शतसाहस्रिका प्रज्ञापारमिता, Part इ

आयुष्मञ् छारद्वतीपुत्र आयुष्मन्तं सुभूतिम् एतद् अवोचत् / कथम् आयुष्मन् सुभूते बोधिसत्त्वस्य महासत्त्वस्यानुपायकौशलं वेदितव्यं / सुभूतिर् आह / तथा ह्य् आयुष्मञ् छारद्वतीपुत्र बोधिसत्त्वो महासत्त्वः प्रज्ञापारमितायां चरन् रूपम् अधितिष्ठति / संजानाति / अधिमुच्यते / स रूपम् अधितिष्ठन् संजानन्न् अधिमुच्यमानो रूपस्याभिसंस्कारे चरति / स न परिमुच्यते जातिजरामरणशोकव्याधिपरिदेवदुःखदौर्मनस्योपायासेभ्यो, न परिमुच्यते महतो दुःखाद् इति वदामि / सचेद् बोधिसत्त्वो महासत्त्वः प्रज्ञापारमितायां चरन् वेदनाम् अधितिष्ठति संजानात्य् अधिमुच्यते / स वेदनाम् अधितिष्ठन् संजानन् अधिमुच्यमानो वेदनाया अभिसंस्कारे चरति / न परिमुच्यते जातिजराव्याधिमरणशोकपरिदेवदुःखदौर्मनस्योपायासेभ्यो, न परिमुच्यते महतो दुःखाद् इति वदामि / सचेद् बोधिसत्त्वो महासत्त्वः प्रज्ञापारमितायां चरन् संज्ञाम् अधितिष्ठति संजानात्य् अधिमुच्यते / स संज्ञाम् अधितिष्ठन् संजानन्न् अधिमुच्यमानः संज्ञाया अभिसंस्कारे चरति / न परिमुच्यते जातिजराव्याधिमरणशोकपरिदेवदुःखदौर्मनस्योपायासेभ्यो, न परिमुच्यते महतो दुःखाद् इति वदामि / सचेद् बोधिसत्त्वो महासत्त्वः प्रज्ञापारमितायां चरन् संस्कारान् अधितिष्ठति संजानात्य् अधिमुच्यते / स संस्कारान् अधितिष्ठन् संजानन् अधिमुच्यमानः संस्काराणाम् अभिसंस्कारे चरति / न परिमुच्यते जातिजराव्याधिमरणशोकपरिदेवदुःखदौर्मनस्योपायावेभ्यो, न परिमुच्यते महतो दुःखाद् इति वदामि / सचेद् बोधिसत्त्वो महसत्त्वः प्रज्ञापारमितायां चरन् स विज्ञानम् अधितिष्ठति / संजानात्य् अधिमुच्यते / स विज्ञानम् अधितिष्ठन् संजानन्न् अधिमुच्यमानो विज्ञानस्याभिसंस्कारे चरति / न परिमुच्यते जातिजराव्याधिमरणशोकपरिदेवदुःखदौर्मनस्योपायासेभ्यो, न परिमुच्यते महतो दुःखाद् इति वदामि /

सचेद् बोधिसत्त्वो महासत्त्वः प्रज्ञापारमितायां चरंश् चक्षुर् अधितिष्ठति / संजानात्य् अधिमुच्यते / स चक्षुर् अधितिष्ठन् संजानन्न् अधिमुच्यमानश् चक्षुषो ऽभिसंस्कारे चरति / न परिमुच्यते जातिजराव्याधिमरणशोकपरिदेवदुःखदौर्मनस्योपायासेभ्यो, न परिमुच्यते महतो दुःखाद् इति वदामि / सचेद् बोधिसत्त्वो महासत्त्वः प्रज्ञापारमितायां चरन् श्रोत्रम् अधितिष्ठति / संजानात्य् अधिमुच्यते / स श्रोत्रम् अधितिष्ठन् संजानन्न् अधिमुच्यमानः श्रोत्रस्याभिसंस्कारे चरति / स न परिमुच्यते जातिजराव्याधिमरणशोकपरिदेवदुःखदौर्मनस्योपायासेभ्यो, न परिमुच्यते महतो दुःखाद् इति वदामि / सचेद् बोधिसत्त्वो महासत्त्वः प्रज्ञापारमितायां चरन् घ्राणम् अधितिष्ठति / घ्राणम् अधितिष्ठन् संजानन्न् अधिमुच्यमानो घ्राणस्याभिसंस्कारे चरति / स न परिमुच्यते जातिजराव्याधिमरणशोकपरिदेवदुःखदौर्मनस्योपायासेभ्यो, न परिमुच्यते महतो दुःखाद् इति वदामि / सचेद् बोधिसत्त्वो महासत्त्वः प्रज्ञापारमितायां चरन् जिह्वाम् अधितिष्ठति / संजानात्य् अधिमुच्यते / स जिह्वाम् अधितिष्ठन् संजानन्न् अधिमुच्यमानो जिह्वाया अभिसंस्कारे चरति / स न परिमुच्यते जातिजराव्याधिमरणशोकपरिदेवदुःखदौर्मनस्योपायासेभ्यो, न परिमुच्यते महतो दुःखाद् इति वदामि / सचेद् बोधिसत्त्वो महासत्त्वः प्रज्ञापारमितायां चरन् कायम् अधितिष्ठति / संजानात्य् अधिमुच्यते / स कायम् अधितिष्ठन् संजानन्न् अधिमुच्यमानः कायस्याभिसंस्कारे चरति / स न परिमुच्यते जातिजराव्याधिमरणशोकपरिदेवदुःखदौर्मनस्योपायासेभ्यो, न परिमुच्यते महतो दुःखाद् इति वदामि / सचेद् बोधिसत्त्वो महासत्त्वः प्रज्ञापारमितायां चरन् मनो ऽधितिष्ठति / संजानात्य् अधिमुच्यते / स मनो ऽधितिष्ठन् संजानन्न् अधिमुच्यमानो मनो ऽभिसंस्कारे चरति / स न परिमुच्यते जातिजराव्याधिमरणशोकपरिदेवदुःखदौर्मनस्योपायासेभ्यो, न परिमुच्यते महतो दुःखाद् इति वदामि /

सचेद् बोधिसत्त्वो महासत्त्वः प्रज्ञापारमितायां चरन् रूपम् अधितिष्ठति / संजानात्य् अधिमुच्यते / स रूपम् अधितिष्ठन् संजानन्न् अधिमुच्यमानो रूपस्याभिसंस्कारे चरति / स न परिमुच्यते जातिजराव्याधिमरणशोकपरिदेवदुःखदौर्मनस्योपायासेभ्यो, न परिमुच्यते महतो दुःखाद् इति वदामि / सचेद् बोधिसत्त्वो महासत्त्वः प्रज्ञापारमितायां चरन् शब्दम् अधितिष्ठति / संजानाति अधिमुच्यते / स शब्दम् अधितिष्ठन् संजानन्न् अधिमुच्यमानः शब्दस्याभिसंस्कारे चरति / स न परिमुच्यते जातिजराव्याधिमरणशोकपरिदेवदुःखदौर्मनस्योपायासेभ्यो, न परिमुच्यते महतो दुःखाद् इति वदामि / सचेद् बोधिसत्त्वो महासत्त्वः प्रज्ञापारमितायां चरन् गन्धम् अधितिष्ठति / संजानात्य् अधिमुच्यते / स गन्धम् अधितिष्ठन् संजानन्न् अधिमुच्यमानो गन्धस्याभिसंस्कारे चरति / स स परिमुच्यते जातिजराव्याधिमरणशोकपरिदेवदुःखदौर्मनस्योपायासेभ्यो, न परिमुच्यते महतो दुःखाद् इति वदामि / सचेद् बोधिसत्त्वो महासत्त्वः प्रज्ञापारमितायां चरन् रसम् अधितिष्ठति / संजानात्य् अधिमुच्यते / स रसम् अधितिष्ठन् संजानन्न् अधिमुच्यमानो रसस्याभिसंस्कारे चरति / स न परिमुच्यते जातिजराव्याधिमरणशोकपरिदेवदुःखदौर्मनस्योपायासेभ्यो, न परिमुच्यते महतो दुःखाद् इति वदामि / सचेद् बोधिसत्त्वो महासत्त्वः प्रज्ञापारमितायां चरन् स्पर्शम् अधितिष्ठति / संजानात्य् अधिमुच्यते / स स्पर्शम् अधितिष्ठन् संजानन्न् अधिमुच्यमानः स्पर्शस्याभिसंस्कारे चरति / स न परिमुच्यते जातिजराव्याधिमरणशोकपरिदेवदुःखदौर्मनस्योपायासेभ्यो, न परिमुच्यते महतो दुःखद् इति वदामि / सचेद् बोधिसत्त्वो महासत्त्वः प्रज्ञापारमितायां चरन् धर्मान् अधितिष्ठति / संजानात्य् अधिमुच्यते / स धर्मान् अधितिष्ठन् संजानन्न् अधिमुच्यमानो धर्माणाम् अभिसंस्कारे चरति / स न परिमुच्यते जातिजराव्याधिमरणशोकपरिदेवदुःखदौर्मनस्योपायासेभ्यो, न परिमुच्यते महतो दुःखाद् इति वदामि /

सचेद् बोधिसत्त्वो महासत्त्वः प्रज्ञापारमितायां चरंश् चक्षुर्विज्ञानम् अधितिष्ठति / संजानात्य् अधिमुच्यते / स चक्षुर्विज्ञानम् अधितिष्ठन् संजानन्न् अधिमुच्यमानश् चक्षुर्विज्ञानस्याभिसंस्कारे चरति / स न परिमुच्यते जातिजराव्याधिमरणशोकपरिदेवदुःखदौर्मनस्योपायासेभ्यो, न परिमुच्यते महतो दुःखाद् इति वदामि /

श्रोत्रविज्ञानं घ्राणविज्ञानं जिह्वाविज्ञानं कायविज्ञानं मनोविज्ञानम् अधितिष्ठति / संजानात्य् अधिमुच्यते / स एतान् अधितिष्ठन् संजानन्न् अधिमुच्यमानः एतेषाम् अभिसंस्कारे चरति / स न परिमुच्यते जातिजराव्याधिमरणशोकपरिदेवदुःखदौर्मनस्योपायासेभ्यो, न परिमुच्यते महतो दुःखाद् इति वदामि /

सचेद् बोधिसत्त्वो महासत्त्वः प्रज्ञापारमितायां चरन् चक्षुःसंस्पर्शजां वेदनाम् अधितिष्ठति / संजानात्य् अधिमुच्यते / स चक्षुःसंस्पर्शजां वेदनाम् अधितिष्ठन् संजानन्न् अधिमुच्यमानश् चक्षुःसंस्पर्शजायाः वेदनाया अभिसंस्कारे चरति / स न परिमुच्यते जातिजराव्याधिमरणशोकपरिदेवदुःखदौर्मनस्योपायासेभ्यो, न परिमुच्यते महतो दुःखाद् इति वदामि / सचेद् बोधिसत्त्वो महासत्त्वः प्रज्ञापारमितायां चरन् श्रोत्रसंस्पर्शजां वेदनां घ्राणसंस्पर्शजां वेदनां जिह्वासंस्पर्शजां वेदनां कायसंस्पर्शजां वेदनां मनःसंस्पर्शजां वेदनाम् अधितिष्ठति / संजानात्य् अधिमुच्यते / स एतान् अधितिष्ठन् संजानन्न् अधिमुच्यमान एतासाम् अभिसंस्कारे चरति / स न परिमुच्यते जातिजराव्याधिमरणशोकपरिदेवदुःखदौर्मनस्योपायासेभ्यो, न परिमुच्यते महतो दुःखाद् इति वदामि /

सचेद् बोधिसत्त्वो महासत्त्वः प्रज्ञापारमितायां चरन् अविद्याया अभिसंस्कारे चरति / सो ऽविद्याम् अधितिष्ठन् संजानन्न् अधिमुच्यमानो ऽविद्याया अभिसंस्कारे चरति / न स परिमुच्यते जातिजराव्याधिमरणशोकपरिदेवदुःखदौर्मनस्योपायासेभ्यो, न परिमुच्यते महतो दुःखाद् इति वदामि /

सचेद् बोधिसत्त्वो महासत्त्वः प्रज्ञापारमितायां चरन् संस्कारं नामरूपं षडायतनं स्पर्शं वेदनां तृष्णां उपदानं भवं जातिं जरामरणम् अधितिष्ठति / संजानात्य् अधिमुच्यते / स एतान्य् अधितिष्ठन् संजानन्न् अधिमुच्यमान एतेषाम् अभिसंस्कारे चरति / स न परिमुच्यते जातिजराव्याधिमरणशोकपरिदेवदुःखदौर्मनस्योपायासेभ्यो, न परिमुच्यते महतो दुःखाद् इति वदामि /

सचेद् बोधिसत्त्वो महासत्त्वः प्रज्ञापारमितायां चरन् दानपारमितां शीलपारमितां क्षान्तिपारमितां वीर्यपारमितां ध्यानपारमितां प्रज्ञापारमिताम् अधितिष्ठति / संजानात्य् अधिमुच्यते / स ताधितिष्ठन् संजानन्न् अधिमुच्यमानस् तासाम् अभिसंस्कारे चरति / स न परिमुच्यते जातिजराव्याधिमरणशोकपरिदेवदुःखदौर्मनस्योपायासेभ्यो, न परिमुच्यते महतो दुःखाद् इति वदामि /

सचेद् बोधिसत्त्वो महासत्त्वः प्रज्ञापारमितायां चरन्न् अध्यात्मशून्यताम् अधितिष्ठति / संजानात्य् अधिमुच्यते सो ऽधितिष्ठन् संजानन्न् अधिमुच्यमानो ऽध्यात्मशून्यताया अभिसंस्कारे चरति / स न परिमुच्यते जातिजराव्याधिमरणशोकपरिदेवद्खदौर्मनस्योपायासेभ्यो, न परिमुच्यते महतो दुःखाद् इति वदामि /

सचेद् बोधिसत्त्वो महासत्त्वः प्रज्ञापारमितायां चरन् बहिर्धाशून्यताम् अध्यात्मबहिर्धाशून्यतां शून्यताशून्यतां महाशून्यनां परमार्थशून्यतां संस्कृतशून्यताम् असंस्कृतशून्यतां अत्यन्तशून्यतां अनवराग्रशून्यतां अनवकारशून्यतां प्रकृतिशून्यतां सर्वधर्मशून्यतां स्वलक्षणशून्यतां अनुपलम्भशून्यतां अभावशून्यतां स्वभावशून्यतां अभावस्वभावशून्यताम् अधितिष्ठति / संजानात्य् अधिमुच्यते / सो ऽधितिष्ठन् संजानन्न् अधिमुच्यमानो ऽभिसंस्कारे चरति / न स परिमुच्यते जातिजराव्याधिमरणशोकपरिदेवदुःखदौर्मनस्योपायासेभ्यो, न परिमुच्यते महतो दुःखाद् इति वदामि /

सचेद् बोधिसत्त्वो महासत्त्वः प्रज्ञापारमितायां चरन् चत्वारि स्मृत्युपस्थानान्य् अधितिष्ठति / संजानात्य् अधिमुच्यते / स चत्वारि स्मृत्युपस्थानान्य् अधितिष्ठन् संजानन्न् अधिमुच्यमानः चतुर्णां स्मृत्युपस्थानानाम् अभिसंस्कारे चरति / स न परिमुच्यते जातिजराव्याधिमरणशोकपरिदेवदुःखदौर्मनस्योपायासेभ्यो, न परिमुच्यते महतो दुःखाद् इति वदामि /

सचेद् बोधिसत्त्वो महासत्त्वः प्रज्ञापारमितायां चरन् चत्वारि सम्यक्प्रहाणान्य् अधितिष्ठति / संजानात्य् अधिमुच्यते / सो ऽधितिष्ठन् संजानन्न् अधिमुच्यमानः चतुर्णां सम्यक्प्रहाणानाम् अभिसंस्कारे चरति / स न परिमुच्यते जातिजराव्याधिमरणशोकपरिदेवदुःखदौर्मनस्योपायासेभ्यो, न परिमुच्यते महतो दुःखाद् इति वदामि /

सचेद् बोधिसत्त्वो महासत्त्वः प्रज्ञापारमितायां चरन् ऋद्धिपादान् अधितिष्ठति / संजानात्य् अधिमुच्यते / स ऋद्धिपादान् अधितिष्ठन् संजानन्न् अधिमुच्यमानः ऋद्धिपादानाम् अभिसंस्कारे चरति / स न परिमुच्यते जातिजराव्याधिमरणशोकपरिदेवदुःखदौर्मनस्योपायासेभ्यो, न परिमुच्यते महतो दुःखाद् इति वदामि /

सचेद् बोधिसत्त्वो महासत्त्वः प्रज्ञापारमितायां चरन् पञ्चेन्द्रियाण्य् अधितिष्ठति / संजानात्य् अधिमुच्यते / स पञ्चेन्द्रियाण्य् अधितिष्ठन् संजानात्य् अधिमुच्यमानः इन्द्रियाणाम् अभिसंस्कारे चरति / स न परिमुच्यते जातिजराव्याधिमरणशोकपरिदेवदुःखदौर्मनस्योपायासेभ्यो, न परिमुच्यते महतो दुःखाद् इति वदामि /

सचेद् बोधिसत्त्वो महासत्त्वः प्रज्ञापारमितायां चरन् पञ्चबलान्य् अधितिष्ठति / संजानात्य् अधिमुच्यते / स पञ्चबलान्य् अधितिष्ठन् संजानन्न् अधिमुच्यमानः पञ्चबलानाम् अभिसंस्कारे चरति / स न परिमुच्यते जातिजराव्याधिमरणशोकपरिदेवदुःखदौर्मनस्योपायासेभ्यो, न परिमुच्यते महतो दुःखाद् इति वदामि /

सचेद् बोधिसत्त्वो महासत्त्वः प्रज्ञापारमितायां चरन् सप्तबोध्यङ्गान्य् अधितिष्ठति / संजानात्य् अधिमुच्यते / स बोध्यङ्गान्य् अधितिष्ठन् संजानन्न् अधिमुच्यमानः बोध्यङ्गानाम् अभिसंस्कारे चरति / स न परिमुच्यते जातिजराव्याधिमरणशोकपरिदेवदुःखदौर्मनस्योपायासेभ्यो, न परिमुच्यते महतो दुःखाद् इति वदामि /

सचेद् बोधिसत्त्वो महासत्त्वः प्रज्ञापारमितायां चरन्न् आर्याष्टाङ्गमार्गम् अधितिष्ठति / संजानात्य् अधिमुच्यते / स आर्याष्टाङ्गमार्गम् अधितिष्ठन् संजानन्न् अधिमुच्यमानः आर्याष्टाङ्गमार्गस्याभिसंस्कारे चरति / स न परिमुच्यते जातिजराव्याधिमरणशोकपरिदेवदुःखदौर्मनस्योपायासेभ्यो, न परिमुच्यते महतो दुःखाद् इति वदामि /

सचेद् बोधिसत्त्वो महासत्त्वः प्रज्ञापारमितायां चरन्न् आर्यसत्यान्य् अधितिष्ठति / संजानात्य् अधिमुच्यते / स आर्यसत्यान्य् अधितिष्ठन् संजानन्न् अधिमुच्यमानः आर्यसत्यानाम् अभिसंस्कारे चरति / न स परिमुच्यते जातिजराव्याधिमरणशोकपरिदेवदुःखदौर्ममस्योपायासेभ्यो, न परिमुच्यते महतो दुःखाद् इति वदामि /

सचेद् बोधिसत्त्वो महासत्त्वः प्रज्ञापारमितायां चरंश् चत्वारि ध्यानान्य् अधितिष्ठति / संजानात्य् अधिमुच्यते / स ध्यानान्य् अधितिष्ठन् संजानन्न् अधिमुच्यमानो ध्यानानाम् अभिसंस्कारे चरति / स न परिमुच्यते जातिजराव्याधिमरणशोकपरिदेवदुःखदौर्मनस्योपायासेभ्यो, न परिमुच्यते महतो दुःखाद् इति वदामि /

सचेद् बोधिसत्त्वो महासत्त्वः प्रज्ञापारमितायां चरंश् चत्वार्य् अप्रमाणान्य् अधितिष्ठति / संजानात्य् अधिमुच्यते / स चत्वार्य् अप्रमाणान्य् अधितिष्ठन् संजानन्न् अधिमुच्यमानो ऽप्रमाणानाम् अभिसंस्कारे चरति / स न परिमुच्यते जातिजराव्याधिमरणशोकपरिदेवदुःखदौर्मनस्योपायायेभ्यो, न परिमुच्यते महतो दुःखाद् इति वदामि /

सचेद् बोधिसत्त्वो महासत्त्वः प्रज्ञापारमितायां चरंश् चतस्र आरूप्यसमापत्तीर् अधितिष्ठति / संजानात्य् अधिमुच्यते / स आरूप्यसमापत्तीर् अधितिष्ठन् संजानन्न् अधिमुच्यमानः आरूप्यसमापत्तीनाम् अभिसंस्कारे चरति / स न परिमुच्यते जातिजराव्याधिमरणशोकपरिदेवदुःखदौर्मनस्योपायासेभ्यो, न परिमुच्यते महतो दुःखाद् इति वदामि /

सचेद् बोधिसत्त्वो महासत्त्वः प्रज्ञापारमितायां चरन्न् अष्टौ विमोक्षान् अधितिष्ठति / संजानात्य् अधिमुच्यते / स विमोक्षधर्मेष्व् अधितिष्ठन् संजानन्न् अधिमुच्यमानो विमोक्षधर्माणाम् अभिसंस्कारे चरति / स न परिमुच्यते जातिजराव्याधिमरणशोकपरिदेवदुःखदौर्मनस्योपायासेभ्यो, न परिमुच्यते महतो दुःखाद् इति वदामि /

सचेद् बोधिसत्त्वो महासत्त्वः प्रज्ञापारमितायां चरन् शून्यतानिमित्ताप्रणिहितविमोक्षमुखान्य् अधितिष्ठति / संजानात्य् अधिमुच्यते / स तान्य् अधितिष्ठम् संजानन्न् अधिमुच्यमानस् तेषाम् अभिसंस्कारे चरति / स न परिमुच्यते जातिजराव्याधिमरणशोकपरिदेवदुःखदौर्मनस्योपायासेभ्यो, न परिमुच्यते महतो दुःखाद् इति वदामि /

सचेद् बोधिसत्त्वो महासत्त्वः प्रज्ञापारमितायां चरन् षडभिज्ञा अधितिष्ठति / संजानात्य् अधिमुच्यते / सो ऽभिज्ञा अधितिष्ठन् संजानन्न् अधिमुच्यमानो ऽभिज्ञानाम् अभिसंस्कारे चरति / स न परिमुच्यते जातिजराव्याधिमरणशोकपरिदेवदुःखदौर्मनस्योपायासेभ्यो, न परिमुच्यते महतो दुःखाद् इति वदामि /

सचेद् बोधिसत्त्वो महासत्त्वः प्रज्ञापारमितायां चरन् पञ्चचक्षुर् अधितिष्ठति / संजानात्य् अधिमुच्यते / स पञ्चचक्षुर् अधितिष्ठन् संजानन्न् अधिमुच्यमानः पञ्चचक्षुषाम् अभिसंस्कारे चरति / स न परिमुच्यते जातिजराव्याधिमरणशोकपरिदेवदुःखदौर्मनस्योपायासेभ्यो, न परिमुच्यते महतो दुःखाद् इति वदामि /

सचेद् बोधिसत्त्वो महासत्त्वः प्रज्ञापारमितायां चरन् धारणीमुखान्य् अधितिष्ठति / संजानात्य् अधिमुच्यते / स धारणीमुखान्य् अधितिष्ठन् संजानन्न् अधिमुच्यमानो धारणीमुखानाम् अभिसंस्कारे चरति / स न परिमुच्यते जातिजराव्याधिमरणशोकपारिदेवदुःखदौर्ममस्योपायासेभ्यो, न परिमुच्यते महतो दुःखाद् इति वदामि /

सचेद् बोधिसत्त्वो महासत्त्वः प्रज्ञापारमितायां चरन् दशतथागतबलान्य् अधितिष्ठति / संजानात्य् अधिमुच्यते / स दशतथागतबलान्य् अधितिष्ठन् संजानन्न् अधिमुच्यमानो दशतथागतबलानाम् अभिसंस्कारे चरति / स न परिमुच्यते जातिजराव्याधिमरणशोकपरिदेवदुःखदौर्मनस्योपायासेभ्यो, न परिमुच्यते महतो दुःखाद् इति वदामि /

सचेद् बोधिसत्त्वो महासत्त्वः प्रज्ञापारमितायां चरंश् चत्वारि वैशारद्यान्य् अधितिष्ठति / संजानात्य् अधिमुच्यते / स वैशारद्यान्य् अधितिष्ठन् संजानन्न् अधिमुच्यमानो वैशारद्यानाम् अभिसंस्कारे चरति / स न परिमुच्यते जातिजराव्याधिमरणशोकपरिदेवदुःखदौर्मनस्योपायासेभ्यो, न परिमुच्यते महतो दुःखाद् इति वदामि /

सचेद् बोधिसत्त्वो महासत्त्वः प्रज्ञापारमितायां चरंश् चतस्रः प्रतिसंविदो ऽधितिष्ठति / संजानात्य् अधिमुच्यते / स प्रतिसंविदो ऽधितिष्ठन् संजानन्न् अधिमुच्यमानः प्रतिसंविदाम् अभिसंस्कारे चरति / स न परिमुच्यते जातिजराव्याधिमरणशोकपरिदेवदुःखदौर्मनस्योपायासेभ्यो, न परिमुच्यते महतो दुःखाद् इति वदामि /

सचेद् बोधिसत्त्वो महासत्त्वः प्रज्ञापारमितायां चरन्न् अष्टादशावेणिकान् बुद्धधर्मान् अधितिष्ठति / संजानात्य् अधिमुच्यते / सो ऽधितिष्ठन् संजानन्न् अधिमुच्यमानो ऽष्टादशावेणिकबुद्धधर्माणाम् अभिसंस्कारे चरति / स न परिमुच्यते जातिजराव्याधिमरणशोकपरिदेवदुःखदौर्मनस्योपायासेभ्यो, न परिमुच्यते महतो दुःखाद् इति वदामि /

सचेत् खलु पुनर् आयुष्मञ् छारद्वतीपुत्र बोधिसत्त्वो महासत्त्वो ऽभव्यः श्रावकभूमिं वा प्रत्येकबुद्धभूमिं साक्षात् कर्तुं कः पुनर् वादो ऽनुत्तरां सम्यक्संबोधिम् अभिसंभोत्स्यते इति नेदं स्थानं विद्यते / एवं खल्व् आयुष्मञ् छारद्वतीपुत्र बोधिसत्त्वो महासत्त्वः प्रज्ञापारमितायां चरन्न् अनुपायकुशलो वेदितव्यः / शारद्वतीपुत्र आह / कथम् आयुष्मन् सुभूते बोधिसत्त्वो महासत्त्वः प्रज्ञापारमितायां चरन्न् उपायकुशलो वेदितव्यः / सुभूतिर् आह / यदायुष्मञ् छारद्वतीपुत्र बोधिसत्त्वो महासत्त्वः प्रज्ञापारमितायां चरन् न रूपे चरति / न रूपस्य निमित्ते चरति / न रूपं नित्यम् इति चरति / न रूपम् अनित्यम् इति चरति / न रूपं सुखम् इति चरति / न रूपं दुःखम् इति चरति / न रूपम् आत्मेति चरति / न रूपम् अनात्मेति चरति / न रूपं शान्तम् इति चरति / न रूपम् अशान्तम् इति चरति / न रूपं शून्यम् इति चरति / न रूपम् अशून्यम् इति चरति / न रूपं निमित्तम् इति चरति / न रूपम् अनिमित्तम् इति चरति / न रूपं प्रणिहितम् इति चरति / न रूपम् अप्रणिहितम् इति चरति / न रूपं विविक्तम् इति चरति / न रूपम् अविविक्तम् इति चरति /

न वेदनायां चरति / न वेदनाया निमित्ते चरति / न वेदना नित्येति चरति / न वेदनानित्येति चरति / न वेदना सुखेति चरति / न वेदना दुःखेति चरति / न वेदना आत्मेति चरति / न वेदनानात्मेति चरति / न वेदना शान्तेति चरति / न वेदना अशान्तेति चरति / न वेदना शून्येति चरति / न वेदनाशून्येति चरति / न वेदना निमित्तेति चरति / न वेदनानिमित्तेति चरति / न वेदना प्रणिहितेति चरति / न वेदनाप्रणिहितेति चरति / न वेदना विविक्तेति चरति / न वेदनाविविक्तेति चरति /

न संज्ञायां चरति / न संज्ञाया निमित्ते चरति / न संज्ञा नित्येति चरति / न संज्ञानित्येति चरति / न संज्ञा सुखेति चरति / न संज्ञा दुःखेति चरति / न संज्ञा आत्मेति चरति / न संज्ञानात्मेति चरति / न संज्ञा शान्तेति चरति / न संज्ञाशान्तेति चरति / न संज्ञा शून्येति चरति / न संज्ञाशून्येति चरति / न संज्ञा निमित्तेति चरति / न संज्ञा अनिमित्तेति चरति / न संज्ञा प्रणिहितेति चरति / न संज्ञाप्रणिहितेति चरति / न संज्ञा विविक्तेति चरति / न संज्ञाविविक्तेति चरति /

न संस्कारेषु चरति / न संस्काराणां निमित्ते चरति / न संस्कारा नित्या इति चरति / न संस्कारा अनित्या इति चरति / न संस्कारा सुखा इति चरति / न संस्कारा दुःखा इति चरति / न संस्कारा आत्मान इति चरति / न संस्कारा अनात्मान इति चरति / न संस्कारा शान्ता इति चरति / न संस्कारा अशान्ता इति चरति / न संस्कारा शून्या इति चरति / न संस्कारा अशून्या इति चरति / न संस्कारा निमित्ता इति चरति / न संस्कारा अनिमित्ता इति चरति / न संस्कारा प्रणिहिता इति चरति / न संस्कारा अप्रणिहिता इति चरति / न संस्कारा विविक्ता इति चरति / न संस्कारा अविविक्ता इति चरति /

न विज्ञाने चरति / न विज्ञानस्य निमित्ते चरति / न विज्ञानं नित्यम् इति चरति / न विज्ञानम् अनित्यम् इति चरति / न विज्ञानं सुखम् इति चरति / न विज्ञानं दुःखम् इति चरति / न विज्ञानम् आत्मेति चरति / न विज्ञानम् अनात्मेति चरति / न विज्ञानं शान्तम् इति चरति / न विज्ञानम् अशान्तम् इति चरति / न विज्ञानं शून्यम् इति चरति / न विज्ञानम् अशून्यम् इति चरति / न विज्ञानं निमित्तम् इति चरति / न विज्ञानम् अनिमित्तम् इति चरति / न विज्ञानं प्रणिहितम् इति चरति / न विज्ञानम् अप्रणिहितम् इति चरति / न विज्ञानं विविक्तम् इति चरति / न विज्ञानम् अविविक्तम् इति चरति /

न चक्षुषि चरति / न चक्षुषो निमित्ते चरति / न चक्षुर् नित्यम् इति चरति / न चक्षुर् अनित्यम् इति चरति / न चक्षुः सुखम् इति चरति / न चक्षुर् दुःखम् इति चरति / न चक्षुर् आत्मेति चरति / न चक्षुर् अनात्मेति चरति / न चक्षुः शान्तम् इति चरति / न चक्षुर् अशान्तम् इति चरति / न चक्षुः शून्यम् इति चरति / न चक्षुर् अशून्यम् इति चरति / न चक्षुर् निमित्तम् इति चरति / न चक्षुर् अनिमित्तम् इति चरति / न चक्षुः प्रणिहितम् इति चरति / न चक्षुर् अप्रणिहितम् इति चरति / न चक्षुर् विविक्तम् इति चरति / न चक्षुर् अविविक्तम् इति चरति /

न श्रोत्रे चरति / न श्रोत्रस्य निमित्ते चरति / न श्रोत्रं नित्यम् इति चरति / न श्रोत्रम् अनित्यम् इति चरति / न श्रोत्रं सुखम् इति चरति / न श्रोत्रं दुःखम् इति चरति / न श्रोत्रम् आत्मेति चरति / न श्रोत्रम् अनात्मेति चरति / न श्रोत्रं शान्तम् इति चरति / न श्रोत्रम् अशान्तम् इति चरति / न श्रोत्रं शून्यम् इति चरति / न श्रोत्रम् अशून्यम् इति चरति / न श्रोत्रं निमित्तम् इति चरति / न श्रोत्रम् अनिमित्तम् इति चरति / न श्रोत्रं प्रणिहितम् इति चरति / न श्रोत्रम् अप्रणिहितम् इति चरति / न श्रोत्रं विविक्तम् इति चरति / न शोत्रम् अविविक्तम् इति चरति /

न घ्राणे चरति / न घ्राणस्य निमित्ते चरति / न घ्राणं नित्यम् इति चरति / न घ्राणम् अनित्यम् इति चरति / न घ्राणं सुखम् इति चरति / न घ्राणं दुःखम् इति चरति / न घ्राणम् आत्मेति चरति / न घ्राणम् अनात्मेति चरति / न घ्राणं शान्तम् इति चरति / न घ्राणम् अशान्तम् इति चरति / न घ्राणं शून्यम् इति चरति / न घ्राणम् अशून्यम् इति चरति / न घ्राणं निमित्तम् इति चरति / न घ्राणम् अनिमित्तम् इति चरति / न घ्राणं प्रणिहितम् इति चरति / न घ्राणम् अप्रणिहितम् इति चरति / न घ्राणं विविक्तम् इति चरति / न घ्राणम् अविविक्तम् इति चरति /

न जिह्वायां चरति / न जिह्वाया निमित्ते चरति / न जिह्वा नित्येति चरति / न जिह्वानित्येति चरति / न जिह्वा सुखेति चरति / न जिह्वा दुःखेति चरति / न जिह्वा आत्मेति चरति / न जिह्वा अनात्मेति चरति / न जिह्वा शान्तेति चरति / न जिह्वाशान्तेति चरति / न जिह्वा शून्यम् इति चरति / न जिह्वाशून्यम् इति चरति / न जिह्वा निमित्तेति चरति / न जिह्वानिमित्तेति चरति / न जिह्वा प्रणिहितेति चरति / न जिह्वाप्रणिहितेति चरति / न जिह्वा विविक्तेति चरति / न जिह्वाविविक्तेति चरति /

न काये चरति / न कायस्य निमित्ते चरति / न कायं नित्यम् इति चरति / न कायम् अनित्यम् इति चरति / न कायं सुखम् इति चरति / न कायं दुःखम् इति चरति / न कायम् आत्मेति चरति / न कायम् अनात्मेति चरति / न कायं शान्तम् इति चरति / न कायम् अशान्तम् इति चरति / न कायं शून्यम् इति चरति / न कायम् अशून्यम् इति चरति / स कायं निमित्तम् इति चरति / न कायम् अनिमित्तम् इति चरति / न कायं प्रणिहितम् इति चरति / न कायम् अप्रणिहितम् इति चरति / न कायं विविक्तम् इति चरति / न कायम् अविविक्तम् इति चरति /

न मनसि चरति / न मनसो निमित्ते चरति / न मनो नित्यम् इति चरति / न मनो ऽनित्यम् इति चरति / न मनो सुखम् इति चरति / न मनो दुःखम् इति चरति / न मनः आत्मेति चरति / न मनो ऽनात्मेति चरति / न मनो शान्तम् इति चरति / न मनो ऽशान्तम् इति चरति / न मनः शून्यम् इति चरति / न मनो ऽशून्यम् इति चरति / न मनः निमित्तम् इति चरति / न मनो ऽनिमित्तम् इति चरति / न मनः प्रणिहितम् इति चरति / न मनो ऽप्रणिहितम् इति चरति / न मनो विविक्तम् इति चरति / न मनो ऽविविक्तम् इति चरति /

न रूपे चरति / न रूपस्य निमित्ते चरति / न रूपं नित्यम् इति चरति / न रूपम् अनित्यम् इति चरति / न रूपं सुखम् इति चरति / न रूपं दुःखम् इति चरति / न रूपम् आत्मेति चरति / न रूपम् अनात्मेति चरति / न रूपं शान्तम् इति चरति / न रूपम् अशान्तम् इति चरति / न रूपं शून्यम् इति चरति / न रूपम् अशून्यम् इति चरति / न रूपं निमित्तम् इति चरति / न रूपम् अनिमित्तम् इति चरति / न रूपं प्रणिहितम् इति चरति / न रूपम् अप्रणिहितम् इति चरति / न रूपं विविक्तम् इति चरति / न रूपम् अविविक्तम् इति चरति /

न शब्दे चरति / न शब्दस्य निमित्ते चरति / स शब्दो नित्य इति चरति / न शब्दो ऽनित्य इति चरति / न शब्दः सुख इति चरति / न शब्दः दुःख इति चरति / न शब्द आत्मेति चरति / न शब्दो ऽनात्मेति चरति / न शब्दः शान्त इति चरति / न शब्दो ऽशान्त इति चरति / न शब्दः शून्य इति चरति / न शब्दो ऽशून्य इति चरति / न शब्दो निमित्त इति चरति / न शब्दो ऽनिमित्त इति चरति / न शब्दः प्रणिहित इति चरति / न शब्दो ऽप्रणिहित इति चरति / न शब्दो विविक्त इति चरति / न शब्दो ऽविविक्त इति चरति /

न गन्धे चरति / न गन्धस्य निमित्ते चरति / न गन्धो नित्य इति चरति / न गन्धो ऽनित्य इति चरति / न गन्धः सुख इति चरति / न गन्धो दुःख इति चरति / न गन्ध आत्मेति चरति / न गन्धो ऽनात्मेति चरति / न गन्धः शान्त इति चरति / न गन्धो ऽशान्त इति चरति / न गन्धः शून्य इति चरति / न गन्धो ऽशून्य इति चरति / न गन्धो निमित्त इति चरति / न गन्धो ऽनिमित्त इति चरति / न गन्धः प्रणिहित इति चरति / न गन्धो ऽप्रणिहित इति चरति / न गन्धो विविक्त इति चरति / न गन्धो ऽविविक्त इति चरति /

न रसे चरति / न रसस्य निमित्ते चरति / न रसो नित्य इति चरति / न रसो ऽनित्य इति चरति / न रसः सुख इति चरति / न रसो दुःख इति चरति / न रस आत्मेति चरति / न रसो ऽनात्मेति चरति / न रसः शान्त इति चरति / न रसो ऽशान्त इति चरति / न रसः शून्य इति चरति / न रसो ऽशून्य इति चरति / न रसो निमित्त इति चरति / न रसो ऽनिमित्त इति चरति / न रसः प्रणिहित इति चरति / न रसो ऽप्रणिहित इति चरति / न रसो विविक्त इति चरति / न रसो ऽविविक्त इति चरति /

न स्पर्शे चरति / न स्पर्शस्य निमित्ते चरति / न स्पर्शो नित्य इति चरति / न स्पर्शो ऽनित्य इति चरति / न स्पर्शः सुख इति चरति / न स्पर्शो दुःख इति चरति / न स्पर्श आत्मेति चरति / न स्पर्शो ऽनात्मेति चरति / न स्पर्शः शान्त इति चरति / न स्पर्शो ऽशान्त इति चरति / न स्पर्शः शून्य इति चरति / न स्पर्शो ऽशून्य इति चरति / न स्पर्शो निमित्त इति चरति / न स्पर्शो ऽनिमित्त इति चरति / न स्पर्शः प्रणिहित इति चरति / न स्पर्शो ऽप्रणिहित इति चरति / न स्पर्शो विविक्त इति चरति / न स्पर्शो ऽविविक्त इति चरति /

न धर्मेषु चरति / न धर्माणां निमित्ते चरति / न धर्माः नित्या इति चरति / न धर्माः अनित्या इति चरति / न धर्माः सुखा इति चरति / न धर्माः दुःखा इति चरति / न धर्माः आत्मान इति चरति / न धर्माः अनात्मान इति चरति / न धर्माः शान्ता इति चरति / न धर्माः अशान्ता इति चरति / न धर्माः शून्या इति चरति / न धर्माः अशून्या इति चरति / न धर्माः निमित्ता इति चरति / न धर्माः अनिमित्ता इति चरति / न धर्माः प्रणिहिता इति चरति / न धर्मः अप्रणिहिता इति चरति / न धर्माः विविक्ता इति चरति / न धर्माः अविविक्ता इति चरति /

न चक्षुर्धातौ चरति / न चक्षुर्धातोर् निमित्ते चरति / न चक्षुर्धातुर् नित्य इति चरति / न चक्षुर्धातुर् अनित्य इति चरति / न चक्षुर्धातुः सुख इति चरति / न चक्षुर्धातुर् दुःख इति चरति / न चक्षुर्धातुर् आत्मेति चरति / न चक्षुर्धातुर् अनात्मेति चरति / न चक्षुर्धातुः शान्त इति चरति / न चक्षुर्धातुः अशान्त इति चरति / न चक्षुर्धातुः शून्य इति चरति / न चक्षुर्धातुर् अशून्य इति चरति / न चक्षुर्धातुर् निमित्त इति चरति / न चक्षुर्धातुर् अनिमित्त इति चरति / न चक्षुर्धातुः प्रणिहित इति चरति / न चक्षुर्धातुर् अप्रणिहित इति चरति / न चक्षुर्धातुर् विविक्त इति चरति / न चक्षुर्धातुर् अविविक्त इति चरति /

न रूपधातौ चरति / न रूपधातोर् निमित्ते चरति / न रूपधातुर् नित्य इति चरति / न रूपधातुर् अनित्य इति चरति / न रूपधातुः सुख इति चरति / न रूपधातुर् दुःख इति चरति / न रूपधातुर् आत्मेति चरति / न रूपधातुर् अनात्मेति चरति / न रूपधातुः शान्त इति चरति / न रूपधातुर् अशान्त इति चरति / न रूपधातुः शून्य इति चरति / न रूपधातुर् अशून्य इति चरति / न रूपधातुर् निमित्त इति चरति / न रूपधातुर् अनिमित्त इति चरति / न रूपधातुः प्रणिहित इति चरति / न रूपधातुर् अप्रणिहित इति चरति / न रूपधातुर् विविक्त इति चरति / न रूपधातुर् अविविक्त इति चरति /

न चक्षुर्विज्ञानधातौ चरति / न चक्षुर्विज्ञानधातोर् निमित्ते चरति / न चक्षुर्विज्ञानधातुर् अनित्य इति चरति / न चक्षुर्विज्ञानधातुर् अनित्य इति चरति / न चक्षुर्विज्ञानधातुः सुख इति चरति / न चक्षुर्विज्ञानधातुर् दुःख इति चरति / न चक्षुर्विज्ञानधातुर् आत्मेति चरति / न चक्षुर्विज्ञानधातुर् अनात्मेति चरति / न चक्षुर्विज्ञानधातुः शान्त इति चरति / न चक्षुर्विज्ञानधातुर् अशान्त इति चरति / न चक्षुर्विज्ञानधातुः शून्य इति चरति / न चक्षुर्विज्ञानधातुर् अशून्य इति चरति / न चक्षुर्विज्ञानधातुर् निमित्ते चरति / न चक्षुर्विज्ञानधातुर् अनिमित्त इति चरति / न चक्षुर्विज्ञानधातुः प्रणिहित इति चरति / न चक्षुर्विज्ञानधातुर् अप्रणिहित इति चरति / न चक्षुर्विज्ञानधातुर् विविक्त इति चरति / न चक्षुर्विज्ञानधातुर् अविविक्त इति चरति /

न श्रोत्रधातौ चरति / न श्रोत्रधातोर् निमित्ते चरति / न श्रोत्रधातुर् नित्य इति चरति / न श्रोत्रधातुर् अनित्य इति चरति / न श्रोत्रधातुः सुख इति चरति / न श्रोत्रधातुर् दुःख इति चरति / न श्रोत्रधातुर् आत्मेति चरति / न श्रोत्रधातुर् अनात्मेति चरति / न श्रोत्रधातुः शान्त इति चरति / न श्रोत्रधातुर् अशान्त इति चरति / न श्रोत्रधातुः शून्य इति चरति / न श्रोत्रधातुर् अशून्य इति चरति / न श्रोत्रधातुर् निमित्ते चरति / न श्रोत्रधातुर् अनिमित्त इति चरति / न श्रोत्रधातुः प्रणिहित इति चरति / न श्रोत्रधातुर् अप्रणिहित इति चरति / न श्रोत्रधातुर् विविक्त इति चरति / न श्रोत्रधातुर् अविविक्त इति चरति /

न शब्दधातौ चरति / न शब्दधातोर् निमित्ते चरति / न शब्दधातुर् नित्य इति चरति / न शब्दधातुर् अनित्य इति चरति / न शब्दधातुः सुख इति चरति / न शब्दधातुर् दुःख इति चरति / न शब्दधातुर् आत्मेति चरति / न शब्दधातुर् अनात्मेति चरति / न शब्दधातुः शान्त इति चरति / न शब्दधातुर् अशान्त इति चरति / शब्दधातुः शून्य इति चरति / न शब्दधातुर् अशून्य इति चरति / न शब्दधातुः प्रणिहित इति चरति / न शब्दधातुर् अप्रणिहित इति चरति / न शब्दधातुर् विविक्त इति चरति / न शब्दधातुर् अविविक्त इति चरति /

न श्रोत्रविज्ञानधातौ चरति / न श्रोत्रविज्ञानधातोर् निमित्ते चरति / न श्रोत्रविज्ञानधातुर् नित्य इति चरति / न श्रोत्रविज्ञानधातुर् अनित्य इति चरति / न श्रोत्रविज्ञानधातुः सुख इति चरति / न श्रोत्रविज्ञानधातुर् दुःख इति चरति / न श्रोत्रविज्ञानधातुर् आत्मेति चरति / न श्रोत्रविज्ञानधातुर् अनात्मेति चरति / न श्रोत्रविज्ञानधातुः शान्त इति चरति / न श्रोत्रविज्ञानधातुर् अशान्त इति चरति / न श्रोत्रविज्ञानधातुः शून्य इति चरति / न श्रोत्रविज्ञानधातुर् अशून्य इति चरति / न श्रोत्रविज्ञानधातुर् निमित्त इति चरति / न श्रोत्रविज्ञानधातुर् अनिमित्त इति चरति / न श्रोत्रविज्ञानधातुः प्रणिहित इति चरति / न श्रोत्रविज्ञानधातुर् अप्रणिहित इति चरति / न श्रोत्रविज्ञानधातुर् विविक्त इति चरति / न श्रोत्रविज्ञानधातुर् अविविक्त इति चरति /

न घ्राणधातौ चरति / न घ्राणधातोर् निमित्त इति चरति / न घ्राणधातुर् नित्य इति चरति / न घ्राणधातुर् अनित्य इति चरति / न घ्राणधातुः सुख इति चरति / न घ्राणधातुर् दुःख इति चरति / न घ्राणधातुर् आत्मेति चरति / न घ्राणधातुर् अनात्मेति चरति / न घ्राणधातुः शान्त इति चरति / न घ्राणधातुर् अशान्त इति चरति / न घ्राणधातुः शून्य इति चरति / न घ्राणधातुर् अशून्य इति चरति / न घ्राणधातुर् निमित्त इति चरति / न घ्राणधातुर् अनिमित्त इति चरति / न घ्राणधातुः प्रणिहित इति चरति / न घ्राणधातुर् अप्रणिहित इति चरति / न घ्राणधातुर् विविक्त इति चरति / न घ्राणधातुर् अविविक्त इति चरति /

न गन्धधातौ चरति / न गन्धधातोर् निमित्ते चरति / न गन्धधातुर् नित्य इति चरति / न गन्धधातुर् अनित्य इति चरति / न गन्धधातुः सुख इति चरति / न गन्धधातुर् दुःख इति चरति / न गन्धधातुर् आत्मेति चरति / न गन्धधातुर् अनात्मेति चरति / न गन्धधातुः शान्त इति चरति / न गन्धधातुर् अशान्त इति चरति / न गन्धधातुः शून्य इति चरति / न गन्धधातुर् अशून्य इति चरति / न गन्धधातुर् निमित्त इति चरति / न गन्धधातुर् अनिमित्त इति चरति / न गन्धधातुः प्रणिहित इति चरति / न गन्धधातुर् अप्रणिहित इति चरति / न गन्धधातुर् विविक्त इति चरति / न गन्धधातुर् अविविक्त इति चरति /

न घ्राणविज्ञानधातौ चरति / न घ्राणविज्ञानधातोर् निमित्ते इति चरति / न घ्राणविज्ञानधातुर् नित्य इति चरति / न घ्राणविज्ञानधातुर् अनित्य इति चरति / न घ्राणविज्ञानधातुः सुख इति चरति / न घ्राणविज्ञानधतुर् दुःख इति चरति / न घ्राणविज्ञानधातुर् आत्मेति चरति / न घ्राणविज्ञानधातुर् अनात्मेति चरति / न घ्राणविज्ञानधातुः शान्त इति चरति / न घ्राणविज्ञानधातुर् अशान्त इति चरति / न घ्राणविज्ञानधातः शून्य इति चरति / न घ्राणविज्ञानधातुर् अशून्य इति चरति / न घ्राणविज्ञानधातुर् निमित्त इति चरति / न घ्राणविज्ञानधातुर् अनिमित्त इति चरति / न घ्राणविज्ञानधातुः प्रणिहित इति चरति / न घ्राणविज्ञानधातुर् अप्रणिहित इतिए चरति / न घ्राणविज्ञानधातुर् विविक्त इति चरति / न घ्राणविज्ञानधातुर् अविविक्त इति चरति /

न जिह्वाधातौ चरति / न जिह्वाधातोर् निमित्ते चरति / न जिह्वाधातुर् नित्य इति चरति / न जिह्वाधातुर् अनित्य इति चरति / न जिह्वाधातुः सुख इति चरति / न जिह्वाधातुर् दुःख इति चरति / न जिह्वाधातुर् आत्मेति चरति / न जिह्वाधातुर् अनात्मेति चरति / न जिह्वाधातुः शान्त इति चरति / न जिह्वाधातुर् अशान्त इति चरति / न जिह्वाधातुः शून्य इति चरति / न जिह्वाधातुर् अशून्य इति चरति / न जिह्वाधातुर् निमित्त इति चरति / न जिह्वाधातुर् अनिमित्त इति चरति / न जिह्वाधातुः प्रणिहित इति चरति / न जिह्वाधातुर् अप्रणिहित इति चरति / न जिह्वाधातुर् विविक्त इति चरति / न जिह्वाधातुर् अविविक्त इति चरति /

न रसधातौ चरति / न रसधातोर् निमित्ते चरति / न रसधातुर् नित्य इति चरति / न रसधातुर् अनित्य इति चरति / न रसधातुः सुख इति चरति / न रसधातुर् दुःख इति चरति / न रसधातुर् आत्मेति चरति / न रसधातुर् अनात्मेति चरति / न रसधातुः शान्त इति चरति / न रसधातुर् अशान्त इति चरति / न रसधातुः शून्य इति चरति / न रसधातुर् अशून्य इति चरति / न रसधातुर् निमित्त इति चरति / न रसधातुर् अनिमित्त इति चरति / न रसधातुः प्रणिहित इति चरति / न रसधातुर् अप्रणिहित इति चरति / न रसधातुर् विविक्त इति चरति / न रसधातुर् अविविक्त इति चरति /

न जिह्वाविज्ञानधातौ चरति / न जिह्वाविज्ञानधातोर् निमित्ते चरति / न जिह्वाविज्ञानधातुर् नित्य इति चरति / न जिह्वाविज्ञानधातुर् अनित्य इति चरति / न जिह्वाविज्ञानधातुः सुख इति चरति / न जिह्वाविज्ञानधातुर् दुःख इति चरति / न जिह्वाविज्ञानधातुर् आत्मेति चरति / न जिह्वाविज्ञानधातुर् अनात्मेति चरति / न जिह्वाविज्ञानधातुः शान्त इति चरति / न जिह्वाविज्ञानधातुर् अशान्त इति चरति / न जिह्वाविज्ञानधातुः शून्य इति चरति / न जिह्वाविज्ञानधातुर् अशून्य इति चरति / न जिह्वाविज्ञानधातुर् निमित्त इति चरति / न जिह्वाविज्ञानधातुर् अनिमित्त इति चरति / न जिह्वाविज्ञानधातुः प्रणिहित इति चरति / न जिह्वाविज्ञानधातुर् अप्रणिहित इति चरति / न जिह्वाविज्ञानधातुर् विविक्त इति चरति / न जिह्वाविज्ञानधातुर् अविविक्त इति चरति /

न कायधातौ चरति / न कायधातोर् निमित्ते चरति / न कायधातुर् नित्य इति चरति / न कायधातुर् अनित्य इति चरति / न कायधातुः सुख इति चरति / न कायधातुर् दुःख इति चरति / न कायधातुर् आत्मेति चरति / न कायधातुर् अनात्मेति चरति / न कायधातुः शान्त इति चरति / न कायधातुर् अशान्त इति चरति / न कायधातुः शून्य इति चरति / न कायधातुर् अशून्य इति चरति / न कायधातुर् निमित्त इति चरति / न कायधातुर् अनिमित्त इति चरति / न कायधातुः प्रणिहित इति चरति / न कायधातुर् अप्रणिहित इति चरति / न कायधातुर् विविक्त इति चरति / न कायधातुर् अविविक्त इति चरति /

न स्प्रष्टव्यधातौ चरति / न स्प्रष्टव्यधातोर् निमित्ते चरति / न स्प्रष्टव्यधातुर् नित्य इति चरति / न स्प्रष्टव्यधातुर् अनित्य इति चरति / न स्प्रष्टव्यधातुः सुख इति चरति / न स्प्रष्टव्यधातुर् दुःख इति चरति / न स्प्रष्टव्यधातुर् आत्मेति चरति / न स्प्रष्टव्यधातुर् अनात्मेति चरति / न स्प्रष्टव्यधातुः शान्त इति चरति / न स्प्रष्टव्यधातुर् अशान्त इति चरति / न स्प्रष्टव्यधातुः शून्य इति चरति / न स्प्रष्टव्यधातुर् अशून्य इति चरति / न स्प्रष्टव्यधातुर् निमित्त इति चरति / न स्प्रष्टव्यधातुर् अनिमित्त इति चरति / न स्प्रष्टव्यधातुः प्रणिहित इति चरति / न स्प्रष्टव्यधातुर् अप्रणिहित इति चरति / न स्प्रष्टव्यधातुर् विविक्त इति चरति / न स्प्रष्टव्यधातुर् अविविक्त इति चरति /

न कायविज्ञानधातौ चरति / न कायविज्ञानधातोर् निमित्ते चरति / न कायविज्ञानधातुर् नित्य इति चरति / न कायविज्ञानधातुर् अनित्य इति चरति / न कायविज्ञानधातुः सुख इति चरति / न कायविज्ञानधातुर् दुःख इति चरति / न कायविज्ञानधातुर् आत्मेति चरति / न कायविज्ञानधातुर् अनात्मेति चरति / न कायविज्ञानधातुः शान्त इति चरति / न कायविज्ञानधातुर् अशान्त इति चरति / न कायविज्ञानधातुः शून्य इति चरति / न कायविज्ञानधातुर् अशून्य इति चरति / न कायविज्ञानधातुर् निमित्त इति चरति / न कायविज्ञानं धातुर् अनिमित्त इति चरति / न कायविज्ञानधातुः प्रणिहित इति चरति / न कायविज्ञानधातुर् अप्रणिहित इति चरति / न कायविज्ञानधातुर् विविक्त इति चरति / न कायविज्ञानधातुर् अविविक्त इति चरति /

न मनोधातौ चरति / न मनोधातोर् निमित्ते चरति / न मनोधातुर् नित्य इति चरति / न मनोधातुर् अनित्य इति चरति / न मनोधातुः सुख इति चरति / न मनोधातुर् दुःख इति चरति / न मनोधातुर् आत्मेति चरति / न मनोधातुर् अनात्मेति चरति / न मनोधातुः शान्त इति चरति / न मनोधातुर् अशान्त इति चरति / न मनोधातुः शून्य इति चरति / न मनोधातुर् अशून्य इति चरति / न मनोधातुर् निमित्त इति चरति / न मनोधातुर् अनिमित्त इति चरति / न मनोधातुः प्रणिहित इति चरति / न मनोधातुर् अप्रणिहित इति चरति / न मनोधातुर् विविक्त इति चरति / न मनोधातुर् अविविक्त इति चरति /

न धर्मधातौ चरति / न धर्मधातोर् निमित्ते चरति / न धर्मधातुर् नित्य इति चरति / न धर्मधातुर् अनित्य इति चरति / न धर्मधातुः सुख इति चरति / न धर्मधातुर् दुःख इति चरति / न धर्मधातुर् आत्मेति चरति / न धर्मधातुर् अनात्मेति चरति / न धर्मधातुः शान्त इति चरति / न धर्मधातुर् अशान्त इति चरति / न धर्मधातुः शून्य इति चरति / न धर्मधातुर् अशून्य इति चरति / न धर्मधातुर् निमित्त इति चरति / न धर्मधातुर् अनिमित्त इति चरति / न धर्मधातुः प्रणिहित इति चरति / न धर्मधातुर् अप्रणिहित इति चरति / न धर्मधातुर् विविक्त इति चरति / न धर्मधातुर् अविविक्त इति चरति /

न मनोविज्ञानधातौ चरति / न मनोविज्ञानधातोर् निमित्ते चरति / न मनोविज्ञानधातुर् नित्य इति चरति / न मनोविज्ञानधातुर् अनित्य इति चरति / न मनोविज्ञानधातुः सुख इति चरति / न मनोविज्ञानधातुर् दुःख इति चरति / न मनोविज्ञानधातुर् आत्मेति चरति / न मनोविज्ञानधातुर् अनात्मेति चरति / न मनोविज्ञानधातुः शान्त इति चरति / न मनोविज्ञानधातुर् अशान्त इति चरति / न मनोविज्ञानधातुः शून्य इति चरति / न मनोविज्ञानधातुर् अशून्य इति चरति / न मनोविज्ञानधातुः प्रणिहित इति चरति / न मनोविज्ञानधातुर् अप्रणिहित इति चरति / न मनोविज्ञानधातुर् विविक्त इति चरति / न मनोविज्ञानधातुर् अविविक्त इति चरति /

न पृथिवीधातौ चरति / न पृथिवीधातोर् निमित्ते चरति / न पृथिवीधातुर् नित्य इति चरति / न पृथिवीधातुर् अनित्य इति चरति / न पृथिवीधातुः सुख इति चरति / न पृथिवीधातुर् दुःख इति चरति / न पृथिवीधातुर् आत्मेति चरति / न पृथिवीधातुर् अनात्मेति चरति / न पृथिवीधातुः शान्त इति चरति / न पृथिवीधातुर् अशान्त इति चरति / न पृथिवीधातुः शून्य इति चरति / न पृथिवीधातुर् अशून्य इति चरति / न पृथिवीधातुर् निमित्त इति चरति / न पृथिवीधातुर् अनिमित्त इति चरति / न पृथिवीधातुः प्रणिहित इति चरति / न पृथिवीधातुर् अप्रणिहित इति चरति / न पृथिवीधातुर् विविक्त इति चरति / न पृथिवीधातुर् अविविक्त इति चरति /

नाब्धातौ चरति / नाब्धातोर् निमित्ते चरति / नाब्धातुर् नित्य इति चरति / नाब्धातुर् अनित्य इति चरति / नाब्धातुः सुख इति चरति / नाब्धातुर् दुःख इति चरति / नाब्धातुर् आत्मेति चरति / नाब्धातुर् अनात्मेति चरति / नाब्धातुः शान्त इति चरति / नाब्धातुर् अशान्त इति चरति / नाब्धातुः शून्य इति चरति / नाब्धातुर् अशून्य इति चरति / नाब्धातुः प्रणिहित इति चरति / नाब्धातुर् अप्रणिहित इति चरति / नाब्धातुर् विविक्त इति चरति / नाब्धातुर् अविविक्त इति चरति /

न तेजोधातौ चरति / न तेजोधातोर् निमित्ते चरति / न तेजोधातुर् नित्य इति चरति / न तेजोधातुर् अनित्य इति चरति / न तेजोधातुः सुख इति चरति / न तेजोधातुर् दुःख इति चरति / न तेजोधातुर् आत्मेति चरति / न तेजोधातुर् अनात्मेति चरति / न तेजोधातुः शान्त इति चरति / न तेजोधातुर् अशान्त इति चरति / न तेजोधातुः शून्य इति चरति / न तेजोधातुर् अशून्य इति चरति / न तेजोधातुर् निमित्त इति चरति / न तेजोधातुर् अनिमित्त इति चरति / न तेजोधातुः प्रणिहित इति चरति / न तेजोधातुर् अप्रणिहित इति चरति / न तेजोधातुर् विविक्त इति चरति / न तेजोधातुर् अविविक्त इति चरति /

न वायुधातौ चरति / न वायुधातोर् निमित्ते चरति / न वायुधातुर् नित्य इति चरति / न वायुधातुर् अनित्य इति चरति / न वायुधातुः सुख इति चरति / न वायुधातुर् दुःख इति चरति / न वायुधातुर् आत्मेति चरति / न वायुधातुर् अनात्मेति चरति / न वायुधातुः शान्त इति चरति / न वायुधातुर् अशान्त इति चरति / न वायुधातुः शून्य इति चरति / न वायुधातुर् अशून्य इति चरति / न वायुधातुर् निमित्त इति चरति / न वायुधातुर् अनिमित्त इति चरति / न वायुधातुः प्रणिहित इति चरति / न वायुधातुर् अप्रणिहित इति चरति / न वायुधातुर् विविक्त इति चरति / न वायुधातुर् अविविक्त इति चरति /

नाकाशधातौ चरति / नाकाशधातोर् निमित्ते चरति / नाकाशधातुर् नित्य इति चरति / नाकाशधातुर् अनित्य इति चरति / नाकाशधातुः सुख इति चरति / नाकाशधातुर् दुःख इति चरति / नाकाशधातुर् आत्मेति चरति / नाकाशधातुर् अनात्मेति चरति / नाकाशधातुः शून्य इति चरति / नाकाशधातुर् अशून्य इति चरति / नाकाशधातुर् निमित्त इति चरति / नाकाशधातुर् अनिमित्त इति चरति / नाकाशधातुः प्रणिहित इति चरति / नाकाशधातुर् अप्रणिहित इति चरति / नाकाशधातुर् विविक्त इति चरति / नाकाशधातुर् अविविक्त इति चरति /

न विज्ञानधातौ चरति / न विज्ञानधातोर् निमित्ते चरति / न विज्ञानधातुर् नित्य इति चरति / न विज्ञानधातुर् अनित्य इति चरति / न विज्ञानधातुः सुख इति चरति / न विज्ञानधातुर् दुःख इति चरति / न विज्ञानधातुर् आत्मेति चरति / न विज्ञानधातुर् अनात्मेति चरति / न विज्ञानधातुः शान्त इति चरति / न विज्ञानधातुर् अशान्त इति चरति / न विज्ञानधातुः शून्य इति चरति / न विज्ञानधातुर् अशून्य इति चरति / न विज्ञानधातुर् निमित्त इति चरति / न विज्ञानधातुर् अनिमित्त इति चरति / न विज्ञानधातुः प्रणिहित इति चरति / न विज्ञानधातुर् अप्रणिहित इति चरति / न विज्ञानधातुर् विविक्त इति चरति / न विज्ञानधातुर् अविविक्त इति चरति /

नाविद्यायां चरति / नाविद्यायाः निमित्ते चरति / नाविद्या नित्येति चरति / नाविद्यानित्येति चरति / नाविद्या सुखेति चरति / नाविद्या दुःखेति चरति / नाविद्या आत्मेति चरति / नाविद्यानात्मेति चरति / नाविद्या शान्तेति चरति / नाविद्याशान्तेति चरति / नाविद्या शून्येति चरति / नाविद्याशून्येति चरति / नाविद्या निमित्तेति चरति / नाविद्यानिमित्तेति चरति / नाविद्या प्रणिहितेति चरति / नाविद्याप्रणिहितेति चरति / नाविद्या विविक्तेति चरति / नाविद्याविविक्तेति चरति /

न संस्कारेषु चरति / न संस्कारायां निमित्ते चरति / न संस्काराः नित्या इति चरति / न संस्कारा अनित्या इति चरति / न संस्काराः सुखा इति चरति / न संस्काराः दुःखा इति चरति / न संस्कारा आत्मा इति चरति / न संस्कारा अनात्मा इति चरति / न संस्काराः शान्ता इति चरति / न संस्कारा अशान्ता इति चरति / न संस्काराः शून्या इति चरति / न संस्कारा अशून्या इति चरति / न संस्काराः निमित्ता इति चरति / न संस्कारा अनिमित्ता इति चरति / न संस्काराः प्रणिहिता इति चरति / न संस्कारा अप्रणिहिता इति चरति / न संस्काराः विविक्ता इति चरति / न संस्कारा अविविक्ता इति चरति /

न विज्ञाने चरति / न विज्ञानस्य निमित्ते चरति / न विज्ञानं नित्यम् इति चरति / न विज्ञानम् अनित्यम् इति चरति / न विज्ञानं सुखम् इति चरति / न विज्ञानं दुःखम् इति चरति / न विज्ञानम् आत्मेति चरति / न विज्ञानम् अनात्मेति चरति / न विज्ञानं शान्तम् इति चरति / न विज्ञानम् अशान्तम् इति चरति / न विज्ञानं शून्यम् इति चरति / न विज्ञानम् अशून्यम् इति चरति / न विज्ञानं निमित्तम् इति चरति / न विज्ञानम् अनिमित्तम् इति चरति / न विज्ञानं प्रणिहितम् इति चरति / न विज्ञानम् अप्रणिहितम् इति चरति / न विज्ञानं विविक्तम् इति चरति / न विज्ञानम् अविविक्तम् इति चरति /

न नामरूपे चरति / न नामरूपस्य निमित्ते चरति / ननामरूपं नित्यम् इति चरति / न नामरूपम् अनित्यम् इति चरति / न नामरूपं सुखम् इति चरति / न नामरूपं दुःखम् इति चरति / न नामरूपम् आत्मेति चरति / न नामरूपम् अनात्मेति चरति / न नामरूपं शान्तम् इति चरति / न नामरूपम् अशान्तम् इति चरति / न नामरूपं शून्यम् इति चरति / न नामरूपम् अशून्यम् इति चरति / न नामरूपं निमित्तम् इति चरति / न नामरूपम् अनिमित्तम् इति चरति / न नामरूपं प्रणिहितम् इति चरति / न नामरूपम् अप्रणिहितम् इति चरति / न नामरूपं विविक्तम् इति चरति / न नामरूपम् अविविक्तम् इति चरति /

न षडायतने चरति / न षडायतनस्य निमित्ते चरति / न षडायतनं नित्यम् इति चरति / न षडायतनम् अनित्यम् इति चरति / न षडायतनं सुखम् इति चरति / न षडायतनं दुःखम् इति चरति / न षडायतनम् आत्मेति चरति / न षडायतनम् अनात्मेति चरति / न षडायतनं शान्तम् इति चरति / न षडायतनम् अशान्तम् इति चरति / न षड्यायतनं शून्यम् इति चरति / न षडायतनम् अशून्यम् इति चरति / न षडायतनं निमित्तम् इति चरति / न षडायतनम् अनिमित्तम् इति चरति / न षडायतनं प्रणिहितम् इति चरति / न षडायतनम् अप्रणिहितम् इति चरति / न षडायतनं विविक्तम् इति चरति / न षडायतनम् अविविक्तम् इति चरति /

न स्पर्शे चरति / न स्पर्शस्य निमित्ते चरति / न स्पर्शो नित्य इति चरति / न स्पर्शो ऽनित्य इति चरति / न स्पर्शः सुख इति चरति / न स्पर्शो दुःख इति चरति / न स्पर्शः आत्मेति चरति / न स्पर्शः अनात्मेति चरति / न स्पर्शः शान्त इति चरति / न स्पर्शो ऽशान्त इति चरति / न स्पर्शः शून्य इति चरति / न स्पर्शो ऽशून्य इति चरति / न स्पर्शः निमित्त इति चरति / न स्पर्शो ऽनिमित्त इति चरति / न स्पर्शः प्रणिहित इति चरति / न स्पर्शो ऽप्रणिहित इति चरति / न स्पर्शो विविक्त इति चरति / न स्पर्शो ऽविविक्त इति चरति /

न वेदनायां चरति / न वेदनायाः निमित्ते चरति / न वेदना नित्येति चरति / न वेदनानित्येति चरति / न वेदना सुखेति चरति / न वेदना दुःखेति चरति / न वेदना आत्मेति चरति / न वेदना अनात्मेति चरति / न वेदना शान्तेति चरति / न वेदना अशान्तेति चरति / न वेदना शून्येति चरति / न वेदना अशून्येति चरति / न वेदना निमित्तेति चरति / न वेदनानिमित्तेति चरति / न वेदना प्रणिहितेति चरति / न वेदनाप्रणिहितेति चरति / न वेदना विविक्तेति चरति / न वेदनाविविक्तेति चरति /

न तृष्णायां चरति / न तृष्णायाः निमित्ते चरति / न तृष्णा नित्येति चरति / न तृष्णा अनित्येति चरति / न तृष्णा सुखेति चरति / न तृष्णा दुःखेति चरति / न तृष्णा आत्मेति चरति / न तृष्णा अनात्मेति चरति / न तृष्णा शान्तेति चरति / न तृष्णा अशान्तेति चरति / न तृष्णा शून्येति चरति / न तृष्णाशून्येति चरति / न तृष्णा निमित्तेति चरति / न तृष्णानिमित्तेति चरति / न तृष्णा प्रणिहितेति चरति / न तृष्णाप्रणिहितेति चरति / न तृष्णा विविक्तेति चरति / न तृष्णाविविक्तेति चरति /

नोपादाने चरति / नोपादानस्य निमित्ते चरति / नोपादानं नित्यम् इति चरति / नोपादानम् अनित्यम् इति चरति / नोपादानं सुखम् इति चरति / नोपादानं दुःखम् इति चरति / नोपादानम् आत्मेति चरति / नोपादानम् अनात्मेति चरति / नोपादानं शान्तम् इति चरति / नोपादानम् अशान्तम् इति चरति / नोपादानं शून्यम् इति चरति / नोपादानम् अशून्यम् इति चरति / नोपादानं निमित्तम् इति चरति / नोपादानम् अनिमित्तम् इति चरति / नोपादानं प्रणिहितम् इति चरति / नोपादानम् अप्रणिहितम् इति चरति / नोपादानं विविक्तम् इति चरति / नोपादानम् अविविक्तम् इति चरति /

न भवे चरति / न भवस्य निमित्तै चरति / न भवो नित्य इति चरति / न भवो ऽनित्य इति चरति / न भवः सुख इति चरति / न भवो दुःख इति चरति / न भवः आत्मेति चरति / न भवो ऽनात्मेति चरति / न भवः शान्त इति चरति / न भवो ऽशान्त इति चरति / न भवः शून्य इति चरति / न भवो ऽशून्य इति चरति / न भवो निमित्त इति चरति / न भवो ऽनिमित्त इति चरति / न भवः प्रणिहित इति चरति / न भवो ऽप्रणिहित इति चरति / न भवो विविक्त इति चरति / न भवो ऽविविक्त इति चरति /

न जातौ चरति / न जातेर् निमित्ते चरति / न जातिर् नित्येति चरति / न जातिर् अनित्येति चरति / न जातिः सुखेति चरति / न जातिर् दुःखेति चरति / न जातिर् आत्मेति चरति / न जातिर् अनात्मेति चरति / न जातिः शान्तेति चरति / न जातिर् अशान्तेति चरति / न जातिः शून्येति चरति / न जातिर् अशून्येति चरति / न जातिर् निमित्तेति चरति / न जातिर् अनिमित्तेति चरति / न जातिः प्रणिहितेति चरति / न जातिर् अप्रणिहितेति चरति / न जातिर् विविक्तेति चरति / न जातिर् अविविक्तेति चरति /

न जरामरणे चरति / न जरामरणस्य निमित्ते चरति / न जरामरणं नित्यम् इति चरति / न जरामरणम् अनित्यम् इति चरति / न जरामरणं सुखम् इति चरति / न जरामरणं दुःखम् इति चरति / न जरामरणम् आत्मेति चरति / न जरामरणम् अनात्मेति चरति / न जरामरणं शान्तम् इति चरति / न जरामरणम् अशान्तम् इति चरति / न जरामरणं शून्यम् इति चरति / न जरामरणम् अशून्यम् इति चरति / न जरामरणं निमित्तम् इति चरति / न जरामरणम् अनिमित्तम् इति चरति / न जरामरणं प्रणिहितम् इति चरति / न जरामरणम् अप्रणिहितम् इति चरति / न जरामरणं विविक्तम् इति चरति / न जरामरणम् अविविक्तम् इति चरति /

न दानपारमितायां चरति / न दानपारमितायाः निमित्ते चरति / न दानपारमिता नित्येति चरति / न दानपारमितानित्येति चरति / न दानपारमिता सुखेति चरति / न दानपारमिता दुःखेति चरति / न दानपारमिता आत्मेति चरति / न दानपारमितानात्मेति चरति / न दानपारमिता शान्तेति चरति / न दानपारमिताशन्तेति चरति / न दानपारमिता शून्येति चरति / न दानपारमिताशून्येति चरति / न दानपारमिता निमित्तेति चरति / न दानपारमितानिमित्तेति चरति / न दानपारमिता प्रणिहितेति चरति / न दानपारमिताप्रणिहितेति चरति / न दानपारमिता विविक्तेति चरति / न दानपारमिताविविक्तेति चरति /

न शीलपारमितायां चरति / न शीलपारमितायाः निमित्ते चरति / न शीलपारमिता नित्येति चरति / न शीलपारमितानित्येति चरति / न शीलपारमिता सुखेति चरति / न शीलपारमिता दुःखेति चरति / न शीलपारमिता आत्मेति चरति / न शीलपारमितानात्मेति चरति / न शीलपारमिता शान्तेति चरति / न शीलपारमिताशान्तेति चरति / न शीलपारमिता शून्येति चरति / न शीलपारमिताशून्येति चरति / न शीलपारमिता निमित्तेति चरति / न शीलपारमितानिमित्तेति चरति / न शीलपारमिता प्रणिहितेति चरति / न शीलपारमिताप्रणिहितेति चरति / न शीलपारमिता विविक्तेति चरति / न शीलपारमिताविविक्तेति चरति /

न क्षान्तिपारमितायां चरति / न क्षान्तिपारमितायाः निमित्ते चरति / न क्षान्तिपारमिता नित्येति चरति / न क्षान्तिपारमितानित्येति चरति / न क्षान्तिपारमिता सुखेति चरति / न क्षान्तिपारमिता दुःखेति चरति / न क्षान्तिपारमिता आत्मेति चरति / न क्षान्तिपारमितानात्मेति चरति / न क्षान्तिपारमिता शान्तेति चरति / न क्षान्तिपारमिताशान्तेति चरति / न क्षान्तिपारमिता शून्येति चरति / न क्षान्तिपारमिता अशून्येति चरति / न क्षान्तिपारमिता निमित्तेति चरति / न क्षान्तिपारमितानिमित्तेति चरति / न क्षान्तिपारमिता प्रणिहितेति चरति / न क्षान्तिपारमिताप्रणिहितेति चरति / न क्षान्तिपारमिता विविक्तेति चरति / न क्षान्तिपारमिताविविक्तेति चरति /

न वीर्यपारमितायां चरति / न वीर्यपारमितायाः निमित्ते चरति / न वीर्यपारमिता नित्येति चरति / न वीर्यपारमितानित्येति चरति / न वीर्यपारमिता सुखेति चरति / न वीर्यपारमिता दुःखेति चरति / न वीर्यपारमिता आत्मेति चरति / न वीर्यपारमिता अनात्मेति चरति / न वीर्यपारमिता शान्तेति चरति / न वीर्यपारमिताशान्तेति चरति / न वीर्यपारमिता शून्येति चरति / न वीर्यपारमिताशून्येति चरति / न वीर्यपारमिता निमित्तेति चरति / न वीर्यपारमितानिमित्तेति चरति / न वीर्यपारमिता प्रणिहितेति चरति / न वीर्यपारमिताप्रणिहितेति चरति / न वीर्यपारमिता विविक्तेति चरति / न वीर्यपारमिताविविक्तेति चरति /

न ध्यानपारमितायां चरति / न ध्यानपारीमतायाः निमित्ते चरति / न ध्यानपारमिता नित्येति चरति / न ध्यानपारर्मितानित्येति चरति / न ध्यानपारमिता सुखेति चरति / न ध्यानपारमिता दुःखेति चरति / न ध्यानपारमिता आत्मेति चरति / न ध्यानपारमिता अनात्मेति चरति / न ध्यानपारमिता शान्तेति चरति / न ध्यानपारमिताशान्तेति चरति / न ध्यानपारमिता शून्येति चरति / न ध्यानपारमिताशून्येति चरति / न ध्यानपारमिता निमित्तेति चरति / न ध्यानपारमितानिमित्तेति चरति / न ध्यानपारमिता प्रणिहितेति चरति / न ध्यानपारमिताप्रणिहितेति चरति / न ध्यानपारमिता विविक्तेति चरति / न ध्यानपारमिताविविक्तेति चरति /

न प्रज्ञापारमितायां चरति / न प्रज्ञापारमितायाः निमित्ते चरति / न प्रज्ञापारमिता नित्येति चरति / न प्रज्ञापारमितानित्येति चरति / न प्रज्ञापारमिता सुखेति चरति / न प्रज्ञापारमिता दुःखेति चरति / न प्रज्ञापारमिता आत्मेति चरति / न प्रज्ञापारमितानात्मेति चरति / न प्रज्ञापारमिता शान्तेति चरति / न प्रज्ञापारमिताशान्तेति चरति / न प्रज्ञापारमिता शून्येति चरति / न प्रज्ञापारमिताशून्येति चरति / न प्रज्ञापारमिता निमित्तेति चरति / न प्रज्ञापारमितानिमित्तेति चरति / न प्रज्ञापारमिता प्रणिहितेति चरति / न प्रज्ञापारमिताप्रणिहितेति चरति / न प्रज्ञापारमिता विविक्तेति चरति / न प्रज्ञापारमिताविविक्तेति चरति /

नाध्यात्मशून्यतायां चरति / नाध्यात्मशून्यतायाः निमित्ते चरति / नाध्यात्मशून्यता नित्येति चरति / नाध्यात्मशून्यतानित्येति चरति / नाध्यात्मशून्यता सुखेति चरति / नाध्यात्मशून्यता दुःखेति चरति / नाध्यात्मशून्यता आत्मेति चरति / नाध्यात्मशून्यतानात्मेति चरति / नाध्यात्मशून्यता शान्तेति चरति / नाध्यात्मशून्यताशान्तेति चरति / नाध्यात्मशून्यता शून्येति चरति / नाध्यात्मशून्यताशून्येति चरति / नाध्यात्मशून्यता निमित्तेति चरति / नाध्यात्मशून्यतानिमित्तेति चरति / नाध्यात्मशून्यता प्रणिहितेति चरति / नाध्यात्मशून्यताप्रणिहितेति चरति / नाध्यात्मशून्यता विविक्तेति चरति / नाध्यात्मशून्यताविविक्तेति चरति /

न बहिर्धाशून्यतायां चरति / न बहिर्धाशून्यतायाः निमित्ते चरति / न बहिर्धाशून्यता नित्येति चरति / न बहिर्धाशून्यतानित्येति चरति / न बहिर्धाशून्यता सुखेति चरति / न बहिर्धाशून्यता दुःखेति चरति / न बहिर्धाशून्यता आत्मेति चरति / न बहिर्धाशून्यतानात्मेति चरति / न बहिर्धाशून्यता शान्तेति चरति / न बहिर्धाशून्यताशान्तेति चरति / न बहिर्धाशून्यता शून्येति चरति / न बहिर्धाशून्यताशून्येति चरति / न बहिर्धाशून्यता निमित्तेति चरति / न बहिर्धाशून्यतानिमित्तेति चरति / न बहिर्धाशून्यता प्रणिहितेति चरति / न बहिर्धाशून्यताप्रणिहितेति चरति / न बहिर्धाशून्यता विविक्तेति चरति / न बहिर्धाशून्यताविविक्तेति चरति /

नाध्यात्मबहिर्धाशून्यतायां चरति / नाध्यात्मबहिर्धाशून्यतायाः निमित्ते चरति / नाध्यात्मबहिर्धाशून्यता नित्येति चरति / नाध्यात्मबहिर्धाशून्यतानित्येति चरति / नाध्यात्मबहिर्धाशून्यता सुखेति चरति / नाध्यात्मबहिर्धाशून्यता दुःखेति चरति / नाध्यात्मबहिर्धाशून्यता आत्मेति चरति / नाध्यात्मबहिर्धाशून्यतानात्मेति चरति / नाध्यात्मबहिर्धाशून्यता शान्तेति चरति / नाध्यात्मबहिर्धाशून्यताशान्तेति चरति / नाध्यात्मबहिर्धाशून्यता शून्येति चरति / नाध्यात्मबहिर्धाशून्यताशून्येति चरति / नाध्यात्मबहिर्धाशून्यता निमित्तेति चरति / नाध्यात्मबहिर्धाशून्यतानिमित्तेति चरति / नाध्यात्मबहिर्धाशून्यता प्रणिहितेति चरति / नाध्यात्मबहिर्धाशून्यताप्रणिहितेति चरति / नाध्यात्मबहिर्धाशून्यता विविक्तेति चरति / नाध्यात्मबहिर्धाशून्यताविविक्तेति चरति /

न शून्यताशून्यतायां चरति / न शून्यताशून्यतायाः निमित्ते चरति / न शून्यताशून्यता नित्येति चरति / न शून्यताशून्यतानित्येति चरति / न शून्यताशून्यता सुखेति चरति / न शून्यताशून्यता दुःखेति चरति / न शून्यताशून्यता आत्मेति चरति / न शून्यताशून्यतानात्मेति चरति / न शून्यताशून्यता शान्तेति चरति / न शून्यताशून्यताशान्तेति चरति / न शून्यताशून्यता शून्येति चरति / न शून्यताशून्यताशून्येति चरति / न शून्यताशून्यता निमित्तेति चरति / न शून्यताशून्यतानिमित्तेति चरति / न शून्यताशून्यता प्रणिहितेति चरति / न शून्यताशून्यताप्रणिहितेति चरति / न शून्यताशून्यता विविक्तेति चरति / न शून्यताशून्यताविविक्तेति चरति /

न महाशून्यतायां चरति / न महाशून्यतायाः निमित्ते चरति / न महाशून्यता नित्येति चरति / न महाशून्यतानित्येति चरति / न महाशून्यता सुखेति चरति / न महाशून्यता दुःखेति चरति / न महाशून्यता आत्मेति चरति / न महाशून्यतानात्मेति चरति / न महाशून्यता शान्तेति चरति / न महाशून्यताशान्तेति चरति / न महाशून्यता शून्येति चरति / न महाशून्यताशून्येति चरति / न महाशून्यता निमित्तेति चरति / न महाशून्यतानिमित्तेति चरति / न महाशून्यता प्रणिहितेति चरति / न महाशून्यताप्रणिहितेति चरति / न महाशून्यता विविक्तेति चरति / न महाशून्यताविविक्तेति चरति /

न परमार्थशून्यतायां चरति / न परमार्थशून्यतायाः निमित्ते चरति / न परमार्थशून्यता नित्येति चरति / न परमार्थशून्यतानित्येति चरति / न परमार्थशून्यता सुखेति चरति / न परमार्थशून्यता दुःखेति चरति / न परमार्थशून्यता आत्मेति चरति / न परमार्थशून्यता अनात्मेति चरति / न परमार्थशून्यता शान्तेति चरति / न परमार्थशून्यताशान्तति चरति / न परमार्थशून्यता शून्येति चरति / न परमार्थशून्यताशून्येति चरति / न परमार्थशून्यता निमित्तेति चरति / न परमार्थशून्यतानिमित्तेति चरति / न परमार्थशून्यता प्रणिहितेति चरति / न परमार्थशून्यताप्रणिहितेति चरति / न परमार्थशून्यता विविक्तेति चरति / न परमार्थशून्यताविविक्तेति चरति /

न संस्कृतशून्यतायां चरति / न संस्कृतशून्यतायाः निमित्ते चरति / न संस्कृतशून्यता नित्येति चरति / न संस्कृतशून्यतानित्येति चरति / न संस्कृतशून्यता सुखेति चरति / न संस्कृतशून्यता दुःखेति चरति / न संस्कृतशून्यता आत्मेति चरति / न संस्कृतशून्यता अनात्मेति चरति / न संस्कृतशून्यता शान्तेति चरति / न संस्कृतशून्यताशान्तेति चरति / न संस्कृतशून्यता शून्येति चरति / न संस्कृतशून्यताशून्येति चरति / न संस्कृतशून्यता निमित्तेति चरति / न संस्कृतशून्यतानिमित्तेति चरति / न संस्कृतशून्यता प्रणिहितेति चरति / न संस्कृतशून्यताप्रणिहितेति चरति / न संस्कृतशून्यता विविक्तेति चरति / न संस्कृतशून्यताविविक्तेति चरति /

नासंस्कृतशून्यतायां चरति / नासंस्कृतशून्यतायाः निमित्ते चरति / नासंस्कृतशून्यता नित्येति चरति / नासंस्कृतशून्यतानित्येति चरति / नासंस्कृतशून्यता सुखेति चरति / नासंस्कृतशून्यता दुःखेति चरति / नासंस्कृतशून्यता आत्मेति चरति / नासंस्कृतशून्यता अनात्मेति चरति / नासंस्कृतशून्यता शान्तेति चरति / नासंस्कृतशून्यताशान्तेति चरति / नासंस्कृतशून्यता शून्येति चरति / नासंस्कृतशून्यताशून्येति चरति / नासंस्कृतशून्यता निमित्तेति चरति / नासंस्कृतशून्यतानिमित्तेति चरति / नासंस्कृतशून्यता प्रणिहितेति चरति / नासंस्कृतशून्यताप्रणिहितेति चरति / नासंस्कृतशून्यता विविक्तेति चरति / नासंस्कृतशून्यताविविक्तेति चरति /

नात्यन्तशून्यतायां चरति / नात्यन्तशून्यतायाः निमित्ते चरति / नात्यन्तशून्यता नित्येति चरति / नात्यन्तशून्यतानित्येति चरति / नात्यन्तशून्यता सुखेति चरति / नात्यन्तशून्यता दुःखेति चरति / नात्यन्तशून्यता आत्मेति चरति / नात्यन्तशून्यता अनात्मेति चरति / नात्यन्तशून्यता शान्तेति चरति / नात्यन्तशून्यताशन्तेति चरति / नात्यन्तशून्यता शून्येति चरति / नात्यन्तशून्यताशून्येति चरति / नात्यन्तशून्यता निमित्तेति चरति / नात्यन्तशून्यतानिमित्तेति चरति / नात्यन्तशून्यता प्रणिहितेति चरति / नात्यन्तशून्यताप्रणिहितेति चरति / नात्यन्तशून्यता विविक्तेति चरति / नात्यन्तशून्यताविविक्तेति चरति /

नानवराग्रशून्यतायां चरति / नानवराग्रशून्यतायाः निमित्ते चरति / नानवराग्रशून्यता नित्येति चरति / नानवराग्रशून्यतानित्येति चरति / नानवराग्रशून्यता सुखेति चरति / नानवराग्रशून्यता दुःखेति चरति / नानवराग्रशून्यता आत्मेति चरति / नानवराग्रशून्यता अनात्मेति चरति / नानवराग्रशून्यता शान्तेति चरति / नानवराग्रशून्यताशान्तेति चरति / नावराग्रशून्यता शून्येति चरति / नानवराग्रशून्यताशून्येति चरति / नानवराग्रशून्यता निमित्तेति चरति / नानवराग्रशून्यतानिमित्तेति चरति / नानवराग्रशून्यता प्रणिहितेति चरति / नानवराग्रशून्यताप्रणिहितेति चरति / नानवराग्रशून्यता विविक्तेति चरति / नानवराग्रशून्यताविविक्तेति चरति /

नानवकारशून्यतायां चरति / नानवकारशून्यतायाः निमित्ते चरति / नानवकारशून्यता नित्येति चरति / नानवकारशून्यतानित्येति चरति / नानवकारशून्यता सुखेति चरति / नानवकारशून्यता दुःखेति चरति / नानवकारशून्यता आत्मेति चरति / नानवकारशून्यता अनात्मेति चरति / नानवकारशून्यता शान्तेति चरति / नानवकारशून्यताशान्तेति चरति / नानवकारशून्यता शून्येति चरति / नानवकारशून्यताशून्येति चरति / नानवकारशून्यता निमित्तेति चरति / नानवकारशून्यतानिमित्तेति चरति / नानवकारशून्यता प्रणिहितेति चरति / नानवकारशून्यताप्रणिहितेति चरति / नानवकारशून्यता विविक्तेति चरति / नानवकारशून्यताविविक्तेति चरति /

न प्रकृतिशून्यतायां चरति / न प्रकृतिशून्यतायाः निमित्ते चरति / न प्रकृतिशून्यता नित्येति चरति / न प्रकृतिशून्यतानित्येति चरति / न प्रकृतिशून्यता सुखेति चरति / न प्रकृतिशून्यता दुःखेति चरति / न प्रकृतिशून्यता आत्मेति चरति / न प्रकृतिशून्यता अनात्मेति चरति / न प्रकृतिशून्यता शान्तेति चरति / न प्रकृतिशून्यताशान्तेति चरति / न प्रकृतिशून्यता शून्येति चरति / न प्रकृतिशून्यताशून्येति चरति / न प्रकृतिशून्यता निमित्तेति चरति / न प्रकृतिशून्यतानिमित्तेति चरति / न प्रकृतिशून्यता प्रणिहितेति चरति / न प्रकृतिशून्यताप्रणिहितेति चरति / न प्रकृतिशून्यता विविक्तेति चरति / न प्रकृतिशून्यताविविक्तेति चरति /

न सर्वधर्मशून्यतायां चरति / न सर्वधर्मशून्यतायाः निमित्ते चरति / न सर्वधर्मशून्यता नित्येति चरति / न सर्वधर्मशून्यतानित्येति चरति / न सर्वधर्मशून्यता सुखेति चरति / न सर्वधर्मशून्यता दुःखेति चरति / न सर्वधर्मशून्यता आत्मेति चरति / न सर्वधर्मशून्यता अनात्मेति चरति / न सर्वधर्मशून्यता शान्तेति चरति / न सर्वधर्मशून्यताशन्तेति चरति / न सर्वधर्मशून्यता शून्येति चरति / न सर्वधर्मशून्यताशून्येति चरति / न सर्वधर्मशून्यता निमित्तेति चरति / न सर्वधर्मशून्यतानिमित्तेति चरति / न सर्वधर्मशून्यता प्रणिहितेति चरति / न सर्वधर्मशून्यताप्रणिहितेति चरति / न सर्वधर्मशून्यता विविक्तेति चरति / न सर्वधर्वशून्यताविविक्तेति चरति /

न स्वलक्षणशून्यतायां चरति / न स्वलक्षणशून्यतायाः निमित्ते चरति / न स्वलक्षणशून्यता नित्येति चरति / न स्वलक्षणशून्यता अनित्येति चरति / न स्वलक्षणशून्यता सुखेति चरति / न स्वलक्षणशून्यता दुःखेति चरति / न स्वलक्षणशून्यता आत्मेति चरति / न स्वलक्षणशून्यता अनात्मेति चरति / न स्वलक्षणशून्यता शान्तेति चरति / न स्वलक्षणशून्यताशान्तेति चरति / न स्वलक्षणशून्यता शून्येति चरति / न स्वलक्षणशून्यताशून्येति चरति / न स्वलक्षणशून्यता निमित्तेति चरति / न स्वलक्षणशून्यतानिमित्तेति चरति / न स्वलक्षणशून्यता प्रणिहितेति चरति / न स्वलक्षशून्यताप्रणिहितेति चरति / न स्वलक्षणशून्यता विविक्तेति चरति / नस्वलक्षणशून्यताविविक्तेति चरति /

नानुपलम्भशून्यतायां चरति / नानुपलम्भशून्यतायाः निमित्ते चरति / नानुपलम्भशून्यता नित्येति चरति / नानुपलम्भशून्यतानित्येति चरति / नानुपलम्भशून्यता सुखेति चरति / नानुपलम्भशून्यता दुःखेति चरति / नानुपलम्भशून्यता आत्मेति चरति / नानुपलम्भशून्यता अनात्मेति चरति / नानुपलम्भशून्यता शान्तेति चरति / नानुपलम्भशून्यताशान्तेति चरति / नानुपलम्भशून्यता शून्येति चरति / नानुपलम्भशून्यताशून्येति चरति / नानुपलम्भशून्यता निमित्तेति चरति / नानुपलम्भशून्यतानिमित्तेति चरति / नानुपलम्भशून्यता प्रणिहितेति चरति / नानुपलम्भशून्यताप्रणिहितेति चरति / नानुपलम्भशून्यता विविक्तेति चरति / नानुपलम्भशून्यताविविक्तेति चरति /

नाभावशून्यतायां चरति / नाभावशून्यतायाः निमित्ते चरति / नाभावशून्यता नित्येति चरति / नाभावशून्यतानित्येति चरति / नाभावशून्यता सुखेति चरति / नाभावशून्यता दुःखेति चरति / नाभावशून्यता आत्मेति चरति / नाभावशून्यता अनात्मेति चरति / नाभावशून्यता शान्तेति चरति / नाभावशून्यताशान्तेति चरति / नाभावशून्यता शून्येति चरति / नाभावशून्यताशून्येति चरति / नाभावशून्यता निमित्तेति चरति / नाभावशून्यतानिमित्तेति चरति / नाभावशून्यता प्रणिहितेति चरति / नाभावशून्यताप्रणिहितेति चरति / नाभावशून्यता विविक्तेति चरति / नाभावशून्यताविविक्तेति चरति /

न स्वभावशून्यतायां चरति / न स्वभावशून्यतायाः निमित्ते चरति / न स्वभावशून्यता नित्येति चरति / न स्वभावशून्यतानित्येति चरति / न स्वभावशून्यता सुखेति चरति / न स्वभावशून्यता दुःखेति चरति / न स्वभावशून्यता आत्मेति चरति / न स्वभावशून्यता अनात्मेति चरति / न स्वभावशून्यता शान्तेति चरति / न स्वभावशून्यताशान्तेति चरति / न स्वभावशून्यता शून्येति चरति / न स्वभावशून्यताशून्येति चरति / न स्वभावशून्यता निमित्तेति चरति / न स्वभावशून्यतानिमित्तेति चरति / न स्वभावशून्यता प्रणिहितेति चरति / न स्वभावशून्यताप्रणिहितेति चरति / न स्वभावशून्यता विविक्तेति चरति / न स्वभावशून्यताविविक्तेति चरति /

नाभावस्वभावशून्यतायां चरति / नाभावस्वभावशून्यतायाः निमित्ते चरति / नाभावस्वभावशून्यता नित्येति चरति / नाभावस्वभावशून्यतानित्येति चरति / नाभावस्वभावशून्यता सुखेति चरति / नाभावस्वभावशून्यता दुःखेति चरति / नाभावस्वभावशून्यता आत्मेति चरति / नाभावस्वभावशून्यता अनात्मेति चरति / नाभावस्वभावशून्यता शान्तेति चरति / नाभावस्वभावशून्यताशान्तेति चरति / नाभावस्वभावशून्यता शून्येति चरति / नाभावस्वभावशून्यताशून्येति चरति / नाभावस्वभावशून्यता निमित्तेति चरति / नाभावस्वभावशून्यतानिमित्तेति चरति / नाभावस्वभावशून्यता प्रणिहितेति चरति / नाभावस्वभावशून्यताप्रणिहितेति चरति / नाभावस्वभावशून्यता विविक्तेति चरति / नाभावस्वभावशून्यताविविक्तेति चरति /

न स्मृत्युपस्थानेषु चरति / न स्मृत्युपस्थानानां निमित्ते चरति / न स्मृत्युपस्थानानि नित्यानीति चरति / न स्मृत्युपस्थानानि अनित्यानीति चरति / न स्मृत्युपस्थानानि सुखानीति चरति न स्मृत्युपस्थानानि दुःखानीति चरति / न स्मृत्युपस्थानानि आत्मिकानीति चरति / न स्मृत्युपस्थानान्य् अनात्मिकानीति चरति / न स्मृत्युपस्थानानि शान्तानीति चरति / न स्मृत्युपस्थानान्य् अशान्तानीति चरति / न स्मृत्युपस्थानानि शून्यानीति चरति / न स्मृत्युपस्थानान्य् अशून्यानीति चरति / न स्मृत्युपस्थानानि निमित्तानीति चरति / न स्मृत्युपस्थानान्य् अनिमित्तानीति चरति / न स्मृत्युपस्थानानि प्रणिहितानीति चरति / न स्मृत्युपस्थानान्य् अप्रणिहितानीति चरति / न स्मृत्युपस्थानानि विविक्तानीति चरति / न स्मृत्युपस्थानान्य् अविविक्तानीति चरति /

न सम्यक्प्रहाणेषु चरति / न सम्यक्प्रहाणानां निमित्ते चरति / न सम्यक्प्रहाणानि नित्यानीति चरति / न सम्यक्प्रहाणान्य् अनित्यानीति चरति / न सम्यक्प्रहाणानि सुखानीति चरति / न सम्यक्प्रहाणानि दुःखानीति चरति / न सम्यक्प्रहाणानि आत्मिकानीति चरति / न सम्यक्प्रहाणान्य् अनात्मिकानीति चरति / न सम्यक्प्रहाणानि शान्तानीति चरति / न सम्यक्प्रहाणान्य् अशान्तानीति चरति / न सम्यक्प्रहाणानि शून्यानीति चरति / न सम्यक्प्रहाणान्य् अशून्यानीति चरति / न सम्यक्प्रहाणानि निमित्तानीति चरति / न सम्यक्प्रहाणान्य् अनिमित्तानीति चरति / न सम्यक्प्रहाणानि प्रणिहितानीति चरति / न सम्यक्प्रहाणान्य् अप्रणिहितानीति चरति / न सम्यक्प्रहाणानि विविक्तानीति चरति / न सम्यक्प्रहाणान्य् अविविक्तानीति चरति /

न ऋद्धिपादेषु चरति / न ऋद्धिपादानां निमित्ते चरति / न ऋद्धिपादाः नित्या इति चरति / न ऋद्धिपादा अनित्या इति चरति / न ऋद्धिपादाः सुखा इति चरति / न ऋद्धिपादाः दुःखा इति चरति / न ऋद्धिपादा आत्मान इति चरति / न ऋद्धिपादा अनात्मान इति चरति / न ऋद्धिपादाः शान्ता इति चरति / न ऋद्धिपादा अशान्ता इति चरति / न ऋद्धिपादाः शून्या इति चरति / न ऋद्धिपादा अशून्या इति चरति / न ऋद्धिपादाः निमित्ता इति चरति / न ऋद्धिपादा अनिमित्ता इति चरति / न ऋद्धिपादाः प्रणिहिता इति चरति / न ऋद्धिपादा अप्रणिहिता इति चरति / न ऋद्धिपादाः विविक्ता इति चरति / न ऋद्धिपादा अविविक्ता इति चरति /

नेन्द्रियेषु चरति / नेन्द्रियाणां निमित्ते चरति / नेन्द्रियाणि नित्यानीति चरति / नेन्द्रियाणि अनित्यानीति चरति / नेन्द्रियाणि सुखानीति चरति / नेन्द्रियाणि दुःखानीति चरति / नेन्द्रियाण्य् आत्मिकानीति चरति / नेन्द्रियाण्य् अनात्मिकानीति चरति / नेन्द्रियाणि शान्तानीति चरति / नेन्द्रियाण्य् अशान्तानीति चरति / नेन्द्रियाणि शून्यानीति चरति / नेन्द्रियाण्य् अशून्यानीति चरति / नेन्द्रियाणि निमित्तानीति चरति / नेन्द्रियाण्य् अनिमित्तानीति चरति / नेन्द्रियाणि प्रणिहितानीति चरति / नेन्द्रियाण्य् अप्रणिहितानीति चरति / नेन्द्रियाणि विविक्तानीति चरति / नेन्द्रियाण्य् अविविक्तानीति चरति /

न बलेषु चरति / न बलानां निमित्ते चरति / न बलानि नित्यानीति चरति / न बलान्य् अनित्यानीति चरति / न बलानि सुखानीति चरति / न बलानि दुःखानीति चरति / न बलानि आत्मिकानीति चरति / न बलान्य् अनात्मिकानीति चरति / न बलानि शान्तानीति चरति / न बलान्य् अशान्तानीति चरति / न बलानि शून्यानीति चरति / न बलान्य् अशून्यानीति चरति / न बलामि निमित्तानीति चरति / न बलान्य् अनिमित्तानीति चरति / न बलानि प्रणिहितानीति चअति / न बलान्य् अप्रणिहितानीति चरति / न बलानि विविक्तानीति चरति / न बलान्य् अविविक्तानीति चरति /

स बोध्यङ्गेषु चरति / न बोध्यङ्गानां निमित्ते चरति / न बोध्यङ्गानि नित्यानीति चरति / न बोध्यङ्गान्य् अनित्यानीति चरति / न बोध्यङ्गानि सुखानीति चरति / न बोध्यङ्गानि दुःखानीति चरति / न बोध्यङ्गान्य् आत्मिकानीति चरति / न बोध्यङ्गान्य् अनात्मिकानीति चरति / न बोध्यङ्गानि शान्तानीति चरति / न बोध्यङ्गान्य् अशान्तानीति चरति / न बोध्यङ्गानि शून्यानीति चरति / न बोध्यङ्गान्य् अशून्यानीति चरति / न बोध्यङ्गानि निमित्तानीति चरति / न बोध्यङ्गान्य् अनिमित्तानीति चरति / न बोध्यङ्गानि प्रणिहितानीति चरति / न बोध्यङ्गान्य् अप्रणिहितानीति चरति / न बोध्यङ्गानि विविक्तानीति चरति / न बोध्यङ्गान्य् अविविक्तानीति चरति /

नार्याष्टाङ्गमार्गे चरति / नार्याष्टाङ्गमार्गस्य निमित्ते चरति / नार्याष्टाङ्गमार्गो नित्य इति चरति / नार्याष्टाङ्गमार्गो ऽनित्य इति चरति / नार्याष्टाङ्गमार्गः सुख इति चरति / नार्याष्टाङ्गमार्गो दुःख इति चरति / नार्याष्टाङ्गमार्गः आत्मेति चरति / नार्याष्टाङ्गमार्गः अनात्मेति चरति / नार्याष्टाङ्गमार्गः शान्त इति चरति / नार्याष्टाङ्गमार्गः अशान्त इति चरति / नार्याष्टाङ्गमार्गः शून्य इति चरति / नार्याष्टाङ्गमार्गः अशून्य इति चरति / नार्याष्टाङ्गमार्गः निमित्त इति चरति / नार्याष्टाङ्गमार्गो ऽनिमित्त इति चरति / नार्याष्टाङ्गमार्गः प्रणिहित इति चरति / नार्याष्टाङ्गमार्गो ऽप्रणिहित इति चरति / नार्याष्टाङ्गमार्गो विविक्त इति चरति / नार्याष्टाङ्गमार्गो ऽविविक्त इति चरति /

नार्यसत्येषु चरति / नार्यसत्यानां निमित्ते चरति / नार्यसत्यानि नित्यानीति चरति / नार्यसत्यान्य् अनित्यानीति चरति / नार्यसत्यानि सुखानीति चरति / नार्यसत्यानि दुःखानीति चरति / नार्यसत्यानि आत्मिकानीति चरति / नार्यसत्यान्य् अनात्मिकानीति चरति / नार्यसत्यानि शान्तानीति चरति / नार्यसत्यान्य् अशान्तानीति चरति / नार्यसत्यानि शून्यानीति चरति / नार्यसत्यान्य् अशून्यानीति चरति / नार्यसत्यानि निमित्तानीति चरति / नार्यसत्यान्य् अनिमित्तानीति चरति / नार्यसत्यानि प्रणिहितानीति चरति / नार्यसत्यान्य् अप्रणिहितानीति चरति / नार्यसत्यानि विविक्तानीति चरति / नार्यसत्यान्य् अविविक्तानीति चरति /

न ध्यानेषु चरति / न ध्यानानां निमित्ते चरति / न ध्यानानि नित्यानीति चरति / न ध्यानान्य् अनित्यानीति चरति / न ध्यानानि सुखानीति चरति / न ध्यानानि दुःखानीति चरति / न ध्यानानि आत्मिकानीति चरति / न ध्यानान्य् अनात्मिकानीति चरति / न ध्यानानि शान्तानीति चरति / न ध्यानान्य् अशान्तानीति चरति / न ध्यानानि शून्यानीति चरति / न ध्यानान्य् अशून्यानीति चरति / न ध्यानानि निमित्तानीति चरति / न ध्यानान्य् अनिमित्तानीति चरति / न ध्यानानि प्रणिहितानीति चरति / न ध्यानान्य् अप्रणिहितानीति चरति / न ध्यानानि विविक्तानीति चरति / न ध्यानान्य् अविविक्तानीति चरति /