Tam tạng Pāli · Tam tạng Pāli — nguyên bản Pāli (Mahāsaṅgīti) · Kinh tạng › Khuddaka Nikāya · Jātaka
9. Tirīṭavacchajātaka (JA259)
- Thông tin
- Mã SuttaCentral: JA259
Jātaka
Tikanipāta
Saṅkappavagga
9. Tirīṭavacchajātaka
“Nayimassa vijjāmayamatthi kiñci,
Na bandhavo no pana te sahāyo;
Atha kena vaṇṇena tirīṭavaccho,
Tedaṇḍiko bhuñjati aggapiṇḍaṁ”.
“Āpāsu me yuddhaparājitassa,
Ekassa katvā vivanasmi ghore;
Pasārayī kicchagatassa pāṇiṁ,
Tenūdatāriṁ dukhasampareto.
Etassa kiccena idhānupatto,
Vesāyino visayā jīvaloke;
Lābhāraho tāta tirīṭavaccho,
Dethassa bhogaṁ yajathañca yaññan”ti.
Tirīṭavacchajātakaṁ navamaṁ.
Nguồn: Nguyên bản Pāli: ấn bản Mahāsaṅgīti (SuttaCentral). Giấy phép: Nguyên bản Pāli và bản dịch trên Bilara: CC0 1.0.