कर्मवस्तु

कर्मवस्तु

कर्मवस्तु

(msv ii 199) कर्मवस्तुनि (285व्1 = ग्ब्म् 6.883) उद्दानम्* //

काशिषु वासवग्रामकं सेनाञ्जयवस्तुकम्* / चण्पायां भगवान् बुद्धः अकर्माणि प्रतिक्षिपेत्* //

काशिषु वासवग्रामके सेनांजयो नाम भिक्षुः प्रतिवसति / तम् आगम्य वासवग्रामका ब्राह्मणगृहपतयो बुद्धधर्मसंघेषु कारान् कुर्वन्ति / ये आगन्तुका भिक्षवो वासवग्रामकम् आगच्छन्ति तान् असौ प्रतिशाम्य सर्वोपकरणैः प्रवारयित्वा मार्गश्रमे प्रतिविनोदिते येषु कुलेषु पिण्डका उपनिबद्धास् तेषु भोक्तुं प्रेषयति / यावद् अन्यतमः सालोहितो वासवग्रामके वर्षा उषितः / त्रयाणां वार्षिकाणां मासानाम् अत्ययात् कृतचीवरो निष्ठितचीवरः समादाय पात्रचीवरं येन श्रावस्ती तेन चारिकां प्रक्रान्तो ऽनुपूर्वेण चारिकां चरन् श्रावस्तीं अनुप्राप्तः /

आचरितं षड्वर्गिकाणाम् अशून्यं जेतवनद्वारम् अन्यतरान्यतरेण षड्वर्गिकेण / उपनन्दो जेतवनद्वारे तिष्ठति / तेनासौ दूरत एव दृष्टो बकाकारशिराः प्रलम्बभ्रूः / स संलक्षयति / को ऽप्य् अयं स्थविरो भिक्षुर् आगच्छति / प्रत्युद्गन्तव्यम् इति / स प्रत्युद्गतः / स्वागतं स्वागतं स्थविर इति / स कथयति / वन्दे आचार्य इति / स संलक्षयति / महल्लो बतायम्* / नायम् आचार्यं जानीते नाप्य् उपाध्यायम् इति / सालोहित कियद् दूराद् आगच्छसि / वासवग्रामकात्* / किं तत्र / विहारः / किम् असौ विहारः / आहोस्विद् (msv ii 200) विघातः / कीदृशो विहारः / कीदृशो विघातः / यत्रोपकरणसंपत् स विहारः / यत्रोपकरणवैकल्यं स विघातः / यद्य् एवं विहारो ऽसौ यत्र सेनांजयो नाम भिक्षुः प्रतिवसति / तम् आगम्य वासवग्रामीयका ब्राह्मणगृहपतयो बुद्धधर्मसंघेषु कारान् कुर्वन्ति / इतश् च तत्रागन्तुको भिक्षुर् आगच्छति / तम् असौ प्रतिशाम्य सर्वोपकरणैः प्रवारयित्वा मार्गश्रमे प्रतिविनोदिते येषु कुलेषु भिक्षूणां पिण्डका उपनिबद्धास् तेषु भोक्तुं प्रेषयति /

आचरितं षड्वर्गिकाणां यत् किंचिद् एव शृण्वन्ति तद् रात्रौ संनिपत्य परस्परम् आरोचयन्ति / नन्दोपनन्द कियच् चिरम् अस्माभिः कृच्छ्रम् उद्वोढव्यम्* / अस्ति किंचिद् युष्माकं किंचिच् छ्रुतं यत्रोदारावभासो भवेद् इति / उपनन्दः कथयति / अस्ति / काशिषु वासवग्रामके सेनांजयो नाम भिक्षुः प्रतिवसति / तम् आगम्य वासवग्रामीयका ब्राह्मणगृहपतयः पूर्ववद् यावद् भोक्तुं प्रेषयति / यद्य् अभिप्रेतं तत्र गच्छामः / ते समादाय पात्रचीवरं येन वासवग्रामकस् तेन चारिकां प्रक्रान्ताः / अनुपूर्वेण चारिकां चरन्तो वासवग्रामकम् अनुप्राप्ताः / ते सेनांजयेन दूरत एव दृष्टाः / स संलक्षयति / आगता ह्य् एते दुष्ठुलसमुदाचाराः / प्रतिशामयित्वा सर्वोपकरणैः प्रवारयितव्याः / नो तु कुलानि भोक्तुं प्रेषयितव्या इति / ते अनेन प्रतिशामयित्वा सर्वोपकरणैः प्रवारिताः / नो तु कुलानि भोक्तुं प्रेषिताः / तेषाम् एके कथयन्ति / नन्दोपनन्द वयम् अनेन महल्लेन सर्वोपकरणैः प्रवारिताः / नो तु कुलानि भोक्तुं प्रेषिता इति / अपरे कथयन्ति / एकं तावत् संपन्नं कुलान्य् अपि (286र्1 = ग्ब्म् 6.884) प्रेषयिष्यतीति / (msv ii 201) यावन् नवको भिक्षुर् आगतः / स तेन प्रतिशामयित्वा सर्वोपकरणैः प्रवारितो मार्गश्रमे प्रतिविनोदिते कुलानि भोक्तुं प्रेषितः / षड्वर्गिकाः प्रकुपिताः कथयन्ति / नन्दोपनन्द कीदृशो ऽयं महल्लः छन्दद्वेषी / यदि तावत् पूर्वम् आगतास् ते वयम्* / यदि वृद्धास् ते वयम्* / अथ बहुश्रुतास् ते वयम्* / एष भिक्षुर् अचिरेणाभ्यागतो नवकः प्रकृतिज्ञः / सो ऽनेन सर्वोपकरणैः प्रवारयित्वा कुलानि भोक्तुं प्रेषितो नो तु वयम्* / स तैर् उपालब्धः /

महल्ल ईदृशस् त्वं छन्दद्वेषी / यदि तावत् पूर्वम् आगतास् ते वयं पूर्ववद् यावत्* / स त्वया सर्वोपकरणैः प्रवारयित्वा कुलानि भोक्तुं प्रेषितो नो तु वयम्* / स्थविरा किंचित् परिहीयते / षड्वर्गिकाः संजातामर्षाः कथयन्ति / न तूष्णीं स्थातव्यम्* / तद् अपरं प्रतिवदति / स तैर् अभ्याहतः / तूष्णीम् अवस्थितः / तैस् तस्याचोदयित्वास्मारयित्वा वस्तुकर्मप्रतिज्ञाया बलाद् उत्क्षेपणीयं कर्मं कृतम्* / स संलक्षयति / दुःखं ब्राह्मणगृहपतयः प्रसाद्यन्ते सुखम् अप्रसाद्यन्ते / यदि स्थास्यामि वासवग्रामीयका ब्राह्मणगृहपतयः प्रसादं प्रवेदयिष्यन्ते / सर्वदा प्रक्रमितव्यम् इति / स समादाय पात्रचीवरं येन श्रावस्ती येन चारिकां प्रक्रान्तो ऽनुपूर्वेण चारिकां (msv ii 202) चरन् श्रावस्तीम् अनुप्राप्तः / स भिक्षुभिर् दृष्ट उक्तश् च / स्वागतं स्वागतम् आयुष्मन्* / सेनाञ्जयिन् प्रीता वयं त्वद्दर्शनेन नो त्व् आगमनेन / किं कारणम्* / त्वाम् आगम्य वासवग्रामीयका ब्राह्मणगृहपतयो बुद्धधर्मसंघेषु कारान् कुर्वन्ति / आगन्तुकानां गमिकानां च वासवग्रामकं प्रतिशरणम्* / अस्त्य् एतद् एवम्* / मम तु षड्वर्गिकैर् अचोदयित्वास्मारयित्वा वस्तुकर्मप्रतिज्ञाया बलाद् उत्क्षेपणीयं कर्म कृतम् / किं कारणम्* / तेन यथावृत्तम् आख्यातम्* / ते ऽवध्यायन्तः क्षिपन्तो विवाचयन्त एतत् प्रकरणं भिक्षवो भगवत आरोचयन्ति / भगवान् आह / तस्मात् तर्हि भिक्षवो व्यग्रेण न भिक्षुभिर् अचोदयित्वास्मारयित्वा वस्तुकर्मप्रतिज्ञया बलाद् उत्क्षेपणीयं कर्म कर्तव्यम्* / कुर्वन्ति / सातिसारा भवन्ति /

बुद्धो भगवान् चण्पायां विहरति गर्गायाः पुष्करिण्यास् तीरे / तेन खलु समयेन षड्वर्गिका भिक्षव इमान्य् एवंरूपाण्य् अधर्मकर्माणि कुर्वन्ति / तद्यथा अधर्मेण कुर्वन्ति व्यग्राः / अधर्मेण कुर्वन्ति समग्राः / एतत् प्रकरणं भिक्षवो भगवत आरोचयन्ति / भगवान् आह / तस्मान् न भिक्षुभिर् इमान्य् एवंरूपाण्य् अधर्मकर्माणि करणीयानि / तद्यथा अधर्मेण व्यग्रैर् अधर्मेण समग्रैः धर्मेण व्यग्रैः / कुर्वन्ति / सातिसारा भवन्ति /

उद्दानम्* /

न एक एकेन न द्वौ न संबहुलाः कृताः / न गणो गणस्य कर्माणि पंच संघकर्मणां स्वामिनः //

बुद्धो भगवान् चण्पायां विहरति गर्गायाः पुष्करिण्यास् तीरे / तेन खलु समयेन षड्वर्गिका भिक्षव इमान्य् एवंरूपाण्य् अधर्मकर्माणि कुर्वन्ति / तद्यथा एको ऽप्य् एकस्य / एको द्वयोः / एकः संबहुलानाम्* / द्वाव् अपि द्वयोः / द्वाव् एकस्य / द्वौ संबहुलानाम्* / संबहुला अपि संबहुलानाम्* / संबहुला एकस्य / संबहुला द्वयोः / (286व्1 = ग्ब्म् 6.885) गणो गणस्य / एतत् प्रकरणं भिक्षवो भगवत आरोचयन्ति / भगवान् आह / तस्मान् नैकेनैकस्य कर्म कर्तव्यम्* / नैकेन द्वयोः / नैकेन संबहुलानाम्* / न द्वाभ्यां द्वयोः / न द्वाभ्याम् एकस्य / न द्वाभ्यां संबहुलानाम्* / न संबहुलैः संबहुलानाम्* / न संबहुलैर् एकस्य / न संबहुलैर् द्वयोः / न गणेन गणस्य / कुर्वन्ति / सातिसार भवन्ति /

अपि तु भिक्षवः पंच संघकर्मणां स्वामिनः / कतमे पंच / चत्वारो भिक्षवः संघः / पांचापि भिक्षवः संघः / दश भिक्षवः संघः / विंशतिर् भिक्षवः संघः उत्तरे च / पंच संघाः /

तत्र भिक्षवो यत्र चत्वारो भिक्षवः प्रतिवसन्ति / अर्हति तत्र संघो धर्मेण सर्वकर्माणि कर्तुम्* / स्थापयित्वा पांचानां प्रवारणां दशानाम् उपसंपदं विंशतीनां चावर्हणम्* /

यत्र पंच प्रतिवसन्ति / अर्हति तत्र संघो धर्मेण सर्वकर्माणि कर्तुम्* / स्थापयित्वा दशानाम् उपसंपदं विंशतीनां चावर्हणम्* /

यत्र दश प्रतिवसन्ति / अर्हति तत्र संघः सर्वकर्माणि कर्तुम्* / स्थापयित्वा विंशतीनां आवर्हणम्* /

यत्र विंशतिर् भिक्षवः प्रतिवसन्ति उत्तरे च / अर्हति तत्र संघो धर्मेण सर्वकर्माणि कर्तुम्* /

उद्दानम्* /

चतुर्वर्गकरणीयं पुद्गल ऊनकः कृतः / न पारिवासिकचतुर्थेन कर्मचतुष्टयं स्मृतम्* //

चतुर्वर्गकरणीयं भिक्षवः कर्म ऊनाश् चत्वारः कुर्वन्ति / अधर्मकर्म च तद् अविनयकर्म च / न तत् तथा करणीयम्* / संघश् च तेन सातिसारः / चतुर्वर्गकरणीयं कर्म आगारिकचतुर्थाः कुर्वन्ति / अधर्मकर्म च तद् अविनयकर्म च / न च तत् तथा करणीयम्* / संघश् च तेन सातिसारः / एवं श्रामणेरकः षण्ढपण्डकः भिक्षुणीदूषको मातृघातकः पितृघातकः अर्हघातकः संघभेदकः तथागतस्यान्तिके दुष्टचित्तरुधिरोत्पादकस् तीर्थिकस् तीर्थकावक्रान्तिकः स्तेयासंवासिको नानासंवसिको ऽसंवासिकः पारिवासिकचतुर्थाः कर्म कुर्वन्ति / अधर्मकर्म च तद् अविनयकर्म च / न च तत् तथा करणीयम्* / संघश् च तेन सातिसारः /

चतुर्वर्गकरणीयं कर्म पूर्णाश् चत्वारो धर्मेण कुर्वन्ति धर्मकर्म च तद् विनयकर्म च / एवं च तत् करणीयम्* / संघश् च तेन न सातिसारः / चतुर्वर्गकरणीयं कर्म नागारिकचतुर्थो न श्रामणेरकः पूर्ववद् यावन् न पारिवासिकचतुर्थाः कुर्वन्ति / धर्मकर्म च तद् विनयकर्म च / एवं च तत् करणीयम्* / संघश् च तेन न सातिसारः /

पंचवर्गकरणीयं कर्म ऊनाः पंच कुर्वन्ति / अधर्मकर्म च तद् (msv ii 205) अविनयकर्म च / न तथा करणीयम्* / संघश् च तेन सातिसारः / पंचवर्गकरणीयं कर्म आगारिकपंचमः पूर्ववद् यावत् पारिवासिकपंचमाः कुर्वन्ति / अधर्मकर्म च तद् अविनयकर्म च / न च तत् तथा करणीयम्* / संघश् च तेन सातिसारः /

पंचवर्गकरणीयं कर्म पूर्णाः पंचवर्गेण कुर्वन्ति / धर्मकर्म च तद् विनयकर्म च / एवं तत् करणीयम्* / संघश् च तेन न सातिसारः / पंचवर्गकरणीयं कर्म नागारिकपंचमा न श्रामणेरकः पूर्ववद् यावन् न पारिवासिकपंचमा धर्मेण कुर्वन्ति / (287र्1 = ग्ब्म् 6.886) धर्मकर्म च तद् विनयकर्म च / एवं च तत् करणीयम्* / संघश् च तेन न सातिसारः /

दशवर्गकरणीयं कर्म ऊना दशवर्गेण कुर्वन्ति / अधर्मकर्म च तद् अविनयकर्म च / न च तत् तथा करणीयम्* / संघश् च तेन सातिसारः / दशवर्गकरणीयं कर्म आगारिकदशमाः पूर्ववद् यावत् पारिवासिकदशमा कुर्वन्ति / अधर्मकर्म च तद् अविनयकर्म च / न च तत् तथा करणीयम्* / संघश् च तेन सातिसारः /

दशवर्गकरणीयं कर्म पूर्णा दशवर्गेण कुर्वन्ति / धर्मकर्म च तद् विनयकर्म च / एवं च तत् कर्म करणीयम्* / संघश् च तेन न सातिसारः / दशवर्गकरणीयं कर्म नागारिकदशमाः पूर्ववद् यावन् न पारिवासिकदशमा धर्मेण कुर्वन्ति / धर्मकर्म च तद् विनयकर्म च / एवं च करणीयम्* / संघश् च तेन न सातिसारः /

विंशतिवर्गकरणीयं कर्म ऊना विंशतिवर्गेण कुर्वन्ति / अधर्मकर्म च तद् अविनयकर्म च / संघश् च तेन सातिसारः / विंशतिवर्गकरणीयं (msv ii 206) कर्म आगारिकविंशतिमाः श्रामणेरकाः पूर्ववत् पारिवासिकविंशतिमाः कुर्वन्ति / अधर्मकर्म च तद् अविनयकर्म च / न च तत् तथा करणीयम्* / संघश् च तेन सातिसारः /

विंशतिवर्गकरणीयं कर्म पूर्णा विंशतिधर्मेण कुर्वन्ति / धर्मकर्म च तद् विनयकर्म च / एवं च तत् करणीयम्* / संघश् च तेन न सातिसारः / विंशतिवर्गकरणीयं कर्म नागारिकविंशतिमा न श्रामणेरकाः पूर्ववद् यावन् न पारिवासिकविंशतिमा धर्मेण कुर्वन्ति / धर्मकर्म तद् विनयकर्म च / एवं च तत् करणीयम्* / संघश् च तेन न सातिसारः /

उद्दानम्* /

धर्माधर्मेण यत् कर्म यच् च ज्ञप्तितया कृतम्* / संमुखं च प्रतिज्ञा च चक्रपेयाल सङ्कलात्* //

अधर्मकर्म / धर्मकर्म / अधर्मकर्म कतमत्* / अप्राप्ते उत्सारणे अप्राप्तम् उत्सारयन्ति / यथास्योत्सार्यमाणस्यानुश्रावणं भवति / न तथोत्सारयन्ति / अधर्मकर्म / धर्मकर्म कतमत्* / प्राप्ते उत्सारणे प्राप्तम् उत्सारयन्ति / यथास्योत्सार्यमाणस्यानुश्रावणं भवति / तथोत्सारयन्ति / धर्मकर्म / अप्राप्ते ओसारणे अप्राप्तम् ओसारयन्ति / यथास्य ओसार्यमाणस्यानुश्रावणं भवति / न तथा ओसारयन्ति / अधर्मकर्म / प्राप्ते ओसारणे प्राप्तम् ओसारयन्ति / यथास्य ओसार्यमाणस्यानुश्रावणं भवति / तथोसारयन्ति / धर्मकर्म / ज्ञप्तिकर्म ज्ञप्तिम् अकृत्वा कुर्वन्ति / अधर्मकर्म / ज्ञप्तिकर्म ज्ञप्तिं कृत्वा कुर्वन्ति / (msv ii 207) धर्मकर्म / ज्ञप्तिद्वितीयं कर्म / ज्ञप्तिम् अकृत्वा एकं वारम् अनुश्रावयन्ति / अधर्मकर्म / ज्ञप्तिद्वितीयं कर्म / ज्ञप्तिं कृत्वा एकं वारम् अनुश्रावयन्ति / धर्मकर्म / ज्ञप्तिचतुर्थं कर्म / ज्ञप्तिम् अकृत्वा त्रीन् वारम् अनुश्रावयन्ति / अधर्मकर्म / ज्ञप्तिचतुर्थण् कर्म / ज्ञप्तिं कृत्वा त्रीन् वारान् अनुश्रावयन्ति / धर्मकर्म / अन्येन कर्मणा ज्ञप्तिं कृत्वा निष्ठापयन्ति / अधर्मकर्म / तेनैव कर्मणा ज्ञप्तिं कृत्वा निष्ठापयन्ति / धर्मकर्म / संमुखकरणीयं कर्मासंमुखीभूतस्य कुर्वन्ति / अधर्मकर्म / संमुखकरणीयं कर्म संमुखीभूतस्य कुर्वन्ति / धर्मकर्मा / प्रतिज्ञाकरणीयं कर्म अप्रतिज्ञया कुर्वन्ति / अधर्मकर्म / प्रतिज्ञाकरणीयं कर्म प्रतिज्ञया कुर्वन्ति (287व्1 = ग्ब्म् 6.887) / धर्मकर्म / संमुखविनयार्हाय स्मृतिविनयं ददाति / अधर्मकर्म /

अमूढविनयं तत्स्वभावैषीयं यद्भूयैषीयं प्रतिज्ञाकारकं तृणप्रस्तारकं तर्जनीयं निगर्हणीयं प्रतिसंहरणीयम् अदर्शनीयोत्क्षेपणयम् अप्रतिकर्मार्हयोत्क्षेपणीयम् अप्रतिनिसृष्टे पापके दृष्टिगते उत्क्षेपणीयं कर्म / परिवासं मूलपरिवासं मूलापकर्षपरिवासं मानाप्यं मूलमानाप्यं मूलापकर्षमानाप्यम् आवर्हन्ति / अधर्मकर्म / संमुखविनयार्हाय तु संमुखविनयम् एव ददाति न स्मृतिविनयं न यावद् आवर्हन्ति / धर्मकर्म / स्मृतिविनयार्हाय अमूढविनयं ददाति / अधर्मकर्म / एवं यद्भूयैषीयं पूर्ववद् यावद् आवर्हन्ति संमुकविनयं ददाति / अधर्मकर्म / स्मृतिविनयार्हाय तु स्मृतिविनयम् एव ददाति न तत्स्वभावैषीयं न यावत् संमुखविनयम्* / धर्मकर्म / अमूढविनयार्हाय (msv ii 208) तत्स्वभावैषीयं ददाति / अधर्मकर्म / एवं यद्भूयैषीयं यावत् संमुखविनयं स्मृतिविनयं ददाति / अधर्मकर्म / अमूढविनयार्हाय त्व् अमूढविनयम् एव ददाति तत्स्वभावैषीयं न यावत् संमुखविनयं स्मृतिविनयं / धर्मकर्म / तत्स्वभावैषीयार्हाय यद्भूयैषीयं ददाति अधर्मकर्म / तर्जनीयार्हाय पूर्ववद् यावद् अमूढविनयं ददाति / अधर्मकर्म / तत्स्वभावैषियार्हाय तु तत्स्वभावैषीयम् एव ददाति न यद्भूयैषीयं न यावद् अमूढविनयम्* / धर्मकर्म / यद्भूयैषीयार्हाय तर्जनीयं कर्म कुर्वन्ति / अधर्मकर्म / निगर्हणीयार्हाय पूर्ववद् यावत् तत्स्वभावैषीयम् ददाति / अधर्मकर्म / यद्भूयैषीयार्हाय यद्भूयैषीयम् एव ददाति न तर्जनीयं न यावत् तत्स्वभावैषीयम्* / धर्मकर्म /

तर्जनीयकर्मार्हाय निगर्हणीयं कर्म कुर्वन्ति प्रतिसंहरणीयं पूर्ववद् यावद् यद्भूयैषीयं ददाति / अधर्मकर्म / तर्जनीयकर्मार्हाय तु तर्जनीयम् एव कर्म कुर्वन्ति न परिशिष्टानीति / अनया वर्तन्या चक्रपेयालः पूर्ववद् यावद् धर्मकर्म / निगर्हणीयार्हाय प्रतिसंहरणीयं कर्म कुर्वन्ति / अधर्मकर्म / पूर्ववत्* / निगर्हणीयकर्मार्हाय तु निगर्हणीयकर्मैव कुर्वन्ति / धर्मकर्म पूर्ववत्* / प्रवासनीयकर्मार्हाय प्रतिसंहरणीयं कर्म कुर्वन्ति / अधर्मकर्म पूर्ववत्* / प्रवासनीयकर्मार्हाय तु प्रवासनीयम् एव कर्म कुर्वन्ति / धर्मकर्म पूर्ववत्* / प्रतिसंहरणीयकर्मार्हायादर्शनीयोत्क्षेपणीयं कर्म कुर्वन्ति / अधर्मकर्म पूर्ववत्* / प्रतिसंहरणीयकर्मार्हाय तु प्रतिसंहरणीयम् एव कर्म कुर्वन्ति / धर्मकर्म पूर्ववत् / अदर्शनीयोत्क्षेपणीयकर्मार्हायाप्रतिकर्मार्हायोत्क्षेपणीयं कर्म कुर्वन्ति / अधर्मकर्म पूर्ववत्* / अदर्शनीयोत्क्षेपणीयकर्मार्हाय त्व् अदर्शनीयोत्क्षेपणीयम् एव कर्म कुर्वन्ति / (msv ii 209) धर्मकर्म / पूर्ववत्* / अप्रतिकर्मार्हायोत्क्षेपणीयकर्मार्हाय परिवासं ददाति / अधर्मकर्म पूर्ववत्* / अप्रतिनिसृष्टे पापके दृष्टिगते उत्क्षेपणीयं कर्म कुर्वन्ति / अधर्मकर्म पूर्ववत्* / अप्रतिकर्मार्हायोत्क्षेपणीयकर्मार्हाय त्व् अप्रतिकर्मार्हायोत्क्षेपणीयम् एव कर्म (288र्1 = ग्ब्म् 6.888) कुर्वन्ति / धर्मकर्म पूर्ववत्* / अप्रतिनिसृष्टे पापके दृष्टिगते उत्क्षेपणीय्कर्मार्हाय परिवासं ददाति / अधर्मकर्म पूर्ववत्* / अप्रतिनिसृष्टे पापके दृष्टिगते उत्क्षेपणीय्कर्मार्हाय त्व् अप्रतिनिसृष्टे पापके दृष्टिगते उत्क्षेपणीयं कर्मैव कुर्वन्ति /

धर्मकर्म पूर्ववत्* / परिवासकर्मार्हाय मूलपरिवासं ददाति / अधर्मकर्म पूर्ववत्* / परिवासकर्मार्हाय त्व् अपरिवासम् एव तु ददाति / अधर्मकर्म पूर्ववत्* / मूलपरिवासार्हाय मूलपरिवासं ददाति / अधर्मकर्म पूर्ववत्* / मूलपरिवासार्हाय तु मूलपरिवासम् एव ददाति / धर्मकर्म पूर्ववत्* / अपर्युषितपरिवासाय मानाप्यं ददाति / अधर्मकर्म पूर्ववत्* / अपर्युषितपरिवासाय मानाप्यं ददाति / अधर्मकर्म पूर्ववत्* / पर्युषितपरिवासाय तु मानाप्यं ददाति / धर्मकर्म पूर्ववत्* / अचरितमानाप्यम् आवर्हन्ति / अधर्मकर्म पूर्ववत्* / चरितमानाप्यम् आवर्हन्ति / धर्मकर्म पूर्ववत्* / आवर्हणार्हाय संमुखविनयं ददाति / पूर्ववद् यावन् मानाप्यं ददाति / अधर्मकर्म पूर्ववत्* / आवर्हणार्हाय त्व् आवर्हणम् एव कुर्वन्ति न संमुखविनयं ददाति न यावन् मानाप्यम्* / धर्मकर्म पूर्ववत्* / एवम् एव नवकेन चक्रपेयालं विस्तरेण बोद्धव्यम्* /

उद्दानम्* /

व्यग्रः समग्रा रोहन्ति धर्माधर्मेण वोत्क्षिपेत्* / ओसारणया एतानि कर्म वस्तुसमुद्दितम्* //

व्यग्रकर्म / समग्रकर्म / व्यग्रकर्म कतमत्* / यावन्तो भिक्षवः सीमाप्राप्ताः क्रियाप्राप्तास् ते सर्वे समवहिताः संमुखीभूताश् छन्दार्हेभ्यश् च च्छन्देनानीता भवन्ति / समवहिताश् च भिक्षवः संमुखीभूताः प्रतिवहन्ति प्रतिक्रोशन्ति / येषां प्रतिवहतां प्रतिक्रोशतां प्रतिक्रोशो रोहति / कर्माणि च कुर्वन्ति / इदम् उच्यते व्यग्रकर्म / समग्रकर्म कतमत्* / यावन्तो भिक्षवः सीमाप्राप्ताः क्रियाप्राप्तास् ते सर्वे समवहिताः संमुखीभूताश् छन्दार्हेभ्यश् च च्छन्देनानीता भवन्ति / समवहिताश् च भिक्षवः संमुखीभूता न प्रतिवहन्ति न प्रतिक्रोशन्ति / येषां प्रतिवहतां प्रतिक्रोशतां प्रतिक्रोशो रोहति / कर्माणि च कुर्वन्ति / इदम् उच्यते समग्रकर्म /

आयुष्मान् उपाली बुद्धं भगवन्तं पृच्छति / कतीनां भदन्त प्रतिक्रोशो न रोहति / दशानाम् उपालिन्* / अलज्जिनः सान्तरस्य बालस्य मूढस्याव्यक्तस्याकुशलस्य बहिःसीमायां स्थितस्य ईर्यापथे च्युतस्य वाचा असंवृतस्य / कतीनां भदन्त प्रतिक्रोशो रोहति / चतुर्णाम् उपालिन्* / प्रकृतिस्थितस्य अन्तःसीमायां स्थितस्य ईर्यापथाद् अच्युतस्य वा वाचा संयतस्येति / आयुष्मान् उपाली बुद्धं भगवन्तं पृच्छति / कति भदन्त उत्क्षेपणीयकर्माणि / चत्वार्य् उपालिन् / अधर्मेणोत्क्षिपन्ति व्यग्रा अधर्मेण समग्राः / धर्मेण व्यग्राः / धर्मेण समग्राः / तत्रैकम् उत्क्षेपणकर्म / यद् इदं धर्मेणोत्क्षिपन्ति समग्राः / कति भदन्त ओसारणकर्माणि / चत्वार्य् (msv ii 211) उपालिन्* / अधर्मेणोसारयन्ति व्यग्राः / अधर्मेण समग्राः / धर्मेण व्यग्राः / धर्मेण समग्राः / तत्रैकम् ओसारणकर्म (288व्1 = ग्ब्म् 6.889) यद् इदं धर्मेण कुर्वन्ति समग्राः /

कर्मवस्तु समाप्तम्* //