Tam tạng Pāli · Tam tạng Pāli — nguyên bản Pāli (Mahāsaṅgīti) · Kinh tạng › Khuddaka Nikāya · Milindapañha
9. Uppajjatijānanapañha (MIL3.5.9)
- Thông tin
- Mã SuttaCentral: MIL3.5.9
Milindapañha
Buddhavagga
9. Uppajjatijānanapañha
Rājā āha—
“bhante nāgasena, yo uppajjati, jānāti so ‘uppajjissāmī’”ti?
“Āma, mahārāja, yo uppajjati jānāti so ‘uppajjissāmī’”ti.
“Opammaṁ karohī”ti.
“Yathā, mahārāja, kassako gahapatiko bījāni pathaviyaṁ nikkhipitvā sammā deve vassante jānāti ‘dhaññaṁ nibbattissatī’”ti?
“Āma, bhante, jāneyyā”ti.
“Evameva kho, mahārāja, yo uppajjati, jānāti so ‘uppajjissāmī’”ti.
“Kallosi, bhante nāgasenā”ti.
Uppajjatijānanapañho navamo.
Nguồn: Nguyên bản Pāli: ấn bản Mahāsaṅgīti (SuttaCentral). Giấy phép: Nguyên bản Pāli và bản dịch trên Bilara: CC0 1.0.