Tam tạng Pāli · Tam tạng Pāli — nguyên bản Pāli (Mahāsaṅgīti) · Kinh tạng › Khuddaka Nikāya · Vimānavatthu
6. Bhikkhādāyakavimānavatthu (VV70)
- Thông tin
- Mã SuttaCentral: VV70
Vimānavatthu
Purisavimāna
Pāyāsivagga
6. Bhikkhādāyakavimānavatthu
“Uccamidaṁ maṇithūṇaṁ vimānaṁ,
Samantato dvādasa yojanāni;
Kūṭāgārā sattasatā uḷārā,
Veḷuriyathambhā rucakatthatā subhā.
Deviddhipattosi mahānubhāvo,
Manussabhūto kimakāsi puññaṁ;
Kenāsi evaṁ jalitānubhāvo,
Vaṇṇo ca te sabbadisā pabhāsatī”ti.
So devaputto attamano,
…pe…
yassa kammassidaṁ phalaṁ.
“Ahaṁ manussesu manussabhūto,
Disvāna bhikkhuṁ tasitaṁ kilantaṁ;
Ekāhaṁ bhikkhaṁ paṭipādayissaṁ,
Samaṅgi bhattena tadā akāsiṁ.
Tena metādiso vaṇṇo,
…pe…
Vaṇṇo ca me sabbadisā pabhāsatī”ti.
Bhikkhādāyakavimānaṁ chaṭṭhaṁ.
Nguồn: Nguyên bản Pāli: ấn bản Mahāsaṅgīti (SuttaCentral). Giấy phép: Nguyên bản Pāli và bản dịch trên Bilara: CC0 1.0.