Phạn tạng · Phạn bản GRETIL — chữ La-tinh (IAST) · Kinh tạng › Kinh A-hàm · Thanh văn thừa
Candrasūtra
- Thông tin
- GRETIL — K. Wille: "Neue Fragmente des Candrasūtra". In: Bauddhasāhityastabakāvalī, Essays and Studies on Buddhist Sanskrit Literature dedicated to Claus Vogel by Colleagues, Students, and Friends, ed. D. Dimitrov, M. Hahn, and R. Steiner. Marburg 2008 (Indica et Tibetica, 36), pp. 339-351.CC BY-NC-SA 4.0
Candrasūtra
candrasūtra
1. evaṃ mayā śrutam ekasamayaṃ bhagavāñ śrāvastyāṃ viharati jetavana anāthapiṇḍadārāme / 2. tena khalu samayena rāhuṇā asurendreṇa sarvaṃ candramaṇḍalam āvṛtam* / 3. atha yā devatā tasmiṃś candramaṇḍala adhyuṣitā sā bhītā trastā saṃvignā āhṛṣṭaromakūpā yena bhagavāṃs tenopajagāma / upetya bhagavatpādau śirasā vanditvaikāṃte 'sthād ekāntasthitā sā devatā tasyāṃ velāyāṃ gāthā babhāṣe //
ed. bhitā but ms reads bhītā 4. buddhavīra namas te 'stu vipramuktāya sarvataḥ saṃbādhapratipannāsmi tasya me śaraṇaṃ bhava : ed. buddha vīra
5. arhantaṃ sugataṃ loke candramāḥ śaraṇaṃ gataḥ rāhoś candramasaṃ muñca buddhā lokānukampakāḥ //
6. bhagavān āha //
tamonudaṃ taṃ nabhasi prabhākaraṃ virocanaṃ śuklaviśuddhavarcasam* rāho śaśāṅkaṃ grasa māntarīkṣe prajāpradīpaṃ drutam utsṛjainam* //
7. atha rāhuṇā asurendreṇa tvaritatvaritaṃ candramaṇḍalam utsṛṣṭam* ⟨/⟩ tataḥ saṃtvaramāṇo 'sau rāhuś candram avāsṛjat* saṃsvinnagātro vyathitaḥ saṃbhrānta āturo yathā //
8. adrākṣīd baḍir vairocano rāhuṇā asurendreṇa tvaritatvaritaṃ candramaṇḍalam utsṛṣṭam* / dṛṣṭvā ca baḍir gāthāṃ babhāṣe //
9. kiṃ nu saṃtvaramāṇas tvaṃ rāhuś candraṃ vimuñcasi · saṃsvinnagātro vyathitaḥ saṃbhrānta āturo yathā // cf. pelliot sanskrit bleu 449 ac: /// ro yathā // 10. rāhur avocat* //
saptadhā me sphalen mūrdhā jīvan na sukham āpnuyāṃ tatra buddhābhigītena muñceyaṃ śaśinaṃ na cet* cf. pelliot sanskrit bleu 449 ac: rāhu prāha // saptadhā me sphal[e] mūrdhā 11. baḍir vairocano 'vocat* / x x x x x - - - x x x x madarśināṃ teṣāṃ gāthābhigītena rāhuś candraṃ vimuñcati // cf. pelliot sanskrit bleu 449 ad: + + + + + .. .. .. .. .. .. .. (bh)i(g)itena muñce 12. candrasūtraṃ samāptam* //
Nguồn: Bản Phạn còn sót, từ GRETIL (ĐH Göttingen) — trọn phần Phật giáo: kinh Đại thừa · luận · luật · mật giáo · kinh A-hàm · thí dụ · tán ca · thi ca. Bản Devanāgarī là phép CHUYỂN TỰ TẠI MÁY từ bản IAST, không phải bản GRETIL phát hành. Giấy phép và ấn bản in gốc ghi ở từng bài, thuộc về người nhập liệu và nhà xuất bản đứng tên; phần lớn là CC BY-NC-SA. Gói này phát hành trên GitHub cho người dùng app, để nghiên cứu và đối chiếu, không nhằm mục đích thương mại. Ai muốn gỡ bài của mình khỏi gói xin báo, sẽ gỡ ngay.