सर्वदुर्गतिपरिशोधनतन्त्र

सर्वदुर्गतिपरिशोधनतन्त्र

इ

ओं नमः श्रीवज्रसत्त्वाय /

एवं मया श्रुतम् एकस्मिन् समये भगवान् सर्वदेवोत्तमनन्दवने विहरति स्म / मणिसुवर्णशाखालताबद्धवनस्पतिगुल्मौषधिकमलोत्पलकर्णिकारबकुलतिलकाशोकमान्दारवमहामान्दारवादिभिर् नानाविधैः पुष्पैर् उपशोभिते / कल्पवृक्षसमलंकृते / नानालंकारविभूषिते / नानापक्षिगणकूजिते / तूर्यमुकुन्दवेणुभेरीप्रभृतिप्रणदिते / शक्रब्रह्मादिदेवाप्सरोभिर् नानाविधाभिर् विक्रीडिते / सर्वबुद्धबोधिसत्त्वाधिष्ठिते / सर्वशक्रब्रह्मादिदेवविद्याधरदेवाप्सरःपर्षत्कोटीनियुतशतसहस्रैर् अनेकयक्षराक्षसासुरगरुडगन्धर्वकिन्नरमहोरगनागादिपर्षद्भिर् नानाविधाभिर् महाबोधिसत्त्वकोटीशतसहस्रैर् अष्टाभिः /

तद्यथा /

प्रतिभानमतिना च बोधिसत्त्वेन महासत्त्वेन / अचलमतिना च / विपुलमतिना च / समन्तमतिना च / अनन्तमतिना च / असमन्तमतिना च / कमलमतिना च / महामतिना च / दिवामतिना च / विविधमतिना च / अशेषमतिना च / समन्तभद्रेण च / एवं प्रमुखैर् अवैवर्तिकबोधिसत्त्वमहासत्त्वसंघैर् अनन्तापर्यन्तैः सत्कृतः / गुरुकृतो ऽर्चितः पूजितः सुप्रकृष्टो महापर्षद्गणमध्ये महाब्रह्मा पद्मासने निषण्णः सर्वदुर्गतिपरिशोधननामसमाधिं समापन्नः समनन्तरम् एवापायत्रयसन्ततिविमोक्षकनाममहाबोधिसत्त्वरश्मिस्फरणसंहरणानेकमाला स्वोर्णाकोशान्निश्चचार / तेन त्रिसहस्रमहासहस्रलोकधातुर् अवभासितः / तेनावभासेन सर्वसत्त्वाश् चित्तक्लेशबन्धनान् मोचयित्वा पृथक् पृथक् संप्रापितो नन्दवनं च समन्तादवभासयित्वा / (sdp 122) नानापूजामेघैः पूजयित्वा शतसहस्रं प्रदक्षिणीकृत्य शिरसा वन्दित्वा भगवतः पुरस्ताद् विमलासनेर् उपरि निषद्यैवम् आहुः अहो बुद्ध अहो बुद्धस्य धर्मशोभनम् //

तत् कस्य हेतोः //

अस्माकं दुर्गतिपरिशोधनम् //

बोधिसत्त्वचर्याप्रतिष्ठापनञ् च //

अथ देवेन्द्रो भगवन्तं शतसहस्रं प्रदक्षिणीकृत्य वन्दित्वा भगवन्तम् एतद् अवोचत् / भगवन् केन कारणेन बुद्धरश्मिसमन्तावभासेन दुर्गतिसमन्तान् मोचयित्वा विमुक्तिमार्गे प्रतिष्ठापिता आश्चर्यं सुगत / भगवान् आह / नेदं देवेन्द्राश्चर्यं बुद्धानां भगवतां सूपचिताप्रमाणपुण्यसंभाराणाम् /

देवेन्द्र सम्यक्संबुद्धा अपरिमितगुणरत्नाकरभूताः / देवेन्द्र सम्यक्संबुद्धानाम् अप्रमाणोपायाः पर्मिष्पन्नाः / देवेन्द्र बुद्धानां भगवताम् अपरिमिता प्रज्ञोपचिता / देवेन्द्र बुद्धानाम् अप्रमाणा वीर्या / बुद्धेन भगवताप्रमाना विनेयजना भाजनीभूताः कृताः / असमसमज्ञानाभि बुद्धा भगवन्तो ऽसमसमर्द्धिसमन्वागताः / भगवन्तो ऽसमसमप्रणिधानसमन्वागताः / तस्माद् देवेन्द्र बुद्धानां भगवतां यथा भाजनं तथा सत्त्वार्थकरणञ् च / यथा विनेयं तथा सत्त्वानाम् अर्थकरणञ् च / यथाभिप्रायं तथा सत्त्वार्थकरणं भवतीति / ज्ञातव्यम् इत्य् अत्र संशयशङ्काविमतिर् न कर्तव्या / तथागतवैनेयं न भवतीति नेदं स्थानं विद्यते /

अथ देवेन्द्रः स्वकीयाद् आसनाद् उत्थाय पुनर् अपि भगवतो विपुलां महतीं पूजां कृत्वा भगवन्तम् एतद् अवोचत् / सर्वसत्त्वानां हितकरणायानुकम्पाकरणाय शरणकरणाय समहाकृपाकरणाय सर्वाशापरिपूरणकरणाय भगवन् मम प्रतिभानम् उत्पादय सुगत मम प्रतिभानम् उत्पादय / भगवन् (sdp 124) इतस् त्रयस्त्रिंशद्देवनिकायाद् विमलमणिप्रभनाम्नो देवपुत्रस्य च्युतस्य कालगतस्य सप्तदिवसा अभूवन् / भगवन् स कुत्रोपपन्नः सुखं दुःखं वानुभवति / इदं भगवन् व्याकुरु सुगत व्याकुरु / भगवान् आह / देवेन्द्र प्राप्तकालसमयं ज्ञात्वा श्रोष्यसि / देवेन्द्र आह / भगवन् अयं कालः / अयं समयः सुगत / भगवान् आह / देवेन्द्र विमलमणिप्रभनामदेवपुत्र इतश् च्युत्वावीचौ महानरक उत्पन्नस् तत्र द्वादशवर्षसहस्राणि तीव्रं कटुकं दुःखम् अनुभवति / पुनर् अल्पनरके दशवर्षसहस्राणि दुःखम् अनुभवति / पुनर् अपि तिर्यक्प्रेतेषूत्पन्नो दशवर्षसहस्राणि दुःखम् अनुभवति / पुनर् अपि प्रत्यन्तजनपदेषूत्पन्नो बधिरमूकाव्यक्तस्वभावताम् अनुभवति षष्टिवर्षसहस्राणि / पुनर् अपि चतुरशीतिवर्षसहस्राणि व्याधिरक्तातिसारकुष्ठविघातपीडितश् च बहुजननिन्दितो ऽशेषपरित्यक्तो हीनकुलो भवति / दुःखदुःखपरंपरां न विच्छेदयति / अन्येषाम् अप्य् अहितं करोति / नानाकर्मावरणानि चाविच्छेदेन करोति / पुनर् अप्य् अन्योन्यदुःखपरंपराम् अनुभवति /

अथ खलु शक्रादयः सर्वदेवपुत्राः श्रुत्वा भ्रान्तास् त्रस्ताः खिन्ना अधोमुखं पतिताः / पुनर् उत्थायैवम् आहुः / कथं भगवन् तस्माद् दुःखपरंपरातो मुच्यते / कथं सुगत मुच्यते / केनोपायेन भगवन् दुःखराशेः तस्मान् मुच्यत इति / परित्रानं कुरु भगवन् / परित्राणं कुरु सुगत / भगवान् आह / देवेन्द्र चतुरशीतिबुद्धकोटिभिर् भाषितम् इदम् अहम् अपि भाषे शृणु / अथ खलु देवेन्द्रः पुनर् अपि भगवन्तं मान्दारवमहामान्दारवपुष्पैर् नानाविधैर् रत्नमुकुटकेयूरकर्णालंकारहारार्धहाराद्यनेकालंकारविशेषैर् अभ्यर्च्यानेकशतसहस्रवारं प्रदक्षिणीकृत्य प्रणम्य साधु भगवन् साधु सुगतेति / साधुकारेण हर्षयित्वा सदेवकस्य लोकस्य हितसुखकरणायानागतानां सत्त्वानाम् अपायसन्ततिविमोक्षणाय सुभाषितार्थं विज्ञापयामि / अथ पुनर् अपि ब्रह्मादयो देवगणा (sdp 126) एवम् आहुः / साधु भगवन् साधु सुगत येनानागतानां सत्त्वानां नाममात्रम् अपि श्रुतवताम् अपायत्रयमार्गविमोक्षो भवति / स्वर्गदेवलोके वा मनुष्यलोके चोत्पन्नानाम् अनुत्तरसम्यक्संबोधिप्राप्त्यर्थं भाषतु /

अथ खलु भगवान् शक्रब्रह्मादिदेवपुत्राणां सर्वतथागतहृदयेनाधिष्ठानार्थम् अमोघवज्राधिष्ठाननामसमाधिं समापन्नः /

ओं वज्राधिष्ठानसमये हुं /

एवञ् च समाधिं समापन्नो ऽनभिभवनीयवज्राधिष्ठानेनाधिष्ठायेदं सर्वदुर्गतिपरिशोधनराजनामतथागतहृदयं निश्चारयाम् आस /

ओं शोधने शोधने सर्वपापविशोधनि शुद्धे विशुद्धे सर्वकर्मावरणविशुद्धे स्वाहा /

अस्या विद्याया भाषणानन्तरम् एव सर्वसत्त्वानां दुर्गतिर् विनिपातिता सर्वनरकतिर्यक्प्रेतगतिः शोधिता /

तीव्रदुःखानि प्रशान्तानि बहवश् च जाताः सुखीमुखीभूताः / पुनर् अपरं गुह्यहृदयम् अभाषत /

ओं शोधने शोधने शोधय सर्वापायान् सर्वसत्त्वेभ्यो हुं पुनर् अपरं देवेन्द्रेदं सर्वतथागतहृदयं /

ओं सर्वापायविशोधनि हुं फट् /

पुनर् अपरं देवेन्द्रेदं सर्वतथागतहृदयोपहृदयम् /

ओं त्राट् /

पुनर् अपरं देवेन्द्र सर्वदुर्गतिपरिशोधनहृदयम् / हुं / पुनर् अपरं देवेन्द्र संक्षेपतः स्मरणमात्रेणाप्य् अल्पपुण्यसत्त्वानां सर्वदुर्गतिशान्तिकरणायानायासतो विमोक्षणकरम् इदं भवति /

ओं नमो भगवते सर्वदुर्गतिपरिशोधनराजाय तथागतायार्हते सम्यक्संबुद्धाय / तद्यथा /

ओं शोधने शोधने सर्वपापविशोधनि शुद्धे विशुद्धे सर्वकर्मावरणविशोधनि स्वाहा / मूलविद्या / (sdp 128) ओं सर्ववित् सर्वावरणानि विशोधय हन हुं फट् / ओं सर्वविद् हुं / ओं सर्वविद् ह्रीः फट् / ओं सर्वविद् अः / ओं सर्ववित् त्रां त्राट् / ओं सर्वविद् ओं / ओं सर्वविद् धीम् / ओं सर्वविद् हुं / ओं सर्ववित् क्रीं त्रट् / ओं सर्वविद् महावज्रोद्भवदानपारमितापूजे हुं / लास्याया मन्त्रः / ओं सर्वविद् महावज्रोद्भवशीलपारमितापूजे त्रां / मालाया मन्त्रः / ओं सर्वविद् महावज्रोद्भवक्षान्तिपारमितापूजे ह्रीः / गीताया मन्त्रः / ओं सर्वविद् महावज्रोद्भववीर्यपारमितापूजे अः / नृत्याया मन्त्रः / ओं सर्ववित् सर्वापायविशोधनि धम धम ध्यानपारमितापूजे हुं हुं फट् / धूपाया मन्त्रः / ओं सर्ववित् सर्व दुर्गतिपरिशोधने क्लेशोपक्लेशच्छेदनि पुष्पालोकिनि प्रज्ञापारमितापूजे त्रां हुं फट् / पुष्पाया मन्त्रः / ओं सर्ववित् सर्वापायविशोधनि ज्ञानालोककरि प्रणिधिपारमितापूजे ह्रीः हुं फट् / दीपाया मन्त्रः / ओं सर्ववित् सर्वापायगन्धनाशनि वज्रगन्धोपायपारमितापूजे अः हुं फट् / गन्धाया मन्त्रः / ओं सर्वविद् नरकगत्याकर्षणि हुं जः फट् / वज्राङ्कुशस्य मन्त्रः / ओं सर्वविद् नरकोद्धरणि हुं हुं फट् / वज्रपाशस्य मन्त्रः / ओं सर्ववित् सर्वापायबन्धनमोचनि हुं वं फट् / वज्रस्फोटस्य मन्त्रः / ओं सर्ववित् सर्वापायगतिगहनविशोधनि हुं होः फत् / वज्रावेशस्य मन्त्रः / ओं मैत्रीयहरणाय स्वाहा / मैत्रेयस्य मन्त्रः / ओं अमोघे अमोघदर्शिनि हुं / अमोघदर्शिनः / ओं सर्वापायजहे सर्वापायविशोधनि हुं / सर्वापायजहस्य/ ओं सर्वशोकतमोनिर्घातनमति हुं /

सर्वशोकतमोनिर्घातनमतेः / ओं गन्धहस्तिनि हुं / गन्धहस्तिनः / ओं शूरंगमे हुं / शूरंगमस्य / ओं गगने गगनलोचने हुं / गगनगञ्जस्य / ओं ज्ञानकेतो ज्ञानवति हुं / ज्ञानकेतोः / ओम् अमृतप्रभे अमृतवति हुं / अमृतप्रभस्य / ओं चन्द्रस्थे चन्द्रव्यवलोकिनि स्वाहा / चन्द्रप्रभस्य / ओं भद्रवति भद्रपाले / भद्रपालस्य / ओं जालिनि महाजालिनि हुं / जालिनीप्रभस्य / ओं वज्रगर्भे हुं / वज्रगर्भस्य / ओम् अक्षये हुं हुं अक्षयकर्मावरणविशोधनि स्वाहा / अक्षयमतेः / ओं प्रतिभाने प्रतिभानकूटे स्वाहा / प्रतिभानकूटस्य / ओं समन्तभद्रे हुं / समन्तभद्रस्य /

एते भद्रकल्पिकस्य बोधिसत्त्वस्य मन्त्रान् यथाक्रमम् उच्चारयेत् /

अनेन यथोक्ततन्त्रानुसारानुक्रमेण विधानेन प्रत्यहं प्रभातकाल उत्पत्तिक्रमेण भावयमानो भावयेत् / देवतायोगं समाधित्रयम् उत्तमं यत्नतो दुर्गतिपरिशोधनसिद्धिर् भवति / पुनर् अपरं देवेन्द्र सर्वदुर्गतिपरिशोधनतेजोराजस्य तथागतस्य गुह्यहृदयम् इदम् / कुलपुत्रो वा कुलदुहिता वा यः कश्चिद् नाममात्रं शृणोति धारयति वाचयति लिखित्वा च शिरसि शिखायां वा बाहौ ग्रीवायां वा बद्ध्वा धारयति तस्येहैव जन्मन्य् अष्टाव् अकालमरणानि न्मरणसंबन्धस्वप्नप्रकारा (sdp 132) वा दुर्गतिनिमित्तानि वा तानि सर्वाणि स्वप्नमात्रतो नोपसर्पन्ति / मण्डलञ् च यथावत् प्रवेश्याभिषिक्तो हृदयञ् च जप्त्वा मन्त्रार्थं ये केचिद् भावयन्ति कः पुनर् वादस् तेसां यानि कानिचित् पापानि न निकटीभवन्तीति न दुर्गतिं गच्छन्तीति / पुरुषस्त्रीदेवनागयक्षराक्षसप्रेततिर्यग्नरकादीनां येषां केषाञ्चित् मृतकायेषु मण्डलं प्रवेश्याभिशिक्तेषु ते नरकेषूत्पन्नाः समनन्तरम् एवं विमुच्यन्ते देवनिकायेषूत्पद्यन्ते / तत्रोत्पन्नाः सन्तः सर्वतथागतानां धर्मताम् अभिमुखीकुर्वन्त्य् अवैवर्तिकाश् च भवन्ति / सन्ततिश् च नियता भवति / सर्वतथागतकुले प्रजाताश् च भवन्ति / प्रहीणावरणाश् च / सर्वतथागतकुलेषु देवकुलेषु वान्यस्मिन् वा सुखम् अनुभवन्ति / देवेन्द्र संक्षेपतो लौकिकलोकोत्तरसर्वहितसुखम् अनुभवन्ति /

अथ देवेन्द्रो भगवन्तं पूर्ववत् प्रदक्षिणीकृत्य वन्दित्वैवम् आह / भगवन् सर्वदुर्गतिवशीभूतानां हितसुखकरणाय यथासत्त्वैः सर्वदुर्गतिपृष्ठीकरणायानायासतो ऽनुत्तरसम्यक्संबोध्यधिगमार्थं धर्मं देशयतु /

अथ खलु भगवान् शाक्यमुनिः सर्वदुर्गतिपरिशोधनज्ञानवज्रनामसमाधिं समापद्य सर्वतथागतसर्वदुर्गतिपरिशोधनतेजोराजनाममण्डलम् अभाषत /

तत्साधनं शाक्यनाथेन भाषितम् /

प्रथमं तावद् योगी विजने मनो ऽनुकूलप्रदेशे मृदुसुकुमारासने निषण्णः सुगन्धेन मण्डलं कृत्वा पञ्चोपहारपूजा करणीया / ततः सर्वधर्मनैरात्म्यं भावयित्वा / आत्मानं हुंकारेण वज्रज्वालानलार्कं भावयेत् / तस्य कण्ठे ह्रीःकारेण पद्मं तस्योपरि दलाग्र आकारेण चन्द्रमण्डलं तस्योपरि हुंकारेण पञ्चसूचिकवज्रम् / तद् वज्रं जिह्वायां रीणं भवति / वज्रजिह्वेति / तेन वज्रजिह्वा भवति / मन्त्रजापक्षमो भवेत् / हस्तद्वयस्य मध्ये सिताकारेण चन्द्रमण्डलं तस्योपरि हुंकारेण पञ्चसूचिकवज्रम् / तद् वज्रं करमध्ये निलीयते वज्रहस्तो भवति /

सर्वमुद्राबन्धक्षमो भवेत् / ततो रक्षाचक्रभावना कर्तव्या /

ओं गृह्ण वज्रसमये हुं वम् / इति ब्रुवन् क्रोधतेरिन्तिरीं बध्नीयात् / वज्रबन्धं तले कृत्वा च्छादयेत् क्रुद्धमानसः // गाढम् अङ्गुष्ठवज्रेण क्रोधतेरिन्तिर् स्मृता //

ततो वज्रार्धासननिषण्णो वज्रतेरिन्तिरीं बद्ध्वा वज्रमालाभिषेकं गृह्णीयात् /

ओं वज्रज्वालानलार्क हुं अभिषिञ्च माम् इति /

वज्रबन्धे ऽङ्गुष्ठद्वयं सहितोत्थितं वज्रबन्धस्योपरि श्लिष्ठं धारयेत् / वज्रतेरिन्तिरी /

ओं टुं इति / अनेन द्व्यक्षरकवचेन कवचयित्वा / ओं वज्रज्वालानलार्क हुं इत्य् उदीरयेत् /

वामवज्रमुष्टिं हृदये कृत्वा दक्षिणवज्रमुष्टिम् उल्लालयन् सर्वविघ्नान् हन्यात् /

ततो वज्रानलेन मुद्रासहितेन विघ्नदहनादिकं कुर्यात् /

ओं वज्रानल हन दह पच मथ भञ्ज रन हुं फट्

इत्य् उदीरयेत् / अभ्यन्तरवज्रबन्धे ऽङ्गुलिज्वालागर्भे ऽङ्गुष्ठवज्रम् उत्थितम् इयं वज्रानलमुद्रा /

तद् अनु / वज्रनेत्रि बन्ध सर्वविघ्नान् इति / मुद्रायुक्त्या सर्वविघ्नबन्धं कुर्यात् / वज्रबन्धं बद्ध्वाङ्गुष्ठद्वयं प्रसार्य समं धारयेत् / वज्रनेत्रिमुद्रा /

प्रसारितवज्रबन्धं भूम्यां प्रतिष्ठाप्याधोबन्धं कुर्यात् /

ओं वज्र दृढो मे भव रक्ष सर्वान् स्वाहा /

वज्रभैरवनेत्रेण मुद्रासहितेनोर्ध्वबन्धं कुर्यात् /

ओं हुलु हुलु हुं फत् / इति /

वज्रमुष्टिद्वयं बद्ध्वालातचक्रं भ्रामयित्वा शिरसोपरि तर्जन्यङ्कुशाकारेण धारयेत् / वज्रभैरवनेत्रमुद्रा / तस्याधस्ताद् वज्रयक्षेण मुद्रासहितेन पुनर् बन्धं कुर्यात् /

ओं वज्रयक्ष हुं इति / वज्राञ्जलेर् अङ्गुष्ठद्वयं प्रसारितं तर्जनीद्वयं दम्ष्ट्रा / वज्रयक्षमुद्रा /

वज्रोष्णीषेण मुद्रायुक्तेन पूर्वां दिशं बन्धयेत् /

ओं द्रुं बन्ध हं इति / द्रुं ऽइति वा /

वज्रमुष्टिद्वयं कन्यसाश्र्ङ्खलाबन्धेन तर्जनीद्वयसूचीमुखं परिवर्तोष्णीषे स्थापयेत् / वज्रोष्णीषमुद्रा /

पुनर् वज्रपाशेन ताम् एव बन्धयेत् /

हुं वज्रपाशे ह्रीः इति / वज्रमुष्टिद्वयेन बाहुग्रन्थिं कुर्यात् / वज्रपाशमुद्रा /

वज्रपताकया पश्चिमां दिशं बन्धेत् /

ओं वज्रपताके पतंगिनि रटेति / वज्रबन्धे ऽङ्गुष्ठसत्त्वपर्यङ्कसूचीं कृत्वाग्रासमानामाविदारितान्त्यपटाग्री / वज्रपताकायाः /

दिग्विदिक्ष्व् अध ऊर्ध्वञ् च विघ्ननिकृन्तनं कुर्यात् / वज्रकाल्योत्तरां दिशं बन्धेत् /

ह्रीः वज्रकालि रुट् मट् / इति / वज्रयक्षमुद्राम् एव मुखे दृढीकृत्य वज्रकाल्याः / वज्रशिखरया दक्षिणां दिशं बन्धेत् /

ओं वज्रशिखरे रुट् मट् / इति / वज्रमुष्टिद्वयेन पर्वतोत्कर्षणाभिनयाकारं वज्रशिखरायाः /

वज्रकर्मना मण्डलबन्धं कृत्वा प्राकारं दद्यात् /

हुं वज्रकर्मेति / पुनर् अभ्यन्तरप्राकारं वज्रहुंकारेण हुं इति / वज्रमुष्टिद्वयं बद्ध्वा बाहुवज्रं समाधाय कनिष्ठाङ्कुशबन्धिता त्रिलोकविजयनामतर्जनीद्वयं तर्जनी / वज्रहुंकारस्य / इयम् एव मध्याग्रद्वयं वज्रं वज्रकर्मणः /

ततो वज्रचक्रमुद्रया सर्वदुर्गतिपरिशोधनमन्ण्डलं पुरतो निष्पादयेत् /

ओं वज्रचक्र हुं / इति /

वज्रमुष्टिद्वयं बद्ध्वा द्व्यग्रान्त्यावज्रबन्धनात् //

वज्रचक्रेति विख्याता सर्वमण्डलसाधिका //

अनया सर्वदिक्षु प्रदक्षिणतया भ्रामयित्वा सर्वमण्डलनिर्माणं भवति / इमाम् एव मुखे न्यस्य निरीक्षमाणो ऽष्टौ वारान् वज्रचक्रं जपेत् /

ततः प्रत्यक्षम् इव मण्डलं बुद्ध्यालग्यपुष्पादिभिः संपूज्य सर्वदिक्षु पञ्चमण्डलकेन प्रणमेद् अनेन /

ओं सर्ववित् कायवाक्चित्तप्रणामेन वज्रबन्धनं करोमीति / ततश् चतुःप्रणामं कुर्यात् / तद्यथा /

सर्वशरीरेण वज्राञ्जलिप्रसारितेन पूर्वस्यां दिशि प्रणमेद् अनेन /

ओं सर्ववित् पूजोपस्थानायात्मानं निर्यातयामि / सर्वतथागतवज्रसत्त्वाधितिष्ठस्व माम् / इति /

ततस् तथैवोत्थाय वज्राञ्जलिं हृदि कृत्वा दक्षिणस्यां दिशि ललाटेण भूमिं स्पृशन् प्रणमेद् अनेन /

ओं सर्ववित् पूजाभिषेकायात्मानं निर्यातयामि / सर्वतथागतवज्ररत्नाभिषिञ्च माम् / इति /

ततस् तथैवोत्थाय वज्राञ्जलिबन्धेन शिरसा पश्चिमायां दिशि मुखेन भूमिं स्पृशन् प्रणमेद् अनेन /

ओं सर्ववित् पूजाप्रवर्तनायात्मानं निर्यातयामि / सर्वतथागतवज्रधर्म प्रवर्तय माम् / इति /

ततस् तथैवोत्थितो वज्राञ्जलिं शिरसो ऽवतार्य हृदि कृत्वोत्तरस्यां दिशि मूर्ध्ना भूमिं स्पृशन् प्रणमेद् अनेन /

ओं सर्ववित् पूजाकर्मणा आत्मानं निर्यातयामि / सर्वतथागतवज्रकर्म कुरुष्व माम् / इति /

जानुमण्डलद्वयं पृथिव्यां प्रतिष्ठाप्य वज्राञ्जलिं हृदि कृत्वा सर्वपापं प्रतिदेशयेत् /

समन्वाहरन्तु मां दशसु दिक्षु सर्वबुद्धबोधिसत्त्वाः सर्वतथागतवज्रमणिपद्मकर्मकुलावस्थिताश् च सर्वमुद्रामन्त्रविद्यादेवता अहम् अमुकवज्रो दशसु दिक्षु सर्वबुद्धबोधिसत्त्वानां पुरतः सर्वतथागतवज्रमणिपद्मकर्मकुलावस्थितानां सर्वमुद्रामन्त्रविद्यादेवतानां च पुरतः सर्वपापं प्रतिदेशयामि /

विस्तरेण दशसु दिक्ष्व् अतीतानागतप्रत्युत्पन्नानां सर्वबुद्धबोधिसत्त्वप्रत्येकबुद्धार्यश्रावकसम्यग्गतसम्यक्प्रतिपन्नानां सर्वसत्त्वनिकायानां च सर्वपुण्यम् अनुमोदयामि / दशसु दिक्षु सर्वबुद्धान् भगवतः / अप्रवर्तितधर्मचक्रान् अध्येषे धर्मचक्रप्रवर्तनाय / दशसु दिक्षु सर्वबुद्धान् भगवतः परिनिर्वातुकामान् याचे ऽपरिनिर्वाणाय /

ततः पुष्पमुद्रां बद्ध्वैवं वदेत् / ओं सर्ववित् पुष्पपूजामेघसमुद्रस्फरणसमये हुं / इति /

धूपमुद्रां बद्ध्वैवं वदेत् / ओं सर्वविद् धूपपूजामेघसमुद्रस्फरणसमये हुं /

दीपमुद्रां बद्ध्वैवं वदेत् / ओं सर्वविद् आलोकपूजामेघसमुद्रस्फरणसमये हुं /

गन्धमुद्रां बद्ध्वैवं वदेत् / ओं सर्वविद् गन्धपूजामेघसमुद्रस्फरणसमये हुं /

संपुटान्जलिं बद्ध्वैवं वदेत् / ओं सर्वविद् बोध्यङ्गरत्नालंकारपूजामेघसमुद्रस्फरणसमये हुं / इति /

ओं सर्वविद् हास्यलास्यरतिक्रीडासौख्यानुत्तरपूजामेघसमुद्रस्फरणसमये हुं / इति /

ओं सर्वविद् अनुत्तरवस्त्रपूजामेघसमुद्रस्फरणसमये हुं / इति /

ततः सर्वसत्त्वसंसारदुःखम् अनुस्मृत्य भगवतो वज्रसत्त्वस्य कर्ममुद्रां बद्ध्वा करुणावशेन सर्वसत्त्वोत्तारणाय बोधिचित्तम् उत्पादयेत् / अतीर्णतारणायामुक्तमोचनायानाश्वस्ताश्वासनायापरिनिर्वृतपरिनिर्वातनाय सकलसत्त्वधातोः संसारसमुद्राद् उत्तारणाय च /

ओं सर्वविद् वज्रपूजामेघसमुद्रस्फरणसमये हुं / इति /

ततो लास्यामुद्रां बद्ध्वैवं वदेत् / सर्वसत्त्वाः सर्वोपकरणसमन्वागता भवन्तु / इच्छामात्रप्रतिबद्धसर्वसंपत्तयः /

ओं सर्वविद् महावज्रोद्भवदानपारमितापूजामेघसमुद्रस्फरणसमये हुं / इति /

वज्रमालामुद्रां बद्ध्वैवं वदेत् / सर्वसत्त्वाः सर्वाकुशलकायवाग्मनस्कर्मान्तविगता भवन्तु / सर्वकुशलकायवाग्मनस्कर्मान्तसमन्वागता भवन्तु /

ओं सर्वविद् अनुत्तरमहाबोध्याहारशीलपारमितापूजामेघसमुद्रस्फरणसमये हुं / इति /

गीतामुद्रां बद्ध्वैवं वदेत् / सर्वसत्त्वाः सर्वलक्षणानुव्यञ्जनेन समलंकृतगात्रा भवन्तु / परस्परतो नित्यम् अभयावैरप्रतिपन्ना हृदयनयनाभिरामा गम्भीरधर्मक्षान्तिकाश् च /

ओं सर्वविद् अनुत्तरमहाधर्मावबोधक्षान्तिपारमितापूजामेघसमुद्रस्फरणसमये हुं / इति /

नृत्यामुद्रां बद्ध्वैवं वदेत् / सर्वसत्त्वा बोधिसत्त्वचर्याभियुक्ता भवन्तु / बुद्धतत्त्वपरायणाः संसारापरित्यागवीर्ययुक्ताः / ओं सर्ववित् संसारापरित्यागवीर्यपारमितापूजामेघसमुद्रस्फरणसमये हुं / इति /

पुष्पामुद्रां बद्ध्वैवं वदेत् / सर्वसत्त्वाः सर्वक्लेशोपक्लेशविगता भवन्तु / सर्वध्यानविमोक्षसमाधिसमापत्त्यभिज्ञाविद्यावशितासंपन्नाः /

ओं सर्वविद् अनुत्तरसौख्यविहारध्यानपारमितापूजामेघसमुद्रस्फरणसमये हुं / इति /

धूपामुद्रां बद्ध्वैवं वदेत् / सर्वसत्त्वाः सर्वलौकिकलोकोत्तरप्रज्ञाज्ञानसमन्विता भवन्तु / चतुःप्रतिसंवित्प्राप्ताः सर्वशास्त्रशिल्पज्ञानकलायोगगुणगुह्यविधिज्ञास् तत्त्वदर्शिनः सर्वक्लेशज्ञेयावरणसमुछेदज्ञानप्राप्ताः /

ओं सर्वविद् अनुत्तरक्लेशछेदमहाप्रज्ञापारमितापूजामेघसमुद्रस्फरणसमये हुं / इति /

दीपामुद्रां बद्ध्वैवं वदेत् / सर्वसत्त्वाः सर्वापायविगता भवन्तु /

ओं सर्ववित् सर्वापायविशोधनि ज्ञानालोकप्रणिधानपारमितापूजामेघसमुद्रस्फरणसमये हुं / इति /

गन्धामुद्रां बद्ध्वैवं वदेत् / सर्वसत्त्वाः सर्वाज्ञानविगता भवन्तु /

ओं सर्ववित् सर्वापायगन्धनाशनि वज्रगन्धोपायपारमितापूजामेघसमुद्रस्फरणसमये हुं / इति / दशसु दिक्ष्व् अशेषसर्वतथागतपादमूलगतम् आत्मानम् अधिमुच्य कायपरिचर्यार्थं /

ओं सर्ववित् कायनिर्यातनपूजामेघसमुद्रस्फरणसमये हुं / इति / असमाचलेत्यादि / सर्वत्र जिह्वाशतमुखेन स्तोत्रोपहारम् अधिमुच्य /

ओं सर्वविद् वाग्निर्यातनपूजामेघसमुद्रस्फरणसमये हुं / इति / सर्वबोधिसत्त्वैकाशयप्रयोगतया धर्मसमताम् अधिमुच्य /

ओं सर्ववित् चित्तनिर्यातनपूजामेघसमुद्रस्फरणसमये हुं / इति / अभावस्वभावाः सर्वधर्माः शून्यतानिमित्ताप्रणिहिताकारा इत्य् अधिमुच्य /

ओं सर्वविद् गुह्यनिर्यातनपूजामेघसमुद्रस्फरणसमये हुं / इति / एवं विंशतिप्रकारपूजया सर्वतथागतान् संपूज्यात्मानं निर्यातयेत् /

आत्मानं सर्वबुद्धबोधिसत्त्वेभ्यो निर्यातयामि / सर्वदा सर्वकालं प्रतिगृह्णन्तु मां महाकारुणिका नाथा महासमयसिद्धिञ् च प्रयच्छन्तु / तच् च कुशलमूलं सर्वसत्त्वसाधारणं कर्तव्यं / अनेन कुशलमूलेन सर्वसत्त्वाः सर्वलौकिकलोकोत्तरविपत्तिविगता भवन्तु /

सर्वलौकिकलोकोत्तरसंपत्तिसमन्वागताश् च भवन्तु / सहैव सुखेन सहैव सौमनस्येन बुद्धा भवन्तु नरोत्तमा इति / अनेन चाहं कुशलकर्मणा भवेय बुद्धो //

न चिरेण लोके देशये धर्मं जगतो हिताय //

मोचये सत्त्वान् बहुदुःखपीडितान् इति //

अनुत्तरायां सम्यक्संबोधौ परिणामाय संवरं गृह्णीयात् / उत्पादयामि परमं बोधिचित्तम् अनुत्तरम् //

यथा त्रैयध्विकनाथाः संबोधौ कृतनिश्चयाः //

त्रिविधां शीलशिक्षां च कुशलधर्मसंग्रहम् //

सत्त्वार्थक्रियाशीलं च प्रतिगृह्णाम्य् अहं दृढम् //

बुद्धं धर्मं च सङ्घं च त्रिरत्नाग्रम् अनुत्तरम् //

अद्याग्रेण ग्रहीष्यामि संवरं बुद्धयोगजम् //

वज्रघण्टां च मुद्रां च प्रतिगृह्णामि तत्त्वतः //

आचार्यं च ग्रहीष्यामि महावज्रकुलोच्चये //

चतुर्दानं प्रदास्यामि षट्कृत्वा तु दिने दिने //

महारत्नकुले योगे समये च मनोरमे //

सद्धर्मं प्रतिगृह्णामि बाह्यं गुह्यं त्रियानिकम् //

महापद्मकुले शुद्धे महाबोधिसमुद्भवे //

संवरं सर्वसंयुक्तं प्रतिगृह्णामि तत्त्वतः //

पूजाकर्म यथाशक्त्या महाकर्मकुलोच्चये //

उत्पादयित्वा परमं बोधिचित्तम् अनुत्तरम् //

गृहीतं संवरं कृत्स्नं सर्वसत्त्वार्थकारणात् //

अतीर्णान् तारयिष्याम्य् अमुक्तान् मोचयिष्याम्य् अहम् //

अनाश्वस्तान् आश्वासयिष्यामि सत्त्वान् स्थापयामि निर्वृत्ताव् इति //

तत आकाशस्थं मण्डलं देवादिभिः पूज्यनानं विचिन्तयेत् / पञ्चोपहारादिना पूजयेत् / सम्यक् प्रपूज्य बुद्धानां गुणवर्णानां स्तुतिं कुर्यात् /

अहो बुद्ध अहो बुद्ध साधु बुद्ध कृतोत्तम //

सर्वदुर्गतिं संशोध्य सत्त्वानां बोधिः प्राप्यते //

तत ओं वज्राञ्जलीति / वज्रबन्धनं हृदये स्फोटयेत् / ओं सर्वविद् वज्रबन्ध त्राट् ब्रुवन् / वज्रावेशमुद्रां बद्ध्वा /

ओं तिष्ठ वज्र दृढो मे भव शाश्वतो मे भव हृदयं मे ऽधितिष्ठ सर्वसिद्धिं च मे प्रयच्छ हुं ह ह ह ह होः / इति /

ओं वज्रमुष्टि वं / सत्त्ववज्रीं बद्ध्वा /

ओं सर्ववित् शोधने शोधने सर्वपापान् अपनय हुं / पापाकर्षणमन्त्रः /

वज्रबन्धं दृढं बद्ध्वा वज्रमुद्राधिष्ठान्तरात् //

समुत्क्षिपेत् क्षणाद् ऊर्ध्वं पतितोत्क्षेपणं परम् // इति /

ओं सर्ववित् सर्वापायविशोधनि हुं फट् / पापविशोधनमन्त्रः /

वज्रबन्धं दृढीकृत्य मध्यमा मुखसहिता //

चतुरन्त्यमुखासक्ता पापं स्फोटयति क्षणात् //

ओं सर्ववित् त्राट् हुं / सत्त्ववज्रीं बद्ध्वा /

ओं सर्ववित् सर्वावरणविशोधने मुः हुं फट् / उद्धरणलक्षणम् /

ततः पश्चाद् योगिनो हृदयमध्ये ऽकारेण चन्द्रमण्डलं तस्योपरि /

ओं मुने मुने महामुनये स्वाहा / ओं नमः सर्वदुर्गतिपरिशोधनराजाय तथागतायार्हते सम्यक्संबुद्धाय / तद्यथा /

ओं शोधने शोधने सर्वपापविशोधं शुद्धे विशुद्धे सर्वकर्मावरणविशुद्धे स्वाहा /

एतेन मन्त्रेण दुर्गतिपरिशोधनमण्डलं परिनिष्पन्नं भवति / ततो वज्राङ्कुशाद्यैर् आकृष्य प्रवेश्य बद्ध्वा वशीकृत्याकाशमण्डलपूजां कृत्वा हृदयमण्डले निवेशयेत् / द्वयमण्डलेनैकमण्डलं भवतीति / निष्पन्नयोगो भूत्वा समयमण्डलं देवतापरिपूर्णं भवति / तत्र मण्डलमध्ये चक्रवर्तिरूपम् आत्मभावं शाक्यसिंहं विभावयेत् / ततः शाक्यमुनेर् हृद्यकारेण चन्द्रमण्डलं भावयेत् / चन्द्रमण्डलमध्ये /

ओं मुने मुने महामुनये स्वाहा /

ततो वज्रहेतुकर्ममुद्रया मण्डलं निर्माय /

ओं सर्वविद् वज्रचक्र हुं / इति /

सत्त्ववज्रीं बद्ध्वैव मध्याङ्गुलिद्वयेन मालाम् आदाय मनसा प्रविशेत् / समये हुं इत्य् अनेन तां च मालां स्वशिरसि क्षिपेत् / अनेन प्रतिच्छ वज्र होः / इति / ततः स्वशिरसि बन्धेद् अनेन /

ओं प्रतिगृह्ण त्वम् इमां सत्त्व महाबलेति //

मुखबन्धं चानेन मुञ्चेत् /

ओं वज्रसत्त्वः स्वयं ते ऽद्य चक्षूद्घाटनतत्परः //

उद्घाटयति सर्वाक्षो वज्रचक्षुर् अनुत्तरम् // इति /

हे वज्र पश्य / इति /

ततो महामण्डले तावत् पश्येद् यावद् भगवन्तं शाक्यमुनिं / पुनः सत्त्ववज्रीं बद्ध्वा हृदये मुञ्चेत् / वज्राधिष्टितकलशाद् उदकाभिषेकं वज्रमुष्ट्या दद्यात् /

ओं सर्वविद् वज्राभिषिञ्च माम् / इति /

पुनर् वज्रधात्वीश्वर्यादिमुद्रयाभिमु द्रयेत् /

ओं सर्वविद् वज्रधात्वीश्वरि हुं अभिषिञ्च माम् / ओं सर्वविद् वज्रवज्रिणि हुं अभिषिञ्च माम् / ओं सर्वविद् रत्नवज्रिणि हुं अभिषिञ्च माम् / ओं सर्वविद् धर्मवज्रिणि हुं अभिषिञ्च माम् / ओं सर्ववित् कर्मवज्रिणि हुं अभिषिञ्च माम् / ओं टूं टूं टूं वज्र तुष्य होः /

द्व्यक्षरकवचेन कवचयित्वा / ततः स्ववज्राभिषेकं गृह्णीयात् / अद्याभिषिक्तस् त्वम् असि बुद्धैर् वज्राभिषेकतः //

इदं तत् सर्वबुद्धत्वं गृह्ण वज्रसुसिद्धये //

ओं वज्राधिपति त्वाम् अभिषिञ्चामि तिष्ठ वज्रसमयस् त्वं वज्रनामाभिषेकतः /

ओं वज्रसत्त्व त्वाम् अभिषिञ्चामि /

इदं तत् सर्वबुद्धत्वं वज्रसत्त्वकरे स्थितम् //

त्वयापि हि सदा धार्यं वज्रपाणिदृढव्रतम् //

ओं सर्वतथागतसिद्धिवज्रसमय तिष्ठैष त्वां धारयामि वज्रसत्त्व हि हि हि हि हुं / इति /

ओं सर्वविद् वज्राधिष्ठानसमये हुं / आत्माधिष्ठानमन्त्रः /

वज्रमुष्टिद्वयं बद्ध्वाङ्गुष्ठमध्यमाकनिष्ठोर्ध्वं स्थित्वा मुखे श्लिष्येत् तर्जन्यनामिकासत्त्वपर्यङ्कं कृत्वा / वज्रमुद्रा / हृत्कण्ठललाट ऊर्णाभ्रूमध्ये नासिकाकर्णकटिजानुपादद्वये जंघायां चक्षुर्द्वये गुह्ये ऽधिष्ठाणं तु कारयेत् /

ततः स्वकायसमय अकारेण चन्द्रमण्डलम् / सर्वबीजसमुत्पन्नचिह्नाहंकारं मन्त्रम् उद्वहन् / ओं सर्वविद् जः हुं वं होः समयस् त्वं समय होः / ओं मुने मुने महामुनये स्वाहा / त्रिर् उच्चारयेत् सामान्यम् अपि / ततः स्वकाये वज्रसमाजमुद्रां बद्ध्वा /

जः हुं वं होः प्रवर्तयेत् / यथास्थानेष्व् आकृष्य प्रवेश्य बद्ध्वा वशीकुर्यात् / स्वहृदि हुंकारयोगेन पञ्चसूचिकवज्रम् //

समयं तु प्रवक्ष्यामि शाक्यसिंहस्य मुद्रया //

समाध्यग्रस्थितो मध्ये मुद्रासमय उच्यते //

वज्रबन्धं दृढीकृत्य मध्यमा मुखसंहिता //

वज्रोष्णीषमुद्रा / सैव मध्यमा रत्नं तु पद्माकारं तु मध्यमा //

सैव मध्यमा वज्रं तु शेषा ज्वालांगुलीकृता //

सैवांगुली ज्वालाकृता तेज उष्णीषमुद्रया //

सैव तु समानामिका कनिष्ठाद्वयम् उत्सृजेत् //

तर्जनी पद्मपत्त्रं तु मध्यमा वज्रं उत्थिता //

सैव पुरतः स्थित्वा वज्रपञ्जरकारका //

हृदये तु समांगुष्ठा सुप्रसारितमालिनी //

अञ्जल्यग्रमुखोद्धान्ता नृत्यतो मूर्ध्नि संपुटा //

वज्रबन्धं त्व् अधोदानात् स्वाञ्जलिस्थोर्ध्वदायिका //

समांगुष्ठनिपीडा च सुप्रसारितलेपना //

वज्रमुष्टिद्वयं बद्ध्वा तर्जन्यंगुष्ठमध्यमाः //

प्रत्येकम् अप्य् अन्योन्यम् अभिमुखं धारयेत् //

एकतर्जनीं संकुच्य द्व्यंगुष्ठौ ग्रन्थिं बन्धितौ //

अंगुष्ठाग्रकटिबन्धा वज्रमुष्ट्यग्रसंहिता // इति / धर्ममुद्रां भावयेत् कण्ठे पद्मेन्दुमण्डले //

पूर्वम् उत्सर्गमन्त्रेण धर्ममुद्रा विधीयते //

कर्ममुद्रा हृदये विश्ववज्रम् //

धर्मचक्रं यथोक्तस्य शाक्यराजस्य मुद्रया //

भूस्पर्शवरदध्यानम् अभयाद्या यथाक्रमम् //

तेजोष्णीषस्य मुद्रया समाध्यग्रावस्थिता //

दक्षिणबाहुदण्डा च हृद्वामखड्गधारिणी //

वामतर्जनीम् उत्सृज्य दक्षिणेन प्रसारयेत् //

द्वयहस्तेन संमील्य छत्राकारेण धारयेत् //

कर्ममुद्राविधिर् येन नवसंबुद्धतायिनाम् //

वज्रगर्वप्रयोगेण नमेद् आशयकम्पितैः //

मालाबन्धा मुखोद्धान्ता नृत्यतः परिवर्तिता //

वज्रमुष्टिप्रयोगेण दद्याद् धूपादयस् तथा //

तर्जन्यंकुशबन्धेन कनिष्ठायां महांकुशी //

बाहुग्रन्थिकटाग्राभ्यां पृष्ठयोश् च निपीडयेत् //

अथातः संप्रवक्षामि बोधिसत्त्वमहात्मनाम् //

कर्ममुद्राप्रबन्धेन यथानुक्रमलक्षणम् //

वज्रमुष्टिद्वयं बद्ध्वान्योन्यं सहनि मीलयेत् //

तर्जनीमध्यमाकुञ्च्य पुष्पाकारेण धारयेत् //

मैत्रेयस्य मुद्रा / वाममुष्टिं कटौ न्यस्य दक्षिणं बाहुपार्श्वतः //

तर्जनीमध्यमोत्सृज्य नेत्राकारेण धारयेत् //

अमोघदर्शिनः / वज्रमुष्टिद्वयं बद्ध्वा तर्जनीस् संप्रसारयेत् //

सव्येनांकुशं संधार्य सर्वापायजहस्य च //

वाममुष्टिं कटिं न्यस्य दक्षिणदण्डम् आकृतिः //

धारयेद् ऊर्ध्वतश् चैव सर्वशोकतमस्य च //

वामे नाभस्थिता मुष्टिर् गजपुष्करम् आकृतिः //

धारयेद् दक्षिणे हस्ते गन्धहस्तिनो मुद्रया //

वाममुष्टिं कटिं न्यस्य दक्षिणे खड्गकारतः //

शूरंगमस्य / वाममुष्टिं हृदि धार्य दक्षिणं ऊर्ध्वं भ्रामयेत् //

गगनगञ्जस्य / वज्रमुष्टिद्वयं बद्ध्वा दक्षिणेन तु धारयेत् //

ध्वजगृहिताकारेण ज्ञानकेतोश् च मुद्रया //

द्वयहस्तेन संधार्य कलशाकारेण धारयेत् //

अमृतप्रभस्य / वाममुष्टिम् उरौ स्थित्वा दक्षिणमुष्टिं पार्श्वतः //

प्रसार्य कनिष्ठांगुष्ठौ चन्द्ररेखा तु आकृतिः //

चन्द्रप्रभस्य / द्वयहस्तं हृदि देशे पद्माकारं विकासयेत् //

अन्योन्यं मुखम् आसज्य भद्रपालस्य मुद्रया //

वज्रमुष्टिद्वयं बद्ध्वा कवचाकारेण धारयेत् //

स्तनद्वये च संधार्य जालिनीप्रभमुद्रया //

वाममुष्टिः कटिं न्यस्तो दक्षिणहृदयस्थितः //

मध्यमांगुलिम् उत्सृज्य वज्रगर्भस्य मुद्रया //

वाममुष्टिर् हृदि न्यस्तो वरदाकारं दक्षिणे //

अक्षयमतेर् मुद्रा / वामे नाभस्थिता मुष्टिर् दक्षिणे छोटिकां ददन् //

प्रतिभानकूटस्य / वाममुष्टिं कटिं धार्य दक्षिणरत्नमुष्टिका //

समन्तभद्रस्य / चिह्नरहितेन विधिना कर्ममुद्रा चोक्तिता //

हृदये वज्रं संधार्य पञ्चसूचिकरूपिणम् //

उत्सर्गेषु यथाधार्य मुद्रासायुधधारिणां //

वज्रघण्टाधरो भूत्वा हृदये वज्रं धारयेत् //

महामुद्रेति बोद्धव्या बोधिसत्त्वमहात्मनाम् //

उत्सर्गेषु यथागृह्य मुद्राप्रहरणधारिणाम् //

यां यां मुद्रां तु बध्नीयाद् यस्य यस्य महात्मनः //

जपन् तु हृदयार्थेन भावयेत् तु स्वम् आत्मानम् //

चतुर्मुद्रा विधातव्या देवतासर्वमुद्रितुम् //

सर्वज्ञगुणसंपन्नाः सर्वसत्त्वार्थकारणात् //

सर्वदुर्गतिं संशोध्य सत्त्वानां बोधिः प्राप्यते //

अथ मन्त्रं प्रवक्षामि सर्वदुर्गतिमण्डले //

मुद्रामन्त्रप्रयोगेण सर्वकार्यक्षमो भवेत् //

प्रतिप्रतिवज्रनृत्यं कृत्वा मन्त्रैश् चोदाहृतम् //

ओं नमः सर्वदुर्गतिपरिशोधनराजाय //

तथागतायार्हते सम्यक्संबुद्धाय तद्यथा //

ओं शोधने शोधने सर्वपापविशोधने शुद्धे //

विशुद्धे सर्वकर्मावरणविशुद्धे स्वाहा //

वामवज्रमुष्ट्या वज्रघण्टाम् आदाय दक्षिणहस्तेन वज्रंसगर्वम् उल्ललयन् एवं वदेत् / वज्रवाचाटक्कि हुं जः जः जः / स्वहृद्य् उत्कर्षणयोगेन धारयेत् / टक्कि जः होः इति वदेत् /

तदनुशताक्षरेणदृढीकृत्य / एतेन दशभूमीश्वरबोधिसत्त्वसदृशो भवति / तान् दृष्ट्वा सर्वपूजां प्रपूजयेत् /

ततः ताभिः सर्वाभिः स्तुतिभिः संपूजयेत् / नमस् ते शाक्यसिंहाय धर्मचक्रप्रवर्तकः //

त्रैधातुकं जगत्सर्वं शोधयेत् सर्वदुर्गतिम् //

नमस् ते वज्रोष्णीषाय धर्मधातुस्वभावतः //

सर्वसत्त्वहितार्थाय आत्मतत्त्वप्रदर्शकः //

नमस् ते रत्नोष्णीषाय समतातत्त्वभावनैः //

त्रैधातुकं स्थितं सर्वम् अभिषेकप्रदायकः //

नमस् ते पद्मोष्णीषाय स्वभावप्रत्यवेक्षकः //

आश्वासयति सत्त्वेषु धर्मामृतप्रवर्षणैः //

नमस् ते विश्वोष्णीषाय स्वभावकृत्यानुष्ठितः //

विश्वकर्मकरो ह्य् एषां सत्त्वानां दुःखशान्तये //

नमस् ते तेजोष्णीषाय त्रैधातुकम् अवभासयेत् //

सर्वसत्त्वेष्व् अपायेषु सत्यदृष्ट्वा करिष्यति //

नमस् ते ध्वजोष्णीषाय चिन्तामणिध्वजधरः //

दानेन सर्वसत्त्वानां सर्वाशा परिपूरयेत् //

नमस् ते तीक्ष्णोष्णीषाय क्लेशोपक्लेशछेदकः //

चतुर्मारबलभग्नं सत्त्वानां बोधिः प्राप्यते //

नमस् ते छत्रोष्णीषाय सितातपत्रशोभनम् //

त्रैधातुकं जगत्सर्वं धर्मराजत्वं प्राप्यते //

लास्या माला तथा गीता नृत्या देव्यश् चतुष्टयाः //

पुष्पा धूपा च दीपा च गन्धा देवी नमो ऽस्तु ते //

द्वारमध्ये स्थिता आवेशो ऽंकुशः पाशस् स्फोटकः //

श्रद्धाद्यभावनिर्जाता द्वारपाला नमोऽस्तु ते //

वेदिकादौ स्थिता ये च चत्वरद्वारपार्श्वतः //

मुदितादौ दशे स्थित्वा बोधिसत्त्वा नमो ऽस्तु ते //

ब्रह्मेन्द्रौ रुद्रचन्द्राद्यैर् लोकपालचतुर्दिशम् //

अग्निराक्षसवायुश् च भूताधिप नमो ऽस्तु ते //

अनेन स्तोत्रराजेन संस्तुत्य मण्डलाग्रतः //

वज्रघण्टाधरो मन्त्री इदं स्तोत्रम् उदाहरेत् //

पश्चाद् आत्मदेहेषु आत्ममण्डलं कल्पयेत् //

एवं भावयमानां वै मण्डलम् आदियोगतः //

आदियोगनामसमाधिः / ततो मण्डलराजाग्रीनाम प्रवक्ष्यामि / ओं अकारो मुखं सर्वधर्माणाम् आद्यनुत्पन्नत्वात् / तदर्थाधिमोक्षतो दशदिक्षर्वलोकधातुषोडशशून्यताम् अधिमुच्य शून्यताहंकारम् आत्मानं पश्येत् /

ततो हुंकारेण निष्पन्नवज्रेण वायुमण्डलं तस्योपरि रंकारेणाग्निमण्डलं तस्योपरि वंकारेण महोदधिं तस्योपरि कंकारेण काञ्चनमण्डलं तद्मध्ये हुं सुं हुं इति / तेन सुमेरुं चतुरस्रं रत्नमयं सर्वरत्नविभूषितं निष्पाद्य / ओं वज्र दृढेत्यादिना वज्रबन्धेनाधितिष्ठेत् / तस्योपरि वज्रहेतुकर्ममुद्रया भूंकारसितनिष्पन्नवज्रमणिरत्नशिखरकूटागारम् /

चतुरस्रं चतुर्द्वारं चतुस्तोरणभूसितम् //

चतुष्कोणेषु सर्वेषु द्वारनिर्यूहसंधिषु //

चन्द्रार्कवज्रचिह्नितं हारार्धहाररचितम् //

चतुस्सूत्रसमायुक्तं पटस्रग्दामभूषितम् //

अभ्यन्तरमण्डलम् अष्टारचक्रं वज्रावलीपरिवृतम् / तस्य नाभोपरि सिंहासनं तस्योपरि चन्द्रमण्डलं / चक्राष्टारमध्येषु चन्द्रमण्डलं देवतास्थानम् / (sdp 162) बाह्यमण्डलस्य देवतास्थानं पटिकायाम् अष्टाविंशतिचन्द्रमण्डलं पश्येत् / सिंहासनोपरि चन्द्रमण्डले / अकारादिककाराद्यक्षरप्रज्ञोपायस्वरूपं द्रवीभूतम् आकाशस्फरणक समाधिसमापन्नं बोधिचित्तस्वरूपेण सत्त्वार्थहेतुसंपन्नमन्त्ररूपं भवति /

ओं मुने मुने महामुनये स्वाहा /

अनेन मन्त्रेण श्रीशाक्यसिंहराजनिष्पन्नो भवति / सर्वनीवारणं नाम समाधिसमापन्नः / ततस् समाधिसमापन्नो बुद्धो भगवान् तस्य मुद्रामन्त्रं उदाहरेत् /

वज्रमुष्टिद्वयं बद्ध्वा परिपाट्या विकासयेत् //

मुद्रेयं धर्मचक्रस्य सर्वसंसारछेदनी //

तद्यथेति दृष्टान्तः /

यथा पद्मेषु आसक्ता भ्रमराद्या विबन्धिताः //

तथा पद्मविकासेन विबन्धा दुःखमोचिताः //

तथैव दुःखसंसारे विबन्धास् त्न्भवे गतौ //

एवं विबन्धा मुच्यन्ते शाक्यसिंहकृपात्मनः //

ततश् शाक्यमुनेर् हृदये ऽकारेण चन्द्रमण्डलम् / ततश् चन्द्रमण्डले सर्वासां मन्त्राणि निष्पाद्यन्ते / वज्रोष्णीषम् आरभ्य यावद् वज्रावेशपर्यन्तं भावयेत् / ततो मन्त्राणि भवन्ति /

ओं नमस् सर्वदुर्गतिपरिशोधनराजाय तथागतायार्हते सम्यक्संबुद्धाय / तद्यथा /

ओं शोधने शोधने सर्वपापविशोधने शुद्धे विशुद्धे सर्वकर्मावरणविशुद्धे स्वाहा / इदं मन्त्रम् उदाहरेत् /

अथातः संप्रवक्षामि परिपाट्या यथाक्रमम् / ओं वज्र हुं फट् / निश्चार्य मुखद्वारेण निर्गत्य पञ्चरश्मिकं //

समन्ततो दशसु दिक्ष्व् अवभास्य सर्वसत्त्वानाम् //

दुःखस्यान्तं करिष्यति पुनर् आगत्य रश्मीनाम् //

प्रविश्य हृदये ततः //

मन्त्ररश्मिद्वयं मील्य निष्पन्नरूपसंभवम् //

अभ्यन्तरमण्डलस्य चक्रारे पूर्वदिशि पद्मचन्द्रस्थः //

वज्रोष्णीषस् तथागतो हृदयाद् अवतीर्य निषीदेत //

हितार्थतः /

शुक्लवर्णप्रभादिव्यो मुद्राभूस्पर्शसंस्थितः //

एवं रश्मिस्फरणसंहारपूर्वोक्तेन सर्वशः //

स्फरणसंहारयोगेन मन्त्ररश्मिनिमिलनम् //

बिम्बनिष्पत्तिसंपूर्णहृदयाद् अवतीर्य च //

निषीदेत यथास्थाने दक्षिणारेषु सुस्थितः //

ओं रत्नोत्तम त्रं उत्सृजेत् /

पद्मस्थचन्द्रमध्येषु रत्नोष्णीषस् तथागतः //

अवतीर्य हृदयाद् बुद्धलक्षणैः समलंकृतः //

नीलवर्णस्वभावं तु मुद्रेयं वरदस्य तु //

त्रैधातुकम् अशेषं तु सर्वसत्त्वाभिषेकदः //

पूर्ववत् स्फरणसंहारं बिम्बोत्पत्तिक्रमेण च //

ओं पद्मोत्तम ह्रीः उत्सृजेत् /

ततः पश्चिमारस्थपद्मोपरि चन्द्रमण्डले //

रश्मिबीजेन निष्पन्नः पद्मोष्णीषस् तथागतः //

हृदयाद् निर्गतो भूत्वा निषीदेद् अनुशासकः //

पद्मरागप्रभादिव्यो ध्यानमुद्राव्यवस्थितः //

ओं विश्वोत्तम अः उत्सृजेत् /

उत्तरे चक्र आरस्थपद्मोपरीन्दुमण्डले //

अवतीर्य हृदयाद् बुद्धो विश्वोष्णीषस् तथागतः //

हरितवर्णप्रभाज्वाल्यो मुद्रा चास्याभयप्रदः //

विश्वकर्मकरो बुद्धः सत्त्वान् संसाराद् उत्तरेत् //

ओंकारेनोत्सृजेद् बुद्धस् तेजोष्णीषस् तथागतः //

आग्नेयारे स्थितः सम्यक् पद्मस्थचन्द्रमण्डले //

सव्येन सूर्यं संगृह्य वामहस्ते कटिस्थितः //

शितरक्तकवर्णाभस् त्रैधातुकम् आभासयेत् //

हुंकारबीजसंजातो ध्वजोष्णीषस् तथागतः //

उत्सृजेद् हृदयातीर्णो नैरृत्यारे निषण्णकः //

पद्मस्थचन्द्रबिम्बे च रक्तकृष्णकवर्णिकः //

चिन्तामणिध्वजं धार्य सत्त्वमात्सर्यशोधकः //

धीःकारबीजनिष्पन्नस् तीक्ष्णोष्णीषस् तथागतः //

क्लेशोपक्लेशान् संछेद्य वायव्यारे च उत्सृजेत् //

पद्मचन्द्रे निषीदेश् च मुद्रास्य खड्गदक्षिणः //

गगनवर्णनिभकायो वामे पुस्तकधारिणः //

क्रींकारबीजनिर्जातश् छत्रोष्णीषस् तथागतः //

धर्मस्वामी च सत्त्वानाम् ईशानारे च उत्सृजेत् //

कुन्देन्दुवर्णसन्निभो मुद्रेयं छत्रधारिणः //

सर्वे ते विश्वपद्मस्था निषन्णाश् चन्द्रमण्डले //

हुं त्रां ह्रीः अः /

तेन मन्त्रेण उच्चार्य हृदयाद् उत्सृजन्ति च //

चतुर्षु कोणस्थानेषु पद्मस्थचन्द्रमण्डले //

लास्यादिदेव्यश् चतस्रः कुलवर्णकधारिण्यः //

सितं पीतं रक्तं विश्ववर्णकम् //

तेषां मुद्रा विधीयते यथोक्तितम् //

तेनैव मन्त्रम् उच्चार्य उत्सृजेद् हृदयाद् अपि //

धूपादिदेव्यश् चतस्रः पद्मस्थचन्द्रमण्डले //

चतुर्षु कोणसर्वेषु वर्णकुलक्रमेण तु //

ओं सर्वसंस्कारपरिशुद्धे धर्मते गगनसमुद्गते स्वभावविशुद्धे महानयपरिवारे स्वाहा /

मन्त्रेण उत्सृजेत् पूर्वद्वारपार्श्वद्वये स्थिताः //

मैत्रेयादिचतुष्कस्य पद्मस्थचन्द्रमण्डले //

सत्त्वपर्यंकिनः सर्वे मुद्रावर्णक्रमेन तु //

पीतवर्णप्रभादिव्यो नागपुष्पकदक्षिणे //

वामेन कुण्डिकां गृह्य मैत्रीचित्तविशुद्धितः //

द्वितीयो ऽमोघदर्शी तु पीतवर्णप्रभोज्वलः //

वामहस्तकटिन्यस्तो दक्षिणपद्मनेत्रकः //

तृतीयो बोधिसत्त्वश् च नाम्नापायजहस्य च //

श्वेतवर्णप्रभाज्वालो मुद्रा अंकुशधारिणः //

चतुर्थः सर्वशोकतमनिर्घातनमतिस् तथा //

सितपीतमिश्रवर्णाभो मुद्रा दण्डधारिणः //

वाममुष्टिकटिन्यस्तः सत्त्वपर्यंकिना स्थितः //

चत्वारो बोधिसत्त्वाश् च दक्षिणद्वारे प्रतिष्ठिताः //

प्रथमो गन्धहस्ती च सितश्यामश् च वर्णकः //

मुद्रेयं दक्षिणहस्ते गन्धशंखं प्रपूरितम् //

वामहस्तकटिन्यस्तः सर्वावरणशोधनः //

द्वितीयो शूरंगमो नाम सर्वक्लेशप्रमोचकः //

स्फटिकवर्णप्रभादिव्यो मुद्रेयं खड्गधारिणः //

वामहस्तकटिन्यस्तः सत्त्वानां दुःखशन्तकः //

तृतीयः गगनगञ्जः सर्वाभरणभूषितः //

सितपीतमिश्रवर्णाभः सर्वावरणवर्जितः //

मुद्रेयं दक्षिणहस्ते पद्मस्थधर्मगञ्जतः //

वामहस्तकटिन्यस्तः सर्वाकाशधनधरः //

चतुर्थो ज्ञानकेतुश् च सर्वाशापरिपूरकः //

नीलवर्णकसंकाशश् चिन्तामणिध्वजधरः //

वाममुष्टिकटिन्यस्तः दारिद्रदुःखमोचकः //

पश्चिमद्वार आसीनः पद्मस्थचन्द्रमण्डले //

प्रथमम् अमृतप्रभश् चन्द्रवर्णविराजितः //

अमृतकलशं संधार्य मुकुटं रत्नपाणिना //

वाममुष्टिकटिन्यस्तो विस्तीर्णम् आयुर्दायकः //

द्वितीयश् चन्द्रप्रभो नामाज्ञानतमध्वंसकः //

शुक्लवर्णतनुदिव्यो मुद्रा दक्षिणपाणिना //

पद्मस्थचन्द्रबिम्बं तु वाममुष्टिकटिस्थितः //

तृतीयो भद्रपालेति सितरक्तं तु वर्णिकः //

सर्वधर्मप्रकाशको मुद्रा दक्षिणपाणिना //

ज्वलितरत्नं संधार्य वाममुष्टिकटिस्थितः //

चतुर्थो बोधिसत्त्वश् च जालिनीप्रभसंज्ञितः //

रक्तवर्णप्रभादिव्यो वज्रपञ्जरधारिणः //

प्रथमबुद्धपुत्रस् तु वज्रगर्भेतिनामतः //

सितनीलवर्णसंयुक्तो मुद्रा दक्षिणपाणिना //

उत्पलं वज्रसंयुक्तं वाममुष्टिकटिस्थितः //

द्वितीयो अक्षयो नाम मतिर् अन्तेषु संस्थितः //

कुन्देन्दुवर्णसंकाशो मुद्राहस्तद्वयेन तु //

ज्ञानकलशं संधार्य सर्वसत्त्वान् प्रपीनयेत् //

तृतीयो बुद्धपुत्रश् च प्रतिभाकूटसंज्ञितः //

रक्तवर्णप्रभाज्वालो मुद्रा दक्षिणपाणिना //

पद्मस्थरत्नकूटं तु वाममुष्टिकटिस्थितः //

चतुर्थो बोधिसत्त्वश् च समन्तभद्रनामतः //

सुवर्णवर्णसंकाशो मुद्रा दक्षिणपाणिना //

रत्नमञ्जरिकादिव्यं वाममुष्टिकटिस्थितः //

एवं रूपेण संयुक्ता बोधिसत्त्वकृपात्मनः //

मण्डलराजाग्री नामसमाधिः / ओं मुने मुने महामुनये स्वाहा / ओं नमस् सर्वदुर्गतिपरिशोधनराजाय तथागतायार्हते सम्यक्संबुद्धाय ल् तद्यथा /

ओं शोधने शोधने सर्वपापविशोधने शुद्धे विशुद्धे सर्वकर्मावरणविशुद्धे स्वाहा /

अनेन मन्त्रेण श्रीशाक्यसिंहराजप्रमुखसप्तत्रिंशद्देवतापरिपूर्णं भावयेत् / ततः पश्चाद् ज्ञानमण्डलम् आकर्षयेत् /

द्वारोद्घाटनं कृत्वा मन्त्रमुद्रासमायुतः //

वज्रमुष्टिद्वयं बद्ध्वा तर्जनी द्वे प्रसारयेत् //

कनिष्ठां शृंखलीकृत्य द्वारोद्घाटनमुद्रया //

ओं सर्वविद् द्वारम् उद्घाटय हुं /

द्वारोद्घाटनमन्त्रमुद्रया द्वारम् उद्घाटयेत् / वज्रचक्रमुद्रया मण्डलं परिकल्पयेत् /

ओं सर्वविद् वज्रचक्रे हुं /

बाहुभ्यां वज्रबन्धेन वज्रछटकविमोक्षणे //

श्रीशाक्यराजयोगात्मा सर्वबुद्धान् समाजयेत् //

वामे छटकतालेन समतालेन सिद्ध्यति //

दक्षिणेन तु तालोक्तं संनिपाताव् उभाव् अपि //

ओं वज्रसमाज जः हुं वं होः /

अस्या आज्ञाया मात्रेण सपर्षच्चक्रसंचयः //

सर्वबुद्धाः समायान्ति का कथान्येषु वर्त्तते //

ततो ऽग्रत आकाशदेशे मण्डलचक्रं दृष्ट्वा वज्रयक्षमन्त्रेण / जप्तार्घभाजने स्थितगन्धवारिणा संप्रोक्ष्याचमनं दद्यात् / ततो ऽर्घमुद्रयार्घं दद्यात् / ततः पाद्यमुद्रया पाद्यं दद्यात् / ततः /

वज्रपुष्पे हुं / वज्रधूपे हुं / वज्रदीपे हुं / वज्रगन्धे हुं /

वज्रयक्षमन्त्रेण विघ्नान् उत्सार्य मण्डलेषु प्रवेशयेत् / ततश् चतुर्मुद्राः /

प्रथमं पूर्वोक्तविधिमुद्रया समयमुद्रा निबन्धयेत् / ततः पूर्वोक्तमन्त्रेण धर्ममुद्रा विधीयते / ततः कर्ममुद्रामन्त्रेण कर्ममुद्रां बध्म्यात् / ततो महामुद्रामन्त्रेण महामुद्रां बध्नीयात् /

ततो वज्रोष्णीषादितथागतैः सत्त्ववज्रीरत्नवज्रीधर्मवज्रीकर्मवज्रीं स्फारयित्वा समाण्डलेयदेवताश्रीशाक्यराजप्रमुखवज्रावेशपर्यन्तम् अभिषेकं दद्यात् / पञ्चाभिषेकाधिपत्मशपर्यन्तं दद्यात् / अभिषेकानन्तरम् /

ओं सर्वतथागतधूपपूजामेघसमुद्रस्फरणसमये हुं / ओं सर्वतथागतपुष्पपूजामेघसमुद्रस्फरणसमये हुं / ओं सर्वतथागतदीपपूजामेघसमुद्रस्फरणसमये हुं / ओं सर्वतथागतगन्धपूजामेघसमुद्रस्फरणसमये हुं / ततो लास्यादिचतुष्टयेन पूजयेत् / वज्रम् उल्लालयन् वज्रवाचाशताक्षरपूर्ववत् स्तुतिं कुर्यात् / ततः /

असमाचलासमितसारधर्मिणः / करुणात्मका जगति दुःखहारिणः / असमन्तसर्वगुणसिद्धिदायिनः //

असमाचलासमवराग्रधर्मिणः //

गगने समोपमगता न विध्यते //

गुणरेणुरेणुकणिकाप्य् असीमिके //

स्फुटसत्त्वधातुवरसिद्धिदायिषु //

विगतोपमेषु असमन्तसिद्धिषु //

सततामला करुणवेगतोत्थिता //

प्रणिधानसिद्धिर् अनिरोधधर्मता //

जगतो ऽर्थसाधनपरासमन्तिनी //

सततं विरोचति महाकृपात्मनाम् //

न निरोधतां करुणचारिकाचरा //

व्रजते त्रिलोकवरसिद्धिदायिका //

अमितामितेषु सुसमाप्तितां गता //

सुगतिं गतेष्व् अपि अहो सुधर्मता //

समयाग्रसिद्धिवरदा ददन्तु मे //

वरदानता सुगतितां गता सदा //

सकलत्रिलोकवरसिद्धिदायिका //

सुगतत्रियाध्वगतिता अनावृता //

सर्वत्र जिह्वाशतमुखेन स्तोत्रोपहारम् अधिमुच्य वज्रघण्टाधरः स्तुतिं कर्यात् /

ततो दशसु दिक्षु सर्वतथागतबोधिसत्त्वेभ्यो लौकिकलोकोत्तरबाह्यदेवताभ्यश् च सर्वपूजाभिर् बलिविधिम् उपकरणेन सहितं बलिं दद्यात् /

सुबहुपाठां पठेत् /

आदौ छटादिशब्देनाकर्षयेत् पापराशयः //

त्रिलोकविजयमुद्रेण त्र्यक्षरादिसमन्वितं //

सर्वापायसमापत्तिलोकधातुम् अशेषतः //

आकर्षणम् उद्धरणबन्धविनाशनानि //

चत्वारि मन्त्राणी सुयोजनानि /

ताड्यादिमन्त्रैः सितसर्षपताडमानैः / प्रक्षाल्यम् अस्थि सितवस्त्रसहितम् //

ओं शोधन इत्यादिमन्त्रेण उदकेन क्षालयेत् त्रयभवनमलं / ओं कंकणीत्यादिमन्त्रेण क्षलयेत् पञ्चगव्येन / ओं रत्ने रत्न इत्यादिमन्त्रेण क्षालयेत् सर्वगन्धतः / ओं अमोघावरणेत्यादिमन्त्रेण क्षालयेत् क्षीरगावितः / ओं अमृते अमृत इत्यादिमन्त्रेण क्षालयेत् मद्यम् उत्तमम् / ओं पुण्ये पुण्य इत्यादिमन्त्रेणोदकेन क्षालयेत् अन्तरान्ततः /

पुनर् मंगलगाथां पाठयेद् अभिषिञ्चेत् / मार्गशोधनं कर्तव्यं / धूपादिदेयाश् चतुर्विधमन्त्राः /

हस्तमात्रम् इदं कुण्डं कर्तव्यं होमयेत् ततः //

अनुस्मृत्य च तं सत्त्वम् अपायगतिसंस्थितम् //

होमयेत् शुभसंतानः पापावरणशान्तये //

घृतक्षीरसमाक्षिकैर् लाजासर्षपमिश्रितैः //

तिलतण्डुलव्रीह्यादि समिधासु करद्वयम् //

अन्यान्य् अपि तु कर्माणि यथा पूर्वं तथा कुर्यात् //

तेन संपद्यते क्षिप्रं सत्त्वानां च सुखावहम् // इति /

कर्मराजाग्रीनामसमाधिः /

तस्मिंश् च सत्त्वे कृते सति / ततस् ते नारकदुःखाद् विमुक्ताः सन्तस् तुषितेषु सर्वसत्त्वहितकारिणः / सुगतवद् उत्पन्नाः / तत इन्द्रेण सहितमहायशसो देवा नृत्यन्तो ऽनन्तैः पूजामेघैर् इह जन्मनि तथागतपूजार्थं पुरस्कृत्य देवगणा उत्पातितबोधिचित्ता दिव्यनानाविधपुष्पधूपदीपगन्धछत्रध्वजपताकादिभिर् अनेकाकाराभिश् च शोभितम् / वस्त्ररत्नवर्षादिभिश् च परिपूरितं कुर्वन्ति स्म नन्दनवनम् / ततो महाश्चर्यं भूतम् /

इइ अथ भगवान् वज्रपाणिर् बोधिसत्त्वो भगवतो ऽधिष्ठानेन मन्त्रकल्पराजोत्तरकल्पम् अभाषत / वीरासनाद् उत्थाय प्रहर्षन् वज्रम् उल्ललयन् शाक्याधिपं नन्दन् मुनीश्वरं प्रणम्य सर्वावरणविशोधनवज्रं नाम समाधिं समापद्येदं दुर्गतिपरिशोधनं नाम हृदयं स्वहृदयाद् निश्चचार /

ओं सर्वपापदहनवज्र हुं फट् / ओं सर्वापायविशोधनवज्र हुं फट् / ओं सर्वकर्मावरणानि भस्मीकुरु हुं फट् / ओं भ्रुं विनाशयावरणानि हुं फट् / ओं द्रुं विशोधयावरणानि हुं फट् / ओं ज्वल ज्वल धक धक हन हनावरणानि हुं फट् / ओं स्रुं सर सर प्रसर प्रसरावरणानि हुं फट् / ओं हुं हर हर सर्वावरणानि हुं फट् / ओं हुं फट् सर्वावरणानि स्फोटय हुं फट् / ओं भृत भृत सर्वावरणानि हुं फट् / ओं त्रट त्रट सर्वावरणानि हुं फट् / ओं छिन्द छिन्द विद्रव विद्रव सर्वावरणानि हुं फट् / ओं दह दह सर्वनरकगतिहेतुं हुं फट् / ओं पच पच सर्वप्रेतगतिहेतुं हुं फट् / ओं मथ मथ सर्वतिर्यग्गतिहेतुं हुं फट् /

ततस् तेषाम् उपकरणान्य् अभाषत /

ओं सर्वपापविशोधनि धम धम धूपय हुं फट् / ओं सर्वदुर्गतिविशोधनि पुष्पविलोकिनि हुं फट् / ओं सर्वापायविशोधनि ज्ञानालोककरि हुं फट् / ओं सर्वापायगतिनाशनि गन्ध हुं फट् / ओं नरकगत्याकर्षणि हुं फट् / ओं सर्वनरकगत्युद्धरणि हुं फट् / ओं सर्वापायबन्धनविमोचनि हुं फट् / ओं सर्वापायगतिगहनविनाशनि हुं फट् /

ततो मण्डलम् अभाषत / चक्रान्तरं तु मण्डलम् अष्टारैश् च सुभूषितम् //

नाभिनेमिकसंयुक्तम् अभ्यन्तरावरणिकम् //

संलिख्य नाभौ शाक्याधिपेन्द्रमुनिं संलिखेत् //

ततो वीराग्रतो लिखेद् वज्रपाणिं महाबलम् //

पृष्ठतो ऽभिसंलिखेच् चक्रवर्तिनं च //

दक्षिणे जयोष्णीषं च वामतो विजयं लिखेत् //

तेजोराशिम् अप्य् आग्नेयां सितातपत्रम् ऐशान्याम् //

विकिरिणंश् चैव वायव्यां नैरृत्यां विध्वंसकं लिखेत्//

ततो बाह्यं संलिखेत् /

चतुरश्रं चतुर्द्वारं चतुस्तोरणशोभितम् //

वीरेणांकुशपाशस्फोटघण्टाः स्थापनीयाः //

सर्वकोनेषु पुष्पादयो लेख्याः //

ततः स्रग्गन्धगन्धादिना स्वकायम् अनुलेपयेत् //

तथैव वज्राचार्यः प्रविशेत् / जः हुं वं होः / भगवन् एहि महाकरुणिक दृश्य होः / इति / सर्वदेवान् आकर्षयेत् / तथैव प्रवेश्याभिषिक्ताः सर्वदुर्गतिभ्यो विमुक्ताः स्वर्गलोकोत्तरभूमिषूद्पद्यन्ते / सर्वसिद्धयो ऽपि सिद्ध्यन्ति / सम्यक्संबोधिश् चावश्यं प्राप्यते / पूर्ववत् सर्वकर्मां कुर्वन्ति / सर्वत्राप्रतिहता भवन्ति / उन्मार्जनेन सर्वज्वरग्रहादीन् मोक्षयन्ति / वज्रपाणिर् हुंकारेण सर्वकर्माणि करोति / अन्यकल्पविधिनापि सर्वसाधको भवति / देवनागयक्षगन्धर्वासुरराक्षसादीनां दुर्गतिवशीभूतानां सर्वप्रतिबिम्बादिकम् अभिलिख्य जपहोमाभिषेकैः सर्वदुर्गतिभ्यो मुक्तिर् भवति / अथ भगवान् वज्रधरः सिंहावलोकितेन भगवतो मुखम् अवलोक्य प्रणम्यैतद् अवोचत् / भगवन् परममुद्रालक्षणम् उत्तमम् आभाषे करुणावेदनावशगचित्तेन सर्वजिना अधिष्ठानं कुर्वन्ति /

समाधिस्थो लला@टे ऽञ्जलिं कृत्वा प्रणमेत् / बुद्धानां प्रणाममुद्रा / योगवित् कण्ठप्रदेशे ऽञ्जलिं मुकुलितपद्माकृतिं कुर्यात् / पद्मकुले पद्ममुद्रा / हृदि वज्राञ्जलिं कृत्वा मध्यमांगुलीसूचीयोजयति / वज्रकुले समयमुद्रा / वामहस्तम् उत्तानम् उत्संगे स्थापयित्वा तस्योपरि दक्षिणं व्यवस्थाप्यांगुष्ठद्वयं योजयित्वा शान्तं दृष्ट्वा निरीक्षयेत् / इयं तथागतकुले समाधिमुद्रा समयः /

ताम् एव परिवर्त्यान्योन्यं योजयित्वा कनिष्ठांगुष्ठकानि शृंखलाकाराणि बद्ध्वा हृदि स्थापयेत् / इयं वज्रकुले समयमुद्रा / पूर्णाञ्जलिं कृत्वा कन्यसांगुष्ठौ सूचिं धारयेच् छेषान् प्रसारयेत् / इयं पद्मकुले पद्ममुद्रा /

वज्रबन्धं दृढीकृत्य मध्यमांगुलिं वज्रसूचीकृत्य कन्यसांगुष्ठौ प्रसारयेत् / इयं वज्रपाणेर् वज्रमुद्रा / तस्या एव कनिष्ठांगुष्ठद्वयं तथैव कृत्वा तर्जन्यनामिके पद्मपत्राकारैः कुर्यात् / इयं सर्वदुर्गतिपरिशोधनराजस्य सर्वशोधनमुद्रा / तस्या एव तर्जन्यनामिके रत्नाकारं कुर्यात् / इयम् अभिषेकमुद्रा / कन्यसांगुष्ठौ पृथक् पृथग् योजयित्वा शेषाः प्रसारिताः / सर्वप्रसहनमुद्रा /

वामहस्तस् तथैव परिवर्तितः सर्वकर्मिकमुद्रा / अञ्जलेर् ऊर्ध्वक्षेपाद् धूपमुद्रा / तस्या एवाधःक्षेपात् पुष्पमुद्रा / सैव शंखाकारो गन्धमुद्रा / एताम् एव प्रसारितां धारयेद् बलिमुद्रा / तस्या एव मध्यमाद्वयाद् अन्तरम् अर्पणमुद्रा / वज्रबन्धमध्यमाद्वयं मध्ये पर्वभंगं कृत्वा सर्वांगुलीः प्रसारयेद् विकीरिणमुद्रा / तस्या एव कन्यसाद्वयांगुष्ठद्वयम् आकृष्टं विध्वंसनमुद्रा / सैवाञ्जलिः प्रभाकारस् तेजोराशिमुद्रा / ताम् एवोष्णीषस्थाने भ्रामयेत् सितातपत्रमुद्रा / वज्रबन्धे कन्यसांगुष्ठद्वयं शृंखलाकारेण बद्ध्वोर्ध्वं भ्रामयेत् / चक्रमुद्रा / वज्रबन्धे मध्यमे वज्राकारेण तर्जन्यो रत्नाकारौ कृत्वा शेषाः प्रभाकारा जयोष्णीषमुद्रा / तथैव तर्जनीद्वयं वज्रीकृत्य शेषांगुल्यो बद्ध्वा वज्राकाराह् कुर्याद् विजयास्य / दक्षिणेन वरदा वामेनाभयदा तथागती / वज्रबन्धे तर्जनीद्वयं वज्राकारं कुर्याद् वज्रमुद्रा / एतस्या एवांगुलदक्षिणतर्जन्याकृष्टांकुशी / सैव रोपाकारा शरः / सैवाग्रांगुष्ठा स्थापिता साधुमतेः / सैव मध्ये भग्ना रत्नम् / तस्या एवांगुलयः प्रभाकारास् तेजः / ताम् एवोष्णीषे स्थापयेत् केतुमुद्रा / ताम् एवाग्रतः स्थापयेद् वाशमुद्रा / सैव पद्माकारा पद्मा / सैवाग्राकृष्टा खड्गः / ताम् एव वलयाकारां कुर्याच् चक्रम् / ताम् एव पद्मपत्राकारां जिह्वा / सैवाग्रप्रसारिता विश्वा / सैव सुप्रसारिता रक्षा / सैवाग्रतः कुंचिता यक्षा / सैवाकुंचिता बन्धम् / तस्या एव तर्जनीद्वयं कुंचितम् अंकुशम् / सैवाग्रग्रस्ता पाशः / सैवान्योन्यं ग्रन्थिता स्फोटः / ताम् एव चालयेद् तोषा /

अथ खलु भगवान् वज्रपाणिस् तं शक्रब्रह्माप्रमुखं महापर्षद्मण्डलम् अवलोक्य साधुकारैः संतोष्य साधु साधु शक्रप्रमुखा देवपुत्रा यद् युष्माकम् ईदृशं प्रतिभानं सजातं तत् साधु प्रतिपद्यध्वं देशयामि /

अथ खलु भगवान् वज्रपाणिः सर्वामितायुस्स्फरणसंभववज्रं नाम समाधिं समापद्यापरिमितायुःपुण्यज्ञानसंभारवर्धनं नाम सर्वतथागतहृदयं स्वहृदयाद् निश्चचार /

ओं पुण्ये पुण्ये महापुण्ये ऽपरिमितपुण्ये ऽपरिमितायुःपुण्यज्ञानसंभारोपचयकारिणि स्वाहा /

अस्यां सर्वतथागतहृदयधारण्यां भाषितमात्रायां सर्वापायाः प्रशान्ता मोचितश् चात्मा सर्वे नरकप्रेततिर्यग्गतिपन्नाः सत्त्वाः प्रजानन्ति /

सर्वे च लोकधातवो ऽवभासिता अवभास्य च द्वादशकारं बुद्धकृत्यं कृत्वा तस्मिन् एव सर्वतथागतहृदयधर्माक्षरे प्रविष्टान्य् अभूवन् /

अथ खलु भगवान् पुनर् अप्य् अमितायुर्वज्रप्रभाकरीं नाम समाधिं समापद्येमं सर्वतथागतायुर्वज्रं नाम हृदयधारणीम् अभाषत /

ओं अमृते ऽमृते ऽमृतोद्भवे ऽमृतसंभवे ऽमृतविक्रान्तगामिनि सर्वक्लेशक्षयंकरि स्वाहा /

अथास्यां भाषितमात्रायां तथैव सर्वसत्त्वानां सर्वदुःखानि प्रशान्तानि /

अथ भगवान् पुनर् अप्य् अमोघावरणविनाशनीं नाम समाधिं समापद्येमं सर्वतथागतावरणत्रोटनं नाम हृदयधारणीं स्वहृदयाद् निश्चचार /

ओं कंकणि कंकणि रोचनि रोचनि त्रोटनि त्रोटनि प्रतिहन प्रतिहन सर्वकर्मपरंपराणि सर्वसत्त्वानां स्वाहा /

अस्यां भाषितमात्रायां तथैव सर्वम् अभूत् /

अथ खलु भगवान् पुनर् अपि सर्वावरणविमलविशुद्धिवज्रं नाम समाधिं समापद्येमां सर्वतथागताशेषावरणविनाशनीं नाम हृदयधारणीं स्वहृदयाद् निश्चचार /

ओं रत्ने रत्ने महारत्ने रत्नसंभवे रत्नकिरणे रत्नमालाविशुद्धे शोधय सर्वपापं हुं फट् /

अस्यां भाषितमात्रायां सर्वमारभवनानि ध्वस्तानि विध्वंसितान्य् अभूवन् /

अथ खलु भगवान् पुनर् अप्य् अमोघाप्रतिहतसर्वावरणविध्वंसनिनामसमाधिं समापद्येमां सर्वतथागतहृदयधारणीं स्वहृदयाद् निश्चचार /

ओम् अमोघाप्रतिहतसर्वावरणविनाशनि हर हर हुं फट् /

अस्यां भाषितमात्रायां सर्वोपमलोकधातुः कम्पितः प्रकम्पितः संप्रकम्पितश् चलितः प्रचलितः संप्रचलितः क्षुभितः प्रक्षुभितः संप्रक्षुभितः / अनेकान्य् आश्चर्याद्भुतानि लोके संदृश्यन्ते स्म / तथैषां मण्डलं भवति /

चतुरस्रं चतुर्द्वारं चतुःपार्श्वे समन्वितम् //

चतुस्तोरणसंयुक्तं नेमिनिर्यूहसंयुतम् //

तस्याभ्यन्तरतो लेख्यं चक्रमण्डलम् उत्तमम् //

चतुरारसमायुक्तं नाभिमण्डलम् उत्तमम् //

तस्य मध्ये लिखेद् नाथं वज्रपाणिं महाबलम् //

वज्रघण्टाकरं सौम्यं पूर्णेन्दुहसिताननम् //

पूर्वारमध्यभागेषु लिखेद् अक्षोभ्यनायकम् //

दक्षिणेन लिखेद् रत्नं पश्चिमेनाम्बुजोत्तमम् //

उत्तरेणामोघाख्यातं लिखेद् वीरं महाबलम् //

चक्रवर्तिकृताटोपान् लिखेत् सर्वतथागतान् //

चन्द्रमण्डलसंकाशान् सर्वाभरणभूषितान् //

वरदाभयहस्तान् तु वज्रपर्यंकसुस्थितान् //

कोणभागेषु सर्वेषु लेख्या धूपादयस् तथा //

द्वारपालाश् च ते लेख्याः क्रुद्धाः क्रोधपरायणाः //

ततः प्रविश्य स्वयं योगी आकर्षयेद् मन्त्रदेवताः //

जः हुं वं होः भगवन् वज्र एह्य् एहि समयस् त्वम् //

ततश् चागतं नाथं पूजयित्वा समासतः //

प्रवेशयेद् मृत्युहानाय मृत्यूरगभयानि च //

ओं वज्रसमये हुं /

वज्रतेरिन्तिरीं बद्ध्वा प्रवेशयेद् रत्नकरान्वितम् //

पुष्पमालान्वितो वापि क्षेपयेद् मण्डले तु तम् //

ओं प्रतीच्छ वज्र हुं /

ततः समयं देयं / ओं वज्रसमये हुं / ततो ऽनेनोद्घाटयेद् वज्रम् / ओं वज्रहासोद्घाटय हुं / ततो ऽनेन दर्शयेत् / ओं वज्र दृश्य होः / ततो ऽभिषेकम् अनेन दद्यात् / ओं वज्राभिषिञ्च हुं / ओं बुद्धाभिषिञ्च ओं / ओं रत्नाभिषिञ्च त्रां / ओं पद्माभिषिञ्च ह्रीः / ओं कर्माभिषिञ्च अः / ततः कलशाभिषेकं दद्यात् / ओं वज्रकलशाभिषिञ्च हुं / ओं बुद्धकलशाभिषिञ्च ओं / ओं रत्नकलशाभिष्ःइञ्च त्रां / ओं पद्मकलशाभिषिञ्च ह्रीः / ओं कर्मकलशाभिषिञ्च अः / ओं मालाभिषिञ्च त्रां / ओं वज्रपटावलम्बनाभिषिञ्च त्रीं / ओं बुद्धमुद्राभिषिञ्च ओम् / ओं वज्रमुद्राभिषिञ्च हुं / ओं रत्नमुद्राभिषिञ्च त्रां / ओं पद्ममुद्राभिषिञ्च ह्रीः / ओं कर्ममुद्राभिषिञ्च अः / ओं वज्रनामाभिषिञ्च ओं हुं त्रां ह्रीः अः / ओं कर्माभिषिञ्च हुं अः / ओं वज्रचक्राभिषिञ्च हुं भ्रूम् / ओं वज्रचक्राधिपतिस् त्वाम् अभिषिञ्च (येत्) ओं ओं ओं / हुं हुं हुं / त्रां त्रां त्रां / ह्रीः ह्रीः ह्रीः / अः अः अः / ओं वज्रधारिण्य् अभिषिञ्च हुं / ओं तथागतधारिण्य् अभिषिञ्च ओं / ओं रत्नधारिण्य् अभिषिञ्च त्रां / ओं पद्मधारिण्य् अभिषिञ्च ह्रीः / ओं कर्मधारिण्य् अभिषिञ्च अः / ओं सर्वतथागतगुह्याभिषिञ्च ओम् / ओं वज्रगुह्याभिषिञ्च हुं / ओं रत्नगुह्याभिषिञ्च त्रां / ओं पद्मगुह्यभिषिञ्च ह्रीः / ओं कर्मगुह्याभिषिञ्च अः / ओं प्रज्ञोपायसमायोगाभिषिञ्च हुं अः /

एवम् अभिषिञ्च्यायुर्वर्धनीं विद्यां दद्यात् / ओं वज्रायुषि हुं अः / अस्यः साधनं भवति /

वज्रायुर् भगवाञ् चन्द्रमण्डलारूढश् चन्द्राभः सर्वाभरणमण्डितः / अभयहस्तो वरदश् च / अमृतं क्षरन्तं / तस्याधस्तात् साधकं प्रसारितांजलिहस्तं ऊर्ध्वमुखं भगवन्तं निरीक्षयन्तं लिखेत् / पञ्चोपचारेण पूजां कृत्वा तस्याग्रतः शतसहस्रं जपेत् /

ततः पूर्णमास्यां महतीं पूजां कृत्वा कपिलागोघृतं नवे भाण्डे स्थाप्य वामवज्रेणाक्रम्य भगवन्तं प्रध्यायन् सकलां रात्रीं जपेत् / ततो गन्धं विनस्यति / अपूर्वं वा गन्धम् उद्वहति / ऊष्मा धूमः शिखा वा निश्चरति / रश्म्युल्का प्रमुञ्चति / एवम् आदिभिर् निमित्तैस् तद् घृतं नवनीतं तैलं वा / उदकं दधि क्षीरं मद्यं रुधिरं वसाम् अस्थिकां वा / मांसं वान्यतमं वा संप्रसाध्य प्रत्यूषे रक्षादिकं च कृत्वा / आत्मानंश् च संशोध्य पिबेद् भक्षयेत् / यथा निमित्तेन यावदा चन्द्रार्कायुर् भवति / वज्रसत्त्वश् चेति / अधमेनाधमा सिद्धिर् भवेत् / नात्र संशयः / निर्मित्तेन भवेल् लोके निर्व्याधिर् मेधान्वितः / वलिपलितसुखात्मा दृढकायः शतायुः / अन्यान्य् अपि कर्माणि शान्तिपुष्टिवशादिकं करोत्य् अविचारेण जापमात्रात् / न संशयः /

अथ चत्वारो महाराजानो भगवन्तं वज्रपाणिं प्रणिपत्यैवम् आहुः / वयम् अपि भगवन् सर्वसत्त्वानाम् अर्थाय हिताय सुखाय स्वकस्वकानि हृदयानि भाषयामः / आज्ञापयतु भगवान् आज्ञापयतु वज्रधृक् / साधु साधु महाराजानो देशयध्वम् अहम् अनुमोदे / अधितिष्ठामि स्वसमयम् /

अथ वैश्रवणो महायक्षराजा भगवदनुज्ञातो ऽनुमोदितो ऽधिष्ठितस् स्वहृदयं स्वहृदयाद् निश्चचार / ओं वैः / अथ धृतराष्ट्रस् तथैव स्वहृदयम् अभाषत / ओं धृः / अथ विरूढकः कुम्भाण्डमहाराजा स्वहृदयम् अभाषत / ओं विः / अथ विरूपाक्षो नागमहाराजा तथैव स्वहृदयम् अभाषत / ओं क्षः /

अथ तेषां मण्डलं भवति /

चतुरस्रं चतुर्द्वारं पञ्चमण्डलमण्डितम् //

तस्य मध्ये लिखेद् नाथं वज्रपाणिं सगर्वितम् //

तस्य वामे पार्श्वे तु लिखेद् वैश्रवणं शुभम् //

गदानकुलिकाहस्तं रत्नाभरणमण्डितम् //

स्थूलं सिंहासनारूढं हेमवर्णं महाद्युतिम् //

भद्रकुम्भादिरत्नौघवर्षयन्तं लिखेद् बुधः //

पुरतो धृतराष्ट्रं तु वीणावादनतत्परम् //

ललितं श्यामवर्णं तु सर्वाभरणभूषितम् //

दक्षिणेन लिखेद् वीरं खड्गहस्तं विरूढकम् //

पश्चिमेन विरूपाक्षं वज्रपाशधरं परं //

फणैः सप्तभिः संपूर्णं लोहिताक्षिभिर् निर्गतम् //

द्वारदेशेषु सर्वेषु द्वारपालास् तथैव च //

ततः प्रविशेत् स्वयं मन्त्री मुद्रया चक्रसंज्ञया //

आकर्षयेद् भगवन्तं ततो राज्ञः समाहरेत् //

आकृष्य पूजयेद् विद्वान् अर्घपात्रैर् यथाविधि //

ततः प्रवेशयेच् छिष्यान् पुष्पमालाविभूषितान् //

राजानं क्षत्रियं वापि ब्राह्मणादिकम् एव वा //

मन्त्रेणानेन मन्त्रज्ञो मुद्रया वज्रधारया //

ओं वज्रसमये हुं /

ततः पुष्पं रत्नं वा क्षेपयेद् अनेन च / ओं वः प्रतीच्छध्वं महोत्तमाः / पतति यस्य राजस्य सो ऽस्य सिध्यति नान्यथा //

ततो ऽभिषिञ्चेत् कलशैश् चतुर्भिः कोणसंस्थितैः //

पञ्चमं वज्रपाणेस् तु मुद्रयैवाभिषिञ्चयेत् //

एवम् आदिक्रमेणैव मण्डलाख्याभिषिञ्चनात् //

अथ राजाभवते राजा राजा भवते महान् //

जम्बुद्वीपपतिश् श्रीमाञ् चतुर्द्वीपपतिर् वरः //

चतुरभिषेकाच् च चतुर्द्वारप्रवेशनात् //

तस्याहं वज्रधरो राजा पालयामि स्वपुत्रवत् //

वयं चतुर्महाराजाः पालयामः सततं नृपम् //

सभृत्यपरिजनन् तु सराष्ट्रपुरमण्डलम् //

दुष्टान् तस्य हनिष्यामः परराष्ट्रं च तस्य च //

व्याधिमृत्युभयं चापि दुर्भिक्षम् ईत्युपद्रवम् //

वैश्रवणः कुरुते पुष्टिं धृतराष्ट्रस् तु शान्तिकं //

विरूढको ऽकालमृत्युं हन्यात् सपशुबान्धवान् //

विरूपाक्षः कुरुते क्षेमं दुर्भिक्षादिविनाशनम् //

संक्षेपतो वयं तस्य सर्वाशां सर्वचिन्तितं //

करोम वज्रपाणिस् तु द्रोहं यदि न निश्चयात् //

अथ दशदिग्लोकपाला भगवन्तं प्रणिपत्यैवम् आहुः //

वयम् अपि भगवन् सर्वसत्त्वहितसुखाय //

स्वकस्वकानि हृदयानि प्रददामः //

साधु साधु लोकपालाः साधु साधु वदतेति //

अथेशानो भूताधिपतिर् हृदयं ददाति /

ओं इ / ओम् ई / ओं अः / ओं यः / ओं ऋः / ओं वः / ओं यः / ओं कुः / ओं आः / ओं व्रः /

अथैषां मण्डलं भवति / मण्डलं पूर्ववद् लिखेद् मध्ये नाथं तथैव च //

दिक्पालास् तु स्वदिग्भागे स्थापयेत् पुरतो द्वयम् //

आदित्यं वराहरूपन् तु द्वारपालास् तथैव च //

ततश् चाकृष्य तान् सर्वान् पूजयेत् सर्वपूजया //

ततः प्रवेशयेत् शिष्यान् प्रविश्य स्वयम् एव तु //

अभिषिञ्चयेत् कलशैश् च दिक्पालादिमन्त्रितैः //

ततो दद्याद् धृदयं साधनाय हितैषणतः //

सिध्यन्ते ऽविचाराश् च दिक्पालास् स्वदिक्स्थिताः //

अथ ते तुष्टा एवम् आहुः / यः कश्चिद् भगवन् राजा क्षत्रियो वा मूर्ध्न्य् अभिषिक्तः / एतद् मण्डलं प्रविश्याभिषेकं गृह्णेत् / अन्यो वा श्राद्धः कुलपुत्रो वा कुलदुहिता वा / तस्य वयं भगवन् सर्वदा सर्वत्र रक्षावरणगुप्तिं संविधास्यामः / परराष्ट्राणि च वर्धयिष्यामः / कालेन कालं वर्षिष्यामः / सस्यपुष्पफलानि च निष्पादयिष्यामः /

अथ यमो महाधर्मराजा भगवन्तं प्रणम्यैवम् आह /

अहं भगवन् तस्य महाराज्ञ आयुर् ददामि / अष्टकालमरणानि प्रतिबाधयामि /

नैरृतो महाराक्षसाधिपतिर् एवम् आह / अहं भगवन् तस्य राज्ञो राजपुत्रस्य ब्राह्मणस्य क्षत्रियस्य वान्यतरेषु वा मनुष्येषु न व्याधिप्रेतपिशाचभयं न राक्षसभयादिकं नाकालमृत्युभयं करिष्यामि / सर्वदा रक्षावरणगुप्तिं करिष्यामि /

अथ वरुणो महाराजैवम् आह / अहं भगवन् तस्य महाराज्ञः सर्वदा सर्वत्र सर्वविषयं प्रतिपालयिष्यामि / आरक्षां च करिष्यामि / सस्यानि च निष्पादयिष्यामि / नागदोषानि च न प्रयच्छामि / विषाशनीञ् च नोत्सृजामि / सर्वाकालमरणानि च प्रतिबाधयामि /

अथ वायव्याधिपतिर् एवम् आह /

अहम् अपि भगवन् तस्य महासत्त्वस्य सर्वदा वायुभयं नोत्सृजामि / नाकालवातं चोत्सृजामि / सर्वसस्यपुष्पफलानि च परिनिष्पादयिष्यामि / सर्वभयञ् च प्रतिबाधयामि /

अथ कुवेरो महायक्षराजा भगवन्तं नमस्यैवम् आह / अहं भगवन् तस्य महासत्त्वस्याष्टाशीतिभिर् महायक्षसेनापतिभिः सहागत्य सर्वकालोद्योगेन सर्वदा सर्वभयं प्रतिबाधयामि / सर्वधनधान्यसमृद्धिञ् च करोमि / स्वजनपरिजनदेशविषयभृत्यबन्धुबान्धवमित्रपुत्रदुहितृभार्यादिरक्षां च करोमि / गोगव्यखरोष्ट्रमेषगजवाजिच्छागलादिरक्षं करोमि /

अथेशानः सर्वभूताधिपतिर् भगवन्तं प्रणिपत्यैवम् आह / अहं भगवन् तस्य राज्ञो राजपुत्रस्य क्षत्रियस्य ब्राह्मणस्य वा / इहामुत्र परित्राणं परिग्रहं परिपालनं शान्तिं स्वस्त्ययनं दण्डपरिहारं शस्त्रपरिहारं विषदूषणं विषनाशनं सीमाबन्धं धरणीबन्धं दिग्बन्धं वज्रप्राकारं वज्रकीलनं वज्रपञ्जरं च करोमि / सर्वकार्येषु प्रत्युपस्थापयामि / कार्येष्व् अकार्येसु निमित्तं च दर्शयामि / स्वप्ने च सर्वं शुभं कथयामि / साधयतो ऽविघ्नेन सर्वसिद्धिं च दास्यामि /

अथाकाशचारी खगपतिर् भगवन्तं प्रणिपत्यैवम् आह / अहं भगवन् सर्वदा सर्वं च पथिगतस्य राज्ञो राजपुत्रस्य राजामात्यस्य ब्राह्मणस्य क्षत्रियस्य वा स्वयम् आगत्य सर्वपरिवारेण रक्षावरणगुप्तिं संविधास्यामि / सर्वावरणं प्रतिवारयामि / सर्वव्याधिम् अपनयामि / सर्वदा चानुबद्धो भवति / अथ पातालाधिपतिर् महावराहो भगवन्तं नमस्यैवम् आह / अहं भगवन्तस्य नराधिपतेश् च नृपसुतस्य वा द्विजातेर् द्विजसुतस्य वा क्षत्रियवैश्यशूद्रस्य वान्यतरस्य श्राद्धस्य कुलपुत्रस्य कुलदुहितुर् वा सर्वदा सर्वार्थं निष्पादयिष्यामि / सर्वभयेषु च रक्षां करिष्यामि / अनेनापि परित्रायिष्यामि /

अथाष्टौ महाग्रहाः सनक्षत्रपरिवारा एवम् आहुह् / वयं भगवन् सपरिवाराः स्वकस्वकानि हृदयानि ददामः / तद् भगवान् अधितिष्ठतु / साधु साध्व् अधितिष्ठंतु मया भाषध्वं महाग्रहाः / अथादित्यादयो महाग्रहा भगवन्तं नमस्याभाषन्त /

ओम् आः / ओं सोः / ओं अः / ओं बुः / ओं ब्र्ः / ओं शुः / ओं साः / ओं राः /

अथैषां मण्डलं भवति /

मध्ये भगवन्तं वज्रपाणिं त्रैलोकविजयरूपं संलिख्य /

समन्ताच् चत्वारो महासमुद्रान् लिखेत् //

शुक्रन्तु तस्य पुरतः सोमं पृष्ठतो लिखेत् //

दक्षिणे बृहस्पतिं लिखेद् वामतश् च बुधं लिखेत् //

अग्निस्थाने तु चांगारम् आदित्यं वायव्यां दिशि //

शनिश्चरं तु ऐशान्यां राहुं राक्षससन्निधौ //

नक्षत्रं सर्वत्र लेख्यं समन्ताद् बाह्यमण्डले //

द्वारे द्वारे तथा द्वारीं लिखेच् च क्रोधमानसम् //

वज्रधार्या प्रविश्य सर्वान् आवाहयेत् //

वज्रांकुशादिभिर् इति ततश् शिष्यान् प्रवेशयेत् //

ओं वज्र हन हुं फट् / ओं वज्रग्रहसमये हुं फट् / ओं वज्रग्रह प्रतीच्छ समये हुं /

ततो ऽष्टभिः कलशैर् अभिषिञ्चेत् //

अष्टग्रहाभिमन्त्रितैः //

ततो वज्रमुद्रयाभिषिञ्चेत् //

ततस् सर्वग्रहं साधयेत् //

अथ ते महाग्रहा भगवन्तं नमस्यैवम् आहुः / वयं भगवन् अष्टौ महाग्रहास् तस्य महाराज्ञो राजपुत्रस्य वा सर्वदा सर्वत्र तथैव सर्वं करिष्यामः / अथ नक्षत्रक्षणलवमुहूर्तकरणतिथियोगराशिलग्नविष्टिमण्डलादिदेवतास् तथैव नमास्यैवम् आहुः / वयम् अपि भगवन् सर्वदा तस्य महासत्त्वस्याज्ञां नोत्सृजामः / भृत्यवत् प्रतिपालयामः / सर्वनगरनिगमजनपदराष्ट्रराजधानीं च प्रतिपालयामः / उत्पन्ने तु महाभये युष्माकं पूजयिष्यति तस्यावश्यं तद् भयं न भविष्यति /

अथाष्टौ महानागाः फुंकारध्वनिना भगवन्तं संतोष्यैवम् आहुः /

वयं भगवन् सर्वेषां गुह्यहृदयं दास्यामः /

साधु साधु महानागा ददध्वं हृदयं वरम् / अथ ते तुष्टा महानागा भगवन्तं नमस्यैवम् आहुः /

ओं फुः / ओं फः / ओं फुं / ओं फां / ओं फीः / ओं फेः / ओं फईः / ओं फौः /

अथैषां मण्डलं भवति /

अष्टपत्रं महापद्मं संलिखेच् छ्वेतवर्णकम् //

तस्य मध्ये लिखेद् नाथं वज्रपाणिं सुकृष्णकम् //

समन्तात् सप्तफणं तर्जयन्तं महोरगम् / अनन्तं तक्षकं चैव कर्कोटं कुलिकं तथा //

वासुकिं शंखपालं च पद्मं वै वारुणं तथा //

एते लेख्याः समासेन पत्रे पत्रे फनज्वलाः //

सप्तसप्तफणा लेख्याः सभार्याः कण्ठसमागमाः //

कलशाष्टकं संस्थाप्य बलिनैवेद्यशोभितम् //

घृतक्षीरसमाक्षिकं कृत्रिमाश् चापि भेदकाः //

ततः संप्रविश्य वज्रात्माकर्षयेत् पाणिना फणैः //

फुंकारसहितैस् तु जः हुं वं होः प्रवर्तयेत् //

ततः प्रवेश्य तान् सर्वान् राजं क्षत्रियम् एव वा / अभिषिञ्चेत् फुंकारैर् विषदोषमलापहैः /

ततः सिध्यन्ति सर्वे ते नागा नामग्रहाद् अपि //

अथ ते समन्तं तुष्टा भगवन्तं नमस्य च //

प्रणिधानं प्रकुर्वन्ति स्थित्वा प्राञ्जलयः पुरः //

वयं भगवतः शासनाभिरतस्य यद् इदं मण्डलं प्रविष्टस्य विषंवादयामः / तदा भगवन्तम् एव विषंवादयामः / तदास्माकं तप्तवालुका भविष्यन्तु / आदीप्तेन वज्रेनास्माकं मूर्ध्नि स्फुटिष्यन्ति / सततं समितं च तस्य महासत्त्वस्य रक्षावरणगुप्तिं करिष्यामः / महौजोबलवीर्यं क्षेप्स्यामः / निर्विषं चापि विषं करिष्यामः / कालेन कालं वर्षयिष्यामः / सर्वसस्यानि निष्पादयिष्यामः / सर्वपरराष्ट्राणि च विकालवृष्टिम् उत्सृजामः / सर्वभयं विनाशयिष्यामः/ जिनाज्ञया वज्रधराज्ञया प्रतिपालयिष्यामः /

अथ साधनं भवति /

फुंकारं जपेल् लक्षं ध्यात्वा वज्रधरं प्रभुम् //

सितांशुमालिनं दिव्यं शिखायां फणावस्थितम् //

ततो विषं गृह्य ध्यात्वा फुंकारमण्डलम् //

रश्मिमालाकुलं दिव्यं फुंकारं तत्र चिन्तयेत् //

आकर्षयेद् हृतकृतिफणिपाशाकृतिकरेण //

फुंकारवातेन समीरयेत् तं विषं समस्तम् //

तनुरस्थिमांसगम् //

ततः सर्वकर्माणि कुर्याद् विषज्वरगरादिकं //

मुष्ट्या वै हरेत् सर्वं किं पुनः फणमुद्रयेति //

अथ महाभैरवो महादेवाधिपतिर् अष्टभिर् महामातृकाभिः परिवृतो भगवन्तं प्रणिपत्यैवम् आह / मद्भयान् मातृकाभयाच् च भगवन् सर्वदेवनागादयः संत्रस्ता वित्रस्ताः प्रत्रस्ता अधोमुखीभूता निमग्ना नष्टचेतसः परिभ्रमन्ति तु तेषां हितार्थाय हृदयं प्रदास्यामि / तत् साधु भगवान् अधितिष्ठतु / साधु साधु महाभैरव सुभैरव भाषस्व स्वहृदयं दिव्यमातृकाणां च सर्वासाम् /

अथ महाभैरवः सुभैरवनादं नदन् एवम् आह /

ओं भैरवैः भीः स्वाहा / ओं भाः स्वाहा / ओं भीः स्वाहा / ओं भूः स्वाहा / ओं भेः स्वाहा / ओं भैः स्वाहा / ओं भोः स्वाहा / ओं भं स्वाहा / ओं भः स्वाहा /

इत्य् एते भगवन् अष्टौ भैरवाः समाज्ञाकराः / अथैषां मण्डलं भवति /

अष्टारं महाचक्रं लिख्य मध्ये निवेशयेत् //

वज्रपाणिं महाक्रोधं त्रिलोकविजयावहं //

तस्य पादतले क्रुद्धं भैरवाणां महाधिपम् //

लिखित्वा भैरवीयुक्तं लिखेद् अन्यान् यथासुखम् //

आरमध्येषु सर्वेषु लिखेद् भैरवम् अष्टकम् //

मातृकाभिश् च समायुक्तं तत्क्रोधास्यक्रुद्धमानसम् //

द्वारे द्वारे तथैवेह लिखेद् द्वारिं सुक्रोधनम् //

ततो वाह्यांकुशादिभिः पुजयित्वा कपालया रुधिरपूर्णया //

मद्यं मांसं बलिं दिव्यं रुधिरपूर्णभाजनम् //

कपालं मुण्डनखण्डं चाष्टौ कलशान् पूरितान् //

रुधिरैर् आसवैर् वापि स्थापयेत् तस्य मण्डले //

ततः प्रवेशयेच् छिष्यान् त्रिलोकविजयापरः //

अभिषिञ्चेत् कपालेन कलशैर् अपि चाष्टभिः //

ततः कर्माणि दद्यात् / मातृकागृह एकलिंगे वा त्रिलोकमथने वरं //

पूजां कृत्वा यथान्यायं जपेल् लक्षचतुष्टयं //

ततो नादं प्रश्रुयते भैरवस्य महात्मनः //

निर्भीर् अर्घं प्रयच्छेत् कपालेन सुरक्तिना //

ततः पश्यति तं क्रुद्धं भैरवं दुष्टमानसम् //

मातृकागणसंपूर्णम् अष्टभिर् भैरवैर् वृतम् //

तं दृष्ट्वा निर्भयो भूत्वा दद्याद् मांससुपूरितम् //

कपालं वासवैः पूर्णं हुंकारम् अनुस्मरेण //

ततस् तुष्टः प्रसिध्येत भैरवो दुष्टघातकः //

ब्रूयात् किम् इच्छेति तद् दद्यात् तुष्टमानसः //

रसरसायनं द्रव्यं खड्गं चक्रं त्रिशूलकम् //

स्वर्गमर्त्यपातालं राज्यं द्वीपचतुष्टयं चापि //

शक्रत्वं यक्षेश्वर्यं राक्षसत्वं विद्याधरत्वं //

विद्याधरचक्रवर्तित्वं त्रैलोक्याधिपतित्वम् //

मुक्त्वा भूमिदानञ् चेति / किंकरत्वं चापि स्वयगणं मातृकां वा ददाति //

यथेष्टान्यतमां सिद्धिं प्रार्थयेत् //

हुंहृतिना सुखिना दत्त्वा विहसन् याति //

भीतं मारयते क्षणात् //

अथ ब्रह्मादयो महादेवा भगवन्तं नमस्यैवम् आहुः / वयम् अपि भगवत आज्ञया स्वकल्पं भाषयामः / तद् भगवान् कम्पाम् उपादायाधितिष्ठतु / अथ ब्रह्मादयो देवाः स्वहृदयम् अभाषन्त /

ओं ओं / ओं विः / ओं रुः / ओं इः / ओं कः / ओं गः / ओं भृः / ओं कः /

अथैषां मण्डलं भवति /

मण्डलं पूर्ववल् लिखेद् मध्ये त्रैलोक्यसंग्रहम् //

तस्याग्रतो लिखेद् वीरम् ईश्वरं शूलपाणिम् //

पृष्ठतो विलिखेद् ब्रह्माणं वामतश् चक्रपाणिम् //

दक्षिणेन लिखेद् इन्द्रं स्वमुद्राकरचिह्नितम् //

द्वारपालास् तथैवेह भार्या एसां स्वमण्डले //

कलशान् पूर्णकुम्भांश् च स्थापयेद् बाह्यमण्डले //

बलभद्रं दीप्तमहर्द्धिकम् //

ततः प्रविश्य तान् देवान् आह्वयति विचक्षणः //

जः हुं वं होः सुराः सर्वे प्रविशध्वं पुरोत्तमे //

अथ तान् ततो द्र्ष्ट्वा पूजयेद् महासुखैः //

ततः प्रवेशयेच् छिष्यान् मुद्रया वज्रधारया //

ओं प्रतीच्छध्वं महासत्त्वा वज्रधराज्ञया हुं ह ह ह होः /

पुष्पान् प्रक्षिप्य यथावच् चक्षुर् उद्घाट्य दर्शयेत् //

ततो ऽभिषिञ्चेत् तोयेन कलशाद् अभिमन्त्रितम् //

ततः सर्वं प्रदद्यात् तद् देवानां तु यथेप्सितम् //

लक्षम् एकं द्विलक्षं वा कृत्वा सेवाप्ररोचितम् //

साधयेत् साधकस् तेषाम् ईश्वरादिसुरोत्तमान् //

एकलिंगादिषु स्थान अथ वा वज्रपाणिनः //

गृहे तथागते चापि सधातुवरचैत्यके //

साधयेत् साधको नित्यं सर्वदेवान् यथावद् इति //

अर्धरात्रे ततो देवा गत्वा वेदय ते ध्रुवम् //

ईप्सितं त्वया किं हितं दास्यामो यथासुखं //

वद भद्र द्रुतं चिन्त्य येन दास्यामस् ते वरम् //

ततो याचते मन्त्रज्ञो वरसिद्धिं तु देवते //

रसरसायनं दिव्यम् अन्तर्धानं तु खे गमम् //

गुलिकाराजद्रव्यादि याचयेद् मनैषिणाम् // इति