Tam tạng Pāli · Tam tạng Pāli — nguyên bản Pāli (Mahāsaṅgīti) · Kinh tạng › Khuddaka Nikāya · Jātaka
1. Kaṇḍarījātaka (JA341)
- Thông tin
- Mã SuttaCentral: JA341
Jātaka
Catukkanipāta
Cūḷakuṇālavagga
1. Kaṇḍarījātaka
Narānamārāmakarāsu nārisu,
Anekacittāsu aniggahāsu ca;
Sabbattha nāpītikarāpi ce siyā,
Na vissase titthasamā hi nāriyo.
“Yaṁ ve disvā kaṇḍarīkinnarānaṁ,
Sabbitthiyo na ramanti agāre;
Taṁ tādisaṁ maccaṁ cajitvā bhariyā,
Aññaṁ disvā purisaṁ pīṭhasappiṁ”.
“Bakassa ca bāvarikassa rañño,
Accantakāmānugatassa bhariyā;
Avācarī paṭṭhavasānugassa,
Kaṁ vāpi itthī nāticare tadaññaṁ”.
“Piṅgiyānī sabbalokissarassa,
Rañño piyā brahmadattassa bhariyā;
Avācarī paṭṭhavasānugassa,
Taṁ vāpi sā nājjhagā kāmakāminī”ti.
Kaṇḍarījātakaṁ paṭhamaṁ.
Nguồn: Nguyên bản Pāli: ấn bản Mahāsaṅgīti (SuttaCentral). Giấy phép: Nguyên bản Pāli và bản dịch trên Bilara: CC0 1.0.