Phạn tạng · Phạn bản GRETIL — chữ La-tinh (IAST) · Kinh tạng › Kinh Đại thừa
Dīpaṃkaraśrījñāna [= Atīśa]: Samādhisaṃbhāraparivarta
- Thông tin
- GRETILCC BY-NC-SA 4.0
Dīpaṃkaraśrījñāna [= Atīśa]: Samādhisaṃbhāraparivarta
samādhisaṃbhāraparivartaḥ
lokanāthāya namaḥ
bodhicittaṃ dṛḍhaṃ kuryāt pūrva kāruṇyaśaktijam / bhavabhogasukhe 'saktaḥ parigrahaparāṅmukhaḥ // 1 //
śraddhādidhanasampanno guruṃ buddhasamaṃ bhajet / taddiṣṭasamayācāraṃ paripālitumudyataḥ // 2 //
kumbhaguhyābheṣekaṃ tu prasādāllabhate guroḥ / kāyavāk cittasaṃśuddhaḥ siddhipātraṃ sa sādhakaḥ // 3 //
samādhyaṅgasamudbhūtasaṃbhārapāripūritaḥ / śīghraṃ siddhyāptirevaṃ ca guhyamantranayasthitiḥ // 4 //
samādhyaṅgacyutau tasya vipakṣasthititastathā / janmakoṭisahasraiśca samādhirna prasidhyati // 5 //
tatsamādhiprasidhyartha guhyavṛttasthayogavit / tad bhinnaṃ cintanaṃ tyaktvā dṛḍhavīryeṇa codyamet // 6 //
samādheryāni cāṅgāni vipakṣastadviniścaye / samādhyaṅgaṃ vipakṣaśca saṃkṣepeṇa samucyate // 7 //
śīlasampattiyuktatvaṃ bhogeṣu nirapekṣatā / kṣāntirdṛḍhapratijñā ca janasaṃsargavarjanam // 8 //
kāyavāk cittakāryeṣu samprajanyasamanvayaḥ / buddhakāyastutismṛtyā kāyānusmṛtisaṃyutiḥ // 9 //
yasmin kāle tu yatkārya dārḍhrya tasya hyanusmṛtau / pañcāvaraṇahāniśca yuktakṛd bhaktamānatā // 10 //
samastalokadharmeṣu cittopekṣā sadā tathā / saṃlekho 'ṅgāni cemāni vipakṣastadviparyayaḥ // 11 // samādhisambhārakṛtairhi puṇyaiḥ samādhiṃ vajropamametu lokaḥ / 12, a ba / samādhisambhāraparivarto mahāpaṇḍitācāryadīpaṅkaraśrījñānapādaviracitaḥ samāptaḥ //
tenaiva bhāratīyopādhyāyena mahāsaṃśodhakalokacakṣuṣā bhikṣu-śākyamatinā ca anūdya nirṇītaḥ //
Nguồn: Bản Phạn còn sót, từ GRETIL (ĐH Göttingen) — trọn phần Phật giáo: kinh Đại thừa · luận · luật · mật giáo · kinh A-hàm · thí dụ · tán ca · thi ca. Bản Devanāgarī là phép CHUYỂN TỰ TẠI MÁY từ bản IAST, không phải bản GRETIL phát hành. Giấy phép và ấn bản in gốc ghi ở từng bài, thuộc về người nhập liệu và nhà xuất bản đứng tên; phần lớn là CC BY-NC-SA. Gói này phát hành trên GitHub cho người dùng app, để nghiên cứu và đối chiếu, không nhằm mục đích thương mại. Ai muốn gỡ bài của mình khỏi gói xin báo, sẽ gỡ ngay.