Tam tạng Pāli · Tam tạng Pāli — nguyên bản Pāli (Mahāsaṅgīti) · Kinh tạng › Khuddaka Nikāya · Jātaka
8. Ananusociyajātaka (JA328)
- Thông tin
- Mã SuttaCentral: JA328
Jātaka
Catukkanipāta
Kuṭidūsakavagga
8. Ananusociyajātaka
“Bahūnaṁ vijjatī bhotī,
tehi me kiṁ bhavissati;
Tasmā etaṁ na socāmi,
piyaṁ sammillahāsiniṁ.
Taṁ tañce anusoceyya,
yaṁ yaṁ tassa na vijjati;
Attānamanusoceyya,
sadā maccuvasaṁ pataṁ.
Na heva ṭhitaṁ nāsīnaṁ,
Na sayānaṁ na paddhaguṁ;
Yāva byāti nimisati,
Tatrāpi rasatī vayo.
Tatthattani vatappaddhe,
vinābhāve asaṁsaye;
Bhūtaṁ sesaṁ dayitabbaṁ,
vītaṁ ananusociyan”ti.
Ananusociyajātakaṁ aṭṭhamaṁ.
Nguồn: Nguyên bản Pāli: ấn bản Mahāsaṅgīti (SuttaCentral). Giấy phép: Nguyên bản Pāli và bản dịch trên Bilara: CC0 1.0.