Tam tạng Pāli · Tam tạng Pāli — nguyên bản Pāli (Mahāsaṅgīti) · Kinh tạng › Khuddaka Nikāya · Vimānavatthu
4. Alomavimānavatthu (VV42)
- Thông tin
- Mã SuttaCentral: VV42
Vimānavatthu
Itthivimāna
Mañjiṭṭhakavagga
4. Alomavimānavatthu
“Abhikkantena vaṇṇena,
yā tvaṁ tiṭṭhasi devate;
Obhāsentī disā sabbā,
osadhī viya tārakā.
Kena tetādiso vaṇṇo,
…pe…
Vaṇṇo ca te sabbadisā pabhāsatī”ti.
Sā devatā attamanā,
…pe…
yassa kammassidaṁ phalaṁ.
“Ahañca bārāṇasiyaṁ,
buddhassādiccabandhuno;
Adāsiṁ sukkhakummāsaṁ,
pasannā sehi pāṇibhi.
Sukkhāya aloṇikāya ca,
Passa phalaṁ kummāsapiṇḍiyā;
Alomaṁ sukhitaṁ disvā,
Ko puññaṁ na karissati.
Tena metādiso vaṇṇo,
…pe…
Vaṇṇo ca me sabbadisā pabhāsatī”ti.
Alomavimānaṁ catutthaṁ.
Nguồn: Nguyên bản Pāli: ấn bản Mahāsaṅgīti (SuttaCentral). Giấy phép: Nguyên bản Pāli và bản dịch trên Bilara: CC0 1.0.