Tam tạng Pāli · Tam tạng Pāli — nguyên bản Pāli (Mahāsaṅgīti) · Kinh tạng › Khuddaka Nikāya · Vimānavatthu
11. Vandanavimānavatthu (VV49)
- Thông tin
- Mã SuttaCentral: VV49
Vimānavatthu
Itthivimāna
Mañjiṭṭhakavagga
11. Vandanavimānavatthu
“Abhikkantena vaṇṇena,
yā tvaṁ tiṭṭhasi devate;
Obhāsentī disā sabbā,
osadhī viya tārakā.
Kena tetādiso vaṇṇo,
…pe…
Vaṇṇo ca te sabbadisā pabhāsatī”ti.
Sā devatā attamanā,
…pe…
yassa kammassidaṁ phalaṁ.
“Ahaṁ manussesu manussabhūtā,
Disvāna samaṇe sīlavante;
Pādāni vanditvā manaṁ pasādayiṁ,
Vittā cahaṁ añjalikaṁ akāsiṁ.
Tena metādiso vaṇṇo,
…pe…
Vaṇṇo ca me sabbadisā pabhāsatī”ti.
Vandanavimānaṁ ekādasamaṁ.
Nguồn: Nguyên bản Pāli: ấn bản Mahāsaṅgīti (SuttaCentral). Giấy phép: Nguyên bản Pāli và bản dịch trên Bilara: CC0 1.0.