Tam tạng Pāli · Tam tạng Pāli — nguyên bản Pāli (Mahāsaṅgīti) · Kinh tạng › Saṁyutta Nikāya
Sarasutta (SN1.27)
- Thông tin
- Mã SuttaCentral: SN1.27
Saṁyutta Nikāya 1.27
3. Sattivagga
Sarasutta
“Kuto sarā nivattanti,
kattha vaṭṭaṁ na vattati;
Kattha nāmañca rūpañca,
asesaṁ uparujjhatī”ti.
“Yattha āpo ca pathavī,
tejo vāyo na gādhati;
Ato sarā nivattanti,
ettha vaṭṭaṁ na vattati;
Ettha nāmañca rūpañca,
asesaṁ uparujjhatī”ti.
Nguồn: Nguyên bản Pāli: ấn bản Mahāsaṅgīti (SuttaCentral). Giấy phép: Nguyên bản Pāli và bản dịch trên Bilara: CC0 1.0.