Tam tạng Pāli · Tam tạng Pāli — nguyên bản Pāli (Mahāsaṅgīti) · Kinh tạng › Khuddaka Nikāya · Jātaka
8. Mandhātujātaka (JA258)
- Thông tin
- Mã SuttaCentral: JA258
Jātaka
Tikanipāta
Saṅkappavagga
8. Mandhātujātaka
“Yāvatā candimasūriyā,
Pariharanti disā bhanti virocanā;
Sabbeva dāsā mandhātu,
Ye pāṇā pathavissitā.
Na kahāpaṇavassena,
titti kāmesu vijjati;
Appassādā dukhā kāmā,
iti viññāya paṇḍito.
Api dibbesu kāmesu,
ratiṁ so nādhigacchati;
Taṇhakkhayarato hoti,
sammāsambuddhasāvako”ti.
Mandhātujātakaṁ aṭṭhamaṁ.
Nguồn: Nguyên bản Pāli: ấn bản Mahāsaṅgīti (SuttaCentral). Giấy phép: Nguyên bản Pāli và bản dịch trên Bilara: CC0 1.0.