10.2.1. Uppādavāra (YA10.2.1)

10.2.1.4. Paccuppannātītavāra

10.2.1.4.1. Anulomapuggala

Yassa cakkhundriyaṁ uppajjati tassa sotindriyaṁ uppajjitthāti? Āmantā.

Yassa vā pana sotindriyaṁ uppajjittha tassa cakkhundriyaṁ uppajjatīti?

Sabbesaṁ cavantānaṁ acakkhukānaṁ upapajjantānaṁ tesaṁ sotindriyaṁ uppajjittha, no ca tesaṁ cakkhundriyaṁ uppajjati. Sacakkhukānaṁ upapajjantānaṁ tesaṁ sotindriyañca uppajjittha cakkhundriyañca uppajjati.

Yassa cakkhundriyaṁ uppajjati tassa ghānindriyaṁ uppajjitthāti? Āmantā.

Yassa vā pana ghānindriyaṁ uppajjittha tassa cakkhundriyaṁ uppajjatīti?

Sabbesaṁ cavantānaṁ acakkhukānaṁ upapajjantānaṁ tesaṁ ghānindriyaṁ uppajjittha, no ca tesaṁ cakkhundriyaṁ uppajjati. Sacakkhukānaṁ upapajjantānaṁ tesaṁ ghānindriyañca uppajjittha cakkhundriyañca uppajjati.

Yassa cakkhundriyaṁ uppajjati tassa itthindriyaṁ …pe… purisindriyaṁ uppajjitthāti? Āmantā.

Yassa vā pana purisindriyaṁ uppajjittha tassa cakkhundriyaṁ uppajjatīti?

Sabbesaṁ cavantānaṁ acakkhukānaṁ upapajjantānaṁ tesaṁ purisindriyaṁ uppajjittha, no ca tesaṁ cakkhundriyaṁ uppajjati. Sacakkhukānaṁ upapajjantānaṁ tesaṁ purisindriyañca uppajjittha cakkhundriyañca uppajjati.

Yassa cakkhundriyaṁ uppajjati tassa jīvitindriyaṁ uppajjitthāti? Āmantā.

Yassa vā pana jīvitindriyaṁ uppajjittha tassa cakkhundriyaṁ uppajjatīti?

Sabbesaṁ cavantānaṁ acakkhukānaṁ upapajjantānaṁ tesaṁ jīvitindriyaṁ uppajjittha, no ca tesaṁ cakkhundriyaṁ uppajjati. Sacakkhukānaṁ upapajjantānaṁ tesaṁ jīvitindriyañca uppajjittha cakkhundriyañca uppajjati.

Yassa cakkhundriyaṁ uppajjati tassa somanassindriyaṁ …pe… upekkhindriyaṁ uppajjitthāti? Āmantā.

Yassa vā pana upekkhindriyaṁ uppajjittha tassa cakkhundriyaṁ uppajjatīti?

Sabbesaṁ cavantānaṁ acakkhukānaṁ upapajjantānaṁ tesaṁ upekkhindriyaṁ uppajjittha, no ca tesaṁ cakkhundriyaṁ uppajjati. Sacakkhukānaṁ upapajjantānaṁ tesaṁ upekkhindriyañca uppajjittha cakkhundriyañca uppajjati.

Yassa cakkhundriyaṁ uppajjati tassa saddhindriyaṁ …pe… paññindriyaṁ …pe… manindriyaṁ uppajjitthāti? Āmantā.

Yassa vā pana manindriyaṁ uppajjittha tassa cakkhundriyaṁ uppajjatīti?

Sabbesaṁ cavantānaṁ acakkhukānaṁ upapajjantānaṁ tesaṁ manindriyaṁ uppajjittha, no ca tesaṁ cakkhundriyaṁ uppajjati. Sacakkhukānaṁ upapajjantānaṁ tesaṁ manindriyañca uppajjittha cakkhundriyañca uppajjati. (Cakkhundriyamūlakaṁ.)

Yassa ghānindriyaṁ uppajjati tassa itthindriyaṁ …pe… purisindriyaṁ uppajjitthāti? Āmantā.

Yassa vā pana purisindriyaṁ uppajjittha tassa ghānindriyaṁ uppajjatīti?

Sabbesaṁ cavantānaṁ aghānakānaṁ upapajjantānaṁ tesaṁ purisindriyaṁ uppajjittha, no ca tesaṁ ghānindriyaṁ uppajjati. Saghānakānaṁ upapajjantānaṁ tesaṁ purisindriyañca uppajjittha ghānindriyañca uppajjati.

Yassa ghānindriyaṁ uppajjati tassa jīvitindriyaṁ uppajjitthāti? Āmantā.

Yassa vā pana jīvitindriyaṁ uppajjittha tassa ghānindriyaṁ uppajjatīti?

Sabbesaṁ cavantānaṁ aghānakānaṁ upapajjantānaṁ tesaṁ jīvitindriyaṁ uppajjittha, no ca tesaṁ ghānindriyaṁ uppajjati. Saghānakānaṁ upapajjantānaṁ tesaṁ jīvitindriyañca uppajjittha ghānindriyañca uppajjati.

Yassa ghānindriyaṁ uppajjati tassa somanassindriyaṁ …pe… upekkhindriyaṁ uppajjitthāti? Āmantā.

Yassa vā pana upekkhindriyaṁ uppajjittha tassa ghānindriyaṁ uppajjatīti?

Sabbesaṁ cavantānaṁ aghānakānaṁ upapajjantānaṁ tesaṁ upekkhindriyaṁ uppajjittha, no ca tesaṁ ghānindriyaṁ uppajjati. Saghānakānaṁ upapajjantānaṁ tesaṁ upekkhindriyañca uppajjittha ghānindriyañca uppajjati.

Yassa ghānindriyaṁ uppajjati tassa saddhindriyaṁ …pe… paññindriyaṁ …pe… manindriyaṁ uppajjitthāti? Āmantā.

Yassa vā pana manindriyaṁ uppajjittha tassa ghānindriyaṁ uppajjatīti?

Sabbesaṁ cavantānaṁ aghānakānaṁ upapajjantānaṁ tesaṁ manindriyaṁ uppajjittha, no ca tesaṁ ghānindriyaṁ uppajjati. Saghānakānaṁ upapajjantānaṁ tesaṁ manindriyañca uppajjittha ghānindriyañca uppajjati. (Ghānindriyamūlakaṁ.)

Yassa itthindriyaṁ uppajjati tassa purisindriyaṁ uppajjitthāti? Āmantā.

Yassa vā pana purisindriyaṁ uppajjittha tassa itthindriyaṁ uppajjatīti?

Sabbesaṁ cavantānaṁ na itthīnaṁ upapajjantānaṁ tesaṁ purisindriyaṁ uppajjittha, no ca tesaṁ itthindriyaṁ uppajjati. Itthīnaṁ upapajjantīnaṁ tāsaṁ purisindriyañca uppajjittha itthindriyañca uppajjati.

Yassa itthindriyaṁ uppajjati tassa jīvitindriyaṁ uppajjitthāti? Āmantā.

Yassa vā pana jīvitindriyaṁ uppajjittha tassa itthindriyaṁ uppajjatīti?

Sabbesaṁ cavantānaṁ na itthīnaṁ upapajjantānaṁ tesaṁ jīvitindriyaṁ uppajjittha, no ca tesaṁ itthindriyaṁ uppajjati. Itthīnaṁ upapajjantīnaṁ tāsaṁ jīvitindriyañca uppajjittha itthindriyañca uppajjati.

Yassa itthindriyaṁ uppajjati tassa somanassindriyaṁ …pe… upekkhindriyaṁ …pe… saddhindriyaṁ …pe… paññindriyaṁ …pe… manindriyaṁ uppajjitthāti? Āmantā.

Yassa vā pana manindriyaṁ uppajjittha tassa itthindriyaṁ uppajjatīti?

Sabbesaṁ cavantānaṁ na itthīnaṁ upapajjantānaṁ tesaṁ manindriyaṁ uppajjittha, no ca tesaṁ itthindriyaṁ uppajjati. Itthīnaṁ upapajjantīnaṁ tāsaṁ manindriyañca uppajjittha itthindriyañca uppajjati. (Itthindriyamūlakaṁ.)

Yassa purisindriyaṁ uppajjati tassa jīvitindriyaṁ uppajjitthāti? Āmantā.

Yassa vā pana jīvitindriyaṁ uppajjittha tassa purisindriyaṁ uppajjatīti?

Sabbesaṁ cavantānaṁ na purisānaṁ upapajjantānaṁ tesaṁ jīvitindriyaṁ uppajjittha, no ca tesaṁ purisindriyaṁ uppajjati. Purisānaṁ upapajjantānaṁ tesaṁ jīvitindriyañca uppajjittha purisindriyañca uppajjati.

Yassa purisindriyaṁ uppajjati tassa somanassindriyaṁ …pe… upekkhindriyaṁ …pe… saddhindriyaṁ …pe… paññindriyaṁ …pe… manindriyaṁ uppajjitthāti? Āmantā.

Yassa vā pana manindriyaṁ uppajjittha tassa purisindriyaṁ uppajjatīti?

Sabbesaṁ cavantānaṁ na purisānaṁ upapajjantānaṁ tesaṁ manindriyaṁ uppajjittha, no ca tesaṁ purisindriyaṁ uppajjati. Purisānaṁ upapajjantānaṁ tesaṁ manindriyañca uppajjittha purisindriyañca uppajjati. (Purisindriyamūlakaṁ.)

Yassa jīvitindriyaṁ uppajjati tassa somanassindriyaṁ uppajjitthāti? Āmantā.

Yassa vā pana somanassindriyaṁ uppajjittha tassa jīvitindriyaṁ uppajjatīti?

Sabbesaṁ cavantānaṁ pavatte cittassa bhaṅgakkhaṇe tesaṁ somanassindriyaṁ uppajjittha, no ca tesaṁ jīvitindriyaṁ uppajjati. Sabbesaṁ upapajjantānaṁ pavatte cittassa uppādakkhaṇe tesaṁ somanassindriyañca uppajjittha jīvitindriyañca uppajjati.

Yassa jīvitindriyaṁ uppajjati tassa upekkhindriyaṁ …pe… saddhindriyaṁ …pe… paññindriyaṁ …pe… manindriyaṁ uppajjitthāti? Āmantā.

Yassa vā pana manindriyaṁ uppajjittha tassa jīvitindriyaṁ uppajjatīti?

Sabbesaṁ cavantānaṁ pavatte cittassa bhaṅgakkhaṇe tesaṁ manindriyaṁ uppajjittha, no ca tesaṁ jīvitindriyaṁ uppajjati. Sabbesaṁ upapajjantānaṁ pavatte cittassa uppādakkhaṇe tesaṁ manindriyañca uppajjittha jīvitindriyañca uppajjati. (Jīvitindriyamūlakaṁ.)

Yassa somanassindriyaṁ uppajjati tassa upekkhindriyaṁ uppajjitthāti? Āmantā.

Yassa vā pana upekkhindriyaṁ uppajjittha tassa somanassindriyaṁ uppajjatīti?

Sabbesaṁ cittassa bhaṅgakkhaṇe somanassavippayuttacittassa uppādakkhaṇe nirodhasamāpannānaṁ asaññasattānaṁ tesaṁ upekkhindriyaṁ uppajjittha, no ca tesaṁ somanassindriyaṁ uppajjati. Somanassena upapajjantānaṁ pavatte somanassasampayuttacittassa uppādakkhaṇe tesaṁ upekkhindriyañca uppajjittha somanassindriyañca uppajjati.

Yassa somanassindriyaṁ uppajjati tassa saddhindriyaṁ …pe… paññindriyaṁ …pe… manindriyaṁ uppajjitthāti? Āmantā.

Yassa vā pana manindriyaṁ uppajjittha tassa somanassindriyaṁ uppajjatīti?

Sabbesaṁ cittassa bhaṅgakkhaṇe somanassavippayuttacittassa uppādakkhaṇe nirodhasamāpannānaṁ asaññasattānaṁ tesaṁ manindriyaṁ uppajjittha, no ca tesaṁ somanassindriyaṁ uppajjati. Somanassena upapajjantānaṁ pavatte somanassasampayuttacittassa uppādakkhaṇe tesaṁ manindriyañca uppajjittha somanassindriyañca uppajjati. (Somanassindriyamūlakaṁ.)

Yassa upekkhindriyaṁ uppajjati tassa saddhindriyaṁ uppajjitthāti? Āmantā.

Yassa vā pana saddhindriyaṁ uppajjittha tassa upekkhindriyaṁ uppajjatīti?

Sabbesaṁ cittassa bhaṅgakkhaṇe upekkhāvippayuttacittassa uppādakkhaṇe nirodhasamāpannānaṁ asaññasattānaṁ tesaṁ saddhindriyaṁ uppajjittha, no ca tesaṁ upekkhindriyaṁ uppajjati. Upekkhāya upapajjantānaṁ pavatte upekkhāsampayuttacittassa uppādakkhaṇe tesaṁ saddhindriyañca uppajjittha upekkhindriyañca uppajjati.

Yassa upekkhindriyaṁ uppajjati tassa paññindriyaṁ …pe… manindriyaṁ uppajjitthāti? Āmantā.

Yassa vā pana manindriyaṁ uppajjittha tassa upekkhindriyaṁ uppajjatīti?

Sabbesaṁ cittassa bhaṅgakkhaṇe upekkhāvippayuttacittassa uppādakkhaṇe nirodhasamāpannānaṁ asaññasattānaṁ tesaṁ manindriyaṁ uppajjittha, no ca tesaṁ upekkhindriyaṁ uppajjati. Upekkhāya upapajjantānaṁ pavatte upekkhāsampayuttacittassa uppādakkhaṇe tesaṁ manindriyañca uppajjittha upekkhindriyañca uppajjati. (Upekkhindriyamūlakaṁ.)

Yassa saddhindriyaṁ uppajjati tassa paññindriyaṁ uppajjitthāti? Āmantā.

Yassa vā pana paññindriyaṁ uppajjittha tassa saddhindriyaṁ uppajjatīti?

Sabbesaṁ cittassa bhaṅgakkhaṇe saddhāvippayuttacittassa uppādakkhaṇe nirodhasamāpannānaṁ asaññasattānaṁ tesaṁ paññindriyaṁ uppajjittha, no ca tesaṁ saddhindriyaṁ uppajjati. Sahetukānaṁ upapajjantānaṁ pavatte saddhāsampayuttacittassa uppādakkhaṇe tesaṁ paññindriyañca uppajjittha saddhindriyañca uppajjati.

Yassa saddhindriyaṁ uppajjati tassa manindriyaṁ uppajjitthāti? Āmantā.

Yassa vā pana manindriyaṁ uppajjittha tassa saddhindriyaṁ uppajjatīti?

Sabbesaṁ cittassa bhaṅgakkhaṇe saddhāvippayuttacittassa uppādakkhaṇe nirodhasamāpannānaṁ asaññasattānaṁ tesaṁ manindriyaṁ uppajjittha, no ca tesaṁ saddhindriyaṁ uppajjati. Sahetukānaṁ upapajjantānaṁ pavatte saddhāsampayuttacittassa uppādakkhaṇe tesaṁ manindriyañca uppajjittha saddhindriyañca uppajjati. (Saddhindriyamūlakaṁ.)

Yassa paññindriyaṁ uppajjati tassa manindriyaṁ uppajjitthāti? Āmantā.

Yassa vā pana manindriyaṁ uppajjittha tassa paññindriyaṁ uppajjatīti?

Sabbesaṁ cittassa bhaṅgakkhaṇe ñāṇavippayuttacittassa uppādakkhaṇe nirodhasamāpannānaṁ asaññasattānaṁ tesaṁ manindriyaṁ uppajjittha, no ca tesaṁ paññindriyaṁ uppajjati. Ñāṇasampayuttānaṁ upapajjantānaṁ pavatte ñāṇasampayuttacittassa uppādakkhaṇe tesaṁ manindriyañca uppajjittha paññindriyañca uppajjati. (Paññindriyamūlakaṁ.)

10.2.1.4.2. Anulomaokāsa

Yattha cakkhundriyaṁ uppajjati tattha sotindriyaṁ uppajjitthāti? …pe….

10.2.1.4.3. Anulomapuggalokāsa

Yassa yattha cakkhundriyaṁ uppajjati tassa tattha sotindriyaṁ uppajjitthāti?

Suddhāvāsaṁ upapajjantānaṁ tesaṁ tattha cakkhundriyaṁ uppajjati, no ca tesaṁ tattha sotindriyaṁ uppajjittha. Itaresaṁ sacakkhukānaṁ upapajjantānaṁ tesaṁ tattha cakkhundriyañca uppajjati sotindriyañca uppajjittha.

Yassa vā pana yattha sotindriyaṁ uppajjittha tassa tattha cakkhundriyaṁ uppajjatīti?

Pañcavokārā cavantānaṁ acakkhukānaṁ kāmāvacaraṁ upapajjantānaṁ tesaṁ tattha sotindriyaṁ uppajjittha, no ca tesaṁ tattha cakkhundriyaṁ uppajjati. Sacakkhukānaṁ upapajjantānaṁ tesaṁ tattha sotindriyañca uppajjittha cakkhundriyañca uppajjati.

Yassa yattha cakkhundriyaṁ uppajjati tassa tattha ghānindriyaṁ uppajjitthāti?

Rūpāvacaraṁ upapajjantānaṁ tesaṁ tattha cakkhundriyaṁ uppajjati, no ca tesaṁ tattha ghānindriyaṁ uppajjittha. Sacakkhukānaṁ kāmāvacaraṁ upapajjantānaṁ tesaṁ tattha cakkhundriyañca uppajjati ghānindriyañca uppajjittha.

Yassa vā pana yattha ghānindriyaṁ uppajjittha tassa tattha cakkhundriyaṁ uppajjatīti?

Kāmāvacarā cavantānaṁ acakkhukānaṁ kāmāvacaraṁ upapajjantānaṁ tesaṁ tattha ghānindriyaṁ uppajjittha, no ca tesaṁ tattha cakkhundriyaṁ uppajjati. Sacakkhukānaṁ kāmāvacaraṁ upapajjantānaṁ tesaṁ tattha ghānindriyañca uppajjittha cakkhundriyañca uppajjati.

Yassa yattha cakkhundriyaṁ uppajjati tassa tattha itthindriyaṁ …pe… purisindriyaṁ uppajjitthāti?

Rūpāvacaraṁ upapajjantānaṁ tesaṁ tattha cakkhundriyaṁ uppajjati, no ca tesaṁ tattha purisindriyaṁ uppajjittha. Sacakkhukānaṁ kāmāvacaraṁ upapajjantānaṁ tesaṁ tattha cakkhundriyañca uppajjati purisindriyañca uppajjittha.

Yassa vā pana yattha purisindriyaṁ uppajjittha tassa tattha cakkhundriyaṁ uppajjatīti?

Kāmāvacarā cavantānaṁ acakkhukānaṁ kāmāvacaraṁ upapajjantānaṁ tesaṁ tattha purisindriyaṁ uppajjittha, no ca tesaṁ tattha cakkhundriyaṁ uppajjati. Sacakkhukānaṁ kāmāvacaraṁ upapajjantānaṁ tesaṁ tattha purisindriyañca uppajjittha cakkhundriyañca uppajjati.

Yassa yattha cakkhundriyaṁ uppajjati tassa tattha jīvitindriyaṁ uppajjitthāti?

Suddhāvāsaṁ upapajjantānaṁ tesaṁ tattha cakkhundriyaṁ uppajjati, no ca tesaṁ tattha jīvitindriyaṁ uppajjittha. Itaresaṁ sacakkhukānaṁ upapajjantānaṁ tesaṁ tattha cakkhundriyañca uppajjati jīvitindriyañca uppajjittha.

Yassa vā pana yattha jīvitindriyaṁ uppajjittha tassa tattha cakkhundriyaṁ uppajjatīti?

Sabbesaṁ cavantānaṁ acakkhukānaṁ upapajjantānaṁ tesaṁ tattha jīvitindriyaṁ uppajjittha, no ca tesaṁ tattha cakkhundriyaṁ uppajjati. Sacakkhukānaṁ upapajjantānaṁ tesaṁ tattha jīvitindriyañca uppajjittha cakkhundriyañca uppajjati.

Yassa yattha cakkhundriyaṁ uppajjati tassa tattha somanassindriyaṁ uppajjitthāti?

Suddhāvāsaṁ upapajjantānaṁ tesaṁ tattha cakkhundriyaṁ uppajjati, no ca tesaṁ tattha somanassindriyaṁ uppajjittha. Itaresaṁ sacakkhukānaṁ upapajjantānaṁ tesaṁ tattha cakkhundriyañca uppajjati somanassindriyañca uppajjittha.

Yassa vā pana yattha somanassindriyaṁ uppajjittha tassa tattha cakkhundriyaṁ uppajjatīti?

Pañcavokārā cavantānaṁ acakkhukānaṁ kāmāvacaraṁ upapajjantānaṁ tesaṁ tattha somanassindriyaṁ uppajjittha, no ca tesaṁ tattha cakkhundriyaṁ uppajjati. Sacakkhukānaṁ upapajjantānaṁ tesaṁ tattha somanassindriyañca uppajjittha cakkhundriyañca uppajjati.

Yassa yattha cakkhundriyaṁ uppajjati tassa tattha upekkhindriyaṁ uppajjitthāti?

Suddhāvāsaṁ upapajjantānaṁ tesaṁ tattha cakkhundriyaṁ uppajjati, no ca tesaṁ tattha upekkhindriyaṁ uppajjittha. Itaresaṁ sacakkhukānaṁ upapajjantānaṁ tesaṁ tattha cakkhundriyañca uppajjati upekkhindriyañca uppajjittha.

Yassa vā pana yattha upekkhindriyaṁ uppajjittha tassa tattha cakkhundriyaṁ uppajjatīti?

Pañcavokārā cavantānaṁ acakkhukānaṁ kāmāvacaraṁ upapajjantānaṁ arūpānaṁ tesaṁ tattha upekkhindriyaṁ uppajjittha, no ca tesaṁ tattha cakkhundriyaṁ uppajjati. Sacakkhukānaṁ upapajjantānaṁ tesaṁ tattha upekkhindriyañca uppajjittha cakkhundriyañca uppajjati.

Yassa yattha cakkhundriyaṁ uppajjati tassa tattha saddhindriyaṁ uppajjitthāti?

Suddhāvāsaṁ upapajjantānaṁ tesaṁ tattha cakkhundriyaṁ uppajjati, no ca tesaṁ tattha saddhindriyaṁ uppajjittha. Itaresaṁ sacakkhukānaṁ upapajjantānaṁ tesaṁ tattha cakkhundriyañca uppajjati saddhindriyañca uppajjittha.

Yassa vā pana yattha saddhindriyaṁ uppajjittha tassa tattha cakkhundriyaṁ uppajjatīti?

Pañcavokārā cavantānaṁ acakkhukānaṁ kāmāvacaraṁ upapajjantānaṁ arūpānaṁ tesaṁ tattha saddhindriyaṁ uppajjittha, no ca tesaṁ tattha cakkhundriyaṁ uppajjati. Sacakkhukānaṁ upapajjantānaṁ tesaṁ tattha saddhindriyañca uppajjittha cakkhundriyañca uppajjati.

Yassa yattha cakkhundriyaṁ uppajjati tassa tattha paññindriyaṁ …pe… manindriyaṁ uppajjitthāti?

Suddhāvāsaṁ upapajjantānaṁ tesaṁ tattha cakkhundriyaṁ uppajjati, no ca tesaṁ tattha manindriyaṁ uppajjittha. Itaresaṁ sacakkhukānaṁ upapajjantānaṁ tesaṁ tattha cakkhundriyañca uppajjati manindriyañca uppajjittha.

Yassa vā pana yattha manindriyaṁ uppajjittha tassa tattha cakkhundriyaṁ uppajjatīti?

Pañcavokārā cavantānaṁ acakkhukānaṁ kāmāvacaraṁ upapajjantānaṁ arūpānaṁ tesaṁ tattha manindriyaṁ uppajjittha, no ca tesaṁ tattha cakkhundriyaṁ uppajjati. Sacakkhukānaṁ upapajjantānaṁ tesaṁ tattha manindriyañca uppajjittha cakkhundriyañca uppajjati. (Cakkhundriyamūlakaṁ.)

Yassa yattha ghānindriyaṁ uppajjati tassa tattha itthindriyaṁ …pe… purisindriyaṁ uppajjitthāti? Āmantā.

Yassa vā pana yattha purisindriyaṁ uppajjittha tassa tattha ghānindriyaṁ uppajjatīti?

Kāmāvacarā cavantānaṁ aghānakānaṁ kāmāvacaraṁ upapajjantānaṁ tesaṁ tattha purisindriyaṁ uppajjittha, no ca tesaṁ tattha ghānindriyaṁ uppajjati. Saghānakānaṁ upapajjantānaṁ tesaṁ tattha purisindriyañca uppajjittha ghānindriyañca uppajjati.

Yassa yattha ghānindriyaṁ uppajjati tassa tattha jīvitindriyaṁ uppajjitthāti? Āmantā.

Yassa vā pana yattha jīvitindriyaṁ uppajjittha tassa tattha ghānindriyaṁ uppajjatīti?

Sabbesaṁ cavantānaṁ aghānakānaṁ upapajjantānaṁ tesaṁ tattha jīvitindriyaṁ uppajjittha, no ca tesaṁ tattha ghānindriyaṁ uppajjati. Saghānakānaṁ upapajjantānaṁ tesaṁ tattha jīvitindriyañca uppajjittha ghānindriyañca uppajjati.

Yassa yattha ghānindriyaṁ uppajjati tassa tattha somanassindriyaṁ uppajjitthāti? Āmantā.

Yassa vā pana yattha somanassindriyaṁ uppajjittha tassa tattha ghānindriyaṁ uppajjatīti?

Kāmāvacarā cavantānaṁ aghānakānaṁ kāmāvacaraṁ upapajjantānaṁ rūpāvacarānaṁ tesaṁ tattha somanassindriyaṁ uppajjittha, no ca tesaṁ tattha ghānindriyaṁ uppajjati. Saghānakānaṁ upapajjantānaṁ tesaṁ tattha somanassindriyañca uppajjittha ghānindriyañca uppajjati.

Yassa yattha ghānindriyaṁ uppajjati tassa tattha upekkhindriyaṁ uppajjitthāti? Āmantā.

Yassa vā pana yattha upekkhindriyaṁ uppajjittha tassa tattha ghānindriyaṁ uppajjatīti?

Kāmāvacarā cavantānaṁ aghānakānaṁ kāmāvacaraṁ upapajjantānaṁ rūpāvacarānaṁ arūpāvacarānaṁ tesaṁ tattha upekkhindriyaṁ uppajjittha, no ca tesaṁ tattha ghānindriyaṁ uppajjati. Saghānakānaṁ upapajjantānaṁ tesaṁ tattha upekkhindriyañca uppajjittha ghānindriyañca uppajjati.

Yassa yattha ghānindriyaṁ uppajjati tassa tattha saddhindriyaṁ …pe… paññindriyaṁ …pe… manindriyaṁ uppajjitthāti? Āmantā.

Yassa vā pana yattha manindriyaṁ uppajjittha tassa tattha ghānindriyaṁ uppajjatīti?

Kāmāvacarā cavantānaṁ aghānakānaṁ kāmāvacaraṁ upapajjantānaṁ rūpāvacarānaṁ arūpāvacarānaṁ tesaṁ tattha manindriyaṁ uppajjittha, no ca tesaṁ tattha ghānindriyaṁ uppajjati. Saghānakānaṁ upapajjantānaṁ tesaṁ tattha manindriyañca uppajjittha ghānindriyañca uppajjati. (Ghānindriyamūlakaṁ.)

Yassa yattha itthindriyaṁ uppajjati tassa tattha purisindriyaṁ uppajjitthāti? Āmantā.

Yassa vā pana yattha purisindriyaṁ uppajjittha tassa tattha itthindriyaṁ uppajjatīti?

Kāmāvacarā cavantānaṁ na itthīnaṁ kāmāvacaraṁ upapajjantānaṁ tesaṁ tattha purisindriyaṁ uppajjittha, no ca tesaṁ tattha itthindriyaṁ uppajjati. Itthīnaṁ upapajjantīnaṁ tāsaṁ tattha purisindriyañca uppajjittha itthindriyañca uppajjati.

Yassa yattha itthindriyaṁ uppajjati tassa tattha jīvitindriyaṁ uppajjitthāti? Āmantā.

Yassa vā pana yattha jīvitindriyaṁ uppajjittha tassa tattha itthindriyaṁ uppajjatīti?

Kāmāvacarā cavantānaṁ na itthīnaṁ kāmāvacaraṁ upapajjantānaṁ rūpāvacarānaṁ arūpāvacarānaṁ tesaṁ tattha jīvitindriyaṁ uppajjittha, no ca tesaṁ tattha itthindriyaṁ uppajjati. Itthīnaṁ upapajjantīnaṁ tāsaṁ tattha jīvitindriyañca uppajjittha itthindriyañca uppajjati.

Yassa yattha itthindriyaṁ uppajjati tassa tattha somanassindriyaṁ uppajjitthāti? Āmantā.

Yassa vā pana yattha somanassindriyaṁ uppajjittha tassa tattha itthindriyaṁ uppajjatīti?

Kāmāvacarā cavantānaṁ na itthīnaṁ kāmāvacaraṁ upapajjantānaṁ rūpāvacarānaṁ tesaṁ tattha somanassindriyaṁ uppajjittha, no ca tesaṁ tattha itthindriyaṁ uppajjati. Itthīnaṁ upapajjantīnaṁ tāsaṁ tattha somanassindriyañca uppajjittha itthindriyañca uppajjati.

Yassa yattha itthindriyaṁ uppajjati tassa tattha upekkhindriyaṁ …pe… saddhindriyaṁ …pe… paññindriyaṁ …pe… manindriyaṁ uppajjitthāti? Āmantā.

Yassa vā pana yattha manindriyaṁ uppajjittha tassa tattha itthindriyaṁ uppajjatīti?

Kāmāvacarā cavantānaṁ na itthīnaṁ kāmāvacaraṁ upapajjantānaṁ rūpāvacarānaṁ arūpāvacarānaṁ tesaṁ tattha manindriyaṁ uppajjittha, no ca tesaṁ tattha itthindriyaṁ uppajjati. Itthīnaṁ upapajjantīnaṁ tāsaṁ tattha manindriyañca uppajjittha itthindriyañca uppajjati. (Itthindriyamūlakaṁ.)

Yassa yattha purisindriyaṁ uppajjati tassa tattha jīvitindriyaṁ uppajjitthāti? Āmantā.

Yassa vā pana yattha jīvitindriyaṁ uppajjittha tassa tattha purisindriyaṁ uppajjatīti?

Kāmāvacarā cavantānaṁ na purisānaṁ kāmāvacaraṁ upapajjantānaṁ rūpāvacarānaṁ arūpāvacarānaṁ tesaṁ tattha jīvitindriyaṁ uppajjittha, no ca tesaṁ tattha purisindriyaṁ uppajjati. Purisānaṁ upapajjantānaṁ tesaṁ tattha jīvitindriyañca uppajjittha purisindriyañca uppajjati.

Yassa yattha purisindriyaṁ uppajjati tassa tattha somanassindriyaṁ uppajjitthāti? Āmantā.

Yassa vā pana yattha somanassindriyaṁ uppajjittha tassa tattha purisindriyaṁ uppajjatīti?

Kāmāvacarā cavantānaṁ na purisānaṁ kāmāvacaraṁ upapajjantānaṁ rūpāvacarānaṁ tesaṁ tattha somanassindriyaṁ uppajjittha, no ca tesaṁ tattha purisindriyaṁ uppajjati. Purisānaṁ upapajjantānaṁ tesaṁ tattha somanassindriyañca uppajjittha purisindriyañca uppajjati.

Yassa yattha purisindriyaṁ uppajjati tassa tattha upekkhindriyaṁ uppajjitthāti? Āmantā.

Yassa vā pana yattha upekkhindriyaṁ uppajjittha tassa tattha purisindriyaṁ uppajjatīti?

Kāmāvacarā cavantānaṁ na purisānaṁ kāmāvacaraṁ upapajjantānaṁ rūpāvacarānaṁ arūpāvacarānaṁ tesaṁ tattha upekkhindriyaṁ uppajjittha, no ca tesaṁ tattha purisindriyaṁ uppajjati. Purisānaṁ upapajjantānaṁ tesaṁ tattha upekkhindriyañca uppajjittha purisindriyañca uppajjati.

Yassa yattha purisindriyaṁ uppajjati tassa tattha saddhindriyaṁ …pe… paññindriyaṁ …pe… manindriyaṁ uppajjitthāti? Āmantā.

Yassa vā pana yattha manindriyaṁ uppajjittha tassa tattha purisindriyaṁ uppajjatīti?

Kāmāvacarā cavantānaṁ na purisānaṁ kāmāvacaraṁ upapajjantānaṁ rūpāvacarānaṁ arūpāvacarānaṁ tesaṁ tattha manindriyaṁ uppajjittha, no ca tesaṁ tattha purisindriyaṁ uppajjati. Purisānaṁ upapajjantānaṁ tesaṁ tattha manindriyañca uppajjittha purisindriyañca uppajjati. (Purisindriyamūlakaṁ.)

Yassa yattha jīvitindriyaṁ uppajjati tassa tattha somanassindriyaṁ uppajjitthāti?

Suddhāvāsānaṁ upapatticittassa uppādakkhaṇe asaññasattaṁ upapajjantānaṁ tesaṁ tattha jīvitindriyaṁ uppajjati, no ca tesaṁ tattha somanassindriyaṁ uppajjittha. Itaresaṁ catuvokāraṁ pañcavokāraṁ upapajjantānaṁ pavatte cittassa uppādakkhaṇe tesaṁ tattha jīvitindriyañca uppajjati somanassindriyañca uppajjittha.

Yassa vā pana yattha somanassindriyaṁ uppajjittha tassa tattha jīvitindriyaṁ uppajjatīti?

Catuvokārā pañcavokārā cavantānaṁ pavatte cittassa bhaṅgakkhaṇe tesaṁ tattha somanassindriyaṁ uppajjittha, no ca tesaṁ tattha jīvitindriyaṁ uppajjati. Catuvokāraṁ pañcavokāraṁ upapajjantānaṁ pavatte cittassa uppādakkhaṇe tesaṁ tattha somanassindriyañca uppajjittha jīvitindriyañca uppajjati.

Yassa yattha jīvitindriyaṁ uppajjati tassa tattha upekkhindriyaṁ uppajjitthāti?

Suddhāvāsaṁ upapajjantānaṁ asaññasattaṁ upapajjantānaṁ tesaṁ tattha jīvitindriyaṁ uppajjati, no ca tesaṁ tattha upekkhindriyaṁ uppajjittha. Itaresaṁ catuvokāraṁ pañcavokāraṁ upapajjantānaṁ pavatte cittassa uppādakkhaṇe tesaṁ tattha jīvitindriyañca uppajjati upekkhindriyañca uppajjittha.

Yassa vā pana yattha upekkhindriyaṁ uppajjittha tassa tattha jīvitindriyaṁ uppajjatīti?

Catuvokārā pañcavokārā cavantānaṁ pavatte cittassa bhaṅgakkhaṇe tesaṁ tattha upekkhindriyaṁ uppajjittha, no ca tesaṁ tattha jīvitindriyaṁ uppajjati. Catuvokāraṁ pañcavokāraṁ upapajjantānaṁ pavatte cittassa uppādakkhaṇe tesaṁ tattha upekkhindriyañca uppajjittha jīvitindriyañca uppajjati.

Yassa yattha jīvitindriyaṁ uppajjati tassa tattha saddhindriyaṁ …pe… paññindriyaṁ …pe… manindriyaṁ uppajjitthāti?

Suddhāvāsaṁ upapajjantānaṁ asaññasattaṁ upapajjantānaṁ tesaṁ tattha jīvitindriyaṁ uppajjati, no ca tesaṁ tattha manindriyaṁ uppajjittha. Itaresaṁ catuvokāraṁ pañcavokāraṁ upapajjantānaṁ pavatte cittassa uppādakkhaṇe tesaṁ tattha jīvitindriyañca uppajjati manindriyañca uppajjittha.

Yassa vā pana yattha manindriyaṁ uppajjittha tassa tattha jīvitindriyaṁ uppajjatīti?

Catuvokārā pañcavokārā cavantānaṁ pavatte cittassa bhaṅgakkhaṇe tesaṁ tattha manindriyaṁ uppajjittha, no ca tesaṁ tattha jīvitindriyaṁ uppajjati. Catuvokāraṁ pañcavokāraṁ upapajjantānaṁ pavatte cittassa uppādakkhaṇe tesaṁ tattha manindriyañca uppajjittha jīvitindriyañca uppajjati. (Jīvitindriyamūlakaṁ.)

Yassa yattha somanassindriyaṁ uppajjati tassa tattha upekkhindriyaṁ …pe… saddhindriyaṁ …pe… paññindriyaṁ …pe… manindriyaṁ uppajjitthāti? Āmantā.

Yassa vā pana yattha manindriyaṁ uppajjittha tassa tattha somanassindriyaṁ uppajjatīti?

Sabbesaṁ cittassa bhaṅgakkhaṇe somanassavippayuttacittassa uppādakkhaṇe tesaṁ tattha manindriyaṁ uppajjittha, no ca tesaṁ tattha somanassindriyaṁ uppajjati. Somanassena upapajjantānaṁ pavatte somanassasampayuttacittassa uppādakkhaṇe tesaṁ tattha manindriyañca uppajjittha somanassindriyañca uppajjati. (Somanassindriyamūlakaṁ.)

Yassa yattha upekkhindriyaṁ uppajjati tassa tattha saddhindriyaṁ uppajjitthāti?

Suddhāvāsaṁ upapajjantānaṁ tesaṁ tattha upekkhindriyaṁ uppajjati, no ca tesaṁ tattha saddhindriyaṁ uppajjittha. Itaresaṁ upekkhāya upapajjantānaṁ pavatte upekkhāsampayuttacittassa uppādakkhaṇe tesaṁ tattha upekkhindriyañca uppajjati saddhindriyañca uppajjittha.

Yassa vā pana yattha saddhindriyaṁ uppajjittha tassa tattha upekkhindriyaṁ uppajjatīti?

Sabbesaṁ cittassa bhaṅgakkhaṇe upekkhāvippayuttacittassa uppādakkhaṇe tesaṁ tattha saddhindriyaṁ uppajjittha, no ca tesaṁ tattha upekkhindriyaṁ uppajjati. Upekkhāya upapajjantānaṁ pavatte upekkhāsampayuttacittassa uppādakkhaṇe tesaṁ tattha saddhindriyañca uppajjittha upekkhindriyañca uppajjati.

Yassa yattha upekkhindriyaṁ uppajjati tassa tattha paññindriyaṁ …pe… manindriyaṁ uppajjitthāti?

Suddhāvāsaṁ upapajjantānaṁ tesaṁ tattha upekkhindriyaṁ uppajjati, no ca tesaṁ tattha manindriyaṁ uppajjittha. Itaresaṁ upekkhāya upapajjantānaṁ pavatte upekkhāsampayuttacittassa uppādakkhaṇe tesaṁ tattha upekkhindriyañca uppajjati manindriyañca uppajjittha.

Yassa vā pana yattha manindriyaṁ uppajjittha tassa tattha upekkhindriyaṁ uppajjatīti?

Sabbesaṁ cittassa bhaṅgakkhaṇe upekkhāvippayuttacittassa uppādakkhaṇe tesaṁ tattha manindriyaṁ uppajjittha, no ca tesaṁ tattha upekkhindriyaṁ uppajjati. Upekkhāya upapajjantānaṁ pavatte upekkhāsampayuttacittassa uppādakkhaṇe tesaṁ tattha manindriyañca uppajjittha upekkhindriyañca uppajjati. (Upekkhindriyamūlakaṁ.)

Yassa yattha saddhindriyaṁ uppajjati tassa tattha paññindriyaṁ uppajjitthāti?

Suddhāvāsaṁ upapajjantānaṁ tesaṁ tattha saddhindriyaṁ uppajjati, no ca tesaṁ tattha paññindriyaṁ uppajjittha. Itaresaṁ sahetukānaṁ upapajjantānaṁ pavatte saddhāsampayuttacittassa uppādakkhaṇe tesaṁ tattha saddhindriyañca uppajjati paññindriyañca uppajjittha.

Yassa vā pana yattha paññindriyaṁ uppajjittha tassa tattha saddhindriyaṁ uppajjatīti?

Sabbesaṁ cittassa bhaṅgakkhaṇe saddhāvippayuttacittassa uppādakkhaṇe tesaṁ tattha paññindriyaṁ uppajjittha, no ca tesaṁ tattha saddhindriyaṁ uppajjati. Sahetukānaṁ upapajjantānaṁ pavatte saddhāsampayuttacittassa uppādakkhaṇe tesaṁ tattha paññindriyañca uppajjittha saddhindriyañca uppajjati.

Yassa yattha saddhindriyaṁ uppajjati tassa tattha manindriyaṁ uppajjitthāti?

Suddhāvāsaṁ upapajjantānaṁ tesaṁ tattha saddhindriyaṁ uppajjati, no ca tesaṁ tattha manindriyaṁ uppajjittha. Itaresaṁ sahetukānaṁ upapajjantānaṁ pavatte saddhāsampayuttacittassa uppādakkhaṇe tesaṁ tattha saddhindriyañca uppajjati manindriyañca uppajjittha.

Yassa vā pana yattha manindriyaṁ uppajjittha tassa tattha saddhindriyaṁ uppajjatīti?

Sabbesaṁ cittassa bhaṅgakkhaṇe saddhāvippayuttacittassa uppādakkhaṇe tesaṁ tattha manindriyaṁ uppajjittha, no ca tesaṁ tattha saddhindriyaṁ uppajjati. Sahetukānaṁ upapajjantānaṁ pavatte saddhāsampayuttacittassa uppādakkhaṇe tesaṁ tattha manindriyañca uppajjittha saddhindriyañca uppajjati. (Saddhindriyamūlakaṁ.)

Yassa yattha paññindriyaṁ uppajjati tassa tattha manindriyaṁ uppajjitthāti?

Suddhāvāsaṁ upapajjantānaṁ tesaṁ tattha paññindriyaṁ uppajjati, no ca tesaṁ tattha manindriyaṁ uppajjittha. Itaresaṁ ñāṇasampayuttānaṁ upapajjantānaṁ pavatte ñāṇasampayuttacittassa uppādakkhaṇe tesaṁ tattha paññindriyañca uppajjati manindriyañca uppajjittha.

Yassa vā pana yattha manindriyaṁ uppajjittha tassa tattha paññindriyaṁ uppajjatīti?

Sabbesaṁ cittassa bhaṅgakkhaṇe ñāṇavippayuttacittassa uppādakkhaṇe tesaṁ tattha manindriyaṁ uppajjittha, no ca tesaṁ tattha paññindriyaṁ uppajjati. Ñāṇasampayuttānaṁ upapajjantānaṁ pavatte ñāṇasampayuttacittassa uppādakkhaṇe tesaṁ tattha manindriyañca uppajjittha paññindriyañca uppajjati. (Paññindriyamūlakaṁ.)

10.2.1.4.4. Paccanīkapuggala

Yassa cakkhundriyaṁ na uppajjati tassa sotindriyaṁ na uppajjitthāti? Uppajjittha.

Yassa vā pana sotindriyaṁ na uppajjittha tassa cakkhundriyaṁ na uppajjatīti? Natthi.

Yassa cakkhundriyaṁ na uppajjati tassa ghānindriyaṁ na uppajjitthāti? Uppajjittha.

Yassa vā pana ghānindriyaṁ na uppajjittha tassa cakkhundriyaṁ na uppajjatīti? Natthi.

Yassa cakkhundriyaṁ na uppajjati tassa itthindriyaṁ …pe… purisindriyaṁ na uppajjitthāti? Uppajjittha.

Yassa vā pana purisindriyaṁ na uppajjittha tassa cakkhundriyaṁ na uppajjatīti? Natthi.

Yassa cakkhundriyaṁ na uppajjati tassa jīvitindriyaṁ na uppajjitthāti? Uppajjittha.

Yassa vā pana jīvitindriyaṁ na uppajjittha tassa cakkhundriyaṁ na uppajjatīti? Natthi.

Yassa cakkhundriyaṁ na uppajjati tassa somanassindriyaṁ …pe… upekkhindriyaṁ na uppajjitthāti? Uppajjittha.

Yassa vā pana upekkhindriyaṁ na uppajjittha tassa cakkhundriyaṁ na uppajjatīti? Natthi.

Yassa cakkhundriyaṁ na uppajjati tassa saddhindriyaṁ …pe… paññindriyaṁ …pe… manindriyaṁ na uppajjitthāti? Uppajjittha.

Yassa vā pana manindriyaṁ na uppajjittha tassa cakkhundriyaṁ na uppajjatīti? Natthi …pe….

Yassa paññindriyaṁ na uppajjati tassa manindriyaṁ na uppajjitthāti? Uppajjittha.

Yassa vā pana manindriyaṁ na uppajjittha tassa paññindriyaṁ na uppajjatīti? Natthi.

10.2.1.4.5. Paccanīkaokāsa

Yattha cakkhundriyaṁ na uppajjati tattha sotindriyaṁ na uppajjitthāti? …pe….

10.2.1.4.6. Paccanīkapuggalokāsa

Yassa yattha cakkhundriyaṁ na uppajjati tassa tattha sotindriyaṁ na uppajjitthāti?

Pañcavokārā cavantānaṁ acakkhukānaṁ kāmāvacaraṁ upapajjantānaṁ tesaṁ tattha cakkhundriyaṁ na uppajjati, no ca tesaṁ tattha sotindriyaṁ na uppajjittha. Suddhāvāse parinibbantānaṁ asaññasattānaṁ arūpānaṁ tesaṁ tattha cakkhundriyañca na uppajjati sotindriyañca na uppajjittha.

Yassa vā pana yattha sotindriyaṁ na uppajjittha tassa tattha cakkhundriyaṁ na uppajjatīti?

Suddhāvāsaṁ upapajjantānaṁ tesaṁ tattha sotindriyaṁ na uppajjittha, no ca tesaṁ tattha cakkhundriyaṁ na uppajjati. Suddhāvāse parinibbantānaṁ asaññasattānaṁ arūpānaṁ tesaṁ tattha sotindriyañca na uppajjittha cakkhundriyañca na uppajjati.

Yassa yattha cakkhundriyaṁ na uppajjati tassa tattha ghānindriyaṁ na uppajjitthāti?

Kāmāvacarā cavantānaṁ acakkhukānaṁ kāmāvacaraṁ upapajjantānaṁ tesaṁ tattha cakkhundriyaṁ na uppajjati, no ca tesaṁ tattha ghānindriyaṁ na uppajjittha. Rūpāvacarā cavantānaṁ asaññasattānaṁ arūpānaṁ tesaṁ tattha cakkhundriyañca na uppajjati ghānindriyañca na uppajjittha.

Yassa vā pana yattha ghānindriyaṁ na uppajjittha tassa tattha cakkhundriyaṁ na uppajjatīti?

Rūpāvacaraṁ upapajjantānaṁ tesaṁ tattha ghānindriyaṁ na uppajjittha, no ca tesaṁ tattha cakkhundriyaṁ na uppajjati. Rūpāvacarā cavantānaṁ asaññasattānaṁ arūpānaṁ tesaṁ tattha ghānindriyañca na uppajjittha cakkhundriyañca na uppajjati.

Yassa yattha cakkhundriyaṁ na uppajjati tassa tattha itthindriyaṁ …pe… purisindriyaṁ na uppajjitthāti?

Kāmāvacarā cavantānaṁ acakkhukānaṁ kāmāvacaraṁ upapajjantānaṁ tesaṁ tattha cakkhundriyaṁ na uppajjati, no ca tesaṁ tattha purisindriyaṁ na uppajjittha. Rūpāvacarā cavantānaṁ asaññasattānaṁ arūpānaṁ tesaṁ tattha cakkhundriyañca na uppajjati purisindriyañca na uppajjittha.

Yassa vā pana yattha purisindriyaṁ na uppajjittha tassa tattha cakkhundriyaṁ na uppajjatīti?

Rūpāvacaraṁ upapajjantānaṁ tesaṁ tattha purisindriyaṁ na uppajjittha, no ca tesaṁ tattha cakkhundriyaṁ na uppajjati. Rūpāvacarā cavantānaṁ asaññasattānaṁ arūpānaṁ tesaṁ tattha purisindriyañca na uppajjittha cakkhundriyañca na uppajjati.

Yassa yattha cakkhundriyaṁ na uppajjati tassa tattha jīvitindriyaṁ na uppajjitthāti?

Sabbesaṁ cavantānaṁ acakkhukānaṁ upapajjantānaṁ tesaṁ tattha cakkhundriyaṁ na uppajjati, no ca tesaṁ tattha jīvitindriyaṁ na uppajjittha. Suddhāvāse parinibbantānaṁ tesaṁ tattha cakkhundriyañca na uppajjati jīvitindriyañca na uppajjittha.

Yassa vā pana yattha jīvitindriyaṁ na uppajjittha tassa tattha cakkhundriyaṁ na uppajjatīti?

Suddhāvāsaṁ upapajjantānaṁ tesaṁ tattha jīvitindriyaṁ na uppajjittha, no ca tesaṁ tattha cakkhundriyaṁ na uppajjati. Suddhāvāse parinibbantānaṁ tesaṁ tattha jīvitindriyañca na uppajjittha cakkhundriyañca na uppajjati.

Yassa yattha cakkhundriyaṁ na uppajjati tassa tattha somanassindriyaṁ na uppajjitthāti?

Pañcavokārā cavantānaṁ acakkhukānaṁ kāmāvacaraṁ upapajjantānaṁ tesaṁ tattha cakkhundriyaṁ na uppajjati, no ca tesaṁ tattha somanassindriyaṁ na uppajjittha. Suddhāvāse parinibbantānaṁ asaññasattānaṁ arūpānaṁ tesaṁ tattha cakkhundriyañca na uppajjati sotindriyañca na uppajjittha.

Yassa vā pana yattha somanassindriyaṁ na uppajjittha tassa tattha cakkhundriyaṁ na uppajjatīti?

Suddhāvāsaṁ upapajjantānaṁ tesaṁ tattha somanassindriyaṁ na uppajjittha, no ca tesaṁ tattha cakkhundriyaṁ na uppajjati. Suddhāvāse parinibbantānaṁ asaññasattānaṁ arūpānaṁ tesaṁ tattha somanassindriyañca na uppajjittha cakkhundriyañca na uppajjati.

Yassa yattha cakkhundriyaṁ na uppajjati tassa tattha upekkhindriyaṁ na uppajjitthāti?

Pañcavokārā cavantānaṁ acakkhukānaṁ kāmāvacaraṁ upapajjantānaṁ arūpānaṁ tesaṁ tattha cakkhundriyaṁ na uppajjati, no ca tesaṁ tattha upekkhindriyaṁ na uppajjittha. Suddhāvāse parinibbantānaṁ asaññasattānaṁ tesaṁ tattha cakkhundriyañca na uppajjati upekkhindriyañca na uppajjittha.

Yassa vā pana yattha upekkhindriyaṁ na uppajjittha tassa tattha cakkhundriyaṁ na uppajjatīti?

Suddhāvāsaṁ upapajjantānaṁ tesaṁ tattha upekkhindriyaṁ na uppajjittha, no ca tesaṁ tattha cakkhundriyaṁ na uppajjati. Suddhāvāse parinibbantānaṁ asaññasattānaṁ tesaṁ tattha upekkhindriyañca na uppajjittha cakkhundriyañca na uppajjati.

Yassa yattha cakkhundriyaṁ na uppajjati tassa tattha saddhindriyaṁ …pe… paññindriyaṁ …pe… manindriyaṁ na uppajjitthāti?

Pañcavokārā cavantānaṁ acakkhukānaṁ kāmāvacaraṁ upapajjantānaṁ arūpānaṁ tesaṁ tattha cakkhundriyaṁ na uppajjati, no ca tesaṁ tattha manindriyaṁ na uppajjittha. Suddhāvāse parinibbantānaṁ asaññasattānaṁ tesaṁ tattha cakkhundriyañca na uppajjati manindriyañca na uppajjittha.

Yassa vā pana yattha manindriyaṁ na uppajjittha tassa tattha cakkhundriyaṁ na uppajjatīti?

Suddhāvāsaṁ upapajjantānaṁ tesaṁ tattha manindriyaṁ na uppajjittha, no ca tesaṁ tattha cakkhundriyaṁ na uppajjati. Suddhāvāse parinibbantānaṁ asaññasattānaṁ tesaṁ tattha manindriyañca na uppajjittha cakkhundriyañca na uppajjati. (Cakkhundriyamūlakaṁ.)

Yassa yattha ghānindriyaṁ na uppajjati tassa tattha itthindriyaṁ …pe… purisindriyaṁ na uppajjitthāti?

Kāmāvacarā cavantānaṁ aghānakānaṁ kāmāvacaraṁ upapajjantānaṁ tesaṁ tattha ghānindriyaṁ na uppajjati, no ca tesaṁ tattha purisindriyaṁ na uppajjittha. Rūpāvacarānaṁ arūpāvacarānaṁ tesaṁ tattha ghānindriyañca na uppajjati purisindriyañca na uppajjittha.

Yassa vā pana yattha purisindriyaṁ na uppajjittha tassa tattha ghānindriyaṁ na uppajjatīti? Āmantā.

Yassa yattha ghānindriyaṁ na uppajjati tassa tattha jīvitindriyaṁ na uppajjitthāti?

Sabbesaṁ cavantānaṁ aghānakānaṁ upapajjantānaṁ tesaṁ tattha ghānindriyaṁ na uppajjati, no ca tesaṁ tattha jīvitindriyaṁ na uppajjittha. Suddhāvāsānaṁ tesaṁ tattha ghānindriyañca na uppajjati jīvitindriyañca na uppajjittha.

Yassa vā pana yattha jīvitindriyaṁ na uppajjittha tassa tattha ghānindriyaṁ na uppajjatīti? Āmantā.

Yassa yattha ghānindriyaṁ na uppajjati tassa tattha somanassindriyaṁ na uppajjitthāti?

Kāmāvacarā cavantānaṁ aghānakānaṁ kāmāvacaraṁ upapajjantānaṁ rūpāvacarānaṁ tesaṁ tattha ghānindriyaṁ na uppajjati, no ca tesaṁ tattha somanassindriyaṁ na uppajjittha. Suddhāvāsānaṁ asaññasattānaṁ arūpānaṁ tesaṁ tattha ghānindriyañca na uppajjati somanassindriyañca na uppajjittha.

Yassa vā pana yattha somanassindriyaṁ na uppajjittha tassa tattha ghānindriyaṁ na uppajjatīti? Āmantā.

Yassa yattha ghānindriyaṁ na uppajjati tassa tattha upekkhindriyaṁ …pe… saddhindriyaṁ …pe… paññindriyaṁ …pe… manindriyaṁ na uppajjitthāti?

Kāmāvacarā cavantānaṁ aghānakānaṁ kāmāvacaraṁ upapajjantānaṁ rūpāvacarānaṁ arūpāvacarānaṁ tesaṁ tattha ghānindriyaṁ na uppajjati, no ca tesaṁ tattha manindriyaṁ na uppajjittha. Suddhāvāsānaṁ asaññasattānaṁ tesaṁ tattha ghānindriyañca na uppajjati manindriyañca na uppajjittha.

Yassa vā pana yattha manindriyaṁ na uppajjittha tassa tattha ghānindriyaṁ na uppajjatīti? Āmantā. (Ghānindriyamūlakaṁ.)

Yassa yattha itthindriyaṁ na uppajjati tassa tattha purisindriyaṁ na uppajjitthāti?

Kāmāvacarā cavantānaṁ na itthīnaṁ kāmāvacaraṁ upapajjantānaṁ tesaṁ tattha itthindriyaṁ na uppajjati, no ca tesaṁ tattha purisindriyaṁ na uppajjittha. Rūpāvacarānaṁ arūpāvacarānaṁ tesaṁ tattha itthindriyañca na uppajjati purisindriyañca na uppajjittha.

Yassa vā pana yattha purisindriyaṁ na uppajjittha tassa tattha itthindriyaṁ na uppajjatīti? Āmantā.

Yassa yattha itthindriyaṁ na uppajjati tassa tattha jīvitindriyaṁ na uppajjitthāti?

Kāmāvacarā cavantānaṁ na itthīnaṁ kāmāvacaraṁ upapajjantānaṁ rūpāvacarānaṁ arūpāvacarānaṁ tesaṁ tattha itthindriyaṁ na uppajjati, no ca tesaṁ tattha jīvitindriyaṁ na uppajjittha. Suddhāvāsānaṁ tesaṁ tattha itthindriyañca na uppajjati jīvitindriyañca na uppajjittha.

Yassa vā pana yattha jīvitindriyaṁ na uppajjittha tassa tattha itthindriyaṁ na uppajjatīti? Āmantā.

Yassa yattha itthindriyaṁ na uppajjati tassa tattha somanassindriyaṁ na uppajjitthāti?

Kāmāvacarā cavantānaṁ na itthīnaṁ kāmāvacaraṁ upapajjantānaṁ rūpāvacarānaṁ tesaṁ tattha itthindriyaṁ na uppajjati, no ca tesaṁ tattha somanassindriyaṁ na uppajjittha. Suddhāvāsānaṁ asaññasattānaṁ arūpānaṁ tesaṁ tattha itthindriyañca na uppajjati somanassindriyañca na uppajjittha.

Yassa vā pana yattha somanassindriyaṁ na uppajjittha tassa tattha itthindriyaṁ na uppajjatīti? Āmantā.

Yassa yattha itthindriyaṁ na uppajjati tassa tattha upekkhindriyaṁ …pe… saddhindriyaṁ …pe… paññindriyaṁ …pe… manindriyaṁ na uppajjitthāti?

Kāmāvacarā cavantānaṁ na itthīnaṁ kāmāvacaraṁ upapajjantānaṁ rūpāvacarānaṁ arūpāvacarānaṁ tesaṁ tattha itthindriyaṁ na uppajjati, no ca tesaṁ tattha manindriyaṁ na uppajjittha. Suddhāvāsānaṁ asaññasattānaṁ tesaṁ tattha itthindriyañca na uppajjati manindriyañca na uppajjittha.

Yassa vā pana yattha manindriyaṁ na uppajjittha tassa tattha itthindriyaṁ na uppajjatīti? Āmantā. (Itthindriyamūlakaṁ.)

Yassa yattha purisindriyaṁ na uppajjati tassa tattha jīvitindriyaṁ na uppajjitthāti?

Kāmāvacarā cavantānaṁ na purisānaṁ kāmāvacaraṁ upapajjantānaṁ rūpāvacarānaṁ arūpāvacarānaṁ tesaṁ tattha purisindriyaṁ na uppajjati, no ca tesaṁ tattha jīvitindriyaṁ na uppajjittha. Suddhāvāsānaṁ tesaṁ tattha purisindriyañca na uppajjati jīvitindriyañca na uppajjittha.

Yassa vā pana yattha jīvitindriyaṁ na uppajjittha tassa tattha purisindriyaṁ na uppajjatīti? Āmantā.

Yassa yattha purisindriyaṁ na uppajjati tassa tattha somanassindriyaṁ na uppajjitthāti?

Kāmāvacarā cavantānaṁ na purisānaṁ kāmāvacaraṁ upapajjantānaṁ rūpāvacarānaṁ tesaṁ tattha purisindriyaṁ na uppajjati, no ca tesaṁ tattha somanassindriyaṁ na uppajjittha. Suddhāvāsānaṁ asaññasattānaṁ arūpānaṁ tesaṁ tattha purisindriyañca na uppajjati somanassindriyañca na uppajjittha.

Yassa vā pana yattha somanassindriyaṁ na uppajjittha tassa tattha purisindriyaṁ na uppajjatīti? Āmantā.

Yassa yattha purisindriyaṁ na uppajjati tassa tattha upekkhindriyaṁ …pe… saddhindriyaṁ …pe… paññindriyaṁ …pe… manindriyaṁ na uppajjitthāti?

Kāmāvacarā cavantānaṁ na purisānaṁ kāmāvacaraṁ upapajjantānaṁ rūpāvacarānaṁ arūpāvacarānaṁ tesaṁ tattha purisindriyaṁ na uppajjati, no ca tesaṁ tattha manindriyaṁ na uppajjittha. Suddhāvāsānaṁ asaññasattānaṁ tesaṁ tattha purisindriyañca na uppajjati manindriyañca na uppajjittha.

Yassa vā pana yattha manindriyaṁ na uppajjittha tassa tattha purisindriyaṁ na uppajjatīti? Āmantā. (Purisindriyamūlakaṁ.)

Yassa yattha jīvitindriyaṁ na uppajjati tassa tattha somanassindriyaṁ na uppajjitthāti?

Catuvokārā pañcavokārā cavantānaṁ pavatte cittassa bhaṅgakkhaṇe tesaṁ tattha jīvitindriyaṁ na uppajjati, no ca tesaṁ tattha somanassindriyaṁ na uppajjittha. Suddhāvāsānaṁ upapatticittassa bhaṅgakkhaṇe asaññasattā cavantānaṁ tesaṁ tattha jīvitindriyañca na uppajjati somanassindriyañca na uppajjittha.

Yassa vā pana yattha somanassindriyaṁ na uppajjittha tassa tattha jīvitindriyaṁ na uppajjatīti?

Suddhāvāsānaṁ upapatticittassa uppādakkhaṇe asaññasattaṁ upapajjantānaṁ tesaṁ tattha somanassindriyaṁ na uppajjati, no ca tesaṁ tattha jīvitindriyaṁ na uppajjittha. Suddhāvāsānaṁ upapatticittassa bhaṅgakkhaṇe asaññasattā cavantānaṁ tesaṁ tattha somanassindriyañca na uppajjittha jīvitindriyañca na uppajjati.

Yassa yattha jīvitindriyaṁ na uppajjati tassa tattha upekkhindriyaṁ …pe… saddhindriyaṁ …pe… paññindriyaṁ …pe… manindriyaṁ na uppajjitthāti?

Catuvokārā pañcavokārā cavantānaṁ pavatte cittassa bhaṅgakkhaṇe tesaṁ tattha jīvitindriyaṁ na uppajjati, no ca tesaṁ tattha manindriyaṁ na uppajjittha. Suddhāvāsānaṁ upapatticittassa bhaṅgakkhaṇe asaññasattā cavantānaṁ tesaṁ tattha jīvitindriyañca na uppajjati manindriyañca na uppajjittha.

Yassa vā pana yattha manindriyaṁ na uppajjittha tassa tattha jīvitindriyaṁ na uppajjatīti?

Suddhāvāsaṁ upapajjantānaṁ asaññasattaṁ upapajjantānaṁ tesaṁ tattha manindriyaṁ na uppajjittha, no ca tesaṁ tattha jīvitindriyaṁ na uppajjati. Suddhāvāsānaṁ upapatticittassa bhaṅgakkhaṇe asaññasattā cavantānaṁ tesaṁ tattha manindriyañca na uppajjittha jīvitindriyañca na uppajjati. (Jīvitindriyamūlakaṁ.)

Yassa yattha somanassindriyaṁ na uppajjati tassa tattha upekkhindriyaṁ …pe… saddhindriyaṁ …pe… paññindriyaṁ …pe… manindriyaṁ na uppajjitthāti?

Sabbesaṁ cittassa bhaṅgakkhaṇe somanassavippayuttacittassa uppādakkhaṇe tesaṁ tattha somanassindriyaṁ na uppajjati, no ca tesaṁ tattha manindriyaṁ na uppajjittha. Suddhāvāsaṁ upapajjantānaṁ asaññasattānaṁ tesaṁ tattha somanassindriyañca na uppajjati manindriyañca na uppajjittha.

Yassa vā pana yattha manindriyaṁ na uppajjittha tassa tattha somanassindriyaṁ na uppajjatīti? Āmantā. (Somanassindriyamūlakaṁ.)

Yassa yattha upekkhindriyaṁ na uppajjati tassa tattha saddhindriyaṁ na uppajjitthāti?

Sabbesaṁ cittassa bhaṅgakkhaṇe upekkhāvippayuttacittassa uppādakkhaṇe tesaṁ tattha upekkhindriyaṁ na uppajjati, no ca tesaṁ tattha saddhindriyaṁ na uppajjittha. Suddhāvāsānaṁ upapatticittassa bhaṅgakkhaṇe asaññasattānaṁ tesaṁ tattha upekkhindriyañca na uppajjati saddhindriyañca na uppajjittha.

Yassa vā pana yattha saddhindriyaṁ na uppajjittha tassa tattha upekkhindriyaṁ na uppajjatīti?

Suddhāvāsaṁ upapajjantānaṁ tesaṁ tattha saddhindriyaṁ na uppajjittha, no ca tesaṁ tattha upekkhindriyaṁ na uppajjati. Suddhāvāsānaṁ upapatticittassa bhaṅgakkhaṇe asaññasattānaṁ tesaṁ tattha saddhindriyañca na uppajjittha upekkhindriyañca na uppajjati.

Yassa yattha upekkhindriyaṁ na uppajjati tassa tattha paññindriyaṁ …pe… manindriyaṁ na uppajjitthāti?

Sabbesaṁ cittassa bhaṅgakkhaṇe upekkhāvippayuttacittassa uppādakkhaṇe tesaṁ tattha upekkhindriyaṁ na uppajjati, no ca tesaṁ tattha manindriyaṁ na uppajjittha. Suddhāvāsānaṁ upapatticittassa bhaṅgakkhaṇe asaññasattānaṁ tesaṁ tattha upekkhindriyañca na uppajjati manindriyañca na uppajjittha.

Yassa vā pana yattha manindriyaṁ na uppajjittha tassa tattha upekkhindriyaṁ na uppajjatīti?

Suddhāvāsaṁ upapajjantānaṁ tesaṁ tattha manindriyaṁ na uppajjittha, no ca tesaṁ tattha upekkhindriyaṁ na uppajjati. Suddhāvāsānaṁ upapatticittassa bhaṅgakkhaṇe asaññasattānaṁ tesaṁ tattha manindriyañca na uppajjittha upekkhindriyañca na uppajjati. (Upekkhindriyamūlakaṁ.)

Yassa yattha saddhindriyaṁ na uppajjati tassa tattha paññindriyaṁ …pe… manindriyaṁ na uppajjitthāti?

Sabbesaṁ cittassa bhaṅgakkhaṇe saddhāvippayuttacittassa uppādakkhaṇe tesaṁ tattha saddhindriyaṁ na uppajjati, no ca tesaṁ tattha manindriyaṁ na uppajjittha. Suddhāvāsānaṁ upapatticittassa bhaṅgakkhaṇe asaññasattānaṁ tesaṁ tattha saddhindriyañca na uppajjati manindriyañca na uppajjittha.

Yassa vā pana yattha manindriyaṁ na uppajjittha tassa tattha saddhindriyaṁ na uppajjatīti?

Suddhāvāsaṁ upapajjantānaṁ tesaṁ tattha manindriyaṁ na uppajjittha, no ca tesaṁ tattha saddhindriyaṁ na uppajjati. Suddhāvāsānaṁ upapatticittassa bhaṅgakkhaṇe asaññasattānaṁ tesaṁ tattha manindriyañca na uppajjittha saddhindriyañca na uppajjati. (Saddhindriyamūlakaṁ.)

Yassa yattha paññindriyaṁ na uppajjati tassa tattha manindriyaṁ na uppajjitthāti?

Sabbesaṁ cittassa bhaṅgakkhaṇe ñāṇavippayuttacittassa uppādakkhaṇe tesaṁ tattha paññindriyaṁ na uppajjati, no ca tesaṁ tattha manindriyaṁ na uppajjittha. Suddhāvāsānaṁ upapatticittassa bhaṅgakkhaṇe asaññasattānaṁ tesaṁ tattha paññindriyañca na uppajjati manindriyañca na uppajjittha.

Yassa vā pana yattha manindriyaṁ na uppajjittha tassa tattha paññindriyaṁ na uppajjatīti?

Suddhāvāsaṁ upapajjantānaṁ tesaṁ tattha manindriyaṁ na uppajjittha, no ca tesaṁ tattha paññindriyaṁ na uppajjati. Suddhāvāsānaṁ upapatticittassa bhaṅgakkhaṇe asaññasattānaṁ tesaṁ tattha manindriyañca na uppajjittha paññindriyañca na uppajjati. (Paññindriyamūlakaṁ.)

10.2.1.5. Paccuppannānāgatavāra

10.2.1.5.1. Anulomapuggala

Yassa cakkhundriyaṁ uppajjati tassa sotindriyaṁ uppajjissatīti?

Pacchimabhavikānaṁ pañcavokāraṁ upapajjantānaṁ ye ca arūpaṁ upapajjitvā parinibbāyissanti tesaṁ upapajjantānaṁ tesaṁ cakkhundriyaṁ uppajjati, no ca tesaṁ sotindriyaṁ uppajjissati. Itaresaṁ sacakkhukānaṁ upapajjantānaṁ tesaṁ cakkhundriyañca uppajjati sotindriyañca uppajjissati.

Yassa vā pana sotindriyaṁ uppajjissati tassa cakkhundriyaṁ uppajjatīti?

Sabbesaṁ cavantānaṁ acakkhukānaṁ upapajjantānaṁ tesaṁ sotindriyaṁ uppajjissati, no ca tesaṁ cakkhundriyaṁ uppajjati. Sacakkhukānaṁ upapajjantānaṁ tesaṁ sotindriyañca uppajjissati cakkhundriyañca uppajjati.

Yassa cakkhundriyaṁ uppajjati tassa ghānindriyaṁ uppajjissatīti?

Pacchimabhavikānaṁ pañcavokāraṁ upapajjantānaṁ ye ca rūpāvacaraṁ arūpāvacaraṁ upapajjitvā parinibbāyissanti tesaṁ upapajjantānaṁ tesaṁ cakkhundriyaṁ uppajjati, no ca tesaṁ ghānindriyaṁ uppajjissati. Itaresaṁ sacakkhukānaṁ upapajjantānaṁ tesaṁ cakkhundriyañca uppajjati ghānindriyañca uppajjissati.

Yassa vā pana ghānindriyaṁ uppajjissati tassa cakkhundriyaṁ uppajjatīti?

Sabbesaṁ cavantānaṁ acakkhukānaṁ upapajjantānaṁ tesaṁ ghānindriyaṁ uppajjissati, no ca tesaṁ cakkhundriyaṁ uppajjati. Sacakkhukānaṁ upapajjantānaṁ tesaṁ ghānindriyañca uppajjissati cakkhundriyañca uppajjati.

Yassa cakkhundriyaṁ uppajjati tassa itthindriyaṁ uppajjissatīti?

Pacchimabhavikānaṁ pañcavokāraṁ upapajjantānaṁ ye ca rūpāvacaraṁ arūpāvacaraṁ upapajjitvā parinibbāyissanti ye ca purisā eteneva bhāvena katici bhave dassetvā parinibbāyissanti tesaṁ upapajjantānaṁ tesaṁ cakkhundriyaṁ uppajjati, no ca tesaṁ itthindriyaṁ uppajjissati. Itaresaṁ sacakkhukānaṁ upapajjantānaṁ tesaṁ cakkhundriyañca uppajjati itthindriyañca uppajjissati.

Yassa vā pana itthindriyaṁ uppajjissati tassa cakkhundriyaṁ uppajjatīti?

Sabbesaṁ cavantānaṁ acakkhukānaṁ upapajjantānaṁ tesaṁ itthindriyaṁ uppajjissati, no ca tesaṁ cakkhundriyaṁ uppajjati. Sacakkhukānaṁ upapajjantānaṁ tesaṁ itthindriyañca uppajjissati cakkhundriyañca uppajjati.

Yassa cakkhundriyaṁ uppajjati tassa purisindriyaṁ uppajjissatīti? (Sadisaṁ)

Yassa cakkhundriyaṁ uppajjati tassa jīvitindriyaṁ uppajjissatīti?

Pacchimabhavikānaṁ pañcavokāraṁ upapajjantānaṁ tesaṁ cakkhundriyaṁ uppajjati, no ca tesaṁ jīvitindriyaṁ uppajjissati. Itaresaṁ sacakkhukānaṁ upapajjantānaṁ tesaṁ cakkhundriyañca uppajjati jīvitindriyañca uppajjissati.

Yassa vā pana jīvitindriyaṁ uppajjissati tassa cakkhundriyaṁ uppajjatīti?

Sabbesaṁ cavantānaṁ acakkhukānaṁ upapajjantānaṁ tesaṁ jīvitindriyaṁ uppajjissati, no ca tesaṁ cakkhundriyaṁ uppajjati. Sacakkhukānaṁ upapajjantānaṁ tesaṁ jīvitindriyañca uppajjissati cakkhundriyañca uppajjati.

Yassa cakkhundriyaṁ uppajjati tassa somanassindriyaṁ uppajjissatīti?

Pacchimabhavikānaṁ pañcavokāraṁ upapajjantānaṁ ye ca sacakkhukā upekkhāya upapajjitvā parinibbāyissanti tesaṁ upapajjantānaṁ tesaṁ cakkhundriyaṁ uppajjati, no ca tesaṁ somanassindriyaṁ uppajjissati. Itaresaṁ sacakkhukānaṁ upapajjantānaṁ tesaṁ cakkhundriyañca uppajjati somanassindriyañca uppajjissati.

Yassa vā pana somanassindriyaṁ uppajjissati tassa cakkhundriyaṁ uppajjatīti?

Sabbesaṁ cavantānaṁ acakkhukānaṁ upapajjantānaṁ tesaṁ somanassindriyaṁ uppajjissati, no ca tesaṁ cakkhundriyaṁ uppajjati. Sacakkhukānaṁ upapajjantānaṁ tesaṁ somanassindriyañca uppajjissati cakkhundriyañca uppajjati.

Yassa cakkhundriyaṁ uppajjati tassa upekkhindriyaṁ uppajjissatīti?

Pacchimabhavikānaṁ pañcavokāraṁ upapajjantānaṁ ye ca sacakkhukā somanassena upapajjitvā parinibbāyissanti tesaṁ upapajjantānaṁ tesaṁ cakkhundriyaṁ uppajjati, no ca tesaṁ upekkhindriyaṁ uppajjissati. Itaresaṁ sacakkhukānaṁ upapajjantānaṁ tesaṁ cakkhundriyañca uppajjati upekkhindriyañca uppajjissati.

Yassa vā pana upekkhindriyaṁ uppajjissati tassa cakkhundriyaṁ uppajjatīti?

Sabbesaṁ cavantānaṁ acakkhukānaṁ upapajjantānaṁ tesaṁ upekkhindriyaṁ uppajjissati, no ca tesaṁ cakkhundriyaṁ uppajjati. Sacakkhukānaṁ upapajjantānaṁ tesaṁ upekkhindriyañca uppajjissati cakkhundriyañca uppajjati.

Yassa cakkhundriyaṁ uppajjati tassa saddhindriyaṁ …pe… paññindriyaṁ …pe… manindriyaṁ uppajjissatīti?

Pacchimabhavikānaṁ pañcavokāraṁ upapajjantānaṁ tesaṁ cakkhundriyaṁ uppajjati, no ca tesaṁ manindriyaṁ uppajjissati. Itaresaṁ sacakkhukānaṁ upapajjantānaṁ tesaṁ cakkhundriyañca uppajjati manindriyañca uppajjissati.

Yassa vā pana manindriyaṁ uppajjissati tassa cakkhundriyaṁ uppajjatīti?

Sabbesaṁ cavantānaṁ acakkhukānaṁ upapajjantānaṁ tesaṁ manindriyaṁ uppajjissati, no ca tesaṁ cakkhundriyaṁ uppajjati. Sacakkhukānaṁ upapajjantānaṁ tesaṁ manindriyañca uppajjissati cakkhundriyañca uppajjati. (Cakkhundriyamūlakaṁ.)

Yassa ghānindriyaṁ uppajjati tassa itthindriyaṁ uppajjissatīti?

Pacchimabhavikānaṁ kāmāvacaraṁ upapajjantānaṁ ye ca rūpāvacaraṁ arūpāvacaraṁ upapajjitvā parinibbāyissanti ye ca purisā eteneva bhāvena katici bhave dassetvā parinibbāyissanti tesaṁ upapajjantānaṁ tesaṁ ghānindriyaṁ uppajjati, no ca tesaṁ itthindriyaṁ uppajjissati. Itaresaṁ saghānakānaṁ upapajjantānaṁ tesaṁ ghānindriyañca uppajjati itthindriyañca uppajjissati.

Yassa vā pana itthindriyaṁ uppajjissati tassa ghānindriyaṁ uppajjatīti?

Sabbesaṁ cavantānaṁ aghānakānaṁ upapajjantānaṁ tesaṁ itthindriyaṁ uppajjissati, no ca tesaṁ ghānindriyaṁ uppajjati. Saghānakānaṁ upapajjantānaṁ tesaṁ itthindriyañca uppajjissati ghānindriyañca uppajjati.

Yassa ghānindriyaṁ uppajjati tassa purisindriyaṁ uppajjissatīti?

Pacchimabhavikānaṁ kāmāvacaraṁ upapajjantānaṁ ye ca rūpāvacaraṁ arūpāvacaraṁ upapajjitvā parinibbāyissanti yā ca itthiyo eteneva bhāvena katici bhave dassetvā parinibbāyissanti tesaṁ upapajjantānaṁ tesaṁ ghānindriyaṁ uppajjati, no ca tesaṁ purisindriyaṁ uppajjissati. Itaresaṁ saghānakānaṁ upapajjantānaṁ tesaṁ ghānindriyañca uppajjati purisindriyañca uppajjissati.

Yassa vā pana purisindriyaṁ uppajjissati tassa ghānindriyaṁ uppajjatīti?

Sabbesaṁ cavantānaṁ aghānakānaṁ upapajjantānaṁ tesaṁ purisindriyaṁ uppajjissati, no ca tesaṁ ghānindriyaṁ uppajjati. Saghānakānaṁ upapajjantānaṁ tesaṁ purisindriyañca uppajjissati ghānindriyañca uppajjati.

Yassa ghānindriyaṁ uppajjati tassa jīvitindriyaṁ uppajjissatīti?

Pacchimabhavikānaṁ kāmāvacaraṁ upapajjantānaṁ tesaṁ ghānindriyaṁ uppajjati, no ca tesaṁ jīvitindriyaṁ uppajjissati. Itaresaṁ saghānakānaṁ upapajjantānaṁ tesaṁ ghānindriyañca uppajjati jīvitindriyañca uppajjissati.

Yassa vā pana jīvitindriyaṁ uppajjissati tassa ghānindriyaṁ uppajjatīti?

Sabbesaṁ cavantānaṁ aghānakānaṁ upapajjantānaṁ tesaṁ jīvitindriyaṁ uppajjissati, no ca tesaṁ ghānindriyaṁ uppajjati. Saghānakānaṁ upapajjantānaṁ tesaṁ jīvitindriyañca uppajjissati ghānindriyañca uppajjati.

Yassa ghānindriyaṁ uppajjati tassa somanassindriyaṁ uppajjissatīti?

Pacchimabhavikānaṁ kāmāvacaraṁ upapajjantānaṁ ye ca saghānakā upekkhāya upapajjitvā parinibbāyissanti tesaṁ upapajjantānaṁ tesaṁ ghānindriyaṁ uppajjati, no ca tesaṁ somanassindriyaṁ uppajjissati. Itaresaṁ saghānakānaṁ upapajjantānaṁ tesaṁ ghānindriyañca uppajjati somanassindriyañca uppajjissati.

Yassa vā pana somanassindriyaṁ uppajjissati tassa ghānindriyaṁ uppajjatīti?

Sabbesaṁ cavantānaṁ aghānakānaṁ upapajjantānaṁ tesaṁ somanassindriyaṁ uppajjissati, no ca tesaṁ ghānindriyaṁ uppajjati. Saghānakānaṁ upapajjantānaṁ tesaṁ somanassindriyañca uppajjissati ghānindriyañca uppajjati.

Yassa ghānindriyaṁ uppajjati tassa upekkhindriyaṁ uppajjissatīti?

Pacchimabhavikānaṁ kāmāvacaraṁ upapajjantānaṁ ye ca saghānakā somanassena upapajjitvā parinibbāyissanti tesaṁ upapajjantānaṁ tesaṁ ghānindriyaṁ uppajjati, no ca tesaṁ upekkhindriyaṁ uppajjissati. Itaresaṁ saghānakānaṁ upapajjantānaṁ tesaṁ ghānindriyañca uppajjati upekkhindriyañca uppajjissati.

Yassa vā pana upekkhindriyaṁ uppajjissati tassa ghānindriyaṁ uppajjatīti?

Sabbesaṁ cavantānaṁ aghānakānaṁ upapajjantānaṁ tesaṁ upekkhindriyaṁ uppajjissati, no ca tesaṁ ghānindriyaṁ uppajjati. Saghānakānaṁ upapajjantānaṁ tesaṁ upekkhindriyañca uppajjissati ghānindriyañca uppajjati.

Yassa ghānindriyaṁ uppajjati tassa saddhindriyaṁ …pe… paññindriyaṁ …pe… manindriyaṁ uppajjissatīti?

Pacchimabhavikānaṁ kāmāvacaraṁ upapajjantānaṁ tesaṁ ghānindriyaṁ uppajjati, no ca tesaṁ manindriyaṁ uppajjissati. Itaresaṁ saghānakānaṁ upapajjantānaṁ tesaṁ ghānindriyañca uppajjati manindriyañca uppajjissati.

Yassa vā pana manindriyaṁ uppajjissati tassa ghānindriyaṁ uppajjatīti?

Sabbesaṁ cavantānaṁ aghānakānaṁ upapajjantānaṁ tesaṁ manindriyaṁ uppajjissati, no ca tesaṁ ghānindriyaṁ uppajjati. Saghānakānaṁ upapajjantānaṁ tesaṁ manindriyañca uppajjissati ghānindriyañca uppajjati. (Ghānindriyamūlakaṁ.)

Yassa itthindriyaṁ uppajjati tassa purisindriyaṁ uppajjissatīti?

Pacchimabhavikānaṁ itthīnaṁ upapajjantīnaṁ yā ca itthiyo rūpāvacaraṁ arūpāvacaraṁ upapajjitvā parinibbāyissanti yā ca itthiyo eteneva bhāvena katici bhave dassetvā parinibbāyissanti tāsaṁ upapajjantīnaṁ tāsaṁ itthindriyaṁ uppajjati, no ca tāsaṁ purisindriyaṁ uppajjissati. Itarāsaṁ itthīnaṁ upapajjantīnaṁ tāsaṁ itthindriyañca uppajjati purisindriyañca uppajjissati.

Yassa vā pana purisindriyaṁ uppajjissati tassa itthindriyaṁ uppajjatīti?

Sabbesaṁ cavantānaṁ na itthīnaṁ upapajjantānaṁ tesaṁ purisindriyaṁ uppajjissati, no ca tesaṁ itthindriyaṁ uppajjati. Itthīnaṁ upapajjantīnaṁ tāsaṁ purisindriyañca uppajjissati itthindriyañca uppajjati.

Yassa itthindriyaṁ uppajjati tassa jīvitindriyaṁ uppajjissatīti?

Pacchimabhavikānaṁ itthīnaṁ upapajjantīnaṁ tāsaṁ itthindriyaṁ uppajjati, no ca tāsaṁ jīvitindriyaṁ uppajjissati. Itarāsaṁ itthīnaṁ upapajjantīnaṁ tāsaṁ itthindriyañca uppajjati jīvitindriyañca uppajjissati.

Yassa vā pana jīvitindriyaṁ uppajjissati tassa itthindriyaṁ uppajjatīti?

Sabbesaṁ cavantānaṁ na itthīnaṁ upapajjantānaṁ tesaṁ jīvitindriyaṁ uppajjissati, no ca tesaṁ itthindriyaṁ uppajjati. Itthīnaṁ upapajjantīnaṁ tāsaṁ jīvitindriyañca uppajjissati itthindriyañca uppajjati.

Yassa itthindriyaṁ uppajjati tassa somanassindriyaṁ uppajjissatīti?

Pacchimabhavikānaṁ itthīnaṁ upapajjantīnaṁ yā ca itthiyo upekkhāya upapajjitvā parinibbāyissanti tāsaṁ upapajjantīnaṁ tāsaṁ itthindriyaṁ uppajjati, no ca tāsaṁ somanassindriyaṁ uppajjissati. Itarāsaṁ itthīnaṁ upapajjantīnaṁ tāsaṁ itthindriyañca uppajjati somanassindriyañca uppajjissati.

Yassa vā pana somanassindriyaṁ uppajjissati tassa itthindriyaṁ uppajjatīti?

Sabbesaṁ cavantānaṁ na itthīnaṁ upapajjantānaṁ tesaṁ somanassindriyaṁ uppajjissati, no ca tesaṁ itthindriyaṁ uppajjati. Itthīnaṁ upapajjantīnaṁ tāsaṁ somanassindriyañca uppajjissati itthindriyañca uppajjati.

Yassa itthindriyaṁ uppajjati tassa upekkhindriyaṁ uppajjissatīti?

Pacchimabhavikānaṁ itthīnaṁ upapajjantīnaṁ yā ca itthiyo somanassena upapajjitvā parinibbāyissanti tāsaṁ upapajjantīnaṁ tāsaṁ itthindriyaṁ uppajjati, no ca tāsaṁ upekkhindriyaṁ uppajjissati. Itarāsaṁ itthīnaṁ upapajjantīnaṁ tāsaṁ itthindriyañca uppajjati upekkhindriyañca uppajjissati.

Yassa vā pana upekkhindriyaṁ uppajjissati tassa itthindriyaṁ uppajjatīti?

Sabbesaṁ cavantānaṁ na itthīnaṁ upapajjantānaṁ tesaṁ upekkhindriyaṁ uppajjissati, no ca tesaṁ itthindriyaṁ uppajjati. Itthīnaṁ upapajjantīnaṁ tāsaṁ upekkhindriyañca uppajjissati itthindriyañca uppajjati.

Yassa itthindriyaṁ uppajjati tassa saddhindriyaṁ …pe… paññindriyaṁ …pe… manindriyaṁ uppajjissatīti?

Pacchimabhavikānaṁ itthīnaṁ upapajjantīnaṁ tāsaṁ itthindriyaṁ uppajjati, no ca tāsaṁ manindriyaṁ uppajjissati. Itarāsaṁ itthīnaṁ upapajjantīnaṁ tāsaṁ itthindriyañca uppajjati manindriyañca uppajjissati.

Yassa vā pana manindriyaṁ uppajjissati tassa itthindriyaṁ uppajjatīti?

Sabbesaṁ cavantānaṁ na itthīnaṁ upapajjantānaṁ tesaṁ manindriyaṁ uppajjissati, no ca tesaṁ itthindriyaṁ uppajjati. Itthīnaṁ upapajjantīnaṁ tāsaṁ manindriyañca uppajjissati itthindriyañca uppajjati. (Itthindriyamūlakaṁ.)

Yassa purisindriyaṁ uppajjati tassa jīvitindriyaṁ uppajjissatīti?

Pacchimabhavikānaṁ purisānaṁ upapajjantānaṁ tesaṁ purisindriyaṁ uppajjati, no ca tesaṁ jīvitindriyaṁ uppajjissati. Itaresaṁ purisānaṁ upapajjantānaṁ tesaṁ purisindriyañca uppajjati jīvitindriyañca uppajjissati.

Yassa vā pana jīvitindriyaṁ uppajjissati tassa purisindriyaṁ uppajjatīti?

Sabbesaṁ cavantānaṁ na purisānaṁ upapajjantānaṁ tesaṁ jīvitindriyaṁ uppajjissati, no ca tesaṁ purisindriyaṁ uppajjati. Purisānaṁ upapajjantānaṁ tesaṁ jīvitindriyañca uppajjissati purisindriyañca uppajjati.

Yassa purisindriyaṁ uppajjati tassa somanassindriyaṁ uppajjissatīti?

Pacchimabhavikānaṁ purisānaṁ upapajjantānaṁ ye ca purisā upekkhāya upapajjitvā parinibbāyissanti tesaṁ upapajjantānaṁ tesaṁ purisindriyaṁ uppajjati, no ca tesaṁ somanassindriyaṁ uppajjissati. Itaresaṁ purisānaṁ upapajjantānaṁ tesaṁ purisindriyañca uppajjati somanassindriyañca uppajjissati.

Yassa vā pana somanassindriyaṁ uppajjissati, tassa purisindriyaṁ uppajjatīti?

Sabbesaṁ cavantānaṁ na purisānaṁ upapajjantānaṁ tesaṁ somanassindriyaṁ uppajjissati, no ca tesaṁ purisindriyaṁ uppajjati. Purisānaṁ upapajjantānaṁ tesaṁ somanassindriyañca uppajjissati purisindriyañca uppajjati.

Yassa purisindriyaṁ uppajjati tassa upekkhindriyaṁ uppajjissatīti?

Pacchimabhavikānaṁ purisānaṁ upapajjantānaṁ ye ca purisā somanassena upapajjitvā parinibbāyissanti tesaṁ upapajjantānaṁ tesaṁ purisindriyaṁ uppajjati, no ca tesaṁ upekkhindriyaṁ uppajjissati. Itaresaṁ purisānaṁ upapajjantānaṁ tesaṁ purisindriyañca uppajjati upekkhindriyañca uppajjissati.

Yassa vā pana upekkhindriyaṁ uppajjissati tassa purisindriyaṁ uppajjatīti?

Sabbesaṁ cavantānaṁ na purisānaṁ upapajjantānaṁ tesaṁ upekkhindriyaṁ uppajjissati, no ca tesaṁ purisindriyaṁ uppajjati. Purisānaṁ upapajjantānaṁ tesaṁ upekkhindriyañca uppajjissati purisindriyañca uppajjati.

Yassa purisindriyaṁ uppajjati tassa saddhindriyaṁ …pe… paññindriyaṁ …pe… manindriyaṁ uppajjissatīti?

Pacchimabhavikānaṁ purisānaṁ upapajjantānaṁ tesaṁ purisindriyaṁ uppajjati, no ca tesaṁ manindriyaṁ uppajjissati. Itaresaṁ purisānaṁ upapajjantānaṁ tesaṁ purisindriyañca uppajjati manindriyañca uppajjissati.

Yassa vā pana manindriyaṁ uppajjissati tassa purisindriyaṁ uppajjatīti?

Sabbesaṁ cavantānaṁ na purisānaṁ upapajjantānaṁ tesaṁ manindriyaṁ uppajjissati, no ca tesaṁ purisindriyaṁ uppajjati. Purisānaṁ upapajjantānaṁ tesaṁ manindriyañca uppajjissati purisindriyañca uppajjati. (Purisindriyamūlakaṁ.)

Yassa jīvitindriyaṁ uppajjati tassa somanassindriyaṁ uppajjissatīti?

Pacchimacittassa uppādakkhaṇe yassa cittassa anantarā upekkhāsampayuttapacchimacittaṁ uppajjissati tassa cittassa uppādakkhaṇe tesaṁ jīvitindriyaṁ uppajjati, no ca tesaṁ somanassindriyaṁ uppajjissati. Itaresaṁ upapajjantānaṁ pavatte cittassa uppādakkhaṇe tesaṁ jīvitindriyañca uppajjati somanassindriyañca uppajjissati.

Yassa vā pana somanassindriyaṁ uppajjissati tassa jīvitindriyaṁ uppajjatīti?

Sabbesaṁ cavantānaṁ pavatte cittassa bhaṅgakkhaṇe tesaṁ somanassindriyaṁ uppajjissati, no ca tesaṁ jīvitindriyaṁ uppajjati. Sabbesaṁ upapajjantānaṁ pavatte cittassa uppādakkhaṇe tesaṁ somanassindriyañca uppajjissati jīvitindriyañca uppajjati.

Yassa jīvitindriyaṁ uppajjati tassa upekkhindriyaṁ uppajjissatīti?

Pacchimacittassa uppādakkhaṇe yassa cittassa anantarā somanassasampayuttapacchimacittaṁ uppajjissati tassa cittassa uppādakkhaṇe tesaṁ jīvitindriyaṁ uppajjati, no ca tesaṁ upekkhindriyaṁ uppajjissati. Itaresaṁ upapajjantānaṁ pavatte cittassa uppādakkhaṇe tesaṁ jīvitindriyañca uppajjati upekkhindriyañca uppajjissati.

Yassa vā pana upekkhindriyaṁ uppajjissati tassa jīvitindriyaṁ uppajjatīti?

Sabbesaṁ cavantānaṁ pavatte cittassa bhaṅgakkhaṇe tesaṁ upekkhindriyaṁ uppajjissati, no ca tesaṁ jīvitindriyaṁ uppajjati. Sabbesaṁ upapajjantānaṁ pavatte cittassa uppādakkhaṇe tesaṁ upekkhindriyañca uppajjissati jīvitindriyañca uppajjati.

Yassa jīvitindriyaṁ uppajjati tassa saddhindriyaṁ …pe… paññindriyaṁ …pe… manindriyaṁ uppajjissatīti?

Pacchimacittassa uppādakkhaṇe tesaṁ jīvitindriyaṁ uppajjati, no ca tesaṁ manindriyaṁ uppajjissati. Itaresaṁ upapajjantānaṁ pavatte cittassa uppādakkhaṇe tesaṁ jīvitindriyañca uppajjati manindriyañca uppajjissati.

Yassa vā pana manindriyaṁ uppajjissati tassa jīvitindriyaṁ uppajjatīti?

Sabbesaṁ cavantānaṁ pavatte cittassa bhaṅgakkhaṇe tesaṁ manindriyaṁ uppajjissati, no ca tesaṁ jīvitindriyaṁ uppajjati. Sabbesaṁ upapajjantānaṁ pavatte cittassa uppādakkhaṇe tesaṁ manindriyañca uppajjissati jīvitindriyañca uppajjati. (Jīvitindriyamūlakaṁ.)

Yassa somanassindriyaṁ uppajjati tassa upekkhindriyaṁ uppajjissatīti?

Somanassasampayuttapacchimacittassa uppādakkhaṇe yassa cittassa anantarā somanassasampayuttapacchimacittaṁ uppajjissati tassa cittassa uppādakkhaṇe tesaṁ somanassindriyaṁ uppajjati, no ca tesaṁ upekkhindriyaṁ uppajjissati. Itaresaṁ somanassena upapajjantānaṁ pavatte somanassasampayuttacittassa uppādakkhaṇe tesaṁ somanassindriyañca uppajjati upekkhindriyañca uppajjissati.

Yassa vā pana upekkhindriyaṁ uppajjissati tassa somanassindriyaṁ uppajjatīti?

Sabbesaṁ cittassa bhaṅgakkhaṇe somanassavippayuttacittassa uppādakkhaṇe nirodhasamāpannānaṁ asaññasattānaṁ tesaṁ upekkhindriyaṁ uppajjissati, no ca tesaṁ somanassindriyaṁ uppajjati. Somanassena upapajjantānaṁ pavatte somanassasampayuttacittassa uppādakkhaṇe tesaṁ upekkhindriyañca uppajjissati somanassindriyañca uppajjati.

Yassa somanassindriyaṁ uppajjati tassa saddhindriyaṁ …pe… paññindriyaṁ …pe… manindriyaṁ uppajjissatīti?

Somanassasampayuttapacchimacittassa uppādakkhaṇe tesaṁ somanassindriyaṁ uppajjati, no ca tesaṁ manindriyaṁ uppajjissati. Itaresaṁ somanassena upapajjantānaṁ pavatte somanassasampayuttacittassa uppādakkhaṇe tesaṁ somanassindriyañca uppajjati manindriyañca uppajjissati.

Yassa vā pana manindriyaṁ uppajjissati tassa somanassindriyaṁ uppajjatīti?

Sabbesaṁ cittassa bhaṅgakkhaṇe somanassavippayuttacittassa uppādakkhaṇe nirodhasamāpannānaṁ asaññasattānaṁ tesaṁ manindriyaṁ uppajjissati, no ca tesaṁ somanassindriyaṁ uppajjati. Somanassena upapajjantānaṁ pavatte somanassasampayuttacittassa uppādakkhaṇe tesaṁ manindriyañca uppajjissati somanassindriyañca uppajjati. (Somanassindriyamūlakaṁ.)

Yassa upekkhindriyaṁ uppajjati tassa saddhindriyaṁ …pe… paññindriyaṁ …pe… manindriyaṁ uppajjissatīti?

Upekkhāsampayuttapacchimacittassa uppādakkhaṇe tesaṁ upekkhindriyaṁ uppajjati, no ca tesaṁ manindriyaṁ uppajjissati. Itaresaṁ upekkhāya upapajjantānaṁ pavatte upekkhāsampayuttacittassa uppādakkhaṇe tesaṁ upekkhindriyañca uppajjati manindriyañca uppajjissati.

Yassa vā pana manindriyaṁ uppajjissati tassa upekkhindriyaṁ uppajjatīti?

Sabbesaṁ cittassa bhaṅgakkhaṇe upekkhāvippayuttacittassa uppādakkhaṇe nirodhasamāpannānaṁ asaññasattānaṁ tesaṁ manindriyaṁ uppajjissati, no ca tesaṁ upekkhindriyaṁ uppajjati. Upekkhāya upapajjantānaṁ pavatte upekkhāsampayuttacittassa uppādakkhaṇe tesaṁ manindriyañca uppajjissati upekkhindriyañca uppajjati. (Upekkhindriyamūlakaṁ.)

Yassa saddhindriyaṁ uppajjati tassa paññindriyaṁ …pe… manindriyaṁ uppajjissatīti?

Pacchimacittassa uppādakkhaṇe tesaṁ saddhindriyaṁ uppajjati, no ca tesaṁ manindriyaṁ uppajjissati. Itaresaṁ sahetukānaṁ upapajjantānaṁ pavatte saddhāsampayuttacittassa uppādakkhaṇe tesaṁ saddhindriyañca uppajjati manindriyañca uppajjissati.

Yassa vā pana manindriyaṁ uppajjissati tassa saddhindriyaṁ uppajjatīti?

Sabbesaṁ cittassa bhaṅgakkhaṇe saddhāvippayuttacittassa uppādakkhaṇe nirodhasamāpannānaṁ asaññasattānaṁ tesaṁ manindriyaṁ uppajjissati, no ca tesaṁ saddhindriyaṁ uppajjati. Sahetukānaṁ upapajjantānaṁ pavatte saddhāsampayuttacittassa uppādakkhaṇe tesaṁ manindriyañca uppajjissati saddhindriyañca uppajjati. (Saddhindriyamūlakaṁ.)

Yassa paññindriyaṁ uppajjati tassa manindriyaṁ uppajjissatīti?

Pacchimacittassa uppādakkhaṇe tesaṁ paññindriyaṁ uppajjati, no ca tesaṁ manindriyaṁ uppajjissati. Itaresaṁ ñāṇasampayuttānaṁ upapajjantānaṁ pavatte ñāṇasampayuttacittassa uppādakkhaṇe tesaṁ paññindriyañca uppajjati manindriyañca uppajjissati.

Yassa vā pana manindriyaṁ uppajjissati tassa paññindriyaṁ uppajjatīti?

Sabbesaṁ cittassa bhaṅgakkhaṇe ñāṇavippayuttacittassa uppādakkhaṇe nirodhasamāpannānaṁ asaññasattānaṁ tesaṁ manindriyaṁ uppajjissati, no ca tesaṁ paññindriyaṁ uppajjati. Ñāṇasampayuttānaṁ upapajjantānaṁ pavatte ñāṇasampayuttacittassa uppādakkhaṇe tesaṁ manindriyañca uppajjissati paññindriyañca uppajjati. (Paññindriyamūlakaṁ.)