Tam tạng Pāli · Tam tạng Pāli — nguyên bản Pāli (Mahāsaṅgīti) · Kinh tạng › Khuddaka Nikāya · Jātaka
2. Vānarajātaka (JA342)
- Thông tin
- Mã SuttaCentral: JA342
Jātaka
Catukkanipāta
Cūḷakuṇālavagga
2. Vānarajātaka
“Asakkhiṁ vata attānaṁ,
uddhātuṁ udakā thalaṁ;
Na dānāhaṁ puna tuyhaṁ,
vasaṁ gacchāmi vārija.
Alametehi ambehi,
jambūhi panasehi ca;
Yāni pāraṁ samuddassa,
varaṁ mayhaṁ udumbaro.
Yo ca uppatitaṁ atthaṁ,
na khippamanubujjhati;
Amittavasamanveti,
pacchā ca anutappati.
Yo ca uppatitaṁ atthaṁ,
khippameva nibodhati;
Muccate sattusambādhā,
na ca pacchānutappatī”ti.
Vānarajātakaṁ dutiyaṁ.
Nguồn: Nguyên bản Pāli: ấn bản Mahāsaṅgīti (SuttaCentral). Giấy phép: Nguyên bản Pāli và bản dịch trên Bilara: CC0 1.0.