Tam tạng Pāli · Tam tạng Pāli — nguyên bản Pāli (Mahāsaṅgīti) · Kinh tạng › Saṁyutta Nikāya
Candimasasutta (SN2.11)
- Thông tin
- Mã SuttaCentral: SN2.11
Saṁyutta Nikāya 2.11
2. Anāthapiṇḍikavagga
Candimasasutta
Sāvatthinidānaṁ.
Atha kho candimaso devaputto abhikkantāya rattiyā abhikkantavaṇṇo kevalakappaṁ jetavanaṁ obhāsetvā yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ aṭṭhāsi.
Ekamantaṁ ṭhito kho candimaso devaputto bhagavato santike imaṁ gāthaṁ abhāsi:
“Te hi sotthiṁ gamissanti,
kacchevāmakase magā;
Jhānāni upasampajja,
ekodi nipakā satā”ti.
“Te hi pāraṁ gamissanti,
chetvā jālaṁva ambujo;
Jhānāni upasampajja,
appamattā raṇañjahā”ti.
Nguồn: Nguyên bản Pāli: ấn bản Mahāsaṅgīti (SuttaCentral). Giấy phép: Nguyên bản Pāli và bản dịch trên Bilara: CC0 1.0.