Tam tạng Pāli · Tam tạng Pāli — nguyên bản Pāli (Mahāsaṅgīti) · Kinh tạng › Saṁyutta Nikāya
Dutiyabrahmaññasutta (SN45.38)
- Thông tin
- Mã SuttaCentral: SN45.38
Saṁyutta Nikāya 45.38
4. Paṭipattivagga
Dutiyabrahmaññasutta
Sāvatthinidānaṁ.
“Brahmaññañca vo, bhikkhave, desessāmi, brahmaññatthañca.
Taṁ suṇātha.
Katamañca, bhikkhave, brahmaññaṁ?
Ayameva ariyo aṭṭhaṅgiko maggo, seyyathidaṁ—
sammādiṭṭhi …pe… sammāsamādhi.
Idaṁ vuccati, bhikkhave, brahmaññaṁ.
Katamo ca, bhikkhave, brahmaññattho?
Yo kho, bhikkhave, rāgakkhayo dosakkhayo mohakkhayo—
ayaṁ vuccati, bhikkhave, brahmaññattho”ti.
Aṭṭhamaṁ.
Nguồn: Nguyên bản Pāli: ấn bản Mahāsaṅgīti (SuttaCentral). Giấy phép: Nguyên bản Pāli và bản dịch trên Bilara: CC0 1.0.