Tam tạng Pāli · Tam tạng Pāli — nguyên bản Pāli (Mahāsaṅgīti) · Kinh tạng › Khuddaka Nikāya · Vimānavatthu
1. Maṇḍūkadevaputtavimānavatthu (VV51)
- Thông tin
- Mã SuttaCentral: VV51
Vimānavatthu
Purisavimāna
Mahārathavagga
1. Maṇḍūkadevaputtavimānavatthu
“Ko me vandati pādāni,
iddhiyā yasasā jalaṁ;
Abhikkantena vaṇṇena,
sabbā obhāsayaṁ disā”ti.
“Maṇḍūkohaṁ pure āsiṁ,
udake vārigocaro;
Tava dhammaṁ suṇantassa,
avadhī vacchapālako.
Muhuttaṁ cittapasādassa,
iddhiṁ passa yasañca me;
Ānubhāvañca me passa,
vaṇṇaṁ passa jutiñca me.
Ye ca te dīghamaddhānaṁ,
dhammaṁ assosuṁ gotama;
Pattā te acalaṭṭhānaṁ,
yattha gantvā na socare”ti.
Maṇḍūkadevaputtavimānaṁ paṭhamaṁ.
Nguồn: Nguyên bản Pāli: ấn bản Mahāsaṅgīti (SuttaCentral). Giấy phép: Nguyên bản Pāli và bản dịch trên Bilara: CC0 1.0.