधिसत्त्वो नोपैति / संस्कारविविक्ततयापरान्ततो बोधिसत्त्वो नोपैति / संस्कारास्वभावतयापरान्ततो बोधिसत्त्वा नोपैति / संस्कारासत्तया मध्यतो बोधिसत्त्वो नोपैति / संस्कारशून्यतया मध्यतो बोधिसत्त्वो नोपैति / संस्कारविविक्ततया मध्यतो बोधिसत्त्वो नोपैति / संस्कारास्वभावतया मध्यतो बोधिसत्त्वो नोपैति / तत् कस्य हेतोर् न ह्य् आयुष्मञ् छारदतीपुत्र संस्कारासत्तयां संस्कारशून्यतायां संस्कारविविक्ततायां संस्कारास्वभावतायां पूर्वान्त उपलभ्यते / नापरान्त उपलभ्यते / न मध्यम् उपलभ्यते / न चान्या संस्कारासत्तान्या संस्कारशून्यतान्या संस्कारविविक्ततान्या संस्कारास्वभावतान्यो बोधिसत्त्वो ऽन्यः पूर्वान्तो ऽन्यो ऽपरान्तो ऽन्यन् मध्यं / इति ह्य् आयुष्मञ् छारद्वतीपुत्र / या च संस्कारासत्ता या च संस्कारशून्यता या च संस्कारविविक्तता या च संस्कारास्वभावता यश् च बोधिसत्त्वो यश् च पूर्वान्तो यश् चापरान्तो यच् च मध्यं सर्वम् एतद् अद्वयम् अद्वैधीकारं /

विज्ञानासत्तयायुष्मञ् छारद्वतीपुत्र पूर्वान्ततो बोधिसत्त्वो नोपैति / विज्ञानशून्यतया पूर्वान्ततो बोधिसत्त्वो नोपैति / विज्ञानविविक्ततया पूर्वान्ततो बोधिसत्त्वो नोपैति / विज्ञानास्वभावतया पूर्वान्ततो बोधिसत्त्वो नोपैति / विज्ञानासत्तयापरान्ततो बोधिसत्त्वो नोपैति / विज्ञानशून्यतयापरान्ततो बोधिसत्त्वो नोपैति / विज्ञानविविक्ततयापरान्ततो बोधिसत्त्वो नोपैति / विज्ञानास्वभावतयापरान्ततो बोधिसत्त्वो नोपैति / विज्ञानासत्तया मध्यतो बोधिसत्त्वो नोपैति / विज्ञानशून्यतया मध्यतो बोधिसत्त्वो नोपैति / विज्ञानविविक्ततया मध्यतो बोधिसत्त्वो नोपैति / विज्ञानास्वभावतया मध्यतो बोधिसत्त्वो नोपैति / तत् कस्य हेतोर् न ह्य् आयुष्मञ् छारद्वतीपुत्र विज्ञानासत्तायां विज्ञानशून्यतायां विज्ञानविविक्ततायां विज्ञानास्वभावतायां पूर्वान्त उपलभ्यते / नापरान्त उपलभ्यते / न मध्यम् उपलभ्यते / न चान्या विज्ञानासत्तान्या विज्ञानशून्यतान्या विज्ञानविविक्ततो ऽन्या विज्ञानास्वभावतान्यो बोधिसत्त्वो ऽन्यः पूर्वान्तो ऽन्यो ऽपरान्तो ऽन्यन् मध्यं / इति ह्य् आयुष्मञ् छारद्वतीपुत्र या च विज्ञानासत्ता या च विज्ञानशून्यता या च विज्ञानविविक्तता या च विज्ञानास्वभावता यश् च बोधिसत्त्वो यश् च पूर्वान्तो यश् चापरान्तो यच् च मध्यं सर्वम् एतद् अद्वयम् अद्वैधीकारं /

चक्षुरसत्तयायुष्मञ् छारद्वतीपुत्र पूर्वान्ततो बोधिसत्त्वो नोपैति / चक्षुःशून्यतया पूर्वान्ततो बोधिसत्त्वो नोपैति / चक्षुर्विविक्ततया पूर्वान्ततो बोधिसत्त्वो नोपैति / चक्षुरस्वभावतया पूर्वान्ततो बोधिसत्त्वो नोपैति / चक्षुरसत्तयापरान्ततो बोधिसत्त्वो नोपैति / चक्षुःशून्यतयापरान्ततो बोधिसत्त्वो नोपैति / चक्षुर्विविक्ततयापरान्ततो बोधिसत्त्वो नोपैति / चक्षुरस्वभावतयापरान्ततो बोधिसत्त्वो नोपैति / चक्षुरसत्तया मध्यतो बोधिसत्त्वो नोपैति / चक्षुःशून्यतया मध्यतो बोधिसत्त्वो नोपैति / चक्षुर्विविक्ततया मध्यतो बोधिसत्त्वो नोपैति / चक्षुरस्वभावतया मध्यतो बोधिसत्त्वो नोपैति / तत् कस्य हेतोर् न ह्य् आयुष्मञ् छारद्वतीपुत्र चक्षुरसत्तायां चक्षुःशून्यतायां चक्षुर्विविक्ततायां चक्षुरस्वभावतायां पूर्वान्त उपलभ्यते / नापरान्त उपलभ्यते / न मध्यम् उपलभ्यते न चान्या चक्षुरसत्तान्या चक्षुःशून्यतान्या चक्षुर्विविक्ततो ऽन्या चक्षुरस्वभावतान्या बोधिसत्त्वो ऽन्यः पूर्वान्तो ऽन्यो ऽपरान्तो ऽन्यन् मध्यं / इति ह्य् आयुष्मञ् छारद्वतीपुत्र या च चक्षुरसत्ता या च चक्षुःशून्यता या च चक्षुर्विविक्तता या च चक्षुरस्वभावता यश् च बोधिसत्त्वो यश् च पूर्वान्तो यश् चापरान्तो यच् च मध्यं सर्वम् एतद् अद्वयम् अद्वैधीकारं /

श्रोत्रासत्तयायुष्मञ् छारद्वतीपुत्र पूर्वान्ततो बोधिसत्त्वो नोपैति / श्रोत्रशून्यतया पूर्वान्ततो बोधिसत्त्वो नोपैति / श्रोत्रविविक्ततया पूर्वान्ततो बोधिसत्त्वो नोपैति / श्रोत्रास्वभावतया पूर्वान्ततो बोधिसत्त्वो नोपैति / श्रोत्रासत्तयापरान्ततो बोधिसत्त्वो नोपैति / श्रोत्रशून्यतयापरान्ततो बोधिसत्त्वो नोपैति / श्रोत्रविविक्ततयापरान्ततो बोधिसत्त्वो नोपैति / श्रोत्रास्वभावतयापरान्ततो बोधिसत्त्वो नोपैति / श्रोत्रासत्तया मध्यतो बोधिसत्त्वो नोपैति / श्रोत्रशून्यतया मध्यतो बोधिसत्त्वो नोपैति / श्रोत्रविविक्ततया मध्यतो बोधिसत्त्वो नोपैति / श्रोत्रास्वभावतया मध्यतो बोधिसत्त्वो नोपैति / तत् कस्य हेतोर् न ह्य् आयुष्मञ् छारद्वतीपुत्र श्रोत्रासत्तायां श्रोत्रशून्यतायां श्रोत्रविविक्ततायां श्रोत्रास्वभावतायां पूर्वान्त उपलभ्यते / नापरान्त उपलभ्यते / न मध्यम् उपलभ्यते / न चान्या श्रोत्रासत्तान्या श्रोत्रशून्यतान्या श्रोत्रविविक्ततान्या श्रोत्रास्वभावतान्यो बोधिसत्त्वो ऽन्यः पूर्वान्तो ऽन्यो ऽपरान्तो ऽन्यन् मध्यं / इति ह्य् आयुष्मञ् छारद्वतीपुत्र या च श्रोत्रासत्ता या च श्रोत्रशून्यता या च श्रोत्रविविक्तता या च श्रोत्रस्वभावता यश् च बोधिसत्त्वो यश् च पूर्वान्तो यश् चापरान्तो यच् च मध्यं सर्वम् एतद् अद्वयम् अद्वैधीकारं /

घ्राणासत्तयायुष्मञ् छारद्वतीपुत्र पूर्वान्ततो बोधिसत्त्वो नोपैति / घ्राणशून्यतया पूर्वान्ततो बोधिसत्त्वो नोपैति / घ्राणविविक्ततया पूर्वान्ततो बोधिसत्त्वो नोपैति / घ्राणास्वभावतया पूर्वान्ततो बोधिसत्त्वो नोपैति / घ्राणासत्तयापरान्ततो बोधिसत्त्वो नोपैति / घ्राणशून्यतयापरान्ततो बोधिसत्त्वो नोपैति / घ्राणविविक्ततयापरान्ततो बोधिसत्त्वो नोपैति / घ्राणास्वभावतयापरान्ततो बोधिसत्त्वो नोपैति / घ्राणासत्तया मध्यतो बोधिसत्त्वो नोपैति / घ्राणशून्यतया मध्यतो बोधिसत्त्वो नोपैति / घ्राणविविक्ततया मध्यतो बोधिसत्त्वो नोपैति / घ्राणास्वभावतया मध्यतो बोधिसत्त्वो नोपैति / तत् कस्य हेतोर् न ह्य् आयुष्मञ् छारद्वतीपुत्र घ्राणासत्तायां घ्राणशून्यतायां घ्राणविविक्ततायां घ्राणास्वभावतायां पूर्वान्त उपलभ्यते / नापरान्त उपलभ्यते / न मध्यम् उपलभ्यते / न चान्या घ्राणासत्तान्या घ्राणशून्यतान्या घ्राणविविक्ततान्या घ्राणास्वभावतान्यो बोधिसत्त्वो ऽन्यः पूर्वान्तो ऽन्यो ऽपरान्तो ऽन्यन् मध्यं / इति ह्य् आयुष्मञ् छारद्वतीपुत्र या च घ्राणासत्ता या च घ्राणशून्यता या च घ्राणविविक्तता या च घ्राणास्वभावता यश् च बोधिसत्त्वो यश् च पूर्वान्तो यश् चापरान्तो यच् च मध्यं सर्वम् एतद् अद्वयम् अद्वैधीकारं /

जिह्वासत्तयायुष्मञ् छारद्वतीपुत्र पूर्वान्ततो बोधिसत्त्वो नोपैति / जिह्वाशून्यतया पूर्वान्ततो बोधिसत्त्वो नोपैति / जिह्वाविविक्ततया पूर्वान्ततो बोधिसत्त्वो नोपैति / जिह्वास्वभावतया पूर्वान्ततो बोधिसत्त्वो नोपैति / जिह्वासत्तयापरान्ततो बोधिसत्त्वो नोपैति / जिह्वाशून्यतयापरान्ततो बोधिसत्त्वो नोपैति / जिह्वाविविक्ततयापरान्ततो बोधिसत्त्वो नोपैति / जिह्वास्वभावतयापरान्ततो बोधिसत्त्वो नोपैति / जिह्वासत्तया मध्यतो बोधिसत्त्वो नोपैति / जिह्वाशून्यतया मध्यतो बोधिसत्त्वो नोपैति / जिह्वाविविक्ततया मध्यतो बोधिसत्त्वो नोपैति / जिह्वास्वभावतया मध्यतो बोधिसत्त्वो नोपैति / तत् कस्य हेतोर् न ह्य् आयुष्मञ् छारद्वतीपुत्र जिह्वासत्तायां जिह्वाशून्यतायां जिह्वाविविक्ततायां जिह्वास्वभावतायां पूर्वान्त उपलभ्यते / नापरान्त उपलभ्यते / न मध्यम् उपलभ्यते / न चान्या जिह्वासत्तान्या जिह्वाशून्यतान्या जिह्वाविविक्ततान्या जिह्वास्वभावतान्यो बोधिसत्त्वो ऽन्यः पूर्वान्तो ऽन्यो ऽपरान्तो ऽन्यन् मध्यं / इति ह्य् आयुष्मञ् छारद्वतीपुत्र या च जिह्वासत्ता या च जिह्वाशून्यता या च जिह्वाविविक्तता या च जिह्वास्वभावता यश् च बोधिसत्त्वो यश् च पूर्वान्तो यश् चापरान्तो यच् च मध्यं सर्वम् एतद् अद्वयम् अद्वैधीकारं /

कायासत्तयायुष्मञ् छारद्वतीपुत्र पूर्वान्ततो बोधिसत्त्वो नोपैति / कायशून्यतया पूर्वान्ततो बोधिसत्त्वो नोपैति / कायविविक्ततया पूर्वान्ततो बोधिसत्त्वो नोपैति / कायास्वभावतया पूर्वान्ततो बोधिसत्त्वो नोपैति / कायासत्तयापरान्ततो बोधिसत्त्वो नोपैति / कायशून्यतयापरान्ततो बोधिसत्त्वो नोपैति / कायविविक्ततयापरान्ततो बोधिसत्त्वो नोपैति / कायास्वभावतयापरान्ततो बोधिसत्त्वो नोपैति / कायासत्तया मध्यतो बोधिसत्त्वो नोपैति / कायशून्यतया मध्यतो बोधिसत्त्वो नोपैति / कायविविक्ततया मध्यतो बोधिसत्त्वो नोपैति / कायास्वभावतया मध्यतो बोधिसत्त्वो नोपैति / तत् कस्य हेतोर् न ह्य् आयुष्मञ् छारद्वतीपुत्र कायासत्तायां कायशून्यतायां कायविविक्ततायां कायास्वभावतायां पूर्वान्त उपलभ्यते / नापरान्त उपलभ्यते / न मध्यम् उपलभ्यते / न चान्या कायासत्तान्या कायशून्यतान्या कायविविक्ततान्या कायास्वभावतान्यो बोधिसत्त्वो ऽन्यः पूर्वान्तो ऽन्यो ऽपरान्तो ऽन्यन् मध्यं / इति ह्य् आयुष्मञ् छारद्वतीपुत्र या च कायासत्ता या च कायशून्यता या च कायविविक्तता या च कायास्वभावता यश् च बोधिसत्त्वो यश् च पूर्वान्तो यश् चापरान्तो यच् च मध्यं सर्वम् एतद् अद्वयम् अद्वैधीकारं /

मनोसत्तयायुष्मञ् छारद्वतीपुत्र पूर्वान्ततो बोधिसत्त्वो नोपैति / मनःशून्यतया पूर्वान्ततो बोधिसत्त्वो नोपैति / मनोविविक्ततया पूर्वान्ततो बोधिसत्त्वो नोपैति / मनोस्वभावतया पूर्वान्ततो बोधिसत्त्वो नोपैति / मनोसत्तयापरान्ततो बोधिसत्त्वो नोपैति / मनःशून्यतयापरान्ततो बोधिसत्त्वो नोपैति / मनोविविक्ततयापरान्ततो बोधिसत्त्वो नोपैति / मनोस्वभावतयापरान्ततो बोधिसत्त्वो नोपैति / मनोसत्तया मध्यतो बोधिसत्त्वो नोपैति / मनःशून्यतया मध्यतो बोधिसत्त्वो नोपैति / मनोविविक्ततया मध्यतो बोधिसत्त्वो नोपैति / मनोस्वभावतया मध्यतो बोधिसत्त्वो नोपैति / तत् कस्य हेतोर् न ह्य् आयुष्मञ् छारद्वतीपुत्र मनोसत्तायां मनःशून्यतायां मनोविविक्ततायां मनोस्वभावतायां पूर्वान्त उपलभ्यते / नापरान्त उपलभ्यते / न मध्यम् उपलभ्यते / न चान्या मनोसत्तान्या मनःशून्यतान्या मनोविविक्ततान्या मनोस्वभावतान्यो बोधिसत्त्वो ऽन्यः पूर्वान्तो ऽन्यो ऽपरान्तो ऽन्यन् मध्यं / इति ह्य् आयुष्मञ् छारद्वतीपुत्र या च मनोसत्ता या च मनःशून्यता या च मनोविविक्तता या च मनोस्वभावता यश् च बोधिसत्त्वो यश् च पूर्वान्तो यश् चापरान्तो यच् च मध्यं सर्वम् एतद् अद्वयम् अद्वैधीकारं /

रूपासत्तयायुष्मञ् छारद्वतीपुत्र पूर्वान्ततो बोधिसत्त्वो नोपैति / रूपशून्यतया पूर्वान्ततो बोधिसत्त्वो नोपैति / रूपविविक्ततया पूर्वान्ततो बोधिसत्त्वो नोपैति / रूपास्वभावतया पूर्वान्ततो बोधिसत्त्वो नोपैति / रूपासत्तयापरान्ततो बोधिसत्त्वो नोपैति / रूपशून्यतयापरान्ततो बोधिसत्त्वो नोपैति / रूपविविक्ततयापरान्ततो बोधिसत्त्वो नोपैति / रूपास्वभावतयापरान्ततो बोधिसत्त्वो नोपैति / रूपासत्तया मध्यतो बोधिसत्त्वो नोपैति / रूपशून्यतया मध्यतो बोधिसत्त्वो नोपैति / रूपविविक्ततया मध्यतो बोधिसत्त्वो नोपैति / रूपास्वभावतया मध्यतो बोधिसत्त्वो नोपैति / तत् कस्य हेतोर् न ह्य् आयुष्मञ् छारद्वतीपुत्र रूपासत्तायां रूपशून्यतायां रूपविविक्ततायां रूपास्वभावतायां पूर्वान्त उपलभ्यते / नापरान्त उपलभ्यते / न मध्यम् उपलभ्यते / न चान्या रूपासत्तान्या रूपशून्यतान्या रूपविविक्ततान्या रूपास्वभावतान्यो बोधिसत्त्वो ऽन्यः पूर्वान्तो ऽन्यो ऽपरान्तो ऽन्यन् मध्यं / इति ह्य् आयुष्मञ् छारद्वतीपुत्र या च रूपासत्ता या च रूपशून्यता या च रूपविविक्तता या च रूपास्वभावता यश् च बोधिसत्त्वो यश् च पूर्वान्तो यश् चापरान्तो यच् च मध्यं सर्वम् एतद् अद्वयम् अद्वैधीकारं /

शब्दासत्तयायुष्मञ् छारद्वतीपुत्र पूर्वान्ततो बोधिसत्त्वो नोपैति / शब्दशून्यतया पूर्वान्ततो बोधिसत्त्वो नोपैति / शब्दविविक्ततया पूर्वान्ततो बोधिसत्त्वो नोपैति / शब्दास्वभावतया पूर्वान्ततो बोधिसत्त्वो नोपैति / शब्दासत्तयापरान्ततो बोधिसत्त्वो नोपैति / शब्दशून्यतयापरान्ततो बोधिसत्त्वो नोपैति / शब्दविविक्ततयापरान्ततो बोधिसत्त्वो नोपैति / शब्दास्वभावतयापरान्ततो बोधिसत्त्वो नोपैति / शब्दासत्तया मध्यतो बोधिसत्त्वो नोपैति / शब्दशून्यतया मध्यतो बोधिसत्त्वो नोपैति / शब्दविविक्ततया मध्यतो बोधिसत्त्वो नोपैति / शब्दास्वभावतया मध्यतो बोधिसत्त्वो नोपैति / तत् कस्य हेतोर् न ह्य् आयुष्मञ् छारद्वतीपुत्र शब्दासत्तायां शब्दशून्यतायां शब्दविविक्ततायां शब्दास्वभावतायां पूर्वान्त उपलभ्यते / नापरान्त उपलभ्यते / न मध्यम् उपलभ्यते / न चान्या शब्दासत्तान्या शब्दशून्यतान्या शब्दविविक्ततान्या शब्दास्वभावतान्यो बोधिसत्त्वो ऽन्यः पूर्वान्तो ऽन्यो ऽपरान्तो ऽन्यन् मध्यं / इति ह्य् आयुष्मञ् छारद्वतीपुत्र या च शब्दासत्ता या च शब्दशून्यता या च शब्दविविक्तता या च शब्दास्वभावता यश् च बोधिसत्त्वो यश् च पूर्वान्तो यश् चापरान्तो यच् च मध्यं सर्वम् एतद् अद्वयम् अद्वैधीकारं /

गन्धासत्तयायुष्मञ् छारद्वतीपुत्र पूर्वान्ततो बोधिसत्त्वो नोपैति / गन्धशून्यतया पूर्वान्ततो बोधिसत्त्वो नोपैति / गन्धविविक्ततया पूर्वान्ततो बोधिसत्त्वो नोपैति / गन्धास्वभावतया पूर्वान्ततो बोधिसत्त्वो नोपैति / गन्धासत्तयापरान्ततो बोधिसत्त्वो नोपैति / गन्धशून्यतयापरान्ततो बोधिसत्त्वो नोपैति / गन्धविविक्ततयापरान्ततो बोधिसत्त्वो नोपैति / गन्धास्वभावतयापरान्ततो बोधिसत्त्वो नोपैति / गन्धासत्तया मध्यतो बोधिसत्त्वो नोपैति / गन्धशून्यतया मध्यतो बोधिसत्त्वो नोपैति / गन्धविविक्ततया मध्यतो बोधिसत्त्वो नोपैति / गन्धास्वभावतया मध्यतो बोधिसत्त्वो नोपैति / तत् कस्य हेतोर् न ह्य् आयुष्मञ् छारद्वतीपुत्र गन्धासत्तायां गन्धशून्यतायां गन्धविविक्ततायां गन्धास्वभावतायां पूर्वान्त उपलभ्यते / नापरान्त उपलभ्यते / न मध्यम् उपलभ्यते / न चान्या गन्धासत्तान्या गन्धशून्यतान्या गन्धविविक्ततान्या गन्धास्वभावतान्यो बोधिसत्त्वो ऽन्यः पूर्वान्तो ऽन्यो ऽपरान्तो ऽन्यन् मध्यं / इति ह्य् आयुष्मञ् छारद्वतीपुत्र या च गन्धासत्ता या च गन्धशून्यता या च गन्धविविक्तता या च गन्धास्वभावता यश् च बोधिसत्त्वो यश् च पूर्वान्तो यश् चापरान्तो यच् च मध्यं सर्वम् एतद् अद्वयम् अद्वैधीकारं /

रसासत्तयायुष्मञ् छारद्वतीपुत्र पूर्वान्ततो बोधिसत्त्वो नोपैति / रसशून्यतया पूर्वान्ततो बोधिसत्त्वो नोपैति / रसविविक्ततया पूर्वान्ततो बोधिसत्त्वो नोपैति / रसास्वभावतया पूर्वान्ततो बोधिसत्त्वो नोपैति / रसासत्तयापरान्ततो बोधिसत्त्वो नोपैति / रसशून्यतयापरान्ततो बोधिसत्त्वो नोपैति / रसविविक्ततयापरान्ततो बोधिसत्त्वो नोपैति / रसास्वभावतयापरान्ततो बोधिसत्त्वो नोपैति / रसासत्तया मध्यतो बोधिसत्त्वो नोपैति / रसशून्यतया मध्यतो बोधिसत्त्वो नोपैति / रसविविक्ततया मध्यतो बोधिसत्त्वो नोपैति / रसास्वभावतया मध्यतो बोधिसत्त्वो नोपैति / तत् कस्य हेतोर् न ह्य् आयुष्मञ् छारद्वतीपुत्र रसासत्तायां रसशून्यतायां रसविविक्ततायां रसास्वभावतायां पूर्वान्त उपलभ्यते / नापरान्त उपलभ्यते / न मध्यम् उपलभ्यते / न चान्या रसासत्तान्या रसशून्यतान्या रसविविक्ततान्या रसास्वभावतान्यो बोधिसत्त्वो ऽन्यः पूर्वान्तो ऽन्यो ऽपरान्तो ऽन्यन् मध्यं / इति ह्य् आयुष्मञ् छारद्वतीपुत्र या च रसासत्ता या च रसशून्यता या च रसविविक्तता या च रसास्वभावता यश् च बोधिसत्त्वो यश् च पूर्वान्तो यश् चापरान्तो यच् च मध्यं सर्वम् एतद् अद्वयम् अद्वैधीकारं /

स्पर्शासत्तयायुष्मञ् छारद्वतीपुत्र पूर्वान्ततो बोधिसत्त्वो नोपैति / स्पर्शशून्यतया पूर्वान्ततो बोधिसत्त्वो नोपैति / स्पर्शविविक्ततया पूर्वान्ततो बोधिसत्त्वो नोपैति / स्पर्शास्वभावतया पूर्वान्ततो बोधिसत्त्वो नोपैति / स्पर्शासत्तयापरान्ततो बोधिसत्त्वो नोपैति / स्पर्शशून्यतयापरान्ततो बोधिसत्त्वो नोपैति / स्पर्शविविक्ततयापरान्ततो बोधिसत्त्वो नोपैति / स्पर्शास्वभावतयापरान्ततो बोधिसत्त्वो नोपैति / स्पर्शासत्तया मध्यतो बोधिसत्त्वो नोपैति / स्पर्शशून्यतया मध्यतो बोधिसत्त्वो नोपैति / स्पर्शविविक्ततया मध्यतो बोधिसत्त्वो नोपैति / स्पर्शास्वभावतया मध्यतो बोधिसत्त्वो नोपैति / तत् कस्य हेतोर् न ह्य् आयुष्मञ् छारद्वतीपुत्र स्पर्शासत्तायां स्पर्शशून्यतायां स्पर्शविविक्ततायां स्पर्शास्वभावतायां पूर्वान्त उपलभ्यते / नापरान्त उपलभ्यते / न मध्यम् उपलभ्यते / न चान्या स्पर्शासत्तान्या स्पर्शशून्यतान्या स्पर्शविविक्ततान्या स्पर्शास्वभावतान्यो बोधिसत्त्वो ऽन्यः पूर्वान्तो ऽन्यो ऽपरान्तो ऽन्यन् मध्यं / इति ह्य् आयुष्मञ् छारद्वतीपुत्र या च स्पर्शासत्ता या च स्पर्शशून्यता या च स्पर्शविविक्तता या च स्पर्शास्वभावता यश् च बोधिसत्त्वो यश् च पूर्वान्तो यश् चापरान्तो यच् च मध्यं सर्वम् एतद् अद्वयम् अद्वैधीकारं /

धर्मासत्तयायुष्मञ् छारद्वतीपुत्र पूर्वान्ततो बोधिसत्त्वो नोपैति / धर्मशून्यतया पूर्वान्ततो बोधिसत्त्वो नोपैति / धर्मविविक्ततया पूर्वान्ततो बोधिसत्त्वो नोपैति / धर्मास्वभावतया पूर्वान्ततो बोधिसत्त्वो नोपैति / धर्मासत्तयापरान्ततो बोधिसत्त्वो नोपैति / धर्मशून्यतयापरान्ततो बोधिसत्त्वो नोपैति / धर्मविविक्ततयापरान्ततो बोधिसत्त्वो नोपैति / धर्मास्वभावतयापरान्ततो बोधिसत्त्वो नोपैति / धर्मासत्तया मध्यतो बोधिसत्त्वो नोपैति / धर्मशून्यतया मध्यतो बोधिसत्त्वो नोपैति / धर्मविविक्ततया मध्यतो बोधिसत्त्वो नोपैति / धर्मास्वभावतया मध्यतो बोधिसत्त्वो नोपैति / तत् कस्य हेतोर् न ह्य् आयुष्मञ् छारद्वतीपुत्र धर्मासत्तायां धर्मशून्यतायां धर्मविविक्ततायां धर्मास्वभावतायां पूर्वान्त उपलभ्यते / नापरान्त उपलभ्यते / न मध्यम् उपलभ्यते / न चान्या धर्मासत्तान्या धर्मशून्यतान्या धर्मविविक्ततान्या धर्मास्वभावतान्यो बोधिसत्त्वो ऽन्यः पूर्वान्तो ऽन्यो ऽपरान्तो ऽन्यन् मध्यं / इति ह्य् आयुष्मञ् छारद्वतीपुत्र या च धर्मासत्ता या च धर्मशून्यता या च धर्मविविक्तता या च धर्मास्वभावता यश् च बोधिसत्त्वो यश् च पूर्वान्तो यश् चापरान्तो यच् च मध्यं सर्वम् एतद् अद्वयम् अद्वैधीकारं /

चक्षुर्विज्ञानासत्तयायुष्मञ् छारद्वतीपुत्र पूर्वान्ततो बोधिसत्त्वो नोपैति / चक्षुर्विज्ञानशून्यतया पूर्वान्ततो बोधिसत्त्वो नोपैति / चक्षुर्विज्ञानविविक्ततया पूर्वान्ततो बोधिसत्त्वो नोपैति / चक्षुर्विज्ञानास्वभावतया पूर्वान्ततो बोधिसत्त्वो नोपैति / चक्षुर्विज्ञानासत्तयापरान्ततो बोधिसत्त्वो नोपैति / चक्षुर्विज्ञानशून्यतयापरान्ततो बोधिसत्त्वो नोपैति / चक्षुर्विज्ञानविविक्ततयापरान्ततो बोधिसत्त्वो नोपैति / चक्षुर्विज्ञानास्वभावतयापरान्ततो बोधिसत्त्वो नोपैति / चक्षुर्विज्ञानासत्तया मध्यतो बोधिसत्त्वो नोपैति / चक्षुर्विज्ञानशून्यतया मध्यतो बोधिसत्त्वो नोपैति / चक्षुर्विज्ञानविविक्ततया मध्यतो बोधिसत्त्वो नोपैति / चक्षुर्विज्ञानास्वभावतया मध्यतो बोधिसत्त्वो नोपैति / तत् कस्य हेतोर् न ह्य् आयुष्मञ् छारद्वतीपुत्र चक्षुर्विज्ञानासत्तायां चक्षुर्विज्ञानशून्यतायां चक्षुर्विज्ञानविविक्ततायां चक्षुर्विज्ञानास्वभावतायां पूर्वान्त उपलभ्यते / नापरान्त उपलभ्यते / न मध्यम् उपलभ्यते / न चान्या चक्षुर्विज्ञानासत्तान्या चक्षुर्विज्ञानशून्यतान्या चक्षुर्विज्ञानविविक्ततान्या चक्षुर्विज्ञानास्वभावतान्यो बोधिसत्त्वो ऽन्यः पूर्वान्तो ऽन्यो ऽपरान्तो ऽन्यन् मध्यं / इति ह्य् आयुष्मञ् छारद्वतीपुत्र या च चक्षुर्विज्ञानासत्ता या च चक्षुर्विज्ञानशून्यता या च चक्षुर्विज्ञानविविक्तता या च चक्षुर्विज्ञानास्वभावता यश् च बोधिसत्त्वो यश् च पूर्वान्तो यश् चापरान्तो यच् च मध्यं सर्वम् एतद् अद्वयम् अद्वैधीकारं /

श्रोत्रविज्ञानासत्तयायुष्मञ् छारद्वतीपुत्र पूर्वान्ततो बोधिसत्त्वो नोपैति / श्रोत्रविज्ञानशून्यतया पूर्वान्ततो बोधिसत्त्वो नोपैति / श्रोत्रविज्ञानविविक्ततया पूर्वान्ततो बोधिसत्त्वो नोपैति / श्रोत्रविज्ञानास्वभावतया पूर्वान्ततो बोधिसत्त्वो नोपैति / श्रोत्रविज्ञानासत्तयापरान्ततो बोधिसत्त्वो नोपैति / श्रोत्रविज्ञानशून्यतयापरान्ततो बोधिसत्त्वो नोपैति / श्रोत्रविज्ञानविविक्ततयापरान्ततो बोधिसत्त्वो नोपैति / श्रोत्रविज्ञानास्वभावतयापरान्ततो बोधिसत्त्वो नोपैति / श्रोत्रविज्ञानासत्तया मध्यतो बोधिसत्त्वो नोपैति / श्रोत्रविज्ञानशून्यतया मध्यतो बोधिसत्त्वो नोपैति / श्रोत्रविज्ञानविविक्ततया मध्यतो बोधिसत्त्वो नोपैति / श्रोत्रविज्ञानास्वभावतया मध्यतो बोधिसत्त्वो नोपैति / तत् कस्य हेतोर् न ह्य् आयुष्मञ् छारद्वतीपुत्र श्रोत्रविज्ञानासत्तायां श्रोत्रविज्ञानशून्यतायां श्रोत्रविज्ञानविविक्ततायां श्रोत्रविज्ञानास्वभावतायां पूर्वान्त उपलभ्यते / नापरान्त उपलभ्यते / न मध्यम् उपलभ्यते / न चान्या श्रोत्रविज्ञानासत्तान्या श्रोत्रविज्ञानशून्यतान्या श्रोत्रविज्ञानविविक्ततान्या श्रोत्रविज्ञानास्वभावतान्यो बोधिसत्त्वो ऽन्यः पूर्वान्तो ऽन्यो ऽपरान्तो ऽन्यन् मध्यं / इति ह्य् आयुष्मञ् छारद्वतीपुत्र या च श्रोत्रविज्ञानासत्ता या च श्रोत्रविज्ञानशून्यता या च श्रोत्रविज्ञानविविक्तता या च श्रोत्रविज्ञानास्वभावता यश् च बोधिसत्त्वो यश् च पूर्वान्तो यश् चापरान्तो यच् च मध्यं सर्वम् एतद् अद्वयम् अद्वैधीकारं /

घ्राणविज्ञानासत्तयायुष्मञ् छारद्वतीपुत्र पूर्वान्ततो बोधिसत्त्वो नोपैति / घ्राणविज्ञानशून्यतया पूर्वान्ततो बोधिसत्त्वो नोपैति / घ्राणविज्ञानविविक्ततया पूर्वान्ततो बोधिसत्त्वो नोपैति / घ्राणविज्ञानास्वभावतया पूर्वान्ततो बोधिसत्त्वो नोपैति / घ्राणविज्ञानासत्तयापरान्ततो बोधिसत्त्वो नोपैति / घ्राणविज्ञानशून्यतयापरान्ततो बोधिसत्त्वो नोपैति / घ्राणविज्ञानविविक्ततयापरान्ततो बोधिसत्त्वो नोपैति / घ्राणविज्ञानास्वभावतयापरान्ततो बोधिसत्त्वो नोपैति / घ्राणविज्ञानासत्तया मध्यतो बोधिसत्त्वो नोपैति / घ्राणविज्ञानशून्यतया मध्यतो बोधिसत्त्वो नोपैति / घ्राणविज्ञानविविक्ततया मध्यतो बोधिसत्त्वो नोपैति / घ्राणविज्ञानास्वभावतया मध्यतो बोधिसत्त्वो नोपैति / तत् कस्य हेतोर् न ह्य् आयुष्मञ् छारद्वतीपुत्र घ्राणविज्ञानासत्तायां घ्राणविज्ञानशून्यतायां घ्राणविज्ञानविविक्ततायां घ्राणविज्ञानास्वभावतायां पूर्वान्त उपलभ्यते / नापरान्त उपलभ्यते / न मध्यम् उपलभ्यते / न चान्या घ्राणविज्ञानासत्तान्या घ्राणविज्ञानशून्यतान्या घ्राणविज्ञानविविक्ततान्या घ्राणविज्ञानास्वभावतान्यो बोधिसत्त्वो ऽन्यः पूर्वान्तो ऽन्यो ऽपरान्तो ऽन्यन् मध्यं / इति ह्य् आयुष्मञ् छारद्वतीपुत्र या च घ्राणविज्ञानासत्ता या च घ्राणविज्ञानशून्यता या च घ्राणविज्ञानविविक्तता या च घ्राणविज्ञानास्वभावता यश् च बोधिसत्त्वो यश् च पूर्वान्तो यश् चापरान्तो यच् च मध्यं सर्वम् एतद् अद्वयम् अद्वैधीकारं /

जिह्वाविज्ञानासत्तयायुष्मञ् छारद्वतीपुत्र पूर्वान्ततो बोधिसत्त्वो नोपैति / जिह्वाविज्ञानशून्यतया पूर्वान्ततो बोधिसत्त्वो नोपैति / जिह्वाविज्ञानविविक्ततया पूर्वान्ततो बोधिसत्त्वो नोपैति / जिह्वाविज्ञानास्वभावतया पूर्वान्ततो बोधिसत्त्वो नोपैति / जिह्वाविज्ञानासत्तयापरान्ततो बोधिसत्त्वो नोपैति / जिह्वाविज्ञानशून्यतयापरान्ततो बोधिसत्त्वो नोपैति / जिह्वाविज्ञानविविक्ततयापरान्ततो बोधिसत्त्वो नोपैति / जिह्वाविज्ञानास्वभावतयापरान्ततो बोधिसत्त्वो नोपैति / जिह्वाविज्ञानासत्तया मध्यतो बोधिसत्त्वो नोपैति / जिह्वाविज्ञानशून्यतया मध्यतो बोधिसत्त्वो नोपैति / जिह्वाविज्ञानविविक्ततया मध्यतो बोधिसत्त्वो नोपैति / जिह्वाविज्ञानास्वभावतया मध्यतो बोधिसत्त्वो नोपैति / तत् कस्य हेतोर् न ह्य् आयुष्मञ् छारद्वतीपुत्र जिह्वाविज्ञानासत्तायां जिह्वाविज्ञानशून्यतायां जिह्वाविज्ञानविविक्ततायां जिह्वाविज्ञानास्वभावतायां पूर्वान्त उपलभ्यते / नापरान्त उपलभ्यते / न मध्यम् उपलभ्यते / न चान्या जिह्वाविज्ञानासत्तान्या जिह्वाविज्ञानशून्यतान्या जिह्वाविज्ञानविविक्ततान्या जिह्वाविज्ञानास्वभावतान्यो बोधिसत्त्वो ऽन्यः पूर्वान्तो ऽन्यो ऽपरान्तो ऽन्यन् मध्यं / इति ह्य् आयुष्मञ् छारद्वतीपुत्र या च जिह्वाविज्ञानासत्ता या च जिह्वाविज्ञानशून्यता या च जिह्वाविज्ञानविविक्तता या च जिह्वाविज्ञानास्वभावता यश् च बोधिसत्त्वो यश् च पूर्वान्तो यश् चापरान्तो यच् च मध्यं सर्वम् एतद् अद्वयम् अद्वैधीकारं /