Phạn tạng · Phạn bản GRETIL — chữ La-tinh (IAST) · Kinh tạng › Kinh Đại thừa

Caturdharmanirdeśasūtra

Thông tin: GRETIL — Ngawang Samten and Janardan Pandey in: Dhih Journal, vol. 35, Sarnath: Central Institute of Higher Tibetan Studies, 2003, pp. 45-52.CC BY-NC-SA 4.0

āryacaturdharmanirdeśasūtram

(pāpaśodhanopāyabhūtaṃ catuḥpratipakṣabalanirdeśasūtram)

(kha) saṃskṛte punaruddhāritam bhāratīyabhāṣāyām - āryacaturdharmanirdeśaṃ nāma mahāyānasutram /

namaḥ sarvabuddhabodhisattvebhyaḥ evaṃ mayā śrutam - ekasmin samaye bhagavān buddhaḥ trāyastriṃśadeveṣu sudharmādevasabhāyāṃ sārddhaṃ pañcānāṃ bhikṣuśatānāṃ mahāsaṃghena, saṃbahulaiḥ maitreyamañjuśryādibodhisattvairmahāsattvairviharatisma / tasmin samaye bhagavān buddhaḥ bodhisattvaṃ mahāsattvaṃ maitreyamuddiśyopadiṣṭavān -

caturbhirmaitreya! dharmaiḥ samanvāgato bodhisattvo mahāsattvaḥ kṛtopacitaṃ pāpamabhibhavati / katamaiścaturbhiḥ? yaduta vidūṣaṇāsamudācāreṇa, pratipakṣasamudācāreṇa, pratyāpattibalena, āśrayabalena ca / tatra vidūṣaṇāsamudācāro 'kuśalaṃ karmādhyācarati, tatraiva tatraiva ca vipratisārabahulo bhavati / tatra pratipakṣasamudācāraḥ kṛtvā 'pyakuśalaṃ karma kuśale karmaṇyatyarthābhiyogaṃ gataḥ / pratyāpattibalaṃ saṃvarasamādānādakaraṇasaṃvaralābhaḥ / tatrāśrayabalaṃ buddhaḥdharmasaṃghaśaraṇagamanamanutsṛṣṭabodhicittatā ca / subalavatsaṃniśrayeṇa na śakyate pāpenābhibhavitum / ebhirmaitreya !caturbhidharmaiḥ samanvāgato bodhisattvo mahāsattvaḥ kṛpopacittaṃ pāpamabhibhavatīti //

bodhisattvairmahāsattvaiḥ sūtramidaṃ sadā paṭhanīyaṃ (vācayitavyaṃ) svādhyāyitavyaṃ cintayitavyaṃ subahulaṃ bhāvayitavyaṃ ca / anena duścaritāni phalaṃ nābhinirvartiṣyante / evaṃ bhagavān upadiṣṭavān / bodhisattvena mahāsattvena maitreyeṇa taiśca bhikṣubhiḥ bodhisattvaiḥ śatakratvādidevaputraiḥ sarvasampannaparimaṇḍalena ca āptamanasā bhagavataḥ pravacanamabhinanditam /

// iti āryacaturdharmanirdeśaṃ nāma mahāyānasūtraṃ samāptam //

bhāratīyopādhyāyasurendrabodhinā mahālocāvā - vandejñānasenena cānūditaṃ vyavasthāpitaṃ ca /

// bhavatu sarvamaṅgalam //

Nguồn: Bản Phạn còn sót, từ GRETIL (ĐH Göttingen) — trọn phần Phật giáo: kinh Đại thừa · luận · luật · mật giáo · kinh A-hàm · thí dụ · tán ca · thi ca. Bản Devanāgarī là phép CHUYỂN TỰ TẠI MÁY từ bản IAST, không phải bản GRETIL phát hành. Giấy phép và ấn bản in gốc ghi ở từng bài, thuộc về người nhập liệu và nhà xuất bản đứng tên; phần lớn là CC BY-NC-SA. Gói này phát hành trên GitHub cho người dùng app, để nghiên cứu và đối chiếu, không nhằm mục đích thương mại. Ai muốn gỡ bài của mình khỏi gói xin báo, sẽ gỡ ngay.