वसुधाराधारणी-Gilgit

वसुधाराधारणी-Gilgit

वसुधाराधारणी

एवं मया श्रुतम् एकसमये भगवान् कौशाम्ब्यां विहरति स्म / कण्टकसंज्ञके महावनवरे महता भिक्षुसंघेन सार्धं पंचमात्रैर् भिक्षुशतैः संबहुलैश् च बोधिसत्वैर् महासत्वैः सर्वबुद्धधर्मगुणसमन्वागतैः

तेन खलु पुनः समयेन कौशाम्ब्यां महानगर्यां सुचन्द्रो नाम गृहपतिः प्रतिवसति स्म / उपशान्तेन्द्रियो उपशान्तमानसः बहुपुत्रो बहुदुहित्रिको बहुभृत्यपरिजनसंपन्नः श्राद्धो महाश्राद्धः स येन भगवांस् तेनोपसंक्रान्त उपसंक्रम्य भगवतः पादौ शिरसा वन्दित्वा भगवन्तम् अनेकशतसहस्रकृत्वः प्रदक्षणीकृत्यैकान्ते न्यषीदत्* एकान्तनिषण्णः सुचन्द्रो गृहपतिर् भगवन्तम् एतद् अवोचत्*

पृच्छेयम् अहं भगवन्तं तथागतम् अर्हन्तं सम्यक्संबुद्धं कंचित् प्रदेशं प्रष्टुं / सचेन् मे भगवान् अवकाशं कुर्यात् पृष्टप्रश्नव्याकरणाय // एवम् उक्ते भगवान् सुचन्द्रं गृहपतिम् एतद् अवोचत्* पृच्छ त्वं गृहपते यद् यद् एवाकांक्षस्य् अहं ते यथापृष्टेन [ग्ब्म् 1427(fol. 35v)1] चित्तम् आराधयिष्ये / एवम् उक्ते सुचन्द्रो गृहपतिर् भगवन्तम् एतद् अवोचत्* कथं भगवन् कुलपुत्रो वा कुलदुहिता वा दरिद्रो भूत्वा अदरिद्रो भवति व्याधितश् च भूत्वा अव्याधितो भवति //

अथ खलु भगवां जानन्न् एव सुचन्द्रं गृहपतिम् एतद् अवोचत्* किम् इति त्वं गृहपते अदरिद्रताया प्रश्नं पृच्छसि // एवम् उक्ते सुचन्द्रो गृहपतिर् भगवन्तम् एतद् अवोचत्* दरिद्रो ऽहं भगवन् बहुपोष्यो बहुपुत्रो बहुदुहित्रिकस् तद् देशयतु भगवांस् तं धर्मपर्यायं येन दरिद्राः सत्वा अदरिद्रा भवेयुः बहुधनधान्यकोशकोष्टागारसंपन्नाश् च भवेयुः पृया मनापा मनोज्ञदर्शनाश् च भवेयुः दानपतयो महादानपतयः अक्षीणहिरण्यसुवर्णधनधान्यरत्नकोशकोष्टागारमणिमुक्तावज्रशंखशिलाप्रवाडजातरूपरजतसमृद्धाश् च भवेयुः सुप्रतिष्ठितगृहपुत्रदारकुटुंबाश् च भवेयुः

एवम् उक्ते भगवां सुचन्द्रं गृहपतिम् एतद् अवोचत्* भूतपूर्वं गृहपते अतीत

gbm 1286(fol. (36)r)1 /// samayena bhagavāṃ vajradharasāgaranirghoṣo nāma tathāgato 'rhan samyaksaṃbuddho ///

2 /// म्यसारथिः शास्ता देवमनुष्याणां बुद्धो भगवां तस्य तथागतस्यान्तिका .. ///

3 /// ता धारिता वाचिता पर्यवाप्ता अनुमोदिता परेभ्यश् च विस्तरेण संप्रका .. ///

4 /// .. ने मानुषा न विहेठयन्ति / अमानुषा न विहेठयन्ति / यक्षा न विहे ///

5 /// .. ठयन्ति / एवं कुंभाण्डा औस्तारका पूतना कटपूतना यातुधाना न + + ///

6 /// हारा रसाहारा जाताहारा स्यन्दनिकाहारा न विहेठयन्ति / यस्येतं गृह ///

gbm 1287(fol. (36)v)1 /// .. śrutigatā / paryavāptā vācitā / dhāritā anumoditā parebhyaś ca vistareṇa saṃprakāśi 2 /// tāya sukhāya kṣemāya subhikṣāya / yogakṣemāya bhaviṣyati / yaś caināṃ vasudhā 3 /// ardharātres tridhā vā caturvārān asya devatā āttamanaskā svayam āgamya dhānyavṛṣṭiṃ pāta 4 /// prītā saṃghaprajñaptyā prītā dharmabhāṇakasyāśayena // namo vajradharasāgaranirgho 5 /// + .. me acaphame acapame / udghātani / udbhedani / ucchedani / sasyavati dhānya 6 /// + + + + + surūpe amale ananaste vinanaste viśvakeśi / paṃkure saṃkure /

[ग्ब्म् 1428(fol. 37r)1] खखरे खखमे / धुधुमे / तर तर तर / वज्र वज्र वज्रोपमे कटे कटे / उक्के नुक्के वर्षणी निष्पादनि / वज्रधरसागरनिर्घोषं तथागतम् अनुस्मर / स्मर स्मर / सर्वतथागतसत्यम् अनुस्मर / संघसत्यम् अनुस्मर / तट तट / पूर पूर / पूरय पूरय / सर्वाशा मम दामसिंघस्य भर भरणे / सुमंगले शान्तमति / महामति मंगलमति / सुभद्रमति / आगच्छ समयम् अनुस्मर स्वाहा // आचरणम् अनुस्मर स्वाहा // आधारणम् अनुस्मर स्वाहा // प्रभावम् अनुस्मर स्वाहा // धृतिम् अनुस्मर स्वाहा // विजयम् अनुस्मर स्वाहा // सर्वसत्वविजयम् अनुस्मर स्वाहा // इयं सा गृहपते वसुधारा नाम धारणी अस्या धारण्यानुभावेन रोगदुर्भिक्षमरकान्तारादयो न प्रभवन्ति यस् तु गृहपते इमानि वसुधाराधारणीमन्त्रपदानि तथागतानाम् अर्हतानां सम्यक्संबुद्धानां पूजां कृत्वा एकरात्रम् आवर्तये तस्य महापुरुषमात्रया धारया गृहम् [ग्ब्म् 1429(fol.37v)1] अभिपरिपूरये / सर्वधान्यैः सर्वोपकरणैः सर्वोपद्रवांश् च नाशयति तेन हि त्वं गृहपते उद्गृह्णीष्वेमां वसुधाराधारणीं धारय वाचय देशय / परेभ्यश् च विस्तरेण संप्रकाशय / तत् ते भविष्यति दीर्घरात्रम् अर्थाय हिताय सुखायेति साधु भगवन्न् इति / सुचन्द्रो गृहपतिर् भगवतो ऽन्तिकाद् इमां वसुधाराधारणीं श्रुत्वा हृष्टस् तुष्ट उदग्र आत्तमना प्रमुदितः प्रीतिसौमनस्यजातो भगवतश् चरणयोर् निपत्य भगवन्तम् एतद् अवोचत्* उद्गृहीता मे वसुधाराधारणी प्रह्वीकृता धारिता वाचिता पर्यवाप्ता इदानीं परेभ्यो विस्तरेण संप्रकाशयिष्यामि / अथ खलु सुचन्द्रो गृहपतिर् भगवन्तम् अनेकशतसहस्रकृत्वः प्रदक्षिणीकृत्य भगवतः पादौ शिरसा वन्दित्वा भगवन्तं पुनर् अनवलोक्य भगवतो ऽन्तिकात् प्रक्रान्तः

अथ खलु भगवान् आयुष्मन्तम् आनन्दम् आमन्त्रयते स्म / गच्छ त्वम् आनन्द सुचन्द्रगृहपतेर् निवेशनं गत्वा चाकारं पश्य परिपूर्णं धनधान्यसमृद्धं रत्नसमृद्धं च / [ग्ब्म् 1430(fol. 38)र्1] सर्वोपकरणैश् च महाकोशकोष्टागाराणि परिपूर्णानि / अथायुष्मान् आनन्दः सुचन्द्रस्य गृहपतेर् निवेशनं दृष्ट्वा विस्मितः प्रीतिसौमनस्यजातो भगवन्तम् एतद् अवोचत्* को भगवन् हेतुः कः प्रत्ययो येन सुचन्द्रो गृहपतिर् महाधनो महाभोगो महाकोशकोष्टागारसमृद्धः संवृत्तः / भगवान् आह / श्राद्धः आनन्द सुचन्द्रो गृहपतिः परमश्राद्धः कल्याणाशयो धारिता चानेन वसुधाराधारणी प्रवर्तिता उद्गृहीता वाचिता / पर्यवाप्ता परेभ्यश् च विस्तरेण संप्रकाशिता / तेन ह्य् आनन्द त्वम् उद्गृह्णीष्वेमां वसुधाराधारणीं धारय ग्राहय / वाचय / पर्यवाप्नुहि / परेभ्यश् च विस्तरेण संप्रकाशय / तद् भविष्यति बहुजनहिताय बहुजनसुखाय लोकानुकम्पायैर् महतो जनकायस्यार्थाय हिताय सुखाय देवमनुष्याणां / नाहम् आनन्द समनुपश्यामि सदेवके लोके समारके सब्रह्मके सश्रमणब्राह्मणिकायां प्रजायां / [ग्ब्म् 1431(fol. 38)व्1] सदेवमानुषासुरायां इमां धारणीम् अन्यथा करिष्यति / अतिक्रमिष्यति वा नैतत् स्थानं विद्यते / तत् कस्य हेतोः अभेद्या ह्य् एते आनन्द धारणीमन्त्रपदानि न चैषा क्षीणकुशलमूलानां सत्वानां श्रुतिपथम् अप्य् आगमिष्यति कः पुनर् वादो पुस्तगता वा हृदयगता धारिता वा / तत् कस्य हेतोः सर्वतथागतानाम् एषा वाक्यं सर्वतथागतैर् एषा धारणी भाषिता अधिष्ठिता / धर्ममुद्रया मुद्रिता अनुमोदिता प्रकाशिता प्रभाविता प्रशस्ता संवर्णितारोचिता विवृतोत्तानीकृता आख्याता सर्वसत्वानां दरिद्राणां व्याधिपरिपीडितानां सर्वभयोपद्रुतानां सत्वानाम् अर्थायेति / आह / उद्गृहीता मे भगवंन् इयं वसुधाराधारणी धारिता वाचिता / पर्यवाप्ता मनसा च सुपरिचिता / इत्य् अथायुष्मान् आनन्द उत्थायासनात् तस्यां वेलायां कृतकरपुटो एवम् उदानम् उदानयति स्म //

अचिन्त्यो भगवं बुद्धा बुद्धधर्माप्य् अचिन्तिया / अचिन्तिये ऽभिप्रसन्नानां विपाको ऽचिन्तियस्मृतः

(end of manuscript missing!)