आलम्बनपरीक्षा

आलम्बनपरीक्षा

आलम्बनपरीक्षा (आप्)

आचार्यदिङ्नागकृता

नमः सर्वबुद्धबोधिसत्त्वेभ्यः

यद्यपीन्द्रियविज्ञप्तेर्ग्राह्यांशः(=अणवः) कारणं भवेत्। अतदाभतया तस्या नाक्षवद्विषयः स तु(अणवः) // आp_1 //

यदाभासा न तस्मात् सा द्रव्याभावात् द्विचन्द्रवत् / एवं बाह्यद्वयञ्चैव न युक्तं मतिगोचरः // आp_2 //

साधनं सञ्चिताकारमिच्छन्ति किल केचन / अण्वाकारो न विज्ञप्तेरर्थः कठिनतादिवत् // आp_3 //

भवेद्धटशरावादेस्तथा सति समा मतिः / आकारभेदाद्भेदश्चेत्, नास्ति तु द्रव्यसत्यणौ // आp_4 //

प्रमाणभेदाभावात् सः, अद्रव्ये ऽस्ति ततः स हि / अणूनां परिहारे हि तदाभज्ञानविप्लवात् // आp_5 //

यदन्तर्ज्ञेयरूपं तु वहिर्वदवभासते / सो ऽर्थो विज्ञानरूपत्वात्तत्प्रत्ययतयापि च // आp_6 //

एकांशः प्रत्ययो ऽवीतात् शक्त्यर्पणात्क्रमेण[वा] / सहकारिवशाद्यद्धि शक्तिरूपं [तत्] इन्द्रियम् // आp_7 //

सा चाविरुद्धा विज्ञप्तेरेवं विषयरूपकम् / प्रवर्तते ऽनादिकालं शक्तिश्चान्योन्यहेतुके // आp_8 //

इत्याचार्यदिङ्नागकृता आलम्बनपरीक्षाप्रकरणकारिका समाप्ता