Tam tạng Pāli · Tam tạng Pāli — nguyên bản Pāli (Mahāsaṅgīti) · Kinh tạng › Saṁyutta Nikāya
Dutiyadukkhuppādasutta (SN35.22)
- Thông tin
- Mã SuttaCentral: SN35.22
Saṁyutta Nikāya 35.22
2. Yamakavagga
Dutiyadukkhuppādasutta
“Yo, bhikkhave, rūpānaṁ uppādo ṭhiti abhinibbatti pātubhāvo, dukkhasseso uppādo, rogānaṁ ṭhiti, jarāmaraṇassa pātubhāvo.
Yo saddānaṁ …pe…
yo gandhānaṁ …
yo rasānaṁ …
yo phoṭṭhabbānaṁ …
yo dhammānaṁ uppādo ṭhiti abhinibbatti pātubhāvo, dukkhasseso uppādo, rogānaṁ ṭhiti, jarāmaraṇassa pātubhāvo.
Yo ca kho, bhikkhave, rūpānaṁ nirodho vūpasamo atthaṅgamo, dukkhasseso nirodho, rogānaṁ vūpasamo, jarāmaraṇassa atthaṅgamo.
Yo saddānaṁ …pe…
yo gandhānaṁ …
yo rasānaṁ …
yo phoṭṭhabbānaṁ …
yo dhammānaṁ nirodho vūpasamo atthaṅgamo, dukkhasseso nirodho, rogānaṁ vūpasamo, jarāmaraṇassa atthaṅgamo”ti.
Dasamaṁ.
Yamakavaggo dutiyo.
Tassuddānaṁ
Sambodhena duve vuttā,
Assādena apare duve;
No cetena duve vuttā,
Abhinandena apare duve;
Uppādena duve vuttā,
Vaggo tena pavuccatīti.
Nguồn: Nguyên bản Pāli: ấn bản Mahāsaṅgīti (SuttaCentral). Giấy phép: Nguyên bản Pāli và bản dịch trên Bilara: CC0 1.0.