Tam tạng Pāli · Tam tạng Pāli — nguyên bản Pāli (Mahāsaṅgīti) · Kinh tạng › Khuddaka Nikāya · Jātaka
7. Kākavatījātaka (JA327)
- Thông tin
- Mã SuttaCentral: JA327
Jātaka
Catukkanipāta
Kuṭidūsakavagga
7. Kākavatījātaka
“Vāti cāyaṁ tato gandho,
yattha me vasatī piyā;
Dūre ito hi kākavatī,
yattha me nirato mano”.
“Kathaṁ samuddamatarī,
kathaṁ atari kepukaṁ;
Kathaṁ satta samuddāni,
kathaṁ simbalimāruhi”.
“Tayā samuddamatariṁ,
tayā atari kepukaṁ;
Tayā satta samuddāni,
tayā simbalimāruhiṁ”.
“Dhiratthumaṁ mahākāyaṁ,
dhiratthumaṁ acetanaṁ;
Yattha jāyāyahaṁ jāraṁ,
āvahāmi vahāmi cā”ti.
Kākavatījātakaṁ sattamaṁ.
Nguồn: Nguyên bản Pāli: ấn bản Mahāsaṅgīti (SuttaCentral). Giấy phép: Nguyên bản Pāli và bản dịch trên Bilara: CC0 1.0.