Tam tạng Pāli · Tam tạng Pāli — nguyên bản Pāli (Mahāsaṅgīti) · Kinh tạng › Saṁyutta Nikāya
Sabbasutta (SN35.23)
- Thông tin
- Mã SuttaCentral: SN35.23
Saṁyutta Nikāya 35.23
3. Sabbavagga
Sabbasutta
Sāvatthinidānaṁ.
“Sabbaṁ vo, bhikkhave, desessāmi.
Taṁ suṇātha.
Kiñca, bhikkhave, sabbaṁ?
Cakkhuñceva rūpā ca, sotañca saddā ca, ghānañca gandhā ca, jivhā ca rasā ca, kāyo ca phoṭṭhabbā ca, mano ca dhammā ca—
idaṁ vuccati, bhikkhave, sabbaṁ.
Yo, bhikkhave, evaṁ vadeyya:
‘ahametaṁ sabbaṁ paccakkhāya aññaṁ sabbaṁ paññāpessāmī’ti, tassa vācāvatthukamevassa;
puṭṭho ca na sampāyeyya, uttariñca vighātaṁ āpajjeyya.
Taṁ kissa hetu?
Yathā taṁ, bhikkhave, avisayasmin”ti.
Paṭhamaṁ.
Nguồn: Nguyên bản Pāli: ấn bản Mahāsaṅgīti (SuttaCentral). Giấy phép: Nguyên bản Pāli và bản dịch trên Bilara: CC0 1.0.