Tam tạng Pāli · Tam tạng Pāli — nguyên bản Pāli (Mahāsaṅgīti) · Kinh tạng › Saṁyutta Nikāya
Suddhikasutta (SN32.1)
- Thông tin
- Mã SuttaCentral: SN32.1
Saṁyutta Nikāya 32.1
1. Valāhakavagga
Suddhikasutta
Sāvatthinidānaṁ.
“Valāhakakāyike vo, bhikkhave, deve desessāmi.
Taṁ suṇātha.
Katame ca, bhikkhave, valāhakakāyikā devā?
Santi, bhikkhave, sītavalāhakā devā;
santi uṇhavalāhakā devā;
santi abbhavalāhakā devā;
santi vātavalāhakā devā;
santi vassavalāhakā devā—
ime vuccanti, bhikkhave, ‘valāhakakāyikā devā’”ti.
Paṭhamaṁ.
Nguồn: Nguyên bản Pāli: ấn bản Mahāsaṅgīti (SuttaCentral). Giấy phép: Nguyên bản Pāli và bản dịch trên Bilara: CC0 1.0.