Tam tạng Pāli · Tam tạng Pāli — nguyên bản Pāli (Mahāsaṅgīti) · Kinh tạng › Saṁyutta Nikāya
Paṭhamabrahmacariyasutta (SN45.39)
- Thông tin
- Mã SuttaCentral: SN45.39
Saṁyutta Nikāya 45.39
4. Paṭipattivagga
Paṭhamabrahmacariyasutta
Sāvatthinidānaṁ.
“Brahmacariyañca vo, bhikkhave, desessāmi, brahmacariyaphalāni ca.
Taṁ suṇātha.
Katamañca, bhikkhave, brahmacariyaṁ?
Ayameva ariyo aṭṭhaṅgiko maggo, seyyathidaṁ—
sammādiṭṭhi …pe… sammāsamādhi.
Idaṁ vuccati, bhikkhave, brahmacariyaṁ.
Katamāni ca, bhikkhave, brahmacariyaphalāni?
Sotāpattiphalaṁ, sakadāgāmiphalaṁ, anāgāmiphalaṁ, arahattaphalaṁ—
imāni vuccanti, bhikkhave, brahmacariyaphalānī”ti.
Navamaṁ.
Nguồn: Nguyên bản Pāli: ấn bản Mahāsaṅgīti (SuttaCentral). Giấy phép: Nguyên bản Pāli và bản dịch trên Bilara: CC0 1.0.