शतसाहस्रिका प्रज्ञापारमिता, Part इ

शतसाहस्रिका प्रज्ञापारमिता, Part इ

प्रथमपरिवर्तः /

नमः श्रीसर्वबुद्धबोधिसत्त्वार्यश्रावकप्रत्येकबुद्धेभ्यः //

या सर्वज्ञतया नयत्युपसमं शान्तैषिणः श्रावकान् या मार्गज्ञतया जगद्धितकृतालोकार्थसंप्रापिका / सर्वाकारम् इदं वदन्ति मुनयो विश्वं यया सङ्गता तस्यै श्रावकबोधिसत्त्वगणिनो बुद्धस्य मात्रे नमः //

यद् असुलभम् अनन्तकल्पकोटिभिः प्रसरशतैर् अपि हेतुवर्जितानां / भवतु हि जिनार्करश्मिभूतं तद् इदम् इदं प्रतिचक्षुर् अग्रयानं //

गम्भीरञ् च न चाभ्यस्तं दुर्लभञ् च मुनेर् वचः / न च तेन विना मोक्षं तस्माच् छ्रोतव्यम् आदरात् //

नमो भगवते भैषज्यगुरुवैदूर्यप्रभाय तथागताया // नमो भगवत्यै प्रज्ञापारमितायै / नम आर्यावलोकितेश्वराय बोधिसत्त्वाय महासत्त्वाय महाकारुणिकाय / नमश् चाण्डवजरपाणये महायक्षसेनापतये / नमः सर्वबुद्धबोधिसत्त्वेभ्यो भगवद्भ्यः / निराश्रवाः सर्वसत्त्वानां कुशलसंभवो योगैः संभवन्ति सिद्धाग्रांतां च ताथागती प्रतिलम्भता सर्वसत्त्वानां सुखसौमनस्यसद्भावन्विति / नमो भगवते रश्मिचन्द्रप्रातिमण्डितविद्युत्तेजघोषेष्वरराजाय तथागताय / नमो भगवते शाक्यमुनये तथागतायार्हते सम्यक्संबुद्धाय यस्येयं धर्मोल्काज्वालेति /

एवं मया स्रुतम् एकस्मिन् समये भगवान् राजगृहे विहरति स्म / गृध्रकूटपर्वते महता भिक्षुसङ्घेन सार्धं पञ्चमात्रैर् भिक्षुसहसैः सर्वैर् अर्हद्भिः क्षीणाश्रवैर् निःक्लेशैर् वशीभूतैः सुविमुक्तचित्तैः सुविमुक्तप्रज्ञैर् आजानेयैर् महानागैः कृतकृत्यैः कृतकरणीयैः अपहतभारैर् अनुप्राप्तस्वकार्थैः परिक्षीणभवसंयोजनैः सम्यगाज्ञासुविमुक्तचित्तैः सर्वचेतोवशिपरमपारमिताप्राप्तैर् एकपुद्गलं स्थापयित्वा / यद् उतायुष्मन्तम् आनन्दं शैक्षं श्रोतआपन्नं / पञ्चमात्रैश् च भिक्षुशतैः / यशोधरामहाप्रजापतीप्रमुखैः संबहुलैश् च / उपासकोपासिकाभिश् च सर्वैर् दृष्टधर्मभिः /

महता च बोधिसत्त्वसङ्घेन सार्धम् अप्रमेयैर् असंख्येयैर् बोधिसत्त्वैः सर्वैर् धारणीमुखप्रतिलब्धैः शून्यतानिमित्ताप्रणिहितैर् विहारिभिर् आनिमित्तागोचरैर् अविकल्पिकप्रणिधानैः सर्वधर्मसमताक्षान्तिप्रतिलब्धैर् असङ्गप्रणिधानैर् असङ्गप्रतिभानसमन्वागतैर् अक्षयप्रतिनिर्देशाप्रतिनिर्देशैः प्रतिसंविन्नयप्रतिबद्धैर् महाभिज्ञाविक्रीडितैर् अत्यन्ताच्युताभिज्ञैर् आदेयवचनैर् अकुसीदैर् आरब्धवीर्यैः कायजीवितनिरपेक्षैर् अकुहकैर् अलयकैर् अपगतज्ञानलाभचित्तैर् निरामिषधर्मदेशकैर् गंभीरधर्मक्षान्तिपरमगतिं गतैर् महावैशारद्यप्राप्तैर् असंकुचितमानसैः सर्वमारकर्मसमतिक्रान्तैः कर्मावरणप्रतिस्रद्धैर् निहतकर्मक्लेशप्रत्यर्थिकैः सर्वपरप्रवादानभिभूतैः सर्वश्रावकप्रत्येकबुद्धदुरवगाहैः कर्मप्रविचयविभक्तिनिर्देशकुशलैर् असंख्येयकल्पसुसमारब्धप्रणिधानैः स्मृतिमुखैः पूर्वालापिभिर् व्यपगतभृकुटिकैः श्लक्ष्णमधुरवचनैर् गाथाभिगीतपरालपनकुशलैर् अनाच्छेद्यप्रतिभानैर् अनन्तपरिषद् अभिभवनैः वैशारद्यसमन्वागतैर् अनन्तकल्पकोटिनिर्देशज्ञातिभिः सरण्याकुशलैर् मायामरीच्युदकचन्द्रस्वप्नप्रतिश्रुत्काप्रतिभासगन्धर्वनगरप्रतिविम्बनिर्याणोपायधर्माधिमुक्तैर् अपगतसंलीनचित्तैः सर्वसत्त्वचित्तगतिसूक्ष्मज्ञानचर्याधिमुक्त्यावतारकुशलैः सर्वसत्त्वाप्रतिहतचित्तैः अधिमात्रक्षान्तिसमन्वागतैः सर्वधर्मसमताप्रतिवेधज्ञानकुशलैर् गम्भीरधर्मतादुरवगाहैः स्वचित्तवशिताप्रतिलब्धैः सर्वधर्मवशिताप्राप्तैः सर्वकर्मक्लेशदृष्ट्यावरणविमुक्तैः प्रतीत्यनिर्देशकुशलैर्

गम्भीरप्रतीत्यसमुत्पादक्षयनयावतीर्णैः सर्वदृष्टानुशयपर्युत्थानविगतैः सर्वसंयोजनप्रहीणैः सत्यप्रतिवेधज्ञानकुशलैः सततसमितं प्रतिश्रुत्कासमसर्वधर्माधिमुक्तैः अप्रमाणधर्मनयनिर्देशवैशारद्यैर् यावच् चार्यावतारणाकुशलैः अनन्तबुद्धक्षेत्रव्यूहप्रणिधानप्रस्थानपरिगृहीतैर् असंख्येयलोकधातुगता बुद्धानुस्मृतिसमाधिसततसमिताभिमुखीभूतैः सर्वबुद्धोत्पादोपसंक्रमणकुशलैर् अपरिमितबुद्धाध्येषणकुशलैर् नानादृष्टिपर्युत्थानसर्वक्लेशप्रशमनकुशलैः समाधिशतसहस्राणिनिर्हारविक्रीडनज्ञानप्रवेशकुशलैः अपर्यन्तकल्पाक्षीणगुणवर्णासमन्वागतैः /

तद्यथा, भद्रपालेन च नाम बोधिसत्त्वेन महासत्त्वेन / रत्नकरेण च नाम बोधिसत्त्वेन महासत्त्वेन / रत्नगर्भेण च नाम बोधिसत्त्वेन महासत्त्वेन / रत्नदत्तेन च नाम बोधिसत्त्वेन महासत्त्वेन / सुसार्थवाहेन च नाम बोधिसत्त्वेन महासत्त्वेन / नरदत्तेन च नाम बोधिसत्त्वेन महासत्त्वेन / गुहगुप्तेन च नाम बोधिसत्त्वेन महासत्त्वेन / वरुणदेवेन च नाम बोधिसत्त्वेन महासत्त्वेन / इन्द्रदेवेन च नाम बोधिसत्त्वेन महासत्त्वेन / भद्रपालेन च नाम बोधिसत्त्वेन महासत्त्वेन / उत्तरमतिना च बोधिसत्त्वेन महासत्त्वेन / विशेषमतिना च बोधिसत्त्वेन महासत्त्वेन / वर्धमानमतिना च बोधिसत्त्वेन महासत्त्वेन / अनन्तमतिना च बोधिसत्त्वेन महासत्त्वेन / अमोघदर्शिना च बोधिसत्त्व्न महासत्त्वेन / अनावरणमतिना च बोधिसत्त्वेन महासत्त्वेन / सुसंप्रस्थितेन च नाम बोधिसत्त्वेन महासत्त्वेन / सुविक्रान्तविक्रामिणा च बोधिसत्त्वेन महासत्त्वेन / अनन्तवीर्येण च बोधिसत्त्वेन महासत्त्वेन / नित्योद्युक्तेन च बोधिसत्त्वेन महासत्त्वेन / नित्यप्रयुक्तेन च बोधिसत्त्वेन महासत्त्वेन / अनिक्षिप्तधुरेण च बोधिसत्त्वेन महासत्त्वेन / सूर्यगर्भेण च बोधिसत्त्वेन महासत्त्वेन / चन्द्रगर्भेण च बोधिसत्त्वेन महासत्त्वेन / अनुपममतिना च बोधिसत्त्वेन महासत्त्वेन / अवलोकितेश्वरेण च नाम बोधिसत्त्वेन महासत्त्वेन / महास्थामप्राप्तेन च बोधिसत्त्वेन महासत्त्वेन / मंजुश्रिया च कुमारभूतेन च बोधिसत्त्वेन महासत्त्वेन / मारबलप्रमर्दिना च बोधिसत्त्वेन महासत्त्वेन / वज्रमतिना च बोधिसत्त्वेन महासत्त्वेन /

रत्नमुद्राहस्तेन च बोधिसत्त्वेन महासत्त्वेन / नित्योत्क्षिप्तहस्तेन च बोधिसत्त्वेन महासत्त्वेन / महाकरुणाचितिना च बोधिसत्त्वेन महासत्त्वेन / महाव्यूहेन च नाम बोधिसत्त्वेन महासत्त्वेन / प्रहराजेन च नाम बोधिसत्त्वेन महासत्त्वेन / मेरुकूटेन च बोधिसत्त्वेन महासत्त्वेन / मैत्रेयेण च नाम बोधिसत्त्वेन महासत्त्वेन / एतैश् चान्यैश् चानेकैर् बोधिसत्त्वकोटिनियुतशतसहस्रैः //

अथ खलु भगवांस् तस्यां वेलायां स्वयम् एव सिंहासनं प्रज्ञापयन् न्यषीदत् / पर्यंकम् आभुज्य ऋजुकायं प्रणिधाय प्रतिमुखं स्मृतिम् उपस्थाप्य तत्र निषद्य सर्वसमाधिराजनामसमाधिं समापन्नो ऽभूत् / यत्र समाधौ समाधयो ऽन्तर्गता अनुप्रविष्टाः सङ्ग्रहं समवसरणं गच्छन्ति //

अथ खलु भगवान् स्मृतः संप्रजानस् ततः समाधेर् व्युत्थाय दिव्येन चक्षुषेदं बुद्धक्षेत्रं व्यवलोकयति स्म / व्यवलोक्य सर्वकायात् प्रभां प्रामुञ्चत् / तस्याधस्तात् पादतलयोः सहस्राराभ्यां चक्राभ्यां षष्टिषष्टिरश्मिकोटीनियुतशतसहस्राणि निश्चरन्ति स्म / दशभ्यश् च पादाङ्गुलिभ्यः षष्टिषष्टिरश्मिकोटीनियुतशतसहस्राणि निश्चरन्ति स्म / द्वाभ्यां गुल्फाभ्यां षष्टिषष्टिरश्मिकोटीनियुतशतसहस्राणि निश्चरन्ति स्म / नाभिमण्डलात् षष्टिषष्टिरश्मिकोटीनियुतशतसहस्राणि निश्चरन्ति स्म / द्वाभ्यां पार्श्वाभ्यां षष्टिषष्टिरश्यिकोटीनियुतशतसाहस्राणि निश्चरन्ति स्म / हृदयश्रीवत्सान् महापुरुषलक्षणात् षष्टिषष्टिरश्मिकोटीनियुतशतसहस्राणि निश्चरन्ति स्म / दशभ्यो हस्ताङ्गुलिभ्यः षष्टिषष्टिरश्मिकोटीनियुतशतसहस्राणि निश्चरन्ति स्म / द्वाभ्यां बाहुभ्यां षष्टिषष्टिरश्मिकोटीनियुतशतसहस्राणि निश्चरन्ति स्म / द्वाभ्याम् अंशाभ्यां षष्टिषष्टिरश्मिकोटीनियुतशतसहस्राणि निश्चरन्ति स्म / ग्रीवायाः षष्टिषष्टिरश्मिकोटीनियुतशतसहस्राणि निश्चरन्ति स्म / चतसृभ्यो दंष्ट्राभ्यः षष्टिषष्टिरश्मिकोटीनियुतशतसहस्राणि निश्चरन्ति स्म / चत्वारिंशतो दन्तेभ्यः षष्टिषष्टिरश्मिकोटीनियुतशतसहस्राणि निश्चरन्ति स्म / द्वाभ्यां चक्षुर्भ्यां षष्टिषष्टिरश्मिकोटीनियुतशतसहस्राणि निश्चरन्ति स्म / द्वाभ्यां श्रोत्राभ्यां षष्टिषष्टिरश्मिकोटीनियुतशतसहस्राणि निश्चरन्ति स्म / द्वाभ्यां घ्राणाभ्यां षष्टिषष्टिरश्मिकोटीनियुतशतसहस्राणि निश्चरन्ति स्म / मध्ये भ्रुवो ऊर्णायाः षष्टिषष्टिरश्मिकोटीनियुतशतसहस्राणि निश्चरन्ति स्म /

उपरिष्टाद् उष्णीषात् षष्टिषष्टिरश्मिकोटीनियुतशतसहस्राणि निश्चरन्ति स्म / मुखद्वाराच् च षष्टिषष्टिरश्मिकोटीनियुतशतसहस्राणि निश्चरन्ति स्म / सर्वाणि च तानि रश्मिकोटीनियुतशतसहस्राणि निश्चरन्ति स्म / सर्वावन्तम् इमन् त्रिसाहस्रमहासाहस्रं लोकधातुं महतावभासेन स्फुरित्वा पूर्वस्यान् दिशि गङ्गानदीवालुकोपमा लोकधातुं महतावभासेन स्फुरन्ति स्म / दक्षिणस्यान् दिशि गङ्गानदीवालुकोपमा लोकधातुं महतावभासेन स्फुरन्ति स्म / पश्चिमायान् दिशि गङ्गानदीवालुकोपमां लोकधातुं महतावभासेन स्फुरन्ति स्म / उत्तरपूर्वस्यान् दिशि गङ्गानदीवालुकोपमां लोकधातुं महतावभासेन स्फुरन्ति स्म / पूर्वदक्षिणस्यान् दिशि गङ्गानदीवालुकोपमां लोकधातुं महतावभासेन स्फुरन्ति स्म / दक्षिणपश्चिमायान् दिशि गङ्गानदीवालुकोपमा लोकधातुं महतावभासेन स्फुरन्ति स्म / पश्चिमोत्तरस्यान् दिशि गङ्गानदीवालुकोपमां लोकधातुं महतावभासेन स्फुरन्ति स्म / अधस्ताद् दिशि गङ्गानदीवालुकोपमां लोकधातुं महतावभासेन स्फुरन्ति स्म / उपरिष्टाद् दिशि गङ्गानदीवालुकोपमां लोकधातुं महतावभासेन स्फुरन्ति स्म / यैश् च सत्त्वैः सो ऽवभासो दृष्टो ये च तेनावभासेन स्पृष्टास् ते सर्वे नियता अभूवन् अनुत्तरायां सम्यक्संबोधौ //

अथ खलु भगवान् पुनर् एव सर्वरोमकूपेभ्यः प्रभां प्रामुञ्चत् / यया प्रभयायन् त्रिसाहस्रमहासाहस्रो लोकधातुर् महतावभासेन स्फुटम् अभूत् / पूर्वस्यान् दिशि गङ्गानदीवालुकोपमा लोकधातवो महतावभासेन स्फुटा अभूवन् / दक्षिणस्यान् दिशि गङ्गानदीवालुकोपमा लोकधातवो महतावभासेन स्फुटा अभूवन् / पश्चिमायान् दिशि गङ्गानदीवालुकोपमा लोकधातवो महतावभासेन स्फुटा अभूवन् / उत्तरस्यान् दिशि गङ्गानदीवालुकोपमा लोकधातवो महतावभासेन स्फुटा स्फुटम् अभूवन् / उत्तरपूर्वस्यान् दिशि गङ्गानदीवालुकोपमा लोकधातवो महतावभासेन स्फुटा अभूवन् / पूर्वदक्षिणस्यान् दिशि गङ्गानदीवालुकोपमा लोकधातवो महतावभासेन स्फुटा अभूवन् / दक्षिणपश्चिमायान् दिशि गङ्गानदीवालुकोपमा लोकधातवो महतावभासेन स्फुटा अभूवन् / पश्चिमोत्तरस्यान् दिशि गङ्गानदीवालुकोपमा लोकधातवो महतावभासेन स्फुटा अभूवन् / अधस्ताद् दिशि गङ्गानदीवालुकोपमा लोकधातवो महतावभासेन स्फुटा अभूवन् / उपरिष्टाद् दिशि गङ्गानदीवालुकोपमा लोकधातवो महतावभासेन स्फुटा अभूवन् / यैश् च सत्त्वैः सो ऽवभासो दृष्टो ये च तेनावभासेन स्फुटास् ते सर्वे नियता अभूवन् अनुत्तरायां सम्यक्संबोधौ //

अथ खलु भगवान् पुनर् अपि या सा तथागतस्य प्रकृतिप्रभा एतया यन् त्रिसाहस्रमहासाहस्रं लोकधातुं महतावभासेन स्फुरन्ति स्म / पूर्वस्यान् दिशि गङ्गानदीवालुकोपमान् लोकधातूंस् तेन महतावभासेन स्फुरन्ति स्म / दक्षिणस्यान् दिशि गङ्गानदीवालुकोपमान् लोकधातूंस् तेन महतावभासेन स्फुरन्ति स्म / पश्चिमायान् दिशि गङ्गानदीवालुकोपमान् लोकधातूंस् तेन महतावभासेन स्फुरन्ति स्म / उत्तरस्यान् दिशि गङ्गानदीवालुकोपमान् लोकधातूंस् तेन महतावभासेन स्फुरन्ति स्म / उत्तरपूर्वस्यान् दिशि गङ्गानदीवालुकोपमान् लोकधातूंस् तेन महतावभासेन स्फुरन्ति स्म / पूर्वदक्षिणस्यान् दिशि गङ्गानदीवालुकोपमान् लोकधातूंस् तेन महतावभासेन स्फुरन्ति स्म / दक्षिणपश्चिमायान् दिशि गङ्गानदीवालुकोपमान् लोकधातूंस् तेन महतावभासेन स्फुरन्ति स्म / पश्चिमोत्तरस्यान् दिशि गङ्गानदीवालुकोपमान् लोकधातूंस् तेन महतावभासेन स्फुरन्ति स्म / अधस्ताद् दिशि गङ्गानदीवालुकोपमान् लोकधातूंस् तेन महतावभासेन स्फुरन्ति स्म / उपरिष्टाद् दिशि गङ्गानदीवालुकोपमान् लोकधातूंस् तेन महतावभासेन स्फुरन्ति स्म / यैश् च सत्त्वैः सो ऽवभासो दृष्टो ये च तेनावभासेन स्पृष्टास् ते सर्वे नियता अभूवन् अनुत्तरायां सम्यक्संबोधौ /

अथ खलु भगवान् मुखद्वारा जिह्वेन्द्रियं निर्णामय्य सर्वावन्तम् इमन् त्रिसाहस्रमहासाहस्रं लोकधातुं जिह्वेन्द्रियेण स्फुरित्वा स्मितं प्रादुरकार्षीत् / ततश् च जिह्वेन्द्रियाद् अनेकानि नानावर्णानि रश्मिकोटीनियुतशतसहस्राणि निश्चरन्ति स्म / सर्वत्र च रश्म्यां नानारत्नमयानि सुवर्णनिर्भासानि सहस्रपत्त्राणि पद्मानि सन्निष्ठन्ते स्म / चित्राणि च दर्शनीयानि मनोरमाणि सुवर्णानि सुगन्धीनि मृदूनि काचिलिन्दिक सुखसंस्पर्शानि / तत्र च पद्मेषु तथागतविग्रहा निषण्णा धर्मन् देशयन्ति स्म / यद् उतेमाम् एव षट्पारमिताप्रतिसंयुक्तां धर्मदेशनां / ते पूर्वस्यान् दिशि गङ्गानदीवालुकोपमां लोकधातु गच्छन्ति स्म / तत्रापि गत्वा धर्मं देशयन्ति स्म / यद् उतेमाम् एव षट्पारमिताप्रतिसंयुक्तां धर्मदेशनां / दक्षिणस्यान् दिशि गङ्गानदीवालुकोपमां लोकधातुं गच्छन्ति स्म / तत्रापि गत्वा धर्मन् देशयन्ति स्म / यद् उतेमाम् एव षट्पारमिताप्रतिसंयुक्तां धर्मदेशनां / पश्चिमायन् दिशि गङ्गनदीवालुकोपमां लोकधातुं गच्छन्ति स्म / तत्रापि गत्वा धर्मं देशयन्ति स्म / यद् उतेमाम् एव षट्पारमिताप्रतिसंयुक्तान् धर्मदेशनां / उत्तरस्यान् दिशि गङ्गानदीवालुकोपमां लोकधातुं गच्छन्ति स्म / तत्रापि गत्वा धर्मं देशयन्ति स्म यद् उतेमाम् एव षट्पारमिताप्रतिसंयुक्तान् धर्मदेशनां / उत्तरपूर्वस्यान् दिशि गङ्गानदीवालुकोपमां लोकधातुं गच्छन्ति स्म तत्रापि गत्वा धर्मं देशयन्ति स्म / यद् उतेमाम् एव षट्पारमिताप्रतिसंयुक्तान् धर्मदेशनां /

पूर्वदक्षिणस्यान् दिशि गङ्गानदीवालुकोपमां लोकधातुं गच्छन्ति स्म तत्रापि गत्वा धर्मं देशयन्ति स्म यद् उतेमाम् एव षट्पारमिताप्रतिसंयुक्तान् धर्मदेशनां / दक्षिणपश्चिमायान् दिशि गङ्गानदीवालुकोपमा लोकधातुं गच्छन्ति स्म तत्रापि गत्वा धर्मं देशयन्ति स्म यद् उतेमाम् एव षट्पारमिताप्रतिसंयुक्तान् धर्मदेशनां / पश्चिमोत्तरस्यान् दिशि गङ्गानदीवालुकोपमां लोकधातुं गच्छन्ति स्म तत्रापि गत्वा धर्मं देशयन्ति स्म यद् उतेमाम् एव षट्पारमिताप्रतिसंयुक्तान् धर्मदेशनां / अधस्ताद् दिशि गङ्गानदीवालुकोपमां लोकधातुं गच्छन्ति स्म तत्रापि गत्वा धर्मं देशयन्ति स्म यद् उतेमाम् एव षट्पारमिताप्रतिसंयुक्तान् धर्मदेशनां / उपरिष्टाद् दिशि गङ्गानदीवालुकोपमां लोकधातुं गच्छन्ति स्म तत्रापि गत्वा धर्मं देशयन्ति स्म यद् उतेमाम् एव षट्पारमिताप्रतिसंयुक्तान् धर्मदेशनां / यैश् च सत्त्वैः सधर्मः श्रुतस् ते सर्वे नियता अभूवन् अनुत्तरायां सम्यक्संबोधौ //

अथ खलु भगवान् तस्मिन्न् एव सिंहासने निषण्णः सिंहविक्रीडितं नाम बुद्धसमाधिं समापद्य तथारूपम् ऋध्यभिसंस्कारम् अभिसंस्कारोति स्म / यथारूपेणाध्यभिसंस्कारेण अभिसंस्कृतेनायं त्रिसाहस्रमहासाहस्रो लोकधातुः षड्विकारं प्रकम्पतः प्राकम्पत संप्राकम्पत / अवेधत् प्रावेधत् संप्रावेधत् अचलत्प्राचलत् संप्राचलत् / अक्षुभ्यत् प्राक्षुभ्यत् संप्राक्षुभ्यत् / अगर्जत् प्रागर्जत् संप्रागर्जत् / अरणत् प्रारणत् संप्रारणत् / अन्तेषून्नमति स्म मध्ये ऽवनमति स्म अन्तेष्व् अवनमति स्म मृदुकः स्निग्धः सूक्ष्मः सर्वसत्त्वहितसुखसञ्जानानो ऽभूत् //

अथ तेन क्षणलवमुहूर्तेन यावन्तो ऽस्मिंस् त्रिसाहस्रमहासाहस्रे लोकधातौ नरकतिर्यग्योनियमलोकाक्षणापायदुर्गतिविनिपातास् ते सर्वे समुच्छिन्नाः अभूवन् / सर्वे च ते सत्त्वा मनुष्याणां सभागताया उपपन्ना अभूवन् सर्वे च ते सत्त्वाश् चातुर्महाराजकायिकानां देवानां त्रायस्त्रिंशानां तुषितानां निर्माणरतीनां परनिर्मितवशवर्तिनां देवानां सभागताया उपपन्ना अभूवन् //

अथ ते मनुष्यास् ते च देवास् तेनैव प्रीतिप्रसादप्रामोद्येन पौर्विकीं जातिं समनुस्मरन्ति स्म / समनुस्मृत्य प्रीतिप्रसादप्रामोद्यप्रतिलब्धायेन भगवांस् तेनोपसङ्क्रामन्ति स्म / उपसङ्क्रम्य भगवन्तं नमस्यन्ति स्म //

अथ तेन क्षणलवमुहूर्तेन पूर्वस्यान् दिशि गङ्गानदीवालुकोपमेषु लोकधातुषु सर्वनरकाः सर्वतिर्यग्योनयः सर्वयमलोकाः समुच्छिन्नाः / सर्वाक्षणाश् चास्तमिता अभूवन् सर्वे च ते सत्त्वामनुष्याणां देवानाञ् च सभागताया उपपन्ना अभूवन् //

अथ ते मनुष्यास् ते च देवास् तेनैव च प्रीतिप्रसादप्रामोद्यजातेन पौर्विकीं जातिं समनुस्मरन्ति स्म / समनुस्मृत्य प्रीतिप्रसादप्रामोद्यप्रतिलब्धाः स्वकस्वकेषु बुद्धक्षेत्रेषु ये तत्र तथागता अर्हन्तः सम्यक्संबुद्धास् तिष्ठन्ति तान् उपसङ्क्रामन्ति स्म / उपसङ्क्रम्य पादान् वन्दित्वा प्राञ्जलीभूतास् तांस् तथागतान् अर्हतः सम्यक्संबुद्धान् नमस्यन्ति स्म //

अथ तेन क्षणलवमुहूर्तेन दक्षिणस्यान् दिशि गङ्गानदीवालुकोपमेषु लोकधातुषु सर्वनरकाः सर्वतिर्यग्योनयः सर्वयमलोका समुच्छिन्नाः सर्वाक्षणाश् चास्तमिता अभूवन् / सर्वे च ते सत्त्वा मनुष्याणां देवानाञ् च सभागताया उपपन्ना अभूवन् //

अथ ते मनुष्यास् ते च देवास् तेनैव प्रीतिप्रसादप्रामोद्यजातेन पौर्विकीं जातिं समनुस्मरन्ति स्म / समनुस्मृत्य प्रीतिप्रसादप्रामोद्यप्रतिलब्धाः स्वकस्वकेषु बुद्धक्षेत्रेषु ये तत्र तथागता अर्हन्तः सम्यक्संबुद्धास् तिष्ठन्ति तान् उपसङ्क्रामन्ति स्म / उपसङ्क्रम्य पादान् वन्दित्वा प्राञ्जलीभूतास् तांस् तथागतान् अर्हतः सम्यक्संबुद्धान् नमस्यन्ति स्म //

अथ तेन क्षणलवमुहूर्तेन पश्चिमायान् दिशि गङ्गानदीवालुकोपमेषु लोकधातुषु सर्वनरकाः सर्वतिर्यग्योनयः सर्वयमलोका समुच्छिन्नाः सर्वाक्षणाश् चास्तमिता अभूवन् / सर्वे च ते सत्त्वा मनुष्याणाञ् च देवानाञ् च सभागताया उपपन्ना अभूवन् //

अथ ते मनुष्यास् ते च देवास् तेनैव प्रीतिप्रसादप्रामोद्यजातेन पौर्विकीं जातिं समनुस्मरन्ति स्म / समनुस्मृत्य प्रीतिप्रसादप्रामोद्यप्रतिलब्धाः स्वकस्वकेषु बुद्धक्षेत्रेषु ये तत्र तथागता अर्हन्तः सम्यक्संबुद्धास् तिष्ठन्ति / तान् उपसङ्क्रामन्ति स्म / उपसङ्क्रम्य पादान् वन्दित्वा प्राञ्जालीभूतास् तांस् तथागतान् अर्हतः सम्यक्संबुद्धान् नमस्यन्ति स्म //

अथ तेन क्षणलवमुहूर्तेन उत्तरस्यान् दिशि गङ्गानदीवालुकोपमेषु लोकधातुषु सर्वनरकाः सर्वतिर्यग्योनयः सर्वयमलोका समुच्छिन्नाः सर्वाक्षणाश् चास्तमिता अभूवन् / सर्वे च ते सत्त्वामनुष्याणां देवानाञ् च सभागताया उपपन्ना अभूवन् //

अथ ते मनुष्यास् ते च देवास् तेनैव प्रीतिप्रसादप्रामोद्यजातेन पौर्विकीं जातिं समनुस्मरन्ति स्म / समनुस्मृत्य प्रीतिप्रसादप्रामोद्यप्रतिलब्धाः स्वकस्वकेषु बुद्धक्षेत्रेषु ये तत्र तथागता अहन्तः सम्यक्संबुद्धास् तिष्ठन्ति तान् उपसङ्क्रामन्ति स्म / उपसङ्क्रम्य पादान् वन्दित्वा प्राञ्जलीभूतास् तांस् तथागतान् अर्हतः सम्यक्संबुद्धान् नमस्यन्ति स्म //

अथ तेन क्षणलवमुहूर्तेनोत्तरपूर्वस्यान् दिशि गङ्गानदीवालुकोपमेषु लोकधातुषु सर्वनरकाः सर्वतिर्यग्योनयः सर्वयमलोकाः समुच्छिन्नाः सर्वाक्षाणाश् चास्तमिता अभूवन् / सर्वे च ते सत्त्वामनुष्याणां देवानां च सभागताया उपपन्ना अभूवन् //

अथ ते मनुष्यास् ते च देवास् तेनैव प्रीतिप्रसादप्रामोद्यजातेन पौर्विकीं जातिं समनुस्मरन्ति स्म / समनुस्मृत्य प्रीतिप्रसादप्रामोद्यप्रतिलब्धाः स्वकस्वकेषु लोकधातुषु बुद्धक्षेत्रेषु ये तत्र तथागता अर्हन्तः सम्यक्संबुद्धास् तिष्ठन्ति तान् उपसङ्क्रामन्ति स्म / उपसंक्रम्य पादान् वन्दित्वा प्राञ्जलीभूतास् तांस् तथागतान् अर्हतः सम्यक्संबुद्धान् नमस्यन्ति स्म //

अथ तेन क्षणलवमुहूर्तेन पूर्वदक्षिणस्यान् दिशि गङ्गानदीवालुकोपमेषु लोकधातुषु सर्वनरकाः सर्वतिर्यग्योनयः सर्वयमलोकाः समुच्छिन्नाः सर्वाक्षणाश् चास्तमिता अभूवन् / सर्वे च ते सत्त्वामनुष्याणां देवानां च सभागताया उपपन्ना अभूवन् //

अथ ते मनुष्यास् ते च देवास् तेनैव प्रीतिप्रसादप्रमोद्यजातेन पौर्विकीं जातिं समनुस्मरन्ति न्त / समनुस्मृत्य प्रीतिप्रसादप्रमोद्यप्रतिलब्धाः स्वकस्वकेषु बुद्धक्षेत्रेषु ये तत्र तथागता अर्हन्तः सम्यक्संबुद्धास् तिष्ठन्ति तान् उपमंक्रामन्ति स्म / उपसंक्रम्य पादान् वन्दित्वा प्राञ्जलीभूतास् तांस् तथागतान् अर्हतः सम्यक्संबुद्धान् नमस्यन्ति स्म //

अथ तेन क्षणलवमुहूर्तेन दक्षिणपश्चिमायान् दिशि गङ्गानदीवालुकोपमेषु लोकधातुषु सर्वनरकाः सर्वतिर्यग्योनयः सर्वयमलोकाः समुच्छिन्नाः सर्वाक्षणाश् चास्तमिता अभूवन् / सर्वे च ते सत्त्वामनुष्याणां देवानां च सभागताया उपपन्ना अभूवन् //

अथ ते मनुष्यास् ते च देवास् तेनैव प्रीतिप्रसादप्रामोद्यजातेन पौर्विकीं जातिं समनुस्मरन्ति स्म / समनुस्मृत्य प्रीतिप्रसादप्रामोद्यप्रतिलब्धाः स्वकस्वकेषु बुद्धक्षेत्रेषु ये च तत्र तथागता अर्हन्तः सम्यक्संबुद्धास् तिष्ठन्ति तान् उपसंक्रामन्ति स्म / उपसंक्रम्य पादान् वन्दित्वा प्राञ्जलीभूतास् तांस् तथागतान् अर्हतः सम्यक्संबुद्धान् नमस्यन्ति स्म //

अथ तेन क्षणलवमुहूर्तेन पश्चिमोत्तरस्यान् दिशि गङ्गानदीवालुकोपमेषु लोकधातुषु सर्वनरकाः सर्वतिर्यग्योनयः सर्वयमलोकाः समुच्छिन्नाः सर्वाक्षणाश् चास्तमिता अभूवन् / सर्वे च ते सत्त्वामनुष्याणां देवानां च सभागताया उपपन्ना अभूवन् //

अथ ते मनुष्यास् ते च देवास् तेनैव प्रीतिप्रसादप्रामोद्यजातेन पौर्विकीं जातिं समनुस्मरन्ति स्म / समनुस्मृत्य प्रीतिप्रसादप्रामोद्यप्रतिलब्धाः स्वकस्वकेषु बुद्धक्षेत्रेषु ये तत्र तथागता अर्हन्तः सम्यक्संबुद्धास् तिष्ठन्ति तान् उपसंक्रामन्ति स्म / उपसंक्रम्य पादान् वन्दित्वा प्राञ्जलीभूतास् तांस् तथागतान् अर्हतेः सम्यक्संबुद्धान् नमस्यन्ति स्म //

अर्थ तेन क्षणलवमुहूर्तेनाधस्ताद् दिशि गङ्गानदीवालुकोपमेषु लोकधातुषु सर्वनरकाः सर्वतिर्यग्योनयः सर्वयमलोकाः समुच्छिन्नाः सर्वाक्षणाश् चास्तमिता अभूवन् / सर्वे च ते सत्त्वमनुष्याणां देवानां च सभागताया उपपन्ना अभूवन् //

अथ ते मनुष्यास् ते च देवास् तेनैव प्रीतिप्रसादप्रामोद्यजातेन पौर्विकीं जातिं समनुस्मरन्ति स्म / समनुस्मृत्य प्रीतिप्रसादप्रामोद्यप्रतिलब्धाः स्वकस्वकेषु बुद्धक्षेत्रेषु ये तत्र तथागता अर्हन्तः सम्यक्संबुद्धास् तिष्ठन्ति तान् उपसंक्रामन्ति स्म / उपसंक्रम्य पादान् वन्दित्वा प्राञ्जलीभूतास् तांस् तथागतान् अर्हतः सम्यक्संबुद्धान् नमस्यन्ति स्म //

अथ तेन क्षणलवमुहूर्तेन उपरिष्टाद् दिशि गङ्गानदीवालुकोपमेषु लोकधातुषु सर्वनरकाः सर्वतिर्यग्योनयः सर्वयमलोका समुच्छिन्नाः सर्वाक्षणाश् चास्तमिता अभूवन् / सर्वे च ते सत्त्वामनुष्याणां देवानां च सभागताया उपपन्ना अभूवन् //

अथ ते मनुष्यास् ते च देवास् तेनैव प्रीतिप्रसादप्रामोद्यजातेन पौर्विकीं जातिं समनुस्मरन्ति स्म / समनुस्मृत्य प्रीतिप्रसादप्रामोद्यप्रतिलब्धाः स्वकस्वकेषु बुद्धक्षेत्रेषु ये तत्र तथागता अर्हन्तः सम्यक्संबुद्धास् तिष्ठन्ति तान् उपसङ्क्रामन्ति स्म / उपसंक्रम्य पादान् वन्दित्वा प्राञ्जलीभूतास् तांस् तथागतान् अर्हतः सम्यक्संबुद्धान् नमस्यन्ति स्म //

अथ खलु तेन तत्क्षणेनैव ये अस्मिंस् त्रिसाहस्रमहासाहस्रे लोकधातौ जात्यन्धाः सत्वास् ते ऽपि सर्वे चक्षुषा रूपाणि पश्यन्ति स्म / बधिराः श्रोत्रेण शब्दान् शृण्वन्ति स्म / उन्मत्ताः स्मृतिं प्रतिलभन्ते स्म / विक्षिप्तचित्ताः अविक्षिप्तचित्ततां प्रतिलभन्ते स्म / नग्नाश् चीवराणि प्रतिलभन्ते स्म / दरिद्रा धनानि प्रतिलभन्ते स्म / जिघत्सिता भोजनानि प्रतिलभन्ते स्म / पिपासिताः पानीयं प्रतिलभन्ते स्म / रोगस्पृष्टा अरोगा अभूवन् / हीनकायाविकलेन्द्रियाः परिपूर्णकायेन्द्रिया अभूवन् / क्लान्तकाया अक्लान्तकाया अभूवन् / अविरताकुशलकायवाङ्मनस्कर्मान्ताजीवा विगताकुशलकायवाङ्मनस्कर्मान्ताजीवा भवन्ति स्म / सर्वसत्त्वाश् च सर्वसत्वेषु समचित्ता अभूवन् / यद् उत मातापितृभ्रातृभगिनीमित्रज्ञातिसहायसमचित्ताः सर्वसत्त्वाश् च कुशलकर्मपथसमन्वागता अभूवन् / ब्रह्मचारिणः शुचयो निरामगन्धाः सर्वाकुशलवितर्कविगताः सर्वसत्त्वाश् च तस्मिन् समये सर्वसुखसमर्पिता अभूवन् / एवं रूपेण सुखेन समन्वागताः / तद्यथापि नाम तृतीयध्यानसमापन्नस्य भिक्षोः सुखम् / सर्वसत्त्वाश् च तस्मिन् समये एवंरूपया प्रज्ञया समन्वागता अभूवन् / यद् एवं जानन्ति स्म / साधु दानं माधु धर्मः साधु संयमः साधु सत्यं साध्व् अप्रमादः साधु मैत्री साधु करुणा साध्व् अविहिंसा साधु सर्वप्राणिभूतेषु //

अथ भगवान् तस्मिन्न् एव सिंहासने निषण्ण इमं त्रिसाहस्रमहासाहस्रं लोकधातुं सुमेरुं चक्रवाडं सदेवभवनं सेन्द्रकं सेन्दुसूर्यगभस्तिकं सदेवदानवकायं सब्रह्मकं सशुद्धावासम् अभिभूय स्थितः शोभते भासते तपति विरोचते आभया वर्णेन तेजसा श्रिया //

तद्यथापि नाम बलवान् दिवाकरः परिशुद्धगगणतले पौर्णमास्यां वा चन्द्रमण्डलं, तथा च भगवान् इमन् त्रिसाहस्रमहासाहस्रं लोकधातुम् अभिभूय स्थितः शोभते भासते तपति विरोचते / आभया वर्णेन तेजसा श्रिया //

एवं पूर्वस्यान् दिशि गङ्गानदीवालुकोपमान् लोकधातून् अभिभूय स्थितः शोभते भासते तपति विरोचते आभया वर्णेन तेजसा श्रिया //

एवं दक्षिणस्यान् दिशि गङ्गानदीवालुकोपमान् लोकधातून् अभिभूय स्थितः शोभते भासते तपति विरोचते आभया वर्णेन तेजसा श्रिया //

एवं पश्चिमायान् दिशि गङ्गानदीवालुकोपमान् लोकधातून् अभिभूय स्थितः शोभते भासते तपति विरोचते / आभया वर्णेन तेजसा श्रिया //

एवम् उत्तरस्यान् दिशि गङ्गानदीवालुकोपमान् लोकधातून् अभिभूय स्थितः शोभते भासते तपति विरोचते / आभया वर्णेन तेजसा श्रिया //

एवम् उत्तरपूर्वस्यान् दिशि गङ्गानदीवालुकोपमान् लोकधातून् अभिभूय स्थितः शोभते भासते तपति विरोचते / आभया वर्णेन तेजसा श्रिया //

एवं पूर्वदक्षिणस्यान् दिशि गङ्गानदीवालुकोपमान् लोकधातून् अभिभूय स्थितः शोभते भासते तपति विरोचते / आभया वर्णेन तेजसा श्रिया //

एवं दक्षिणपश्चिमायान् दिशि गङ्गानदीवालुकोपमान् लोकधातून् अभिभूय स्थितः शोभते भासते तपति विरोचते / आभया वर्णेन तेजसा श्रिया //

एवं पश्चिमोत्तरस्यान् दिशि गङ्गानदीवालुकोपमान् लोकधातून् अभिभूय स्थितः शोभते भासते तपति विरोचते / आभया वर्णेन तेजसा श्रिया //

एवम् अधस्ताद् दिशि गङ्गानदीवालुकोपमान् लोकधातून् अभिभूय स्थितः शोभते भासते तपति विरोचते / आभया वर्णेन तेजसा श्रिया //

एवम् उपरिष्टाद् दिशि गङ्गानदीवालुकोपमान् लोकधातून् अभिभूय स्थितः शोभते भासते तपति विरोचते / आभया वर्णेन तेजसा श्रिया //

तद्यथापि नाम सुमेरुः पर्वतराजः सर्वांस् तांश् चान्यान् कालपर्वतान् अभिभूय स्थितः शोभते भासते तपति विरोचते / आभया वर्णेन तेजसा श्रिया //

तद्यथापि नाम चन्द्रर्मण्डलं सर्वतारारूपाण्य् अभिभूय स्थितं शोभते भासते तपति विरोचते / आभया वर्णेन तेजसा श्रिया //

तद्यथापि नाम सूर्यमण्डलं सर्वांस् तदन्यान् अवभासान् अभिभूय स्थितं शोभते भासते तपति विरोचते / आभया वर्णेन तेजसा श्रिया //

एवम् एव भगवान् दशसु दिक्षु सदेवकं लोकं सेन्द्रकं सब्रह्मकं शुद्धावासम् अभिभूय स्थितः शोभते भासते तपति विरोचते / आभया वर्णेन तेजसा श्रिया //

अथ भगवान् पुनर् अपि यादृशो भगवतः प्रकृत्यात्मभावः तादृशम् इमन् त्रिसाहस्रमहासाहस्रे लोकधाताव् उपदर्शयति स्म //

अथ यावन्तो ऽस्मिन् त्रिसाहस्रमहासाहस्रे लोकधातौ शुद्धावासकायिकादेवनिकाया आभास्वरा ब्रह्मकायिकाः परनिर्मितवशवर्तिनो निर्माणरतयः तुषिता यामास् त्रायस्त्रिंशाश् चातुर्महाराजकायिकादेवनिकायास् ते सर्वे सिंहासने निषण्णं तथागतम् अर्हन्तं सम्यक्संबुद्धं पश्यन्ति स्म / ते तुष्टा उदग्रा आत्तमनस्काः प्रमुदिताः प्रीतिसौमनस्यजाता दिव्यानि पुष्पाण्य् आदाय दिव्यानि माल्यानि दिव्यानि गन्धानि दिव्यानि विलेपनानि दिव्यानि चूर्णानि दिव्यानि वासांसि दिव्यान्य् उत्पलकुमुदपुण्डरीकनलिनसौगन्धिकानि केशरतमालपत्त्राणि दिव्यानि वस्तूनि दिव्यान्य् आभरणानि दिव्यानि छत्त्राणि दिव्या ध्वजा दिव्याः पताका गृहीत्वा येन भगवांस् तेनोपसंक्रामन्ति स्म, उपसंक्रम्य भगवन्तम् अभिपूजयन्ति स्म / सर्वाणि च तानि पुष्पमाल्यविलेपनचूर्णादीनि गन्धवस्त्राभरणानि छत्त्रध्वजपताकाश् च समनन्तरम् एव भगवतो ऽधिष्ठानेन त्रिसाहस्रमहासाहस्रलोकधातुप्रमाणे भगवतः उपरि वैहायसे सर्वसत्त्वो महापुष्पादिकूटागारः संस्थितो ऽभूत् / ततश् च कूटागाराद् दिव्यानि पुष्पाणि पुष्पपट्टदामानि लम्बन्ते स्म प्रलम्बन्ते स्म अभिप्रलम्बन्ते स्म / तैश् च पुष्पपट्टदामाभिर् अयं त्रिसाहस्रमहासाहस्रो लोकधातुर् अभिशोभते स्म / तेन च सुवर्णवर्णेन भगवतः प्रभावभासेनात्यर्थं शोभते भासते तपति विरोचते स्म / यथा चायं त्रिसाहस्रमहासाहस्रो लोकधातुर् एवं पूर्वस्यान् दिशि गङ्गानदीवालुकोपमा लोकधातवस् तेन भगवतः प्रभावभासेन स्फुटा अभूवन् / दक्षिणस्यान् दिशि गङ्गानदीवालुकोपमा लोकधातवस् तेन भगवतः प्रभावभासेन स्फुटा अभूवन् /

पश्चिमायान् दिशि गङ्गानदीवालुकोपमा लोकधातवस् तेन भगवतः प्रभावभासेन स्फुटा अभूवन् / उत्तरस्यान् दिशि गङ्गानदीवालुकोपमा लोकधातवस् तेन भगवतः प्रभावभासेन स्फुटा अभूवन् / उत्तरपूर्वस्यान् दिशि गङ्गानदीवालुकोपमा लोकधातवस् तेन भगवतः प्रभावभासेन स्फुटा अभूवन् / पूर्वदक्षिणस्यान् दिशि गङ्गानदीवालुकोपमा लोकधातवस् तेन भगवतः प्रभावभासेन स्फुटा अभूवन् / दक्षिणपश्चिमायान् दिशि गङ्गानदीवालुकोपमा लोकधातवस् तेन भगवतः प्रभावभासेन स्फुटा अभूवन् / पश्चिमोत्तरस्यान् दिशि गङ्गानदीवालुकोपमा लोकधातवस् तेन भगवतः प्रभावभासेन स्फुटा अभूवन् / अधस्ताद् दिशि गङ्गानदीवालुकोपमा लोकधातवस् तेन भगवतः प्रभावभासेन स्फुटा अभूवन् / उपरिष्टाद् दिशि गङ्गानदीवालुकोपमा लोकधातवस् तेन भगवतः प्रभावभासेन स्फुटा अभूवन् / तत्र जाम्बुद्वीपकानां मनुष्याणां तत् तथागतस्यासेचनकदर्शनम् आत्मभावं दृष्ट्वा एतद् अभूद् अस्माकं पुरतस् तथागतो निषण्णो धर्मं देशयति / यथा च जाम्बुद्वीपकानां मनुष्याणाम् एवं गोदानीयानां मनुष्याणान् तथागतस्यासेचनकदर्शनम् आत्मभावं दृष्ट्वा एतद् अभूद् अस्माकं पुरतः तथागतो निषण्णो धर्मं देशयतीति / पौर्वविदेहकानां मनुष्याणान् तत् तथागतस्यासेचनकदर्शनम् आत्मभावं दृष्ट्वा एतद् अभूद् अस्माकं पुरतस् तथागतो निषण्णो धर्मं देशयतीति / उत्तरकौरवाणां मनुष्याणां तत् तथागतस्याचेचनकदर्शनम् आत्मभावं दृष्ट्वा एतद् अभूद् अस्माकं पुरतस् तथागतो निषण्णो धर्मं देशयतीति /

चातुर्महाराजकायिकानां देवानान् तत् तथागतस्यासेचनकदर्शनम् आत्मभावं दृष्ट्वा एतद् अभूद् अस्माकं पुरतः तथागतो निषण्णो धर्मं देशयतीति / त्रायस्त्रिंशानां देवानान् तत् तथागतस्यासेचनकदर्शमम् आत्मभावं दृष्ट्वा एतद् अभूद् अस्माकं पुरतस् तथागतो निषण्णो धर्मं देशयतीति / यामानान् देवानान् तत् तथागतस्यासेचनकदर्शनम् आत्मभावं दृष्ट्वा एतद् अभूद् अस्माकं पुरतस् तथागतो निषण्णो धर्मं देशयतीति / तुषितानां देवानान् तत् तथागतस्यासेचनकदर्शनम् आत्मभावं दृष्ट्वा एतद् अभूद् अस्माकं पुरतस् तथागतो निषण्णो धर्में देशयतीति / निर्माणरतीनां देवानान् तत् तथागतस्यासेचनकदर्शनम् आत्मभावं दृष्ट्वा एतद् अभूद् अस्माकं पुरतस् तथागतो निषण्णो धर्मं देशयतीति / परनिर्मितवशवर्तिनां देवानान् तत् तथागतस्यासेचनकदर्शनम् आत्मभावं दृष्ट्वा एतद् अभूद् अस्माकं पुरतस् तथागतो निषण्णो धर्मं देशयतीति / ब्रह्मकायिकानां देवानान् तत् तथागतस्यासेचनकदर्शनम् आत्मभावं दृष्ट्वा एतद् अभूद् अस्माकं पुरतस् तथागतो निषण्णो धर्मं देशयतीति / ब्रह्मपुरोहितानां देवानान् तत् तथागतस्यासेचनकदर्शनम् आत्मभावं दृष्ट्वा एतद् अभूद् अस्माकं पुरतस् तथागतो निषण्णो धर्मं देशयतीति / ब्रह्मपार्श्वद्यानां देवानान् तत् तथागतस्यासेचनकदर्शनम् आत्मभावं दृष्ट्वा एतद् अभूद् अस्माकं पुरतस् तथागतो निषण्णो धर्मं देशयतीति / महाब्रह्माणां देवानान् तत् तथागतस्यासेचकमदर्शनम् आत्मभावं दृष्ट्वा एतद् अभूद् अस्माकं पुरतस् तथागतो निषण्णो धर्मं देशयतीति /

आभानां देवानान् तत् तथागतस्यासेचमकदर्शनम् आत्मभावं दृष्ट्वा एतद् अभूद् अस्माकं पुरतस् तथागतो निषण्णो धर्मं देशयतीति / परीत्ताभानान् देवानान् तत् तथागतस्यासेचनकदर्शनम् आत्मभावं दृष्ट्वा एतद् अभूद् अस्माकं पुरतस् तथागतो निषण्णो धर्मन् देशयतीति / अप्रमाणाभानां देवानान् तत् तथागतस्यासेचनकदर्शनम् आत्मभावं दृष्ट्वा एतद् अभूद् अस्माकं पुरतस् तथागतो निषण्णो धर्मन् देशयतीति आभास्वराणां देवानान् तत् तथागतस्यासेचनकदर्शनम् आत्मभावं दृष्ट्वा एतद् अभूद् अस्माकं पुरतस् तथागतो निषण्णो धर्मन् देशयतीति //

आभानां देवानान् तत् तथागतस्यासेचनकदर्शनम् आत्मभाव दृष्ट्वा एतद् अभूद् अस्माकं पुरतस् तथागतो निषण्णो धर्मन् देशयतीति / परीत्तशुभानां देवानान् तत् तथागतस्यासेचनकदर्शनम् आत्मभावं दृष्ट्वा एतद् अभूद् अस्माकं पुरतस् तथागतो निषण्णो धर्मन् देशयतीति / अप्रमाणशुभानां देवानान् तत् तथागतस्यासेचनकदर्शनम् आत्मभावं दृष्ट्वा एतद् अभू दस्माकं पुरतस् तथागतो निषण्णो धर्मन् देशयतीति / शुभकृत्स्नानां देवानान् तत् तथागतस्यासेचनकदर्शनम् आत्मभावं दृष्ट्वा एतद् अभूद् अस्माकं पुरतस् तथागतो निषण्णो धर्मन् देशयतीति / वृहाणां देवानां तत् तथागतस्यासेचनकदर्शनम् आत्मभावं दृष्ट्वा एतद् अभूद् अस्माकं पुरतस् तथागतो निषण्णो धर्मन् देशयतीति / परीत्तवृहाणां देवानान् तत् तथागतस्यासेचनकदर्शनम् आत्मभावं दृष्ट्वा एतद् अभूद् अस्माकं पुरतस् तथागतो निषण्णो धर्मन् देशयतीति / अप्रमाणवृहाणां देवानान् तत् तथागतस्यासेचनकदर्शनम् आत्मभावं दृष्ट्वा एतद् अभूद् अस्माकं पुरतस् तथागतो निषण्णो धर्मन् देशयतीति / वृहत्फलानां देवानान् तत् तथागतस्यासेचनकदर्शनम् आत्मभावं दृष्ट्वा एतद् अभूद् अस्माकं पुरतस् तथागतो निषण्णो धर्मन् देशयतीति / अवृहाणां देवानान् तत् तथागतस्यासेचनकदर्शनम् आत्मभावं दृष्ट्वा एतद् अभूद् अस्माकं पुरतस् तथागतो निषण्णो धर्मन् देशयतीति / अतपानां देवानान् तत् तथागतस्यासेचनकदर्शनम् आत्मभावं दृष्ट्वा एतद् अभूद् अस्माकं पुरतस् तथागतो निषण्णो धर्मन् देशयतीति / सुदृशानां देवानान् तत् तथागतस्यासेचनकदर्शनम् आत्मभावं दृष्ट्व एतद् अभूद् अस्माकं पुरतस् तथागतो निषण्णो धर्मन् देशयतीति / सुदर्शनानां देवानान् तत् तथागतस्यासेचनकदर्शनम् आत्मभावं दृष्ट्वा एतद् अभूद् अस्माकं पुरतस् तथागतो निषण्णो धर्मन् देशयतीति / अकनिष्ठानां देवानान् तत् तथागतस्यासेचनकदर्शनम् आत्मभावं दृष्ट्वा एतद् अभूद् अस्माकं पुरतस् तथागतो निषण्णो धर्मन् देशयतीति //

एवं साहस्रे लोकधातौ सर्वमनुष्याणां सर्वदेवानान् तत् तथागतस्यासेचनकदर्शनम् आत्मभावं दृष्ट्वा एतद् अभूद् अस्माकं पुरतस् तथागतो निषण्णो धर्मन् देशयतीति / द्विसाहस्रे लोकधातौ सर्वमनुष्याणां सर्वदेवानान् तत् तथागतस्यासेचनकदर्शनम् आत्मभावं दृष्ट्वा एतद् अभूद् अस्माकं पुरतस् तथागतो निषण्णो धर्मं देशयतीति //

एवं त्रिसाहस्रमहासाहस्रे लोकधातौ सर्वमनुष्याणां सर्वदेवानान् तत् तथागतस्यासेचनकदर्शनम् आत्मभावं दृष्ट्वा एतद् अभूद् अस्माकं पुरतस् तथागतो निषण्णो धर्मन् देशयतीति //

अथ भगवांस् तस्मिन्न् एव सिंहासने निषण्णः पुनर् एव प्रभां प्रामुञ्चद् यया प्रभया पुनर् एवं त्रिसाहस्रमहासाहस्र लोकधातुर् अवभाषितो भूत् / पूर्वस्यान् दिशि गङ्गानदीवालुकोपमा लोकधातवो ऽवभाषिता अभूवन् / दक्षिणस्यान् दिशि गङ्गानदीवालुकोपमा लोकधातवो ऽवभाषिता अभूवन् / पश्चिमायान् दिशि गङ्गानदीवालुकोपमा लोकधातवो ऽवभाषिता अभूवन् / उत्तरस्यान् दिशि गङ्गानदीवालुकोपमा लोकधातवो ऽवभाषिता अभूवन् / उत्तरपूर्वस्यान् दिशि गङ्गानदीवालुकोपमा लोकधातवो ऽवभाषिता अभूवन् / पूर्वदक्षिणस्यान् दिशि गङ्गानदीवालुकोपमा लोकधातवो अवभाषिता अभूवन् / दक्षिणपश्चिमायान् दिशि गङ्गानदीवालुकोपमा लोकधातवो ऽवभाषिता अभूवन् / पश्चिमोत्तरस्यान् दिशि गङ्गानदीवालुकोपमा लोकधातवो ऽवभाषिता अभूवन् / अधस्ताद् दिशि गङ्गानदीवालुकोपमा लोकधातवो ऽवभाषिता अभूवन् / उपरिष्टाद् दिशि गङ्गानदीवालुकोपमा लोकधातवो ऽवभाषिता अभूवन् / येनावभासेनय इमां त्रिसाहस्रमहासाहस्रे लोकधातौ सत्त्वास् ते सर्वे पूर्वस्यान् दिशि गङ्गानदीवालुकोपमेषु लोकधातुषु तथागतान् अर्हतः सम्यक्संबुद्धान् सश्रावकसङ्घान् बोधिसत्त्वपरिवारान् पश्यन्ति स्म / तत्र च पूर्वस्यान् दिशि गङ्गानदीवालुकोपमेषु लोकधातुषु सत्त्वास् ते ऽपीमं त्रिसाहस्रमहासाहस्रं लोकधातुं भगवन्तं शाक्यमुनिं तथागतम् अर्हन्तं सम्यक्संबुद्धं सभिक्षुसङ्घं बोधिसत्त्वपरिवारं पश्यन्ति स्म /

तत्र च दक्षिणस्यान् दिशि गङ्गानदीवालुकोपमेषु लोकधातुषु सत्त्वास् ते ऽपीमं त्रिसाहस्रमहासाहस्रं लोकधातुं भगवन्तं शाक्यमुनिं तथागतम् अर्हन्तं सम्यक्संबुद्धं सभिक्षुसङ्घं बोधिसत्त्वपरिवारं पश्यन्ति स्म / तत्र च पश्चिमायान् दिशि गङ्गानदीवालुकोपमेषु लोकधातुषु सत्त्वास् ते ऽपीमं त्रिसाहस्रमहासाहस्रं लोकधातुं भगवन्तं शाक्यमुनिं तथागतम् अर्हन्तं सम्यक्संबुद्धं सभिक्षुसङ्घं बोधिसत्त्वपरिवारं पश्यन्ति स्म / तत्र चोत्तरस्यान् दिशि गङ्गानदीवालुकोपमेषु लोकधातुषु सत्त्वास् ते ऽपीमं त्रिसाहस्रमहासाहस्रं लोकधातुं भगवन्तं च शाक्यमुनिं तथागतम् अर्हन्तं सम्यक्संबुद्धं सभिक्षुसङ्घं बोधिसत्त्वपरिवारं पश्यन्ति स्म / तत्र चोत्तरपूर्वस्यान् दिशि ये गङ्गानदीवालुकोपमेषु लोकधातुषु सत्त्वास् ते ऽपीमं त्रिसाहस्रमहासाहस्रं लोकधातुं भगवन्तं शाक्यमुनिं तथागतम् अर्हन्तं सम्यक्संबुद्धं सभिक्षुसङ्घं बोधिसत्त्वपरिवारं पश्यन्ति स्म / तत्र च पूर्वदक्षिणस्यान् दिशि ये गङ्गानदीवालुकोपमेषु लोकधातुषु सत्त्वास् ते ऽपीमं त्रिसाहस्रमहासाहस्रं लोकधातुं भगवन्तं च शाक्यमुनिं तथागतम् अर्हन्तं सम्यक्संबुद्धं सभिक्षुसङ्घं बोधिसत्त्वपरिवारं पश्यन्ति स्म / तत्र च दक्षिणपश्चिमायान् दिशि ये गङ्गानदीवालुकोपमेषु लोकधातुषु सत्त्वास् ते ऽपीमन् त्रिसाहस्रमहासाहस्रं लोकधातुं भगवन्तं शाक्यमुनिं तथागतम् अर्हन्तं सम्यक्संबुद्धं सभिक्षुसङ्घं बोधिसत्त्वपरिवारं पश्यन्ति स्म /

तत्र च पश्चिमोत्तरस्यान् दिशि गङ्गानदीवालुकोपमेषु लोकधातुषु सत्त्वास् ते ऽपीमन् त्रिसाहस्रमहासाहस्रं लोकधातुं भगवन्तं शाक्यमुनिं तथागतम् अर्हन्तं सम्यक्संबुद्धं सश्रावकं सङ्घं बोधिसत्त्वपरिवारं पश्यन्ति स्म / तत्र चाधस्ताद् दिशि ये गङ्गानदीवालुकोपमेषु लोकधातुषु सत्त्वास् ते ऽपीमन् त्रिसाहस्रमहासाहस्रं लोकधातुं भगवन्तश् च शाक्यमुनिस् तथागतम् अर्हन्तं सम्यक्संबुद्धं सभिक्षुसङ्घं बोधिसत्त्वपरिवारं पश्यन्ति स्म / तत्र चोपरिष्टाद् दिशि ये गङ्गानदीवालुकोपमेषु लोकधातुषु सत्त्वास् ते ऽपीमं त्रिसाहस्रमहासाहस्रं लोकधातुं भगवन्तञ् च शाक्यमुनिं तथागतम् अर्हन्तं सम्यक्संबुद्धं सभिक्षुसङ्घं सबोधिसत्त्वगणपरिवारं पश्यन्ति स्म //

अथ पूर्वस्यान् दिशि गङ्गानदीवालुकोपमान् लोकधातून् अतिक्रम्य यः सर्वपश्चिमो लोकधातुः रत्नावती नाम तत्र रत्नाकरो नाम तथागतो ऽर्हन् सम्यक्संबुद्धस् तिष्ठति ध्रियते यापयति स इमाम् एव प्रज्ञापारमितां बोधिसत्त्वेभ्यो महासत्त्वेभ्यः संप्रकाशयति //

अथ तत्र लोकधातौ समन्तरश्मिर् नाम बोधिसत्त्वो महासत्त्वस् तं महान्तम् अवभासन् तञ् च महान्तं पृथिवीचालन् तञ् च तथागतस्यासेचनकदर्शनम् आत्मभावं दृष्ट्वा येन भगवान् रत्नाकरस् तथागतो ऽर्हन् सम्यक्संबुद्धस् तेनोपसंक्रान्तः / उपसंक्रम्य तं भगवन्तं तथागतम् अर्हन्तं सम्यक्संबुद्धम् एतद् अवोचत् / को भगवन् हेतुः कः प्रत्ययः यो ऽस्य महतो ऽवभासस्य लोके प्रादुर्भावाय अस्य च महतः पृथिवीचालस्य अस्य चेदृशस्य तथागतकायस्य सन्दर्शनाय //

एवम् उक्ते भगवान् रत्नाकरस् तथागतो ऽर्हन् सम्यक्संबुद्धस् तं समन्तरश्मिं बोधिसत्त्वं महासत्त्वम् एतद् अवोचत् / एष कुलपुत्र पश्चिमायान् दिशि गङ्गानदीवालुकोपमान् लोकधातून् अतिक्रम्य सहा नाम लोकधातुस् तत्र शाक्यमुनिर् नाम तथागतो ऽर्हन् सम्यक्संबुद्धस् तिष्ठति ध्रियते यापयति स बोधिसत्त्वेभ्यो महासत्त्वेभ्यः प्रज्ञापारमितां संप्रकाशयति / तस्यैष ईदृशो ऽनुभावः //

अथ समन्तरश्मिर् बोधिसत्त्वो महासत्त्वस् तं भगवन्तं रत्नाकरन् तथागतम् अर्हन्तं सम्यक्संबुद्धम् एतद् अवोचत् / गच्छेयम् अहं भगवंस् तां महां लोकधातुं तस्य भगवतः शाक्यमुनेस् तथागतस्यार्हतः सम्यक्संबुद्धस्य दर्शनाय वन्दनाय पर्युपासनाय तेषाञ् च बोधिसत्त्वानां महासत्त्वानां सर्वेषां प्रायः कुमारभूतानां धारणीप्रतिसंविन्निर्हारप्रतिलब्धानां सर्वसमाधिसमापत्तिवशिताप्रप्तानाम् / भगवान् रत्नाकरस् तथागत आह / गच्छ त्वं कुलपुत्र तां महां लोकधातुं यस्येदानीं कालं मन्यसे //

अथ रत्नाकरस् तथागतो ऽर्हन् सम्यक्संबुद्धो नानारत्नमयानां सुवर्णनिर्भासानां सहस्रपत्त्राणां पद्मानां सहस्रं समन्तरश्मये बोधिसत्त्वाय महासत्त्वाय प्रादात् / एभिः कुलपुत्र पद्मैस् तं भगवन्तं शाक्यमुनिं तथागतम् अर्हन्तं सम्यक्संबुद्धं अभ्यवकिर संप्रजानविहारी च तत्र बुद्धक्षेत्रे भवेत् / तत् कस्य हेतोर् दुरासदा हि ते बोधिसत्त्वा महासत्त्वा ये तत्र लोकधाताव् उपपन्ना मा तत्र क्षणेथाः //

अथ समन्तरश्मिर् बोधिसत्त्वो महासत्त्वस् तस्य भगवतो रत्नाकरस्य तथागतस्यार्हतः सम्यक्संबुद्धस्यान्तिकात् तानि सुवर्णनिर्भासानि सहस्रपत्त्राणि पद्मानि गृहीत्वानेकैर् बोधिसत्त्वकोटीनियुतशतसहस्रैः सार्धं गृहस्थैः प्रव्रजितैश् च दारकदारिकारूपिभिश् च ततो बुद्धक्षेत्राद् अन्तर्हितो यावन्तः पूर्वस्यान् दिशि बुद्धा भगवन्तस् तिष्ठन्ति ध्रियन्ते यापयन्ति तान् सर्वान् सत्कुर्वन् गुरूकुर्वन् मानयन् पूजयन् पुष्पधूपगन्धमाल्यविलेपनचूर्णचीवरच्छत्त्रध्वजपताकाभिर् महत्या बोधिसत्त्वर्ध्या महता बोधिसत्त्वानुभावेन / येन भगवान् शाक्यमुनिस् तथागतो ऽर्हन् सम्यक्संबुद्धस् तेनोपसंक्रान्तः उपमंक्रम्य भगवतः पादौ शिरसा वन्दित्वा एकान्ते स्थितः समन्तरश्मिर् बोधिसत्त्वो महासत्त्वो भगवन्तम् एतद् अवोचत् / रत्नाकरो भगवंस् तथागतो ऽर्हन् सम्यक्संबुद्धो भगवतो ऽल्पाबाधतां परिपृच्छत्य् अल्पातङ्कताञ् च लघूत्थानतां बलं सुखस्प्र्शविहारताश् च / इमानि च तेन भगवता रत्नाकरेण तथागतेनार्हता सम्यक्संबुद्धेन सुवर्णनिर्भासानि सहस्रपत्त्राणि पद्मानि प्रणिहितानि भगवतः पूजाकर्मणे //

अथ भगवान् शाक्यमुनिस् तथागतो ऽर्हन् सम्यक्संबुद्धस् तानि पद्मानि गृहीत्वा येन ते पूर्वस्यान् दिशि गङ्गानदीवालुकोपमेषु लोकधातुषु तथागता अर्हन्तः सम्यक्संबुद्धास् तेनाक्षैप्सीत् //

अथ तैः पद्मैस् ते सर्वे लोकधातवः स्फुटा अभूवन् तत्र च पद्मेषु तथागतविग्रहा निषण्णा धर्मं देशयन्ति स्म / यद् उतेमाम् एवं षट्पारमिताम् आरभ्य यैश् च सत्त्वैः सा धर्मदेशना श्रुता ते सर्वे नियता अभूवन्न् अनुत्तरायां सम्यक्संबोधौ / ते ऽपि बोधिसत्त्वा गृहस्थाश् च प्रव्रजिताश् च दारकदारिकाश् च स्वकस्वकैः कुशलमूलैर् भगवन्तं शाक्यमुनिं तथागतम् अर्हन्तं सम्यक्संबुद्धं सत्कुर्वन्ति स्म / गुरूकुर्वन्ति स्म / मानयन्ति स्म / पूजयन्ति स्म / दक्षिणस्यान् दिशि गङ्गानदीवालुकोपामाल् लोकधातून् अतिक्रम्य यः सर्वपश्चिमो लोकधातुः सर्वशोकापगतो नाम तत्राशोकश्रीर् नाम तथागतो ऽर्हन् सम्यक्संबुद्धस् तिष्ठति ध्रियते यापयति / स इमाम् एव प्रज्ञापारमितां बोधिसत्त्वेभ्यो महासत्त्वेभ्यः संप्रकाशयति //

अथ तत्र लोकधातौ विगतशोको नाम बोधिसत्त्वो महासत्त्वस् तं महान्तम् अवभासं तं च महान्तं पृथिवीचालन् तञ् च तथागतस्यासेचनकदर्शनम् आत्मभावं दृष्ट्वा येन स भगवान् अशोकश्रीस् तथागतो ऽर्हन् सम्यक्संबुद्धस् तेनोपसंक्रान्तः उपसंक्रम्य तं भगवन्तम् अशोकश्रियं तथागतं सम्यक्संबुद्धम् एतद् अवोचत् / को भगवन् हेतुः कः प्रत्ययो ऽस्य महतो ऽवभासस्य लोके प्रादुर्भावायास्य च महतः पृथिवीचालस्य चेदृशस्य तथागतकायस्य सन्दर्शनाय / एवम् उक्ते भगवान् अशोकश्रीस् तथागतो ऽर्हन् सम्यक्संबुद्धस् तं विगतशोकं बोधिसत्त्वं महासत्त्वम् एतद् अवोचत् / एष कुलपुत्र उत्तरस्यान् दिशि गङ्गानदीवालुकोपमाल् लोकधातून् अतिक्रम्य सहा नाम लोकधातुस् तत्र शाक्यमुनिर् नाम तथागतो ऽर्हन् सम्यक्संबुद्धस् तिष्ठति ध्रियते यापयति / स बोधिसत्त्वेभ्यो महासत्त्वेभ्यः प्रज्ञापारमितां संप्रकाशयति / तस्यैष ईदृशो ऽनुभावः //

अथ विगतशोको बोधिसत्त्वो महासत्त्वस् तं भगवन्तम् अशोकश्रियं तथागतम् अर्हन्तं सम्यक्संबुद्धम् एतद् अवोचत् / गच्छेयम् अहं भगवंस् तां सहां लोकधातुं तस्य शाक्यमुनेस् तथागतस्यार्हतः सम्यक्संबुद्धस्य दर्शनाय वन्दनाय पर्युपासनाय तेषां च बोधिसत्त्वानां महासत्त्वानां सर्वेषां प्रायः कुमारभूतानां धारणीप्रतिसंविन्निर्हारप्रतिलब्धानां सर्वसमाधिसमापत्तिवशिता प्राप्तानाम् / स भगवान् अशोकश्रीस् तथागत आह / गच्छ त्वं कुलपुत्र तां सहां लोकधातुं यस्येदानीं कालं मन्यसे //

अथ भगवान् अशोकश्रीस् तथागतो ऽर्हन् सम्यक्संबुद्धो नानारत्नमयानां सुवर्णनिर्भासानां सहस्रपत्त्राणां पद्मानां सहस्रं विगतशोकाय बोधिसत्त्वाय महासत्त्वाय प्रादात् / एभिः कुलपुत्र पद्मैस् तं भगवन्तं शाक्यमुनिं तथागतम् अर्हन्तं सम्यक्संबुद्धम् अभ्यवकिर संप्रजानविहारी च कुलपुत्र तत्र बुद्धक्षेत्रे भवेत् / तत् कस्य हेतोर् दुरासदा हि ते बोधिसत्त्वा महासत्त्वाः ये तत्र लोकधाताव् उपपन्ना मा तत्र क्षणेथाः //

अथ विगतशोको बोधिसत्त्वो महासत्त्वस् तस्य भगवतो ऽशोकश्रियस् तथागतस्यार्हतः सम्यक्संबुद्धस्यान्तिकात् तानि सुवर्णनिर्भासानि सहस्रपत्त्राणि पद्मानि गृहीत्वानेकैर् बोधिसत्त्वकोटीनियुतशतसहस्रैः सार्धं गृहीस्थैः प्रव्रजितैश् च दारकदारिकारूपिभिश् च ततो बुद्धक्षेत्राद् अन्तर्हितो यावन्तो दक्षिणस्यान् दिशि बद्धा भगवन्तस् तिष्ठन्ति ध्रियन्ते यापयन्ति सत्कुर्वन् गुरूकुर्वन् मानयन् पूजयन् पुष्पधूपगन्धमाल्यविलेपनचूर्णवस्त्राभरणच्छत्त्रध्वजपताकाभिर् महत्या बोधिसत्त्वर्ध्या महता बोधिसत्त्वानुभावेन येन भगवान् शाक्यमुनिस् तथागतो ऽर्हन् सम्यक्संबुद्धस् तेनोपसंक्रान्तः उपसंक्रम्य भगवतः पादौ शिरसा वन्दित्वा एकान्ते ऽस्थात् एकान्ते स्थितश् च विगतशोको बोधिसत्त्वो महासत्त्वो भगवन्तम् एतद् अवोचत् / अशोकश्रीर् भगवंस् तथागतो ऽर्हन् सम्यक्संबुद्धो भगवतो ऽल्पाबाधतां परिपृच्छत्य् अल्पातङ्कतां लघूत्थानतां बलं सुखस्पर्शविहारताञ् च / इमानि च तेन भगवता अशोकश्रिया तथागतेनार्हता सम्यक्संबुद्धेन सुवर्णनिर्भासानि सहस्रपत्त्राणि पद्मानि प्रहितानि भगवतः पूजाकर्मणे //

अथ भगवान् शाक्यमुनिस् तथागतो ऽर्हन् सम्यक्संबुद्धस् तानि पद्मानि गृहीत्वा येन ते दक्षिणस्यान् दिशि गङ्गानदीवालुकोपमेषु लोकधातुषु तथागता अर्हन्तः सम्यक्संबुद्धास् तेनाक्षैप्सीत् //

अथ तैः पद्मैस् ते सर्वे लोकधातवः स्फुटा अभूवन् / तत्र च पद्मेषु तथागतविग्रहा निषण्णा धर्मं देशयन्ति स्म / यद् उतेमाम् एव षट्पारमिताम् आरभ्य यैश् च सत्त्वैः सा धर्मदेशना श्रुता ते सर्वे नियता अभूवन्न् अनुत्तरायां सम्यक्संबोधौ / ते ऽपि बोधिसत्त्वा गृहस्थाः प्रव्रजिताश् च दारकदारिकाश् च स्वकस्वकैः कुशलमूलैर् भगवन्तं शाक्यमुनिं तथागतम् अर्हन्तं सम्यक्संबुद्धं सत्कुर्वन्ति स्म गुरूकुर्वन्ति स्म मानयन्ति स्म पूजयन्ति स्म / पश्चिमायान् दिशि गङ्गानादीवालुकोपमाल् लोकधातून् अतिक्रम्य यः सर्वपश्चिमो लोकधातुरूपशान्ता नाम लोकधातुस् तत्र रत्नार्चिर् नाम तथागतो ऽर्हन् सम्यक्संबुद्धस् तिष्ठति प्रियते यापयति / स इमाम् एव प्रज्ञापारमितां बोधिसत्त्वेभ्यो महासत्त्वेभ्यः संप्रकाशयति //

अथ तत्र लोकधातौ चारित्रमतिर् नाम बोधिसत्त्वस् तं महान्तम् अवभासन् तञ् च महान्तं पृथिवीचालन् तं च तथागतस्यासेचनकदर्शनम् आत्मभावं दृष्ट्वा येन स भगवान् रत्नार्चिस् तथागतो ऽर्हन् सम्यक्संबुद्धस् तेनोपसंक्रान्तः उपसंक्रम्य भगवन्तं रत्नार्चिषं तथागतम् अर्हन्तं सम्यक्संबुद्धम् एतद् अवोचत् / को भगवन् हेतुः कः प्रत्ययो ऽस्य महतो ऽवभासस्य लोके प्रादुर्भावायास्य च महतः पृथिवीचालस्य चेदृशस्य तथागतकायस्य सन्दर्शनाय / एवम् उक्ते भगवान् रत्नार्चिस् तथागतो ऽर्हन् सम्यक्संबुद्धस् तं चारित्रमतिं बोधिसत्त्वं महासत्त्वम् एतद् अवोचत् / एष कुलपुत्र पूर्वस्यान् दिशि गङ्गानदीवालुकोपमान् लोकधातून् अतिक्रम्य सहा नाम लोकधातुस् तत्र शाक्यमुनिर् नाम तथागतो ऽर्हन् सम्यक्संबुद्धस् तिष्ठति ध्रियते यापयति / स बोधिसत्त्वेभ्यो महासत्त्वेभ्यः प्रज्ञापारमितां संप्रकाशयति / तस्यैष ईदृशो ऽनुभावः //

अथ चारित्रमतिर् बोधिसत्त्वो महासत्त्वस् तं भगवन्तं रत्नार्चिषं तथागतम् अर्हन्तं सम्यक्संबुद्धम् एतद् अवोचत् / गच्छेयम् अहं भगवंस् तां सहां लोकधातुं तस्य भगवतः शाक्यमुनेस् तथागतस्यार्हतः सम्यक्संबुद्धस्य दर्शनाय वन्दनाय पर्युपासनाय / तेषां च बोधिसत्त्वानां महासत्त्वानां सर्वेषां प्रायः कुमारभूतानां धारणीप्रतिसंविन्निर्हारप्रतिलब्धानां सर्वसमाधिसमापत्तिवशिताप्राप्तानाम् / स भगवान् रत्नार्चिस् तथागत आह / गच्छ त्वं कुलपुत्र तां सहां लोकधातुं यस्येदानीं कालं मन्यसे //

अथ रत्नार्चिस् तथागतो ऽर्हन् सम्यक्संबुद्धो नानारत्नमयानां सुवर्णनिर्भासानां सहस्रपत्त्राणां पद्मानां सहस्रं चारित्रमतये बोधिसत्त्वाय महासत्त्वाय प्रादात् / एभिः कुलपुत्र पद्मैस् तं भगवन्तं शाक्यमुनिं तथागतम् अर्हन्तं सम्यक्संबुद्धम् अभ्यवकिर संप्रजानचारी च कुलपुत्र तत्र बुद्धक्षेत्रे भवेत् / तत् कस्य हेतोर् दुरासदा हि ते बोधिसत्त्वा महासत्त्वा ये तत्र लोकधाताव् उपपन्ना मा तत्र क्षणेथाः //

अथ चारित्रमतिर् बोधिसत्त्वो महासत्त्वस् तस्य भगवतो रत्नार्चिषस् तथागतस्यार्हतः सम्यक्संबुद्धस्यान्तिकात् तानि सुवर्णनिर्भासानि सहस्रपत्त्राणि पद्मानि गृहीत्वानेकैर् बोधिसत्त्वकोटीनियुतशतसहस्रैः सार्धं गृहस्थैः प्रव्रजितैश् च दारकदारिकाभिश् च ततो बुद्धक्षेत्राद् अन्तर्हितः यावन्तः पश्चिमायान् दिशि बुद्धा भगवन्तस् तिष्ठन्ति ध्रियन्ते यापयन्ति तान् सर्वान् सत्कुर्वन् गुरूकुर्वन् मानयन् पूजयन् पुष्पधूपगन्धमाल्यविलेपनचूर्णवस्त्राभरणछत्त्रध्वजपताकाभिर् महत्या बोधिसत्त्वर्ध्या महता बोधिसत्त्वानुभावेन / येन भगवान् शाक्यमुनिस् तथागतो ऽर्हन् सम्यक्संबुद्धस् तेनोपसंक्रान्तः उपसंक्रम्य भगवतः पादौ शिरसा वन्दित्वा एकान्ते ऽस्थात् एकान्ते स्थितश् चारित्रमतिर् बोधिसत्त्वो महासत्त्वो भगवन्तम् एतद् अवोचत् / रत्नार्चिर् भगवंस् तथागतो ऽर्हन् सम्यक्संबुद्धो भगवतो ऽल्पाबाधतां परिपृच्छत्य् अल्पातङ्कताञ् च लघूत्थानतां बलं सुखस्पर्शविहारताञ् च इमानि च तेन भगवता रत्नार्चिषा तथागतेनार्हता सम्यक्संबुद्धेन सुवर्णनिर्भासानि सहस्रपत्त्राणि पद्मानि प्रणिहितानि भगवतः पूजाकर्मणे //

अथ भगवान् शाक्यमुनिस् तथागतो ऽर्हन् सम्यक्संबुद्धस् तानि पद्मानि गृहीत्वा येन ते पश्चिमायान् दिशि गङ्गानदीवालुकोपमेषु लोकधातुषु तथागता अर्हन्तः सम्यक्संबुद्धास् तेनाक्षैप्सीत् //

अथ तैः पद्मैस् ते सर्वे लोकधातवः स्फुटा अभूवन् / तत्र च पद्मेषु तथागतविग्रहा निषण्णा धर्मं देशयन्ति स्म / यद् उतेमाम् एव षट्पारमिताम् आरभ्य यैश् च सत्त्वैः सा धर्मदेशना श्रुता ते सर्वे नियता अभूवन्न् अनुत्तरायां सम्यक्संबोधौ ते ऽपि बोधिसत्त्वा महासत्त्वा गृहस्थाः प्रव्रजिताश् च दारकदारिकाश् च स्वकस्वकैः कुशलमूलैर् भगवन्तं शाक्यमुनिं तथागतम् अर्हन्तं सम्यक्संबुद्धं सत्कुर्वन्ति स्म गरुकुर्वन्ति स्म मानयन्ति स्म पूजयन्ति स्म / उत्तरस्यान् दिशि गङ्गानदीवालुकोपमान् लोकधातून् अतिक्रम्य यः सर्वपश्चिमो लोकधातुर् जाया नाम तत्र जायेन्द्रो नाम तथागतो ऽर्हन् सम्यक्संबुद्धस् तिष्ठति ध्रियते यापयति स इमाम् एव प्रज्ञापारमितां बोधिसत्त्वेभ्यो महासत्त्वेभ्यः संप्रकाशयति //

अथ तत्र लोकधातौ जयदत्तो नाम बोधिसत्त्वो महासत्त्वस् तम् महान्तम् अवभासन् तं च महान्तं पृथिवीचालन् तञ् च तथागतस्यासेचनकदर्शनम् आत्मभावं दृष्ट्वा येन भगवान् जायेन्द्रस् तथागतो ऽर्हन् सम्यक्संबुद्धस् तेनोपसंक्रान्तः उपसंक्रम्य तं भगवन्तं जायेन्द्रं तथागतम् अर्हन्तं सम्यक्संबुद्धम् एतद् अवोचत् को भगवन् हेतुः कः प्रत्ययो ऽस्य महतो ऽवभासस्य लोके प्रादुर्भावायास्य च महतः पृथिवीचालस्यास्य चेदृशस्य तथागतकायस्य सन्दर्शनाय वन्दनाय पर्युपासनाय //

एवम् उक्ते भगवान् जायेन्द्रस् तथागतो ऽर्हन् सम्यक्संबुद्धस् तं जयदत्तं बोधिसत्त्वं महासत्त्वम् एतद् अवोचत् / एष कुलपुत्र दक्षिणस्यान् दिशि गङ्गानदीवालुकोपमान् लोकधातून् अतिक्रम्य सहा नाम लोकधातुस् तत्र शाक्यमुनिर् नाम तथागतो ऽर्हन् सम्यक्संबुद्धस् तिष्ठति ध्रियते यापयति स बोधिसत्त्वेभ्यो महासत्त्वेभ्यः प्रज्ञापारमितां संप्रकाशयति / तस्यैष ईदृशो ऽनुभावः //

अथ जयदत्तो बोधिसत्त्वो महासत्त्वस् तं भगवन्तं जायेन्द्रन् तथागतम् अर्हन्तं सम्यक्संबुद्धम् एतद् अवोचत् / गच्छेयम् अहं भगवंस् तां सहां लोकधातुन् तस्य भगवतः शाक्यमुनेस् तथागतस्यार्हतः सम्यक्संबुद्धस्य दर्शनाय वन्दनाय पर्युपासनाय तेषाञ् च बोधिसत्त्वानां महसत्त्वानां सर्वेषां प्रायः कुमारभूतानां धारणीप्रतिसंविन्निर्हारप्रतिलब्धानां सर्वसमाधिसमापत्तिवशिताप्राप्तानां स भगवान् जायेन्द्रस् तथागत आह / गच्छ त्वं कुलपुत्र तां सहां लोकधातुं यस्येदानीङ् कालं मन्यसे //

अथ जायेन्द्रस् तथागतो ऽर्हन् सम्यक्संबुद्धो नानारत्नमयानां सुवर्णनिर्भासानां सहस्रपत्त्राणां पद्मानां सहस्रं जयदत्ताय बोधिसत्त्वाय महासत्त्वाय प्रादात् / एभिः कुलपुत्र पद्मैस् तं भगवन्तं सम्यक्संबुद्धम् अभ्यवकिर / संप्रजानविहारी च कुलपुत्र तत्र बुद्धक्षेत्रे भवेत् तत् कस्य हेतोर् दुरासदा हि ते बोधिसत्त्वा महासत्त्वा ये तत्र लोकधाताव् उपपन्ना मा तत्र क्षणेथाः //

अथ जयदत्तो बोधिसत्त्वो महासत्त्वस् तस्य भगवतो जायेन्द्रस्य तथागतस्यार्हतः सम्यक्संबुद्धस्यान्तिकात् तानि सुवर्णनिर्भासानि सहस्रपत्त्राणि पद्मानि गृहीत्वानेकैर् बोधिसत्त्वकोटीनियुतशतसहस्रैः सार्धं गृहस्थैः प्रव्रजितैश् च दारकदारिकारूपिभिश् च ततो बुद्धक्षेत्राद् अन्तर्हितो यावन्तः उत्तरस्यान् दिशि बुद्धा भगवन्तस् तिष्ठन्ति ध्रियन्ते यापयन्ति तान् सर्वान् सत्कुर्वन् गुरूकुर्वन् मानयन् पूजयन् पुष्पधूपगन्धमाल्यविलेपनचूर्णचीवरच्छत्त्रध्वजपताकाभिः महत्या बोधिसत्त्वर्ध्या महता बोधिसत्त्वानुभावेन येन भगवान् शाक्यमुनिस् तथागतो ऽर्हन् सम्यक्संबुद्धस् तेनोपसंक्रान्तः उपसंक्रम्य भगवतः पादौ शिरसा वन्दित्वा एकान्ते ऽस्थात् एकान्ते स्थितो जयदत्तो बोधिसत्त्वो महासत्त्वो भगवन्तम् एतद् अवोचत् / जायेन्द्रो भगवंस् तथागतो ऽर्हन् सम्यक्संबुद्धो भगवतो ऽल्पाबाधतां परिपृच्छत्य् अल्पातङ्कतां लघूत्थानतां बलञ् च सुखस्पर्शविहारतां च / इमानि च तेन भगवता जायेन्द्रेण तथागतेनार्हता सम्यक्संबुद्धेन सुवर्णनिर्भासानि सहस्रपत्त्राणि पद्मानि प्रणिहितानि भगवतः पूजाकर्मणे //

अथ भगवान् शाक्यमुनिस् तथागतो ऽर्हन् सम्यक्संबुद्धस् तानि पद्मानि गृहीत्वा येन ते उत्तरस्यान् दिशि गाङ्गानदीवालुकोपमेषु लोकधातुषु तथागता अर्हन्तः सम्यक्संबुद्धास् तेनाक्षैप्सीत् //

अथ तैः पद्मैस् ते सर्वे लोकधातवः स्फुटा अभूवन् / तत्र च पद्मेषु तथागतविग्रहा निषण्णा धर्मं देशयन्ति स्म / यदूतेमाम् एव षट्पारमिताम् आरभ्य यैश् च सत्त्वैः सा धर्मदेशना श्रुता ते सर्वे नियता अभूवन्न् अनुत्तरायां सम्यक्संबोधौ ते ऽपि बोधिसत्त्वाः गृहस्थाः प्रव्रजिताश् च दारिकदारिकाश् च स्वकस्वकैः कुशलमूलैर् भगवन्तं शाक्यमुनिं तथागतम् अर्हन्तं सम्यक्संबुद्धं सत्कुर्वन्ति स्म / गुरूकुर्वन्ति स्म मानयन्ति स्म पूजयन्ति स्म / उत्तरपूर्वस्यान् दिशि गङ्गानदीवालुकोपमान् लोकधातून् अतिक्रम्य यः सर्व पश्चिमो लोकधातुः समाध्यलङ्कृतो नाम तत्र समाधिहस्त्युत्तरश्रीर् नाम तथागतो ऽर्हन् सम्यक्संबुद्धस् तिष्ठति ध्रियते यापयति / इमाम् एव प्रज्ञापारमितां बोधिसत्त्वेभ्यो महासत्त्वेभ्यः संप्रकाशयति //

अथ तत्र लोकधातौ विजयविक्रामी नाम बोधिसत्त्वो महासत्त्वस् तम् अवभासन् तञ् च महान्तं पृथिवीचालन् तञ् च तथागतस्यासेचनकदर्शनम् आत्मभावं दृष्ट्वा येन स भगवान् समाधिहस्त्युत्तरश्रीस् तथागतो ऽर्हन् सम्यक्संबुद्धस् तेनोपसङ्क्रान्तः उपसंक्रम्य तं भगवन्तं समाधिहस्त्युत्तरश्रियं तथागतम् अर्हन्तं सम्यक्संबुद्धम् एतद् अवोचत् / को भगवन् हेतुः कः प्रत्ययो ऽस्य महतो ऽवभासस्य लोके प्रादूर्भावायास्य च महतः पृथिवीचालस्य अस्य चेदृशस्य तथागतकायस्य सन्दर्शनाय / एवम् उक्ते भगवान् समाधिहस्त्युत्तरश्रीस् तथागतो ऽर्हन् सम्यक्संबुद्धस् तं विजयविक्रामिणं बोधिसत्त्वं महासत्त्वम् एतद् अवोचत् / एष कुलपुत्र दक्षिणपश्चिमायान् दिशि गङ्गानदीवालुकोपमान् लोकधातून् अतिक्रम्य सहा नाम लोकधातुस् तत्र शाक्यमुनिर् नाम तथागतो ऽर्हन् सम्यक्संबुद्धस् तिष्ठति ध्रियते यापयति / स बोधिसत्त्वेभ्यो महासत्त्वेभ्यः प्रज्ञापारमितां संप्रकाशयति / तस्यैष ईदृशो ऽनुभावः //

अथ विजयविक्रामी बोधिसत्त्वो महासत्त्वस् तं भगवन्तं समाधिहस्त्युत्तरश्रियं तथागतम् अर्हन्तं सम्यक्संबुद्धम् एतद् अवोचत् / गच्छेयम् अहं भगवंस् तां सहा लोकधातुं तस्य भगवतः शाक्यमुनेस् तथागतस्यार्हतः सम्यक्संबुद्धस्य दर्शनाय वन्दनाय पर्युपासनाय / तेषाञ् च बोधिसत्त्वानां महासत्त्वानां प्रायः कुमारभूतानां धारणीप्रतिसंविन्निर्हारप्रतिलब्धानां सर्वसमाधिसमापत्तिवशिताप्राप्तानां / स भगवान् समाधिहस्त्युत्तरश्रीर् नाम तथागत आह / गच्छ त्वं कुलपुत्र तां सहां लोकधातुं यस्येदानीं कालं मन्यसे //

अथ समाधिहस्त्युत्तरश्रीस् तथागतो ऽर्हन् सम्यक्संबुद्धो नानारत्नमयानां सुवर्णनिर्भासानां सहस्रपत्त्राणां पद्मानां सहस्रं विजयविक्रामिणे बोधिसत्त्वाय महासत्त्वाय प्रादात् / एभिः कुलपुत्र पद्मैस् तं भगवन्तं शाक्यमुनिं तथागतम् अर्हन्तं सम्यक्संबुद्धम् अभ्यकिर संप्रजानविहारी च कुलपुत्र तत्र बुद्धक्षेत्रे भवेत् / तत् कस्य हेतोर् दुरासदा हि ते बोधिसत्त्वा महासत्त्वा ये तत्र लोकधाताव् उपपन्नाः मा तत्र क्षणेथाः //

अथ विजयविक्रामी बोधिसत्त्वो महासत्त्वस् तस्य भगवतः समाधिहस्त्युत्तरश्रियस् तथागतस्यार्हतः सम्यक्संबुद्धस्यान्तिकात् तानि सुवर्णनिर्भासानि सहस्रपत्त्राणि पद्मानि गृहीत्वानेकैर् बोधिसत्त्वकोटीनियुतशतसहस्रैः सार्धं गृहस्थैः प्रव्रजितैश् च दारकदारिकारूपिभिश् च ततो बुद्धक्षेत्राद् अन्तर्हितो यावन्तः उत्तरपूर्वस्यान् दिशि बुद्धा भगवन्तस् तिष्ठन्ति ध्रियन्ते यापयन्ति तान् सर्वान् सत्कुर्वन् गुरूकुर्वन् मानयन् पूजयन् पुष्पधूपगन्धमाल्यविलेपनचूर्णचीवरवस्त्रध्वजपताकाभिर् महत्या बोधिसत्त्वर्ध्या महता बोधिसत्त्वानुभावेन येन भगवान् शाक्यमुनिस् तथागतो ऽर्हन् सम्यक्संबुद्धस् तेनोपसंक्रान्तः / उपसंक्रम्य भगवतः पादौ शिरसा वन्दित्वा एकान्ते ऽस्थाद् एकान्ते स्थितो विजयविक्रामी बोधिसत्त्वो महासत्त्वो भगवन्तम् एतद् अवोचत् / समाधिहस्त्युत्तरश्रीर् भगवंस् तथागतो ऽर्हन् सम्यक्संबुद्धो भगवतो ऽल्पाबाधतां परिपृच्छत्य् अल्पातङ्कतां लघूत्थानतां बलञ् च सुखस्पर्शविहारिताञ् च / इमानि च तेन भगवता समाधिहस्त्युत्तरश्रिया तथागतेनार्हता सम्यक्संबुद्धेन सुवर्णनिर्भासानि सहस्रपत्त्राणि पद्मानि प्रणिहितानि भगवतः पूजाकर्मणे //

अथ भगवान् शाक्यमुनिस् तथागतो ऽर्हन् सम्यक्संबुद्धस् तानि पद्मानि गृहीत्वा येन उत्तरपूर्वस्यान् दिशि गङ्गानदीवालुकोपमेषु लोकधातुषु तथागता अर्हन्तः सम्यक्संबुद्धास् तेनाक्षैप्सीत् //

अथ तैः पद्मे सर्वे लोकधातवः स्फुटा अभूवन् / तत्र च पद्मेषु तथागतविग्रहा निषण्णा धर्मं देशयन्ति स्म / यद् उतेमाम् एव षट्पारमिताम् आरभ्य / यैश् च सत्त्वैः सा धर्मदेशना श्रुता ते सर्वे नियता अभूवन्न् अनुत्तरायां सम्यक्संबोधौ / ते ऽपि च बोधिसत्त्वा गृहस्थाः प्रव्रजिताश् च दारकदारिकाश् च स्वकस्वकैः कुशलमूलैर् भगवन्तं शाक्यमुनिं तथागतम् अर्हन्तं सम्यक्संबुद्धं सत्कुर्वन्ति स्म गुरूकुर्वन्ति स्म मानयन्ति स्म पूजयन्ति या / पूर्वदक्षिणस्यान् दिशि गङ्गानदीवालुकोपमान् लोकधातून् अतिक्रम्य यः सर्वपश्चिमो लोकधातुर् बोधिमण्डालङ्कारसुरुचिरा नाम तत्र पद्मोत्तरश्रीर् नाम तथागतो ऽर्हन् सम्यक्संबुद्धस् तिष्ठति ध्रियते यापयति / स इमाम् एव प्रज्ञापारमितां बोधिसत्त्वेभ्यो महासत्त्वेभ्यः संप्रकाशयति //

अथ तत्र लोकधातौ पद्महस्तो नाम बोधिसत्त्वो महासत्त्वस् तं महान्तम् अवभासन् तञ् च महान्तं पृथिवीचालन् तञ् च तथागतस्यासेचनकदर्शनम् आत्मभावं दृष्ट्वा येन भगवान् पद्मोत्तरश्रीस् तथागतो ऽर्हन् सम्यक्संबुद्धस् तेनोपसंक्रान्तः / उपसंक्रम्य ते भगवन्तं पद्मोत्तरश्रियं तथागतम् अर्हन्तं सम्यक्संबुद्धम् एतद् अवोचत् / को भगवन् हेतुः कः प्रत्ययो ऽस्य महतो ऽवभासस्य लोके प्रादुर्भावायास्य च महतः पृथिवीचालस्यास्य चेदृश्यस्य तथागतकायस्य सन्दर्शनाय //

एवम् उक्ते भगवान् पद्मोत्तरश्रीस् तथागतो ऽर्हन् सम्यक्संबुद्धस् तं पद्महस्तं बोधिसत्त्वं महासत्त्वम् एतद् अवोचत् / एष कुलपुत्र पश्चिमोत्तरस्यान् दिशि गङ्गानदीवालुकोपमान् लोकधातून् अतिक्रम्य सहा नाम लोकधातुस् तत्र शाक्यमुनिर् नाम तथागतो ऽर्हन् सम्यक्संबुद्धस् तिष्ठति ध्रियते यापयति / स बोधिसत्त्वेभ्यो महासत्त्वेभ्यः प्रज्ञापारमितां संप्रकाशयति / तस्यैष ईदृशो ऽनुभावः //

अथ पद्महस्तो बोधिसत्त्वो महासत्त्वस् तं भगवन्तं पद्मोत्तरश्रियं तथागतम् अर्हन्तं सम्यक्संबुद्धम् एतद् अवोचत् / गच्छेयम् अहं भगवंस् तां सहां लोकधातुं तस्य भगवतः शाक्यमुनेस् तथागतस्यार्हतः सम्यक्संबुद्धस्य दर्शनाय वन्दनाय पर्युपासनाय / तेषाञ् च बोधिसत्त्वानां महासत्त्वानां सर्वेषां प्रायः कुमारभूतानां धरिणीप्रतिसंविन्निर्हारप्रतिलब्धानां सर्वसमाधिसमापत्तिवशिताप्राप्तानाम् / स भगवान् पद्मोत्तरश्रीस् तथागत आह / गच्छ त्वं कुलपुत्र तां सहां लोकधातुं यस्येदानीं कालं मन्यसे //

अथ पद्मोत्तरश्रीस् तथागतो ऽर्हन् सम्यक्संबुद्धो नानारत्नमयानां सुवर्णनिर्भासानां सहस्रपत्त्राणां पद्मानां सहस्रं पद्महस्ताय बोधिसत्त्वाय महासत्त्वाय प्रादात् / एभिः कुलपुत्र पद्मैस् तं भगवन्तं शाक्यमुनिं तथागतम् अर्हन्तं सम्यक्संबुद्धम् अभ्यवकिर / संप्रजानविचारी च कुलपुत्र तत्र बुद्धक्षेत्रे भवेत् / तत् कस्य हेतोर् दुरासदा हि ते बोधिसत्त्वा महासत्त्वा ये तत्र लोकधाताव् उपपन्नाः / मा तत्र क्षणेथाः //

अथ पद्महस्तो बोधिसत्त्वो महासत्त्वस् तस्य भगवतः पद्मोत्तरश्रियस् तथागतस्यार्हतः सम्यक्संबुद्धस्यान्तिकात् तानि सुवर्णनिर्भासानि सहस्रपत्त्राणि पद्मानि गृहीत्वानेकैर् बोधिसत्त्वकोटीनियुतशतसहस्रैः सार्धं गृहस्थैः प्रव्रजितैश् च दारकदारिकारूपिभिश् च ततो बुद्धक्षेत्राद् अन्तर्हितो यावन्तः पूर्वस्यान् दिशि बुद्धा भगवन्तस् तिष्ठन्ति ध्रियन्ते यापयन्ति, तान् सर्वान् सत्कुर्वन् गुरूकुर्वन् मानयन् पूजयन् पुष्पधूपगन्धमाल्यविलेपनचूर्णचीवरच्छत्त्रध्वजपताकाभिर् महत्या बोधिसत्त्वर्ध्या महता बोधिसत्त्वानुभावेन येन भगवान् शाक्यमुनिस् तथागतो ऽर्हन् सम्यक्संबुद्धस् तेनोपसंक्रान्तः / उपसंक्रम्य भगवतः पादौ शिरसा वन्दित्वा एकान्ते ऽस्थात् / एकान्ते स्थितः पद्महस्तो बोधिसत्त्वो महासत्त्वो भगवन्तम् एतद् अवोचत् / पद्मोत्तरश्रीर् भगवन् सम्यक्संबुद्धस् तथागतो ऽर्हन् भगवतो ऽल्पाबाधतां परिपृच्छत्य् अल्पातङ्कताञ् च लघूत्थानतां बलञ् च सुखस्पर्शविहारताञ् च / इमानि च तेन भगवता पद्मोत्तरश्रिया तथागतेनार्हता सम्यक्संबुद्धेन सुवर्णनिर्भासानि सहस्रपत्त्राणि पद्मानि प्रणिहितानि भगवतः पूजाकर्मणे //

अथ भगतान् शाक्यमुनिस् तथागतो ऽर्हन् सम्यक्संबुद्धस् तानि पद्मानि गृहीत्वा येन पूर्वदक्षिणस्यान् दिशि गङ्गानदीवालुकोपमेषु लोकधातुषु तथागता अर्हन्तः सम्यक्संबुद्धास् तेनाक्षैप्सीत् //

अथ तैः पद्मैः सर्वे लोकधातवः स्फुटा अभूवन् / तत्र च पद्मेषु तथागतविग्रहा निषण्णा धर्मं देशयन्ति स्म / यद् उतेमाम् एव षट्पारमिताम् आरभ्य / यैश् च सत्त्वैः सा धर्मदेशना श्रुता ते सर्वे नियता अभूवन्न् अनुत्तरायां सम्यक्संबोधौ / ते ऽपि बोधिसत्त्वा महासत्त्वा गृहस्थाः प्रव्रजिताश् च दारकदारिकाश् च स्वकस्वकैः कुशलमूलैर् भगवन्तं शाक्यमुनिं तथागतम् अर्हन्तं सम्यक्संबुद्धं सत्कुर्वन्ति स्म / गुरूकुर्वन्ति स्म / मानयन्ति स्म / पूजयन्ति स्म / दक्षिणपश्चिमायान् दिशि गङ्गानदीवालुकोपमान् लोकधातून् अतिक्रम्य यः सर्वपश्चिमो लोकधातुर् विगतराजसंभवा नाम तत्र सूर्यमण्डलप्रतिभासोत्तमश्रीर् नाम तथागतो ऽर्हन् सम्यक्संबुद्धस् तिष्ठति ध्रियते यापयति / स इमाम् एव प्रज्ञापारमितां बोधिसत्त्वेभ्यो महासत्त्वेभ्यः संप्रकाशयति //

अथ तत्र लोकधातौ सूर्यप्रतिभासो नाम बोधिसत्त्वो महासत्त्वस् तं महान्तम् अवभासन् तञ् च महान्तं पृथिवीचालन् तञ् च तथागतस्यासेचनकदर्शनम् आत्मभावं दृष्ट्वा येन स भगवान् सूर्यमण्डलप्रतिभासोत्तमश्रीस् तथागतस् तेनोपमक्रान्तः / उपसंक्रम्य तं भगवन्तं सूर्यमण्डलप्रतिभासोत्तमश्रिय तथागतम् अर्हन्तं सम्यक्संबुद्धम् एतद् अवोचत् / को भगवन् हेतुः कः प्रत्ययो ऽस्या महतो ऽवभासस्य लोके प्रादूर्भावायास्य च महतः पृथिवीचालस्यास्य चेदृशस्य तथागतकायस्य सन्दर्शनाय //

एवम् उक्तं भगवान् सूर्यमण्डलप्रतिभासोत्तमश्रीर् नाम तथागतो ऽर्हन् सम्यक्संबुद्धस् तं सूर्यप्रतिभासंबोधिसत्त्वं महासत्त्वम् एतद् अवोचत् / एष कुलपुत्र उत्तरपूर्वस्यान् दिशि गङ्गानदीवालुकोपमान् लोकधातून् अतिक्रम्य सहा नाम लोकधातुस् तत्र शाक्यमुनिर् नाम तथागतो ऽर्हन् सम्यक्संबुद्धस् तिष्ठति ध्रियते यापथति / स बोधिसत्त्वेभ्यो महासत्त्वेभ्यः प्रज्ञापारमितां संप्रकाशयति / तस्यैष ईदृशो ऽनुभावः //

अथ सूर्यप्रतिभासो बोधिसत्त्वो महासत्त्वस् तं भगवन्तं सूर्यमण्डलप्रतिभासोत्तमश्रियं तथागतम् अर्हन्तं सम्यक्संबुद्धम् एतद् अवोचत् / गच्छेयम् अहं भगवंस् तां सहां लोकधातुं तस्य भगवतः शाक्यमुनेस् तथागतस्यार्हतः सम्यक्संबुद्धस्य दर्शनाय वन्दनाय पर्युपासनाय / तेषाञ् च बोधिसत्त्वानां महासत्त्वानां सर्वेषां प्रायः कुमारभूतानां धारणीप्रतिसंविन्निर्हारप्रतिलब्धानां सर्वसमाधिसमापत्तिवशिताप्राप्तानाम् / स भगवान् सूर्यमण्डलप्रतिभासोत्तमश्रीस् तथागत आह / गच्छ त्वं कुलपुत्र तां सहां लोकधातुं यस्येदानीङ् कालं मन्यसे //

अथ सूर्यमण्डलप्रतिभासोत्तमश्रीस् तथागतो ऽहन् सम्यक्संबुद्धो नानारत्नमयानां सुवर्णनिर्भासानां सहस्रपत्त्राणां पद्मानां सहस्रं सूर्यप्रतिभासाय बोधिसत्त्वाय महासत्त्वाय प्रादात् / एभिः कुलपुत्र पद्मैस् तं भगवन्तं शाक्यमुनिं तथागतम् अर्हन्तं सम्यक्संबुद्धम् अभ्यवकिर / संप्रजानविहारी च कुलपुत्र तत्र बुद्धक्षेत्रे भवेत् / तत् कस्य हेतोर् दुरासदा हि ते बोधिसत्त्वा महासत्त्वा ये तत्र लोकधाताव् उपपन्नाः मा तत्र क्षणेथाः //

अथ सूर्यप्रतिभासो बोधिसत्त्वो महासत्त्वस् तस्य भगवतः सूर्यमण्डलप्रतिभासोत्तमश्रियस् तथागतस्यार्हतः सम्यक्संबुद्धस्यान्तिकात् तानि सुवर्णनिर्भासानि सहस्रपत्त्राणि पद्मानि गृहीत्वानेकैर् बोधिसत्त्वकोटीनियुतशतसहस्रैः सार्धं गृहस्थैः प्रव्रजितैश् च दारकदारिकारूपिभिश् च ततो बुद्धक्षेत्राद् अन्तर्हितो यावन्तो दक्षिणपश्चिमायान् दिशि बुद्धा भगवन्तस् तिष्ठन्ति ध्रियन्त यापयन्ति, तान् सर्वान् सत्कुर्वन् गुरूकुर्वन् मानयन् पूजयन् पुष्पधूपगन्धमाल्यविलेपनचूर्णचीवरच्छत्त्रध्वजपताकाभिर् महत्या बोधिसत्त्वर्ध्या महता बोधिसत्त्वानुभावेन येन भगवान् शाक्यमुनिस् तथागतो ऽहन् सम्यक्संबुद्धस् तेनोपसंक्रान्तः / उपसंक्रम्य भगवतः पादौ शिरसा वन्दित्वा एकान्ते ऽस्थाद् एकान्ते स्थितः सूर्यप्रतिभासो बोधिसत्त्वो महासत्त्वो भगवन्तम् एतद् अवोचत् / सूर्यमण्डलप्रतिभासोत्तमश्रीस् तथागतो ऽर्हन् सम्यक्संबुद्धो भगवतो ऽल्पाबाधतां परिपृच्छत्य् अल्पातङ्कतां लघूत्थानतां बलञ् च सुखस्पर्शविहारताञ् च / इमानि च तेन भगवता सूर्यमण्डलप्रतिभासोत्तमश्रिया तथागतेनार्हता सम्यक्संबुद्धेन सुवर्णनिर्भासानि सहस्रपत्त्राणि पद्मानि प्रहितानि भगवतः पूजाकर्मणे //

अथ भगवान् शाक्यमुनिस् तथागतो ऽर्हन् सम्यक्संबुद्धस् तानि पद्मानि गृहीत्वा येन ते दक्षिणपश्चिमायान् दिशि गङ्गानदीवालुकोपमेषु लोकधातुषु तथागता अर्हन्तः सम्यक्संबुद्धास् तेनाक्षैप्सीत् //

अथ तैः पद्मैः सर्वे लोकधातवः स्फुटा अभूवन् / तत्र च पद्मेषु तथागतविग्रहा निषण्णा धर्मं देशयनि स्म / यद् उतेमाम् एव षट्पारमिताम् आरभ्य / यैश् च सत्त्वैः सा धर्मदेशना श्रुता ते सर्वे नियता अभूवन्न् अनुत्तरायां सम्यक्संबोधौ / ते ऽपि बोधिसत्त्वा गृहस्थाः प्रव्रजिताश् च दारकदारिकाश् च स्वकस्वकैः कुशलमुलैर् भगवन्तं शाक्यमुनिं तथागतम् अर्हन्तं सम्यक्संबुद्धं सत्कुर्वन्ति स्म / गुरूकुर्वन्ति स्म / मानयन्ति स्म / पूजयन्ति स्म / पश्चिमोत्तरस्यान् दिशि गङ्गानदीवालुकोपमान् लोकधातून् अतिक्रम्य यः सर्वपाश्चिमो लोकधातुर् वशीभूता नाम तत्र एकछत्त्रो नाम तथागतो ऽर्हन् सम्यक्संबुद्धस् तिष्ठति ध्रियते यापयति / इमाम् एव प्रज्ञापारमितां बोधिसत्त्वेभ्यो महासत्त्वेभ्यः संप्रकाशयति //

अथ तत्र लोकधातौ रत्नोत्तमो नाम बोधिसत्त्वो महासत्त्वस् तं महान्तम् अवभासं तञ् च महान्तं पृथिवीचलं तञ् च तथागतस्यासेचनकदर्शनम् आत्मभावं दृष्ट्वा येन भगवान् एकछत्त्रस् तथागातो ऽर्हन् सम्यक्संबुद्धस् तेनोपसंक्रान्तः / उपसंक्रम्य तं भगवन्तम् एकछत्त्रं तथागतम् अर्हन्तं सम्यक्संबुद्धम् एतद् अवोचत् / को भगवन् हेतुः कः प्रत्ययो ऽस्य महतो ऽवभासस्य लोके प्रादूर्भावायास्य च महतः पृथिवीचालस्यास्य चेदृशस्य तथागतकायस्य सन्दर्शनाय //

एवम् उक्ते भगवान् एकछत्त्रस् तथागतो ऽर्हन् सम्यक्संबुद्धस् तं रत्नोत्तमं बोधिसत्त्वं महासत्त्वम् एतद् अवोचत् / एष कुलपुत्र दक्षिणपश्चिमायान् दिशि गङ्गानदीवालुकोपमान् लोकधातून् अतिक्रम्य सहा नाम लोकधातुः, तत्र शाक्यमुनिर् नामो तथागतो ऽर्हन् सम्यक्संबुद्धस् तिष्ठति ध्रियते यापयति / स बोधिसत्त्वेभ्यो महासत्त्वेभः प्रज्ञापारमितां संप्रकाशयति / तस्यैष ईदृशो ऽनुभावः //

अथ रत्नोत्तमो बोधिसत्त्वो महासत्त्वो भगवन्तम् एकछत्त्रं तथागतम् अर्हन्तं सम्यक्संबुद्धम् एतद् अवोचत् / गच्छेयम् अहं भगवंस् तां सहां लोकधातुं तस्य भगवतः शाक्यमुनेस् तथागतस्यार्हतः सम्यक्संबुद्धस्य दर्शनाय वन्दनाय पर्युपासनाय / तेषाञ् च बोधिसत्त्वानां महासत्त्वानां सर्वेषां प्रायः कुमारभूतानां धरिणीप्रतिसंविन्निर्हारप्रतिलब्धानां सर्वसमाधिसमापत्तिवशिताप्राप्तानाम् / स भगवान् एकछत्त्रस् तथागत आह / गच्छ त्वं कुलपुत्र तां महां लोकधातुं यस्येदानीं कालं मन्यसे //

अथैकछत्त्रस् तथागतो ऽर्हन् सम्यक्संबुद्धो नानारत्नमयानां सुवर्णनिर्भासानां सहस्रपत्त्राणां पद्मानां सहस्रं रत्नोत्तमाय बोधिसत्त्वाय महासत्त्वाय प्रादात् / एभिः कुलपुत्र पद्मैस् तं भगवन्तं शाक्यमुनिं तथागतम् अर्हन्तं सम्यक्संबुद्धम् अभ्यवकिर / संप्रजानविहारी च कुलपुत्र तत्र बुद्धक्षेत्रे भवेत् / तत् कस्य हेतोर् दुरासदा हि ते बोधिसत्त्वा महासत्त्वा ये तत्र लोकधाताव् उपपन्नाः मा तत्र क्षणेथाः /

अथ रत्नोत्तमो बोधिसत्त्वो महासत्त्वस् तस्य भगवत एकछत्त्रस्य तथागतस्यार्हतः सम्यक्संबुद्धस्यान्तिकात् तानि सुवर्णनिर्भासानि सहस्रपत्त्राणि पद्मानि गृहीत्वानेकैर् बोधिसत्त्वकोटीनियुतशतसहस्रैः सार्धं गृहस्थैः प्रव्रजितैश् च दारकदारिकारूपिभिश् च ततो बुद्धक्षेत्राद् अन्तर्हितो यावन्तः पश्चिमोत्तरस्यान् दिशि बुद्धा भगवन्तस् तिष्ठन्ति ध्रियन्ते यापयन्ति / तान् सर्वान् सत्कुर्वन् गुरूकुर्वन् मानयन् पूजयन् पुष्पधूपपगन्धमाल्यविलेपनचूर्णचीवरछत्त्रध्वजपताकाभिर् महत्या बोधिसत्त्वर्ध्या महता च बोधिसत्त्वानुभावेन / येन भगवां च्छाक्यमुनिस् तथागतो ऽर्हन् सम्यक्संबुद्धस् तेनोपसंक्रान्तः / उपसंक्रम्य भगवतः पादौ शिरसा वन्दित्वा एकान्ते ऽस्थात् / एकान्ते स्थितो रत्नोत्तमो बोधिसत्त्वो महासत्त्वो भगवन्तम् एतद् अवोचत् / एकछत्त्रो भगवंस् तथागतो ऽर्हन् सम्यक्संबुद्धो भगवतो ऽल्पाबाधतां परिपृच्छत्य् अल्पातङ्कतां लघूत्थानतां बलञ् च सुखस्पर्शविहारताञ् च / इमानि च तेन भगवता एकछत्त्रेण तथागतेनार्हता सम्यक्संबुद्धेन सुवर्णनिर्भासानि सहस्रपत्त्राणि पद्मानि प्रहितानि भगवतः पूजाकर्मणे /

अथ भगवां च्छाक्यमुनिस् तथागतो ऽर्हन् सम्यक्संबुद्धस् तानि पद्मानि गृहीत्वा येन ते पश्चिमोत्तरस्यान् दिशि गङ्गानदीवालुकोपमेषु लोकधातुषु तथागता अर्हन्तः सम्यक्संबुद्धास् तेनाक्षैप्सीत् /