Tam tạng Pāli · Tam tạng Pāli — nguyên bản Pāli (Mahāsaṅgīti) · Kinh tạng › Saṁyutta Nikāya
Mahaddhanasutta (SN1.28)
- Thông tin
- Mã SuttaCentral: SN1.28
Saṁyutta Nikāya 1.28
3. Sattivagga
Mahaddhanasutta
“Mahaddhanā mahābhogā,
raṭṭhavantopi khattiyā;
Aññamaññābhigijjhanti,
kāmesu analaṅkatā.
Tesu ussukkajātesu,
bhavasotānusārisu;
Kedha taṇhaṁ pajahiṁsu,
ke lokasmiṁ anussukā”ti.
“Hitvā agāraṁ pabbajitā,
hitvā puttaṁ pasuṁ piyaṁ;
Hitvā rāgañca dosañca,
avijjañca virājiya;
Khīṇāsavā arahanto,
te lokasmiṁ anussukā”ti.
Nguồn: Nguyên bản Pāli: ấn bản Mahāsaṅgīti (SuttaCentral). Giấy phép: Nguyên bản Pāli và bản dịch trên Bilara: CC0 1.0.